ခင်ပွန်းကြီး (၁၀)ပါး ကျေးဇူးရှင်ကြီး(၁၀)ပါး ဘုရားရှိခိုး

ဗုဒ္ဓေါ၊ ပစ္စေကဗုဒ္ဓေါစ၊ အရဟာ အဂ္ဂသာဝကာ၊ မာတာ ပီတု၊ ဂရု သတ္တ၊ ဓမ္မဒေသကာစ၊ ဒါယိကာ ဣမေဒဿ မဟာ ဂုဏော အဟံ ဝန္ဒာမိ သဗ္ဗဒါ။

၁။ ဗုဒ္ဓေါ စ – သစ္စာလေးပါး တရားသိမြင် ဘုရားရှင် လည်းကောင်း၊

၂။ ပစ္စေကဗုဒေါ္ဓ စ– ကိုယ်တိုင် သစ္စာသိပြီးပါလည်း ဟောကာမပြ သီးခြားရသော ပစ္စေကဗုဒ္ဓ လည်းကောင်း၊

၃။ အရဟာ စ– အာသဝေါကုန်ခန်း ရဟန္တာ အရှင်မြတ် လည်းကောင်း၊

၄။ အဂ္ဂသာဝကာ စ– လက်ဝဲလက်ယာ ခြံရံကာဖြင့် ပညာတန်ခိုး စိုးမိုးထက်လှ အဂ္ဂသာဝကတို့ လည်းကောင်း၊

၅။ မာတာ စ– ကိုးလလွယ်ရ ဆယ်လဖွားကာ အစာဆိမ့်အေး နို့ချိုပေး၍ မွေးသည့်မိခင် ကျေးဇူးရှင် လည်းကောင်း၊

၆။ ပီတု စ– လူလားမြောက်အောင် လုပ်ဆောင်ကျွေးမွေး ပညာပေးသည့် မွေးသဖခင် ကျေးဇူးရှင် လည်းကောင်း၊

၇။ ဂရု စ– ချမ်းသာရန်တွေး ပညာပေးသဖြင့် အလေးအမြတ် ပြုထိုက်တဲ့ ဆရာ လည်းကောင်း၊

၈။ သတ္တ စ– လိမ္မာစေကြ ကျိုးကြောင်းပြလျက် ဆုံးမပေတတ် ဆရာမြတ် လည်းကောင်း၊

၉။ ဓမ္မဒေသကာ စ– သံသရာစခန်း သွားရာလမ်း၌ ပင်ပန်းကင်းရန် ရည်သန်ညွှန်ကြား မမှောက်မှားရအောင် တရားဟောဖော်တတ်တဲ့ ဆရာမြတ် လည်းကောင်း၊

၁၀။ ဒါယိကာ စ– စားရေးနေရေး မနှောင့်နှေးရအောင် ပေးကမ်းတတ်တဲ့သူ လည်းကောင်း၊

ဣမေဒဿ မဟာဂုဏေ – ကျေးဇူးစုပုံ ဆပ်မကုန်သည့် ဂုဏ်ရည်မြင့်ကြူး ဤ(၁၀)ဦးသော သူတို့ကို၊ အဟံ – အကျွနု်ပ်သည်၊ သဗ္ဗဒါ – နေ့ညမပြတ် အခါခပ်သိမ်း၊ ဝန္ဒာမိ – ကျေးဇူးယှက်မှေး စိမ့်စိမ့်တွေးလျက် မြတ်လေးယုံကြည် သဒ္ဓါဟုန်ဖြင့် လက်စုံအုပ်မိုး ပြတ်ဝပ်လျှိုး၍ ရှိခိုးပါ၏ အရှင်ဘုရား။

ဓမ္မဒါန

ဦးငြိမ်းမောင်