သူငယ်ပြန်နေတယ်

24.08.2008 Sunday

အဲ့ဒီနေ့ကပေါ့

မိုးလင်းကတည်းက

ခန္ဓာကိုယ်ကြီးက ဘာမှမလုပ်ချင် မကိုင်ချင်ဘူး

စိတ်ထဲကတော့ လုပ်ချင်တာတွေ တခုပြီးတခု

တန်းစီပြီးပေါ်လာနေလိုက်တာ

လိုက်သိရတာတောင် အလျဉ်မမှီချင်ဘူး

ရင်ထဲကလည်း ကတုန်ကယင်နဲ့

ဒီလောက်ကြီးထိ ငါ..မဟုတ်သေးပါဘူး

ကော်ဖီသောက်မိလို့ များလား

ကော်ဖီနဲ့ လုံးလုံးမတည့်တော့ဘူးထင်တယ်

မခံစားနိုင်တော့ဘူး ရင်ထဲက လှိုက်ဖိုမောတဲ့ ဒီဒဏ်

ဟူး… စောင့်မျှော်ရတဲ့ အလုပ် တကယ်မောပါလား

ဘယ်လိုများပါလိမ့်...

ဒီကြားထဲကပဲ တစ်ကိုယ်တော် အလိုလို ရယ်ချင်နေမိသေး

11:45pm

သိပ်ကို ပင်ပန်းနေပြီကွာ

ခြေတွေ လက်တွေ မသယ်ချင်တော့ဘူး

12 midnight

လေယာဉ်ဆိုက်ပြီ

ဟော..လာပြီ..လာပြီ

..အော်..လက်တွန်းလှည်းပေါ်မှာ

ပုံ့ပ့ုံလေး ထိုင်လို့ရယ်

Taxi ပေါ်ရောက်တော့

အချစ်ဦးကိုရင်ခွင်ထဲဆွဲထည့်ထားလိုက်တယ်။

အဟား.. အခုတော့လည်း

အချစ်အတွက် တဖန်မွေးဖွားခဲ့သလိုပါလား

အီးးးးယားးးးးးးးး (မြန်မာလို cheers!!!!!!!!)

(အမေ့ကို လေဆိပ်မှာ သွားကြိုတာ)