ဝါ၀ါရေ အခုတလော မကြာခဏ ဖတ်ရတဲ့ မင်းစာတွေထဲက ဘ၀အမောလေးတွေ
အားတင်းထားသူငယ်ချင်း မင်းအဆင့်က မွန်းကြပ်မှုကို မရောက်သေးဘူး။
...............
ကိုယ်တို့ အသက်တွေ ပြန်ငယ်ကြည့်လိုက်ကြရအောင်၊ ဆိုပါစို့ ပညာသင်တဲ့အရွယ်။
စာကလွဲပြီး အခြားစိတ်ဝင်စားစရာဆိုလို့ သိပ်ထွေထွေထူးထူးမရှိခဲ့ကြပါဘူးလေနော်။ ကာတွန်းဖတ်မယ်။ ၀တ္ထုဖတ်မယ်။ ရုပ်ရှင်ကြည့်မယ်။ သီချင်းနားထောင်မယ်။
အချိန်ပိုရတဲ့အခါ မင်းကတော့ ဂစ်တာတီးမယ်။ ကိုယ်ကတော့ သိမ်သွားတဲ့ ကိုယ့်ရဲ့ ဘယ်ဖက်လက်ကို လေ့ကျင့်ခန်းပေးဖို့ ကြက်တောင်ရိုက်ရမယ်။ သတ္တိနည်းနည်းပိုရှိတဲ့လူက ရည်းစားထားမယ်။ ကိုယ်တို့ ဘာမှမမှားခဲ့ကြဘူးကွ။ အဲနေဦး နေဦး။ မင်းတို့အိမ်မှာ Carlsberg beer တစ်ဘူးကို တို့လေးယောက် ၀ိုင်းသောက်ကြတုံးကတော့ မင်းက ရေခဲနဲ့မှသောက်ချင်ပါတယ်ဆိုလို့ မင်းမေမေ စီစီရယ် ရေခဲတွေ ချိုင့်ကြီးနဲ့တစ်လုံး ထွက်ဝယ်ပေးခဲ့ရသေးတယ် မဟုတ်လား။ ဒါပေမဲ့ တို့သူငယ်ချင်းတွေထဲ တစ်ယောက်မှ အရက်သမား မဖြစ်ခဲ့ပါဘူးကွာ။ မှားခဲ့ကြမယ်ဆိုရင်တောင် ကိုယ်တို့မှာ ပြင်စရာ အားကိုးလောက်တဲ့အချိန်တွေရှိတယ်။
...............
အေး..အခုအချိန်မှာဆိုရင်တော့ အားသွားရင် မင်းမမူးဘဲ ရစ်တော့မယ်။ မင်းပတ်ဝန်းကျင်ကလူတွေ သေဖို့သာပြင်တော့။ ကြောက်စရာကောင်းလောက်အောင် မင်းကိုမင်း အပြစ်တွေတင်တော့မယ်။ နောက်ဆက်တွဲ တန်းစီလာမဲ့ အမှားတွေ အမှားတွေ။ ဘယ်မှာလဲ အမှားတွေကို ပြင်ဖို့ မင်းမှာ အချိန်...
...............
တကယ်တော့..အရာရာမှာ သေချာချင်၊ ရေရာချင်၊ ‘၁’ နဲ့ ‘၁’ ပေါင်းရင် ‘၂’ ရကိုရ ရမယ်ဆိုတဲ့ ကိုယ်တို့ရဲ့ဥာဉ် ကလေးတွေကြောင့်ပါကွာ။
ကိုယ့်အတွက်တော့လေ ဘ၀ဆိုတာ ဘယ်တော့မှ ကဗျာ မဟုတ်ဘူး။
“သူငယ်ချင်းတွေထဲမှာလူကြီး အဆန်ဆုံးလို သတ်မှတ်ထားတာ၊ တစ်ခါတစ်ခါ လိုက်မမှီအောင် ထ, ထကြောင်တာ ဘယ်လို ပြောရမှန်း မသိဘူး” ဆိုရင် အခုရော ဘာပြောဦးမလဲ မရွှေဝါ...
Thursday, February 21, 2008
ဘ၀ထဲက ကဗျာ
Wednesday, February 20, 2008
ဆုတ်စေ၊ နစ်စေ၊ မြုပ်စေ တာ
ဒီစာအုပ်ကို ကိုယ် အရှိန်အဟုန်နဲ့ ဖတ်နေတာ၊ လိုင်းတွေလည်း တားတယ်၊ စတားတွေလည်းပြတယ်။
ကိုယ်က ခရီးသွားရင်း ရထားပေါ်မှာ စာဖတ်လေ့ရှိတယ်။
အခုစာအုပ်တ၀က်လောက်ရောက်မှ စာကရှေ့မသွားတော့ဘူး။ ဖတ်သာဖတ်နေတယ်။ ခေါင်းထဲကို တစ်လုံးမှ မရောက်ဘူး၊ ကိုယ်သိတယ်။ နောက်တော့ လက်ရှော့ပြီး စိတ်ကို နှာသီးဝကို ပို့ထားလိုက်တယ်။
*****
မျက်နှာပြင်ပေါ်မှာ ရေညှိရေမှော်တွေ တက်နေတဲ့ ကန်တွေကို သင်တို့မြင်ဖူးကြပါသလား။ ကိုယ်ကတော့လေ အဲ့ဒီကန်မျိုးတွေကို သိပ်မုန်းတယ်။ သင်တို့ ကြားဖူးကြမှာပါ။ ကိုယ်တို့လေးစားရတဲ့ ဗိုလ်ချုပ်အောင်ဆန်းရဲ့ သားငယ် ‘အောင်ဆန်းလင်း’ ဟာ ကစားရင်း အိမ်နားက ရေကန်မှာ နစ်လို့သေဆုံးခဲ့ရတယ်ဆိုတာ။ ဗိုလ်ချုပ် အိမ်က ရေကန်ကို ကိုယ်မမြင်ဖူးပေမဲ့၊ ဘောလုံးနောက်ကိုလိုက်ရင်း မသိရှာတဲ့ ကလေးဟာ၊ ဒီစိမ်းပြန့်ပြန့်တွေကို နင်းလို့ရတဲ့မြေပြင်လို့ ထင်မိရှာလို့ သူ့အသက်ဆုံးရှုံးခဲ့ရတာ။ ဒေါ်ခင်ကြည်ရဲ့ ဆုံးရှုံးမှု၊ ဦးအောင်ဆန်းရဲ့ ဆုံးရှုံးမှု၊ သူ့အစ်ကိုရဲ့ ဆုံးရှုံးမှု၊ သူ့ညီမရဲ့ ဆုံးရှုံးမှု၊ နိုင်ငံတစ်နိုင်ငံရဲ့ ဆုံးရှုံးမှု...
ဒီလိုကန်မျိုးပဲနေမှာ...
ငယ်ငယ်ကတည်းက အဲ့ဒီကန်မျိုး သွားရင်းလာရင်းတွေ့ရရင်တောင် ကိုယ် မကြည့်ချင်ဘူး။ မကြည့်ရဲဘူး။
နောက်နည်းနည်းကြီးလာတော့ အဲ့ဒီကန်မျိုးတွေ့ရင် အနီးအနားမှာ “ဖြတ်သန်းမသွားရ” ဆိုတဲ့ ဆိုင်းဘုတ်မျိုးမှ တပ်ထားရဲ့လား။ ကန်ကိုရော ခြံစည်းရိုးခတ်ထားရဲ့လား။ စူးစမ်းတတ်လာတယ်။
*****
အခုတော့ ကိုယ်သိတယ်။ ဆုတ်စေ၊ နစ်စေ၊ မြုပ်စေ တာ ကန်ရေပြင်ပေါ်မှာဖုံးအုပ်နေတဲ့ ရေညှိ၊ ရေမှော်တွေနဲ့ တူတဲ့ “နိဝရဏတရား” တွေ။
*****
အပြန်ခရီးမှာတော့ မဆိုးဘူး။ စာတွေခေါင်းထဲ ၀င်သင့်သလောက်ဝင်တယ်။
သြော် ကိုယ်ဖတ်နေတဲ့စာအုပ်က Dr. Walpola Rahula အရှင်သူမြတ် ရေးသားပြုစုသော WHAT THE BUDDHA TAUGHT ကို ဦးကိုလေး (ဇေယျာမောင်) မြန်မာဘာသာပြန်ဆိုသည့် မြတ်ဗုဒ္ဓဒေသနာ
Tuesday, February 19, 2008
အမှတ်တရ
ကိုယ် ဆယ်ကျော်သက် အရွယ်လောက်တုန်းကပေါ့ ကိုယ့် အစ်မ၀မ်းကွဲ မနှင်းက
‘ဒီစာအုပ်လေး ကောင်းတယ် ဖတ်ကြည’့် ဆိုပြီးပေးလာခဲ့တယ်။
ဂျူး ရဲ့ “အမှတ်တရ” ဆိုတဲ့ စာအုပ်လေးပေါ့..
မနှင်းကပြောလိုက်သေးတယ် ‘သူများ ဒိုင်ယာယီလေး ခိုးဖတ်ရသလိုပဲ’ တဲ့။
စာအုပ်ကိုဖတ်အပြီးမှာတော့ သူ့အပြောကို ကိုယ်ထောက်ခံခဲ့ပါတယ်..
...............
သူများ ဒိုင်ယာယီဆိုတော့လည်း ကိုယ့် ဒိုင်ယာယီမှ မဟုတ်ပဲ.. အကြောင်းအရာတွေကိုတော့ ကောင်းကောင်းမမှတ်မိတော့ပါဘူး.. ကိုယ် မှတ်မိနေတာလေး တစ်ခုက..ဂျူးက စာအုပ်ထဲမှာပြောထားတယ်.. ‘ဆေးကျောင်းသားတွေမှာ (၃)မျိုး (၃)စားရှိပါတယ်တဲ့.. ပထမတစ်မျိုးက ဆေးကျောင်းသားဘ၀ကတည်းက ဆရာဝန်ရုပ်ပေါက်နေတဲ့လူ..ဒုတိယတစ်မျိုးက ဆေးကျောင်းသားဘ၀မှာ ဆရာဝန်ရုပ်မပေါက်သေးပေမဲ့.. ဆရာဝန်ဖြစ်တော့ ဆရာဝန်ရုပ်ပေါက်သွားတဲ့လူ နဲ့.. တတိယတစ်မျိုးကတော့.. ဆေးကျောင်းသားဘ၀မှာရော ဆရာဝန်ဘ၀မှာပါ ဆရာဝန်ရုပ်မပေါက်ကြတဲ့လူများပါတဲ့..မောင်ကတော့ ဒုတိယအမျိုးအစားထဲကပါ’ တဲ့။
ဆရာမဂျူးရဲ့ သရုပ်ခွဲပညာ အရေးအသားကို လေးစားမိသလို..
သြော်မိန်းမ..မိန်းမ..အငွေ့လေးဖြင့်ပင် ချစ်မိပြီဆိုရင်ဖြင့်..
ချစ်ရပါသည်။
မြတ်နိုးရပါသည်။
လေးစားရပါသည်။
တွယ်တာရပါသည်။
...............
ကိုယ် ဒိုင်ယာယီ ဘယ်တော့မှမရေးချင်တော့ပါဘူးကွာ..
ခိုးဖတ်ခံထိမှာ စိုးလှပါတယ်...
(blog တွေမှ ခိုး၍ဖတ်စရာမလိုသော ဒိုင်ယာယီများကို ဖတ်ယင်း ပွားများမိရသော မေတ္တာ၊ ကရုဏာ၊ မုဒိတာဖြင့်...)
Thursday, February 14, 2008
သိင်္ဂါလောဝါဒသုတ်တော်
“လှည်းဘီးပြင်က၊ နားစောင့်ချသို့
မိဘနှင့်သား၊ မယားနှင့်လင်၊ အရှင်နှင့်ကျွန်
ထေရ်မွန်ဒကာ၊ မိတ်သဟာနှင့်၊
ဆရာတပည့်၊ တည့်တည့်မချွတ်
ကျင့်ဝတ်စုံလင်၊ ဖြူ သန့်စင်မှု
ရှင်လည်းမကွေ၊ သေလည်းမကွာ
နတ်ရွာလူ့ပြည်၊ လှည့်လည်အတူ၊ စံစားမူ၍
နိဗ္ဗူ ရွှေပြည်၊ ၀င်အံ့သည်တည့်။”...
Thursday, February 7, 2008
မင်္ဂလသုတ် (ပါဠိ၊ မြန်မာပြန် နှင့် ဒဂုန်ဦးထွန်းမြင့်၏ မင်္ဂလာကဗျာ)
...
သုံးဆယ့်ရှစ်ဖြာ မင်္ဂလာတရားတို့၊
ပျက်ပြားနေကြ ကမ္ဘာမြေ။
ဟိုတိုင်း ဒီပြည် ရန်စစ်ခင်းလို့၊
လူနှင့်လူခြင်း သတ်ကာနေ။
ငြိမ်းချမ်းပါစေ အာသီသနဲ့၊
စွမ်းနိုင်ရာက ကူညီသလေ။
သုံးဆယ့်ရှစ်ပါး ... မင်္ဂလာတရား ... ရေးသားဖြန့်ကာဝေ။
အဖိုးတန်တဲ့ “ဗုဒ္ဓ၀ါဒ” ကမ္ဘာက သိပါစေ။
ဒဂုန်ဦးထွန်းမြင့်
http://www.scribd.com/doc/2055749/Mangala-Sutta-for-Children
Wednesday, February 6, 2008
ပန်းတွေ ပွင့်ပါစေ...
ပန်းပင်တွေမစိုက်ချင်ခြင်းသည်... ပန်းပင်တွေစိုက်ချင်ခြင်းမှ အစပျိုးခဲ့လေသည်....။
ငယ်ငယ်က စာတော်သော ကျွန်မကို အောင်စာရင်းထွက်ပြီးပြီဆိုရင်ဖြင့် ဥစ္စာဓန မကြွယ်ဝလေသော အဖွားသည် အိုးနှင့်အသင့်ထည့်ပြီးပန်းပင်လေးတွေကို ဆုအဖြစ် နယ်မှပို့ပေးတတ်လေ၏။
ကျွန်မ ပထမဆုံးရသော ပန်းအိုးမှာ အဖြူရောင်နှင့် ၀တ်ဆံမှာ အ၀ါရောင် ပန်းပွင့်လေးတွေပွင့်သော သစ်ခွပန်းပင် တစ်ပင်ဖြစ်ပါသည်။
ကျွန်မ၏ ပထမဦးဆုံးသော ကိုယ်ပိုင်အပင်လေးကို ကျွန်မ ချစ်ပါသည်...။
နောက်ပြီး ဒါက.. ကျိုးစားမှုရဲ့ ရလဒ်ဖြစ်သလို..အလိုလို တော်နေခြင်းရဲ့ အမှတ်အသားတစ်ခုလည်း ဖြစ်သည်။
ထိုအပင်လေးကို မည်သူမှ မထိရ... မကိုင်ရ။ ကြည့်ချင်လျှင်တောင် ခပ်လှမ်းလှမ်းမှ ကြည့်ရမည်။
ရေလောင်းပါသည်....တနေ့ကို ၂ကြိမ်..၃ကြိမ်လောင်းသည်။ တခါတရံ မရေမတွက်နိုင်အောင်လည်း လောင်းသည်။
အစပိုင်းတော့ အိုးထဲမှာပါလာသည့် မီးသွေးခဲတွေကို ဟိုချဲဒီချဲလုပ်သည်။ နောက်တော့ အိမ်က မီးသွေးတွေထပ်ထည့်သည်။
အပင်လေး နေရောင်ခြည်ရအောင်လည်း ခေါင်းရင်းရွှေ့၊ ခြေရင်းရွှေ့၊ ဟိုရွှေ့၊ ဒီရွှေ့လုပ်ပါသည်။
သို့ပါသော်လည်း... အဖွားပို့ပေးလိုက်စဉ်က တစ်ပါတည်းပါလာသည့် ပန်းပွင့်လေးတွေကို တစိမ့်စိမ့်ကြည့်ရင်း ကျွန်မလက်ထက်မှာ ပန်းတွေ ထပ်ပွင့်လား၊ မပွင့်ဘူးလားဆိုတာကို မမှတ်မိနိုင်စဉ်မှာပင် ပန်းပင်လေး သေသွားခဲ့ပါသည်။
‘သြော်.. သူ့အပွင့်လေးတွေနုသလို၊...တော်တော်နုတဲ့အပင်အမျိုးအစားပါလား..။’ လို့သာ ကျွန်မမှတ်ချက်ချခဲ့ပါသည်။
*****
နောက်တစ်နှစ် ရောက်လာသော အပင်မှာ “စပိုင်ဒါ” ဟုခေါ်သော သစ်ခွပန်းပင် တစ်ပင် ဖြစ်ပါသည်။
‘မနှစ်က အပင်က နာမည်တောင် ဘယ်လိုခေါ်မှန်း မသိတော့ သူ့ကို ဘယ်လိုဂရုစိုက်ရမလဲဆိုတာ ငါဘယ်လိုလုပ်သိပါ့မလဲ’... ( ဆိုင်လားမဆိုင်လားတော့ မသိ။ ကျွန်မ အမှန်ပင် ထိုကဲ့သို့ တွေးခဲ့ပါသည်။)
‘အခုအပင်ကတော့ နာမည်လည်းငါ သိတယ်... အရိုးတွေကလည်း ပိုတောင့်တယ်...သူ့ အပွင့်လေးတွေ ကိုယ်တိုင်ကိုက အ၀ါရောင်ပေါ်မှာ အစင်းတွေ အပျောက်တွေနဲ့...။ သူ့ကိုကြည့်ရတာ ကျားတွေလိုပဲ ငါ့မှာ အားတွေရှိတယ်လို့ ပြောနေသလိုပဲ...။ ငါအကိုင်အတွယ် မတတ်တောင်..သူ့ဟာနဲ့သူ အဆင်ပြေနေမဲ့ပုံ...။’
‘နောက်ပြီး အဖွားက မှာလိုက်သေးတယ်လေ...။ သမီး ဒီအပင်မျိုးတွေက သိပ်ပွားတယ်တဲ့။ အင်း... ငါတော့ သူတိ်ု့မှီတက်ဖို့ တိုင်တွေအများကြီး ရှာထားရဦးမယ်...။’
ထင်ခဲ့သည်...။ ထင်ခဲ့ပါသည်လေ...။
သို့သော် ကာလတခုကျော်လွန်ပြီးချိန်တွင် တစ်တိုင်ထဲသော ထိုတိုင်လေးမှာ သူကိုခြောက်ကပ်စွာတွယ်ကပ်နေသည့် ပင်စည်ရိုးတွေကို..ရင်နာစွာဖယ်ရှားရင်း...နှုတ်ပယ်ခဲ့ရပါလေသည်။
*****
ကျွန်မ အပင်က ပန်းတွေ မပွင့်ကြောင်းသိသွား၍ ပေလားမသိ...။
ဖွားဖွားဆီမှ နောက်တစ်နှစ်ရောက်လာသော ပန်းပင်မှာ ဇော်မွှားဟုခေါ်သော ရွက်လှပန်းအိုးဖြစ်လာ၏။
ပထမတော့ ပန်းအိုးလေးကို ကြည့်ရင်း ကျွန်မ ၀မ်းနည်းသလို ဖြစ်မိသေးသည်။ ဤအပင်မှ ပန်းမပွင့်ကြောင်း ကျွန်မသိသည်။ ဤအပင် ပွားမပွားကိုတော့ ကျွန်မသေချာမသိပါ။
ပန်းအိုးဝိုင်းဝိုင်းလေးမှ ကြက်လည်ဆံမွှေးလို ပတ်ပတ်လည် ဖြာကျနေသည့် ရွက်လှလေးတွေကို ကြည့်ရင်း.. ‘ငါအဖွားဆီက ဆုတွေ ရနေသေးသားပဲ...။ ဒီအပင်ကမှ..သဘာဝနဲ့ ပိုနီးစပ်သေး...’ လို့ ကျွန်မကိုကျွန်မ အားပေးခဲ့ပါသည်။
မကြာပါ.. သိပ်ကိုမကြာလိုက်ပါ...အထဲမှာ မြေကြီးသာကျန်တော့သော ပန်းအိုးဝိုင်းဝိုင်းလေးကို ကြည့်ပြီး..ကျွန်မ အမေ့ကို ကြေညာလိုက်တာက..
‘အမေ... ဒီတခါဖွားဖွားဆီက.. ပန်းပင်တွေရောက်လာခဲ့ရင်.. သမီးမကိုင်ချင်တော့ဘူး...။ အမေပဲ ရေလောင်းတော့...။ အမေပဲ ဂရုစိုက်လိုက်ပါတော့....။’ ဟူ၍သာ...။
နောက်တော့ ကျွန်မ လက်နှစ်ဖက်ကို ဖြန့်မကြည့်မိအောင် သတိထားရင်း...။
‘ငါ့လက်တွေ... ငါ့လက်တွေ...’ ဟု... စိတ်ထဲက.. မကြာခဏ အကြိမ်ကြိမ် ပြောနေမိပါသည်။
*****
ဒီနှစ်တော့ ကျွန်မ ဆယ်တန်းအောင်သောနှစ် ဖြစ်ပါသည်။
ဖွားဖွားဆီက ရလိုက်သောဆုမှာ အဖြူရောင်အစ ပေါ်တွင် အခက် အရွက်နှင့် ရောင်စုံပန်းပွင့်လေးတွေ ထိုးထားသော အဖုံးနှင့် စွတ်ထားသည့်၊ အနီရောင်ပေါ်တွင် စွင့်စွင့်ကားကား ပွင့်နေကြသည့် ရောင်စုံပန်းပွင့်ကြီးတွေ ရိုက်ထားသောပိတ်စ ထူထူနှင့်ချုပ်ထားသည့်၊ ခေါင်းအုံးသေးသေးလေး တစ်လုံး ဖြစ်ပါသည်။ ထိုခေါင်းအုံးလေးကို ကျွန်မ အုံးလည်းမအုံးပါ...။ ပွေ့လည်း မပွေ့..ဖက်လည်းမဖက်ပါ...။
ကျွန်မအိပ်ယာ ခေါင်းရင်းထောင့်မှာသာ အသာလေးချထားခဲ့ပါသည်။
*****
ကျွန်မ စက်မှုတက္ကသိုလ်ကို စက်ရုပ်တစ်ရုပ်လိုတက်ခဲ့သော ကာလများတွင် ဆုဆိုသောအရာသည် ကျွန်မနှင့် မထိုက်တန်သော အရာဖြစ်၍ ပန်းပင်တွေ ဘယ်လိုစိုက်ရမယ်ဆိုတာလည်း အတွေးထဲတောင် ရောက်မလာခဲ့တာ အလွန်သေချာပါသည်။
ထိုခေါင်းအုံးကလေးသည် ဖွားဖွားဆီက ဆုအဖြစ် ကျွန်မနောက်ဆုံးရလိုက်သော လက်ဆောင်ပင် ဖြစ်ပါသည်။
*****
ကျွန်မ မွေးရပ်မြေမှ ခွဲခွါ၍ နိုင်ငံရပ်ခြားတွင် သွားရောက် အလုပ်ကိုင်မည်ဆိုသောအခါ မသွားမီတနေ့ ဖွားဖွားရောက်လာပြီး ကျွန်မတို့ မောင်နှမ (၇)ယောက် (အားလုံးဘွဲ့ဝတ်စုံနှင့်)၊ အဖေ၊ အမေ နှင့် ဖွားဖွား မိသားစု ဓါတ်ပုံရိုက်ကြပါသည်။ (ဓါတ်ပုံထဲတွင် ဖွားဖွားသည် အင်္ကျီအဖြူရောင်၊ လုံချည်မှာ အနက်ခံပေါ်တွင် အ၀ါရောင် ပန်းပွင့်လေးများ ပြန့်ကျဲနေသော အဆင်နှင့်၊ အ၀ါရောင် ပုဝါပါးလေးကို ပုခုံးမှာ အသာချထားပါသည်။)
နိုင်ငံခြားသွားမည့် ကျွန်မကို ဖွားဖွားက လက်ဆောင် အသစ်ထပ်မပေးခဲ့ပါ။
နောက်ဆုံးရထားသော လက်ဆောင်ခေါင်းအုံးလေးကိုသာ ကျွန်မနှင့် တစ်ပါတည်း ယူလာခဲ့ပါသည်။
*****
ဖွားဖွားမရှိတော့ပါ...။
ဖွားဖွားဆုံးပါးသွားချိန်ထိ.. ဖွားဖွားစိုက်စေချင်သော .. သစ်ပင်တွေ ကျွန်မ မစိုက်နိုင်ခဲ့ပါ။ ပန်းတွေ မပွင့်စေနိုင်ခဲ့ပါ။ မျိုးတွေ မပွားစေနိုင်ခဲ့ပါ။
အခုတော့ ကွန်ပြူတာရှေ့တွင် နေကုန် နေခန်းထိုင်၍ အလုပ်လုပ်နေရသော ကျွန်မနှင့် ဖွားဖွား၏နောက်ဆုံးလက်ဆောင် “မှီအုံး”ကလေးသည် မကွဲမကွာ အမြဲသာ အတူရှိနေရပါသည်ဟု ဆိုလျှင် .. ဖွားဖွားပြုံး၍ ကျေနပ်နေပါလိမ့်မည်ဟု...
(စီးကရက်သောက်တတ်သော၊ သတင်းစာဖတ်သော၊ အိမ်ကိုဧည့်သာလာလျှင် ‘ထိုင်ပါ’ ဟု မပြောမီ နံရံ၌ချိပ်ထားသော မိသားစု ဓါတ်ပုံကို ပြ၍ ‘မြေးတွေလေ’ ဟု အယင်ပြောတတ်သော၊ ကျွန်မမှတ်မိသလောက် အဖြူရောင် အင်္ကျီကိုသာ အမြဲဝတ်တတ်သော၊ ငယ်ငယ်ရွယ်ရွယ်နှင့် မုဆိုးမ ဖြစ်ခဲ့သော...ဖွားဖွားအား ရင်ထဲ၌ သိမ်းထားလျက်)*****
ကျွန်မက အခုတော့ ကိုယ့်အိုးကိုယ့်အိမ်နဲ့လေ...
အိမ်ဆိုမှတော့ အိမ်ရှေ့ သို့မဟုတ် အိမ်နောက်၊ အိမ့်ပတ်ဝန်းကျင်မှာ သီးပင်၊ စားပင် နဲ့ အနည်းဆုံးတော့ ပန်းပင်လေးတွေရှိမှ အိမ်ရယ်လို့ မည်တော့မပေါ့...
ပန်းပင်... အို.. မစိုက်ချင်ပါဘူး...
ကျွန်မက ရောဂါသည်..
ပျော်ရွှင်ချမ်းမြေ့နေတဲ့ လူတစ်ယောက်ဟာ ပန်းပင်လေးတွေနားမှာ သီချင်းဆိုရုံနဲ့ ပန်းပွင့်လေးတွေ ပွင့်လာစေနိုင်တယ်တဲ့...။
Friday, February 1, 2008
ပန်း တဲ့လားကွယ်..
“ပန်းတွေထဲမှာ ဘယ်ပန်းအကြိုက်ဆုံးလဲ”လို့ မေးလာခဲ့ရင်“ဘယ်ပန်းမှ မကြိုက်ဘူး”လို့ တုံးတိတိဖြေမဲ့ မိန်းမတစ်ယောက်ကို “ဘယ်လိုကြီးလဲ”လို့ သင် ပြန်ကြည့်မိလေမလား...။
တစ်ခုခုကို ဖြေကိုဖြေရမယ် အထင်ကြောင့် “သပြေပန်း အကြိုက်ဆုံး”လို့ ပြောလိုက်တဲ့ ကျွန်မကို “သပြေက ပန်းမှ မဟုတ်တာ”လို့ သင် ရယ်ချင်သွားဦးမလား...။
ခြူနာပါနာ လိုက်လွန်းတဲ့ သောကြာသမီး ကျွန်မကို ကျန်းမာရေးကောင်းအောင်၊ အန္တရာယ်ကင်း ဘေးကင်းအောင်၊ စာတော်အောင် အမေက သပြေပန်း (၉)ခက် သောကြာနေ့တိုင်း ဘုရားမှာလှူပေးနေကြပဲ။ အဲ့ဒီတော့ သပြေပန်း ကျွန်မကြိုက်တယ်လေ...။
ဟိုး...ငယ်ငယ်တုန်းကတော့ နွေရာသီကျောင်းပိတ်ရက် အဘိုးအဘွားတို့ရွာမှာ နေရရင် နံနက်စောစော အိမ်ရှေ့ဇလပ်ပင်က ကြွေကျတဲ့ ပန်းလေးတွေကောက်.. ရေဆေး.. ကော်ဖီပန်းကန်ပြားတစ်ချပ် အပြည့် ဘုရားလှူရတုန်းကလည်း ပွင့်ချပ်လေးတွေက အတွန့်အတွန့်လေးတွေနဲ့ အထပ်ထပ် ဖွေးဖွေးဖြူတဲ့ အဲ့ဒီ ပန်းလေးတွေက အခြားဇလပ်နဲ့ မတူဘူးဆိုပြီး ကျွန်မ ကြိုက်ခဲ့သေးသားပဲ...။
အလယ်တန်းကျောင်းရောက်တော့ ကျောင်းအ၀င်လမ်း တစ်ဖက်တစ်ချက်မှာ ပွင့်နေကြတဲ့ ရိုးတံရှည်ရှည်နဲ့ သေးသေးဝါ၀ါ စိန်ချယ်ပန်းလေးတွေကလည်း ကျောင်းထဲဝင်လာတဲ့ ငါ့ကို ကြိုနေကြသလိုပဲလို့ ခံစားရတာ ဒီနေ့အထိပဲ...။
ဆယ်ကျော်သက်ရွယ်ရောက်တော့ တစ်နေ့တစ်ပွင့်ပေးခံခဲ့ရတဲ့ ဒေလီယာပန်းလေးတွေကို မမွှေးပေမဲ့ လှတော့လှသား..လို့ ထင်ခဲ့တယ်...။
ဆောင်းရာသီဆို မောင်နှမတစ်တွေနဲ့ သူငယ်ချင်းတွေစု မနက်စောစောထ ရွှေတိဂုံဘုရားကိုလမ်းလျှောက်၊ အပြန်မှာ ခရေပင်လမ်း တစ်လျှောက် လုကောက်ခဲ့ရတဲ့ပန်းတွေ ဘယ်သူပိုရလဲလို့ ရေကြည့်ခဲ့ကြသေးတယ်နော်...။
တက္ကသိုလ်ရောက်တော့ မျက်နှာရူးရူးနဲ့ ပြောင်ပြောင်တင်းတင်းပိုးတတ်တဲ့ လူတစ်ယောက်ကို တော်တော်ချဉ်ပေမဲ့ တစ်နေ့ ခုံထဲမှာ အပြည့်လာထည့်ထားတဲ့ ကံ့ကော်ပန်းလေးတွေကိုတော့ သနားစရာပါလားလို့ ထင်ခဲ့သေးတယ်...။
ဘွဲ့ယူမဲ့နေ့တုန်းက စီးပွားရေးကို အာရုံစိုက်လွန်းပြီး အိမ်ကပ်လေ့မရှိတဲ့ အဖေက ဈေးထဲ ကိုယ်တိုင်သွားပြီး ၀ယ်ပေးခဲ့တဲ့ သစ်ခွပန်းတွေကလည်း တော်တော်လှခဲ့တာပဲ ...။(ပန်းဝယ်ပြီးမှ ပြန်လာတဲ့ အဖေက သမီးရယ် ပန်းပန်ချင်တာများ အိမ်ရှေ့ကအော်ရောင်းတဲ့ စပယ်တွေ၊ ရွှေတွေ၊ ငွေတွေ၊ ဇွန်ပန်းတွေ ဆိုတာကို ခေါ်ဝယ်ပြီး ပန်လည်းရသားပဲလို့ ပြောပြီး မျက်စောင်းထိုးခဲ့ရတာကိုလည်း မှတ်မိနေသေးတယ်။)
ကျွန်မ ရင်းနှီးတဲ့ပန်းက သိပ်တော့များများစားစား မရှိပါဘူးလေ...။
ကျွန်မ မွေးနေ့ကိုတောင် မှတ်မိလေ့မရှိတဲ့ ချစ်သူကို Valentine’s Day မှာ နှင်းဆီပန်းတစ်ပွင့် နှစ် နှစ်ဆက်တိုက်ပေးခဲ့ဖူးတယ်... (၃) နှစ်မြောက်မှာတော့ ကျွန်မ ပေးဖို့ရှက်သွားခဲ့ပြီ...။
စပယ်ပန်းနံ့လေးတွေရရင် စိတ်ချမ်းသာတယ် ဆိုတဲ့ ခင်ပွန်းသည် အတွက် ဘုရားမှာ မကြာခဏ တင်လှူရတဲ့ စပယ်ဖြူတွေ...
ပြီးတော့..
ကျွန်မကိုယ်တိုင်လှူချင်တဲ့ ကြာ (၃) ခိုင်...။
ကျွန်မ၏ အချစ်များကို ပန်းအမျိုးမျိုးဖြင့် တင်စားသည်။ (သား (၂)ယောက်အတွက် ပန်း မပါသေးပါ။)
Thursday, January 31, 2008
အောင်သပြေ
ကျောင်းကားနဲ့ ပြန်လာမဲ့သားကို အိမ်ရှေ့က စီးကြိုဖို့ပေါ့။
ဟော...ဒီနေ့လည်း မေ့လာပြန်ပြီ ကတ်ကျေးယူဆင်းခဲ့ဖို့ကို
အိမ်ရှေ့မှာ မြူနီစပယ်က စိုက်ထားတဲ့ သပြေပင်တန်း စည်းရိုး
ခါတိုင်းတော့ သူတို့ တိတိရိရိ ညီညီညာညာရှိအောင် အချိန်မှန် ကိုက်ဖြတ်နေကြပဲ..
အခုတော့ သူတို့မပြုပြင်တာ နည်းနည်းကြာသွားလို့ ဖြစ်မယ်..
အညွန့်လေးတွေ ဟိုတစ်စ ဒီတစ်စ ထောင်ထွက်နေကြတာ
ကိုယ် မျက်စိကျနေတာ အဲ့ဒိ အညွန့်လေးတွေ...
တစ်ပတ်လောက်တောင်ရှိပြီ
ပန်းနုရောင်၊ ပန်းရင့်ရောင်၊ အညိုနု၊ အညိုရင့်၊ အစိမ်းနု၊ အစိမ်းရင့်၊ ၀ါဖျော့ဖျော့လေးတွေ..
ဟိုအညွန့်လေးကတော့ ပန်းအိုးအတို၊ ဟိုဟာလေးကတော့ ပန်းအိုအရှည်..
မြူနီစပယ်က စိုက်ထားတာတွေ မခူးရ၊ မချိုးရဘူးဆို..
ဟိုတစ်ခါ ဘဘနဲ့ အန်တီသန်း လာလည်တုန်းကတောင် အပြန်မှာ အိမ်ကဘုရားတင်ဖို့ဆိုပြီး ချိုးသွားသေးတယ်..
ငါလည်း ငါ့အိမ်က ငါ့ဘုရားကို ...နေဦး..နေဦး..
ကဲကဲ ..
ကမ္ဘာပေါ်က မြေပြင်အနှံ သူ့နေရာနဲ့သူ လှပစွာ ဖူးပွင့်ဝေဆာနေတဲ့ ပန်း အားလုံးနဲ့ မြတ်စွာဘုရားအား
ဤနေရာမှ ယခုပင် ပူဇော်လိုက်ပါ၏။
Wednesday, January 30, 2008
အဘိုး၏ နှလုံးသားကို ဦးညွှတ်လျက်
အသက်တွေလည်း ကြီးလာပြီ
လိုတာမရ အိုနာပြ
တနေ့သေရမည်။
ခန္ဓာကိုယ်မှာ တရားရှာ
ဘဂ၀ါမိန့်ခဲ့သည်။
အချိန်မလပ် တရားမှတ်
မသေလည်းမြတ် သေလည်းမြတ်။
အပြုံးပိုင်ရှင် အဘရာတင်
အလှူဒါန ပထမကွ
စိတ်ဝမ်းဖြူစင် လှူခဲ့စဉ်က
သဒ္ဓါအစွမ်း နိဗ္ဗန်နန်းက
သူ့အတွက်နေရာ စိုက်ခဲ့လေပြီ။
အဘဌာနေ သိလေပြီမို့
ထွက်ခွါအသွား အဘအားကို
လိုက်၍မတားသာ ကျန်ရစ်သူကို
ပြုံး၍ကြည့်မည် ထင်လောက်ပေသည်
ရောက်ရာဘုံဘ၀ အေးစေသား။
(ဥယာဉ်လမ်းဂိတ်လူငယ်များအဖွဲ့ကောင်းမှု့)
အဖိုး- ဦးရာတင် အသက် (၈၉)နှစ် ၁၅-ရ-၁၉၉၆ ရက် ည ၁၀း၀၀နာရီ တွင် ကွယ်လွန်သည်။
Sunday, January 27, 2008
သစ္စာစောင့်သည် ဆိုရာဝယ်
သစ္စာတရားသည် လူတို့ကမှန်ကန်သည်ဟု သတ်မှတ်ထား၍သာ မှန်ကန်နေသော သမုတိသစ္စာနှင့် လူတို့၏ သတ်မှတ်ချက်နှင့် မသက်ဆိုင်ဘဲ အကြွင်းမဲ့ မှန်ကန်နေသော ပရမထ္ထသစ္စာဟူ၍ နယ်ပယ်နှစ်မျိုးရှိ၏။ အမည်ဝေါဟာရများ၊ ဘာသာစကား၊ ဓလေ့ထုံးစံ ဥပဒေသများ၊ အယူအဆ သီအိုရီများမှာ ကာလဒေသ အလိုက် ပြောင်းလဲ မှန်ကန်နေကာ သမုတိသစ္စာနယ်၌ အကျုံးဝင်၏။ ပရမထ္ထသစ္စာမှာမူ ကာလ၊ ဒေသ၊ ပယောဂ အခြေအနေများကို လွန်မြောက်၍ မဖောက်မပြန် မှန်ကန်လေသည်။
စင်စစ် ယနေ့ကမ္ဘာမှ ဒဿနအယူဝါဒများ သီအိုရီများမှာ လူနှင့် လူ့ပတ်ဝန်းကျင်တွင် ဖြစ်ပျက်နေသော ရုပ်နာမ် သဘာဝတို့ကို မိမိတို့စိတ်ဝင်စားသော ရှု့ထောင့်အမျိုးမျိုးမှ လေ့လာပြီး မိမိတို့ အသီးသီး၏ စိတ်တွင် ထင်မြင်လာသော ထင်ဟတ်ချက်များကို စုစည်း ဖော်ပြမှုများသာ ဖြစ်သည်။ ပကတိ အရှိတရားကို ဖော်ပြရန် မည်သို့ပင် ကြိုးပမ်းစေကာမူ အပြည့်စုံဆုံး အယူဝါဒ သီအိုရီတစ်ရပ် ထွက်ပေါ်လာရန် အလွန်ခက်လှသည်။ အကြောင်းမှာ သာမန်လူသား (ပုထုဇဉ်) တို့သည် မိမိတို့စိတ်တွင် ကြိုတင်နေရာယူထားသော ဆန္ဒစွဲ၊ ဒေါသစွဲတို့ကို အကြွင်းမဲ့ ပယ်သတ်နိုင်မှု မရှိသေး၍ပင် ဖြစ်သည်။ မူလကပင် စိတ်တွင်းယုံကြည်မှု၊ မျှော်လင့်မှုတို့ဖြင့် ဖုံးအုပ်ထားသဖြင့် အစစ်မှန်တရားကို ရှာဖွေသော လူသားတို့၏ ဥာဏ်မျက်စိသည် ပရမထ္ထသစ္စာကို ယထာဘူတ ကျကျ ထိုးဖောက်မြင်နိူင်ရန် ဟူသော အလုပ်မှာ အခက်ခဲဆုံး အလုပ်တစ်ခု ဖြစ်၏။
သိပ္ပံအယူအဆများသည် အလွန်တိကျ ဓမ္မဓိဋ္ဌာန်ကျလှသည် ဟူသော ဂုဏ်ပုဒ်ဖြင့် အခြားအယူအဆများကို ဖုံးလွှမ်းနိုင်ခဲ့သော်လည်း ဖြတ်သန်းလာခဲ့သော သမိုင်းစဉ်နှင့် ယှဉ်လိုက်လျှင် သိပ္ပံအယူအဆတို့၏ သက်တမ်းမှာ တိုလွန်းနေမည်သာ ဖြစ်သည်။ “အက်တမ်တို့သည် နောက်ထပ် ခွဲစိတ် မရတော့သည့် အငယ်ဆုံး အမှုန်ဖြစ်သည်။” ဟုကျေညာခဲ့သော အင်္ဂလိပ် သိပ္ပံဆရာ Dalton ၏ ၁၈၈၀-ပြည့်နှစ်ခန့်က အယူအဆများသည် ၁၈၉၇-ခုနှစ်တွင် J. J Thomson ၏ အီလက်ထရွန် (Electron) ခေါ် ဓါတ်မမှုန်များအား ရှာဖွေတွေ့ရှိမှုကြောင့် ပျက်ပြားခဲ့ရ၏။ Thomson က အက်တမ်ကို ပေါက်ပေါက်ဆုပ်လုံး တစ်လုံးကဲ့သို့ အညီအညာ ပျံ့နှံ့နေသော ဓါတ်ဖိုလုံးအတွင်း ဓါတ်မ အီလက်ထရွန်မှုန်များ ပြန့်ကြဲနေဟန် ပုံဖော်စဉ်းစားခဲ့သည်။ ၁၉၀၉-ခုနှစ် Ruther Ford လက်ထက် ရောက်သောအခါ အက်တမ်ပုံစံသည် နေကိုဂြိုလ်တို့ ပတ်နေသကဲ့သို့ ဓါတ်ဖိုအဆံ (nucleus) အား အီလက်ထရွန်တို့ ပတ်နေသည့်ပုံစံ ဖြစ်လာပြန်သည်။ ၁၉၂၆-ခုနှစ် လှိုင်းမက္ကင်းနစ် (Wave Mechanics) ပေါ်ပေါက် လာချိန်၌မူ တစ်ချိန်က ကျစ်ကျစ်လစ်လစ် လုံးလုံးဝိုင်းဝိုင်းရှိသော အီလက်ထရွန်တို့၏ ပုံစံမှာ မရေရာ မပြတ်သားသော ဘ၀ရောက်ကာ အက်တမ်သည် ‘လှိုင်းထနေသော စွမ်းအင် အစုအဝေး စနစ်တစ်ရပ်’ ဖြစ်ရပြန်ချေပြီ။
ဤသို့ဖြင့် သိပ္ပံအယူအဆတို့သည် တည်ငြိမ်မနေဘဲ အစဉ်လှုပ်ရှားပြောင်းလဲနေသည်။ Newton ၏ စကြာဝဠာလုံးဆိုင်ရာ ရွေ့လျားမှုနိယာမများသည် ယနေ့တိုင် ရူပဗေဒနှင့် စက်မှုသိပ္ပံလောကတွင် ပစ်ပယ်မရလောက်အောင် တွင်ကျယ် အသုံးဝင်လှသော်လည်း Einstein ၏ နှိုင်းရသီအိုရီ (Theory of Relativity) အောက်တွင် ကျဉ်းမြောင်းလှသည့် အခြေအနေ တစ်ရပ်အတွက်သာ မှန်ကန်သော နိယာမတစ်ခုအဖြစ် လမ်းဖယ်ပေးခဲ့ရ၏။
သိပ္ပံစနစ်ပုံစံများမှာ သိပ္ပံပညာရှင်ဆိုသူတို့၏ အတွေးစိတ်ကူးတို့မှ ရလဒ်များဖြစ်ပြီး လူတို့မမြင်နိုင်သော အရာတို့ကို ပုံဖော်ယူရန် အတွက်သာ ဖြစ်လေသည်။ သဘာဝ၌စင်စစ်ကား တည်ရှိနေမည် မဟုတ်ပေ။ ထိုပုံစံများ စနစ်များကို တီထွင်ဖန်တီးရခြင်း၏ ရည်ရွယ်ချက်မှာ ပိုမို ကောင်းမွန်သော ဖော်ပြချက်တစ်ရပ် အတွက် အထောက်အပံ့ ရစေရန် အတွက်သာ ဖြစ်သည်။ ထို့ကြောင့် ယနေ့ သိပ္ပံပညာ၏ ခံယူချက်သည် “မိမိတို့၏ အယူဆပုံစံများကို အပြည့်စုံဆုံးဟု မခံယူတော့ဘဲ၊ အစစ်မှန်တရားနှင့် ကိုက်ညီမှု ကင်းကွာလာသော တစ်နေ့တွင် ပြုပြင်ယူရန်၊ ပိုမိုကောင်းမွန်သော အယူဆသစ်တစ်ရပ်ဖြင့် အစားထိုးရန်ဟုပင် ဖြစ်လေသည်။
ထို့ကြောင့်ပင် ဤသမုတိသစ္စာ နယ်ပယ်တွင် စိတ်ဖွဲ့စည်းမှုနှင့် လူ့အာရုံဖြင့် ပုံဖော်ထားသော ပညတ်သင်္ကေတ အဆောက်အဦများသာ တွေ့ရပြီး ‘ပြီးပြည့်စုံမှု အရှိဆုံး တစ်ခုသော အမှန်တရား’ ဟူ၍ မရှိနိုင်၊ သူ့နေရာနှင့်သူ၊ သူ့ရှုထောင့် သတ်မှတ်ချက် အလိုက် မှန်ကန်နေရသည် ဆိုသောအချက်မှာ မငြင်းသာပါ။
ဤသို့ စိတ်ကူး ထင်ဟတ်ချက်မျှ ဖြစ်သော အယူဝါဒများကို လူတို့သည် (၁) ယုံကြည်ခြင်း (သဒ္ဓါ)၊ (၂) နှစ်သက်ခြင်း (ရုစိ)၊ (၃)တစ်ဆင့်ကြားခြင်း (အနုဿဝ)၊ (၄) အခြင်းအရာကို ကြံစည်ခြင်း (အာကာရ ပရိဝိတက္က)၊ (၅) အယူကို စူးစိုက်ကျေနပ်ခြင်း (ဒိဋ္ဌနိဇ္ဈာနက္ခန္တိ) ဟူသောအကြောင်း (၅)မျိုးဖြင့် စွဲယူလေ့ရှိကြပါသည်။ ဤအကြောင်းများဖြင့် ယူအပ်သော အယူဝါဒများသည် မှန်သည်လည်း ဖြစ်နိုင်သကဲ့သို့ မှားယွင်းသည်လည်း ဖြစ်နိုင်သော အကျိုးနှစ်ပါး ရှိကြောင်းကို ဗုဒ္ဓမြတ်စွာလည်း မကြာခဏ မိန့်မှာတော်မူခဲ့ဖူး၏။
ထိုသို့ မရေရာလှသော အယူဝါဒမျိုးအပေါ်တွင် “ဤအယူသာ မှန်၍ အခြား အယူဝါဒသည် မှား၏” ဟူသော ပုဂ္ဂိုလ်စွဲ၊ ဂိုဏ်းဂဏစွဲ၊ ၀ါဒစွဲ မကင်းသော တရားသေ၀ါဒ (dogmatism) မျိုး မတပ်မိစေရန် အရေးကြီးလှ၏။ အကယ်၍ မှားယွင်းသော အယူဝါဒတစ်ရပ်ပေါ်၌ တစ်ဖက်သတ်စွဲယူကာ “ဤ၀ါဒကို သစ္စာမဖောက်၊ ဤ၀ါဒကို သစ္စာစောင့်အံ့” ဟူသော ခံယူချက်မျိုး ထားမိက ‘သစ္စာစောင့်’ သော ခံယူချက်မမည်ပါ။ အကြောင်းမှာ ‘သစ္စာ’ သည် ‘အမှန်တရား’ ဖြစ်နေသည့် အတွက်ပင် ဖြစ်၏။
ယုံကြည်ခြင်း၊ မျှော်လင့်ခြင်း တို့ဖြင့် တည်ဆောက်ထားသော လူသားတို့အတွက် မိမိနှစ်သက်သော အယူဝါဒတစ်ရပ်ကို ယုံကြည်ခြင်းသည် အဆန်းမဟုတ်ပါ။ ထိုအခွင့်အရေးသည် လူသားတစ်ဦးစီ၏ အခွင့်အရေးပင် ဖြစ်သည်။ “မိမိတို့၏ နှစ်သက် ယုံကြည်မှုကိုသာ အမှန်” ဟု လှေနံဓါးထစ် ဆုံးဖြတ်လိုက်လျှင်မူ ထိုအခွင့်အရေးကို မှားယွင်းစွာ အလွန်အကျွံ အသုံးပြုလိုက်ပြီဟု ဆိုရတော့မည်။ မှားယွင်းသော အယူအဆ ဖြစ်နေပါက သစ္စာတရားကို မျက်ကွယ် ပြုမိနေသော အန္တရာယ် ရှိနေမည်သာ ဖြစ်သည်။
“အဘယ်မျှသော အတိုင်းအရှည်ဖြင့် သစ္စာစောင့်ခြင်း (သစ္စာနုရက္ခဏာ) မည်ပါသနည်း” ဟူသော အမေးကို ဘာရဒွါဇ ပုဏ္ဏားသည် ဘုရားရှင်ထံ လျှောက်ခဲ့ဖူး၏။ ဗုဒ္ဓသည် ဒဿနသမိုင်းတွင် တုန်လှုပ် စေမည့် မိန့်ခွန်းဖြင့် ဖြေတော်မူခဲ့၏။ “အကြင်ယောက်ျားသည် အကြင် အယူဝါဒအား ယုံကြည်၏။ ထိုယုံကြည်ခြင်း ဖြစ်စေကာမူ ဤအယူသာမှန်၏။ အခြားအယူများသည် အချီးနှီးသာတည်းဟု ဆုံးဖြတ်ခြင်းကား မဖြစ်ပေ။ ဤသူသည် သစ္စာစောင့်သူ ဖြစ်၏။” စသဖြင့် ဖြေကြားတော်မူခဲ့သည်မှာ ဓမ္မဒိဋ္ဌာန်ကျဝါကျမျိုး တီထွင်လိုသူတို့ မှတ်သား ထိုက်လှသည်။ မိမိဝါဒသာ အမှန်ဖြစ်၏ ဟု ၀ါဒစွဲဖြင့် တရားသေ ယူလိုက်လျှင်မူ သစ္စာစောင့်သူဘ၀မှ ကျိုးပေါက် သွားမည်ဟု ဆိုလို၏။ ( ဤတွင် လွတ်လပ်စွာ ယုံကြည်မှုမျှသည် ဆုံးဖြတ်မှု မရောက်သေးသရွေ့ သစ္စာ ချိုးဖောက်ရာ မရောက်နိုင်သေးပုံကို သတိပြုသင့်၏။)
စင်စစ် ဆန္ဒစွဲ၊ နှစ်သက်မှုစွဲထက် မာနစွဲ၊ ဒေါသစွဲကား ပိုဆိုး၏။ အမှန်သိလျက်နှင့် အမှားကို မစွန့်ရက်ဖြစ်တတ်သည်။ ဘုရား လက်ထက်တော်က ရှင်သာရိပုတ္တရာနှင့် ရှင်မောဂ္ဂလာန်တို့၏ အလောင်းအလျာဖြစ်သော ဥပတိဿနှင့် ကောလိတတို့သည် ဆရာဖြစ်သူ ‘သဉ္ဇယဗေလဋ္ဌပုတ္တ’ ခေါ် တိတ္ထိဆရာကြီးအား အယူမှားတို့ကိုစွန့်ကာ တရားစစ် တရားမှန်ရှိရာ ဗုဒ္ဓထံသွားကြရန် အမျိုးမျိုး ဖျောင်းဖျ ဖိတ်ခေါ်သော်လည်း၊ သိဉ္ဇည်းဆရာသည် ဂိုဏ်းဆရာဟူသော ‘မာန’ ကြောင့် ရေတည် စရည်းအိုးဘ၀မှ လက်ငင်အိုးငယ်ဘ၀သို့ မပြောင်းလဲနိုင် ဟုဆိုကာ အယူမှားကို ဖက်တွယ်ထားသဖြင့် တရားစစ်နှင့် ဝေးခဲ့ရဖူးသည်။
ထို့ကြောင့် သစ္စာတရားကို မြတ်နိုး တန်ဖိုးထားလိုသူ၊ သစ္စာစောင့်စည်းလိုသူသည် မိမိတို့ အယူအဆကို ဂိုဏ်းဂဏစွဲ၊ ၀ါဒစွဲဖြင့် တရားသေ ဆုပ်ကိုင်ထားရန် မဟုတ်ဘဲ၊ သိဉ္ဇည်းဆရာကြီးတို့ကဲ့သို့ မာနစွဲဖြင့် ဖက်တွယ်ထားရန် မဟုတ်ဘဲ မိမိတို့အယူအဆ မှားယွင်းသည်ဟု သိသည်နှင့် တပြိုင်နက် အချိန်မဆိုင်း စွန့်လွှတ်ကာ အမှန်တရားကို လက်ကမ်း ကြိုဆို ထွေးပိုက်နိုင်ရေး အတွက် ကြိုးစား ကြရမည်သာ ဖြစ်ပေသည်။
[မှတ်ချက်။ မဇ္ဈိမနိကာယ်၊ မဇ္ဈိမပဏ္ဏာသ၊ ဗြာဟ္မဏ၀ဂ်၊ စင်္ကီသုတ် ကို ကိုးကားရေးသားထားပါသည်။]
ဧရာ (မန္တလေး)
၁၉၉၀ ပြည့်၊ အောက်တိုဘာလထုတ်၊ အတွေးအမြင် စာစဉ်(၆၀)
ခင်ပွန်းကြီး(၁၀)ပါး ကျေးဇူးရှင်ကြီး (၁၀)ပါး ဘုရားရှိခိုး
ဗုဒ္ဓေါ၊ ပစ္စေကဗုဒ္ဓေါစ၊ အရဟာ အဂ္ဂသာဝကာ၊ မာတာ ပီတု၊ ဂရု သတ္တ၊ ဓမ္မဒေသကာစ၊ ဒါယိကာ ဣမေဒဿ မဟာ ဂုဏော အဟံ ၀န္ဒာမိ သဗ္ဗဒါ။
၁။ ဗုဒ္ဓေါ စ – သစ္စာလေးပါး တရားသိမြင် ဘုရားရှင် လည်းကောင်း၊
၂။ ပစ္စေကဗုဒ္ဓေါ စ– ကိုယ်တိုင် သစ္စာသိပြီးပါလည်း ဟောကာမပြ သီးခြားရသော ပစ္စေကဗုဒ္ဓ လည်းကောင်း၊
၃။ အရဟာ စ– အာသဝေါကုန်ခန်း ရဟန္တာ အရှင်မြတ် လည်းကောင်း၊
၎။ အဂ္ဂသာဝကာ စ– လက်ဝဲလက်ယာ ခြံရံကာဖြင့် ပညာတန်ခိုး စိုးမိုးထက်လှ အဂ္ဂသာဝကတို့ လည်းကောင်း၊
၅။ မာတာ စ– ကိုးလလွယ်ရ ဆယ်လဖွားကာ အစာဆိမ့်အေး နို့ချိုပေး၍ မွေးသည့်မိခင် ကျေးဇူးရှင် လည်းကောင်း၊
၆။ ပီတု စ– လူလားမြောက်အောင် လုပ်ဆောင်ကျွေးမွေး ပညာပေးသည့် မွေးသဖခင် ကျေးဇူးရှင် လည်းကောင်း၊
၇။ ဂရု စ– ချမ်းသာရန်တွေး ပညာပေးသဖြင့် အလေးအမြတ် ပြုထိုက်တဲ့ ဆရာ လည်းကောင်း၊
၈။ သတ္တ စ– လိမ္မာစေကြ ကျိုးကြောင်းပြလျက် ဆုံးမပေတတ် ဆရာမြတ် လည်းကောင်း၊
၉။ ဓမ္မဒေသကာ စ– သံသရာစခန်း သွားရာလမ်း၌ ပင်ပန်းကင်းရန် ရည်သန်ညွှန်ကြား မမှောက်မှားရအောင် တရားဟောဖော်တတ်တဲ့ ဆရာမြတ် လည်းကောင်း၊
၁၀။ ဒါယိကာ စ– စားရေးနေရေး မနှောင့်နှေးရအောင် ပေးကမ်းတတ်တဲ့သူ လည်းကောင်း၊
ဣမေဒဿ မဟာဂုဏေ – ကျေးဇူးစုပုံ ဆပ်မကုန်သည့် ဂုဏ်ရည်မြင့်ကြူး ဤ(၁၀)ဦးသော သူတို့ကို၊ အဟံ – အကျွန်ုပ်သည်၊ သဗ္ဗဒါ – နေ့ညမပြတ် အခါခပ်သိမ်း၊ ၀န္ဒာမိ – ကျေးဇူးယှက်မှေး စိမ့်စိမ့်တွေးလျက် မြတ်လေးယုံကြည် သဒ္ဓါဟုန်ဖြင့် လက်စုံအုပ်မိုး ပြတ်ဝပ်လျှိုး၍ ရှိခိုးပါ၏ အရှင်ဘုရား။
ဓမ္မဒါန
ဦးငြိမ်းမောင်