ဘလော့ဂ် တာ...(၃)

စစ်နှင့်ငြိမ်းချမ်းရေး ၀တ္ထုထဲက ဇာတ်ကောင်တစ်ဦးဖြစ်တဲ့ မင်းသားကြီး ဘိုလ်ကွန်စကီ ကို မှတ်မိကြမလား မသိပါ။ မကောင်းမှုဒုစရိုက်တွေကို မွေးဖွားပေးတဲ့ အရာနှစ်ခုက ‘အချည်းနှီးနေခြင်း’ နှင့် ‘အယူသည်းခြင်း’ ဖြစ်ပြီး၊ ကောင်းမြတ်တဲ့ အရည်အချင်းနှစ်ခုကတော့ ‘လုံ့လ၀ီရိယ’ နှင့် ‘အသိဉာဏ်ရှိခြင်း’ လို့ သူက မကြာခဏ ပြောလေ့ရှိပါတယ်။ သူကိုယ်တိုင်လည်း စည်းစနစ်အလွန်ကျပြီး အချိန်ဇယားဆွဲ အလုပ်လုပ်တတ်သလို၊ သူ့သမီး မင်းသမီးလေး မေရီကိုလည်း အချိန်ကို အလဟဿမထားစေပဲ, အသက်နှစ်ဆယ် အရွယ်ရောက်သည်ထိ အက္ခရာသင်္ချာနှင့် ဂျီသြမေတြီပုစ္ဆာတွေ တွက်ခိုင်းထားပါတယ်။

စဉ်းစားမိတယ်…။ အကယ်၍များ အဲဒီခေတ်က ရုရှားပြည်မှာ ဒီနေ့လို အင်တာနက်နဲ့ ဘလော့ဂင်းတွေခေတ်စားနေခဲ့ရင် သူ့သမီး မေရီကို ဘလော့ဂင်းခွင့် ပေးမလားလို့ပါ။ ကျွန်တော်ကတော့ ဘလော့ရေးတဲ့အတွက် အချိန်တွေကို အလဟဿမဖြစ်စေတဲ့အပြင် အသိဉာဏ်လည်းရင့်သန်စေတယ်လို့ ယူဆလို့ မသီတာကို ဘလော့ရေး စေခဲ့တာပါ။

ပို့စ်တွေ ရေးတော့ ကိုယ့်အကြောင်းတွေပဲ ရေးနေမိပါတယ်။ ပုဂ္ဂလိကအကြောင်းတွေချည်းသာ ရေးမနေနဲ့လို့ ကိုဧရာ့က ဝေဖန် အကြံပြုလာပါတယ်။ ဘာပဲရေးရေး အနုပညာတွေကတော့ နေ့နေ့ညည မသီတာရင်မှာ ပေါက်ဖွားနေတာတော့ အသေအချာပါပဲ။ ဥပမာ -
“ကျမ ဘ၀မှာ ရှင်နဲ့ ဆုံခဲ့ခြင်းတခုသာ အမှန်၊ ကျန်တာတွေ အကုန်အမှား ဆိုတာမျိုးဖြစ်အောင်လုပ်နေတာပေါ့လေ” ဆိုတဲ့ ဇတ်ဝင်ခန်းထဲက အပြောမျိုးတွေ ပြောတတ်လာလို့ ဇတ်လိုက်မင်းသားကြီး ကိုဧရာခင်မျာ သုံးထပ်ကွမ်း အကယ်ဒမီ မင်းသမီးနဲ့ တွဲ သရုပ်ဆောင်ရတဲ့ တက်သစ်စ မင်းသားလေးလို ဖြစ်လို့…။

အခုတော့ ဘလော့ကမ္ဘာကို Channel အစုံရှိတဲ့ ရေဒီယို တလုံးလို၊ ပို့စ်တခုကို publish လုပ်တော့မယ်ဆိုရင်လည်း ကိုယ်ပိုင် အသံလွှင့်ရုံကြီးကနေ တကမ္ဘာလုံးကို ထုတ်လွှင့်လိုက်ရသလို ခံစားရပါတယ်။ (နောက်ဆို ရုပ်သံနဲ့ ဘလော့တဲ့ ခေတ်ရောက်လာဦးမလားပဲနော်။)

ကိုယ်ရေးတဲ့ စာ (ပို့စ်၊ ကော်မန့်၊ CBox) ဘယ်နေရာမှာပဲ ဖြစ်ဖြစ် မရည်ရွယ်ပါပဲ တစုံတရာ ထိခိုက်နစ်နာစရာမျိုး မဖြစ်အောင် ကြီးစွာသော သတိတွေ ထားနေမိပါတယ်။ ဒါကိုလည်း ဘလော့လောကမှာ ကိုယ့်ရဲ့ ရပ်တည်မှုဟာ ရာနှုံးပြည့် ရိုးသားမှု မရှိဘူးလို့ ခံစားမိပြန်ပါတယ်။ ကိုယ့်အတွင်းစိတ် ဓာတ်ခံကို ကိုယ်တိုင် သေချာမသိတော့၊ ဘလော့ပေါ်မှာ အထုတ်ဖြည် ပြသလို မဖြစ်ချင်တာပါ။ အချို့ဆို ဘာရေးရေး ချစ်စဖွယ်လေးတွေ ဖြစ်နေတော့ သူတို့ရဲ့ ဖြူစင်တဲ့ နှလုံးသားနဲ့ ဘ၀ပေးအခြေအနေတွေကို အားကျ အတုယူရပါတယ်။ စိုးရိမ်မှုကို ဖြစ်စေတဲ့ နောက်အကြောင်းတခုက ကိုယ့်ကိုကိုယ်လည်း သိတော့သိတယ်…ဒါပေမဲ့ တမင်မသိချင်ယောင်ဆောင်ထားတဲ့ အချက်ပါ။ ကိုဧရာကတော့ တခါမှာ ဘွင်းဘွင်းကြီး ပြောချလာပါတယ်။ “ကို သိတယ်…သီတာက ပုံမှန်ကြီးပြင်းခဲ့တာ မဟုတ်ဘူး” တဲ့။ သူဆိုလိုတာက ကိုယ်တို့တွေဟာ Pressure တွေနဲ့ ကြီးပြင်းခဲ့တယ်။ ကြီးပြင်းခဲ့ရတဲ့ သက်တမ်းတလျှောက်မှာ ဓလေ့ထုံးစံနဲ့ ဘ၀ပေးအခြေအနေအရ လွတ်လပ်မှုနဲ့ အတော်ကလေး ကင်းကွာပါတယ်။ ဒါကြောင့် ကိုယ့်ကိုကိုယ် ယုံကြည်မှု အတော်နည်းပါတယ်။

အဲ့ဒီ Pressure နဲ့ ဆက်နွယ်ပြီးတော့ပဲ… “ဘယ်သူမဆို သူ့အတွက် Pressure ဖြစ်လာရင် Balance ဖြစ်အောင် တနည်းနည်းနဲ့တော့ တဖက်က ပြန်ထုတ်တတ်တယ်တဲ့ … ဥပမာ အရက်သောက်တာပဲ ဖြစ်ဖြစ်၊ ကလေးတွေအပေါ် မာန်တာ မဲတာမျိုးဖြစ်ဖြစ် တခုခုပေါ့” တဲ့။ မသီတာ အရက်တော့ မသောက်ပါရစေနဲ့။ တခါတလေတော့လည်း ဘလော့ဂင်းရင်း Balance ဖြစ်အောင် လုပ်တယ်ပေါ့ …။

တဖက်ကလည်း စာတွေကို တိုးတိုးပြီးရေးချင်နေမိတာပါ။ (သူငယ်ချင်းတယောက်ဆီက လက်တလော အခြေအနေ သာကြောင်းမာကြောင်းလေးတွေ email လာရင်ကို ကိုယ်က ၀တ္တုတို တပုဒ်လောက် စာပြန်ချင်နေမိတယ်။) ကိုယ်တို့က အတန်အသင့်ခေါ်မလား၊ တော်တော်လေး ဆိုမလား၊ အတိုင်းအတာ တခုထိတော့ စားသုံးပြီးပြီလေ။ ကြိုချက်ပြီး ပြန်ထုတ်ရတော့မဲ့ အချိန်… မထုတ်ရရင် စပိုးနင့်သလိုလို… ရင်ပြည့်ရင်ကယ်သလိုလို…။

စားပြီးသမျှတွေ ပြန်ထုတ်ရင် နောက်ပုံစံတမျိုးနဲ့ ထွက်လာမှာတော့ အမှန်ပဲ။ အဆိပ်အတောက် အညစ်အကြေးတွေကိုတော့ တော်ရာကိုပို့ကြပါ။ (သူကလည်း တချိန်ချိန် တနေရာရာမှာ တနည်းနည်းနဲ့တော့ အသုံးဝင်ပြန်သေးသတဲ့)။ စုတ်ယူထားလိုက်တဲ့ ခွန်အားတွေ အင်အားတွေကိုတော့ ရေလဲနဲ့ လိုသလိုသုံးပြီး၊ ခွန်အားရှိသော စာလုံးလေးတွေ အသွင်နဲ့ ထွက်လာရင်တော့… Sonata-Cantata နေပျော်ပါတယ်။

ဘလော့တွေ ခေတ်စားလာတော့ ကြီးကျယ်တယ်ပဲပြောပြော … စိတ်ထဲမှာ မြန်မာစာပေ Renaissance များလားလို့တောင် ခံစားမိရပါတယ်။ မော်ဒန်, ပိုစ်မော်ဒန်တွေ မဟုတ်ပဲ ဘာကြောင့်များ ရီနေဆန့်လို့ ဆိုရသလဲလို့ ဆိုရင်တော့ ကျွန်တော်က စာပေသမားတစ်ဦးမဟုတ်လို့ ဘာမှ ခိုင်လုံကျနစွာ ရှင်းပြနိုင်မှာတော့ မဟုတ်ပါဘူး။ ဘလော့ဂ်မှာ စာပေစိစစ်ရေးမရှိတဲ့အတွက် ကျွန်တော်တို့ ဖတ်ခွင့်ရဖို့မလွယ်တဲ့ စာမျိုး၊ အရေးအဖွဲ့မျိုးတွေ ပြန်တွေ့ရပါတယ်။ နောက်ပြီး ဘလော့က မဂ္ဂဇင်းစာစောင်တွေလို အမြတ်အစွန်းရဖို့ ထည့်စဉ်းစားစရာ မလိုတဲ့အတွက် မြန်မာစာပေလောကမှာ ပျောက်ကွယ်နေတဲ့ ရှေးဟောင်းစာပေတွေကို ပြန်လည်တွေ့ရပါတယ်။ ဥပမာ မေဓါဝီ တို့, ကိုဟယ်ရီ Harry တို့ရဲ့ မြန်မာ့ကဗျာရေးဖွဲ့နည်းတွေ၊ ရတုရကန်တွေအကြောင်းကို ပြန်ဖတ်ရပါတယ်။ အက္ခရ မှာ ပါဠိကဗျာအရေးအဖွဲ့တွေကို ပြန်တွေ့ရပါတယ်။ ကိုညီလင်းဆက် နဲ့အချို့ဘလော့ဂါတွေကလည်း တိမ်မြုတ်နေတဲ့ ၀ဏ္ဏဗောဓနသတ်အင်းလို မြန်မာစာလုံးပေါင်းကျမ်းတွေ၊ ရှေးက မြန်မာအဘိဓာန်တွေကို ပြန်လည်ထုတ်ဖော်လာကြပါတယ်။ ဒါကြောင့် ဘလော့တွေ ခေတ်စားလာတာကို မြန်မာစာပေ အမှောင်ခေတ်ကြီးထဲက ပြန်ရှင်နိုးထလာလေသလားလို့ တွေးမိတာပါ။

ဧရာသီတာ

ဘလော့ဂ် တာ...(၂)

ဘလော့ ဆိုတဲ့ အသံကြားဖူးတော့ “ဘယ်လိုဟာတုန်း”လို့ နီးစပ်ရာ လိုက်မေးမိတယ်။ စိတ်ဝင်တစားတော့လည်း မဟုတ်သေးဘူး။ ကိုဧရာကတော့ သူကြိုက်ရာဘလော့တွေ လိုက်ဖတ်နေပြီ။ သိပ်ကို အားနေပေမဲ့ ဘယ်အရာကိုမှ စိတ်မ၀င်စားတဲ့ ကိုယ့်ကို “ဘလော့လုပ်ပါလား ဘလော့လုပ်ပါလား” နဲ့ တနေ့တနေ့ သွေးတိုးစမ်းနေတယ်။ အခုလောက်ဆိုရင်တော့ ပရိသတ်ကြီးလည်း သဘောပေါက်လောက်ပါပြီ သူရေးချင်လို့ သူများကို ဘလော့ထောင်ခိုင်းတယ် ဆိုတာကို…။ အတိုချုံးလိုက်မယ်…ဘလော့တခု ပိုင်ခဲ့ပါပြီပေါ့။

ကိုဧရာက တနေ့က မေးလာပါတယ်။ “ကိုတို့ အိမ်မှာ ဘလော့စလုပ်တာ ဘယ်သူလဲသိလား” တဲ့။ ကိုယ်လည်း အမြဲတန်း အိပ်ချင်နေသလို မှေးနေတဲ့ မျက်လုံးကို ကြိုးစားပြူးပြီး “မသိဘူး” လို့ ဖြေလိုက်ပါတယ်။ “သားကြီးလေ” တဲ့။ “ကိုကိုနိုင် လာတုန်းကလေ” တဲ့။ အယ် ဟုတ်သား… (အဲ့ဒီအကြောင်းလေးတော့ မှတ်တမ်းတင်ထားဖို့ လိုတယ်) ကိုဧရာ့ညီ ၀မ်းကွဲ ကိုကိုနိုင် စင်္ကာပူလာလည်တော့ သူက တနေကုန် ကျောပိုးအိပ်လေးလွယ်ပြီး တစ်ယောက်ထဲ လျှောက်လည်တယ်။ ညဖက်ရောက်ရင်တော့ သူက စာကျက်တယ်ကိုး…။ အိမ်မှာ ရှိချိန်တော့ အင်တာနက်လည်း သုံးတယ်ပေါ့။ သားသားတို့လည်း သူအနားပဲ ၀ိုင်းနေတော့တာ။ တနေ့တော့ သားကြီးက “မေမေဒီမှာ သားသား email”။ “ဘလော့လည်းရှိတယ်” ဆိုပြီး လာပြပါတယ်။ “ကိုကိုနိုင် လုပ်ပေးတာ” တဲ့။ “မေမေ ကော်မန့်ရေးပေး” တဲ့…။ ကိုယ်လည်း ခပ်တည်တည်နဲ့ လေယာဉ်ပျံပုံတွေနဲ့ ကာတွန်းပုံတွေကလွဲလို့ ဘာမှမရှိတဲ့ သူ့ဘလော့မှတဆင့် ဘလော့ ဆိုတာကို လေ့လာခဲ့ရပါတယ်။ ကိုကိုနိုင့်ကိုလည်း မေးရင်းစမ်းရင်းပေ့ါ။

Sonata-Cantata ကို စရေးတော့ အဲ့ဒီတုန်းက အိမ်နီးနားချင်းညီမလေး ရတနာစိုးက လိုအပ်တာတွေ ကူညီခဲ့ပါတယ်။ သုတတွေရော ရသတွေရော အဖုံဖုံ အသွင်သွင် အစုံအလင်သော ဘလော့တွေ လည်နေရင်း၊ ပို့စ်တွေ ဖတ်နေရင်း၊ တနေ့တော့ ဒီကို လာလည်တဲ့ ငယ်သူငယ်ချင်းတယောက် နဲ့ ဆုံဖြစ်ပါတယ်။ သူ shopping ထွက်တာကို ကိုယ်က အဖေါ်လိုက်ပေးရင်းပါ။ နှစ်ပေါင်းများစွာ ကွဲကွာနေကြတဲ့ ဆရာဝန် သူငယ်ချင်းနဲ့ ကိုယ်မှာ ပြောစရာတွေ ရေပက်မ၀င်အောင် ရှိနေပါတယ်။ သွေးလွန်တုတ်ကွေးအကြောင်းပဲ ပြောမလား။ ဆီးချိုနဲ့ သွေးတိုးအကြောင်းပဲ စမလား။ ကလေးခွဲမွေးမလား။ သားအိမ်ထုတ်မလား လာထား… ပြောပစ်လိုက်မယ် ခပ်များများ ဆိုသလို ဖြစ်နေတော့ သူလည်း ကိုယ့်ကို အံ့သြသလိုကြီး ဖြစ်ပြီး “နင်က သိလှချည်းလား” ဆိုလာပါတော့တယ်။ “ငါစာတွေ ဖတ်တယ်ဟ…။ ဆရာဝန်တွေ ရေးတဲ့ ဘလော့မှာလေ” လို့ ပြောမိတော့ … သူက “အော် ဘလော့ဂါတွေ” လို့ ..ပြောလိုက်မှပဲ ကိုယ်လည်း ပါးစပ်ပိတ်သွားပါတော့တယ်…။ သူ့ လေသံအနေအထားအရ မကြည်လင်တဲ့ အမြင်တွေ ရှိတယ်ဆိုတာ ခံစားမိလို့ ကိုယ်ဘလော့ရေးတယ် ဆိုတာကို ကြုံတုန်းလေတောင် ပြောမထွက်တော့ပါဘူး…။ မြိုချ မြိုချ…။

ငယ်ငယ်ကတော့ ကာတွန်းစာအုပ်တွေ ဖတ်ရင် အဖေက သိပ်ဆူတယ်ကိုး။ သူမသိအောင် ခိုးဖတ်ရတာ။ ငြုပ်သီးထောင်း၊ ရေခပ်၊ မိဘကူ မလုပ်ပဲ အချိန်ဖြုန်းတယ်လို့ အယူအဆရှိပါတယ်။ ခုခေတ်ကလေးတွေ ဂိမ်း ကွန်ပြူတာနဲ့ အချိန်ကုန်ရင် ကိုယ်တို့ ကြည့်မရသလိုပေါ့။ အမေကတော့ မျက်စိတဖက်မှိတ် အနေအထားလေးနဲ့ပါ။ ရင်းနှီးတဲ့ ဘလော့ဂါတွေ ထဲမှာလည်း သူတို့ ဘလော့နေတာ ဆိုင်ရာပိုင်ရာက မသိအောင် မျက်စိတဖက်မှိတ် အနေအထားမျိုးတွေ ရှိကြောင်း ဘလော့ စာမျက်နှာတွေပေါ်မှာ ဖော်ပြကြပါတယ်။ ဒီအရွယ်ကြီးကျမှ ပိုက်ဆံထွက်မရှာပဲ ဘလော့ထိုင်ဖတ်နေတာသာ အဖေသိရင် ထရိုက်လေမလားလို့လည်း တွေးမိပါသေးတယ်။ အာဏာရှင်စနစ်အကြောင်းတွေးမိရင် အဖေအကြောင်း ပို့စ်ရေးချင်မိတဲ့ စိတ်ကို မနည်းဘရိတ်အုပ်နေရတယ် ဆိုတာပါသိရင် သတ်ချင်မလားတောင် မသိ။ လွတ်မြောက်နယ်မြေက မို့လို့သာ ဒီလောက်လေး ဆန္ဒဖော်ထုတ်ရဲတာပါ အဖေ…။ ဟိုက မိသားစုကလည်း ကိုယ့်ဘလော့ကို မဖတ်နိုင်ကြပါဘူး။ ဒီမှာအတူနေတဲ့ တူမလေးတောင် မဖတ်ပါဘူး။ တခါတော့ ပြောလာပါတယ် “အန်တီတာ့ ဘလော့ကိုလေ (သူ့အမေဘက်ကတော်တဲ့ အမ၀မ်းကွဲ) မမက အမြဲ ဖတ်တယ်တဲ့၊ ဖတ်ကြည့် အပျင်းပြေတယ် လို့ပြောတယ်” …။ “ဟေ အေးအေး…” ပဲလိုက်ရတာပေါ့။ ရန်ကုန် လူကြုံကောင်းကောင်းရှိတုန်းကတော့ ပို့စ်အချို့ print out ထုတ်ပြီး မကြီးဆီ ထည့်ပေးလိုက်တယ် ဘယ်သူ့မှ မပြနဲ့လို့ စာလည်း ရေးထည့်ပေးလိုက်သေးတယ်။ မကြီးဆီကလည်း သဘောကျတဲ့ အကြောင်း ပြန်စာရပါတယ်။ တလောက မကြီးနဲ့ ဖုန်းပြောဖြစ်တော့ သူက သတိတရ မေးရှာပါတယ်… “ညီမလေး စာတွေ ရေးသေးလား” တဲ့ “ရေးတယ်လေ ရေးတယ်…အင်တာနက်မှာ တင်နေတာပဲ” ဆိုတော့… “မကြီး မကြည့်တတ်ပါဘူး” တဲ့… “နောက်ကြုံရင် ပို့ပေးဦးလေ ဖတ်ရတာ အပျင်းပြေတယ်” တဲ့ … တိန် …။

ဒီမှာ သူငယ်ချင်းသမီးလေး မွေးနေ့ပွဲ လုပ်တော့ သွားတယ်။ ဒီလိုမှလည်း ဆုံရတာကိုး။ စကားတွေ ဟိုပြောဒီပြောနဲ့ ဘလော့အကြောင်း ရောက်လာတယ်။ အဲဒီနေ့က မြန်မာ ပညာတတ် အခြေအနေရှိ လူတစုရဲ့ စကားဝိုင်း အနေအထားနဲ့ စကားအသွားအလာအရတော့ ဘလော့ဂင်းခြင်းနဲ့ ဘလော့ဂါတွေက အနှုတ်ဖက်မှာပဲ ရှိနေသေးတယ်။ ဘလော့ဂါကြီးဘဲ ဒီလောက်တော့ အကဲခတ် ဘယ်ညံ့လိမ့်မလဲ။

ဒီတပိုင်းအတွက် နိဂုံးချုပ်လိုက်မယ်… ဘလော့တာ အပြစ်မရှိဘူး။ ဘေးကင်းတယ်။ (ခက်တာက နေရာတိုင်း၊ အချိန်တိုင်း အတွက် မမှန်သေးဘူး ဖြစ်နေတယ်) ကိုယ့်အတွက်တော့ ပို့စ်မှ မရေးရင် တစ်ယောက်နဲ့ တစ်ယောက်က စကားပြောစရာတောင် မရှိသမို့ …
ယုံကြည်ရာလမ်းမ S-C လေးအပေါ်
လျှောက်သွားရင်းနဲ့ လမ်းမှာ အဖေါ်… (ကိုကိုဧရာကြီးလေ)
ဘလော့ဂါအပေါင်း သူတော်ကောင်းတို့
လမ်းဆက်လျှောက်မယ်…
လမ်းဆက်လျှောက်မယ်…
လမ်းဆက်လျှောက်မယ်…။

ဘလော့ဂ် တာ...(၁) က ဒီမှာ

အလွှာ

အချစ်
ရေပေါ်စီလေးပါ
အလွှာလေးပေါ်မှာ
…
ယုံကြည်ခြင်းကတလွှာ
ကိုးစားခြင်းက တလွှာ
မြတ်နိုးခြင်းက တလွှာ
ကျေးဇူးတရားက တလွှာ

အမုန်း
ရေပေါ်စီလေးပါ
အလွှာလေးပေါ်မှာ
…
နာကျည်းခြင်းက တလွှာ
ခံပြင်းခြင်းက တလွှာ
လက်စားချေလိုခြင်းက တလွှာ
ကမ္ဘာမကျေတာ တလွှာ

အမှားအမှန်
ရေပေါ်စီလေးပါ
အလွှာလေးပေါ်မှာ
…
အထင်က တလွှာ
အသိက တလွှာ
အယူက တလွှာ
ဓမ္မတာက တလွှာ

ပျားသကာက တလွှာ
အခါးအနာက တလွှာ
မနာလိုခြင်းက တလွှာ
ဝန်တိုခြင်းက တလွှာ
အပြုံးတွေက တလွှာ
အရှုံးတွေက တလွှာ
အဆုံးတွေက တလွှာ
… … … တလွှာ
… … … တလွှာ
… … … တလွှာ

အားလုံးဟာ ပါးပါးလေးပါ
အလွှာအောက်မှာသာ
တိုးမပေါက်နိုင်တဲ့
ငါ…
မွန်းကြပ်လှပေါ့ကွာ။ ။

Women's Future World's Future

Women's Future World's Future ဆိုတဲ့ ခေါင်းစဉ်နဲ့ ကမ္ဘာ့နိုင်ငံအသီးသီးက အမျိုးသမီးတွေရဲ့ သက္ကရာဇ်၂၀၅၀အတွက် အမြင်တွေကို ရောင်စုံဓာတ်ပုံတွေ ဝေေ၀ဆာဆာနဲ့ စုစည်းထားတဲ့စာအုပ်ကို The University Women's Association Singaporeမှ ၂၀၀၀ခုနှစ်က ထုတ်ဝေခဲ့ပါတယ်။ စာမျက်နှာပေါင်း ၂၀၀ကျော်ရှိပါတယ်။

ဒီစာအုပ်ရဲ့ editor ဖြစ်သူ Dr. Elsie Yu Chen Chee က ကျမကို လက်ဆောင်ပေးခဲ့တာပါ။ စာအုပ်နိဒါန်းမှာ ဒေါ်အောင်ဆန်းစုကြည်ရဲ့ “It is time to apply in the arena of the world, the wisdom and experience women have gained.” ဆိုတဲ့ စာသားလေးကို ကိုးကားဖော်ပြထားပါတယ်။ (ကျမကလည်း အပြန်အလှန်အနေနဲ့ ဒေါ်အောင်ဆန်းစုကြည်ရေးသားတဲ့ Freedom from Fear စာအုပ်ကို ပြန်ပေးခဲ့ပါတယ်။)

ရှေ့မျက်နှာဖုံး	နောက်မျက်နှာဖုံး
အတွင်းဖုံး	မြန်မာပြည်မှ ပါဝင်ရေးသားသူများ
စာအုပ်ပေးသူ၏ စာမျက်နှာ

စာအုပ်ဖြစ်မြောက်ရေး ကော်မတီ (Dr. Elsie က ရှေ့တန်း အလယ် အနက်ရောင် ရှပ်၊ အနက်ရောင် ဘောင်းဘီနဲ့ ထိုင်နေသူပါ။)

စာဖတ်သူတို့၏ အမျိုးသမီးများ အနာဂတ်နဲ့ ကမ္ဘာ့အနာဂတ်အတွက် Vision, Mission and Goal...စသဖြင့်ကို ဒီပို့စ်နှင့်အတူ တစုတစည်းထဲ စုစည်းထားလိုသည့်အတွက် ကော်မန့်မှာ ဖော်ထုတ်ရေးသားခဲ့စေလိုပါတယ်။

အောင်ခြင်းရှစ်ပါး

စာသား- ပထမကျော် လယ်တီကောဝိဒ
တေးရေး- သဟာယ ဆရာတင်
မူလအဆိုရှင်- မေရှင်

မြတ်ဗုဒ္ဓ၏ သာသနာပြုမိန့်ခွန်း

မြတ်စွာဘုရားရှင်သည် ဘုရားဖြစ်တော်မူပြီးနောက် ဥရုဝေလတောမှ ဗာရာဏသီပြည် မိဂဒါဝုန်တောသို့ကြွ၍ ပဉ္စ၀ဂ္ဂီငါးပါးအား ဓမ္မစကြာဒေသနာကို ၅-ရက်တိုင်တိုင် ဟောကြားတော်မူခဲ့၏။ ပဉ္စ၀ဂ္ဂီငါးပါးတို့သည် အသီသီး သောတာပတ္တိဖိုလ်တည်၍ ဧဟိဘိက္ခုရဟန်းများ ဖြစ်ကြသည်။ လပြည့်ကျော် ၅-ရက်နေ့တွင် အနတ္တလက္ခဏာသုတ် ဒေသနာဟောကြားတော်မူအခါ ပဉ္စငါးပါးလုံးပင် ရဟန္တာဖြစ်ကြသည်။ မိဂဒါဝုန်တော၌ သီတင်းသုံးတော်မူကြစဉ် သူဌေးသား ယသနှင့် ဆွေမျိုး မိတ်သင်္ဂဟတစုလည်း တရားထူးရကြ၍ လောကတွင် (မြတ်စွာဘုရားအပါအ၀င်) ရဟန္တာ ၆၁-ပါးဖြစ်သည်။ ၀ါကျွတ်သောအခါတွင် ဗုဒ္ဓက အောက်ပါ မိန့်ခွန်းကို ဟောကြား၍ သာသနာပြု လှည့်လည်ရန် တိုက်တွန်းလေသည်။

စရထ, ဘိက္ခဝေ, စာရိကံ ဗဟုဇနဟိတာယ ဗဟုဇနသုခါယ လောကာနုကမ္ပာယ အတ္ထာယ ဟိတာယ သုခါယ ဒေ၀မနုဿနံ။ မာ ဧကေန ဒွေ အဂမိတ္ထ။ ဒေသေထ, ဘိက္ခဝေ, ဓမ္မံ အာဒိကလျာဏံ မဇ္ဈေကလျာဏံ ပရိယောသာနကလျာဏံ သာတ္ထံ သဗျဉ္ဇနံ ကေ၀လပရိပုဏ္ဏံ ပရိသုဒ္ဓံ ဗြဟ္မစရိယံ ပကာသေထ။

(၁) ရဟန်းတို့… အများအကျိုးအတွက် အများချမ်းသာရေးအတွက် လောကကို အစဉ်သနား စောင့်ရှောက်သောအားဖြင့် နတ်လူတို့၏ အကျိုးစီးပွားချမ်းသာဖြစ်စေရန် ခရီး လှည့်လည်ကြကုန်လော့။ ခရီးတစ်ကြောင်းတွင် နှစ်ပါး မသွားကြကုန်လင့်။ (၂) ရဟန်းတို့… အစ၏ ကောင်းခြင်း, အလယ်၏ ကောင်းခြင်း, အဆုံး၏ ကောင်းခြင်း, အနက်အဓိပ္ပါယ်နှင့် ပြည့်စုံခြင်း, သဒ္ဒါနှင့် ပြည့်စုံခြင်းရှိသော တရားကို ဟောကြကုန်လော့။ (၃) အလုံးစုံပြည့်စုံသော, အလုံးစုံစင်ကြယ်သော မြတ်သောအကျင့်ကို ပြကြကုန်လော့။

ရဟန္တာပုဂ္ဂိုလ်များသည် ကိလေသာကင်းစင်၍ ပြုဖွယ်ကိစ္စပြီးသောသူများဖြစ်သည်။ မိမိတို့၏ တာဝန်ပြီးပြီဟူ၍ ကြောင့်ကြမဲ့ မနေပဲ လောကကို စောင့်ရှောက်သောအားဖြင့် လူအများအား (မိမိတို့နည်းတူ) လွတ်မြောက်မှုအရသာ (၀ိမုတ္တိရသ)ကို ခံစားနိုင်ကြစေလိုခြင်းသည် သာသနာပြုခြင်း၏ ပဓာနရည်မှန်းချက်ဖြစ်သည်။ ထို့ကြောင့် နေရာဒေသအနှံ့အပြားသို့ သတင်းစကား ဆောင်နိုင်စေရန်အတွက် ခရီးတစ်ခုတွင် နှစ်ပါးမကြွစေပဲ ဖြန့်ကျက်၍ စေလွှတ်ခဲ့သည်။ အစ, အလယ်, အဆုံးသုံးပါးလုံး ကောင်းမွန်သော တရားဒေသနာကို ဟောကြားစေခဲ့သည်။ တရားတော်သည် သီလ, သမာဓိ, ၀ိပဿနာဟူသော အခြေခံ အစကောင်းခြင်း၊ မဂ္ဂင်ရှစ်ပါး မဇ္ဈိမပဋိပဒါဟူသော လမ်းစဉ်၏ အလယ်ကောင်းခြင်း၊ အရဟတ္တမဂ်, အရဟတ္တဖိုလ်, နိဗ္ဗာန်ဟူသော အဆုံးပန်းတိုင်၏ ကောင်းခြင်းတို့နှင့် ပြည့်စုံသည်။ တရားဟောကြားခြင်းသည် အနက်အဓိပ္ပါယ်တို့ကို တစ်ဦးမှတစ်ဦးထံ ပို့ဆောင်ရခြင်းဖြစ်ရာ၊ အနက်အဓိပ္ပါယ် (အတ္ထ - meaning) နှင့် ပြည့်စုံရန်သာမက၊ ပို့ဆောင်မှု, ရေးဖွဲ့မှု, အသံထွက်စသော ပုံသဏ္ဍာန်ပိုင်း (ဗျဉ္ဇန - Phrasing) နှင့်လည်း ပြည့်စုံပါမှ တရားကောင်း, စကားကောင်းဖြစ်၏။ တရားဟောကြားစေခြင်းသာမက မိမိတို့၏ စင်ကြယ်မြင့်မြတ်သော အကျင့်ကို ထင်ရှားအောင် ပြသရန် ဗုဒ္ဓက တိုက်တွန်းခဲ့သည်။ အရှင်အဿဇိမထေရ်၏ သိက္ခာတည်ကြည်မှုဖြင့် အရှင်သာရိပုတ္တရာအလောင်းအား သာသနာဘောင်သို့ ဆွဲဆောင်ခဲ့သည်။ Leading by example သည် ဗုဒ္ဓ၏ သာသနာပြု လမ်းစဉ်တစ်ခု ဖြစ်သည်။

ဧရာ (မန္တလေး)

သမ္မတကတော်

ဒီမှာ ရာသီဥတုကပူ။ ရင်ထဲကဒေါသတွေကလည်း တငွေ့ငွေ့လှိုက်လိုက်၊ ဟုန်းကနဲတောက်လိုက်နဲ့ အပူတွေနဲ့ နဘမ်းလုံးနေလို့ ဘလော့ဂ်တွေမှာ ပို့စ်တွေ ဖတ်ဖြစ်နေပေမဲ့ ကော်မန့်လည်း မရေးဖြစ်ဘူး။ ဘလော့မိတ်ဆွေတွေကို အပူတွေမကူးစေချင်၊ မဟပ်စေချင်ဘူးလေ…
English သင်တန်းတက်တုန်းက ဆရာမက အိမ်မှာဖတ်ဖို့ ငှားပေးလိုက်တဲ့ Good Housekeeping မဂ္ဂဇင်းထဲက US First Lady - Michelle Obama နဲ့တွေ့ဆုံခန်းမှ တချို့ကို ဝေမျှလိုက်ပါတယ်။ အပြည့်အစုံလိုချင်ရင် ကော်မန့်မှာ ဖြစ်ဖြစ်၊ CBox မှာ ဖြစ်ဖြစ် Email address လေးထားခဲ့ပါနော်။ ပို့ပေးပါမယ်။

US Good Housekeeping’s editor-in –chief, Rosemary Ellis, sat down with America’s First Lady to talk about politics, Family and the future of their country.

ပထမဦးဆုံးမေးခွန်းကတော့- (မေးခွန်းတွေကို အနီရောင်နဲ့ ပြထားပါတယ်။)
When your husband told you that he wanted to run for President, how did you feel? What was your first reaction?
Michelle ဖြေလိုက်ပုံက My first reaction was: ‘Don’t – please don’t.’
Interviewerက That would be my first reaction. လို့ စကားထောက်ပါတယ်
With very political run that Barack made, my instinct was to talk him out it. Ididn’t see the value in politics. I think I was probably cynical – like a lot of American – that you really cann’t make change through the political process. So I’ve spent a huge chunk of our marriage so far trying to convince him to do something more sensible to change the world, like be a head teacher, or write books. The initial reaction is always the selfish; ‘This is going to be hard on me, it’s going to be hard on my girls.’
Interviewer: Well, it certainly is.
Yes, it is. But then I started thinking beyond me. I always joke that I took off my ‘me’ hat and put on my ‘us’ hat. (ဒီလို စကားပြောသွားပုံကို ကြိုက်မိပါတယ်။) And I started thinking about where I would hope to see the country go for my girls. Then I started thinking about the type of person that I wanted to see in politics. And that always turned out to be a guy like Barack. (မပိုင်ဘူးလား)

ဒုတိယမေးခွန်းကတော့
Talk to me about when you first met. What were the qualities you fell in love with?
I didn’t expect to like him, because his background seemed so different. My reaction was like that of many people when you hear categories, name. He’s biracial. He grew up in Hawaii. He lived in Indonesia. I thought; ‘We have nothing in common.’ But we started talking. And right of the bat, not only was he handsome, but his life was so similar to mine in terms of values. He was honest, he was humble, he was friendly, he was approachable. He cared about my family, he talked a lot about his experiences. In so many ways, he was very familiar to me. (“သူပဲ”လို့ ဖြေသွားတာ…)

နောက်မေးခွန်းတွေကတော့
What’s your biggest hope for his tenure as President, and what’s your biggest fear?

What have been the single most challenging and the proudest moments – I’m curious about both – for you in the learning curve as a potential First Lady since your husband declared his candidacy?

အမေတယောက် အနေနဲ့ စိတ်ဝင်စားမိတဲ့ နောက်မေးခွန်းတခုက
Is there anything about having their dad run for President that particularly thrills or disturbs or upsets your girls? How are they?
I think they’re doing great. I don’t think there’s anything amazingly thrilling or amazingly disappointing because we don’t take them there. They still are observing this sort of like third-party kids. It’s like, how many kids really care about what their parents do for a living? When they come home, it’s; ‘ Lemme show you what I drew; Lemme tell you what I did. ‘My kids, fortunately, are at the age where they’re still wonderfully self-centered. And as a result, what Dad does is neat, even now, and they think Dad’ll be a great President. (ရိုးသားလိုက်တဲ့ ဘ၀တွေနော်…မြန်မာလူမျိုးတွေလိုပဲ)

နောက်မေးခွန်းတွေ အဖြေတွေတော့ ဆက်မတင်တော့ဘူးနော် (ကိုယ်တိုင်က လုံးစေ့ပတ်စေ့ နားမလည်လို့ပါ။)

နားမယ်ကွယ်။

(ရွှေဂေါင်းပြောင် ကာတွန်းတွေဆွဲခဲ့တဲ့ ကာတွန်းအောင်အောင်ရဲ့ အသုံးလေး ယူသုံးလိုက်ပါတယ်။ ဆရာက သူ့ကာတွန်း အဆုံးမှာ ပြီး၊ ပြီးပြီ၊ ပြီး၏ တွေမရေးပါဘူး။ ငယ်ငယ်က ကာတွန်းစာအုပ်ဆို မောင်နှမတွေ လုဖတ်ကြတော့၊ လူကောင်ကြီးတဲ့ အမ၀မ်းကွဲက စာအုပ် သူ့လက်ထဲရောက်သွားရင် ငါဖတ်ပြမယ်ဆိုပြီး ဖတ်ပြတာကို မကျေမနပ် ဘေးကလိုက်ကြည့်ရပါတယ်။ သူကလည်း အဆုံးထိ ဖတ်ပြပါတယ်။ သူဖတ်လိုက်ပုံကတော့

နာမယ်ကွယ်... တဲ့။)

ကြောက်တတ်ဖို့ လိုပါသည် (၂)

“ကြောက်တတ်ဖို့ လိုပါသည်”က ဖတ်ဖူးသမျှတွေထဲကနေ အာဂမယုတ္တိ, သဘာဝယုတ္တိထုတ်ပြီး ကိုယ့်ကိုကိုယ် အားပေးဖို့ တွေးထား, ရေးထားတဲ့စာကို ပြန်လည်မျှဝေတာပါ။ ဒီပိုစ့်အတွက် ထပ်မံ ဖြည့်စွက်ချင်တာအချို့ ရှိလာပါတယ်။

ပထမအချက်က “ကြောက်တတ်ဖို့အတွက် သတ္တိ လိုပါသေးလား” ဆိုတဲ့ မေးခွန်းပါ။ မှန်မှန်ကန်ကန် ကြောက်တတ်ဖို့အတွက် သတ္တိလိုပါတယ်။ ဒီနေရာမှာ ‘သတ္တိ’ ဆိုတဲ့ စကားကို ရဲရင့်မှု (courage) ဆိုတာထက် ပိုပြီးကျယ်ပြန့်တဲ့ အရည်အချင်း (capacity) လို့ နားလည် ကြည့်နိုင်ပါတယ်။ ကြောက်တတ်ဖို့အတွက် လိုတဲ့ သတ္တိကို တေမိဇာတ်တော်မှာ ကြက်သီးထလောက်အောင် တွေ့နိုင်ပါတယ်။ တေမိမင်းသားက ငရဲကိုကြောက်ပြီး မင်းမဖြစ်လိုတဲ့အတွက် ဆွံ့အ, နားထိုင်းသလို နေဖို့ဆုံးဖြတ်ခဲ့ပါတယ်။ ဒီဆုံးဖြတ်ချက်ကို ခိုင်မာစွာရပ်တည်နိုင်ဖို့ အရည်အသွေးတွေ အများကြီးလိုပါတယ်။ အလောင်းတော်ဟာ အရွယ်အလိုက် ကစားစရာ, စားစရာ, ကချေသည်စတာတွေရဲ့ ဖျားယောင်း သွေးဆောင်မှုတွေကို မမက်မောပဲ၊ မီး, မြွေ, ဓားသံလျက် စတာတွေနဲ့ ခြိမ်းခြောက်မှုတွေအားလုံးကို မကြောက်လန့်ပဲ သည်းခံပါတယ်။ ဒီလို သွေးဆောင်မှု, ခြိမ်းခြောက်မှုတို့ကို သည်းခံ တွန်းလှန်နိုင်တဲ့ “ခန္တီ” နဲ့ မိမိ ရည်မှန်းချက်အတိုင်း ဖြောင့်ဖြောင့်သွားနိုင်အောင် သွေးဆောင်မှု, ခြိမ်းခြောက်မှုတွေကို လျစ်လျူရှုနိုင်တဲ့ “ဥပေက္ခာ”တို့ဟာ မြင့်မြတ်တဲ့ ကိစ္စတွေကို ဆောင်ရွက်သူတွေအတွက် မရှိမဖြစ်လိုအပ်တဲ့ အရည်အသွေးတွေ ဖြစ်ပါတယ်။ စိတ်မလျော့ အားမပျော့ပဲ မိမိရဲ့ ဆုံးဖြတ်ချက်, ရည်မှန်းချက်ပေါ်မှာ ခိုင်မာစွာရပ်တည်ခြင်းဟာ “အဓိဋ္ဌာန်” ဖြစ်ပါတယ်။ ဒီလို ရည်မှန်းချက်တွေရဖို့ အတွက် စွန့်လွှတ် အနစ်နာခံသင့်တာကိုလည်း ခံရပါတယ်။ ဒါကို “နေက္ခမ” လို့ခေါ်ပါတယ်။ မှန်မှန်ကန်ကန် ကြောက်ဖို့အတွက် ဒီအရည်အသွေး သတ္တိလေးမျိုးကို လေ့ကျင့် ပေးဖို့လိုပါလိမ့်တယ်။

ဒုတိယဖြည့်စွက်ချင်တာက ဘာကြောင့် လူတွေဟာ ငှက်ငယ်ထက် ဂဠုန်ကို ကြောက်ကြသလဲ၊ အနာဂတ် ဘေးဆိုးတွေထက် နီးရာ ဓားကို သိပ်ကြောက်ကြရသလဲဆိုတဲ့ အချက်ပါ။ အရောင်းသွက် စာအုပ်တစ်အုပ်ဖြစ်တဲ့ Freakonomics မှာဆွေးနွေးထားတာကို ပြန်ဝေမျှချင်ပါတယ်။ အကြမ်းဖက်တိုက်ခိုက်မှု နှိမ်နင်းရေးနဲ့ နှလုံးရောဂါ တိုက်ဖျက်ရေး ရန်ပုံငွေတွေအတွက် လွတ်တော်မှာ တင်ပြပြီး မဲခွဲမယ်ဆိုပါစို့။ နှလုံးရောဂါနဲ့ သေသူဦးရေဟာ အကြမ်းဖက်တိုက်ခိုက်ခံရလို့ သေသူဦးရေထက် အများကြီးများပေမယ့်၊ အမတ်အများစုဟာ အကြမ်းဖက်နှိမ်နင်းမှု ရန်ပုံငွေအတွက်ပဲ မဲပေးကြပါလိမ့်မယ်။ ဘာကြောင့်ပါလဲ။ ဒီနေရာမှာ Risk = hazard + outrage ဆိုပြီး ညီမျှခြင်းချ ကြည့်နိုင်ပါတယ်။ အကြမ်းဖက်တိုက်မှုကြောင့် သေရတာဟာ ကြမ်းတမ်းပါတယ်။ အထိတ်တလန့်ရှိပါတယ်။ လက်ငင်းရင်ဆိုင်ရမှာပါ။ အဆီများတဲ့ အစားအစာတွေစားလို့ နှလုံးသွေးကြောပိတ်ပြီး သေတာကတော့ ယဉ်ပါတယ်။ ချက်ချင်းလည်း မသေပါဘူး။ အုတ်အော်သောင်းနင်းမဖြစ်ပဲ တိတ်တိတ်လေး သေသွားကြမှာပါ။ အဆီများတဲ့ အစားအသောက်တွေက hazard အန္တရာယ်ပိုများပေမဲ့ အကြမ်းဖက်တိုက်ခိုက်ခံရတာလောက် outrage ကြမ်းတမ်းမှု မရှိပါဘူး။ “လူတွေက အန္တရာယ်သိပ်မရှိပေမယ့် ကြမ်းတမ်းမှုများတဲ့ ကိစ္စတွေကို သိပ်ကြောက်ကြ, အရေးတယူလုပ်တတ်ကြတယ်။ ဒါပေမယ့် အန္တရာယ်ကြီးပြီး ကြမ်းတမ်းမှုမရှိတဲ့ ကိစ္စတွေကိုတော့ ခပ်ပေါ့ပေါ့ သဘောထားလိုက်ကြတယ်” လို့ Peter Sandman က ညီမျှခြင်းရဲ့အဓိပ္ပါယ်ကို ရှင်းပြပါတယ်။

ယဉ်ကျေးမှုတော်လှန်ရေးအတွင်း တရုတ်ပြည်မှာ လူပေါင်း သန်း-၃၀ လောက် အငတ်ဘေးဆိုက်ပြီးသေခဲ့ကြပါတယ်။ မြောက်ကိုရီးယားမှာလည်း ၁၉၉၆-၉၉ အတွင်း သန်းနဲ့ချီပြီး အငတ်ဘေးဆိုက်ပြီးသေခဲ့ကြပါတယ်။ ဒါပေမယ့် ပြည်သူတွေဟာ ဘာမှ မလုပ်နိုင်ခဲ့ကြပါဘူး။ ဘာကြောင့်လဲဆိုတော့ ဒီအန္တရာယ်တွေရဲ့ အကြောင်းတရားတွေ စတင်သန္ဓေတည်နေချိန်မှာ outrage factor သိပ်မကြီးသေးလို့ပါ။ အဆီများတဲ့ အစားအစာတွေလို တမျှင်းမျှင်း တဖြည်းဖြည်း အန္တရာယ်ပေးလို့ပါ။ ကျန်းမာရေးသမားတွေက နှလုံးရောဂါရဲ့ အန္တရာယ်ကို ကာကွယ်ဖို့ outrage factor များအောင် ခြောက်ပေးရပါတယ်။ ပတ်ဝန်းကျင် ထိမ်းသိမ်းရေးသမားတွေကလည်း ကမ္ဘာကြီးပူနွေးလာတာတို့, အိုဇုံးလွှာပေါက်တာတို့နဲ့ ခြိမ်းခြောက်ပြီး outrage factor တက်လာအောင် ကြိုးပမ်းကြပါတယ်။ ရေနွေးအိုးထဲက ဖားတစ်ကောင်လို တမျှင်းမျှင်းနဲ့ မသေရလေအောင် သတိပေး နေကြတာပါပဲ။

ဧရာ (မန္တလေး)

စာညွှန်း။
၁။ ဦးရွှေအောင် - ဗုဒ္ဓ လောကသားတို့၏ အနှိုင်းမဲ့ကျေးဇူးရှင်
၂။ Steven D. Levitt & Stephen J. Dubner – Freakonomics
၃။ Peter Sandman – Risk Communication

မေတ္တာ - ရန်ပွဲ

မေတ္တာဟူသည် ရန်သူမိတ်ဆွေမခွဲခြားပဲ တစ်ဖက်သားအပေါ် ကောင်းစေလိုသော စိတ်ဖြစ်သည်။ ပူလောင်သည့် သဘောရှိသော ဒေါသ၏ ဆန့်ကျင်ဖက်ဖြစ်သော မေတ္တာစိတ်သည် အေးမြ၏။ အလွန်အေးမြ၍ အင်အားကြီးသော ရန်သူများကိုပင် ပျော့ပြောင်းသွားစေနိုင်သည်။ မေတ္တာလက်နက်ဟု တင်စားလေ့ ရှိကြသော်လည်း မေတ္တာဖြင့် အနိုင်ယူခြင်းသည် ရန်သူကို ချေမှုန်းပစ်လိုက်ခြင်း မဟုတ်။ စင်စစ် ရန်သူသည်လည်း အောင်မြင်မှုရသွား၏။ လူဆိုးကြီး အင်္ဂုလိမာလသည် ရဟန္တာမထေရ်တစ်ပါး ဖြစ်သွားခဲ့သည်။ ဗုဒ္ဓခြေတော်ရင်းသို့ ၀ပ်စင်းသွားသော နာဠာဂီရိဆင်သည်လည်း ရာဇဂြိုဟ်ပြည်သူတို့၏ ကောင်းချီးပေးမှုကို ခံရသည်။ မေတ္တာလက်နက်သည် ရန်သူကို မိမိဖက်ပါလာအောင် စည်းရုံးနိုင်သော လက်နက်မျိုးဖြစ်၍ မေတ္တာဖြင့် အောင်နိုင်ခြင်းသည် win-win ခေါ် နှစ်ဦးနှစ်ဖက် အကျိုးရှိသည့် အနိုင်ရခြင်းမျိုးဖြစ်သည်။

မေတ္တာသည် အေးမြ အစွမ်းထက်သည့်အားလျော်စွာ မေတ္တာအကြောင်း ဆွေးနွေးရခြင်းသည်လည်း ကောင်းမြတ်၏။ တရားဆွေးနွေးခြင်းကို “ဓမ္မသာကစ္ဆာ” မင်္ဂလာဟုခေါ်သည်။ တရားဆွေးနွေးခြင်းဖြင့် တစ်ဦးနှင့် တစ်ဦး အမြင်ခြင်း, အတွေ့အကြုံခြင်း ဖလှယ်နိုင်သည်။ အကြောင်းအရာတစ်ခုအပေါ်တွင် ရှုထောင့်အမျိုးမျိုးမှ ကြည့်မြင်တတ်၊ ပိုင်းခြားဝေဖန်တတ်လာ၍ အမြင်ကျယ်စေသည်။ ဗုဒ္ဓက ရှုထောင့်တစ်ခုတည်းမှသာ တစ်ဖက်သတ်မြင်တတ်သော “ဧကံသ၀ါဒ”ကို အားမပေး။ ရှုထောင့်စုံမှ ဝေဖန်ပိုင်းခြား၍ မြင်တတ်ပြောတတ်သော “၀ိဘဇ္ဇ၀ါဒ” ကိုသာ အားပေးသည်။ တရားစကားဝိုင်းများက ၀ိဘဇ္ဇဉာဏ် ရင့်သန်စေနိုင်သည်။ အမြင်ကျယ်စေ, သဘောထားကြီးစေ၍ unity in diversity ခေါ် မတူကွဲပြားသော အမြင်များအကြား ညီညွတ်မျှတစွာနေထိုင်တတ်ရန် လေ့ကျင့်ပေးရာလည်း ရောက်သည်။

ဓမ္မသာကစ္ဆာ မင်္ဂလာအရ ဒုက္ခအကြောင်း, ငရဲအကြောင်း, အသုဘကမ္မဋ္ဌာန်းအကြောင်းတို့ ဆွေးနွေးရခြင်းသည်လည်း မင်္ဂလာပင်ဖြစ်သည်။ သို့သော်လည်း ဒုက္ခ, ငရဲ, အသုဘကမ္မဋ္ဌာန်းတို့သည် အကြောင်းအရာပိုင်းအရ စက်ဆုပ် ရွံရှာဖွယ်များဖြစ်နေ၍၊ မေတ္တာ အကြောင်းဆွေးနွေးရသော မင်္ဂလာက ပို၍ ငြိမ်သက်အေးမြပါသည်။ မေတ္တာစကားဝိုင်းသည် အကောင်းတကာ အကောင်းတို့ စုနေသော မင်္ဂလာဖြစ်သည်။

သို့သော် တခါတရံတွင် ဆွေးနွေးသူတို့က မိမိ၏ အသိအမြင်ကိုသာ ဦးစားပေးလွန်းပါက တဖက်အမြင်တို့နှင့် ညှိနိုင်းမယူနိုင်တော့ပဲ တစ်ဖက်သားအား အထင်အမြင်သေးခြင်း၊ ကဲ့ရဲ့ရှုတ်ချလိုခြင်းတို့ ဖြစ်ပေါ်လာတတ်သည်။ ဆွေးနွေးပွဲအဖြစ်မှ ရန်ပွဲအသွင် ကူးပြောင်းသွားတတ်သည်။ ရန်ပွဲတကာ ရန်ပွဲတို့တွင် မေတ္တာအကြောင်း ဆွေးနွေးရင်း ဖြစ်ပေါ်ရသော ရန်ပွဲက အရုပ်ဆိုး အကျည်းတန်လွန်းသည်ဟု တွေးမိပါသည်။ မေတ္တာ၏ win-win သဘောထားတို့လည်း မထားနိုင်တော့။ ဓမ္မသာကစ္ဆာမှ ရနိုင်မည့် unity in diversity အကျိုးလည်းမရနိုင်တော့။ မူလ ရည်ရွယ်ချက်ကောင်းများမှလည်း သွေဖီသွားသည်။ မေတ္တာသုတ်လာ ဂါထာတစ်ပိုဒ်ဖြင့် မေတ္တာရန်ပွဲများ ကင်းရှင်းပါစေဟု မေတ္တာအာသီသ ပြုလိုက်ရပါသည်။

“န ပရော ပရံ နိကုဗ္ဗေထ၊ နာတိမညေထ ကတ္ထစိ န ကဉ္စိ။

ဗျာရောသနာ ပဋိဃသည၊ နာညမညဿ ဒုက္ခမိစ္ဆေယျ။”

လူအချင်းချင်း လှည့်ပတ်ခြင်း ကင်းရှင်းကြပါစေ။

အထင်သေးခြင်း အချင်းချင်း ကင်းရှင်းကြပါစေ။

ဆင်းရဲလိုခြင်း အချင်းချင်း ကင်းရှင်းကြပါစေ။

ဧရာ (မန္တလေး)

အတ္တသစ်ပင်

အသက်က အနှစ်နှစ်ဆယ် နှစ်ခါပြန်တဲ့ အချိန်မှာ နောင်အနှစ်နှစ်ဆယ်မှာကို တိုက်တိုက်ဆိုင်ဆိုင် ရေးလိုက်ရလို့ တက်ဂ်လာတဲ့ တန်ခူးနဲ့တကွ ဖတ်ပေး ကော်မန့်ရေးပေးတဲ့ ဘလော့မိတ်ဆွေတွေကို ကျေးဇူး (ဒီထက် ပိုသင့်လျော်တဲ့ စာလုံး မသုံးတတ်သေးလို့ပါ။)

လွန်ခဲ့တဲ့ အနှစ်နှစ်ဆယ် အချိန်တုန်းကတော့ နောင်အနှစ်နှစ်ဆယ်မှာ အခုလို ပုံစံဖြစ်နေလိမ့်မယ်လို့ ရိုးတိုးရိပ်တိပ်တောင် ပုံမဖော်နိုင်ခဲ့ပါဘူး။

အခုကနေ နောက် အနှစ်နှစ်ဆယ်ကိုလည်း "သိသလို မသိသလိုပါပဲ"လို့ ပြောမှသာ အမှန်နဲ့ အနီးစပ်ဆုံးဖြစ်ပါလိမ့်မယ်။

ဒီနေ့ World Environment Day မှာတော့ သစ်ပင်အကြောင်း စာလေးရေးချင်မိတယ်။

အတ္တသစ်ပင်

နေစကြာဝဠာထဲက ငါ
ပိန်းပိတ်မှောင်နေလိုက်ပုံများ
အလင်းနှစ် တသိန်းသွားရင်
အစအဆုံးရောက်တဲ့
ဂလက်ဆီဆိုတာတောင်
မမြင်ဖူးသေးဘူး။

မလောက်လေး မလောက်စား
ဖြိုးတိုးဖျောက်တောက်တွေခေါ်ရာ
လေယူရာယိမ်းနွဲ့လို့
ကမူးရှူးထိုး လိုက်နေတာ
နေရာမရွေ့ပေမဲ့
မောဟိုက်ပုံလည်း မရသေးဘူး။

သြော်
ကြွေကာကျလို့
မြေမှာ ခ,ရင်လား…
နောင်နှစ်တသန်းကြာတဲ့အခါ
စိန်တွေပွင့်တဲ့ ရေနံပင် ဖြစ်ဦးမှာလေ။ ။

(ကိုဧရာ ရိုက်ကူးထားသောပုံ)

နောင်အနှစ်နှစ်ဆယ်မှာ

ငါ့မျက်လုံးတို့ကား မွဲကြပေမည်။ သို့သော် ငါ့အမြင်များ သဲကွဲလိုသည်။

နားတွေကလည်း လေးပင်းကြပေဦးမည်။ ကလိမ်စေ့ ငြမ်းဆင် မုသာဝါဒတို့ တိုးသဲ့သဲ့မျှ မကြားချင်ပြီ။ သို့သော် အကင်းလေးတော့ ပါးလိုသည်။

ပိတ်ထားရပါများလို့ ပုတ်ညှီနေတဲ့ မွေးရာပါ ထိုပါးစပ်။ စည်ကြီးလိုပါတဲ့ တီး၍လာတိုင်း တဒိန်းဒိန်းပ မြည်ချင်သည်။ ကြာညိုနံ့တို့သင်းလိုသည်။

အနံ့ခံ အမဲလိုက်ခြင်းအတတ်နဲ့ အသက်မမွေးခဲ့ရခြင်းအတွက် လိပ်ပြာကြီးငယ် သန့်လိုသည်။
မသင့်မတင့် မခိုးမခန့် မလိမ့်တပတ် မိန်းမမိုက်တယောက် မဖြစ်လိုသည်။

သံဝေဂကို အဖေါ်ပြုရငြား၊ နောင်တတို့မှ ဝေးလိုသည်။
ဦးခေါင်းကိုမော့ ရင်ကိုကော့၍ အသက် ၀ ၀ ရှူချင်သည်။

တန်ခူး တက်ဂ်၍ ရေးပါသည်။

ကြောက်တတ်ဖို့ လိုပါသည်

ကြောက်တတ်ဖို့ လိုပါသည်။ ကြောက်ရွံ့ခြင်းသည် ဘေးအန္တရာယ်ကို ရှောင်ရှားလိုခြင်း ဖြစ်သည်။ မိမိအပေါ်, မိမိ၏ ပတ်ဝန်းကျင်အပေါ် ကြရောက်လာမည့် ဘေးအန္တရာယ်ကို ရှောင်ရှားနိုင်ရန် ကြိုးပမ်းရမည်ဖြစ်သည်။ သို့သော် ကြောက်ခြင်းတွင် မှန်ကန်သော ကြောက်ခြင်းနှင့် မှားယွင်းသော ကြောက်ခြင်းဟု နှစ်မျိုးရှိလေသည်။

မှန်ကန်သော ကြောက်ခြင်းသည် အမှားအမှန်ကို ပိုင်းခြားဝေဖန်သိ၍ အမှားကို ကျူးလွန်မိပါက ဖြစ်ပေါ်လာမည့် အကျိုးဆက်များကို ကြောက်ရွံ့ခြင်းဖြစ်သည်။ မှားယွင်းသော ကြောက်ရွံ့ခြင်းသည် လတ်တလောရင်ဆိုင်ရမည့် ပြဿနာကိုသာ ကြောက်တတ်ကြသည်။ အသိဉာဏ်မပါ၍ အမှားအမှန်ကို ခွဲခြားဝေဖန်နိုင်စွမ်းမရှိပဲ၊ အမှားကိုလည်း ကျုးလွန်မိစေနိုင်သည်။ မတရားမှုဆီသို့ ဦးတည်စေနိုင်၍ “ဘယာဂတိ”ဟု သတ်မှတ်သည်။ မှန်ကန်သော ကြောက်ရွံ့ခြင်းကသာ တရားမျှတသော လူ့ဘောင်လောကကို ဖန်တီးနိုင်သည်။ ထို့ကြောင့် “သြတ္တပ္ပ”ခေါ် မှန်ကန်သော ကြောက်ရွံ့ခြင်းအား လောကကို စောင့်ရှောက်သော လောကပါလတရားဟု သတ်မှတ်သည်။ မှန်ကန်သော ကြောက်ရွံ့ခြင်းသည် အဓမ္မအင်အားစုများ၏ ခြိမ်းခြောက်မှုကို မကြောက်။ မတရားမှုများ ကျုးလွန်ရမည်ကိုသာ ကြောက်သည်။ မှားယွင်းစွာ ကြောက်တတ်သူများသည် လတ်တလော ခြိမ်းခြောက်မှုကို စိုးရွံ့ကြသော်လည်း၊ မတရားမှုတို့ တဖြည်းဖြည်း လှိုက်စားကာ လူ့ဘောင်လောက ပျက်စီးစေမည့် ဘေးအန္တရာယ်များကိုမူ လစ်လျှုရှု မျက်ကွယ်ပြု ထားတတ်ကြသည်။

ကောဋသိမ္ဗလိဇာတ်တော်တွင် ဂဠုန်နှင့် ငှက်ငယ်ကို ပမာပြု၍ မှန်ကန်စွာ ကြောက်တတ်ဖို့လိုကြောင်း ဟောကြားထားသည်ကို မျှဝေလိုပါသည်။ တခါက ဂဠုန်မင်းသည် မိမိ၏ ကိုယ်အား ယူဇနာ-၁၅၀ မျှကြီးအောင် ဖန်ဆင်း၍ သမုဒ္ဒရာရေပြင်ကိုခွဲကာ နဂါးမင်းကို အမြီးမှ ဖမ်း၍ ချီလိုက်သည်။ နဂါးလည်း ရုန်းရင်းကန်ရင်းဖြင့်ပင် ဂဠုန်ချီရာ ပါသွားရသည်။ ဂဠုန်လည်း ပြင်းသောအရှိန်အဟုန်ဖြင့် လက်ပံပင်တစ်ပင်ရှိသည့် တောကို ဖြတ်ကျော်သွားသည်။ နဂါးက အသက်ဘေးမှလွတ်ရန် လှမ်း၍မိသော ညောင်ပင်ကြီးအား ရစ်ခွေ၍ ရုန်းသည်။ သို့သော် ဂဠုန်မင်းသည် အလွန်ခွန်အားကြီး၍ ညောင်ပင်ပါ အမြစ်မှကျွတ်၍ ပါသွားလေသည်။ ထို့နောက် နဂါးကို စားကား အကြွင်းအကျန်တို့ကို သမုဒ္ဒရာတွင် စွန့်ပစ်၏။

ထိုအခါတွင် ညောင်ပင်တွင်နေသော ငှက်မသည် မိမိ၏ အသိုက်အမြုံပျက်စီးသွား၍ လက်ပံပင်သို့ ပြောင်း၍ နေလေသည်။ ဤသို့ ငှက်ငယ်မ ပြောင်းရွေ့လာသောအခါ လက်ပံပင်စောင့်နတ်က အလွန် တုန်လှုပ်ခြောက်ခြားသွား၍ လက်ပံပင်သည် အမြစ်မှ စ၍ တုန်လေ၏။ ဤသည်ကိုမြင်သော ဂဠုန်မင်းက “မိမိကဲ့သို့ အလွန်ခွန်အားကြီးမားသော ဂဠုန်က နဂါးကို ချီ၍ လက်ပံပင်ကို ဖြတ်ကျော်သွားစဉ်က ကြောက်ရွံ့ခြင်း မရှိ။ အလွန်သေးငယ်သော ဤငှက်ငယ်မ လာသည်ကို အဘယ်ကြောင့် ကြောက်ရွံ့ရပါသနည်း” ဟု တအံ့တသြ မေးလေ၏။ ထိုအခါ လက်ပံပင်စောင့်နတ်က “ဤငှက်ငယ်မသည် ငါ၏ သစ်ပင်ခွ၌ ကျင်ကြီး စွန့်အံ့။ ထိုကျင်ကြီးမှ ညောင်စေ့, ရေသဖန်းစေ့တို့သည် အပင်ပေါက်ကာ, ဤလက်ပံပင်အား လွှမ်းမိုး လတ္တံ့။ ငါ၏ ဗိမာန်လည်း ပျက်အံ့” ဟူသော အနာဂတ်ဘေးကို မြင်၍ စိုးရိမ်ထိတ်လန့်ကြောင်း ဖြေလေသည်။

သင်္ကေယျ သင်္ကိတဗ္ဗာနိ၊ ရက္ခေယျာ နာဂတံ ဘယံ
ရွံရှာသင့်သည်ကို ရွံရှာရာ၏။ အနာဂတ်ဘေးကို ကာကွယ်စောင့်ရှောက်ရာ၏။

မကြောက်သင့်သည်တို့ကို မကြောက်မိဖို့ လိုသည်။ ကြောက်သင့်သည်တို့ကို ကြောက်တတ်ဖို့လိုသည်။ မတရားမှုတို့ တဖြည်းဖြည်း လှိုက်စား ၀ါးမြိုခံရမည့် အရေးကို မျက်ကွယ်မပြုမိပဲ၊ စေ့စေ့တွေး၍ ကြောက်တတ်ဖို့လိုပါသည်။

ဧရာ(မန္တလေး)

စာညွှန်း။
ဇာတက-၄၁၂၊ သတ္တကနိပါတ်-ဂန္ဓာရ၀ဂ်-ကောဋသိမ္ဗလိဇာတ်

လူရည်ချွန်

တခေတ်တခါက လူရည်ချွန် ဆိုတာနဲ့ မိမိ ပတ်သက်ဖူးသလောက်လေး ရေးထားချင်ပါတယ်။

ကျမ တသက်နဲ့ တကိုယ် ၇တန်းမှာ မြို့နယ်အဆင့် လူရည်ချွန်အရည်အချင်းစစ် စာမေးပွဲ ဖြေခဲ့ရဖူးပါတယ်။ ကျောင်းက ပထမ အစမ်း စာမေးပွဲမှာ ပထမရလို့ပါ။ ဆိုလိုတာက ကျောင်းအဆင့်မှာ လူရည်ချွန်အတွက်ရယ်လို့ သီးသန့်အရည်အချင်းစစ်ခြင်း၊ စခန်းသွင်းလေ့ကျင့်စေခြင်းမျိုး မရှိခဲ့ပါဘူး။ ဟုတ်ပါတယ် လူရည်ချွန်တယောက်ဖြစ်ဖုိ့ စာတခုတည်း တော်နေလို့ မရပါဘူး။ အထွေထွေ ဗဟုသုတ၊ ဉာဏ်စမ်းနဲ့ ကိုယ်လက်ကြံ့ခိုင်မှု အားကစားများကိုလည်း အစစ်ဆေးခံကြရပါတယ်။ နှစ်ပတ် အလိုမှ အထက-၃ကို ကိုယ်စားပြုပြီး မြို့နယ်အဆင့် လူရည်ချွန်စာမေးပွဲ ၀င်ရမယ်ဆိုတာကို သိရတာပါ။ ကိုယ်လက်လှုပ်ရှား အားကစားဆိုလို့ ဘုံဘိုင်က လာတဲ့ရေကို တိုင်ကီထဲခပ်ထည့်တာလောက်သာ လုပ်ဖူးတဲ့ ကျမကို အမကြီးနဲ့ အကိုလေးက အိပ်-ထ-မတင် စတင်လေ့ကျင့်ပါတော့တယ်။ တယောက်ကခြေကကိုင်၊ တယောက်က ခေါင်းကမ။ သူတို့ အားနဲ့တော့ ကြွနေတာပဲ။ လွှတ်ထားလိုက်ရင်တော့ ကြမ်းပြင်နဲ့ကျောကပ်နေတာ တလက်မတောင် မကြွတော့ပါဘူး။

ဒီလိုနဲ့ပဲ အားကစားဖြေရမည့်နေ့ ရောက်လာခဲ့ပါတော့တယ်။ အထက-၄ ကျောင်းရှေ့ ကွင်းကြီးမှာ ပွဲဦးထွက်က မီတာ ၁၀၀ ပြေးရတာပါ။ ၃ယောက်ပြေးရတဲ့ အစုမှာ ကျမ ဒုတိယရပါတယ်။ ဒါတောင် လိုက်ပို့တဲ့ အတန်းပိုင်ဆရာမက “ရှေ့ဆုံးက တာထွက်လာတော့ ငါကစိတ်ထဲက တယ်ဟုတ်ပါလား ထင်နေတာ ပန်းလည်းဝင်ရော ပထမနဲ့ အတော်ကြီးကွာကျန်ခဲ့တယ်”လို့ မှတ်ချက်ပေးပါတယ်။ (အဖျားရှူးတတ်တဲ့ ဇာတိတို့ရဲ့ အစပါ)။ ဒီမှာဖြင့် မောလိုက်တာ ငါ့ပေါင်ကြီး ဒီလောက်လေးမှန်း ခုမှသိလို့ ကောင်းတုန်း နောက်တခါ လာပြန်ပြီ လားဟေ့ မီတာ ၄၀၀… အဲ့ဒီကွင်းကို နှစ်ပတ်ပြေးရမှာတဲ့… ။ ပြေးဆိုတော့လည်း ပြေးပေါ့… ။ ကွင်းတပတ်လည်း ပြည့်ရော ပြေးလမ်းကနေချော်ပြီး ဆရာမ ရင်ခွင်ထဲတန်းပြေး.. တရှုံ့ရှုံ့ ငိုရင်း ပါးစပ်ကလည်း တီချယ် သမီးမရတော့ဘူး သမီးမရတော့ဘူးနဲ့ ချွဲပေါ့…။ အခြားစောင့်ရှောက်နေတဲ့ သူတွေက “ဟဲ့ဟဲ့ ဘယ်လိုဖြစ်တာလဲ တပတ်ကျန်သေးတယ်လေ ပြေးဦးလေ… ဆရာမ ဆက်ပြေးခိုင်းဦးလေ”ပေါ့…။ ဆရာမလည်း သံပုရာသီးစိပ် ပါးစပ်ထဲလှမ်းထည့်ပြီး “မရဘူး မရဘူး ကျမသမီး အကြောင်း ကျမသိတယ်” ဆိုပြီး ပွဲလယ်တင့်ရပါတော့တယ်။

ကွင်းပြင်ကြီးထဲမှာတော့ ဒီလိုနဲ့ တစခန်းပြီးလို့ အခြားသော စစ်ဆေးမှုတွေအတွက် အားကစားရုံကြီးဆီ ချီတက်ကြပြန်ပါလေရော။ ပြိုင်ပွဲဝင်သူတွေ အကုန်တန်းစီပြီး အိပ်၊ ရွှီ ကနဲ ခရာမှုတ်တာနဲ့ စတော့ အိပ်-ထ-မတင်။ ပြိုင်ပွဲ ဆိုတဲ့ အသိကြောင့်လား မသိဘူးရှင် တချက်မှကို ကြွမလာတာပါ။ အသာလေးထပြီး ကိုယ့်ဘေးနားက အားတက်သရော လုပ်နေတဲ့ လူတွေကို ငုတ်တုတ်ထိုင် ကြည့်နေလိုက်တော့တယ်။ ဒီအချိန်မှာတော့ မငိုတော့ပါဘူး။ ခုနင်က တ၀ကြီး ငိုပြီးသွားပြီလေ။ ကလေးဆိုတော့ ကောင်းတယ်… ဖြစ်ကြောမရှည်ဘူး။ နောက်တော့ ဒိုက်ထိုးတဲ့။ နှစ်ချက်သုံးချက်တော့ ထိုးခဲ့သေးတယ် မှတ်တာပဲ။ အခြားစစ်ဆေးမှုတွေ တခုနှစ်ခု အပြီး ပြန်လာခဲ့ရတော့ သူတို့ကျောင်းတောင် မဆင်းသေးဘူး။ စာသင်ခန်းတွေနား တမင်တကာ အတင်း ကပ်လျှောက်ပြီး စပ်စုစိန် လုပ်ခဲ့သေးတာ မှတ်မိတယ်။ (ဟုတ်တယ်လေ ဒီလိုကျောင်းတက်ချိန်ကြီးမှာ ကိုယ့်ကျောင်းမဟုတ်ပဲနဲ့ သူများကျောင်း ကော်ရစ်ဒါမှာ လတ်လျားလတ်လျားလုပ်ရတာ နည်းတဲ့ အခွင့်အရေးကြီးလားလို့)။

Result မျှော်တာပေါ့ရှင်…။ ကိုယ်ကောင်းကောင်းမွန်မွန် ဖြေနိူင်ခဲ့တယ် မဖြေနိူင်ခဲ့ဘူးဆိုတာ ကိုယ်ကိုယ်တိုင် အသိဆုံးဖြစ်ပေမဲ့ မျှော်တာကတော့ မျှော်တာပါပဲ။ ဒီလိုနဲ့ မမျှော်လင့်တဲ့ တနေ့မှာ ရပ်ကွက်ထဲက အင်္ဂလိပ်ကျူရှင်မှာ အထက-၄ ကျောင်းသူ တစ်ဦးက သူ မြို့နယ်အဆင့် လူရည်ချွန် အရွေးခံရကြောင်း သူ့သူငယ်ချင်းတွေကို ပြုံးစစနဲ့ ပြောပြနေတာ တစွန်းတစ ကြားလိုက်ရတဲ့ အခါမှာတော့… ကျမလည်း သူတို့ဝိုင်းထဲတိုးဝင်ပြီး “ငါ နင်တို့ကျောင်းမှာ အားကစားလာဖြေတုန်းက နင်လာဖြေတာ မတွေ့ပါဘူး” လို့ မေးမိတယ်။ “အဲ့ဒီနေ့က ငါနေမကောင်း”လို့တဲ့… နောက်သူဘာတွေ ဆက်ပြောနေခဲ့လဲ (တကယ်ပါ) ကျမ မှတ်ဉာဏ်ထဲ လုံးလုံးမရှိတော့လို့ ရေးမပြနိုင်တော့ပါဘူး။ သူ့ကို ကျမ တချိန်လုံး အကဲခတ်နေတယ် သူမျက်နှာ တချက်မပျက်ဘူး…။ ကျမသိပါတယ်.. ကျမလည်း မျက်နှာပျက်မှာ မဟုတ်ပါဘူး။ “နင်က သိပ်တော်တာပဲဟယ်”လို့ အဓိပ္ပါယ် ထွက်တဲ့ သူ့အတွက် ၀မ်းသာတဲ့ မျက်နှာပေးလေး ပေးခဲ့သေးလာတောင် မသေချာပါဘူး။ ပြိုင်ဘက်တွေလို့ ပြောလို့ရတဲ့ အားကစားဖြေတဲ့နေ့ကမှ တနေ့ထဲသာ တွေ့ဆုံခင်မင်ခွင့်ရခဲ့တဲ့ အခြားကျောင်းက သူငယ်ချင်းတွေရဲ့ ကြိုးစားပမ်းစား ပြေးကြ၊ အားတက်သရော ကုန်းကြ ကွကြ၊ အိပ်-ထ-မတင်လုပ်နေကြတာတွေ ပြန်မြင်ရင်း နင်တို့လည်း result ကို မျှော်နေကြတုန်းလား လို့ စိတ်ထဲကနေ စကားတွေ လှမ်းပြောနေမိပါရဲ့။ ကျမတို့တွေဟာ ၇-တန်းဆိုတော့ သိပ်ကို ငယ်ပါသေးတယ် ပြောမလား၊ အသိတရားရှိနေပါပြီလို့ ပြောမလား။ transparency ဆိုတဲ့ အသုံးအနှုန်းကို မသိသေးပေမဲ့ transparency မရှိရင် တရားမျှတမှုမရှိနိုင်ဘူးဆိုတာ ခပ်ရေးရေး သဘောပေါက်နေပြီလို့ ပြောလို့ရပါတယ်။ အဲ့ဒီနောက်တော့ လူရည်ချွန်ရဖူးတယ်ဆိုတဲ့ သူတွေ တွေ့တိုင်း အိပ်-ထ-မတင် လုပ်တတ်လားလို့ တအံ့တသြကြီး လိုက်မေးနေမိတဲ့ ခပ်ကြောင်ကြောင် ကောင်မလေး တယောက်ဟာ မသီတာပဲ ဖြစ်ပါတော့တယ်။

ဒီလိုနဲ့ ငုတ်လျိုးသွားရတဲ့ လူရည်ချွန်ပိုးဟာ ဆယ်တန်း အတန်းတင်စာမေးပွဲ ဖြေတဲ့ ပထမဦးဆုံးနေ့ - မြန်မာစာဖြေတဲ့နေ့ စာမေးပွဲအခန်းထဲမှာ အခါအားမလျော်စွာပဲ ပြန်ပေါ်လာပါတော့တယ်။ ထုံးစံအတိုင်းမေးခွန်းကို အေးအေးဆေးဆေး ဖတ်လာရင်း နောက်ဆုံး အောက်ပါ ခေါင်းစဉ်များမှ ကြိုက်ရာတခု စာစီကုံးပါ ဆိုတဲ့ မေးခွန်းမှာ

ခေါင်းစဉ်(၁) မြန်မာ့သစ်လုပ်ငန်း - သုတ ကိုမေးတာ
ခေါင်းစဉ်(၂) သုတ-ရသ မေးတဲ့ ခေါင်းစဉ်
ခေါင်းစဉ်(၃) “ပျော်ရွှင်ဖွယ် မြင်ကွင်းတခု” တဲ့ ရသ ကို ရေးရမည့် အခက်ဆုံးလို့ ပြောလို့ရတဲ့ဟာ

ကျမလေ လူရည်ချွန်တွေ စခန်းသွားကြရင် ‘ရန်ကုန်ဘူတာကြီးမှ ထွက်ခွာသွားကြပါသည်’ ဆိုတဲ့ သတင်းစာထဲက သတင်းမျိုးမှာ ပါတဲ့ ဓာတ်ပုံ မျက်စိထဲ ဖျောက်မရအောင်လာထင်နေပြီး အခြားမေးခွန်းတွေ ဖြေနေတဲ့ အချိန်လည်း အဲ့ဒီပျော်ရွှင်ဖွယ် မြင်ကွင်းကို ဘယ်လိုရေးချလိုက်မယ် ဆိုတာ တန်းတန်းစွဲရင်း မြန်မာစာ ၆၅-မှတ်ဖြင့် အောင်မြင်ခဲ့ပါတော့တယ်။

မှတ်ချက်။ ။ ၇တန်း အတန်းပိုင် ဆရာမ ဒေါ်ဗစ်တိုးရီးယားလူပါ။ (ခရစ်ယာန် ဘာသာဝင် ကရင်လူမျိုး- မြန်မာ အမည် ဒေါ်ဆိတ်ကျင်) ဆရာမနဲ့ ၆တန်း ၇တန်း နှစ်နှစ်ဆက်တိုက် သင်္ချာ(၂) သင်ခဲ့ရပါတယ်။ အသင်အပြ စည်းကမ်း အလွန်ကောင်းမွန်ပါတယ်။ ကြုံဖူးခဲ့တာလေး ချရေးခြင်းမျှသာပါ။ အရည်အချင်းရှိတဲ့ လူရည်ချွန်တွေ အများကြီးပါ။ ကျမကို ကွန်ပြူတာနဲ့ စတင်မိတ်ဆက်ပေးခဲ့တဲ့၊ အခွင့်ကြုံသလို သွန်သင်ဆုံးမတတ်တဲ့၊ အမအရင်းတယောက်မဟုတ်ပေမဲ့ ကျေးဇူးတရားကြီးမားတဲ့ အမတယောက်ကလည်း လူရည်ချွန် အကြိမ်ကြိမ်ရခဲ့ဖူးသူပါ။

အိပ်မရတဲ့ ညအပေါင်းတွေရယ်

Are you thinking of getting a new computer?
Are you having problems getting to sleep at the moment?
Do you see why men should get paid more than women?
Where do you want to go for your next holiday?
အထက်ပါ မေးခွန်းတွေကို ဆရာမက သင်တန်းသူတွေ အချင်းချင်း တလှည့်စီ မေးစေပါတယ်။ ၁၅မိနစ် အချိန်ပေးထားခဲ့ပြီး ကိုယ့်နေရာကိုယ် ပြန်ထိုင်စေပြီးမှ စိတ်ဝင်စားဖွယ်ကောင်းတဲ့ အဖြေတွေကို တဦးချင်းစီ ပြောစေပါတယ်။ စိတ်ဝင်စားစရာ အဖြေရဖို့ဆိုတာက စိတ်ဝင်စားဖို့ကောင်းတဲ့ မေးခွန်းဖြစ်မှု အပေါ်မှာလည်း မူတည်နေမယ်လို့ ထင်မိပါတယ်။ မေးခွန်းက ကျယ်ပြန့်ပြီး လေးနက်သော်ငြားလည်း အဖြေက သေးသိမ်နေမယ် ဆိုရင် မှန်းခြေမကိုက် ဖြစ်တတ်ပါတယ်။ သမားရိုးကျမေးခွန်းကို မထင်မှတ်တဲ့ ရှုထောင့်က လှလှပပလေး ဖြေသွားမယ်ဆိုရင်လည်း တမျိုးတမည်ဖြစ်သွားနိုင်ပါတယ်။

အထက်ပါမေးခွန်းတွေထဲမှာ မိမိအနေနဲ့ Do you see why men should get paid more than women? ဆိုတဲ့ မေးခွန်းကို စိတ်ဝင်စားစရာ အကောင်းဆုံး မေးခွန်းအဖြစ် စိတ်ထဲက ရွေးချယ်လိုက်ပါတယ်။ ဒီမေးခွန်းအတွက် ကျောင်းသူ အများစုရဲ့ အဖြေကတော့ No ဖြစ်ပါတယ်။ နှစ်ယောက်ကတော့ Yes လို့ ဖြေပါတယ်။ ဒီတော့ သူတို့ အဖြေတွေက ထူးခြားနေပြီပေါ့။ ဆရာမက ဘာကြောင့်လဲလို့ မလေးသူ Intan ကို မေးပါတယ်။ ယောက်ျားဟာ အိမ်ထောင်ဦးစီး တယောက်ဖြစ်တဲ့ အတွက်ကြောင့် မိသားစုကို ထောက်ပံ့နိုင်ဖို့ ယောက်ျားတွေရဲ့ ၀င်ငွေဟာ မိန်းမထက်သာသင့်ပါတယ်တဲ့။ သူတို့ လူမျိုးတွေရဲ့သဘာဝ၊ သူ့ရဲ့လက်ရှိ အနေအထားနဲ့ လိုက်လျောညီထွေစွာ သမားရိုးကျ ဖြေသွားတဲ့ အဖြေတခုလို့ပဲ မြင်မိပါတယ်။ အဲ… နောက်တယောက်ကတော့ တိုင်ဝမ်မှာမွေး၊ ဂျပန်မှာ ပညာသင်ခဲ့တဲ့ စင်ကာပူသူပါ။ သူ့အဖြေကတော့ ယောက်ျားတွေက ပိုသန်စွမ်းလို့ ပိုရသင့်ပါတယ်တဲ့။ မိမိစိတ်ထဲက IT ခေတ်ကြီးထဲမှာ “အောက်လိုက်တဲ့ အဖြေ” လို့ မှတ်ချက်ပေးလိုက်ပါတယ်။ စာသင်ခန်းထဲမှာတော့ Yes or No မည်သည့်အဖြေပဲ ဖြစ်ဖြစ် ဆရာမက Good, Very Good နဲ့ တချိန်လုံး motivate လုပ်နေတာပါပဲ။

အလကားသင်ပေးနေတဲ့ သင်တန်း (အဲ deposit S$150 တော့ တင်ထားရပါတယ်။ ကျောင်းခေါ်ချိန်ပြည့်ရင် သင်တန်းအဆုံးမှာ ပြန်ထုတ်ပေးပါတယ်။) ကနဦး အစမှာတော့ သူ့ဆီက ကျောင်းသားတွေရဲ့ မိဘကိုသာ သင်တန်းတက်ရောက်ခွင့် ပေးခဲ့ပေမဲ့ တကယ်တန်းမှာ လာတက်တဲ့ လူဦးရေက သတ်မှတ်ဦးရေ မပြည့်မီတာကြောင့် (တတန်းလျှင် ဆယ်နှစ်ဦး) ကျောင်းသားမိဘမှ မဟုတ်ပဲ စိတ်ဝင်စားသူများ မည်သူမဆို တက်ရောက်နိုင်ပါတယ်။

သင်တန်းသူ အများစုက သက်လတ်ပိုင်းအရွယ် အိမ်ရှင်မတွေဖြစ်ပြီး ဘ၀ကို အေးအေးချမ်းချမ်း ပေါ့ပေါ့ပါးပါး ဖြတ်ကျော်နေကြသူများလို့ ယေဘုယျအားဖြင့် ပြောနိုင်ပါတယ်။ ဒါကြောင့်လည်း Are you having problems getting to sleep at the moment? ဆိုတဲ့ မေးခွန်း အတွက် No ဆိုတဲ့ အဖြေ တညီတညွတ်တည်း ထွက်လာပါတယ်…။ တိုက်တိုက်ဆိုင်ဆိုင် ဆရာမက မိမိကိုမှ ဒီမေးခွန်းအတွက် ထူးခြားတဲ့ အဖြေမျိုးရခဲ့ပါသလားတဲ့ …။ မိမိရဲ့အဖြေကတော့ I cann’t find anyone, except me ပါ …

နောက်ဆက်တွဲ …

ဒီမှာ အိပ်မရတာ ဘာကြောင့်လဲ…

ဒီတော့အားလုံးက ကျမကို ၀ိုင်းကြည့်ပြီး စိတ်ဝင်တစား မေးကြပါတယ်။ ဘာကြောင့်လဲပေါ့…။ ကျမအဖြေကတော့ လူတစ်စုရဲ့ အကြမ်းဖက်တိုက်ခိုက်မှု ခံရလို့ ၆-နှစ်ကျော် အကျယ်ချုပ်ကျခံနေရတဲ့ သူရဲ့အိမ်ကို ခပ်ကြောင်ကြောင် လူတစ်ယောက် ကျုးကျော် ၀င်ရောက်လာတဲ့အတွက် ထောင်ဒဏ်ပါ ဆက်ကျခံရတော့မယ်ဆိုတဲ့ တရားဥပဒေအကြောင်း စဉ်းစားနေလို့ပါလို့ အဖြေပေးလိုက်ပါတယ်။

ဓမ္မနှင့် အဓမ္မ

လူ့လောကတွင် အရိုင်းအစိုင်း တိရစ္ဆာန်သဘာဝနှင့် ယဉ်ကျေးသော လူ့သဘာဝဟူ၍ နှစ်မျိုးရှိသည်။ တိရစ္ဆာန်သဘာဝ ကြီးနိုင်ငယ်ညှင်း နိုင်ရာစား အဓမ္မတရားကြီးစိုးသောလောကတွင် လူတို့သည် လူဂုဏ်သိက္ခာမဲ့စွာ အထိတ်တလန့် ကျီးလန့်စာစား နေထိုင်အသက်မွေး ကြရသည်။ ယဉ်ကျေးသော မေတ္တာ၊ ကရုဏာစသည့် ဗြဟ္မစိုရ်တရားတို့ကြီးစိုးသော လောကတွင် လူ့ဂုဏ်သိက္ခာရှိရှိ အေးချမ်းတည်ငြိမ်စွာ နေထိုင်ကြရသည်။ တိရစ္ဆာန်စိတ်, ဗြဟ္မစိုရ်စိတ်တို့သည် လူသားတစ်ဦးချင်းစီ၏ စိတ်အတွင်းသန္တာန်တွင်သာ မူတည်သည်မှန်သော်လည်း၊ အဓမ္မကြီးစိုးသော လောကအလယ်တွင် လူ့သိက္ခာရှိစွာ နေထိုင်ရန်မလွယ်။ မိမိသည် မည်မျှပင် မေတ္တာ, ကရုဏာတရားများ ထားလိုပါသော်လည်း အဓမ္မအင်အားစုများနှင့် ဆန့်ကျင်ဖက်ဖြစ်နေမည်။ စိတ်ဓာတ်ပျော့ညံ့သူဖြစ်လျှင် အများနည်းတူ မိုးခါးရေသောက်ကာ အဓမ္မအင်အားစုများ၏ ဖက်တော်သားဖြစ်သွားနိုင်သည်။ ထို့ကြောင့် တည်ငြိမ်အေးချမ်း၍ လူ့သိက္ခာရှိသော လောကတွင် နေထိုင်လိုသူတို့သည် အဓမ္မတရားများကို ဆန့်ကျင်၍ ဓမ္မကြီးစိုးအောင် အစဉ်ကြိုးပမ်းရသည်။ ထို့အတူပင် နိုင်ရာစား တိရစ္ဆာန်ဝါဒကို လိုလားသူတို့ကလည်း အဓမ္မတို့လွမ်းမိုးအသာရအောင် ကြိုးစားကြပေမည်။ လောကသည် ဓမ္မနှင့် အဓမ္မတို့၏ စစ်မြေပြင်ဖြစ်သည်။ ဓမ္မဖက်တော်သားသည် အဓမ္မ၏ ရန်သူဖြစ်၍၊ အဓမ္မ၏ ဖက်တော်သားတို့သည် ဓမ္မ၏ ရန်သူဖြစ်သည်။ ကြားနေသူဟူ၍ မရှိ။ မိမိသည် လူ့တိရစ္ဆာန်လော, လူပီသသော လူလော ရွေးချယ်ရန်သာရှိသည်။ ဓမ္မကိုရွေးချယ်လျှင် အဓမ္မကို ဆန့်ကျင်ရန်မှာ တာဝန်ဖြစ်သည်။ ကိုယ်အမှုတို့ဖြင့် ဆန့်ကျင်ရမည်။ နှုတ်အမှုတို့ဖြင့် ဆန့်ကျင်ရမည်။ ကိုယ်နှုတ်တို့ဖြင့် မဆန့်ကျင်သာလျှင်လည်း “မတရားမှုတို့အား လက်မခံနိုင်” ဟု စိတ်မှ ဆန့်ကျင်ကြရမည်။

မတရားမှုကို ဆန့်ကျင်ခြင်းသည် ပန်းတိုင်အရ ဓမ္မကို ဦးတည်သည်။ သို့သော် ပန်းတိုင်တစ်ခုတည်းသာ ပဓာနမဟုတ်။ ပန်းတိုင်သို့ လျှောက်လှမ်းသော လမ်းစဉ်သည်လည်း ပဓာနကျသည်။ ပန်းတိုင်ရော လမ်းစဉ်ပါ မှန်ကန်ပါမှ ဓမ္မအစစ်ဖြစ်သည်။ မတရားမှုတို့ကို ဆန့်ကျင်ရာတွင် အကြမ်းမဖက်ဝါဒကိုစွဲကိုင်၍ ဆန့်ကျင်သည်လည်းရှိသည်။ ဓားကိုစွဲကိုင်၍ ဆန့်ကျင်သည်လည်းရှိသည်။ ဓားကိုစွဲကိုင် ဆန့်ကျင်ခြင်းသည် လမ်းစဉ်အရ ဓမ္မနည်းမကျ၍ မည်မျှပင် ရည်ရွယ်ချက်ကောင်းစေ စင်းလုံးချော ဓမ္မ မဖြစ်။ စစ်သည် တရားသောစစ်ဟုဆိုဆို, မတရားသောစစ်ဆိုဆို ပါဏာတိပါတကံ ကျူးလွန်ခြင်းသာဖြစ်သည်။ အကုသိုလ်သာဖြစ်သည်။ စစ်မြေပြင်တွင် ရွပ်ရွပ်ချွံချွံတိုက်ခိုက်ရင်း အသက်စွန့်သွားသော စစ်သည်တို့၏ လားရာကို ဂါမဏိစစ်သူကြီးက ဗုဒ္ဓထံ မေးလျှောက်ခဲ့ဖူးသည်။ ဗုဒ္ဓက မဖြေ။ သုံးကြိမ်တိုင်တိုင်မေးပါမှ စစ်သည်တို့၏ လားရာသည် ငရဲနှင့် တိရစ္ဆာန်သာဖြစ်သည်ဟု ဖြေကြားခဲ့ဖူးသည်။ “ရဲသော် မသေ၊ သေသော် ငရဲမလား”ဟူသော ဆောင်ပုဒ်သည် ဗုဒ္ဓ၀ါဒအရ မှန်ကန်သော ဆောင်ပုဒ် မဟုတ်။ ဓမ္မသည် မျက်နှာမလိုက်။ စင်စစ် တရားသောစစ်၊ မတရားသောစစ်ဟု မရှိ။ အကုသိုလ်မှန်လျှင် မကောင်းသောအကျိုးကိုသာ ပေးသည်။ ထို့ကြောင့် ဗုဒ္ဓ၀ါဒအရ အဓမ္မကို ဆန့်ကျင်ရာတွင် တရားသဖြင့်သော နည်းကိုသာ သုံးရသည်။

သို့ဆိုက အကြမ်းမဖက်သော နည်းတို့ဖြင့် တုန့်ပြန်၍ မရနိုင်လောက်သော အဓမ္မတို့၏ ရန်ကို အညံ့ခံရတော့မည်လော…။ အဓမ္မကြီးစိုးမှုကို လက်ပိုက်ကြည့်နေရတော့မည်လော…။ မြစ်တစ်ဖက်ကမ်းသို့ ကူးခပ်လိုသော ယောက်ျားသည် သစ်ဝါးတို့ကို အမှီပြု၍ ကူးရသည်။ အကယ်၍ သစ်ဝါးတို့ မရပဲ ခွေးသေကောင်ပုတ်သာ ရပါကလည်း တစ်ဖက်ကမ်းသို့ရောက်ရေးကိုသာ ပဓာနထား၍ စက်ဆုပ်ရွံရှာဖွယ် ခွေးသေကောင်ပုတ်ကိုပင် အမှီပြုကာ ကူးသင့်ကူးရပေမည်။ စက်ဆုပ်ဖွယ် အကုသိုလ်ဖြစ်မှန်း သိသော်လည်း၊ ထိုအကုသိုလ်ကြောင့် အပါယ်ဘ၀ကျရမည်ကို သိသော်လည်း မိမိ၏ ဘ၀ကိုအနစ်နာခံ၍ မိမိ၏ ပတ်ဝန်းကျင် ကောင်းစားရေး, အဓမ္မမထွန်းကားရေးတို့ကို ဆောင်ရွက်ကြရသည်။ ဇာတ်တော်တို့တွင် ဘုရားအလောင်းတော်သည်လည်း ဓားလမ်းစဉ်ကို သုံးခဲ့ဖူးသော သာဓကများစွာရှိသည်။ သို့ကြောင့်လည်း အလောင်းတော်ဘ၀တွင် အပါယ်ငရဲ ကျရသည်များလည်း ရှိသည်။ တိရစ္ဆာန်ဘ၀ ရောက်ရသည်များ လည်းရှိသည်။ ဓားလမ်းစဉ်သည် ခွေးသေကောင်ပုတ်ကဲ့သို့ပင် စက်ဆုပ်ဖွယ်ဖြစ်၍ ပန်းတိုင်ရောက်ရေး အတွက်သာ ဖြစ်ပြီး၊ ဆက်လက် ဖက်တွယ်ထားရမည့် လမ်းစဉ်မျိုး မဟုတ်။ မိမိဘ၀ကောင်းစားရေး, မိမိ မိသားစုစားဝတ်နေရေးအတွက် ဓားလမ်းစဉ်ကို ကိုင်စွဲခဲ့ခြင်းမဟုတ်ပဲ အနိုင်ကျင့် အဓမ္မ၀ါဒတို့ မလွှမ်းမိုးစေရန် ဆောင်ရွက်ခြင်းသာ ဖြစ်ရသည်။ ဓားလမ်းစဉ်ကို ဆက်လက်ဖက်တွယ်ထားပါက မိမိတို့၏ ဓမ္မထွန်းကားရေး မူလပန်းတိုင် ပျောက်ဆုံးကာ အဆိုးသံသရာ လည်နိုင်သည်ကို သတိပြုကြရမည်။

“စိတ္တေန နိယျတိ လောကော” ဆိုသည့်အတိုင်း လောကကို စိတ်က ဖန်တီးထားခြင်းဖြစ်သည်။ လူသားတို့၏ ရွေးချယ်မှုများက ဖန်တီးထားခြင်းဖြစ်သည်။ မိမိ၏ “ဓမ္မနှင့် အဓမ္မ” ရွေးချယ်မှုသည် လူပီသသော လူသားလောကနှင့် လူ့တိရစ္ဆာန်လောကကို ရွေးချယ် လိုက်ခြင်းပင် ဖြစ်သည်။

ဧရာ (မန္တလေး)

စာညွှန်း။
သံ-၄-၃၅၅၊ သဠာယတ၀ဂ္ဂသံယုတ်ပါဠိတော်၊ ဂါမဏိသံယုတ်၊ ယောဓာဇီဝသုတ်
ဦးရွှေအောင် - ဘ၀အမြင်သစ်
ဦးရွှေအောင် - ကုသိုလ်နှင့် အကုသိုလ်

Perfect Tense

ဟယ် သီဟ...
ဟင် သီရိ...

ဘယ်တုန်းက မြို့ပြန်ရောက်နေတာလဲ
သိပ်မကြာသေးပါဘူး လွန်ခဲ့တဲ့ ၂ပတ်လောက်ကမှပါ အဖေ အသည်းအသန် ဖြစ်လို့လေ
အော် ဟုတ်လား
ဘယ်ကတည်းက ပြန်ရောက်နေတာလဲ
မနေ့ကပဲ ရောက်တယ် အငယ်မ မင်္ဂလာဆောင်လာတာလေ
အော်
...
အချိန်ရတယ် မဟုတ်လား လ္ဘက်ရည်ဆိုင် ဖြစ်ဖြစ် ခဏလောက်ထိုင်ကြတာပေါ့
သွားလေ

လူနှစ်ယောက် လမ်းမပေါ်မှာ မထင်မှတ်ပဲ ဆုံတယ်... သူတို့ဟာ သိဟောင်းကျွမ်းဟောင်းတွေ ဖြစ်ခဲ့ကြပြီး နှစ်အတော်ကြာ အဆက်အသွယ်ပြတ်နေကြပုံပဲ။ သူတို့ရဲ့ အတိတ်က ဆက်ဆံရေးက ဘယ်လိုပုံစံလဲ…ငယ်သူငယ်ချင်းတွေလား…လုပ်ဖော်ကိုင်ဖက်ဟောင်းတွေလား…အဲ.. ငယ်ချစ်ဟောင်းတွေလား???

သိချင်ရင် ဆက်ဖတ်ကြည့်လေ…တကယ့် အဖြစ်အပျက်မှာတော့ သီဟနဲ့ သီရိ မဟုတ်ပါဘူး... Peter နဲ့ Amanda ပါ...

“And so, Peter, did you become a foreign correspondent?”
“Not exactly,”... “I’m a lawyer, believe it or not.”
“You enjoy it?”
“Yes,”...“And you? Are you a world famous artist?”
“Well, …no.”
“So, What are you up to?”
“Nothing much,”... “I’ve tried a few things...”
“So you are not painting at all?”
“Only doors and walls,”
...
“So where are you in London?”
“North,” ...“And you?”
“South. It’s okay, I rent a room.”...“But I’m thinking of buying somewhere. It’s one of the reason I came home. I want to sort things out a bit,”
...
“Oh, Peter, I don’t know why I left that day,”
“It’s all right,” ... “We were young. Young people do things like that all the time,”
“I suppose you’re right.”
...
“Well, I ought to be going,”
“Already? I thought you had time to kill.”
“I did,” ...“But I ought to get back now to help my mother with the wedding.”
“I understand,”... “Shall I give you my phone number. Perhaps we could meet up?”
“perhaps,” “Thanks. Goodbye, Peter.”
“Goodbye, Amanda.”

ကဲ ..သူတို့ ပြောပုံ ဆိုပုံတွေ ကြည့်ပြီး ရိပ်ဖမ်းသံဖမ်းတော့ ရှိလာပြီ မဟုတ်လား…သူတို့က ဇတ်လမ်းတွေ ရှိခဲ့ပုံပဲ…အပြည့်အစုံလေး သိချင်ရင်တော့…

They walked towards Gaby’s, a small café just off the high street. They had spent hours there when they had first met, laughing and holding hands under the table, and discussing their plans for the future over cups of coffee.

“And so, Peter, did you become a foreign correspondent?” she asked, remembering the places they dreamed of visiting together – India, Moroccco, and Australia.
“Not exactly,” he said. “I’m a lawyer, believe it or not”. She looked at his clothes, and she could believe it. They were a far cry from the second-hand shirts and jeans he’d worn as a student. “You enjoy it?” she asked.
“Yes,” he lied. “And you? Are you a world famous artist?” He’d always loved her pictures. He remembered the portrait of herself which she’d painted for him for his twentieth birthday. He still had it.
“Well, …no.” She tried to laugh. She wondered if he still had her self-portrait. She’d stopped painting years ago. He looked at her hair, cascading in dark unruly waves over her shoulders. He could see a few white hairs now, but she was still very beautiful.
“So,” he said. “What are you up to?”
“Nothing much,” she said. “I’ve tried a few things.” She didn’t want to tell him about the succession of temporary jobs that she’d hoped might lead to something more permanent but never had.
“So you are not painting at all?”
“Only doors and walls,” she joked, and he laughed politely. She remembered the evenings they’d spent in the bedsit that they rented together in their last term at college. He’d sit for hours just watching her paint. She filled sketch book after sketch book.
“So where are you in London?” she asked.
“North,” he said. It was a three-bedroom flat in Hampstead. Nice in an empty kind of way. He thought about all the evenings he wished he had someone to come home to.
“And you?” he asked, after a pause.
“South. It’s okay, I rent a room.” She thought of the small room with the damp walls which she rented in an unfashionable part of Clapham.
“But I’m thinking of buying somewhere. It’s one of the reason I came home. I want to sort things out a bit,” she signed, thinking about the letters from him that she’d found in her old bedroom. She’d been reading them only yesterday.
“Oh, Peter, I don’t know why I left that day,” she said at last. He looked up at her.
“It’s all right,” he said, remembering the evening she hadn’t come back to the bedsit.
“We were young. Young people do things like that all the time,” he added, knowing that this wasn’t true, knowing that he hadn’t deserved such treatment. He thought of all the letters he’d sent to her parent’s home. He’d written every day at first, begging her to return or at least to ring him. He’d known even then that he would never meet anyone like her again.
“I suppose you’re right.” She swallowed hard, trying to hide her disappiontment and hurt that he seemed to have no regrets.
“Well, I ought to be going,” she said.
“Already? I thought you had time to kill.”
“I did,” she said, blinking to hold back the tears. “But I ought to get back now to help my mother with the wedding.”
“I understand,” he said, though he didn’t. Surely her parents would understand?
“Shall I give you my phone number. Perhaps we could meet up?”
“perhaps,” she said. He wrote his telephone number on the back of the bill and she tucked it into the zipped compartment of her handbag.
“Thanks. Goodbye, Peter.”
“Goodbye, Amanda.”
Years later, every so often, she still checked that compartment to make sure his number was there.

သင်တန်းမှာ သင်ခဲ့ရတဲ့ Fiona Goble ရဲ့ Things we never said က စာအချို့ပါ။ Perfect tense တွေကို ဆေးရောင်လေးချယ်ပြထားပါတယ်။

The Great Debaters

“What we have to do in order that we can do what we want to do” [from The Great debaters]
“Education is the only way out from the darkness into glorious light.” [from The Great debaters]
“An unjust law is no law at all.” [St. Augustine]

“ကျွန်စိတ်၊ ပညာရေးနှင့် လွတ်လပ်မှု” ဟူသော ပို့စ်ရေးစဉ်က ‘The Great Debaters’ ဇာတ်လမ်းအကြောင်းကို ထည့်ရေးဖို့ရန် စဉ်းစားခဲ့သည်။ သို့သော်လည်း သိပ်ရှည်လွန်းသွား၍ မထည့်ဖြစ်ခဲ့။


၁၉၃၀-ခုနှစ်ကာလ လူမည်းစကားရည်လု အသင်းတစ်ခုကို အခြေတည်၍ ရိုက်ကူးထားသော ဖြစ်ရပ်မှန် ဇာတ်လမ်းတစ်ခုဖြစ်သည်။ ထိုအချိန်က အမေရိကန်နိုင်ငံတွင် ကျွန်စနစ်နှင့် အဓမ္မစေခိုင်းသောစနစ်တို့ကို ဖွဲ့စည်းပုံအခြေခံအရ ဖျက်သိမ်းပြီးဖြစ်သည်။ သို့သော်လည်း လူဖြူတို့သည် Lynching ဟူသော နည်းကို အသုံးချ၍ အာဖရိကနွယ်ဖွား လူမည်းတို့ကို ကျွန်စိတ်မပျောက်စေရန် စိတ်ဓာတ်ကို အညွှန့်ချိုးခဲ့ကြသည်။ ကျွန်စနစ်ကို ဆန့်ကျင်သူများအား ကြောက်ရွံ့ နောင်ကြဉ်စေရန် လူအုပ်စုဖွဲ့၍ အကြမ်းဖက် အနိုင်ကျင့်ခြင်း၊ ရိုက်နှက်ခြင်း၊ အရှင်လတ်လတ် မီးရှို့ခြင်း၊ လူအများမြင်သာစေရန် ကြိုးပေးကွပ်မျက်ခြင်းစသော ဥပဒေ ပြင်ပနည်းများကို သုံးခဲ့ကြသည်။


လူမည်း ပညာတတ်လူငယ်တို့က မိမိတို့၏ အခြေခံရပိုင်ခွင့်များကို ခံစားနိုင်ရန် ကြိုးပမ်းကြသည်။ ပညာရေးသည်သာ မိမိတို့မျိုးနွယ်ဖွားတို့၏ တစ်ခုတည်းသော လွတ်မြောက်ရာလမ်းဖြစ်သည်ဟု ခံယူခဲ့ကြသည်။ ပထမဆုံးအလုပ်သည် လူငယ်များ၏ နှလုံးသားမှ သိမ်ငယ်စိတ်၊ ကျွန်စိတ်ကို ဖယ်ထုတ်ပစ်ရန်ဖြစ်သည်။ နောင်တွင် ထင်ရှားသည့် လူမည်း ကဗျာဆရာတစ်ဦးဖြစ်လာမည့် Melvin B. Tolson သည် Wiley Collge မှ လူငယ်များအားစုစည်းကာ စကားရည်လုပွဲအသင်းတစ်ခု ထူထောင်ခဲ့ကြပုံကို အခြေခံ၍ ဤဇာတ်ကားကို ရိုက်ကူးထားခြင်း ဖြစ်သည်။


“ဒို့လုပ်ချင်တာတွေ လုပ်နိုင်ဖို့အတွက် ဒို့လုပ်ရမယ့် အရာ” ဟူသည့် တာဝန်ယူစိတ်ကို လှုံ့ဆော်သော စကားကို ထပ်လဲလဲ သုံးသွားသည်။ ပညာရဲရင့် ပွဲလယ်တင့်ဆိုသော စကားအတိုင်း ထိုစကားရည်လုပွဲ အသင်းလေးသည် ဟားဘတ်တက္ကသိုလ် (ဖြစ်ရပ်မှန်တွင် ကယ်လီဖိုးနီးယား တောင်ပိုင်းတက္ကသိုလ်) အသင်းကို ရင်ဘောင်တန်း ယှဉ်ပြိုင် ခွင့်ရခဲ့သည်။ ထိုစဉ်က စကားရည်လုပွဲတွင် James Farmers သည် “မတရားသော ဥပဒေသည် ဥပဒေပင် မဟုတ်” ဟူသော စိန့်သြဂတ်စတင်း၏ စကားကို မကြာခဏ ကိုးကားခဲ့သည်။ နောက်ဆုံး စကားရည်လုပွဲကို လူမည်းအသင်းက အနိုင်ရလိုက်ပုံဖြင့် ဇာတ်သိမ်းထားသည်။ နောင်တွင် James Farmers သည် ထင်ရှားသော လူမည်း အခွင့်အရေး လှုပ်ရှားမှု ခေါင်းဆောင်တစ်ဦး ဖြစ်လာခဲ့သည်။


http://www.youtube.com/watch?v=JnezpSJwr8c&feature=fvst

ဧရာ (မန္တလေး)

လွတ်မြောက်ခြင်း

ဒီနေ့ နေသာပုံက ထူးတယ်။ ဟိုးငယ်ငယ် စနေတနင်္ဂနွေမဟုတ်တဲ့ ကျောင်းပိတ်ရက်တွေကို အမှတ်ရစေတယ်။ ပျောက်ဆုံးနေတဲ့အရာကို ပြန်ရလိုက်သလို။ ဒီခံစားချက်လေးဟာ ကြာရှည်မခံဘူးဆိုတာ သိနေပေမဲ့ ဘာကိုမှန်းမသိ ကျေးဇူးတင်မိတယ်။ ခဏတာလေး မိမိရရ ဆုပ်ကိုင်မိလိုက်တဲ့အရာကို ကဗျာမပီ စာမမည်ပါစေ ရေးချဖို့ ရင်ထဲက တောင်းဆိုတယ်။


စက္ကန့် ၆၀ တမိနစ်၊ မိနစ် ၆၀ တနာရီ၊ ၂၄နာရီ တရက် သတ်မှတ်ချက်တွေ မပြောင်းလဲသေးပေမဲ့ နေ့တာတွေက တိုလာသလိုလို။ အရှိန်အဟုန်နဲ့ ပြောင်းလဲနေတယ်ဆိုတဲ့ စီးကြောင်းကြီးမှာ အလိုက်သင့်လေး လိုက်ပါစီးမျောလို့ရော ရနိုင်ပါ့မလား…။ ကိုယ့်ကို တွန်းလှဲ တိုက်ဝှေ့ သွားသူကသွား။ ကိုယ်တိုင်ကလည်း တက်သုတ်နှင်…။ ကိုယ်နဲ့ ဆိုင်သူတွေကိုလည်း ဆွဲခေါ် တွန်းတင်ကြ။ “မအားဘူး” ဆိုတဲ့စကားကို ဂုဏ်ယူစရာတစ်ခုလို တွင်တွင်ပြောနေကြတဲ့ လောက။ နေခင်းကြောင်တောင် အိပ်နေမိတာတောင် လူသိအောင် မပြောရဲတဲ့ ဘ၀။ အတန်းတင် စာမေးပွဲတစ်ခု ၀င်ဖြေနေတာမဟုတ်ပဲနဲ့… ကြားလိုက်ရတဲ့ အသံက… “အချိန်ရော လောက်ရဲ့လားတဲ့”။ အိုင်းစတိုင်းကတော့ အမြန်နှုန်းကို တင်လိုက်ရင် အချိန်ကာလကို ဆွဲဆန့်နိုင်သတဲ့။ အလိုက်သင့်ပဲဖြစ်ဖြစ်၊ ရုန်းရင်းကန်ရင်းပဲဖြစ်ဖြစ် ဒီလောက်မြန်တဲ့ စီးကြောင်းကြီးထဲ မျောပါနေသော်လည်း လူ့သက်တမ်းက တိုးမလာတာတော့ သေချာသပ။


ငယ်စဉ်က စာမေးပွဲပြီးလို့ အနှောင်အဖွဲ့မဲ့ ပေါ့ပါး လွတ်လပ်ခြင်းမျိုး ဒီနေ့ရလိုက်တယ်။

အမေ

ကိုယ်ဟာ သူရဲ့ ကိုယ်ပွားတခုဆိုရင်
ကိုယ့်ရဲ့အစဟာ သူရဲ့သွေးတစက်ပေါ့
ကိုယ့်ရဲ့ ခြေလှမ်းတွေအောက် သူ့လက်ဖ၀ါးတွေ
ကိုယ့်ကိုသူက ချစ်ဖို့မွေးခဲ့တာလေ...

အချိန်မရွေး သူပေးလေတဲ့
မေတ္တာချို စေတနာဆိမ့်
ကရုဏာမွှေး အကြင်နာနွေးတွေ
လှိုင်လှိုင်ကြီး စားသုံး
လူလုံးလည်း လှခဲ့သပေါ့...

ကိုယ့်ရဲ့ ဖြူစင်ခြင်းဟာ သူ့ရဲ့ အသွေးအသား
ကိုယ့်ရဲ့ ရှင်သန်ခြင်းမှာ သူ့ရဲ့ အနစ်နာ
ကိုယ့်ရဲ့ ယုံကြည်ခြင်းက သူ့ရဲ့ အလင်းရောင်
ကိုယ့်ရဲ့ ဖြစ်တည်ခြင်းက သူ့ရဲ့ အမျှော်အမြင်
ကိုယ့်ရဲ့ ရပ်တည်မှုကတော့…
ထောက်တည်ရာမရတဲ့ သူ့အဝေးကအရိပ်

မိန်းမတယောက်ဟာ
ထူးဆန်းတဲ့ ဘ၀တခုကို ပိုင်ဆိုင်ခဲ့ပြီဆိုရင်
အနစ်နာခံခြင်း
ယုံကြည်ခြင်းနဲ့
ချစ်ခြင်းတရားတွေမှာ
တစုံတရာတော့
မှားယွင်းနေခဲ့ပြီလေ...

မျက်ရည်တွေ ခမ်းခြောက်ပါစေတော့ … အမေ။ ။

သာသနာ့အလံ

ဗုဒ္ဓအဆုံးအမ သာသနာ၏ သင်္ကေတအဖြစ် ကိုယ်စားပြု လွှင့်ထူကြသော သာသနာ့အလံတော်ကို ၁၈၈၅-ခုနှစ် သီရိလင်္ကာနိုင်ငံ ကိုလံဘိုမြို့တွင် စတင် လွှင့်ထူခဲ့ကြခြင်းဖြစ်သည်။

နာယကဆရာတော်အရှင် ဟိက္ကဒုဝေ သီရိမင်္ဂလ မထေရ်အမှုးပြု၍ အနာဂါရိကဓမ္မပါလ၏ မိဘနှစ်ပါးတို့ ပါဝင်သော ကိုလံဘိုကော်မတီက ပထမဆုံးဗုဒ္ဓသာသနာ့အလံတော်ကို ဖန်တီးခဲ့ကြခြင်းဖြစ်သည်။ ဗုဒ္ဓ၏ ရောင်ခြည်တော် ခြောက်သွယ်ကို သင်္ကေတပြု၍ ရေးဆွဲခဲ့ကြခြင်းဖြစ်သည်။ ဗြိတိသျှကိုလိုနီဘ၀တွင် ၀ိသာခါနေ့ (Vesak day) အား အများပြည်သူအလုပ်ပိတ်ရက်အဖြစ် ပထမဆုံးအကြိမ်သတ်မှတ်ပေးခဲ့သော ၁၈၈၅-ခုနှစ် မေလ ၂၈-ရက် ၀ိသာခါအခါတော်နေ့တွင် သာသနာ့အလံတော်အား စတင်လွှင့်ထူခဲ့ကြသည်။

သို့သော်လည်း အရွယ်အချိုးအစားသည် လွှင့်ထူရန် အဆင်မပြေ၍ နိုင်ငံတကာအလံများ၏ အရွယ်အချိုးအစားအတိုင်းပြောင်းလဲရန် အမေရိကန် စာနယ်ဇင်းသမား ဗိုလ်မှူးကြီး Henry Steel Olcott က အကြံပြုခဲ့သည်။ ၁၈၈၆-ခုနှစ် ဧပြီလတွင် လက်ခံအတည်ပြု၍ သတင်းစာမှ ကြေညာခဲ့သည်။

ဗိုလ်မှူးကြီး Olcott နှင့် အနာဂါရိကဓမ္မပါလတို့နှစ်ဦးသည် ၁၈၈၉-ခုနှစ်တွင် ဂျပန်နိုင်ငံသို့ သွားရောက်စဉ် သာသနာ့အလံတော်အား ဂျပန်ဧကရာဇ်ထံ လက်ဆောင်ဆက်သခဲ့၍ ဂျပန်နိုင်ငံက စတင်လက်ခံခဲ့သည်။ ထို့နောက် မြန်မာနိုင်ငံအပါအ၀င် ဗုဒ္ဓဘာသာနိုင်ငံများက ဗုဒ္ဓသာသနာကို ကိုယ်စားပြုသော အလံတော်အဖြစ် လက်ခံလွှင့်ထူခဲ့ကြသည်။

သာသနာ့အလံတော်သည် “နီလ-ပီတ-လောဟိ-တောဒါတ-မဉ္ဇိဋ္ဌ-ပဘဿ ရ၀သေန ဆဗ္ဗဏ္ဏရသ္မိယော… ” ဟူသော မြတ်စွာဘုရား၏ ရောင်ခြည်တော်ခြောက်သွယ်အား ဖော်ညွှန်းထားခြင်းဖြစ်သည်။ နီလ (အပြာရောင်), ပီတ (အ၀ါရောင်), လောဟိတ(အနီရောင်), သြဒါတ(အဖြူရောင်), မဉ္ဇိဋ္ဌ (မောင်းသောအရောင် - လိမ္မော်) ဟူသော ထောင်လိုက်အစင်း ၅-ခု အစဉ်အတိုင်းပါဝင်သည်။ ညာဘက်ဆုံးအစင်းတွင် ထိုငါးရောင်မျိုးအား အလျားလိုက်ရေးဆွဲထား၍ ပဘဿရ (ပြိုးပြိုးပြက်သောအရောင်)ကို ကိုယ်စားပြုသည်။

နီလ (အပြာ) – Loving kindness, peace and universal compassion

ပီတ (အ၀ါ) – The Middle Path – avoiding extremes, emptiness

လောဟိတ (အနီ) – The blession of practice – achievement, wisdom, virtue , fortune and dignity

သြဒါတ (အဖြူ) – The purity of Dharma – leading to liberation, outside of time and space

မဉ္ဇိဋ္ဌ (အမောင်း) – The Buddha’s teachings – wisdom

မှတ်ချက်။
မြန်မာဘာသာကျမ်းများတွင် နီလအား အညိုရောင်ဟု ပြန်ကြပါသည်။ ဦးဟုတ်စိန်၏ ပါဠိ-မြန်မာ အဘိဓာန်တွင် “ညိုသည်, စိမ်းညိုသည်, ပြာသည်” ဟုဖွင့်ပြသည်။ ဦးမြတ်ကျော်၏ မြန်မာစာ၊ မြန်မာမှု ပါဠိ အဘိဓာန်သစ်တွင် “အမည်းရောင်၊ အနက်ရောင်” ဟုဖွင့်ပြသည်။ မဉ္ဇိဋ္ဌကို မြန်မာတို့က နီမောင်းသောအရောင်ဟု ပြန်ဆိုလေ့ရှိသည်။

စာညွှန်း။
http://en.wikipedia.org/wiki/Buddhist_flag
အဋ္ဌသာလိနီ - ဓမ္မသင်္ဂဏီအဋ္ဌကထာ

ဧရာ(မန္တလေး)