လျှာနဲ့သွား

နောက်ပိုင်းမင်းသားကြီး ကိုဧရာ မထွက်ခင်မှာ ရှေ့ထွက်မင်းသမီးကြီး မသီတာ ကပဲ ပရိသတ်ကြီးကို အသုံးတော်ခံရပါဦးမယ်။ နောက်ပိုင်းမင်းသားတို့ သဘာဝအတိုင်း ဇာတ်စာတွေ ကျက်နေတာ မကျေသေးလို့ သူ့ခမျာ ထွက်ချင်ရက်နဲ့ မထွက်နိုင်သေးပဲ အထွက်ခက်နေရှာပါတယ်။ လင်နဲ့ မယား ဖြစ်နေတော့လည်း ပွဲမလန့်ရ ပွဲမဆူရလေအောင် အခြေအနေကို ထိန်းဖို့ မသီတာပဲ ပြောင်သလင်းခါနေတဲ့ မျက်နှာကို မျက်နှာချေတွေ ဖို့သိပ် နယ်စောင့်ပြီး ထွက်လာရပြန်ပေါ့…:D
*****
မြရဲ့လ… ဆရာမဂျူး ၀တ္ထုကို ထူးအိမ်သင်က အသံနဲ့ ဇတ်လမ်းဖတ်ပြတာ ပို့စ်အဖြစ် တင်လိုက်မိပါတယ်။ ဒီမှာပဲ ထူးအိမ်သင်ကို အူထဲ အသည်းထဲက စွဲနေတဲ့ ကိုဧရာတယောက်… ထူးအိမ်သင်ချီးမွမ်းခန်း မနားတမ်း လွှင့်ပါတော့တယ်။ သားကြီးကို ခေါ်ပြီး နားထောင်ခိုင်းပါတယ်။ သား ဘယ်လိုနေလဲ ကောင်းတယ်နော် သူ့အသံက… လို့ အစဖော်ပေးတော့ သားဖြစ်သူကလည်း အင်း ကောင်းတယ်… သူ့အသံက လူငယ်လေး အသံမျိုး... ချိုချို အေးအေးလို့ ပြန်ပြော။ နောက်သားအဖ နှစ်ယောက် အပြောတင်မကဘူး၊ အလုပ်ပါ ပါလာကြရော။ အသံသွင်းကြတာတဲ့ အဲ့ဒီ မြရဲ့လ ကိုပဲ ဖအေလုပ်သူက သူ့အသံကြီးနဲ့ ဖတ်၊ ဖအေတလှည့်နားတော့ သားလုပ်သူက youtube ကနေ မေဆွိရဲ့ မောင်၊ မနဲ့မောင် သီချင်းတွေ ဖွင့်ပြီး အသံသွင်းသတဲ့။ အပေါက်အလမ်း မတည့်လိုက်ပုံများ…။ ညဥ့်တော်တော်နက်လာမှ သားတော်မောင်က တစခန်းရပ်ပြီး သူတို့အခန်းပြန်တယ်။ အရှိန်မသေသေးတဲ့ ကိုဧရာ ကွန်ပြူတာရှေ့ထိုင်ပြီး အသံသွင်းလိုက်တဲ့ အခါမှာတော့ အိပ်ယာပေါ် ဆန့်ဆန့်ကြီး ဇိမ်ယူနေပြီ ဖြစ်တဲ့ မသီတာ ကမန်းကတန်းထပြီး အဲ့လူကြီး ပါးစပ်ထပိတ်ရတယ်။ မသီတာကို အဲ့ဒီလောက် တုန်လှုပ်ချောက်ခြားသွားစေရလောက်အောင် ကိုဧရာ ဟဲလိုက်တာက

အချစ်ဆိုတာ ကိုင်တွယ် ပြလို့မရပေမဲ့၊ ခံစားသိလို့ ရတဲ့အရာမို့ စိတ္တဇနာမ်အုပ်စုထဲ သွတ်သွင်း သတ်မှတ်လိုက်ပါတယ်…

မသီတာရေးတဲ့ အချစ်အကြောင်း ပြောရအောင် ပို့စ်ကို အသံသွင်းတာတဲ့လေ… ဘလော့ဂ်ရှေ့ထွက် မင်းသမီးကြီးက ဘလော့ဂ်ပေါ်သာ ဟန်တလုံး ပန်တလုံး လုပ်နေပေမဲ့၊ အိမ်မှာတော့ ရှက်တယ်တော့ မျက်နှာမပြောင်ရဲဘူး။

တယောက်က အချစ်အကြောင်းပြောလို့ တယောက်က ကာတွန်းပုံဆွဲပေးရ၊ အသံသွင်းရနဲ့ ပျာယာခပ်နေလို့ ဒီနှစ်ယောက် သိပ်အဆင်ပြေနေကြတယ် ထင်ရင်တော့ မှားပါလိမ့်မယ်။ လင်နဲ့ မယား ဆိုတာကတော့ လျှာနဲ့သွားပါပဲ။ ဒီလောက် နီးကပ်နေမှတော့ ငြိတာမဆန်းပါဘူး။ အသက်လေးတွေ ရလာတော့ ပြောတဲ့သူက ပြော၊ ကြားတဲ့သူက ကြားချင်ရာကြား။ တို့များ ဘလော့ဂ်မှာ တခါတုန်းက တဂ်ပို့စ်အဖြစ် ရေးခဲ့ကြတဲ့ တခါတုန်းက အလွဲ၊ အခုတော့ အမှတ်တရ ဆိုတာနဲ့ ပြောင်းပြန်… ဟိုတုန်းက အမှတ်တရ၊ အခုတော့ အလွဲ ဆိုတာမျိုး ဖြစ်မှဖြစ်ပဲ။ လောလောလတ်လတ် လွဲပုံလေး ရေးပြဦးမယ်။ ကြင်စဦးတွေ အတုခိုး မမှားကြပါနဲ့။ Don’t try this at home ပေါ့။
*****
ကိုဧရာနဲ့ မသီတာတို့ shopping center ကြီးတခုထဲ ရောက်နေစေ
Sale တွေလည်း ချနေစေ

မသီတာ။ ။ ရှင် အင်္ကျီ၊ ဘောင်းဘီလေး ၀ယ်ချင် ၀ယ်ဦးလေ

ကိုဧရာ။ ။ နောက်မှ နောက်မှ

ချက်ချင်းဆိုသလိုပဲ ဆက်ပြော…

ကို ဘောင်းဘီတော့ လိုချင်တယ်… ကို့ ဘောင်းဘီတွေက မကောင်းတော့ဘူး

မသီတာ။ ။ အင်း..၀ယ်လေ…

ဘောင်းဘီတွေနားရောက်သွား…

ကိုဧရာ။ ။ သီတာ ကို့ခါး ဘယ်လောက်လဲ

မသီတာ။ ။ မသိဘူးလေ (အခုတလော ကိုဧရာ တော်တော်ဝ လာပြီး ဗိုက်ကြီးတလုံးနဲ့ဖြစ်နေတော့၊ မသီတာလည်း အယင် အတိုင်းအတာ အဟောင်းကို ပြန်စဉ်းစားမနေတော့ပဲ လွယ်လွယ်ပဲ ပြောလိုက်ပါတယ်။)

ကိုဧရာ။ ။ ဒါဆိုလည်း မ၀ယ်တော့ဘူး နောက်မှပဲ

မသီတာ။ ။ ရှင့်ခါး ပါမလာဘူးလား)))

(ဟုတ်တယ် တခွန်းပဲ ပြောပလိုက်တော့တယ်။ တယ်စိတ်မရှည်ချင်ဘူး။)
*****
ကြင်စဦးတုန်းက လွဲပုံ

မသီတာ အတွက် ရန်ကုန်မှ ပါးလိုက်သော လူကြုံကို မသီတာ့ သူငယ်ချင်းထံ ကိုဧရာ ရုံးမှ အပြန် ၀င်ယူစေ
မသီတာ အိမ်၌ ရှိနေစေ
ကလင် ကလင် .. အိမ်ဖုန်းမြည်လာ

မသီတာ။ ။ ဟယ်လို… ကို လား ပြော

ကိုဧရာ။ ။သီတာ့ သူငယ်ချင်း အိမ် ဖုန်းဆက်လို့လည်း မရဘူး။ ကို့ ဖုန်းကလည်း ဘက်ထရီကုန်နေလို့ အခု ဘူတာက ဖုန်းနဲ့ ဆက်နေတာ

မသီတာ။ ။ အင်း ကိုတို့ကတော့ ဖြစ်ရမယ်။ အဲ့ဒါ ဘယ်လိုလုပ်မလဲ။

ကိုဧရာ။ ။ ပြန်လာတော့မယ်။ သူတို့ဆီလည်း မဆက်တော့ဘူး။ xx မရှိဘူး။

မသီတာ။ ။ ဘာပြောတယ်))) မိန်းမအတွက် လုပ်ပေးရတာကို ဆန္ဒ မရှိဘူးလေး ဘာလေးနဲ့

တဖက်မှ ကိုဧရာကလည်း ကုန်းအော်စေ

ကိုဧရာ။ ။ ဘယ်မှာ ဆန္ဒမရှိဘူး ပြောလို့လဲ။ ဆယ်ပြား မရှိတော့ဘူး ပြောတာ။ ဖုန်းဆက်ဖို့ ဆယ်ပြားစေ့

အချစ်အကြောင်း ပြောရအောင်…

အချစ်ဆိုသည်မှာ…တဲ့

သြော်... အချစ်ဆိုတာ စိတ္တဇနာမ်လေးပါ။
telepathy, will power ဆိုတာတွေကို အလေးထားတတ်သူ တစ်ယောက်အတွက်တော့...
အချစ်ဆိုတာဟာ ပေါ့သေးသေး မဟုတ်တဲ့ လေးကြီးကြီး ကြီး။
ရာမယဏဇတ်တော်ကြီးမှာလည်း အချစ်အကြောင်းတွေပါတယ်။
တစ်ညတာခွဲရလို့ နှစ်ပေါင်း ခုနစ်ရာ ပူဆွေးရတဲ့ ကိန္နရာ ကိန္နရီတို့ အဖြစ်ကိုလည်း ယုံတယ်။
…
…
…
ဟင်?
ဘာရယ်??
ကိုယ်ပိုင်ဇတ်လမ်းလေး???
သြော်
ညွှန်းစာဖွဲ့လို့မမှီ…(အလဲ့)

ချစ်ခဲ့ဖူးပါတယ်
ချစ်နေပါသေးတယ်
ချစ်နေဦးမှာပါ။

တန်ကြေးရှိတဲ့အချစ်ကို တန်ဖိုးထားပါတယ်။
အရှုံးအမြတ် တွက်ကြေး ဆိုရင်တော့
အရင်းအတိုင်းပဲ
ယူသွားမှာပါ။
ဆုံမှတ်ရှိတဲ့ အချစ်
ဆုံးမှတ်ကိုရောက်ခဲ့ပြီ ဆိုရင်ပေါ့...

nature ဆိုရင်
neutral ဖြစ်မှကောင်းမယ် ထင်လို့ပါ။
အချစ်ဆိုသည်မှာ…

****

သက်ဝေပဲတဂ်လို့ အချစ်ဆိုသည်မှာ…ကို ရေးခဲ့ဖူးတယ်။ တိုစစလေးပါ။ ပို့စ်တွေရေးတိုင်း အများအားဖြင့် ကိုယ့်ခံစားချက်ကို ပေါ်လွင်လင်းလက်အောင် မရေးနိုင်ပါဘူး။ ရေးလည်းရေးချင်တော့ ရေးနိုင်သလောက် ရေးထားလိုက်တတ်ပါတယ်။ ဒါကြောင့် အရင်ရေးထားတဲ့ ပို့စ်အချို့ကို ပိုပြီး ပြည့်ပြည့်စုံစုံ ထင်ထင်ရှားရှားဖြစ်အောင် ကြိုးစားပြီး ပြန်ရေးမယ်လို့ စိတ်ကူးမိခဲ့ပါတယ်။ အခု သက်ဝေကပဲ အချစ်အကြောင်း ပြောရအောင်လို့ တဂ်လာတော့… အရင်ရေးထားတဲ့ အချစ်ဆိုသည်မှာ… ကို အကျယ် ထပ်ဖွင့်ရင်း၊ စိတ်ကူးကို အကောင်အထည် ဖော်ဖြစ်ပါတော့တယ်။
*****
အချစ်ဆိုတာ ကိုင်တွယ် ပြလို့မရပေမဲ့၊ ခံစားသိလို့ ရတဲ့အရာမို့ စိတ္တဇနာမ်အုပ်စုထဲ သွတ်သွင်း သတ်မှတ်လိုက်ပါတယ်။ ဘယ်အကြောင်းအရာမဆို နားလည်ရင်၊ မှန်ကန်စွာ နားလည်ရင် ကောင်းကျိုးကို ဦးတည်ပါတယ်။ သတ္တ၀ါတိုင်းလိုလို အချစ်နဲ့ ပတ်သက်ဆက်နွယ်ဖူးကြပေမဲ့ ခက်တာက အချစ်က နားလည်ရ ခက်တယ်။ ဒဿနဆန်တယ်။ ဒါကြောင့် အချစ်ကို အနက်အဓိပ္ပါယ်ဖွင့်ရာမှာ အချစ် တည်ရာမှီရာ တဦးတယောက်ချင်းဆီရဲ့ နှလုံးသားအခံပေါ် မူတည်ပြီး ပုံသဏ္ဍာန်မျိုးစုံ ဖြာထွက်သွားတယ်။ ရာမယဏ ဇတ်တော်ကြီးထဲမှာပဲ နှစ်ဦးနှစ်ဖက် အပြန်အလှန်ချစ်ကြတဲ့ ရာမ သီတာရဲ့အချစ်၊ တဖက်သတ် တိတ်တခိုးချစ်ရတဲ့ လက္ခဏရဲ့ အချစ်၊ အချစ်အတွက်နဲ့ အသက်ပင်သေသေဆိုတဲ့ ဒဿရဲ့ စုံလုံးကန်းအချစ်… အချစ်ဆိုတဲ့ ခေါင်းစဉ်ကြီးအောက်က ပုံစံစုံ ခွဲထွက်သွားတဲ့ ခေါင်းစဉ်ငယ်တွေဖြစ်တယ်။

အမျိုးအစား စုံလင်သလို မေတ္တာ၊ သစ္စာ၊ ကရုဏာ၊ သဒ္ဓါ၊ … စတာတွေကလည်း အချစ်ကနေ ခွဲထုတ်ဖို့ အလွန်ခက်ခဲတဲ့ အပေါင်းအပါတွေ ဖြစ်ကြပြန်တယ်။ အချစ်ရဲ့ ဘေးထွက် ဆိုးကျိုးတွေဖြစ်တဲ့ သ၀န်တိုခြင်း၊ စိတ်မချခြင်း၊ စိုးရိမ်ခြင်း ဆိုတာတွေကလည်း အချစ်မှာ တသားတည်း ပျော်ဝင်နေတယ်။ စန္ဒကိန္နရီဇတ်တော်ထဲက ကိန္နရာ ကိန္နရီတို့ တစ်ညတာခွဲရလို့ နှစ်ပေါင်း ခုနစ်ရာ ပူဆွေးရသတဲ့ လို့ နှောင်းလူတို့ မှတ်သားထားကြတာဟာ အချစ်ရဲ့ ဒီဂရီကို ဖော်ပြလိုရင်းကြောင့် ဖြစ်တယ်။ အချစ်ရေချိန်ကို အထက်ပါအရာတွေနဲ့ မှန်းဆ တိုင်းဆ ကြတယ်။ နားလည်မှု၊ ယုံကြည်မှုတွေပါ ပါဝင်လာတဲ့အတွက် အချစ်ရဲ့ နယ်ပယ်ဟာ ကျယ်ဝန်းလွန်းလှတယ်။

ကိုယ်ပိုင်ဇာတ်လမ်းနဲ့ အချစ်ကို အနီးကပ် စွဲယူကြည့်ရမယ် ဆိုရင် အချစ်ဟာ ကံကြမ္မာနဲ့လည်း နှီးနှော ဆက်နွယ်နေတယ်လို့ ခံစားမိပြန်တယ်။ မြန်မာပြည်မှာ မိန်းကလေးတယောက်အဖြစ်မွေးဖွားခဲ့ခြင်းဟာ အချစ်ကို တန်ဖိုးထားတတ်ဖို့အတွက် ကံကြမ္မာကပေးတဲ့ လက်ဆောင်ကောင်းအဖြစ် ခံယူပါတယ်။ အချစ်ကို ကိုယ်ကျင့်တရားနဲ့ တွဲဖက် ၀တ်ဆင်ရင် အလွန်ကျက်သရေရှိကြောင်း စွဲယူလက်ခံနိုင်အောင် သင်ကြားပေးခဲ့သူအပေါင်းနဲ့ ပတ်ဝန်းကျင်ကို ကျေးဇူးတင်ရပါတယ်။

လောကမှာ အနိုင် အရှုံး၊ အချစ် အမုန်း ဆိုတဲ့ ဆန့်ကျင်ဘက်တွေ ရှိတာမို့ အချစ်ပြီးတော့ အမုန်းလာမလား။ အချစ်နဲ့ အမုန်းဟာ ကျောချင်းကပ်နေသလား။ အချစ်ဆိုတာ စည်းတခုလား၊ ဘောင်တခုလား၊ နံရံတချပ်လား… စသဖြင့် တွေးချင်ရင် တွေးနိုင်တဲ့ အခြေအနေမျိုးတွေလည်း ကြုံတွေ့ရတတ်ပါသေးတယ်။ ဆုံမှတ်ရှိတဲ့ အချစ် ဆုံးမှတ်ကို ရောက်ခဲ့ရင် အရှုံး အမြတ်တွေ တွက်မနေတော့ပဲ ချစ်လိုက်ရတာ အရင်းလို့ သဘောထားရင် ကမ္ဘာမြေ အဆိပ်သင့်ခြင်းကို ကာကွယ်ရာ ရောက်ပါတယ်။

အချစ်ကို ရေလောင်းပါ။ ပေါင်းသင်ပါ။ ငါပိုင်တဲ့ အချစ် ငါ့အလိုပဲ ဖြစ်ရမယ် လို့တော့ ဇွတ် မညစ်ပါနဲ့။ အချစ်ဟာ သဘာဝတရားဆိုတာကိုတော့ မမေ့စေလိုပါ။ သဘာဝကျကျ ချစ်တတ်အောင် ကြိုးစားရင်းဖြင့် အချစ်အကြောင်း ပြောလိုက်ပါတယ်။
*****  
“ချစ်တတ်ပြီ ” လို့တော့ ဒီနေရာမှာ ရေးခဲ့ဖူးပါတယ်။ ( The Road Less Travelled” နှင့် ချစ်တတ်ပြီ)
***** 

အချစ်အကြောင်း ပြောရအောင်… မြစ်ဖျားခံရာ ဆရာမမေငြိမ်းကို အစထားပြီး အချစ်အကြောင်းပြောတဲ့ စကားဝိုင်းအတွင်း ပါဝင် ဆွေးနွေး ဖလှယ်ခွင့်ပေးသူ အားလုံးကို ကျေးဇူးတင်စွာဖြင့်…

မဟာပုဏ္ဏမာ

မြန်မာသက္ကရာဇ် ၁၃၇၂ခုနစ်၊ တပေါင်းလပြည့်
မဟာပုဏ္ဏမာ = supermoon
မြပုဏ္ဏမာ ဆိုတဲ့ အမည်လေးကိုတော့ ကိုဇာဂနာတို့အငြိမ့်ကြောင့် ရင်းနှီးခဲ့ရတယ်။

မြ ရဲ့ လ
 ‘မြ’ ဆိုတဲ့ နာမည်ကို သိပ်ကြိုက်ပါတယ်။ ကိုယ့်မှာ ဒုတိယအမည်တခုသာ ရှိခွင့်ရမယ်ဆိုရင် ‘မြ’ ဆိုတဲ့ အမည်ကို ရယူချင်ပါတယ်။  စိမ်းဖန့် တဲ့ အသွင်ရှိတဲ့ ‘မြ’ ဟာ လျှို့ဝှက်မှုတွေနဲ့လည်း ပြည့်နှက်နေတယ်။ မြင်ရသူတွေအတွက် တည်ငြိမ်တဲ့အသွင်ကိုသာ ပေးစွမ်းဖို့ အမြဲလို ကြိုးစားနေထိုင်တတ်တဲ့ ‘မြ’ ဟာ၊ ဘယ်သောအခါမျှ မည်သူတဦးတယောက်ကိုမှ ဒုက္ခပေးဖို့ မရည်ရွယ်ဘူး ဆိုတာ ယုံကြည်တယ်။

‘မြ’ ဟာ အဆုံးစွန်ထိ လိမ္မာယဉ်ကျေးသူ ဖြစ်အောင် ကြိုးစားနေထိုင်နိုင်ပါစေလို့ ဆုတောင်းမေတ္တာပို့သ လိုက်ပါတယ်။

 

မြ ရဲ့ လက်

မသီတာ အမေရဲ့ လက် -  မြ ရဲ့ လက် ပါ။

*****
စာရေးဆရာမ ဂျူးရဲ့ မြရဲ့လ ၀တ္ထုကို ထူးအိမ်သင်မှ အသံဖြင့် ဇာတ်လမ်းပြောပြထားပါတယ်။ credit to: သာထူး

Get this widget |      Track details  |         eSnips Social DNA

That's What Friends Are For....

song writer: Burt Bacharach and Carole Bayer-Sager.

that's what friends are for with lyrics

အသံချည်း သက်သက်နားထောင်ချင်တယ် ဆိုရင်တော့...Rod Stewart ရဲ့ ဒီသီချင်းပါပဲ...

ဒီသီချင်းကိုပဲ တင်ချင်လွန်းလို့ တင်လိုက်ပါတယ်...
(ကိုယ့်အတွက် ကိုယ်)
ပေါက်ကွဲတာလား...
ဖြေသိမ့်တာလား...
တိုင်တည်တာလား...
အားလုံးပဲလား
...
...
...
သူငယ်ပဲ ချင်းချင်း
သူကြီးပဲ ချင်းချင်း
သူငယ်သူကြီးပဲ ချင်းချင်း
...
ဂျီမေးလ်ကပဲ ချင်းချင်း
ဘလော့ဂ်ကပဲ ချင်းချင်း
ဖေ့ဘွတ်ကပဲ ချင်းချင်း
...
နောင်များလည်း ချင်းချင်တာနဲ့ ချင်းပါ...
သူငယ်ချင်း အားလုံးကို ကျေးဇူးတင်ပါတယ်။

အပြောင်းအလဲများ

၂၀၁၁-ခု နှစ်ဦးတွင် အပြောင်းအလဲ သတင်းများစွာကို မီဒီယာမျိုးစုံပေါ်တွင် တွေ့နေရသည်။ မြန်မာပိုင်း ရေဒီယိုအသံများတွင် မြန်မာပြည် လွတ်တော် နိုင်ငံရေး သတင်းနှင့် တူနီရှားနိုင်ငံ စံပယ် တော်လှန်ရေးမှသည် တစ်နိုင်ငံပြီး တစ်နိုင်ငံ တမဟုတ်ချင်း ပြန့်နှံ့သွားသော အရှေ့အလယ်ပိုင်း လူထု တော်လှန်ရေး သတင်းတို့က နေရာယူထားသည်။

အပြောင်းအလဲတို့သည် အပေါ်ယံ အသွင်ပြောင်းခြင်းမျိုး ရှိတတ်သလို၊ အခြေခံ အဆောက်အအုံပါ ပြောင်းလဲသော အပြောင်းအလဲများလည်း ရှိသည်။ တိုးတက်သော အပြောင်းအလဲများ ရှိသလို ဆုတ်ယုတ်သော အပြောင်းအလဲများလည်း ရှိသည်။ အပြောင်းအလဲများ ကိုယ်တိုင်ကလည်း ပြောင်းလဲနေတတ်သေးသည်။

တော်လှန်ရေးသတင်း, အပြောင်းအလဲ သတင်းများကို နားထောင်ရင်း George Orwell ရေးသားသည့် Animal Farm ကို သခင်ဘသောင်း ဘာသာပြန်သည့် “ခြေလေးချောင်းတော်လှန်ရေး” သရော်စာပုံပြင်မှ ဇာတ်သိမ်းပိုင်းနှင့် သရုပ်ဖော်ပုံကို သတိရမိ၏။

မွေးမြူရေးခြံတစ်ခုတွင် ၀က်တို့ ဦးဆောင်သော ခြေလေးချောင်း သတ္တ၀ါများက လူသားတို့အား တော်လှန်ကြသည်။ တိရစ္ဆာန်အားလုံး တန်းတူညီမျှရေးကို ကြွေးကြော်ခဲ့ကြသည်။ တိရစ္ဆာန် အချင်းချင်း မသတ်ဖြတ်ရန် ဥပဒေပြုခဲ့ကြသည်။ သို့သော် တဖြည်းဖြည်း ၀က်တို့က နေရာယူ ကြီးစိုးလာသည်။ ဆန့်ကျင်သည့် တိရစ္ဆာန်များကို သုတ်သင်လာသည်။ တိရစ္ဆာန် အချင်းချင်း “အကြောင်းမဲ့ မသတ်ဖြတ်ရ” ဟု ဥပဒေကို ပြင်သည်။ တိရစ္ဆာန် အားလုံး တန်းတူညီမျှသည်ဟူသော ဥပဒေတွင် “အချို့တိရစ္ဆာန်များသည် အခြားတိရစ္ဆာန်များထက် ပို၍ တန်းတူညီမျှသည်” ဟု ပြင်လိုက်ကြသည်။ နောင်တွင် ၀က်တို့သည် တိရစ္ဆာန်များ၏ ရန်သူဖြစ်သော လူသားများနှင့် ဖက်လှဲတကင်း ပေါင်းသင်း လာကြတော့သည်။ ၀က်တို့သည် လူသားပိုဆန်လာကြ၍ တချိန်က “ခြေလေးချောင်း ကောင်းတယ်။ ခြေနှစ်ချောင်း မကောင်းဘူး” ဟူသော ကြွေးကြော်သံသည် “ခြေလေးချောင်း ကောင်းတယ်။ ခြေနှစ်ချောင်း ပိုကောင်းတယ်” ဟု ပြောင်းလဲသွား၏။ စားပွဲဝိုင်းတွင် အတူစားသောက် ငြင်းခုန်နေကြသော ၀က်နှင့် လူသားတို့အား ဘေးက တိရစ္ဆာန်များက ချောင်းကြည့်လိုက်သော အခါတွင် …

“… ၀က်နှင့် လူသားမှာ ခြားနားခြင်း မရှိတော့။ မွန်မြတ်သော ၀က်တို့သည် ယုတ်ညံ့သွား၍ လူသားနှင့် ခြားနားခြင်း မရှိလေသလော။ သို့မဟုတ် ယုတ်ညံ့သော လူသားတို့သည် ၀က်တို့ကဲ့သို့ မွန်မြတ်လာ၍ ခြားနားခြင်း မရှိလေသလော။ ဘေးကချောင်းကြည့်နေသော တိရစ္ဆာန်တို့သည် ၀က်များမျက်နှာကို ကြည့်လိုက် လူသားများမျက်နှာကို ကြည့်လိုက်နှင့် အပြန်ပြန်အလှန်လှန် ကြည့်ကြသည်။ သို့ရာတွင် ၀က်နှင့်လူသား, လူသားနှင့်ဝက် ဘယ်ဒင်းက ၀က် ဘယ်ဒင်းက လူသား၊ ဘယ်ဒင်းက လူသား ဘယ်ဒင်းက ၀က်ဟု ခွဲခြား၍ မရအောင် ရှိလေတော့သတည်း။”

စာရေးလိုက်ပါတယ်။

ဘလော့ဂ်တွေ ဖတ်နေကျ မိတ်ဆွေ အမ တယောက်နဲ့ တွေ့တော့
သီတာရေ ဘလော့ဂ်တွေမှာ ပို့စ်အသစ်တွေလည်း မတက်ပါလား။ တိုင်ပင်ပြီးတော့များ မရေးပဲနေကြသလား ထင်ရတယ်… ဘာဖြစ်လို့လဲ လို့ မေးလာပါတယ်။
ဘလော့ဂါတို့ ဖြေကြပါ။
မသီတာလည်း ထင်တာတော့ ဖြေခဲ့ပါတယ်။
ဘယ်လိုဖြေလိုက်သလဲ လို့တော့ မမေးပါနဲ့။
****
မသီတာ စာရေးခြင်း ၀ါသနာ ဘယ်ကရသလဲ လို့ တွေးကြည့်မိတော့… အဖေ့ဆီက ရခဲ့ဟန်တူတယ်လို့ အဖြေထွက်ပါတယ်။ အဖေက အိမ်ထောင်ကျပြီး စီးပွားရှာဖို့ တနယ်တကျေးမှာ အခြေချရတော့၊ သူ့ မိဘတွေဆီ စာရေးပြီးတော့ ဆက်သွယ်ပါတယ်။ အဖေ့စာတွေက အရှည်ကြီးတွေ … မကြာခဏလည်း ရေးပါတယ်။ မသီတာတို့ကိုလည်း ရေးခိုင်းပါတယ်။ ဥပမာ စာမေးပွဲအောင်စာရင်းထွက်တယ် ဆိုရင် အဖိုးအဖွားတွေဆီ အကြောင်းကြားတဲ့ စာမျိုးကို ကိုယ်တိုင်ရေးခိုင်းပါတယ်။ ဘာရေးရမလဲ မောင်နှမတွေ အချင်းချင်း ခေါင်းချင်းရိုက် စဉ်းစား။ သူရေးပြီးသားဟာ ငါရေးမရတော့ဘူးလေ။ မောင်နှမတွေကလည်း အများသားဆိုတော့ တကြောင်းနှစ်ကြောင်းရေးပြီး ရေးစရာက မရှိတော့ဘူး။ အဲ့ဒီတော့ ပေါက်ကရတွေ ထည့်ရေး။ ဘာရေးရေး အဖေကတော့ စာကို ပို့ပေးတာပဲ။ အဖိုးအဖွားတွေကလည်း ငါ့မြေးတွေ ရေးလိုက်တဲ့ စာဟဲ့ ဆိုပြီး လူစုံမှာ ထုတ်ဖတ်တာပဲ… အဆီအငေါ် မတည့်တာတွေ ဖတ်မိရင်လည်း ကလေးက ဘာပြောချင်မှန်းမသိပါဘူး ဆို ထားလိုက်တာပဲ…။ ပေါက်ကရတွေ ရေးရလားရယ်လို့ မဆူပါဘူး။
*****
၁၉၉၈ ခုနှစ် နေ့စွဲ တပ်ထားတဲ့ မသီတာ့ တူတွေဆီက စာလေးတွေပါ။
*****

ကလေးတွေကို ဆွေမျိုးတွေဆီ စာရေးခိုင်းကြည့်ပါ။

ပန်းကဗျာ

နောက်ခံ ဂီတကို ဒီက ယူပါတယ်။
ပန်းသခင်ကတော့ တီတီဆွိ ဖြစ်ပါတယ်။
*****
မင်္ဂလာပါ
ဆရာမ

-ဇီဇ၀ါ
*****
ရိုးရိုးလေးပါပဲ

-စပယ်
*****
နွေဦး လေရူးနဲ့ အတူ
ဝေးလွင့်ခဲ့ ၀တ်မှုန်

သူကိုယ့်အနားရောက်လာပြီးတော့ ကပ်ထိုင်သွားသလိုပဲ…

-ကံ့ကော်
*****
သိပ်ဆိုးတဲ့ လူတွေပေါ့
ဘယ်သူ့ကိုတော့ဖြင့် မယှဉ်သာ
တခြားစီပါကွာ
ဘာညာ ဘာညာတွေနဲ့…
(သူကတော့)
ပြိုင်ဘက်ဆိုတာ
သိလေဟန်တောင်မရှိ
အလှိုက်လှဲဆုံးတွေနဲ့
မြိုင်လို့
လှိုင်လို့

-ငုဝါ
*****
မျှော်လင့်ခြင်းရဲ့ ရနံ့
ငံ့လင့်ခြင်း ၀တ်ဆံ
တောင်းတခြင်း ပွင့်လွှာ
မြိုသိပ်ခြင်းတွေ တပွေ့တပိုက်နဲ့…

-ယုဇန
*****
အသင်းပျံ့ဆုံးသော ရနံ့တွေ
ကြိုင်လှိုင်ကာပေးသော်လည်း
စိုးရွံ့လို့ မလှမ်းသာ
အော်…
ကမ္ဘာတွေခြားနေသတဲ့လားကွယ်

-ဆိတ်ဖလူး
*****
တပွင့်တည်း
ဒါပေမဲ့
ခြင်္သေ့

တိုးဝှေ့ ကျီစယ်
အပြုံးချင်း ဖလှယ်…

ချိုသော နှင်းဆီ
သင့်ထံယစ်မူး၊ ညွှတ်နူးဖို့
သင်မရည်ရွယ်
ဆူးချစ်လို့ စူးနစ်
ကိုယ့်ထိုက်နဲ့ ကိုယ့်ကံပဲ ရှိပါစေ

- နှင်းဆီ
*****
ပွင့်လင်းလို့ ဖော်ရွေ…
တခါတလေလည်း
ပန်းအဖြစ်ကို မေ့ပါရစေ…
*****
ရေချိုးလို့ အလှပြင်ပြီးပြီ
ဟင်းချိုလည်း နွှေးထားသည်
မောင်ရောက်ချိန် နီးပြီ

-လေးနာရီ
*****
နံရံတချပ်ခြားလို့နေ…
*****
နတ်ပန်းရယ်လို့ မာနမကြီးပါဘူး
တကယ်ပါ
တို့အတူတူ ကြီးပြင်းခဲ့တယ်…

-နွယ်သာကီ
*****
ညှင်းလေပြေ
သင်းရနံ့
လျှို့ဝှက်တဲ့လရောင်…

-ညမွှေးပန်း
*****
မောင်တော်ကတော့
မြူးလာပေါ့…

-ဆောင်တော်ကူး
*****
နှစ်လေးငါးခြောက်ဆယ်လောက် တယောက်ထဲစွဲ ချစ်နိုင်မလား

-သရဖီ

ကျမထက် လှသူနဲ့ တွေ့သွားတော့ အချစ်ရော့မလား…

-မြတ်လေး
*****
နွားတင်းကုပ်နားမှာ ရှိသည်။
ကျောင်းဂိတ်ပေါက် နားမှာ ရှိသည်…

-တရုတ်စကား
*****
အလှကိုယ်စီ ရှိကြသည်…

-ထားဝယ်မှိုင်း

သစ်ပင်

 အလေ့ကျပေါက်တာနဲ့ စိုက်ပျိုးတာဆိုပြီး နှစ်မျိုးရှိပါတယ်။
ကနဦးကတော့ အလေ့ကျပေါက်တာပဲ ရှိမှာပါ။
နောက် လိုအပ်၍ စိုက်ပျိုးကြပါတယ်။

မယ်တော်ကြီးဂမုန်း

အမေ လပြည့်လကွယ်နေ့တွေမှာ မယ်တော်ကြီးဂမုန်းပင်တွေကို အမွှေးနံ့သာများ ပက်ဖျန်း ပူဇော်လေ့ရှိတာ တွေ့ဖူးပါတယ်။ ပါးစပ်ကလည်း ရွတ်ပါတယ်။ ဆုတောင်းတာ ဖြစ်မှာပါ။ အမေက မသီတာကိုလည်း အဲ့ဒီလို လုပ်စေချင်ပါတယ်။ တကြိမ်နှစ်ကြိမ် လုပ်ဖူးပါတယ်။

ရွှေလာငွေလာ ဂမုန်းတဲ့...

သူငယ်ချင်းတယောက် စင်္ကာပူကနေ ယူအပ်စ်ကို အပြီးပြောင်းတော့ ငါ မြန်မာပြည်ကနေ တကူးတက သယ်လာရတာဆိုပြီး အမွေပေးခဲ့ပါတယ်။ သူပေးစက တပင်တည်းပါ။ နောက် တော်တော်ပွားလာပါတယ်။ အပင်ပွားတွေ လက်ဆောင်တဆင့် ပြန်ပေးရပါတယ်။

ဂမုန်းပင်မှာ ပန်းတွေပွင့်ရင် ငွေတွေ ပိုဝင်သလိုပဲ။ လူနဲ့ အပင်ရဲ့ ထူးဆန်းသော ဆက်သွယ်ချက်အဖြစ် ရေးလိုက်ပါတယ်။ အယုံအကြည် မရှိစေလိုပါ။

ရွှန်းမီ တဂ်လို့ ပုံနှင့်တကွဖြေပါသည်။ သူမေးတာက...

“တသက်လုံး ပျော်ချင်ရင် သစ်ပင်စိုက်ပါ ဆိုတဲ့ စကားပုံကို ယုံလား?
ငါးမိနစ်ခန့် စာစီကုံးပါ” 

ဘလော့ဂ်တာ...(၆)

ကြားဖူးကြတယ် မဟုတ်လား မိန်းမပျင်း ခြေဆင်း၊ ယောက်ျားပျင်း ကျောခင်းတဲ့
ဒါကြောင့် မသီတာတို့ ဘယ်တော့မှ ခြေမဆင်းဘူး၊ ကျောပဲခင်းတယ် :)
ကဲ ပို့စ်ရေးပါတော့မယ်။
*****
မနက်အစောကြီး ဝေလီဝေလင်းထ၊ သားဝေယျာဝစ္စ လုပ်ရတယ်။ ထွေထွေထူးထူး မဟုတ်ပါဘူး။ မနက်အစောစာကို မုန့်ဟင်းခါး စားချင်တယ် ပူဆာလို့ မနေ့ညနေက ချက်ထားတာကို နွှေးကျွေးရတာပါ။ လုပ်ရင်း ကိုင်ရင်း တယ်ဟုတ်တဲ့ ငါပါလား မုန့်ဟင်းခါးလည်း ချက်တတ်တယ်။ ပဲကြော်လေးပါ ကြော်လိုက်သေး…။ စားသောက်ပြီးတော့ ကျောင်းသွားရခါနီးသား ပိုက်ဆံအိတ် ဘယ်ထားမိမှန်းမသိလို့တဲ့ ဟိုရှာဒီရှာနဲ့။ အမြင်ကတ်လို့ (ကိုယ့်ဖာသာ စည်းကမ်းမရှိတာ၊ ငါတော့ ရှာမပေးနိုင်ဘူးဟေ့ လို့ စိတ်ထဲက ပြောရင်း) ပေကပ်ထိုင်နေလိုက်တယ်။ သူထွက်သွားတော့မှ အိပ်ယာထဲပြန်လှဲရင်း ငါတွေ ထိုးထိုးထောင်ထောင် ထနေတဲ့ မြို့ လို့ ကိုယ့်ကိုကိုယ် နာမည် ပေးလိုက်တယ်။
*****
မနက် ၁၀နာရီလောက်မှာ ရန်ကုန်ပြန်တဲ့ အမျိုးတယောက်ဆီက လေဆိပ် ဆင်းနေပြီ ဖြစ်ကြောင်း ဖုန်းလာတယ်။ အော် သူများတွေ ပြန်ကြလို့… သူများတွေ ပြန်ကြလို့… ငါလည်း ပြန်ချင်လိုက်တာ…။ ရပ်တည်လို့မှ မနေနိုင်တော့သမို့ အိပ်ယာထဲခွေပြီး

ငါသာ မျဉ်းဖြောင့်တကြောင်း ဆိုရင်…
ငါ့ရဲ့ မျှားဦးဟာ အဲ့ဒီနေရာကိုပဲ ထိုးစိုက်စေရမယ်…
အမေရှိတဲ့ ရန်ကုန်

*****
ကျောင်းသွားခါနီး သားငယ်ကို ဘာစားမလဲ ထမင်းစားမလား၊ မုန့်ဟင်းခါး စားမလားမေးတော့ မုန့်ဟင်းခါး စားမယ်တဲ့။ သားအမိနှစ်ယောက် စားကြတာပေါ့။ ကလေးကတော့ တပန်းကန်ပါပဲ…။ ကိုယ်ကလည်း တပန်းကန်ထဲမှာပဲ မုန့်ဖတ်ထည့်လိုက် ဟင်းရည်လေးလိုက်လိုက်၊ ဟင်းရည်ချည်းသောက်လိုက် မုန့်ဖတ်လေး လိုက်လိုက်…။
နေ့လည် ၁၂နာရီ ကလေး ကျောင်းပို့ပြီးတော့ အင်း မုန့်ဟင်းခါးတွေ စားတာများပြီး လေးလိုက်တာ

ငါသာ မြွေတကောင် ဖြစ်မယ်ဆိုရင်

အမျှင် အမျှင် မုန့်ဟင်းခါးတွေကို
ဟောဒီလို ဟောဒီလို မြိုထားလိုက်မှာ
ခန္ဓာကိုယ် မခွေနိုင် မခေါက်နိုင်
မကွေးနိုင် မတွန့်နိုင်တော့ရင်တောင်
အို ဘာဖြစ်လဲ
အလျားလိုက် ဆန့်ဆန့်ကြီး နေလိုက်မှာပေါ့။
*****
*****
*****
ညနေ ၃နာရီ
ဥပုသ်ကျောင်းသွားတဲ့ ယောက္ခမကြီး ပြန်ရောက်လာ

ဘုန်းကြီးကျောင်းက ထမနဲတွေ ထည့်ပေးလိုက်တယ်…ဒီမှာ

အဟီး…စားမယ်…စားမယ်…
မေမေ မနက်ဖန်မနက် စားဦးမှာလား…  
မစားတော့ဘူး… ကျောင်းက စားလာခဲ့ပြီ
ပလတ်စတစ်အိတ်ထဲမှာတင် တ၀က်ခွဲ… ဟိုလူကြီးအတွက်လေ
များသွားတဲ့ ဘက်ခြမ်းကို စားမှာပဲ ၀ါးမှာပဲ
အင်း

ငါသာ တွယ်ချိတ်တချောင်းဖြစ်မယ်ဆိုရင်
ညီညွတ်ခြင်းသည် အင်အား တွဲထားကြ … တပို့တွဲများ။

*****
ရွှေမှုန် ရွှေမွှားတွေ ကျဲနေတဲ့ ရွှေဝါရောင် အတိတ်တွေကို
လွန့်လွန့်လူး စွဲလန်းမိမှတော့
ဟောင်းလို့ ပြောင်းသွားတဲ့
ဝါကြင်ကြင် ၀ါဖန့်ဖန့်တွေကို
ရွှေအိုရောင် အနားသတ်တွေလို့ သတ်မှတ်ဖို့
ငါ ဟာ
ဘာများ ဖြစ်ချင်ဦးမှာလဲ???
...
ဘလော့ဂ်ပို့စ် တခုဖြစ်လိုက်တာပေါ့။
*****
မမKOM ကတော့ စိတ်ကို မမှန်ဘူးလို့ ပြောတာပဲ…။

Strawberry... Cherry... ရောရင်...

စာမရေးဖြစ်တာ ကြာလို့ ပုံလေးတင်ပြီး နှုတ်ဆက်ရုံပါပဲ...။

ဘလော့ဂ် က ခေတ်သစ် လူမှုဆက်ဆံရေးပုံစံ ဆိုရင်၊ မသီတာကြီး ငြိမ်လွန်းနေတော့ အတင်း မပြောတတ်တော့ဘူး ထင်သွားမှာ စိုးလို့ လူးလဲထလာတာ...။

ပြောရရင်တော့ မင်္ဂလာဆောင်အကြောင်း... အကယ်ဒမီအကြောင်းတွေ ပုံလို့ ပုံလို့...။ မသီတာတို့ ငယ်ငယ်ကပေါ့ ရုပ်မြင်သံကြားတွေ ပေါ်လာတော့ မိသားစုဝင်တွေ စုံစုံလင်လင်နဲ့ TV ရှေ့ထိုင် ဇတ်လမ်း ကြည့်ကြတာ၊ အယင်က ရုံထဲ တိတ်တိတ်ဆိတ်ဆိတ် ကြည့်ရသလိုမဟုတ်ပဲ တမျိုးတဘာသာပေါ့လေ... ကြည်နူးစရာတော့ ကောင်းပါတယ်။ ခက်တာက မသီတာတို့ အကိုကြီး လင်မယား...။ သူတို့က ဇတ်ကားကြည့်ရင် အေးအေးမကြည့်ကြဘူး။ နှစ်ယောက်သား ဝေဖန်ရေးနဲ့ လေကန်ရေးကို အပေးအယူ အချီအချနဲ့ လုပ်ကြတာများ...။ သူတို့က လူကြီးတွေ ဆိုတော့ နိုင်ငံခြားရော... ပြည်တွင်းကပါ ဇတ်လမ်း ဇတ်ကားပေါင်း များစွာကို ကြည့်ရှုခံစားထားဖူးပြီးသား ဆိုတော့... မျှော်လင့်ချက်တွေက မြင့်မားနေတော့တာ။ ကိုယ်က ခံစားမလို့ ရှိသေး ... ကိုကြီးက "ဟင် မင်းသားကလည်း ဘယ်လိုကြီးလည်း အောက်လိုက်တာ..." ဆိုရင် ... ယောင်းမကြီးကလည်း ... "အင်းလေ ဒါများ မင်းသားတဲ့" ဆို လုပ်ရော...သွားရော သွားရော...။ အဲ့ဒါကြောင့် မသီတာတို့ အငယ်တွေက ကိုကြီးတို့နဲ့ ဇတ်လမ်းမကြည့်ချင်ဘူးဟာ လို့ ကွယ်ရာမှာ ကျိတ်ရင်ဖွင့်ကြတာပေါ့။

အခုလည်း မသီတာတို့ အသက်ကြီးလာပါပြီ... ပါးစပ်ကထွက်သမျှက ဝေဖန်ရေးကြီးပဲ များနေလို့ အသာလေး တတ်နိုင်သလောက် ဘရိတ်အုပ်ပါတယ်။ အင်း ဒီကြားထဲကပဲ...

အကယ်ဒမီပွဲက မင်းသား၊မင်းသမီးပုံတွေ အများကြီး အင်တာနက်ကနေ ကြည့်ရပါတယ်။  လှလှပပ ၀တ်စားထားကြတာ မျက်စိ ပသာဒ ဖြစ်စရာပါ။ ဟိုအယင်နှစ်နှစ်၊ သုံးနှစ်လောက် ကတည်းကပဲ သတိထားမိတာက မင်းသားတွေရဲ့ ၀တ်စုံ။ မြန်မာ အမျိုးသား ၀တ်စုံဆိုတာကလည်း တိုက်ပုံနဲ့ လုံချည်... ဒါပါပဲ။ ဒါကိုပဲ လှလှပပ ဖြစ်အောင် အမြင်ဆန်းအောင် ကြိုးစား တီထွင် ၀တ်ဆင်ကြပါတယ်။ သူတို့ လောက သဘောအရ လူအများ နှစ်သက်သဘောကျ အာရုံစိုက်ခံရအောင် အပြိုင်အဆိုင် ကြိုးစားကြရတယ်လို့လည်း နားလည်ထားပါတယ်။ ဒါပေမဲ့ ရွှေပွဲလာ မင်းသားများရဲ့ ပွဲတက် ၀တ်စုံများဟာ ပရိသတ်ကို တရားသော ယှဉ်ပြိုင်ခြင်းဆိုတဲ့ ခေါင်းစဉ်အောက်မှာ လွတ်လပ်စွာ ဖြာထွက်နေတဲ့ ရသ ကို မပေးစွမ်းနိုင်ပဲ၊ တနှစ်လာလည်း စပွန်ဆာ ချပေးတဲ့ theme အောက်မှာ... ဘာကြောင့် လက်ဝါးကြီးအအုပ်ခံ ပြားပြားဝပ်နေကြပါသလဲ... ဆိုတဲ့ အသံကြီး မနေနိုင်မထိုင်နိုင် ထွက်လာပါတော့တယ်။

တက္ကသိုလ် ကျောင်းသား/ကျောင်းသူတွေ ယူနီဖောင်းဝတ်ရကတည်းက နာကြည်းနေရတဲ့ အထဲ

Abhidhamma Books In English

စိတ်ဝင်စားသူများအတွက် အင်္ဂလိပ်ဘာသာဖြင့် ရေးသားထားသည့် အဘိဓမ္မာ စာအုပ်အချို့ကို ပြန်လည် မျှဝေလိုက်ပါတယ်။

1. Compendium of Philosophy - U Shwe Zan Aung

သင်္ဂြိုဟ်ကျမ်းဟု အသိများသော အဘိဓမ္မတ္ထသင်္ဂဟကျမ်း၏ ပထမဆုံး အင်္ဂလိပ်ဘာသာပြန်ကို ဆရာဦးရွှေဇံအောင် (၁၈၇၁-၁၉၃၂) က လန်ဒန် ပါဠိအသင်းတော်ကြီး (PTS) အတွက် “Compendium of Philosophy” ဟူသော အမည်ဖြင့် ရေးသား ပြုစုခဲ့သည်။ သင်္ဂြိုဟ် မိတ်ဆက် Essay ကို စာမျက်နှာ ၇၅-မျက်နှာမျှ အကျယ်တ၀င့် ရေးသား၍ ကျမ်းဦးနိဒါန်းအဖြစ် ဖော်ပြထားပါသည်။ ထို့အပြင် ဘာသာပြန်ရာ၌ ခက်ခဲသော အဘိဓမ္မာ ဝေါဟာရများ၏ အဓိပ္ပါယ်ကို ရှင်းလင်းရန် အောက်ချေ မှတ်စုများ ရေးထိုးထားသည်။

Ebook-Link: Compendium of Philosophy 

*****

2. Abhidhammattha Sangaha: A Manual of Abhidhamma - Nārada Mahāthera

သီရိလင်္ကာ ရဟန်းတော် အရှင်နာရဒ မဟာထေရ် (၁၈၉၈-၁၉၈၃) ကလည်း Abhidhammattha Sangaha - A Manual of Abhidhamma ဟူသော အမည်ဖြင့် အဘိဓမ္မတ္ထသင်္ဂဟကျမ်းကို အင်္ဂလိပ် ဘာသာပြန်ဆို၍၊ စာကိုယ် တစ်ပိုဒ်ချင်းစီ၏ အဓိပ္ပါယ် အဖွင့်များကို ရေးသားခဲ့သည်။ ကျမ်းပြုရာတွင် ဆရာဦးရွှေဇံအောင်၏ သင်္ဂြိုဟ်ဘာသာပြန်နှင့် Mrs. Rhys Davids ၏ Buddhist Psychology (ဓမ္မသင်္ဂဏီဘာသာပြန်) စာအုပ်တို့၏ အကူအညီကို ရယူခဲ့ကြောင်း ဖော်ပြထား၏။

Ebook-Link: A Manual of Abhidhamma

*****

3. A Comprehensive Manual of Abhidhamma - Bhikkhu Bodhi

အရှင်နာရဒ မဟာထေရ် ရေးသားပြုစုသော ”Manual of Abhidhamma” ကို အခြေခံကာ၊ အမေရိကန် ရဟန်းတော် ဘိက္ခုဗောဓိ (၁၉၄၄ - ) က အသစ်ပြန်လည် ရေးသား တည်းဖြတ်ခဲ့သည်။ အဘိဓမ္မာ ဝေါဟာရများကို ဘာသာပြန်ရာ၌ အင်္ဂလိပ် ရဟန်းတော် ဘိက္ခုဉာဏမောဠိ ၏ Path of Purifications (၀ိသုဒ္ဓိမဂ် အဋ္ဌကထာ ဘာသာပြန်)နှင့် အတတ်နိုင်ဆုံး ကိုက်ညီစေရန် ပြင်ဆင် တည်းဖြတ်ထား၏။ ထို့အပြင် အဓိပ္ပါယ် ရှင်းလင်းချက်များတွင် ဋီကာကျော် ခေါ် အဘိဓမ္မတ္ထ၀ိဘာဝိနီ ဋီကာကျမ်းနှင့် လယ်တီဆရာတော်၏ ပရမတ္တဒီပနီ ဋီကာကျမ်း နှစ်စောင်၏ အဆုံးအဖြတ်များကိုပါ ထည့်သွင်း၍ ရေးသားထားပါသည်။

Ebook-Link: A Comprehensive Manual of Abhidhamma

*****

4. Guide Through the Abhidhamma Piṭaka - Nyanatiloka Mahāthera

ဂျာမန် ရဟန်းတော် အရှင်ဉာဏတိလောက မဟာထေရ် (၁၈၇၈ - ၁၉၅၇) က အဘိဓမ္မာ ၇-ကျမ်း၏ အနှစ်ချုပ်မှတ်စုများအား အဘိဓမ္မာပိဋက လမ်းညွှန် အဖြစ် ရေးသား ထားသည်။ အဘိဓမ္မာ တစ်ကျမ်းလျှင် အခန်းတစ်ခန်းစီ ရေးသားထား၍၊ နောက်ဆက်တွဲအဖြစ် ပဋိစ္စသမုပ္ပါဒ် ဒေသနာကိုလည်း ဖော်ပြထားပါသည်။

Ebook-Link: (ရှာမတွေ့သေးပါ)

*****

5. Abhidhamma Studies: Buddhist Explorations of Consciousness and Time – Ven. Nyanaponika Thera

အရှင်ဉာဏတိလောကထံတွင် ပညာသင်ယူခဲ့သည့် ဂျာမန် ရဟန်းတော် အရှင်ဉာဏပေါဏိက မဟာထေရ် (၁၉၀၁-၁၉၉၄)သည် အဘိဓမ္မာကျမ်း၏ ပထမဆုံးကျမ်း ဖြစ်သော ဓမ္မသင်္ဂဏီကျမ်းနှင့် ယင်း၏ အဋ္ဌကထာဖြစ်သော အဋ္ဌသာလိနီတို့ကို ဂျာမန် ဘာသာ ပြန်ခဲ့သည်။ အကြောင်းမညီညွတ်သဖြင့် ပုံနှိပ် ထုတ်ဝေနိုင်ခြင်း မရှိခဲ့သော်လည်း ယင်းကျမ်း နှစ်စောင်အား ဘာသာပြန်စဉ် လေ့လာခဲ့သည်များကို ပြန်လည်သုံးသပ်သည့် စာတမ်း ၄-စောင်ကို ရေးသားခဲ့သည်။ ယင်းစာတမ်းများအား စုပေါင်း၍ အဘိဓမ္မာ လေ့လာသုံးသပ်ချက် Abhidhamma Studies: Buddhist Explorations of Consciousness and Time ဟူသော အမည်ဖြင့် စာအုပ်ထုတ်ဝေနိုင်ခဲ့သည်။
ဓမ္မသင်္ဂဏီကျမ်းမှ စိတ်ဖြစ်ပေါ်ပုံ အခန်း (စိတ္တုပ္ပါဒကဏ္ဍ)မှ စိတ်, စေတသိက်တို့အား အုပ်စုများခွဲ၍ ပိုင်းခြားဝေဖန်ခြင်းနှင့် အချိန်ကာလကို အဘိဓမ္မာသဘောအရ သုံးသပ် ဝေဖန်ချက်များပါဝင်သည်။ အဘိဓမ္မာ ရှေ့ပိုင်းကျမ်းများတွင် တရားသဘောတို့ကို အုပ်စုများဖွဲ့ကာ ခွဲခြမ်းစိတ်ဖြာ လေ့လာသည့် Analytical approach ကို ပဓာနသုံး၍၊ ပဋ္ဌာန်းကျမ်းတွင် ထိုတရားသဘောတို့သည် သီးခြားမတည်ဘဲ တစ်ခုနှင့် တစ်ခု အကြောင်းအကျိုးအားဖြင့် ဆက်စပ်ဖြစ်ပေါ်နေကို လေ့လာသည့် Synthetical approach အား အသုံးပြုသည်ကို တွေ့ရ၏။ ထို နည်းနှစ်မျိုးတို့အား နှိုင်းယှဉ်လေ့လာသည့် စာတမ်းတစ်ခုကိုလည်း အခန်းတစ်ခန်း အဖြစ် ထည့်သွင်း ရေးသားထား၏။

Ebook-Link: Abhidhamma Studies

*****

6. Abhidhamma In Daily Life - Nina Van Gorkom

ဒတ်ခ်ျအမျိုးသမီး Nina Van Gorkom ရေးသားသော Abhidhamma In Daily Life မှာ အဘိဓမ္မာကို သင်ရိုး ကျမ်းကြီးများအတိုင်း မလေ့လာဘဲ ပေါ့ပေါ့ပါးပါး ဖတ်ရှုလေ့လာလိုသူများ အတွက်သင့်တော်သော စာအုပ်ဖြစ်သည်။ “နေ့စဉ်ဘ၀ထဲက အဘိဓမ္မာ” ဟု အမည်ပေးထားသည့် အလျှေက် နေ့စဉ်ဘ၀ တွေ့မြင်နေရသော အဘိဓမ္မာ သဘောတရားများအား သုတ္တန်ဒေသနာများ, ၀ိသုဒ္ဓိမဂ်ကျမ်းမှ ကောက်နှုတ်ချက်များနှင့် ယှဉ်တွဲကာ ရေးသားထားသည်။ မဟာဂန္ဓာရုံဆရာတော် အရှင်ဇနကာဘိဝံသ ရေးသားသည့် “ကိုယ်ကျင့်အဘိဓမ္မာ” စာအုပ်သဘောမျိုး ဖြစ်သည်။

Ebook-Link: Abhidhamma In Daily Life

*****

7. Abhidhamma In Daily Life - U Ko Lay

မဟာဂန္ဓာရုံဆရာတော် အရှင်ဇနကာဘိဝံသ ရေးသားသည့် “ကိုယ်ကျင့်အဘိဓမ္မာ” စာအုပ်အား အငြိမ်းစားပါမောက္ခ ဦးကိုလေး (ဇေယျာမောင်) က အကျဉ်းခြုံး၍ အင်္ဂလိပ်ဘာသာ ပြန်ထားသော စာအုပ်ဖြစ်သည်။

Ebook-Link: Abhidhamma In Daily Life

*****

8. Buddha Abhidhamma: Ultimate Science -  Dr. Mehm Tin Mon

Ebook Link: Buddha Abhidhamma: Ultimate Science

*****

ချစ်ပွဲဝင်

လူ့ဘောင်လောကကြီး ကြီးပွားစည်ပင်စိမ့်သောငှာ
ဖိုနဲ့မ သဘာဝ လူသားနှစ်ဦး ပေါင်းသင်းနေထိုင်ကြရာက စ
မိသားစုတွေ ပေါက်ဖွားလာကြရာမှာ … အဟမ်း အဟမ်း

ဝါကျွတ်ကာလက စလို့ အလျှိုအလျှို ပေါ်လာကြတဲ့ ဟိုကဒီက မင်္ဂလာဆောင်များအတွက် မင်္ဂလာလက်ဖွဲ့ ပို့စ်လေးပါ။ အထူးအားဖြင့် မသီတာရဲ့ တူတယောက်၊ တူမတဦး၊ သူငယ်ချင်း Kမမ၊ TZA တို့အတွက် ရည်ရွယ်ပါတယ်။

❤♫ အချိန်တန် အရွယ်ရောက်ကာ ♪ လူလားမြောက်ရင် ချစ်သူနဲ့ တွဲနှင်♪ ဘုရားသွားကျောင်းတက် နေ့စဉ် မောင်နဲ့ခင်♪

❤♫ ပျော်ပျော်ရွှင်ရွှင် …

...

...

❤♫ မေတ္တာတွေ သက်ဝင် ♪ ကရုဏာတွေ သက်ဝင် ...

ချစ်ပွဲဝင်


တေးရေး- သဟာယ ဆရာတင်
မူလ အဆိုရှင် - မေရှင်

သံသရာ၌ ကျင်လည်ရသည်ရှိသော်
ဖြစ်လေရာ ဘ၀မှာ ကိုယ်ချစ်တဲ့သူနဲ့ ပေါင်းဆုံခွင့်ရချင်ရင်…
သစ္စာရှိကြပါ။

ကမ္မဿကတ (၄) - ကံနှင့် အကျိုးပေး

“တူသော အကျိုးပေးသည်” (ဇနေတိ သဒိသံ ပါကံ) ဟူသော စကားရှိသည်။ ကောင်းသောကံကို ပြုက ကောင်းသော အကျိုးပေး၍၊ မကောင်းသောကံကို ပြုက မကောင်းသော အကျိုးပေးသည်။ ဤသည်ကိုပင် အချို့က “သက်ရောက်မှုတိုင်းတွင် တူညီသော တန်ပြန်သက်ရောက်မှု ရှိသည်” ဟူသော ရူပဗေဒနိယာမနှင့် နှိုင်းယှဉ် ဥပမာပြုလေ့ရှိကြသည်။ သို့သော် ကံနှင့် အကျိုးတရားတို့သည် အဖြောင့်အားဖြင့် (linearly) ဆက်စပ်နေကြခြင်းမျိုးကား မဟုတ်ပေ။ လောကတွင် မကောင်းမှုတို့ဖြင့် အသက်မွေး၍ ကြီးပွားနေသူများ ရှိသည်။ ကိုယ်ကျင့်တရား ကောင်းမွန်ပါလျှက် ဆင်းရဲဒုက္ခ ရောက်နေကြရသူများလည်း ရှိသည်။ အကျိုးပေးသည့် အချိန်ကာလ ကွာခြားခြင်း, အကျိုးပေးသည့် ပမာဏ ကွာခြားခြင်းတို့ကြောင့် ကံတရား၏ အကျိုးပေးပုံသည် ဆန်းကြယ်ရှုပ်ထွေးလှသည်။ ထို့အပြင် ဘ၀တွင် ကြုံတွေ့ခံစားနေရသော အကျိုးတရားများသည် ကံအကြောင်း သက်သက်မျှမဟုတ်ဘဲ၊ အခြားသောအကြောင်းတရားများလည်း ပါဝင်ပတ်သက်နေလေသည်။ ထို့ကြောင့် “ကံပြုခဲ့သည့်အတိုင်း အကျိုး ခံစားမည်” ဟု ယူဆခြင်းအား “ကံ-ကံ၏ အကျိုး” ကို မှန်ကန်စွာ သိမြင်သဘောပေါက်သည်ဟု မဆိုနိုင်ချေ။ ကံ၏ အကျိုးကို ပြုပြင် တားဆီးမရနိုင်, မလွှဲရှောင်နိုင်တော့ပါက ၀ဋ်ဆင်းရဲချုပ်ငြိမ်းခြင်းဟူသည် မဖြစ်နိုင်တော့။

ရဟန်းတို့ “သတ္တ၀ါသည် အကြင် အခြင်းအရာအားဖြင့် ကံကို ပြု၏။ ထိုထို အခြင်းအရာအားဖြင့် ခံစားရ၏” (ယထာ ယထာယံ ပုရိသော ကမ္မံ ကရောတိ, တထာ တထာ တံ ပဋိသံဝေဒိယတိ) ဟု တစ်စုံတစ်ယောက်က ဆိုငြားအံ့၊ ရဟန်းတို့ ဤဆိုတိုင်း ဖြစ်လတ်သော် မြတ်သော အကျင့်ကို ကျင့်သုံးမှု မဖြစ်တော့ချေ၊ ကောင်းစွာ ဝဋ်ဆင်းရဲ၏ အဆုံးကို ပြုရန် အခွင့်မရှိတော့ချေ။ (အံ-၃-၁၀၁၊ လောဏကပလ္လသုတ်)

“ကံပြုခဲ့သည့်အတိုင်း အကျိုး ခံစားခြင်း” မဟုတ်ကြောင်းကို အင်္ဂုတ္တရနိကာယ် တိကနိပါတ်တွင် ဆားခွက်နှင့် ဥပမာပြု၍ ဆက်လက် ဟောကြားထား၏။ ရေအနည်းငယ်ရှိသော ခွက်အတွင်း ဆားခပ်လိုက်ပါက သောက်၍ မရနိုင်သော ဆားငန်ရည် ဖြစ်သွားသော်လည်း၊ ထိုပမာဏရှိသော ဆားအား ရေထုများပြားသော ဂင်္ဂါမြစ်တွင်းသို့ ထည့်လိုက်ပါက ဆားငန်ရည် ဖြစ်မသွားနိုင်ပါ။ ထို့အတူပင် အချို့ပုဂ္ဂိုလ်တို့သည် အနည်းငယ်မျှသော မကောင်းမှုကို ပြုရုံဖြင့် ငရဲသို့ကျရောက်ရ၏။ အချို့ပုဂ္ဂိုလ်တို့ကား ထိုအနည်းငယ်မျှသော မကောင်းမှု၏ ဆိုးကျိုးကို မျက်မှောက်ဘ၀၌ ခံစားရသော်လည်း၊ ငရဲသို့ ကျရောက်ခြင်းကဲ့သို့ ကြီးလေးသော အကျိုးဆက်ကို မခံစားရပါ။

ပထမပုဂ္ဂိုလ်သည် သီလ, သမာဓိ, ပညာပွားများထားခြင်း မရှိသူဖြစ်သည်။ ထိုသူသည် ရေအနည်းငယ်သာရှိသော ခွက်တွင် ဆားထည့်သောအခါ သောက်မရအောင် ငန်သကဲ့သို့၊ မကောင်းမှုအနည်းငယ်သည် အပယ်ငရဲသို့ ဆွဲချကာ ကြီးစွာသော ဆင်းရဲကို ခံစားရ၏။ သီလ, သမာဓိ, ပညာပွားများထားသော ဒုတိယပုဂ္ဂိုလ်သည် မျက်မှောက်ဘ၀၌သာ အနည်းငယ်သော မကောင်းကျိုးကို ခံစားရသော်လည်း နောင်တမလွန်တွင် အကျိုးမခံစားရတော့ပါ။ အကယ်၍ အင်္ဂုလိမာလမထေရ်ကဲ့သို့ အရဟတ္တဖိုလ်ပေါက်တိုင် သီလ, သမာဓိ, ပညာတို့ကို ပွားများပါက အလုံးစုံသော ကံတို့သည် နောင်ဘ၀တဖန် အကျိုးပေးခွင့် မသာတော့ဘဲ၊ ၀ဋ်ဆင်းရဲမှ ချုပ်ငြိမ်းနိုင်၏။

ရဟန်းတို့ ''သတ္တ၀ါသည် အကြင် အခြင်းအရာအားဖြင့် ခံစားအပ်သော ကံကို ပြု၏။ ထိုထို ကံ၏ အကျိုးကို ခံစားရ၏'' (ယထာ ယထာ ဝေဒနီယံ အယံ ပုရိသော ကမ္မံ ကရောတိ, တထာ တထဿ ၀ိပါကံ ပဋိသံဝေဒိယတိ) ဟု တစ်စုံတစ်ယောက်က ဆိုငြားအံ့။ ရဟန်းတို့ ဤဆိုတိုင်း ဖြစ်လတ်သော် မြတ်သော အကျင့်ကို ကျင့်သုံးမှု ဖြစ်နိုင်၏၊ ကောင်းစွာ ဝဋ်ဆင်းရဲ၏ အဆုံးကို ပြုရန် အခွင့်ရှိနိုင်၏။ (အံ-၃-၁၀၁၊ လောဏကပလ္လသုတ်)

မျိုးစေ့ချင်း တူသော်လည်း စိုက်ပျိုးရာ မြေ, ရာသီဥတု, ရေရရှိမှု စသော အခြားအကြောင်း တရားများပေါ်မှီ၍ သီးနှံဖြစ်ထွန်းမှု ကွာခြား၏။ ကံတစ်ခု၏ အကျိုးပေးသည် ယင်းကံကို ခိုင်မာ အားကောင်းစေရန် ထောက်ပံ့ပေးနေသော ဥပထမ္ဘကကံ၊ အားနည်းစေရန် ဆန့်ကျင်ဖိနှိပ်သည့် ဥပပီဠကကံ၊ အကျိုး မပေးနိုင်စေရန် ဖြတ်တောက်ဖျက်ဆီးသည့် ဥပဃာတကကံများပေါ် မူတည်၍ အကျိုးပေး ပမာဏကွာခြားသည်။ ထို့အပြင် အကြောင်းတရားများစွာပေါ် မူတည်၍ မျက်မှောက်ဘ၀၌ အကျိုးပေးခြင်း (ဒိဋ္ဌဓမ္မ ဝေဒနီယ)၊ နောက်အခြားမဲ့ဘ၀၌ အကျိုးပေးခြင်း (ဥပပဇ္ဇ ဝေဒနီယ)၊ နောင်ဘ၀အဆက်ဆက်၌ အကျိုးပေးခြင်း (အပရာပရိယ ဝေဒနီယ) ဟု ကံ၏ အကျိုးပေးခွင့်အလှည့် (လဒ္ဓ၀ိပါက၀ါရ) ကွာခြားနိုင်သည်။

ထို့ကြောင့် “ဇနေတိ သဒိသံ ပါကံ” ဟူသော စကားသည် ကံနှင့် အကျိုးတရားတို့၏ အကောင်း, အဆိုး အမျိုးဇာတ် တူခြင်းကိုသာ ဆိုလို၏။ ထို ကံပြုစဉ်ကအတိုင်း တူညီသော အကျိုး ခံစားရသည်ဟု မဆိုလို။ ဗုဒ္ဓ၏ ကမ္မ၀ါဒသည် “ကံ၏ စီမံပြဋ္ဌာန်းချက်ကို မလွှဲမရှောင်သာ, မပြုမပြင်သာ ခံစားရမည်” ဟုယူဆသော နိယတိဝါဒမျိုး (Determinism) မဟုတ်။ သီလ, သမာဓိ, ပညာတို့ကို ပွားများ အားထုတ်ခြင်းဖြင့် မကောင်းသော ကံတို့၏ အကျိုးပေးကို အားနည်း ပျက်ပြယ်စေ၍၊ ဘ၀သစ်ကို တဖန်ဖြစ်စေတတ်သော ကံတရားဟူသမျှအား ပယ်သတ်သည့် အဆုံးအမဖြစ်သည်။

စာညွှန်း။
၁။ အံ-၃-၁၀၁၊ အင်္ဂုတ္တရနိကာယ်-တိကနိပါတ်-စူဠ၀ဂ်-လောဏကပလ္လ၀ဂ်-လောဏကပလ္လသုတ်
၂။ အဘိဓမ္မတ္ထသင်္ဂဟ
၃။ Kamma and its fruit by Nyanaponika Thera
(http://www.accesstoinsight.org/lib/authors/nyanaponika/kammafruit.html)

အချိန် နှင့် အမျှ

၁၅ ဒီဇင်ဘာ (ဗုဒ္ဓဟူးနေ့)က ဘုန်းကြီးကျောင်းရောက်ပါတယ်။ အတူသွားတဲ့ အန်တီက သင်္ကန်းတထည် ဆရာတော်ကို ကပ်လှူတော့၊ “ဒါကာမကြီး ဘာအတွက် လှူတာလဲ” လို့ ဆရာတော်က မေးပါတယ်။ အန်တီက ‘မိတ်ဆွေတယောက်ရဲ့အမေ ဆုံးပါးသွားလို့ အဲ့ဒီမိတ်ဆွေက သူကိုယ်တိုင် ကျောင်းကို မလာနိုင်တဲ့အတွက် သူ့အမေကို ရည်စူးပြီး လှူပေးပါရန် အကူအညီတောင်းလိုက်ကြောင်း’ ဆရာတော်ကို လျှောက်ထားပါတယ်။ ဆရာတော်က “ဒါဆို အမျှဝေရမယ်” လို့ မိန့်ပါတယ်။ “ဒါ ဘုန်းကြီးအလုပ်၊ လှူတာကို ဟိုနားထားခဲ့ဆို ပြီးတာမဟုတ်ဘူး” လို့ ပြုံးရယ်ရင်း မိန့်ပါတယ်။ တဆက်ထဲမှာပဲ “ကြားဖူးကြလား ဗိမ္ဘိသာရမင်းကြီးရဲ့ ဆွေတွေ မျိုးတွေ ပြိတ္တာတွေ ဖြစ်နေကြတာ၊ ဗိမ္ဘိသာရမင်းကြီးက ဘုရားနဲ့ တကွ သံဃာတွေ ဆွမ်းကပ်ပြီး သူက မသိတော့ အမျှမဝေမိဘူး။ ဒီမှာတင် မင်းကြီးကို မကောင်းတဲ့ အနံ့တွေ၊ အဆင်းတွေ ပေးပြီး ခြောက်ကြ လှန့်ကြတာပေါ့။ ဗိမ္ဘိသာရမင်းကြီးက ကြောက်လန့်ပြီး မြတ်စွာဘုရားကို လျှောက်ထားတော့၊ မြတ်စွာဘုရားက ရှင်းပြတော့မှ နောက်တရက် မြတ်စွာဘုရားနဲ့ သံဃာတွေ ထပ်မံပင့်ဖိတ် ဆွမ်းလုပ်ကျွေးပြီး၊ အမျှအတန်း ပေးဝေတော့မှ ပြိတ္တာဖြစ်နေတဲ့ ဆွေဟောင်းမျိုးဟောင်းတွေလည်း စားရသောက်ရ၊ ၀တ်စရာ၊ နေစရာတွေ ရကြတယ်… ။ ပြိတ္တာဘ၀က ကျွတ်လွတ်သွားတယ်လို့တော့ မဟုတ်ပါဘူး။ ကျွတ်တာကတော့ အချိန်တန်မှ ကျွတ်မှာပါ။ စားစရာ၊ ၀တ်စရာ ရသွားတယ် ဒီသဘောပါ” လို့ အမိန့်ရှိပါတယ်။ “အမျှအတန်း ပေးဝေတဲ့ ဓလေ့ အဲ့ဒီက စ သလား လို့တောင် ဘုန်းကြီး ထင်မိတယ်” လို့ ဆက်မိန့်ပါသေးတယ်။

ဆရာတော်ရဲ့ တရားစကားထဲမှာ အချိန်တန်တော့ ဆိုတဲ့ စကားအပေါ် အတွေးနယ်ချဲ့မိပါတယ်။ အချိန်တန်တော့ သေပြီး၊ ဘ၀တပါးသို့ ကူးပြောင်းရမယ်။ အချိန် … အချိန်… သတ္တ၀ါ တဦးတယောက်ချင်းစီအတွက် ပိုင်ဆိုင်တဲ့ အချိန်တွေက မတူကြပေဘူး။ ဘ၀တခုမှာ အသက်ရှင်နေထိုင်ခွင့်ရတဲ့ အချိန်ဟာ သူပိုင်ဆိုင်တဲ့ အချိန်ပဲ။ အချိန်ရှိတိုင်း အိပ်နေတတ်တဲ့ ကိုယ့်ကိုကိုယ် အသေအချာ ဆုံးမ ပါတယ်။ “အယင်ဘ၀က ကုသိုလ်ကောင်းမှုလေး ပါခဲ့လို့ အခုဘ၀မှာ အသိဉာဏ် အတန်အသင့်ရှိတဲ့ လူဖြစ်ပါလျက်နဲ့ ဒီလိုသာ ဘ၀ကို ကုန်ဆုံးပစ်နေရင်တော့၊ နောင်ဘ၀ တိရစ္ဆာန်အဖြစ်ကို ရွေးချယ်ဖို့ ဦးတည်နေတာပဲ...” လို့။

ဘုန်းကြီးကျောင်းကနေ အိမ်ပြန်ရောက် email စစ်တော့၊ စက်မှုတက္ကသိုလ်တက်စဉ် ကိုဧရာတို့နဲ့ အတန်းဖော်တောက်လျှောက်ဖြစ်ခဲ့ပြီး နောက်ဆုံးနှစ်မှာတော့ နောက်တနှစ်ဖြစ်တဲ့ ကျမတို့နှစ်မှာမှ ကျောင်းတူတူပြီးခဲ့တဲ့ အမတယောက်ရဲ့ နာရေး သတင်းကို သိရပါတော့တယ်။ ခဏနေတော့ မနက်က ဘုန်းကြီးကျောင်းအတူတူသွားခဲ့တဲ့ အန်တီရဲ့ ယောက္ခမကြီး ဒီနေ့ပဲ ရန်ကုန်မှာ ဆုံးကြောင်း အန်တီက ဖုန်းဆက် အကြောင်းကြားလာပြန်ပါတယ်။ ညဘက် ဘုရားရှိခိုးအပြီးမှာ လွန်ခဲ့သော ခြောက်လခန့်က ကွယ်လွန်သွားပြီးလို့ သိရတဲ့ အမရဲ့ အမည်ကို ခေါ်ပြီး၊ ၄င်းနှင့်တကွ ၃၁ ဘုံ၌ ကျင်လည်ကြကုန်သော ဝေနေယျ၊ သုခိတ၊ ဒုက္ခိတ သတ္တ၀ါ အပေါင်းတို့အား ကောင်းမွန်စွာ အမျှပေးဝေပါတယ်။ အမျှရကြ၍ ကိုယ်စိတ်နှစ်ဖြာ ကျန်းမာ ချမ်းသာကြပါစေ…။

အချိန်ကို အကျိုးရှိစွာ အသုံးချတတ်ဖို့အတွက် အသိဉာဏ်ရှိဖို့ လိုတယ်။ လူသားတဦးရဲ့ တဘ၀တာ အချိန်အတွင်းမှာ အဆိုးရော၊ အကောင်းပါ လောကဓံတွေကို ဘယ်လို ကိုင်တွယ်ဖြေရှင်းမလဲ ဆိုတဲ့ အသိဉာဏ်တွေ ရင့်သထက် ရင့်သန်ဖို့၊ နောက်ဆုံး လောကမှ လွတ်မြောက်ရေး ဆိုတဲ့ အန္တိမပန်းတိုင်ကို မျက်မှောက်ပြုဖို့ ရှင်သန်နေတဲ့ အချိန်အတွင်းမှာသာ ကြိုးစားအားထုတ်နိုင်တယ်။

*****
လွန်ခဲ့တဲ့ ၃နှစ်လောက်က ခေါင်းတွေ မူးနေတတ်လို့၊ ဂျပန်မှာရောက်နေတဲ့ ငယ်သူငယ်ချင်းတယောက် ဖုန်းဆက်လာတဲ့ အခါ သူ့ကို နေမကောင်းကြောင်း ညည်းလိုက်မိပါတယ်။ “ဟယ်အဲ့ဒါဆို နင် သွေးပေါင်လေး ဘာလေး မှန်မှန်ချိန်မှပေါ့” ဆိုပြီး သိပ်မကြာပါဘူး ဂျပန်ကနေ သွေးပေါင်ချိန်စက်ကြီး ပို့ချလာပါတယ်။ Manual က ဂျပန်လို ဖြစ်နေလို့ ဆိုပြီး၊ နောက်မှ အင်္ဂလိပ်လို Manual ကိုပါ ရှာကြံ မိတ္တူဆွဲပြီး ပို့ပေးခဲ့ပါသေးတယ်။ ၀မ်းနည်း ၀မ်းသာဖြစ်ပြီး မသုံးရက်ပဲ အသစ်အတိုင်းသိမ်းထားခဲ့ပါတယ်။ ဒီစက်ကို ငါတယောက်ထဲအတွက် အသုံးမချပဲ၊ အများအတွက် အသုံးကျအောင် ဘယ်လိုလုပ်ရမလဲ လို့ တွေးတောကြံဆရင်း….အခုတော့ ဆန္ဒပြည့်ဝခဲ့ပါပြီ။

၁၈ ရက်နေ့က ရန်ကုန်ပြန်သွားတဲ့ ညီမလေးတယောက်နဲ့ အကြုံထည့်ပေးလိုက်ပြီး သုခဆေးခန်းမှာ လှူဒါန်းလိုက်ပါပြီ…။ ရန်ကုန်ရောက်ရောက်ခြင်းနေ့မကူးပဲ ဆေးခန်းမှာ သွားလှူပေးခဲ့တဲ့ ညီမတို့ ဇနီးမောင်နှံနဲ့ လူကြုံယူသွားပေးတဲ့ ညီမတို့ကို ကျေးဇူးအထူးတင်ပါတယ်။

ဆေးခန်းအတွင်း တနေရာ...

ဆေးခန်းအတွင်း တနေရာ...

ချစ်သူငယ်ချင်း နှစ်ယောက်ရဲ့ လှူဒါန်းခြင်း - သုခ ကို သတ္တ၀ါအပေါင်းအား အမျှပေးဝေလိုက်ပါတယ်။

ပုံရိပ်ဟောင်းများ (၃) - The Lost World

ချစ်စ,ကို ရှည်စေ၊ မုန်းစ,ကို တိုစေ ဆိုတဲ့ မြန်မာစကားပုံ တစ်ခုရှိပါတယ်။ ဒီနေရာမှာတော့ လွမ်းစ,ကို ရှည်စေ လို့ပါ ထပ်ဖြည့်ရတော့မယ်။ ပုံရိပ်ဟောင်းများနဲ့ မပြီးနိုင် မစီးနိုင် လွမ်းလိုက်ပါဦးမယ်...။

၂၀၁၀ခုနှစ် စက်မှုတက္ကသိုလ်ကျောင်းသူ၊ ကျောင်းသားဟောင်းများ၏ ဆရာပူဇော်ပွဲနှင့် မိတ်ဆုံပွဲကို စင်္ကာပူမှာ အောင်မြင်စွာ ကျင်းပ ပြီးစီးခဲ့ပါပြီ။ ကျေးဇူးတင်ထိုက်သူများ အားလုံးကို ကျေးဇူးတင်ရင်း…
ကွယ်လွန်သွားပြီဖြစ်သော ဆရာကြီးဒေါက်တာစန်းတင့်  စင်္ကာပူလာရောက်ခဲ့စဉ်(၁၉၉၇ခုနှစ်)က မြန်မာဘုန်းတော်ကြီးကျောင်းမှာ ရိုက်ထားတဲ့ ဓာတ်ပုံတစ်ပုံကို အမှတ်တရအဖြစ် တင်လိုက်ပါတယ်။

အီလက်ထရွန်နစ်ဌာန ပါမောက္ခ ဒေါက်တာစန်းတင့်

အဲ့ဒီနေ့ ညနေမှာပဲ တပည့်များက ဆရာကြီးကို Jurong Point ရုပ်ရှင်ရုံမှာ The Lost World – Jurassic Park ဇတ်ကား လိုက်လံပြသခဲ့ပါတယ်။ တနေကုန် ပင်ပန်းနေပေမဲ့၊ တပည့်တွေကို အလိုလိုက်ခဲ့တဲ့ ဆရာကြီး သည်းထိတ်ရင်ဖို ပြကွက်တွေကြား၊ အိပ်မောကျရင်း အနားယူရရှာတယ်။

စက်မှုတက္ကသိုလ်မှာ ဒေါက်တာစန်းတင့်တို့လို ကိုယ်တိုင် ပညာထူးချွန်ရုံမက ကျောင်းသားတွေရဲ့ ပညာရေးကို အထူးအလေးပေးတဲ့ ဆရာကြီးတွေ အတော်များများ ရှိခဲ့ကြပါတယ်။ ဒါပေမယ့် အခြေအနေ အကြောင်းကြောင်းတွေကြောင့် ဒီလိုဆရာမျိုးတွေ တဖြည်းဖြည်း နည်းပါးလာပါပြီ။ ဒိုင်နိုဆောကြီးတွေလို extinct ဖြစ်သွားမှာ စိုးရိမ်မိနေပါတော့တယ်။

1995 ခုနှစ် - ရန်ကုန်စက်မှုတက္ကသိုလ် (၂၇)ကြိမ်မြောက် ဘွဲ့နှင်းသဘင် အခမ်းအနား ကျင်းပသည့်နေ့တွင် ရိုက်ကူးထားသည်။

ပုံရိပ်ဟောင်းများ - (၂)

ပုံရိပ်ဟောင်းများနှင့် ပန်းချီ

ကျမတို့ ပထမနှစ်တက်ပြီး မကြာခင်မှာပဲ စက်မှုခန်းမထဲမှာ ပန်းချီပြပွဲလုပ်ပါတယ်။ သူငယ်ချင်းတသိုက် အတန်းအားတိုင်း ပြပွဲထဲမှာ ခြေရှုပ်ပါတယ်။ ပြပွဲမှာ ကားတင်တဲ့ ပန်းချီဆရာကြီးတွေက ပို့စကတ်လေးတွေကိုလည်း တထိုင်တည်း ဆွဲပေးပါသေးတယ်။ အားပေးကြတာပေါ့။ ပုံလေးတွေက ကျောင်းရဲ့ Building 1 ပုံ၊ ဦးလူပေါဂိတ်၊ စွယ်တော်ရွက်လေးတွေ စသဖြင့်ကို အခြေခံအားဖြင့် ဆွဲထားပြီးသားပေါ်မှာ ၀ယ်ယူသူအကြိုက် နည်းနည်း ထပ်ဖြည့်ဆွဲပေးပါတယ်။ ရေးချင်တဲ့ စာတွေ ကဗျာတွေ ပို့စ်ကတ်ပေါ်မှာ ရေးပေးတဲ့ ၀န်ဆောင်မှုကိုပါ တပြိုင်တည်း ပေးပါတယ်။ ကျမတို့လည်း အခြားတက္ကသိုလ်က သူငယ်ချင်းတွေကို ပေးဖို့ ၀ယ်ကြပါတယ်။ သူများထက်ထူးတာက ပို့စ်ကတ်ပေါ်မှာ ကိုယ်ရေးချင်တဲ့ စာကို ကိုယ့်ဖာသာရေးမယ်ဆိုပြီး ပန်းချီဆရာဆီက ဖောင်တိန်ကို တောင်းယူရေးတာပါ။ ပုံဆွဲတဲ့ Pen လေးတွေက ကျမတို့ သုံးနေကျတွေနဲ့ မတူဘူးကိုး.. Pen လက်ထဲရောက်တော့ စိတ်ကြီးဝင်မိသေးတယ်။ ကိုယ်ဝယ်ထားတဲ့ ကတ်ပေါ် ကိုယ်တိုင်စာချရေးလိုက်တော့ ပန်းချီဆရာကြီးက “လက်ရေးက ပန်းချီလက်ရေးပဲ” လို့ ပြောချလိုက်တော့ ပြုံးလိုက်တဲ့ ကိုယ့်မျက်နှာကြီးကိုယ် တသက်မမေ့ မှတ်မိနေတော့တယ်။ ပန်းချီဆရာကြီးတွေကလည်း  တကျောင်းတည်းသား အစ်ကိုကြီးတွေပဲမဟုတ်လား။ သူတို့တင်ထားတဲ့ ကားတွေက “ဘယ်သူ့ပုံကို ဆွဲထားတာမလား၊ ဘယ်ဝါ့ပုံကို ဆွဲတာမလား” ဆိုတဲ့ မေးခွန်းတွေ အစ်အောက်မေးပြီး ရစ်ခဲ့ကြတာပေါ့…။ အော်… ပုံရိပ်ဟောင်းထဲက ပန်းချီ…

ပုံရိပ်ဟောင်းများနှင့် ၀တ္တု

အဲ့ဒီ စက်မှုခန်းမကြီးထဲမှာပဲ မောင်မယ်သစ်လွင် ကြိုဆိုပွဲ လုပ်တယ်။ နောက်နှစ်တန်းလောက်မှာ ထိုင်နေတဲ့ သစ်လွင်တယောက် ခြေဖမိုးအောက် မျက်စိက တောက်တောက်ဆို ပြုတ်ကျသွားလို့၊ ဟဲ့ကောင်ကလေး နင်နဲ့ငါနဲ့ ရည်းစားဖြစ် ဆိုပြီး စိတ်ကူးတွေ ယဉ်လိုက်တာ… “အချစ်ဆုံးသမား” ဆိုတဲ့ ဘ၀မှာ ပထမဦးဆုံးရေးလိုက်တဲ့ ၀တ္တုတို တစ်ပုဒ်ရပါတယ်…။ အော်… ပုံရိပ်ဟောင်းထဲက ၀တ္တုဇတ်လမ်း…

ပုံရိပ်ဟောင်းများနှင့် ကာတွန်း

Building 1 အောက်၊ ပါချုပ်ရုံးခန်း ထွက်ပေါက် အရှေ့၊ ထောင့်လေးမှာ Cartoon Box လေးရှိတယ်နော်။ အသစ်တင်တိုင်း တိုးဝှေ့ ခံစားပလိုက်တာ ကျောင်းသူ ကျောင်းသားတိုင်းရဲ့ ၀တ္တရား။ ပုံရိပ်ဟောင်းထဲမှာ ကိုယ်တဦးတယောက်တည်းနဲ့ ဆိုင်တဲ့ ကာတွန်းလေးတခု ပိုင်ဆိုင်ခဲ့ဖူးပါတယ်။ Building 1 ကနေ ကင်တင်းဘက်သွားတဲ့ စင်္ကြန်ဘက်ထွက်တဲ့ အပေါက်နားက Notice Board မှာ ကပ်ထားတာကို သူငယ်ချင်းတွေ တွေ့လို့ ဖြုတ်ယူလာခဲ့ကြတာလေ…။
ဆံပင်ကောက်ကောက်
ပိန်ခြောက်ခြောက်နဲ့
စိန်မျောက်မျောက်… ဆိုတဲ့ စာလုံးမဲကြီးတွေနဲ့၊
New Model ပုံစံသစ်ဖြင့် ၀င်လာသူ
ဆိုပြီး ဆွဲထားလိုက်တာ၊ ကျမ ခုံနံပါတ်ပါ ရေးထားလိုက်သေး…။
ဆွဲတဲ့သူ နာမည်ကို ရေးပြီးမှ ဖျက်ထားတယ်။ ရသလောက် ဖတ်ကြည့်လိုက်တာတော့ Section C မှ XXX လက်စွမ်းပြသည်တဲ့။ စနောက်ချင်ဇောနဲ့ ကျမပုံကို မလှမပ ဆွဲထားတာ ဖြစ်ပေမဲ့ ကျမ စိတ်မဆိုးပါဘူး၊ ပုံရိပ်ဟောင်းများထဲက ကာတွန်းလေးအတွက် ကျေးဇူးပါလို့ ဒီနေရာကနေ ပြောလိုက်ပါရစေ စွမ်းအားရှင်ကြီးရေ…။
(၈၈ အရေးအခင်းမှာ ဆန္ဒပြစဉ်က သုံးခဲ့တဲ့ နဖူးစီးတို့၊ လက်ပတ်တို့နဲ့အတူ စက္ကူဗူးလေးထဲ ထည့်သိမ်းထားခဲ့တာမို့ အခု ကိုယ်နဲ့အတူ ရှိမနေပါ။)

ပုံရိပ်ဟောင်းများနှင့် ဂီတ

ကျမတို့ ပဉ္စမနှစ်ရောက်တော့ စက်မှုခန်းမကြီးထဲမှာဗျာ… ပြင်ကြဆင်ကြ လှုပ်လှုပ်ရွရွနဲ့…။ စတိတ်ရှိုးလုပ်မှာ တဲ့။ အဆောင် ကျောင်းသူကျောင်းသားတွေအတွက် Annual Dinner ဆိုလား။ နေ့ ကျောင်းသားများနဲ့ လားလားမှမဆိုင် ဖိတ်စာပါမှ လာရမယ်ဆိုလို့၊ ကျမတို့ ခန်းမရှေ့ အကြိမ်ပေါင်းများစွာ လျှောက်ပြန်သံပေးပြီး ခြေအေးဝမ်းယောင်လာတဲ့အခါမှ ပေစောင်းပေစောင်းနဲ့ နေရပ်ထံသို့ ပြန်ပါလေတော့ ပြန်ခဲ့ရပါလေသတည်းပေါ့။ နေရာ အခက်အခဲကြောင့် Dayသမားတွေ မလာရတာပါဆိုတဲ့ မခိုင်လုံတဲ့ သတင်းရပ်ကွက်က ထွက်လာတဲ့ ကောလဟာလကြောင့်၊ နောက်တနေ့မှာ Civil က သူငယ်ချင်းတယောက် မကျေမနပ်နဲ့ ပြောခဲ့တဲ့ စကား အခုထိ မှတ်မိသေးတယ်။ တို့ Day သမားတွေ စတိတ်ရှိုး အမျိုးသားကဇတ်ရုံမှာ သွားလုပ်မယ်ဟေ့ တဲ့။ မကျေဘူးကွ… စင်ပေါ်တက်ခဲ့တဲ့ ကောင်တွေ မိုက်ရင်ထွက်ခဲ့လို့ ရန်စလိုက်ချင်သေးတော့တယ်။ အဲ့လိုသာဆို ရှေ့ဆုံးက ထွက်လာမှာ … (အခုတော့ အိမ်က လူကြီး လို့ ပိုင်ပိုင်နိုင်နိုင် ခေါ်ခွင့်ရပြီ ဖြစ်တဲ့) ကိုဧရာ…

ဘယ်ဘက်က Bass guitar တီးခတ်နေသူက ကိုဟန်ဇော် ဖြစ်ပြီး ညာဘက်က Lead guitar တီးနေသူကတော့ ကိုသူရချစ်မောင်ပါ။ ကိုဧရာ ဆိုခဲ့တဲ့ သီချင်းရဲ့ မူရင်း အဆိုရှင် က ဆမ်ဆမ် (ကိုဧရာထက် တတန်းကြီးတဲ့ Civil မှ ကိုအောင်ဆန်းမြင့်) ဖြစ်ပါတယ်။ Civil ကပဲ... နောက်ထပ် အဆင်သင့်ပဲဟေ့ ဆိုတဲ့ ပထမဦးဆုံးစီးရီး ထွက်ခဲ့တဲ့ အသံချိုချိုအေးအေးလေးပိုင်ရှင် တူးတူး (ကိုမင်းကျော်သူ)။ အဲ့ဒီစတိတ်ရှိုးမှာ ဆိုချင်လျက် မဆိုဖြစ်လိုက်သူက ကိုဧရာတို့နဲ့ တတန်းထဲသား ဒွေး (ကိုထင်လင်း)။

သူအဲ့ဒီတုန်းက ဆိုခဲ့တဲ့ သီချင်းလေးကို ဂစ်တာတီးပြီး ဆိုပြရင် မသီတာ သိပ်ကြိုက်ပါတယ်။
ခင်ဗျာ.. ခင်ဗျာ.. ကိုဧရာ အသံဖိုင်တင်ပါ… ဟုတ်ကဲ့ မသီတာလည်း ပရိတ်သတ်ကြီးများ ကိုယ်စား တောင်းဆိုပါတယ်။ အဆိုတော်ကြီးက မိုက်မကောင်းဘူး။ အသံသွင်းတာတွေ မကောင်းဘူး။ ဂစ်တာက မကောင်းဘူးနဲ့ ဈေးကိုင်နေပါတယ်။ အမှန်က အသံမကောင်းတော့တာပါ။

အော် ပုံရိပ်ဟောင်းများ ဆိုမှတော့ အိုပြီလေ…။

ပုံရိပ်ဟောင်းများ- (၁)

ကိုယ့်ရင်ထဲက စိတ္တဇတွေ… (၁)၊ (၂)

ရေးချင်တာတွေကတော့ အများကြီးပဲ
မရေးရတာလည်း ကြာပြီဆိုတော့
*****
အကြည်က ခပ်တည်တည် ဟိုဘက်လှည့်ထိုင်နေတယ်
မြင်နေရတယ် ဒါပေမဲ့ နားလည်အောင် မှန်းဆဖို့ကြ ခက်နေပြန်တယ်

ညဥ့်နက်သန်းခေါင်တိုင်တယ်
စာကြည့်စားပွဲမှာ ငုတ်တုတ်ထိုင်တယ်
ဘာမှ ထွက်မလာတဲ့အဆုံး ဒုက္ခခြေရင်း ၀ပ်ဆင်းလိုက်ရတယ်… ကတောက်
*****
မိတ်ဆွေ အမတွေက ပြောတယ်။ “၀ လာလိုက်တာ..” တဲ့..။ ဆက်ပြောသေးတယ် “ဘလော့ဂ်မှာ သိပ်မတွေ့ရတော့လို့ ဖြစ်မယ်ထင်တယ်” တဲ့။ အိမ်က သားကြီးကတော့ “မေမေ ပိန်ချင်ရင် ဘလော့မလုပ်နဲ့တော့” လို့ ပြောလာတယ်။ “ဟုတ်တယ်လေ.. မေမေက စားပြီးတော့ ကွန်ပြူတာရှေ့ထိုင်၊ အဲ့ဒီတော့ ဘာဖြစ်သလဲ… ဗိုက်ကြီးက ပူလာတာပေါ့” တဲ့။ “မေမေက သားပြောတာ လုပ်မှာလည်း မဟုတ်ပါဘူး..” လို့ ညည်းပြောလေး ပြောသေးတယ်။
*****

ကိုယ့်ရင်ထဲက စိတ္တဇတွေ… (၁)

တနေ့က သားငယ်လေးနဲ့ အတူ အိပ်တယ်။ မနက်ဝေလီဝေလင်းလောက်မှာ သားငယ်လေးက ငုတ်တုတ်ကလေး ထထိုင်ပြီး တိုးတိုးလေး ပြောလာတယ်။ “မေမေ သား မီးခဏလောက် ဖွင့်မယ်နော်” တဲ့။ “အင်း” လို့ မျက်စိမဖွင့်ပဲ ခေါင်းညိတ်ပြလိုက်တော့ သူမီးခလုတ်ဆီ ထသွားတယ်။ စိတ်ထဲမှာ ဘာများဖြစ်လို့လဲ… သူ အိပ်ယာထဲ ရှူးတွေများ ပေါက်ချလေသလားလို့ အိပ်ယာခင်းကို ကပျာကယာ စမ်းမိတယ်။ မဟုတ်ပါဘူး။ အိပ်ယာခင်းပေါ် ပျံ့ကျဲနေတဲ့ ကဒ်တွေကို မီးရောင်နဲ့ မြင်လိုက်ရပြီး သူ့နေရာပြန်ရောက်လာတဲ့ သားငယ်က “သားကဒ်တွေ အောက်ကျကုန်လို့” လို့ ပြောရင်း သူ့ကဒ်တွေကို ကောက်စီနေတော့တယ်။ (အဲ့ဒီကောင်လေးက ဥစ္စာခြောက်လေး... သူ ကစားတဲ့ ကဒ်တွေကို ခေါင်းအုံးအောက် ထားအိပ်တတ်တယ်။)

အဲ့ဒီနေ့ မနက်ကတော့ လမ်းဆင်းလျှောက်ဖြစ်တယ်။ တယောက်ထဲပဲ ဆိုတော့ အစပိုင်းမှာ လမ်းလျှောက်ရင်း သတ္တ၀ါတွေကို မေတ္တာပို့တယ်။ ရာသီဥတုက ညိုညိုမှိုင်းမှိုင်း အုံ့အုံ့ဆိုင်းဆိုင်းဆိုတော့ ခြေလှမ်းတွေနဲ့ အတူ အတွေးရေယာဉ်ကျော မျောကောင်းလှတယ်။ ဒီနေ့ မိုးရွာမလား… နေပူမလား… ငါတော့ မသိဘူး… သားတွေကတော့ သိလိမ့်မယ်… သူတို့က မိုးလေ၀သ ခန့်မှန်းချက် ၃ရက်စာ ကြိုဟောတာကို တီဗွီကနေ ကြည့်တတ်တယ်။ ဒီနေ့ ဘယ်နေ့၊ ဘယ်ရက်လဲ… လဆန်းလား လဆုတ်လား… ဒါလည်း ငါမသိပြန်ဘူး… အော် ငါဟာ တော်တော် ပေါ့ပေါ့ဆဆ နေတတ်သူပါလား။ ဟိုးငယ်ငယ် ရွာမှာနေတုန်းကလည်း အမှတ်အသားမရှိခဲ့တာပါလေ… အိမ်ရှေ့ကချောင်းလေးရဲ့ ရေတက် ရေကျ၊ ရေသေ ရေထတွေက ဒီလဆန်းလဆုတ်ရက်တွေနဲ့ သက်ဆိုင်နေတာပဲ… အဲ့ဒီတုန်းကလည်း လူကြီးတွေ အလုပ်လို့ပဲ ထင်ခဲ့တယ်။ သိချင်တဲ့အချိန် တယောက်ယောက် ကောက်မေးလိုက်တာပဲ။ ကိုယ့်ဖာသာ သိအောင်တော့ မလုပ်ခဲ့ပါဘူး။ အင်း ငါတွေးနေပြန်ပြီ… တွေးပြီ ဆိုတော့လည်း အတိတ်အကြောင်းတွေ ချည်းပါပဲလား။ ငါ အနာဂတ်ကို ဘာကြောင့်မတွေးတတ်တာလဲ… တခါတလေများ အနာဂတ်ကို တွေးကြည့်ပါဦးလားဟယ်။ အနာဂတ်ကို တွေးရတာက အားစိုက်ရတယ်။ အနာဂတ်ကိုတွေးတဲ့ ငါ့အတွေးတွေဟာ တလံလောက်မှာပဲ ပျင်းရိလေးတွဲစွာ တုံ့ကနဲ ရပ်သွားတတ်တယ်။ (ဖျတ်ကနဲ အတွေးထဲ ၀င်လာပြန်တာက) နွေရာသီကျောင်းပိတ်ရက် ရွာမှာသွားနေရင်း အဒေါ်အပျိုကြီးရဲ့ ဖြူလွလွ အိပ်ယာခင်း အကျခင်းထားတဲ့ မထူမပါး မွေ့ယာလေးပေါ် သဘောခွေစွာ အိပ်ခွင့်ရခဲ့တယ်… အဲ့ဒီ ကြည်နူးမှုလေးက ကြာကြာမခံပဲ… ချောက်ချားစရာတွေနဲ့ အဆုံးသတ်ခဲ့ရတယ်… အိပ်ယာထဲ ရှူးပေါက်မိလို့ လူကြီးတွေ မသိခင်… ကိုယ့်အ၀တ်တွေ ထလဲ… နံစော် စိုရွဲကုန်တဲ့ စောင်တွေ အိပ်ယာခင်းတွေ ဖျာတွေကို ခိုးထုတ်ခိုးထည်တွေအလား… ဘာလုပ်လို့ ဘာကိုင်ရမှန်းမသိ… မနက်မိုးလင်းရင် “သီတာ အိပ်ယာထဲ သေးပေါက်တယ်မလား” လို့ အစစ်ခံရတော့မယ်… ရင်ထဲမှာ တုန်လှုပ်ချောက်ချားလိုက်တာ…
အော် အခုတော့သိပြီ… ငါ လိမ်ညာ လှည့်ဖျား ဟန်ဆောင် ဖုံးကွယ်တတ်နေခြင်းဟာ ငယ်ငယ်က အိပ်ယာထဲ ရှူးပေါက်ချတတ်ခြင်းက အစ ပြုခဲ့တာပါလား...။
*****
ခြေလှမ်းတွေကတော့ လေးတွဲ့လျက်ပါပဲ….။

ပန်ပန်နဲ့ မလေးကို ဒီနေရာကနေ ခွင့်တောင်းပါတယ်။
*****

ကိုယ့်ရင်ထဲက စိတ္တဇတွေ… (၂)

ပုံမှန် အားဖြင့်တော့ နေ့လည် နေ့ခင်းလည်း အိမ်တံခါးတွေ ပိတ်ပြီး သားအမိတစ်တွေ အိမ်ထဲ နေကြတာပဲ…။ အဲ့ဒီနေ့ကတော့ သားကြီးကို ကိစ္စတခုနဲ့ အောက်ဆင်းဖို့ ခိုင်းလိုက်တော့ သူ တံခါးမကြီးကို ဖွင့်တယ်။ ၀ရံတာကို ထွက်သွားပြီး မကြာခင်မှာပဲ “မေမေ အိမ်ရှေ့မှာ ဆိုက်ကယ် Accident ဖြစ်ထားတယ်” လို့ လှမ်းပြောတယ်။ ကိုယ်လည်း “ဟုတ်လား သား” ဆိုပြီး ၀ရံတာထွက်လာပြီး ကြည့်မိတယ်။ ရိုးရိုးရဲကားတစီး၊ အက်စိဒင့် ဖြစ်ထားတဲ့ ဆိုင်ကယ်၊ ယာဉ်ထိန်းရဲ ဆိုင်ကယ်နှစ်စီးကို တွေ့ရတယ်။ အကြီးအကျယ် ပြင်းပြင်းထန်ထန် ပုံစံတော့မဟုတ်ဘူး။ ခဏနေတော့ Civil Defence က မီးသတ်ကားကြီး ရောက်လာတယ်။ ကျန်းမာ ချမ်းသာကြပါစေ မေတ္တာတစ်ချစ်နှစ်ချက်ပို့ပြီး အိမ်ထဲပြန်ဝင်လာခဲ့တယ်။

သားကြီးက လာပြောပြန်တယ်။ မေမေ “မီးသတ်ကားကြီးက သွေးကွက်တွေကို ဆေးနေတယ်။ နီရဲနေတာပဲ” တဲ့။ “ဟုတ်လား သား” ဆိုပြီး တခါထွက်ကြည့်မိပြန်တယ်။ မီးသတ်သမားတွေ လမ်းလယ်ကောင်မှာ အကွက်တကွက်ကို ဆပ်ပြာအမြှုပ်တွေကို ထလို့ တံမြတ်စည်းတံအရှည်တွေနဲ့ ကုတ်ခြစ်ပြီး အသေအချာကို ဆေးနေကြတယ်။ “သူတို့ သုံးတဲ့ ဆေးက အနီရောင်မို့လို့ပဲလား…သွေးတွေ မို့လို့ပဲလားတော့မသိဘူး…နီတော့ နီနေတယ်နော် မေမေ” လို့ သားကြီးက ပြောပြန်တယ်။ “အင်း” လို့ ခေါင်းငြိမ့်လိုက်တယ်။ ကျမစိတ်ထဲကတော့ ဓာတ်ဆီတို့ အင်ဂျင်ဝိုင်တို့ ဖိတ်သွားတဲ့ အကွက်ကို ဆေးနေတာလည်း ဖြစ်နိုင်တယ်လို့ တွေးမိပါတယ်။ သားကြီးကိုတော့ ဘာမှ မပြောဖြစ်ပါဘူး… ငါ့သားကတော့ Drama တွေ လုပ်နေပြန်ပြီလို့ မှတ်ချက်ပြုရင်း သူ့အတွေးနဲ့သူ တွေးချင်သလို တွေးနေပါစေလို့ လွှတ်ပေးထားလိုက်တယ်။ သားကြီးက အဲ့ဒီလိုပါပဲ သူ့အတွေးတွေက ကျမတို့ အထင် အမှန်တရားနဲ့ မနီးစပ်တဲ့ ဒရမ်မာတွေ သိပ်များပါတယ်။ (ဒါလည်း ဘမျိုးဘိုးတူတာလား၊ မိမျိုးဖွားတူတာလားမှ မသိတာနော့။)

လမ်းပေါ် မောင်းလာကြတဲ့ ကားတွေက ဆေးကြောနေကြတဲ့ လူတသိုက်အနားအရောက်မှာ အရှိန်လျှော့ သတိထားပြီး ကွေ့ရှောင် မောင်းနေကြတယ်။ ကျမလည်း စိတ်ကူးနဲ့ ကားမောင်းကြည့်လာမိတယ်။ အဲ့ဒီနားအရောက်မှာ လမ်းပေါ်ကအကွက်ကို ကားဘီးမနင်းမိအောင်၊ ယုတ်စွအဆုံး ပိုက်နဲ့ ထိုးဆေးနေတဲ့ ရေတွေ လမ်းကြမ်းပြင်ကိုထိပြီး ပြန်ကန်တက်တဲ့ အညစ်အကြေးရေတွေ ကျမကားကို မစင်မိအောင် ဆတ်ဆတ်လူး ကွေ့ဝိုက်ရှောင်တိမ်း မောင်းနေမိတယ်။ ဘာမှန်း ညာမှန်းမသိ သားပြောတဲ့ သွေးတွေ ဖြစ်နေရင် ကျမကားကို သွေးစက်ရေ စင်မိပါပြီတဲ့ မကောင်းဆိုးဝါးက ကပ်ငြိပါလာလေသယောင်… စိတ်ထဲ မသတီလိုက်တာ…

ချက်ချင်းဆိုလလိုပဲ သတိဝင်မိပါတယ်။ ဘာမှန်း ညာမှန်း အသေအချာ မသိတဲ့ အရည်တွေကို ဓာတ်သဘောသတ်သတ်မမြင်ပဲ… အသက် လိပ်ပြာ ၀ိညာဉ် တစုံတရာအလား ထင်ယောင်ထင်မှား ခိုင်တယ် မြဲတယ် ကူးတယ် ပြောင်းတယ် လို့ ယူဆနေတဲ့ သဿတဒိဋ္ဌိရဲ့ အတွေးတွေပါလားဟု…။

သီတာရေစင်

အရှေ့သို့လားသော် ရှမ်းကို ကျော်၍ တရုတ်
အနောက်သို့ယွန်းသော် အိန္ဒိယ
မြောက်မှာ ကချင်
တောင်သို့ ဆင်းသော် သမုဒ္ဒရာ
မန္တလေး ရွှေမြို့တော်မှာ မြစ်ဖျားခံတဲ့ သတို့သား ကိုဧရာ
မြို့ရန်ကုန်မှာ လအော့လအယ် သတို့သမီး မသီတာကို ခလုတ်တိုက်
ဟဲ့ ပလုတ်တုတ် စင်္ကာပူလို့ ယောင်အော်တော့ ရေစင်တွေ တသွင်သွင် စီးကျလေသတဲ့...။

အသားလေးက ညိုရုံသာမက မှောင်တဲ့ဘက်တောင် လုနေသေး။
မျက်နှာလေးကလည်း ဘာမှ ထူးထူးခြားခြားမရှိ။ ချော,လှ, မနေသလို၊ အရုပ်ဆိုး အကျည်းတန်လည်းမနေ။
ချစ်စရာလည်း မကောင်းသလို၊ အမြင်ကတ်စရာလည်း မဟုတ်။
အော်… သူလို ကိုယ်လို လူလေးတယောက်
အမေ့ သားငယ်လေးရေစင် ၇နှစ် ပြည့်ပြီ။

လွတ်မြောက်မှုသို့ ကိုင်းညွှတ်ခြင်း

ငှက်တစ်ကောင်၏ ကျော့ကွင်းမှ လွတ်မြောက်မှု, လူသားတစ်ဦး၏ နိုင်ငံရေး, စီးပွားရေး, လူမှုရေး လွတ်မြောက်မှု, အရိယာ သူတော်စဉ်တို့၏ ကိလေသာမှ လွတ်မြောက်မှုတို့သည် သဘောသဘာဝချင်း, အဆင့်အတန်းချင်း ကွဲပြားခြားနားကြသော်လည်း “အနှောင်အဖွဲ့မှ လွတ်လပ်ခြင်း” ဟူသော အနှစ်သာရမှာ အတူတူပင် ဖြစ်သည်။ နိမိတ် သင်္ကေတများသည်လည်း အတူတူပင် ဖြစ်သည်။

အမှောင်ခွင်း၍ အလင်းကိုဆောင်သော နေမင်းသည် လောကသားတို့၏ အကြောက်တရားကို ပယ်ရှား၍ ရဲဝံ့ခြင်းကို ပေးတတ်သောကြောင့် “သူရိယ” ဟု အမည်တွင်သည်။ အ၀ိဇ္ဇာအမှောင်ကို ခွင်း၍ သစ္စာအလင်းရောင် ပေးသော သံသရာဝဋ်ဆင်းရဲအပေါင်းမှ လွတ်မြောက်အောင် ဆောင်ကြဉ်းပေးသည့် ဘုရားရှင်တို့အား နေမင်း (အာဒိစ္စ) ဟု တင်စားခေါ်ဝေါ်ကြသည်။

ပွင့်တော်မူပြီးကုန်သော ဘုရားရှင်များ, ဘုရားရှင်တို့၏ ဗောဓိဉာဏ်, ကိလေသာမှ လွတ်မြောက်သူများနှင့် လွတ်မြောက်မှု ၀ိမုတ္တိတရားတို့အား ရည်မှန်း၍ နံနက် နေထွက် အစာရှာထွက်ချိန်, ညနေ နေ၀င်ချိန် အိပ်တန်းတက်ချိန်တို့တွင် နေမင်းအား ကိုင်းညွှတ် ရှိခိုး၍ အရံအတားပြုသောကြောင့်၊ အလောင်းတော် ဥဒေါင်းမင်းသည် မုဆိုးတို့၏ ကျော့ကွင်းရန်မှ နှစ်ပေါင်းများစွာ လွတ်မြောက်ခဲ့ဖူးသည်ကို ဒုကနိပါတ် မောရဇာတ်တွင် ဟောကြားထားသည်။

မိမိတို့၏ အနှောင်အဖွဲ့ဘေးတို့မှ လွတ်မြောက်နိုင်ရန် ထိုမောရဇာတ်လာ ဂါထာတို့အား အရံအတား ပရိတ် မန္တန်အဖြစ် ရွတ်ဖတ် သရဇ္ဈာယ်ကြသည်။ လွတ်မြောက်မှုကို အလိုရှိသူသည် လွတ်မြောက်သူတို့နှင့် လွတ်မြောက်မှုတရားအား ရည်မှန်း ဦးခိုက်ကာ အစဉ်သတိတရား လက်ကိုင်ထား၍ ကျင့်ကြံနေထိုင် သွားကြရသည်။

ပူရေန္တံ ဗောဓိသမ္ဘာရေ၊ နိဗ္ဗတ္တံ မောရယောနိယံ။

ယေန သံဝိဟိတာ ရက္ခံ၊ မဟာသတ္တံ ၀နေစရာ။

စိရဿံ ၀ါယမန္တာပိ၊ နေ၀သက္ခိံသု ဂဏှိတုံ၊

ဗြဟ္မမန္တန္တိ အက္ခာတံ၊ ပရိတ္တံ တံ ဘဏာမ ဟေ။

ဗောဓိဉာဏ်၏ အဆောက်အဦဖြစ်သော ပါရမီတို့ကို ဖြည့်ကျင့်လျက် ဥဒေါင်းငှက်မျိုး၌ ဖြစ်စဉ်
အကြင်ပရိတ်တော်ဖြင့် စီမံ စောင့်ရှောက်ထားသော ဘုရားအလောင်း ဥဒေါင်းမင်းကို တောမုဆိုးတို့သည်
ဖမ်းယူရန် နှစ်ပေါင်းများစွာ ကြိုးစားကြသော်လည်း မဖမ်းနိုင်ကြ။
အိုသူတော်ကောင်းတို့… “ဗြဟ္မမန္တန်” ဟု ဆိုအပ်သော (ဤမောရသုတ်) ပရိတ်တော်ကို ရွတ်ဖတ်ကြပါကုန်စို့။

ဥဒေတယံ စက္ခုမာ ဧကရာဇာ၊

ဟရိဿဝဏ္ဏော၊ ပထ၀ိပ္ပဘာသော။

တံ တံ နမဿာမိ ဟရိဿဝဏ္ဏံ၊ ပထ၀ိပ္ပဘာသံ။

တယာ’ဇ္ဇာ ဂုတ္တာ ၀ိဟရေမု ဒိဝသံ။

(အမှောင်ခွင်း၍ အလင်းဆောင်ကာ) အမြင်ဓာတ်ကို ပေးတတ်သူတို့တွင် မင်းမြတ်ဧကရာဇ်ဖြစ်သော၊ ရွှေအဆင်းနှင့်တူသော အလင်းဖြင့် ကမ္ဘာမြေကို ထွန်းလင်းစေသော ရှင်နေမင်းသည် အရှေ့လောကဓာတ်မှ ထွက်ပေါ်၍ လာ၏။ ထို ရွှေအဆင်းနှင့်တူသော အလင်းဖြင့် ကမ္ဘာမြေကို ထွန်းလင်းစေသော ရှင်နေမင်းအား ရှိခိုးပါ၏။ ယနေ့အဖို့ ရှင်နေမင်း၏ အစောင့်အရှောက်ကို ခံယူ၍ ကျွန်ုပ်သည် ဤတစ်နေ့တာ ကာလပတ်လုံး ချမ်းသာစွာ နေရပါလို၏။

ယေဗြဟ္မဏာ ဝေဒဂူ သဗ္ဗဓမ္မေ၊

တေ မေ နမော, တေ စ မံ ပါလယန္တု။

နမတ္ထု ဗုဒ္ဓါနံ, နမတ္ထု ဗောဓိယာ၊

နမော ၀ိမုတ္တာနံ, နမော ၀ိမုတ္တိယာ။

ဣမံ သော ပရိတ္တံ ကတွာ၊

မောရော စရတိ ဧသနာ။

အလွန်စင်ကြယ် မြင့်မြတ်သော ဘုရားရှင်တို့သည် တရားအလုံးစုံကို သိမြင်တော်မူကြ၏။ ထိုဘုရားရှင်တို့သည် အကျွန်ုပ်၏ ရှိခိုးခြင်းကို ခံတော်မူကြပါကုန်။ ထိုဘုရားရှင်တို့သည် အကျွန်ုပ်အားလည်း စောင့်ရှောက်တော်မူကြပါကုန်။ (ပရိနိဗ္ဗာန်ဝင်စံပြီးကုန်သော) ဘုရားရှင်တို့အား အကျွန်ုပ်၏ ရှိခိုးခြင်းသည် ဖြစ်ပါစေ။ ထိုဘုရားရှင်တို့၏ ဗောဓိဉာဏ်တော်ကို အကျွန်ုပ်၏ ရှိခိုးခြင်းသည် ဖြစ်ပါစေ။ ကိလေသာမှ လွတ်မြောက်ကြကုန်သော ဘုရားရှင်တို့အား ရှိခိုးပါ၏။ ထိုဘုရားရှင်တို့၏ လွတ်မြောက်မှု ၀ိမုတ္တိတရားအားလည်း ရှိခိုးပါ၏။ ဤသို့ အရံအတားကိုပြုလုပ်၍ လှည့်လည် အစာရှာဖွေ၏။

အပေတယံ စက္ခုမာ ဧကရာဇာ၊

ဟရိဿဝဏ္ဏော၊ ပထ၀ိပ္ပဘာသော။

တံ တံ နမဿာမိ ဟရိဿဝဏ္ဏံ၊ ပထ၀ိပ္ပဘာသံ။

တယာ’ဇ္ဇာ ဂုတ္တာ ၀ိဟရေမု ရတ္တိံ။

(အမှောင်ခွင်း၍ အလင်းဆောင်ကာ) အမြင်ဓာတ်ကို ပေးတတ်သူတို့တွင် မင်းမြတ်ဧကရာဇ်ဖြစ်သော၊ ရွှေအဆင်းနှင့်တူသော အလင်းဖြင့် ကမ္ဘာမြေကို ထွန်းလင်းစေသော ရှင်နေမင်းသည် အနောက်လောကဓာတ်သို့ ၀င်လေပြီ။ ထို ရွှေအဆင်းနှင့်တူသော အလင်းဖြင့် ကမ္ဘာမြေကို ထွန်းလင်းစေသော ရှင်နေမင်းအား ရှိခိုးပါ၏။ ယနေ့အဖို့ ရှင်နေမင်း၏ အစောင့်အရှောက်ကို ခံယူ၍ ကျွန်ုပ်သည် ဤတစ်ညတာ ကာလပတ်လုံး ချမ်းသာစွာ နေရပါလို၏။

ယေဗြဟ္မဏာ ဝေဒဂူ သဗ္ဗဓမ္မေ၊

တေ မေ နမော, တေ စ မံ ပါလယန္တု။

နမတ္ထု ဗုဒ္ဓါနံ, နမတ္ထု ဗောဓိယာ၊

နမော ၀ိမုတ္တာနံ, နမော ၀ိမုတ္တိယာ။

ဣမံ သော ပရိတ္တံ ကတွာ၊

မောရော ၀ါသ’မကပ္ပယိ။

အလွန်စင်ကြယ် မြင့်မြတ်သော ဘုရားရှင်တို့သည် တရားအလုံးစုံကို သိမြင်တော်မူကြ၏။ ထိုဘုရားရှင်တို့သည် အကျွန်ုပ်၏ ရှိခိုးခြင်းကို ခံတော်မူကြပါကုန်။ ထိုဘုရားရှင်တို့သည် အကျွန်ုပ်အားလည်း စောင့်ရှောက်တော်မူကြပါကုန်။ (ပရိနိဗ္ဗာန်ဝင်စံပြီးကုန်သော) ဘုရားရှင်တို့အား အကျွန်ုပ်၏ ရှိခိုးခြင်းသည် ဖြစ်ပါစေ။ ထိုဘုရားရှင်တို့၏ ဗောဓိဉာဏ်တော်ကို အကျွန်ုပ်၏ ရှိခိုးခြင်းသည် ဖြစ်ပါစေ။ ကိလေသာမှ လွတ်မြောက်ကြကုန်သော ဘုရားရှင်တို့အား ရှိခိုးပါ၏။ ထိုဘုရားရှင်တို့၏ လွတ်မြောက်မှု ၀ိမုတ္တိတရားအားလည်း ရှိခိုးပါ၏။ ဤသို့ အရံအတားကိုပြုလုပ်၍ မိမိ၏နေရာ၌ နေ၏ (အိပ်တန်းတက်၏)။

(ဗုဒ္ဓမြတ်စွာ သာသနာ ရောင်ဝါနေသို့ လင်းပါစေ… မတရားသဖြင့် အချုပ်အနှောင်ခံနေကြရသူများ အားလုံး လွတ်မြောက်ကြပါစေ … )

စာညွှန်း
၁။ ဇာတက-၁၅၉၊ ဒုကနိပါတ်-မောရဇာတ်
၂။ ဦးပညာသာမိ (မာဂဓီ-သာစည်) - ဆယ်စောင်တွဲသင်တန်း မြန်မာပြန်ကျမ်း
၃။ မဟာဂန္ဓာရုံဆရာတော် အရှင်ဇနကာဘိဝံသ - ပရိတ်ပါဠိ, ပရိတ်ကြီးနိဿယနှင့် ပရိတ်တရားတော်များ
၎။ The Jataka - Stories of the Buddha’s former births, translated by E.B. Cowell (http://www.sacred-texts.com/bud/j2/j2012.htm)

လွတ်လွတ် ချစ်သူ…

လောက၀တ်တွေနဲ့ ထိန်းချုပ်၊ အပြင်လူတွေ မသိစေရတဲ့ ကိုယ့်စိတ်ရိုင်းတွေ လွှင့်ထုတ်သမျှ
တိတ်တဆိတ်ခံယူသူ…

အမှား ဆိုရင် အမှား၊ အမှန်ဆိုရင်တော့ အမှန်၊ အချစ်အတွက် အဆစ်ကလေးပေး ဘယ်တော့မှ ဘက်မလိုက်သူ…

လောကဓံမုန်တိုင်းတွေ ကြမ်းချင်သလောက်ကြမ်း၊ မောပြီဟေ့လို့ မှော်ရုံတောမှာ မထားခဲ့သူ…

သံသာလေ ကမ်းတိုင် ♫ ရွှေသစ္စာ (မဏ္ဍိုင်)၂ တူပြိုင်ပြိုင် စိုက်စို့မောင်ရယ် ♪
အော်..♫ မခိုင်လို့ ကျိုးတောင်မှ ♪(တိုင်ဖိုးကို)၂ လျော်ပါ့မယ်… ♪♪ ဆိုတဲ့ သီချင်းမျိုးပင် မဆိုစေလိုသူ…

ရိုးရိုးကြီး… သူ၊
လွတ်လွတ် ချစ်သူ…

(ကိုဧရာအတွက် မွေးနေ့ အမှတ်တရ)