လမ်းထဲက FRC တွေ - ၂

ကျမတို့အိမ်နှင့် မျက်စောင်းထိုး နှစ်ဆောင်ပြိုင် နှစ်ထပ် သစ်သားအိမ်ကြီး၏ အပေါ်ထပ် ခြေရင်းခန်းတွင် တရုတ်မိသားစု တစု နေထိုင်ကြပါသည်။ သူတို့၏ ဖခင်ကြီးမှာ ကျမတို့ ငယ်ငယ်မှာပင် သူ့အသက်လည်း သိပ်မကြီးသေးပဲ ဆုံးပါးသွားခဲ့ပါသည်။ ဘာရောဂါလည်းတော့ အသေအချာ မသိခဲ့ပါ။ ကျမ အကိုကြီး ပြန်ပြောသလောက် မှတ်မိနေခဲ့သည်မှာ… “အန်ကယ်ကြီးက အေးဆေးပြီး သိပ်သဘောကောင်းတာ၊ သေခါနီးမှ ဘာဖြစ်သွားတယ် မသိဘူး စိတ်ဖောက်ပြန် သွားရှာတယ်…” ဟူ၍သာ။

နောက်တော့ အန်ကယ်ကြီး၏ ဇနီး ကျမတို့ကတော့ သူ့ကလေးများ ခေါ်သလို မာမား ဟုပင် လိုက်ခေါ်သော အန်တီကြီးမှာလည်း တဖြေးဖြေးနှင့် ယဉ်ယဉ်လေး စိတ်ဖောက်ပြန် လာပါတော့သည်။ တချိန်လုံး ပြုံးနေပြီး ဘာစကားမှ မပြောတော့ပါ။ ည ည ဆိုလျှင် အိမ်ပေါ်မှ ဆင်း၍ ခြေဦးတည့်ရာ လျှောက်သွားတတ်ပါသဖြင့် သူတို့၏ သမီးအကြီးဆုံး အမကြီးမှာ မာမားကို အချိန်ပြည့် အနီးကပ် စောင့်ရှောက်သူ ဖြစ်လာရပါတော့သည်။ ထိုအမကြီး၏ အောက်တွင် ယောက်ျားလေးနှစ်ယောက် ဖြစ်ပြီး သူတို့အောက် မိန်းကလေး ၃ယောက်မှာ အကြီးမက ကျမအထက်က အမနှင့် မတိမ်းမယိမ်း၊ အလတ်မက ကျမနှင့်ရွယ်တူ၊ အငယ်မလေးက ကျမညီမလေးနှင့် အရွယ်တူ အတန်းတူ ကစားဖော်များ ဖြစ်ခဲ့ကြပါသည်။

သူတို့ညီအမ ၃ယောက်လုံး ကစားသန်ကြပါသည်။ အလတ်မမှာ အငြင်းပါသန်ပါသည်။ ထုတ်ဆီးတိုးကြပြီဟေ့ ဆိုလျှင် သူတို့ညီအမများသည် ခေါင်သူကြီးများ ဖြစ်ကြပြီး အလယ်စည်းမှ တဖက်အသင်းသား ကျောကုန်းကို အုံးကနဲ နေအောင် ရိုက်ဖမ်းနိုင်စွမ်းရှိကြပါသည်။ သို့ပါသော်လည်း သူတို့၏ မာမားကိုမူ ကြမ်းကြမ်းတမ်းတမ်း ပြောဆို ဆက်ဆံခြင်းမျိုး တခါဖူးမှ မတွေ့ခဲ့ရပါ။ မာမားကို ကလေးတယောက်လိုပင် အလိုလိုက်ထားကြပါသည်။ စနေ တနင်္ဂနွေလိုနေ့မျိုးတွင် မာမားကို ခေါ်၍ မြို့ထဲလိုမျိုး ထွက်ပေးကြသည်။ စိတ်ဖောက်နေသည့် အမေကြီးဆိုပြီး ချောင်ထိုးမထား။ အိမ်နီးနားချင်းတို့၏ အလှူ၊ မင်္ဂလာပွဲများကို မာမားအား သစ်လွင်သော အ၀တ်အစားလေးများ ၀တ်စေ၍ သမီး တယောက်ယောက်နဲ့ အတူသွားစေသည်။ မာမား ရောက်မလာသော အလှူပွဲ ဆိုလျှင်ပင် အလှူရှင်က “ဟဲ့ မာမား နေမကောင်းဘူးလား၊ လာတာမတွေ့သေးဘူး၊ နေမကောင်းဘူး ဆိုရင် ချိုင့်နဲ့ သွားပို့ပေး”ဟု စီစဉ်တတ်ကြသည်အထိ ပတ်ဝန်းကျင်က မာမားကို အလေးထားကြပါသည်။

ကျမတို့ မောင်နှမတတွေ မာမားကို အလေးထားကြပုံလေး အမှတ်တရတခုမှာ… ကျမတို့ အဖေသည် အိမ်မှာ ကက်ဆက်တောင် မဖွင့်ရ ဆူညံဆူညံတွေ မကြိုက်တတ်ကြောင်း ပို့စ်တခုတွင် ရေးပြီးဖြစ်ပါသည်။ နယ်မှာနေသော အဖေ့ညီ ဦးဦးမှာ အဖေ့လို မဟုတ်ပါ။ ကလေး၊ လူငယ်များကို အလိုလိုက်တတ်၍ ပစ္စည်းကောင်းကြိုက်တတ်သူလည်း ဖြစ်ပါသည်။ သူ့အလုပ်အားချိန် ပိုက်ဆံလည်းလက်ထဲမှာ ရှိနေမည် ဆိုပါလျှင် ရန်ကုန်တက်လာပြီး TV လာဝယ်ခြင်း၊ ဗွီဒီယို အောက်စက်လာဝယ်ခြင်း စသဖြင့် လုပ်တတ်ပါသည်။ အခုတခေါက်မှာ ကာယာအိုကေစက် လာဝယ်ခြင်း ဖြစ်ပြီး တညသာ ကျမတို့အိမ်မှာ အိပ်ပြီး မနက်သင်္ဘောနှင့် နယ်ပြန်မည် ဖြစ်ပါ၍ ဒီတညသာ ကျမတို့ မောင်နှမတတွေ ကာယာအိုကေစက်နှင် မိုက် ကောင်းမကောင်း စမ်းသပ်ခွင့်ရကြမည် ဖြစ်ပါသည်။ ထိုစဉ်က သန်းနိုင်၏ “ဆု” အခွေ ပေါက်နေ၏။ “စိတ်မဆိုးနဲ့နော် ခွင့်လွှတ်ပါကွယ် ကိုယ်ရိုင်းနေရင်…” စသည့် သီချင်းအေးအေးလေးများ ပါသလို “ရောင်စုံမမ သိပ်လှတယ်ဗျ…” ဆိုတာမျိုး တအုံတမကြီး ၀ိုင်းအော်လို့ ကောင်းသော သီချင်းများလည်း ပါ၏။ ရောင်စုံမမ သီချင်းမှ အချပိုဒ်လေး “အို မမ အိုး မမ ”ကို အသံဖြင့် “အို မာမား အိုး မာမား ” ဟု သုံးလေးခေါက် အော်ဆိုနေကြပြီးမှ ကိုလေးက “ဟဲ့ နင်တို့ … မာမားက သူ့ခေါ်တယ် အောင်းမေ့ပြီး ဆင်းလာနေဦးမယ်” ဟု သတိပေးတော့မှ အဲ့ဒီနေရာလေးရောက်ရင် အသံကို နှိမ့်ဆိုခဲ့ကြပါသည်။

ဒီလိုနဲ့ ကြီးကောင်လေးတွေ ၀င်လာကြတော့ ကျမနဲ့ရွယ်တူ အလတ်မမှာ သူ့အမများနဲ့ မတူ တမူထူးခြားပြီး သိသိသာသာ တသွေးတမွေး ဖြစ်လာသည်။ အသားအရေမှာလည်း တနေ့ထက်တနေ့ စွတ်စွတ်ဖြူနုလာသည်။ ကိုယ်လုံးကိုယ်ပေါက်လေးမှာလည်း ကောက်ကြောင်းလေးနှင့် ဖြစ်လာသည်။ ကျမတို့နှင့်လည်း အခေါ်အပြောနည်းလာသည်။ “ဒီမိန်းမ လှလာသလောက် သွေးကြီးလာတယ် ငါတို့ကိုတောင် ရှိတယ် မအောင်းမေ့တော့ဘူး” လို့ ကွယ်ရာတွင် အတင်းပြောကြသည်။ ထုံးစံအတိုင်း လူကြီးတွေ စပ်ပေးစား၍ သူ အိမ်ထောင်ပြုသည်။ သူ့ အမျိုးသားမှာ အမေရိကန်တွင် နေထိုင်သူဟု သိရပါသည်။ သူတို့ လက်မှတ်ထိုးတဲ့နေ့ သူတို့အိမ် ၀ရံတာမှာ ဓာတ်ပုံရိုက်တာကို ကျမတို့ အိမ်ကနေ လှန်းကြည့်လိုက်ရပြီး သူ့အမျိုးသားက သူ့ထက် အရပ်ပုတယ် ဆိုတာသာ မှတ်မိလိုက်ပါတော့သည်။ နောက်တော့ ယောင်နောက် ဆံထုံးပါသွားသည်။

ကျမ စင်္ကာပူ ရောက်လာပြီးမှ သူတို့အိမ်ကြီးကို အိမ်ပိုင်ရှင်က ပိုင်ရှင်အသစ်ဆီ ရောင်းလိုက်၍ သူတို့လည်း လမ်းထဲမှာ မရှိကြတော့သလို၊ မာမားလည်း မြန်မာပြည်မှာ မရှိတော့ပါ။ အလတ်မက သူ့အမေကို သူ့နဲ့အတူ ခေါ်ထားခဲ့ပါပြီ။ မာမားမှာ သူ့မြေးတွေ ထိန်းကျောင်းရင်း ကျန်းမာရေးလည်း ကောင်းမွန်နေသည်ဟု ၀မ်းသာဖွယ်ကြားသိရပါသည်။ နောက်များမကြာမီ အကြီးမနဲ့ အငယ်မပါ အလတ်မဆီ လိုက်သွားကြပြီလို့ ထပ်မံကြားသိရပါသည်။

ပထမပို့စ်နှင့် ယခုပို့စ်ပါ ငယ်ငယ်တုန်းက သူငယ်ချင်းများနဲ့ အဆက်အသွယ်မရှိပါ၊ နေရပ်လိပ်စာ မသိပါ။ အားလုံး မသီတာရဲ့ memoryထဲမှာပဲ ရှိပါတော့တယ်။ (Titanic ထဲက ခိုးချတာ)

လမ်းထဲက FRC တွေ

လမ်းထဲက အဒေါ်ကြီးတွေ အကြောင်းရေးခဲ့ပြီး အခု လမ်းထဲက FRCတွေ အကြောင်း ရေးချင်ပြန်ပါသည်။ FRC ဆိုသည်မှာ ကျမတို့ နိုင်ငံတွင် မြန်မာနိုင်ငံသားမဟုတ်သူများ ကိုင်ဆောင်ရန် ထုတ်ပေးသော လက်မှတ်ဖြစ်ပါသည်။ (ဤပို့စ်မှ FRC သည် တရုတ်လူမျိုးများကိုသာ ရည်ရွယ်ပါသည်။) ဘယ်ကနေ အတွေးစ ရလည်း ဆိုပါလျှင် အောက်တိုဘာလက စသည်ဟု ဆိုရပေမည်။ မသီတာအတွက် အောက်တိုဘာလသည် အမှတ်ရစရာ များသောလဖြစ်ပါသည်။ ဒီလမှာ မွေးသည်။ ဒီလမှာ မင်္ဂလာဆောင်သည်။ ဒီလမှာ စင်္ကာပူသို့ ထွက်ခဲ့သည်။

အောက်တိုဘာလ စ၀င်ကတည်းက လူက ခပ်ငိုင်ငိုင်လေးတွေးမိသည်။ “အင်း ငါဒီမှာ နိုင်ငံခြားသား FRC အဖြစ်နေလာလိုက်တာ ဆယ်စုနှစ်တခုတောင် တော်တော်ကျော်လာပါကောလား…”။ ထိုအတွေးစမှ တဆင့် FRC တယောက်အနေနှင့် ဘယ်လို နေသင့်၊ ထိုင်သင့်၊ စိတ်သဘောထားသင့်သလဲ ဆိုသည့် အတွေးဆက်ကာ ငယ်စဉ် လမ်းထဲက အမှတ်တရ အကြောင်းလေးတွေ တရေးရေးပေါ်လာခြင်း ဖြစ်ပါသည်။

အဖေ ဒီအိမ်ကြီးကို ကျမမွေးကာစမှာ ၀ယ်လိုက်တော့ နှစ်ဆောင်ပြိုင် နှစ်ထပ် သစ်သားအိမ်ကြီး ဖြစ်ပြီး အခန်းခန်း အဆောင်ဆောင် ထပ်ခိုးအဆင့်ဆင့်မှာ အိမ်ထောင်စုတွေ တပြုံကြီးနှင့် ဖြစ်သည်ဟု ကြားဖူးသည်။ ယခင်အိမ်ရှင်မှ အပိုင်းပိုင်းဖြင့် အိမ်ငှားချထားသူများကို အဖေက တရစ်ချင်း ရှင်းလာပြီး ကျမ သိတတ်သောအရွယ်ရောက်သောအခါ အိမ်ငှားဟူ၍ အပေါ်ထပ် ခြေရင်းခန်း၌ နေသော တရုတ်မိသားစု တစုသာ ကျန်တော့သည်။

ထိုမိသားစုမှာ မိဘများမရှိကြတော့ပါ။ လူပျိုကြီးလား၊ အိမ်ထောင်မရှိတာလား မသေချာသော သူတို့၏ ဦးလေးဟုသိရသော အန်းကျိတ်ဟု ခေါ်ကြသည့် အလွန်ပိန်သည့် ဦးလေးကြီးက သူတို့ မိသားစု၏ အာဏာမရှိသော အုပ်ထိန်းသူ လူကြီးဖြစ်ပါသည်။ အန်းကျိတ်သည် သော့ပြင်ဆရာ တဦးဖြစ်ပြီး သော့တံလေးတွေ ချိတ်ဆွဲထားသာ သံကွင်းကို လက်၌ဆွဲကာ မြို့ထဲမှာ တလမ်းဝင် တလမ်းထွက် “သော့ပြင်တယ်” ဟု အော်ရခြင်းသည် သူ၏ နေ့စဉ် အလုပ်ဖြစ်ပါသည်။ မိဘနှစ်ပါးစလုံး မရှိကြတော့သည်သာမက သူတို့၏ သမီးအကြီးဆုံးမှာလည်း တူတူး၊ ငန်ငန်းနှင့် မီမီး ဆိုသော ကလေးသုံးယောက်ကို လောကအလယ်၌ စောစီးစွာပင် ထားသွားခဲ့ပါသည်။ ဆုံးပါးသွားသူများ အားလုံး၏ တူညီမှုမှာ တီဘီရောဂါဖြင့် မရဏ သေမင်းခေါ်ဆောင်ရာကို လိုက်ပါသွားခဲ့ရခြင်းဖြစ်ပါသည်။ တူတူးတို့ အဖေကတော့ ဒီအိမ်မှာမနေပါ။ မြို့ထဲမှာနေသည်ဟု သိရပြီး တပတ်တခါလောက် သူ့သားသမီးတွေကို လာတွေ့တတ်သည်။

တူတူးမှာ ကျမနှင့် ရွယ်တူ သူငယ်ချင်း ဖြစ်၍ မူလတန်းကျောင်း တကျောင်းတည်းမှာလည်း တက်ကြပါသည်။ တရုတ်ကလေးမှာ စာတော်တတ်ကြသော်လည်း တူတူးမှာ စာမတော်ပါ။ တနှစ်တခါ စာမေးပွဲနီးလျှင် စာအုပ်ပျောက်တတ်သော ကျမအတွက် တူတူးဆီမှ မပြည့်မစုံ မလှမပရေးထားသော စာအုပ်များကို ကျမအမနှစ်ယောက်မှ ငှားယူပြီး ကိုယ့်အပိုင်းနှင့်ကိုယ် တာဝန်ခွဲဝေ၍ နှစ်ရက်လောက်နှင့် အပြီးကူးယူရသည်မှာလည်း စာမေးပွဲဖက်ရှင်တခု ဖြစ်ခဲ့ပါသည်။ တူတူးသည် သူ့ထက် စာတော်၍ သူတို့၏ အိမ်ရှင်ဖြစ်သော ကျမအပေါ် ကျိုးနွံပါသည်။ အငယ်နှစ်ယောက်ဖြစ်သော ငန်ငန်းနှင့် မီမီးက စွာချင်သည်။ ကျမတို့ ကစားရင်း ရန်ဖြစ်ကြလျှင် ကျမတို့ဖက်က “တရုတ် တရုတ် သောက်စားပုတ်” ဟု အော်လျှင် ငန်ငန်းက မခံပါ “မြန်မာ မြန်မာ လူလိမ္မာ” ဟု ပြန်အော်တတ်ပါသည်။

ကလေးများကသာ နိုင်စားသည်မဟုတ်။ လူကြီးများကဏ္ဍတွင်လည်း နေ့စဉ်လိုလို မောင်နှမတတွေ အော်ဟစ်ရန်ဖြစ်တတ်ကြသော ထိုအိမ်ငှားမိသားစုကို ကျမ အဖေနှင့် အကိုတွေက မျက်နှာသာမပေးကြပါ။ ခပ်တည်တည် ခပ်တန်းတန်းသာ နေကြပါသဖြင့် သူတို့ ပြောဆို ဆက်ဆံစရာရှိလျှင် ကျမ အမေနှင့်သာ အခေါ်အပြော လုပ်ဝံ့ကြပါသည်။ အန်းကျိတ်မှအစ သူ့ထက် အသက်ငယ်သော ကျမအမေကို အဒေါ်ကြီးဟု အမြဲတစေ တရိုတသေ ခေါ်ပြောပါသည်။ မှတ်မှတ်ယယ တနေ့သော နေ့လည်စာ စားချိန်လောက်တွင် အမေနှင့် ကျမတို့ မိသားစုတွေ ထမင်းစားနေကြသည်။ ကျမတို့ မစားမီ အဖေကို ဦးစွာ ထမင်းတ၀ိုင်း ပြင်ဆင်ပေးရလေ့ရှိ၍ မီးဖို ထမင်းစားခန်းထဲမှာ အဖေရှိမနေတော့ပါ။ ထိုအချိန် သံတံခါး ပိတ်ထားသော နောက်ဖေးပေါက် အပြင်ဘက်မှ အန်းကျိတ် က “အဒေါ်ကြီး တူရှိလား” ဟု ခပ်အုပ်အုပ် အသံဖြင့် လှမ်းမေးပါသည်။ အမေလည်း ထမင်းစားနေရာမှ ရုတ်တရက် မကြားသဖြင့် “ဘာလဲ” ဟု ထပ်မေးပါသည်။ “အဒေါ်ကြီး တူရှိလား…တူရှိရင် ငှားချင်လို့” ဟု အန်းကျိတ်က ထပ်ပြောရာ အမေ က “တူတော့ မရှိဘူး၊ ရဲဒင်းပဲရှိတယ်” ဟု အော်ပြောလိုက်ရာ အန်းကျိတ်လည်း တံခါးပေါက်မှ လှစ်ကနဲ နေအောင် ပျောက်ကွယ်သွားပါတော့သည်။ တအောင့်ကြာသော် ထမင်းဝိုင်းထဲမှ တယောက်က “အမေ အန်းကျိတ်က ထမင်းစားမလို့ တူ လာ ငှားတာထင်တယ်” ဟု ပြောလိုက်မှ အားလုံး တယောက်မျက်နှာ တယောက်ကြည့်ကာ ရယ်ကြရပါတော့သည်။

ကျမတို့ အိမ်တွင် ထိုစဉ်က အမှန်တကယ် တူ (ထမင်း ဟင်းစားသော တူ) မရှိပါ။ သံရိုက်သော တူလည်း ရှိဟန်မတူပါ။ ထင်းခုတ်သော ရဲဒင်းသာ ရှိပါသည်။ ရဲဒင်း၏ အသွားတဖက်မှာ ခုတ်ဖြတ်ရန် သုံး၍ရပြီး အခြားတဖက်မှာ တူကဲ့သို့ပင် ထုနှက်ရန် သုံး၍ရပါသည်။

ကျမတို့ ၃တန်းလား ၄တန်းလားရောက်သောနှစ်တွင် တူတူးတို့ အဖေ နောက်အိမ်ထောင်ပြုတော့မည်ဟု သိရပါသည်။ တူတူးတို့ အဖေမှာ ရုပ်ဖြောင့်သူတဦးဖြစ်ပါသည်။ ကွယ်လွန်သွားသော သူတို့ အမေမှာလည်း သူတို့ မောင်နှမများထဲတွင် အချောဆုံးနှင့် ကျန်သူများနှင့်မတူ ယဉ်ကျေးနှစ်လိုဖွယ်ရာကောင်းသည်ဟု မှီလိုက်သူများက ပြန်ပြောတတ်ကြပါသည်။ တခါတရံ တူတူးတို့ မိထွေးဖြစ်မည့်သူပင် သူ့အဖေနှင့်အတူ ပါလာတတ်ပါသည်။ သူတို့ လာလျှင် ကျမတို့ ကလေးတသိုက် ချောင်းကြည့်တတ်ကြသည်။ ကလေးအတွေးနှင့် မိထွေးဆိုသော အရာကို ဘယ်လိုမှ လက်မခံနိုင်သေးသော အရွယ်ဖြစ်ပါ၍ ဘယ်လောက်ပင် ရန်တွေဖြစ်ခဲ့ဖြစ်ခဲ့ စွာတေလန် မီမီးကိုပင် သနားစိတ်ဝင်ခဲ့ပါသည်။ တနေ့မှာတော့ တူတူးတို့အဖေက အမေရိကန်ကို သွားတော့မည်ဟု သိရသော အခါ “နင်တို့ကိုရော ခေါ်သွားမှာလား” ဟု ကမန်းကတန်း မေးမိသည်။ “ငါတို့ ၃ယောက်စလုံးကို ခေါ်သွားမှာ… ငါတို့ ကြီးလာတော့ ရွှေတိဂုံဘုရားကို တိုးရစ်အဖြစ်လာမှာပေါ့ဟာ အဲ့ဒီအခါကျရင် နင်တို့နဲ့ ပြန်တွေ့…” ဟု တူတူးလား၊ ငန်ငန်းလား (မသေချာတော့) က ပြောခဲ့ပါသည်…ပြောခဲ့ပါသည်…။

*****
မျက်စောင်းထိုးအိမ်က FRC သူငယ်ချင်းမိသားစု အကြောင်း ဆက်ရန်

အခြေခံ ဗုဒ္ဓဘာသာသင်တန်း - ဆရာတော်ဦးသီလာနန္ဒာဘိဝံသ

ဆရာတော်ဦးသီလာနန္ဒာဘိဝံသ အမေရိကန်နိုင်ငံမှာ ပို့ချခဲ့တဲ့ “အခြေခံ ဗုဒ္ဓဘာသာသင်တန်း” ကို http://www.burmeseclassic.com/tayar_section.php မှာ တင်ထားတာ တွေ့ရပါတယ်။ ဓမ္မဒါနအဖြစ် ထပ်ဆင့်ပြန်လည် မျှဝေပါတယ်။

သင်တန်းမိတ်ဆက်
ရတနာသုံးပါး
ဘုရားရတနာ
တရားရတနာ
သံဃာရတနာ
သစ္စာလေးပါး
မဂ္ဂင်ရှစ်ပါး
ကံနှင့် ကံ၏အကျိုး
ဘ၀ဟောင်း ဘ၀သစ်
ပဋိစ္စသမုပ္ပါဒ်
ကန်တော့ပုံနှင့် ငါးပါးသီလ
၈-ပါး, ၉-ပါး, ၁၀-ပါးသီလ
ဘုရားအနေကဇာတင်ခြင်း
ပရိတ်ကြီးအကြောင်း

“The Road Less Travelled” နှင့် ချစ်တတ်ပြီ

“အချစ်သည် ရယူခြင်းမဟုတ်သလို၊ ပေးဆပ်ခြင်းလည်း မဟုတ်။ မြင့်မြတ်ခြင်းသာ ဖြစ်သည်။”

မသီတာက “ချစ်တတ်ပြီ” ဟု ဆိုလာတော့ … ချစ်တတ်အောင် အချစ်ကို ဋီကာဖွင့်ပြသည့် စာအုပ်တစ်အုပ်ကို ပြေးသတိရမိသည်။ စာအုပ်အမည်က “The Road Less Travelled” ဖြစ်သည်။

“The will to extend one’s self for the purpose of nurturing one’s own or another’s spiritual growth.”

အချစ်ဟူသည် “မိမိကိုမိမိ ဖြစ်စေ, တစ်ပါးသူတစ်ဦးကိုဖြစ်စေ စိတ်ဓာတ် ရင့်ကျက် မြင့်မားလာစေရန် ပြုစုပျိုးထောင်မည်ဟူသော ရည်ရွယ်ချက်ဖြင့် မိမိ၏ စိတ်နှလုံးအား ဆန့်ထုတ်သည့် စိတ်စေတနာ” ဟု အဓိပ္ပါယ်ဖွင့်ပြသည်။

“အသွားနည်းသော လမ်း” ဟူသည့် စာအုပ်နာမည်နှင့် လိုက်အောင်ပင် စာရေးသူ M. Scott Peck ဖွင့်ပြသော အချစ်၏အဓိပ္ပါယ်က တွေ့ဖူးနေကြ အဓိပ္ပါယ်များနှင့် မတူ။ စိတ်ရောဂါကု ဆရာဝန်တစ်ဦးဖြစ်သည့်အလျောက် စိတ်ပိုင်းဆိုင်ရာ တိုင်ပင်ဆွေးနွေးမှု အတွေ့အကြုံများကို အခြေခံ၍ ဖွင့်ဆိုထားခြင်းဖြစ်သည်။

အချစ်သည် စိတ်ဓာတ် ရင့်ကျက်မြင့်မားလာစေရန်ဟူသော ရည်ရွယ်ချက်ရှိရမည်။ မိဘတို့သည် မိမိသားသမီး ကောင်းစားရေးအတွက် တစ်နယ်တစ်ကျေးသို့ ကျောင်းထားပေးရသည်လည်း ရှိသည်။ သားသမီးကို မခွဲနိုင်၍ ကျောင်းမလွှတ်ခြင်းသည် အချစ် ဟုတ်ပါ၏လော…။ Peck က မဟုတ်ဟု ဖြေမည်။ “မင်းမရှိရင် အသက်မရှင်ချင်ဘူး” ဟူသော အချစ်မျိုးကို စာရေးသူက အချစ်ဟု မသတ်မှတ်၊ “Passive dependent personality disorder” စိတ်ရောဂါတစ်မျိုးဟု သတ်မှတ်သည်။ အချစ်မဟုတ်ယုံသာမက Anti-love ဟုသတ်မှတ်သည်။ အချစ်သည် ရည်ရွယ်ချက်ပါရသည်။

ထို့ကြောင့် အချစ်သည် စိုက်ထုတ်မှု ကင်းမဲ့သော မတော်တဆကိစ္စတစ်ခု မဟုတ်။ ရင်ခုန်ခြင်း၊ ချိုမြိန်ခြင်း၊ တသလွမ်းမောခြင်း၊ စူးရှကြွေကွဲခြင်းများသည် အချစ်မဟုတ်။ မတော်တဆ ခလုပ်တိုက်လဲသလို ချစ်မိ၊ ကြိုက်မိသွားခြင်းမျိုး “Falling in love” သည် အချစ်မဟုတ်ဟု ဆိုသည်။ ထိုအချစ်များသည် ကာမဂုဏ်စိတ်နှင့် ဆက်စပ်နေပြီး၊ တာရှည်ခံသော အချစ်မျိုးမဟုတ်။

စိတ်ပညာအရ မွေးကင်းစကလေးငယ်များသည် မိမိနှင့် ပတ်ဝန်းကျင်ကို ခွဲခြားမသိနိုင်သေး။ ကိုယ် ငိုလျှင် တလောကလုံး ငိုသည်။ ကိုယ်ဆာလျှင် လောကကြီး ဆာသည်။ အတ္တနှင့် လောကဟူသော စည်းဘောင်မရှိသေး။ လအတန်ကြာမှ မိမိသည် ပတ်ဝန်းကျင်လောကကြီးနှင့် သီးခြားဖြစ်နေသည်ကို ရိပ်မိလာသည်။ ကိုယ် ဆာနေသော်လည်း မိခင်ကနို့ချိုတိုက်ချင်မှ တိုက်မည်။ ကိုယ် ကစားချင်သော်လည်း မိခင်က ချော့မြူချင်မှ ချော့မြူပေလိမ့်မည်။ အရွယ်ရောက်လာသည်နှင့်အမျှ အတ္တဥခွံက အရည်ထူလာသည်။ အတ္တဘောင် (ego boundary) အတွင်း ပုန်းအောင်းရင်း၊ အထီးကျန်ဝေဒနာကို ခံစားလာရသည်။ အချို့မှာ ငယ်စဉ်ဘ၀တွင် တွေ့ကြုံရသည့် နာကျဉ်းဖွယ် ခံစားချက်များကြောင့် လောကကြီးအပေါ် သံသယစိတ်များဖြင့် စိုးရွံ့၍ပင် နေတတ်သည်။ ချစ်ကြိုက်မိခြင်းက ထိုအထီးကျန်ဝေဒနာကို ခေတ္တဖြေဖျောက်ပေးသည်။ မိမိ၏ စိတ်နှလုံးအား ချစ်သူအပေါ် အပ်နှင်းလိုက်ခြင်းက၊ မိမိ၏ အတ္တဥခွံလေးအား ဖောက်ခွဲလိုက်သလိုဖြစ်ကာ သာယာမှုကိုပေးသည်။ သို့သော် အမှန်တကယ် အတ္တဘောင်ကို ချိုးဖောက်လိုက်ခြင်း မဟုတ်။ ချဲ့ထွင်လိုက်ခြင်းလည်းမဟုတ်။ ထို့ကြောင့် “ချစ်ကြိုက်မိ” သွားခြင်းမျိုးက ယာယီခဏသာခံ၍ ဖောက်ပြန် ပြောင်းလဲတတ်သည်။ သို့သော် ချစ်ကြိုက်မိခြင်းကို အစပြုကာ အချစ်စစ်ကို ပြုစုပျိုးထောင်ပေးသွားနိုင်သည်။

ပြုစုပျိုးထောင်ခြင်းသည် ပန်းပျိုးသူတစ်ဦးကဲ့သို့ မြတ်နိုးနှစ်သက်မှုရှိသည်။ ပန်းချစ်သူသည် ပန်းပင်တို့ကို ပစ်မထား။ ရေလောင်း၊ ပေါင်းသင်၊ မြေသြဇာထည့်တတ်ရသည်။ မိမိချစ်ခင်သော သူ/အရာဝတ္ထုပေါ်တွင် မိမိ၏ စိတ်ဝင်စားမှု၊ စိတ်ခံစားမှုတို့ကို ရင်းနှီးမြှုပ်နှံသည်။ တာဝန်ယူရသည်။ ဤဖြစ်စဉ်ကို စိတ်ပညာက Cathexis ဟုခေါ်သည်။ Cathexis သည်လည်း မိမိ၏ အတ္တဥခွံကို ချဲ့ထွင်သည်။ သို့သော်လည်း ဤမျှနှင့်တော့ အချစ်စစ်မဟုတ်သေးဟု Peck ကဆိုသည်။ မိခင်သည် ရင်သွေးငယ်ကို နို့ချိုတိုက်ကြွေး၊ ယုယပိုက်ထွေးကာ ပြုစုပျိုးထောင်သည်။ သို့သော်လည်း မိမိ၏ ရင်သွေးကြီးပြင်းလာ၍ မိမိအား မနာခံတော့သောအခါ အချစ်ကုန်ခမ်း သွားတတ်သေးသည်။ စိတ်နာကျည်းသွား တတ်သေးသည်။ ထို့ကြောင့် Cathexis သက်သက်သည်လည်း အချစ်စစ် မဟုတ်သေး။ မိမိပြုသမျှ နာခံမည့် အိမ်မွေးတိရစ္ဆာန်လေးများအား ချစ်သော အချစ်မျိုးသာဖြစ်သည်ဟု Peck ကဆိုသည်။

ပြုစုပျိုးထောင်မှုဆိုသော်လည်း ခံစားမှု (emotion) ကို ဗဟိုပြုသော ပြုစုပျိုးထောင်မှုမျိုးမဟုတ်။ မိမိကိုယ်တိုင်နှင့် မိမိချစ်သူတို့၏ စိတ်ဓာတ် အရည်အသွေး မြင့်မားလာစေရန် အသိပညာဖြင့် ထိန်းကွပ်မှုပါသည့် စေ့ဆော်မှု (volition) စေတနာကို အချစ်ဟုသတ်မှတ်သည်။ ထို့ကြောင့် သူ၏အဓိပ္ပါယ်အဖွင့်တွင် အလိုဆန္ဒ (desire) ဟုမသုံးပဲ စေတနာ (will) သုံးသည်။ “ရေကူးချင်တယ်” နှင့် “ရေကူးမယ်” ဟူသောစကားရပ်နှစ်ခုတွင် အလိုဆန္ဒနှင့် စေတနာတို့၏ ခွန်အားကွာခြားပုံကို သိနိုင်သည်။ ထို့ကြောင့် အချစ်သည် စွန့်စားဝံ့သော သတ္တိခွန်အား ပါသည်။ အချစ်သည် ပေးဆပ်ခြင်းမဟုတ်သော်လည်း ပေးဆပ်ဝံ့သည်။ အနစ်နာ ခံဝံ့သည်။ အဆုံးအရှုံးခံဝံ့သည်။ မိမိအလိုအတိုင်းမဖြစ်၍ အချစ်သည် ကုန်ခမ်းမသွား။ သတိပညာဖြင့် ရင်ဆိုင်နိုင်သည်။ အချစ်စစ်သည် မိမိ၏ စိတ်နှလုံးအား ဖြန့်ထုတ်ထားသည့် စိတ်ဖြစ်သည်။ မြင့်မြတ်ခြင်းဖြစ်သည်။

Peck သုံးသွားသော ဝေါဟာရများနှင့် ဖွင့်ဆိုသွားသော အချစ်၏ အဓိပ္ပါယ်သည် နားလည်ရ ခက်လောက်အောင် နက်ရှိုင်းသည် ဆိုရသော်လည်း၊ ဗုဒ္ဓဘာသာဝင်တို့အနေဖြင့် မေတ္တာတရားကို ပုံဖော်ထားသော ဝေါဟာရများနှင့် နှိုင်းယှဉ်ကြည့်နိုင်သည်။ ( မေတ္တာနှလုံးကိုယ်စီသုံး)

ဧရာ(မန္တလေး)

ချစ်တတ်ပြီ ပို့စ်အတွက်
sonata-cantata said...
ကွန်မန့်ဖြင့် ဖြည့်စွက်ပေးကြတဲ့ ဘလော့မိတ်ဆွေ အားလုံးနဲ့ ဖတ်သွားကြတဲ့သူ အားလုံးကို ကျေးဇူးပါ...
ဝန်ခံချင်တာကတော့ "ချစ်တတ်ပြီ" ဆိုတဲ့ ခေါင်းစဉ်လေး စိတ်ကူးနဲ့ တင်လိုက်ပါတယ်...တကယ် ချစ်တတ်ပြီလား ဆိုတာကတော့...
စာတွေ ဆက်ရေးချင်ပါသေးတယ်။

October 2, 2009 10:30 AM
မသီတာ

ချစ်တတ်ပြီ

အတိတ်က အချစ်

သဘာဝအတိုင်း ဖာသိဖာသာ ကြီးပြင်းလာရင်း အချစ်သည် ဖောက်ပြန်တတ်သည်ဟု သိလိုက်ရသော အချိန်၌ နှလုံးသားလေးက အလွန်သေးငယ်လွန်း နေခဲ့သေးသလို ဦးနှောက်ကလည်း အရည်တည်လေးမျှသာ ရှိသေးသည်။

ဒီလိုနဲ့ အချစ်ဆိုတာ ကြီးစွာသော သတိ၊ လုံလောက်သော ပညာတို့ဖြင့် ရင်ဆိုင်ကိုင်တွယ်ရမည့် အရာအဖြစ်သို့ အလိုအလျောက် ရောက်ရှိသွားတော့သည်။

အချစ်ကို ယုံကြည်မှုနည်းပါးစွာ ဖြတ်သန်းခဲ့သော အချိန်ကာလများတွင် အချစ်သည် တကိုယ်ကောင်းဆန်ခြင်းဖြစ်သည်ဟု နားလည်စေခဲ့ပြန်သည်။

အချစ်ဟာ ကံကောင်းခြင်းလက်ဆောင်ဟု ထင်ယောင်ထင်မှား ပြုမိချိန်သည် ကံဆိုးမိုးမှောင်ကျသော အချိန်ဖြစ်သည်။ အချစ်ဆိုတာ သွေးသားတို့ရဲ့ လိုအပ်ချက်လို့ သေးနုတ်သိမ်ငယ်စွာ တွေးတောမိခဲ့သည်လည်း ရှိသည်။

အချစ်သည် ဟိုနားဒီနား အတူသွားလောက်သာ ဖြစ်သည်ဟု ယူဆသူများလည်း ကိုယ့်ဘေးနားက ဖြတ်လျှောက်သွားကြသည်။

အချစ်ကို တန်းတန်းဆွဲ လိုက်မရှာခဲ့သလို သူ့ဖာသာရောက်လာလိမ့်မည်ဟုလည်း မျှော်လင့်မနေခဲ့ပါ။

*****

နှလုံးသားကို တို့ထိလိုက်တဲ့ အချစ်ကို ဦးနှောက်က ဒါအချစ်ပဲ လို့ ဆုံးဖြတ်ချက်ချတယ်။ နှလုံးသားနဲ့ ဦးနှောက် ပြိုင်တူ ထပ်ကာ ထပ်ကာ မြည်တမ်းကြပြီးနောက်မှာတော့ အချစ်တွေက တကိုယ်လုံး ပျံ့နှံသွားတော့တယ်။

အချစ်တခုကို ပိုင်ဆိုင်ခွင့်ရခဲ့ပြီလို့ ကြွေးကြော်ရအောင် အချစ်က တခု၊ နှစ်ခု၊ ရေတွက်လို့ရတဲ့အရာမဟုတ်။
ဟယ် အချစ်ဆိုတာ တကယ်ရှိတယ်လို့ အလန့်တကြား ထအော်ရအောင်လည်း အချစ်ကို အားနာဖို့ကောင်းလှပါသည်။

*****
အခြား အရာများလိုပင် အချစ်တခုဖြစ်ဖို့ အကြောင်းတရားများစွာတို့ ပေါင်းဆုံဖို့လိုပါသည်။ ဆန့်ကျင်ဘက်တို့သာ ပေါင်းစုံခြင်း မဟုတ်။ အချိန်တန် အရွယ်ရောက်၍ လူမှုဆက်ဆံရေးနယ်ပယ်၌ လူသားနှစ်ဦး ပေါင်းသင်းနေထိုင်ကြခြင်း၌် အချို့အတွက် အချစ်သည်အရေးပါသော ကဏ္ဍမှ ပါဝင်ခဲ့သလို၊ အချို့ကလည်း ဦးနှောက်၏ စေခိုင်းမှုကြောင့်ဟု ဆိုကြလေသည်။ အချို့လည်း ဖြစ်ရိုးဖြစ်စဉ် တခုကို ဖြတ်သန်းသွားခြင်းမျှသာ။

အနည်းဆုံးတော့ အနီးဆုံးလူသားများကြား အချစ်သည်လိုအပ်ပါသည်။ အချစ်ကို တန်ဖိုးထားကြလျှင် ထိုအချစ်ကို ရှင်သန်အောင် ကြီးထွားအောင် ပြုစု ပျိုးထောင်ကြရန် တာဝန်ရှိပါသည်။ သစ္စာကို မဏ္ဍိုင်ပြုရပါသည်။ ကိုယ်ကျိုးစွန့်ခြင်း၊ အနစ်နာခံခြင်းတို့သည် အချစ်၏ ပြယုဂ်တို့ ဖြစ်လာကြသည်။ လူတဦး၏ စာရိတ္တ၊ ၀ါရိတ္တတို့ကို အချစ်ဖြင့် တည့်မတ်နိုင်သည်။ အချစ်သည် စွမ်းအားရှိသော တန်ခိုးသတ္တိ ဖြစ်သည်။ မိမိတို့၏ ဘ၀ကို ဂုဏ်သိက္ခာတို့ဖြင့် မွမ်းမံမည် ဆိုပါက အချစ်သည် ဂုဏ်သိက္ခာနှင့် အလိုက်ဖက်ဆုံးသော ဆုတံဆိပ်ဟု ဆိုချင်ပါသည်။

အချစ်သည် ရယူခြင်းမဟုတ်သလို၊ ပေးဆပ်ခြင်းလည်း မဟုတ်။ မြင့်မြတ်ခြင်းသာ ဖြစ်သည်။

အလှတရားရှာပုံတော် (၃)

ခုန်ပေါက်ဆင်းလာတဲ့ မိုးရေစက်ပေါက်လေးတွေက လောကကြီးအကြောင်း သိချင်လို့တဲ့လေ မိခင်ရင်ခွင်ကို စွန့်ခွာသွားခဲ့ကြပြီး ဘ၀အဖုံဖုံ ကျင်လည်လို့ အမောအပန်းတွေနဲ့ အမေ့ရင်ခွင်ဆီ တပတ်ပြန် ပြေးဝင်ခိုလှုံလာကြသလို…။ မြေကြီးမေမေ ဖြစ်စေ၊ ပင်လယ်မေမေ ဖြစ်စေ … အိမ်အပြန် သားကို နေ့ညမရွေး ရင်ခွင်ဖွင့်လို့ ကြိုဆိုစမြဲလေ…။

သားနဲ့အတူပါလာတဲ့ လက်ဆောင်… အက်ဆစ်တွေတဲ့… တတ်နိုင်သလောက် ရတတ်သမျှ အချိန်လေးမှာ အမေ ပြုပြင်ယူမှာ…။ အော်… သားရယ် မင်းလေး ပင်ပန်းလွန်းလှသကွယ်…။ မိုးသီး ဘ၀မှာ ကျစ်ကျစ်ပါအောင် ဆုပ်ခဲ့ရတဲ့ လက်သီးတွေကို ပြန်သတိရနေလေသလား…။ လက်ချောင်းတွေကို ကွေးချည် ဆန့်ချည် လုပ်ကြည့်နေတာ အမေ မြင်သပေါ့။

မနေ့က ပြန်လာတဲ့ သမီးကတော့ အငွေ့ဘ၀တုန်းက သွက်သွက်ကြီး လွတ်လပ်ပျော်မြူးခဲ့သလောက်၊ ငွေ့ရည်ဖွဲ့ရတဲ့ဘ၀မှာတော့ ရင်တခုလုံးဗြောင်းဆန် မထွေးနိုင် မအန်နိုင်ဖြစ်ရပုံတွေကို ပြန်ပြောင်းတသ ပြောနေခဲ့သေး…။ အမေကတော့ သမီးပြောသမျှ အေးပေါ့ သမီးရယ်…။ ဒီလိုပေ့ါ သမီးရယ်လို့ စကားထောက်ခံရင်း…။ နှင်းငွေ့ လက်ကျန်အဖြစ် ရင်ခုန်ခဲ့တာကိုတော့ သမီး ထည့်ပြောမသွားတာကို အမေ နားလည်စွာ ကျိတ်ပြုံးရင်း…။

မင်းလေးတို့ ကြာကြာမနေနိုင်တာ အမေ သိသပေါ့။ ရောက်သခိုက်အချိန်လေးမှာ အမေချက်ပြုတ်ကျွေးတဲ့ ကုန်းစာ၊ ရေစာတွေ လိုသလို စားသုံးလို့၊ အမေဆီက အားသစ်တွေ ထပ်လောင်းလို့ ဘ၀ခရီးကို ဆက်ကြဖို့ ပြင်ဆင်ကြပေဦးတော့။

အလှတရားရှာပုံတော် (၂)
အလှတရားရှာပုံတော် (၁)

အိမ်အပြန် လက်ဆောင်

ကိုယ်ပြန်လာပြီ
ကိုယ်ရေးသော ဘလော့ဆီ

တနယ်လွန် ရွာတကျေး

လုပ်အားပေးဖို့ သွားခဲ့တယ်…
အပန်းပြေခရီး တခု ရောက်ခဲ့တယ်။

ရှေ့တန်းတိုက်ပွဲတခု ထွက်ခဲ့တယ်…
လေ့ကျင့်ရေးစခန်းတခု ရောက်ခဲ့တယ်။

အိမ်အပြန် လက်ဆောင်လေးတွေ ပါလာတယ်…
စွမ်းရည် သတ္တိ သဘော တဲ့ကွယ်။

ဝေမျှလို့ဖြင့် ပေးပါတယ်…
ထပ်တူထပ်မျှ ရစေရွယ်။ ။

(Mahamuni Buddhist Society က ကြီးမှူးကျင်းပတဲ့ ကမ္မဋ္ဌာနာစရိယ မြောက်ဦးဆရာတော်၏ ၇-ရက်တရားစခန်းပွဲမှာ ဝေယျာဝစ္စကုသိုလ်ယူဖို့ သွားခဲ့တာပါ။)

~

ကိုယ်ဟာ တစုံတခုကို စောင့်နေခဲ့တာဆိုရင်
ဝမ်းနည်းစရာကောင်းတာက
ကိုယ်စောင့်နေမိတာ အချိန်ဖြစ်နေလို့ပါ...

ကိုယ်ဟာ တစုံတခုကို မကြာခဏ ကြည့်ဖြစ်နေခဲ့တယ်ဆိုရင်
ဝမ်းနည်းစရာကောင်းတာက
ကိုယ်တွေ့တွေ့နေတာ ကိန်းဂဏန်းတွေမို့ပါ...

ကိုယ်ဟာ တစုံတခုကို ပျောက်ဆုံးသွားမှာ စိုးရိမ်နေတယ်ဆိုရင်
ဝမ်းနည်းစရာကောင်းတာက
ကိုယ်ဆုံးရှုံးနေတာ နုပျိုခြင်းတွေ...

ကိုယ်ဟာ တစုံတခုအတွက် နောင်တရနေတယ်ဆိုရင်
ဝမ်းနည်းစရာကောင်းတာက
ရွှင်ပျတဲ့ ဟဒယနဲ့ မွေးဖွားမလာခြင်း(သို့) ရင်းနှီးမနေခြင်း...

ကိုယ်ဟာ တစုံတခုသော အသွေးအမွေးရှိမယ်ဆိုရင်
ဝမ်းနည်းစရာကောင်းတာက
ရာသီလိုက်ပြီး အရောင်ပြောင်းတတ်တာ...

ကိုယ်ဟာ တစုံတခုကို မှီခိုအားထားရတော့မယ်ဆိုရင်
ဝမ်းနည်းစရာကောင်းတာက
အချိန်မှန်မှန် ဆေးမသောက်တတ်တာ...

ကိုယ်ဟာ တစုံတခုအတွက် စွန့်လွှတ်စွန့်စားဖို့လိုရင်
ဝမ်းနည်းစရာကောင်းတာက
ထုတ်သုံးတဲ့ ဓား.. ကြားဖူးကြရဲ့လား ယိမ်းနွဲ့ပါး တဲ့...

အကောင်းနဲ့ အဆိုး တစုံတခုကိုရွေးရမှာ…
ဝမ်းနည်းစရာကောင်းတာက
ကိုယ်ဟာ အဆွေးအမြေ့တွေနဲ့သာ အသားကျပြီးနေတတ်တာ...

ကိုယ်ဟာ တစုံတခုကို အဖော်ပြုပြီး နေမိတယ်ဆိုရင်
ဝမ်းသာစရာကောင်းတာက
(ဘလော့ဂင်း) နေတတ်တာ…

မသီတာ တပတ်(သို့) နှစ်ပတ်လောက် ပျောက်မယ် ခွင့်ပြုနော်...

ပစ္စုပ္ပန်ကမ္မ၀ါဒနှင့် အယူဝါဒကွန်ရက်

“ပစ္စုပ္ပန်ကမ္မ၀ါဒ” ဆိုတာကို အင်တာနက်ပေါ်မှာ လွန်ခဲ့တဲ့ တစ်နှစ်လောက်က တွေ့ခဲ့ဖူးပါတယ်။ ဖတ်ပြီး ဝေဖန် သုံးသပ်ချက်တစ်ခုရေးဖို့ စဉ်းစားမိခဲ့ပေမယ့် အကြောင်းအမျိုးမျိုးကြောင့် မရေးဖြစ်ခဲ့ပါဘူး။ ကိုယ်လေးစားတဲ့ ပုဂ္ဂိုလ်ကို, ကိုယ်နှစ်သက်တဲ့ အယူအဆကို အပြစ်တင် ဝေဖန်ရှုတ်ချရင် မကျေမချမ်းဖြစ်တတ်ပါတယ်, ရန်ငြိုးဖွဲ့တတ်ပါတယ်။ ကိုယ်လေးစားတဲ့သူ, ကိုယ်နှစ်သက်တဲ့ အယူအဆကို ချီးမွမ်းပြောဆိုရင်လည်း နှစ်သက် ၀မ်းမြောက်တတ်ကြပါတယ်။ အမျက်ဒေါသထွက်နေသူဟာ တစ်ဖက်က ဝေဖန်မှုရဲ့ ကောင်းဆိုးမှားမှန်ကို မပိုင်းခြားနိုင်သလို၊ အဆင်ခြင်မဲ့ နှစ်သက် ၀မ်းမြောက်ပြီး မာန်တက်နေတာလည်း မကောင်းပါဘူး။ (ဒီဃနိကာယ်၊ သီလက္ခန္ဓ၀ဂ်၊ ဗြဟ္မဇာလသုတ်)။

အသေးစိတ်အချိန်ပေး မဖတ်နိုင် (မဖတ်လို) ပေမယ့် အနည်းဆုံး ပစ္စုပ္ပန်ကမ္မ၀ါဒဟာ ဘယ်လိုဝါဒမျိုးလဲလို့ အဓိပ္ပါယ်ပေါ်ယုံ သယံဝသီရဲ့ site http://sayamvasi.googlepages.com/toe-bookspage မှာတင်ထားတဲ့ စာအချို့ကို ဖတ်ခဲ့ပါတယ်။ ပစ္စုပ္ပန်ကမ္မ၀ါဒဟာ နိကာယ်ငါးရပ်က ဒေသနာတွေနဲ့ ဘယ်လို ကွဲပြားခြားနားနေသလဲဆိုတဲ့ အချက်တွေ၊ အနက်အဓိပ္ပါယ် ကောက်ယူမှု ကွဲလွဲချက်တွေကိုပဲ ဦးစားပေး ဖတ်ခဲ့ပါတယ်။ ဒုတိယအနေနဲ့ ပစ္စုပ္ပန်ကမ္မ၀ါဒီတွေက ဘာကြောင့် ဒီလိုယူဆရသလဲ, ဘယ်အယူအဆတွေရဲ့ သြဇာသက်ရောက်မှုရှိလဲဆိုတဲ့ အကြောင်းရင်းဇစ်မြစ်နဲ့ ရည်ရွယ်ချက်တွေကို ရှာကြည့်ခဲ့ပါတယ်။

ပစ္စုပ္ပန်ကမ္မ၀ါဒရဲ့ သိသာထင်ရှားပြီး အရေးပါတယ်လို့ ယူဆရတဲ့ အချက်တွေကတော့
၁။ နတ်, ဗြဟ္မာ, ငရဲ, ပြိတ္တာစတဲ့ ပရလောကကို လက်မခံပါ။
၂။ ရှေးဘ၀, နောက်ဘ၀ကို လက်မခံပါ။
၃။ ပစ္စုပ္ပန် မျက်မှောက်ဘ၀မှ ကိုယ်နှုတ်နှလုံးလှုပ်ရှားမှုကိုသာ ကံအဖြစ်သတ်မှတ်ပါတယ်။
၎။ ဒီမှာလည်း လူ-လူချင်းဆက်ဆံရေးမှ ကိုယ်နှုတ်နှလုံးလှုပ်ရှားမှုကိုသာ ကံအဖြစ်သတ်မှတ်ပါတယ်။ ဒါကြောင့် တိရစ္ဆာန်သတ်တာဟာ ပါဏာတိပါတ မဟုတ်၊ အစိုးရပစ္စည်းခိုးတာဟာ အဒိန္နာဒါနကံ မမြောက် စသဖြင့် ယူဆပါတယ်။
၅။ ကံ၏ အကျိုးဝိပါတ်ဆိုတာဟာ ကံကို ပြုစဉ်က ကိုယ်စိတ်တို့အတိုင်း ထပ်မံဖြစ်ပွားနေခြင်းလို့ ယူဆပါတယ်။
၆။ ရူပ, အရူပဆိုတဲ့ ဈာန်တရားတွေကို အတ္တကိလမထာနုယောဂ အစွန်းဟုသတ်မှတ်ထားပါတယ်။
၇။ ရုပ်နမ်တို့၏ ဖြစ်ပျက်ကို ရှုပွားခြင်းသည် တရားမဟုတ်။ ကိုယ်နှုတ်စိတ် အမှားမဖြစ်အောင် နေခြင်းကသာ တရားဖြစ်တယ်လို့ ယူဆပါတယ်။
၈။ သံသရာအတွင်းမှာ လူ-သတ္တ၀ါတို့ လည်ကြခြင်းမဟုတ်ပဲ လူ-သတ္တ၀ါအတွင်းမှာ သံသရာတို့ လည်ကြခြင်း ဖြစ်တယ်။ ပဋိစ္စသမုပ္ပါဒ်ဟာ သုံးဘ၀လည်တာမဟုတ်။ ဒီဘ၀အတွင်းမှာ လည်တာသာ ဖြစ်တယ်။
၉။ ငါက အနတ္တမဟုတ်ဘူး၊ ငါတို့ ထင်ထားတဲ့ (လူဟု ထင်ထားသည့်) ပဉ္စုပါဒါနက္ခန္ဓာတွေကိုသာ အနတ္တလို့ဟောတာ။ သက္ကာယဒိဋ္ဌိပျောက်သွားရင် ငါသက်သက် (လူသက်သက်, အတ္တသက်သက်)ပဲ ကျန်တယ်လို့ ယူဆကြပါတယ်။

အခြားသော ကွဲပြားခြားနားမှုတွေ အများအပြားရှိသေးပေမယ့် ဒီအချက်တွေလောက်နဲ့ ပစ္စုပ္ပန်ကမ္မ၀ါဒရဲ့ ကောက်ကြောင်း ပေါ်လောက်ပါတယ်။ (ထေရ၀ါဒ ရဟန်းတော်များနဲ့ ကမ္မဋ္ဌာန်းရိပ်သာများအပေါ် စွတ်စွဲဝေဖန်ထားမှုတွေရှိပေမယ့် အခြေအမြစ်သိပ်မရှိပဲ ပုဂ္ဂိုလ်ရေးဆန်ဆန်သာဖြစ်လို့ အကျိုးမများတဲ့အတွက် ပြန်လည်မဖော်ပြတော့ပါဘူး။ အယူဝါဒ သက်သက်အပေါ်မှာပဲ သုံးသပ်ပြလိုပါတယ်။)

သိပ္ပံထွန်းကားလာတဲ့ ဒီနေ့ခေတ်မှာ ဗုဒ္ဓဘာသာဝင်များအကြား ကာလာမသုတ်လို ဒေသနာမျိုးတွေ ရေပန်းစားလာပါတယ်။ ရှေးရိုးစဉ်လာ ယုံကြည်မှုတွေကို စိန်ခေါ်ချင် လာကြပါတယ်။ အထူးသဖြင့် အနောက်တိုင်းစာပေနဲ့ ထိတွေ့ခွင့်ရသူတွေက ဘာသာတရားကို သိပ္ပံပညာဆိုတဲ့ ပေတံနဲ့ တိုင်းထွာ ကြည့်ချင်လာကြပါတယ်။ ဥရောပမှာ ဘုရားကျောင်းတွေနဲ့ ထာရ၀ဘုရားသခင်ရဲ့ လောင်းရိပ်အောက်က လူသားတန်ဖိုးကို ဆွဲထုတ်ပြီး လူသားဝါဒကို ကြွေးကြော်ခဲ့ကြတယ်။ ဒီလို လှုပ်ရှားမှုမျိုးတွေကို အတုယူချင် လာကြပါတယ်။ ရှင်ဥက္ကဋ္ဌရဲ့ “လူသေလူဖြစ်ဝါဒ” ဟာ သိပ္ပံပညာက ဒြဗ်ထုတည်မြဲမှုနိယာမ, ဒါဝင်ရဲ့ ဆင့်ကဲဖြစ်စဉ်သီအိုရီ, လူသားဝါဒ စတာတွေကို ဗုဒ္ဓ၀ါဒနဲ့ ပေါင်းစပ်ဖို့ ကြိုးပမ်းရင်း သိပ္ပံနည်းလည်းမကျ၊ ဗုဒ္ဓ၀ါဒမှလည်း သွေဖီသွား ပါတယ်။

ယခုပစ္စုပ္ပန်ကမ္မ၀ါဒမှာလည်း “လူသားဝါဒ”ကို ရှေ့တန်းတင်လိုတဲ့ သဘောမျိုး တွေ့ရပါတယ်။ တကယ်တော့ ဗုဒ္ဓ၀ါဒဟာ ဖန်ဆင်းရှင်ကို လက်ခံတဲ့ဝါဒမျိုး မဟုတ်တဲ့အပြင် ရခဲလှတဲ့ လူသားရဲ့ ဘ၀တန်ဖိုးကို အလွန် အလေးထားတဲ့အတွက် အထူးတလည် လူသားဝါဒကို ပွဲထုတ်နေစရာ မလိုတော့ပါဘူး။ ဒါပေမယ့် ပစ္စုပ္ပန်ကမ္မ၀ါဒမှာ လူကို လွန်လွန်ကျုးကျုး နေရာပေးထားတာ တွေ့ရပါတယ်။ လူ-လူချင်း ဆက်ဆံရာမှာ ပြုမူတဲ့လှုပ်ရှားမှုတွေကသာ ကံအစစ်ဖြစ်တယ်။ လူမဟုတ်တဲ့ တိရစ္ဆာန်သတ်ခြင်းဟာ ပါဏာတိပါတမဟုတ် စသဖြင့် ခံယူထားပါတယ်။

လူသေလူဖြစ်ဝါဒလို သိပ္ပံပညာက သဘောတရားတွေကို ယူသုံးမထားပေမယ့် ပစ္စုပ္ပန်ကမ္မ၀ါဒတစ်ခုလုံးဟာ Common Sense ဆိုတဲ့ သဘောတရားကို အခြေခံထားတာတွေ့ ရပါတယ်။ ပစ္စုပ္ပန်ကမ္မ၀ါဒက “မည်သည့်ဘာသာဝါဒ, ဒဿနကမှ မှီခို ကူးချ ယူဆောင် ထုတ်နှုတ်ထားခြင်းမဟုတ်တဲ့ ကိုယ်တိုင် သိမြင်ချက်များ” လို့ ကြေညာပြီး၊ “သာမညသဘောတရားကျမ်း” ကို အကျယ်တ၀င့် ရေးသားထားပါတယ်။ ဒဿနဆန်ဆန် ဝေါဟာရအသုံးအနှုန်းတွေ သုံးပြီး စာမျက်နှာ ၁၀၀ ကျော် ရေးသွားပေမယ့် အာရုံခံအင်္ဂါငါးပါးနှင့် ကိုယ်တိုင်သိသော သာမညအသိဆိုတဲ့ Common Sense ပါပဲ။ Common Sense ကိုသာ ဦးစားပေးတဲ့ ၀ါဒကို ဒဿနလောကမှာ Naïve Realism လို့ခေါ်ပါတယ်။ အထူးအဆန်း မဟုတ်ပါဘူး။ မြက်ဟာ စိမ်းတယ်, ကျောက်ခဲဟာ မာတယ်, နှင်းဟာ အေးတယ်စတဲ့ ခပ်ရိုးရိုးမြင်တဲ့ လူပြိန်းအမြင်မျိုးကို ဆိုတာပါ။ ယေဘုယျအားဖြင့် ကြည့်ရင် ဒီလို ခပ်ရိုးရိုး မြင်ခြင်းဟာ မလွဲနိုင်တဲ့ ပစ္စက္ခဖြစ်တယ်, ဒိဋ္ဌဓမ္မအမြင် ဖြစ်တယ်လို့ ယူဆရပေမယ့် Quantum Mechanics ပေါ်လာတဲ့ ဒီနေ့ခေတ်မှာ သာမာန် ပဉ္စာရုံသိဟာ ပကတိအရှိတရားနဲ့ အလှမ်းကွာသွားပြီလို့ သိပ္ပံပညာရှင်တွေက လက်ခံကြပါတယ်။ ဒီဝါဒနဲ့ ပတ်သက်ပြီး Bertrand Russell က “Naive realism က ရူပဗေဒကို ဦးဆောင်တယ်။ ရူပဗေဒက Naive realism မှားကြောင်း ပြခဲ့တယ်။ ဒါကြောင့် Naive realism က မှားပါတယ်” လို့ An Inquiry Into Meaning and Truth ဆိုတဲ့ စာအုပ်မှာ ရေးခဲ့ဖူးတယ်။ သိပ္ပံပညာဟာ စဉ်းစားဆင်ခြင်တွေးခေါ်မှုမပါပဲ အာရုံသိသက်သက်နဲ့တော့ ရှေ့ဆက် မတိုးနိုင်ပါဘူး။ မြတ်စွာဘုရားဟာ ဒီ Common Sense ပေါ်အခြေခံပြီး ဟောကြားထားတဲ့ (ဥပမာ ကာလာမသုတ်, အပဏ္ဏကသုတ်တို့လို) သုတ္တန်တွေ အများအပြားရှိပါတယ်။ ဒါပေမယ့် ဒီလိုသုတ္တန်အများစုဟာ အဆင့်မြင့်တဲ့ သစ္စာလေးပါးတရားတွေကို လက်ခံနိုင်စွမ်းမရှိသေးတဲ့ (တွေဝေနေသေးတဲ့) သူတွေကို ဟောကြားခဲ့တာ များပါတယ်။ ဒီသုတ္တန်တွေမှာလည်း တမလွန်ဘ၀ကို လက်ခံခြင်းဟာ အကျိုးမယုတ်ကြောင်းကို ဟောကြားခဲ့ပါတယ်။ အာရုံခံအင်္ဂါငါးပါးဖြင့် သိမြင်တဲ့ သာမာန်အသိထက် မနောဝိညာဏ်ဖြင့်သိတဲ့ အသိမျိုးကိုပဲ ဗုဒ္ဓဘာသာက ဦးစားပေး ပါတယ်။ ပညာဟာ မနောဝိညာဏ်ပေါ်မှာ ဖြစ်ပေါ်ပြီး ထိုးထွင်းသိခြင်း, ပိုင်းခြားသိခြင်း, ကိလေသာကို ပယ်သတ်ခြင်းစတဲ့ အကျိုးတွေရှိတယ်လို့ ရှင်သာရိပုတ္တရာမထေရ် ဟောကြားခဲ့ပါတယ်။ (မဇ္ဈိမနိကာယ်၊ မူလပဏ္ဏာသ၊ စူဠယမက၀ဂ်၊ မဟာဝေဒလ္လသုတ်)

ပစ္စုပ္ပန်ကမ္မ၀ါဒဟာ ဘာကြောင့် Common Sense ကိုရွေးချယ်ခဲ့ပါ သလဲ။ ဗုဒ္ဓက ဓမ္မဟာ စဉ်းစားတွေးခေါ်ခြင်း၏ ကျက်စားရာမဟုတ် “အတက္ကာဝစာရော” လို့ ဟောကြားခဲ့တာကြောင့် တစ်ကြောင်း၊ သာမာန်အာရုံသိနဲ့ မမြင်နိုင်တဲ့ ရှေ့ဘ၀, နောက်ဘ၀, နတ်, ဗြဟ္မာ, ငရဲ စတာတွေကို ငြင်းပယ်လိုတာကြောင့် တစ်ကြောင်းလို့ ယူဆရပါတယ်။ ဒါကြောင့် ပစ္စုပ္ပန်ကံဟာ “ထုံးပုံးထဲ လက်နှိုက်ရင် ဖြူပြီး၊ ကတ္တရာပုံးထဲ လက်နှိုက်ရင် မဲသလို” ပစ္စုပ္ပန်မှာပဲ အကျိုးပေးတယ်လို့ ယူဆပါတယ်။ စင်စစ် ပစ္စုပ္ပန်ကမ္မ၀ါဒဟာ လူသေပြီး လူမဖြစ်တော့တာကလွဲရင် လူသေလူဖြစ်ဝါဒရဲ့ ကံအယူအဆနဲ့ ခပ်ဆင်ဆင် တူပါတယ်။ တကယ်တော့ အနောက်တိုင်းသား အများစုဟာလည်း ဗုဒ္ဓအဆုံးအမကို လက်ခံလိုကြပေမယ့် ဘ၀တစ်ဖန်ဖြစ်ခြင်းဆိုတဲ့ အယူအဆကို ငြင်းပယ်လိုကြပါတယ်။ သို့မှသာ Common Sense နဲ့ကိုက်ညီပြီး သဘာဝကျတဲ့ ကမ္မ၀ါဒဖြစ်မယ်လို့ ယူဆကြပါတယ်။ သဘာဝလွန် နတ်ဗြဟ္မာလောကတွေကို လက်မခံ, သေလွန်ပြီး ပြန်ဖြစ်သောဘ၀ကို လက်မခံတဲ့ ပစ္စုပ္ပန်ကံဝါဒမျိုးဟာ ဗြဟ္မဏ၀ါဒနဲ့ ဂျိန်းဝါဒတို့ရဲ့ ကံဝါဒထက်တော့ ပိုပြီးသင့်တော် လိမ့်မယ်လို့ ယူဆကြပါတယ်။ ဒါပေမယ့် ဗုဒ္ဓက ဘာသာအယူဝါဒအကျင့်တွေကို ဝေဖန်ပြတဲ့အခါ ပရလောကကို ငြင်းပယ်တဲ့ဝါဒတွေကို မမြတ်သောဘာသာတရား (အဗြဟ္မစရိယ) တနည်းအားဖြင့် မှားယွင်းတဲ့ ဘာသာတရား False Religion လို့ သတ်မှတ်ပါတယ်။ ဒီအယူဝါဒမျိုးကို စွဲမြဲစွာ ကျင့်သုံးခဲ့ရင် မဂ်ဖိုလ်မရနိုင်၊ သေလွန်လျှင် မုချ အပါယ်သို့လားစေမည့် နိယတမိစ္ဆာဒိဋ္ဌိ အမြင်ဖြစ်တယ်။ ဗြာဟ္မဏ၀ါဒနဲ့ နိဂဏ္ဍနာဋပုတ္တရဲ့ ဂျိန်းဝါဒတွေကိုတော့ သက်သာရာ မရစေနိုင်တဲ့ ဘာသာတရား (အနဿာသိက ဗြဟ္မစရိယ) Unsatisfactory Religion လို့သာ ဟောကြားခဲ့ပါတယ် (မဇ္ဈိမနိကာယ်၊ မဇ္ဈိမပဏ္ဏာသ၊ သန္ဒကသုတ်)။

ပစ္စုပ္ပန်ကမ္မ၀ါဒဟာ Common Sense နဲ့ “လူ” ဇောင်းပေးလွန်းတဲ့အတွက် ကမ္မဋ္ဌာန်းတရား အားထုတ်ခြင်းကို အပိုအလုပ်လို့ မြင်ပါတယ်။ စိတ်တည်ငြိမ်အောင် ချုပ်တည်းတဲ့ ဈာန်တရားတွေကို အတ္တကိလမထာနုယောဂလို့ သတ်မှတ်ပါတယ်။ ရုပ်နာမ်တို့၏ ဖြစ်ပျက်ရှုပွားခြင်းဟာ တရား မဟုတ်ဘူးလို့ ယူဆပါတယ်။

ဒီတော့ ပစ္စုပ္ပန်ကမ္မ၀ါဒရဲ့ လာရာလမ်းကြောင်းကို ပြန်ကောက်ရရင် သာမညအသိ (၀ါ) သာမာန်လူပြိန်း အသိနဲ့ လူကသာ ပဓာနကျတယ်ဆိုတဲ့အချက်ကို အခြေခံထားတဲ့ ဥစ္ဆေဒ၀ါဒ, နိတ္ထိက၀ါဒ နိယတမိစ္ဆာ အယူအဆသာ ဖြစ်ပါတယ်။ တမလွန်ဘ၀နဲ့ သံသရာကို လက်မခံတဲ့အတွက် ဗုဒ္ဓအဆုံးအမသာသနာရဲ့ ရည်မှန်းချက် ပန်းတိုင်ဖြစ်တဲ့ သံသရာမှ ထွက်မြောက်ခြင်း ချမ်းသာ (၀ိမုတ္တိသုခ) ကိုလည်း မရနိုင်ပါ။ တမလွန်တွင် အပါယ်ဘေးမှ လွန်မြောက်သော ချမ်းသာ (သမ္ပရာယိကသုခ) ကိုလည်း မရနိုင်ပါ။ အစိုးရပစ္စည်း ခိုးယူခြင်းသည် အဒိန္နာဒါနာကံ မမြောက် စသဖြင့်ခံယူတဲ့အတွက် မျက်မှောက်ဘ၀ ကိုယ်ကျင့်သီလ စာရိတ္တမဏ္ဍိုင်ကိုတောင် အထောက်အကူ မပြုနိုင်ပါဘူး။ သူတော်ကောင်းတို့ ကဲ့ရဲ့ရှုတ်ချမှုကိုလည်း မလွတ်နိုင်ပါဘူး။ သမာဓိနဲ့ ၀ိပဿနာကိုလည်း ပစ်ပယ်ထားတဲ့အတွက် ဗုဒ္ဓ၀ါဒရဲ့ သီလ, သမာဓိ, ပညာဆိုတဲ့ သိက္ခာသုံးရပ်လုံးနဲ့ ဆန့်ကျင်နေပါတယ်။

***** ******
ဗုဒ္ဓ၀ါဒနှင့် နှိုင်းယှဉ်ချက်

ပစ္စုပ္ပန်ကမ္မ၀ါဒရဲ့ အယူအဆများဟာ ဗုဒ္ဓ၀ါဒနဲ့ ကွဲပြားခြားနားကြောင်းကို အထက်ကပြောခဲ့တဲ့ အချက် (၉) ချက်ပေါ်မူတည်ပြီး (အဋ္ဌကထာအဖွင့်များ မပါပဲ) ဗုဒ္ဓကိုယ်တိုင် ဟောကြားခဲ့တဲ့ မူရင်းနိကာယ်ငါးရပ်မှ အကျဉ်းချုပ် ကောက်နှုတ်ချက်များနှင့် နှိုင်းယှဉ်ပြပါမယ်။

တေ ကာယဿ ဘေဒါ ပရံ မရဏာ အပါယ ဒုဂ္ဂတိံ ၀ိနိပါတံ နိရယံ ဥပပန္နာ။
တေ ကာယဿ ဘေဒါ ပရံ မရဏာ သုဂတိံ သဂ္ဂ လောကံ ဥပပန္နာ။

နိကာယ်ငါးရပ်လုံးထဲက သုတ္တန်အတော်များများမှာ “အကြင်သူသည် ကိုယ်ပျက်စီး၍ သေလွန်သော် အပါယ် မကောင်းသောလားရာ (ဒုဂ္ဂတိ) သို့ ကျရောက်၍ ငရဲ၌ ဖြစ်ရ၏”… “အကြင်သူသည် ကိုယ်ပျက်စီး၍ သေလွန်သော် ကောင်းရာ (သုဂတိ) နတ်လောက၌ ဖြစ်ရ၏” ဆိုတဲ့ ၀ါကျများ တွေ့ရပါတယ်။ “ကိုယ်ပျက်စီး၍ သေလွန်ပြီးနောက် (ကာယဿ ဘေဒါ ပရံ မရဏာ)” ဆိုတဲ့ အသုံးအနှုန်းအရ အပါယ်ကျခြင်း, နတ်ဖြစ်ခြင်းတို့ဟာ ဒီမျက်မှောက်လူ့ဘ၀မှာပဲ ဆင်းရဲခြင်း, ချမ်းသာခြင်းတွေကို တင်စားပြောနေဆိုခြင်း မဟုတ်ကြောင်း ထင်ရှားပါတယ်။

ပစ္စုပ္ပန်ကမ္မ၀ါဒီတို့ကိုးကားတဲ့ မဟာသီဟနာဒသုတ်မှာလည်း ဒီအသုံးအနှုန်း ပါဝင်ပါတယ်။ အဲဒီသုတ်ထဲမှာ ငရဲ (နိရယ), တိရစ္ဆာန်, ပြိတ္တာ (ပေတ္တိဝိသယ), လူ (မနုဿ), နတ် (ဒေ၀ါ) ဆိုတဲ့ ဂတိငါးမျိုးကို ဖော်ပြထားပြီး ဒီဂတိငါးမျိုးဟာ သေလွန်ပြီးမှ ရောက်ရတယ်ဆိုတာ အထင်အရှား ဖော်ပြထားပါတယ်။ ဒီလို လားရာဂတိတွေကို ရောက်သွားပြီး ဆင်းရဲချမ်းသာကို ခံစားနေရတာကို ကိုယ်တိုင် ထိုးထွင်းသိမြင်နိုင်တဲ့ ဒိဗ္ဗစက္ခုဉာဏ်ရှိကြောင်း ဟောကြားထားပါတယ်။ (မဇ္ဈိမနိကာယ်၊ မူလပဏ္ဏာသ၊ သီဟနာဒ၀ဂ်၊ မဟာသီဟနာဒသုတ်) ဒါကြောင့် ပစ္စုပ္ပန်ကမ္မ၀ါဒရဲ့ “သုံးဆယ့်တစ်ဘုံဆိုတာ ပစ္စုပ္ပန်လူ့ဘ၀ထဲမှာပဲ ကျင်လည်နေရတာ” ဆိုတဲ့ အယူအဆတွေဟာ ဗုဒ္ဓ၀ါဒနဲ့ မကိုက်ညီပါဘူး။

အနမတဂ္ဂေါယံ, ဘိက္ခဝေ, သံသာရော။ ပုဗ္ဗာ ကောဋိ န ပညာယတိ အ၀ိဇ္ဇာနီဝရဏာနံ သတ္တာနံ တဏှာသံယောဇနာနံ သန္ဓာဝတံ သံသရတံ။ (နိဒါန၀ဂ္ဂသံယုတ်ပါဠိတော်၊ အနမတဂ္ဂသံယုတ်မှ သုတ္တန်များ)

ရဟန်းတို့… ဤသံသရာ၏ အစကို မသိနိုင်၊ အ၀ိဇ္ဇာဖြင့် ပိတ်ဖုံးကာ တဏှာဖြင့် နှောင်ဖွဲ့ထား၍ သံသရာကို ကျင်လည်နေကြသော သတ္တ၀ါတို့၏ အစဦးအစွန်းသည် မထင်။

နိဒါန၀ဂ္ဂသံယုတ်ပါဠိတော် အနမတဂ္ဂသံယုတ်မှာ သံသရာသည် အစမထင်ဟု ဟောကြားခဲ့ပါတယ်။ အကယ်၍ ပစ္စုပ္ပန်ကမ္မ၀ါဒက ယူဆထားသည့်အတိုင်း “လူသည် သံသရာတွင်ကျင်လည်ခြင်း မဟုတ်ပဲ၊ သံသရာသည် လူပေါ်တွင် ကျင်လည်နေကြခြင်း” သာမှန်ပါက သံသရာသည် အစမထင်သော အနမတဂ္ဂတရားလို့ ဟောမှာ မဟုတ်ပါဘူး။ အဲ့ဒီအပြင် အနမတဂ္ဂသံယုတ်မှာ “မရေတွက်နိုင်သော အမိ, အဖ တော်ခဲ့ဖူးသူများ ရှိခဲ့သည်။ သမုဒ္ဒရာလေးစင်းမကသော မျက်ရည်တို့ ကျခဲ့ဖူးသည်။ မရေတွက်နိုင်သော ကမ္ဘာပေါင်းများစွာမက သံသရာရှည်ကာ သချိုင်းမြေပုံတို့ တိုးခဲ့ဖူးသည်” စတဲ့ ဥပမာများနဲ့ ဟောကြား ထားပါတယ်။ အနမတဂ္ဂသံယုတ် တစ်ခုတည်းနဲ့တင် ပစ္စုပ္ပန်ကမ္မ၀ါဒရဲ့ သံသရာအယူအဆဟာ ဗုဒ္ဓ၀ါဒ မဟုတ်ကြောင်း ထင်ရှားလောက်ပါတယ်။

“အရာရာဟာ ရှေးဘ၀ကပြုခဲ့တဲ့ ကံတွေကြောင့်ဖြစ်ရတာ, ယခုဘ၀မှာ အရင်ဘ၀က ကံတွေက အကျိုးပေးနေကြတာ”လို့ ယူဆတာမျိုးကို ဗုဒ္ဓက အယူမှား ပုဗ္ဗေကတဟေတုဒိဋ္ဌိ (ရှေးကပြုသော အကြောင်းဟူသည့် အယူ)လို့ ဟောကြားခဲ့တာ မှန်ပါတယ်။ ဒီလို အယူဝါဒရှိသူတွေဟာ “မိမိတို့ လုပ်သင့်သည်တို့အား လုပ်ဆောင်ရန်၊ မလုပ်သင့်သည်တို့အား မလုပ်ရန်အတွက် ဆန္ဒနှင့် ကြိုးပမ်းအားထုတ်မှုတို့ ဖြစ်ပေါ်မလာနိုင်။ လုပ်သင့်, မလုပ်သင့်ကိုလည်း မှန်ကန်စွာ မသိမြင်၍၊ သတိထား စောင့်ထိန်းခြင်းလည်း ပြုမည် မဟုတ်တော့။” လို့ ဗုဒ္ဓက မိန့်ကြားခဲ့ဖူးပါတယ် (အံ-၃-၆၂၊ အင်္ဂုတ္တရနိကာယ်၊ မဟာဝဂ်၊ တိတ္ထာယတနသုတ်)။ ဒါဟာ မျက်မှောက်ဘ၀မှာပြုတဲ့ ပစ္စုပ္ပန်ကံတွေ, ကြိုးစားအားထုတ်မှုတွေ, အခြားသောအကြောင်းတရားတွေကို ငြင်းပယ်ရာ ရောက်လို့ ဖြစ်ပါတယ်။ အရာရာဟာ ကံရဲ့ အကျိုးဝိပါက်တွေ မဟုတ်ပါဘူး။ ရောဂါတစ်ခုရတာဟာ ကံကြောင့် ဖြစ်နိုင်သလို၊ ရာသီဥတုဖောက်ပြန်လို့, သွေး လေ သည်းခြေ ဖောက်ပြန်လို့, ကိုယ့်ကိုကိုယ် ဂရုမစိုက်လို့, သူတစ်ပါးက လုပ်ကြံလို့ စတဲ့ အကြောင်းတွေကြောင့်လည်း ဖြစ်နိုင်ပါတယ်။ ဒါကြောင့် အရာရာ ဖြစ်ပျက်သမျှမှာ ကံကို ပုံချတာဟာ ပုဗ္ဗေကတဟေတုဝါဒပဲလို့ ဗုဒ္ဓက ဟောကြားထားပါတယ် (သံ-၄-၂၆၉၊ သဠာယတန၀ဂ္ဂသံယုတ်၊ ဝေဒနာသံယုတ်၊ အဋ္ဌသတပရိယာယ၀ဂ်၊ သီဝကသုတ်)။

သို့သော်လည်း အတိတ်ကံတွေကို လုံးဝပစ်ပယ်ခြင်း မပြုပါဘူး။ အတိတ်ကံဟောင်းတွေက မျက်မှောက်ဘ၀ပေါ်မှာ လွမ်းမိုးမှုရှိသလို ပစ္စုပ္ပန်ကံသစ်တွေက မျက်မှောက်ဘ၀နဲ့ နောင်ဘ၀များအတွက် လွှမ်းမိုးမှုရှိပါတယ်။ သတ္တ၀ါတွေကို ညှင်းဆဲတဲ့သူဟာ သေလွန်ပြီးရင် အပါယ်, ငရဲ ကျရောက်ရတယ်။ မရောက်ခဲ့လို့ လူဖြစ်ရင် အသက်တိုမယ်။ အနာရောဂါများမယ်။ တမလွန်ဘ၀မှာ အသက်, စည်းစိမ်ချမ်းသာ, အချွေအရံစသဖြင့် ကွဲပြားခြားနားမှုတွေဟာ မျက်မှောက်ဘ၀ ကံတွေရဲ့ အကျိုးပေးတွေပါ။ (မဇ္ဈိမနိကာယ်၊ ဥပရိပဏ္ဏာသ၊ ၀ိဘင်္ဂ၀ဂ်၊ စူဠကမ္မ၀ိဘင်္ဂသုတ်) ထို့အတူပဲ မျက်မှောက်ဘ၀ကံတွေရဲ့ အကျိုးကို မျက်မှောက်ဘ၀မှာဖြစ်စေ, နောက်ဘ၀၌ဖြစ်စေ, အခြားသောဘ၀များ၌ ဖြစ်စေ ခံစားရတယ်လို့ ဟောကြားထားပါတယ် (မဇ္ဈိမနိကာယ်၊ ဥပရိပဏ္ဏာသ၊ ၀ိဘင်္ဂ၀ဂ်၊ မဟာကမ္မ၀ိဘင်္ဂသုတ်)။ ဒါကြောင့် ပစ္စုပ္ပန်မှာပြုမူတဲ့ လှုပ်ရှားမှုများကသာ ကံဖြစ်တယ်။ ပစ္စုပ္ပန်ကံရဲ့ အကျိုးကို ပစ္စုပ္ပန်ဘ၀မှာပဲ ခံစားရတယ်ဆိုတဲ့ ပစ္စပ္ပန်ကမ္မ၀ါဒအယူဟာ ဒီသုတ္တန်တွေနဲ့ လျော်ညီမှု မရှိပါဘူး။

‘ကမ္မ’ဆိုတာဟာ ကိုယ်နှုတ်နှလုံးသုံးပါရဲ့ ပြုမူလှုပ်ရှားမှုတွေကို ခေါ်တာမှန်ပေမယ့် စင်စစ်ကတော့ ဒီအပြုအမူတွေကို စေ့ဆော်နေတဲ့ ‘စေတနာ’ သည်သာ ကံဖြစ်ပါတယ်။ စေတနာနဲ့ စေ့ဆော်ပြီးမှသာ ကိုယ်ဖြင့် ပြုမူ, နှုတ်ဖြင့် ပြောဆို, စိတ်ဖြင့် ကြံစည်ကြလို့ ဖြစ်ပါတယ်။ (အံ-၆-၆၃၊ အင်္ဂုတ္တရနိကာယ်၊ ဆက္ကနိပါတ်၊ မဟာဝဂ်၊ နိဗ္ဗေဓိကပရိယာယသုတ်) ဒီတော့ ကံကောင်း ကံဆိုးဟာ စေတနာကောင်း စေတနာဆိုးပေါ်မှာ မူတည်ပါတယ်။ ဒါကြောင့် အပြုအမူတွေကို စေ့ဆော်တဲ့ စေတနာက ဒီအပြုအမူတွေ သက်ရောက်ခံရမယ့် လူ, တိရစ္ဆာန်, အဖွဲ့အစည်း, ရုပ်ဝတ္ထုပစ္စည်းတွေထက် ပိုပြီး ပဓာနကျပါတယ်။ ပစ္စုပ္ပန်ကမ္မ၀ါဒရဲ့ လူ-လူချင်းဆက်ဆံရာမှာ ကိုယ်နှုတ်နှလုံး လှုပ်ရှားမှုကိုသာ ကံလို့သတ်မှတ်ချက်ဟာ နိဗ္ဗေဓိကပရိယာယသုတ်ကို ဆန့်ကျင်ပါတယ်။ ဥပမာ ရာသီဥတုပူတာကို ဒေါသထွက်နေခဲ့ရင်လည်း ဗုဒ္ဓ၀ါဒအရ ဒေါသစိတ် (ဒေါသနှင့်ယှဉ်တဲ့ စေတနာ) ကြောင့် အကုသိုလ်ကံမြောက်ပါတယ်။ ပစ္စုပ္ပန်ကမ္မ၀ါဒကတော့ လူ-လူချင်းဆက်ဆံတာ မဟုတ်လို့ ကံမမြောက်ဘူးလို့ ယူဆပါတယ်။

ပစ္စုပ္ပန်ကမ္မ၀ါဒီတွေက ဘုရားအလောင်းတော်ရဲ့ ဒုက္ကရစရိယာအကျင့်ကို ရူပဈာန်, အရူပဈာန်လို့ မှားယွင်းစွာ ဖော်ပြထားပါတယ်။ ထို့အတူပဲ စိတ်ကိုချုပ်တည်းတဲ့ ဈာန်တရားတွေဟာ မိမိကိုယ်ကို ညှင်းဆဲတဲ့ အတ္တကိလမထာနုယောဂ အကျင့်တွေလို့ မှားယွင်းစွာ ယူဆထားပါတယ်။ စင်စစ် အလောင်းတော်ဟာ ဒုက္ကရစရိယာအကျင့်ကို ပယ်စွန့်ဖို့ အကြံဖြစ်တာဟာ “မိမိငယ်စဉ်ဘ၀ သပြေပင်အောက်မှာ ရခဲ့ဖူးတဲ့ ပဌမဈာန်ဟာ ဗောဓိဉာဏ်ကိုရဖို့ အကျင့်လမ်းဖြစ်မယ်, ပဌမဈာန်ချမ်းသာဟာ ကာမဂုဏ်တရားနဲ့ အကုသိုလ်တရားတွေကို ပယ်စွန့်ထားတဲ့ ချမ်းသာဖြစ်တဲ့အတွက် မှီဝဲအားထုတ်ရမှာကို (တွန့်ဆုတ်) ကြောက်ရွံ့နေစရာလိုကြောင်း” စဉ်းစားမိလို့ပါ။ ဒီအကြောင်းကို ဗုဒ္ဓကိုယ်တိုင် သစ္စကပရိဗိုဇ်ကို ပြန်ပြောခဲ့ပါတယ် (မဇ္ဈိမနိကာယ်၊ မူလပဏ္ဏာသ၊ မဟာယမက၀ဂ်၊ မဟာသစ္စကသုတ်)။ ဈာန်ချမ်းသာဟာ မှီဝဲပွားများအပ်တဲ့ (အာသေ၀ိတဗ္ဗ ဘာဝေတဗ္ဗ ဗာဟုလီကာတဗ္ဗ) တရားတွေ ဖြစ်တယ်။ သို့သော်လည်း တွယ်ငြိနေရန်မဟုတ်ပဲ ထိုထက်ပို၍ အဆင့်မြင့်သော တရားများအတွက် ပယ်စွန့်ရပါတယ် (မဇ္ဈိမနိကာယ်၊ မဇ္ဈိမပဏ္ဏာသ၊ ဘိက္ခုဝဂ်၊ လဋုကိကောပမသုတ်)။ “သမ္မာသမာဓိ” ဆိုတာ ပဌမဈာန်, ဒုတိယဈာန် စသဖြင့် ဈာန်တရားလေးပါးဖြင့်ယှဉ်တဲ့ စိတ်တည်ကြည်မှု သမာဓိကို ခေါ်ကြောင်း နိကာယ်ငါးရပ်မှ ဒေသနာမြောက်မြားစွာမှာ ဟောကြားထားပါတယ်။ ဒါကြောင့် ဈာန်တရားများကို ရှုတ်ချခြင်း, ပစ်ပယ်ပြောဆိုခြင်းဟာ ဗုဒ္ဓဘာသာရဲ့ အခြေခံအကျဆုံးဖြစ်တဲ့ မဂ္ဂင်ရှစ်ပါးက သမ္မာသမာဓိကို ငြင်းပယ်ရာရောက်ပါတယ်။ အချို့က ဈာန်တရားကို မြေလျှိုးမိုးပျံစတဲ့ တန်ခိုးတွေနဲ့ ရောနှော ရှုပ်ထွေးနိုင်ပါတယ်။

ဓမ္မစကြာသုတ်အပါအ၀င် အခြားသောဒေသနာများက ဒုက္ခသစ္စာရဲ့ အကျဉ်းချုပ်အဓိပ္ပါယ်ကို ပဉ္စုပါဒါနက္ခန္ဓာ (ဥပါဒါန်ဖြင့် စွဲယူထားသော ခန္ဓာငါးပါး) လို့ ဖွင့်ဆိုပါတယ်။ စွဲလမ်းမှု ဥပါဒါန်နဲ့ ပဉ္စုပါဒါနက္ခန္ဓာဟာ သီးခြားမဟုတ်သလို အတူတူလည်း မဟုတ်ပါဘူး။ ခန္ဓာငါးပါးပေါ်မှာ စွဲလမ်းကပ်ငြိတဲ့ ဆန္ဒရာဂကို ဥပါဒါန်လို့ခေါ်ပါတယ် (မဇ္ဈိမနိကာယ်၊ ဥပရိပဏ္ဏာသ၊ ဒေ၀ဒဟ၀ဂ်၊ မဟာပုဏ္ဏမသုတ်)။ ဒီဥပါဒါန်ကြောင့် “ငါ ရှိတယ်” လို့ထင်တဲ့ အထင် (အသ္မိမာန) ဖြစ်ပါတယ် (ခန္ဓ၀ဂ္ဂသံယုတ်၊ ခန္ဓသံယုတ်၊ ထေရ၀ဂ်၊ အာနန္ဒသုတ်)။ ရေမှာ ထင်တဲ့ ပုံရိပ်လို ဥပါဒါန်ရှိနေတဲ့ ပုထုဇဉ်အတွက် ရုပ်, ဝေဒနာ, သညာ, သင်္ခါရာ, ၀ိညာဏ်ဆိုတဲ့ ခန္ဓာငါးပါးကို စွဲပြီး ငါရှိတယ်လို့ ထင်တာပါ။ ပုထုဇဉ်ကတော့ ဒီပုံရိပ်ကိုပဲ တကယ် ရှိတယ်လို့ ယူဆပါတယ်။ ဒါကလည်း ခန္ဓာငါးပါးကို “မြဲတယ်, ချမ်းသာတယ်, ငါပဲ” လိုထင်နေတဲ့ နိစ္စသညာ, သုခသညာ, အတ္တသညာကြောင့်ဖြစ်တာပါ။ ဒါကြောင့် ရုပ်, ဝေဒနာ, သညာ, သင်္ခါရ, ၀ိညာဏ်ဆိုတဲ့ ခန္ဓာငါးပါးကို အနိစ္စ, ဒုက္ခ, အနတ္တလို့ မြင်အောင်ရှုရမယ်လို့ အနတ္တလက္ခဏာသုတ်အပါအ၀င် ဒေသနာအများပြားမှာ ဟောကြားထားပါတယ်။ ပစ္စုပ္ပန်ကမ္မ၀ါဒယူဆသလို “ပဉ္စုပါဒါနက္ခန္ဓာကသာ အနတ္တဖြစ်ပြီး, ပဉ္စက္ခန္ဓာက အတ္တ၊ (လူလို့ထင်နေတဲ့ စွဲလမ်းမှုတွေက အနတ္တဖြစ်ပြီး လူသက်သက်ကတော့ အတ္တ) သက္ကာယဒိဋ္ဌိကို ပယ်သတ်လိုက်ရင် လူသက်သက်, အတ္တသက်သက်ပဲ ကျန်မယ်” ရယ်လို့ မြတ်စွာဘုရား မဟောကြားခဲ့ပါ။ ဗုဒ္ဓက “သဗ္ဗေ ဓမ္မာ အနတ္တာ”လို့ ဟောပါတယ်။ ပစ္စုပ္ပန်ကမ္မ၀ါဒက လူဆိုတဲ့ အတ္တ၀ါဒကို လက်ခံထားတဲ့ အတွက် ရုပ်နာမ် သင်္ခါရတရားတွေပေါ် “အနိစ္စ, ဒုက္ခ, အနတ္တ” ရှုပွားဖို့ ငြင်းပယ်ထားပါတယ်။

ဧရာ (မန္တလေး)

ကိုးကွယ် ဆည်းကပ်ခြင်း (သရဏဂုံ)

ဗုဒ္ဓံ သရဏံ ဂစ္ဆာမိ။
ဓမ္မံ သရဏံ ဂစ္ဆာမိ။
သံဃံ သရဏံ ဂစ္ဆာမိ။

သရဏဂုံသည် ‘သရဏဂမန’ ဟူသည့် ပါဠိဝေါဟာရကို မြန်မာမှုပြုထားခြင်း ဖြစ်သည်။ ‘ကိုးကွယ်ရာသို့ ဆည်းကပ်ခြင်း’ (going for refuge) ဟု တိုက်ရိုက် အနက်ရသည်။ ကိုးကွယ်ခြင်းဟူသော မြန်မာဝေါဟာရ အရပင် အားကိုးခြင်း၊ အကာအကွယ်ပြုခြင်းဟု နားလည်နိုင်ပါသည်။ “ကြောက်ရွံထိတ်လန့်ခြင်း၊ ဆင်းရဲခြင်း၊ မကောင်းသောလားရာ ဒုဂ္ဂတိသို့ ကျရောက်ခြင်း၊ စိတ်ညစ်ညူး ပူပန်ခြင်းတို့ကို ပယ်ဖျောက် ငြိမ်းအေး စေတတ်သောကြောင့် သရဏ (ကိုးကွယ်ရာ)” ဟု ခေါ်ကြောင်း အဋ္ဌကထာတို့က အဓိပ္ပါယ် ဖွင့်ဆိုသည်။ “ဗုဒ္ဓ ဓမ္မ သံဃ” ဟူသော ကိုးကွယ်ရာ သုံးပါးတို့သည် လေးစား မြတ်နိုး တန်ဖိုးထား အပ်သောကြောင့် ရတနာသုံးပါးဟု လည်းခေါ်သည်။

ကိုးကွယ်ခြင်းသည် ကြောက်ရွံ့ခြင်းနှင့် ဆက်စပ်နေသည်။ ကြောက်ရွံ့ခြင်းသည်လည်း ဘေးဒုက္ခများနှင့် ဆက်စပ်နေသည်။ ကမ္ဘာဦးခေတ်က စ၍ပင် ဘေးအန္တရာယ်များ, ဒုက္ခများကို ရှောင်ရှားရန် သစ်ပင်, တော တောင် ရေ မြေ လေ မီးတို့ကို ကိုးကွယ်ခဲ့ကြသည်။ ထိုသို့ ကိုးကွယ်ခဲ့ခြင်းဖြင့် ကျရောက်လာမည့် ဘေးအန္တရာယ်တို့မှ အမှန်တကယ် ကာကွယ်ပေးနိုင်ခြင်း ရှိ, မရှိ မသေချာသော်လည်း၊ ကြောက်ရွံ့စိတ်တို့ကို ဖြေဖျောက်ပေးနိုင်မည့် စိတ်ဓာတ်ခွန်အား, စိတ်၏ ဖြေဆည်ရာ သက်သာရာကို အထိုက်အလျောက် ပေးနိုင်သည်ကိုမူ ငြင်းပယ်၍ မရ။ မှားယွင်းသော ကိုးကွယ်မှုသည် စိတ်အမောကို ခေတ္တ ဖြေဆည်နိုင်သော်လည်း ဆင်းရဲဒုက္ခများမှမူ လွတ်မြောက်စေနိုင်မည် မဟုတ်။ ထို့ကြောင့် (ဗုဒ္ဓဘာသာဝင် တစ်ဦးအနေဖြင့် ဗုဒ္ဓဘာသာရှုထောင့်မှ) မှန်ကန်သော ကိုးကွယ်မှု၏ အဓိပ္ပါယ်ကို သိသင့်ပါသည်။

ရည်ရွယ်ချက်

ဗုဒ္ဓမြတ်စွာ ပွင့်ထွန်းလာခြင်းသည် လောက၏ အကျိုးစီးပွားကို ဆောင်ကျဉ်းရန် ဖြစ်သည်။ အကျိုးစီးပွားဟူရာတွင် (၁) မျက်မှောက် အကျိုးစီးပွား (ဒိဋ္ဌဓမ္မ ဟိတသုခ)၊ (၂) တမလွန် အကျိုးစီးပွား (သမ္ပရာယိက ဟိတသုခ) နှင့် (၃) ဒုက္ခခပ်သိမ်းကင်းငြိမ်းသော နိဗ္ဗာန်ချမ်းသာ (ဝိမုတ္တိသုခ) ဟူ၍ အဆင့်သုံးဆင့် ခွဲနိုင်သည်။ အပြန်လှန်အားဖြင့် ဗုဒ္ဓဘာသာတို့၏ ကိုးကွယ်ခြင်းသည် မျက်မှောက်ဘဝတွင် ကြုံတွေ့ရသော ဆင်းရဲဒုက္ခများ၊ တမလွန်ဘဝတွင် ကျရောက်မည့် အပါယ်ဘေးနှင့် သံသရာ ဝဋ်ဆင်းရဲဘေးဟူသော ဘေးသုံးမျိုးမှ အကာအကွယ်ပြုရန် ဖြစ်သည်။

မျက်မှောက်ဘဝတွင် နိုင်ငံရေး, လူမှုရေး, စီးပွားရေး, ကျန်းမာရေး အမျိုးမျိုးသော ပြဿနာများ, ဘေးအန္တရာယ်များ, ကြုံတွေ့ကြရသည်။ ဗုဒ္ဓသည် ထိုအရေးများစွာအတွက် လမ်းညွှန်ပေးသည့် တရားဒေသနာများ ဟောကြားခဲ့သည်။ မင်္ဂလသုတ်, သိင်္ဂါလောဝါဒသုတ်, ဒီဃဇာဏုသုတ်, အပရိဟာနိယဓမ္မ စသည့် ဒေသနာတို့သည် ထင်ရှားသော ဥပမာများဖြစ်သည်။ ဗုဒ္ဓ၏ အဆုံးအမများအား လိုက်နာခြင်းဖြင့် မျက်မှောက်ဘဝ ချမ်းသာကို ရရှိနိုင်ပါသည်။ သို့သော် ဗုဒ္ဓဝါဒအရ ခန္ဓာရှိသနေရွေ့ ကြုံတွေ့ရမည့် ဘေးအန္တရာယ်တို့ကို အကြွင်းမဲ့ ရှောင်ရှား၍ မရ။ ဘုရားရဟန္တာများသော်မှ ရောဂါဝေဒနာများ ခံစားရသည်။ ရိုက်နှက်ညှဉ်းပန်းနှိပ်စက်မှု ခံကြရသည်။ ကဲ့ရဲ့ ရှုတ်ချဝေဖန်မှု ခံကြရသည်။ သို့သော် ဘုရားရဟန္တာတို့က ထိုဒုက္ခတို့အား တည်ငြိမ် အေးချမ်းစွာ ရင်ဆိုင်နိုင်ကြသည်။ စိတ်ညစ်ခြင်း, စိတ်ပျက်ခြင်း, စိတ်ဆင်းရဲခြင်း, စိုးရိမ်ပူပန်ခြင်း, တုန်လှုပ် ချောက်ချားခြင်း, ပူဆွေး ငိုကြွေးခြင်းစသော ထိခိုက်သောစိတ်တို့ဖြင့် တုန့်ပြန်ခြင်း မရှိကြ။ ကိုယ်နာသော်လည်း စိတ်မနာကြ။


အပြစ်မရှိသော အမှုတို့ကို ဆောင်ရွက်ခြင်း, ဒုစရိုက်တို့ကို ရှောင်ရှားခြင်းတို့ဖြင့် မျက်မှောက်ဘဝတွင် ကျရောက်လာမည့် အကျိုးဆက်တို့ကို ကာကွယ်ခြင်း၊ အကယ်၍ မလွဲရှောင်သာ၍ လောကဓံတရားတို့ကို ကြုံတွေ့ပါကလည်း ဘုရားရဟန္တာကြီးများကို အတုယူကာ တည်ငြိမ် အေးချမ်းစွာ ရင်ဆိုင်ဖြေရှင်းနိုင်ရန် ကြိုးစားခြင်းတို့သည် ပထမအဆင့် မျက်မှောက်ဘေးရန်မှ အကာအကွယ်ပြုခြင်းပင် ဖြစ်သည်။

မျက်မှောက်ဘဝတွင် ကြုံတွေ့ကြရသော ဘေးဒုက္ခတို့သည် သေဆုံးခြင်းဖြင့် အပြီးသတ်၍ မသွား။ တမလွန်ဘဝတွင်လည်း ထိုထို ဆင်းရဲဒုက္ခတို့ကို ထပ်မံ ကြုံတွေ့ကြရမည် ဖြစ်သည်။ သို့သော် အချို့ဘဝတို့တွင် ဆင်းရဲဒုက္ခနည်းပါး၍ အချို့ဘဝတို့တွင် ဆင်းရဲဒုက္ခများပြားသည်။ ကောင်းသော ကုသိုလ်ကံတို့က လူနတ်ဗြဟ္မာဟူသော သုဂတိဘဝ၌ ဖြစ်စေ၍ မကောင်းသော အကုသိုလ်ကံများသည် ငရဲ, တိရစ္ဆာန်စသော ဒုဂ္ဂတိဘဝ၌ ဖြစ်စေသည်။ ဒုဂ္ဂတိဘဝတွင် ကုသိုလ်ကောင်းမှုပြုရန် အခွင့်အရေး အလွန်နည်းပါး၍ အပါယ်(အပါယ) ဘုံ ဟုခေါ်သည်။ ထို့ကြောင့် အပါယ်သားတို့သည် သုဂတိဘဝသို့ ပြန်လည်ရရှိရန် အလွန်ခက်ခဲသည်။ ရခဲလှသော လူ့ဘဝ အခိုက်အတန့်တွင် ဒုဂ္ဂတိအပါယ်ဘုံသို့ မကျရောက်မိစေရန် ကုသိုလ်ကောင်းမှုတို့ပြုခြင်း၊ ကုသိုလ်စိတ် မွေးမြူခြင်းသည် ဒုတိယအဆင့် တမလွန်ဘေးရန်မှ အကာအကွယ်ပြုခြင်း ဖြစ်သည်။

ဒုဂ္ဂတိဘဝတွင် ဖြစ်သည်ဖြစ်စေ၊ သုဂတိဘဝတွင် ဖြစ်သည်ဖြစ်စေ၊ ဘဝဟူသမျှသည် မွေးဖွားခြင်း၊ အိုခြင်း၊ သေခြင်းဘေးတို့ကို မလွန်ဆန်နိုင်။ မိမိချစ်နှစ်သက်သူတို့နှင့် ကွေကွင်းရခြင်း၊ မိမိ မနှစ်သက်သူတို့နှင့် ဆုံဆည်းရခြင်းတို့ကို မလွန်ဆန်နိုင်။ ကိုယ်ဆင်းရဲခြင်း၊ စိတ်ဆင်းရဲခြင်း၊ စိတ်ညစ်ခြင်း၊ စိတ်ပျက်ခြင်း၊ စိုးရိမ်ပူပန်ခြင်း၊ ပူဆွေးငိုကြွေးရခြင်းစသော ဘဝဒုက္ခတို့ကို မလွန်ဆန်နိုင်။ ခန္ဓာရှိသ၍ ဆင်းရဲအပေါင်းတို့ရှိနေပြီး၊ ထပ်ဖန်တလည်းလည်း ဖြစ်ပျက်နေရသော သံသရာဝဋ်ဆင်းရဲဘေးနှင့် ကြုံတွေ့နေရသည်။ ဗုဒ္ဓမြတ်စွာက ထိုခပ်သိမ်းသော ဒုက္ခ၊ ဒုက္ခ၏ အကြောင်း ဇစ်မြစ်၊ ဒုက္ခ ချုပ်ငြိမ်းရာနှင့် ဒုက္ခချုပ်ကြောင်း အကျင့်ဟူသော သစ္စာလေးပါးအား ထုတ်ဖော် ဟောကြားတော်မူခဲ့၏။ သစ္စာတရားအား သိမြင်ကာ ဒုက္ခခပ်သိမ်းချုပ်ငြိမ်းရာ နိဗ္ဗာန်သို့မျက်မှောက်ပြုရန် အားထုတ်ခြင်းသည် တတိယအဆင့် သံသရာဘေးမှ အကာအကွယ်ပြုခြင်း ဖြစ်သည်။

ကိုးကွယ်ရာသုံးပါး (သရဏတ္တယ)

“သမ္မာသမ္ဗုဒ္ဓေါ ဘဂ၀ါ၊ သွာက္ခာတော ဘဂ၀တာ ဓမ္မော၊ သုပ္ပဋိပ္ပန္နော သံဃော” [မ.၁.၄၈၉ ၀ီမံသကသုတ်]

ပထမ ကိုးကွယ်ရာသည် ရှေးယခင်က မကြားဖူးခဲ့ကြသော သစ္စာလေးပါးတရားတို့ကို မိမိကိုယ်တော်တိုင် ဉာဏ်ဖြင့် ထိုးထွင်း သိတော်မူသော ဗုဒ္ဓမြတ်စွာဘုရား ဖြစ်သည်။


မြတ်စွာဘုရား ကောင်းစွာ ညွှန်ကြားဟောပြတော်မူခဲ့သော မျက်မှောက်အကျိုး၊ တမလွန်အကျိုး, နိဗ္ဗာန်အကျိုးတို့ကို ဆောင်ကျဉ်းပေးနိုင်မည့် တရားဓမ္မတို့သည် ဒုတိယ ကိုးကွယ်ရာဖြစ်သည်။ ဓမ္မသည် “မဂ်လေးတန်, ဖိုလ်လေးတန်, နိဗ္ဗာန်, ပရိယတ်” ဟုရှိရာ မဂ် ၄-ပါး, ဖိုလ် ၄-ပါးနှင့် နိဗ္ဗာန်ဟူသော လောကုတ္တရာတရား ၉-ပါးတို့သည်သာ ကိုးကွယ်ရာ သရဏဂုံ အစစ် ဖြစ်ပါသည်။ သို့သော်လည်း သင်ယူ မှတ်သားရသော ပရိယတ္တိတရားများ, ပွားများအားထုတ်ရသော မဂ္ဂင် ၈-ပါး ပဋိပတ္တိတရားတို့၏ အကူအညီ အထောက်အပံ့ဖြင့် မဂ်ဖိုလ်နိဗ္ဗာန်ကို ဆိုက်ရောက်နိုင်သည် ဖြစ်သောကြောင့် ပရိယတ်၊ ပဋိပတ်တရားတို့ကိုလည်း အားကိုးအားထား ပြုရပါသည်။

ဗုဒ္ဓဟောကြားညွှန်ပြခဲ့သော ဓမ္မတို့အား ကောင်းစွာ သင်ယူမှတ်သား၊ ကောင်းစွာ ကျင့်ကြံပွားများ၍ ဘုရားရှင်နည်းတူ နိဗ္ဗာန်သို့ မျက်မှောက်ပြုတော်မူကြသော တပည့်သား သံဃာတော်တို့သည် တတိယ ကိုးကွယ်ရာဖြစ်သည်။ သံဃာတော်တို့တွင် “ယဒိဒံ စတ္တာရိ ပုရိသာ ယုဂါနိ အဋ္ဌပုရိသ ပုဂ္ဂလာ…” ဟု သံဃာ့ဂုဏ်တော်တွင်လာသည့် အတိုင်း၊ မဂ်၌ တည်သော ပုဂ္ဂိုလ်လေးပါး၊ ဖိုလ်၌ တည်သော ပုဂ္ဂိုလ်လေးပါးဟူသည့် အမြင်ချင်းတူ, အကျင့်သီလချင်းတူညီကြသော အရိယာသံဃာတော်တို့သည်သာ ကိုးကွယ်ရာ သရဏဂုံ အစစ် ဖြစ်ပါသည်။ သို့သော်လည်း သမုတိသံဃာဖြစ်သော ရဟန်းသံဃာတို့သည်လည်း မြတ်စွာဘုရား၏ အဆုံးအမအား ကောင်းမွန်စွာ ထိန်းသိမ်းလိုက်နာ ကျင့်သုံးနေသော အဖွဲ့အစည်းအဖြစ် အားကိုးအားထား ပြုရပါသည်။

သံဃာ့ဂုဏ်တော်တွင် “အနုတ္တရံ ပုညခေတ္တံ” ဟု ဟောကြားထားသည့် အတိုင်း သံဃာသည် ကုသိုလ် ကောင်းမှုတို့ ပြုရန်အတွက် အနိုင်းမဲ့ လယ်မြေကောင်းသဖွယ် ဖြစ်သည်။ တစ်ခါက မိထွေးတော်ဂေါတမီသည် မြတ်စွာဘုရားအား ကိုယ်တိုင် ရက်လုပ်ထားသော သင်္ကန်းကို လှူဒါန်းသောအခါ ဗုဒ္ဓက မိမိအား မလှူပဲ သံဃာအား ပေးလှူရန် တိုက်တွန်းခဲ့သည်။ မြတ်စွာဘုရားရှင်အား လှူဒါန်းခြင်းထက် သံဃာအဖွဲ့အစည်းအား လှူဒါန်းခြင်းသည် အကျိုးပို၍ များ၏။ ယုတ်စွအဆုံး အကျင့်သီလမရှိသည့် ရဟန်းယုတ်ကိုပင်ဖြစ်စေ သံဃာ့အဖွဲ့အစည်းအား ရည်မှန်း၍ သံဃိကဒါနမြောက်အောင် လှူဒါန်းပါက အကျိုး ကြီးမားသည်။ သံဃိကဒါနထက် ကျေးဇူး ပိုများသည့် မည်သည့် ပုဂ္ဂလိကဒါနမျှ မရှိဟု ဟောကြားထားပါသည်။ (မ.၃.၃၈ဝ၊ မဇ္ဈိမနိကာယ်၊ ဥပရိပဏ္ဏာသ၊ ဝိဘင်္ဂဝဂ္ဂ၊ ဒက္ခိဏဝိဘင်္ဂသုတ်)။

ကိုးကွယ် ဆည်းကပ်ခြင်း (သရဏဂမန)

သရဏဂုံ ဆောက်တည်ခြင်းသည် မိရိုးဖလာ ထုံးတမ်း အစဉ်လာအရ “ဗုဒ္ဓံ သရဏံ ဂစ္ဆာမိ…” စသဖြင့် ရွတ်ဆိုရခြင်း သက်သက် မဟုတ်။ “ဂစ္ဆာမိ - ဆည်းကပ်ပါ၏” ဆိုသောစကားအတိုင်း ဆည်းကပ်ရခြင်း ဖြစ်သည်။ အားကိုး ခိုလှုံရခြင်း ဖြစ်သည်။ “ဗုဒ္ဓံ သရဏံ ဂစ္ဆာမိ…” စသဖြင့် နှုတ်မှ ရွတ်ဆိုရုံ သက်သက်မျှဖြင့် ထိုအားကိုးခိုလှုံရာသည် မိမိထံသို့ သူ့အလိုလို ရောက်လာမည် မဟုတ်။ မိမိကို လာရောက် ကယ်မ မည် မဟုတ်။ မိမိက ထိုအားကိုးခိုလှုံရာသို့ ဆည်းကပ်ရန် အားထုတ် ရပါသည်။

တပ္ပသာဒတဂ္ဂရုတာဟိ ၀ိဟတ၀ိဒ္ဓံသိတကိလေသော တပ္ပရာယဏတာကာရပ္ပ၀တ္တော အပရပ္ပစ္စယော ၀ါ စိတ္တုပ္ပါဒေါ သရဏဂမနံ။ (ခုဒ္ဒကပါဌ အဋ္ဌကထာ)

သရဏဂုံ ဆောက်တည်ခြင်း (သို့မဟုတ် သရဏဂုံ တည်ခြင်း) သည် “ရတနာသုံးပါးအား ကြည်ညို လေးစားခြင်းဖြင့် စိတ်ညစ်ညူးမှုတို့ကို ပယ်ဖျောက်ထားကာ ရတနာသုံးပါး၌သာ လဲလျောင်းကိုးကွယ်သည့် စိတ်ဖြစ်ခြင်း (သို့မဟုတ်) ရတနာသုံးပါးမှ တပါး ကိုးစားရာ မရှိဟူသည့် စိတ်ဖြစ်ခြင်း” ဟု အဋ္ဌကထာတို့က အဓိပ္ပါယ်ဖွင့်ပေးသည်။

သရဏဂုံတည်ခြင်းသည် ကြည်ညိုခြင်း, ယုံကြည်ခြင်းဟူသော သဒ္ဓါတရားဖြင့် အစပြုရသည်။ ယုံကြည်ခြင်းဟူသော မြန်မာစကားတွင် ယုံခြင်းနှင့် ကြည်လင်ခြင်း အနက်အဓိပ္ပါယ်များ ပါဝင်နေသည်။ ရင်ထဲတွင် လိပ်ခဲတည်းလည်း ဖြစ်နေသော အချက်များ ရှင်းလင်း၍ စိတ်ကြည်လင်သွားကာ ယုံကြည်မှုကိုရရှိသော သဒ္ဓါတရားမျိုး ဖြစ်သည်။

“အမိုက်အမှောင်၌ ဆီမီးကို ဆောင်ပြဘိသကဲ့သို့၊ အရှင်ဂေါတမသည် တရားတော်အား နည်းပရိယာယ် အမျိုးမျိုးဖြင့် ဟောပြတော်မူပါပေ၏။ ကျွန်ုပ်သည် အရှင်ဂေါတမအား ကိုးကွယ်ရာဟူ၍ ဆည်းကပ်ပါ၏။ တရားတော်နှင့် သံဃာတော်အားလည်း ကိုးကွယ် ဆည်းကပ်ပါ၏” ဟု၍ ဗုဒ္ဓခေတ်က သရဏဂုံ ဆောက်တည်ပုံကို နိကာယ် ၅-ရပ်မှ သုတ္တန် အများအပြားတွင် တွေ့နိုင်ပါသည်။

ထို့ကြောင့် ယုံကြည်မှု, ကြည်ညိုမှုတို့သည် အခြေအမြစ်ကင်းမဲ့သော သဒ္ဓါတရားမဟုတ်ပဲ၊ နားလည်သိမြင်မှုနှင့် ဆက်စပ်နေသော သဒ္ဓါတရားဖြစ်သည်။ သရဏဂုံ ဆောက်တည်ခြင်းသည် “သဒ္ဓါအရင်းခံသော သမ္မာဒိဋ္ဌိ” ဖြစ်သည်၊ ပုညကိရိယာဝတ္ထု ၁ဝ-ပါးမှ ဒိဋ္ဌုဇုကမ္မအမှုဖြစ်သည်ဟု အဋ္ဌကထာတို့က ဖွင့်ဆိုကြသည်။ မှန်ကန်သောအမြင်သည် စိတ်၏ အညစ်အကြေးများ ကင်းစင်၍ရသော အမြင်ဖြစ်သည်။ ဆီမီးသည် အမိုက်မှောင်ကို ပယ်သတ်ခြင်း, အမှန်ကိုမြင်စေခြင်းဟူသော ကိစ္စတို့ကိုဆောင်ရွက်သကဲ့သို့ သရဏဂုံတည်ခြင်းသည် သမ္မာဒိဋ္ဌိ အမြင်ရခြင်း၊ စိတ်အညစ်အကြေး ကိလေသာတို့အား ပယ်သတ်ခြင်း ကိစ္စတို့ကို ဆောင်ရွက်နိုင်သည်။

တဖန် ကြည်ညိုခြင်း (ပသာဒ)သည် အရိုသေပြုခြင်း, လေးစားခြင်း(ဂရုတာ), မြတ်နိုး, တန်ဖိုးထားခြင်းတို့နှင့် ဆက်နွယ်နေသည်။ ဗြဟ္မာယုပုဏ္ဏားသည် မိမိ၏ လက်ဝဲပုခုံးထက်တွင် ကိုယ်ဝတ်ကို စမ္ပယ်တင်ပြီး ဘုရားရှင်၏ ခြေတော်အစုံအား ဦးခိုက်ကာ နှုတ်ခမ်းဖြင့် နမ်းရှိုက်၊ လက်ဖြင့် ပွတ်သပ်လျှက် ပျဝပ်အရိုသေပေးခဲ့သည်ကို ဗြဟ္မာယုသုတ်တွင် ဖော်ပြထားသည် (မဇ္ဈိမပဏ္ဏာသ၊ ဗြာဟ္မဏဝဂ်၊ ဗြဟ္မာယုသုတ်)။ ထို့အတူပင် မြတ်စွာဘုရားရှင် ကိုယ်တော်သည်ပင် မိမိ အရိုအသေပြုစရာ မိမိထက် သီလ, သမာဓိ, ပညာအရာ သာလွန်သော တစ်စုံတစ်ဦးမျှ မရှိသဖြင့် “မိမိထိုးထွင်း၍ သိသော တရားတော်ကိုပင် အရိုအသေ အလေးအမြတ် အမှီသဟဲပြု၍ နေ့အံ့” ဟု ကြံစည်ခဲ့သည်။ (သံ.၁.၁၇၃၊ သဂ္ဂါထာဝဂ္ဂသံယုတ်ပါဠိတော်၊ ဗြဟ္မသံယုတ်၊ ဂါရဝသုတ္တံ)

ပုဂ္ဂိုလ်အား ဖြစ်စေ, ဓမ္မအား ဖြစ်စေ ရိုသေလေးစားခြင်းသည် ကောင်းမွန်ပါ၏။ သို့သော် ပုဂ္ဂိုလ်ရေး ကိုးကွယ်မှုထက် ဓမ္မအပေါ် ကိုးကွယ်မှုကသာ ပို၍ အရေးကြီး၏။ ရောဂါ အသည်းသန်ဖြစ်၍ နောက်ဆုံးအချိန်သို့ ရောက်ကာ ဘုရားရှင်ကို ဖူးမြော် အရိုအသေပေးရန် မစွမ်းနိုင်တော့သဖြင့် စိတ်ဆင်းရဲနေသော ဝက္ကလိမထေရ်အား “ဝက္ကလိ… ဤအပုတ်ကောင်ကို ဖူးမြင်ရခြင်းဖြင့် သင့်တွင် အဘယ် အကျိုး ရှိပါအံ့နည်း။ တရားကိုမြင်သူသည် ငါဘုရားကို မြင်၏။ ငါဘုရားကို မြင်သူသည် တရားကိုမြင်၏” ဟု ဟောကြားခဲ့ဖူးသည်။ (သံ.၃.၈၇၊ ခန္ဓဝဂ္ဂသံယုတ်၊ ခန္ဓသံယုတ်၊ ထေရဝဂ်၊ ဝက္ကလိသုတ္တံ)

ထို့အပြင် အခြေအမြစ် ကင်းမဲ့သော ပုဂ္ဂိုလ်ရေး ကိုးကွယ်မှု, ဝါဒရေး ကိုးကွယ်မှုများသည်ကား မသင့်လျော်။ ဗုဒ္ဓသည် ရဟန်းတို့အား သမ္မာသမ္ဗုဒ္ဓအစစ် ဟုတ်, မဟုတ်ကိုပင် စိစစ်စူးစမ်းရန် ဟောကြားခဲ့ဖူးသည်။ ကိုယ်နှုတ် အကျင့်သီလတို့ အပြစ်ကင်း ဖြူစင်၏လော၊ ထိုသို့ အပြစ်ကင်းဖြူစင်မှုသည် ခဏတဖြုတ်လော, ရည်ရှည် တည်မြဲပါသလော၊ ထင်ရှားကျော်ကြားမှုတို့ကြောင့် အပြစ်အနာဆာတို့ တိမ်မြုတ် မှေးမှိန်၍ နေသလော၊ ကာမဂုဏ်တို့ကို ရှောင်ကြဉ်ခြင်းသည် ကြောက်ရွံ့မှုကြောင့်လော, အမှန်တကယ် တပ်မက်မှုကင်း၍လော စသဖြင့် စူးစမ်း စစ်ဆေးသင့်သည်။ ထိုသို့ စူးစမ်းစစ်ဆေးပြီးမှ ဘုရားရှင်ထံ ချဉ်းကပ်ကာ တရားနာကြားရမည်။ ကိုယ်တိုင် ကျင့်ကြံအားထုတ်ရမည်။ အချို့တရားတို့ကို (အထိုက်အလျောက်) ကိုယ်တိုင် ထိုးထွင်းသိသောအခါတွင် မြတ်စွာဘုရားသည် သမ္မာသမ္ဗုဒ္ဓဘုရားရှင် အစစ် ဖြစ်သည်ဟု ကြည်ညိုခြင်းဖြစ်၏။ ထိုသို့သော ယုံကြည်ခြင်းသည်သာ စူးစမ်းဆင်ခြင်မှုပါသော သဒ္ဓါတရား (အာကာရဝတီ သဒ္ဓါ)၊ ဒဿနအမြင်ကို အခြေခံသော သဒ္ဓါတရား (ဒဿနမူလိကာ သဒ္ဓါ - သောတာပတ္တိမဂ်ကြောင့် ဖြစ်သော သဒ္ဓါတရားကို ဆိုလိုသည်) ဖြစ်၍ ခိုင်မြဲသည်ဟု ဝီမံသကသုတ်တွင် ဟောကြားထားသည်။ (မဇ္ဈိမနိကာယ်၊ မူလပဏ္ဏာသ၊ စူဠယမကဝဂ်၊ ဝီမံသကသုတ်)

ထို့ကြောင့် ဓမ္မအား ကိုယ်တိုင် ထိုးထွင်းသိမြင်ရန် အားထုတ်ခြင်းသည် သရဏဂုံတည်ခြင်းအရာတွင် ပဓာနကျသည်။ “ဘုရား, တရား, သံဃာ” ဟူသော သရဏဂုံသုံးပါးအား ဆည်းကပ်ြခင်းအား အစထား၍ တရားဓမ္မတို့ကို ကျင့်ကြံပွားများကာ နိဗ္ဗာန်အား မျက်မှောက်ပြုနိုင်မှ ဘေးကင်းရာ အစစ်သို့ ရောက်သည်။ ဘုရားရှင်သည် ထိုဘေးကင်းရာသို့ ရောက်စေနိုင်မည့် လမ်းကို ညွှန်ပြသူသာ ဖြစ်သည်။ အရိယာသံဃာတို့သည်လည်း မြတ်စွာဘုရား ညွှန်ကြားဟောပြတော်မူသော တရားတော်တို့ကို ကောင်းစွာလိုက်နာ ကျင့်ကြံ၍ ဘေးကင်းရာနိဗ္ဗာန်သို့ ဆိုက်ရောက်တော်မူကြသည့် သာဓက စံပြ အဖွဲ့အစည်း ဖြစ်သည်။ ဘေးကင်းရာအစစ်သို့ ရောက်ရန်ကား တရားဓမ္မကို ကိုယ်တိုင် လိုက်နာ ကျင့်ကြံကြရမည် ဖြစ်သည်။

… အတ္တဒီပါ ၀ိဟရထ အတ္တသရဏာ အနညသရဏာ, ဓမ္မဒီပါ ဓမ္မသရဏာ အနညသရဏာ (ဒီ.၂.၁၆၅၊ ဒီဃနိကာယ်၊ မဟာဝဂ္ဂ၊ မဟာပရိနိဗ္ဗာနသုတ်)

ပရိနိဗ္ဗာန် ပြုကာနီးတွင် မြတ်စွာဘုရားက “… မိမိကိုယ် မိမိ ကျွန်းသဖွယ်ပြုကာ အခြားတပါးအား ကိုးကွယ်ရာ မပြုပဲ မိမိကို ကိုးကွယ်ရာ ပြု၍ နေကြကုန်လော့။ ဓမ္မအား ကျွန်းသဖွယ်ပြုကာ အခြားတပါးအား ကိုးကွယ်မှု မပြုပဲ ဓမ္မကို ကိုးကွယ်ရာ ပြု၍ နေကြကုန်လော့” ဟု မှာကြားခဲ့သည်။

ထိုသို့ မိမိကို မိမိအားကိုး၍ တရားဓမ္မအား ကျင့်ကြံပွားများကာ ကိုယ်တိုင် ထိုးထွင်း၍ သိပါက “ဘုရား, တရား, သံဃာ” အပေါ်၌ ထားသော သဒ္ဓါတရားသည် ပိုမိုခိုင်မြဲလာသည်။ မိစ္ဆာဒိဋ္ဌိအမြင်တို့ကို အကြွင်းမဲ့ပယ်သတ်၍ သောတာပန် အရိယာဖြစ်သောအခါတွင် ရတနာသုံးပါးအပေါ်၌ ကြည်ညိုသော သဒ္ဓါတရားသည် မတုန်မလှုပ်ခိုင်မြဲသော ကြည်ညိုမှု (အဝေစ္စပသာဒ) ဖြစ်သွားသည်။ “ရတနာသုံးပါးမှ အပ ကိုးကွယ်ရာ မရှိ” (အပရပစ္စယ) ဟူသော စိတ်သည် မပျက်စီးတော့။ အပါယ် ဒုဂ္ဂတိဘုံသို့ ကျရောက်မည့် ဘေးမှ လွတ်မြောက်၍ လဲလျောင်းနားခိုရာ (ပရာယဏ) အစစ်သို့ ရောက်ရှိပြီ ဖြစ်သည်။

ဧရာ (မန္တလေး)

စာညွှန်း။

၁။ ဒီဃနိကာယ်၊ သီလက္ခန္ဓ၀ဂ်၊ သာမညဖလသုတ်၊ သရဏဂမန အဖွင့်အဋ္ဌကထာနှင့် ခုဒ္ဒကပါဌ သရဏတ္တယ အဖွင့်အဋ္ဌကထာ
၂။ ဒီဃနိကာယ်၊ မဟာဝဂ်၊ မဟာပရိနိဗ္ဗာနသုတ်
၃။ မဇ္ဈိမနိကာယ်၊ မူလပဏ္ဏာသ၊ စူဠယမက၀ဂ်၊ ၀ီမံသကသုတ်
၎။ မဇ္ဈိမနိကာယ်၊ မဇ္ဈိမပဏ္ဏာသ၊ ဗြာဟ္မဏ၀ဂ်၊ ဗြဟ္မာယုသုတ်
၅။ မဇ္ဈိမနိကာယ်၊ ဥပရိပဏ္ဏာသ၊ ၀ိဘင်္ဂ၀ဂ်၊ ဒက္ခိဏ၀ိဘင်္ဂသုတ်
၆။ သံယုတ္တနိကာယ်၊ သဂ္ဂါထာဝဂ္ဂသံယုတ်၊ ဗြဟ္မသံယုတ်၊ ဂါရ၀သုတ်
၇။ သံယုတ္တနိကာယ်၊ ခန္ဓ၀ဂ္ဂသံယုတ်၊ ခန္ဓသံယုတ်၊ ထေရ၀ဂ်၊ ၀က္ကလိသုတ်
၈။ ခုဒ္ဒကနိကာယ်၊ ဓမ္မပဒ၊ ဗုဒ္ဓ၀ဂ်၊ ဂါထာအမှတ် ၁၈၈ မှ ၁၉၂
၉။ Going for Refuges & Taking the Precepts by Bhikkhu Bodhi, BPS, 1981.
၁၀။ Threefold Refuges by Nyanaponika Thers, The Wheel Publication No. 76, BPS, 1983.

မာယာတသိန်း

အခုတလော ဘလော့ဂ်တွေမှာ ဟိုကချစ် ဒီကချစ်နဲ့ တဖျစ်ဖျစ် မြည်နေကြလို့ သူများချစ်သလို မချစ်နိုင် မျောက်အိုကြီးလို မှိုင်နေသူတယောက် ကပ်ဖျက်ရပ်ဖျက် လုပ်လိုက်ပါတယ်။ မည်သူတဦးတယောက်ကိုမျှ ရည်ရွယ်လိုခြင်း အလျဉ်းမရှိပါ။ (ပုံ - မာယာတသိန်း)
*****

မပူမလောင် နွေးနွေး
ထမင်းပေါင်းလေး
စားမလားကွယ်

ကျိုက်ကျိုက်ဆူ ပူပူခပ်
ရေနွေးကြမ်းလည်း
ပါပါတယ်

နောက်ပြီးရင်…

ချိုမလိုလို စိမ့်စိမ့်
အိုက်စကရင်လေး
ကျွေးပါ့မယ်

မချိုမချဉ် ပြုံးပြုံး
စတော်ဘယ်ရီလေး
မြုံ့ဦးရယ်

လေပြေရယ် အေးအေး
ယပ်တောင်လေးနဲ့
ခတ်ပေးမယ်

ဒါပေမဲ့
ကျေးဇူးပြုပြီး
အချစ်အချစ်လို့တော့
တဖျစ်ဖျစ်
မမြည်လေနဲ့…
ဟိုးးး က
လက်ပံအို ပင်ယံထိပ်
မမှီနိုင်အောင်
ချိတ်ထားတယ်။ ။

ရေချမ်း ရေစင်

ဖ၀ါးက လက်နှစ်လုံး
ပုခုံးက လက်နှစ်သစ်
အတစ်အတစ် အရစ်အရစ်
လက်သလုံးနဲ့ ခြေသလုံးလေးတွေ
ခဲလို့သာ ထားလိုက်ချင်ရဲ့။

နမ်းရက်ပါဘု
ပါးမို့မို့ နဖူးပြင်
သားလှ ရွှေစင်
အောင့်ကာသာ
ရင်ဝယ်ထွေးရတယ်
မေ့သည်းဘ၀င်။

မွေးမေလေ
အခက်ပွေတော့လို့
ဘွတ်ဘွတ်နဲ့ ရှူးရှူးတွေ
ပြိုင်ဘက်ကင်းအောင်ပ
မေ့သားမောင် ညစ်ပေပွဲမှာ
ဗွက်ကြမ်းလေတယ်။

အော် သားရယ်
အပူလောင်တတ်တယ်ကွဲ့
သုတ်သင်ကာ မယ်မယ်ဆေးပါ့မယ်
တဆိတ်တော့ ကိုယ်တော်
ငြိမ်ငြိမ်လေးနေပါ
လူးလူးလှိမ့် တခစ်ခစ်ရယ်
စိန်ခေါ်သည့်နှယ်။

လာ..လာလေ့
ဟာသွားတဲ့ မင်းဗိုက်
အပြည့် အကြိုက်သာ ၀ိုက်တော့
ပန်းကြာငုံ ရင်ခွင်အပ်ပါလို့
နို့ညှီနံ့လေး မစို့မပို့
ဝိုင်အိုလက်နဲ့ မခို့တရို့
ခြေဖမိုးလေး ဆုတ်ခြေနယ်
မျက်ခွံကလေးမှေးစဉ်းလွယ်
ချိုချိုတွေကို လှိုင်လှိုင်ပေး
လက်ဖမိုးလေး ငုံကာမွှေး။
အို အေ အေ့ အေး။ ။

ဆို က ရေး တီး နှင့် အမေပေးတဲ့လက်ဆောင်

imaginarycloudsno2 မှဆို၊ က၊ ရေး၊ တီး အကြောင်းရေးပါ ဟု ဆိုဖူးသည်။

ဆို၊ က၊ ရေး၊ တီးသည် အနုပညာ ဖြစ်ပါသည်။ ဤဘ၀တွင် အနုပညာနှင့် နီးစပ်ခွင့် မရခဲ့ပါ။ လေ့လာ ဆည်းပူးခွင့် မရခဲ့ပါ။ ဘ၀ခရီးလမ်းတလျှောက် မှတ်မှတ်ရရ ကြုံဖူးခဲ့သည်များကို အနုပညာနှင့် အတင်းကာရော ဆက်စပ်လိုက်ပါဦးမည်။

ကျမဂါဝန်ကလေး ၀တ်သောအရွယ်တွင် ကိုကြီးက ညတိုင်လျှင် အိမ်အပေါ်ထပ်ဝရံတာတွင် ကုလားထိုင်ပေါ်ထိုင်၍ ဂစ်တာ တဒေါင်ဒေါင်လုပ်ပါသည်။ “သီတာလာ သီချင်းဆို” ဟုခေါ်လျှင် ၀မ်းသာအားရ အပြေးကလေးသွားပြီး သူ့အနား ကျုံ့ကျုံ့လေးထိုင်ကာ
သစ်ပင်ပေါ်မှာ ထိုင်နေတဲ့ တောက်တဲ့တောက်တဲ့
မိုးလေ၀သ ဟောတတ်တဲ့ တောက်တဲ့တောက်တဲ့
အို…အော်လိုက်စမ်းပါ…၀ို
ဝိုလား မင်းလား လေလား မိုးလား တောက်တဲ့ အို တောက်တဲ့ (မှတ်မိသည့် အတိုင်း ပြန်ရေးပါသည်။)

Kookaburra – Nursery Rhymehttps://www.youtube.com/watch?v=9V8r52_uWhA

ဟု ဆိုရပါသည်။ ကိုကြီး၏ ဂစ်တာလက်သံနှင့်ဖြစ်ပါသည်။
ကိုကြီးက “ထ ဟန်ပါလုပ်”ဟု ဆိုလိုက်လျှင် ဒီသီချင်းကိုပင် ဟန်နှင့်ပန်နှင့် တကျော့ပြန်ရပြန်ပါသည်။
သီချင်းဆုံးသွားသော်လည်း ကိုကြီးက ဂစ်တာကို ဆက်တီးနေပါသေးလျှင် ငြိမ်ပြီး နားထောင်နေမိပါသည်။
ကိုကြီးက “သွားတော့” လို့ ပြောလိုက်မှ ခါခါ ခါခါနှင့် ထပြေးပါတော့သည်။

အိမ်မှာ ကစလ(အကြီးစား စက်မှုလုပ်ငန်း)ထုတ် ရေဒီယို တလုံးရှိပါသည်။ နားထောင်သင့်သလောက် နားထောင်ခဲ့ပါသည်။ ကျမအလယ်တန်းကျောင်းသူဖြစ်ချိန်မှာတော့ ကိုကြီးက National ကက်ဆက်အမဲရောင်လေးတလုံး ၀ယ်လာပါသည်။ နှစ်ထောင့်လေးရာ(ကျပ်)တောင် ပေးရသည်ဟု ဆိုပါသည်။ “ရိုရိုသေသေ ကိုင်ရမည်” ဟု ကျမတို့ မောင်နှမတွေ အားလုံးကို ပြောထား၍ ညီအမတွေ တယောက်တလှည့် ထိုကက်ဆက်လေးကို ဖုန်သုတ်ကြပါသည်။ တခါတရံ ကက်ဆက်လေးမှာ တနေ့ထဲ နှစ်ခါ သုံးခါ ဖုန်သုတ်ခံခဲ့ရပါသည်။ အကိုတွေက သူတို့ နှစ်သက်ရာ အခွေတွေ ၀ယ်လာတတ်ပါသည်။ ကိုကြီးက ကျော်ဟိန်း၊ သန်းနိုင်၊ စိုးပိုင်၊ ဘိုဘိုဟန်… ကိုလတ်က ဇော်ဝမ်း၊ စိုင်းထီးဆိုင်၊ စိုင်းဆိုင်မော့၊ ခွန်သန်းထွန်း၊ ကံကော်တောမျိုးအောင်… ကိုလေးက ကိုင်ဇာ၊ မေဆွိ စသဖြင့်တို့ ဖြစ်ပါသည်။ (သူတို့ နားထောင်တဲ့ သီချင်းတွေက သူတို့စရိုက်ကို ပြောပြနေကြတယ်။ ကိုကြီးက ဟော့ရှော့၊ ကိုလတ်က လူအေး၊ ကိုလေးကတော့ ကြားထဲ ထားလိုက်ပါတော့)

ကက်ဆက် ၀ယ်လာသည့်နေ့မှာပင် အဖေက ကိုကြီးကို အပြစ်ပြောပါသည်။ “မင်းတို့ဟာ ဆူညံဆူညံတွေကွာ နားမခံသာပါဘူး” ဟူ၍။ သို့ပါသောကြောင့် အဖေအိမ်မှာရှိလျှင် ကျမတို့ ကက်ဆက်မဖွင့်ရပါ။ သူအပြင်သွားချိန်မှ ဖွင့်ရပါသည်။ အဖေပြန်လာပြီ ဆိုပါက လမ်းထိပ်မှ ‘ပွမ်’ဆိုသော ကားဟွန်းသံကြားရပြီ ဆိုသည်နှင့် နီးရာလူက ကက်ဆက်ကို ‘ဒေါက်’ ကနဲ ပိတ်ပြီးသား ဖြစ်ပါသည်။ တခါတရံမူလည်း အဖေ့ အရိပ်အယောင် မြင်လိုက်သူ တယောက်ယောက်က “ဂျိန်းစဘွန်း လာပြီဟေ့” ဟု ကက်ဆက်ပိတ်ရန် လှမ်းအချက်ပေးရသည်များလည်းရှိပါသည်။ ဂီတနှင့် ခိုးကြောင်ခိုးဝှက် နီးစပ်ခဲ့ရခြင်း ဖြစ်ပါသည်။

မည်သို့ဆိုစေ ခေတ်ရေစီးကြောင်းအရ ကျမတို့အိမ်တွင် National ပင်ဖြစ်သော်လည်း ကက်ဆက်ခွေ နှစ်ခွေထည့်၍ရသော ကက်ဆက်လတ်တခု ရှိလာခဲ့ပြန်ပါသည်။ ကျမရှစ်တန်းတွင် ပထ၀ီဝင်ဘာသာ၌ ဂရပ်ဖ် ဆွဲခြင်းကို စတင်သင်ကြားရပါသည်။ အလွန်စိတ်ဝင်စားခဲ့ပါသည်။ တညမှာတော့ ကျမ ဂရပ်ဆွဲခြင်း သင်ခန်းစာများကို ပြန်လည်လေ့ကျင့်နေခဲ့ပါသည်။ တအိမ်လုံးလည်း အိပ်နေကြပြီဖြစ်၍ အခန်းလေးထဲတွင် နှစ်ပေမီးချောင်းလေးထွန်းပြီး တယောက်ထဲရှိနေခဲ့ပါသည်။ ပျင်းပျင်းရှိလာ၍ ကက်ဆက်ထဲသို့ အနားရှိ ကက်ဆက်ခွေတခု ကောက်ထည့်ဖွင့်လိုက်ပါသေးသည်။ စာ၌ အာရုံအပြည့်ဝင်စားနေစဉ် ဘာသံမှန်းမသိသည့် အသံကြီးထွက်ပေါ်လာရာ ကျမအလွန်ပင် လန့်ဖျန့်သွားပြီး ဘေးဘီဝဲယာ အမှောင်ထုထဲသို့ မ၀ံမရဲ လှည့်ပတ် ကြည့်ရှုမိပါသည်။ ကျမ၏ အသိစိတ်အာရုံများ ပုံမှန်ပြန်ဖြစ်ချိန်တွင်တော့ ပြုံးစိစိနှင့် ရယ်ချင်ပတ်ကျိဖြစ်နေပြီး ထိုညအဖို့ စာကြည့်ခြင်းကိုလည်း ရပ်နားလိုက်ပါတော့သည်။

ကျမကို လိပ်ပြာလွင့်သွားစေသော အသံမှာ ကက်ဆက်မှ ထွက်ပေါ်လာခြင်းဖြစ်ပြီး ဆေးကျောင်းသား ကိုလေး သူတို့ကျောင်း Annual Dinner ၌ စင်ပေါ်တက်ကဲရန် လေ့ကျင့် အသံသွင်းထားသော ဆိုင်းမပါ ဗုံမပါ သုံးရာသီ တေးသံသာပင် ဖြစ်ပါတော့သည်။ နောက်နေ့၌ ဖြစ်ကြောင်းရယ်ကုန်စင်ကို ဗိုလ်ပုံအလယ်၌ ပြောပြရင်း တခွိခွိရယ်လေရာ ကိုလေးက “ငါ့အသံကိုများ..” ဆိုပြီးကျမကို မျက်စောင်းတွေ ထိုးပါသည်။ ကိုလေးသည် သူစိတ်ပေါက်လာပါက သူ၏ ပြူး၍မှေးသော မျက်လုံးကြီးဖြင့် မျက်စောင်းတွေ ပစ်ပြက်ထိုးတတ်ပါသည်။ ထို့ထက်ပို၍လည်း သူ စိတ်မဆိုးတတ်ပါ။ စိတ်ဆတ်၍ ဒေါသကြီးသော အကိုနှစ်ယောက်ဆီမှ စိတ်ဆိုးခြင်းနှင့် ပတ်သက်၍ သူလေ့လာ ဆည်းပူးတတ်မြောက်ထားခြင်း မိုင်ကုန် ဖြစ်ပါသည်။ (တကယ်တန်းမှာ သူ့ခမျာ စင်ပေါ်မတက်ခဲ့ရရှာပါ။ ပထမအဆင့် လူရွေးပွဲမှာပင် တီးဝိုင်းက တီးနေတာ တပိုဒ်ဆုံးသွားပြီ သူက ဘယ်နေရာက စ၀င်ရမှန်းမသိ၍ အစမ်းပင် မဆိုခဲ့ရပါဟု နောင် အတော်ကြာမှ ကျမတို့က မေးလာ၍ မချိုမချဉ် ပြုံးဖြီးဖြီးဖြင့် ပြောပြပါသည်။ သုံးရာသီ သီချင်းကြားတိုင်း ကျမတို့ မောင်နှမတွေ တယောက်မျက်နှာ တယောက်ကြည့်မိစေသည့် အမှတ်တရ တခုဖြစ်ပါသည်။ သူမှ စင်ပေါ်မတတ်ခဲ့ရသလားဆိုလျှင် ၇ယောက်ကြီးများတောင်ရှိသော်လည်း တဦးတယောက်မျှပင် ပွဲဝင်ခဲ့ရဖူးခြင်းမရှိခဲ့ပါ။)

ကျမ တက္ကသိုလ် တက်နေပြီ ဖြစ်ပါသည်။ သို့သော် ကျောင်းများပိတ်ထားသော တချိန်တွင် ရန်ပုံငွေ စတိတ်ရှိုးပွဲ လက်မှတ် အိမ်တိုင်ယာရောက် မ၀ယ်မနေရ လာရောင်းလေသည်။ မဖြစ်မနေမို့ လက်မှတ်တစောင်ကို ငါးရာကျပ်နှင့် ၀ယ်ထားလိုက်ရပါသည်။ ကျမတို့မှာ မောင်နှမတွေများ၍ ထိုသို့ ဈေးကြီးပေးမှ ကြည့်ခွင့်ရသော စတိတ်ရှိုးပွဲမျိုးကို ရုံအပြင်မှ ခဏတဖြုတ် မတ်တပ်ရပ်သာ ကြည့်ဖူးပါသည်။ ဗလာပွဲများဆိုလျှင်တော့ တက်ညီလက်ညီရှိကြပါသည်။ ပွဲရက်နေ့ကျလာတော့ တအုံတမကြီးနဲ့ လက်မှတ်တစောင် ဘယ်လိုကြည့်မလဲ..လက်မှတ်လေးမှာအလိုအလျောက် အဆုံးခံရဖွယ်သာရှိပါသည်။ ကျန်သူများကား မလှုပ်ကြပါ။ စပ်စလူးကျမသာ လှုပ်ပါတယ်။ “နှမျောစရာကြီး သီတာကြည့်ချင်တယ်။ သီတာတို့ဆီ လက်မှတ်ရောင်းပြီး ဟိုဘက်လမ်းဆက်ရောင်းတာဆိုတော့ ဟိုဘက်လမ်းက သီတာ့ သူငယ်ချင်းတွေလည်း လာကြည့်မှာပဲဟာ” ဟူ၍ လုပ်ဇတ်ခင်းကာ သိုသိုသိပ်သိပ် ပူဆာသဖြင့် ကိုလတ်က လိုက်ပို့ပါသည်။ Honda Super Cub ရွှေရောင် ဆိုင်ကယ်လေးနှင့် ဖြစ်ပါသည်။ ပွဲလုပ်သည့်နေရာကို အသေအချာမမှတ်မိတော့ပါ။ အသွားလမ်းမှာ ဆိုင်ကယ်ဘီးဝင်ဖာရသည်ကိုတော့ မှတ်မိပါသည်။ ကန်တော်လေးဘက်ဟု ထင်ပါသည်။ ရုံရှေ့ရောက်တော့ “ည ၁နာရီ ငါလာကြိုမယ် ဒီရုံရှေ့ကပဲစောင့် ဘယ်မှလျှောက်မသွားနဲ့” ဟု မှာခဲ့ပြီး ထွက်သွားပါတော့သည်။

ကျူဖျာထရံတွေ ကာထားသော ဖုန်တသောသောထနေသည့် ပွဲရုံထဲ တယောက်ထဲဝင်သွားရဲခြင်းသည် အပျော်ကြူးသော လူငယ်တဦး၏ တက်ကြွရွှင်လန်းခြင်းမဟုတ်သလို၊ တကိုယ်တော် မိုက်ရူးရဲခြင်းလည်း မဟုတ်မှန်း ကိုယ်တိုင်သိနေခဲ့ပါသည်။ ထိုင်ခုံနေရာရှာတော့ နေရာက နောက်နားတော်တော်ရောက်သည်။ ထိုင်ခုံများမှာ သစ်သားခေါက်ကုလားထိုင်များ ဖြစ်ကာ တခုံနှင့်တခုံ ကြိုးများဖြင့် တွဲသီထားပါသည်။ ပွဲခင်းထဲ ရောက်ချိန်၌ အလင်းရောင်လက်ကျန်ရှိသေးပြီး ဘေးခုံများတွင် လူရောက်မလာသေး။ ညမှောင်လာသည်နှင့်အမျှ ကိုယ့်ဘေးကို ဘယ်လိုလူတွေများရောက်လာလေမလဲဟု စိုးလွင်လွင်သီချင်းလို တိုးတိတ်စိုးထိတ် ကြောက်နေပါပြီ။ အချိန်ကျလာတော့ မျှော်လင့်ထားသလို မိန်းမဖော်များက ရောက်မလာ၊ ကောင်လေးများရောက်လာသည်။ ဒန်တန့်တန်။ သို့သော်…မနေနိုင် မထိုင်နိုင်တော့သော ကိုယ်ကပင် ဦးအောင် "ဒီနေရာလက်မှတ်တွေက အန်တီမြတို့ကို ရောင်းထားတာ မဟုတ်လား" စကားစလိုက်သည်နှင့် "ဟုတ်ပါတယ် သူတို့မအားလို့ ကျွန်တော်တို့ကို သွားကြည့်ကြဆိုပြီး လက်မှတ်သုံးစောင်ပေးလိုက်တာပါ။ ကျွန်တော်တို့က အောင်မင်္ဂလာကျောင်းက ကျောင်းသားတွေပါ" ဟု ဆိုလိုက်သောအခါ ကျမရင်ထဲမှ "ဟေး" ဟုပင် အော်လိုက်မိပါတော့သည်။ ကျမမိဘများ ဆွမ်းဝတ်ပြုနေသော အောင်မင်္ဂလာ စာသင်တိုက်မှ ကျောင်းသားများသည် ကျမကို ထိဖို့တို့ဖို့ မဆိုထားနှင့် အကယ်၍ အန္တရာယ် တစုံတရာ ကျရောက်လာလျှင်ပင် ကျမအား အသက်ပေး၍ ကာကွယ်ကြမည့်သူများပေဟု စိတ်ထဲမှ ယုံကြည်မိ၍ ဖြစ်ပါသည်။ (လွန်ခဲ့သော အနှစ်နှစ်ဆယ်က ယဉ်ကျေးမှုကို တလေးတစား ထည့်သွင်းဖော်ပြခြင်းမျှသာ)

ပွဲစတော့ စင်ကို မမြင်ရတော့ပါ။ ကျမလည်း ဘုန်းကြီးကျောင်းသားများနှင့် တန်းတူညီတူ ထိုင်ခုံပေါ်တက် မတ်တပ်ရပ် ကြည့်ရပါတော့သည်။ မှတ်မှတ်ရရ စိုးသူ စင်ပေါ်ရောက်သည် ဆိုလျှင်ပင် တနေရာမှ ရုန်းရုန်း ရုန်းရုန်းထဖြစ်ပါသည်။ မျှော်လင့်ပြီး ဖြစ်သည့် ရန်ဖြစ်ကြသည်ဟူသော စကား ပရိသတ်တွေက လက်ဆင့်ကမ်းယူလာသည်။ ကိုစိုးသူကတော့ ပွဲဆူအောင်လုပ်လေပြီဟု အူတူတူအတတ တက္ကသိုလ်ကျောင်းသူကျမပင် တန်းသိလေသည်။ ခဏနှင့် ငြိမ်သွားသည်။ ကိုစိုးသူလည်း သီချင်းတွေ ဆက်ဆိုနေသည်။ နောက်ဘယ်သူတွေ ဆိုလေသလဲ မမှတ်မိတော့ပါ။

ကျမလည်း ညောင်းရင် ထိုင်လိုက်၊ ကြည့်ချင်လာရင် ခုံပေါ်တက်လိုက်နှင့် လေ့ကျင့်ခန်း ယူနေပါသည်။ စိုးလွင်လွင်ဟု ကျေညာလိုက်ချိန်မှာတော့ ထိုင်ခုံပေါ်မှာ အပီအပြင်ရပ်နေပြီ ဖြစ်ပါသည်။ နောက်က လူများကိုလည်း အားမနာနိုင်တော့ပါ။ ကိုစိုးလွင်လွင် သီချင်းတွေ အများကြီးဖြင့် အကြာကြီး ဖျော်ဖြေပါသည်။ သို့သော် ဘာမူးသလဲတော့မသိ ယိုင်ထိုးနေပါသည်။ သူနဲ့ အပြိုင်ယိုင်နေကြသော ကောင်လေးတွေကလည်း စင်ပေါ်တက် ၂၀၀တန်တွေ သူ့ပါးစပ်ထဲထည့် ဆုချကြပါသည်။ ဘယ်လိုကြီးလည်း ထူးဆန်းထွေလာတွေပါလား ဟူသော ခံစားမှုကိုရစေပါသည်။ (ထိုခေတ်အခါက ပွဲကြည့်လာသူ ပရိသတ်မှာ မီးရောင်ထိုးထားသောစင်ပေါ်သည် မိမိနှင့်မဆိုင်သော ကန့်သတ်နယ်မြေ အဖြစ်သာ နားလည်ကြပါသည်။) တီးဝိုင်းက သူဆိုပါမည်ဟု ကျေငြာလိုက်သော သီချင်းကို တီးနေပြီ သူက ၀င်ရမည့်နေရာမှာ မ၀င်သေး ဆိုချင်သည့်နေရာက ထဆိုသည်။ တီးနေသူတွေ မျက်နှာတွေ ရှုံမဲ့ကာ သူဆိုသောနေရာက တရောသောပါးလိုက်တီးရသည်။ ကျမ မခံစားနိုင်တော့ပါ။ ညဥ့်နက်လာသည်နှင့်အမျှ နာရီ အတော်ကြာ အာရုံပြင်းပြင်းတွေကို တလစပ် မြည်းစမ်းနေတော့ လူလည်း ငိုင်စပြုလာပါပြီ။ နာရီကြည့်လိုက်တော့ ၁နာရီထိုးဖို့ ၁၅မိနစ်အလို…ပွဲခင်းထဲကနေ ထွက်လာလိုက်တော့သည်။ ရုံရှေ့ရောက်တော့ ကိုလတ်ကရောက်နေပြီ။ ဆိုင်ကယ်နောက်ခုံလေးက ထိုင်လိုက်လာရင်း မောင်နှမနှစ်ယောက် အိမ်ပြန်လာကြတော့ (စိုးလွင်လွင် သီချင်း ထဲကလို မင်းဆံနွယ်တွေ တောင်ပံဖြန့်စရာ ဆံနွယ်တွေတော့ မရှိပါ။) နားနှစ်ဖက်မှာ ၀တ်ထားတဲ့ နားစွဲအရှည်ကြီးကတော့ လေထဲမှာ ၀ဲလို့

ဒီပို့စ်မှာတော့ ဆို နှင့် ပတ်သက်သည်များသာ၊ က ကိုတော့ သည်မှာ ရှုစားနိုင်ပါသည်။ ရေး တာတွေကတော့ ဘလော့ပေါ်မှာ ကပေါက်တိ ကပေါက်ချာ၊ တီး ကတော့ စောင်းကြီးပိုက်ရိုက်ထားသည့် ဓာတ်ပုံ ကိုယ်နဲ့ အတူရှိမနေတော့၍ မကြွားနိုင်တော့ပါ။
(ကျမ ၁၆နှစ်မတုန်းက အိမ်မှာအလှထားသည်ဟုပင် မဆိုနိုင်သည့် ဖုန်အလိမ်းလိမ်းတက်နေသည့် စောင်းကြီးကို သူ့ဟာသူ ဖုန်သုတ်ယူလာပြီး၊ ဒီလိုထိုင် ဒီလိုပိုက် လက်ကို ဒီလိုထားရတယ်ဟဲ့ ဆိုပြီး ကိုလေး ရိုက်ပေးထားသော ဓာတ်ပုံဖြစ်ပါသည်။)

မကြီး အကြောင်းရေးပြီး အကြွေးကျန်နေသည့် အကိုသုံးယောက်အကြောင်း ကို ရေးမိလျက်သားလည်း ဖြစ်သွားပါသည်။

သားကြီး ၁၁နှစ်ပြည့် မွေးနေ့ (August 17)အတွက် မေမေပေးထားပြီးသားအကောင်းဆုံးလက်ဆောင် ညီလေးနဲ့ အတူ တွဲညှပ်ပေးချင်တဲ့ လက်ဆောင်တခုလည်း ဖြစ်ပါတယ်။

(လူဆိုတာ ခြောက်ပြစ်ကင်း သဲလဲစင်မဟုတ်၊ အမှားနှင့်မကင်းကြပါ။ သည်းခံခွင့်လွှတ်အနစ်နာခံစိတ်များဖြင့် သွေးရင်းသားရင်း မောင်နှမချင်းတွေ ရှေးကထက်ပိုချစ်စေလိုသော ဆန္ဒဖြင့်)

ဒေါက်တာ နန္ဒမာလာဘိဝံသ၏ တရားပွဲ

http://www.smcmeditation.org/DrN_0809.jpg

ချစ်ခြင်းအားဖြင့် ထူးအိမ်သင်

တနေ့က သုနှင်းဆီက ကဗျာ ပို့စ်တင်တော့
“… မိတ်ဆွေကြီး သုနှင်းဆီကိုးးး
တွေ့ရတာ လှလိုက်တာဗျာ…
(ကဗျာကို ပြောတာပါ)” လို့ ကော်မန့်သွားရေးခဲ့ပါတယ်။
တွေ့ရတာ လှလိုက်တာဗျာ…ဆိုတာ သင်္ကြန်မိုးဇတ်ကားထဲမှာ ကိုလတ်ကြီး(ဇော်ဝမ်း)က မနွယ်(မေသန်းနု)ကို နှုတ်ဆက်လိုက်ပုံလေးကို ယူသုံးလိုက်တာပါ။
မိန်းမချောလေးတယောက်ကို မြင်မြင်ချင်း တွေ့တွေ့ချင်း မခိုးမခန့် လုပ်လိုက်ပုံကို စိတ်မျက်စိထဲ နှစ်ခါ သုံးခါပြန်မြင်လိုက်ပြီး ကော်မန့်မှာတောင် (ဇော်ဝမ်းလေသံဖြင့် ဖတ်ပါလို့) ထပ်သွားဖြည့်ရင်ကောင်းမလား တွေးမိခဲ့ပါသေးတယ်။
နောက်တနေ့မှာပဲ သက်ဝေက message ပို့လာတယ်။
Zaw One passed away last nite :( တဲ့
အို..

ဦးဇော်ဝမ်းက ကိုယ်ရဲ့ အသည်းစွဲ အနုပညာသည် မဟုတ်ပါဘူး။ ကိုလတ်(ကျမ၏ အကိုသုံးယောက်အနက်မှ အလတ်)ကတော့ သူ့သီချင်းတွေ အတော်ကြိုက်ပါတယ်။
မိစိမ်းကားရဲ့ မာယာတောမြိုင်ခြေ...
မုဆိုးကောင်းတို့မည်သည် လမ်းမမှားချေ.. သားကောင်ကိုဖွေ. ချော့မြှူကစားကာ သုဘဒ္ဒါလို အသည်းမာသူပါလေ.. ကျားမျက်ရည်ဆို ခြေတော်သူဆေးနေ... ဆိုတဲ့ သီချင်း အခွေပါးအောင်ဖွင့်လွန်းလို့ ကိုလတ် အသည်းများကွဲနေသလား လို့ ဘေးကနေ အကဲခတ်ခဲ့ရတာအမော..ဖွင့်လည်းမမေးရဲဘူး။ ကိုယ့်ထက်အကြီးလည်းဖြစ်ပြန်၊ မောင်နဲ့နှမ ပါးစပ်က ဖွင့်ဆွေးနွေးလို့ သင့်တော်တဲ့အကြောင်းအရာ မဟုတ်ဟု လိုက်နာရတဲ့ (တင်းကြပ်တဲ့) ယဉ်ကျေးမှု ဓလေ့ ထုံးစံတွေရှိခဲ့ပါတယ်။
*****

မနေ့ကပါပဲ
ပေါက်နဲ့ မငုံက CBox မှာလာနှုတ်ဆက်ထားတော့
ပေါက်နဲ့ မငုံရေ…လူက low spirits ဖြစ်နေတယ်…ကော်မန့်တွေတော့ ချစ်ခြင်းအားဖြင့် ကြိုးစားရေးနေပါတယ် လို့ ပြန်လိုက်တယ်။
ချစ်ခြင်းအားဖြင့် ဆိုတာ ဘလော့ဂ်ရေးဖော်ရေးဖက်တွေ အားလုံးကို ရည်ညွှန်းလိုက်တဲ့ ထူးအိမ်သင်ရဲ့ အသုံးလေးကို ယူသုံးလိုက်တာပါ။ ခဏနေတော့ တွေးမိပြန်တာက ငါ့အခြေအနေနဲ့ ဒီလောက်လှတဲ့ အသုံးကို ယူသုံးဖို့ မသင့်ပါဘူးလေ ဆိုပြီး messageကို ပြန်ဖျက်ထားလိုက်ပါတယ်။

ဒီနေ့က ထူးအိမ်သင်နေ့တဲ့
ဘယ်သူမှ ရိုက်မစစ်ပဲ ပြောခဲ့ပါရစေနော်…
သူ သီချင်းဆိုရင်လေ ကိုယ့်တယောက်ထဲကို ဆိုပြနေသလိုပဲ…
တကယ်တော့ သူက လူတွေအများကြီး တယောက်ချင်း တယောက်ချင်းဆီကို အဲ့လို ခံစားချက်မျိုး ဖြစ်အောင် ဆိုသွားခဲ့တာ…
အို ရှင်းရှင်းပဲ ပြောမယ် ရှင့်နှလုံးသား အကြီးကြီးကို ကျမချစ်တယ်
(ရှင်သိအောင် ပြောလိုက်ဦးမယ်။ ဟို ကိုဧရာဆိုတဲ့ လူလည်ကြီးတောင် ရှင့်ကိုခုတုံးလုပ်ပြီး ကျမကို မလိမ့်တပတ် လုပ်သွားသေးသတော့…)

ထိုတည

“ဆရာ ဆရာ တံခါးဖွင့်ပါဦး” “ဆရာ”

အချိန်က ညသန်းကောင်နားနီးနေပြီ။ အိမ်ရှေ့မှ တကြော်ကြော်ခေါ်နေသည်။
အစေ့ပိတ်ထားသော အိမ်ရှေ့ တံခါးမကြီးကို အသာဟကြည့်တော့ ဆိုက်ကားပေါ်မှာ လူတယောက်၊ ဆိုက်ကားဆရာက တံခါးဖွင့်ပေးရန် တကြော်ကြော်အော်နေခြင်းဖြစ်သည်။
“ဘာဖြစ်လာတာလဲ” ဟု မေးရင်း၊ တံခါးသွားဖွင့်ချိန်တွင် ဆရာဝန်က မီးဖွင့်ပြီး ဆေးခန်းထဲမှာ အသင့်စောင့်နေသည်။
“သေနတ်ထိလာလို့”
“ဟင်! ဘယ်ကို ထိလာတုန်း”
“ခြေသလုံးနဲ့ ပေါင်မှာပါ..” ဆိုက်ကားဆရာက ဖြေနေခြင်းဖြစ်သည်။
“လာလာ ရှင်တွဲခေါ်လာခဲ့” …ဆိုက်ကားဆရာကို ပြောလိုက်သည်။
*****
လူနာဆေးခန်းထဲရောက်တော့ ဆရာဝန်က ဘယ်အချိန်က ဘယ်လိုဖြစ်လာတာလဲ ဟုမေးသည်။
“အ၀ိုင်းမှာ ဆရာ၊ သူတို့ ပစ်တာ…”
“အ၀ိုင်းမှာ ပစ်တယ်ပြောသံကြားလိုက်တာ ညဦးပိုင်းလောက်ကပဲ”
“ဟုတ်ပါတယ်ဆရာ… ၉-နာရီလောက်ကတည်းကပါ။ မြို့ထဲက ဆေးခန်းတွေ တခုဝင် တခုထွက်နဲ့ ကြည့်မပေးကြလို့ ဒီနေရာထိ အခုမှရောက်လာတာပါ။”
လူနာ ကုတင်ပေါ်ရောက်တော့ ဆရာဝန်က စစ်ဆေးမှုတွေ ပြုနေသည်။
ပေါင်ကတော့ ရှပ်ထိသွားတာ ကိစ္စမရှိဘူး။ ခြေသလုံးကတော့ ကျည်ဆန်ဖောက်ဝင်သွားတယ်။ ခွဲထုတ်ရလိမ့်မယ်။
“ရပါတယ်ဆရာ လိုအပ်သလို လုပ်ပါ။”
ဆရာဝန်သည် ခြေသလုံး ကျည်ဆန်ဖောက်ဝင်သွားသော နေရာကို ကိရိယာများဖြင့် အတွင်းမှ ကျည်ဆန်တောင့်ကို ထုတ်ယူနိုင်ရန် ကြိုးစားနေသည်။ အတန်ကြာသည်အထိ ကျည်ဆန်က ရှာမတွေ့ဖြစ်နေသည်။
“ကျည်ဆန်ကို ရှာမရဖြစ်နေတယ်။ ဘယ်သေနတ်အမျိုးအစားရဲ့ ကျည်လဲ … G3 လား၊ G4 လား မသိဘူး။ အောင်ဝင်းဆီ ဖုန်းဆက်လိုက် အကျိုးအကြောင်းပြောပြပြီး အခုလာခဲ့ပါလို့ ပြောလိုက်…။” ဆရာဝန်က သူ့သူငယ်ချင်း ဆရာဝန်ဆီ ဖုန်းဆက်ခိုင်းခြင်းဖြစ်သည်။
“ဒီအချိန်ကြီး လာပါ့မလား။”
“ဆက်သာဆက်လိုက်စမ်းပါ။”
*****
နာရီဝက်ခန့်အကြာမှာပင် သူငယ်ချင်းဆရာဝန် ရောက်လာသည်။ ဆေးခန်းလေး အတွင်း၌ လူသုံးဦးရှိနေသော်လည်း လိုအပ်သော အသံမှလွဲ၍ တိတ်ဆိတ်နေသည်။ လူနာတို့၏ အမျိုးမျိုးသော ညီးညူးအော်ဟစ်သံများနှင့် ရင်းနှီးဖူးပြီးသောနားသည် ထိုလူနာ၏ အော်သံ မကြားရခြင်း၌ အမည်မသိသော ထူးခြားမှုကို ဖြစ်စေသည်။ ခန်းဆီးလေးကို အသာလှစ်ကြည့်မိတော့ ဆရာဝန်နှစ်ယောက် ခေါင်းချင်းဆိုင် အလုပ်ရှုပ်နေကြပြီး၊ လူနာမှာ နံရံဖက်သို့ မျက်နှာမူနေ၍ သူ့မျက်နှာအနေအထားကို မမြင်ရ။ ဆိုက်ကားဆရာကတော့ အိမ်အပြင်မှာပင် စောင့်နေဟန်တူသည်။

သိပ်မကြာလိုက်ဟု ထင်ရသော အချိန်အပိုင်းအခြားအတွင်းမှာ လူနာ ဆေးခန်းအတွင်းမှ ထွက်လာသည်။ ဆရာဝန်က Antibiotic - one course နှင့် အကိုက်အခဲ ပျောက်ဆေး တပတ်စာ လူနာအားပေးလိုက်ရန် ညွှန်ကြားသည်။ တံခါးပေါက်အရောက်၌ လူနာက “ဆရာတို့ကို ကျေးဇူးတင်ပါတယ်” ဟု ပြောသွားသည်ကို ကြားလိုက်ရသည်။
*****
နောက်နေ့ ဆေးခန်းဖွင့်ချိန်ကုန်ဆုံးသွားသောအခါ “မနေ့က ဟိုလူနာ ဆေးလည်းလာမထည့်ဘူး” ဟု ပြောမိတော့ ဆရာဝန်က မကြားဟန်ပြုနေသည်။

ဆေးခန်း စတင်ဖွင့်ချိန်မှ စ၍ လူနာတဦးချင်းစီ၏ ကျန်းမာရေး မှတ်တမ်းကို အမည်၊ အသက်၊ နေရပ်လိပ်စာနှင့်တကွ စနစ်တကျထားသော ဤဆေးခန်းလေးတွင် ထိုတညမှ ထိုလူနာသည် မှတ်တမ်းဖွင့်မထားလိုက်သော လူနာ ဖြစ်သည်။

ခုတလော ဧရာသီတာတို့...

ခုတလော

ကိုအောင်သာငယ်နဲ့	မနော်ဟရီက တက်ဂ်တဲ့ အတွက်
ဧရာ	သီတာ တို့
တွေးနေမိတာက
အပြောင်းအလဲတွေအကြောင်း...။	မိဘမေတ္တာအကြောင်း(“ကမ္ဘာမီးလောင် သားတောင်ချနင်း” ဆိုတဲ့ စကားပုံနဲ့ ဆက်စပ်ပြီး)
ကိုယ့်ကိုယ်ကို ပြန်ဆင်ခြင်မိတာက
“ငါ” ဘာလဲလို့ ကိုယ်တိုင် တိတိကျကျ မသိသေးပါလား… ။	မပြည့်မစုံနဲ့ပဲ သေဆုံးသွားတော့မလား…
ကျန်းမာရေး
ကောင်းပါတယ်။ နှာစေးတာက လွဲလို့… ။	ခြေတွေ၊ လက်တွေ မသယ်ချင်ပါ။ (အချိုမှုန့်ပါတာ စားမိတယ်ထင်တာပဲ… ဆိုင်လားတော့ မသေချာ။)
ဖတ်ဖြစ်တဲ့စာအုပ်တွေက
လက်လှမ်းမီတဲ့ စာအုပ်။ အပျင်းကြီးတော့ အိပ်ယာနံဘေး စာအုပ်စင်က လက်လှမ်းမီတဲ့ စာအုပ်တွေပဲ ဖတ်ဖြစ်နေပါတယ်။
ရောက်နေဖြစ်တာက
အိမ်နဲ့ အလုပ်၊ အလုပ်နဲ့ အိမ်	လျှောက်နေကျ လမ်းတလျှောက်
ရေးဖြစ်နေတာက
အလုပ်ထဲက email နဲ့ reports တွေ …။ အဲ… “ခုတလော” ပို့စ်	ကိုယ့်အကြောင်းတွေချည်း (ရှက်သလိုလည်း ဖြစ်မိတယ်။)
နားထောင်ဖြစ်နေတာက
မြန်မာ သတင်းပါပဲ… BBC, VOA, RFA အစုံပေါ့ ။ သားတော်မောင် ထထဖွင့်တဲ့ သီချင်းတွေလည်း နားထောင်ဖြစ်ပါတယ်။	BBC မြန်မာပိုင်း သတင်းအစီအစဉ်
ရွတ်နေမိတဲ့ကဗျာက
ကောင်းမှုမြတ်နိုး၊ ကောင်းအောင်ကြိုး၍၊ ကောင်းကျိုးကိုယ်၌ တည်စေမင်း…။
ဖြစ်ချင်နေတာက
ကိုယ်လုပ်ချင်တာတွေ လုပ်ပြီး ချမ်းသာတဲ့သူ၊ ကိုယ်စားချင်တာတွေ စားပြီး ကျန်းမာတဲ့သူ၊ ကိုယ်ရေးချင်တာတွေ ရေးပြီး စာရေးဆရာကြီးတွေလို နာမည်ကြီးတဲ့သူ၊ အဲ…. အများကြီးပါပဲ…။	အောင်မြင် ကျော်ကြား လူကြိုက်များသော ဘလော့ဂါတယောက် (လုပ်ချလိုက်ပြန်ပြီ…အတည်မယူပါနဲ့နော်)
စားဖြစ်နေတတ်တာက
မသီတာချက်ကျွေးတဲ့ ဟင်းနဲ့ ထမင်း	အချဉ်သီးတွေ… (ပိန်ချင်လွန်းလို့)
သနားနေမိတာက
ကိုယ်အပါဝင် မြန်မာလူမျိုးတွေ… ။
လွမ်းနေမိတာက
မန္တလေးအိမ်က စာအုပ်သေတ္တာတွေ… ။	အဖြူ အစိမ်း ၀တ်ထားတဲ့ လွယ်အိတ်လေးတွေလွယ်ထားတဲ့ တပြေးညီ လှိုင်းလုံးကြီးတွေ
မေ့လျော့ပစ်နေမိတာက
တရွေ့ရွေ့ကြီးလာတဲ့ ကိုယ့်အသက်…	အမှား ပါးပါးလေးတွေ
ခါးသက်နေမိတာက
ထွေးအန်ပစ်ချင်မိတဲ့ အမှားတွေ…။	သိသင့်တာကို သိ၊ မသိသင့်တာကို မသိနဲ့တဲ့
တမ်းတနေမိတာက
ငယ်စဉ်ကလို လျှစ်စစ်မီး မှန်မှန်လာတဲ့ မန္တလေး၊ မင်းတုန်းမင်းခေတ်၊ ကိုလိုနီခေတ်ကလိုပဲဖြစ်ဖြစ် လွတ်လပ်တဲ့ သတင်းစာ၊ ကျွန်တော်တို့ ဆရာတွေခေတ်ကလို တက္ကသိုလ်၊ မြို့မငြိမ်းတို့ခေတ်ကလို သီချင်းတွေ၊ …
ကြိတ်ပြီးချီးကျူးနေမိတာက
ငါ… တယ်တော်ပါလား လို့။	ကိုယ့်ထက်ငယ်တဲ့ ဘလော့ဂါ အချို့
ကြိတ်ပြီးအထင်သေးနေမိတာက
ဘာမှ မဟုတ်ပဲ “ငါတယ်တော်ပါလား လို့” တွေးတတ်နေတဲ့ ကိုယ့်ကို… ။	တိုးတက်မလာတဲ့ ကိုယ့်ကိုယ်ကိုယ်
ဆန္ဒမရှိတဲ့နေရာ
အကြမ်းဖက်သမားတွေကြီးစိုးတဲ့ နေရာ…။	မဏ္ဍပ်တိုင်
ဆန္ဒရှိနေတဲ့ကိစ္စ
ကိုယ်စွမ်းနိုင်သလောက်နဲ့ အများအကျိုးရှိမယ့်ကိစ္စ	ကလေးများအတွက် မြန်မာစာ ၀က်ဆိုဒ်
မုန်းတီးနေမိတာက
နာရီ… အထူးသဖြင့် အိပ်ယာထရင်ပေါ့။	မလိုတမျိုး လိုတမျိုး လေသံ အနိမ့်အမြင့်တွေ
ချစ်နေတာက
အချစ်… ။ သီတာရေစင်ပမာ တသွင်သွင်စီးနေတဲ့… အချစ်။	ချစ်ခြင်းတရားတို့ မြစ်ဖျားခံရာ ဧရာဝတီ (လူကြားကောင်းအောင် ရောချလိုက်ပြန်ပြီ)
စိတ်ပျက်နေမိတာက
ကိုယ့်ဘ၀ကောင်းစားရေးအတွက် ဘာမဆိုအကုန် စတေးမယ့် လူတွေ…။	နည်းနည်းသာ စားသော်လည်း များများပူသောဗိုက် (အားရပါးရ မစားရ၍)
စွဲလန်းနေမိတာက
ကိုယ်ယုံကြည်ရာ…	အိပ်မက်တဲ့ အရာတွေ အားလုံး
လိုအပ်နေတာက
အမှန်တရား စိုးမိုးရေး	သဘောထားအမှန်
တောင်းနေမိတဲ့ဆု
ဆုတောင်း ခဲပါတယ်… ။ လုပ်ယူမှသာ ရတတ်လို့…။	ထောက်ရာတည်ရာ ရ,ရပါလို၏။
ထပ်ပြန်တလဲလဲအော်ဟစ်နေမိတာက
ပါးစပ်ထဲရောက်လာတဲ့ သီချင်းမှန်သမျှ။ တခါတလေ မေတ္တာသုတ်ပရိတ်လည်း ပါရဲ့။	သားကြီး စာကြည့်စမ်း၊ ဘာစာလုပ်ပြီးပြီလဲ)))
ဝန်ခံချင်တာက
ကိုယ့်အမှားကို လွယ်လွယ်နဲ့ ၀န်မခံချင်တာ… ။((ကိုအောင်သာငယ်, မနော်ဟရီ နဲ့ မသီတာတို့ရဲ့ ခုတလောကို မှီငြမ်းပြုပြီး ရေးပါတယ်။ ))	ပို့စ်တွေ ရေးသာရေးနေတာ ဘာကို ကြောက်မှန်းမသိ လန့်တာကတော့ ခပ်လန့်လန့်ပဲ…သိပ်တော့လည်း မထူးဆန်းပါဘူးလေ…ရေတွေကို ငုံ့ကြည့်တော့လည်း …ရေပေါ်မှာ နှာခေါင်းလေးဖေါ်မထားတတ်လို့…ကြောက်၊ ကောင်းကင်ကို မော့ကြည့်တော့လည်း တခွင်တပြင်ထဲ အမှုံလေးတစလို လွှင့်သွားမှာကို…ကြောက်၊ ကျယ်ပြောနက်ရှိုင်းရှုပ်ထွေးတဲ့ အရာတွေကို ကြောက်တယ်။