Tuesday, June 26, 2012

အချစ်နှင့် သက်ဆိုင်သော အကွက်ကလေးများ

ဒီနေ့တော့ ဈေးသွားရမည်။ ဟင်းချက်စရာဝယ်ရန် ဖြစ်သည်။ ရေခဲသေတ္တာထဲတွင်လည်း ဗလာကျင်းနေပြီ။

အိမ်ကထွက် ကားပက်ကင်ကို ဖြတ်အပြီးမှာ၊ ကားလမ်းနဘေးရောက်သည်။ ထိုလမ်းကို လူကူးဂုံးကျော်တံတားမှ ကူးဖို့ရန် ဖြစ်သည်။ ဈေးသည် လမ်း၏ ဟိုမှာဘက်ခြမ်းတွင် ရှိနေသည်။ လှေကားထစ် အနည်းငယ်ကို တက်ရပေဦးမည်။

ကားများ မိမိခြေဖ၀ါးအောက်မှ ဥဒဟို သွားနေကြခြင်းသည် အတန်ငယ် ဆန်းကြယ်သော ခံစားချက်ကို ဖြစ်စေသည်။ ဖြတ်သန်းသွားနေကြသော ယာဉ်များသည် မိမိထံမှ တစုံတခုကို အတင်းအဓမ္မယူဆောင်၍ မောင်းနှင်သွားကြသည်လား…။ သို့မဟုတ် မိမိထံမှ တစုံတခုသည် ထိုထိုယာဉ်မျာနှင့် စိတ်လိုလက်ရ လိုက်ပါသွားကြသည်လား မသေချာသော ခံစားချက်မျိုး ဖြစ်သည်။ တွယ်ငြိလိုသူ၏ ကျန်ရစ်နေရခြင်း ဝေဒနာလည်း ဖြစ်နိုင်သည်။

မိမိသည် တည်ငြိမ်နေသော တံတားတခုပေါ်တွင် ကိုယ်ပိုင်ဆိုင်၍ ကိုယ်နှင့်အလွန်အကျွမ်းတ၀င်ဖြစ်သော အလျင်ဖြင့် သွားမြဲအတိုင်း သွားနေစဉ်၊ မိမိ၏အထိန်းအကွပ်နှင့် လွန်စွာကင်းလွတ်သော အရာများသည် အရှိန်အဟုန် ပြင်းပြင်းဖြင့် မိမိကို ဖြတ်ကျော်နေကြသည်။ အငြိမ်၊ အလှုပ်နှင့် အရှိန်တို့ အတင်းကာရော ဟန်ချက်ညီနေကြလေ၏။

ဟန်ချက်တွင် ပျော်ဝင်နေစဉ် တွေကနဲ တချက်ဖြစ်သည်။ တံတားပေါ်မှာပင် ရှိနေသေးသည်။ တဖက်ကမ်းနှင့်တော့ ပို၍နီးကပ်နေပြီ်။ တံတားအောက်မှာ ကားမှတ်တိုင်ရှိသည်။ မှတ်တိုင်၏ အတွင်းဖက်ကျကျတွင် ရှပ်လက်တိုအကွက်နှင့် လူတယောက် လက်ကိုင်ဖုန်းမျက်နှာပြင်ကို တို့ထိ ငုံ့ကြည့်ရင်း ကားစောင့်နေသည်။ လမ်းဆက်လျှောက်ရင်း တွေကနဲဝယ် ရင်ခုန်နှုန်း ရုတ်ချည်း ပြောင်းသွာသည်လား…။ သို့မဟုတ် ရပ်သွားသည်လား…။ ပြန်တွေးမိသည်။ မသေချာ။

သေချာသည်မှာ အတိတ်၊ ပစ္စုပ္ပန်နှင့် အနာဂတ်တို့ အတင်းကာရော ငြိသွားခြင်း ဖြစ်သည်။ ချစ်ခြင်းဟု အလွယ်ခေါ်မည်။ နှုတ်ခမ်းလေး လှုပ်သည်။ ပြုံးယောင်ယောင်လေး ဖြစ်သည်။

*****

မနက်အစောစာကို ကော်ဖီတခွက်နှင့် ပြီးလေ့ရှိသည်။ ဒီမနက်တော့ အဖတ်လေးပါစားချင်မိသည်။ ဟိုမှာဘက်လမ်းကို သွားဝယ်ရမည်။

လူများသည် အရှေ့မှ အနောက်သို့၊ အနောက်မှ အရှေ့သို့၊ တောင်ကလူက မြောက်သို့၊ မြောက်ကလူက တောင်သို့ သွားနေကြသည်။ အစာရှာဖို့ရာ ဖြစ်သည်။ ထိုသူများသည် ထိုသူများသာဖြစ်၍ မိမိသည်လည်း မိမိသာ ဖြစ်သည်။ မိမိသည် မိမိကိုယ်ကို ထိုသူများနှင့် ပူးကပ်မကြည့်မိအောင် သတိထားရသည်။ မိမိနှင့် အသွင်သဏ္ဍန်အားဖြင့်မတူသလို၊ အခြေအနေအားဖြင့်လည်း ခြားနားသည်။ မတူညီခြင်းနှင့် တူညီခြင်းများ လိုက်လျောညီထွေ ရှိနေသော နေသာသည့်နေ့တနေ့ ဖြစ်သည်။

မိမိသည် ရံခါများစွာပင် ငှက်ကလေးများ စိုးစီစိုးစီနှင့် အစာရှာထွက်ချိန်ကို ကြုံဆုံဖူးသည်။ အိမ်တွင်အလွယ်ရှိသော ဆန်ကွဲ၊ ပဲ စသည်တို့ကို ချကျွေးခဲ့ဖူးသည့် အခါများသည် ဟိုးအတော်ဝေးဝေးမှာ ကျန်နေခဲ့ပြီ။ အခုများတော့ မင်းတို့ သိပ်ဆူတယ်ကွာဟု ဟန်ဆောင်ရန်လုပ်ရင်း သူတို့ ပျံသန်းရာ အရပ်များဆီ လိုက်လံငေးမောခြင်းသာ တတ်နိုင်တော့သည်။

ဝေးလွင့်သော အတွေးရှင်၏ အချစ်ရှာထွက်သော မျက်ဝန်းအကြည့်တို့သည် လမ်းနဘေးက ကားမှတ်တိုင်တွင် အလိုအလျောက် ရပ်တန့်သည်။ မျှော်လင့်မထားသော အပြုံးတခုသည် နှုတ်ခမ်းထက်သို့ ခိုမှီခွင့်ရသွားပြန်သည်။ ကားစောင့်နေသော ရှပ်အကွက်လေးသည် မှတ်တိုင်တွင် ထိုင်ရင်း စာတအုပ်ကို ဖတ်နေသည်။

*****

ထိုထိုသော အမှတ်မထင်များ၊ တခါတရံများ၊ တိုက်ဆိုင်မှုများနှင့် ကြုံဆုံနေသူတယောက်သည် တကြိမ်တခါတွင်တော့ လမ်းဆုံးတခုမှာ ရှိနေသောအချစ်ဆီ မျှော်ကိုးရင် ထိုလမ်းကို လျှောက်သည်။ မြင်ကွင်း သေးသေးလေးထဲမှ ရှပ်အကွက်လေးသည် မိမိအား ပြုံး၍ ဆီးကြိုနေသည်။ ပို၍ ပို၍ ထင်ရှားလာသောထိုလမ်းဆုံးသည် မှတ်တိုင်တခုပင် ဖြစ်တော့သည်။    ။

    (မနက်ရုံးသွားတိုင်း အဲ့လူကြီး... ကားစောင့်ရင်း ငါ့မိန်းမ ငါ့ကို ဘယ်နားကများရှိုးနေမလဲလို့ တွေးနေတော့မယ်... အော် အသင်လောက...:D)

12 comments:

mstint said...

အရေးကောင်းသလို ဖတ်ကောင်းတယ် မသီတာရေ။
ကိုဧရာက အင်္ကျီအကွက်လေးတွေ နှစ်သက်ပုံရတယ်း)
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

Thandar Lwin said...

သိပ်ချစ်ဘို့ကောင်းတာဘဲ မမသီတာ က ...း)
ဦးဧရာ ကတော့ ဖတ်ပြီး ပြုံးပြုံးကြီး ဖြစ်နေမှာ ။

သက်ဝေ said...

ဖတ်ပြီး ပြုံးနေမိတယ်
ဟုတ်တယ် နောက်ဆို သူ စာဖြောင့်ဖြောင့် ဖတ်နိုင်တော့မယ်မထင်ဘူး ကိုယ့်ကို တယောက်ယောက်ကများ ကြည့်နေသလားလို့  တွေးနေတော့မှာ... :-)

ဒီလိုရေးပုံလေး ကြိုက်တယ်...

သက်ဝေ said...

ဖတ်ပြီး ပြုံးနေမိတယ်
ဟုတ်တယ် နောက်ဆို သူ စာဖြောင့်ဖြောင့် ဖတ်နိုင်တော့မယ်မထင်ဘူး ကိုယ့်ကို တယောက်ယောက်ကများ ကြည့်နေသလားလို့  တွေးနေတော့မှာ... :-)

ဒီလိုရေးပုံလေး ကြိုက်တယ်...

Anonymous said...

အစ်မသီတာ....
ဆုံးတဲ့အထိ ဘာကိုလဲလို့ အရမ်းစိတ်ဝင်စားပြီး လိုက်ဖတ်နေတာ.. စာရေးတော်လိုက်တဲ့အစ်မ..
ဟိုနေ့က ကလေးသိပ်မနေမှာစိုးလို့ သူ့ပဲ အကဲခတ်နေရတာနဲ့ မသီတာနား အေးဆေး လာစကားမပြောလိုက်ရဘူး အစ်မ.....။



စင်စင်

Mon Petit Avatar said...

" (မနက်ရုံးသွားတိုင်း အဲ့လူကြီး... ကားစောင့်ရင်း ငါ့မိန်းမ ငါ့ကို ဘယ်နားကများရှိုးနေမလဲလို့ တွေးနေတော့မယ်... အော် အသင်လောက...:D)"
This really makes me smile and thank you Ma Ma Thida for that.

sonata-cantata said...

>>>
အင်္ကျီပြောင်လက်တိုတွေ ၀ယ်ပေးတဲ့ ပူဆာနေတယ်..သူက ရှက်လို့တဲ့...အော် အသင်လောက..:D

NSA said...

ဝယ်ပေးပြီးရင် အချစ်နှင့်သက်ဆိုင်သော ဗြောင်ကလေးများ ဆိုပြီး နောက်တစ်ပုဒ်ရေးနော်..မမသီတာ

tg.nwai said...

အော်..အချစ်နှင့် သက်ဆိုင်သော... ဒါမျိုးလေးတွေက ငြိမ်းချမ်းလိုက်တာ... စိတ်ထဲ ငြိမ့်သွားတာပဲ... ကောင်း၏။

အပြုံးပန်း said...

အဲဒီလိုလေးရေးတာ
သိပ်သဘောကျတယ်။

ပထမရှပ်ကွက်တုန်းက မသိသေးဘူး
အချစ်က ဘယ်နားက ပါလိမ့်လို့
ုဒုတိယရှပ်ကွက် ရောက်မှ ပုံကို တွေ့တော့မှ သိတော့တယ်။

မသီတာ
ချစ်ဖို့ကောင်း။

T T Sweet said...

ရေးတတ်လိုက်တာ အစ်မရယ်။ ဖတ်လို့ သိပ်ကောင်းတယ်။ ဖတ်နေရင်း ရသတွေ တစ်ခုပြီးတစ်ခုပဲ ။
အဲလိုလေး ရေးတတ်ချင်လိုက်တာ။

sonata-cantata said...

tg ရေ, ဘလော့ဂ်မှာ စာရေးပါဦး

အပြုံးရေ...ဒီထက်ရှည်ရှည်လေး ရေးသင့်တာနော်...ဟုတ်တယ်ဟုတ်... :)

ွှTTSweet ရေ, အဲ့ဒါ တို့အိမ်က ရွှေဘပဲပေါ့အေ...:)