လူတွေ့ နှုတ်ဖြေ စာမေးပွဲ

Facebook မှာ ဒေါက်တာစိုးမင်းရဲ့ ဆောင်းတွင်း အိပ်မက် ဂယောက်ဂယက် ကို ဖတ်ရပြီး၊ လူနာအဖြစ် ကိုယ်တိုင်တွေ့ကြုံခဲ့ရတဲ့ ဆေးကျောင်းသားများ၏ လက်တွေ့စာမေးပွဲကို မှတ်မိသ၍ ပြန်လည်ရေးသားလိုက်ပါသည်။ (မူရင်း နုတ်ကို အဆုံးတွင် ကူးယူ ဖော်ပြထားပါသည်။)

*****

ခေတ်မှီ ဖွံဖြိုး တိုးတက်ပြီးသော မြို့ပြတခု၏ ဆေးရုံကြီးတခုမှ အဆောင်တခုတွင် ဖြစ်သည်။ နောက်ဆုံးနှစ် ဆေးကျောင်းသားကျောင်းသူများ၏ အသေးစားခွဲစိတ် Minor Surgery ဘာသာရပ်အတွက် လူတွေ့နှုတ်ဖြေ စာမေးပွဲ ကျင်းပမည့် နေရာဖြစ်သည်။ Final Exam ဟုလည်း သိရသည်။

လူသွားစင်္ကြံ၏ ညာဖက်တွင် နံရံကန့်ထားသော အခန်းလေးခန်းရှိသည်။ အခန်းတိုင်း၏ လူသွားစင်္ကြံဘက်မှ ၀င်ပေါက်များသည် အတန်ငယ် ကျယ်ဝန်းပြီး တံခါးမရှိပါ။ အခန်းတခန်းတွင် အစစ်ဆေးခံရမည့် လူနာအုပ်စု နှစ်စုစီရှိနေသည်။ အုပ်စု တခုတွင် လူနာခြောက်ဦး ပါဝင်ပြီး၊ နှစ်ဦးမှာ လူနာကုတင်ပေါ်တွင် နေရာချထားခြင်း ခံရသည့် ဝေဒနာရှင်များဖြစ်ကြပြီး ကျန်လေးဦးမှာမူ ထိုင်ခုံများဖြင့်ပင် ခပ်ကျဲကျဲ နေရာ ချထားခြင်း ခံရသည့် ဝေဒနာရှင်များ ဖြစ်သည်။ လူနာတဦးလျှင် ရောဂါတမျိုးစီ ဖြစ်၍ ရောဂါ ခြောက်မျိုးဖြစ်သည်။ အုပ်စုတိုင်းကို ဤအတိုင်း ရောဂါ ခြောက်မျိုးစီ ပုံစံတူ စီစဉ်ထားသည်။ လူနာအားလုံးမှာ အကူအတွဲမပါပဲ ကိုယ်တိုင်သွားနိုင်လာနိုင်ကြသည့် အနေအထားရှိကြပြီး ဆေးရုံမှ လူနာဝတ်စုံကိုတော့ ၀တ်ဆင်ထားကြရသည်။

 ထိုကဲ့သို့ လူနာများအား နေရာချထားပြီးသောအခါ လူနာတဦးချင်းစီအား မိမိရောဂါနှင့် သက်ဆိုင်သည့် အကြောင်းအချက်များ ရေးထားသော ပလတ်စတစ်လောင်းထားသည့် ကဒ်ပြားလေးများကို လိုက်လံ ဝေငှပါသည်။ ထိုကဒ်ပြားလေးများကို စာမေးပွဲ ဖြေဆိုကြမည့် ကျောင်းသားများ မမြင်နိုင်အောင် လျှို့ဝှက် ကိုင်ဆောင်ထားရမည် ဖြစ်ပါသည်။ အခင်းအကျင်းအနေအထားများ အဆင်သင့် ဖြစ်သောအခါ အမျိုးသမီးတဦးက ယခုကဲ့သို့ လာရောက် အကူအညီပေးသည့် အတွက် ကျေးဇူးတင်ကြောင်း ပြောပြီး၊ လူနာ တယောက်ချင်းစီအား စာအိတ်လေးများဖြင့် ထည့်ထားသည့် ဒေါ်လာ ရှစ်ဆယ်ကို ပေးပါသည်။

စာမေးပွဲ စစ်ဆေးမည့် ဆရာဝန်ကြီးများ အခန်းအတွင်းသို့ ၀င်လာကြသည်။ အုပ်စုတစုတွင် ဆရာဝန်ကြီး နှစ်ယောက်စီပါသည်။ နောက် လက်ကို ဆေးကြောသည့် ဆေးရည်ဗူးကို ကိုင်ဆောင်ထားသူ တဦးပါသည်။(ထိုသူ၏ ရာထူး၊ တာဝန်ကိုတော့ မခန့်မှန်းတတ်ပါ။) စုစုပေါင်း သုံးဦး ဖြစ်သည်။ အခန်းတခန်းတွင် ဘယ်နှင့် ညာ အုပ်စု နှစ်စု ခွဲထား၍ စာမေးပွဲ စစ်ဆေးကြီးကြပ်သူများ အုပ်စုနှစ်စုစီ အခန်းတိုင်းသို့ ၀င်ရောက်နေရာယူကြပါသည်။

အခန်းပေါက်ဝများတွင် စာမေးပွဲဖြေဆိုမည့်သူ နှစ်ဦးစီ ရပ်လျက် စောင့်ဆိုင်းနေရသည်။ လူသွားစင်္ကြံ၏ ထိပ်မှ စာမေးပွဲကြီးကြပ်သူများက ကားပြိုင်ပွဲများတွင် တာလွှတ်သကဲ့သို့ ရွှီ ဟူသော ခရာသံ မှုတ်လိုက်ပြီး အလံကို အောက်ဖက်ဆွဲချလိုက်သည်နှင့် တပြိုင်နက် နောက်ဆုံးနှစ် ဆေးကျောင်းသား တဦး၏ အသေးစားခွဲစိတ် ဘာသာရပ်အတွက် လူတွေ့နှုတ်ဖြေ စာမေးပွဲ စတင်ပြီ ဖြစ်သည်။

ကျောင်းသားတဦးသည် လူနာတဦးလျှင် ၅ မိနစ်စီဖြင့် လူနာသုံးဦးအတွက် ၁၅ မိနစ်ကြာ ဖြေဆိုရသည်။ ပထမလူနာနှင့် သက်ဆိုင်သည့် မေးခွန်းများကို ဆရာတဦးက မေးပြီး၊ ဒုတိယလူနာအတွက် မေးခွန်းကို နောက်ဆရာတဦးနှင့် ဖြေဆိုရသည်။ နောက် တတိယ လူနာသို့ ကူးပြောင်း ဖြေဆိုရသည်။ တခါတရံတွင်လည်း အဓိကမေးခွန်းမေးသည့် ဆရာမဟုတ်ပဲ အခြားဆရာမှ မေးခွန်းအချို့ ကြားဖြတ်ဝင်မေးသည်လည်း ရှိသည်။ လူနာ တဦးမှ နောက်လူနာတဦးသို့ ကူးပြောင်းချိန်သည်ပင် အလွန်လျင်မြန်လှသည်။ ဆရာမှ မေးခွန်းမေးရင်း လူနာရှိရာခေါ်ဆောင်သွားစဉ် ဘေးမှ လိုက်လာ၍ပေးသော အသင့်သုံးဆေးရည်ဗူးမှ လက်ဆေးဆပ်ပြာဖြင့် လက်များကို သန့်စင်ရင်း အပြေးလိုက်ရသည်။ ဆရာများ၏ တည်ကြည်သော မျက်နှာထားများရှေ့တွင် (အချို့သော ဆရာများမှာ အနည်းငယ် ခက်ထန်သယောင်ပင်ရှိသည်။) လျင်မြန်သော ဆုံးဖြတ်ချက်များ တခုပြီးတခု ချကာ ဖြေဆိုနေရသော ကျောင်းသားများသည် ၁၅မိနစ်တာသော အချိန်ကာလလေး ကျော်လွန်အပြီးတွင် ဦးနှောက်များညောင်းညာ၍ ခြေကုန်လက်ပန်းကျသွားသည်မှာ အထင်အရှားပင် ဖြစ်သည်။ စာဖြေကျောင်းသားအခန်းအတွင်းမှ ထွက်သွားသောအခါ စာစစ်ဆရာနှစ်ဦးက ကျောင်းသား၏ ရမှတ်ကို မှတ်သားကြသည်။

ထိုသို့ဖြင့် တသုတ်ပြီးတသုတ် ဖြေဆိုကြပြီး စာစစ်ပွဲ ပြီးဆုံးသွားသောအခါ လာရောက်ကူညီသော လူနာများကို ထမင်းဗူးတဗူးဆီ ဝေငှပြီး နေရာတွင်ပင် စားသုံးစေပါသည်။

လူသားတို့၏ အနာ ရောဂါ ဝေဒနာများ သက်သာပျောက်ကင်းစေရန်၊ ရောဂါထံမှ အသက်ကိုလုကာ ကုသကယ်တင်နိုင်ရန် လူသားများပင် ကြိုးပမ်းနေကြသည့် ရင်သပ်ရှုမော သက်ဝင်လှုပ်ရှားနေပုံများ ဖြစ်ပါတော့သည်။ ။

*****

ဆောင်းတွင်း အိပ်မက် ဂယောက်ဂယက် by Soe Min on Tuesday, July 17, 2012 at 9:05pm ·

ကိုဝင်းဦးကြီးရဲ့ မာစတာပိစ် ဂန္တ၀င်လက်ရာ ဆောင်းအိပ်မက် ကို ကြည့်ရတဲ့အခါ ဇာတ်ကားရဲ့ အထွဋ်အထိပ် Climax က တင်တင်အေး ကျောက်သေတ္တာကြီးကို ဖွင့်လိုက်တဲ့ပြကွက်ပါ။ အထဲမှာ အေးအေးသင်းကြီးရဲ့ အလောင်းရှိတယ်လေ။ တစ်ကားလုံး ဆောင်းအိပ်မက်ကြီးပါလို့ အခိုင်အမာဆိုလာသူကြီးက လိုက်ကာခန်းဆီးတွေလဲမလို့ သေတ္တာဖွင့်မယ့် ဇနီးသည်ကလေးကို မြင်တော့ မျက်နှာထားတည်တည်နဲ့ ဟိန်းနေအောင်မာန်ပြီး “မြင့်မြင့်နွယ် ကျောက်သေတ္တာကို မဖွင့်နဲ့။” လို့ တားလိုက်တဲ့အသံဟာ အခုထက်ထိ နားထဲမှာကြားယောင်သလို မျက်စိထဲမှာလည်း သူ့မျက်နှာ အမူအရာကြီး မြင်ယောင်လို့ ရပါသေးတယ်။ သူကိုယ်တိုင် တကယ်လား အိပ်မက်လား မကွဲပြားသလိုပဲ ကြည့်နေရတဲ့သူအဖို့လည်း ရုပ်ရှင်မှ ဟုတ်ရဲ့လား။ တကယ်များ ဖြစ်နေတာလား လို့ ဇဝေဇ၀ါ ဖြစ်သွားလောက်အောင် ပြောင်မြောက်ပါပေတယ်။ မနေ့ညကတော့ ကိုယ်ကိုယ်တိုင် အဲသလို ဆောင်းအိပ်မက်ကြီးတစ်ခု မက်မိတယ်ခင်ဗျ။ အိပ်မက်သာဆိုတယ် တကယ်ကြီးလိုပါပဲ။ လန့်နိုးလာတော့ ရေတွေဘာတွေ သောက်ယူရတယ်။ အသည်းတုန်အူတုန် ရှိလိုက်ပါဘိ။ အိပ်မက်ထဲမှာလေ ရန်ကုန်ကို ပြန်ရောက်သွားရော။ ရောက်တာမှ ရန်ကုန်ဆေးရုံကြီးကိုကို ပြန်ရောက်သွားတာ။ ဘာတွေလုပ်နေရသလဲဆိုတော့ အမယ် စာမေးပွဲစစ်နေရတယ်ဗျ။ ကျုပ်က စာစစ်သူကြီးပေါ့လေ။ ပတ်တူးကျောင်းသားလေးတွေကို ဆာဂျရီစာမေးပွဲစစ်နေတဲ့ အိတ်ဇမ်မနာကြီး ပါလားဟဲ့။ ဘယ်သူ့ကိုစစ်ရမှာပါလိမ့်။ အလိုလေးလေး အလန်းဇယားကလေးခင်ဗျာ။ လန်ထွက်နေတဲ့ နံမယ်ကြီးဆေးကျောင်းသူ မော်ဒယ်ဂဲလ်ကလေး။ (အပြင်မှာ တကယ်မရှိဘူးနော်။ အိပ်မက်လို့ပြောပြီးသား) ကလေးမကလေးက အဆင်းတင်လှတာမဟုတ်ဘူး။ စာလည်းတော်သတဲ့လေ။ (အိပ်မက်ပါဆို) ကဲ ဘယ်လောက်ကောင်းတဲ့ အိပ်မက်ကလေးပါလိမ့်။ လာ ဆက်မက်ကြည့်ရအောင်။ အိပ်မက်ကောင်းတုန်း မိုးမလင်းနဲ့ဦး။

အော်စကီပုံစံနဲ့စာမေးပွဲဆိုတော့ အရင်တုန်းကလို တောင်စဉ်ရေမရ လျှောက်မေးဖို့ မစဉ်းစားနဲ့ သူ့ဖောမက်နဲ့သူဗျ။ ကျောင်းသားတစ်ယောက်ရဲ့ အမှတ်ပေးစာရွက်မှာကိုက စံနစ်တကျဖြည့်စွက်ရမယ့် ဇယားလေးတွေနဲ့ မို့ အဲဒါ အရင်ဖြည့်ကြတာပေါ့။ “သမီး နံမယ်ပြော” “……”။ “အသက်” “……..” (တုံးတိတိဖြင့်ဖြေ)။ “ဘယ်မှာနေသလဲကွယ်” “အဲဒါတွေက အရေးကြီးလို့လားရှင်။ သူက ပေးထားတဲ့ အချိန်အတောအတွင်းမှာ အမှတ်တွေ အများကြီးရအောင် ဖြေရဦးမှာ။ ဆရာသိချင် နောက်တော့ အင်တာဗျူးပေးမယ်။” ဒါကတော့ သူ့နောက်ကပါလာတဲ့ အဖော်သူငယ်ချင်းမကလေးရဲ့ စကားသံ ဖြစ်ပါတယ်။ အောက်ဆွဲတွေကလည်း ပါသေးသကိုး။ အိပ်မက်ဆိုတော့ ယုတ္တိရှိတာ မရှိတာ အပထား။ ဒေါသကတော့ ထောင်းကနဲ ထွက်ပြီးသွားပြီ။ “ပုံစံထဲမှာ ပါတဲ့အတိုင်း မေးတာကွ။ မင်းကသာ သည်စာမေးပွဲခန်းထဲမှာ ၀င်ဖြေခွင့်မရှိတဲ့သူ။ အခုချက်ချင်း ထွက်သွားပါ။” ဘာရမလဲ။ များစိတ်ကို သိတယ်မဟုတ်လား။ အော်ထည့်လိုက်မိတာ အနားက တခြားစာစစ်သူတွေက မျက်လုံးပြူးကြီးနဲ့ ၀ိုင်းကြည့်ကုန်လို့ ပါးစပ်ကလေး အသာပိတ်ပြီး ပြန်ထိုင်လိုက်ရတယ်။ ဟုတ်သားပဲလေ။ ဖြစ်သေးပါဘူး။ တော်တော်ကြာ ဒီဆရာလေး သိပ်ဆိုးတာပဲ လို့ နံမယ်ထွက်သွားမှဖြင့်။ စိတ်ကိုလျှော့လိုက်ပြီးမှ “ကဲ သမီးရေ။ ဟောသည် လည်ပင်းက သိုင်းရွိုက်ဂလင်းကလေးအကြောင်း ပြောကြည့်ရအောင်နော်။” ကလေးမလေးက မော်ဒယ်ဂဲလ်ဆိုတော့ ဂျာနယ်ထဲမှာ အင်တာဗျူးတဲ့အတိုင်းပဲ ဖြေပါတယ်။ “ဟုတ်။ အဲဒါ ဘာခေါ်မလဲဆိုတော့။ ဟိုလေ။ ဘယ်လိုပြောရမလဲ။ အဲဒီအတိုင်းပဲ ရှင့်။ ဟုတ်။” ဗုဒ္ဓော။ ဟဲ့။ လုပ်ကြပါဦး။ အဲဒါ မှန်တာလား မှားတာလား။ အမှတ်ဘယ်လိုပေးရမှန်းတောင် မသိတော့ဘူး။ မပေးလို့တော့ မဖြစ်ဘူးနော်။ သူက စာတော်တယ်တဲ့။ နံမယ်ကြီး။ “သူကဟော်မုန်းထုတ်တယ်လေ သမီးရယ်။ အဲဒါ ဘာဟော်မုန်းတွေလဲ။ များရင် ဘာဖြစ်မလဲ။ နည်းရင်ဘာဖြစ်မလဲ။” ၀ဋ်တော့လည်ပါပြီဗျာ။ အကြီးအကျယ်ကို လည်တာ။ သူများတကာကို ရွဲ့လာလေသမျှ ကိုယ့်ကို ပြန်ရွဲ့တဲ့တပည့်မျိုးနဲ့မှ ဆိုက်ဆိုက်မြိုက်မြိုက် တွေ့တတ်ပလေ။ တမင်ကို ရွဲ့ပြီး အမှားတွေချည့် ဖြေနေတာ ထင်ပါရဲ့။ မေးရင်းမေးရင်း ချွေးတွေပြန်ပြီး ခြေဖျားလက်ဖျားတွေ အေးလာတာက ကျောင်းသားမဟုတ်ပါဘူး။ စာမေးနေတဲ့ ဆရာပါ။ ဘုရား ဘုရား။ အမှတ်ကလည်း ဘယ်လိုမှ ပေးလို့ မရပါကလား။ သည်အတိုင်းသာဆိုရင် စာမေးပွဲကျလို့ကတော့ ငါ ဒုက္ခရောက်ရချေရဲ့။ သူ့လိုစာတော်တယ်လို့ နံမယ်ကြီးတဲ့ကျောင်းသားကိုမှ အောင်အောင် မမေးနိုင်လို့ရှိရင် သူများဆရာတွေအလယ်မှာ မျက်နှာဘယ်နားသွားထားရပါ့။ ဆရာကြီးတွေများ သိလို့ကတော့ ငါ့ကိုသတ်မှာ။ နောက်ဘယ်တော့မှ စာမေးပွဲခေါ်စစ်ခိုင်းတော့မှာ မဟုတ်ဘူး။ အကြံအိုက်အိုက်နဲ့ “သမီးရယ် အစာအိမ်ရောဂါဆိုတာ သိတယ် မဟုတ်လား။ အဲဒါ ကူးစက်တတ်သလား ဟင်။ ဘာကောင်ကလေးတွေကြောင့် ကူးတတ်သလဲ ပြောပြပါဦး။” လို့ “ဘာရာဏသီပြည်လို့ ခေါ်ပါသလဲကွယ်” မေးခွန်းမျိုး ပျိုးကြည့်လိုက်တော့ စိတ်မရှည်တော့တဲ့ ကလေးမကလေးက ခပ်လှမ်းလှမ်းမှာ စစ်နေတဲ့ ဆရာကြီးတစ်ယောက်ကို ဗြဲကနဲ “ဆြာ့… သာမီးကို သူ ဘာတွေ လာမေးနေမှန်း မသိဘူး။ အစမ်းစာမေးပွဲတုန်းက ကျင့်ထားတဲ့ဟာတွေ မမေးပဲ သူ့သဘောနဲ့သူ လျှောက်မေးနေတယ်။ စာမေးပွဲလည်း စစ်တတ်ပဲနဲ့။” လို့ Voice Message လှမ်းပို့လိုက်တာ ခေါင်းနားပန်းကိုကြီးသွားတာပဲ။ ငါ့တော့ မြွေပေါက်ပါပြီ။ ဟိုမှာ ဆရာကြီးကလည်း မျက်စောင်းကြီးထိုးလို့ကို ဘုကြည့်ကြည့်နေတာ။ စာစစ်မှူးလုပ်နေတဲ့ အကိုဆရာလေးတစ်ယောက်က အသာလက်တို့ခေါ်သွားပြီး “ဟေ့ကောင်။ မင်းစာမေးပွဲမှာ စာစစ်သူလုပ်ချင်ရင် ဒီအရေတွေမှ မထူလို့ ဖြစ်မလား။ ခေတ်တွေ စံနစ်တွေက ပြောင်းသွားပြီ။ …။” စသည်စသည်ဖြင့် ရှည်လျားစွာ သြ၀ါဒတွေ ချွေတော်မူပါလေတယ်။ ဟုတ်ပါရဲ့။ စာမေးပွဲစစ်ရတာ ကြောက်စရာကောင်းလိုက်တာ တကယ်ပါပဲ။ တသက်လုံးစာမေးပွဲတွေ ဖြေလာတာတောင် သည်လောက် မကြောက်ရဘူး။ လန့်နိုးလာတာတောင် အကြောက်မပြေသေးဘူး။ တကယ်လို့များ ရန်ကုန်က စာစစ်သူခေါ်ချင်တယ်ဆို ငြင်းကိုငြင်းပလိုက်တော့မယ်။ အိပ်မက်သာဆိုတယ် အပြင်မှာ တကယ်ဖြစ်နေသလိုပဲ ကြောက်လိုက်တာများ ဇောချွေးလေးများတောင် ပြန်ချင်တယ်။

အိပ်မက်ထဲကအတိုင်း အပြင်မှာ ဖြစ်နေတာ ဘယ်နှစ်ခါတွေ့ဖူးလို့တုန်း။ ပေါက်ပေါက်ရှာရှာတွေ လျှောက်မက်ပြီး အလကား တွေးကြောက်နေရတယ်လို့။ တို့ဆီမှာ အဲလိုကျောင်းသားမျိုး ရှိမှ မရှိပဲနဲ့။ ရှိပဲနဲ့။ ရှိပဲနဲ့။ အဲ အဲ။ အပြတ်တော့ ပြောလို့မရဘူး။ ရှိတယ်။ ရှိတယ်။ သေသေချာချာကို ကြုံဖူးတယ်။ အဲဒီတုန်းကတော့ စာစစ်သူအနေနဲ့မဟုတ်ဘူး။ စာစစ်ခန်းအကူလို့ ခေါ်မှာပေါ့။ လက်တိုလက်တောင်းလေ။ ၀ါဝါ၀င်းရွှေဖြစ်နေတဲ့ ဘုန်းကြီးလူနာတစ်ယောက်ကို ရောဂါရာဇ၀င်မေးနေတဲ့ မောင်ကျောင်းသားက ကိုယ့်ကို လက်တို့မေးတယ်။ “ဒါကြီး ဘာကြီးလဲ။” တဲ့။ “ဘာကြီးလဲတော့ မသိဘူး။ အထာကြီးနဲ့တော့ အထာကြီးနဲ့။ ဒီဇိုင်းကတော့ တူတာပဲ အ၀ါကြီးနဲ့ (Obstructive Jaundice)” လို့ မနေနိုင်မထိုင်နိုင် ဖော်ကောင်လုပ်လိုက်မိသေးတယ်။ မျှော်လင့်ထားသလိုပါပဲ။ စာစစ်သူလာတော့ မောင်မင်းကြီးသား အိုးနင်းခွက်နင်းဖြစ်သော်ငြား မျက်နှာတော့ တစ်စက်ကလေးမှ အပြုံးမပျက်ဘူး။ ဘာရောဂါမှန်းမသိတော့ ဘယ်လိုကုရလဲလည်း မပြောနိုင်ဘူး။ လွယ်ပါတယ်။ ဆာဂျရီပါဆိုမှ ခွဲကုလို့မရရင် စောင့်ကုမှာပေါ့။ Conservative Treatment တဲ့။ တစ်လုံးထွက်လာတယ်။ တိုးရှဲ့ တိုးရှဲ့ ကုန်းစွန်းချဲ့ရေ။ ဆရာခမျာ အားတက်သရော “အေး။ ဟုတ်တာပေါ့။ ဒါဆိုရင် ဘာတွေလုပ်ရမလဲ။” ဆိုတော့ ကွန်နက်ရှင်ကျသွားလို့ထင်ပါရဲ့။ မျက်လုံးကလေးက မြှားကလေးလည်သလို လည်နေပြီး တစ်ခွန်းမှ ထွက်မလာတော့ဘူး။ “ဒီမှာကြည့်လေကွာ။ လူနာမှာ ပိုက်တွေနဲ့။ အဲဒါဘာလုပ်ထားတာလဲ။” လို့ပြောရင်း နားခေါင်းကပိုက် လက်ကပိုက်တွေကို ပြနေပေမယ့်လည်း access denied ပဲ ဖြစ်နေသေးတယ်။ “ဒီနာခေါင်းက ပိုက်ကို ဘယ်လိုခေါ်သလဲ။” Retry ပြန်လုပ်တယ်ခင်ဗျ။ Still loading နဲ့ တစ်နေသေးတယ်။ ဆရာက မလျော့သေးဘူးခင်ဗျာ။ ခင်းပေးပြန်ပါတယ်။ “အဲဒါ ဘာအတွက်ထည့်ထားတာလို့ ထင်သလဲ” တဲ့။ တော်ပါသေးရဲ့။ ဒီတခါတော့ ပွင့်သွားတယ်။ “Drip သွင်းဖို့” တဲ့။ မ၀င်ပါဘူးခင်ဗျာ။ တိုင်ထိပြီး ပြန်ကန်ထွက်လာပါတယ်။ ရော်နယ်ဒို ခေါင်းနဲ့ပြန်တိုက်တယ်ခင်ဗျ။ “သေချာကြည့်ပါဦးကွာ။ Drip သွင်းတဲ့ပိုက်က လက်မှာပါ။ ဒီပိုက်က နှာခေါင်းထဲကို ထည့်ထားတာလေ။ အဲဒါ ဘာလုပ်ဖို့ဖြစ်မလဲ။” တဲ့။ ဟုတ်ကဲ့ ပွဲသိမ်းသွားပါတယ် ခင်ဗျာ။ ကျောင်းသားက အစာသွင်းပိုက် Ryles”s tube ဆိုတာကို မကြားဖူးပါဘူး။ Common Sense ကလေးသုံးပြီး ဖြေသွားပါတယ်။ “အသက်ရှူဖို့” တဲ့။ လူချင်းတူသော်လည်း အသက်ရှူချင်းကွဲတယ်ဆိုတာ အဲဒါပေါ့။ သို့သော်လည်း အဲသည်မောင်ကျောင်းသားနဲ့ တစ်ပတ်အကြာမှာ ငွေမိုးဟိုတယ်ရှေ့မှာ ပြန်တွေ့ကြတယ်ခင်ဗျ။ သူကလာနှုတ်ဆက်တော့ ကိုယ်ကလည်း မှတ်မိသွားပြီး “ကျောင်းတွေ ဘယ်တော့ ပြန်တက်ရမလဲ။ မော်လမြိုင်မှာ နေတာလား။” လို့ ဖောရှောလုပ်တဲ့အခါ ကလေးက ငါးသလောက်ပြုံးကလေးနဲ့ “တက်ရတော့ဘူးလေ ဆရာ။ အောင်သွားပြီ။ ဒီမှာမနေပါဘူး။ အခုဟာက တိုင်းမှူးကို ဂေါက်ပွဲလုပ်ပေးစရာရှိလို့ ခနလာတာ။” တဲ့။ ကဲ သဘောပေါက်။ အဘ လို့ ခေါ်ရတဲ့အစားတောင် မဟုတ်ဘူး။ တခါတခါမှာ အိပ်မက်ကလည်း တကယ်လိုပဲ။ တကယ်ကလည်း အိပ်မက်လိုပဲ။ လူ့ကို ၀င်းဦးကြီးလိုဖြစ်လို့။ ဇာတ်သိမ်းခန်းထဲကအတိုင်း သံတိုင်ကြီးကိုင်ပြီး “ဆောင်းတွင်းအိပ်မက် ဂယောက်ဂယက်။ ဆောင်းတွင်းအိပ်မက် ဂယောက်ဂယက်။” လို့သာ မျက်လုံးကြီးအ၀ိုင်းသားနဲ့ အော်ပလိုက်ချင်တော့တယ်။

စာစစ်သူတစ်ယောက် ဆရာတစ်ယောက်အနေနဲ့ စာမေးပွဲခန်းထဲမှာ ကျောင်းသားကလေးတစ်ယောက် ဒုက္ခရောက်နေတာကို အတင်းတုပ်တယ်ဆိုတာ Ethic နဲ့ မညီပါဘူးခင်ဗျာ။ ဒါကြောင့်မပြောလိုပါဘူး။ ဆရာသက်နုစဉ်တုန်းကတော့ စာမေးပွဲမှာ ကျောင်းသားက ပေါက်တတ်ကရဖြေရင် အူတွေတက်နေအောင် ရယ်လို့ ကလေးတွေက သူတို့ဆရာက တို့မှားရင် သိပ်ပျော်တာလို့ ထင်ကြတယ်။ တကယ်တော့ စာမေးပွဲမှာ ကျောင်းသား စာမေးမရတဲ့အပြစ်က တပည့်ဆီမှာချည့်ပဲ ရှိတာ မဟုတ်ဘူးလေ။ ဆရာလည်း အမှုတွဲထဲပါတယ်။ သူစာသင်ညံ့လို့ဆိုတာ ဘယ်လိုမှ ငြင်းမရဘူး။ စဉ်းစားကြည့်။ ဘယ်သူက မွေးကတည်းက တတ်လာတာမို့လဲ။ သည်လိုပဲ သင်ပေးရင်းသင်ပေးရင်းနဲ့မှ တဖြေးဖြေးတတ်လာကြတာချည့်ပဲ။ ဒါကြောင့် ကျောင်းသား စာမရတာကို လှောင်စရာ မလိုဘူး။ မတတ်သေးတာကို တတ်အောင်သင်ပေးရမှာသာ ဖြစ်တယ် လို့ တွေးမိတယ်။ သို့သော်လည်း မူလတန်းပညာရေးကို ဝေဖန်တုန်းက ပြောခဲ့သလိုပဲ တက္ကသိုလ်ပညာရေးက ဆရာတွေမှာလည်း သင်ကြားရေးသက်သက်ဖြစ်နေပြီး ပဲ့ပြင်ရေးဘက်က လစ်ဟင်းနေတာကတော့ ကျောင်းသားတွေထက် ဆရာတွေမှာ တာဝန်ပိုရှိသလို မြင်မိပြန်ပါတယ်။ အထူးသဖြင့် ဆေးကျောင်းသက်တမ်းတလျှောက်မှာ ဆရာဝန်လောင်းကလေးတွေအတွက် ကျင့်ဝတ် နဲ့ သိက္ခာပိုင်း (Ethics and Attitude) ကို သင်ကြားပဲ့ပြင်ပေးတဲ့သူ မရှိသလောက် ရှားပါးနေသလားလို့ပါ။ ဒီအခါမှာ မီဒီယာတွေ၊ လူနာ နဲ့ လူနာရှင်တွေ ဘက်က အထင်အမြင်လွဲမှားတာလေးတွေ ရှိလာတဲ့အခါ ဆရာဝန်တွေဘက်က ရှေ့နေလိုက်ခဲ့သလိုပါပဲ။ ကိုယ့်ဆရာဝန်တွေဘက်မှာ လွဲမှားတာကလေးတွေ ရှိခဲ့ရင်လည်း နောင်လာနောက်သား ညီငယ်ညီမငယ်ကလေးတွေ အတုယူမမှားအောင် ကိုယ်ချင်းကိုယ်ချင်း ကျိတ်ပြီးတော့ သွန်သင်ချင်ပါသေးတယ်။ မသိသေး မတတ်သေးတာက တချိန်ချိန်မှာ လုပ်ရင်းကိုင်ရင်း သိလာတတ်လာကြမှာ မလွဲပါဘူး။ သို့သော်လည်း အသွန်အသင်မရှိခဲ့လို့ မယဉ်ကျေးတာ၊ အကျင့်ဆိုးပါနေတာတွေကျတော့ အသက်ကြီးလာလေလေ ဆိုဆုံးမရခက်လေလေ ဖြစ်တတ်ပါတယ်။ အတုခိုးမှားသွားတဲ့အခါ၊ အမှားတွေနဲ့ အသားသေလာတဲ့အခါ ကိုယ့်အသက်မွေးမှုလောကကြီးတစ်ခုလုံး ငါးခုံးမ တစ်ကောင်ကြောင့် တစ်လှေလုံးပုပ်ကုန်မှာ စိုးမိပါတယ်။ ကိုယ်တိုင်က ဆေးပညာမိသားစုထဲက ဆရာဝန်ဘ၀နဲ့မို့ “ဟိုမှာ ငါးခုံးမကြီးတစ်ကောင်၊ သည်မှာ ငါးခုံးမကြီးတစ်ကောင်” နဲ့ လက်ညှိုးတထိုးထိုး သစ္စာဖောက်လောက်ကောင် မလုပ်ချင်ပါဘူး။ လုပ်လည်း မလုပ်ရဲပါဘူး။ ဒီအခါမှာ ဘယ်သူဘယ်ဝါဆိုတဲ့ ပုဂ္ဂလဒိဋ္ဌာန်တွေထက် ဘာလုပ်ရင် ဘာဖြစ်တယ်ဆိုတဲ့ ဓမ္မဒိဋ္ဌာန်ပိုင်းကိုသာ စောင်းပေးပြီး ရေးပါ့မယ်။ ဖတ်တဲ့သူအဖို့ သင်ခန်းစာယူနိုင်ဖို့ကိုသာ အလေးပေးစေချင်ပါတယ်။ ပေါက်တဲ့သူ မှန်မှန်ပြော။ အီးဘွတ်တရားဟော လို့တော့ တရားခံမဖော်ခိုင်းပါနဲ့။ မပြောပြဘူး။ သတ်ရင်သတ်။

ကဲ အခုကစပြီး ရှေ့ဆက်လို့ ဆရာစိုးကလေးရဲ့ ဆောင်းတွင်းအိပ်မက် ဂယောက်ဂယက်တွေကို တင်ဆက်ပါတော့မယ်။ ကိုယ့်ဟာကိုယ်တောင် တကယ်လား အိပ်မက်လား ၀ိုးတ၀ါးပါပဲ။ တခါတခါတော့လည်း တိမ်လွှာမို့မို့လွင်ထဲကလို “အိပ်မက်ထဲက မောင့်ချစ်သူ ၀ိုးတ၀ါး မပြတ်သား ထပ်မနား မှတ်သားမရတဲ့သူ” လို့ ပြောစရာ ချာလီ၏ နတ်မိမယ်ကလေးများအကြောင်းပေါ့။ တခါတခါတော့လည်း ဆောင်းအိပ်မက်ထဲကအတိုင်း “ချောင်းလိုလို မြစ်လိုလို တစ်ခုသော ကမ်းစပ်မှာ ရောက်လာသည်တွင် ချစ်သူဟာလည်း မလှမ်းမကမ်းမှာ ရောက်နှင့်ခဲ့တာမြင်” သပေါ့။ အလှည့်မသင့်တဲ့အခါကျတော့လည်း မျိုးကြီးရဲ့ “အိပ်မက်ဆိုး နဲ့ လမိုက်ည” ဆိုပါတော့။ ဟုတ်ကဲ့။ ဆရာ့ဆွဲသီးကလေးကို သေသေချာချာ စိုက်ကြည့်နေပါတယ်။ ကြည့်နေပါတယ်။ မျက်စိတွေ လေးလာပါပြီ။ မျက်ခွံတွေလေးလာပါပြီ။ အိပ်ချင်လာပြီဗျ။ အိပ်ပျော်တော့မယ်။ အိပ်တော့မယ်။ ကျွန်တော် အိပ်တော့မယ်။ ကျွန်တော်.. ကျွန်တော်….။

“လေပြေလေညှင်း ဆော်သွေးရိုက်ခတ်၊ တရွေ့ရွေ့ မိုးငွေ့ဆောင်ခဲ့ပြီ။ သော်တာယုန်ပေါ် ကျော်ကာပြေးတော့၊ ရေးရေး ရုပ်သွင် မှုန်လို့ရီ။ သည်အိပ်မက်မှန်လျှင် မောင်မင်းကြီးသားနဲ့ ဧကန္တ တွေ့ပါရစီ။ သည်အိပ်မက်မှန်လျှင် မောင်မင်းကြီးသားနဲ့ ဧကန္တ တွေ့ပါရစီ။” (ခင့်အိပ်မက် / မြို့မငြိမ်း)

အချစ်နှင့် သက်ဆိုင်သော အကွက်ကလေးများ

ဒီနေ့တော့ ဈေးသွားရမည်။ ဟင်းချက်စရာဝယ်ရန် ဖြစ်သည်။ ရေခဲသေတ္တာထဲတွင်လည်း ဗလာကျင်းနေပြီ။

အိမ်ကထွက် ကားပက်ကင်ကို ဖြတ်အပြီးမှာ၊ ကားလမ်းနဘေးရောက်သည်။ ထိုလမ်းကို လူကူးဂုံးကျော်တံတားမှ ကူးဖို့ရန် ဖြစ်သည်။ ဈေးသည် လမ်း၏ ဟိုမှာဘက်ခြမ်းတွင် ရှိနေသည်။ လှေကားထစ် အနည်းငယ်ကို တက်ရပေဦးမည်။

ကားများ မိမိခြေဖ၀ါးအောက်မှ ဥဒဟို သွားနေကြခြင်းသည် အတန်ငယ် ဆန်းကြယ်သော ခံစားချက်ကို ဖြစ်စေသည်။ ဖြတ်သန်းသွားနေကြသော ယာဉ်များသည် မိမိထံမှ တစုံတခုကို အတင်းအဓမ္မယူဆောင်၍ မောင်းနှင်သွားကြသည်လား…။ သို့မဟုတ် မိမိထံမှ တစုံတခုသည် ထိုထိုယာဉ်မျာနှင့် စိတ်လိုလက်ရ လိုက်ပါသွားကြသည်လား မသေချာသော ခံစားချက်မျိုး ဖြစ်သည်။ တွယ်ငြိလိုသူ၏ ကျန်ရစ်နေရခြင်း ဝေဒနာလည်း ဖြစ်နိုင်သည်။

မိမိသည် တည်ငြိမ်နေသော တံတားတခုပေါ်တွင် ကိုယ်ပိုင်ဆိုင်၍ ကိုယ်နှင့်အလွန်အကျွမ်းတ၀င်ဖြစ်သော အလျင်ဖြင့် သွားမြဲအတိုင်း သွားနေစဉ်၊ မိမိ၏အထိန်းအကွပ်နှင့် လွန်စွာကင်းလွတ်သော အရာများသည် အရှိန်အဟုန် ပြင်းပြင်းဖြင့် မိမိကို ဖြတ်ကျော်နေကြသည်။ အငြိမ်၊ အလှုပ်နှင့် အရှိန်တို့ အတင်းကာရော ဟန်ချက်ညီနေကြလေ၏။

ဟန်ချက်တွင် ပျော်ဝင်နေစဉ် တွေကနဲ တချက်ဖြစ်သည်။ တံတားပေါ်မှာပင် ရှိနေသေးသည်။ တဖက်ကမ်းနှင့်တော့ ပို၍နီးကပ်နေပြီ်။ တံတားအောက်မှာ ကားမှတ်တိုင်ရှိသည်။ မှတ်တိုင်၏ အတွင်းဖက်ကျကျတွင် ရှပ်လက်တိုအကွက်နှင့် လူတယောက် လက်ကိုင်ဖုန်းမျက်နှာပြင်ကို တို့ထိ ငုံ့ကြည့်ရင်း ကားစောင့်နေသည်။ လမ်းဆက်လျှောက်ရင်း တွေကနဲဝယ် ရင်ခုန်နှုန်း ရုတ်ချည်း ပြောင်းသွာသည်လား…။ သို့မဟုတ် ရပ်သွားသည်လား…။ ပြန်တွေးမိသည်။ မသေချာ။

သေချာသည်မှာ အတိတ်၊ ပစ္စုပ္ပန်နှင့် အနာဂတ်တို့ အတင်းကာရော ငြိသွားခြင်း ဖြစ်သည်။ ချစ်ခြင်းဟု အလွယ်ခေါ်မည်။ နှုတ်ခမ်းလေး လှုပ်သည်။ ပြုံးယောင်ယောင်လေး ဖြစ်သည်။

*****

မနက်အစောစာကို ကော်ဖီတခွက်နှင့် ပြီးလေ့ရှိသည်။ ဒီမနက်တော့ အဖတ်လေးပါစားချင်မိသည်။ ဟိုမှာဘက်လမ်းကို သွားဝယ်ရမည်။

လူများသည် အရှေ့မှ အနောက်သို့၊ အနောက်မှ အရှေ့သို့၊ တောင်ကလူက မြောက်သို့၊ မြောက်ကလူက တောင်သို့ သွားနေကြသည်။ အစာရှာဖို့ရာ ဖြစ်သည်။ ထိုသူများသည် ထိုသူများသာဖြစ်၍ မိမိသည်လည်း မိမိသာ ဖြစ်သည်။ မိမိသည် မိမိကိုယ်ကို ထိုသူများနှင့် ပူးကပ်မကြည့်မိအောင် သတိထားရသည်။ မိမိနှင့် အသွင်သဏ္ဍန်အားဖြင့်မတူသလို၊ အခြေအနေအားဖြင့်လည်း ခြားနားသည်။ မတူညီခြင်းနှင့် တူညီခြင်းများ လိုက်လျောညီထွေ ရှိနေသော နေသာသည့်နေ့တနေ့ ဖြစ်သည်။

မိမိသည် ရံခါများစွာပင် ငှက်ကလေးများ စိုးစီစိုးစီနှင့် အစာရှာထွက်ချိန်ကို ကြုံဆုံဖူးသည်။ အိမ်တွင်အလွယ်ရှိသော ဆန်ကွဲ၊ ပဲ စသည်တို့ကို ချကျွေးခဲ့ဖူးသည့် အခါများသည် ဟိုးအတော်ဝေးဝေးမှာ ကျန်နေခဲ့ပြီ။ အခုများတော့ မင်းတို့ သိပ်ဆူတယ်ကွာဟု ဟန်ဆောင်ရန်လုပ်ရင်း သူတို့ ပျံသန်းရာ အရပ်များဆီ လိုက်လံငေးမောခြင်းသာ တတ်နိုင်တော့သည်။

ဝေးလွင့်သော အတွေးရှင်၏ အချစ်ရှာထွက်သော မျက်ဝန်းအကြည့်တို့သည် လမ်းနဘေးက ကားမှတ်တိုင်တွင် အလိုအလျောက် ရပ်တန့်သည်။ မျှော်လင့်မထားသော အပြုံးတခုသည် နှုတ်ခမ်းထက်သို့ ခိုမှီခွင့်ရသွားပြန်သည်။ ကားစောင့်နေသော ရှပ်အကွက်လေးသည် မှတ်တိုင်တွင် ထိုင်ရင်း စာတအုပ်ကို ဖတ်နေသည်။

*****

ထိုထိုသော အမှတ်မထင်များ၊ တခါတရံများ၊ တိုက်ဆိုင်မှုများနှင့် ကြုံဆုံနေသူတယောက်သည် တကြိမ်တခါတွင်တော့ လမ်းဆုံးတခုမှာ ရှိနေသောအချစ်ဆီ မျှော်ကိုးရင် ထိုလမ်းကို လျှောက်သည်။ မြင်ကွင်း သေးသေးလေးထဲမှ ရှပ်အကွက်လေးသည် မိမိအား ပြုံး၍ ဆီးကြိုနေသည်။ ပို၍ ပို၍ ထင်ရှားလာသောထိုလမ်းဆုံးသည် မှတ်တိုင်တခုပင် ဖြစ်တော့သည်။    ။

    (မနက်ရုံးသွားတိုင်း အဲ့လူကြီး... ကားစောင့်ရင်း ငါ့မိန်းမ ငါ့ကို ဘယ်နားကများရှိုးနေမလဲလို့ တွေးနေတော့မယ်... အော် အသင်လောက...:D)

အချိန် နှင့် အမျှ

၁၅ ဒီဇင်ဘာ (ဗုဒ္ဓဟူးနေ့)က ဘုန်းကြီးကျောင်းရောက်ပါတယ်။ အတူသွားတဲ့ အန်တီက သင်္ကန်းတထည် ဆရာတော်ကို ကပ်လှူတော့၊ “ဒါကာမကြီး ဘာအတွက် လှူတာလဲ” လို့ ဆရာတော်က မေးပါတယ်။ အန်တီက ‘မိတ်ဆွေတယောက်ရဲ့အမေ ဆုံးပါးသွားလို့ အဲ့ဒီမိတ်ဆွေက သူကိုယ်တိုင် ကျောင်းကို မလာနိုင်တဲ့အတွက် သူ့အမေကို ရည်စူးပြီး လှူပေးပါရန် အကူအညီတောင်းလိုက်ကြောင်း’ ဆရာတော်ကို လျှောက်ထားပါတယ်။ ဆရာတော်က “ဒါဆို အမျှဝေရမယ်” လို့ မိန့်ပါတယ်။ “ဒါ ဘုန်းကြီးအလုပ်၊ လှူတာကို ဟိုနားထားခဲ့ဆို ပြီးတာမဟုတ်ဘူး” လို့ ပြုံးရယ်ရင်း မိန့်ပါတယ်။ တဆက်ထဲမှာပဲ “ကြားဖူးကြလား ဗိမ္ဘိသာရမင်းကြီးရဲ့ ဆွေတွေ မျိုးတွေ ပြိတ္တာတွေ ဖြစ်နေကြတာ၊ ဗိမ္ဘိသာရမင်းကြီးက ဘုရားနဲ့ တကွ သံဃာတွေ ဆွမ်းကပ်ပြီး သူက မသိတော့ အမျှမဝေမိဘူး။ ဒီမှာတင် မင်းကြီးကို မကောင်းတဲ့ အနံ့တွေ၊ အဆင်းတွေ ပေးပြီး ခြောက်ကြ လှန့်ကြတာပေါ့။ ဗိမ္ဘိသာရမင်းကြီးက ကြောက်လန့်ပြီး မြတ်စွာဘုရားကို လျှောက်ထားတော့၊ မြတ်စွာဘုရားက ရှင်းပြတော့မှ နောက်တရက် မြတ်စွာဘုရားနဲ့ သံဃာတွေ ထပ်မံပင့်ဖိတ် ဆွမ်းလုပ်ကျွေးပြီး၊ အမျှအတန်း ပေးဝေတော့မှ ပြိတ္တာဖြစ်နေတဲ့ ဆွေဟောင်းမျိုးဟောင်းတွေလည်း စားရသောက်ရ၊ ၀တ်စရာ၊ နေစရာတွေ ရကြတယ်… ။ ပြိတ္တာဘ၀က ကျွတ်လွတ်သွားတယ်လို့တော့ မဟုတ်ပါဘူး။ ကျွတ်တာကတော့ အချိန်တန်မှ ကျွတ်မှာပါ။ စားစရာ၊ ၀တ်စရာ ရသွားတယ် ဒီသဘောပါ” လို့ အမိန့်ရှိပါတယ်။ “အမျှအတန်း ပေးဝေတဲ့ ဓလေ့ အဲ့ဒီက စ သလား လို့တောင် ဘုန်းကြီး ထင်မိတယ်” လို့ ဆက်မိန့်ပါသေးတယ်။

ဆရာတော်ရဲ့ တရားစကားထဲမှာ အချိန်တန်တော့ ဆိုတဲ့ စကားအပေါ် အတွေးနယ်ချဲ့မိပါတယ်။ အချိန်တန်တော့ သေပြီး၊ ဘ၀တပါးသို့ ကူးပြောင်းရမယ်။ အချိန် … အချိန်… သတ္တ၀ါ တဦးတယောက်ချင်းစီအတွက် ပိုင်ဆိုင်တဲ့ အချိန်တွေက မတူကြပေဘူး။ ဘ၀တခုမှာ အသက်ရှင်နေထိုင်ခွင့်ရတဲ့ အချိန်ဟာ သူပိုင်ဆိုင်တဲ့ အချိန်ပဲ။ အချိန်ရှိတိုင်း အိပ်နေတတ်တဲ့ ကိုယ့်ကိုကိုယ် အသေအချာ ဆုံးမ ပါတယ်။ “အယင်ဘ၀က ကုသိုလ်ကောင်းမှုလေး ပါခဲ့လို့ အခုဘ၀မှာ အသိဉာဏ် အတန်အသင့်ရှိတဲ့ လူဖြစ်ပါလျက်နဲ့ ဒီလိုသာ ဘ၀ကို ကုန်ဆုံးပစ်နေရင်တော့၊ နောင်ဘ၀ တိရစ္ဆာန်အဖြစ်ကို ရွေးချယ်ဖို့ ဦးတည်နေတာပဲ...” လို့။

ဘုန်းကြီးကျောင်းကနေ အိမ်ပြန်ရောက် email စစ်တော့၊ စက်မှုတက္ကသိုလ်တက်စဉ် ကိုဧရာတို့နဲ့ အတန်းဖော်တောက်လျှောက်ဖြစ်ခဲ့ပြီး နောက်ဆုံးနှစ်မှာတော့ နောက်တနှစ်ဖြစ်တဲ့ ကျမတို့နှစ်မှာမှ ကျောင်းတူတူပြီးခဲ့တဲ့ အမတယောက်ရဲ့ နာရေး သတင်းကို သိရပါတော့တယ်။ ခဏနေတော့ မနက်က ဘုန်းကြီးကျောင်းအတူတူသွားခဲ့တဲ့ အန်တီရဲ့ ယောက္ခမကြီး ဒီနေ့ပဲ ရန်ကုန်မှာ ဆုံးကြောင်း အန်တီက ဖုန်းဆက် အကြောင်းကြားလာပြန်ပါတယ်။ ညဘက် ဘုရားရှိခိုးအပြီးမှာ လွန်ခဲ့သော ခြောက်လခန့်က ကွယ်လွန်သွားပြီးလို့ သိရတဲ့ အမရဲ့ အမည်ကို ခေါ်ပြီး၊ ၄င်းနှင့်တကွ ၃၁ ဘုံ၌ ကျင်လည်ကြကုန်သော ဝေနေယျ၊ သုခိတ၊ ဒုက္ခိတ သတ္တ၀ါ အပေါင်းတို့အား ကောင်းမွန်စွာ အမျှပေးဝေပါတယ်။ အမျှရကြ၍ ကိုယ်စိတ်နှစ်ဖြာ ကျန်းမာ ချမ်းသာကြပါစေ…။

အချိန်ကို အကျိုးရှိစွာ အသုံးချတတ်ဖို့အတွက် အသိဉာဏ်ရှိဖို့ လိုတယ်။ လူသားတဦးရဲ့ တဘ၀တာ အချိန်အတွင်းမှာ အဆိုးရော၊ အကောင်းပါ လောကဓံတွေကို ဘယ်လို ကိုင်တွယ်ဖြေရှင်းမလဲ ဆိုတဲ့ အသိဉာဏ်တွေ ရင့်သထက် ရင့်သန်ဖို့၊ နောက်ဆုံး လောကမှ လွတ်မြောက်ရေး ဆိုတဲ့ အန္တိမပန်းတိုင်ကို မျက်မှောက်ပြုဖို့ ရှင်သန်နေတဲ့ အချိန်အတွင်းမှာသာ ကြိုးစားအားထုတ်နိုင်တယ်။

*****
လွန်ခဲ့တဲ့ ၃နှစ်လောက်က ခေါင်းတွေ မူးနေတတ်လို့၊ ဂျပန်မှာရောက်နေတဲ့ ငယ်သူငယ်ချင်းတယောက် ဖုန်းဆက်လာတဲ့ အခါ သူ့ကို နေမကောင်းကြောင်း ညည်းလိုက်မိပါတယ်။ “ဟယ်အဲ့ဒါဆို နင် သွေးပေါင်လေး ဘာလေး မှန်မှန်ချိန်မှပေါ့” ဆိုပြီး သိပ်မကြာပါဘူး ဂျပန်ကနေ သွေးပေါင်ချိန်စက်ကြီး ပို့ချလာပါတယ်။ Manual က ဂျပန်လို ဖြစ်နေလို့ ဆိုပြီး၊ နောက်မှ အင်္ဂလိပ်လို Manual ကိုပါ ရှာကြံ မိတ္တူဆွဲပြီး ပို့ပေးခဲ့ပါသေးတယ်။ ၀မ်းနည်း ၀မ်းသာဖြစ်ပြီး မသုံးရက်ပဲ အသစ်အတိုင်းသိမ်းထားခဲ့ပါတယ်။ ဒီစက်ကို ငါတယောက်ထဲအတွက် အသုံးမချပဲ၊ အများအတွက် အသုံးကျအောင် ဘယ်လိုလုပ်ရမလဲ လို့ တွေးတောကြံဆရင်း….အခုတော့ ဆန္ဒပြည့်ဝခဲ့ပါပြီ။

၁၈ ရက်နေ့က ရန်ကုန်ပြန်သွားတဲ့ ညီမလေးတယောက်နဲ့ အကြုံထည့်ပေးလိုက်ပြီး သုခဆေးခန်းမှာ လှူဒါန်းလိုက်ပါပြီ…။ ရန်ကုန်ရောက်ရောက်ခြင်းနေ့မကူးပဲ ဆေးခန်းမှာ သွားလှူပေးခဲ့တဲ့ ညီမတို့ ဇနီးမောင်နှံနဲ့ လူကြုံယူသွားပေးတဲ့ ညီမတို့ကို ကျေးဇူးအထူးတင်ပါတယ်။

ဆေးခန်းအတွင်း တနေရာ...

ဆေးခန်းအတွင်း တနေရာ...

ချစ်သူငယ်ချင်း နှစ်ယောက်ရဲ့ လှူဒါန်းခြင်း - သုခ ကို သတ္တ၀ါအပေါင်းအား အမျှပေးဝေလိုက်ပါတယ်။

ပုံရိပ်ဟောင်းများ (၃) - The Lost World

ချစ်စ,ကို ရှည်စေ၊ မုန်းစ,ကို တိုစေ ဆိုတဲ့ မြန်မာစကားပုံ တစ်ခုရှိပါတယ်။ ဒီနေရာမှာတော့ လွမ်းစ,ကို ရှည်စေ လို့ပါ ထပ်ဖြည့်ရတော့မယ်။ ပုံရိပ်ဟောင်းများနဲ့ မပြီးနိုင် မစီးနိုင် လွမ်းလိုက်ပါဦးမယ်...။

၂၀၁၀ခုနှစ် စက်မှုတက္ကသိုလ်ကျောင်းသူ၊ ကျောင်းသားဟောင်းများ၏ ဆရာပူဇော်ပွဲနှင့် မိတ်ဆုံပွဲကို စင်္ကာပူမှာ အောင်မြင်စွာ ကျင်းပ ပြီးစီးခဲ့ပါပြီ။ ကျေးဇူးတင်ထိုက်သူများ အားလုံးကို ကျေးဇူးတင်ရင်း…
ကွယ်လွန်သွားပြီဖြစ်သော ဆရာကြီးဒေါက်တာစန်းတင့်  စင်္ကာပူလာရောက်ခဲ့စဉ်(၁၉၉၇ခုနှစ်)က မြန်မာဘုန်းတော်ကြီးကျောင်းမှာ ရိုက်ထားတဲ့ ဓာတ်ပုံတစ်ပုံကို အမှတ်တရအဖြစ် တင်လိုက်ပါတယ်။

အီလက်ထရွန်နစ်ဌာန ပါမောက္ခ ဒေါက်တာစန်းတင့်

အဲ့ဒီနေ့ ညနေမှာပဲ တပည့်များက ဆရာကြီးကို Jurong Point ရုပ်ရှင်ရုံမှာ The Lost World – Jurassic Park ဇတ်ကား လိုက်လံပြသခဲ့ပါတယ်။ တနေကုန် ပင်ပန်းနေပေမဲ့၊ တပည့်တွေကို အလိုလိုက်ခဲ့တဲ့ ဆရာကြီး သည်းထိတ်ရင်ဖို ပြကွက်တွေကြား၊ အိပ်မောကျရင်း အနားယူရရှာတယ်။

စက်မှုတက္ကသိုလ်မှာ ဒေါက်တာစန်းတင့်တို့လို ကိုယ်တိုင် ပညာထူးချွန်ရုံမက ကျောင်းသားတွေရဲ့ ပညာရေးကို အထူးအလေးပေးတဲ့ ဆရာကြီးတွေ အတော်များများ ရှိခဲ့ကြပါတယ်။ ဒါပေမယ့် အခြေအနေ အကြောင်းကြောင်းတွေကြောင့် ဒီလိုဆရာမျိုးတွေ တဖြည်းဖြည်း နည်းပါးလာပါပြီ။ ဒိုင်နိုဆောကြီးတွေလို extinct ဖြစ်သွားမှာ စိုးရိမ်မိနေပါတော့တယ်။

1995 ခုနှစ် - ရန်ကုန်စက်မှုတက္ကသိုလ် (၂၇)ကြိမ်မြောက် ဘွဲ့နှင်းသဘင် အခမ်းအနား ကျင်းပသည့်နေ့တွင် ရိုက်ကူးထားသည်။

ပုံရိပ်ဟောင်းများ - (၂)

ပုံရိပ်ဟောင်းများနှင့် ပန်းချီ

ကျမတို့ ပထမနှစ်တက်ပြီး မကြာခင်မှာပဲ စက်မှုခန်းမထဲမှာ ပန်းချီပြပွဲလုပ်ပါတယ်။ သူငယ်ချင်းတသိုက် အတန်းအားတိုင်း ပြပွဲထဲမှာ ခြေရှုပ်ပါတယ်။ ပြပွဲမှာ ကားတင်တဲ့ ပန်းချီဆရာကြီးတွေက ပို့စကတ်လေးတွေကိုလည်း တထိုင်တည်း ဆွဲပေးပါသေးတယ်။ အားပေးကြတာပေါ့။ ပုံလေးတွေက ကျောင်းရဲ့ Building 1 ပုံ၊ ဦးလူပေါဂိတ်၊ စွယ်တော်ရွက်လေးတွေ စသဖြင့်ကို အခြေခံအားဖြင့် ဆွဲထားပြီးသားပေါ်မှာ ၀ယ်ယူသူအကြိုက် နည်းနည်း ထပ်ဖြည့်ဆွဲပေးပါတယ်။ ရေးချင်တဲ့ စာတွေ ကဗျာတွေ ပို့စ်ကတ်ပေါ်မှာ ရေးပေးတဲ့ ၀န်ဆောင်မှုကိုပါ တပြိုင်တည်း ပေးပါတယ်။ ကျမတို့လည်း အခြားတက္ကသိုလ်က သူငယ်ချင်းတွေကို ပေးဖို့ ၀ယ်ကြပါတယ်။ သူများထက်ထူးတာက ပို့စ်ကတ်ပေါ်မှာ ကိုယ်ရေးချင်တဲ့ စာကို ကိုယ့်ဖာသာရေးမယ်ဆိုပြီး ပန်းချီဆရာဆီက ဖောင်တိန်ကို တောင်းယူရေးတာပါ။ ပုံဆွဲတဲ့ Pen လေးတွေက ကျမတို့ သုံးနေကျတွေနဲ့ မတူဘူးကိုး.. Pen လက်ထဲရောက်တော့ စိတ်ကြီးဝင်မိသေးတယ်။ ကိုယ်ဝယ်ထားတဲ့ ကတ်ပေါ် ကိုယ်တိုင်စာချရေးလိုက်တော့ ပန်းချီဆရာကြီးက “လက်ရေးက ပန်းချီလက်ရေးပဲ” လို့ ပြောချလိုက်တော့ ပြုံးလိုက်တဲ့ ကိုယ့်မျက်နှာကြီးကိုယ် တသက်မမေ့ မှတ်မိနေတော့တယ်။ ပန်းချီဆရာကြီးတွေကလည်း  တကျောင်းတည်းသား အစ်ကိုကြီးတွေပဲမဟုတ်လား။ သူတို့တင်ထားတဲ့ ကားတွေက “ဘယ်သူ့ပုံကို ဆွဲထားတာမလား၊ ဘယ်ဝါ့ပုံကို ဆွဲတာမလား” ဆိုတဲ့ မေးခွန်းတွေ အစ်အောက်မေးပြီး ရစ်ခဲ့ကြတာပေါ့…။ အော်… ပုံရိပ်ဟောင်းထဲက ပန်းချီ…

ပုံရိပ်ဟောင်းများနှင့် ၀တ္တု

အဲ့ဒီ စက်မှုခန်းမကြီးထဲမှာပဲ မောင်မယ်သစ်လွင် ကြိုဆိုပွဲ လုပ်တယ်။ နောက်နှစ်တန်းလောက်မှာ ထိုင်နေတဲ့ သစ်လွင်တယောက် ခြေဖမိုးအောက် မျက်စိက တောက်တောက်ဆို ပြုတ်ကျသွားလို့၊ ဟဲ့ကောင်ကလေး နင်နဲ့ငါနဲ့ ရည်းစားဖြစ် ဆိုပြီး စိတ်ကူးတွေ ယဉ်လိုက်တာ… “အချစ်ဆုံးသမား” ဆိုတဲ့ ဘ၀မှာ ပထမဦးဆုံးရေးလိုက်တဲ့ ၀တ္တုတို တစ်ပုဒ်ရပါတယ်…။ အော်… ပုံရိပ်ဟောင်းထဲက ၀တ္တုဇတ်လမ်း…

ပုံရိပ်ဟောင်းများနှင့် ကာတွန်း

Building 1 အောက်၊ ပါချုပ်ရုံးခန်း ထွက်ပေါက် အရှေ့၊ ထောင့်လေးမှာ Cartoon Box လေးရှိတယ်နော်။ အသစ်တင်တိုင်း တိုးဝှေ့ ခံစားပလိုက်တာ ကျောင်းသူ ကျောင်းသားတိုင်းရဲ့ ၀တ္တရား။ ပုံရိပ်ဟောင်းထဲမှာ ကိုယ်တဦးတယောက်တည်းနဲ့ ဆိုင်တဲ့ ကာတွန်းလေးတခု ပိုင်ဆိုင်ခဲ့ဖူးပါတယ်။ Building 1 ကနေ ကင်တင်းဘက်သွားတဲ့ စင်္ကြန်ဘက်ထွက်တဲ့ အပေါက်နားက Notice Board မှာ ကပ်ထားတာကို သူငယ်ချင်းတွေ တွေ့လို့ ဖြုတ်ယူလာခဲ့ကြတာလေ…။
ဆံပင်ကောက်ကောက်
ပိန်ခြောက်ခြောက်နဲ့
စိန်မျောက်မျောက်… ဆိုတဲ့ စာလုံးမဲကြီးတွေနဲ့၊
New Model ပုံစံသစ်ဖြင့် ၀င်လာသူ
ဆိုပြီး ဆွဲထားလိုက်တာ၊ ကျမ ခုံနံပါတ်ပါ ရေးထားလိုက်သေး…။
ဆွဲတဲ့သူ နာမည်ကို ရေးပြီးမှ ဖျက်ထားတယ်။ ရသလောက် ဖတ်ကြည့်လိုက်တာတော့ Section C မှ XXX လက်စွမ်းပြသည်တဲ့။ စနောက်ချင်ဇောနဲ့ ကျမပုံကို မလှမပ ဆွဲထားတာ ဖြစ်ပေမဲ့ ကျမ စိတ်မဆိုးပါဘူး၊ ပုံရိပ်ဟောင်းများထဲက ကာတွန်းလေးအတွက် ကျေးဇူးပါလို့ ဒီနေရာကနေ ပြောလိုက်ပါရစေ စွမ်းအားရှင်ကြီးရေ…။
(၈၈ အရေးအခင်းမှာ ဆန္ဒပြစဉ်က သုံးခဲ့တဲ့ နဖူးစီးတို့၊ လက်ပတ်တို့နဲ့အတူ စက္ကူဗူးလေးထဲ ထည့်သိမ်းထားခဲ့တာမို့ အခု ကိုယ်နဲ့အတူ ရှိမနေပါ။)

ပုံရိပ်ဟောင်းများနှင့် ဂီတ

ကျမတို့ ပဉ္စမနှစ်ရောက်တော့ စက်မှုခန်းမကြီးထဲမှာဗျာ… ပြင်ကြဆင်ကြ လှုပ်လှုပ်ရွရွနဲ့…။ စတိတ်ရှိုးလုပ်မှာ တဲ့။ အဆောင် ကျောင်းသူကျောင်းသားတွေအတွက် Annual Dinner ဆိုလား။ နေ့ ကျောင်းသားများနဲ့ လားလားမှမဆိုင် ဖိတ်စာပါမှ လာရမယ်ဆိုလို့၊ ကျမတို့ ခန်းမရှေ့ အကြိမ်ပေါင်းများစွာ လျှောက်ပြန်သံပေးပြီး ခြေအေးဝမ်းယောင်လာတဲ့အခါမှ ပေစောင်းပေစောင်းနဲ့ နေရပ်ထံသို့ ပြန်ပါလေတော့ ပြန်ခဲ့ရပါလေသတည်းပေါ့။ နေရာ အခက်အခဲကြောင့် Dayသမားတွေ မလာရတာပါဆိုတဲ့ မခိုင်လုံတဲ့ သတင်းရပ်ကွက်က ထွက်လာတဲ့ ကောလဟာလကြောင့်၊ နောက်တနေ့မှာ Civil က သူငယ်ချင်းတယောက် မကျေမနပ်နဲ့ ပြောခဲ့တဲ့ စကား အခုထိ မှတ်မိသေးတယ်။ တို့ Day သမားတွေ စတိတ်ရှိုး အမျိုးသားကဇတ်ရုံမှာ သွားလုပ်မယ်ဟေ့ တဲ့။ မကျေဘူးကွ… စင်ပေါ်တက်ခဲ့တဲ့ ကောင်တွေ မိုက်ရင်ထွက်ခဲ့လို့ ရန်စလိုက်ချင်သေးတော့တယ်။ အဲ့လိုသာဆို ရှေ့ဆုံးက ထွက်လာမှာ … (အခုတော့ အိမ်က လူကြီး လို့ ပိုင်ပိုင်နိုင်နိုင် ခေါ်ခွင့်ရပြီ ဖြစ်တဲ့) ကိုဧရာ…

ဘယ်ဘက်က Bass guitar တီးခတ်နေသူက ကိုဟန်ဇော် ဖြစ်ပြီး ညာဘက်က Lead guitar တီးနေသူကတော့ ကိုသူရချစ်မောင်ပါ။ ကိုဧရာ ဆိုခဲ့တဲ့ သီချင်းရဲ့ မူရင်း အဆိုရှင် က ဆမ်ဆမ် (ကိုဧရာထက် တတန်းကြီးတဲ့ Civil မှ ကိုအောင်ဆန်းမြင့်) ဖြစ်ပါတယ်။ Civil ကပဲ... နောက်ထပ် အဆင်သင့်ပဲဟေ့ ဆိုတဲ့ ပထမဦးဆုံးစီးရီး ထွက်ခဲ့တဲ့ အသံချိုချိုအေးအေးလေးပိုင်ရှင် တူးတူး (ကိုမင်းကျော်သူ)။ အဲ့ဒီစတိတ်ရှိုးမှာ ဆိုချင်လျက် မဆိုဖြစ်လိုက်သူက ကိုဧရာတို့နဲ့ တတန်းထဲသား ဒွေး (ကိုထင်လင်း)။

သူအဲ့ဒီတုန်းက ဆိုခဲ့တဲ့ သီချင်းလေးကို ဂစ်တာတီးပြီး ဆိုပြရင် မသီတာ သိပ်ကြိုက်ပါတယ်။
ခင်ဗျာ.. ခင်ဗျာ.. ကိုဧရာ အသံဖိုင်တင်ပါ… ဟုတ်ကဲ့ မသီတာလည်း ပရိတ်သတ်ကြီးများ ကိုယ်စား တောင်းဆိုပါတယ်။ အဆိုတော်ကြီးက မိုက်မကောင်းဘူး။ အသံသွင်းတာတွေ မကောင်းဘူး။ ဂစ်တာက မကောင်းဘူးနဲ့ ဈေးကိုင်နေပါတယ်။ အမှန်က အသံမကောင်းတော့တာပါ။

အော် ပုံရိပ်ဟောင်းများ ဆိုမှတော့ အိုပြီလေ…။

ပုံရိပ်ဟောင်းများ- (၁)

ကိုယ့်ရင်ထဲက စိတ္တဇတွေ… (၁)၊ (၂)

ရေးချင်တာတွေကတော့ အများကြီးပဲ
မရေးရတာလည်း ကြာပြီဆိုတော့
*****
အကြည်က ခပ်တည်တည် ဟိုဘက်လှည့်ထိုင်နေတယ်
မြင်နေရတယ် ဒါပေမဲ့ နားလည်အောင် မှန်းဆဖို့ကြ ခက်နေပြန်တယ်

ညဥ့်နက်သန်းခေါင်တိုင်တယ်
စာကြည့်စားပွဲမှာ ငုတ်တုတ်ထိုင်တယ်
ဘာမှ ထွက်မလာတဲ့အဆုံး ဒုက္ခခြေရင်း ၀ပ်ဆင်းလိုက်ရတယ်… ကတောက်
*****
မိတ်ဆွေ အမတွေက ပြောတယ်။ “၀ လာလိုက်တာ..” တဲ့..။ ဆက်ပြောသေးတယ် “ဘလော့ဂ်မှာ သိပ်မတွေ့ရတော့လို့ ဖြစ်မယ်ထင်တယ်” တဲ့။ အိမ်က သားကြီးကတော့ “မေမေ ပိန်ချင်ရင် ဘလော့မလုပ်နဲ့တော့” လို့ ပြောလာတယ်။ “ဟုတ်တယ်လေ.. မေမေက စားပြီးတော့ ကွန်ပြူတာရှေ့ထိုင်၊ အဲ့ဒီတော့ ဘာဖြစ်သလဲ… ဗိုက်ကြီးက ပူလာတာပေါ့” တဲ့။ “မေမေက သားပြောတာ လုပ်မှာလည်း မဟုတ်ပါဘူး..” လို့ ညည်းပြောလေး ပြောသေးတယ်။
*****

ကိုယ့်ရင်ထဲက စိတ္တဇတွေ… (၁)

တနေ့က သားငယ်လေးနဲ့ အတူ အိပ်တယ်။ မနက်ဝေလီဝေလင်းလောက်မှာ သားငယ်လေးက ငုတ်တုတ်ကလေး ထထိုင်ပြီး တိုးတိုးလေး ပြောလာတယ်။ “မေမေ သား မီးခဏလောက် ဖွင့်မယ်နော်” တဲ့။ “အင်း” လို့ မျက်စိမဖွင့်ပဲ ခေါင်းညိတ်ပြလိုက်တော့ သူမီးခလုတ်ဆီ ထသွားတယ်။ စိတ်ထဲမှာ ဘာများဖြစ်လို့လဲ… သူ အိပ်ယာထဲ ရှူးတွေများ ပေါက်ချလေသလားလို့ အိပ်ယာခင်းကို ကပျာကယာ စမ်းမိတယ်။ မဟုတ်ပါဘူး။ အိပ်ယာခင်းပေါ် ပျံ့ကျဲနေတဲ့ ကဒ်တွေကို မီးရောင်နဲ့ မြင်လိုက်ရပြီး သူ့နေရာပြန်ရောက်လာတဲ့ သားငယ်က “သားကဒ်တွေ အောက်ကျကုန်လို့” လို့ ပြောရင်း သူ့ကဒ်တွေကို ကောက်စီနေတော့တယ်။ (အဲ့ဒီကောင်လေးက ဥစ္စာခြောက်လေး... သူ ကစားတဲ့ ကဒ်တွေကို ခေါင်းအုံးအောက် ထားအိပ်တတ်တယ်။)

အဲ့ဒီနေ့ မနက်ကတော့ လမ်းဆင်းလျှောက်ဖြစ်တယ်။ တယောက်ထဲပဲ ဆိုတော့ အစပိုင်းမှာ လမ်းလျှောက်ရင်း သတ္တ၀ါတွေကို မေတ္တာပို့တယ်။ ရာသီဥတုက ညိုညိုမှိုင်းမှိုင်း အုံ့အုံ့ဆိုင်းဆိုင်းဆိုတော့ ခြေလှမ်းတွေနဲ့ အတူ အတွေးရေယာဉ်ကျော မျောကောင်းလှတယ်။ ဒီနေ့ မိုးရွာမလား… နေပူမလား… ငါတော့ မသိဘူး… သားတွေကတော့ သိလိမ့်မယ်… သူတို့က မိုးလေ၀သ ခန့်မှန်းချက် ၃ရက်စာ ကြိုဟောတာကို တီဗွီကနေ ကြည့်တတ်တယ်။ ဒီနေ့ ဘယ်နေ့၊ ဘယ်ရက်လဲ… လဆန်းလား လဆုတ်လား… ဒါလည်း ငါမသိပြန်ဘူး… အော် ငါဟာ တော်တော် ပေါ့ပေါ့ဆဆ နေတတ်သူပါလား။ ဟိုးငယ်ငယ် ရွာမှာနေတုန်းကလည်း အမှတ်အသားမရှိခဲ့တာပါလေ… အိမ်ရှေ့ကချောင်းလေးရဲ့ ရေတက် ရေကျ၊ ရေသေ ရေထတွေက ဒီလဆန်းလဆုတ်ရက်တွေနဲ့ သက်ဆိုင်နေတာပဲ… အဲ့ဒီတုန်းကလည်း လူကြီးတွေ အလုပ်လို့ပဲ ထင်ခဲ့တယ်။ သိချင်တဲ့အချိန် တယောက်ယောက် ကောက်မေးလိုက်တာပဲ။ ကိုယ့်ဖာသာ သိအောင်တော့ မလုပ်ခဲ့ပါဘူး။ အင်း ငါတွေးနေပြန်ပြီ… တွေးပြီ ဆိုတော့လည်း အတိတ်အကြောင်းတွေ ချည်းပါပဲလား။ ငါ အနာဂတ်ကို ဘာကြောင့်မတွေးတတ်တာလဲ… တခါတလေများ အနာဂတ်ကို တွေးကြည့်ပါဦးလားဟယ်။ အနာဂတ်ကို တွေးရတာက အားစိုက်ရတယ်။ အနာဂတ်ကိုတွေးတဲ့ ငါ့အတွေးတွေဟာ တလံလောက်မှာပဲ ပျင်းရိလေးတွဲစွာ တုံ့ကနဲ ရပ်သွားတတ်တယ်။ (ဖျတ်ကနဲ အတွေးထဲ ၀င်လာပြန်တာက) နွေရာသီကျောင်းပိတ်ရက် ရွာမှာသွားနေရင်း အဒေါ်အပျိုကြီးရဲ့ ဖြူလွလွ အိပ်ယာခင်း အကျခင်းထားတဲ့ မထူမပါး မွေ့ယာလေးပေါ် သဘောခွေစွာ အိပ်ခွင့်ရခဲ့တယ်… အဲ့ဒီ ကြည်နူးမှုလေးက ကြာကြာမခံပဲ… ချောက်ချားစရာတွေနဲ့ အဆုံးသတ်ခဲ့ရတယ်… အိပ်ယာထဲ ရှူးပေါက်မိလို့ လူကြီးတွေ မသိခင်… ကိုယ့်အ၀တ်တွေ ထလဲ… နံစော် စိုရွဲကုန်တဲ့ စောင်တွေ အိပ်ယာခင်းတွေ ဖျာတွေကို ခိုးထုတ်ခိုးထည်တွေအလား… ဘာလုပ်လို့ ဘာကိုင်ရမှန်းမသိ… မနက်မိုးလင်းရင် “သီတာ အိပ်ယာထဲ သေးပေါက်တယ်မလား” လို့ အစစ်ခံရတော့မယ်… ရင်ထဲမှာ တုန်လှုပ်ချောက်ချားလိုက်တာ…
အော် အခုတော့သိပြီ… ငါ လိမ်ညာ လှည့်ဖျား ဟန်ဆောင် ဖုံးကွယ်တတ်နေခြင်းဟာ ငယ်ငယ်က အိပ်ယာထဲ ရှူးပေါက်ချတတ်ခြင်းက အစ ပြုခဲ့တာပါလား...။
*****
ခြေလှမ်းတွေကတော့ လေးတွဲ့လျက်ပါပဲ….။

ပန်ပန်နဲ့ မလေးကို ဒီနေရာကနေ ခွင့်တောင်းပါတယ်။
*****

ကိုယ့်ရင်ထဲက စိတ္တဇတွေ… (၂)

ပုံမှန် အားဖြင့်တော့ နေ့လည် နေ့ခင်းလည်း အိမ်တံခါးတွေ ပိတ်ပြီး သားအမိတစ်တွေ အိမ်ထဲ နေကြတာပဲ…။ အဲ့ဒီနေ့ကတော့ သားကြီးကို ကိစ္စတခုနဲ့ အောက်ဆင်းဖို့ ခိုင်းလိုက်တော့ သူ တံခါးမကြီးကို ဖွင့်တယ်။ ၀ရံတာကို ထွက်သွားပြီး မကြာခင်မှာပဲ “မေမေ အိမ်ရှေ့မှာ ဆိုက်ကယ် Accident ဖြစ်ထားတယ်” လို့ လှမ်းပြောတယ်။ ကိုယ်လည်း “ဟုတ်လား သား” ဆိုပြီး ၀ရံတာထွက်လာပြီး ကြည့်မိတယ်။ ရိုးရိုးရဲကားတစီး၊ အက်စိဒင့် ဖြစ်ထားတဲ့ ဆိုင်ကယ်၊ ယာဉ်ထိန်းရဲ ဆိုင်ကယ်နှစ်စီးကို တွေ့ရတယ်။ အကြီးအကျယ် ပြင်းပြင်းထန်ထန် ပုံစံတော့မဟုတ်ဘူး။ ခဏနေတော့ Civil Defence က မီးသတ်ကားကြီး ရောက်လာတယ်။ ကျန်းမာ ချမ်းသာကြပါစေ မေတ္တာတစ်ချစ်နှစ်ချက်ပို့ပြီး အိမ်ထဲပြန်ဝင်လာခဲ့တယ်။

သားကြီးက လာပြောပြန်တယ်။ မေမေ “မီးသတ်ကားကြီးက သွေးကွက်တွေကို ဆေးနေတယ်။ နီရဲနေတာပဲ” တဲ့။ “ဟုတ်လား သား” ဆိုပြီး တခါထွက်ကြည့်မိပြန်တယ်။ မီးသတ်သမားတွေ လမ်းလယ်ကောင်မှာ အကွက်တကွက်ကို ဆပ်ပြာအမြှုပ်တွေကို ထလို့ တံမြတ်စည်းတံအရှည်တွေနဲ့ ကုတ်ခြစ်ပြီး အသေအချာကို ဆေးနေကြတယ်။ “သူတို့ သုံးတဲ့ ဆေးက အနီရောင်မို့လို့ပဲလား…သွေးတွေ မို့လို့ပဲလားတော့မသိဘူး…နီတော့ နီနေတယ်နော် မေမေ” လို့ သားကြီးက ပြောပြန်တယ်။ “အင်း” လို့ ခေါင်းငြိမ့်လိုက်တယ်။ ကျမစိတ်ထဲကတော့ ဓာတ်ဆီတို့ အင်ဂျင်ဝိုင်တို့ ဖိတ်သွားတဲ့ အကွက်ကို ဆေးနေတာလည်း ဖြစ်နိုင်တယ်လို့ တွေးမိပါတယ်။ သားကြီးကိုတော့ ဘာမှ မပြောဖြစ်ပါဘူး… ငါ့သားကတော့ Drama တွေ လုပ်နေပြန်ပြီလို့ မှတ်ချက်ပြုရင်း သူ့အတွေးနဲ့သူ တွေးချင်သလို တွေးနေပါစေလို့ လွှတ်ပေးထားလိုက်တယ်။ သားကြီးက အဲ့ဒီလိုပါပဲ သူ့အတွေးတွေက ကျမတို့ အထင် အမှန်တရားနဲ့ မနီးစပ်တဲ့ ဒရမ်မာတွေ သိပ်များပါတယ်။ (ဒါလည်း ဘမျိုးဘိုးတူတာလား၊ မိမျိုးဖွားတူတာလားမှ မသိတာနော့။)

လမ်းပေါ် မောင်းလာကြတဲ့ ကားတွေက ဆေးကြောနေကြတဲ့ လူတသိုက်အနားအရောက်မှာ အရှိန်လျှော့ သတိထားပြီး ကွေ့ရှောင် မောင်းနေကြတယ်။ ကျမလည်း စိတ်ကူးနဲ့ ကားမောင်းကြည့်လာမိတယ်။ အဲ့ဒီနားအရောက်မှာ လမ်းပေါ်ကအကွက်ကို ကားဘီးမနင်းမိအောင်၊ ယုတ်စွအဆုံး ပိုက်နဲ့ ထိုးဆေးနေတဲ့ ရေတွေ လမ်းကြမ်းပြင်ကိုထိပြီး ပြန်ကန်တက်တဲ့ အညစ်အကြေးရေတွေ ကျမကားကို မစင်မိအောင် ဆတ်ဆတ်လူး ကွေ့ဝိုက်ရှောင်တိမ်း မောင်းနေမိတယ်။ ဘာမှန်း ညာမှန်းမသိ သားပြောတဲ့ သွေးတွေ ဖြစ်နေရင် ကျမကားကို သွေးစက်ရေ စင်မိပါပြီတဲ့ မကောင်းဆိုးဝါးက ကပ်ငြိပါလာလေသယောင်… စိတ်ထဲ မသတီလိုက်တာ…

ချက်ချင်းဆိုလလိုပဲ သတိဝင်မိပါတယ်။ ဘာမှန်း ညာမှန်း အသေအချာ မသိတဲ့ အရည်တွေကို ဓာတ်သဘောသတ်သတ်မမြင်ပဲ… အသက် လိပ်ပြာ ၀ိညာဉ် တစုံတရာအလား ထင်ယောင်ထင်မှား ခိုင်တယ် မြဲတယ် ကူးတယ် ပြောင်းတယ် လို့ ယူဆနေတဲ့ သဿတဒိဋ္ဌိရဲ့ အတွေးတွေပါလားဟု…။

ပြောပြရဦးမည့် အဖြစ်တွေ…(၃)

တချို့များ သိပ်ချစ်တတ်ကြတယ်။ တိရစ္ဆာန်လေးတွေကိုတောင် ဘယ်လို ချစ်ခင် ကြင်နာ ယုယတယ် ဆိုတဲ့ အကြောင်းလေးတွေ ဖတ်ရတော့ ဒီက မိန်းမကြမ်းကြီး မသီတာ သတိသံဝေဂ ဖြစ်မိပါတယ်။ ဒီက အဖို့မှာတော့ ဘယ်ခွေးတကောင်၊ ကြောင်တမြီးကိုမျှ မချစ်ခဲ့ဖူးပါဘူး။ တိရစ္ဆာန်မပြောပါနဲ့၊ ကိုယ်မွေးထားတဲ့ လူလေးနှစ်ကောင် ရေချမ်းနဲ့ ရေစင်ကိုတောင် မနည်း ကြိုးစားချစ်နေရသူပါ။ အကြင်နာတရား ခေါင်းပါးလိုက်ပုံများတော့ …
*****
ပြောပြရဦးမည့် အဖြစ်တွေ…

လျှော်ထားတဲ့ အ၀တ်တွေ လှန်းနေတုန်း၊ ရေချမ်း ကျောင်းက ပြန်လာစေ
မအေ။ ။ကြည့်စမ်းဟယ်… ချွေးတွေ သံတွေနဲ့ ညစ်ပတ် နံစော်နေတာပဲ… သွား သွား … ရေချိုး။ အင်္ကျီချွတ်… လျှော်မည့်ထဲ ထည့် … ရေချိုးခန်းထဲ တခါထဲဝင်… ရေစွတ် ချေးနှူးထား… ငါ လာခဲ့မယ်
သား။ ။ (အင်္ကျီကို လေးတွဲစွာ ချွတ်ရင်း ဟိုလျှောက် ဒီလျှောက် လုပ်နေရာမှ ရယ်ကျဲကျဲဖြင့် ပြော)
ဂျာမန် စခန်းကို ရောက်သွားပြီ… ပိုလန်တွေ ဂျူးတွေကို နှိပ်စက်တော့မယ်
*****
မအေ။ ။ဟယ် ခေါင်းတွေလည်း စိုလို့… ခေါင်းက လျှော်မှာလား …
သား။ ။အင်း
Shampoo တွေ လက်ထဲထည့်ပြီး ရေချမ်းခေါင်းကို တဗျင်းဗျင်းကုတ်
ရေပန်းကို ဂိတ်ဆုံးဖွင့်
ကြမ်းပြင်ပေါ် ဖင်ချထိုင်ခိုင်းထားလို့ ထိုင်နေသူအပေါ် ရေတွေ ဖျန်းတော့
သား။ ။ဒါက ဂျပန်… မေးခွန်းတွေ မေး၊ မဖြေလို့ ရေပိုက်ကြီးနဲ့ ထိုးနေတာ
*****
နည်းနည်းတော့ ရယ်ချင်သွားတယ်… မအေကို ကင်ပေတိုင် လို့ ဆိုလိုတာပေါ့လေ … မရယ်အားဘူး
ကိုယ့်ဖာသာကိုယ် ဆက်ချိုး ဆို ထားခဲ့ပြီး
*****
ကျောက်ပြင်ချ သနပ်ခါးသွေးနေတုန်း
သား။ ။မေမေကလည်း သနပ်ခါး မလိမ်းချင်ပါဘူးဆို
မအေ။ ။ဘာပြောတယ်
သား။ ။ကိုယ်လုံးပဲ လိမ်းမှာမဟုတ်လား မျက်နှာ မလိမ်းဘူးနော်…
မအေ။ ။စကားမရှည်နဲ့ ငါ မျက်နှာပါ လိမ်းထည့်လိုက်ရ
သား။ ။ဒါက မြန်မာစတိုင်
... ... ...

... ... ...

... ... ... 
*****
ရေစင်က မအေရဲ့ စိတ်နှလုံးကို ကြည်မွေ့စေသလောက်
ရေချမ်းကတော့ အဲ့သလို...
ကျမ သိပ်သဘောကျတယ်...
*****
တချို့ အမျိုးသမီးလေးများ အမူအယာက ညင်သာ၊ အပြောအဆိုက ချိုသာ… တို့များဖြင့်…
သာယာ ညှင်းပျောင်းကို မရှိဘူး...
ပိသာလေးနဲ့ နံဘေးပစ်...
*****
ဒီအရောင် နဲ့ ရေးထားတာလေးတွေက မသီတာ အမေ ပြောတတ်တဲ့ အသုံးအနှုန်းလေးတွေ...
(အမေက သမီးကို ချစ်သလို သမီးကလည်း သားတို့ကို ချစ်လိုပါ၏။)

ပြောပြရဦးမည့် အဖြစ်တွေ…(၂)

အလုပ်မရှိ အကိုင်မရှိနဲ့ ကျမဘ၀က သိပ် မျက်နှာငယ်တာပဲ…။ လူရာ မ၀င်ဘူး…။ ဘာအဓိပ္ပါယ်မှ မရှိဘူး…။
မသီတာ စိတ်ဖောက်လာတိုင်း ကိုဧရာကို ပစ်လွှတ် တိုက်ခိုက်တဲ့ စကားလုံးတွေပါ။
ကိုဧရာလည်း သူ့ဆွဲကိုင်ထားတဲ့ မူဝါဒတွေနဲ့ မလွတ်တမ်း ခုခံ ငြင်းဆိုပါတယ်။ အခုတော့ သူ့ဘက်မှာ စစ်ကူတွေတောင် ရနေပါပြီ…။ အခြားသူတွေ ဟုတ်ရိုးလား။ ရေချမ်းနဲ့ ရေစင်ပဲပေါ့။

တခါတော့ မသီတာလည်း နှစ်ယောက်ထဲရှိတုန်း နေရာမရွေး လျှပ်တပြက်တိုက်တယ်ပဲ ဆိုမလား...ဘတ်စ်ကား ဂိတ်ကြီးမှာ ကောက်ခါငင်ခါ
“ကျုပ် ဒီမှာ နေရတာ ဘာမှ အဓိပ္ပါယ်မရှိဘူး ရန်ကုန်ပြန်မယ်” လို့ စတိုက်ပါတော့တယ်။ ကိုဧရာက
“မဖြစ်ပါဘူး” သူ့စတိုင် အတိုင်း အေးအေးဆေးဆေးနဲ့  
“ဘာလို့ မဖြစ်တာတုန်း”

“သီတာပဲ စဉ်းစားကြည့်လေ အဓိပ္ပါယ်ရှိသလားလို့”

“အဓိပ္ပါယ်မရှိလို့ အဓိပ္ပါယ်ရှိအောင်လုပ်ရမှာလေ”

“ဟိုနေ့ကပဲ သားငယ်က ပြောနေသေးတယ်”

“ဘာပြောလို့လဲ”

“ဓာတ်လှေကားနားမှာပါ။ အိမ်နားက ကောင်လေးက နှုတ်ဆက်တယ်။ ‘အန်တီ့ကို အောက်မှာ တွေ့လိုက်တယ်’ တဲ့”

“အော် ကျမနဲ့ သားကြီး အယင် ဆင်းသွားတော့လား…ဟုတ်တယ်လေ တွေ့လိုက်တယ်”

“အဲ့ဒီတော့ ကို က ‘အော် my wife’ လို့ ပြောလိုက်ပြီး၊ ဓာတ်လှေကားထဲရောက်တော့ သားငယ်က

ဖေဖေကလည်း my wife မဟုတ်ပါဘူး။ my wife ဆိုရင် ဖေဖေတယောက်ထဲ wife ဖြစ်နေမှာပေါ့။ housewife ပါ တဲ့
...
...

အလုပ်မရှိဘူး။ အလုပ် မရှိဘူး မပြောစမ်းပါနဲ့။ housewife က အလုပ်ပေါ့ 

ဒီပို့စ်နဲ့ ချိတ်ထားတယ်။ Occupation

Housewife မသီတာ ဘလော့ဂ်လည်း ရေးသည်ပေါ့။
ဟိုညက “စာရေးဦးမယ် အေ” ဆိုတော့၊ ကိုဧရာက “ရေး..ရေး” တဲ့
ကွန်ပြူတာရှေ့ထိုင်ပြီး
“ဒီမှာ ရှင်ဖွင့်ထားတဲ့ ဖိုင်တွေက”
“ပိတ်လိုက် ပိတ်လိုက် ရတယ်။” ထုံးစံ အတိုင်း သူ့ စာအုပ်က မျက်နှာမခွာပဲ ပြောတယ်။
ကီးဘုတ်မှာ ခလုတ်လေးတွေနှိပ်လို့ ခဏနေတော့ “ကျမ ပါးစပ်က ခေါ်ပေးမယ်.. ရှင် လိုက်ရေးပေး”
“အမလေးဗျာ…တကယ့် ဆရာကြီးတွေ ကျနေတာပဲ… ဟိုတယ်မှာ သွားမရေးလို့ တော်သေး” တဲ့
း)))

ပြောပြရဦးမည့် အဖြစ်တွေ…

“မသီတာ ငယ်ဘ၀က ပျော်စရာကြီးနော်”
“အမဘ၀က အေးချမ်းလိုက်တာ…” လို့ မိတ်ဆွေ၊ သူငယ်ချင်းတွေက ပြောတတ်ကြပါတယ်။

ကောင်းတာတွေချည်း ရှေ့တန်းတင်ထားလို့ပါ… မကောင်းတာတွေလည်း ရှိပါတယ်။
ဘ၀ဆိုတာ ဒဂုံဦးထွန်းမြင့်ရဲ့ မင်္ဂလာကဗျာ ထဲက “ကောင်းဆိုးနှစ်တန် အစုံတွဲလို့ တလဲစီလှည့် အမြဲနေ” ဆိုတဲ့ စာသားလေးလိုပါ။

မသီတာ လက်ရှိ အခြေအနေက ကြောင့်ကြစရာ သိပ်မရှိတော့ နတ်ပြည်လေတိုက်နေသလိုလို၊ တဖက်ကလည်း စိတ်သွားတိုင်း ကိုယ်မပါတဲ့အခါ “အော် င့ါဘ၀နှယ် အကျယ်ချုပ် ကျခံနေရသလိုပါလား” လို့ တွေးမိပြန်ပါရော… အစွန်းနှစ်ဖက် ပြေးသွားနေပုံများ။

“ထိုက်တန်တဲ့ ရင်းနှီးမှုတော့ ရှိရမယ်
မယုတ်မလွန်တဲ့ ကြိုးစားမှုတော့ စိုက်ရမယ်
နတ်စီတဲ့ အိပ်မက် လှလှများ လွယ်လွယ်နဲ့ မရ” ဆိုတဲ့ သီချင်းစာသားလေးက ဘယ်ခေါင်းစဉ်အောက်မှာမဆို မှန်ပါတယ်။

မသီတာ အင်ဂျင်နီယာ ပညာရပ်ကို အခြေအနေအရ ဆယ်နှစ်နီးပါး သင်ကြားခဲ့ရပါတယ်။ ဒါပေမဲ့ အင်ဂျင်နီယာ မဖြစ်ခဲ့ပါဘူး။ ဘယ်တုန်းကမှ မဖြစ်ချင်ခဲ့တဲ့ အင်ဂျင်နီယာ၊ ဘယ်တော့မှလည်း မဖြစ်တော့ပါဘူး လို့ သိရတဲ့ ခုချိန်မှာ နောင်တ ဖြစ်မိပါတယ်။

(၁)
လွန်ခဲ့တဲ့ လေးငါးနှစ် မသီတာ ရန်ကုန်ပြန်တုန်းကပေါ့ …

မသီတာ ရောက်တယ်ကြားတော့ နယ်က အဖေတို့မိတ်ဆွေအမကြီး အိမ်လာလည်တယ်။ သူ့သမီးလေးကလည်း အင်ဂျင်နီယာ ဘာသာရပ်နဲ့ပဲ ကျောင်းပြီးကာစ ဆိုတော့ သူ့သမီးလေးကို စင်္ကာပူ လွှတ်ဖို့အတွက် ဘာတွေ ပြင်ဆင်ရမလဲ မေးချင်လို့ပါတဲ့…။ ဖြစ်ချင်တော့ မသီတာတို့က မန္တလေးကို တက်သွားနေတဲ့အချိန်၊ သူလာတဲ့ နေ့ ညမိုးချုပ်မှ မန္တလေးက ပြန်ရောက်တာမို့ လွဲသွားကြတယ်။

အဲ့ဒီအလွဲဟာ မသီတာအတွက် အနာတခု ဖြစ်ကျန်ခဲ့တာပါပဲ…

နောက်တနေ့ မကြီးက “နင်နဲ့ တွေ့ချင်လို့တဲ့ မနေ့က မမလှတို့လာတယ်… အဖေနဲ့ပဲတွေ့သွားတယ်… အဖေ ဘာတွေပြောလိုက်တယ် မသိပါဘူး…” လို့ မျက်နှာမသာမယာနဲ့ ပြောလာတော့
အဖေ့ အခန်းထဲသွားပြီး…
“အဖေ မမလှတို့ လာတယ်ဆို”
“အေးလေ.. သူ့သမီးလေးလည်းပါတယ်…စင်္ကာပူ သွားချင်လို့ ဘာတွေလုပ်ရမလဲ လာမေးတာ တဲ့”
“အဖေ ဘာပြောလိုက်တုန်း”
“ငါလည်း အေး သီတာ ဘာတွေလုပ်တယ်တော့ မသိဘူး… ဟိုနားမှာတော့ အိမ်ဖော်သွားလုပ်တဲ့ ကောင်မလေးတွေ ပို့ပေးနေတာရှိတယ်.. အဲ့ဒါတော့ သိတယ် လို့ ပြောလိုက်တယ်။”
“ဟာ အဖေ ဒါတော့ မှားပြီ… ဒါတော့ အဖေ မှားသွားပြီ… အဲ့သလိုပဲ ပြောလိုက်ရလား အဖေရယ်… သူ့သမီးကို ချိုးနှိမ်ပြီး ပြောလိုက်တယ် ထင်သွားရင်တော့ အခက်ပဲ”
“မထင်ပါဘူး... ငါလည်း ငါသိတာ ငါ ရိုးရိုးသားသား ပြောလိုက်တာပဲ” တဲ့
ဟုတ်ပါတယ်။ အဖေက သူသိတာကို သိတယ်၊ မသိတာကို မသိဘူး လို့ ရိုးသားစွာ ပြောလိုက်တာပါ။ တမိပေါက်တယောက်ထွန်း အင်ဂျင်နီယာဘာသာကို သင်ကြားခွင့်ရခဲ့တဲ့ ကျမကိုယ်တိုင်ကသာ ကိုယ့်မိသားစု ကိုယ့်ပတ်ဝန်းကျင်အသိုင်းအ၀ိုင်းကိုမှ ကိုယ်နဲ့ သက်ဆိုင်တဲ့ ကဏ္ဍလေးကိုတောင် အသိပညာ ဝေငှနိုင်လောက်အောင် ဒီတသက်တော့ မစွမ်းသာတော့ပြီလို့ ရင်ထဲမှာ ဖြစ်လိုက်ရတဲ့ ဝေဒနာက သေရာပါ။

*****

(၂)
“အင်ဂျင်နီယာ မဖြစ်ပေမဲ့ အင်ဂျင်နီယာကတော်တော့ ဖြစ်ပါတယ်” ဆိုတာလို ကလေးဆန်တဲ့ ကြွားလုံးမျိုးနဲ့ အစပျိုးပြီး အနာပေါ် တုတ်ကျတဲ့ အဖြစ်လေး ပြန်ပြောပါရစေဦး

မသီတာ အလုပ်တခုခု လုပ်တော့မယ် ဆိုရင် ထုံးစံအတိုင်း အိမ်ဦးနတ်ကို တိုင်ပင်ရပါတယ်။
“ဘာအလုပ်မျိုးလဲ၊ ဘာလုပ်ရမှာလဲ၊ ဘယ်လောက်ရမှာလဲ…” ဒါတွေကတော့ မပြောမဖြစ်တဲ့ အချက်တွေ…။
တခါတော့ အင်ဂျင်နီယာအလုပ် မလုပ်နိုင်တဲ့ မသီတာ၊ အရောင်းစာရေး လုပ်ဖို့ကိစ္စကို အခြေအတင် ဆွေးနွေးကြပါတယ်။
သူက “သီတာ့ကို ကိုယ် မပြောဘူး။ ဘာမှ မပြောဘူး။ သီတာက လုပ်ချင်တယ်။ လုပ်သင့်တယ် ထင်ရင် သွားလုပ်။ ဒါပေမဲ့ တခုတော့ပြောမယ် ကိုယ်လုပ်တဲ့ အလုပ်က အိမ်ဖော်တယောက် ထားနိုင်လောက်တဲ့ ၀င်ငွေတော့ အနည်းဆုံး ဖြစ်သင့်တယ်” တဲ့…။ ကလေးနှစ်ယောက်ကို အချိန်ပြည့် ထိန်းကျောင်းနေရတဲ့ မသီတာကို သူ အမှန်အတိုင်း သုံးသပ်ပြလိုက်တာ ဖြစ်မှာပါ။
“သီတာ့ကို အလုပ်မရှိဘူးလို့ ကိုယ် ဘယ်တုန်းကမှ ထင်မထားဘူး။ မြင်မထားဘူး” လို့ သူ့စကားကို အဖတ်ဆယ်သလို တဆက်တည်း ပြောပါသေးတယ်။ မသီတာ ဘာ စကားမှ ဆက်မပြောနိုင်တော့ပါဘူး။
နောက်တနေ့မှာတော့ အဲ့ဒီအလုပ်ကို မလုပ်တော့ပါဘူးလို့ ဆုံးဖြတ်ချက်ချပြီး သူသိအောင်ကြေငြာလိုက်တဲ့ အခါ…
“အင်း ကောင်းတယ်။ ပျော်ပျော်နေစမ်းပါ…” လို့ သူဆိုလာတော့

လမင်းမိုမိုရဲ့ နာမည်ကျော် “မောင်” ၀တ္တုထဲက
“…မင်း ငါ့မိန်းမ ဖြစ်သွားပြီ
အဲ့ဒီတော့ မင်း ဒီအိမ်မှာ အငြိမ့်သားနေပါ။ အခန့်သား စားပါ။
ဖြစ်ချင်တာကို လုပ်ပါ။ လိုချင်တာကို ၀ယ်ပါ။
မင်းတို့ ပြောတဲ့ မတောင့်မတ မကြောင့်မကြ.. တင့်တောင်းတင့်တယ် အခြေအနေမှာ မင်းကို ငါထားမယ်” ဆိုတဲ့ မာနကြီးတဲ့ စပ်နေဗလရဲ့ အသံကို ကြားယောင်မိတယ်…။
*****
ဒီအကြောင်းတွေက…
အမဘ၀က အေးချမ်းလိုက်တာ အားကျတယ် လို့ ပြောတဲ့ ညီမလေးတွေ…

အင်ဂျင်နီယာအလုပ်နဲ့ အိမ်ထောင်ရှင်မ ဆိုတာ တော်တော် ဆက်စပ်ဖို့ ခက်တာပဲလို့ ပြောတဲ့ အင်ဂျင်နီယာဘွဲ့ရအမကြီးတွေ...ကို တနေ့ကျရင် ပြောပြရဦးမည့် ဘလော့ဂ်ဂါ မသီတာရဲ့ အဖြစ်တွေ…


ကိုဧရာကို ခဲနဲ့ လာမပေါက်ကြနဲ့ဦးနော်
စာရေးဆရာမကြီးတွေကို အားကျလို့ ရေးကြည့်တာပါ။

မိုးကလေး ညိုလာရင်...

စင်္ကာပူတွင် ကျမတို့ နေထိုင်ရာမြောက်ပိုင်းအရပ်၌ ညနေပိုင်း ရောက်လာပါက အာကာတခွင်လုံး မဲမှောင်ကာ လျှပ်စီးများ တထိန်ထိန်လက်၍ ထစ်ချုန်းသံ တဒိန်းဒိန်းဖြင့် နေ့စဉ်ရက်ဆက် ဆိုသလို မိုးရွာသွန်းနေသည်မှာ တလနီးပါးခန့်ပင်ရှိလေပြီ။
ဒီပို့်စ်နဲ့ ချိတ်ထားတယ်

ဤသို့သော ရာသီဥတု အခြေအနေသည် လေအေးစက်  တပ်ဆင်ထားသော အလုံပိတ်အဆောက်အဦထဲတွင် အလုပ်လုပ်ကိုင်နေရသူများအတွက် ပိုမိုအေးစက်လာသည့် အထိအတွေ့ကိုသာ သတိပြုမိကြမည် ဖြစ်သော်လည်း ကျမလို အိမ်ထဲ၌ တောက်တိုမယ်ရ အလုပ်လေးများကို ထွေလီကာလီ လုပ်နေသူတယောက်အဖို့မှာမူ လွမ်း၍ အလွန်ကောင်းသော အနေအထား ဖြစ်ပါသည်။

ရန်ကုန်မှာ မွေး၍ ရန်ကုန်တွင် ကြီးသော ကျမသည် ဘာကြောင့်မှန်းမသိ လွမ်းရတော့မည် ဆိုလျှင် ငယ်စဉ်က နွေရာသီ ကျောင်းပိတ်ရက်များတွင်သာ နေထိုင်ခဲ့ရသော အဖိုးအဖွားတို့ ရွာကိုသာ လွမ်းပါသည်။ အဖိုးအဖွားတို့ သက်ရှိထင်ရှားရှိစဉ်က သည်းသည်းလှုပ် ချစ်ခဲ့သည်ဟု မဆိုသာသော်လည်း၊ အခုလို လွမ်းရသည့်အခါမျိုးမှာ အဖိုးအဖွားတို့၏ မေတ္တာတရားကြီးမားပုံကို သတိပြုမိရပါသည်။

အတန်းတင် စာမေးပွဲကြီးအပြီး တပေါင်းလကုန်လောက်မှစ၍ နွေရာသီ ကျောင်းပိတ်ရက်ကုန်ဆုံးသည့် မိုးဦးကျ လေဦးကျ နယုန်လဆန်းလောက် ရောက်သည်အထိ ရွာမှာနေရလေ့ရှိသည်။ လွန်ခဲ့သည့် အတာသင်္ကြန်ရက်များအတွင်းက ဘလော့ဂ်တွင် တရက်တပို့စ် ရေးဖို့ရန် စိတ်ကူးမိခဲ့လေသည်။ ရွာက သင်္ကြန်အကြောင်းကိုလည်း မှတ်မိသလောက် ရေးလိုခဲ့သော်လည်း ကြေကွဲဖွယ် အဖြစ်ကြောင့် စိတ်ကူးတို့ ဖမ်းဆုပ်မရနိုင်အောင် လွင့်စင်ခဲ့၍ မရေးလိုက်ရ။ ဒီလိုနဲ့ အချိန်သည် ဒီရေနှင့်အတူ မိုးဦးကျ လေဦးကျ လွမ်းရသည့် ကမ်းခြေမှာ ဆိုက်လေတော့သည်။

*****
မိုးတွေ ရွာပြီ ဆိုမှဖြင့် အိမ်ရှေ့ချောင်းကလေးမှာ ရေတွေ ဖွေးနေတော့သည်။ ရေပြင်ပေါ် မိုးရေစက်တွေ ဖနောင့်ကလေး ပေါက်ကာ ပေါက်ကာ ကျသည်ကို အိမ်ရှေ့ကပြင်တွင် မေးတင်၍ ကြည့်ခဲ့ဖူးပါသည်။ တခါတလေလည်း အိမ်နောက်ဖေး ကွမ်းသီးခြံက ကလန်ကလား ကွမ်းသီးပင်ကြီးတွေ မိုးမှုန်များအကြား ပျင်းတိပျင်းတွဲ ယိမ်းထိုးကြသည်ကို အိမ်တိုင်လေး မှီထိုင်ရင်း ငေးခဲ့မိသည်။

ဒီလို အချိန်မျိုးမှာ ချောင်းထဲ မိချောင်း လာတတ်သည်ဟု ကလေးများအတွင်း ကောလဟာလ ပျံ့၏။ မိချောင်းက ဆနွင်းကြောက်သည်ဆို၍ လူကြီးများအလစ်တွင် မီးဖိုထဲမှ ဆနွင်းတွေနှိုက် ချောင်းရေထဲ သွန်ကြသည်။ ၀ါကြန့်ကြန့် အကွက်ပေါ်သွားသော ချောင်းရေကို ကြည့်ပြီး မိချောင်းရန် ကင်းလေပြီဟု စိတ်ချ ယုံကြည်လိုက်ရသော စိတ်အစဉ်သည် အေးချမ်းလှ၏။

တနွေလုံး ပဲနဲ့ အာလူး၊ အခြောက်အခြမ်းများဖြင့်သာ ပြီးရသော အူသည် ဒီအချိန်ရောက်ပြီ ဆိုရင်ဖြင့် ပုစွန်ဆိတ်မျိုး၊ ငါးမျိုး၊ ဖားမျိုး တို့ဖြင့် စိုရ ပြေရလေ၏။ မြွေပါး ကင်းပါး ပေါလာသလို၊ ဂျပ်လုံး၊ ဂျပ်ပြား ဆိုတာတွေလည်း ရှိသေးသည်။ တနှစ်လားမှာတော့ ခြေရင်းအိမ်က ကိုတင်အုန်း၊ မလှရှင် တို့၏ သားလေး ဂျပ်လုံးကိုက်ခံရတယ် ဆိုပြီး သေလေ၏။ ၉နှစ်အရွယ် သားထွေးလေးမို့ ညနေတိုင်လျှင် မလှရှင်တယောက် ချောင်းရေပြင်ကြည့်၍ သားကို တ, တ ငိုသည်မှာ ကြားရသူအပေါင်း၏ စိတ်နှလုံးကို ချုံးချုံးကျစေ၏။

နှစ်စဉ်လို ပိုးထိ၍ သေကြသူများရှိသလို၊ မိုးကြိုးခ၍ သေကြသူများလည်း ဟိုကဒီက ကြားရစမြဲပင်။ ပတ်ဝန်းကျင်၏ သွန်သင်မှုအရ လိုအပ်လျှင် “ဘုရားစူး၊ မိုးကြိုးပစ်၊ ကားတိုက်သေ၊ မြွေကိုက်သေ” ဟု ကျိန်တွယ်သော အတတ်ကိုလည်း တတ်မြောက်ခဲ့လေပြီ။ ရွာသို့အသွား ချောင်းထဲသို့ မော်တော်ကလေး တအိအိဝင်နေချိန်တွင် ချောင်းတဖက်တချက် ကမ်းစပ်တလျှောက်၌ မိုးကြိုးထိထားသော အုန်းပင်ငုတ်တို ကွမ်းသီးပင်ငုတ်တိုများကို ဟိုမှာဒီမှာ တွေ့ရမည် ဖြစ်သည်။ ငုတ်တိုတတိုကို မြင်လေတိုင်း အသက်တချောင်း ဘေးရန်ကင်းလေပြီဟု ရင်မှာဖြစ်မိ၏။ ကလေးအတွေးသည် လွယ်ကူ၍ ရိုးရှင်းလေသည်။ မိုးခြိမ်းလျှင် လူအများစုရင်မှာ ကြောက်စိတ်တွေ ၀င်တတ်ကြစမြဲ မဟုတ်ပါလား။

*****
လွမ်းလျှင် လေးတတ်လေ၏။ ဘယ်လောက်ပင် လေးလံနေပါစေ ညနေ ခြောက်နာရီထိုး ကျောင်းဆင်းသော သားငယ်ကို ကြိုဖို့ရန် အိမ်မှထွက်ရလေသည်။ ဘုရားစူးတာ ဘယ်လိုမှန်း ယခုအချိန်ထိ မရှင်းမရှင်း ဖြစ်သော်လည်း၊ မိုးကြိုးပစ်ခံထိမှာတော့ အလွန်စိုးရွံလှပါသည်။ မရှုမလှ သေရမည့် အပြင် ကျော်မကောင်း ကြားမကောင်း ဟူသော အဓိပ္ပါယ်ကိုလည်း ဆောင်ပါသေး၏။ သို့ပါ၍ သွားနေကျလမ်းအတိုင်း မသွားမူပဲ အမိုးအောက်များမှ တရှည်တလျား သွားရလေတော့သည်။

သားငယ်ကို မိုးကာအင်္ကျီဝတ်ပေးပြီး ထီးတချောင်းနဲ့ သားအမိနှစ်ယောက် လျှောက်ကြတော့ မိုးရေစက်တွေက ကိုယ်ပေါ် စင်၏။ “အို မိုးရေစိုတာ ဘာဖြစ်လဲ ငါကြောက်တာ မိုးကြိုးပဲဟာ” ဟု အတွေးဝင်သောအခါ လတ်တလော ရထားသည့် အက်စစ်မိုးရေဆိုသည့် SMSကို ဖျတ်ကနဲသတိရမိရင်း လက်မောင်းသားတွေပဲ ပဲ့ကုန်ပြီလား ရွဲ့ကုန်ပြီလား ကဗျာကယာကြည့်မိပြီးမှ ဖာသာ ပြုံးမိရလေ၏။

*****
မည်သို့ပင်ဖြစ်စေ အလွမ်းသည် အတိတ်၌သာ တည်၏။ မှီ၏။

13th Annual Athletics Meet 2010

လက်က လှုပ်တတ်၊ ခြေက သွားတတ်၊
ပါးစပ်က ပြောတတ်ရင် ရပြီ။
ခေါင်းတော့ ကောင်းဖို့လိုတယ်…။
ဒါတွေကတော့ သားကြီးတို့ ကျောင်းက 13th Annual Athletics Meet 2010 (12 March) ကို Parents in Education (PIE) အဖွဲ့သားအဖြစ် လုပ်အားပေးသွားရင်း ထွက်လာတဲ့ အတွေးတွေ… ။

ကျောင်းကို ၇နာရီ အရောက်သွားတယ်။ မတိုင်မီရက်ကတော့ စောစောထပြီး ပြင်ဆင်စရာလေးတွေ ပြင်ဆင်မယ် မှန်းထားပေမဲ့ တကယ်တမ်းမှာတော့ အိပ်ယာမနိုးလို့ သားအမိတတွေ ၀ရုန်းသုံးကားနဲ့ မျက်နှာသစ်၊ တီရှပ်လဲ၊ မိုင်လိုသောက်ပြီး ကျောင်းကို ပြေးခဲ့ရပါတယ်။ အဖွဲ့သားတွေ စုရပ်ရောက်တော့ ဘယ်သူမှ မတွေ့လို့ ငါတော့ နောက်ကျလုိ့ ကျန်ခဲ့ပြီ ထင်တာ၊ ဟိုဟိုဒီဒီ ကြည့်ရင်း ကျောင်းသားတွေ စုရပ်နား သွားရပ်တော့မှ အဖွဲ့သားနောက်တယောက် ရောက်လာတယ်။ အဲ့ဒီမှာ အားကစားတာဝန်ခံ ဆရာတယောက်က လာခေါ်သွားတယ်။ ကျောင်းရုံးခန်းရှေ့ ရောက်တော့မှ အဖွဲ့သားတွေ တဖွဲဖွဲရောက် လာတယ်။ အဖွဲ့ဝင်တဦးဖြစ်တဲ့ လီဇာ နဲ့အတူ ဆုတံဆိပ်တွေ ပြင်ဆင်ပေးရမည့် တာဝန်ခံ ဆရာမနောက်ကို လိုက်ခဲ့တယ်။

ကားကြီးနဲ့ ရောက်ပါပြီ … ပြိုင်ပွဲများ ကျင်းပမည့် Innova Junior College …
ယူနီဖောင်းဆင်တူဝတ်ထားတဲ့ Scout အဖွဲ့က ကျား/မ ကလေးတွေက အခမ်းအနားအတွက် လိုအပ်မည့် ပစ္စည်းတွေကို သယ်ကြ ပိုးကြ။ ဆရာတွေကတော့ ပါးစပ်ကနေ ခိုင်းတာပဲ။ ကလေးတွေကို သနားလို့ ကိုယ်က မနေတတ်ပဲ ၀ိုင်းသယ်။ ကိုယ်ဝိုင်းသယ်တာ တွေ့တော့ သူတို့ကို ကြီးကြပ်နေတဲ့ဆရာက Someone helps her တဲ့။ (ကိုယ်တို့ ကြီးပျင်းလာခဲ့တာက ကလေးတွေ ဆိုပြီး ဘေးဖယ်ထုတ်၊ လူကြီးတွေက ရှေ့က ကာဆီး နေရာမပေးတော့ … နောက် မျိုးဆက်က ကိုယ့်ကိုကိုယ် ယုံကြည်မှု အားနည်းတဲ့ မလုပ်တတ် မကိုင်တတ်တွေ ဖြစ်လာတာ မဆန်းပေဘူး။)
ဆရာ, လီဇာ, Scout လေးတွေနဲ့ အတူ စားပွဲခုံတွေချ၊ စားပွဲခင်းခင်း၊ ပန်းအိုးလေးတင်၊ ဆုတံဆိပ်တွေ လင်ဗန်းထဲ စီထည့် ပြီးပြီ …။

ကျောင်းအုပ် ဆရာမကြီးက အဖွင့်စကား နှစ်ခွန်းသုံးခွန်းပြောပြီး ပြေးပွဲပြိုင်ပွဲကို စတင်အသင်းကြီး ငါးသင်း ယှဉ်ပြိုင်ကြတယ်။

ရှေ့ကနေ ဖြတ်ဖြတ်ပြေး သွားတဲ့ ကလေးတွေကို အားရပါးရ လက်ခုတ်တီးပြီး အားပေး (သားကြီးက reserved ဖြစ်ပေမဲ့ လက်ဆင့်ကမ်းပြိုင်ပွဲမှာ ၀င်ပြေးရတယ်တဲ့။ မသိလိုက်ပါဘူး။ ပြိုင်ပွဲဝင်ကြတဲ့ ကလေးအားလုံးကို အားပေးနေတာမို့ပါ။)

ပြိုင်ပွဲ အချို့ပြီးတော့ ပြီးသွားတဲ့ ပြိုင်ပွဲတွေအတွက် ဆုတွေ ပေးပါတယ်။ တာဝန်ခံ ဆရာမက ဆုပေး ပေးပါ လာပြောလို့ “အို ok…” (အံ့သြပြီး) ။ P5/P6 - Boys/Girls မီတာ ၁၀၀ ပြိုင်ပွဲ ၄ခုအတွက် 1st, 2nd, 3rd ဆုတွေ ပေးခဲ့ရပါတယ်။

ဒီပုံထဲမှာ ပထမ ရသူက ပြိုင်ပွဲတွေ အားလုံး အပြီးမှာ Best Performance Athlete ရသူပါ။

ခဏနေတော့ အဖွဲ့ထဲက တယောက်က ဆရာဆရာမတွေနဲ့ PIE အဖွဲ့သားတွေကို မုန့်ဗူးတွေ လိုက်ဝေတော့ သားငယ်နဲ့ အတူ sandwich တွေစား၊ အရာအားလုံးဟာ ပေါ့ပေါ့ပါးပါးပါပဲ… ။ ဆရာမကြီးမို့ အရမ်းကာရော အရိုအသေပေးနေဖို့ မလိုသလို၊ ဘယ်သူ့ကိုမှလည်း မျက်နှာချိုသွေးနေဖို့ မလိုပါဘူး။ PIE မှာလည်း ကော်မတီရှိပါတယ်။ ဥက္ကဋ္ဌ အတွင်းရေးမှူး အဖွဲ့ဝင် စသဖြင့်ရှိပါတယ်။ ကျမက ကော်မတီဝင်တောင် မဟုတ်သလို အချိန်ပြည့် တာဝန်တခုယူပြီး လုပ်အားပေးနိုင်သူလည်း မဟုတ်ပါဘူး။ ဒီပွဲကိုလာဖို့ ကော်မတီဝင်တယောက်က ဖုန်းလှမ်းဆက်ပြီး ခေါ်တာပါ။ အဲ့ဒီနေ့က Primary 1 နဲ့ 2 ကျောင်းသားတွေကို ပြိုင်ပွဲကို မသွားရပဲ ကျောင်းပိတ်ထားပါတယ်။ သားငယ်ကို အိမ်မှာ ထိန်းကျောင်းရမှာမို့ မလာလိုပါ အကြောင်းပြန်တာကို သူက သားငယ်ကိုပါ ခေါ်ခဲ့ ပြောလို့ သွားဖြစ်တာပါ။ ကျမက အပြောအဆို လည်ဝယ်၊ အပေါင်းအသင်း ဆန့်သူလည်း မဟုတ်ပါဘူး။ လီဆာ၊ ဂျက်နက် စတဲ့ လွယ်ကူတဲ့ နာမည်တွေသာ လူနဲ့တွဲ မှတ်မိပြီး၊ အားလုံး ဆင်တင်တင် ဖြစ်နေတဲ့ မလေး, အိန္ဒိယ နာမည်တွေတော့ တယောက်မှ မသိပါဘူး။ အဆောင်အယောင် ပရိယာယ်တွေက ကင်းလွတ်တဲ့ ရိုးရှင်းလွယ်ကူတဲ့ ပတ်ဝန်းကျင်တခုကို ရောက်နေတယ်လို့ ဆိုလိုချင်တာပါ။

ဒီပွဲမှာ Primary 3 ကနေ Primary 6 အထိ ကျောင်းတွင်းပြိုင်ပွဲတွေမှ ဇကာတင် ကျောင်းသား ကျောင်းသူတွေကို ရွေးထုတ် ယှဉ်ပြိုင်စေတာ ဖြစ်ပြီး၊ မပြိုင်ရတဲ့ သူတွေက ကိုယ့်အသင်းကိုကိုယ် အားပေးရပါတယ်။ Best Cheer အသင်းကို ဆရာမကြီးနဲ့ ဒုကျောင်းအုပ်နှစ်ယောက်က အကဲဖြတ်ပြီး ဆုပေးပါသေးတယ်။

ပြိုင်ပွဲတွေလုပ်လိုက်။ ဆုတွေပေးလိုက်နဲ့။ အချိန်တန်တော့ အခမ်းအနားပြီးသွားတယ်။ သိမ်းစရာရှိတာတွေ ပလတ်စတစ်ပုံးကြီးတွေထဲ ကောက်ထည့်သိမ်းကြ၊ အမှိုက်က အစမကျန်အောင် ရှင်းလင်းပေးခဲ့ပြီး စီစဉ်ပေးထားတဲ့ ကားတွေနဲ့ ကျောင်းကို ပြန်ခဲ့ရတယ်။

ဘာဆုမှ မရခဲ့ပဲ သူတို့အသင်း နောက်ဆုံးရတဲ့ သားကြီး ငိုမဲ့မဲ့ ဖြစ်နေလို့ “ဆုရတာမရတာ ဘာမှ အရေးမကြီးဘူးသား…ဆရာမကြီး ပြောသွားသလိုပဲ…ဒီလို ပြိုင်ပွဲတွေ လုပ်ရခြင်းရဲ့ ရည်ရွယ်ချက်က team work ကို ဖေါ်ဆောင်တာ” လို့ ပြောတော့ သူခေါင်းငြိမ့်ပါတယ်။ ကျမလည်း ကိုယ့်သားကိုယ် ဆုံးမတာတောင် စာသံပေသံနဲ့။ စာထဲပဲ သင်ခဲ့ရတာကိုး။ သားကြီးက အဖေအမေရဲ့ ခြေရာနင်းပါတယ်။ အားကစားမှာ မထူးချွန်ပါဘူး။ ဒါပေမဲ့ သူ အဖေအမေထက် ကံကောင်းပါတယ်။ အားကစားကို လုပ်ခွင့်ရလို့ပါ။ တရားသဖြင့် ယှဉ်ပြိုင်ရဲ၊ ရှုံးရဲ၊ နိုင်ရဲတဲ့ စိတ်ဓာတ်ဟာ လူနဲ့ လူ့ပတ်ဝန်းကျင်အတွက် အရေးကြီးပါတယ်။

ဒီပွဲမှာ သားတို့ကျောင်းသားတွေ၊ တာဝန်ကျ ဆရာဆရာမတွေ၊ အနည်းငယ်သော ကျမတို့မိဘတွေဟာ ခြေ လက် ပါးစပ်တွေလို သူ့နေရာနဲ့သူ လှုပ်ရှားသွားကြတာပါ။ ခေါင်းနဲ့တူတဲ့ ခေါင်းဆောင်တွေကတော့ ဘယ်သူတွေများပါလဲ… Acknowledgment မှာ ရေးထားသလို Principal and Vice-Principals တွေ တင်ပဲလား…။

11th Athletics Meet 2008 တုန်းက Woodlands Stadium မှာ လုပ်ခဲ့တယ်။ အဲ့ဒီတုန်းက ဆရာမတွေနဲ့ မိဘတွေ ရေဘောလုံးတွေ အဆင့်ဆင့် ပစ်ပေးပြီး ပြိုင်ရတဲ့ ပွဲမှာ ရခဲ့တဲ့ ဆု

သားကြီး ကျောင်းစတက်တဲ့ နှစ် ၂၀၀၅တုန်းကတော့ ကျောင်းစာကြည့်တိုက်မှာ သတ်သတ်မှတ်မှတ် တာဝန်တခုယူပြီး တနှစ်လုံးအပြည့် လုပ်အားပေးခဲ့ပါတယ်။

စင်္ကာပူ မြို့ကြီးကိုတဲ့ ယောင်လည်လည် ရောက်လာခဲ့တယ်။

ဘာကြောင့်နိုင်ငံရပ်ခြားထွက်ခဲ့တာတဲ့လဲ...
ကိုယ်ရေးကိုယ်တာ စစ်စစ်ဖြစ်ပါတယ်။ တဆက်တည်းမှာလည်း ကိုယ်နဲ့ နီးစပ်ရာကို ကြုံရင် ကြုံသလို ပြောပြဖြစ်တာမို့ ခေတ်တခေတ် (စနစ်ကတော့ ရှိကို မရှိဘူးလို့ ထင်ပါတယ်) ကို ဖြတ်သန်းခဲ့တဲ့ လူတယောက်ရဲ့ ဘ၀ တစိတ်တဒေသကို ပို့စ်အဖြစ်ရေးထားချင်ပါတယ်။ တဆက်တည်းမှာပဲ ကျေးဇူးတင်ထိုက်သူများကို မှတ်တမ်းထဲမှာ စုစည်းထားပြီးသားလည်း ဖြစ်ပါတယ်။  
၁၉၉၆ခုနှစ်မှာ စင်္ကာပူကို ထွက်ခဲ့ပါတယ်။ အဲ့ဒီရဲ့ ရှေ့ ၁၁နှစ်လောက်ကစ နောက်ကြောင်းပြန်ပါရစေ။  
၁၉၈၅ခုနှစ် မတ်လမှာ စစ်ဆေးခဲ့တဲ့ ဆယ်တန်းခေါ် တက္ကသိုလ်ဝင်ခွင့် အရည်အချင်းစစ် စာမေးပွဲကို ဇူလိုင်လမှာ အောင်စာရင်းထုတ်ပြန်တော့ ဖြေကြားရသည့် မြန်မာစာ၊ အင်္ဂလိပ်စာ၊ သင်္ချာ၊ ဓာတု/ရူပ၊ ပထ၀ီ/ဘောဂ၊ သမိုင်း (၆)ဘာသာမှာ မြန်မာစာ နှင့် သမိုင်းမှ လွဲ၍ ကျန် လေးဘာသာ ဂုဏ်ထူးဖြင့် အောင်မြင်ခဲ့ပါတယ်။ စာမေးပွဲအောင်လို့ စိတ်အေးအေး မပျော်ရွှင်နိုင်ပါဘူး။ အမှတ်ပေါင်း သိရဖို့ အလွန် အရေးကြီး နေပါတယ်။ လမ်းထဲက သတင်းထောက်ဦးလေးကြီး (ကျမကို ၆တန်း၊ ရတန်း သင်္ချာ(၁)ဘာသာ သင်သော ဆရာမ၏ အမျိုးသား)က သူ့နည်း သူ့ဟန်နဲ့ အမှတ်ပေါင်း သိအောင်လုပ်လာပါတယ်။ ၄၆၀မှတ်ပါတဲ့။ (အဲ့ဒီ ဦးလေးက ကျမတို့ လမ်းထဲက ဆယ်တန်းဖြေသူတွေရဲ့ အောင်စာရင်း ကြိုကြည့်ပေးခြင်းကို ခေတ်အဆက်ဆက် ဒိုင်ခံ ဆောက်ရွက်လာသူ ဖြစ်ပါတယ်။ တရားဝင်မထုတ်ပြန်မီ တပတ် သုံးရက် အလိုမှာ စာမေးပွဲ အောင်သူတွေကို အောင်ကြောင်း အိမ်တိုင်ယာရောက် သူကိုယ်တိုင် လိုက်ပြောတတ်ပြီး၊ ရှုံးသူတွေကိုတော့ ကြည့်လို့ မရဘူးကွာ၊ ထွက်တဲ့နေ့သာ စောင့်ကြည့်ကြတာပေါ့လို့ ပြောတတ်ပါတယ်။ ဘယ်နေရာမှာ ဘယ်လိုကြည့်ခဲ့သည်ဆိုတာကိုတော့ ပြန်မပြောတတ်ပါ။ အခြားမသမာသည့် တစုံတခုမှ မလုပ်ခဲ့ခြင်းကို ဤနေရာ၌ ကျိန်ဆိုပြောနိုင်ပါတယ်။) အမှတ်ပေါင်း သိရတဲ့နေ့ကစ ငိုရတာ နေ့စဉ်ရက်ဆက်ပါ။ ဆရာဝန်လိုင်း မ၀င်နိုင်တော့မှန်းသိလို့ပါ။ ဆရာဝန်ကို ၀ါသနာ ပါလွန်းသည်လား မသေချာပေမဲ့၊ အင်ဂျင်နီယာကတော့ (လုံးဝ) လုံးဝ ၀ါသနာ မပါပါ။ ၀င်ခွင့်တွေ ဖြည့်တော့ တော်တော် ဒုက္ခရောက်ခဲ့ရပါသည်။ Second Choice ကို ရန်ကုန် စက်မှု တက္ကသိုလ် ဟု ရေးထည့်နိုင်ရန် ဘ၀မှာ ကိုယ့်ကိုကိုယ် မကြာခဏဆိုသလို ထိုးနေရသည့် ထုံဆေးကို ပထမဦးဆုံး အကြိမ် ထိုးခဲ့ရခြင်း ဖြစ်ပါသည်။ ကျောင်းပိတ်ရက်ရှည်မှာ ဆယ်တန်းအောင်ခဲ့သော အထက်တန်းကျာင်းမှာပဲ လုပ်အားပေးနေရင်း ဆယ်တန်းမှာတွဲခဲ့သည့် ကျမ၏ အချစ်ဆုံး သူငယ်ချင်း (သူကတော့ ဘာသာစုံဂုဏ်ထူးနှင့် အောင်၍ အမှတ်ပေါင်း ၅၀၀ကျော်ရထားသူ ဖြစ်ပါသည်။) က သူ့လက်ရေးနှင့် ကူးလာသည့် List လေးတခု ပြပါသည်။ ဆေးတက္ကသိုလ် ၄၆၀၊ စက်မှုတက္ကသိုလ် xxx စီးပွားရေး xxx စသဖြင့် ရေးထားသည့် ဗလာစာရွက် တရွက် ဖြစ်ပြီး နှုတ်မှလည်း “နင်ဝင်ပါတယ်..ဒီမှာကြည့်” ဟု တတွတ်တွတ်ပြောနေပါသည်။ ကျမ ၀မ်းမသာခဲ့ပါ။
  စိတ်က မရွှင်နိုင်တော့သောအခါ ကျန်းမာရေးက ယိုင်လာပါတော့သည်။ အစကတည်းက ကျန်းမာရေး မတောင့်တင်းသူမို့ အမြဲတမ်းလိုလို ကိုယ်လေး ငွေ့ငွေ့နဲ့ ဖျားနေတတ်ပါသည်။ မနက်အစောပိုင်းလောက်သာ လုပ်အားပေးသော လေးတန်း(D) အတန်းတွင် အတန်းပိုင် ဆရာမကို ကူညီနိုင်ပြီး အဖျားတွေ တရှိန်ရှိန်တက်လာလို့ ကျောင်းဆေးခန်း ကုတင်တွင် တနေကုန် သွားအိပ်နေရတတ်ပါသည်။ ကျောင်းဆင်းတော့ ကျောင်းကားနှင့် ပြန်လာရာ လမ်းတလျှောက် ခေါင်းကမထူနိုင်တာမို့ ဘေးက သူငယ်ချင်းက သူ့ဒူးခေါင်းပေါ် သူ့လက်ကလေးတင်၊ သူ့လက်ပေါ် ကျမ လက်ဖမိုး အစုံတင်လို့ လက်ဖ၀ါးနှစ်ဖက်ပေါ် မျက်နှာအပ်ပြီး တလမ်းလုံး အိပ်လာလိုက်တာ အိမ်နားရောက်တော့ သူက ရောက်ပြီ ထ ထဆို နှိုးမှ မျက်လုံးဖွင့်ကြည့်တော့ သူ့လက်မှာ ကျမ လက်သူကြွယ်မှာ ၀တ်ထားသည့်လက်စွပ်နဲ့ ဖိထားလို့ အရေပြားလေး ပေါက်ထွက်ပြီး သွေးစို့နေခဲ့ပါပြီ…အဲ့ဒီသူငယ်ချင်းကတော့ ကျမနဲ့ တအိမ်ကျော်နေတဲ့ သူငယ်ချင်းပင် ဖြစ်ပါသည်။ (ကျမတို့ ဆယ်တန်းအောင်တဲ့ နှစ်မှာ ကျမတို့ လမ်းထဲက ဆေးတက္ကသိုလ် - အတိုကောက်အခေါ် MC - Medical College ၀င်သောသူ ဖြစ်ပါသည်။) ၀င်ခွင့်တွေ ထွက်တော့ RC(3) - Regional College ဒေသကောလိပ် No. 3 ရန်ကုန်တက္ကသိုလ် (ကြည့်မြင်တိုင်နယ်မြေ)မှာ အနီးဆုံးကြည့်လို့ရပါသည်။ ကျမသွားမကြည့်ခဲ့ပါ။ ရန်ကုန်မှာ ရှိမနေခဲ့ဘူးဟု ထင်ပါသည်။ ရန်ကုန်ပြန်ရောက်တော့ သူငယ်ချင်းတယောက်အိမ် ကို ဘာမှ မသိသည့် မျက်နှာပေးနှင့် သွားတော့ သူက “ငါဝင်ခွင့်တွေ ကပ်ထားတာ သွားကြည့်ပြီးပြီ သိလား” ဟု စကားစရာ သူ့အဒေါ် အပျိုကြီးက ၀င်ပြောပါလေတော့သည်။ “အဲ့ဒီမယ်လေ လူကြားထဲ သီတာနာမည်ကြည့်ပြီး နင့် သူငယ်ချင်း မျက်ရည်တွေ ကျလာလို့ အနည်းခေါ်ထုတ်လာရတယ်” ဟု… (ထိုသူငယ်ချင်းသည် ခြောက်တန်းကျောင်းသူ ဘ၀မှာပင် မိခင်ဖြစ်သူ ကင်ဆာရောဂါဖြင့် ကွယ်လွန်သွားခဲ့သော တစ်ဦးတည်းသော သမီး ဖြစ်ပါသည်။ “သီတာရေ မေမေ သေတုန်းကလေ ငါမငိုဘူး သိလား။ မေမေ ခံစားနေရတဲ့ ဝေဒနာတွေက လွတ်မြောက်သွားတာပဲလို့ ငါ စိတ်တင်းထားတယ် သိလား”ဟု တခါက ပြောခဲ့ဖူးပါသည်။ ကျမတို့နေတဲ့မြို့နယ်ထဲကကျောင်းမှာ ၇တန်းထဲက စတွဲခဲ့ပြီး ရှစ်တန်းအောင်ကြသောအခါ လသာ(၂)သို့ နှစ်ဦးသဘောတူ ပြောင်းရွှေ့ခဲ့ကြပါသည်။ ကျောင်းသူ အသစ်များချည်းသာထားသော န၀မတန်း(ဈ)၌ နေခဲ့ကြရပြီး၊ ထိုအချိန်မှစ၍ ဒဿမတန်းသို့ တက်သောအခါ ထိပ်ဆုံးအတော်ချည်းများသာ ထားသော (က)တန်း Aခန်းကို ရောက်နိုင်ဖို့ အရေး တယောက်မျက်နှာတယောက် အရိပ်လိုကြည့်နေခဲ့ကြသည့် သူငယ်ချင်းပင် ဖြစ်ပါသည်။ သူနဲ့ ကျမ ကွဲကြရပါပြီ။) “ငါ သွားမကြည့်တော့ပါဘူးဟာ စာတိုက်က ပို့တဲ့စာလည်း အိမ်ရောက်နေပါပြီ” လို့ ပြန်ပြောခဲ့ပါသည်။ စာတိုက်မှ ပြန်ရောက်လာခဲ့သည့် (၀င်ခွင့်လျှောက်လွှာ တင်စဉ်မှပင် တပါတည်း ထည့်ပေးရသည့်) အမည်၊ လိပ်စာ နေရာတွင် ကိုယ့်လက်ရေးဖြင့် ကိုယ်တိုင် ဖြည့်၍ တက်ရောက်ခွင့် ရသည့် တက္ကသိုလ်နေရာတွင် ရန်ကုန် စက်မှုတက္ကသိုလ်ဟု မှင်ပြာတံဆိပ်တုံးဖြင့် ခပ်စောင်းစောင်း ရိုက်နှိပ်ထားသာ Acknowledgment slip သည် ကိုယ်နှင့် မဆိုင်၊ ကိုယ်ဆီလာတာ မဟုတ်ဟုသာ ထင်နေခဲ့ပါသည်။ နောက်ဆုံးတော့ စာရွက်ကို လက်နှစ်ဖက်နှင့် သေသေချာချာကိုင်ပြီး ရေးထားသမျှ စာအားလုံးကို တလုံးမကျန် ကျောရော ရင်ပါ သုံးပြန်လောက်ဖတ်ပြီး “ဖိုင်အသစ်မှာ အသေအချာသာ ညှပ်ထားလိုက်တော့” ဟု ကိုယ့်ကိုယ်ကို အမိန့်ပေးခဲ့ရပါတော့သည်။  

*****
ဒီလိုနဲ့ ရန်ကုန်မှာမွေးပြီး ရန်ကုန်မှာ ကြီးတဲ့ ကျမဟာ ၁၉၈၅ခုနှစ်ရဲ့ ဒီဇင်ဘာ မနက်ခင်း တခုမှာ ရန်ကုန်စက်မှုတက္ကသိုလ်ရဲ့ ဦးလူပေါဂိတ်မှာ (ဦးထောင်ပိုဂိတ် ဟု အစက မှားရေးခဲ့ပါသည်။ ဒီလောက် အထင်ကရကို မှားဖြစ်အောင် မှားထားတာ ကော်မန့်မှာ ပြင်ပေးသော Anonymous ကို ကျေးဇူးတင်ပါသည်။) သူငယ်ချင်းနှစ်ယောက်နဲ့ အတူ ပထမဦးဆုံး အကြိမ် ရောက်နေခဲ့ပါပြီ။ သူငယ်ချင်းအမေက ကိုယ်တိုင်ကားမောင်းလိုက်ပို့ပြီး ဂိတ်ဝထိပ်မှာ ကျမတို့ကို ချထားပေးခဲ့တာပါ။ ပင်မကျောင်းဆောင်အနီးမှာ ကားပတ်ခ်ရှိကြောင်း လိုက်ပို့သူ အန်တီလည်း သိဟန်မတူပါဘူး။ ဒီတော့ ကျမတို့သုံးယောက် ပင်မဆောင်ကြီးရောက်အောင် လမ်းရှည်ကြီးကို စလျှောက်ရပါတော့သည်။ ကျောင်းသားအဆောင်တွေ ပေါ်ကနေ ကျမတို့ကို လှမ်း လှောင်ပြောင်အော်ဟစ်နေကြတဲ့ အသံတွေဟာ နေခြည်နွေးနဲ့ ဆောင်းမနက်ခင်းရဲ့ မြူနှင်းငွေ့တွေကြား ကနေ ကျမကို အမှည့်ခြွေ ခြွေနေကြပါပြီ။ (ကျမဟာ ငါးတန်းကနေ ဆယ်တန်းထိ နေခဲ့သော ကျောင်းနှစ်ကျောင်းစလုံးမှာ မိန်းကလေးကျောင်းချည်းသာ ဖြစ်သဖြင့် ကျားသတ္တ၀ါတို့၏ ဘာသာဘာဝ အလေ့အထနှင့် အတော်စိမ်းပါသည်။ တက်ခဲ့သော ကျူရှင်များမှာလည်း စည်းကမ်းကို အလွန် အလေးထားသော ကျူရှင်များဖြစ်ခဲ့ပါသည်။) ကျောင်းသားရေးရာမှာ လုပ်ဆောင်စရာရှိသည်များ လုပ်ဆောင်အပြီး ကျမတို့ ပြန်ကြတော့ ဘတ်စ်ကားနှင့် ပြန်ကြမှာမို့ ပင်မဆောင်ကြီးမှ ပစ္စည်းမဲ့ဂိတ်သို့ (အစက ဆင်းရဲသားဂိတ်လို့ မှားရေးထားသေးတယ်။ ကော်မန့်မှာ ကိုပေါ လာပြင်ပေးလို့..ကျေးဇူးပါ။) အထွက် လူသွားလမ်းကျဉ်းလေးမှာ.. ပထမဆုံး နှင်းတောထဲ ခြေချတဲ့နေ့က အလှတရားကို သည်းခြေကြိုက် ဖြစ်တဲ့ ကျမဟာ အဲ့ဒီခေတ်က ခေတ်စားတဲ့ အကြေသားခေါ် ချစ်စရာကောင်းတဲ့ အရေးအကြောင်းလေးတွေပါသောပိတ်စကို ချုပ်ထားသော လက်ဖောင်း လက်စက ပန်းနုရောင် ဘလောက်စ် အကျီလေးနဲ့ ရှန်လုံချည်လို့ ခေါ်တဲ့ အနက်ခံမှာ ပန်းနုရောင်၊ ပန်းရင့်ရောင် အပွင့်သေးသေးလေးတွေ ပါတဲ့ လုံချည်လေးကို ၀တ်ထားခဲ့တယ်။ ခါးမှာလည်း ရွှေရောင် ခါးပတ်သေးသေးလေး ပတ်လို့။ အကျီ လက်အနားနဲ့ ကော်လံကတုံးအနားမှာ ရောင်စုံ ပန်းပွင့်လေးတွေပါတဲ့ ဇာအနားလေးကွပ်ထားသေးတယ်။ 

(အင်္ကျီကော်လံက ဒီလိုမျိုးလေး ဆိုတာ ပြချင်လို့ ကိုးရီးယားမင်းသမီးပုံ ယူထားပါတယ်)

ရုပ်ဝတ္တုတွေနဲ့ လောလောလတ်လတ်ရထားတဲ့ အတိုင်းအတာ တစ်ခုထိ မြင့်မားတဲ့ ပညာအဆင့်အတန်းတွေ စိတ်ကူးထဲ စိုးစဉ်းမျှမရှိ၊ ငယ်ရွယ်နုနယ်မှုနဲ့ အပြောင်းအလဲ တစ်ခုအတွက် ရင်ခုန်နေခဲ့တဲ့ ကျမကို ဘေးကဖြတ်လျှောက်ရင်း ပြောသွားတဲ့ လူတစ်ယောက် စကား “နင်က ဟော့ရှော့လား၊ ငါတို့ ကျောင်းမှာ ဒါမျိုးမရဘူး” တဲ့ ။ စ, စချင်းဆောက်နဲ့ထွင်း ဆိုသလို စိတ်ကူးထဲမှာတောင် မရင်းနှီးတဲ့ စက်ဆုပ်ခြင်း၊ မုန်းတီးခြင်းတွေနဲ့ ကျမ ကို အကျည်းတန်စေခဲ့တယ်။ ကျမ.. ငါကမ္ဘာမှားရောက်လာခဲ့ပြီ…ငါဟာ တကယ်တော့ သေဆုံးသွားခဲ့ပါပြီ… တကယ်ကိုပဲ နောက်တနေ့ကစ ကျောင်းတက်လာတဲ့ သီတာဟာ အယင်တုန်းက သီတာ မဟုတ်တော့ပါဘူး။ (အဲ့ဒီတုန်းက စနိုးဝှိုက်ကလေးလို အိပ်ပျော်သေဆုံးသွားခဲ့တဲ့ မသီတာ ပြန်လည်နိုးထဖို့ ဘလော့ရေးရင် ကြိုးစားနေပါတယ်။) (မိမိရဲ့ ပေါ့သွမ်းတဲ့ ဆန္ဒ တစ်ခု အတွက် သူတပါးရဲ့ အလှတရားကို ထိခိုက်စေသူ ဒီစာကို ဖတ်မိစေချင်ပါတယ်။ ဒီစာဖတ်ပြီးချိန်မှာတော့ သီတာဆိုတာ အညှိုးအတေး အစွဲအလန်းကြီးတဲ့ မိန်းမတယောက်လို့ ထင်ကောင်းထင်မယ်။ ရှေ့လာမဲ့ အပိုင်းမှာတော့ ဘာအမှတ်အသား၊ ဘာဦးတည်ချက်မှ မရှိတဲ့ ခပ်ပေါပေါ မိန်းမတယောက်ကို တွေ့ရပါလိမ့်ဦးမယ်။)
ဒုတိယနှစ်အောင်ရင် လိုင်းခွဲတာမို့ တဖန် ဒုက္ခရောက်ရပြန်တယ်။ ဘာဝါသနာပါလဲ၊ ဘာစိတ်ဝင်စားလဲ လာပြန်ပါပြီ။ ဆွေထဲမျိုးထဲ အသိမိတ်ဆွေထဲ အင်ဂျင်နီယာဆိုတာ ကြားတောင်မကြားဘူးတော့ အင်ဂျင်နီယာတွေ ဘာလုပ်လည်း ဂဃဏန မသိဘူးလေ။ လူသေကောင်လို ကျောင်းတက်နေတဲ့သူအတွက် ဆရာတွေရဲ့ လက်ချာတွေက ကျွဲပါးစောင်းတီး။ စာမေးပွဲ အောင်အောင် ဖြေတယ်။ ဒါပဲ ကိုယ်သိတယ်။ Civil က တိုက် အမြင့်ကြီးတွေပေါ်တက်ရတယ်။ ငါ အမြင့် ကြောက်တယ် မဖြစ်ဘူး။ Mechanical က စက်ကြီးတွေ ငါ့ခွန်အားဗလနဲ့ မဖြစ်ပါဘူး။ Electronic ဆိုရင်တော့ ကိုင်ရတွယ်ရတာလေးတွေက သေးသေးကွေးကွေးလေးတွေ တနေရာထဲ ထိုင်လုပ်နေရတာဆိုတော့ မဆိုးဘူး။ ထိုကဲ့သို့သော မဟာဧရာမ အတွေးအကြံတို့ဖြင့် အီလက်ထရောနစ်ကို ရွေးချယ်ခဲ့ပါလေတော့သည်။ သေချာတာကတော့ ကျမဟာ သူ့အသက်အရွယ် သူ့အနေအထားနဲ့ ရှိရမည့် အသိဉာဏ် အဆင့်အတန်း မရှိခဲ့တာ အမှန်ပါပဲ။ တတိယနှစ်ရောက်တော့ ရှေ့ကို ကြိုကြည့်မြင်တတ်တဲ့ ကျမသူငယ်ချင်းက အစစအရာရာမှာ ကျမကို ဦးဆောင်ရပါတယ်။ ကျမက ဒရွတ်ဆွဲလေး လိုက်ရုံပါပဲ။ သူကတဆင့် သိရတဲ့ Electronic နဲ့ ကျောင်းပြီးပြီး ကွန်ပြူတာ သင်တန်းမှာ ဆရာမဖြစ်တဲ့ အမက စာကို သိပ်စိတ်ဝင်စားသူမို့ အီလက်ထရွန်နစ်နဲ့ ဆိုင်တဲ့ ဘာသာတွေကို သူ့အိမ်မှာ စာအတူ ၀ိုင်းဖတ်ပေးပါတယ်။ လူရည်ချွန် အထပ်ထပ်ကွမ်း၊ Roll one အကြိမ်ကြိမ်ရတဲ့ အမက ဘယ်လောက်ပဲ စေတနာတွေနဲ့ အနီးကပ်ကြီးကြပ် သင်ကြားပေးခဲ့ပေမဲ့ ကျမကတော့ ဒုံရင်းပါပဲ။ ကျမဟာ ရှေးကုသိုလ် အလွန်ကောင်းခဲ့သူပါ။ အဆွေခင်ပွန်းကောင်း တွေနဲ့ ကြုံခဲ့ရသလောက် မိမိဖက်က လက်ငင်း သဘောထားနဲ့ အားထုတ်မှုအပိုင်းမှာ အလွန်အားနည်းခဲ့ကြောင်း ဘ၀သက်တမ်းရှည်လာလေ ထင်ရှားလာလေပါပဲ။ ကျောင်းတွေ ပိတ်တော့ အမက သူ့သင်တန်းကျောင်းကို ခေါ်သွားတယ်။ ကျမတို့ သူငယ်ချင်းသုံးယောက်ကို တနေ့ Duty သုံးပိုင်းခွဲလိုက်တယ်။ မနက်အစောပိုင်းမှာ ကျမ၏ အစဉ်သဖြင့် အားကိုးရလေသော သူငယ်ချင်းမ၊ ကျမကတော့ နေ့လည်ပိုင်း၊ မြို့ထဲမှာတင်နေပြီး နေ့လည်ဖက် မိဘကို ဆိုင်ကူထွက်ပေးစရာရှိတဲ့ သူငယ်ချင်းမက ညပိုင်း..သူ့ လက်ထောက်အဖြစ် ကျောင်းမှာ စာကူပြပေးဖို့။ သင်တန်းပိုင်ရှင် ဆရာကလည်း သဘောကောင်းလိုက်တာ သူအသစ်အဆန်း လေ့လာမိတာဆို ကျမတို့ကို ပြန်သင်ပြရတာ အမော။ ကျောင်းပိတ်သွားတယ် အဆိုး၊ ပညာနဲ့ ကင်းလွတ်မသွားစေရဘူး အကောင်း၊ ရေကန်အသင့် ကြာအသင့် ဆိုတဲ့ စကားမျိုးဟာ မနာလို မရှိပါနဲ့ အချို့ ဘ၀တွေမှာ တကယ်ကို ရရှိပါတယ်။ တကြိမ်တခါ ကျောင်းပိတ်တယ် ဆိုတာမျိုးက အဖတ်ဆယ်လို့ ရကောင်းရမှာ ဖြစ်ပေမဲ့ ဖွင့်လိုက် ပိတ်လိုက် အကြိမ်တွေ များလာတဲ့ အခါမှာတော့ အစကတည်းက သမာဓိမခိုင်တဲ့ အူကြောင်ကျား ကျမ ကိုယ်ဘာလုပ်လို့၊ ဘာဖြစ်နေမှန်း မသိတော့ပါဘူး။ စမ်းချောင်းထဲမှာ အမကြီးရဲ့ မိတ်ဆွေ အန်ကယ်ကြီးဆီမှာ ဂျပန်စာ သွားသင်သေးတယ်။ စဦးဆုံးနေ့ အန်ကယ်ကြီးက “အ၊ အိ၊ အု၊ အဲ၊ သိလား” မေးတော့ ကျမက “ဟုတ်ကဲ့ သိပါတယ်။ အ၊ အိ၊ အု၊ အေ၊ အဲ၊ အော၊ အံ၊ အို” ပါလို့ (ရသည့် ဆုတွေပဲ ပြောရန်လို -ငယ်စဉ်ကတည်းက မှတ်သားထားတဲ့ ဟာတွေကို သွက်သွက်ကြီး ရွတ်ချလိုက်ပါတယ်။) အန်ကယ်ကြီးက ဘာမှ ပြန်မပြောပါဘူး။ (သူရည်ညွှန်းတာက ဂျပန်စာရဲ့ Katakana စာလုံးတွေ)။ ဂျပန်စာကို ကြိုးစားပမ်းစား သင်လာလိုက်တာ တနေ့တော့ အန်ကယ်ကြီးက ဂျပန်သွားမလားမေးပါတယ်။ သူ့ သမီး အငယ်ဆုံး(ကျမ အမကြီးရဲ့ သူငယ်ချင်း)နဲ့ ဟိုမှာ အတူသွားနေပြီး အထည်ချုပ်စက်ရုံမှာ အလုပ်လုပ်ဖို့ပါ။ ကျမလည်း အိမ်နဲ့ တိုင်ပင်လိုက်ပါဦးမယ်ပေါ့။ ဘာအကျိုးဆောင်ခမှ ယူမှာမဟုတ်ပါဘူး။ ကိုယ့်လေယာဉ်လက်မှတ် ကိုယ်ဝယ်ပြီး သွားဖို့ပါပဲ။ ကျမလည်း အိမ်မှာ အကိုကြီးနဲ့ တိုင်ပင်ပြီး၊ နောက်တနေ့ညနေမှာတော့ အိမ်က လေးဘီးကားလေးနဲ့ စမ်းချောင်းကို မောင်နှမနှစ်ယောက် မောင်းလာကြတာ လမ်းတလျှောက် လမ်းမီးတွေရော၊ အိမ်မီးတွေရော မှောင်လို့ ကားမီးလေး ထိုး ထိုးပြီး မောင်းရတယ်။ ဟိုရောက်တော့ အန်ကယ်ကြီးက စကားလည်း ကောင်းကောင်းမပြောဘူး။ အသက်က ၇၀ဆယ်နား ဆိုတော့လည်း အာရုံထဲ တခုခုရောက်နေရင် နောက်အာရုံတခုကို တုန့်ပြန်မှု နှေးကွေးထယ် ထင်ပါရဲ့။ ဒီလိုနဲ့ ပြန်လာခဲ့ကြပြီး အကိုကြီးက “နင့်ဟာက မရေမရာနဲ့ဟာ၊ ကျောင်းလည်းပြီးသေးတာ မဟုတ်ဘူး၊ ကျောင်းပြီးအောင်ပဲ ဆက်တက်ပါ” လို့ ဆုံးဖြတ်ချက် ချပေးခဲ့ပါတယ်။ သူငယ်ချင်းတွေထဲမလဲ နိုင်ငံခြား ထွက်နိုင်သူတွေက ဟိုကထွက် ဒီကထွက် ထွက်ထွက်ထွက် ဆိုတော့ ကိုယ်လည်း ထွက်ချင်တယ်ပေါ့လေ ဒီလောက်ပါပဲ။ နောက်ကျောင်းဖွင့်တော့ စာသင်နှစ်တွေ ချုံ့ပြီး အတန်းတွေ တက်သွားလိုက်တာ၊ စိတ်ညစ်ရတဲ့ အထဲ စိတ်ပျက်တာတွေ ထပ်လောင်းပြီး ကျောင်းပြီးသွားပါတယ်။ နှင်းတောထဲမှာ ဆယ်စုနှစ်နီးပါး ကြာခဲ့တယ်။ (လူအများစုရဲ့ ပျော်စရာအကောင်းဆုံး ကျောင်းသားဘ၀ ဆိုတာကို ထော်လော်ကန့်လန့် တိုက်လိုက်တာ မဟုတ်ပါဘူး။ "နင်ရယ်(ရီ)နေခဲ့တာတွေ့ပါတယ်" လို့ ဆိုလာခဲ့ကြရင် "အဲ့ဒါ ဟန်ဆောင်အပြုံးတွေ" လို့ ကျားကန်ပြီး ငြင်းဖို့ အဆင်သင့်ပါ။) ကျောင်းပြီးသွားတော့ အိမ်က အလုပ်တွေပဲ ၀ိုင်းကူ လုပ်ပေးနေခဲ့ပါတယ်။ မနက်စောစော ငါးရောင်းတယ်။ ကျန်တနေလုံး ဆန်ရောင်းတယ်။ စာရင်းလုပ်ပြီး လေး၊ ငါးကျပ် ကွာရင် မနက် လေးနာရီလောက်ကြီးလည်း အဖေက စာရင်းတွေ ပြန်စစ်ဖို့ လာနှိုးတတ်တယ်။ သူ့အခန်းက တညလုံးဖွင့်ထားလို့ အေးစိမ့်နေတဲ့အဲယားကွန်းထဲ ငိုချင်တာပါပဲ။ ဒါပေမဲ့ ဒီစာရင်းလောက်ကတော့ အချဉ်ပါ။ ၁၅မိနစ်လောက်ဆို ပျော်ရွှင်စွာ အဖေ့အခန်းထဲက ထွက်လို့ရပြီ။ လကုန်စာရင်း ချုပ်လိုက်တော့ အမြတ်ငွေက တသောင်းကျော်…အဖေ့လုပ်ငန်း လည်ပတ်နေတာ ဆယ်သိန်းကျော်။ “အဖေ ၁၀% မပြောနဲ့ ၁%တောင် မမြတ်ပါလား အဖေရယ်” ပြောတော့ “လုပ်ငန်းဆိုတာ ဒီလိုပဲပေါ့ သမီးရယ်” တဲ့။ ကိုယ်ကတော့ ကိုယ့်ရှေ့ရေးတွေပါ ထည့်တွက်နေတော့ ရှုံးလိုက်တာ သောက်သောက်လဲ လို့ပဲ မြင်နိုင်ပါတော့တယ်။ အမေကလည်း အဖေမရှိချိန် ဒီလိုပြောလာပါတယ်။ “နင် တက္ကသိုလ်မှာ ဆယ်နှစ်နီးပါး သင်ထားတဲ့ ပညာတွေ ဒီလိုပဲ မျှောပစ်တော့မှာလား” တဲ့။ “ဟုတ်ကဲ့ပါ အမေ သမီး သိပါတယ်။” ကွန်ပြူတာသင်တန်းမှာ လုပ်အားပေးခဲ့စဉ်ကတည်းက သင်တန်းပိုင်ရှင်ဆရာက "နင်တို့ ကျောင်းပြီးသွားကြရင် အခြား အလုပ်တခုခု မ၀င်မီ ငါဆီသာ လာခဲ့ကြ" လို့ စကားရှိခဲ့တာကြောင့် သင်တန်းကို ပြေးပါတော့တယ်။ ကိုယ်က မနက်ပိုင်း အိမ်က အလုပ်ကူရမှာမို့ နေ့လည်ပိုင်း အလုပ်ဝင်ပါတယ်။ တလကို လစာ ၂၀၀၀ကျပ် စရပါတယ်။ အဖေ့ကိုတော့ သင်တန်းတက်တယ်ပဲ ပြောထားလို့ ကြုံရင်ကြုံသလို သင်တန်းကို လိုက်ပို့ပေးတတ်ပါတယ်။ အဖေရဲ့ ဆန္ဒနဲ့ ခံယူချက်က သူ့သားသမီးတွေကို ပညာ ကြိုက်သလောက်သင်၊ ပြီးရင်တော့ ကိုယ့်အလုပ်ကိုယ်လုပ်၊ သူများဆီမှာ လခစားလုပ်ဖို့ ဘယ်တော့မှ မစဉ်းစားနဲ့။ (ဒါက သူဖြတ်သန်းခဲ့ရတဲ့ ဘ၀အတွေ့အကြုံက ရတဲ့ သူ့ခံယူချက်) သင်တန်းမှာ နည်းပြလုပ်နေရင်း ကွန်ပြူတာ အရောင်း၊ တပ်ဆင် Trading လုပ်တဲ့ ကုမဏီတခုမှာ လစာ ၆၀၀၀နဲ့ သွားလုပ်ဖို့ သင်တန်းပိုင်ရှင် ဆရာက ပြောပါတယ်။ ငါ့ဆီမှာ လစာလည်း ပိုမပေးနိုင်ဘူး။ အဲ့ဒီမှာ နိုင်ငံခြားနဲ့ အလုပ်လုပ်ရမှာမို့ အခွင့်အလမ်း ပိုသာတယ် ဆိုပြီး လွှတ်တာပါ။ မိဘတွေ၊ ငယ်ဆရာ၊ ဆရာမတွေရဲ့ လက်အောက်ကနေ လောကအလယ် လွှတ်ပေးခံလိုက်ရတဲ့ ကျမ အစွမ်းအစတွေ ပြပါတော့တယ်။ အဲ့ဒီ အလုပ်ကို လလယ်မှာ စ,၀င်၍ လကုန်အထိ နှစ်ပတ်သာ အလုပ်ဆင်းခဲ့ပြီး လကုန်တော့ အလုပ်ထွက်လိုက်ပါတယ်။ (လစာ မယူခဲ့ပါဘူး။) အကြောင်းပြချက်မှာ ကျမ ကျန်းမာရေးမကောင်းလို့ပါ ဟူ၍ဖြစ်ပြီး အကြောင်းရင်းမှာ မြန်မာပြည်က သူဌေးတို့၏ ထုံးစံအတိုင်း လုပ်ပိုင်ခွင့်ရလျှင် ရသလောက်ယူထားသည့် လုပ်ငန်း ပေါင်းစုံကို ကျမအား DO ALL လုပ်ခိုင်း၍ ဖြစ်ပါသည်။ (ထိုအလုပ်မှာမူ နေအိမ်နှင့် အတန်ဝေး၍ အဖေက နေ့တိုင်းလိုလို "ကိုယ်ပိုင်အလုပ်တွေ ရှိလျက်နှင့် သူများဆီမှာ ဘာကြောင့်လခစားလုပ်ရပါသလဲ" ဟူ၍ ဆူတခါ ချော့တလှည့် တသွင်သွင်ပြောရင်း အလုပ်သို့ လိုက်ပို့ပေးခဲ့ပါသည်။ ကျမမှာ ထိုအချိန်၌ ပြန်မပြောနားမထောင် အတတ်ကို တဖက်ကမ်းခတ်တတ်မြောက်နေပြီ ဖြစ်ပါသည်။) ကျမ ဟိုယောင်ယောင် ဒီယောင်ယောင်နဲ့ ယောင်ကောင်းနေချိန်၊ စင်္ကာပူမှာသင်္ဘောတက်ရန် အချိတ်အဆက်တွေလုပ်ပြီး လာခဲ့သော ကျမ၏ တူတော်မောင်သည် အလိမ်ခံခဲ့ရပါသည်။ တူတော်မောင်လည်း စင်္ကာပူမှာ နေထိုင်ခွင့်ကို ကျောင်းစတေးဖြင့် စလုံးဒေါ်လာ ၅၀၀၀ depositတင်ပြီးယူ၊ အချိန်ပိုင်းအလုပ်လုပ်၍  ရပ်တည်ရုန်းကန်နေရင်း အမှန်တကယ် သင်္ဘောတက်နိုင်သည့် အခွင့်အလမ်း သူ့ကျောင်းစတေး မကုန်မီ နှစ်ပတ် အလိုမှာ ရရှိခဲ့ပါသည်။ “အန်တီတာ ဒီမှာ အန်တီတာတို့ကျောင်းက ပြီးတဲ့ လူတွေ အီးပီ ဆိုတာနဲ့ နေထိုင်ခွင့်ရကြတယ်။ လစာတွေလည်း သိပ်ကောင်းတာပဲ။ သားသင်္ဘောမတက်မီ တပတ်လောက်တော့ အချိန်ရတယ်။ လာ try ကြည့်ပါလား” ဟုဆိုလာ၍ စီစဉ်စရာတွေကို အမြန်ဆုံးစီစဉ် (ထွက်လာဖို့ နှစ်ရက် အလိုမှ အဖေ့ကို အသိပေးပြီး။) အမေ ထည့်ပေးလိုက်သော ရှိုးမန်းနီး အစိမ်းတထောင်ဖြင့် စင်္ကာပူ မြို့ကြီးကိုတဲ့ ယောင်လည်လည် ရောက်လာခဲ့ပါတယ်။

လူရည်ချွန်

တခေတ်တခါက လူရည်ချွန် ဆိုတာနဲ့ မိမိ ပတ်သက်ဖူးသလောက်လေး ရေးထားချင်ပါတယ်။

ကျမ တသက်နဲ့ တကိုယ် ၇တန်းမှာ မြို့နယ်အဆင့် လူရည်ချွန်အရည်အချင်းစစ် စာမေးပွဲ ဖြေခဲ့ရဖူးပါတယ်။ ကျောင်းက ပထမ အစမ်း စာမေးပွဲမှာ ပထမရလို့ပါ။ ဆိုလိုတာက ကျောင်းအဆင့်မှာ လူရည်ချွန်အတွက်ရယ်လို့ သီးသန့်အရည်အချင်းစစ်ခြင်း၊ စခန်းသွင်းလေ့ကျင့်စေခြင်းမျိုး မရှိခဲ့ပါဘူး။ ဟုတ်ပါတယ် လူရည်ချွန်တယောက်ဖြစ်ဖုိ့ စာတခုတည်း တော်နေလို့ မရပါဘူး။ အထွေထွေ ဗဟုသုတ၊ ဉာဏ်စမ်းနဲ့ ကိုယ်လက်ကြံ့ခိုင်မှု အားကစားများကိုလည်း အစစ်ဆေးခံကြရပါတယ်။ နှစ်ပတ် အလိုမှ အထက-၃ကို ကိုယ်စားပြုပြီး မြို့နယ်အဆင့် လူရည်ချွန်စာမေးပွဲ ၀င်ရမယ်ဆိုတာကို သိရတာပါ။ ကိုယ်လက်လှုပ်ရှား အားကစားဆိုလို့ ဘုံဘိုင်က လာတဲ့ရေကို တိုင်ကီထဲခပ်ထည့်တာလောက်သာ လုပ်ဖူးတဲ့ ကျမကို အမကြီးနဲ့ အကိုလေးက အိပ်-ထ-မတင် စတင်လေ့ကျင့်ပါတော့တယ်။ တယောက်ကခြေကကိုင်၊ တယောက်က ခေါင်းကမ။ သူတို့ အားနဲ့တော့ ကြွနေတာပဲ။ လွှတ်ထားလိုက်ရင်တော့ ကြမ်းပြင်နဲ့ကျောကပ်နေတာ တလက်မတောင် မကြွတော့ပါဘူး။

ဒီလိုနဲ့ပဲ အားကစားဖြေရမည့်နေ့ ရောက်လာခဲ့ပါတော့တယ်။ အထက-၄ ကျောင်းရှေ့ ကွင်းကြီးမှာ ပွဲဦးထွက်က မီတာ ၁၀၀ ပြေးရတာပါ။ ၃ယောက်ပြေးရတဲ့ အစုမှာ ကျမ ဒုတိယရပါတယ်။ ဒါတောင် လိုက်ပို့တဲ့ အတန်းပိုင်ဆရာမက “ရှေ့ဆုံးက တာထွက်လာတော့ ငါကစိတ်ထဲက တယ်ဟုတ်ပါလား ထင်နေတာ ပန်းလည်းဝင်ရော ပထမနဲ့ အတော်ကြီးကွာကျန်ခဲ့တယ်”လို့ မှတ်ချက်ပေးပါတယ်။ (အဖျားရှူးတတ်တဲ့ ဇာတိတို့ရဲ့ အစပါ)။ ဒီမှာဖြင့် မောလိုက်တာ ငါ့ပေါင်ကြီး ဒီလောက်လေးမှန်း ခုမှသိလို့ ကောင်းတုန်း နောက်တခါ လာပြန်ပြီ လားဟေ့ မီတာ ၄၀၀… အဲ့ဒီကွင်းကို နှစ်ပတ်ပြေးရမှာတဲ့… ။ ပြေးဆိုတော့လည်း ပြေးပေါ့… ။ ကွင်းတပတ်လည်း ပြည့်ရော ပြေးလမ်းကနေချော်ပြီး ဆရာမ ရင်ခွင်ထဲတန်းပြေး.. တရှုံ့ရှုံ့ ငိုရင်း ပါးစပ်ကလည်း တီချယ် သမီးမရတော့ဘူး သမီးမရတော့ဘူးနဲ့ ချွဲပေါ့…။ အခြားစောင့်ရှောက်နေတဲ့ သူတွေက “ဟဲ့ဟဲ့ ဘယ်လိုဖြစ်တာလဲ တပတ်ကျန်သေးတယ်လေ ပြေးဦးလေ… ဆရာမ ဆက်ပြေးခိုင်းဦးလေ”ပေါ့…။ ဆရာမလည်း သံပုရာသီးစိပ် ပါးစပ်ထဲလှမ်းထည့်ပြီး “မရဘူး မရဘူး ကျမသမီး အကြောင်း ကျမသိတယ်” ဆိုပြီး ပွဲလယ်တင့်ရပါတော့တယ်။

ကွင်းပြင်ကြီးထဲမှာတော့ ဒီလိုနဲ့ တစခန်းပြီးလို့ အခြားသော စစ်ဆေးမှုတွေအတွက် အားကစားရုံကြီးဆီ ချီတက်ကြပြန်ပါလေရော။ ပြိုင်ပွဲဝင်သူတွေ အကုန်တန်းစီပြီး အိပ်၊ ရွှီ ကနဲ ခရာမှုတ်တာနဲ့ စတော့ အိပ်-ထ-မတင်။ ပြိုင်ပွဲ ဆိုတဲ့ အသိကြောင့်လား မသိဘူးရှင် တချက်မှကို ကြွမလာတာပါ။ အသာလေးထပြီး ကိုယ့်ဘေးနားက အားတက်သရော လုပ်နေတဲ့ လူတွေကို ငုတ်တုတ်ထိုင် ကြည့်နေလိုက်တော့တယ်။ ဒီအချိန်မှာတော့ မငိုတော့ပါဘူး။ ခုနင်က တ၀ကြီး ငိုပြီးသွားပြီလေ။ ကလေးဆိုတော့ ကောင်းတယ်… ဖြစ်ကြောမရှည်ဘူး။ နောက်တော့ ဒိုက်ထိုးတဲ့။ နှစ်ချက်သုံးချက်တော့ ထိုးခဲ့သေးတယ် မှတ်တာပဲ။ အခြားစစ်ဆေးမှုတွေ တခုနှစ်ခု အပြီး ပြန်လာခဲ့ရတော့ သူတို့ကျောင်းတောင် မဆင်းသေးဘူး။ စာသင်ခန်းတွေနား တမင်တကာ အတင်း ကပ်လျှောက်ပြီး စပ်စုစိန် လုပ်ခဲ့သေးတာ မှတ်မိတယ်။ (ဟုတ်တယ်လေ ဒီလိုကျောင်းတက်ချိန်ကြီးမှာ ကိုယ့်ကျောင်းမဟုတ်ပဲနဲ့ သူများကျောင်း ကော်ရစ်ဒါမှာ လတ်လျားလတ်လျားလုပ်ရတာ နည်းတဲ့ အခွင့်အရေးကြီးလားလို့)။

Result မျှော်တာပေါ့ရှင်…။ ကိုယ်ကောင်းကောင်းမွန်မွန် ဖြေနိူင်ခဲ့တယ် မဖြေနိူင်ခဲ့ဘူးဆိုတာ ကိုယ်ကိုယ်တိုင် အသိဆုံးဖြစ်ပေမဲ့ မျှော်တာကတော့ မျှော်တာပါပဲ။ ဒီလိုနဲ့ မမျှော်လင့်တဲ့ တနေ့မှာ ရပ်ကွက်ထဲက အင်္ဂလိပ်ကျူရှင်မှာ အထက-၄ ကျောင်းသူ တစ်ဦးက သူ မြို့နယ်အဆင့် လူရည်ချွန် အရွေးခံရကြောင်း သူ့သူငယ်ချင်းတွေကို ပြုံးစစနဲ့ ပြောပြနေတာ တစွန်းတစ ကြားလိုက်ရတဲ့ အခါမှာတော့… ကျမလည်း သူတို့ဝိုင်းထဲတိုးဝင်ပြီး “ငါ နင်တို့ကျောင်းမှာ အားကစားလာဖြေတုန်းက နင်လာဖြေတာ မတွေ့ပါဘူး” လို့ မေးမိတယ်။ “အဲ့ဒီနေ့က ငါနေမကောင်း”လို့တဲ့… နောက်သူဘာတွေ ဆက်ပြောနေခဲ့လဲ (တကယ်ပါ) ကျမ မှတ်ဉာဏ်ထဲ လုံးလုံးမရှိတော့လို့ ရေးမပြနိုင်တော့ပါဘူး။ သူ့ကို ကျမ တချိန်လုံး အကဲခတ်နေတယ် သူမျက်နှာ တချက်မပျက်ဘူး…။ ကျမသိပါတယ်.. ကျမလည်း မျက်နှာပျက်မှာ မဟုတ်ပါဘူး။ “နင်က သိပ်တော်တာပဲဟယ်”လို့ အဓိပ္ပါယ် ထွက်တဲ့ သူ့အတွက် ၀မ်းသာတဲ့ မျက်နှာပေးလေး ပေးခဲ့သေးလာတောင် မသေချာပါဘူး။ ပြိုင်ဘက်တွေလို့ ပြောလို့ရတဲ့ အားကစားဖြေတဲ့နေ့ကမှ တနေ့ထဲသာ တွေ့ဆုံခင်မင်ခွင့်ရခဲ့တဲ့ အခြားကျောင်းက သူငယ်ချင်းတွေရဲ့ ကြိုးစားပမ်းစား ပြေးကြ၊ အားတက်သရော ကုန်းကြ ကွကြ၊ အိပ်-ထ-မတင်လုပ်နေကြတာတွေ ပြန်မြင်ရင်း နင်တို့လည်း result ကို မျှော်နေကြတုန်းလား လို့ စိတ်ထဲကနေ စကားတွေ လှမ်းပြောနေမိပါရဲ့။ ကျမတို့တွေဟာ ၇-တန်းဆိုတော့ သိပ်ကို ငယ်ပါသေးတယ် ပြောမလား၊ အသိတရားရှိနေပါပြီလို့ ပြောမလား။ transparency ဆိုတဲ့ အသုံးအနှုန်းကို မသိသေးပေမဲ့ transparency မရှိရင် တရားမျှတမှုမရှိနိုင်ဘူးဆိုတာ ခပ်ရေးရေး သဘောပေါက်နေပြီလို့ ပြောလို့ရပါတယ်။ အဲ့ဒီနောက်တော့ လူရည်ချွန်ရဖူးတယ်ဆိုတဲ့ သူတွေ တွေ့တိုင်း အိပ်-ထ-မတင် လုပ်တတ်လားလို့ တအံ့တသြကြီး လိုက်မေးနေမိတဲ့ ခပ်ကြောင်ကြောင် ကောင်မလေး တယောက်ဟာ မသီတာပဲ ဖြစ်ပါတော့တယ်။

ဒီလိုနဲ့ ငုတ်လျိုးသွားရတဲ့ လူရည်ချွန်ပိုးဟာ ဆယ်တန်း အတန်းတင်စာမေးပွဲ ဖြေတဲ့ ပထမဦးဆုံးနေ့ - မြန်မာစာဖြေတဲ့နေ့ စာမေးပွဲအခန်းထဲမှာ အခါအားမလျော်စွာပဲ ပြန်ပေါ်လာပါတော့တယ်။ ထုံးစံအတိုင်းမေးခွန်းကို အေးအေးဆေးဆေး ဖတ်လာရင်း နောက်ဆုံး အောက်ပါ ခေါင်းစဉ်များမှ ကြိုက်ရာတခု စာစီကုံးပါ ဆိုတဲ့ မေးခွန်းမှာ

ခေါင်းစဉ်(၁) မြန်မာ့သစ်လုပ်ငန်း - သုတ ကိုမေးတာ
ခေါင်းစဉ်(၂) သုတ-ရသ မေးတဲ့ ခေါင်းစဉ်
ခေါင်းစဉ်(၃) “ပျော်ရွှင်ဖွယ် မြင်ကွင်းတခု” တဲ့ ရသ ကို ရေးရမည့် အခက်ဆုံးလို့ ပြောလို့ရတဲ့ဟာ

ကျမလေ လူရည်ချွန်တွေ စခန်းသွားကြရင် ‘ရန်ကုန်ဘူတာကြီးမှ ထွက်ခွာသွားကြပါသည်’ ဆိုတဲ့ သတင်းစာထဲက သတင်းမျိုးမှာ ပါတဲ့ ဓာတ်ပုံ မျက်စိထဲ ဖျောက်မရအောင်လာထင်နေပြီး အခြားမေးခွန်းတွေ ဖြေနေတဲ့ အချိန်လည်း အဲ့ဒီပျော်ရွှင်ဖွယ် မြင်ကွင်းကို ဘယ်လိုရေးချလိုက်မယ် ဆိုတာ တန်းတန်းစွဲရင်း မြန်မာစာ ၆၅-မှတ်ဖြင့် အောင်မြင်ခဲ့ပါတော့တယ်။

မှတ်ချက်။ ။ ၇တန်း အတန်းပိုင် ဆရာမ ဒေါ်ဗစ်တိုးရီးယားလူပါ။ (ခရစ်ယာန် ဘာသာဝင် ကရင်လူမျိုး- မြန်မာ အမည် ဒေါ်ဆိတ်ကျင်) ဆရာမနဲ့ ၆တန်း ၇တန်း နှစ်နှစ်ဆက်တိုက် သင်္ချာ(၂) သင်ခဲ့ရပါတယ်။ အသင်အပြ စည်းကမ်း အလွန်ကောင်းမွန်ပါတယ်။ ကြုံဖူးခဲ့တာလေး ချရေးခြင်းမျှသာပါ။ အရည်အချင်းရှိတဲ့ လူရည်ချွန်တွေ အများကြီးပါ။ ကျမကို ကွန်ပြူတာနဲ့ စတင်မိတ်ဆက်ပေးခဲ့တဲ့၊ အခွင့်ကြုံသလို သွန်သင်ဆုံးမတတ်တဲ့၊ အမအရင်းတယောက်မဟုတ်ပေမဲ့ ကျေးဇူးတရားကြီးမားတဲ့ အမတယောက်ကလည်း လူရည်ချွန် အကြိမ်ကြိမ်ရခဲ့ဖူးသူပါ။

သင်ခန်းစာ

ဒီအချိန်ရောက်ရင် ကျွန်တော့် စိတ်တွေ ဖောက်ဖောက်လာတယ်…
*****
မနေ့က ညဦးပိုင်းလောက်မှာ ရှိတဲ့ ခွန်အားတွေအကုန်သုံးပြီး လူတစ်ယောက်ကို ပြင်းပြင်းထန်ထန် အနာတရ ဖြစ်အောင် ပွဲကြမ်းလိုက်ချင်မိသည်။ ကျွန်တော် ထိုမျှလောက် ရက်စက်ချင်အောင် ထိုသူသည် မည်သို့သော အပြုအမူကို ပြုမူနေသနည်း။ ထိုသူသည် စားပွဲတစ်လုံး၌ ထိုင်၍ စာအုပ်တစ်အုပ်ကို ဟိုလှန်သည်လှန်လုပ်နေသည်။ မျက်လုံးများက တောင်မြောက်လေးပါးကို ဦးတည်ရာမဲ့ ကြည့်နေတတ်သေးသည်။ စားပွဲပေါ်မှာလည်း စာရွက်၊ စာအုပ်၊ လွယ်အိတ်၊ ခဲတံစသော အရာများက ဖွာလန်ကျဲနေသည်။ ထိုမြင်ကွင်းသည် ကျွန်တော်အား အတော်သွေးဆူစေသည်။ ထိုသူသည် ထိုင်နေရမှထပြီး တစ်စုံတစ်ခုကို ရှာဖွေနေသလိုလို၊ သွားယူသလိုလို လည်း လုပ်သေးသည်။ ထိုသူ လက်ထဲ၌ကိုင်ထားသော ခဲတံလိုလို ဘောလ်ပင်လိုလို အရာက မကြာခဏဆိုသလို လွတ်ကျနေသဖြင့် ကြမ်းပြင်သို့ ထိခြစ်သွားသော အသံကလည်း ကျွန်တော့် ဒေါသကို အမြစ်မှ ထိုးဆွပေးသလို ဖြစ်နေသည်။ ကျွန်တော် ထိုသူကို မျက်ထောင့်နီနှင့် ကြည့်လိုက်သည်။ ထိုနောက် ကျွန်တော်၏ အကြည့်တို့သည် အစိမ်းရောင်ကို ပြောင်းသွားမည်မှန်း ကျွန်တော်သိသည်။ ထိုသူကလည်း ကျွန်တော့်ကို ပြန်ကြည့်သည်။ တစ်စုံတစ်ခုကို တမင်တကာ မသိချင်ယောင်ဆောင်ထားသော ထိုမျက်ဝန်းတွေကို ကျွန်တော်မကြိုက်။ ကျွန်တော့်မျက်ဝန်း နောက်တစ်ရောင်သို့ မပြောင်းခင် ထိုနေရာမှဖယ်ခွာခဲ့သည်။ ကျွန်တော်၏ သနားစရာကောင်းလှသော ထိုသားကောင်မှာ အသက် ၁၁နှစ်ခန့်သာရှိသေးသော ကျွန်တော်၏ သားကြီးပင်ဖြစ်သည်။

*****
တနေ့က ညနေစောင်း မိုးတော်တော်လေး သည်းထန်စွာရွာသည်။ ကျူရှင်သွားမည့် သားကြီးကို သူ့အဖွားကလိုက်ပို့သည်။ တအောင့်ကြာတော့ ကျောင်းပို့ရာမှ ပြန်ရောက်လာသည့် အဖွားက “ထီးကလည်း မောင်းသန်လိုက်တာ မေမေတောင် မပိတ်နိုင်လို့ ကလေးကပိတ်ပေးမယ်ဆိုပြီး ပိတ်လိုက်တာ လက်ညပ်သွားတယ်။” ဟု ထီးကို အခြောက်လှန်းရင်းပြောသည်။ သားကြီး ကျူရှင်ချိန်ပြီးခါနီးလောက်မှာ အဖွားက ဘုန်းကြီးကျောင်း တရားနာစောစော သွားမယ်ဆိုပြီး အိမ်ကထွက်သွားသည်။ ခဏနေတော့ သားကြီးပြန်ရောက်လာသည်။ ကျမ တံခါးသွားဖွင့်ပေးတော့ မြင်လိုက်ရသည်က KFC ကြက်သားကြော်ဆိုင်က ကျွတ်ကျွတ်အိတ်တွေ လက်မှာတို့လို့တွဲလောင်းချိတ်ဆွဲလျက်။ “ဟင် သားက မုန့်တွေ သွားဝယ်စားလာတယ်။ ဘယ်က ပိုက်ဆံနဲ့လဲ။” (ဒီနေ့ ကျူရှင်လခ သူနှင့် ထည့်ပေးလိုက်သေးသည်။) ဟု ဆီးပြောလိုက်ရာ “ဖွားဖွားလေ သားသားလက်နာသွားလို့ reward လုပ်တာတဲ့ ၀ယ်ပေးလိုက်တယ်။ သားက ဆိုင်မှာထိုင်စားရမလား စဉ်းစားသေးတယ်။ အိမ်ယူလာရင် မေမေက ထမင်းတွေရှိရက်နဲ့ ၀ယ်လာတယ်ဆိုပြီး ဆူမှာလည်း ကြောက်တယ်။ နောက်တော့ သား honest ဖြစ်ရပါမယ် မေမေတို့လည်း ဆာချင် ဆာနေမှာ ဆိုပြီး အိမ်ကိုယူလာလိုက်တာ။” ကျမလည်း “အေးအေး မေမေလည်း ဆာနေတာ” ဆိုပြီး KFC one set meal ကို သားနှစ်ယောက်နှင့် မျှတစားလိုက်ကြသည်။

ညဦးပိုင်းရောက်တော့ သားကြီး ကျမတို့ အိပ်ယာမှာ စောင်ခြုံပြီးလာခွေသည်။ “မေမေ သားခေါင်းတွေ မူးတယ်။ ခေါင်းတွေကိုက်တယ်။ ကိုယ်လည်းပူနေတယ်။ ဖျားပြီနဲ့ တူတယ်။” သားကြီးက ဆက်ပြောနေပြန်သည်။ “သွေးအားလည်းနည်းတယ်။ ညနေကလည်း သွေးတွေ ရှုံးသွားသေးတယ်လေ။” (ထီးညပ်၍ လက်မနှင့် လက်ညှိုးခွကြား သွေးခြေဥသွားခြင်းကို ရည်ညွှန်းခြင်းဖြစ်သည်။) သူ့ ဆင်ခြေ၊ ဆင်လက်၊ ဆင်နားရွက်တွေ ကို မသိဟန်ပြုပြီး ကျမက “မိုးမိပြီး အအေးပတ်ပြီနဲ့ တူတယ်။ ခေါင်းတွေ မိုးထိထားသေးလား မှန်းပြစမ်း” ဆိုပြီး (ဒီအချိန်ရောက်ရင် ကျွန်တော့်စိတ်တွေ ဖောက်ဖောက်လာတယ် ဟူသော သီချင်းအသွားလေးကို စိတ်ထဲမှ ငြီးရင်း) “သား ပါရာစီတမော သောက်လိုက်နော်..ရော့ရော့ ဒီမှာ… အနာကို မေမေ ဆေးလိမ်းပေးမယ်သိလား ဆရာခိုလိမ်းလိုက် သွားသွား သင်ခန်းစာတွေ သွားလုပ်လိုက်ဦး” ဟု…
*****
ကျွန်တော်တို့သည်
ဘ၀ထဲမှ သင်ခန်းစာယူရပါမည် ဆိုလျှင်
ခါးသီးသော အတွေ့အကြုံများကိုသာ
မှတ်မှတ်သားသားရှိနေပါလျှင်
တရားရာကျပါမည်လား…

မှတ်ချက်။ ။ကျွန်တော်သည် မသီတာပင် ဖြစ်ပါသည်။
(စာကို စိတ်ဝင်တစား မလုပ်လိုသော၊ မေမေ့temperကို ဘယ်လိုလုပ်ရမလဲမသိဘူးဟု ငြီးထွားတတ်သော သားကြီး တစ်ချိန်ကျ ဖတ်ဖို့

)

သမိုင်းသင်ဆရာမ

ဒီနေ့ ကျမ သင်တန်းသွားရသောနေ့ ဖြစ်ပါသည်။ သြစတေးလျသူ Miranda က သူ့ ကိုယ်လုံး ဖိုင့်ဖိုင့်ကြီးကို လိမ်ကာဖယ်ကာဖြင့် အားတက်သရော စာသင်နေသည်။ သူ့ကိုကြည့်ရင်းး ကျမမျက်စိထဲ တစ်ယောက်သောသူ၏ ပုံရိပ်တို့မြင်လာသည်။ ကျမတို့ မောင်နှမတွေထဲမှ အကြီးဆုံးသော ကျောင်းဆရာမ အစ်မကြီး ဖြစ်သည်။

ကျမပေါက်စကွေး ၄, ၅နှစ်သမီး အရွယ်တွင် အစ်မကြီးက ပညာရေးတက္ကသိုလ် တက်နေပြီ်။ အစ်မကြီးနှင့် ကျမ အသက် ၁၈နှစ်ခန့် ကွာသည်။ အိမ်ကိုအ၀င်အထွက်များတဲ့ သူ့ သူငယ်ချင်းတွေထဲက ကချင်အစ်မ နန်းပလီ နဲ့ ချင်းအစ်မ လှေတဲလ် ကို ကောင်းကောင်းမှတ်မိသည်။ ရိုးသားလှသည့် တိုင်းရင်းသူ အစ်မကြီးတွေ ကျမအစ်မကြီး LoveMe - brand နှုတ်ခမ်းနီ ပန်းနုရောင် ဆိုးတာကို တမေ့တမော ၀ိုင်းကြည့်တတ်ကြသည်။ ခြေသည်းရှည်ထားပြီး ပန်းနုရောင်ခြေသည်းနီ ဆိုးသည့် အစ်မကြီးသည် ဒီလို ‘ပျိုမေတို့ လှသထက်လှမယ် ဆိုရင်’ ကဏ္ဍမျိုးတွင် သူ့သူငယ်ချင်းတွေ အလယ်မှာ ဆရာမကြီးဖြစ်သည် ဆိုတာ ငါးနှစ်သမီးလေးကျမပင် ခန့်မှန်းနိုင်သည်။ မကြီးတို့ ကျောင်းပြီးတော့ ချင်းအစ်မ လှေတဲလ် စစ်ဗိုလ် တစ်ယောက်နှင့် အိမ်ထောင်ကျ၍ မှော်ဘီစစ်တပ်ထဲမှာ လုပ်သော မင်္ဂလာ ဧည့်ခံပွဲတောင် ကျမ လိုက်သွားခဲ့ရသေးသည်။ နောက် အစ်မကြီး အလုပ်ဝင်ဖို့ posting ကျတော့ မြစ်ဝကျွန်းပေါ်မှ မြို့လေး တစ်မြို့ ဖြစ်သည်။ အစ်မကြီးကျောင်းပြီးကတည်းက အစိုးရအလုပ်မ၀င်ရန် တားမြစ်သော ပွဲစားကြီးအဖေနှင့် ဘ၀တွင် ဆရာမနှင့် ဆရာမသာလုပ်ရန် မြစ်ဝကျွန်းပေါ်ရွာကလေးတစ်ရွာတွင် မွေးဖွားလာခဲ့သော အစ်မကြီးတို့၏ တိုက်ပွဲသည် နေ့ည မပြတ် ပြင်းထန်လှသည်။ အဖိုးအဖွားတွေက မြေးဦးဘက်က စစ်ကူပေးတော့ အဖေ လက်နတ်ချရသည်။ အလင်းဝင်တာတော့ မဟုတ်ခဲ့ကြောင်းကို ယခု အချိန်အထိ မပြီးပြတ်သေးသော မကြာခဏဆိုသလို ဖြစ်ပွားနေသော ပျောက်ကြားစစ်များကြောင့် (ဒီကိစ္စအတွက် ငြိမ်းချမ်းရေးကို ဘယ်ဖက်ကမှ လက်မှတ်မထိုးနိုင်ကြောင်း) ကျမတို့ (ကုလသမဂ္ဂ) မိသားစုဝင်အားလုံးသိပါသည်။

မကြီး နယ်သွားတော့ ကျမတို့အတွက် သူ့စာအုပ် သေတ္တာကြီး ထားခဲ့သည်။ ကျမနားမလည်ဘဲ မကြာခဏ ဖွင့်ဖတ်ကြည့်သော စာအုပ်မှာ ဦးတိုး၏ ‘ရာမရကန်’ ဖြစ်သည်။ (သိကြမှာပါ ဘာကြောင့် ဒီစာအုပ်ကို ဒီလောက်စိတ်ဝင်စားသလဲဆိုတာ။ ကျမ နာမည် ‘သီတာ’ သည် မကြီးပေးသော နာမည်ဖြစ်ပါသည်။ အဖေပေးသော ပထမနာမည် ‘သင်းသင်းခိုင်’ အဖတ်မတင်ခဲ့ပါ။) ဦးလတ်ရေး ‘စပယ်ပင်’ ဆိုသော စာအုပ်မှာ အဖုံးကိုကြည့်ပြီး ဖတ်ရန် အလွန်ပျင်းခဲ့သော စာအုပ်ဖြစ်သည်။ နောက်တော့ မောင်သိန်းဆိုင်ရဲ့ ‘ရေနံသာ ခင်ခင်ကြီး’၊ သိန်းဖေမြင့်ရဲ့ ‘အရှေ့ကနေ၀န်းထွက်သည့်ပမာ’၊ မြသန်းတင့်ရဲ့ ‘ဓားတောင်ကို ကျော်၍မီးပင်လယ်ကို ဖြတ်မည်’ စသည့် စသည့် စာအုပ်များသည် ဘာမှ နားမလည်သော်လည်း ပေဖတ်ခဲ့သော စာအုပ်များဖြစ်သည်။ နွေရာသီ ကျောင်းပိတ်ရက်တိုင်း ထပ်ကာထပ်ကာဖတ်တော့ ရေးတေးတေး သဘောပေါက်လာသလိုရှိသည်။ နောက်တော့ အစ်မကြီး ကျောင်းပိတ်ရက် ပြန်လာတိုင်း ‘ပညာလောကစာစောင်’များ ပါလာတတ်သည်။ ကျမလည်း ရှစ်တန်း ကိုးတန်းရောက်ပြီမို့ စာစောင်ထဲက အနောက် နန်းမတော်မမြလေး၏ “လာလုငယ် လာလု တမ်းလုလုငေး ...”ဆိုသည့် ကဗျာမျိုးတွေ မှတ်စုစာအုပ်လေးထဲ ကူးရေးတတ်ခဲ့ပြီ။

ဒီလိုနဲ့ ဆယ်တန်းစာမေးပွဲတွင် နောက်ဆုံးနေ့ သမိုင်း ဘာသာရပ်ဖြေအပြီး လာကြိုနေကျ အစ်မကြီးက ကားပေါ်တွင် ကျမပြောသမျှစကားတွေကို နားထောင်နေပြီး “သီတာ တစ်ပုဒ်မှား ဖြေခဲ့ပြီ”လို့ ပြောလေသည်။ “မကြီးကလည်း သီတာ မမှားပါဘူး။ ဘယ်နှယ့် သမိုင်းကို မှားဖြေရတယ်လို့။” (သမိုင်းရမှတ် ၆၅မှတ်ဖြင့် ပက်ပက်စက်စက် ဖြစ်ခဲ့သော်လည်း သည်ကနေ့အထိ မှားခဲ့သည်ဆိုတာကို ၀န်မခံပါ။ အစ်မကြီးဆီမှလည်း သည်စကား နောက်တစ်ခေါက် ဘယ်တော့မှ မကြားရတော့ပါ။)

စာအုပ်သေတ္တာလို ကျမ မွှေခဲ့သော အစ်မကြီး၏ နောက်သေတ္တာ တစ်လုံးမှာ သူ၏ တိုင်းရင်းသူ သူငယ်ချင်းများ တစ်နှစ်တစ်ခါ ကျောင်းပိတ်ရက် ကိုယ့်ရပ်ရွာ ပြန်ပြီး၊ ကျောင်းပြန်လာတိုင်း လက်ဆောင်ပေးခဲ့သော ရိုးရာလုံချည်များ ထည့်ထားသည့် သေတ္တာဖြစ်ပါသည်။ ဆယ်စုနှစ်ကျော်ကျော် သေတ္တာထဲ အောင်းနေရသော လုံချည်များသည် စက်မှုတက္ကသိုလ် ကျောင်းတော်သူ ကျမ ရှိုးထုတ်ရန်အတွက် အလှည့်ကျလာခဲ့ပါသည်။ သူအမြတ်တနိုး သိမ်းထားခဲ့သော လုံချည်များကို ချစ်ညီမအား ၀တ်ဆင်စေခဲ့သော်လည်း ၀တ်ပြီး ဖြစ်သလိုထားလျှင်တော့ Lecture ကောင်းကောင်း အပေးခံရပါသည်။ စက်မှုတက္ကသိုလ်တွင် နောက်ဆုံးနှစ်ရောက်သည်ထိ စာမေးပွဲရက်များတွင် မပျက်မကွက် လာကြိုလေ့ရှိသော အစ်မကြီးအား မြင်ဖူးသူများက ကျမ အမေဟု ထင်ကြလေသည်။

“ရုံးက အအေးခန်းထဲမှာ တစ်နေကုန် အလုပ်လုပ်ရတာ ကျောနာသည်၊ ရင်အောင့်သည်” စသော မခိုင်မာသည့် အကြောင်းပြချက်များဖြင့် အလုပ်မလုပ်ပဲ အိမ်ရှင်မ အမည်ခံကာ ယောင်ခြောက်ဆယ် ကိုယ့်သမိုင်းကိုယ် ရေးနေသော ကျမ ဒီကနေ့ အထူးသတိရမိသည့် အစ်မကြီးသည် ရင်သား ကင်ဆာကြောင့် နို့တစ်လုံးစိန် ဖြစ်နေပြီဖြစ်သော, ဆီးချိုရောဂါဝေဒနာရှင် တစ်ဦးဖြစ်သော, အသက် ၆၀-နား နီးသည့်တိုင် မပျက်မကွက် ကျောင်းသွားကာ သမိုင်းသင်နေသော ဆရာမ တစ်ဦးဖြစ်ပါသည်။

(အပျင်းထူနေသော မသီတာ၏ ပုံ ကိုဧရာမှတ်တမ်းတင်သည်။)

(ဒီတစ်ခါ အလှည့်ကျတာကတော့ အစ်မကြီး ဖြစ်ပါတယ်။ ပြီးရင် ဆက်တိုက်ဆိုသလို တစ်ယောက်တစ်မျိုးဆီ ချစ်စရာကောင်းတဲ့ အစ်ကို သုံးယောက်ရှိပါတယ်။ ပြီးတော့ ကျမ အထက်က ရိုးလွန်းတဲ့ အစ်မနဲ့ နောက်ကျမ အောက်က ကျမကို ကျမနေရာမှာ ရှိနေအောင် ဖြစ်နေပေးတဲ့ အချစ်ဆုံး ညီမလေးရယ် လို့ စုစုပေါင်း ၇ ယောက်တိတိ အဖေနဲ့ အမေက မွေးပေးထားပါတယ်။)