Sunday, November 30, 2008

ေရာင့္ရဲျခင္းႏွင့္ သည္းခံျခင္း


ေရာင့္ရဲျခင္းသည္ အလိုနည္းျခင္းျဖစ္ေသာ္လည္း၊ ရည္မွန္းခ်က္ကင္းမဲ့ျခင္း, ပ်င္းရိျခင္း, လံု႔လနည္းျခင္းမဟုတ္။ သည္းခံျခင္းသည္ အမ်က္မထြက္ျခင္းျဖစ္ေသာ္လည္း၊ လက္ေလ်ာ့ အ႐ႈံးေပးျခင္းမဟုတ္။

ေရာင့္ရဲျခင္း၊ သည္းခံျခင္းတရားတို႔အား မဂၤလာတရားမ်ားအျဖစ္ ျမတ္ဗုဒၶက ေဟာၾကားခဲ့သည္။ စင္စစ္ ထိုတရားတို႔သည္ ဗုဒၶအဆံုးအမ၌သာမဟုတ္ အျခားေသာ ဘာသာအယူ၀ါဒတို႔ အတြက္လည္း ေလးစားအပ္ေသာ တန္ဖိုးမ်ား ျဖစ္ပါသည္။ အခ်ိဳ႕က ေရာင့္ရဲျခင္း, သည္းခံျခင္းတို႔သည္ တိုးတက္မႈ၏ အတားအဆီးမ်ားျဖစ္သည္ဟု ယူဆလာၾကျခင္းသည္ ထိုတရားတို႔၏ အနက္အဓိပၸါယ္ကို လြဲမွားစြာ နားလည္ထားၾက၍သာ ျဖစ္ေပမည္။

ေရာင့္ရဲျခင္း (သေႏၲာသ)သည္ အလိုႀကီးျခင္း, အလိုဆိုးျခင္းတို႔၏ ဆန္႔က်င္ဖက္ျဖစ္သည္။ သူတစ္ပါးတို႔၏ ပစၥည္း, ဥစၥာ, ဂုဏ္တို႔အား မတရားသျဖင့္ မက္ေမာလိုလားျခင္းသည္ အလိုႀကီးျခင္းျဖစ္သည္။ မိမိအစြမ္းအစျဖင့္ ရထားေသာ ပစၥည္း, ဥစၥာ, ဂုဏ္တို႔ႏွင့္ ေက်နပ္ႏွစ္သိမ့္ျခင္းသည္ ေရာင့္ရဲျခင္းျဖစ္သည္။ ဤသို႔ မိမိအရည္အခ်င္း အေလ်ာက္ ရသင့္သေလာက္ႏွင့္ ေရာင့္ရဲတင္းတိမ္ျခင္းအား ‘ယထာလာဘသေႏၲာသ’ ဟု ေခၚသည္။ မိမိအရည္အခ်င္း အေလ်ာက္ ရရွိလာေသာ ပစၥည္းတို႔ကိုလည္း ရသေလာက္ မယူရ။ ယူသင့္သေလာက္သာ ယူရသည္။ မိမိတြင္ ေရာဂါေ၀ဒနာရွိေနပါက မိမိႏွင့္ သင့္တင့္ေသာ အစားအေသာက္ႏွင့္သာ ေရာင့္ရဲရသည္။ ဤသို႔ေသာ ေရာင့္ရဲမႈမ်ိဳးအား ‘ယထာဗလသေႏၲာသ’ ဟု ေခၚသည္။ မိမိ၏ က်န္းမာေရးႏွင့္ သင့္ေတာ္ေစကာမူ၊ မိမိထက္ ပို၍ ထိုက္တန္သင့္ေလ်ာ္သူတို႔ရွိပါက မိမိမသံုးစြဲပဲ ပို၍ သင့္ေတာ္သူတို႔ကို သံုးစြဲေစရသည္။ ဤသို႔ေသာ ေရာင့္ရဲျခင္းမ်ိဳးအား ‘ယထာသာ႐ုပၸသေႏၲာသ’ ဟုေခၚသည္။

ထို႔ေၾကာင့္ ေရာင့္ရဲျခင္းသည္ အလိုႀကီးျခင္း၏ ဆန္႔က်င္ဖက္ျဖစ္သည့္ အားေလ်ာ္စြာ၊ ရက္ေရာျခင္းႏွင့္ ဆက္စပ္ေနသည္။ ထိုေရာင့္ရဲျခင္းႏွင့္ ရက္ေရာျခင္းအစံုသည္ မိမိပတ္၀န္းက်င္အက်ိဳး၊ အမ်ားအက်ိဳးအတြက္ စြန္႔လြတ္အနစ္နာခံျခင္းအတြက္ ပထမေျခလွမ္းျဖစ္သည္။ ေရာင့္ရဲျခင္းသည္ ရည္မွန္းခ်က္ကင္းမဲ့ျခင္း၊ ပ်င္းရိျခင္း၊ လံု႔လ၀ီရိယနည္းျခင္းတို႔မဟုတ္။ အသိပညာေရွ႕ေဆာင္ေသာ အားထုတ္မႈျဖစ္သည္။

ရည္မွန္းခ်က္ ျပည့္ေျမာက္ေအာင္ မေလ်ာ့ေသာ ဇြဲလံု႔လျဖင့္ အားထုတ္ရသည္။ အခက္အခဲ အတားအဆီးတို႔ ႀကံဳလာပါကလည္း ရည္မွန္းခ်က္ကို အေလ်ာ့မေပးပဲ၊ ဆင္းရဲဒုကၡကို ႀကံ့ႀကံ့ခံႏိုင္ရသည္။ သည္းခံႏိုင္ရသည္။ အေလာင္းေတာ္ မဟာဇနကမင္းသည္ မင္းအျဖစ္သို႔ေရာက္ေသာအခါ မိမိကိုယ္မိမိ ျပန္လည္သံုးသပ္၍ ေအာက္ပါ အဓိပၸါယ္ရွိေသာ ဥဒါန္းကို က်ဴးရင့္သည္။

ေယာက္်ားေကာင္းမွန္က ျမတ္ေသာ ရည္မွန္းခ်က္ထားရာ၏။ ႀကိဳးစားလံု႔လျပဳရာ၏။ မပ်င္းရိရာ။
အျခားမၾကည့္လင့္။ သမုဒၵရာမွ လြတ္ေျမာက္၍၊ မိမိ အလိုရွိသည့္အတိုင္း မင္းအျဖစ္သို႔ေရာက္ေသာ
ငါ့ကိုပင္ သက္ေသထား၍ ဆိုသတည္း။

ဆင္းရဲဒုကၡ ႀကံဳေတြ႔ရေသာ္လည္း ရည္မွန္းခ်က္ကို မစြန္႔ရာ။ ဆင္းရဲကို သည္းခံ၍ မေလ်ာ့ေသာ လံု႔လျပဳရာ၏။ ‘ဆင္းရဲတစ္ခါ ခ်မ္းသာတစ္လွည့္’ဟူေသာ ေလာကျဖစ္ၿမဲဓမၼတာကို ႏွလံုးမမူပဲ၊ ပ်င္းရိျခင္းကို ေရွ႕တန္းတင္ကာ လံု႔လေလ်ာ့သူတုိ႔သည္ သမုဒၵရာတြင္ ငါးလိပ္စာသာျဖစ္ၾကရသည္။ ဆင္းရဲမွ မလြတ္ကင္းႏိုင္။


ေလာကတြင္ လူတို႔သည္ မႀကံစည္ပဲ ျဖစ္လာတတ္သည္ ရွိသလို၊ ႀကံစည္တိုင္းလည္း ျဖစ္မလာတတ္။ လံု႔လရွိသူတို႔သာ အထေျမာက္ေအာင္ျမင္ႏိုင္သည္။

ျဖစ္ခ်င္ေသာ ဆႏၵတို႔ကို လုပ္ခ်င္ေသာ လံုလ၀ီရိယတို႔ႏွင့္ ညိႇေပးရသည္။ ရည္မွန္းခ်က္တို႔ ျမင့္ေလ ပို၍ အားစိုက္ေပးရေလ ျဖစ္သည္။ ထိုသို႔ မိမိ၏ အားထုတ္မႈ အေလ်ာက္ ရရွိလာသည့္တို႔ႏွင့္ ေက်နပ္ႏွစ္သိမ့္ျခင္းကို ေရာင့္ရဲျခင္းဟုေခၚသည္။ ေရစီးတစ္ခါ ေရသာတစ္လွည့္ဆိုသလို ထင္သလိုမျဖစ္ပဲရွိပါက မိမိ၏ ရည္မွန္းခ်က္တို႔ကို မစြန္႔ပဲ ဆင္းရဲဒုကၡကို သည္းခံႏိုင္ရသည္။ ေလာကဓံကို သည္းခံႏိုင္ရသည္။

ေရာင့္ရဲမႈမရွိသူ၊ သည္းခံမႈမရွိသူတို႔က ထိုသို႔ေသာအေျခေနတြင္ အမွန္တရားကို လက္ေလ်ာ့အစြန္႔ေပး၍၊ လာဘသကၠာရတို႔ကို မက္ေမာၿပီး အမွားဖက္သို႔ ကူးေျပာင္းသြား တတ္သည္။ ခႏၲီတရားႏွင့္ ျပည့္၀သူ၊ သေႏၲာသတရားႏွင့္ ျပည့္၀သူတို႔ကား မည္သို႔ေသာ ဆင္းရဲဒုကၡမ်ား၊ သတ္ျဖတ္၊ ႏွိပ္စက္ျခင္းမ်ားႏွင့္ ေတြ႔ေစကာမူ ဓမၼလမ္းေၾကာင္းေပၚတြင္ ႀကံ့ႀကံ့ခံ၍ ရပ္တည္သြားႏိုင္သည္။

ေတမိမင္းသားသည္ ဆြဲေဆာင္ဖ်ားေယာင္းမႈအမ်ိဳးမ်ိဳး, ၿခိမ္းေျခာက္မႈအမ်ိဳးမ်ိဳးကို သည္းခံကာ မိမိ၏ အဓိ႒ာန္ကို မဖ်က္ခဲ့။ ဓမၼႏွင့္ အဓမၼယွဥ္ၿပိဳင္ရာတြင္ ဘုရားအေလာင္းေတာ္ ခႏၲီ၀ါဒီရေသ့သည္ မိမိရပ္တည္ခ်က္ကို မစြန္႔ပဲ အသက္သာ အေသခံသြားခဲ့သည္။ အဓမၼ၀ါဒီတို႔၏ ႐ႈေထာင့္တြင္ ခႏၲီ၀ါဒီရေသ့သည္ ႐ႈံးနိမ့္သြားသည္ဟု ဆိုေကာင္း ဆိုေပလိမ့္မည္။ စင္စစ္ကား ပါရမီထိုက္ေသာ သည္းခံျခင္းျဖင့္ အႏိုင္ယူသြားျခင္းသာ ျဖစ္သည္။

ဧရာ (မႏၲေလး)
စာၫႊန္း။
ခုဒၵကပါဌအ႒ကထာ - မဂၤလသုတၱ၀ဏၰနာ
ဦးၾသဘာသ - မဟာဇနကဇာတ္ေတာ္ႀကီး၀တၳဳ
ဦးေ႐ႊေအာင္ - ဗုဒၶ ေလာကသားတို႔၏ အႏိႈင္းမဲ့ ေက်းဇူးရွင္
ဦးေ႐ႊေအာင္ - ဘ၀အျမင္သစ္

("ခ်င္" ကိုဖတ္ၿပီး ေကာ္မန္႔ ေရးေပးၾကတဲ့ မိတ္ေဆြ သူငယ္ခ်င္းမ်ားအတြက္)

Wednesday, November 26, 2008

မေပ်ာ္တဲ့ ေတာ္ရာ...

“ခ်င္” ပို႔စ္ကို မတင္ခင္ တုန္းက လက္ထဲမွာ ေရးၿပီးစ သံုး၊ ေလးပုဒ္ ရွိေနတယ္။ (အဟဲ ေလသံကေတာ့ တကယ့္ ၀ါရင့္ စာေရးဆရာႀကီး အတိုင္း.. ဂလို ေျပာခ်င္ေနတာ ၾကာၿပီ..အဂုလို ေျပာလိုက္ရလို႔ ၀မ္းသာလိုက္တာ)
ကိုဧရာကိုေတာင္ တစ္ၿပိဳင္ထဲ သံုးပုဒ္ တင္လိုက္ရမလား လို႔ ညွိၾကည့္ေသးတယ္။ သူက တစ္ပုဒ္ခ်င္းပဲ တင္ပါဆိုလို႔ “ခ်င္” ကို တင္လိုက္တယ္။

ဘေလာ့ဂ္ေပၚက မိတ္ေဆြ သူငယ္ခ်င္းေတြကို အထူးေက်းဇူးတင္တယ္။ မသီတာ ေျပာခ်င္တာေတြကို နားေထာင္ေပးၿပီး၊ စိတ္၀င္တစား အျမင္ေလးေတြ ေဆြးေႏြးေပးၾကလို႔။ အျပင္ေလာကမွာ ဒီေလာက္ႀကီး ေျပာျပဖို႔ အေျခအေနအရ အခြင့္ မသာဘူး။
ဒီေတာ့ အခြင့္သာသလို ႏွိပ္စက္လိုက္ဦးမယ္… ဖတ္ၾကည့္ၾကပါဦး… မသီတာရဲ႕ မေပ်ာ္ပံု ေနာက္တစ္မ်ိဳး


****

က်ေနာ္ အဲ့ဒီ အိမ္ေရွ႕က ျဖတ္ေလွ်ာက္ေတာ့ ဘယ္ေၾကာင့္မွန္းမသိ အိမ္ထဲဘက္ကို ေခါင္းငဲ့ၾကည့္လိုက္မိတယ္။ ေၾသာ္ ဟိုအမ်ိဳးသမီး ဟင္းခ်က္ေနတယ္ကိုး။ အိမ္ေရွ႕ တံခါးေပါက္ကေန လွမ္းၾကည့္လိုက္ရင္ ဧည့္ခန္းကိုေက်ာ္လို႔ အိမ္ေနာက္ေဖး မီးဖိုေခ်ာင္ထိ လွမ္းျမင္ေနရတယ္ေလ။ အိမ္ခ်င္းကပ္လ်က္ ဆိုေပမဲ့ က်ေနာ္တို႔က အေခၚအေျပာ မရွိၾကပါဘူး။

အဲ့ဒီ အိမ္ဆိုသည္မွာ အိမ္ေထာင္ဦးစီးျဖစ္မဲ့ ေယာက္်ားရယ္, ခုန ဟင္းခ်က္ေနတဲ့ မိန္းမရယ္, သူတို႔ ရဲ႕ သားႏွစ္ေယာက္ရယ္ … မိသားစု ပံုစံေလးကေတာ့ စံုစံုလင္လင္ပါပဲ။ ဒါေပမဲ့ အဲ့ဒီ မိသားစုေပ့ါ စိတ္၀င္စားစရာ ေကာင္းေလာက္ေအာင္ ပ်င္းစရာေကာင္းတဲ့ က်ေနာ့္ရဲ႕ အိမ္နီးခ်င္းေတြ… ။

ကဲပါေလ အစဥ္လိုက္အတိုင္း စလိုက္ရေအာင္။ အိမ္ေထာင္ဦးစီး ဆိုတဲ့ ထိုေယာက္်ား။ မနက္အေစာႀကီး အိမ္ကထြက္တယ္၊ ညမိုးခ်ဳပ္မွ အိမ္ျပန္လာတယ္။ အဲ့ဒီလူကေတာ့ ပန္းခ်ီကားထဲက လူဗ်။ ဘယ္အခ်ိန္ေတြ႔ေတြ႔ ဒီအတိုင္းပဲမို႔ပါ။ က်ေနာ္ သူ႔အၿပံဳးကို မျမင္ဖူးသလို သူ႔အသံကိုလည္း မၾကားဖူးဘူး။ ကဲ မထူးဆန္းဘူးလား။

ဘယ္အခ်ိန္ၾကည့္လိုက္ ၾကည့္လိုက္ အၿမဲတမ္း အိပ္ခ်င္ေနတဲ့ မ်က္လံုးေတြနဲ႔ အခုမွ အိပ္ယာက ထလာတဲ့ ပံုစံနဲ႔ မမကေတာ့ အခုနက ဟင္းခ်က္ေနတဲ့ မမေပါ့။ သူ႔ ကေလးႏွစ္ေယာက္နဲ႔ ဟိုနားဒီနား သြားတာ ျမင္တယ္။ က်ေနာ့္ မိန္းမလို႔ လွလွပပ ျပင္ျပင္ဆင္ဆင္ တစ္ခါမွ မေတြ႔ရဘူး။ ယုတ္စြ အဆံုးဗ်ာ အဲ့ဒီ မိန္းမကို စကတ္ေလး၊ ဒရတ္စ္ ေလးနဲ႔ေတာင္ မျမင္ဖူးဘူး။

ပိန္လွီ ေျခာက္ကပ္ေနတဲ့ သူတို႔ ကေလးႏွစ္ေယာက္ကေတာ့ ၂၁ ရာစုရဲ႕ ဖြံၿဖိဳးၿပီးႏိုင္ငံ တစ္ခုက ကေလးေတြပါဆိုတာ ကိ်န္တြယ္ၿပီး ေျပာရေတာ့ မလို …။ ေနႏိုင္လိုက္ၾကတာဗ်ာ playground ဆိုတာလည္း သူတို႔နဲ႔ မဆိုင္သလို။

ေသခ်ာတာကေတာ့ သူတို႔ဟာ လူေတြနဲ႔ မတူေပမဲ့ စက္႐ုပ္ေတြေတာ့လည္း မဟုတ္ၾကဘူးဗ်။

ခင္ဗ်ားတို႔ အက်ယ္ခ်ဳပ္ အက်ဥ္းက်ခံေနရတယ္ ဆိုတာ ၾကားဖူးၾကလား။ အက်ယ္ေတြေရာ အက်ဥ္းေတြေရာ မ်က္စိေတာ့ ႐ႈပ္ကုန္ၾကမွာပဲ။ က်ေနာ္ျမင္တာေတာ့ အဲဒ့ီ အတိုင္း.. အဲဒီ အတိုင္းပဲဗ်ာ။
ကဲ ဗ်ာ ဒီေလာက္ပါပဲ...။

*****

ေတာ္ရာမွာ မေပ်ာ္တဲ့ အေၾကာင္းေလးေတြ ပိုပိုမိုမို ဖြဲ႔ႏြဲ႔သည္ေပါ့… သယ္ရင္းတို႔ ..မ်ားကို သနားၿပီး ငိုမေနၾကနဲ႔ဦး။
စိတ္ဆရာ၀န္မ်ား ဖတ္မိရင္ “မသီတာ က်ေနၿပီ .. ေကာက္တင္ဦး” လို႔ ေျပာမွာလည္း ေၾကာက္လို႔ (ဒီက အယူးပါး)

Monday, November 24, 2008

ခ်င္

စိတ္မခ်မ္းေျမ႕စရာေတြရဲ႕ အရင္းအျမစ္ကို ရွာေဖြမိေတာ့ ေယဘုယ်အားျဖင့္ေတာ့ ရခ်င္တာရယ္၊ ျဖစ္ခ်င္တာရယ္၊ လုပ္ခ်င္တာရယ္ စသျဖင့္ေပါ့ေလ.. ‘ခ်င္’ ေတြကို ေတြ႔ရတယ္။

က်မကို ဒုကၡ အေပးဆံုးကေတာ့ ‘ျဖစ္ခ်င္တာ’ ။ က်မဟာ result oriented တစ္ေယာက္ျဖစ္တယ္။ က်မ ကိုဧရာကို ေျပာေလ့ရွိတဲ့ စကားက “စမွတ္နဲ႔ ဆံုးမွတ္တူေနရင္ေတာ့ work done 'zero' ပဲေနာ္။ power ေတြ အကုန္ lost ျဖစ္တယ္။” ေျပာဖန္မ်ားလြန္းေတာ့ (ဘာမွမျဖစ္ခ်င္ေန တစ္ခုခုကို လုပ္ေနဖို႔က အေရးပိုႀကီးတယ္လ႔ို ဆိုတတ္တဲ့) သူေတာင္ ဒီ zero ႀကီးကို ေၾကာက္ခ်င္ခ်င္ ျဖစ္ေနၿပီထင္တယ္။ ဒါကလည္း ပင္ကိုယ္ဗီဇနဲ႔ ငယ္ငယ္ထဲက စြဲခဲ့တဲ့ အဆံုးအမေတြနဲ႔ သက္ဆိုင္ေနတယ္လို႔ ဆိုခ်င္တယ္။ အရာရာမွာ အေကာင္းဆံုး ျဖစ္ခ်င္တာဟာ အျပစ္တစ္ခု မဟုတ္ခဲ့ေပမဲ့၊ က်မရဲ႕ ငယ္ရြယ္ႏုနယ္တဲ့ ဘ၀အစိတ္ အပိုင္း တစ္ခုလံုးကို ေပ်ာ္ရႊင္မႈဆိုတာ ဘာမွန္း မသိေအာင္ ရက္စက္စြာ ၀ါးၿမိဳ ခံခဲ့ရတာဟာ… အဲဒီ အ့ဲဒီ ‘ျဖစ္ခ်င္တာ’ ပါဘဲ။

က်မေလ ျဖစ္ခ်င္ခဲ့တယ္။ ဆရာ၀န္မေလး တစ္ေယာက္ေပါ့။ က်မမွာ ေမတၱာတရား ဘယ္ေလာက္ႀကီးမားလဲ မေသခ်ာေပမဲ့ ယဥ္ေက်းမႈမွာ သိမ္ေမြ႔မႈပါမွ ႏွစ္သက္ႏိုင္တာ ေသခ်ာတယ္။ ေနာက္ၿပီး ဆန္းသစ္မႈေလးေတြ ေရာစြက္ေနတဲ့ အလွတရားကိုမွ က်မ ျမတ္ႏိုးတယ္။ အဲဒီ အခ်က္ေတြကပဲ က်မရဲ႕ ဆရာ၀န္မ တစ္ေယာက္ ျဖစ္လိုမႈအတြက္ လံုေလာက္တဲ့ အေၾကာင္းျပခ်က္ေတြ ျဖစ္တယ္။

ဘုရားေဟာခဲ့တဲ့ အနတၱ ဆိုတဲ့တရားကို လက္ခံဖို႔ သတိေပး ခံလိုက္ရတာကေတာ့ စက္မႈတကၠသိုလ္ ၀င္ခြင့္ရ ခဲ့ျခင္း ပါဘဲ။ ဆယ္ႏွစ္တာကာလ တစ္ခုမွာ က်မကိုယ္ က်မ ေပ်ာက္ေနခဲ့တယ္။ ျပန္ရွာဖို႔လည္း ဘယ္ေတာ့မွ အေတြးထဲေတာင္ မေရာက္ခဲ့ဘူး။ အေအးေၾကာက္တဲ့ က်မ အတြက္ RIT ဟာ ႏွင္းေတာထဲမွာ ျဖစ္ေနတယ္။
အင္ဂ်င္နီယာလား။ ဘယ္တုန္းကမွ မျဖစ္ခ်င္ခဲ့သလို၊ ဘယ္ေတာ့မွလည္း မျဖစ္ေတာ့ပါဘူး။ ဆရာ၀န္နဲ႔ ေရွ႕ စာလံုးႏွစ္ခုတူတဲ့ ဆရာမေတာ့ ျဖစ္ခဲ့ဖူးတယ္။ အဲဒီ ျဖစ္ခ်င္တာေတြ မျဖစ္ရတဲ့ဲ ဆင္းရဲမႈေတြ (ကိုဧရာ ေျပာသလို ဆိုရင္ေတာ့ လုပ္ယူထားတဲ့ ဒုကၡေတြ) ေပြ႔ရင္းပိုက္ရင္း က်မရဲ႕ အခ်ိန္ေတြဟာ ရွက္စရာေကာင္းစြာ ကုန္ဆံုးေနပါတယ္။

ေပ်ာ္ခဲတဲ့က်မ ေပ်ာ္ရႊင္မႈေတြနဲ႔ ဘာေၾကာင့္ ေ၀းရပါသလဲ။ အခုေတာ့ သိပါၿပီ။ ရင္ထဲမွာ ရွိမွန္း မသိေအာင္ ကိန္းေအာင္းေနတဲ့ အယူမွားတစ္ခုေၾကာင့္ပါ။ ဘာလဲသိလား။ ေပ်ာ္ရတာကို မေလးနက္ဘူးလို႔ လြဲမွားစြာ စြဲထင္ထားတာေလ။ အခုေတာ့ က်မဟာ ေပ်ာ္ရႊင္မႈရဲ႕ ေလးနက္မႈကို တစ္စတစ္စ ခံစားတတ္လာေနပါၿပီ။ ေပ်ာ္ရႊင္မႈဟာ တန္ဖိုးတစ္စံုတရာ ရွိတယ္။ ေပ်ာ္ရႊင္မႈဟာ က်မနဲ႔ တစ္သားတည္းျဖစ္ေစဖို႔ ျဖစ္ခ်င္တာေတြကို လုပ္ခ်င္တာေတြနဲ႔ အစားထိုး၊ ရခ်င္တာေတြကို ျဖစ္ေနတာေတြနဲ႔ ခ်င့္ခ်ိန္… ဒီလိုေလးေပါ့ေနာ္...

Thursday, November 20, 2008

ကၽြန္စိတ္၊ ပညာေရး ႏွင့္ လြတ္လပ္မႈ


“A Slave is one who waits for someone to come and free him” [Ezra Pound]
 
‘ပညာေ႐ႊအိုး လူမခိုး’၊ ‘ပညာရဲရင့္ ပြဲလယ္တင့္’ စေသာ ဆို႐ိုးစကားတို႔ျဖင့္ ျမန္မာလူမ်ိဳးတို႔၏ ပညာအေပၚ တန္ဖိုးထားမႈကို နားလည္ႏိုင္သည္။ ပညာဟူသည္ အမွားအမွန္ကို ပိုင္းျခားျခင့္ခ်ိန္ႏိုင္ေသာ အသိျဖစ္၍ ထိုအသိက လူ၏ အေတြးအျမင္, အက်င့္အႀကံတို႔ ေျပာင္းလဲေသာ ျဖစ္စဥ္ကို ဦးေဆာင္သည္။ ဗဟုသုတအၾကားအျမင္မ်ားေစရန္ ေလ့လာမွတ္သားရသည္။ ထိုဗဟုသုတတို႔ကို အေျခခံ၍ စဥ္းစားေတြးေခၚမႈကို ရင့္သန္ေစရန္ ေလ့က်က္ရသည္။ အမွားကို ေရွာင္၍ အမွန္ကို လိုက္နာက်င့္ႀကံရန္ ထပ္တလဲလဲ ေလ့က်က္ရသည္။ ဤသို႔ သုတမယ, စိႏၲာမယ, ဘာဝနာမယဟူ၍ အဆင့္ဆင့္ တုိးတက္သြားျခင္းကိုပင္ လူတို႔၏ စိတ္ဓာတ္၊ အက်င့္အႀကံတို႔ ေျပာင္းလဲေသာျဖစ္စဥ္ဟု ဆိုရ၏။ အမွန္တရားႏွင့္ လိုက္ေလ်ာညီေထြမည့္ အေတြးအေခၚ၊ အက်င့္စ႐ိုက္တို႔ ေျပာင္းလဲျခင္းမရွိပါက ပညာအစစ္မဟုတ္။ အတုအေယာင္သာ ျဖစ္သည္။ ဘာသာေရးနယ္ပယ္၌္ ပညာစစ္သည္ ကိေလသာ၏ ေက်းကၽြန္ဘဝမွ လြတ္ေျမာက္မႈအရသာ ‘ဝိမုတၱိရသ’ ကို ေပး၏။ ထို႔အတူပင္ ေလာကီနယ္၌လည္း ပညာက လြတ္လပ္မႈကို ေဆာင္က်ဥ္း ေပးသည္။ 

ျမန္မာတို႔သည္ ပညာ၏ အေရးပါမႈကို နားလည္ခဲ့ၾကသည္။ ကိုလိုနီေခတ္ အဂၤလိပ္တို႔၏ ပညာေရးကို ကၽြန္ပညာေရးဟု နားလည္ခဲ့ၾကသည္။ ကိုလိုနီအုပ္ခ်ဳပ္ေရးယႏၲရားတြင္ အသံုးခ်ရန္အတြက္သာ ရည္႐ြယ္ခဲ့ေသာ အတုအေယာင္ပညာေရး အျဖစ္နားလည္ခဲ့ၾကသည္။ ထို႔ေၾကာင့္ ၁၉၂၀-ခုႏွစ္တြင္ ရန္ကုန္ယူနီဗာစီတီအက္ဥပေဒအား ကၽြန္ပညာေရးအျဖစ္ သပိတ္ေမွာက္ခဲ့သည္။ လြတ္လပ္ေရးႏွင့္ ဆီေလ်ာ္မည့္ အမ်ိဳးသားေက်ာင္းမ်ား ဖြင့္လွစ္ခဲ့ၾကသည္။ အမ်ိဳးသားပညာေရးမွ ခ်ေပးခဲ့ေသာ မ်ိဳးေစ့မ်ားသည္ နဂါးနီစာအုပ္အသင္း၊ ဘားမားဘုတ္ကလပ္ စေသာ လူထုပညာေပး အသင္းအဖြဲ႔မ်ားကို ေမြးဖြားေပးခဲ့သည္။ သခင္ေအာင္ဆန္း, သခင္ႏု စေသာ လြတ္လပ္ေရး ေခါင္းေဆာင္မ်ားကုိ ေမြးထုတ္ေပးမည့္ ဒို႔ဗမာအစည္းအ႐ံုးကို ျဖစ္ေပၚေစခဲ့သည္။ အမ်ိဳးသားပညာေရးသည္ ကၽြန္စိတ္မွ သခင္စိတ္သို႔ ေျပာင္းလဲေပးခဲ့သည္။

မိမိဆႏၵမပါဘဲ၊ အမွားအမွန္ စဥ္းစားေဝဖန္ခြင့္မရွိဘဲ၊ တစ္ပါးသူ၏ အလိုက် လုပ္ေပးရ, ေနေပးရေသာဘဝကို ကၽြန္ဘဝဟု သတ္မွတ္သည္။ ‘ေပးတာယူ၊ ေႂကြးတာစား၊ ခိုင္းတာလုပ္’၍ သူတစ္ပါးအလိုက်ေနရေသာ သိမ္ငယ္သည့္ စိတ္ဓာတ္မ်ိဳးသည္ ကၽြန္စိတ္ျဖစ္သည္။ ကၽြန္တို႔၏ လုပ္အား၊ ရပိုင္ခြင့္တို႔ကို အျမတ္ထုတ္ေသြးစုတ္ေနသူတို႔က ကၽြန္စိတ္ကို ႐ိုက္သြင္းေပးသည္။ ကၽြန္ေမြးသည္။ ကၽြန္တို႔ကလည္း မိမိဘဝရပ္တည္မႈအတြက္ သခင္ေမြးသည္။ ကၽြန္သက္ရွည္ရျခင္းသည္ ကၽြန္စိတ္ေၾကာင့္ ျဖစ္သည္။ ေခတ္သစ္ကဗ်ာဆရာတစ္ဦးျဖစ္ေသာ Ezra Pound က ‘ကၽြန္ဟူသည္ မိမိလြတ္ေျမာက္ေရးအတြက္ သူတစ္ပါး လာေရာက္ကယ္တင္မႈကုိ ေစာင့္ဆိုင္းေနသူ’ဟု အဓိပၸါယ္ ဖြင့္ေပးခဲ့၏။ 

ကၽြန္စိတ္သည္ သိမ္ငယ္စိတ္ျဖစ္သည္ဟုဆိုလွ်င္ သခင္စိတ္သည္ တာဝန္ယူစိတ္ျဖစ္သည္။ စိတ္ကို အစိုးရသည္မွာ ပညာျဖစ္၍ ပညာကို စာေပတို႔မွတဆင့္ရသည္။ သခင္စိတ္ကို ေမြးဖြားေပးႏိုင္ေသာ စာေပ၊ ပညာေရးတို႔ ထြန္းကားပါမွ လြတ္လပ္ေရးကို ရယူႏိုင္မည္။ ကိုလိုနီေခတ္ျမန္မာတို႔က ဤအခ်က္ကို ေကာင္းစြာ နားလည္ခဲ့ၾကသည္။ အမ်ိဳးသားပညာေရးလႈပ္႐ွားမႈ၏ ေခါင္းေဆာင္ ဆရာႀကီးသခင္ကိုေတာ္မိႈင္းက “ေခတ္ဆိုးလွ်င္ ေခတ္ကို အျပစ္မဆိုသာ။ ထုိေခတ္တြင္႐ွိေသာ သူတို႔ကိုသာ အျပစ္ဆိုစရာ ျဖစ္ေသာေၾကာင့္ ငါတို႔ေခတ္အတြက္ ငါတို႔တာဝန္ႀကီးေပတကားဟု မ်ားမ်ားႀကီး ႏွလံုးသြင္းအပ္ေပသည္” ဟု ဂႏၴေလာကမဂၢဇင္းတြင္ ေရးသား တိုက္တြန္းခဲ့၏။ ဤကား ၁၉၂၀-ခုႏွစ္ကာလတြင္ အစပ်ိဳးခဲ့ေသာ အမ်ိဳးသားပညာေရးလႈပ္ရွားမႈ၏ ယံုၾကည္ခ်က္၊ ခံယူခ်က္မ်ား ျဖစ္သည္။

ဧရာ (မႏၲေလး)
၈၈ ႀကိမ္ေျမာက္ အမ်ိဳးသားေအာင္ပြဲေန႔ အထိမ္းအမွတ္
၁၃၇၀ခု၊ တန္ေဆာင္မုန္းလဆုတ္ ၁၀ရက္ (၂၂-၁၁-၂၀၀၈)

Saturday, November 15, 2008

နိကာယ်ငါးရပ် မိတ်ဆက်



ဗုဒ္ဓမြတ်စွာ သက်တော်ထင်ရှားရှိစဉ်အခါက ဗုဒ္ဓဟောကြားသော တရားတော်တို့အား “ဓမ္မဝိနယ” ဟု ရည်ညွှန်း ခေါ်ဆိုလေ့ရှိသည့်အားလျော်စွာ၊ ပထမအကြိမ် သံဂါယနာတင်ပွဲတွင် ဓမ္မနှင့် ဝိနယဟု နှစ်စုခွဲ၍ ရွတ်ဆိုခဲ့ကြသည်။ ဗုဒ္ဓဒေသနာတော် အားလုံးအား ဓမ္မဟု ခေါ်ဆိုနိုင်သည် မှန်သော်လည်း နည်း ဒေသနာတော်တို့အား ဝနယ ဟုလည်းကောင်း၊ ဝိည်းတော်မှ အပဖြစ်သော သုတ္တန်နှင့် အဘိဓမ္မာ ဒေသနာတော်တို့အား ဓမ္မဟုလည်းကောင်း ခွဲခြား သတ်မှတ်ခဲ့ကြသည်။ သံဂါယနာ တင်သောအခါတွင် ဝိနည်း၊ သုတ္တန်၊ အဘိဓမ္မာဟူသော အစီစဉ်အားဖြင့် စုပေါင်းရွတ်ဆိုခဲ့ကြသည်။

ပထမသံဂါယနာတင်ပွဲတွင် အရှင်မဟာကဿပ မထေရ်က စီစစ် မေးမြန်းသော “ပုစ္ဆက” ပုဂ္ဂိုလ်အဖြစ် ဆောင်ရွက်တော်မူခဲ့သည်။ ဝနည်းအရာတွင် ဧတဒဂ်ရတော်မူခဲ့သော အရှင်ဥပါလိမထေရ်က ဝိနည်း ဒေသနာတော်အား ဖြေကြားသည့် “ဝသဇ္ဇက” ပုဂ္ဂိုလ်အဖြစ် ဆောင်ရွက်တော်မူခဲ့၏။ သုတ္တန်နှင့် အဘိဓမ္မာဟူသော ဓမ္မ ဒေသနာတော်တို့အား “ဓမ္မဘဏ္ဍာဂါရိက” (တရားဘဏ္ဍာစိုး) ဖြစ်သည့် အရှင်အာနန္ဒာ မထေရ်က ဖြေကြား၍ သံဂါယနာ တင်တော်မူခဲ့ကြသည်။

ဤတွင်လည်း ဓမ္မဒေသနာတို့အား သဘောတူရာ တူရာစု၍ အောက်ပါအတိုင်း “နိကာယ (အစုအပေါင်း)” ငါးစုဖြင့် (တနည်း နိကာယ် ငါးရပ်ဖြင့်) စု၍ ခွဲခြားခဲ့ကြပါသည်။

(၁) ဒီဃနိကာယ - သုတ္တန်အရှည်များ စုစည်းထားသော အုပ်စု
(၂) မဇ္ဈိမနိကာယ - အလယ်အလတ်သုတ္တန်များ စုစည်းထားသော အုပ်စု
(၃) သံယုတ္တနိကာယ - အချင်းချင်း ဆက်နွယ်နေသော သုတ္တန်များအား စုထားသော အုပ်စု
(၄) အင်္ဂုတ္တရနိကာယ - အင်္ဂါအရည်အတွက်အလိုက်စုစည်းထားသော နိကာယ်
(၅) ခုဒ္ဒကနိကာယ - အရွယ်အစား သေးငယ်သော သုတ္တန်များနှင့် အဘိဓမ္မာဒေသနာအုပ်စု

“သုတ္တ”သည် “တမျဉ်းချည်၊ ပန်းသီတံ၊ ပန်းသီကြိုး”ဟု တိုက်ရိုက် အနက်အဓိပ္ပါယ်ရ၍ မြတ်စွာဘုရား ဟောကြားတော်မူခဲ့သော ဓမ္မဒေသနာတို့အား ဖရိုဖရဲ မဖြစ်ရအောင် သီကုံးပေးထားသော ကြိုးသဖွယ် ယူဆနိုင်ပါသည်။ (ပါဠိဝေါဟာရ “သုတ္တ”အား သုတ်, သုတ္တန်, သုတ္တံစသဖြင့် မြန်မာမှုပြု လေ့ရှိသည်။)

ဒီဃနိကာယ (Collection of Long Discourses)

ဗုဒ္ဓဒေသနာတော်များအား အကျဉ်းခြုံးလိုက်ပါက သီလ၊ သမာဓိ၊ ပညာဟူသော အုပ်စုသုံးစုရသည်။ ဒီဃနိကာယ်တွင် ပါဝင်သော သုတ်များသည် သီလ, သမာဓိ, ပညာတို့ကို ကျယ်ကျယ်ပြန့်ပြန့် ဟောကြားထားသော သုတ်များဖြစ်သည်။ မိစ္ဆာဒိဋ္ဌိ ၆၂-မျိုးအကြောင်း ဟောကြားသော ဗြဟ္မဇာလသုတ်၊ ရဟန်းပြုရခြင်း၏ အကျိုးကျေးဇူးကို အဇာတသတ်မင်းအား ဟောကြားထားေသာ သာမညဖလသုတ်၊ ဗုဒ္ဓ၏ နောက်ဆုံးကာလ ဖြစ်စဉ်များအား ဟောကြားထားသော မဟာပရိနိဗ္ဗာနသုတ်၊ နိဗ္ဗာန်သို့ မျက်မှောက်ပြုရန် တစ်ကြောင်းတည်းသော လမ်းစဉ်ဖြစ်သည့် သတိပဋ္ဌာန်လေးပါးကို ဟောကြားသော မဟာသတိပဋ္ဌာနသုတ်၊ မိဘဝတ်, သားသမီးဝတ် စသဖြင့် လူမှုကျင့်ဝတ်များကို ဟောကြားထားသော သိင်္ဂါလောဝဒသုတ် တို့သည် ဒီဃနိကာယ်လာ သုတ္တန်များဖြစ်သည်။ ယေဘုယျအားဖြင့် ဒီဃနိကာယ်လာသုတ်များသည် ဘာသာခြားတို့အား ဗုဒ္ဓအဆုံးမ, ဗုဒ္ဓသာသနာကို လိုက်နာသူများ ဖြစ်လာစေရန် ရည်ရွယ်၍ ဟောကြားထားသော သုတ်များဖြစ်သည်ဟု ဆိုနိုင်သည်။ အသောကမင်းလက်ထက်တွင် အရှင်သောဏနှင့် အရှင်ဥတ္တရတို့သည် ဒီဃနိကာယ်၏ ပထမဆုံးသုတ်ဖြစ်သော ဗြဟ္မဇာလသုတ်ကို ဟောကြား၍ သုဝဏ္ဏဘုမ္မိအရပ်တွင် သာသနာပြုခဲ့ ခြင်းဖြစ်သည်။

စုစုပေါင်း သုတ္တန် ၃၄-ပုဒ်ပါဝင်သော ဤဒီဃနိကာယ်အား “ဝဂ္ဂ (=အစု)” ခေါ် အစုသုံးစု ကျမ်းသုံးကျမ်း ခွဲခြားထားသည်။

(၁) သီလက္ခန္ဓဝဂ္ဂ (မြန်မာအခေါ် သုတ်သီလက္ခန်) - သုတ်ပေါင်း ၁၃-သုတ်
(၂) မဟာဝဂ္ဂ (မြန်မာအခေါ် သုတ်မဟာဝ) - သုတ်ပေါင်း ၁၁-သုတ်
(၃) ပါထိကဝဂ္ဂ (မြန်မာအခေါ် သုတ်ပါထေယျ) - သုတ်ပေါင်း ၁၀-သုတ်

ပါဠိစာပေတို့တွင် ကျမ်းစာ၏ အရွယ်ပမာဏတို့ကို မရပ်မနားဘ တစ်ကြိမ်တည်း ရွတ်ဆိုနိုင်သော ပမာဏဖြင့် တိုင်းတာလေ့ရှိသည်။ ယင်းပမာဏအား “ဘာဏဝရ” ဟုခေါ်သည်။ တစ်ဘာဏဝါရတွင် အက္ခရာအလုံးရေ ရှစ်ထောင်ရှိသည်။ ဒီဃနိကာယ်အား ဘာဏဝရဟူသော unit ဖြင့်တိုင်းထွာက ၆၄-ဘာဏဝရ ရှိသည်။

မဇ္ဈိမနိကာယ (Collection of Middle Length Discourses)

ဒီဃနိကာယ်လာ သုတ်များသည် ကျယ်ကျယ်ပြန့်ပြန့် ရှည်ရှည်လျားလျား ဟောကြားထားသော သုတ်များဟုဆိုပါက၊ မဇ္ဈိမနိကာယ်မှ သုတ်များသည် နက်နက်ရှိုင်းရှိုင်း ဟောကြားထားသော သုတ်များဟု ဆိုနိုင်သည်။ မဇ္ဈိမနိကာယ်လာ သုတ် အများစုသည် ဗုဒ္ဓဘာသာရဟန်းတော်များအား ရည်ရွယ်ဟောကြားထားသည်ဟု ဆိုနိုင်သည်။ မူလပရိယာယသုတ်၊ သဗ္ဗာသဝသုတ်၊ သမ္မာဒိဋ္ဌိသုတ်၊ ဓာတုဝိဘင်္ဂသုတ်၊ စူဠကမ္မဝိဘင်္ဂသုတ်၊ တဏှာသင်္ခယသုတ်၊ စူဠဝေဒလ္လသုတ်၊ အာနာပါနဿတိသုတ်၊ ဆဆက္ကသုတ် စသော အဓိပ္ပါယ်လေးနက်သည့် သုတ္တန်များသည် မဇ္ဈိမနိကာယ်လာ သုတ်များဖြစ်သည်။

မဇ္ဈိမနိကာယ်မှသုတ်များသည် အရွယ်အစားအားဖြင့် ဒီဃနိကာယ်မှ သုတ်များလောက် မရှည်လျားသော်လည်း၊ အခြားနိကာယ်များမှ သုတ်များလောက် တိုတောင်းခြင်း မရှိပေ။ ထို့ကြောင့်ပင် မဇ္ဈိမ (အလယ်အလတ်) နိကာယ်ဟု ခေါ်ခြင်းဖြစ်သည်။ မဇ္ဈိမနိကာယ်တွင် သုတ်အရေအတွက်အားဖြင့် ၁၅၂ သုတ်ရှိကာ၊ ကျမ်းတစ်ကျမ်းလျှင် သုတ် ၅၀-ခန့်ဖြင့် ပဏ္ဏာသ ခေါ် ကျမ်း သုံးကျမ်း ခွဲထားသည်။ ပဏ္ဏာသဟူသည် ငါးဆယ်ဟု အဓိပ္ပါယ်ရသည်။

(၁) မူလပဏ္ဏာသ (ရှေးဦးအစ သုတ်ငါးဆယ်)
(၂) မဇ္ဈိမပဏ္ဏာသ (အလယ် သုတ်ငါးဆယ်)
(၃) ဥပရိပဏ္ဏာသ (အဆုံးသုတ် ငါးဆယ်)

မှတ်ရ, ခေါ်ရလွယ်ရန် ပဏ္ဏာသ (ငါးဆယ်) ဟုဆိုရသော်လည်း နောက်ဆုံး ဥပရိပဏ္ဏာသတွင် သုတ်အရေတွက်အားဖြင့် ၅၂-သုတ်ရှိ၍ စုစုပေါင်း ၁၅၂-သုတ်ရှိသည်။ တဖန် ပဏ္ဏာသတစ်ခုစီတွင် သုတ် ၁၀-သုတ်စီအား “ဝဂ္ဂ”ခေါ် အခန်း တစ်ခန်းစီ ခွဲ၍ ထားသည်။ မဇ္ဈိမနိကာယ် တစ်ခုလုံးအနေဖြင့် ဘာဏဝါရ ၈၀ ရှိ၍ ဒီဃနိကာယ်ထက် ပို၍ အရွယ်ပမာဏကြီးမားသည်။

သံယုတ္တနိကာယ (Collection of Connected Discourses)

သံယုတ္တနိကာယ်တွင် အတွဲ ၅-တွဲ (တနည်း ကျမ်း ၅ကျမ်း) ရှိသည်။
(၁) သဂါထာဝဂ္ဂသံယုတ်ကျမ်း
(၂) နိဒါနဝဂ္ဂသံယုတ်ကျမ်း
(၃) ခန္ဓဝဂ္ဂသံယုတ်ကျမ်း
(၄) သဠယတနဝဂ္ဂသံယုတ်ကျမ်း
(၅) မဟာဝဂ္ဂသံယုတ်ကျမ်း

သံယုတ္တနိကာယ်တွင် သုတ်အရေအတွက်အားဖြင့် ၇၇၆၂-သုတ် ပါဝင်၍ ဘာဏဝါရအားဖြင့် ၁၀၀ ရှိသည်။ (ဘိက္ခုဗောဓိအလိုအရ သုတ်ပေါင်း ၂၉၀၄-သုတ်သာတွေ့ရသည်ဟု ဆို၏။ ရေတွက်ပုံကွဲလွဲ၍ ဖြစ်ပေမည်။) ကျမ်းတစ်ကျမ်းစီအား အကြောင်းအရာ တူရာတူရာအလိုက် သံယုတ္တခေါ် အခန်းများထပ်မံခွဲထားရာ ကျမ်း ၅-ကျမ်းတွင် စုစုပေါင်း သံယုတ် ၅၆-ခန်းပါဝင်သည်။ တစ်ဖန် ထိုသံယုတ်တို့ကိုလည်း သုတ် ၁၀-သုတ်ခန့်လျှင် ဂ္ဂ တစ်ခုစု၍ ထပ်မံခွဲထားပြန်သည်။

“သံယုတ္တ” ဟူသည် “အတူတကွယှဉ်တွဲပေါင်းစပ်ထားခြင်း”ဟု အဓိပ္ပါယ်ရသည်။ သံယုတ္တနိကာယသည် အကြောင်းအရာ တူညီသော သုတ္တန်များအား စုပေါင်းထားသော နိကာယ်ဖြစ်သည်။ ဥပမာအားဖြင့် သံယုတ္တနိကာယ်၏ ပထမတွဲ (သဂါထာဝဂ္ဂသံယုတ်ကျမ်း)သည် ဂါထာဖြင့် ဟောကြားထားသည့် တရားတော်များအား စုစည်းထားသည်။ ဤကျမ်းအားလည်း ကောသလမင်းကြီးနှင့် ပတ်သက်သက်၍ ဟောကြားထားသော တရားတော်များအား ကောသလသံယုတ္တ၊ မာရ်နတ်နှင့် ပတ်သက်၍ ဟောကြာထားသော တရားတော်များအား မာရသံယုတ္တစသဖြင့် ထပ်မံ၍ ပိုင်းခြား စုစည်းထားသည်။

နိဒါနဝဂ္ဂသံယုတ်ကျမ်းသည် အကြောင်း(နိဒါန)နှင့် အကျိုးဆက်စပ်ပုံ ပဋိစ္စသမုပ္ပါဒ်တရားတော်နှင့် စပ်လျဉ်း၍ ဟောကြားထားသော တရားတော်များဖြစ်၍၊ ခန္ဓဝဂ္ဂသံယုတ်ကျမ်းသည် ခန္ဓာငါးပါးနှင့် ပတ်သက်၍ ဟောကြားထားသော တရားတော်များဖြစ်သည်။ သဠယတနဝဂ္ဂသံယုတ်ကျမ်းတွင် အာရုံသိမှုအတွေ့အကြုံ (experience)၏ အခြေခံဖြစ်သော ဗာဟိရာယတန (external bases) ခေါ် အာရုံခြောက်ပါးနှင့် အဇ္ဈတ္တိကာယတန (internal bases) ခေါ် ဒွါရခြောက်ပါးတို့နှင့် စပ်လျဉ်းသော တရားများဖြစ်သည်။

မဟာဝဂ္ဂသံယုတ်ကျမ်းတွင် သုတ်အရေတွက်အားဖြင့်ဖြစ်စေ၊ ပမာဏအားဖြင့်ဖြစ်စေ အကြီးဆုံးဖြစ်သောကြောင့် “မဟာဝဂ္ဂ”ဟု အမည်ရသည်။ မဂ္ဂင် ၈ပါး၊ ဗောဇ္ဈင် ၇ပါး၊ သတိပဋ္ဌာန် ၄ပါး၊ ဣန္ဒြေ ၅ပါး၊ သမ္ပပ္ပဓာန် ၄ပါး၊ ဗိုလ် ၅ပါးနှင့် ဣဒ္ဓိပါဒ် ၄ပါး ဟူသော ဗောဓိပက္ခိယ ၃၇ပါးနှင့် ပတ်သက်သော တရားတော်များ၊ ဈာန်, သစ္စာလေးပါး, အာနာပါန, သောတာပတ္တိမဂ်နှင့် စပ်လျဉ်းသော တရားတော်များ ပါဝင်သည်။

ထို့ကြောင့် ပထမ လေးကျမ်းသည် ခန္ဓာ၊ အာယတန၊ သစ္စာ၊ ပဋိစ္စသမုပ္ပါဒ်တရားတို့ကို နားလည် သဘောပေါက်စေ၍ အယူမှားဒိဋ္ဌိတို့ ကင်းစင်စေရန် ရည်ရွယ်ပြီး၊ နောက်ဆုံး မဟာဝဂ္ဂသံယုတ်ကျမ်းသည် ဗောဓိဉာဏ်အတွက် ကျင့်ကြံအားထုတ်မှု ဘာဝနာရှုမှတ်ရန် လမ်းညွှန် တရားဒေသနာတော်များဖြစ်သည်ဟု ဆိုနိုင်သည်။

အင်္ဂုတ္တရနိကာယ (Collections of Numerical Discourses)

ဗုဒ္ဓလက်ထက် အိန္ဒိယနိုင်ငံ စာပေသင်ကြားပို့ချသော နည်းစနစ်သည် နှုတ်တိုက်သင်ယူပို့ချသော နည်းစနစ်ဖြစ်သည်။ ထို့ကြောင့် ကျက်မှတ်ရလွယ်ကူစေရန် အချက်အလက် တစ်ခုရှိသောတရားများ၊ အချက်အလက် နှစ်ခုရှိသော တရားများ စသဖြင့် အင်္ဂါ (အချက်အလက်) အရေအတွက်ကို မူတည်၍ သင်ယူပို့ချလေ့ရှိသည်။ အင်္ဂုတ္တရနိကာယ်သည် ဤသို့ အင်္ဂါအချက်လက်အရေအတွက် ပေါ်မူတည်၍ စုစည်းထာသော နိကာယ်ဖြစ်သည်။

နိပါတ (နိပါတ်) ခေါ် အခန်း ၁၁-ခန်းဖြင့် ဖွဲ့စည်းထားသည်။ ပထမအခန်း ဧကကနိပါတတွင် အင်္ဂါတစ်ပါးရှိသော သုတ်များ၊ ဒုတိယအခန်း ဒုကနိပါတ်တွင် အင်္ဂါနှစ်ပါးရှိသော သုတ်မျာ၊ တိကနိပါတ်တွင် အင်္ဂါသုံးပါးရှိသော သုတ်များ စသဖြင့် အခန်း ၁၁-ခန်းရှိသည်။ အင်္ဂုတ္တရနိကာယ်သည် ဘာဏဝါရအားဖြင့် ၁၂၀ ဘာဏဝါရရှိ၍ သုတ် အရေတွက်အားဖြင့် ၉၅၅၇-သုတ်ရှိသည်ဟု အဋ္ဌကထာများကဆိုသည်။ (ဘိက္ခုဗောဓိအလိုအရ သုတ်ပေါင်း ၂၃၄၄-သုတ်သာတွေ့ရသည်ဟု ဆို၏။ ရေတွက်ပုံကွဲလွဲ၍ ဖြစ်ပေမည်။) နိပါတ်တစ်ခုစီအား ဝဂ္ဂ ခေါ် အစုများထပ်မံ ခွဲခြားထားရာ စုစုပေါင်း  ဂ် ၁၆၀ ပါဝင်သည်။ ဝဂ်တစ်ခုစီတွင် အကြမ်းအားဖြင့် သုတ် ၁၀-သုတ်မျှ ပါဝင်သည်။ သို့သော်လည်း အချို့ဝဂ်များတွင် ၇-သုတ်သာပါသည်ရှိသလို၊ အချို့တွင် ၂၆၂-သုတ်ထိပါဝင်သည်ကို တွေ့ရသည်။

အကြောင်းအရာအားဖြင့်လည်း မဂ်ဖိုလ်နိဗ္ဗာန်အကျိုး၊ တမလွန်အကျိုးများသာမက မျက်မှောက်ဘဝကြီးပွားရေးအတွက် ကျင့်ကြံရမည့် အောင်မြင်ရေး၊ စီးပွားရေး၊ ပညာရေး၊ အိမ်ထောင်ရေး၊ မိသားစုရေး၊ ပေါင်းသင်းဆက်ဆံရေးစသဖြင့် အကြောင်းအရာစုံလှ၏။ ထို့ကြောင့် ဤနိကာယ်သည် ဗုဒ္ဓဘာသာ စွယ်စုံကျမ်းသဖွယ်ဖြစ်နေ၍ မြန်မာ့ယဉ်ကျေးမှု၏ ရေသောက်မြစ်ဟုလည်း တင်စားခေါ်ဆိုကြသည်။

ခုဒ္ဒကနိကာယ (Collections of Minor Texts)

ပထမ သံဂါယနာတင်ရာတွင် အရှင်ဥပါလိမထေရ်က ဝနည်းဒေသနာတော်အား ဖြေဆို၍ စုပေါင်း ရွတ်ဆိုတော်မူခဲ့၏။ ထို့နောက် ဒီဃနိကာယ်၊ မဇ္ဈိမနိကာယ်၊ သံယုတ္တနိကာယ်နှင့် အင်္ဂုတ္တရနိကာယ်တို့ကို ရှင်အာနန္ဒာမထေရ်က ဖြေဆို၍ သံဂါယနာတင်ခဲ့သည်။ ဤသို့ သုတ္တန်ဒေသနာ၏ နိကာယ်ကြီးလေးရပ်အားတင်ပြီးနောက် အဘိဓမ္မာဒေသနာတော်ကို ဆက်လက် တင်တော်မူကြသည်။ ထို့နောက်မှ ကြွင်းသောသုတ္တန်ဒေသနာ အတိုအထွာတို့အား ခုဒ္ဒကနိကာယ်အဖြစ် သံဂါယနာ တင်တော်မူခဲ့ကြသည်။ အချို့သောကျမ်းများ (ဥပမာ မိလိန္ဒပဉှာ)သည် ပထမသံဂါယနာတင်စဉ်တွင် မပါင်ပဲ နောက်မှ ထည့်သွင်းထားသော ကျမ်းများဖြစ်၍ အချို့က သံဂါယနာတင်ကျမ်းအဖြစ် အသိမှတ်မပြုကြ။ ခုဒ္ဒကနိကာယ်တွင်ပါသည့် သုတ္တန်ကျမ်း အရေအတွက်မှာမန်မာနိုင်ငံမူအရ ၁၈-ကျမ်း၊ သီရိလင်္ကာမူအရ ၁၇-ကျမ်း၊ ထိုင်းနိုင်ငံမူ ၁၅-ကျမ်း ဖြစ်သည်။ မြန်မာနိုင်ငံမူအရ ဤသုတ္တန်ကျမ်း ၁၈-ကျမ်းကိုသာမက၊ ဝနည်းနှင့် အဘိဓမ္မာ ဒေသနာတို့ကိုလည်း ခုဒ္ဒနိကာယ်တွင် ထည့်သွင်း ဖော်ပြလေ့ရှိသည်။

၁။ ခုဒ္ဒကပါဌ (ခုဒ္ဒကပါဌ်)
၂။ ဓမ္မပဒ
၃။ ဥဒါန (ဥဒါန်း)
၄။ ဣတ္တိဝုတ္တက (ဣတ္တိဝတ်)
၅။ သုတ္တနိပါတ (သုတ္တနိပါတ်)
၆။ ဝမာနဝတ္ထု
၇။ ပေတဝတ္ထု
၈။ ထေရဂါထာ
၉။ ထေရီဂါထာ
၁၀။အပဒါန (အပါဒါန်)
၁၁။ ဗုဒ္ဓဝသ (ဗုဒ္ဓင်)
၁၂။ စရိယာပိဋက
၁၃။ ဇာတက (ဇာတ်)
၁၄။ နိဒ္ဒေသ (မဟာနိဒ္ဒေသ နှင့် စူဠနိဒ္ဒေသ)
၁၅။ ပဋိသမ္ဘိဒါမဂ္ဂ (ပဋိသမ္ဘိဒါမဂ်)
၁၆။ မိလိန္ဒပဉှာ*
၁၇။ နေတ္တိ*
၁၈။ ပေဋကောပဒေသ*

နေတ္တိကျမ်းနှင့် ပေဋကောပဒေသကျမ်းတို့ကို ထိုင်းနိုင်ငံမူတွင် သံဂါယနာတင်ကျမ်းအဖြစ် အသိမှတ်မပြု။ မိလိန္ဒပဉှာကို ထိုင်းနိုင်ငံရော, သီရိလင်္ကာနိုင်ငံကပါ သံဂါယနာတင်ကျမ်းအဖြစ်အသိမှတ်မပြုပါ။

ခုဒ္ဒကပါဌ်သည် ဗုဒ္ဓဘာသာဝင်တို့၏ အခြေခံဖတ်စာဟု ဆိုနိုင်သည်။ သရဏဂုံဆောက်တည်ခြင်း၊ ဆယ်ပါးသီလခံယူခြင်း၊ ၃၂-ကောဋ္ဌာသဆင်ခြင်ခြင်း၊ သာမဏေငယ်လေးများအတွက် အမေးအဖြေတို့ ပါင်သည်။ ပရိတ်ကြီး ၁၁-သုတ်အနက်မှ မင်္ဂလသုတ်၊ ရတနသုတ်၊ မေတ္တာသုတ်တို့သည်လည်း ဤခုဒ္ဒကပါဌပါဠိတော်တွင် ပါင်သည်။

ထေရဂါထာ, ထေရီဂါထာနှင့် ဓမ္မပဒတို့သည် ဂါထာသက်သက်ဖြစ်၍၊ သုတ္တနိပါတ်, ဥဒါန်းနှင့် ဣတ္တိတ် တို့သည် စကားပြေ အနည်းငယ်ရောထားသော ဂါထာများဖြစ်၍ ဂါထာပေါင်းချုပ်ကျမ်းများ ဟုဆိုနိုင်သည်။ ထေရဂါထာနှင့် ထေရီဂါထာသည် ရဟန္တာအရှင်များ၊ အရှင်မများ မ်းမြောက်မ်းသာ ဥဒါန်းကျူးရင့်သော ဂါထာများ၊ အမေးအဖြေများ၊ ပရိနိဗ္ဗာန်ပြုခါနီး သံေဂရဖွယ် မြွက်ကြားသော ဂါထာများဖြစ်သည်။

သုတ္တနိပါတ် ပါဠိတော်၌ ပစ္စေကဗုဒ္ဓတို့ကဲ့သို့ တစ်ပါးတည်း ဧကစာရီကျင့်သုံးသော ရသေ့ရဟန်းတို့၏ ခဂ္ဂဝသာဏသုတ် (ကြံချိုပမာကျင့်ဖွယ်တရား)၊ မုနိသုတ်တို့ပါဝင်သည်။ နိဒ္ဒေသ ပါဠိတော်သည် သုတ္တနိပါတ်လာ အဋ္ဌကဂ်၊ ပါရာယနဂ်နှင့် ခဂ္ဂဝိသာဏသုတ်တို့၏ အဖွင့်ကျမ်းဖြစ်သည်။

ဝိမာနဝတ္ထု (ဝမာန= ဗိမာန်) သည် မည်သည့်အကြောင်းကြောင့် နတ်စည်းစိမ်ခံစားရပုံ တ္ထုသာဓကများဖြစ်၍၊ ပေတတ္ထုသည် မည်သို့ ပြိတ္တာဘဝရာက်ရပုံ၊ မည်သို့ကျွတ်လွတ်ပုံ တ္ထုသာဓကများဖြစ်သည်။

ဗုဒ္ဓင်သည် သုမေဓာရှင်ရသေ့ ဒီပင်္ကရာ မြတ်စွာဘုရားလက်ထက် ဗျာဒိတ်ခံပုံ၊ ပါရမီဖြည့်ပုံနှင့် ဒီပင်္ကရာ မြတ်စွာဘုရားမှသည် ဂေါတမမြတ်စွာဘုရားတိုင် ၂၅-ဆူသော မြတ်စွာဘုရားတို့၏ အတ္ထုပ္ပတ္တိ အကျဉ်းဖြစ်သည်။ စရိယာပိဋက ကျမ်းသည် မြတ်စွာဘုရားအလောင်းတော်ဘဝက ပါရမီဖြည့်ကျင့်တော်မူခဲ့ပုံ ပုံဝတ္ထု ၃၅-ပုဒ်အား ပါရမီ ၁၀-ပါး အစီအစဉ်ဖြင့် ဖော်ပြထားသည်။ အပါဒါန် ပါဠိတော်သည်လည်း ဘုရား၊ ပစ္စေကဗုဒ္ဓနှင့် ရဟန္တာ အရှင် အရှင်မတို့၏ အတ္ထုပ္ပတ္တိကျမ်း ဖြစ်သည်။

ဇာတက ကျမ်းအား ၅၅၀-နိပါတ်တော်ဟူသော အမည်ဖြင့် အသိများသည်။ မြတ်စွာဘုရား လက်ထက်တွင် ဖြစ်ပျက်သော အကြောင်းအရာတို့ ဆက်နွယ်၍ အတိတ်ကိုဆာင်ကာ ရှေးကလည်း ဤသို့ဖြစ်ခဲ့ဖူးသည်ဟု ဟောကြားထားသော ဇာတ်တော်များ ဖြစ်သည်။ ဇာတ်တော်ပုံပြင် ၅၄၇-ပုဒ်သာ ရှိသော်လည်း အခေါ်လွယ်စေရန် ငါးရာငါးဆယ်ဇာတ်ဟုသာ ခေါ်ခင်းဖြစ်သည်။

ပဋိသမ္ဘိဒါမသည် ဓမ္မဒေသနာတို့အား အဘိဓမ္မာဆန်ဆန် အသေးစိတ် ခွဲခြားဝေဖန် ဟောကြားထားသော ကျမ်းဖြစ်သည်။ သုတမယဉာဏ်, သီလမယဉာဏ်မှ အစချီကာ သဗ္ဗညုတဉာဏ်, အနာဝရဏဉာဏ်တိုင် ၇၃-မျိုးသော ဉာဏ်များအား ဉာဏကထာခန်းတွင် ပိုင်းခြားပြသည်။ သစ္စာအနက် ၁၆-ချက်၊ ၅၂၈-သွယ် မေတ္တာပွားနည်းတို့သည် ပဋိသမ္ဘိဒါမဂ် ပါဠိတော်လာ ဒေသနာများဖြစ်သည်။

ပေဋကောပဒေသ (ပိဋကတ်လမ်းညွှန်ကျမ်း) နှင့် နေတ္တိ (လမ်းညွှန်ကျမ်း)တို့သည် ပိဋကတ်သုံးပုံအား စနစ်တကျ ခြုံငုံလေ့လာသော လမ်းညွှန်ကျမ်းဖြစ်၍ ပိဋကတ်တော်တို့၏ အဖွင့် အဋ္ဌကထာ၊ ဋီကာ၊ ဒီပနီကျမ်းပြုဆရာတို့၏ လက်စွဲကျမ်း တစ်စောင်ဖြစ်သည်။

မိလိန္ဒပဉှာကျမ်းသည် ဂရိနွယ်ဖွား တစ်ဦးဖြစ်သော သာဂလပြည်ဘုရင် မိလိန္ဒမင်းကြီးနှင့် အရှင်နာဂသေန (အရှင်နာဂသိန်)တို့ တရားဓမ္မနှင့်စပ်၍ စကားစစ်ထိုးသော ကျမ်းဖြစ်သည်။

ဆဋ္ဌသံဂါယနာမူ ပါဠိတော်ကျမ်းများ

ပိဋကအားဖြင့် သုံးပုံ, နိကာယ်အားဖြင့် ငါးရပ်သော ပါဠိတော်ကျမ်းရင်းများသည် စုစုပေါင်း ၅၂-ကျမ်းရှိ၏။ ဆဋ္ဌသံဂါယနာတင်မူအရ ပုံနှိပ်ထုတ်ဝေရာတွင် အချို့ကျမ်းငယ်များအား တစ်အုပ်တည်းတွင်ပေါင်း၍ ထုတ်ဝေသဖြင့် စာအုပ်ပေါင်း ၄၀ ရှိလေသည်။

(က) သုတ္တန်ပိဋက (နိကာယ် ၅-ရပ်) ကျမ်းပေါင်း ၄၀ (၂၃-အုပ်)
၁။ ဒီဃနိကာယ် ၃-ကျမ်း (၃-အုပ်)
၂။ မဇ္ဈိမနိကာယ် ၃-ကျမ်း (၃-အုပ်)
၃။ သံယုတ္တနိကာယ် ၅-ကျမ်း (၃-အုပ်)
၄။ အင်္ဂုတ္တရနိကာယ ၁၁-ကျမ်း (၃-အုပ်)
၅။ ခုဒ္ဒကနိကာယ် ၁၈-ကျမ်း (၁၁-အုပ်)
(ခ) နည်းပိဋက (ခုဒ္ဒကနိကာယ်) ၅-ကျမ်း (၅-အုပ်)
(ဂ) အဘိဓမ္မာပိဋက (ခုဒ္ဒကနိကာယ်) ၇-ကျမ်း (၁၂-အုပ်)

နိကာယ် ၅-ရပ် ဒေသနာတော်များကို ဖတ်ရှုလိုပါက

၁။ ပါဠိတော်များနှင့် ပါဠိတော်မြန်မာပြန်ကျမ်းအစုံကို ရန်ကုန်မြို့၊ ကမ္ဘာအေး၊ သာသနာရေးဝန်ကြီးဌာနတွင် ဝယ်ယူနိုင်သည်။

၂။ ဆရာကြီးဦးဂိုအင်ကာ ဦးစီးသော ဝိပဿနာသုတေသနအသင်း (Vipassanā Research Institute) မှထုတ်သော ဆဋ္ဌသံဂါယနာမူ စီဒီခွေကို အောက်ပါ link တွင် မှာယူနိုင်ပါသည်။
http://www.vri.dhamma.org/publications/cdorder.html

၃။ ပိဋကတ်သုံးပုံ မြန်မာပြန် အစုံအား အောက်ပါ link တွင် download လုပ်ယူနိုင်သည်။
http://www.mediafire.com/?qjcxnohtgmh

၄။ အကယ်၍ အကျဉ်းချုပ်ကို ဖတ်ရှုလိုပါက ဓမ္မာစရိယဦးမောင်မောင်လေး၏ ပိဋကတ်အနှစ်ချုပ် စာအုပ်များတွင် ဖတ်ရှုနိုင်ပါသည်။

စာညွှန်း။
၁။ ပါဠိတော်မြန်မာပြန်ကျမ်းများ (ကျမ်းဦးမှတ်ဖွယ်များ)
၂။ U Ko Lay – The compendium of Buddhism: Guide to Tipiṭaka.
၃။ A.K. Warder- Indian Buddhism.
အောက်ပါစာအုပ်များမှ ကျမ်းဦးနိဒါန်းများ
၄။ ဓမ္မာစရိယဦးမောင်မောင်လေး – ပိဋကအနှစ်ချုပ် ဒီဃနိကာယ်
၅။ ဓမ္မာစရိယဦးမောင်မောင်လေး – ပိဋကအနှစ်ချုပ် မဇ္ဈိမနိကာယ်
၆။ ဓမ္မာစရိယဦးမောင်မောင်လေး – ပိဋကအနှစ်ချုပ် သံယုတ္တနိကာယ်
၇။ ဓမ္မာစရိယဦးမောင်မောင်လေး – ပိဋကအနှစ်ချုပ် အင်္ဂုတ္တရနိကာယ် ပထမတွဲ ၊ ဒုတိယတွဲ
၈။ Bhikkhu Bodhi – In the Buddha’s Words: Anthology of Discourses from the Pāḷi Canon.
၉။ Maurice Walshe – The Long Discourses of The Buddha: A Translation of Dīgha Nikāya, 1987
၁၀။ Bhikkhu Ñānamoḷi and Bhikkhu Bodhi – The Middle Length Discourses of the Buddha: A Translation of the Majjhima Nikāya, 1995.
၁၁။ Bhikkhu Bodhi – The Connected Discourses of the Buddha: A Translation of Saṃyutta Nikāya.
၁၂။ Bhikkhu Bodhi – Numerical Discourses of the Buddha: An Anthology of Suttas from Aṅguttara Nikāya.
ယှဉ်တွဲ ဖတ်ရှုလိုပါလျှင် - အဘိဓမ္မာ မိတ်ဆက်

Wednesday, November 12, 2008

ရင့္က်က္မႈဆယ္စုႏွစ္ခရီးအစ

အျမန္ရထားတစ္စီးလို
ဘူတာေတြကို တရိပ္ရိပ္ ျဖတ္ေက်ာ္ၿပီး၊
ညေနခင္းရဲ႕ က်ေနဟာ
ျပင္းျပစြာ ေလာင္ၿမိဳက္ေနဆဲ၊
အမွတ္တမဲ့ပဲ ေရာက္လာခဲ့တယ္။


ရင့္က်က္မႈဆီ လွမ္းမဲ့
မဂၤလာခရီးရဲ႕ အစေျခလွမ္းအျဖစ္
‘ဗာလ’ဆိုတဲ့ လူ႕အခ်ည္းႏွီးကို
အေဝးကေရွာင္ရမယ္လို႔ ဆံုးမခဲ့တယ္။


“ေတာင္ကို ျဖည္းျဖည္း တက္ရာ၏။
ကာမဂုဏ္ကို ျဖည္းျဖည္း ခံစားရာ၏။
အမ်က္ကို ျဖည္းျဖည္း ထြက္ရာ၏”
ေလာကနီတိစကား မနာၾကားပဲ
ႀကံကို အရင္းကစ ဝါးၿမိဳေနခဲ့တယ္။


“အတၱာဟိ အတၱေနာ နာေထာ”လို႔
ႏႈတ္ကတဖြဖြ ႐ြတ္ဆိုရင္း၊
တာဝန္ေတြကို မ်က္ကြယ္ျပဳ
လြတ္လပ္မႈကို ျငင္းဆန္၊
ပတ္ဝန္းက်င္ကို ႐ိုးမယ္ဖြဲ႕ေနခဲ့ျပန္တယ္။


အဓမၼေတြ တိုက္စားလို႔
ခပ္ပါးပါးေလး က်န္ရစ္တဲ့
အမွန္တရား ေျမျပင္ေပၚကို
ရဲ၀ံ့စြာ ေျခစံုရပ္ဖို႔ကိုလည္း
တြန္႔ဆုတ္ေနမိေသးတယ္။


အေပါင္းအသင္းေတြက
“အမ်ိဳး၊ ဘာသာ၊ သာသနာအတြက္
ဆထက္ထမ္းပိုး သယ္ပိုးႏိုင္ပါေစ”တဲ့။


ေရာင္းရင္းတို႔ေရ…
ခင္ဗ်ားတို႔ မိတ္ေဆြႀကီး ကၽြန္ေတာ္ဟာ
‘ေပ်ာက္ဆံုးသြားေသာ နိဗၺာန္ဘံု’ ေတးသြားကို
တသသ ညည္းတြားရင္း၊
အျပစ္မသိေသးတဲ့ ကေလးတို႔ဘ၀မွာ
ႏုံ႔နဲစြာ ရပ္တန္႔ေနေသးတယ္။


ဗာလ = လူမိုက္ (သို႔မဟုတ္) ကေလး

ဧရာ (မႏၲေလး)

Tuesday, November 11, 2008

ဘ၀ရဲ႕ တစ္စိတ္တစ္ေဒသ - Draftswoman - ၂

ပထမ အလုပ္က ထြက္ခဲ့ၿပီး ေနာက္ ၇ႏွစ္ အၾကာမွာ
(ဒီၾကားထဲ စာသင္တဲ့ အလုပ္ကေလးေတြေတာ့ ႀကိဳၾကား ႀကိဳၾကား လုပ္ခဲ့ေသးတယ္။)
ေနာက္တဖန္ Marine Navigation and Communication ကုမၸဏီ တစ္ခုမွာ Draftswoman ျဖစ္ျပန္တယ္။ ၂ႏွစ္နီးပါးပါပဲ။ AutoCAD 2000LT သံုးရတယ္။ ဒီမွာလည္း စကၤာပူရံုးခြဲမွာ ၀န္ထမ္း ၃၀ေလာက္ရွိေပမဲ့ ပံုဆြဲသူ Draftswoman ကေတာ့ တစ္ေယာက္ထဲပါပဲ။

ေရေၾကာင္း လမ္းၫႊန္ဆက္သြယ္ေရး ကိရိယာမ်ိဳးစံုကို ပစၥည္းထုတ္လုပ္တဲ့ အျခားကုမၸဏီေတြကေန ကိုယ္စားလွယ္ယူၿပီး၊ တစ္ဆင့္ျပန္လည္တပ္ဆင္ ေရာင္းခ်ေပးတဲ့ ကုမၸဏီပါ။ Customer လိုအပ္သလို ကိရိယာမ်ိဳးစံုကို စုေပါင္း, စပ္ေပါင္းလုပ္ၿပီး ဆင္ေပးရတဲ့ System Integrator လို႔ေခၚတဲ့ ကုမၸဏီမ်ိဳးေပါ့။ Installation & Commissioning အထိ အၿပီးအစီး။ Contract နဲ႔ေရာင္းထားတဲ့ system ေတြကိုလည္း ကုမၸဏီကပဲ ျပဳျပင္ထိမ္းသိမ္းမႈ ေပးပါေသးတယ္။ Servicing & Retrofitting ေတြလည္း လုပ္တယ္။

Integrated Bridge Systems and nautical equipment ေတြျဖစ္တဲ့
Gyro Compasses System
Autopilots System
Steering Control System
Monitoring Systems
Radar Systems
Electronic Sea Chart Equipment
Communication - Global Maritime Distress and Safety System (GMDSS) ေတြအျပင္

AIS (Automatic Identification System)
GPS (Global Position System)

Echosounder System
SpeedLog System

Wind Speed and Direction System
Intercommunication System - PA (Public Address) System
VDR (Voyage Data Recorder) System စသျဖင့္

System တစ္ခုခ်င္းစီအတြက္ System Connection Diagram ကို ဦးစြာဆြဲရပါတယ္။ Power Supply (ပံုမွန္အားျဖင့္ Main Supply နဲ႔ Back up Supply , အနည္းဆံုး source ႏွစ္ခုနဲ႔) သြယ္ထားရတယ္။ သေဘၤာမွာ သံုးတဲ့ လွ်ပ္စစ္ပစၥည္း အမ်ားစုက stable ျဖစ္ေအာင္ 24V DC သံုးတာမ်ားတယ္။

Cable Information ေတြ ေပးရတယ္။ အၾကမ္းဖ်င္း အားျဖင့္ေတာ့ Power Supply Cable, Input/ Output Data Cable ေတြနဲ႔ Antenna Cable ေတြပါ။ Power Cable ေတြက လံုးပတ္ၾကီးတယ္။ Data Cable ေတြကေတာ့ မလိုအပ္ပဲ ႀကိဳးလံုးႀကီးရင္ Installation လုပ္ရခက္တယ္။ Antenna Cable ေတြက manufacturer ေတြက supply လုပ္ၿပီး ပစၥည္းနဲ႔ အတူပါလာတတ္တယ္။ အရွည္မလံုေလာက္ရင္ ကုမဏီကေပးမွာလား၊ Shipyard ကေပးမွာလားဆိုတာ ရွင္းရွင္းလင္းလင္း Drawing မွာ ေဖၚျပထားရတယ္။
ေနာက္အဲ့ဒီ System ထဲမွာ သံုးထားတဲ့ Equipments Drawing ေတြ attached လုပ္ရတယ္။ Manufacturer ေတြက Manual ကို softcopy ေပးရင္ေတာင္ pdf file နဲ႔ပဲေပးလို႔ ပံုေတြကို AutoCAD နဲ႔ျပန္ဆြဲထားရတယ္။ Equipment Drawing ေတြက တစ္ခါဆြဲ သိမ္းထားၿပီး ေနာက္လိုသလို ျပန္သံုးလို႔ရတယ္။

System Connection Diagram ေတြကေတာ့ project တစ္ခုနဲ႔ တစ္ခု နည္းနည္းစီ ကြာတတ္ေတာ့ Draft အယင္ဆြဲၿပီး အင္ဂ်င္နီယာကို စစ္ခိုင္း ၿပီးေတာ့မွ Finalised ပံုေတြရပါတယ္။ အခ်ိဳ႕ အၿမဲတမ္းမွာေနက် customer ေတြကေတာ့ Overall System Connection Drawing ကို ေတာင္းဆိုတတ္တယ္။

Overall System Connection Drawing


ေနာက္တစ္ခုက project တိုင္း (သေဘၤာတိုင္း) အတြက္ Antenna ေတြကို ဘယ္မွာထားမယ္ဆိုတဲ့ Antenna Layout ပံုဆြဲရတယ္။ (အမ်ားစုကတာ့ Antenna Mast မွာထားပါတယ္။ လက္၀ဲဖက္မွာ ဘယ္ System ေတြရဲ႕antenna ေတြထားမယ္။ လက္ယာဖက္မွာေတာ့ ဘယ္ System ေတြရဲ႕antenna ေတြ ထားသင့္တယ္၊ အဲ့ဒီလိုမ်ိဳးေတြေတာ့ ရွိတယ္။) သေဘၤာရဲ႕ အေခၚအေ၀ၚေတြမွာ ဦးနဲ႔ ပဲ႔၊ လက္၀ဲနဲ႔ လက္ယာကို stem & rear, port & starboard လို႔ သံုးရတယ္။

ေနာက္ေတာ့ ပစၥည္းထုတ္တဲ့ ကုမၸဏီႀကီးေတြက အခိ်ဳ႕ System (ဥပမာ GMDSS) ေတြ မထုတ္ေတာ့တဲ့အခါ က်မတို႔ ကုမၸဏီက ကိုယ္ပိုင္ ထုတ္လုပ္ ေရာင္းခ်ပါတယ္။ အင္ဂ်င္နီယာဌာနက လိုအပ္တဲ့ ကိရိယာေတြကို order မွာ၊ panel ေတြကို ဒီဇိုင္းလုပ္ၾကတယ္။ Fabrication အပ္ဖို႔ Console panel ရဲ႕ အေသးစိတ္ပံုေတြ ဆြဲရတယ္။ ၿပီးေတာ့ Panel Layout Diagram ေတြ၊ Wiring Diagrams ေတြနဲ႔ System Connection Diagram ေတြကို ဆြဲရပါတယ္။ (Marketing က quote လုပ္ထားတဲ့ ပစၥည္းေတြနဲ႔ Engineer ဌာနက တကယ္သံုးဖို႔ မွာတဲ့ ပစၥည္းေတြ လြဲေနရင္၊ ဒါမွမဟုတ္ တကယ္ဆင္ေတာ့မွ အဆင္မေျပရင္ … Marketing ဌာနကလည္း ဒီပစၥည္းေတြက customer နဲ႔ ေျပာၿပီးသားဆို ေရွာင္ထြက္၊ Engineering ကလည္း ဒါေတြကလုပ္မွ မရတာဆို ျငင္း။ ေပ်ာ္စရာႀကီး။ ၾကားက Draftswoman မွာ ဟိုဟာဆိုလည္း..ေရာ့၊ ဒီဟာဆိုလည္း..အင့္ လို႔ ထြက္ႏိုင္ဖို႔ ျပင္ဆင္ထားရပါတယ္။)

ေနာက္ေတာ့ Autodesk ကပဲ ထုတ္တဲ့ 3D ပံုေတြ လြယ္လြယ္ကူကူနဲ႔ ဆြဲလို႔ရတယ္ ဆိုတဲ့ Inventor 11 သင္တန္းကိုလႊတ္ပါတယ္။ Inventor နဲ႔ GMDSS ရဲ႕ Equipments (parts) တစ္ခုခ်င္းဆီ၊ Console တို႔ကို 3D ဆြဲၿပီး Presentation အတြက္ Animation file တစ္ခု လုပ္ေပးခဲ့အၿပီး…

(ISO Certified Company ျဖစ္တဲ့ အတြက္ Technical Library (HardCopy နဲ႔ SoftCopy ေတြ) ကို စနစ္တက် ျပဳျပင္၊ ထိန္းသိမ္း၊ မြမ္းမံ၊ ျဖည့္စြက္ျခင္းဟာလည္း Draftswoman ရဲ႕ Job Scope ေအာက္မွာပဲရွိေနခဲ့ပါတယ္။)
က်မ က်န္းမာေရးေၾကာင့္ အလုပ္နားတဲ့ အခါ ျမန္မာ အမ်ိဳးသမီး တစ္ေယာက္ကိုပဲ Draftswoman အလုပ္တာ၀န္ေတြ လႊဲေျပာင္းေပးခဲ့ပါတယ္။

ဒီအလုပ္မွာေတာ့ ကိုယ္ သင္ခဲ့တဲ့ major ဘာသာရပ္နဲ႔ သက္ဆိုင္ေသာ္လည္း ကိုယ္ဘက္က Learning Strategy မွားယြင္းေနျခင္း (ပံုမ်ား dead line အမွီအပ္ႏိုင္ေရးကို သာ အာ႐ံုစူးစိုက္ေနျခင္း) ေၾကာင့္ ဒီတစ္ခါလည္း idea မပါဘဲ၊ ပံုျဖစ္ေအာင္၊ အလုပ္ျဖစ္႐ံု Draftswoman လုပ္ခဲ့တယ္ဆိုတာ ၀န္ခံပါတယ္။

ဘ၀ရဲ႕ တစ္စိတ္တစ္ေဒသ - Draftswoman - ၂

ပထမ အလုပ္က ထြက္ခဲ့ၿပီး ေနာက္ ၇ႏွစ္ အၾကာမွာ
(ဒီၾကားထဲ စာသင္တဲ့ အလုပ္ကေလးေတြေတာ့ ႀကိဳၾကား ႀကိဳၾကား လုပ္ခဲ့ေသးတယ္။)
ေနာက္တဖန္ Marine Navigation and Communication ကုမၸဏီ တစ္ခုမွာ Draftswoman ျဖစ္ျပန္တယ္။ ၂ႏွစ္နီးပါးပါပဲ။ AutoCAD 2000LT သံုးရတယ္။ ဒီမွာလည္း စကၤာပူရံုးခြဲမွာ ၀န္ထမ္း ၃၀ေလာက္ရွိေပမဲ့ ပံုဆြဲသူ Draftswoman ကေတာ့ တစ္ေယာက္ထဲပါပဲ။

ေရေၾကာင္း လမ္းၫႊန္ဆက္သြယ္ေရး ကိရိယာမ်ိဳးစံုကို ပစၥည္းထုတ္လုပ္တဲ့ အျခားကုမၸဏီေတြကေန ကိုယ္စားလွယ္ယူၿပီး၊ တစ္ဆင့္ျပန္လည္တပ္ဆင္ ေရာင္းခ်ေပးတဲ့ ကုမၸဏီပါ။ Customer လိုအပ္သလို ကိရိယာမ်ိဳးစံုကို စုေပါင္း, စပ္ေပါင္းလုပ္ၿပီး ဆင္ေပးရတဲ့ System Integrator လို႔ေခၚတဲ့ ကုမၸဏီမ်ိဳးေပါ့။ Installation & Commissioning အထိ အၿပီးအစီး။ Contract နဲ႔ေရာင္းထားတဲ့ system ေတြကိုလည္း ကုမၸဏီကပဲ ျပဳျပင္ထိမ္းသိမ္းမႈ ေပးပါေသးတယ္။ Servicing & Retrofitting ေတြလည္း လုပ္တယ္။

Integrated Bridge Systems and nautical equipment ေတြျဖစ္တဲ့
Gyro Compasses System
Autopilots System
Steering Control System
Monitoring Systems
Radar Systems
Electronic Sea Chart Equipment
Communication - Global Maritime Distress and Safety System (GMDSS) ေတြအျပင္

AIS (Automatic Identification System)
GPS (Global Position System)

Echosounder System
SpeedLog System

Wind Speed and Direction System
Intercommunication System - PA (Public Address) System
VDR (Voyage Data Recorder) System စသျဖင့္

System တစ္ခုခ်င္းစီအတြက္ System Connection Diagram ကို ဦးစြာဆြဲရပါတယ္။ Power Supply (ပံုမွန္အားျဖင့္ Main Supply နဲ႔ Back up Supply , အနည္းဆံုး source ႏွစ္ခုနဲ႔) သြယ္ထားရတယ္။ သေဘၤာမွာ သံုးတဲ့ လွ်ပ္စစ္ပစၥည္း အမ်ားစုက stable ျဖစ္ေအာင္ 24 VDC သံုးတာမ်ားတယ္။

Cable Information ေတြ ေပးရတယ္။ အၾကမ္းဖ်င္း အားျဖင့္ေတာ့ Power Supply Cable, Input/ Output Data Cable ေတြနဲ႔ Antenna Cable ေတြပါ။ Power Cable ေတြက လံုးပတ္ၾကီးတယ္။ Data Cable ေတြကေတာ့ မလိုအပ္ပဲ ႀကိဳးလံုးႀကီးရင္ Installation လုပ္ရခက္တယ္။ Antenna Cable ေတြက manufacturer ေတြက supply လုပ္ၿပီး ပစၥည္းနဲ႔ အတူပါလာတတ္တယ္။ အရွည္မလံုေလာက္ရင္ ကုမဏီကေပးမွာလား၊ Shipyard ကေပးမွာလားဆိုတာ ရွင္းရွင္းလင္းလင္း Drawing မွာ ေဖၚျပထားရတယ္။
ေနာက္အဲ့ဒီ System ထဲမွာ သံုးထားတဲ့ Equipments Drawing ေတြ attached လုပ္ရတယ္။ Manufacturer ေတြက Manual ကို softcopy ေပးရင္ေတာင္ pdf file နဲ႔ပဲေပးလို႔ AutoCAD နဲ႔ျပန္ဆြဲထားရတယ္။ Equipment Drawing ေတြက တစ္ခါဆြဲ သိမ္းထားၿပီး ေနာက္လိုသလို ျပန္သံုးလို႔ရတယ္။

System Connection Diagram ေတြကေတာ့ project တစ္ခုနဲ႔ တစ္ခု နည္းနည္းစီ ကြာတတ္ေတာ့ Draft အယင္ဆြဲၿပီး အင္ဂ်င္နီယာကို စစ္ခိုင္း ၿပီးေတာ့မွ Finalised ပံုေတြရပါတယ္။ အခ်ိဳ႕ အၿမဲတမ္းမွာေနက် customer ေတြကေတာ့ Overall System Connection Drawing ကို ေတာင္းဆိုတတ္တယ္။

Overall System Connection Drawing


ေနာက္တစ္ခုက project တိုင္း (သေဘၤာတိုင္း) အတြက္ Antenna ေတြကို ဘယ္မွာထားမယ္ဆိုတဲ့ Antenna Layout ပံုဆြဲရတယ္။ (အမ်ားစုကတာ့ Antenna Mast မွာထားပါတယ္။ လက္၀ဲဖက္မွာ ဘယ္ System ေတြရဲ႕antenna ေတြထားမယ္။ လက္ယာဖက္မွာေတာ့ ဘယ္ System ေတြရဲ႕antenna ေတြ ထားသင့္တယ္၊ အဲ့ဒီလိုမ်ိဳးေတြေတာ့ ရွိတယ္။) သေဘၤာရဲ႕ အေခၚအေ၀ၚေတြမွာ ဦးနဲ႔ ပဲ႔၊ လက္၀ဲနဲ႔ လက္ယာကို stem & rear, port & starboard လို႔ သံုးရတယ္။

ေနာက္ေတာ့ ပစၥည္းထုတ္တဲ့ ကုမၸဏီႀကီးေတြက အခိ်ဳ႕ System (ဥပမာ GMDSS) ေတြ မထုတ္ေတာ့တဲ့အခါ က်မတို႔ ကုမၸဏီက ကိုယ္ပိုင္ ထုတ္လုပ္ ေရာင္းခ်ပါတယ္။ အင္ဂ်င္နီယာဌာနက လိုအပ္တဲ့ ကိရိယာေတြကို order မွာ၊ panel ေတြကို ဒီဇိုင္းလုပ္ၾကတယ္။ Fabrication အပ္ဖို႔ Console panel ရဲ႕ အေသးစိတ္ပံုေတြ ဆြဲရတယ္။ ၿပီးေတာ့ Panel Layout Diagram ေတြ၊ Wiring Diagrams ေတြနဲ႔ System Connection Diagram ေတြကို ဆြဲရပါတယ္။ (Marketing က quote လုပ္ထားတဲ့ ပစၥည္းေတြနဲ႔ Engineer ဌာနက တကယ္သံုးဖို႔ မွာတဲ့ ပစၥည္းေတြ လြဲေနရင္၊ ဒါမွမဟုတ္ တကယ္ဆင္ေတာ့မွ အဆင္မေျပရင္ … Marketing ဌာနကလည္း ဒီပစၥည္းေတြက customer နဲ႔ ေျပာၿပီးသားဆို ေရွာင္ထြက္၊ Engineering ကလည္း ဒါေတြကလုပ္မွ မရတာဆို ျငင္း။ ေပ်ာ္စရာႀကီး။ ၾကားက Draftswoman မွာ ဟိုဟာဆိုလည္း..ေရာ့၊ ဒီဟာဆိုလည္း..အင့္ လို႔ ထြက္ႏိုင္ဖို႔ ျပင္ဆင္ထားရပါတယ္။)

ေနာက္ေတာ့ Autodesk ကပဲ ထုတ္တဲ့ 3D ပံုေတြ လြယ္လြယ္ကူကူနဲ႔ ဆြဲလို႔ရတယ္ ဆိုတဲ့ Inventor 11 သင္တန္းကိုလႊတ္ပါတယ္။ Inventor နဲ႔ GMDSS ရဲ႕ Equipments (parts) တစ္ခုခ်င္းဆီ၊ Console တို႔ကို 3D ဆြဲၿပီး Presentation အတြက္ Animation file တစ္ခု လုပ္ေပးခဲ့အၿပီး…

(ISO Certified Company ျဖစ္တဲ့ အတြက္ Technical Library (HardCopy နဲ႔ SoftCopy ေတြ) ကို စနစ္တက် ျပဳျပင္၊ ထိန္းသိမ္း၊ မြမ္းမံ၊ ျဖည့္စြက္ျခင္းဟာလည္း Draftswoman ရဲ႕ Job Scope ေအာက္မွာပဲရွိေနခဲ့ပါတယ္။)
က်မ က်န္းမာေရးေၾကာင့္ အလုပ္နားတဲ့ အခါ ျမန္မာ အမ်ိဳးသမီး တစ္ေယာက္ကိုပဲ Draftswoman အလုပ္တာ၀န္ေတြ လႊဲေျပာင္းေပးခဲ့ပါတယ္။

ဒီအလုပ္မွာေတာ့ ကိုယ္ သင္ခဲ့တဲ့ major ဘာသာရပ္နဲ႔ သက္ဆိုင္ေသာ္လည္း ကိုယ္ဘက္က Learning Strategy မွားယြင္းေနျခင္း (ပံုမ်ား dead line အမွီအပ္ႏိုင္ေရးကို သာ အာ႐ံုစူးစိုက္ေနျခင္း) ေၾကာင့္ ဒီတစ္ခါလည္း idea မပါဘဲ၊ ပံုျဖစ္ေအာင္၊ အလုပ္ျဖစ္႐ံု Draftswoman လုပ္ခဲ့တယ္ဆိုတာ ၀န္ခံပါတယ္။

Monday, November 10, 2008

ဘ၀ရဲ႕ တစ္စိတ္တစ္ေဒသ - Draftswoman

အစေကာင္း
ေက်ာင္းၿပီးေတာ့ Computer Training Center တစ္ခုမွာ instructor အလုပ္ရပါတယ္။ ေက်ာင္းေတြ အၾကာႀကီး သံုးႏွစ္ပိတ္ထားတဲ့ အခ်ိန္ကတည္းက ႏွံ႔ႏွံ႔စပ္စပ္ရွိတဲ့ သူငယ္ခ်င္းရဲ႕ မိတ္ေဆြ အစ္မတစ္ေယာက္ အလုပ္ လုပ္ေနတဲ့ အဲ့ဒီသင္တန္းေက်ာင္းမွာ သူ စာသင္တဲ့အခိ်န္ ေဘးကေန လိုက္ေလ့လာ ဆည္းပူးရင္း အကူသေဘာမ်ိဳးေပါ့ေလ။ လက္ေထာက္ဆရာမ ရာထူးေလး ရေနခဲ့ပါတယ္။ ေက်ာင္းပိုင္ရွင္ ဆရာကလည္း ေက်ာင္းၿပီးလို႔ ဘယ္အလုပ္မွ မ၀င္ျဖစ္ေသးရင္ ငါ့ဆီသာ လာခဲ့လို႔ အမွာစကား ရွိထားခဲ့ပါတယ္။ (ေက်ာင္းသားဘ၀ကေန လက္ေတြ႔ ဘ၀ထဲကို ေရာက္မွန္းမသိေအာင္ကို ညင္သာစြာ ေဖးမဆြဲေခၚသြားခဲ့တဲ့ ဆရာနဲ႔ အစ္မ ေက်းဇူးကို အစဥ္ေအာက္ေမ့သတိရလ်က္ပါ။)

ေရႊတေန႔၊ ေငြတေန႔
ေက်ာင္းၿပီးစ က်မဘ၀ကို တေန႔ေရႊ၊ တေန႔ေငြလို႔ တင္စားပါရေစ။ ကုန္သည္ ပြဲစား အေဖဟာ က်မကို ပြဲစား ကုန္သည္သာ ျဖစ္ေစခ်င္ခဲ့ပါတယ္။ က်မလည္း တာလီမွတ္၊ စာရင္းလုပ္နဲ႔ အခ်ိန္ေတြ ကုန္မွန္းမသိ ကုန္ေနခ်ိန္။ အေမက “ဟဲ့ နင္ ဒီ၁၀ႏွစ္ေလာက္ သင္ထားတာေတြကို ဒီလိုပဲ ထားခဲ့ေတာ့မလား” တဲ့။ အေမ့ သတိေပး စကားၾကားေတာ့ က်မ ဆရာ့ဆီ ပ်ာပ်ာသလဲ ေျပးရပါတယ္။ Basic Course လို႔ေခၚတဲ့ WordPerfect, Lotus123, DBaseIV တို႔ ဆရာက ေရွ႕က တစ္ခ်ိန္သင္ျပၿပီးရင္ ေနာက္က က်မကလိုက္သင္ေပါ့။ (အေဖ့ကိုေတာ့ သမီး သင္တန္းတက္ေနတယ္ ညာထားေတာ့ အေဖက သင္တန္းလိုက္ပို႔ရွာတယ္။) ဒီေတာ့ က်မ ေစ်းလည္း ေရာင္းတယ္။ စာလည္း သင္တယ္။

ကိရိယာ တန္ဆာပလာေလးေတြ
ေက်ာင္းပိုင္ရွင္ ဆရာက အင္ဂ်င္နီယာဆိုရင္ AutoCAD တတ္ရမယ္ဆိုလို႔ ေက်ာင္းမွာပဲ အားတဲ့အခ်ိန္ Senior အစ္ကိုႀကီး (သင္တန္းေက်ာင္းမွာ AutoCAD တာ၀န္ခံဆရာ) ဆီမွာ သင္ပါတယ္။ စက္အား လူအားတဲ့ အခ်ိန္ေတြမွာပါ။ Release 10 စက္နဲ႔ အဆင္ေျပရင္ 10 သင္တယ္။ Release 12 စက္အားရင္ 12 နဲ႔ သင္တယ္။ အလြန္ စာသင္ေကာင္းတဲ့ ဆရာမို႔ သူ႔ တပည့္ေတြက AutoCAD ဆို Version ထည့္မေျပာနဲ႔ Software နဲ႔ ဘယ္ေလာက္ အဆက္ျပတ္ေနပါေစ ဘယ္အခ်ိန္ဆြဲရဆြဲရ ေအးေဆးပဲလို႔ ေျပာႏိုင္ၾကပါတယ္။

လိုအပ္သလို ထုတ္သံုးပံု
ေနာက္ စကၤာပူ လာ အလုပ္လုပ္ေတာ့ Landscape and Interior Design Consultant Firm မွာ B.E (Electronics) က်မ CAD Designer…။ AutoCAD R14 မွာ LandCAD software ကို hard lock နဲ႔ add in လုပ္ၿပီးပံုေတြဆြဲတာပါ။ ၂ႏွစ္နီးပါးလုပ္ခဲ့တယ္။ ဤပညာရပ္ျဖင့္ ဘြဲ႔ရထားေသာ ပိုင္ရွင္သူေဌး၊ လက္ျဖင့္ပံုဆြဲသူ တစ္ဦး၊ ကြန္ပ်ဴတာျဖင့္ ပံုဆြဲသူ က်မ၊ စာေရးမ ။ ဒါပါပဲ ကုမၸဏီရဲ႕ ဖြဲ႕စည္းပံုက။ ဒီ ကုမၸဏီမွာ အမွတ္တရျဖစ္ေစတာေလးက အလုပ္လာေလွ်ာက္တဲ့ အင္တာဗ်ဴး အၿပီးမွာ သူေဌးက Landscape ပံုအခ်ိဳ႕ ထုတ္ျပပါတယ္။ ၿပီးေတာ့ေမးတယ္.. ဒါဘယ္ေနရာလည္း သိလားတဲ့။ က်မစဥ္းစားေနတုန္းမွာပဲ..Yangon International Bussiness Center (IBC) တဲ့။ အဲ့ဒီက Landscaping ကို သူ လုပ္ခြင့္ရခဲ့တာတဲ့ေလ။

လုပ္ငန္းသဘာ၀
Architect ဆီက site drawing – Ground Floor Plan ရရင္ အပင္ေတြထည့္ရတယ္။ အပင္အမ်ိဳးအစားေတြကေတာ့ Tree (Broadleaf, Conifer, Palm, Cactus) နဲ႔ Shrub ဆိုတဲ့ (Groundcover) ေတြ။ အပင္ေတြရဲ႕ Botanical name က အရွည္ႀကီးေတြ Label ထိုးရင္ စာလံုးေပါင္း မမွားေအာင္ အေတာ္ သတိထားရတယ္။ အစပိုင္းမွာ သူေဌးေပးတဲ့ ပံုၾကမ္းမွာ ဘယ္အပင္ကေတာ့ Tree အမ်ိဳးအစား၊ ဘယ္ဟာကေတာ့ Palm၊ ဘယ္ဟာကေတာ့ shrub မခြဲတတ္ေသးေတာ့ ျပန္ေမးရတယ္။ သူ႔သေကၤတနဲ႔ သူ အနီးစပ္ဆံုးကို ပံုထဲမွာထည့္ေပးရမွာကိုး။ ဥပမာ-
အေရးအႀကီးဆံုးက Fire Engine Stand အတြက္ လ်ာထားတဲ့ ေနရာမွာ အပင္ေတြ သြားမစိုက္မိေစဖို႔။ Fire Engine ရဲ႕ weight ကိုခံႏိုင္ေအာင္ Reinforcement အတံုးေလးေတြနဲ႔ ျမက္ခင္းေလးစိုက္ေပးထား႐ံုပါပဲ။ Architect က Layout ေျပာင္းၿပီဆိုရင္ေတာ့ ကိုယ့္ drawing ကို ျပင္ရပါတယ္။ ခပ္ေပါ့ေပါ့ဆဆ update လုပ္လိုက္မိရင္ေတာ့ ကိုယ့္သစ္ပင္ႀကီးက Condominium ရဲ႕ အ၀င္အထြက္ေပါက္ႀကီးမွာ ခန္႔ခန္႔ႀကီး စိုက္ရက္သား ျဖစ္သြားတတ္တယ္။ ၿပီးရင္ ဘယ္သစ္ပင္ အမ်ိဳးအစားက ဘယ္ႏွစ္ပင္ စာရင္းေလးကို Legend လိုမ်ိဳး ေဘးမွာ ထည့္ေပးရတယ္။
ေနာက္က လိုအပ္မဲ့ detail ပံုေတြ attached လုပ္။
Lighting Plan ေတြလည္း ဆြဲရတယ္။ ပန္းၿခံထဲမွာ ထြန္းတဲ့ Lighting အမ်ိဳးအစားကလည္း အေတာ္ အမ်ားသား။ Shrub Light, Spot Light, Pole Light, Bollard Light စသျဖင့္ကို အကြာအေ၀း ဘယ္ေလာက္ဆီမွာ သင့္ေတာ္သလို ထည့္ရတယ္။ သံုးထားတာေတြကို အေရအတြက္ စာရင္းထုတ္။ ေနာက္လိုအပ္သလို အေသးစိတ္ပံုေတြ(mounting စသျဖင့္) ဆြဲရတယ္။

ပန္းၿခံထဲမွာ အလွဆင္တဲ့ Trellis တို႔လို၊ Bench ေလးေတြ၊ Fence ေတြ၊ Rockscape ေတြ၊ Water Fall ေတြ စံုေနတာပါဘဲ။ အဲ့ဒါေတြက Outdoor ။ Interior Design အတြက္ကေတာ့ Hotel ေတြ၊ Resort ေတြရဲ႕ အတြင္းပိုင္း အျပင္အဆင္ေတြေပါ့။ ကိုယ့္ အလုပ္က ပန္းခ်ီကို AutoCAD နဲ႔ဆြဲသလိုႀကီး။ ေနာက္ေတာ့ 3D ပံုေတြ ႏိုင္သေလာက္ေလး ဆြဲခဲ့ေသးတယ္။ Presentation အတြက္ေပါ့။

ဒီလို ပံုမ်ိဳးေလးေတြ ဆြဲခဲ့တယ္။

Swimming Pool Side

Lift Lobby Sketch

အေရာင္ေတြကေတာ့ print out ထုတ္ၿပီးမွ လက္နဲ႔ လိုက္ျခယ္ထားတာပါ။

Consultant meeting မိ်ဳးေတြ သြားခဲ့ရေသးတယ္။ ဘာမွနားမလည္လို႔။ ေမးခ်င္ရာေမး၍ ေျဖခ်င္ရာေျဖသည္ဘဲ။ Idea မရွိပဲ ပံုျဖစ္ေအာင္၊ အလုပ္ျဖစ္ေအာင္ေတာ့ Draftswoman လုပ္ခဲ့တယ္ဆိုတာ ၀န္ခံပါ၏။

(အဲ့ဒီကုမၸဏီက အလုပ္ထြက္ၿပီး ေနာက္ ႏွစ္အေတာ္ၾကာေတာ့ သူေဌး မဂၤလာေဆာင္တယ္။ က်မတို႔ ဇနီးေမာင္ႏွံကို လွမ္းဖိတ္ေတာ့ သြားခဲ့ရေသးတယ္။ ဧည့္ခံပြဲမွာ ဧည့္သည္အခ်ိဳ႕ကို ပို႔စ္ပါDraftswomanဟာ သူ႔ကုမၸဏီရဲ့ System တစ္ခုလံုးကို Computerised ျဖစ္ေအာင္ upgrade လုပ္ေပးခဲ့တဲ့သူလို႔ မိတ္ဆက္ေပးခဲ့ပါတယ္။)

ဆက္ရန္

Saturday, November 1, 2008

မ်ားမ်ားႀကီးေတာ့ လြဲေနတယ္...

ကိုယ္ခ်င္းစာသည္ ဆိုသည္မွာ သူ႔ေနရာ၌ ကိုယ္၀င္ၾကည့္ျခင္းဆိုသည့္ အဆင့္ေလာက္ေတာ့ မၾကာခဏဆိုသလို ေလ့က်င့္မိပါသည္။

သားႏွစ္ေယာက္မိခင္ ျဖစ္ေသာက်မမွာ သမီးရွင္ဟူေသာ ခံစားခ်က္ကို မွတ္မွတ္ရရ ျဖစ္ေစေသာ တစ္ခ်ိန္တစ္ခါေတာ့ ရွိခဲ့ဖူးသည္။ သားငယ္ကို ေမြးၿပီးစ အခ်ိန္ကျဖစ္သည္။ “သားေလးေမြးေၾကာင္း” အေမဆီဖုန္းဆက္ အေၾကာင္းၾကားေတာ့ တဖက္က အေမက “သမီးေလးရတာေပါ့” ဟု ျပန္ေျပာေလသည္။ က်မက အေမ အသက္ႀကီးၿပီျဖစ္၍ နားၾကားမ်ားလြဲေလသလား ဟူေသာ အထင္ျဖင့္ “မဟုတ္ဘူး… အေမ။ သားေလးေမြးတာ၊ သား” ဟု ထပ္ေျပာမိသည္။ အေမက “ေအးေလ သားေလး ေမြးတယ္ဆိုေတာ့လည္း ေနာက္ သမီးေလးပါရတာေပါ့”ဟု ျပန္ေျပာေသာအခါမွ အေမ ဘာကိုရည္ရြယ္ေၾကာင္း က်မ အေတြးေပါက္၏။

အႏုပညာ သမားေတြကို က်မ ေကာင္းေကာင္း နားမလည္ပါေသာ္လည္း အႏုပညာကို တန္ဖိုးထားသူျဖစ္ပါ၍ သူတို႔ကို အထင္မေသးပါ။ သူတို႔ ဖန္တီးေသာ အႏုပညာကို က်မမွာရွိေသာ sensor မ်ားျဖင့္ တတ္ႏိုင္သမွ် အစြမ္းကုန္ ခံစားတတ္ပါသျဖင့္ ႀကီးေတာင္ႀကီးမားထိ သီခ်င္းေတြက ငါ့ကိုမ်ားေစာင္းဆိုေနတာလား ဆုိတာမ်ိဳး ။ ဇာတ္လမ္းထဲက မင္းသမီး က ကိုယ္လိုလိုႏွင့္ သူမ်ားေနရာ ၀င္၍ ကိုယ္ခ်င္းစာတတ္ေသးသည္။


ဒီ သီခ်င္းၾကည့္ၿပီး က်မ သမီးရွင္၏ေနရာ၌ ခဏေတာင္ ၀င္ၿပီး ကိုယ္ခ်င္းစာ မၾကည့္ခ်င္ေတာ့ပါ။
ထြင္သူကလည္း ထြင္သည္။
ပါ၀င္သူကလည္း ပါ၀င္သည္။
အားေပးသူကလည္း အားေပးသည္။

ပရိသတ္ထဲမွ သမီးလုပ္သူ ကို ပခံုးအထက္ထမ္း၍ သမီးေလးကို အလိုလိုက္ရွာသည့္အေဖ။ အေဖ့ပခံုးထက္မွ concert ၾကည့္ရင္း သမီးေလးမွာ က်မလို (stage ေပၚမွ မင္းသမီးေလးေနရာ ၀င္ၿပီး) ကိုယ္ခ်င္းမစာ တတ္ရန္လည္း ထပ္ခါထပ္ခါ ဆုေတာင္းလိုက္ပါသည္ အရပ္ကတို႔…