Wednesday, August 31, 2011

Blog Day 2011

Blog Day အမှတ်တရပို့စ်များ လက်လှမ်းမှီသလောက် စုစည်းထားပါတယ်။ ထပ်ဖြည့်ရန် ကျန်သေးသော ပို့စ်များကို CBox (သို့) ကော်မန့်တွင် လင့်ပေးခဲ့ပါ။ ဖောင်မပိတ်သေးပါး)
1 ၀ါခေါင်မိုး မအိမ်သူ - Happy Blog Day!!!
2 A SMILLING FLOWER - ဘလော့ဂ်နေ့ ၂၀၁၁
3 An Asian Tour Operator - သတိအန္တရာယ်ရှိသည်
4 Angelhlaing - ဘလော့ဂ်ဒေးအမှတ်တရ (Tag Post)
5 blackroze - ခံစားမှုသံစဉ် - blog day အမှတ်တရ
6 Iora - ဘလော့ဂါပွဲဈေးတန်းမှာ ယောင်လည်လည်
7 jasmine (တောင်ကြီး) - ဘလော့ဂ်ဒေး
8 K - ပန်းခင်း (for blog day)
9 khin oo may - ဟိုစောင်းဒီစောင်း
10 My Favorite Place in Little Pigeonhole - Blog Day 2011
11 My Wonderful Moral Thoughts - Blog Day အမှတ်တရ
12 My World ဖြိုးဖြိုးလှိုင် - ဘလော့ဂ်ဒေးမှာ ရယ်ရယ်မောမော
13 N/A - ဝေး..စိတ်ဖြေ - ဘလော့ဒေး (၂၀၁၁)
14 Rose of Sharon - ဘလော့ဂ်ဒေးအမှတ်တရ
15 S-C - တိမ်တွေပေါ်မှာ နင်ရယ်၊ ငါရယ်၊ သူတို့ရယ်...
16 shwezinu - ဘလော့ဂ်ဒေး အမှတ်တရ
17 sosegado တည်ငြိမ်အေး - တိတ်ဆိတ်ခြင်းကို...
18 White Angel - Happy Blog Day
19 yamin - ရွှေမြန်မာ -သြဂုတ်လ ၃၁ရက်နေ့ တကမ္ဘာလုံးဆိုင်ရာ ဘလော့ဂ်ဒေး
20 Younggun - ဘသားချောတို့ ဘလော့ဂ်ဒေး
21 ကိုကိုမောင် (ပန်းရနံ့) - သူကြီးမင်းရဲ့ ဘလော့ဂါဒေးပုံပြင်
22 ကိုပီတာ - Are you ready to celebrate Blog Day?
23 ကိုဇော် - ဘလော့ဒေး
24 ကိုအောင် (ပျူနိုင်ငံ) - ဘလော့ဂ်ဒေးအတွက် အမှတ်တရများ (အပိုင်း-၂)
25 ကိုအောင် (ပျူနိုင်ငံ) - ဘလော့ဂ်ဒေးအတွက် အမှတ်တရများ (အပိုင်း-၁)
26 ကိုအောင် (ပျူနိုင်ငံ) - ဘလော့ဂ်ဒေးအတွက် အမှတ်တရများ (အပိုင်း-၃)
27 ခင်မောင်ချင်း - ချင်းကလေး - Blog Day
28 ချစ်ကြည်အေး - ဘလော့ဂ်နေ့ ဆုမွန်ကောင်း
29 ချယ်ရီမြေ - ချက်ကြီးပြောချင်သော ဘလော့ဒေး
30 စုချစ်သူ - ချစ်သောဘလော့ကာများ
31 ဆုမြတ်မိုး - Happy Blog Day
32 ဇွန်မိုးစက် Coral Reef - ဆုံခဲ့ဖူးတဲ့ ဘလော့ရွာသူ ရွာသားများ
33 ညိမ်းနိုင် ( မျောလွင့်တိမ်တို့ နားခိုရာ) မောင်လေး - ဘလော့ဂ်ဒေးအတွက် အမှတ်တရ
34 ညီလင်းသစ် - Blay Dog အမှတ်တရ
35 ထာဝရသစ္စာ - blogday.tag
36 ထူးတေဇာ - My Burmese Blog - Blog Day 2011
37 နတ်ဆိုးလေး - Happy Blog Day (August 31) အမှတ်တရ တဂ်ပို့စ်
38 ဖြိုးမောင်မောင်(CTM) - ရေးမိရေးရာ အဖြာဖြာ- BLOG DAY
39 မင်းဧရာ - ဘလော့ဂ်ဒေး
40 မဒမ်ကိုး - Blog Day အမှတ်တရ
41 မယ်ကိုး - ပြတင်းပေါက်ကလေးများ
42 မိုးခါး -ထာဝရကြယ်စင် - Blog Day!!
43 မိုးစက်ပွင့် - ဘလော့ဂ်ဒေး တဲ့လား
44 မိုးပန်းချီ -ဖြစ်တည်ခြင်းတစ်ခု အကြောင်း (သို့) အမှတ်တရ B108 Day!
45 မိုးယံ - ဘလော့ဂ်ဒေး အမှတ်တရ
46 မြစ်ကျိုးအင်း - ဘလော့ဂ်ဂါ ပွဲဈေးတန်း (၂)
47 မြသွေးနီ - ဟက်ပီဘလော့ဂ်ဒေး
48 ရွှန်းမီ - စုံစီနဖာ - 14 Little Mirrors
49 လင်းဦး (စိတ်ပညာ) - ဖြတ်သန်းခဲ့သမျှ ဘလော့ဂ်ဂါသမိုင်း
50 လင်းခေတ်ဒီနို ဗညားရှိန် ဆက်ပိုင် - Blog Day အမှတ်တရ
51 သက်တန့်ချို - Blog Day
52 သက်ဝေ - 2011 Blog Day အမှတ်တရ
53 သဒ္ဓါလှိုင်း - blog day အမှတ်တရ
54 သိင်္ဂါကျော် - နှင်းဆီခင်းကို ပျိုးခွင့်ပေးခဲ့တဲ့နေရာ
55 အန်တီတင့် - ဘလော့ဂ်ဒေး
56 အမှတ်တရလေးများ - ၀ါဝါခိုင်မင်း - Blog Day အမှတ်တရ
57 အဖြူလေး - ဘလော့ဂ်ဒေး အမှတ်တရ
58 အလင်းသစ် - Blog Day အမှတ်တရ
59 အိမ့်ချမ်းမြေ့ - အမှတ်တရလေးများ (ဘလော့ဂ်နေ့အတွက်)
60 အတွေးစလေးများ ဦးဟန်ကြည် - ဘလော့ဂ်ဒေး - ၁
61 အတွေးစလေးများ ဦးဟန်ကြည် - ဘလော့ဂ်ဒေး - ၂
62 အတွေးစလေးများ ဦးဟန်ကြည် - ဘလော့ဂ်ဒေး - ၃
63 ကောင်းကင်ဖြူ - ကိုဘုန်း - blog day အမှတ်တရ
64 ကောင်းမွန်ဝင်း - ဘလော့ဂ်ဒေးဆုတောင်း
65 ချော အစိမ်းရောင်လွင်ပြင် - ဘလော့ဂ်ဒေးအမှတ်တရ
66 ငွေလမင်း - ဘလော့ဂ်ဒေး
67 စော (အ၀ါရောင်မြေ) - ဘလော့ကြသူများနှင့် ဘလော့ကာဒေး
68 စော (အ၀ါရောင်မြေ) - ဘလော့ကြသူများနှင့် ဘလော့ကာဒေး
69 ဆောင်း- Blog Day!
70 ဆောင်းနှင်းရွက် - ဘလော့ဂ်ဒေးအတွက် အမှတ်တရများ
71 နေ၀သန်ရဲ့ အိုအေစစ် - ဘလော့ဂ်ဒေး အမှတ်တရ
72 ပေါက် KKK - ဖြစ်ညှစ်ရေးသောစာ
73 မေဓာဝီ - ၅-နှစ် ရှည်ကြာ ဘလော့ရွာ
74 မေသိမ့်သိမ့်ကျော် - ဘလော့ဒေး
75 မောင်မျိုး - ဘလော့ဂ်ဒေး အမှတ်တရ (၁)
76 မောင်မျိုး - ဘလော့ဂ်ဒေး အမှတ်တရ (၂)
77 မောင်မောင် (မြစ်ဆုံ) - ကျနော်နဲ့ ပထမဆုံးသော ဘလော့ဂ်ဒေး
78 မောင်မောင်၏ဘလော့ဂ် - ဘလော့ဂ်ဒေး တဲ့
79 ရွှေပြည်သူ - Blog Day 2011 အတွက်
80 အောင်သာငယ် - Blog Day 2011 အမှတ်တရ
81 နိုင်းနိုင်စနေ - သြဂုတ်လ (၃၁) ဘလော့ဂ်ဒေး
82 နှင်းနဲ့မာယာ - ကျမ ဘလော့ဂါမဟုတ်ပါ
83 ကြယ်လွမ်းသူ ချိုကျ - ဘလော့ဂ်ဒေးအမှတ်တရ

၂၀၀၈ ခုနှစ်တုန်းကပေါ့....
၂၀၀၈ခုနှစ်မှာ လက်တွဲခဲ့တဲ့ ဘလော့ဂ် သူငယ်ချင်းတွေကို သီချင်းလေးနဲ့ ကျေးဇူးတင်လိုက်တယ်...
video လေးလုပ်ပြီးမှ ခင်မင်ခွင့်ရလို့ ကျန်သွားတဲ့ သူငယ်ချင်းတွေလည်း သီချင်းလေး တူတူနားထောင်မယ်နော်...SONATA-CANTATA မှာ ဆုံကြသူ အားလုံးအတွက်...
(Leo အဖွဲ့ရဲ့ သီချင်းလေးကို ကိုဧရာရဲ့ ညီက တီးခတ် သီဆိုထားပြီး ဟာမိုနီ ကိုဧရာနှင့် မောင်နှမများဖြစ်ပါတယ်။)

Tuesday, August 30, 2011

Waters of Irrawaddy

Hans Zimmer ရဲ့ Waters of Irrawaddy ပါ။ 
(Beyond Rangoon ရုပ်ရှင်ဇတ်ကားရဲ့ ဇတ်ဝင်တေး ဖြစ်ပါတယ်။)

Sunday, August 28, 2011

ဒါနပြုသည် ဆိုရာဝယ် (၄)

လူအများအား ထမင်းကို လည်းကောင်း၊ မြတ်သော အလှူခံပုဂ္ဂိုလ်၌ မြတ်သောအလှူကို လည်းကောင်း … (ဣတိဝုတ်-၂၆။ တတိယ၀ဂ်-ဒါနသုတ်)

နိကာယ်ကျမ်းများတွင် ဒါနဟူသော ဝေါဟာရအား သံဝိဘာဂ (ဝေခြမ်းပေးကမ်းခြင်း၊ မျှဝေသုံးစွဲခြင်း)၊ အနုဂ္ဂဟ (ချီးမြှောက်ခြင်း)၊ သင်္ဂဟ (ချီးမြှောက်ခြင်း၊ ထောက်ပံ့ခြင်း၊ စည်းရုံးခြင်း) ဟူသော ဝေါဟာရများနှင့် တွဲ၍ သုံးစွဲလေ့ရှိသည်။ ထိုအတူပင် ဒါနအား ယည (ယဇ်ပူဇော်ခြင်း), ဒက္ခိဏ (မြတ်သော ပူဇော်ခြင်း) စသော ဝေါဟာရများနှင့်လည်း တွဲဖက်၍ အသုံးပြုလေ့ ရှိသည်။ ထို့ကြောင့် ဒါနအား စာနာခြင်း၊ ရိုင်းပင်း ကူညီခြင်း၊ စောင့်ရှောက်ခြင်း၊ ထောက်ပံ့ခြင်း သဘောအရ ပေးကမ်းသော အလှူနှင့် မြင့်မြတ်သော ပုဂ္ဂိုလ်တို့အား ပူဇော်ခြင်း သဘောအရ ပေးလှူသော အလှူဟု နှစ်မျိုးခွဲခြား နိုင်၏။

ဗုဒ္ဓ၏ အဆုံးအမအရ စီးပွားရှာဖွေခြင်း၏ ရည်ရွယ်ချက်သည် မိမိတစ်ဦးတည်းသာမက အများအကျိုး အတွက်လည်း ပြန်လည်မျှဝေသုံးစွဲရန် ဖြစ်ကြောင်း “ချမ်းသာခြင်းသည် ဂုဏ်ရှိ၏။ သို့သော်…” ပို့စ်တွင် ဖော်ပြခဲ့ဖူးသည်။ သဒ္ဓါတရားရှိသော သူတော်ကောင်းတို့အား ငှက်အပေါင်းတို့ မှီခိုအားထားရာ သစ်ပင်ကြီးနှင့် နှိုင်းယှဉ် ဖော်ပြလေ့ရှိ၏။ သူတော်ကောင်းတို့သည် မိဘ၊ သားမယား၊ အစေခံ အလုပ်သမား၊ မိတ်ဆွေအပေါင်းအသင်း၊ သမဏဗြဟ္မဏစသော လူအများတို့အတွက် အကျိုး စီးပွားချမ်းသာခြင်းကို ဖြစ်စေ၍ ကောက်ပဲသီးနှံတို့ ဖြစ်ထွန်းအောင်မြင်စေမည့် မိုးကြီးနှင့်လည်း နှိုင်းယှဉ် ဖော်ပြလေ့ရှိ၏။

အနောက်တိုင်း စကားပုံများတွင် “charity begins at home” ဟူသော စကားရှိသည်။ ထို့အတူပင် ဗုဒ္ဓဘာသာအရလည်း ဒါနသည် မိဘများအား လုပ်ကျွေးခြင်း (မာတာပိတု ဥပဋ္ဌာနံ)၊ သားမယားများအား ထောက်ပံ့ခြင်း (ပုတ္တဒါရဿ သင်္ဂဟော)၊ ဆွေမျိုးတို့အားလည်း ထောက်ပံ့ခြင်း (ဉာတကာနဉ္စ သင်္ဂဟော) ဟူသော မင်္ဂလသုတ် ဒေသနာများနှင့်အညီ မိမိတို့၏ မိသားစု ဆွေမျိုး သားချင်းများအား ပေးကမ်းထောက်ပံ့ခြင်းနှင့် စတင်ရသည်။ သင်္ဂဟဟူသော စကားသည် ချီးမြှောက် ထောက်ပံ့ခြင်းဟူသော အဓိပ္ပါယ်သာမက သိမ်းရုံးစုစည်းခြင်း၊ စည်းရုံးခြင်းဟူသော အဓိပ္ပါယ်လည်း ဆောင်သည်။ ရထားလှည်းဘီး၏ နားစောင့် (linchpin) သည် လှည်းဘီးအား ၀င်ရိုးမှ ကျွတ်ထွက်မသွားစေရန် စောင့်ရှောက်သကဲ့သို့ သင်္ဂဟတရားသည် မိသားစု၊ ဆွေမျိုးအသိုင်းအ၀န်း၊ လူအဖွဲ့အစည်း ဖရိုဖရဲ ပြိုကွဲမသွားစေဘဲ စည်းစည်းရုံးရုံးဖြစ်နေရန် စောင့်ရှောက်ပေး၏။ ပေးကမ်းခြင်း (ဒါန)၊ ချိုသာစွာပြောဆိုခြင်း (ပေယျဝဇ္ဇ)၊ အကျိုးစီးပွားကို ဆောင်ရွက်ပေးခြင်း (အတ္ထစရိယာ)၊ မိမိနှင့် တန်းတူထား၍ ဆက်ဆံခြင်း (သမာနတ္တတာ) ဟူသော တရား လေးပါးအား သင်္ဂဟတရား လေးပါးအဖြစ် ဟောကြားထားပါသည်။ ဤသင်္ဂဟတရား လေးပါးသည် လူအချင်းချင်း ပေါင်းသင်းဆက်ဆံရာတွင် လိုက်နာကျင့်သုံးရမည့် တာဝန် ၀တ္တရားဖြစ်ကြောင်း သိင်္ဂလောဝါဒသုတ်တွင် ဟောကြားထားပါသည်။

ထို့ကြောင့် မိဘ၊ ဆွေမျိုး၊ မိတ်ဆွေ အပေါင်းအသင်းများအား ဒါနပြုရာတွင် သင်္ဂဟတရား အနေဖြင့်၊ တာဝန် ၀တ္တရားတရပ် အနေဖြင့် ဆောင်ရွက်ရ၏။ ထိုသို့ဆောင်ရွက်ရာတွင် စာနာခြင်း၊ ရိုင်းပင်း ကူညီခြင်း၊ စောင့်ရှောက်ခြင်း၊ ထောက်ပံ့ခြင်းဟူသော အနုကမ္ပတရားကို လက်ကိုင်ထားရသည်။ ထိုအတူပင် မိမိပတ်ဝန်းကျင်မှ ဒုက္ခရောက်နေသူ၊ လိုအပ်နေသူများအားလည်း အနုကမ္ပတရားကို လက်ကိုင်ထား၍ ပေးကမ်းစွန့်ကြဲရ၏။ ထိုသို့သော လှူဒါန်းမှုမျိုးအား ကာလဒါနဟု ခေါ်သည်။ ကာလဒါန၏ အဓိပ္ပါယ်အား “သင့်လျှော် လျှောက်ပတ်သော အလှူ” (ယုတ္တဒါန၊ ပတ္တဒါန၊ အနုစ္ဆ၀ိကဒါန) ဟု အဋ္ဌကထာများက ဖွင့်ပြသည်။ အင်္ဂုတ္တရနိကာယ်တွင် ဟောကြားထားသော ကာလဒါန ငါးမျိုးတို့မှာ အောက်ပါအတိုင်း ဖြစ်သည်။

(၁) ဧည့်သည်အား ပေးလှူ၏။
(၂) ခရီးသည်အား ပေးလှူ၏။
(၃) ရောဂါ ကပ်ရောက်နေသော လူမမာအား ပေးလှူ၏။
(၄) ငတ်မွတ်ခေါင်းပါးသော အခါ၌ ပေးလှူ၏။
(၅) ကောက်သစ်ပေါ်သောအချိန်တွင် ကောက်ဦး, သစ်သီးဦးတို့ကို သီလရှိသူအား ပေးလှူ၏။


ဗုဒ္ဓခေတ်ကာလက ယနေ့ခေတ်ကဲ့သို့ ခရီး လမ်းပမ်းဆက်သွယ်ရေး မလွယ်ကူသေး၊ တည်းခိုခန်းများ မရှိသေး၍ ဧည့်သည်အား ခရီးဦးကြိုပြုခြင်း၊ နေရာပေးခြင်း၊ ဧည့်ခံခြင်းတို့သည် အထူးလိုအပ်၏။ ထို့အတူပင် ခရီးဆက်မည့် သူများအားလည်း လိုအပ်သော ပစ္စည်းနှင့် စားနပ်ရိက္ခာတို့ ပေးကမ်း ထောက်ပံ့ခြင်းကိုလည်း ကာလဒါနအနေဖြင့် ဟောကြားထား၏။ အချို့သော သုတ္တန်များတွင် ခရီးသည်တို့ နားခိုရာ သစ်ပင်စိုက်ပျိုးခြင်း၊ ဇရပ်ဆောက်လုပ်ခြင်း၊ သောက်ရေအိုးစင် တည်ခင်းပေးခြင်း၊ ရေတွင်းရေကန် တူးခြင်း၊ လမ်း တံတားတို့ ပြုပြင်ခြင်းစသည်တို့အား နေ့နေ့ ညည ကုသိုလ်ကောင်းမှု တိုးပွားစေသော ထာဝရဒါနအဖြစ် ဟောကြားထား၏။ ကာလဒါန ငါးမျိုးတို့တွင် ပထမလေးမျိုးသည် အလှူခံပုဂ္ဂိုလ်၏ လိုအပ်ချက်အား ဖြည့်ဆည်းရန် ပေးကမ်းထောက်ပံ့သော ဒါနမျိုးဖြစ်၏။ ပဉ္စမမြောက်ဖြစ်သော သီလရှိသူတို့အား ကောက်ဦး၊ သစ်သီးဦးများကို မွန်မွန်မြတ်မြတ် လှူဒါန်းခြင်းသည် ပူဇော်မှုသဘောအရ လှူဒါန်းခြင်း ဖြစ်၏။

ထို့ကြောင့် ဗုဒ္ဓဘာသာအဆုံးအမနှင့် လျော်ညီစွာ စာနာထောက်ပံ့ခြင်း သဘောအရ ပေးကမ်းသော အလှူနှင့် ပူဇော်ခြင်း သဘောအရ ပေးလှူသော အလှူ နှစ်မျိုးလုံးအား ထိုက်သင့်သလို ပေးလှူရသည်။ သဒ္ဓါတရားရှိသော သူတော်ကောင်းတို့သည် လူအများ၏ အကျိုးကို ဖြစ်ထွန်းစေသော မိုးကြီး (မဟာမေဃ)နှင့် တူသည်ဟု အထက်တွင် ဖော်ပြခဲ့သည်။ သို့သော်လည်း အချို့သော အလှူခံ ပုဂ္ဂိုလ်များကိုသာ ပေးလှူ၍ အချို့သော အလှူခံပုဂ္ဂိုလ်တို့အား မပေးလှူသော အလှူရှင်သည်ကား ကွက်ကျားမိုးနှင့်သာ တူကြောင်း ဣတိဝုတ်ပါဠိတော်၊ အ၀ုဋ္ဌိကသုတ်တွင် ဟောကြားထားပါသည်။

စာညွှန်း
၁။ အံ-၅-၃၈။ အင်္ဂုတ္တရနိကာယ်၊ ပဉ္စကနိပါတ်၊ သုမန၀ဂ်၊ သဒ္ဓသုတ်
၂။ အံ-၅-၄၂။ အင်္ဂုတ္တရနိကာယ်၊ ပဉ္စကနိပါတ်၊ မုဏ္ဍရာဇ၀ဂ်၊ သပ္ပုရိသသုတ်
၃။ အံ-၄-၃၂။ အင်္ဂုတ္တရနိကာယ်၊ စတုက္ကနိပါတ်၊ စက္က၀ဂ်၊ သင်္ဂဟ၀တ္ထုသုတ်
၎။ အံ-၈-၂၄။ အင်္ဂုတ္တရနိကာယ်၊ အဋ္ဌကနိပါတ်၊ ဂဟပတိဝဂ်၊ ဒုတိယဟတ္ထကသုတ်
၅။ ဒီ-၃-၂၇၃ ။ ဒီဃနိကာယ်၊ ပါထိက၀ဂ်၊ သိင်္ဂလောဝါဒသုတ်
၆။ အံ-၅-၃၆။ အင်္ဂုတ္တရနိကာယ်၊ ပဉ္စကနိပါတ်၊ သုနမ၀ဂ်၊ ကာလဒါနသုတ်
၇။ သံ-၁-၄၇။ ဒေ၀တာသံယုတ်၊ အာဒိတ္တ၀ဂ်၊ ၀ရောပမသုတ်
၈။ ဣတိဝုတ္တက-၇၅။ တိကနိပါတ်၊ တတိယ၀ဂ်၊ အ၀ုဋ္ဌိကသုတ်

Friday, August 26, 2011

စိတ်ကစားခြင်း

ဒီဝေါဟာရလေး ခေါင်းထဲရောက်နေတယ်…။ ဒါလေးနဲ့ ပတ်သက်ပြီး ပို့စ်ရေးမယ်လို့ အတွေးရောက်ပေမည့် မရေးဖြစ်ခဲ့ဘူး။ ဘလော့ဂ်ဒေး အမှတ်တရပို့စ်ရေးတော့ သူက အတင်းကာရော ပါဖြစ်အောင် ပါသွားတယ်။ မလေးက သဘောကျတယ်တဲ့။ မချိုကလည်း သဘောကျပုံပဲ…။ ဒီတော့ ပို့စ်ဖြစ်အောင် ရေးလိုက်ပါတော့တယ်။

သီတာဧရာတို့ စိတ်ကစားနေပုံ
ဦးနှောက်က စိတ်လှိုင်းတွေကို ဖမ်းယူဖို့ ခေါင်းနဲ့ နားရွက်မှာ Detector တွေ တပ်ရတယ်။
iPad (ရေစင်ခေါ်တဲ့ iPhone အကြီးကြီး) ပေါ်က Slider Bar ကို စိတ်နဲ့ ရွှေ့ပြီး ဒုံးပျံကြီးကို ပစ်လွှတ်ရတာ…။
အဲ့ဒီနှစ်ယောက် သိပ်ကဲတယ်။ ရေချမ်းနဲ့ ရေစင် က မဆော့ဘူး... very childish တဲ့။ နေပေါ့…။

ပထမဦးဆုံး မသီတာ စပစ်တော့ ဒုံးပျံကြီးက မထွက်ဘူး။ Demonstrator လေးတွေ ပြာယာကို ခပ်သွားကြတာပဲ။ သူတို့ စိတ်လှိုင်းတွေ ယောက်ယက်ခပ်နေကြတာ... detector မလိုဘဲ သိသာလို့၊ စိတ်အေးအေးထားပါလို့ ပြောယူရတယ်။ နောက်တခါ ပစ်တော့မှ ဒုံးပျံကြီးက မထွက်ချင်ထွက်ချင်နဲ့ ထွက်သွားတာ။ ကိုဧရာ ပစ်တော့ကျ အဝေးကြီးကို ဒိုင်းကနဲ ရောက်တယ်။ Demonstrator တွေ လက်ခုပ်လက်ဝါးတီးပြီး ပျော်သွားကြတယ်။

Wednesday, August 24, 2011

တိမ်တွေပေါ်မှာ နင်ရယ်၊ ငါရယ်၊ သူတို့ရယ်...

ဘလော့ဂ်ဒေး အမှတ်တရ ပို့စ်ပါ။ ပထမဦးဆုံး မြန်မာဘလော့ဂ်ဂါ အသိုင်းအ၀ိုင်းမှာ ရှိနေခွင့်ရတဲ့ အခြေအနေလေးကို ၀မ်းသာကျေးဇူးတင်တယ်လို့ ပြောချင်ပါတယ်။ ဘလော့ဂ်နဲ့ ပတ်သက်တဲ့ ခံစားချက်တွေကို ဘလော့ဂ်တာ…ဆိုပြီး ပို့စ်လေးတွေ အလျဉ်းသင့်သလို ရေးလာတာ ၁ ၂ ၃ ၄ ၅ ၆ ၇ ၈ အထိတောင် ရောက်နေပါပြီ။ ဒီအမှတ်တရ ပို့စ်မှာတော့ ဘလော့ဂ်ဂါအဖြစ် ဖြတ်သန်းခဲ့တဲ့ ကာလတလျှောက်မှာ ဆုံတွေ့ခွင့်ရခဲ့တဲ့ ဘလော့ဂ်ဂါတွေကို အမှတ်ရ တိုးတိတ် တမ်းတရင်းရေးပါတယ်။ တဦးတယောက်ချင်းစီရဲ့ အမည်တွေကိုတော့ ချမရေးတော့ပါဘူး။

၂၀၀၇ နှစ်ကုန်ပိုင်းလောက်မှာ ဘလော့ဂ်တွေ စဖတ်ပြီး၊ ၂၀၀၈ နှစ်စ မှာ Sonata-Cantata ကို စရေးပါတယ်။ ဆိုဒ်ဘားမှာ “အလည်ရောက်လာ မိတ်သဟာ ချမ်းသာကိုယ်စိတ် မြဲပါစေ” ဆိုတဲ့ ခေါင်းစဉ်နဲ့ Blog Lists လုပ်ထားခဲ့ပါတယ်။ ကိုယ့်ဆီမှာ ကော်မန့်ရေးခဲ့ရင်ပဲ ဖြစ်ဖြစ်၊ Cbox မှာ ခြေရာချန်ခဲ့ရင်ပဲ ဖြစ်ဖြစ်၊ အသစ်ဆိုရင် List ထဲကို မပျက်မကွက် ထည့်ထားလိုက်ပြီး၊ ပို့စ်အသစ်တက်တိုင်း သိနိုင်ခဲ့ပါတယ်။ malware ကြောင့် Blog Lists ကို ဖြုတ်ထားလိုက်ရပြီးနောက်မှာတော့၊ ပို့စ်အသစ်တက်တဲ့ ဘလော့ဂ်တွေကို အခြားဘလော့ဂ်တွေက တဆင့်သာ သွားနိုင်ပါတော့တယ်။

ဘလော့ဂ်နောက်ကွယ်က ဘလော့ဂ်ဂါ ဘယ်သူ ဘယ်ဝါဆိုတာကို အသိခံသူနဲ့ အသိမခံလိုသူ အယူအဆတွေ အမျိုးမျိုးကြားမှာ ကိုယ်လည်း ဖုံးရမလား၊ ဖော်ရမလား စိတ်ကစားနေတုန်း… သိပ်ကြာကြာတော့လည်း မကစားလိုက်ရပါဘူး… မသီတာဆိုတာ နာမည် အရင်းမို့ ဟင်းလင်းကြီးပဲ ထားလိုက်ပါတယ်။

မူလအစပထမ ဧရာသီတာ တို့က ကြောက်တာလား၊ ရွံ့တာလား၊ မာနကြီးတာလား၊ ကြီးကျယ်တာလား ဘာလဲတော့မသိပါ။ ကိုယ့်ကိုကိုယ်မို့ ပြောတာမဟုတ်…။ လူပုံက တော်တော် အပိုးကျိုးပါတယ်။ တခါတခါလည်း ရုပ်တည်ကြီးနဲ့…။ တခါတလေလည်း မခုတ်တတ်တဲ့ ကြောင်လိုလို…။ တခါတရံများဆို ဘုရားလူကြီးဂိုက်တောင် ဖမ်းထားတတ်ပါသေးတယ်။ ဘလော့ဂ်တခု အရင်းပြုမိတော့မှ၊ ဘလော့ဂ်တောထဲ တတ်နိုင်သလောက် တိုးရင်း၊ လူတောလည်း တိုးပါတယ်။

ဘလော့ဂ်ကတဆင့် ခင်မင်ရသူတွေနဲ့ မြန်မာသံရုံးမှာ စကားလက်ဆုံကြဖူးတယ်။ သွေးစတင် လှူဖြစ်တယ်။ ကလေးတွေကို မြန်မာစာသင်ပေးတယ်။ တရုတ်သီချင်း သင်ယူဖူးတယ်။ ကာရာအိုကေ ဆိုဖူးတယ်။ မလေးရှားကို ကထိန်အလှူသွားခဲ့ကြတယ်။ စာပေ ဟောပြောပွဲ သွားတယ်။ မင်္ဂလာဆောင် သွားတယ်။ ညစာအတူ စားကြတယ်။ ရေကူးကန်ထဲမှာ ရေစိမ်ရင်း စကားတွေ ဖောင်ဖွဲ့တယ်။ ဖုန်းဆက်တယ်။ Gtalk တယ်။ Gmail တယ်။ ဒီလို ဆိုရင်ဖြင့် ဘလော့ဂ်ဟာ အပျော်ကြီး ပျော်စရာလို့ ထင်စရာပါ။ ပျော်စရာရှိရင် လွမ်းစရာလည်းရှိပါတယ်… ဒါဓမ္မတာပါ။

ဘလော့ဂ် လမ်းကြောင်းမှာ လျှောက်လှမ်းဖို့ အချိန်၊ စိတ်ကူးစိတ်သန်း၊ စေတနာတွေ နဲ့ တလှမ်းချင်းတဆင့်တက် အားစမ်းခဲ့တယ်။ လမ်းဖြောင့်မှာ ဟန်ချက်ညီ တွဲလက်တွေနဲ့ ပျော်ခဲ့ရသလို၊ လမ်းထောင့်ကနေ ရပ်ကြည့်ခဲ့တာတွေလည်း ရှိတယ်။ လမ်းသွယ်မှာ တစ်ဦးကို တစ်ယောက်က ဖေးမ… လွှလွှလေး သွားခဲ့တာတွေရှိသလို၊ လမ်းကွေးမှာ အလွမ်းအဆွေးတွေ အန်ထုတ်ခဲ့ရတာတွေလည်း ရှိတယ်။ ဘာပဲ ဖြစ်ဖြစ် လမ်းဆက်လျှောက်မယ်…။

ဘလော့ဂ်ရေစီးကြောင်းမှာ လိုက်ပါစီးမျောဖို့ ပို့စ်တွေ ဖတ်ရမယ်။ ပို့စ်တွေ ရေးရမယ်။ ကော်မန့်တွေ ပေးရမယ်။ စီဘောက်မှာ နှုတ်ဆက်မယ်။ အရည်မရ အဖတ်မရ ဘာတွေ လုပ်နေတာလဲလို့ မေးလာရင်တော့ ဒီလိုလေး ဖြေချင်တယ်။ လူဆိုတာ အမျိုးမျိုး ရှိပါတယ်။ စိတ်ကူး၊ ၀ါသနာ၊ အလေ့စရိုက်၊ တန်ဖိုးထားရာခြင်း မတူကွဲပြားကြပါတယ်။ အဲ့လို လူတွေ အတူနေဖို့ ဖြစ်နိုင်ပါ့မလား။ ဖြစ်နိုင်ပါတယ်။ မတူကွဲပြားတဲ့ လူတွေမှာ လွတ်လပ်ခြင်း၊ ညီမျှခြင်း၊ ချစ်ကြည်ခြင်း ဆိုတဲ့ အခြေခံတူတဲ့ အချက်လေးတွေတော့ ရှိပါတယ်။ အဲ့ဒီ အခြေခံနဲ့ တိမ်တိုက်တွေပေါ်မှာ အတူတကွ နေထိုင်ကြရင်း ဘလော့ဂင်းနေကြပါတယ်။

ကိုအောင် (ပျူနိုင်ငံ) တဂ်လို့ ရေးပါတယ်။

Thursday, August 18, 2011

ဒါနပြုသည် ဆိုရာဝယ် (၃)

ဒါနသည် ပေးကမ်းခြင်းဟူသော အနက်သဘောအရ ပန်းပေးခြင်း၊ လက်ဆောင်ပေးခြင်း၊ အချိန်ပေးခြင်း၊ အခွန်ပေးခြင်း၊ ဘေးမဲ့ပေးခြင်း၊ လုံခြုံမှုပေးခြင်း၊ လုပ်အားပေးခြင်း၊ အကူအညီပေးခြင်း၊ ပညာပေးခြင်း၊ အသက်ပေးခြင်း၊ ဆင်းရဲချို့တဲ့သူတို့အား ထောက်ပံ့ ပေးကမ်းခြင်း၊ မြင့်မြတ်သူတို့အား လှူဒါန်း ပေးကမ်းခြင်း စသော “ပေးကမ်းခြင်း” အမှုများအား ဒါနဟုပင် ဆိုနိုင်ပါသည်။

မည်သို့သော ပေးကမ်းခြင်းမျိုးပင်မဆို ပေးကမ်းသူသည် အတိုင်းအတာတခုအရ စွန့်လွှတ် အနစ်နာခံသောသဘော ပါဝင်သည်သာ ဖြစ်၏။ ထိုသို့ စွန့်လွှတ် ပေးကမ်းရခြင်းဖြင့် မိမိ ချစ်မြတ်နိုးသူ၊ မိမိ ကြည်ညိုလေးစားသူ၊ မိမိ စာနာသနားသူ၊ မိမိအပေါ်တွင် ကျေးဇူးရှိခဲ့ဖူးသူ စသောသူတို့၏ အကျိုးကို ရှေးရှုသည့် စိတ်စေတနာများလည်း ပါဝင်၏။

မိမိ စွန့်လွှတ်မည့် အရာဝတ္ထုအပေါ်၌ ငြိတွယ်သော တဏှာလောဘ၊ သူတပါး ကောင်းစားသည်ကို မနာလို မရှုစိမ့်သော ဣဿာ၊ သူတပါးအား ဝေခြမ်းပေးကမ်းရန် ၀န်တိုသော မစ္ဆရိယ စသည့် မကောင်းသော စိတ်၏ အညစ်အကြေးများ ကင်းစင်ကာ ကြည်လင်နေသော စိတ်သည် ကုသိုလ်စိတ်ပင် ဖြစ်သည်။ ထို့ကြောင့် ဒါနအား ကောင်းမှုကုသိုလ်ကို ဖြစ်စေတတ်သော အကြောင်းတရား (ပုညကိရိယ၀တ္ထု) တစ်ပါးအဖြစ်ထည့်သွင်း ဟောကြားထား၏။ အကယ်၍ မိမိ၏ ပေးကမ်းလိုက်သော အရာဝတ္ထုပေါ်၌ ငြိတွယ်ခြင်းလည်း မကင်း၊ မိမိ၏ စိတ်သန္တာန်လည်း ကြည်လင်မှုမရှိဘဲ မတတ်သာ၍ ဖြစ်စေ၊ မသိလိုက် မသိပါ တွေဝေလျှက်ဖြစ်စေ ပေးကမ်းခြင်းမျိုးဖြစ်ပါက ကုသိုလ်စိတ် ဖြစ်မည်မဟုတ်။ ထိုသို့သော ပေးကမ်းခြင်းမျိုးသည် ပရိယာယ် သဘောအရသာ ဒါနဟု ခေါ်ရသော်လည်း၊ ကောင်းမှုအရာမြောက်သော ဒါန (ပုည၀ိသယဒါန) မျိုးကား မဟုတ်။ လောကဝေါဟာရ သဘောအရ ခေါ်ဆိုရသော ဒါန (လောက၀ိသယဒါန) သာဖြစ်၏။

တဖန် မည်သို့သော ဒါနပင်ဖြစ်စေ ထိုသို့ ပေးကမ်းလိုက်ခြင်းအားဖြင့် မိမိအား ပြန်လည် ချစ်ခင်မြတ်နိုးစေလိုခြင်း၊ တချိန်တွင် မိမိအား ပြန်လည် ပေးကမ်းစေလိုခြင်း၊ မိမိအား ပြန်လည် ကျေးဇူးပြုစေလိုခြင်း၊ တင်ရှိနေသောကျးဇူးကို ဆပ်လိုခြင်း၊ ထင်ပေါ်ကျော်ကြားလိုခြင်း၊ မျက်မှောက်နှင့် တမလွန်ဘ၀များတွင် ကောင်းကျိုးတရားတို့ကို ရရှိခံစားလိုခြင်း၊ နိဗ္ဗာန်ရလိုခြင်း စသော မျှော်လင့် တောင့်တမှုများလည်း ပါဝင်နိုင်ပါသည်။ ထိုသို့သော မျှော်လင့် တောင့်တမှုများသည်လည်း တဏှာ၊ ဒိဋ္ဌိတို့ဖြင့် လောကီစည်းစိမ်တို့ကို ခံစားရန် ကြံစည် တောင့်တခြင်း (တဏှာပတ္ထနာ) နှင့် ကောင်းသောအမှုတို့ကို ပြုလိုခြင်းသက်သက်မျှဖြစ်သော တောင့်တခြင်း (ကုသလစ္ဆန္ဒပတ္ထနာ) ဟူ၍ နှစ်မျိုး ခွဲခြားနိုင်၏။

ထို့ကြောင့် ပေးကမ်းခြင်း အမျိုးမျိုးအား ပရိယာယ်အရ ဒါနဟု ခေါ်ရသော်လည်း ပေးလှူစဉ်တွင် ဖြစ်ပေါ်နေသော စိတ်ဇောစေတနာများ၊ ရည်ရွယ်ချက်များ၊ မျှော်လင့် တောင့်တချက်များကွဲပြား ခြားနားနေကြပါသည်။ အင်္ဂုတ္တရနိကာယ် အဋ္ဌကနိပါတ် ပဌမဒါနသုတ်တွင် အလှူဒါနပြုရန် စေ့ဆော်သည့် အကြောင်းတရားများကို ဟောကြားထားသည်ကို တွေ့ရ၏။

(၁) အလှူခံပုဂ္ဂိုလ် ရောက်လာ၍ ပေးလှူ၏။
(၂) ကြောက်၍ ပေးလှူ၏။
(၃) မိမိအား ယခင်က ပေးကမ်းဖူးသည်ဟူ၍ ပေးလှူ၏။
(၄) မိမိအား နောင်တွင် ပြန်ပေးလိမ့်မည်ဟု မျှော်လင့်၍ ပေးလှူ၏။
(၅) ပေးလှူခြင်းသည် ကောင်းသော အလုပ်ဖြစ်သည်ဟု နှလုံးသွင်း၍ ပေးလှူ၏။
(၆) မိမိသည် ချက်ပြုတ် စားသောက်ပါလျှက် ချက်ပြုတ် စားသောက်ခြင်း မပြုသောသူ (ရဟန်း, ပုဏ္ဏား, ခရီးသွား, ခိုကိုးရာမဲ့သူများနှင့် ဖုန်းတောင်းယာစကာ) တို့အား မပေးလှူပဲ စားသုံးရန် မသင့်ဟု နှလုံးသွင်း၍ ပေးလှူ၏။
(၇) ပေးလှူခြင်းကြောင့် ကောင်းသောဂုဏ်သတင်းကျော်ကြားလိမ့်မည်ဟု ပေးလှူ၏။
(၈)(သမထ၀ိပဿနာ) စိတ်၏ အဆင်တန်ဆာ အခြံအရံအလို့ငှာ ပေးလှူ၏။

အလားတူပင် အင်္ဂုတ္တရနိကာယ် အဋ္ဌကနိပါတ် ဒါန၀တ္ထုသုတ်၌လည်း အလှူဒါနပြုရန် စေ့ဆော်သည့် အကြောင်းတရားများတွင် ဆန္ဒာဂတိ၊ ဒေါသာဂတိ၊ ဘယာဂတိ၊ မောဟာဂတိ ဟူသော အဂတိတရားလေးပါးကြောင့် ပေးလှူခြင်းကို ထည့်သွင်း ဟောကြားထား၏။ ထိုသို့ အဂတိမကင်းသော အလှူမျိုးကား ကုသိုလ်ကောင်းမှု အရာမြောက်သော ပုည၀ိသယဒါနမျိုးပင် မဟုတ်ပါ။ အချို့သော အလှူဒါနများသည် ပုည၀ိသယဒါန မြောက်သော်လည်း၊ ဒါန ကုသိုလ်စိတ်ထက် ကျော်စောမှုကို လိုလားသော (ယသကာမတာယ) ဂုဏ်ပကာသနကို မက်မောသောစိတ် အခြံအရံက ပို၍ လွှမ်းမိုးနေတတ်သည်။ မိမိကိုယ်မိမိ ချီးမြှောက်၍ သူတပါးအား နှိပ်ချလိုသော (အတ္တုက္ကံသန ပရ၀မ္ဘနာ) စိတ်ထားမျိုး လွန်ကဲနေတတ်သည်။ ထိုသို့သော အလှူဒါနမျိုးအား အညံ့စားအလှူ (ဟီနဒါန) အဖြစ် ကျမ်းဂန်စာပေတို့တွင် ဖော်ပြထား၏။

အချို့သော အလှူဒါနမျိုးမှာ လူချမ်းသာ၊ နတ်ချမ်းသာစသော ဒါနကုသိုလ်၏ အကျိုးတရားများကို မျှော်ကိုးတောင့်တ၍ (ပုညဖလကာမတာယ) ပေးလှူသော ဒါနမျိုးဖြစ်သည်။ ထိုဒါနမျိုးသည် ဂုဏ်ပကာသနကို ဦးစားပေးသော ဒါနမျိုးထက် ပို၍ မြင့်မြတ်သော အလယ်အလတ်တန်းစား အလှူ (မဇ္ဈိမဒါန) ဖြစ်ပါသည်။ စည်းစိမ်ဥစ္စာတို့သည် ရန်သူမျိုး ငါးပါးဖျက်ဆီး၍ ကုန်ခမ်းသွားနိုင်သည် ရှိသကဲ့သို့ မိမိတို့ သေလွန်သောအခါ စည်းစိမ်ဥစ္စာတို့ကို စွန့်ပစ်ခဲ့ရမည်သာ ဖြစ်၏။ ထို့ကြောင့် မိမိ၏ စည်းစိမ်ဥစ္စာတို့အား ဝေခြမ်း ပေးကမ်းခြင်းဖြင့် သံသရာ အဆက်ဆက်တွင် မိမိ၏ နောက် အစဉ်လိုက်ပါမည့် (အနုဂါမိက နိဓိ) ရွှေအိုးကို မြုတ်နှံသင့်ကြောင်း ဟောကြားထားသော သုတ္တန်ဒေသနာများ ရှိပါသည်။ မလှူဒါန်းသည် ထက်စာလျှင် ဂုဏ်ပကာသနကို အလေးထား၍ လှူဒါန်းသည်က ပို၍ သင့်တော်၏။ အပေါ်ယံ ဂုဏ်ပကာသနအလှူထက်စာလျှင် ဒါန၏ အကျိုးတရားများအား မျှော်ကိုး၍ လှူဒါန်းခြင်းကလည်း ပို၍ သင့်တော်၏။

သို့သော် ဤသို့ ဒါန၏ အကျိုးတရားများအား မျှော်ကိုး၍၊ “တမလွန်တွင် သုံးဆောင်အံ့” ဟု ရည်ရွယ်၍ လှူဒါန်းသော အလှူမျိုးသည် လွတ်လွတ် စွန့်သော အလှူမျိုးကား မဟုတ်။ အကျိုးကို ငဲ့ကွက်သော အလှူ (သာပေက္ခ ဒါန)၊ အကျိုးကို မျှော်ကိုးသော စိတ်ဖြင့် နှောင်ဖွဲ့ထားသော အလှူ (ပတိပဒ္ဓစိတ္တ ဒါန)၊ ရင်းနှီး မြုတ်နှံမှုဆန်သော အလှူ (သန္နိဓိပေက္ခ ဒါန) မျိုးဖြစ်နေ၏။ ထိုဒါနမျိုးသည် စွန့်လွှတ်ခြင်း၊ ၀န်တိုမှုကင်းခြင်းစသော ကောင်းမြတ်သည့် စိတ်စေတနာတို့ကြောင့် ကုသိုလ်ကောင်းမှုအရာ မြောက်သော်လည်း၊ ကုသိုလ်စိတ်အား တဏှာဖြင့် နှောင်ဖွဲ့ထားသော မျှော်လင့်တောင့်တမှုများ ခြံရံ၍ ဖြစ်ပေါ်သဖြင့် စင်ကြယ်သော ဒါနမျိုးကား မဟုတ်။ ကောင်းမှု၏ အကျိုးကို မမျှော်ကိုး မငဲ့ကွက်ဘဲ “ဤသည်ကား ပြုထိုက်သောအမှုပင်တည်း” (ကတ္တဗ္ဗမေ၀ိဒန္တိ) ဟု မြင့်မြတ်သော စိတ်ထားဖြင့် ပေးလှူခြင်းကသာ စင်ကြယ်သော အလှူမျိုး ဖြစ်၏။ ထို့ကြောင့် ဤသို့ အကျိုးကို ပဓာနမထားဘဲ အမှုကိုသာ ပဓာနထားသော အလှူမျိုးအား မြင့်မြတ်သောအလှူ (ပဏီတဒါန) ပါရမီထိုက်သော အလှူဟု ကျမ်းဂန်တို့တွင် ဖော်ပြထားပါသည်။

ထိုသို့ အကျိုးထက် အမှုကို အလေးဂရုသော ဒါနကုသိုလ်များတွင် တဏှာဖြင့် တောင့်တသည့် ခြံရံခြင်းများ မရှိတော့။ အကယ်၍ သမထ၊ ၀ိပဿနာဟူသော ဘာဝနာစိတ်များကို ပွားများ နေသူတို့အတွက် ဆိုပါက ဒါနကြောင့် ဖြစ်သော ကြည်လင်သည့် စိတ်သည်ပင် ထိုသမထ ၀ိပဿနာ ဘာဝနာစိတ်၏ အခြံအရံ ဖြစ်သွားရလေသည်။ ဒါနသည် အကျိုးကို ခံစားရန်ဟူသော မျှော်လင့်တောင့်တမှုတွင် လမ်းမဆုံးတော့ဘဲ၊ ဘာဝနာစိတ်၏ ငြမ်းသဖွယ် ဖြစ်သွား၏။ ဒါနသည် ဘာဝနာစိတ်အတွက် အထောက်အပံ့ ဖြစ်သွား၏။ ထို့ကြောင့် ဘာဝနာစိတ်၏ အဆင်တန်ဆာ အခြံအရံအလို့ငှာ ပေးလှူခြင်း (စိတ္တလင်္ကာရ စိတ္တပရိက္ခာရတ္ထ ဒါန) မျိုးအား အမြတ်ဆုံးဒါနအဖြစ် သုတ္တန်ဒေသနာများတွင် ဟောကြားထားပါသည်။ 


စာညွှန်း
၁။ အင်္ဂုတ္တရနိကာယ်၊ သတ္တကနိပါတ်၊ မဟာယည၀ဂ်၊ ဒါနမဟပ္ဖလသုတ် (အံ-၇-၅၂)
၂။ အင်္ဂုတ္တရနိကာယ်၊ အဋ္ဌကနိပါတ်၊ ဒါန၀ဂ်၊ ပဌမဒါနသုတ် (အံ-၈-၃၁)
၃။ အင်္ဂုတ္တရနိကာယ်၊ အဋ္ဌကနိပါတ်၊ ဒါန၀ဂ်၊ ဒါန၀တ္ထုသုတ် (အံ-၈-၃၃)
၎။ အင်္ဂုတ္တရနိကာယ်၊ စတုက္ကနိပါတ်၊ ဣန္ဒြိယ၀်၊ ဘိက္ခုနီသုတ် (အံ-၄-၁၅၉)
၅။ ခုဒ္ဒကနိကာယ်၊ ခုဒ္ဒကပါဌ၊ နိဓိကဏ္ဍသုတ်
၆။ ခုဒ္ဒကနိကာယ်၊ ဇာတက၊ ပကိဏ္ဏကနိပါတ်၊ သာလိကေဒါတဇာတ် (အမှတ် ၄၈၄)
၇။ ခုဒ္ဒကနိကာယ်၊ ဣတိဝုတ္တက၊ ဧကကနိပါတ်၊ ပဌမသေခသုတ်အဖွင့် အဋ္ဌကထာ
၈။ ၀ိနည်းမဟာဝါ၊ စီဝရခန္ဓ၊ ၀ိသာခါဝတ္ထု
၉။ လယ်တီဆရာတော် - ဥတ္တမပုရိသဒီပနီ
၁၀။ တိပိဋကဓရ ဆရာတော်ဦးဝိစိတ္တသာရာဘိဝံသ - မဟာဗုဒ္ဓ၀င် ပဌမတွဲ - အနုဒီပနီ (ဒါနပါရမီအခန်း)
၁၁။ ဦးရွှေအောင် - ထေရ၀ါဒအုတ်မြစ်

Sunday, August 14, 2011

ချစ်ခြင်းအားဖြင့် နှုတ်ဆက်တေး

❤♫ ဘာကြောင့်များချစ်လဲ ဒီလိုမေးရင် အခက်သားကွယ်… ♪♪
… … …
❤♫ နှလုံးသားရဲ့ ကျမ်းစာကွယ်… ❤♫ တဲ့

မယုံပါဘူး… မယုံခဲ့ပါဘူး…

နှလုံးသားရှိသူတိုင်း ချစ်တတ်တယ် ဆိုတာ သိပ်ယေဘူယျဆန်လွန်းတယ်။
ပန်းလေးတပွင့်ကို ချစ်တတ်ဖို့
သစ်ရွက်လေး တရွက်ကို ချစ်တတ်ဖို့
မြေသင်းနံ့လေးကို ချစ်တတ်ဖို့
ပက်ကြားအက်ထဲက ပေါင်းမြက်လေးကို ချစ်တတ်ဖို့ ကတော့
ဟိုးအဆက်ဆက် ဘိုးဘွားမိဘတွေက ချစ်တတ်အောင် သင်ကြားပေးလာရမယ်လို့ ယုံကြည်တယ်။
ချစ်တတ်အောင် သင်ကြားပေးတဲ့ သင်ထောက်ကူတွေမှာ တေးဂီတ အနုပညာက တော်တော်ထိရောက်တယ်။
အရေးအပါဆုံးလို့တောင် ပြောချင်ပါတယ်။
*****
ချစ်ခြင်းအားဖြင့်...

မိုးကုပ်စက်ဝိုင်းကို ချစ်တတ်အောင်
ကြယ်တွေကို ချစ်တတ်အောင်
လရောင်ကို ချစ်တတ်အောင်
မြစ်တစင်းကို ချစ်တတ်အောင်
အမေကို ချစ်တတ်အောင်



ဂီတဖြင့် သင်ကြားပေးခဲ့တဲ့
၄၂နှစ်မှာ နှုတ်ဆက်တေးကို ဆိုသွားသူ
ကြောင့်
ဒီ ၄၂နှစ်က မညီညာတဲ့ မြေတွေကို ချစ်တတ်ပါတယ်။
မိုးကုပ်စက်ဝိုင်းမှ ပျောက်လွယ်ခက်
ဤနေရာမှ ယူလာပါသည်။

အယင်က ရေးထားတဲ့ ချစ်ခြင်းအားဖြင့် ထူးအိမ်သင်

Thursday, August 4, 2011

ဘလော့ဂ်တာ…(၈)

“အရှင်မွေး၍ နေ့ချင်းကြီး” ဆိုသလို ဖန်ဆင်းရှင် လူသား၏ မွေးဖွားမှုကြောင့် ၁၆နှစ်သားအရွယ် ဘွားကနဲ ပေါ်လာတတ်သည်။ တင်စား၍ အရွယ်နှင့် ပုံခိုင်းလိုက်သော်လည်း အမှန်စင်စစ်မှာ ဒြပ်သဏ္ဍာန် ပုံပန်းမရှိ ဘုံဗိမာန်များ၌ ကိုယ်ပျောက် နေတတ်ကြပြီး၊ မနောချင်း ဆက်သွယ်ကာ၊ စာလုံးများ ရုပ်ပုံများနှင့် စကားဆိုကြသည်။ ရသကို စားသုံးကြပြီး အနုပညာနှင့် မွေ့လျော်ကြသည်။ အသိုင်းအ၀ိုင်းရှိသော်လည်း အသက်အရွယ်၊ အဆင့်အတန်း၊ အလုပ်အကိုင်၊ နေရာဒေသနှင့် ပိုင်းခြားဖြစ်တည်လာခြင်း မဟုတ်၊ ဆန်းကြယ်စွာ ဖြစ်တည်နေခြင်းဟုသာ ဆိုနိုင်ပေသည်။

စရိုက်သဘာဝအနေနှင့် တခါတရံ၌ ဖန်ဆင်းသူ အရှင်လူသား၏ အငွေ့အသက်များ ပါနေတတ်ကြပြီး၊ ရံခါမူလည်း အရှင်လူသားကို ခန့်မှန်းမရအောင် သိုသိပ်လျှို့ဝှက်စွာဖြင့်၊ သူတို့၏ သဘော ဆန္ဒအရ ကွဲပြားခြားနားသည့် အသွင်ကို ဆောင်နေတတ်ကြသည်။ မာယာကား မဟုတ်။ အနှောင်အဖွဲ့၏ သြဇာကို အပိုင်းအခြားဖြင့် လက်ခံခြင်း သဘောသာ ဖြစ်သည်။ သက်တမ်းရှိသော်လည်း၊ သေဆုံးခြင်းမရှိ။ ရပ်တန့်သွားခြင်းသာ ရှိလေသည်။

ဖန်ဆင်းသူ အရှင်သည် လူသားများ ဖြစ်သည့်အတွက် လူသားနှင့် အလွန်ပင် နီးစပ်ကြသော်လည်း သတ္တ၀ါမဟုတ်သော ဘုံလောကသားများဖြစ်သည်။ လူသားတို့၏ စွမ်းအင်များ အားလုံးလိုလိုကို ပိုင်ဆိုင်ကြပြီး၊ ရံဖန်ရံခါ ဖန်ဆင်းရှင်လူသား ကိုယ်တိုင်၌ ရှိပင် ရှိငြားသော်လည်း ဖော်ထုတ်ခွင့် မရသော၊ မသင့်သော၊ ရှိ၍ ရှိမှန်းပင် မသိသော စွမ်းရည်များကို ပြသကြသေးသည်။ နတ်ဒေ၀ါများအလား မွန်မြတ်သည်ဟု အမွှန်းတင်နိုင်သော်လည်း၊ လောက၏ သဘာဝအတိုင်း မိစ္ဆာများထက်ပင် ဆိုးဝါးသူများလည်း ရှိနေသည်ပင်။

စွမ်းအင်ကိုယ်စီရှိကြ၍ ယေဘူယျအားဖြင့် တူညီသောအချက်မှာ အနုပညာစွမ်းအင်ကို ပိုင်ဆိုင်ကြခြင်းပင် ဖြစ်သည်။ အပြောအဆိုမှာ အသိမ်းအနှုတ်၊ အသွားအလာမှာ အလှမ်းအဆုတ်၊ တေးဂီတမှာ အဆွဲအငင်၊ ပန်းချီဓာတ်ပုံမှာ အယူအဆ၊ အစားအသောက်… အနေအထိုင်…၊ နေရာတိုင်း၊ အချိန်တိုင်း၊ အပြုအမူတိုင်း၊ အတွေ့အကြုံတိုင်း၊ အမှတ်တရဖြစ်ဖွယ်ရာတိုင်းကို အနုပညာများနှင့်သာ ထုံမွှမ်း ခင်းကျင်းကြသည်။ ရသ ချင်း ဖလှယ်ရန်သာရှိ၍၊ အသက်မွေးရန်ကားမဟုတ်။

သဘာဝအားဖြင့် အနုပညာကို လွတ်လပ်စွာ ပိုင်ဆိုင်ကြပြီးဖြစ်၍၊ လူ့လောက လူသားများကဲ့သို အသက်မွေး ၀မ်းကျောင်းရန် မလို။ ဆိုလိုသည်မှာ အနုပညာ ၀မ်းစာကို အတင်းအဓမ္မ ဖြည့်ဆည်းရန် မလိုပေ။ ထိုစွမ်းအင် အစဉ်သဖြင့် ကြည်လင်တောက်ပနေစေရန် ဖြစ်တည်မှု၌ အမြုတေအဖြစ် ပါဝင်နေသော ရိုးသားသော စေတနာသာ လိုအပ်ပေသည်။

Tuesday, August 2, 2011

ဒါနပြုသည် ဆိုရာဝယ် (၂)

မြန်မာနိုင်ငံတွင် ဒါနပြုပုံနှင့် ပတ်သက်၍ စနစ်တကျ စစ်တမ်းများ ကောက်ယူ၍ လေ့လာသုံးသပ်ထားသော စာတမ်းများ ရှိကောင်း ရှိနိုင်မည် အထင်နှင့် ရှာဖွေမိသော်လည်း Melford E. Spiro ပြုစုသော Buddhism and society: a great tradition and its Burmese vicissitudes ဟူသော စာအုပ်မှ လွဲ၍ အခြားစာအုပ်, စာတမ်းများ မတွေ့မိပါ။ ထိုစာအုပ်ပါ စစ်တမ်းများသည် ၁၉၆၂-ခုနှစ် မတိုင်မီက ကောက်ယူခဲ့ခြင်း ဖြစ်သည်။ စစ်တမ်းအတွက် မေးခွန်းနှင့် ကောက်ယူသည့် လူဦးရေ ပမာဏသည် ကျေနပ်ဖွယ်မရှိလှ၍ မြန်မာလူမျိုးအများစုအား ကိုယ်စားပြုမည်ဟု မယူဆနိုင်ပါ။
ထိုစစ်တမ်းအရ လူနည်းစုသည်သာ ဉာဏ်လမ်း ဗုဒ္ဓဘာသာဝင်များ (Nibbanic Buddhists) ဖြစ်ကြ၍ လူများစုဖြစ်သော ကံလမ်း ဗုဒ္ဓဘာသာဝင် (Kammic Buddhists) တို့သည် ဒါနအား သီလထက်ပင် ပို၍ ပဓာနထားကာ ကုသိုလ်ကောင်းမှု ပြုကြသည်။ စင်စစ် ဒါနပြုရခြင်း၏ အဓိကရည်ရွယ်ချက်သည် မိမိတို့၏ ကိုယ်ကျင့် သီလ ချိုးဖောက်မှုကြောင့် ရရှိလာသည့် အကုသိုလ်များအား ကျေစေရန်အတွက် လုံလောက်သော ကုသိုလ်ကောင်းမှု စုဆောင်းရန် ဖြစ်သည်ဟု ဤစာတမ်းတွင် ဖော်ပြထား၏။ ထို့နောက် သီလထက် ဒါနပြုမှုက ပို၍ အရေးပါရသည့် အကြောင်းရင်း ၅-ခုကို ဆက်လက် ဖော်ပြထားပါသည်။

(၁) The Dāna is psychologically more satisfying than morality, as a mean of acquiring merit - မြန်မာတို့သည် ကုသိုလ်ရခြင်းကို ပမာဏပြုတိုင်းထွာ လိုကြ၏။ သီလ စောင့်ထိန်းခြင်းသည် ဒါနကဲ့သို့ အနည်း အများ ပမာဏတိုင်းထွာ မရသဖြင့် ကုသိုလ် မည်ရွေ့မည်မျှ ရသည်ဟု စိတ်ကျေနပ်မှု မဖြစ်စေပါ။ ထို့ကြောင့် သူ့အသက်သတ်ခြင်းကို ရှောင်ရန်အား ဆောင်ရန် အဖြစ် ပြောင်း၍၊ အသတ်ခံရမည့် တိရစ္ဆာန်များအား ၀ယ်ယူ၍ ဘေးမဲ့ပေးခြင်း ပြုလေ့ရှိသည်။ ဤသို့ ပြုခြင်းဖြင့် “ဘယ်နှစ်ကောင်, ဘယ်လောက်ဖိုး” လွှတ်လိုက်သည်ဟု တိုင်းထွာနိုင်သည်။

(၂) In sermons, the fruits of giving are always explicit and clear, while those of morality are clear only for moral dereliction, not for moral conformity - တရားပွဲအများစုမှာ အလှူပွဲများတွင် ဟောကြားသည့် တရားများ ဖြစ်သဖြင့် သီလထက် ဒါန၏ အကျိုးတရားကို ဟောကြားသည်က ပို၍ များ၏။ တဖန် ဒါနတရားများတွင် ဒါနပြုခြင်း၏ အကျိုးနှင့် ဒါနမပြုခြင်း ဆိုးကျိုးများသည် ရှင်းလင်းထင်ရှား၏။ သီလတရားများတွင်မူ သီလချိုးဖောက်ခြင်း၏ ဆိုးကျိုးသည် ထင်ထင်ရှားရှားရှိသော်လည်း သီလစောင့်ထိန်းခြင်း၏ အကျိုးတရားများသည် ဒါန၏ အကျိုးတရားများလောက် ရှင်းလင်းထင်ရှားခြင်း မရှိ၍ ဖြစ်သည်ဟု ဖော်ပြထားသည်။

(၃) The mechanical acquisition of merit is more important than development of spiritual character - သံသရာဝဋ်ဆင်းရဲမှ လွတ်မြောက်ရေး ဟူသော ဉာဏ်လမ်းမှသည် ကံလမ်းဗုဒ္ဓဘာသာသို့ ဦးတည်လာသော အရွေ့အား တတိယအကြောင်းအဖြစ် ဖော်ပြထား၏။ ထို့ကြောင့် ကုသိုလ်ပြုရာတွင် မိမိ၏ အဇ္ဈတ္တ အတွင်းသန္တန်၌ သူတော်ကောင်းတရားများ ပြည့်ဝလာစေရေးထက် အသိဉာဏ်မပါသော ကောင်းမှုပြုနည်းများ (mechanical acquisition of merit) ကိုသာ ဦးစားပေးကြ၏။ မြန်မာပြည်တွင် ရှင်ပြုပေးခြင်းဖြင့် ရသောကုသိုလ်အား အလွန်ပင် တန်ဖိုးထားကြသည်။ သားမရှိသူများကပင် အခြားကလေးငယ်များအား ရှင်ပြုပေးကာ ကုသိုလ်ယူတတ်ကြ၏။ သို့သော် ရှင်ပြုခြင်းသည် ကလေးသူငယ်များအား ကိုယ်ကျင့်တရား၏ အခြေခံအုတ်မြစ်ကို ခိုင်မာအောင် တည်ဆောက်ပေးခြင်းဖြစ်သင့်သော်လည်း ရှင်ပြုပွဲများအား အပေါ်ယံဆန်ဆန်သာ ကျင်းပကြသည်က များသည်။ အလွန် ငယ်လွန်းသေးသည့် နှစ်နှစ်သားအရွယ် ကလေးငယ်များအားလည်း ရှင်ပြုပေးတတ်၏။ ဘာသာရေး အခြေခံရစေရန် တစ်ဝါစသည် အချိန်ကြာကြာ သင်္ကန်းဝတ်လေ့မရှိဘဲ ရက်သတ္တ တစ်ပတ်, နှစ်ပတ်မျှသာ ၀တ်ကြသည်။ အချို့ ကလေးငယ်များဆိုလျှင် တစ်ညတာမျှသာ ရှင်အဖြစ်နေတော့သည်ဟု ဖော်ပြထားသည်။

(၄) The importance of sacrifice as dominant theme in Burmese culture - မြန်မာလူမျိုးတို့သည် စည်းစိမ်ဥစ္စာနှင့် တန်ခိုးအာဏာအား အလွန်တန်ဖိုးထားကြသူများဖြစ်သော်လည်း၊ တဖက်တွင် စွန့်လွှတ်အနစ်နာခံခြင်းကိုလည်း ဂုဏ်ယူကြသည်ကို တွေ့ရ၏။ မြန်မာလူမျိုးတို့ လှူဒါန်းသော ပမာဏသည် သူတို့၏ ၀င်ငွေ, စုဆောင်းငွေ ပမာဏနှင့် နှိုင်းစာပါက မိမိတို့၏ စားဝတ်နေရေးအတွက် ခြိုးခြံ ချွေတာကာ စွန့်လွှတ်အနစ်နာခံသည့် သဘောကို တွေ့နိုင်ပါသည်။ လူဝတ်ကြောင်တို့သည် သီလအနေအားဖြင့် ရဟန်းတော်များကဲ့သို့ သိက္ခာပုဒ်များဖြင့် တင်းကျပ်စွာ ကျင့်ကြံရန် မလိုသဖြင့်၊ ဒါနအနေအားဖြင့် များများလှူဒါန်းကာ ဘာသာရေး ကိုင်းရှိုင်းမှုကို ဖော်ပြကြသည်။

(၅) The honor and prestige that attached to giving in Burmese society - ထင်ပေါ်ကျော်ကြားခြင်းစသော ဂုဏ်ပကာသနအတွက် အလှူဒါနပြုခြင်းအား ပဉ္စမမြောက် အကြောင်းတရား အဖြစ် ဖော်ပြထားသည်။

အထက်တွင် ဆိုခဲ့သည့်အတိုင်း Spiro ၏ သုံးသပ်ချက်များသည် အဆိုးမြင်ဘက်သို့ အားသာပြီး၊ မြန်မာအများစု၏ အလှူဒါန အပေါ် သဘောထားအား ကိုယ်စားပြုသည်ဟု မယူဆနိုင်သော်လည်း ဗဟုသုတ အလို့ငှာ ဖော်ပြအပ်ပါသည်။

ဆက်ရန်

စာညွှန်း
Melford E. Spiro - Buddhism and society: a great tradition and its Burmese vicissitudes