Sunday, January 20, 2013

မိခင်ဖြစ်သော ကျမ

မေမေနဲ့ ဖေဖေ နှစ်ယောက်တဘ၀ထူထောင်တော့ one room one hall အိမ်ခန်းလေးငှားပြီး နေကြတယ်။ မေမေက အသက် ၂၇… ဖေဖေက အသက် ၂၉ ဆိုတော့ သားသားမီးမီးလေးတွေ လာဖို့ သင့်တော်နေပြီဖြစ်တဲ့ အရွယ်မို့ ဘာတားဆေးမှ မသုံးခဲ့ကြပါဘူး။ မကြာပါဘူး ကလေးလေးတယောက် မေမေ့ဗိုက်ထဲရောက်လာတယ်ပေါ့။ မေမေက ငယ်ငယ်ကတည်းက ကျန်းမာရေး ဒေါင်ဒေါင်မမြည်တော့ ၀မ်းကြီးနာ ဆွဲပါလေရော…။ နေ့လည်း အန်... ညလည်းအန်… တနေ့လုံးအန်။ မေမေ့ အလုပ်က ထွက်ထားပြီးသားဖြစ်နေလို့ အလုပ်သွားစရာတော့ မလိုတော့ဘူး။ ဘာမှလည်း မစားနိုင်တော့ဘူး။ ထမင်းအိုးဆူလာရင် ထွက်တဲ့အနံ့တောင် မခံနိုင်ဘူး။ အဲ့ဒီအနံ့ကို စိတ်ထဲက တွေးပြီးတော့တောင် အန်တာပဲ။ လက်ဖက်အသားလေးနဲ့ ထမင်းဖြူနဲ့ စားတယ်။ အာလူးကြော်လေးနဲ့ စားတယ်။ ဘယ်လာ အာဟာရ ပြည့်စုံမှာလဲ။ ဖေဖေလည်း ရုံးက ပြန်လာရင် ကောင်းနိုးရာရာလေးတွေ ၀ယ်လာရှာပါတယ်။ ဘာဝယ်လာလာ မစားနိုင်ပါဘူး။ ဘာတွေ ၀ယ်လာတာလဲ လို့ မေမေက ဖေဖေ့ကိုရန်လုပ်။ မေမေစားတဲ့ လက်ဖက်အသားလေး ကုန်သွားလို့ ဖေဖေက ပင်နီဆူလာသွားပြီး ၀ယ်ပေးပါတယ်။ အခြားဟိုဟာ ဒီဟာလေးတွေလည်း စားဝင်နိုးနိုး ၀ယ်လာတာပေါ့။ အဲ့ဒီအချိန် ပင်နီဆူလာက ကုန်စည် စီးဆင်းမှုက အခုလောက် မမြန်ဆန်သေးတော့ ဖေဖေ ၀ယ်လာတဲ့ဟာတွေက မှိုတက် ဒိတ်အောက် ဘာမှ စားမရ ဖြစ်ပြန်တယ်။ မှတ်မှတ်ယယ ဖေဖေ့သူငယ်ချင်း သားတို့ အန်တီခိုင် က ကြက်သားပေါင်းလေးချက်ပြီး ဘူးလေးနဲ့ ပေးလိုက်တာ… အဲ့ဒီဟင်းလေးနဲ့ မေမေ ထမင်းစားဝင် လိုက်တာ… အားကို ပြည့်သွားသလို ခံစားခဲ့ရတယ်။
ဒီလို တပိန်ပိန် တလိမ်လိမ်နဲ့ နေလာရင်း… ရေချိုးခန်းထဲမှာ အ၀တ်လျော်ရင်း စလစ်ဖြစ်ပြီး ဖင်ထိုင်ရက်လေး လဲတယ်။ မေမေတို့ ငှားနေတဲ့ အိမ်မှာက အ၀တ်လျှော်စက် မရှိဘူး။ နှစ်ယောက်တည်းရဲ့ အ၀တ်အစား ဘာရှိတာမှတ်လို့ မေမေ ရေချိုးရင်း ဒီလိုပဲ လျှော်လိုက်တာပဲ။ အဲ..အဲ.. လဲပြီး မကြာဘူး… မေမေ သွေးဆင်းလာလို့ ဆေးခန်းပြေးရရော…။ Ultrasound ရိုက်ဖို့ Jurong East က ဆေးခန်းတခုကို လွှတ်တယ်။ ဖေဖေ့သူငယ်ချင်း အန်တီခိုင် ပဲ လိုက်ပို့တယ်။ ရေများများသောက်မှ Ultrasound က ကောင်းကောင်းပေါ်မှာ ဆိုလို့ အန်တီခိုင် က ဆေးခန်းဘေး ကုန်စုံဆိုင်က နှစ်လီတာ ရေပုလင်းကြီး ၀ယ်ပြီး မေမေကို အတင်းသောက်ခိုင်းတာပဲ။ ရေသောက်ပြီး ရှူးမပေါက်ရဘူး…။ မေမေမှာ မျက်နှာငယ်လေးနဲ့ ကျိတ်မှိတ်သောက်ခဲ့ရတာ…။ Ultrasound ရိုက်ပြီး သိရတာ..တော်သေးတယ် ကလေးက ဘာမှ မဖြစ်လို့…။ သတိထားပြီး နေဖို့တော့ ဆရာဝန်က မှာလိုက်တယ်။
ဒါနဲ့ ဖေဖေလည်း မေမေ့ကို သူရုံးသွားနေတုန်း တယောက်တည်း ထားခဲ့လို့ မဖြစ်ဘူးဆိုပြီး မေမေတို့ အိမ်ပြောင်းကြတယ်။ မေမေ အိမ်ထောင်မကျခင်က အတူနေခဲ့တဲ့ မိသားစုနဲ့ အတူ ပြန်နေဖို့ပါပဲ။ ဟိုမိသားစုကလည်း ၀မ်းမြောက်ဝမ်းသာ ကြိုဆိုကြတယ်။ ဖေဖေလည်း ရုံးသွားရင် အဲ့ဒီအိမ်က ဦးဦးရဲ့ ရုံးကားနဲ့ အကြုံလိုက်ရင်း သက်တောင့်သက်သာ သွားရတယ်။ အဲ့ဒီ ရုံးကားလေးက မေမေတို့နဲ့ တိုက်ရိုက်မပတ်သက်ပေမဲ့၊ မေမေတို့ဘ၀ရဲ့ အမှတ်တယတွေထဲမှာ သူပါဝင်ခဲ့တယ်။ ဖေဖေလူပျိုဘ၀ သူငယ်ချင်းတွေနဲ့ စုနေတဲ့ အိမ်ကနေ မေမေနဲ့ နှစ်ယောက်နေဖို့ အိမ်ပြောင်းလာတော့ အဲ့ဒီကားလေးနဲ့ ကူပြောင်းပေးတာပေါ့။ ဖေဖေပိုင်ဆိုင်တဲ့ တပိုင်တနိုင် ပစ္စည်းလေးတွေအပြင် အိုးသစ်အိမ်သစ် ထူထောင်မည့် ဖေဖေ့ကို သူ့အခန်းဖော် သူငယ်ချင်းတွေက ရေနွေးအိုးကအစ မကျန်ရအောင် ၀ိုင်းဝန်းဖြည့်ဆည်းပေးလိုက်ကြတာ အဲ့ဒီကားလေးနဲ့ အပြည့်အသိပ်ပါပဲ။
ကိုယ်ဝန်လေးလမှာ ultrasound ရိုက်ပြန်တော့ သားသားလေးလား မီးမီးလေးလား သိရမယ်လေ…။ မေမေမှာ စိတ်လှုပ်ရှားလိုက်တာ…။ ဖေဖေက သားလေးပဲ လိုချင်တယ်တဲ့လေ။ သမီးလေးဆို သူစိတ်ပူတတ်ပုံနဲ့ နေစရာရှိမှာမဟုတ်ဘူး ပြောထားတော့ မေမေမှာ ultrasound ရိုက်ရင်း အဆက်မပြတ် ဆုတောင်းရတာ။ ရိုက်ပေးတဲ့သူက ဘာလေးလဲ နင်သိချင်တယ် မဟုတ်လားလို့ မေးပြီး…ယောက်ျာလေးလို့ ပြောလိုက်တော့။ အားကြီးတောင် မပျော်နိုင်တော့ဘူး… စိတ်မောပြီး ထူထုံနေလို့လေ။
မေမေလည်း စားနိုင်သောက်နိုင်ဖြစ်လာပါပြီ။ မေမေချင်ချင်းတက်ခဲ့တဲ့ အစာတွေကတော့ ဂရိတ်ဖရုသီး… တခါစားတထိုင်တည်း တလုံး… ဖေဖေ့ကို ဖဲ့ကျွေးရမှာ စိုးလို့ ကျောနဲ့ကာပြီး တဖက်လှည့်စားတာ။ နောက် ကြက်ကြော် တခါစားရင်…တကောင်။ နောက်ပြီး မေမေ လမ်းလည်း အများကြီးလျှောက်ဖြစ်တယ်။ မန္တလေးသား ဖြစ်ပြီး စက်ဘီးတောင် ကောင်းကောင်း မစီးတတ်တဲ့ ဖေဖေက တပြနှစ်ပြသုံးလေးပြ လမ်းချည်း လျှောက်ပစ်လိုက်တဲ့ အမျိုးဆိုတော့… လျှောက်သလားမမေးနဲ့။ ဟိုဟိုဒီဒီသွားစရာရှိရင် ခြေလျင်သာ လျှောက်တော့တာပဲ။ မေမေကလည်း ဖေဖေနဲ့ဆို လျှောက်ပြီးသားမို့ ဘာပြောကောင်းမလဲ ဗိုက်ချွန်ချွန်ကြီးက အောက်ဆိုက်ဆိုက်လာပြီး လမစေ့သေးပဲ ဗိုက်နာတော့တာပဲ။
အဲ့ဒီနေ့ ညနေစာကို ကုလားပဲဟင်းနဲ့ စားပြီး တအောင့်နေ ဗိုက်နာလာတာဆိုတော့… ၀မ်းမကောင်းလို့ပဲ ဗိုက်နာတာလား…မွေးချင်လို့ပဲ နာတာလား…ဝေခွဲမရပဲ ဆေးရုံသွားခဲ့ကြတယ်။ အိမ်ကဦးဦးကပဲ အဲ့ဟိုကားလေးနဲ့ ဆေးရုံလိုက်ပို့တာပေ့ါ။ လမ်းခုလတ် အဝေးပြေးလမ်းကြီးမှ အန်ချင်ပြန်လို့ လမ်းဘေးခဏ ရပ်ကြရပြန်တယ်။ နောက်ဆေးရုံရောက်တော့ ကုလားထိုင်မှာ ဗိုက်ပတ်ကြီး ပတ်ပေးထားပြီး…contraction ကို တိုင်းတယ်။ contraction က မွေးမည့်အတိုင်း တိုးနေပြီတဲ့..။ ကိုယ်ဝန်က ၃၄ပတ်ပဲ ရှိသေးတယ်။ အဲ့ဒါနဲ့ ကုတင်ပေါ်မှာ ငြိမ်နေပြီး ၂၄နာရီ ဆေးသွင်းတယ်။ နောက် မနက်တခြမ်း ညတခြမ်း သောက်ဖို့ နှစ်ပတ်စာ သောက်ဆေး ပေးလိုက်ပြီး အိမ်ပြန်ခဲ့ကြရတယ်။
ဆေးသောက်တာ နှစ်ပတ်အတိပြည့်ပြီး ညဖက်လိုဆေးကုန်တယ်… မနက်ဖက်မှာ အစောကြီး ရေမွှာပေါက်လို့ ဆေးရုံပြေးခဲ့ကြရရော…။ ဗိုက်က အနာ တဖြေးဖြေး စိတ်လာတယ်။ ဗိုက်နာလာရင် ပုရွက်ဆိတ်ကိုက်တာတောင် ဆတ်ဆတ်ထိ မခံတဲ့ မေမေက ရှုံမဲ့နေတော့တာပေါ့။ laughing gas ဆိုတာလည်း မရှူတတ်ဘူး။ သူနာပြုဆရာမကြီးက တော်ရှာပါတယ်။ နင့်အမေတောင် ခုနစ်ယောက် မွေးလာတာ..နင်လည်း ဘာလို့ မမွေးနိုင်ရမလဲလို့ မေမေကို အားပေးတယ်…။
မေ့ဆေးဆရာဝန်နဲ့ Epidural တင်ဖို့ လက်မှတ်ထိုး… ခါးထဲကို ဆေးသွင်းပြီး နောက်တော့ လျောလျောရှူရှူပဲ မွေးပါတယ်။ မွေးကင်းစ သားသားလေးကို သန့်ရှင်းရေးလုပ်ပေးနေတဲ့ ဆရာမကြီးကို ရှူရှူနဲ့ ပန်းလိုက်လို့ တခန်းလုံး ၀ါးကနဲ ရယ်ကြရသေးတယ်။ ဆရာမကြီးက သားသားကို high nose…high nose နဲ့ လှလို့တဲ့။

*****
ဒီအပိုင်းက စပြီး မိဘတယောက်ဖြစ်လာပြီ ဖြစ်တဲ့ မေမေရဲ့ လိုအပ်ချက်လေးတွေကိုပဲ ရွေးထုတ်ရေးသွားပါတော့မယ်။ ဆေးရုံက ဆင်းလာတဲ့ သားသားလေးမှာ အနှီးတထည်မှ မရှိသေးဘူး။ အိမ်ကိုကလေးလာကြည့်တဲ့ ဖေဖေ့သူငယ်ချင်းတွေထဲက အန်တီထွေး က ဖေဖေ့ကချင်ပုဆိုးကို ကမန်းကတန်း မီးပူတိုက်တယ်။ ကလေး အနှီးထုတ်ဖို့လေ…။ အဲ့ဒီအချိန်မှာ အိမ်က အန်တီမော်က သူ့ရဲ့ လေးနှစ်သမီးငယ်လေး မွေးစကနေသုံးလာတဲ့ အခုလည်း ရေချိုးပြီးရင် ပတ်တဲ့ အနှီးကို လျှော်ထားတာပါ ဆိုပြီး ကမန်းကတန်း ယူလာတယ်။ "သုံးလေးထည်ပါတဲ့ တထုတ်လုံးမှ ဘယ်လောက်မှမပေးရတဲ့ အနှီးကို ကြိုတင်ဝယ်မထားဘူး… သီတာတို့ကတော့ လုပ်မယ်" ဆိုပြီး မေမေ့ကို နည်းနည်းဆူတာပေါ့။ မွေးဖွားပြီးမေမေ့ကို ပြုစုဖို့ ရန်ကုန်ကနေ အန်တီကေလာရင် ဖွားဖွားကြီးထည့်ပေးလိုက်တဲ့ အနှီးတွေ ယူလာမှာလေ…။ အဲ့ဒါကြောင့် မေမေက ပေကပ်ပြီး ဒီမှာ မ၀ယ်တာ။ သားသားက စောရောက်လာပြီး အန်တီကေက ဒီကို ရောက်မလာသေးတော့ သားကို အနှီးလေးနဲ့ ထွေးပြီး ဆီးမကြိုနိုင်ဖြစ်သွားရတာပါ။ နောက်ပြီး ဒီက အနှီးစနဲ့ မြန်မာပြည်မှာ သုံးကြတဲ့ အနှီးစတွေက အသား မတူဘူး… ဒီက အနှီးက ပိုကောင်းတယ်တဲ့။ ဟုတ်ပါတယ်…။ ဒါပေမဲ့ ဖွားဖွားကိုယ်တိုင် သူသိမ်းဆည်းထားတဲ့ ပိတ်အုပ်ကြီးကနေ သားသားထွေးဖို့ စိတ်တိုင်းကြ ပိုင်းဖြတ်ပေးလိုက်တဲ့ အနှီးစကြီးတွေထက်တော့ ဘယ်လိုမှ ပိုမကောင်းနိုင်ဘူးလို့ စိတ်ပိုင်းဖြတ်ထားတဲ့ မေမေက ကပ်ပြီဟေ့ ဆိုရင်… အဲ့လို ကပ်တာ။
အန်တီကေ ရောက်လာပြီး အိမ်ခန်းလေးထဲမှာ တယောက်အိပ်ကုတင်ရယ်… နှစ်ယောက်အိပ်ကုတင်ရယ်…ဖေဖေ့ စာကြည့်စားပွဲရယ်နဲ့ ပြည့်ညက်နေတာပဲ။ သားသားလေးအတွက် အိပ်ယာနေရာကုတင်…။ ဟဲဟဲ..မေမေ ၀ယ်မထားပါဘူး။ သားသားဘယ်လို အိပ်ခဲ့ရလည်းသိလား။ သားသားမမွေးခင်ကတည်းက အသိအမတယောက်က သူ့သားလေး ငယ်ငယ်က သုံးခဲ့တဲ့ ကလေး လက်တွန်းလှည်းကို ပေးတယ်။ မေမေကလည်း မယူချင်ဘူးလို့ ငြင်းရမှာ အားနာတာနဲ့ ယူထားလိုက်တယ်။ စေတနာနဲ့ ပေးတာကို လက်ခံနိုင်တဲ့ စွမ်းရည် ရှိရမယ် မဟုတ်လား။ သက်ဦးကလေးကို အားလုံး အသစ် အသစ် အညွတ်အဖူးတွေနဲ့ပဲ ပြည့်စုံစေရမယ်ဆိုတဲ့ အယူအဆတွေလည်း မေမေမစွဲချင်ဘူး။ ည ည ဆိုသားက အဲ့ဒီ လက်တွန်းလှည်းလေးထဲမှာ အိပ်ရတယ်။ အဲယားကွန်း..ဟင့်အင်း မရှိပါဘူး။ သဘာဝလေနဲ့ နေတတ်အောင် နေပါသားရယ်။ နောက်ပိုင်း တခါတလေ စကားစပ်မိရင်တော့ ဖေဖေက ပြောတယ်… မတတ်နိုင်တာလည်း မဟုတ်ပဲနဲ့ သူ့သားကို သီတာ့ ဆုံးဖြတ်ချက်တွေနဲ့ မပြည့်မစုံ ထားခဲ့ရတာကို တစက်မှ စိတ်မကောင်းဘူးတဲ့…။
သားသားက မအေနို့ကို တိုက်ရိုက်မစို့တတ်ဘူး။ မေမေကလည်း မတိုက်တတ်ဘူး။ ဒီတော့ မေမေ့ဆီက ချိုချိုကို ပြွန်ကြီးနဲ့ စုတ်ပြီးမှ သားသားကို တိုက်ရတယ်။ မိခင်နို့ဟာ ကလေးအတွက်အကောင်းဆုံးဖြစ်ပေမဲ့ တခုခုကို မဖြစ် ဖြစ်အောင် လုပ်မယ်ဆိုတဲ့ ဇွဲမရှိပဲ ဖြစ်သလိုနဲ့ ပြီးလိုက်တတ်တဲ့ မေမေဟာ ကိုယ့်ရင်သွေးကိုတောင် ကိုယ့်နို့ရအောင်မတိုက်နိုင်ပဲ လွယ်လွယ်ကူကူ အရှုံးပေးပြီး နို့ဗူးပဲ တိုက်ခဲ့ပါတော့တယ်။ မနှစ်က မမစံ ကလေးမွေးတော့ နို့ရည်စုတ်တဲ့ ပြွန်ကို ပေးလိုက်မယ် လုပ်တော့ ဖေဖေက ခဏ ခဏ နေဦး ဆိုပြီး ဓာတ်ပုံရိုက်ယူထားသေးတယ်။ (နောက်သူ့မှာလည်း ရှိနေတာနဲ့ မပေးဖြစ်တော့ပါဘူး)။
အဆုပ်ထဲမှာ ချွဲတွေကို ယက်တင်တဲ့ အမွေးလေးတွေ မစုံလင်သေးပဲ စောမွေးခဲ့တဲ့သား… ရင်ဘတ်ထဲမှာ ချွဲတွေနဲ့ ခဏခဏ ဖျားတတ်တယ်။ Poly Clinic ကိုသွား nebulizer ရှူ ..အဲ့ဒီကနေမှ KK ဆေးရုံကို သွားရတယ်။ အဲ့ဒီအချိန်မှာ ဖေဖေတို့က EP status ပဲရှိသေးတာမို့၊ ဆေးရုံတက်ရင် ဈေးကြီးတာကြောင့် ဆရာဝန်တွေက သားကို ဆေးရုံတော့ မတက်ခိုင်းဘူး။ ဖေဖေရုံးပိတ်တဲ့ စနေ၊ တနင်္ဂနွေတွေဆို ဆေးရုံပြင်ပလူနာဌာနကို မနက် ၁၀နာရီလောက်က ရောက်ပြီး တနေ့လုံး ဆေးရုံမှာ သားကို nebulizer ရှူခိုင်းလိုက်၊ ဆရာဝန်က ချွဲတွေ ရှင်းသွားပြီလား နားကြပ်နဲ့ နားထောင်လိုက်.. အဖျားတွေ တက်လာပြန်ရင်… ရေချိုးပေးလိုက်နဲ့ ညနေစောင်းမှ အိမ်ပြန်ရတယ်။
သားသားတနှစ်ခွဲလောက်ကပေါ့ …ဖေဖေရုံးသွားနေချိန် သားအမိနှစ်ယောက်တည်းရှိတာ…တညနေတော့ အပြင်သွားဖို့ မေမေက သားကို အယင်ရေမိုးချိုးပေး အ၀တ်အစားတွေ အကျအန ၀တ်ပေးပြီး အိပ်ယာပေါ်ထားခဲ့ပြီး၊ ရေချိုးခန်းထဲဝင် မေမေရေချိုးတယ်။ မေမေရေချိူးခန်းထဲက ထွက်လာတော့ လား..လား…. သားကလေ ဟင်းချက်တဲ့ နှစ်လီတာ ဆီပုလင်းကြီးကို ဖွင့်ပြီး ကြမ်းပြင်ပေါ် မှောက်ချထားပြီး အဲ့ဒီ ဆီအိုင်ထဲ ပယ်ပယ်နယ်နယ် ထိုင်ကစားနေတာ…။ မေမေ့မှာ စိတ်တိုတိုနဲ့ သားကို ရေပြန်ချိုးပေးရ ကြမ်းဆေးရနဲ့ …ဟူးးးး
သားသား ငါးနှစ်သားလောက်.. ရန်ကုန်အိမ်မှာ… နေမကောင်းလို့ သားကို ဆေးတိုက်တယ်။ ရန်ကုန်မှာ ဆိုတော့လည်း သီးသန့် စပ်ပေးတဲ့ ကလေးဆေး ချိုချိုရယ်လို့ မရှိပေဘူး။ အခဲတွေပဲ ခပ်သေးသေးဖဲ့ပြီးတိုက်တယ်။ သားသားက ဆေးတိုက်ရခက်တယ်။ ကောင်းကောင်း မသောက်ချင်ဘူး။ မေမေကတော့ မရဘူး…ဒီငါးနှစ်အရွယ်ကလေးလေး ကိုလည်း မေမေက လိုအပ်လို့ ဆေးတိုက်တယ်.. သားသားက မြိုချရမယ်… ဒီလိုပဲ နားလည်တယ်။ မအေကို ကြောက်တဲ့သားက မအေရှေ့မှာတော့ မြိုချရှာပါတယ်။ မအေ ပန်းကန်သွားဆေးတုန်း အန်ချပစ်တယ်။ မေမေက အ၀တ်စ သားကို ပေးပြီး၊ အန်ချတာတွေကို သားကို ပြန်သုတ်ခိုင်းတယ်။ သားသား အ၀တ်စလေးနဲ့ ကြမ်းပြင်သုတ်နေတာကို အန်တီကေ ရောက်လာပြီ မြင်တော့… သီတာ နင် သိပ်ရက်စက်တယ်… သိပ်ရက်စက်တယ်… ကလေးကို ဒီလိုလုပ်တယ် ဆို… ငိုယိုပြီး… သူ့တူလက်ထဲက အ၀တ်ကို ယူပြီး ကြမ်းတွေ ဖိသုတ်တော့တာပဲ။
မေမေဟာ သူများတစိမ်းတွေနဲ့ဆို ပျော့ပျော့ပျောင်းပျောင်း လိုက်လျောညီထွေ ဖြစ်အောင် ကြိုးစားပေမဲ့ သားတို့ အပေါ်မှာ ခက်ထန်တယ်… မာကျောတယ်။ လူးလူးလဲလဲ မချစ်တတ်ဘူး။ မေမေ့ရဲ့ အားနည်းချက်၊ လိုအပ်ချက်တွေကို သားတို့ကို ခွင့်လွှတ်ပေးဖို့ တောင်းဆိုချင်လို့ ဒီစာတွေကို ရေးခဲ့တာ မဟုတ်ဘူး။ မေမေ့ရဲ့ အဇ္ဈတ္တကို အသိပေးဖို့ ဆန္ဒသက်သက်ပဲ မေမေမှာ ရှိပါတယ်။

လူ့ဘ၀ ဆိုတာ တိုတိုလေးပါပဲ။ ဒီတိုတိုလေး အတွင်းမှာမှ မဖြစ်မနေ အပိုင်းတွေ အကန့်တွေ ခွဲကို ခွဲရဦးမယ်။ ပတ်သက်မှု ပုံစံမျိုးစုံနဲ့ တွေ့ကြုံဆုံခဲ့ရတဲ့ လူတွေကို ကိုယ့်ဖက်က မမှားအောင် သတိထားဆက်ဆံသင့်ပေတယ် မဟုတ်လား။ သားသမီးနဲ့ မိဘဆိုတဲ့ အနီးကပ်ဆုံးနဲ့ အရှည်ကြာဆုံး ဆုံစည်းမှုမှာ အမှားကင်းနိုင်သလောက် ကင်းအောင် ကြိုးစားဖို့ သင့်ကို သင့်တာပါပဲ။

19 comments:

Anonymous said...


မေမေဟာ သူများတစိမ်းတွေနဲ့ဆို ပျော့ပျော့ပျောင်းပျောင်း လိုက်လျောညီထွေ ဖြစ်အောင် ကြိုးစားပေမဲ့ သားတို့ အပေါ်မှာ ခက်ထန်တယ်… မာကျောတယ်။ လူးလူးလဲလဲ မချစ်တတ်ဘူး။ မေမေ့ရဲ့ အားနည်းချက်၊ လိုအပ်ချက်တွေကို သားတို့ကို ခွင့်လွှတ်ပေးဖို့ တောင်းဆိုချင်လို့ ဒီစာတွေကို ရေးခဲ့တာ မဟုတ်ဘူး။ မေမေ့ရဲ့ အဇ္ဈတ္တကို အသိပေးဖို့ ဆန္ဒသက်သက်ပဲ မေမေမှာ ရှိပါတယ်။

""
မှန်လိုက်တာနော်..။
အဲ့တာ မိဘတိုင်းပဲလားး...မသိ

ပုံ။
ခခ၏မိခင်

မငုံ said...

မသီတာရေ မိခင်တယောက်ဘဝလေးကို သေသေချာချာ ဖတ်သွားတယ်နော့။

JuneOne said...

ကြက်ကြော်၁ ကောင်တောင်ကုန်တယ်?ဟုတ်ပ ရက်စက်တယ်..အိမ်ကလူနဲ့သာဆို မမသီတာမလွယ်ဘူး..အက်ဝင့် ခြေစွပ်မ၀တ်တတ်လို့ အမေလုပ်သူက သူများကလေးတွေ ဒီအရွယ် ဒါလုပ်နိုင်တယ်..သူလဲလုပ်တတ်ရမယ်ဆိုပီ မရမက ခိုင်းတာ...သများအဆူခံရတယ်...

JuneOne said...

ကြက်ကြော်၁ ကောင်တောင်ကုန်တယ်?ဟုတ်ပ ရက်စက်တယ်..အိမ်ကလူနဲ့သာဆို မမသီတာမလွယ်ဘူး..အက်ဝင့် ခြေစွပ်မ၀တ်တတ်လို့ အမေလုပ်သူက သူများကလေးတွေ ဒီအရွယ် ဒါလုပ်နိုင်တယ်..သူလဲလုပ်တတ်ရမယ်ဆိုပီ မရမက ခိုင်းတာ...သများအဆူခံရတယ်...

ညီလင်းသစ် said...

မိခင်တွေရဲ့ ရင်ဖွင့်စကားတွေက ဘယ်သောအခါမှ ဖတ်ရတာ ရိုးတယ်လို့ မရှိပါဘူး...၊ တခါတခါ စကားလုံးတွေ နူးညံ့ချင်မှ နူးညံ့မယ်၊ ပြောတာဆိုတာ အဆင်တန်ဆာ မပါဘဲ တဲ့တိုး ဖြစ်ချင်လည်း ဖြစ်နေမယ်၊ ဒါပေမယ့် ဟိုးအောက်ခြေမှာတော့ အကြည်လင်ဆုံး စီးနေတဲ့ မေတ္တာစမ်းရေ ရှိနေတာ သေချာတယ်..၊

သားတို့ရုပ်ရည်၊ 'သီတာ' မည်သား၊ 'ရေ' ကြည်'ချမ်း' မြ၊ တစ်ပေါက်ကျလည်း၊ မိဘတို့ဝမ်း၊ ငြိမ်းစတမ်း.. ဆိုတဲ့ စကားလေးက ဒီပို့စ်အရရော၊ ပို့စ်လေဘယ်လ် အရပါ အလိုက်ဖက်ဆုံးပါပဲ...။း)

Thandar Lwin said...

မမသီတာ ချစ်ဖို့ကောင်းအောင် ရေးတတ်တယ် ။
ညီမလဲ ဟေမာ့ ဗိုက်နဲ့တုန်းက ကြက်ကြော် အရမ်းကြိုက်တယ် ၊ အနံ့ရ၇င်ကို ထိန်းမနိုင်ဘဲ စားချင်နေတော့တာ ။

အောက်ဆုံးစာကြောင်းလေးဖတ်ပြီး မျက်ရည်လည်သွားပါတယ် ။

JulyDream said...

ဘယ်လောက်မှလဲ စောမွေးတာ မဟုတ်ပဲနဲ့။ ၃၆ ပတ်ဆိုတော့ ၃ ပတ်လေးပဲ စောတာပါလေ။ မဟုတ်ဘူးလား ဟင်။

ဗိုက်ပတ်ကြီးဆိုတာ ဘာကို ပြောတာလဲ။ ဘာလို့ဗိုက်ပတ်ကို ပတ်ထားဖို့ လိုသလဲ။

၂၄ နာရီသွင်းတဲ့ဆေးနဲ့ သောက်ဆေး ၂ ပတ်စာ ပေးတာက ဘာတွေကို ထိန်းပေးတဲ့ ဆေးလဲ။ ကလေး မမွေးလာအောင် ထိန်းပေးထားတာလား။

နောက်တခု မေးချင်တာက လမ်းလျှောက်တာ များလွန်းလို့ preterm labor ဖြစ်နိုင်တယ်လို့ ယူဆထားတာလား ခင်ဗျာ။

Anonymous said...

အမ......

တော်သေးတယ်...ညီမအခုချိန်ထိ မအန်သေးတာတို့ မစားနိုင်တာတို့ မဖြစ်သေးဘူး...

ဒါပေမဲ့ ခေါင်းတော့တအားကိုက်တယ်...အမရယ်.....

အတွေ့အကြုံလေးတွေများများရေးပါ....အမ.....

ီမ အခု ၂လရှိပီ...


မြတ်နိုး

seesein said...

အမေဖြစ်ရတာမလွယ်ပါလား ဟရို့..... စီးရီးလိုက်ထွက်မဲ့စာလား အမသီတာ...

ခင်မင်တဲ့
seesein

Sonata Cantata said...

ပေါက်ရေ…တို့များက အမေတစ်မျိုးပေါ့နော်

မငုံ…ပြန်တွေ့ရတာ ၀မ်းသာလိုက်တာ

JuneOneရေ…အက်ဝင့်တို့ပါပါးကို စိတ်နည်းနည်းလျော့လို့ မသီတာဝိုင်းပြောပေးပါမယ်..း)

ကိုညီလင်းသစ်…မိခင်တယောက်ရဲ့ ဖွင့်ဟ၀န်ခံချက်လို့ ခပ်တည်တည်ခေါင်းစဉ်ပေးဦးမလို့ဗျ..ထုံးစံအတိုင်း ဟိုလူကြီးက ဖျက်လို့…ခေါင်းစဉ်ပြောင်းလိုက်တယ်…

မယ်သံရေ… ထပ်တူခံစားပေးတာလို့ ကျေးဇူး
Julyရေ…ဗိုက်နာလို့ ဆေးရုံရောက်ရောက်ချင်း ထိုင်ခုံခါးပတ်များပတ်သလို ဆိုဖာမှာ ထိုင်စေပြီး ဗိုက်နေရာကို ပတ်ပြီး ဗိုက်နာနှုန်း Labor Contraction ကို တိုင်းတာ...။ ၂၄ နာရီသွင်းတဲ့ဆေးနဲ့ သောက်ဆေး ၂ ပတ်စာ ပေးတာက ကလေး မမွေးလာအောင် ထိန်းပေးထားတာ...ဟုတ်တယ်... ဆေးနာမည်တော့ အမ မေ့နေတယ်...။ လမ်းလျှောက်တာ များလွန်းလို့ preterm labor ဖြစ်နိုင်တယ်လို့ ယူဆတာတော့မဟုတ်ဘူး။ ကိုယ်ဝန်ဆောင်က လေကောင်းလေသန့်ရှူ နေ့စဉ် ပုံမှန် လမ်းလျှောက်ပေးဖို့လိုတယ်..မွေးဖွားရ လွယ်ကူတယ်။

မြတ်နိုးရေ…အမယောင်းမ ကိုယ်ဝန်လွယ်စဉ်ကလည်း ခေါင်းကိုက်တယ်… တတ်နိုင်သလောက် ဆေးမသောက်ပဲ သည်းခံပေးပါ ညီမရေ

စီးရီးလိုက်တော့ မရေးနိုင်ပါဘူး… စစရေ… စီးရီးလိုက်သာ မွေးလိုက်ချင်တာ… ;P

အပြုံးပန်း said...

ဖတ်ပြီးတော့ ရင်ထဲမှာ တမျိုးပဲ၊
ဒီလို အတွေ့အကြုံမျိုးတော့ ရတော့မှာ မဟုတ်ပေမယ့်
ခံစားကြည့်လိုက်တယ်။
ဝမ်းနည်းသွားသလိုပါပဲ။
မွေးမေမေကိုလည်း မြင်ယောင်မိပါတယ်။

Sonata Cantata said...

အပြုံးရေ...တကယ်ကြီးကို သတိရနေတာ...ရန်ကုန်ပြန်လာတုန်းက ရက်တိုလွန်းလို့ အပြုံးနဲ့ ချိန်းမတွေ့ခဲ့ရဘူး...း)

ဇွန်မိုးစက် said...

မရေ... မနက်က ဖတ်ဖို့ကြိုးစားပေမယ့် ဖွင့်မရတာနဲ့ ခုမှတစ်ခေါက် ပြန်လာဖွင့်တာ ရသွားတယ်။

ဇွန်က မိခင်တစ်ယောက်မဟုတ်ပေမယ့် မမသီတာရေးထားတာကိုဖတ်ပြီး ရင်ထဲမှာ ပြောမပြတတ်တဲ့ တစ်စုံတစ်ခုကို လှိုက်လှိုက်လှဲလှဲ ခံစားလိုက်ရတယ်။ မမအပေါ်ယံမှာ မပျော့ပြောင်းခဲ့ပေမယ့် အတွင်းထဲက ချစ်ခြင်းမေတ္တာတွေက နူးညံ့သိမ်မွေ့နက်နဲနေတာ သားတို့ တစ်ချိန်ကြ နားလည်ကြမှာပါ။ ဇွန်ကတော့ အများနဲ့မတူဘဲ အရင်းအတိုင်းချပြသွားတဲ့ မမရဲ့ မိခင်မေတ္တာကို နားလည်ခံစားမိလိုက်တယ်။း)

မမသီရိ said...

သီတာရေ.. ဘယ်လိုလေးမှန်းလဲ မသိ. ဖတ်ရတာ..
ကလေးလေး ကတော့ သူ့မေမေ ချစ်တယ်ဆိုတာ သေချာသိမှာပါ ..

Sonata Cantata said...

ဇွန်ရေ...အမ လျှော်တာတွေ အများကြီး ကျန်သေးတယ်..ကလေးကို ဈေးဝယ်တဲ့ တွန်းလှည်းလေးထဲ ထည့်ပြီး တွန်းတာ... ကျင်းဖုံးအထစ်နဲ့ တိုက်..တွန်းလှည်းပိတ်..ကလေးမှောက်ရက်ထိုးကျ...ရှေ့သွားကျိုး...ဟင်းးးး

မမသီရိရေ
ကလေးလေးက အခု ၁၅နှစ်သားရှိပြီ...
သားတို့ကို ချစ်တတ်အောင် ချစ်နိုင်အောင် ကိုယ့်ကိုကိုယ် ဆုံးမပါမယ်..းP

Sonata Cantata said...

Facebook မှ ကူးယူလာပါသည်။

Thant Zin ဖတ်ရတာ ကြည်နူးစရာတွေရော၊ စိတ်လှုပ်ရှားစရာ တွေရော စုံလို့ပဲ.
January 20 at 1:20am · Like

Sonata Cantata ကျေးဇူးပါ ကိုThant Zin တလောက မိခင်ဖြစ်တဲ့အကြောင်းတွေ Aunty Tint ရေးခိုင်းကတည်းက ရေးထားပြီး သားငယ်ရေစင်အပိုင်း မရေးရသေးလို့ မတင်ဖြစ်ဘူး..ဒီနေ့ Mae Coe ရဲ့ အသင်နားမလည်နိုင်သော မိန်းမ တစ်ယောက် ကို ဖတ်ပြီး... တင်လိုက်တော့တယ်
January 20 at 1:25am · Like · 3

Ming Pauk ပြန်စဉ်းစားနေတယ်..။
အခု...
January 20 at 1:32am · Like

Sonata Cantata Ming Pauk
January 20 at 1:33am · Like

Wah Wah Hlaing we all have different version to handle but same opinion to them. Yes we got titled of bad names.. like '' rough, cold, tough or cruel'' .. we kept it like a joke and carry on what we have to do.
January 20 at 3:59am · Unlike · 1

Mae Coe The post is so touching.
January 20 at 8:30am · Like

Sonata Cantata Wah Wah Hlaing
January 20 at 9:06am · Like

Khine Khine Win မ. မိခင်တယောက်ရဲ့နှလုံးသားနဲ့ ရေးတဲ့စာကို မိခင်တယောက်က နှလုံးသားနဲ့ ဖတ်သွားပါတယ်. Morning sickness ဒဏ်ကို အလူးအလဲခံစားဖူးခဲ့တာမို့  ကိုယ်ချင်းစာမိတယ် မ ရေ. မ ရေးထားတာဖတ်ပြီး မ ကို ဆေးရုံလာမေးတော့ အရမ်းပင်ပန်းနွမ်းနေတာကို သွားသတိရတယ်. နောက်ဆုံးနားရောက်တော့ မျက်ရည်ဝဲမိတယ်. သားကို အရမ်းပျော့ပျော့ပျောင်းပျောင်း မဆက်ဆံတာတူတယ် မ ရယ်. ဘဝမှာ ထောင်လိုက်ကျကျ ပြားလိုက်ကျကျနေတတ်ဖို့  ရည်ရွယ်ချက်နဲ့ ပါ. ကျွန်မသားလေးကတော့ အဲဒီသံချောင်းလိုမာနေတဲ့အမေ့ကို အဖေ့လောက်မချစ်ဘူးလို့  ပေါ်တင်ကိုပြောတာ. သူကြီးလာရင် သားလေးရေချမ်းနဲ့ ရေစင်လို နားလည်လာလိမ့်မယ်လို့ မျှော်လင့်ပါတယ် မ ရယ်. မ စာလေးက စာရေးချင်စိတ်ပေါက်လာအောင် ဆွဲဆောင်နိုင်လွန်းတယ်. ဒီနှစ်ထဲမှာတော့ စာပြန်ရေးဖို့  ကြိုးစားမယ် မ ရေ.
January 20 at 9:09am via mobile · Unlike · 1

Sonata Cantata Khine Khine Win
January 20 at 9:20am · Like

Henry Chen ဘယ်လောက်မှလဲ စောမွေးတာ မဟုတ်ပဲနဲ့။ ၃၆ ပတ်ဆိုတော့ ၃ ပတ်လေးပဲ စောတာပါလေ။ မဟုတ်ဘူးလား ဟင်။
January 20 at 9:23am · Like
Henry Chen ဗိုက်ပတ်ကြီးဆိုတာ ဘာကို ပြောတာလဲ။ ဘာလို့ဗိုက်ပတ်ကို ပတ်ထားဖို့ လိုသလဲ။

၂၄ နာရီသွင်းတဲ့ဆေးနဲ့ သောက်ဆေး ၂ ပတ်စာ ပေးတာက ဘာတွေကို ထိန်းပေးတဲ့ ဆေးလဲ။ ကလေး မမွေးလာအောင် ထိန်းပေးထားတာလား။

နောက်တခု မေးချင်တာက လမ်းလျှောက်တာ များလွန်းလို့ preterm labor ဖြစ်နိုင်တယ်လို့ ယူဆထားတာလား ခင်ဗျာ။
January 20 at 9:29am · Like

Sonata Cantata ဟုတ်.. Henry Chen ... ဗိုက်နာလို့ ဆေးရုံရောက်ရောက်ချင်း ထိုင်ခုံခါးပတ်များပတ်သလို ဆိုဖာမှာ ထိုင်စေပြီး ဗိုက်နေရာကို ပတ်ပြီး ဗိုက်နာနှုန်း Labor Contraction ကို တိုင်းတာ...။ ၂၄ နာရီသွင်းတဲ့ဆေးနဲ့ သောက်ဆေး ၂ ပတ်စာ ပေးတာက ကလေး မမွေးလာအောင် ထိန်းပေးထားတာ......See More
January 20 at 9:41am · Like · 1

Yu Yu San ဖတ်သွားတယ် မ ရေ.. ရေစင် လေးအကြောင်းလေး ရေးပါဦး
January 20 at 9:42am · Like

Sonata Cantata Yu Yu San
January 20 at 9:43am · Like
Write a comment...


Ma Tint said...

သီတာရဲ့ 'မိခင်ဖြစ်သောကျမ' ပို့စ်လေးကို တင်တဲ့အချိန်လေးမှာ တီတင့်တစ်ယောက် ဗိုင်းရပ်စ် ဟက်ကာတို့နဲ့ နပန်းလုံးနေရတာမို့ လက်ပမ်းကျပြီး ခရီးထွက်သွားတာ မဖတ်ဖြစ်ခဲ့ဘူး ၂၅ရက်နေ့ကမှ ပြန်ရောက်တာမို့ ဒီကနေ့မှ ပို့စ်ကောင်းလေးကို ဖတ်ခွင့်ရသွားတယ် သီတာရေ။
မိခင်တိုင်း အတိတ်ဘ၀ကပေးလာတဲ့ ကံတရားပေါ်မှာ တစ်ယောက်တစ်မျိုး အသွင်ကွဲပြားပြီး လှုပ်ရှားခံစားနေရပေမယ့် 'မိခင်' ဆိုတဲ့ တူညီတဲ့ မေတ္တာဓာတ်ကတော့ တပြေးညီညာပဲနော်။ မိခင်တို့ရဲ့ နှိုင်းတု မမှီတဲ့ မေတ္တာလေးတွေ ကြည်နူးစရာ။
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

tg.nwai said...

"မေမေကတော့ မရဘူး…ဒီငါးနှစ်အရွယ်ကလေးလေး ကိုလည်း မေမေက လိုအပ်လို့ ဆေးတိုက်တယ်.. သားသားက မြိုချရမယ်… ဒီလိုပဲ နားလည်တယ်။"

အတူတူပဲ သီတာရေ....မိဘတွေကတော့ သားသမီးတွေကို ချစ်ကြပေမယ့် တခါတလေ အရွယ်လေးတွေကို မေ့မေ့သွားတတ်တယ်...စိတ်ထဲမှာတော့ သူတို့လေးတွေတွက်ပဲ အမြဲ ဦးစားပေး စဉ်းစား စိုးရိမ်စိတ်ပူနေပေမယ့် ပြောသမျှ ဆုံးမသမျှစကားတွေကတော့ ချိုသာမနေဘူး သီတာရေ...ဒီလိုပဲ တို့တတွေကို မိခင်အစစ်တွေဖြစ်အောင် သူတို့လေးတွေဆီကပဲ သင်ကြားယူနေရတာ...။

Sonata Cantata said...

မမတင့်ဆီက မှတ်သားအတုယူစရာတွေ အများကြီးရတဲ့အတွက် ကျေးဇူးပါနော်

သိင်္ဂီရေ...မိခင်အစစ်တွေဖြစ်အောင် သူတို့လေးတွေဆီကပဲ သင်ကြားယူနေရတာ...ဟုတ်တယ်
စစ်တိုက်ရင်းကုန်ထုတ်...ကုန်ထုတ်ရင်းစစ်တိုက်ဆိုလား
လေ့ကျင့်ရင်းစစ်တိုက်...စစ်တိုက်ရင်းလေ့ကျင့်ဆိုလား

ငါ့သူငယ်ချင်းက လေးလေးနက်နက် ကွန်မန့်ရေးပေးတာ ဖြစ်မယ်... ဒါပေမဲ့ နင့်သူငယ်ချင်း အူချာချာက ဒုံရင်းက ဒုံရင်း အူချာချာ အဆင့်က မတက်ပါဘူးဟယ်...း)