ရေချမ်း ရေစင်

ဖဝါးက လက်နှစ်လုံး

ပုခုံးက လက်နှစ်သစ်

အတစ်အတစ် အရစ်အရစ်

လက်သလုံးနဲ့ ခြေသလုံးလေးတွေ

ခဲလို့သာ ထားလိုက်ချင်ရဲ့။

နမ်းရက်ပါဘု

ပါးမို့မို့ နဖူးပြင်

သားလှ ရွှေစင်

အောင့်ကာသာ

ရင်ဝယ်ထွေးရတယ်

မေ့သည်းဘဝင်။

မွေးမေလေ

အခက်ပွေတော့လို့

ဘွတ်ဘွတ်နဲ့ ရှူးရှူးတွေ

ပြိုင်ဘက်ကင်းအောင်ပ

မေ့သားမောင် ညစ်ပေပွဲမှာ

ဗွက်ကြမ်းလေတယ်။

အော် သားရယ်

အပူလောင်တတ်တယ်ကွဲ့

သုတ်သင်ကာ မယ်မယ်ဆေးပါ့မယ်

တဆိတ်တော့ ကိုယ်တော်

ငြိမ်ငြိမ်လေးနေပါ

လူးလူးလှိမ့် တခစ်ခစ်ရယ်

စိန်ခေါ်သည့်နှယ်။

လာ..လာလေ့

ဟာသွားတဲ့ မင်းဗိုက်

အပြည့် အကြိုက်သာ ဝိုက်တော့

ပန်းကြာငုံ ရင်ခွင်အပ်ပါလို့

နို့ညှီနံ့လေး မစို့မပို့

ဝိုင်အိုလက်နဲ့ မခို့တရို့

ခြေဖမိုးလေး ဆုတ်ခြေနယ်

မျက်ခွံကလေးမှေးစဉ်းလွယ်

ချိုချိုတွေကို လှိုင်လှိုင်ပေး

လက်ဖမိုးလေး ငုံကာမွှေး။

အို အေ အေ့ အေး။ ။