Saturday, January 3, 2009

လွတ်လပ်ရေးမရမီခေတ်က ဂျာနယ်တစ်စောင်

မြန်မာ e-books တွေရှာရင်း ဤနေရာမှာ လွတ်လပ်ရေးမရမီ စစ်ငွေ့သန်းနေချိန်က ထုတ်ဝေခဲ့သော ဂျာနယ်များကို ရှာဖွေတွေ့ရှိခဲ့သည်။ ထိုခေတ်ပိုင်းဆီက သတင်းစာ၊ မဂ္ဂဇင်း၊ ဂျာနယ်များကို မဖတ်ဖူးသေး။ လွတ်လပ်ရေးမရခင်ခေတ်က ဂျာနယ်များသည် ဘယ်လိုပါလိမ့်ဟု သိချင်ဇောဖြင့် download လုပ်ပြီး (မြန်မာ့အလင်း သတင်းစာ အယ်ဒီတာဟောင်း) ဦးချစ်မောင်အား ဂျာနယ်ကျော် ချစ်မောင်ဟု ၀ိသေသဂုဏ်ထူးရစေခဲ့သည့်

ကို ဖတ်ကြည့်ဖြစ်သည်။

အပတ်စဉ် စနေနေ့တိုင်း ထုတ်ဝေသောဂျာနယ် ဖြစ်သည်။ ဂျာနယ်တို့ ထုံးစံအတိုင်း ပြည်တွင်းသတင်း၊ နိုင်ငံတကာသတင်းများ၊ အထူးသဖြင့် ဒုတိယကမ္ဘာစစ်သတင်းများကို ဦးစားပေး ဖော်ပြထားသည်။ ‘ရုပ်ရှင်-ပညာသည်များ’ ဟူသော ခေါင်းစဉ်ဖြင့် ရုပ်ရှင်မင်းသမီးများ၏ အထုပ္ပတ္တိဆန်ဆန် ဆောင်းပါး တစ်ပုဒ် အပတ်စဉ်ပါသည်။ ဗေဒင်ကဏ္ဍဟု သီးသန့် ထားပုံမရသော်လည်း မြန်မာပြည်ရှေ့ရေး၊ ကမ္ဘာစစ်ရှေ့ရေးတွက်ချက်ထားသော ဗေဒင်ဆောင်းပါးများလည်း အပတ်စဉ်လိုလို ပါသည်။ ထိုမှဤမှ ကောက်နှုတ်ဖော်ပြထားသော ‘သူတို့အပြော’၊ ‘နယ်များ၌ မည်သို့ဖြစ်နေကြပြီနည်း’ ဟူသော နယ်သတင်း၊ ‘ဤအချက်များကို မကျေနပ်’ ဟူသော ဟစ်စာ, တိုင်စာကဏ္ဍ၊ ‘အယ်ဒီတာထံသို့ ထိုမှဤမှပေးစားများ’၊ အမျိုးသမီးများအတွက် ကိုယ်ကာယ ကျန်းမာရေး လေ့ကျင့်ခန်း ဆောင်းပါးများ၊ ဆရာဇ၀န၏ ‘ဦးလေးပြောမယ်’ နှင့် ၀တ္ထုတိုတို့သည် ပုံမှန်အပတ်စဉ် ကဏ္ဍများ ဖြစ်သည်။ အခြားအပတ်စဉ်ကဏ္ဍများဖြစ်သော ဓာတ်ပုံနှိုင်းယှဉ်ချက်, တက်ခေတ်သတ်ပုံ, ကျွန်ုပ်တို့၏ ခေါင်းမာသော ရုပ်ပြောင်ရေးဆရာတို့သည်လည်း သရော်စာဆန်ဆန် စိတ်ရွှင်မြူးဖွယ်ဖြစ်သည်။

ပါတော်မူနေ့-အမျိုးသာနေ့ အထိမ်းအမှတ် ထုတ်ဝေသော စာစောင် (အတွဲ ၃၊ စာစောင် - ၄၊ ၁၉၃၉ ဒီဇင်ဘာလဆုတ် ၇-ရက်)တွင် ရှေ့မျက်နှာဖုံး၌ စစ်သူကြီး မဟာဗန္ဓုလအား အင်္ဂလိပ်အရာရှိတစ်ဦးက အရိုအသေပေးနေပုံနှင့် အတွင်းဖုံးတွင် သီပေါမင်းနှင့် စုဖုရားလတ်တို့၏ ဓာတ်ပုံများကို ဖော်ပြထားသည်။ ဂျာနယ်တစ်ခုလုံးလည်း ပါတော်မူနေ့နှင့် အခြား ဇာတိမာန်တက်ကြွစေသည့် ဆောင်းပါး၊ ၀တ္ထုများ ဖော်ပြထားသည်။

သတင်း, ဆောင်းပါးမှအစ စီးပွားရေးကြော်ငြာများထိ ဂျာနယ်တစ်ခုလုံးတွင် စစ်ကြီး၏ အငွေ့အသက်နှင့် လွတ်လပ်ရေး ကြိုးပမ်းမှုတို့ ပေါ်လွင်နေပါသည်။

ဓာတ်ပုံနှိုင်းယဉ်ချက် အချို့


တက်ခေတ်သတ်ပုံ ကောက်နှုတ်ချက်အချို့

တိုင်းပြည်မွဲအောင်၊ ကိုယ်ကျိုးဆောင်၊ ခေါင်းရှောင်ကိုလည်း ငသတ်မည်။
တိုင်းပြည်မွဲငတ်၊ အစားပြတ်၊ ဆူတတ်ကိုလည်း တသတ်မည်။
မြန်မာ ချင်းချင်း၊ မေတ္တာကင်း၊ ခက်ခြင်းကိုလည်း ငသတ်မည်။
ဝါးရင်းတုတ်စွဲ၊ ဂဠုန်ကဲ၊ မိုက်ရဲကိုလည်း နောက်ပစ်မည်။ (ဂဠုန်ဦးစော၏ ၀ါးရင်းတုတ်တပ်ကိုဆိုလိုသည်။)

ကျွန်ုပ်တို့၏ ခေါင်းမာသော ရုပ်ပြောင်ရေးဆရာ

(တက်ခေတ် သတ်ပုံ)


(၀ါးရင်းတုတ်ကိုင် တပ်ကြီး)


(အခွန်ကောက်နေသော သူကြီး)

(မှန်တာကြိုက်သော အရေးပိုင်)


ကြော်ငြာအချို့



ကြေငြာချက်အချို့

The Weekly Thunderer (Vol2-No.2 August 26, 1939)

The Weekly Thunderer (Vol2-No.12 November 4, 1939)


၆၁ နှစ်မြောက် လွတ်လပ်ရေးနေ့ အမှတ်တရ

5 comments:

SDL said...

လွတ်လပ်ရေးနေ့ အမှတ်တရ တင်ပေးထားတဲ့ ဂျာနယ်ရယ်..
လင့် အတွက်ရယ် ကျေးဇူးအထူးတင်ပါတယ်ရှင့် ။

ဗေဒါရီ said...

ဂျာနယ်ကျော် လာဖတ်သွားပါတယ် အမရေ ..
လင့်ခ် အတွက်လည်း ကျေးဇူးပါ။

သက်ဝေ said...

ရှာဖွေလေ တွေ့ ရှိလေပေါ့...
မရှာနိုင်တဲ့သူတွေအတွက် အဆင်သင့်ဖတ်ခွင့်ရတာ ကျေးဇူးပါ...

JulyDream said...

တိုင်းပြည်ပါးစပ်ပေါက်ကြီး ၃ ပေါက် ပိတ်သွားတာကို ဖတ်မိပြီး... အခုတော့ အ သွားရှာပြီပေါ့ကွယ် လို့ မဆီမဆိုင် အတွေးချော်မိပါကြောင်း...

မေအောင် said...

ဖတ်ခွင့် မှတ်ခွင့်များစွာပေးတဲ့အတွက်
ကျေးဇူးများစွာ...