တို့များငယ်ငယ်တုန်းက သင်္ကြန်ရက်မတိုင်မှီ ဟိုးမစွကပင် ပြင်ကြဆင်ကြရသည်။
*****
အမေအုန်းသီးတွေကတော့ အပင်ပေါ်က ချထားတာ ဆယ်လုံးလောက်ရှိသည်။
သာကူစေ့၊ ထန်းညက်ကတော့ ညောင်ပင်လေးဈေးက လဆန်းထဲက ဝယ်ထားပြီးသား...။
ကောက်ညှင်းတပြည် ဆန်သုံးပြည် ကြိုကြိတ်ထားရမည်။ ဆန်တွေ ရေစိမ်ထားပြီ။
နောက်ဖေးလမ်းက မုံ့ကြိတ်စက်က သင်္ကြန်တွင်း ပိတ်မလားမသိ။
အုန်းသီးခြစ်တဲ့ ဆိုင်ကိုလည်း သင်္ကြန်တွင်း ဖွင့်မှာလားလို့ သေချာအောင်တော့ မေးထားတာပဲ။
မုန့်လက်ဆောင်းဖက် က စမ်းချောင်းမှာ သွားဝယ်ရမှာ။ ဘယ်သူကို လွှတ်ရပါ့။
နှစ်ဆန်းတရက်နေ့ ခေါင်းလျှော်ရည်ဝေဖို့ ကင်ပွန်းသီးတော့ ကြိုပြုတ်ထားလိုက်တော့မည်။
ဟဲ့ ကလေးမတွေ လာ တရော်တွေ ထုထားကြတော့…
ဘုရားစင်အောက်က အတာအိုး ဆေးကြောထားလိုက်ဦး…
*****
အိမ်ကအကိုတွေ (လောင်ကိန်းချိ - ကိုကြီး၊ အိလေးဂွမ် - ကိုလတ်၊ ဘာဘူ - ကိုလေး)* နဲ့ လမ်းထဲက အကိုကြီးတွေ သင်္ကြန်လည်ရင် အင်္ကျီဆင်တူဝတ်ကြမည်။ ဘယ်ဒီဇိုင်းကို ဘယ်ပုံချုပ်မည် ဆိုတာကစလို့ အရောင်အသွေး ရွေးကြသေးသည်။
အရောင်…နွေနေပူမှာ ထင်းနေစေရမည်။ ဒီဇိုင်း…ဟော့နေရမည်။ ပိတ်စကတော့ ရေစိုစိုနဲ့ အီလက်စတစ်ပဲ ကောင်းမည်…။
ရွေးချယ်မှုများ အဆုံးသတ်လို့ နောက်ဆုံးအတည်ပြုချက်ရပြီဆိုရင် အဒေါ်လုပ်သူက တူ ၃ယောက်အတွက် ဒိုင်ခံချုပ်ရတော့သည်။ အလတ်ကောင် ချေးအထူဆုံး။ ပြန်ဖြေဦး ပြန်ချုပ်ဦးနဲ့။ ဒီလို...ဒီလို...
ငှားထားတဲ့ ဂျစ်စုတ်မှာလည်း စကောစကာစုတ်တွေ ချိတ်ကြသေးသည်။
*****
တို့များကလေးတွေဟဲ့ ရေမလာရင်…ငါတို့ကို မော်တာ ဘယ်သူမောင်းပေးမှာလဲ…
ဇော်ဇော် ဟိုနေ့က ပူဖောင်းတွေ အထုတ်လိုက် နင့်ဆီမှာတွေ့တယ်နော်…နင်ရေပူဖောင်းနဲ့ ပေါက်မလို့ မဟုတ်လား။ ပေးပေး ငါ့ကို အကုန်ပေး။ နင့် အဲ့လိုလုပ်လို့ကတာ့ ရေမပက်ရအောင် လူကြီးတွေကို တိုင်ပလိုက်မယ် ဘာမှတ်လဲ။
ငါတို့ကို ခွက်စောင်းလာလာခုတ်တဲ့ အကောင်တွေ ဒီနှစ်လာရင် ဒင်းတို့ မလှုပ်နိုင်အောင် သူတို့ လမ်းထိပ်ရောက်ပြီ ဆိုကတည်းက ဝီဆယ်မှုတ်ပြီး အချက်ပေးရမယ်။ တို့လမ်းထဲက ကလေးအားလုံး ဝိုင်းလောင်းလွှတ်ရင် ဒင်းတို့ နောက်လာရဲမှာ မဟုတ်တော့ဘူး။
ရေခဲရေနဲ့ ပက်ချင်တယ်ဟာ…ရေခဲတုံးဝယ်ပေးအောင် ဘယ်သူ့ကို ပူဆာကြမှာလဲ
ငါတို့အိမ်က ရေပက်ခံ လိုက်ပို့ရင် နင်တို့လည်း လိုက်ခဲ့နော်.. သွားမယ်ဟေ့ဆို အကြာကြီး မစောင့်ရစေနဲ့ တဘက်တွေ အဆင်သင့်လုပ်ထား
ကားပျက်လို့ တွန်းရရင်လည်း တပြုံကြီး ပျော်စရာကြီးပေါ့...။
*****
*(ရှင်ဂွမ်းဂွိ၊ လောင်ကိန်းချိ၊ အိလေးဂွမ်၊ ဘာဘူ ၊ အာကျယ်၊ ဟိန၊ ကုလားမ ဟု မောင်နှမ ၇ယောက် ရှိလေသည်။)
10 comments:
မသီတာက ဘယ္တစ္ေယာက္လဲ၊ ဟီန၊ ကုလားမထဲက၊
ကိုဧရာကို ကြန္မန္႕ ကဗ်ာအတြက္ ေက်းဇူးတင္ပါတယ္လို႕။
ဂ်စ္ကားနဲ႔လိုက္ခဲ့မယ္ဗ်ိဳး..
နွစ္ေယာက္စာ က်န္ေသးလားဗ်ိဳးးး..
မုန္လံုးေရေပၚ(ျငဳပ္သီးမပါတာေရြးေပးေနာ္)
မသီတာတို႔မိသားစု နွစ္သစ္မွာေပ်ာ္ရႊင္ပါေစ..
အေငြ႕အသက္ေတြ ရလာတယ္။
သႀကၤန္နံ႔ေလး ေမႊးလိုက္တာ။
မမသီတာ... ဘေလာ့ကို ၀င္လို႔မရတာၾကာျပီ...
ဘာလို႔လဲ မသိဘူး...
ဒီေန႔ေတာ့ ၀င္လို႔ရသြားျပီေတာ့...
ခုမွပဲ လြတ္သြားတဲ့စာေတြ အားပါးတရ လိုက္ဖတ္ရေတာ့တယ္...
း-)
သူမ်ားေတြ ခံစားရေအာင္၊ လြမ္းသြားရေအာင္ ေရးခ်လုိက္ျပန္ၿပီကြာ တုိ႔မမက ..
ငယ္ငယ္တုန္းက သႀကၤန္ရက္ေတြ ေပ်ာ္စရာေကာင္းခဲ့ပါတယ္ မမေရ။ ခုမ်ားေတာ့ ဘယ္လုိေနမလဲ မသိဘူး။ သႀကၤန္နဲ႔ေဝးခဲ့တာ ၾကာလွေပါ့။
မသီတာက ဟိန..ပဲျဖစ္မယ္။ း)
mm
ဖတ္ရင္းနဲ႕ အေပ်ာ္ေတြကူးသြားပီ မမေရ... :)))
မမတုိ႕ မိသားစုေပ်ာ္ေနၾကပီလား...ဘာအစီအစဥ္ေတြ လုပ္ေနတုန္း...တစ္မိသားစုလုံးကုိ ေရေလာင္းသြားတယ္...အငယ္ေကာင္ေလးကုိ အုိးမည္းပါသုတ္သြားတယ္.:D
ညီမေလး
အင္ၾကင္း
သီတာ ဘယ္သူလဲ.........
သီတာ ဘယ္မွာလဲ......... း))
ေရေလာင္းသြားတယ္.....
အၿပံဳးေရ
ဒီက ဟိန ပါရွင့္
အဲ့ဒီနာမည္ ကိုဧရာက အလြန္မႀကိဳက္လို႔ သူ႔ေယာက္ဖေတြလည္း သူတို႔ႏွမေလးကို ငယ္နာမည္ေလးေမ့ေတ့ေတ့ ျဖစ္ေနၾကၿပီ
ေပါက္)))
လာသြားမယ္
မုန္႔လံုးေရေပၚ ျပန္လာမွစား
ရီတာေရ
တကယ္လား
ဒီက
ငါ့ေျမမွာ ေျမသင္းနံ႔ေလးေတာင္ ခ်စ္သူပါ။
စုခ်စ္
ဘေလာ့ဂ္က မသီတာလက္ေဆာ့ၿပီး ပိတ္ထားတာ
စိတ္မဆိုးပါနဲ႔ေနာ္...
မသီတာ နာမည္ကို သၾကားမင္းႀကီးမွတ္သြားမွာ စိုးလို႔ပါ း)
ဇြန္ေရ
ဘေလာ့ဂ္ဂါဆိုသည္မွာ
ခံစားတတ္၊ လြမ္းတတ္သူပါတကား
ပံု
မ်က္မျမင္ ပုဏၰား
mm ေတာ္ေၾကာင္း၊ ထပ္ကာေလာင္း
(ဆိုင္ဆိုင္မဆိုင္ဆိုင္ေအ...
ဒီအခ်ိန္မွာ
ေလာင္းခ်င္တာပဲ သိတဲ့ေနာက္...)
အင္ၾကင္းေရ
အစီအစဥ္ကေတာ့ သႀကၤန္တြင္း တေန႔တပို႔စ္ တင္မလားလို႔ း)
သားငယ္ေလးေတာ့ နဂိုက မဲရတဲ့အထဲ
အိုးမဲနဲ႔ မဲေျပာင္ေလး ျဖစ္ေနၿပီ
သက္ေ၀
ငါတို႔ေတြ ဥပုသ္မေစာင့္ပဲ
ကဲေနတာ သံခ်ပ္ထဲ ထည့္မစပ္ပါနဲ႔ေနာ္
ေနာ္သူငယ္ခ်င္း အေကာင္းစားေလးေနာ္
'a tar oh' art by 'u maung maung thein' is my art teacher. it reminds me of our myanmar tradition of making the 'a tar oh' and welcoming the new year. may all beings be blessed with peace, happiness and health. ktm.
Post a Comment