ကိုယ်ဟာ တစုံတခုကို စောင့်နေခဲ့တာဆိုရင်ဝမ်းနည်းစရာကောင်းတာကကိုယ်စောင့်နေမိတာ အချိန်ဖြစ်နေလို့ပါ...ကိုယ်ဟာ တစုံတခုကို မကြာခဏ ကြည့်ဖြစ်နေခဲ့တယ်ဆိုရင်ဝမ်းနည်းစရာကောင်းတာကကိုယ်တွေ့တွေ့နေတာ ကိန်းဂဏန်းတွေမို့ပါ...ကိုယ်ဟာ တစုံတခုကို ပျောက်ဆုံးသွားမှာ စိုးရိမ်နေတယ်ဆိုရင်ဝမ်းနည်းစရာကောင်းတာကကိုယ်ဆုံးရှုံးနေတာ နုပျိုခြင်းတွေ...ကိုယ်ဟာ တစုံတခုအတွက် နောင်တရနေတယ်ဆိုရင်ဝမ်းနည်းစရာကောင်းတာကရွှင်ပျတဲ့ ဟဒယနဲ့ မွေးဖွားမလာခြင်း(သို့) ရင်းနှီးမနေခြင်း...ကိုယ်ဟာ တစုံတခုသော အသွေးအမွေးရှိမယ်ဆိုရင်ဝမ်းနည်းစရာကောင်းတာကရာသီလိုက်ပြီး အရောင်ပြောင်းတတ်တာ...ကိုယ်ဟာ တစုံတခုကို မှီခိုအားထားရတော့မယ်ဆိုရင်ဝမ်းနည်းစရာကောင်းတာကအချိန်မှန်မှန် ဆေးမသောက်တတ်တာ...ကိုယ်ဟာ တစုံတခုအတွက် စွန့်လွှတ်စွန့်စားဖို့လိုရင်ဝမ်းနည်းစရာကောင်းတာကထုတ်သုံးတဲ့ ဓား.. ကြားဖူးကြရဲ့လား ယိမ်းနွဲ့ပါး တဲ့...အကောင်းနဲ့ အဆိုး တစုံတခုကိုရွေးရမှာ…ဝမ်းနည်းစရာကောင်းတာကကိုယ်ဟာ အဆွေးအမြေ့တွေနဲ့သာ အသားကျပြီးနေတတ်တာ...ကိုယ်ဟာ တစုံတခုကို အဖော်ပြုပြီး နေမိတယ်ဆိုရင်ဝမ်းသာစရာကောင်းတာက(ဘလော့ဂင်း) blogging နေတတ်တာ…မသီတာ တပတ်(သို့) နှစ်ပတ်လောက် ပျောက်မယ် ခွင့်ပြုနော်...
အခုတလော ဘလော့ဂ်တွေမှာ ဟိုကချစ် ဒီကချစ်နဲ့ တဖျစ်ဖျစ် မြည်နေကြလို့ သူများချစ်သလို မချစ်နိုင် မျောက်အိုကြီးလို မှိုင်နေသူတယောက် ကပ်ဖျက်ရပ်ဖျက် လုပ်လိုက်ပါတယ်။ မည်သူတဦးတယောက်ကိုမျှ ရည်ရွယ်လိုခြင်း အလျဉ်းမရှိပါ။ (ပုံ - မာယာတသိန်း)*****မပူမလောင် နွေးနွေးထမင်းပေါင်းလေးစားမလားကွယ်ကျိုက်ကျိုက်ဆူ ပူပူခပ်ရေနွေးကြမ်းလည်းပါ ပါတယ်နောက်ပြီးရင်…ချိုမလိုလို စိမ့်စိမ့်အိုက်စကရင်လေးကျွေးပါ့မယ်မချိုမချဉ် ပြုံးပြုံးစတော်ဘယ်ရီလေးမြုံ့ဦးရယ်လေပြေရယ် အေးအေးယပ်တောင်လေးနဲ့ခတ်ပေးမယ်ဒါပေမဲ့ကျေးဇူးပြုပြီးအချစ်အချစ်လို့တော့တဖျစ်ဖျစ်မမြည်လေနဲ့…ဟိုးးး ကလက်ပံအို ပင်ယံထိပ်မမှီနိုင်အောင်ချိတ်ထားတယ်။ ။
ဖဝါးက လက်နှစ်လုံးပုခုံးက လက်နှစ်သစ်အတစ်အတစ် အရစ်အရစ်လက်သလုံးနဲ့ ခြေသလုံးလေးတွေခဲလို့သာ ထားလိုက်ချင်ရဲ့။နမ်းရက်ပါဘုပါးမို့မို့ နဖူးပြင်သားလှ ရွှေစင်အောင့်ကာသာရင်ဝယ်ထွေးရတယ်မေ့သည်းဘဝင်။မွေးမေလေအခက်ပွေတော့လို့ဘွတ်ဘွတ်နဲ့ ရှူးရှူးတွေပြိုင်ဘက်ကင်းအောင်ပမေ့သားမောင် ညစ်ပေပွဲမှာဗွက်ကြမ်းလေတယ်။အော် သားရယ်အပူလောင်တတ်တယ်ကွဲ့သုတ်သင်ကာ မယ်မယ်ဆေးပါ့မယ်တဆိတ်တော့ ကိုယ်တော်ငြိမ်ငြိမ်လေးနေပါလူးလူးလှိမ့် တခစ်ခစ်ရယ်စိန်ခေါ်သည့်နှယ်။လာ..လာလေ့ဟာသွားတဲ့ မင်းဗိုက်အပြည့် အကြိုက်သာ ဝိုက်တော့ပန်းကြာငုံ ရင်ခွင်အပ်ပါလို့နို့ညှီနံ့လေး မစို့မပို့ဝိုင်အိုလက်နဲ့ မခို့တရို့ခြေဖမိုးလေး ဆုတ်ခြေနယ်မျက်ခွံကလေးမှေးစဉ်းလွယ်ချိုချိုတွေကို လှိုင်လှိုင်ပေးလက်ဖမိုးလေး ငုံကာမွှေး။အို အေ အေ့ အေး။ ။
ကိုယ်ဟာ သူရဲ့ ကိုယ်ပွားတခုဆိုရင်ကိုယ့်ရဲ့အစဟာ သူရဲ့သွေးတစက်ပေါ့ကိုယ့်ရဲ့ ခြေလှမ်းတွေအောက် သူ့လက်ဖဝါးတွေကိုယ့်ကိုသူက ချစ်ဖို့မွေးခဲ့တာလေ...အချိန်မရွေး သူပေးလေတဲ့မေတ္တာချို စေတနာဆိမ့်ကရုဏာမွှေး အကြင်နာနွေးတွေလှိုင်လှိုင်ကြီး စားသုံးလူလုံးလည်း လှခဲ့သပေါ့...ကိုယ့်ရဲ့ ဖြူစင်ခြင်းဟာ သူ့ရဲ့ အသွေးအသားကိုယ့်ရဲ့ ရှင်သန်ခြင်းမှာ သူ့ရဲ့ အနစ်နာကိုယ့်ရဲ့ ယုံကြည်ခြင်းက သူ့ရဲ့ အလင်းရောင်ကိုယ့်ရဲ့ ဖြစ်တည်ခြင်းက သူ့ရဲ့ အမျှော်အမြင်ကိုယ့်ရဲ့ ရပ်တည်မှုကတော့…ထောက်တည်ရာမရတဲ့ သူ့အဝေးကအရိပ်မိန်းမတယောက်ဟာထူးဆန်းတဲ့ ဘဝတခုကို ပိုင်ဆိုင်ခဲ့ပြီဆိုရင်အနစ်နာခံခြင်းယုံကြည်ခြင်းနဲ့ချစ်ခြင်းတရားတွေမှာတစုံတရာတော့မှားယွင်းနေခဲ့ပြီလေ...မျက်ရည်တွေ ခမ်းခြောက်ပါစေတော့ … အမေ။ ။
ကြက်တူရွေး ကြက်တူရွေးရွှေခဲ ကြက်တူရွေး။ညီပုလေးကို စာအံသင်၊ရွှေခဲ စာအံသင်။ညီလေးခင်က စာပြန်တုန်း၊ရွှေခဲ စာပြန်တုန်း။ဝလုံးရေးဖို့ ညီလေးထိုင်၊ရွှေခဲ မရေးနိုင်။ငေးမှိုင်ရှာပေါ့ ကြက်တူရွေး၊ရွှေခဲ ကြက်တူရွေး။ ။ဘဝမှာမတူလို့ မတုနိုင်တဲ့ အခါတွေမှာသတိရမိတဲ့ကဗျာလေးပါ…ဆရာကြီး မင်းသုဝဏ် ရေးသားခဲ့ပြီး ဆရာကြီးဦးဘဉာဏ်ရဲ့ ပန်းချီလက်ရာအင်္ဂလိပ်သို့ ဘာသာပြန်သူ ပါမောက္ခ လုစ်(မောင်ခွေးဖို့ ကဗျာများ စာအုပ်မှ ထုတ်နှုတ် တင်ပြပါသည်။)
ရာသီ စက်ဝန်းတွေ သံသရာစက်ဝိုင်းမှာအမြဲမပြတ် တရစပ် လည်ပတ်နေတယ်စက်ဝိုင်းရဲ့ စမှတ် "တစ်" ဆိုတာမသိနိုင်တဲ့ အရာ...။ချာချာလည်နေတဲ့ ဖြစ်စဉ်တစ်ခုကလွင့်စင်လာတဲ့ သစ်ရွက်ကြွေတွေ ဟောတဲ့ တရားစက်ဝိုင်းရဲ့ ဆုံးမှတ် "သုည" ဟာစက်ဝန်းထဲမှာ... တဲ့။ ။5 Dec 08, 15:56A Linn Nyi: ကဗ်ာလာဖတ္ပါတယ္။အဓိပၸါယ္ကုိ..ဆက္ေတြးေနမိတယ္။Fri, Dec 5th 2008, 04:55 PMS-C: ဘာေတြ ဆက္ေတြးမိလဲ? ေျပာဦး။ assignment ၃ရက္ေတာင္ အခ်ိန္ေပးတယ္ေနာ္။ (ဒီကေတာ့ ေရးရင္းနဲ႔ ခ်ာလည္လည္သြားလို႔ တံုးတိႀကီး ...တဲ့ နဲ႔ ပိတ္လိုက္ရတယ္။)6 Dec 08, 14:42A Linn Nyi: အပုိဒ္၁က လူေတြ ေမြးတဲ႕ ဇာတိ(မသိနုိင္တာ)၊ အပုိဒ္၂က မသိနုိင္တဲ႕ ဇာတိအမ်ိဳးမ်ိဳးကလာေပမယ္႕ ေသဆံုးတာတူမယ္
6 Dec 08, 14:42A Linn Nyi: ဘာမွမယူသြားနုိင္ ဗလာနဲ႕ ဆုံးမွာက သိနုိင္(ေသခ်ာ)တယ္ လုိ႕ ေျပာခ်င္တာ..ဟုတ္လားဟင္ မသီတာ..
အဝါ ‘မောင်’ နဲ့ ‘မ’ အပြာ၊ကြောင်းပါလေသောခါ။ရှုလို့မ၀ စိမ်းမြမြ၊ရင်သွေးလေးတွေရ။‘မောင့်’ ဉာဏ်ရောင်ဝါ ထိန်ထိန်သာ၊‘မ’ ချစ်မေတ္တာ ပြာ။ဆတူ ချိုးကျ ပေါင်းဆုံမှ၊ကလေးတို့ ဘ၀ စိမ်းလန်းရ။စိတ်ထားကောင်းဖို့ မမေ့အောင်၊အဖြူရောင်ကို ဆောင်။စင်ကြယ်ခြင်းရဲ့သင်္ကေတ၊ကြိုးစား မွေးမြူကြ။လောကီသားမို့ ဖြစ်တတ်တယ်၊အနီရဲဲလို့ စိတ်တိုလွယ်။မထင်မှတ်ဘဲ နက်လာတော့၊ညှိနှိုင်း ကြမှာပေါ့။ပြာ နဲ့ နီလေး ရောစပ်နွှယ်၊ခရမ်းအလှ ကြွယ်။မဟာဆန်တဲ့ ဒီလက်နက်၊ဂန္တဝင် မျက်စောင်းထက်။တခါတလေလည်း ထိုနီရဲ၊အဝါလေးနဲ့ ရောမှာပဲ။ရှေ့ဆက်ကြဖို့ အင်အားကွယ်၊လိမ္မော်ကလေး ရပြန်တယ်။သက်တန့် မိသားစု ဆေးရောင်စို၊ဟန်ချက် ညီညီကို။နေညိုချိန်ထိ ရွှေလက်တွဲ၊တစ်သွေးတစ်ရောင်ထဲ။ ။ဧရာသီတာ
