မိုးကလေး ညိုလာရင်...

စင်္ကာပူတွင် ကျမတို့ နေထိုင်ရာမြောက်ပိုင်းအရပ်၌ ညနေပိုင်း ရောက်လာပါက အာကာတခွင်လုံး မဲမှောင်ကာ လျှပ်စီးများ တထိန်ထိန်လက်၍ ထစ်ချုန်းသံ တဒိန်းဒိန်းဖြင့် နေ့စဉ်ရက်ဆက် ဆိုသလို မိုးရွာသွန်းနေသည်မှာ တလနီးပါးခန့်ပင်ရှိလေပြီ။
ဒီပို့်စ်နဲ့ ချိတ်ထားတယ်

ဤသို့သော ရာသီဥတု အခြေအနေသည် လေအေးစက်  တပ်ဆင်ထားသော အလုံပိတ်အဆောက်အဦထဲတွင် အလုပ်လုပ်ကိုင်နေရသူများအတွက် ပိုမိုအေးစက်လာသည့် အထိအတွေ့ကိုသာ သတိပြုမိကြမည် ဖြစ်သော်လည်း ကျမလို အိမ်ထဲ၌ တောက်တိုမယ်ရ အလုပ်လေးများကို ထွေလီကာလီ လုပ်နေသူတယောက်အဖို့မှာမူ လွမ်း၍ အလွန်ကောင်းသော အနေအထား ဖြစ်ပါသည်။

ရန်ကုန်မှာ မွေး၍ ရန်ကုန်တွင် ကြီးသော ကျမသည် ဘာကြောင့်မှန်းမသိ လွမ်းရတော့မည် ဆိုလျှင် ငယ်စဉ်က နွေရာသီ ကျောင်းပိတ်ရက်များတွင်သာ နေထိုင်ခဲ့ရသော အဖိုးအဖွားတို့ ရွာကိုသာ လွမ်းပါသည်။ အဖိုးအဖွားတို့ သက်ရှိထင်ရှားရှိစဉ်က သည်းသည်းလှုပ် ချစ်ခဲ့သည်ဟု မဆိုသာသော်လည်း၊ အခုလို လွမ်းရသည့်အခါမျိုးမှာ အဖိုးအဖွားတို့၏ မေတ္တာတရားကြီးမားပုံကို သတိပြုမိရပါသည်။

အတန်းတင် စာမေးပွဲကြီးအပြီး တပေါင်းလကုန်လောက်မှစ၍ နွေရာသီ ကျောင်းပိတ်ရက်ကုန်ဆုံးသည့် မိုးဦးကျ လေဦးကျ နယုန်လဆန်းလောက် ရောက်သည်အထိ ရွာမှာနေရလေ့ရှိသည်။ လွန်ခဲ့သည့် အတာသင်္ကြန်ရက်များအတွင်းက ဘလော့ဂ်တွင် တရက်တပို့စ် ရေးဖို့ရန် စိတ်ကူးမိခဲ့လေသည်။ ရွာက သင်္ကြန်အကြောင်းကိုလည်း မှတ်မိသလောက် ရေးလိုခဲ့သော်လည်း ကြေကွဲဖွယ် အဖြစ်ကြောင့် စိတ်ကူးတို့ ဖမ်းဆုပ်မရနိုင်အောင် လွင့်စင်ခဲ့၍ မရေးလိုက်ရ။ ဒီလိုနဲ့ အချိန်သည် ဒီရေနှင့်အတူ မိုးဦးကျ လေဦးကျ လွမ်းရသည့် ကမ်းခြေမှာ ဆိုက်လေတော့သည်။

*****
မိုးတွေ ရွာပြီ ဆိုမှဖြင့် အိမ်ရှေ့ချောင်းကလေးမှာ ရေတွေ ဖွေးနေတော့သည်။ ရေပြင်ပေါ် မိုးရေစက်တွေ ဖနောင့်ကလေး ပေါက်ကာ ပေါက်ကာ ကျသည်ကို အိမ်ရှေ့ကပြင်တွင် မေးတင်၍ ကြည့်ခဲ့ဖူးပါသည်။ တခါတလေလည်း အိမ်နောက်ဖေး ကွမ်းသီးခြံက ကလန်ကလား ကွမ်းသီးပင်ကြီးတွေ မိုးမှုန်များအကြား ပျင်းတိပျင်းတွဲ ယိမ်းထိုးကြသည်ကို အိမ်တိုင်လေး မှီထိုင်ရင်း ငေးခဲ့မိသည်။

ဒီလို အချိန်မျိုးမှာ ချောင်းထဲ မိချောင်း လာတတ်သည်ဟု ကလေးများအတွင်း ကောလဟာလ ပျံ့၏။ မိချောင်းက ဆနွင်းကြောက်သည်ဆို၍ လူကြီးများအလစ်တွင် မီးဖိုထဲမှ ဆနွင်းတွေနှိုက် ချောင်းရေထဲ သွန်ကြသည်။ ၀ါကြန့်ကြန့် အကွက်ပေါ်သွားသော ချောင်းရေကို ကြည့်ပြီး မိချောင်းရန် ကင်းလေပြီဟု စိတ်ချ ယုံကြည်လိုက်ရသော စိတ်အစဉ်သည် အေးချမ်းလှ၏။

တနွေလုံး ပဲနဲ့ အာလူး၊ အခြောက်အခြမ်းများဖြင့်သာ ပြီးရသော အူသည် ဒီအချိန်ရောက်ပြီ ဆိုရင်ဖြင့် ပုစွန်ဆိတ်မျိုး၊ ငါးမျိုး၊ ဖားမျိုး တို့ဖြင့် စိုရ ပြေရလေ၏။ မြွေပါး ကင်းပါး ပေါလာသလို၊ ဂျပ်လုံး၊ ဂျပ်ပြား ဆိုတာတွေလည်း ရှိသေးသည်။ တနှစ်လားမှာတော့ ခြေရင်းအိမ်က ကိုတင်အုန်း၊ မလှရှင် တို့၏ သားလေး ဂျပ်လုံးကိုက်ခံရတယ် ဆိုပြီး သေလေ၏။ ၉နှစ်အရွယ် သားထွေးလေးမို့ ညနေတိုင်လျှင် မလှရှင်တယောက် ချောင်းရေပြင်ကြည့်၍ သားကို တ, တ ငိုသည်မှာ ကြားရသူအပေါင်း၏ စိတ်နှလုံးကို ချုံးချုံးကျစေ၏။

နှစ်စဉ်လို ပိုးထိ၍ သေကြသူများရှိသလို၊ မိုးကြိုးခ၍ သေကြသူများလည်း ဟိုကဒီက ကြားရစမြဲပင်။ ပတ်ဝန်းကျင်၏ သွန်သင်မှုအရ လိုအပ်လျှင် “ဘုရားစူး၊ မိုးကြိုးပစ်၊ ကားတိုက်သေ၊ မြွေကိုက်သေ” ဟု ကျိန်တွယ်သော အတတ်ကိုလည်း တတ်မြောက်ခဲ့လေပြီ။ ရွာသို့အသွား ချောင်းထဲသို့ မော်တော်ကလေး တအိအိဝင်နေချိန်တွင် ချောင်းတဖက်တချက် ကမ်းစပ်တလျှောက်၌ မိုးကြိုးထိထားသော အုန်းပင်ငုတ်တို ကွမ်းသီးပင်ငုတ်တိုများကို ဟိုမှာဒီမှာ တွေ့ရမည် ဖြစ်သည်။ ငုတ်တိုတတိုကို မြင်လေတိုင်း အသက်တချောင်း ဘေးရန်ကင်းလေပြီဟု ရင်မှာဖြစ်မိ၏။ ကလေးအတွေးသည် လွယ်ကူ၍ ရိုးရှင်းလေသည်။ မိုးခြိမ်းလျှင် လူအများစုရင်မှာ ကြောက်စိတ်တွေ ၀င်တတ်ကြစမြဲ မဟုတ်ပါလား။

*****
လွမ်းလျှင် လေးတတ်လေ၏။ ဘယ်လောက်ပင် လေးလံနေပါစေ ညနေ ခြောက်နာရီထိုး ကျောင်းဆင်းသော သားငယ်ကို ကြိုဖို့ရန် အိမ်မှထွက်ရလေသည်။ ဘုရားစူးတာ ဘယ်လိုမှန်း ယခုအချိန်ထိ မရှင်းမရှင်း ဖြစ်သော်လည်း၊ မိုးကြိုးပစ်ခံထိမှာတော့ အလွန်စိုးရွံလှပါသည်။ မရှုမလှ သေရမည့် အပြင် ကျော်မကောင်း ကြားမကောင်း ဟူသော အဓိပ္ပါယ်ကိုလည်း ဆောင်ပါသေး၏။ သို့ပါ၍ သွားနေကျလမ်းအတိုင်း မသွားမူပဲ အမိုးအောက်များမှ တရှည်တလျား သွားရလေတော့သည်။

သားငယ်ကို မိုးကာအင်္ကျီဝတ်ပေးပြီး ထီးတချောင်းနဲ့ သားအမိနှစ်ယောက် လျှောက်ကြတော့ မိုးရေစက်တွေက ကိုယ်ပေါ် စင်၏။ “အို မိုးရေစိုတာ ဘာဖြစ်လဲ ငါကြောက်တာ မိုးကြိုးပဲဟာ” ဟု အတွေးဝင်သောအခါ လတ်တလော ရထားသည့် အက်စစ်မိုးရေဆိုသည့် SMSကို ဖျတ်ကနဲသတိရမိရင်း လက်မောင်းသားတွေပဲ ပဲ့ကုန်ပြီလား ရွဲ့ကုန်ပြီလား ကဗျာကယာကြည့်မိပြီးမှ ဖာသာ ပြုံးမိရလေ၏။

*****
မည်သို့ပင်ဖြစ်စေ အလွမ်းသည် အတိတ်၌သာ တည်၏။ မှီ၏။

ကဆုန်လပြည့် သို့မဟုတ် မြင့်မြတ်ခြင်း၏ သင်္ကေတ

ပို့စ်အဟောင်းကိုပဲ ပြန်တင်လိုက်ပါတယ်။
*****

“အဂ္ဂေါဟမသ္မိ လောကဿ။
ဇေဋ္ဌောဟမသ္မိ လောကဿ။
သေဋ္ဌောဟမသ္မိ လောကဿ။
အယမန္တိမာ ဇာတိ, နတ္ထိဒါနိ ပုနဗ္ဘဝေါ”တိ။ [မ-၃-၂၀၇-အစ္ဆရိယအဗ္ဘုတသုတ္တံ]

“ငါသည် လောကတွင် ထိပ်ဆုံးဖြစ်၏။
ငါသည် လောကတွင် အကြီးဆုံးဖြစ်၏။
ငါသည် လောကတွင် အမြတ်ဆုံးဖြစ်၏။
ဤမွေးဖွားခြင်းသည်ကား နောက်ဆုံးမွေးဖွားခြင်းတည်း။
နောင်တစ်ဖန် ဘ၀ဖြစ်ခြင်း မရှိတော့ပြီ။”

ကဆုန်လပြည့်နေ့သည် မြင့်မြတ်ခြင်း၏ သင်္ကေတဖြစ်သည်။ လောကတွင် သာမာန်လူနှင့် မြင့်မြတ်သောလူဟူ၍ နှစ်မျိုးရှိသည်။ လူသာမာန်တို့သည် လောကသဘာဝအရ ရယူမှုကို အလိုရှိကြသည်။ မိမိတို့၏ စီးပွားချမ်းသာကို အလိုရှိကြသည်။ ချီးမွမ်းမြှောက်ပင့်မှုကို အလိုရှိကြသည်။ အချွေအရံတို့ကို အလိုရှိကြသည်။ သြဇာအာဏာကို အလိုရှိကြသည်။ မြင့်မြတ်သူတို့ကား လူအများ၏ အကျိုးစီးပွားအတွက် မိမိတို့၏ စီးပွားချမ်းသာကို စွန့်လွှတ်ကြသည်။ မိမိတို့၏ အသက်ကို စွန့်လွှတ်ကြသည်။ သြဇာအာဏာတို့ကို စွန့်လွှတ်ကြသည်။ လောကအတွက် စွန့်လွှတ် အနစ်နာခံခြင်းသည် မြင့်မြတ်သူတို့၏ လက္ခဏာဖြစ်သည်။

ဤကဆုန်လပြည့်တွင် လောက၏ အမြင့်မြတ်ဆုံးဖြစ်သော ဗုဒ္ဓမြတ်စွာ အလောင်းလျာကို ဖွားမြင်တော်မူခဲ့သည်။ မယ်တော်မာယာဒေ၀ီသည် အလောင်းတော်၏ သန္ဓေကို လွယ်ပြီးဆယ်လအကြာတွင် မိမိ၏ ဆွေမျိုးများရှိရာ ဒေ၀ဒဟပြည်သို့ အသွားလမ်းခရီး ပင်လုံးကြွတ်ပွင့်နေသော အင်ကြင်းပင်များရှိသော လုမ္ဗနီဥယျာဉ်တွင် ခေတ္တ အနားယူ၏။ ထိုသို့အနားယူခိုက် မဟာသက္ကရာဇ် ၆၈-ခု ၀ိသာခါနက္ခတ် နှင့် စန်းလယှဉ်သော ကဆုန်လပြည့် သောကြာနေ့ နံနက်တွင် အလောင်းတော်ကို ဖွားမြင်ခဲ့ခြင်း ဖြစ်သည်။ မြင့်မြတ်သူတို့၏ လုပ်ဆောင်ချက်တို့သည် အံ့ချီးမခမ်းဖြစ်သကဲ့သို့ပင်၊ သဘာဝတရားက ထိုမြင့်မြတ်သူတို့အပေါ် တုန့်ပြန်မှုသည်လည်း မယုံနိုင်စဖွယ် ဖြစ်ရသည်။ ဖွားမြင်စ အလောင်းတော်သည် ညီညွတ်သော ခြေတို့ဖြင့် မြေ၌ ရပ်တည်ပြီးလျှင် မြောက်အရပ်သို့ ရှေးရှု၍ ခုနှစ်ဖ၀ါးလှမ်းကာ ကြွတော်မူ၏။ ထို့နောက် “ငါသည် လောကတွင် ထိပ်ဆုံးဖြစ်သည်။” စသော ကြုံးဝါးသောစကားကို ဆိုခဲ့၏။ ဗုဒ္ဓ အလောင်းတော်သည် မြင့်မြတ်သူတို့တွင် အမြတ်ဆုံးဖြစ်ပေ၏။

အမျိုးဇာတ်ကြောင့် မြတ်ခြင်း, တန်ခိုးအာဏာကြောင့် မြတ်ခြင်းတို့သည် မြင့်မြတ်ခြင်း အစစ်မှန်မဟုတ်။ လောကအတွက် အနစ်နာခံ စွန့်လွှတ်သော နှလုံးသားကသာ မြင့်မြတ်ခြင်းဖြစ်သည်။ မြင့်မြတ်သော နှလုံးသားသည် မိမိပတ်ဝန်းကျင်မှ ဆင်းရဲဒုက္ခရောက်နေကြရသော လောကသားတို့အပေါ် သက်သော အေးမြသည့် ကရုဏာတရား အပေါ်အခြေခံသည်။ လောကသားတို့အား ဖုံးလွှမ်းထားသည့် အမိုက်မှောင်ကို ပယ်ရှားနိုင်သော ပညာအလင်းရောင် အပေါ်တွင် အခြေခံရသည်။ မြင့်မြတ်သော နှလုံးသားသည် ကောက်ရိုးမီးကဲ့သို့ ၀ုန်းကနဲတောက်၍ ၀ုန်းကနဲငြိမ်းပျောက်သွားသော သဘောမျိုးမဟုတ်။ မြင့်မြတ်သော နှလုံးသားသည် ပြုစုပျိုးထောင်၍ ယူရသည်။ ထိုသို့ ပြုစုပျိုးထောင်ခြင်းကို ပါရမီဖြည့်ကျင့်သည် ဟုခေါ်သည်။

ဤကဆုန်လပြည့်သည် မြင့်မြတ်သော နှလုံးသားကို စတင်သန္ဓေတည်ခဲ့သော အခါကာလလည်း ဖြစ်သည်။ ဒီပင်္ကရာမြတ်စွာဘုရား လက်ထက်တွင် အလောင်းတော်သည် သုမေဓာရှင်ရသေ့ဖြစ်ခဲ့သည်။ ဒီပင်္ကရာမြတ်စွာဘုရား ကြွရောက်လာမည့် လမ်းအား သန့်ရှင်းနေကြသည့်လူတို့ထံမှ “မြတ်စွာဘုရား” ဟူသောစကားသံကို ကြားသောအခါ၊ သုမေဓာရှင်ရသေ့သည် အလွန် နှစ်သက်ဝမ်းမြောက်မှု ဖြစ်ရသည်။ မြင့်မြတ်ခြင်းသည် မိမိ၏ ပတ်ဝန်းကျင်မှ တစ်ဆင့် ကူးလူးဆက်ဆံသော သဘောလည်း ရှိရကား၊ သုမေဓာသည် အများနည်းတူ လမ်းသန့်ရှင်းရေးတွင် ကူညီပါဝင်ခဲ့သည်။ ဒီပင်္ကရာမြတ်စွာဘုရား ကြွလာသောအခါတွင် အလောင်းတော်သည် မိမိ၏ ဆံပင်တို့ကို ဖြေ၍၊ သင်္ကန်း, စမ္မခဏ် သားရေပိုင်းတို့ကို ဖြန့်ကျက်၍၊ မိမိ၏ ကိုယ်ကို အလျားမှောက်ကာ တံတားခင်း၍ ပေးသည်။ ဒီပင်္ကရာမြတ်စွာဘုရားကဲ့သို့ပင် ဘုရားအဖြစ်ရောက်ကာ လောကအား ကျေးဇူးပြုလိုစိတ် ဖြစ်ပေါ်ဆုတောင်းလေသည်။ ဤသည်ကို ကြာပန်းရှစ်ခိုင်ဖြင့် မြတ်စွာဘုရားအား ပူဇော်ရန်လာသော အမျိုးသမီးငယ် သုမိတ္တာသည် မြင်၏။ ဤတွင် ကြာပန်းငါးခိုင်အား သုမေဓာရှင်ရသေ့အတွက်, ကျန်သုံးခိုင်အား မိမိအတွက်ထား၍ ဘုရားရှင်အားလှူဒါန်းကာ သုမေဓာရှင်ရသေ့၏ မြင့်မြတ်သော အမှုတွင် ပါရမီဖြည့်ဖက်အဖြစ် ပါဝင်လေသည်။ “ဤကမ္ဘာမှ လေးအသင်္ချေနှင့် ကမ္ဘာတစ်သိန်းထက်တွင် သုမေဓာရသေ့သည် မြတ်စွာဘုရားဖြစ်လတ္တံ။ ဤသတို့သမီးသည် သင်ရသေ့နှင့် တူမျှသော စိတ်, တူမျှသော ကံ, တူမျှသောအမှုရှိ၍၊ သင့်အား အစဉ်စောင့်ရှောက်လျှက် ပါရမီ ဖြည့်လတ္တံ” ဟု ဒီပင်္ကရာဘုရားက ဗျာဒိတ်စကား မိန့်ကြားခဲ့သည်။ ဤကဆုန်လပြည့်တွင် ဒီပင်္ကရာဘုရား၏ မြင့်မြတ်ခြင်းတို့သည် သုမေဓာ၏ စိတ်နှလုံးကို သိမ်းကြုံးယူကာ၊ ကူးလူး သန္ဓေတည်ခဲ့၏။

ထိုမှစ၍ သိဒ္ဓတ္ထ နှင့် ယသော်ဓရာ အလောင်းလျာမောင်နှံတို့သည် ဖြစ်ရာဘ၀, ရောက်ရာနေရာမှ မြင့်မြတ်သော နှလုံးသားတို့ကို ပြုစုပျိုးထောင်ခဲ့သည်။ မိမိတို့အကျိုးစီးပွားထက် လောက၏ အကျိုးစီးပွားကိုသာ ပဓာနပြု၍၊ စည်းစိမ်ဥစ္စာ, အသွေးအသား, အသက်တို့ကို စွန့်လွှတ်ခဲ့သည်။ သိဒ္ဓတ္ထမင်းသားဘ၀ရောက်သော် ထိုပါရမီတို့သည် အထွတ်ခေါင်သို့ရောက်လေပြီ။ သိဒ္ဓတ္ထမင်းသားသည် လူသားစင်စစ်အဖြစ် မွေးဖွားလာသော်လည်း၊ သာမာန်လူသားမဟုတ်တော့။ မြင့်မြတ်သော မဟာလူသားဖြစ်လေပြီ။ မြင့်မြတ်သူတစ်ကာတို့ထက် မြတ်သော အထွတ်ခေါင်ဖြစ်လေပြီ။

သိဒ္ဓတ္ထမင်းသားသည် အသက် ၂၉-နှစ်အရွယ်တွင် ဖြစ်ပေါ်လာအံ့သော စကြ၀တေးမင်းစည်းစိမ်ကို စွန့်ကာ သတ္တ၀ါတို့ အကျိုးအတွက် ဘုရားအဖြစ်သို့ရရန် အားထုတ်ခဲ့သည်။ အလောင်းတော်ဘ၀ဖြင့် လောကသားတို့ကို လောကဆင်းရဲမှ လွတ်ရန် မရေတွက်နိုင်သောကမ္ဘာများစွာ အားထုတ်ခဲ့ဖူးပြီ။ ယခုနောက်ဆုံးဘ၀ ရောက်သောအခါ၌ကား သတ္တ၀ါတို့အား သံသရာဝဋ်ဆင်းရဲမှ ကယ်မ, ထုတ်ဆောင်ရန် အားထုတ်လေပြီ။ လောကဆင်းရဲနှင့် သံသရာဆင်းရဲနှိုင်းစာလျှင်၊ လောကဆင်းရဲသည် ပြောပလောက်သော ဆင်းရဲမဟုတ်တော့။ သံသရာမှ မလွတ်သရွေ့ ဆင်းရဲအမျိုးမျိုး ကြုံတွေ့ရမည်သာ။ ဆင်းရဲဟူသမျှ၏ အရင်းမြစ်ကို ချိုးဖြတ်ရန်အတွက် တစ်ပြောင်းတစ်ပြန်ပြန် ပြေးသွားကျင်လည်နေရသော သံသရာကို ဖြတ်တောက် ရပေမည်။ လောကအကျိုးကို ဆောင်ရန် ဦးစွာပထမ မိမိကိုယ်တိုင် သံသရာဆင်းရဲအပေါင်းမှ လွတ်မြောက်ရန် ကျိုးပမ်းရသည်။ ထို့ကြောင့် သံသရာမှ ထွက်မြောက်ကြောင်းတရားကို ရှာဖွေခြင်းဟူသော မြတ်သောရှာဖွေခြင်း (အရိယာပရိယေသန) ကို အားထုတ်တော်မူခဲ့၏။

ဤကဆုန်လပြည့်သည် လောက၏ အမြတ်ဆုံးဖြစ်သော ဗုဒ္ဓအဖြစ်ရောက်တော်မူသောနေ့ ဖြစ်သည်။ ‘ဗုဒ္ဓ’ ဟူသည် နိုးကြားသိမြင်ခြင်းဟု အဓိပ္ပါယ်ရသည်။ ဒုက္ခခပ်သိမ်း၏ အရင်းမြစ်ကို ရှာဖွေသိမြင်ခြင်းကြောင့် ဗုဒ္ဓ ဟူ၍ အမည်ရသည်။ အလောင်းတော်သည် ဂယာအရပ်မှ ဥရုဝေဠတော သေနနိဂုံး ဗောဓိပင်ရင်းတွင် “ဘုရားမဖြစ်သရွေ့, ဤနေရာမှ မထတော့”ဟူသော ခိုင်မြဲသောစိတ်ဖြင့် အားထုတ်တော်မူရာ၊ မဟာသက္ကရာဇ် ၁၀၃-ခု ကဆုန်လပြည့် ဗုဒ္ဓဟူးနေ့အကုန် အာရုဏ်တက်အချိန် ၀ိသာခါနက္ခတ်နှင့် စန်းလတို့ ယှဉ်ခိုက်တွင် ဗုဒ္ဓဘုရားအဖြစ်သို့ ရောက်တော်မူခဲ့သည်။

“အနေကဇာတိသံသာရံ၊ သန္ဓာဝိဿံ အနိဗ္ဗိသံ။
ဂဟကာရံ ဂဝေသန္တော၊ ဒုက္ခာ ဇာတိ ပုနပ္ပုနံ။”
“ဂဟကာရက ဒိဋ္ဌောသိ၊ ပုန ဂေဟံ နကာဟသိ။
သဗ္ဗာ တေဖာသုကာ ဘဂ္ဂါ၊ ဂဟကူဋံ ၀ိသင်္ခတံ။
ဝိသင်္ခါရဂတံ စိတ္တံ၊ တဏှာနံ ခယမဇ္ဈဂါ”တိ။ [ဓမ္မပဒ-ဇရာဝဂ်-ဂါထာ-၁၅၃, ၁၅၄]


ဆင်းရဲဒုက္ခကို အဖန်ဖန်ဖြစ်စေတတ်သော လက်သည် (အိမ်ဆောက်လက်သမား)အား ရှာဖွေခဲ့ပါသော်လည်း၊ မတွေ့သဖြင့် ဘ၀များစွာသံသရာကို ကျင်လည်ခဲ့ရလေပြီ။
အို... အိမ်ဆောက်လက်သမား၊ ငါသည် သင့်အား ယခု မြင်ပြီ။
သင်သည် နောက်တစ်ဖန် ဆောက်လုပ်နိုင်တော့မည် မဟုတ်တော့။
သင်၏ ကိလေသာဟူသော အခြင်ရနယ်တို့ကို ချိုးဖျက်ခဲ့ပြီ။
အ၀ိဇ္ဇာတည်းဟူသော အိမ်အထွတ်ကို ဖျက်ဆီးအပ်ပြီ။
ငါ၏ စိတ်သည် ပြုပြင်စီရင်ခြင်းကင်းရာနိဗ္ဗာန်သို့ ရောက်ပြီ။
တဏှာကုန်ကြောင်း အရဟတ္တဖိုလ်ကို ရပြီ။

ဗုဒ္ဓဘုရားဖြစ်သည်နှင့် ဤ “အနေကဇာတိ” အစချီသော ၀မ်းမြောက်သော ဥဒါန်းစကားကိုဆို၏။ ဆင်းရဲအပေါင်းတို့၏ လက်သည်ရင်းမြစ်သည် မသိမှု ‘အ၀ိဇ္ဇာ’ နှင့် တပ်မက်မှု ‘တဏှာ’ ဖြစ်ကြောင်းသိလေပြီ။ ၄၅-၀ါကာလပတ်လုံး မနားတမ်း မိမိသိသော အသိတရားကို မျှဝေ၍ ဟောကြားခဲ့သည်။ အလောင်းတော်ဘ၀တွင် စည်းစိမ်, အာဏာ, ကိုယ်လက်အင်္ဂါ, အသက်တို့ကို စွန့်လွှတ်ပေးဆပ်၍ လောကသားတို့အား ကယ်တင်ခဲ့သည်။ နောက်ဆုံး ဗုဒ္ဓအဖြစ်တွင် သစ္စာလေးပါးတရားကို ဟောကြား၍ သတ္တ၀ါတို့ကို သံသရာမှကယ်တင်ခဲ့သည်။


ဟန္ဒဒါနိ, ဘိက္ခဝေ, အာမန္တယာမိ, ၀ယဓမ္မာ သင်္ခါရာ, အပ္ပမာဒေန သမ္ပာဒေထ။ [ဒီ-၂-၁၈၅-မဟာပရိနိဗ္ဗာနသုတ္တံ]
ရဟန်းတို့... အကျဉ်းလိုရင်းကို ဆိုအံ့။ အလုံးစုံသော သင်္ခါရာတရားတို့သည် ပျက်စီးခြင်းသဘောရှိကုန်၏။ မမေ့မလျော့သောသတိတရား ရှိကြကုန်လော့။

အင်ကြင်းပင်တို့ အကြားတွင် ဖွားမြင်တော်မူခဲ့သော ဗုဒ္ဓသည် အင်ကြင်းပန်းတို့ပွင့်သော ဤကဆုန်လပြည့်နေ့ (မဟာသက္ကရာဇ် ၁၄၈-ခု ကဆုန်လပြည့် အင်္ဂါနေ့ အရုဏ်တက်ခါနီး အချိန်တွင်) မလ္လာမင်းတို့၏ ဥယျာဉ်အတွင်းရှိ အင်ကြင်းပင်ရင်း၌ပင် ပရိနိဗ္ဗာန်စံဝင်တော်မူခဲ့သည်။ သာမာန်လူသားတို့အမြင်တွင် ကြေကွဲဝမ်းနည်းဖွယ်ဖြစ်သော်လည်း၊ အရိယာသူတော်စင်တို့ အမြင်၌ကား ဒုက္ခခပ်သိမ်းငြိမ်း၍ လုံးဝအေးငြိမ်းမှုကိုပြုသွားခြင်းပင် ဖြစ်သည်။ ဤသည်ကား မြင့်မြတ်သူတို့၏ ထိပ်ဆုံးမြင့်မြတ်မှုပင် ဖြစ်သည်။ မြင့်မြတ်သော နှလုံးသားပိုင်ရှင်ဖြစ်သည့် ဗုဒ္ဓသည် ဤကဆုန်လပြည့်တွင် “အပ္ပမာဒေန သမ္ပာဒေထ” ဟူသော နောက်ဆုံးသြ၀ါဒ စကားဖြင့် လောကသားတို့အား ကျေးဇူးပြုသွားခဲ့လေသည်။

*****

သားငယ် ၀က်သက်ပေါက်နေလို့

ဘလော့ဂ်မှာ စာမရေးပဲ ပစ်ထားတော့
ဘလော့ဂ် သူယောင်မယ်လေးတွေက ဆီဘောက်မှာ ကိုယ်ယောင်လာပြကြလို့
သီတာဇော်ဂျီ ဆေးအကြိတ်ရပ်ပြီး ပို့စ်တင်လိုက်ပါတယ်။

ဒီပုံလေးက ပျိုပျိုအိုအို လို့ အမည်ရပါတယ်။

ဒါကကြာသုံးခိုင်ဓာတ်ပုံ…

ဒါက ကိုဧရာ့လက်ရာ…ရေဆေးမှန်ဘောင်လည်းသွင်းမပေးဘူးလို့ ဂျီကျနေတယ်။

အဖေနဲ့သား (သို့) Father and Son ပေါ့

ဒါက သူယောင်မယ်လေးတွေအတွက်
ပျိုပျိုအိုအိုနဲ့ ချိတ်ထားတဲ့ ပန်းမမ
ကြာသုံးခိုင်နဲ့ ချိတ်ထားတဲ့ ပန်း တဲ့လားကွယ်...

ဟောဒီမှာ သင်္ကြန်ကျနေပြီ

ရိုးရာ ဓလေ့ ထုံးစံ ဆိုတာက လက်ဆင့်ကမ်းရတဲ့ သဘောရှိပါတယ်။
ရှေ့ရှေ့လူတွေက နောက်နောက်လူတွေကို ဦးဆောင် လမ်းပြ လက်တွဲခေါ်သွားကြတာမျိုးပါ။
*****
အကျနေ့ဆိုတော့ ကောင်းကောင်းကြီးကို ရေစပက်ပြီပေါ့
အိမ်ရှေ့မှာ ရေတိုင်ကီ ရေစည်ပိုင်း ရေဇလုံ ရေပုံး ရေဖလား ရေခွက် အစုံအလင်နဲ့ ကလေးတွေကတော့ သွေးပူလေ့ကျင့်ခန်းတောင် စနေပါပြီ…
ဟိုသူမလာသေးဘူးလား ဒီသူမရောက်သေးဘူးလားနဲ့ အိမ်ရှေ့တွေ လိုက်ခေါ်သူကခေါ်
တို့များ အတို့ပဲ မခံနိုင်သလိုလို၊ အဆိတ်ပဲ မခံနိုင်သလိုလိုနဲ့ ဟိုလိုလို ဒီလိုလို ပဲများနေပြီ ဆိုမှဖြင့်
အမေက “ဟဲ့ မထွက်သေးဘူးလား.. မကစားသေးဘူးလား” ကျောင်းပေးရပါသေးတယ်။
“အမေကလည်း ဘယ်သူ့ကို ပက်ရမှာလဲလို့ လမ်းထဲမှာ လူမှ မရှိတာ ပျင်းစရာကြီး” မူပါသေးတယ်။
“လူက ဒီလိုပဲ ရောက်လာမှာပေါ့…သွားသွား... ဟိုမှာသွား အိမ်ရှေ့မှာ နင်တို့ ဆရာ ညိုမြ လုပ်နေပြီ” ဆိုရင်
အိမ်ရှေ့အိမ်က အင်္ဂလိပ်စာ ကျူရှင်ဆရာဆီ ရေဖလားနဲ့ အပြေးသွားပြီး သင်္ကြန်ကို ဖွင့်ရလေ့ရှိပါတယ်။
ဆရာလူပျိုကြီးလည်း သင်္ကြန်ရေတွေဆိုသွားတော့မှ ကလေးတွေကို ရေဖြည့်ပေးသလိုလို၊ ကားအသွားအလာတွေ စောင့်ကြပ်ပေးသလိုလိုနဲ့ ဥပုသ်မစောင့်ပဲ နေခွင့်ရသွားပါတော့တယ်။

ရပ်ကွက်လမ်းလေးထဲ ဆိုတော့ လူအသွားအလာ ကျဲပါတယ်။ ဖြတ်လျှောက်တဲ့ တယောက်တလေကိုပဲ ကလေးတသိုက်က ၀ိုင်းဆွမ်းကြီးလောင်းရတာပါ။ ပျင်းတင်းတင်းဖြစ်လာပြီဆိုရင် အမေက သူလုပ်ထားတဲ့ သင်္ကြန်မုန့်တွေ တအိမ်တက်ဆင်း ဝေခိုင်းပါတယ်။ ဒီလိုနည်းနဲ့ ရေပက်ခံ စထွက်ပါတယ်။ အမြဲလိုလို မျက်နှာတည်ကြီးနဲ့ နေတတ်တဲ့ ကိုကြီးက စိတ်ကောင်းဝင်လာဟန်နဲ့ မြို့ထဲတပတ်လိုက်ပို့မယ် ဆိုလိုက်ရင်… “ဟေး” ဆိုပြီး ပေါင်မုန့်ကားကြီးပေါ် တိုးဝှေ့တက်ကြတော့တာပဲ… လူတွေမှ အများကြီးဆန့်တယ်။ ကလေးတွေတင်ဘယ်ဟုတ်ပါ့မလဲ ခေါင်းရင်းအိမ်၊ အိမ်ရှေ့အိမ်၊ မျက်စောင်းထိုးအိမ် က အမတွေ နှုတ်ခမ်းနီတွေ နေကာမျက်မှန်တွေနဲ့ အလျှိုအလျှို ထွက်လာကြတာ။ လမ်းမတော်၊ လသာ၊ မြို့တော်ခန်းမ၊ ပြည်လမ်း၊ အလုံလမ်း တပတ် ဒီလောက်ပါပဲ။

ညနေခင်းဆိုရင်တော့ လမ်းထဲမှာတင် ဘယ်ပက်တော့မလဲ။ လမ်းထိပ်ထွက်ပြီ…ကမ်းနားလမ်းပေါ်…။ ရေပက်ခံကားတွေကို ပက်ရပြီ။ ဟိုတခေတ်ကတော့ ရပ်ကွက်ထဲက လူကြီးတွေက လမ်းထိပ်မှာ ရေပက်မဏ္ဍပ် လုပ်ပေးပါသေးတယ်။ နောက်ပိုင်းမှာ လုပ်မပေးနိုင်တော့လို့ လူကြီးတွေလည်း စိတ်ကောင်းကြဟန်မတူပါဘူး ။ ကြုံတဲ့သူ ၀ယ်လာပေးတဲ့ ရေခဲပေါင်တုံးကြီးတွေ တိုင်ကီထဲ နှစ်ထည့်ထားလိုက်တာ။ ရေပက်ခံကားပေါ်က အပက်ခံချင်သူတွေကလည်း ထွန့်ထွန့်လူး၊ ရေပက်တဲ့သူတွေကလည်း အရိပ်အယောင်မြင်တာနဲ့ ဟော ဟိုမှာလာပြီလာပြီ ဆိုပြီး အင်တိုက်အားတိုက် ပက်ကြတာပဲ…။

ဒီရပ်ကွက်လေးမှာက အလှပြကားဆုပေးမဏ္ဍပ် တခုတည်းရှိတာ။ အောက်ကြည့်မြင်တိုင်လမ်းမပေါ်မှာ… နာမည်လေးက ရွှေစင်ဦးတဲ့။ ဒီလို မဏ္ဍပ်မျိုးဆိုတာ ငွေကြေးစိုက်ထုတ်နိုင်တဲ့သူရှိမှ ဖြစ်တာမလား။ ဘာပဲဖြစ်ဖြစ် သူ့အိမ်ရှေ့မှာ မဏ္ဍပ်ထောင်ပေးတဲ့ ဂိုက်များတဲ့ အန်ကယ်ကြီးကို ကျေးဇူးတင်နေတာ ယနေ့ထက်တိုင်ပဲ။ မဏ္ဍပ်သေးတော့ ကားအလာကျဲတယ်။ ညဘက်ဆိုရင်တော့ ကားတွေ ဆက်တိုက်ဝင်ပါတယ်။ ကလေးပါးစပ်၊ အရူးစကား၊ ယဉ်ကျေးမောင် … တို့ မှတ်မိပါသေးတယ်။

ရေးတော့မယ်ကွယ့် သင်္ကြန်အကြောင်း

တို့များငယ်ငယ်တုန်းက သင်္ကြန်ရက်မတိုင်မှီ ဟိုးမစွကပင် ပြင်ကြဆင်ကြရသည်။
*****
အမေ

အုန်းသီးတွေကတော့ အပင်ပေါ်က ချထားတာ ဆယ်လုံးလောက်ရှိသည်။
သာကူစေ့၊ ထန်းညက်ကတော့ ညောင်ပင်လေးဈေးက လဆန်းထဲက ၀ယ်ထားပြီးသား...။
ကောက်ညှင်းတပြည် ဆန်သုံးပြည် ကြိုကြိတ်ထားရမည်။ ဆန်တွေ ရေစိမ်ထားပြီ။
နောက်ဖေးလမ်းက မုံ့ကြိတ်စက်က သင်္ကြန်တွင်း ပိတ်မလားမသိ။
အုန်းသီးခြစ်တဲ့ ဆိုင်ကိုလည်း သင်္ကြန်တွင်း ဖွင့်မှာလားလို့ သေချာအောင်တော့ မေးထားတာပဲ။
မုန့်လက်ဆောင်းဖက် က စမ်းချောင်းမှာ သွားဝယ်ရမှာ။ ဘယ်သူကို လွှတ်ရပါ့။
နှစ်ဆန်းတရက်နေ့ ခေါင်းလျှော်ရည်ဝေဖို့ ကင်ပွန်းသီးတော့ ကြိုပြုတ်ထားလိုက်တော့မည်။
ဟဲ့ ကလေးမတွေ လာ တရော်တွေ ထုထားကြတော့…
ဘုရားစင်အောက်က အတာအိုး ဆေးကြောထားလိုက်ဦး…


*****
အိမ်ကအကိုတွေ (လောင်ကိန်းချိ - ကိုကြီး၊ အိလေးဂွမ် - ကိုလတ်၊ ဘာဘူ - ကိုလေး)* နဲ့ လမ်းထဲက အကိုကြီးတွေ သင်္ကြန်လည်ရင် အင်္ကျီဆင်တူဝတ်ကြမည်။ ဘယ်ဒီဇိုင်းကို ဘယ်ပုံချုပ်မည် ဆိုတာကစလို့ အရောင်အသွေး ရွေးကြသေးသည်။
အရောင်…နွေနေပူမှာ ထင်းနေစေရမည်။ ဒီဇိုင်း…ဟော့နေရမည်။ ပိတ်စကတော့ ရေစိုစိုနဲ့ အီလက်စတစ်ပဲ ကောင်းမည်…။
ရွေးချယ်မှုများ အဆုံးသတ်လို့ နောက်ဆုံးအတည်ပြုချက်ရပြီဆိုရင် အဒေါ်လုပ်သူက တူ ၃ယောက်အတွက် ဒိုင်ခံချုပ်ရတော့သည်။ အလတ်ကောင် ချေးအထူဆုံး။ ပြန်ဖြေဦး ပြန်ချုပ်ဦးနဲ့။ ဒီလို...ဒီလို...

ငှားထားတဲ့ ဂျစ်စုတ်မှာလည်း စကောစကာစုတ်တွေ ချိတ်ကြသေးသည်။
*****
တို့များကလေးတွေ

ဟဲ့ ရေမလာရင်…ငါတို့ကို မော်တာ ဘယ်သူမောင်းပေးမှာလဲ…
ဇော်ဇော် ဟိုနေ့က ပူဖောင်းတွေ အထုတ်လိုက် နင့်ဆီမှာတွေ့တယ်နော်…နင်ရေပူဖောင်းနဲ့ ပေါက်မလို့ မဟုတ်လား။ ပေးပေး ငါ့ကို အကုန်ပေး။ နင့် အဲ့လိုလုပ်လို့ကတာ့ ရေမပက်ရအောင် လူကြီးတွေကို တိုင်ပလိုက်မယ် ဘာမှတ်လဲ။
ငါတို့ကို ခွက်စောင်းလာလာခုတ်တဲ့ အကောင်တွေ ဒီနှစ်လာရင် ဒင်းတို့ မလှုပ်နိုင်အောင် သူတို့ လမ်းထိပ်ရောက်ပြီ ဆိုကတည်းက ၀ီဆယ်မှုတ်ပြီး အချက်ပေးရမယ်။ တို့လမ်းထဲက ကလေးအားလုံး ၀ိုင်းလောင်းလွှတ်ရင် ဒင်းတို့ နောက်လာရဲမှာ မဟုတ်တော့ဘူး။
ရေခဲရေနဲ့ ပက်ချင်တယ်ဟာ…ရေခဲတုံးဝယ်ပေးအောင် ဘယ်သူ့ကို ပူဆာကြမှာလဲ
ငါတို့အိမ်က ရေပက်ခံ လိုက်ပို့ရင် နင်တို့လည်း လိုက်ခဲ့နော်.. သွားမယ်ဟေ့ဆို အကြာကြီး မစောင့်ရစေနဲ့ တဘက်တွေ အဆင်သင့်လုပ်ထား
ကားပျက်လို့ တွန်းရရင်လည်း တပြုံကြီး ပျော်စရာကြီးပေါ့...။
*****

*(ရှင်ဂွမ်းဂွိ၊ လောင်ကိန်းချိ၊ အိလေးဂွမ်၊ ဘာဘူ ၊ အာကျယ်၊ ဟိန၊ ကုလားမ ဟု မောင်နှမ ၇ယောက် ရှိလေသည်။)

ဆရာဦးရွှေအောင်နှင့် အရစ္စတိုတယ်

အနောက်တိုင်း အတွေးအခေါ်တို့ကို မြန်မာဆန်ဆန်တွေးပြီး စာဖတ်ပရိသတ်အား ပြန်လည်တင်ပြသူများထဲတွင် တက္ကသိုလ်ဘုန်းနိုင်နှင့် ဦးရွှေအောင်တို့ နှစ်ဦးကို သဘောကျမိသည်။ ဝေါဟာရအသစ်များ သုံးသွားသည့်တိုင် စလုံးစခု မဖြစ်, တစိမ်းတရံစာ မဖြစ်ပဲ အတွေးထဲသို့ ပြေပြေပြစ်ပြစ် ၀င်အောင်ရေးနိုင်၍ ဖြစ်သည်။ ထိုသို့ရေးနိုင်ခြင်းမှာလည်း မြန်မာအတွေးအခေါ်ထဲမှ အနီးစပ်ဆုံးကို လွယ်လင့်တကူဆွဲယူ နှိုင်းယှဉ်နိုင်လောက်အောင် စာကျေ၍ ဖြစ်မည်။
ဆရာဦးရွှေအောင်၏ ဘ၀အမြင်သစ်ထဲမှ စာပိုဒ်တစ်ပိုဒ်ကို ကြည့်ပါ။

“အကျိုးတရား တစ်ခုကို ဖြစ်ပေါ်စေမှု၌ အကြောင်းတရားတို့သည် လေးပါး ပါဝင်ကြရ၏။ ကံလည်း လို၏။ ဉာဏ်နှင့်ဝီရိယလည်းလို၏။ ဆန္ဒလည်း လို၏။ စိတ်ထားလည်း လို၏။ ဆန္ဒ, စိတ္တ, ၀ီရိယ, ၀ီမံသ ပေါင်း လေးခုတို့ကို ဣဒ္ဓိပါဒ်လေးပါး ဟုခေါ်၏။ ဣဒ္ဓိပါဒ်လေးပါးနှင့် ပြည့်စုံမှ အကျိုးတရား ဖြစ်ပေါ်လာနိုင်၏။ ဣဒ္ဓိပါဒ်လေးပါးနှင့် ကံအကြောင်းတရားတွင် ကံသည် ဥပါဒါနကာရဏ မည်၏။ ဥပါဒါနကာရဏဟူသည်မှာ ကိုယ်ထည်အကြောင်း ဖြစ်၏။ စားပွဲလုပ်ရာ၌ သစ်သားသည် ကိုယ်ထည်အကြောင်းဖြစ်သကဲ့သို့ပင် အကျိုးပေးရာ၌ ကံသည် ကိုယ်ထည်အကြောင်းဖြစ်၏။ ဉာဏ်နှင့် ၀ီရိယသည် နိမိတ္တကာရဏ မည်၏။ နိမိတ္တကာရဏဟူသည်မှာ ဗိသုကာအကြောင်း ဖြစ်၏။ စားပွဲလုပ်ရာ၌ လက်သမားမပါလျှင် မဖြစ်သကဲ့သို့ အကျိုးပေးရာ၌လည်း ဉာဏ်နှင့် ၀ီရိယ မပါလျှင် မဖြစ်။ ထို့ကြောင့် ဉာဏ်နှင့် ၀ီရိယ ဗိသုကာအကြောင်းဖြစ်၏။ ဆန္ဒသည် ပတ္ထနာကာရဏ မည်၏။ ပတ္ထနာကာရဏဟူသည်မှာ ရည်မှန်းချက်အကြောင်း ဖြစ်၏။ ရည်မှန်းချက်မရှိလျှင် ဘာမျှ ဖြစ်မလာနိုင်သကဲ့သို့ပင် အကျိုးပေးရာ၌ ဆန္ဒမပါလျှင်လည်း ဘာမျှ မဖြစ်လာနိုင်ပေ။ ထို့ကြောင့်အကျိုးပေးရာ၌ ဆန္ဒကိုလည်း အကြောင်းတစ်ရပ်အနေဖြင့် လိုအပ်၏။ စိတ်သည် သမ၀ါယိကကာရဏ မည်၏။ သမ၀ါယိကကာရဏဟူသည်မှာ ပုံစံအကြောင်း ဖြစ်၏။ စားပွဲလုပ်ရာ၌ စားပွဲပုံစံရှိပါမှ စားပွဲကိုလုပ်၍ ရ၏။ ထို့အတူ အကျိုးတရားတစ်ခု ဖြစ်ပေါ်စေရာ၌ အကြောင်းအနေဖြင့် ပါဝင်ရသည်ပင် ဖြစ်၏။ ဤသည်မှာ ဒဿနကျမ်းများ၌ ဖော်ပြကြသော အဆိုအမိန့်များ ဖြစ်လေ၏။” (ဘ၀အမြင်သစ် - စာမျက်နှာ ၁၂၄)

စင်စစ် ဤအဆိုအမိန့်များကား (မည်သည့် ဒဿနကျမ်းစာများမှ အဆိုအမိန့်များဖြစ်သည်ဟု ဖော်ပြထားခြင်းမရှိသော်လည်း)* ဂရိအတွေးအခေါ်ဆရာ အရစ္စတိုတယ်၏ Metaphysics ကျမ်းမှ material cause, efficient cause, final cause, formal cause ဟူသော အကြောင်းတရားလေးပါးကို (http://plato.stanford.edu/entries/aristotle-causality/#FouCau) မြန်မာမှုအတွေးအခေါ်မှ ဝေါဟာရများနှင့် နှီးနွယ်တင်ပြသွားခြင်း ဖြစ်သည်(ဟု မိမိအနေနှင့် ယူဆမိပါသည်။)* ဝေါဟာရအသစ်များ သုံးသွားသည့်တိုင် ခိုးလိုးခုလု ဖြစ်မနေပါ။ ဆရာဦးရွှေအောင်၏ အတွေးနှင့် အရေးကို သဘောကျမိပါသည်။

* ပြင်ဆင် ဖြည့်စွက်ချက်များ

မှတ်ချက်။ ။

ရည်ညွှန်းစာပိုဒ်ပါ “ဤသည်မှာ ဒဿနကျမ်းများ၌ ဖော်ပြကြသော အဆိုအမိန့်များ ဖြစ်လေ၏။” ဆိုသည့်နောက်ဆုံးဝါကျအရ “ဆရာဦးရွှေအောင်က ဒဿနကျမ်းများမှ ကိုယ်ထည်အကြောင်း၊ ဗိသုကာအကြောင်း၊ ရည်မှန်းချက်အကြောင်း၊ ပုံစံအကြောင်း ဟူသော အကြောင်းတရားလေးပါးကို ဗုဒ္ဓစာပေရှုထောင့် အတွေးအမြင်ဖြင့် တင်ပြထားသည်” ဟူ၍ မိမိအနေဖြင့် ဆရာကြီးအား လေးစားဂုဏ်ယူမိပါသည်။ သို့သော်လည်း မိမိ၏ အယူအဆသည် စာဖတ်သူတို့အတွက် အငြင်းပွားဖွယ်ဖြစ်နေသည်ကို တွေ့ရပါသည်။ စာရေးသူ, စာဖတ်သူများ အကုသိုလ်မပွားများကြစေရန် ဆရာကြီး၏ မူရင်းစာကိုယ်ကို ချန်၍ မိမိ၏ အယူအဆကို ပယ်ဖျက်ထားလိုက်ပါသည်။

နောက်ဆုံးလက်နက်

ရှုံးနိမ့်မှုတို့ အကြိမ်ကြိမ်ရင်ဆိုင်ရသောအခါ စိတ်ဓာတ်ကြံ့ခိုင်သူတို့ပင် တွေဝေ တွန့်ဆုတ်သွားတတ်ကြသည်။ ငါတတ်နိုင်သမျှတော့ ကုန်ပြီဟု လက်လျှော့အရှုံးပေး တတ်ကြသည်။ ငယ်စဉ်က သင်ခန်းစာတွင် သင်ခဲ့ရသော “မပုကြွယ်နှင့် ခရုငယ်” လိုပုံပြင်မျိုးက အားငယ်နေချိန်တွင် အားဆေးတစ်ခွက်ဖြစ်သည်။ သားတို့ကိုတော့ “The Prince five-weapons and sticky-hair monster” ပုံပြင်ကို မကြာခဏ ပြောပြဖြစ်သည်။ စင်စစ်ဤပုံပြင်မှာ တရားဓမ္မကျင့်ကြံပွားများမှုမှ အားလျှော့အရှုံးပေးတော့မည့် ရဟန်းတော်များအား ဘုရားရှင်ဟောကြားခဲ့သော အားပေးစကားဖြစ်သည်။

ဗာရာဏသီပြည်တွင် ဗြဟ္မဒတ်မင်း စိုးစံစဉ်က မိဖုရားခေါင်ကြီးတွင် သားတော်တစ်ပါး ဖွားမြင်သည်။ ထိုမင်းသားသည်နောင်တွင် လက်နက်ငါးမျိုးကို ကိုင်တွယ်ရာတွင် အလွန်ကျွမ်းကျင်သူ ဖြစ်လိမ့်မည်ဟု ပုဏ္ဏားတော်များက နိမိတ်ဖတ်၍ ပဉ္စ၀ုဓမင်းသား (ပဉ္စ - ငါး + ၀ုဓ - လက်နက်) ဟုအမည်ရသည်။ အရွယ်ရောက်သောအခါ တက္ကသိုလ်ပြည် ဒိသာပါမောက္ခဆရာကြီးထံတွင် ပညာသင်ကြား၏။ ပညာစုံ၍ နေရပ်သို့ပြန်သော် ဆရာကြီးက ပဉ္စ၀ုဓမင်းသားအား လက်နက်ငါးမျိုး ပေးအပ်လိုက်သည်။ ထိုလက်နက်တို့ကိုယူ၍ မွေးရပ်မြေသို့ပြန်လာသော် တောအုပ်တစ်ခုကို ဖြတ်ရသည်။

ဤတောအုပ်တွင် စေးကပ်သော အမွှေးရှိသည့် ဘီလူး (သိလေသလောမယက္ခ) တစ်ကောင်ရှိ၍ ထိုဘီလူးသည် မြင်မြင်သမျှ လူတို့ကို သတ်ဖြတ်သောကြောင့် ဤတောကိုဖြတ်၍ မသွားရန် လူအချို့က တားမြစ်ကြသည်။ သို့သော် ရဲရင့်၍ မိမိကိုယ်မိမိ ယုံကြည်ချက်အပြည့်ရှိသော ပဉ္စ၀ုဓမင်းသားက မဆုတ်ပဲ တောကိုဖြတ်၏။ တောအုပ်အလယ်တွင် ထန်းပင်မျှမြင့်သော ဘီလူးနှင့် တွေ့ကာ “ရပ်လော့….။ သင်သည် ငါ၏အစာဖြစ်ပြီ”ဟု အသံနက်ကြီးဖြင့် ဟန့်တားသည်။ မင်းသားကား မကြောက်။ အဆိပ်လူးမြားဖြင့် ပစ်ခတ်သည်။ မြားတစ်စင်းပြီး တစ်စင်းပစ်သော်လည်း မြားအားလုံးသည် ဘီလူး၏ အမွှေးအမျှင်များတွင်သာ ကပ်ငြိ၍ နေလေသည်။ ဘီလူးက ကိုယ်ကို လှုပ်ရမ်း၍ ကပ်နေသော မြားများကို ခါချပြီး မင်းသားအနားသို့ ကပ်သည်။ ထိုအခါ မင်းသားက သံလျှက်ဖြင့် ခုတ်၏။ သံလျှက်လည်း ဘီလူး၏ အမွှေး၌သာ ကပ်၍ နေသည်။ မင်းသားက လှံဖြင့် ထိုး, တင်းပုတ်နှင့် ထုသော်လည်း လက်နက်အားလုံးတို့သည် ဘီလူး၏ အမွှေးတို့တွင်သာ ကပ်ငြိနေပြန်သည်။

ထိုအခါ မင်းသားက “ငါသည် ပဉ္စ၀ုဓအမည်ရသော်လည်း လေးမြားလက်နက်တို့ကို အားကိုး၍ ဤတောအုပ်သို့ ၀င်လာခြင်းမဟုတ်။ မိမိကိုယ်ကို အားကိုး၍ ၀င်လာခြင်းဖြစ်သည်။ ငါသည် သင့်အား အမှုန့်ချေပစ်အံ့” ဟု ကြုံးဝါးကာ ဘီလူးအား လက်သီးဖြင့် ထိုးနှက်၏။ လက်ယာလက်သည် ဘီလူးတွင် ကပ်၍ ပြန်ခွာမရသောအခါ လက်ဝဲလက်ဖြင့် ထိုးနှက်၏။ ပြန်ခွာမရ။“ ငါသည် သင့်အား အမှုန့်ချေပစ်အံ့” ဟုကြုံးဝါးကာ ဒူးနှစ်ဖက်နှင့် တိုက်၏။ ဦးခေါင်းဖြင့် တိုက်၏။ ခြေလက်ဦးခေါင်း ငါးမျိုးလုံးသည် ဘီးလူးတွင် ကပ်၍သာ နေသည်။

သို့တိုင် မင်းသားသည် မတုန်လှုပ်၊ မကြောက်ရွံ့။ ဤသို့ ရဲစွမ်းသတ္တိရှိသူမျိုး မကြုံဖူးဟူ၍ ဘီလူးကသာ တုန်လှုပ်စပြုလာသည်။ “အသင် ဘာကြောင့် သေမှာ မကြောက်သလဲ” ဟုမေးသော် မင်းသားက “ဘီလူး ဘာကြောင့် ကြောက်ရမည်နည်း။ တစ်ဘ၀တွင် တစ်ကြိမ်သာ သေရိုးထုံးစံရှိသည်။ ထို့အပြင် ငါ၏ ၀မ်း၌ ၀ရဇိန်လက်နက်ရှိ၏။ အသင် ငါ့အား စားသော်လည်း ဤ၀ရဇိန်လက်နက်သည် ကျေပျက်မည်မဟုတ်။ သင်၏ အူ, အသည်းတို့သာ အပိုင်းပိုင်း ပြတ်တောက်ကာ သင်လည်း ငါနှင့်အတူ သေအံ့” ဟု ပြန်လည် ကြိမ်းဝါးသည်။ ထိုအခါ ဘီလူးလည်း မစားရဲတော့ပဲ မင်းသားအား ပြန်လွှတ်ပေးလိုက်လေသည်။

ပဉ္စ၀ုဓမင်းသား၏ နောက်ဆုံးလက်နက်သည်ကား ပြင်ပမှ လေးမြား ဓားလှံ လက်နက်များ မဟုတ်။ မိမိ၏ ယုံကြည်မှုပေါ်တွင် ကြံ့ကြံ့ခံရပ်တည်နိုင်သည့် စိတ်ဓာတ်ပင် ဖြစ်သည်။ အသိဉာဏ်နှင့် ယှဉ်သည့် မကြောက်တရား ဖြစ်သည်။ မတွန့်ဆုတ်မှုဖြစ်သည်။

ယော အလီနေန စိတ္တေန၊ အလီနမနသော နရော။
ဘာဝေတိ ကုသလံ ဓမ္မံ၊ ယောဂက္ခေမဿ ပတ္တိယာ။
ပါပုဏေ အနုပုဗ္ဗေန၊ သဗ္ဗသံယောဇနက္ခယန္တိ။
(ဇာတက-၅၅၊ ဧကကနိပါတ်-ပဉ္စာဝုဓဇာတက)

မတွန့်မဆုတ်သော စိတ်နှလုံးရှိသည်ဖြစ်၍
အနှောင်အဖွဲ့ထမ်းပိုး (ယောဂ)မှ လွတ်ရန်
ကောင်းမှုတို့ကို ပွားများသူသည်
အလုံးစုံသော နှောင်ကြိုး(သံယောဇဉ်)များ ကုန်ရာသို့
အစဉ်အတိုင်း ရောက်ရှိနိုင်သည်။


ဆက်စပ်ဖတ်ရှုရန် ပို့စ်
ရောင့်ရဲခြင်းနှင့် သည်းခံခြင်း

စာညွှန်း
ဇာတက-၅၅၊ ဧကကနိပါတ်-ပဉ္စာဝုဓဇာတ်

ကျောက်ဖြစ် လူသား

လူဟာ ကျောက်တုံးမဟုတ် …

အ၀ိညာဏက ကျောက်တုံးမှာ
သေဆုံး, မွေးဖွားခြင်း မရှိ …
လွမ်းဆွတ်, မျှော်လင့်ခြင်းမရှိ…
သူ့အနာဂတ်အတွက် …
ဘာတာဝန်မှ မရှိ…။

လူမှာ ဘ၀ရှိတယ်။
မွေးဖွား သေဆုံးရတယ်။
လွမ်းဆွတ် မျှော်လင့်တတ်တယ်။



ဒါကြောင့် လူဟာ ...
ကျောက်တစ်တုံးလို ငြိမ်သက်နေလို့မရ
သူ့ဘ၀ကို ပုံဖော်ဖို့ ဗျာပါရတစ်ပုံတစ်ပင်နဲ့
မှန်းဆ ကြည့်ရတာလည်း ရှိတယ်။
တမ်းတမိတာတွေလည်း ရှိတယ်။
လွမ်းရမိတာတွေလည်း ရှိတယ်။

တစ်ခါတစ်လေတော့…
ဗျာပါရတွေကို ကျော်လွှားဖို့၊
အတိတ်တွေကို မေ့ဖျောက်
မိုးခါးရေတွေသောက်ပြီး
ပျောက်နေတဲ့ အနာဂတ်တွေနဲ့အတူ
ဆုတ်ထားတဲ့လက်သီးတွေကို ဖြေလျော့
ထမင်းတစ်လုပ်အတွက်
သီချင်းတစ်ပုဒ်အတွက်
… အတွက်ပေါင်း များစွာထဲမှာ မျောပါရင်း
ကျောက်တစ်တုံးဟန် ဆောင်ထားတတ်ကြတယ်။

(ဖြစ်တည်မှုဝါဒီ ဆာ့တ်၏ Inauthentic Man ကို ရေးဖွဲ့ ကြည့်ခြင်းဖြစ်ပါသည်။)

ဖက်ဆစ်တော်လှန်ရေး ဖတ်စာ

ဖေဖေ… ‘ဖက်ဆစ်’ ဆိုတာဘာလဲ။
ရက်စက်ပြီး လူမဆန်တဲ့ဝါဒပေါ့။
ဒါဆိုဘာလို့ မြန်မာတွေက ဖက်ဆစ်ဂျပန်နဲ့ ပေါင်းခဲ့ကြတာလဲ။
အင်္ဂလိပ်ကို လက်နက်ကိုင်ပြီး တိုက်ချင်လို့။
ဒါပေမယ့် ဘာလို့ လူဆိုးတွေနဲ့ ပေါင်းရတာလဲ။
… `အ’ လို့။ အမြင်မကျယ်လို့ ပေါ့။
နောက်တော့ မြန်မာက အင်္ဂလိပ်နဲ့ပေါင်းပြီး ဂျပန်တွေကို ပြန်တိုက်တယ်နော်။
အင်း… ဟုတ်တယ်။
ဒါပေမယ့် ဘာလို့ ဒုတိယကမ္ဘာစစ် အကြောင်းစာအုပ်တွေမှာ မြန်မာတွေရဲ့ ဖက်ဆစ်တော်လှန်ရေး အကြောင်း မပါရတာလဲ။ ပါရင်လည်း တစ်ကြောင်း နှစ်ကြောင်းလောက်ပဲ…။
အင်္ဂလိပ်တွေက သိပ်အရေးလုပ်ပြီး မဖော်ပြချင်ကြဘူး။ ပြီးတော့ ဒုတိယကမ္ဘာစစ်ကြီးတစ်ခုလုံးနဲ့ ယှဉ်လိုက်ရင်တော့ မြန်မာတွေရဲ့ ဖက်ဆစ်တော်လှန်ရေးဆိုတာက သေးသေးလေး။ မြန်မာတွေ ဂျပန်နဲ့ မပေါင်းခဲ့ရင်လည်း မြန်မာပြည်ကို ဂျပန်တွေသိမ်းမှာပဲ။ ဂျပန်ကို ပြန်မတော်လှန်ခဲ့ရင်လည်း မဟာမိတ်တွေက ဂျပန်တွေကို ပြန်မောင်းထုတ်မှာပဲ…။
ဟင်… ဒါဆို ဖက်ဆစ်တော်လှန်ရေးဆိုတာ အလကားပဲပေါ့..။
မဟုတ်ဘူး.. သားရဲ့။ ဖက်ဆစ်တော်လှန်ရေးကနေ မြန်မာပြည်ရဲ့ လွတ်လပ်ရေးကို အရယူပေးမယ့် ဖ.ဆ.ပ.လ အဖွဲ့ချုပ်ကို ဖွဲ့စည်းနိုင်ခဲ့တယ်။ ပြီးတော့…
ပြီးတော့ ဘာလဲ…။
လူဆိုတာ မှားတတ်တယ်။ မှားရင် ပြင်ကြရတယ်။ မပြင်နိုင်ခဲ့ရင် အကြွေးတစ်ခု တင်ကျန်ခဲ့တယ်။ ဗမာ့တပ်မတော်ဟာ ဂျပန်တွေနဲ့ ပေါင်းမိခဲ့တဲ့အတွက်, မြန်မာပြည်ကို စစ်ကြီးထဲ ဆွဲသွင်းသလို ဖြစ်သွားတဲ့အတွက် တိုင်းပြည်အပေါ် အကြွေးတင်သွားတယ်။ ဗမာ့တပ်မတော်က ဖက်ဆစ်တော်လှန်ရေးမှာ ပါဝင်ပြီး ဒီအကြွေးကို ဆပ်နိုင်ခဲ့တယ်။

****

‘ဖက်ဆစ်’ ဆိုတာ ‘ရက်စက်ပြီး လူမဆန်တဲ့ဝါဒ’ ဟု ကလေး နားလည်အောင် ခပ်လွယ်လွယ် ဖြေလိုက်ရသည်။ အကယ်၍သာ ‘ဖက်ဆစ်’ဆိုတာ အီတလီ ဘာသာစကား ‘ထင်းစည်း, ၀ါးစည်း’ က ဆင်းသက်လာတာ… ‘စည်းလုံးညီညွတ်မှုကို အခြေခံတဲ့ အမျိုးသားရေးဝါဒ’ လို့သာဖြေခဲ့လျှင် ဖက်ဆစ်ဝါဒကို သဘောများကျ သွားလေမလား မသိ။ လူပုဂ္ဂိုလ်တစ်ဦးချင်းစီထက် နိုင်ငံတော်ကို ဦးစားပေးရမည်ဟူသော သဘောတရားသည် အပေါ်ယံအားဖြင့် အလွန်မြင့်မြတ်သယောင် ထင်ရသော်လည်း လူတစ်ဦးချင်းစီ၏ အခွင့်အရေးများ ဆုံးရှုံးနေပါက ထိုသူတို့ စုစည်းထားသော နိုင်ငံတော်သည်လည်း ဂုဏ်သိက္ခာ ရှိမည်မဟုတ်။ လူမဆန်, သိက္ခာကင်းမဲ့သည့် အပြုအမူများကို အားပေး အားမြှောက်ပြုပေးသည့် အမြင်ကျဉ်းမြောင်းသော အမျိုးသားရေးဝါဒသာဖြစ်ကြောင်း သမိုင်းက သက်သေထူခဲ့သည်။

ထိုစဉ်က မြန်မာ့နိုင်ငံရေးခေါင်းဆောင်အချို့သည် လွတ်လပ်ရေးကို အရယူရန် စေတနာကောင်းများ ရှိခဲ့သော်လည်း နောင်အကျိုးဆက်ကို ကောင်းကောင်း ထည့်မတွက်ခဲ့ပဲ အင်္ဂလိပ်ကို ချရရင်ပြီးရောဟု ယူဆခဲ့ကြ၍ ဂျပန်နှင့် ပူးပေါင်းခဲ့ကြသည်။ “ဖက်ဆစ်စနစ်ကို လိုလား၍ မဟုတ်၊ ကျွန်တော်တို့၏ လူပါးမ၀မှုကြောင့် ဓနရှင်ပေါက်စ စိုးရိမ်မှုတို့ကြောင့်သာ ဖြစ်သည်” ဟု ဗိုလ်ချုပ်အောင်ဆန်းကိုယ်တိုင်က ၀န်ခံခဲ့သည်။ နိုင်ငံရေးအမြင် ကျယ်သူများကတော့ ရှေးမဆွကပင် ဂျပန်နှင့် ပူးပေါင်းရေးကို လက်မခံခဲ့ကြ။ ဂျပန်တို့ မြန်မာပြည် မ၀င်ခင်ကပင် ဖက်ဆစ်ဂျပန်ဆန့်ကျင်ရန် ပြင်ဆင်ခဲ့ကြသည်။ ဂျပန်ဝင်လာတော့လည်း မဟာမိတ်တပ်များနှင့် အဆက်သွယ်ရရန် ကြိုးပမ်းခဲ့ကြသည်။

၁၉၄၃-ခု သြဂုတ်လ ၁-ရက်နေ့တွင် ဂျပန်စစ်အုပ်ချုပ်ရေးကို ရုတ်သိမ်း၍ ဒေါက်တာဗမော်ဦးဆောင်သော မြန်မာအစိုးရသစ်ထံ အုပ်ချုပ်ရေးအာဏာ အပ်နှင်းကာ “မြန်မာပြည်လွတ်လပ်ရေး” ကြေညာလိုက်သည်။ စင်စစ် ဒေါက်တာဗမော်အစိုးရသည် အပေါ်ယံအယောင်မျှသာဖြစ်၍ အရေးပါသော ဌာနများနှင့် တကယ့် အချုပ်အချာအာဏာမှန်သမျှကို ဂျပန်တို့က ဆက်လက်ချုပ်ကိုင်ထားကာ မြန်မာပြည်အား အခြေတကျ ကျွန်စနစ်သွင်းလိုက်ခြင်းသာ ဖြစ်သည်။ ဤသည်ကို သိလျှက်နှင့်ပင် ရာထူးမက်သော အစိုးရအဖွဲ့ဝင်အချို့က တကယ့် လွတ်လပ်ရေးကြီးရလေဟန် အကြီးအကျယ် ၀ါဒဖြန့် အမွှန်းတင်ခဲ့ ကြသေးသည်။

နောင်တစ်နှစ်အကြာ ၁၉၄၄-ခု သြဂုတ်လတွင် ဗိုလ်ချုပ်အောင်ဆန်းဦးဆောင်သော ဗမာ့တပ်မတော်၊ သခင်သန်းထွန်း, သခင်စိုးစသော ကွန်မြူနစ်များ, ကိုဗဆွေ, ကိုကျော်ငြိမ်းစသော ဆိုရှယ်လစ်များနှင့် အခြားသော ပြည်သူ့ကိုယ်စားလှယ်များ စုစည်း၍ “ဖက်ဆစ်တိုက်ဖျက်ရေး ပြည်သူ့လွတ်လပ်ရေး အဖွဲ့ချုပ် (ဖတပလ) ကို ဖွဲ့စည်းနိုင်ခဲ့သည် (နောင်တွင် ဗေဒင်ကိန်းခန်းအရ ဖဆပလ - ဖက်ဆစ်ဆန့်ကျင်ရေး ပြည်သူ့လွတ်လပ်ရေး အဖွဲ့ချုပ်ဟု အမည်ပြောင်းခဲ့သည်)။ “ဗိုလ်ချုပ်အောင်ဆန်းတွင် ပုဂ္ဂိုလ်ရေး ချို့ယွင်းချက်များရှိသော်လည်း သူသည် လွတ်လပ်ရေး စိတ်ဓာတ်အားလုံး၏ စုဆုံရာအထိမ်းအမှတ် ဖြစ်နေသည်၊ လူတန်းစားပေါင်းစုံ, အမြင်မတူသော အဖွဲ့စည်းပေါင်းစုံအား ကိုယ်စားပြုနိုင်သူဖြစ်သည်”ဟု မြန်မာ့နိုင်ငံရေးသမားတို့က သုံးသပ်ခဲ့ကြသည်။ ထို့ကြောင့် ဗိုလ်ချုပ်အောင်ဆန်းအား ဖဆပလအဖွဲ့ချုပ်နှင့် နိုင်ငံရေး အင်အားစုများက ၀ိုင်းရံပေးခဲ့ကြသည်။

၁၉၄၅-ခု မတ်လ ၂၇-ရက်နေ့တွင် ပြည်လုံးကျွတ် တော်လှန်ရေး စတင်ခဲ့သည် ဆိုသော်လည်း၊ စင်စစ် ဆရာတော်ဦးပညာသီဟ, ကိုညိုထွန်း, ဗိုလ်ကြာလှအောင်တို့ ဦးစီးသော ရခိုင်မျိုးချစ် တော်လှန်ရေးသမားများက ၁၉၄၄-ခု နှစ်ကုန်ပိုင်းကပင် ဖက်ဆစ်တော်လှန်ရေးကို စတင်ခဲ့သည်။ ထိုစဉ်က တော်လှန်ရေးသတင်းကို မဟာမိတ်တို့က စစ်ရေးလျှို့ဝှက်ချက်အဖြစ် ဖုံးကွယ်ထားချင်ကြသည်။ သိန်းဖေမြင့်ကဲ့သို့သော မြန်မာနိုင်ငံရေးသမားများက သတင်းစာ, ရေဒီယိုများပေါ်ရောက်အောင် ကြိုးပမ်းခဲ့ကြသည်။ ဗိုလ်ဗထူးဦးဆောင်သော တပ်များကလည်း သတ်မှတ်ရက်ထက် စော၍ ၁၉၄၅-ခု မတ်လ ဂ-ရက်တွင် တော်လှန်ရေး စပြန်သည်။ ပြည်လုံးကျွတ် တော်လှန်ရေးကြီး စတင်သောအခါ အချို့က “မဟာမိတ်တွေလည်း မိတ္ထိလာသိမ်းရော၊ ဂျပန်တော်လှန်ရေးလည်း စရော” ဟု သေးသိမ်အောင် ပြောကြသည်။ တော်လှန်ရေးသာ မဖြစ်ခဲ့ပါက မဟာမိတ်တို့သည် မြန်မာပြည်အလယ်ပိုင်းဒေသတွင် ဂျပန်တို့၏ ပြင်းထန်သောခံစစ်နှင့် ရင်ဆိုင်ရပေမည်။ ပြောက်ကျားတော်လှန်ရေးကြောင့် ဂျပန်တို့၏ အောင်မြင်စွာ ဆုတ်ခွာရေး အစီအစဉ်ပျက်ရခြင်း ဖြစ်သည်။ မတ်လတော်လှန်ရေး၏ စစ်ရေးတန်းဖိုးကို လက်မခံလိုသော မဟာမိတ်တို့သည်ပင် စိတ်ဓာတ်စစ်ဆင်ရေး တန်ဖိုးကြီးပုံကိုကား ငြင်းပယ်၍ မရ။ မြန်မာပြည်လွတ်လပ်ရေးအတွက်ကား ပို၍ပင် အရေးပါခဲ့လေသည်။

အကယ်၍ ဖက်ဆစ်တော်လှန်ရေးတွင် ဗမာ့တပ်မတော်သာ မပါဝင်ခဲ့ပါက၊ မြန်မာ့မြေပေါ်သို့ ဖက်ဆစ်တို့အား ခေါ်ယူလာမိခဲ့သည့် အမှားတရပ်ကို ချေဖျက်နိုင် မည်မဟုတ်။ မတ်လတော်လှန်ရေးသည် တပ်မတော်မှ တိုင်းပြည်အပေါ်တင်ကျန်သော သမိုင်းကြွေးတရပ်ကို ဆပ်လိုက်နိုင်ခြင်း၏ သင်္ကေတလည်း ဖြစ်သည်။

စာညွှန်း
သခင်တင်မြ - ဘုံဘ၀မှာဖြင့်
သိန်းဖေမြင့် - စစ်အတွင်းခရီးသည်
သခင်သန်းထွန်း - ဖက်ဆစ်ကျွန်ဘ၀မှ လွတ်လပ်ရေးသို့

Sonata Cantata မှာလည်း ပို့စ်တွေကျဲလို့…

လူရွှင်တော်များ ပြောကြသလိုပေ့ါ
ကျနော် မလာနိုင်ဘူး ဆိုတာလေး လာ ပြောတာပါ ဆိုတာလို
ပို့စ်မတင်နိုင်ဘူး ဆိုတဲ့ အကြောင်းလေး ပို့စ်တင်လိုက်ပါတယ်...

ရေးထားတာတွေ အားလုံး ဟိုတစ ဒီတစနဲ့ မလုံးရသေးလို့ပါ...

*****

ဒီလိုလေး ရေးထားပေမဲ့ မတင်ဖြစ်ခဲ့ပါဘူး

အဲ့ဒီ မလုံးရသေးတဲ့ ရေးထားတာတွေ PC ပျက်လို့ ပါသွားပါလေရောလား…

မနေ့ကတော့ တနေ့က ဖြစ်ပျက်ကြုံတွေ့ခဲ့တဲ့ အကြောင်းအရာလေးကို အသေအချာ အသေးစိတ် ခြယ်မှုန်းပါတယ်။ Restart computer ဆိုတာကြီး ပေါ်လာပြီး ပျောက်ပြန်ပါပကောလား…

ဒီနေ့တော့ နင်လားဟဲ့ လောကဓံ ဆိုပြီး မရ ရအောင် ပို့စ်တင်လိုက်ပါတယ်…

*****

တလောကတော့ ရွှန်းမီ အချစ်ရဲ့အကြောင်းများရေးတဲ့ အချိန်လောက်ကပေါ့… အခြား စာမျက်နှာတွေပေါ်မှာလည်း ဝေေ၀ဆာဆာ ကြည်ကြည်နူးနူး ဖတ်နေရတဲ့ ဒီအချစ်အကြောင်းလေးပဲ ကိုယ်လည်း ရေးချင်မိပါတယ်…

နောက်ကွန်ပြူတာ ပျက်တော့ ဘ၀မှာ ခဏခဏ ပျက်ဖူးတဲ့ ကွန်ပြူတာနဲ့ ပတ်သက်တဲ့ အမှတ်ရစရာ၊ မမေ့ပျောက်ရက်နိုင်စရာလေးတွေ ရေးချင်မိပြန်ရော… ဒီမှာလည်း ရှေ့က အချစ်အကြောင်းက အဓိက ကျောရိုးပါ… ကွန်ပြူတာ ပျက်တာကတော့ အခင်းအကျင်းတခု အနေနဲ့ပေါ့…

နောက် ကိုယ့်ဘက်က ပျက်ကွက်လွန်းတဲ့ လူမှုရေးတွေနဲ့ ဆက်စပ်ပြီး ကံတူ အကျိုးပေး ကိုယ်ရရှိတဲ့ အထီးကျန်ဆန်ခြင်းတွေ…

နောက် မိန်းမတယောက်ရဲ့အချစ်နဲ့ အိမ်ထောင်ရေး၊ ဘ၀ရည်မှန်းချက်နဲ့ ပန်းတိုင် စတဲ့ ကြီးကြီးကျယ်ကျယ်တွေ…

ရေးချင်မိပါတယ် … (စာရေးဆရာမကြီးတယောက်လို)

ကဲ (မရေးတတ်လို့) လုံးချလိုက်ပြန်ပါပြီ။

13th Annual Athletics Meet 2010

လက်က လှုပ်တတ်၊ ခြေက သွားတတ်၊
ပါးစပ်က ပြောတတ်ရင် ရပြီ။
ခေါင်းတော့ ကောင်းဖို့လိုတယ်…။
ဒါတွေကတော့ သားကြီးတို့ ကျောင်းက 13th Annual Athletics Meet 2010 (12 March) ကို Parents in Education (PIE) အဖွဲ့သားအဖြစ် လုပ်အားပေးသွားရင်း ထွက်လာတဲ့ အတွေးတွေ… ။

ကျောင်းကို ၇နာရီ အရောက်သွားတယ်။ မတိုင်မီရက်ကတော့ စောစောထပြီး ပြင်ဆင်စရာလေးတွေ ပြင်ဆင်မယ် မှန်းထားပေမဲ့ တကယ်တမ်းမှာတော့ အိပ်ယာမနိုးလို့ သားအမိတတွေ ၀ရုန်းသုံးကားနဲ့ မျက်နှာသစ်၊ တီရှပ်လဲ၊ မိုင်လိုသောက်ပြီး ကျောင်းကို ပြေးခဲ့ရပါတယ်။ အဖွဲ့သားတွေ စုရပ်ရောက်တော့ ဘယ်သူမှ မတွေ့လို့ ငါတော့ နောက်ကျလုိ့ ကျန်ခဲ့ပြီ ထင်တာ၊ ဟိုဟိုဒီဒီ ကြည့်ရင်း ကျောင်းသားတွေ စုရပ်နား သွားရပ်တော့မှ အဖွဲ့သားနောက်တယောက် ရောက်လာတယ်။ အဲ့ဒီမှာ အားကစားတာဝန်ခံ ဆရာတယောက်က လာခေါ်သွားတယ်။ ကျောင်းရုံးခန်းရှေ့ ရောက်တော့မှ အဖွဲ့သားတွေ တဖွဲဖွဲရောက် လာတယ်။ အဖွဲ့ဝင်တဦးဖြစ်တဲ့ လီဇာ နဲ့အတူ ဆုတံဆိပ်တွေ ပြင်ဆင်ပေးရမည့် တာဝန်ခံ ဆရာမနောက်ကို လိုက်ခဲ့တယ်။

ကားကြီးနဲ့ ရောက်ပါပြီ … ပြိုင်ပွဲများ ကျင်းပမည့် Innova Junior College …
ယူနီဖောင်းဆင်တူဝတ်ထားတဲ့ Scout အဖွဲ့က ကျား/မ ကလေးတွေက အခမ်းအနားအတွက် လိုအပ်မည့် ပစ္စည်းတွေကို သယ်ကြ ပိုးကြ။ ဆရာတွေကတော့ ပါးစပ်ကနေ ခိုင်းတာပဲ။ ကလေးတွေကို သနားလို့ ကိုယ်က မနေတတ်ပဲ ၀ိုင်းသယ်။ ကိုယ်ဝိုင်းသယ်တာ တွေ့တော့ သူတို့ကို ကြီးကြပ်နေတဲ့ဆရာက Someone helps her တဲ့။ (ကိုယ်တို့ ကြီးပျင်းလာခဲ့တာက ကလေးတွေ ဆိုပြီး ဘေးဖယ်ထုတ်၊ လူကြီးတွေက ရှေ့က ကာဆီး နေရာမပေးတော့ … နောက် မျိုးဆက်က ကိုယ့်ကိုကိုယ် ယုံကြည်မှု အားနည်းတဲ့ မလုပ်တတ် မကိုင်တတ်တွေ ဖြစ်လာတာ မဆန်းပေဘူး။)
ဆရာ, လီဇာ, Scout လေးတွေနဲ့ အတူ စားပွဲခုံတွေချ၊ စားပွဲခင်းခင်း၊ ပန်းအိုးလေးတင်၊ ဆုတံဆိပ်တွေ လင်ဗန်းထဲ စီထည့် ပြီးပြီ …။

ကျောင်းအုပ် ဆရာမကြီးက အဖွင့်စကား နှစ်ခွန်းသုံးခွန်းပြောပြီး ပြေးပွဲပြိုင်ပွဲကို စတင်အသင်းကြီး ငါးသင်း ယှဉ်ပြိုင်ကြတယ်။

ရှေ့ကနေ ဖြတ်ဖြတ်ပြေး သွားတဲ့ ကလေးတွေကို အားရပါးရ လက်ခုတ်တီးပြီး အားပေး (သားကြီးက reserved ဖြစ်ပေမဲ့ လက်ဆင့်ကမ်းပြိုင်ပွဲမှာ ၀င်ပြေးရတယ်တဲ့။ မသိလိုက်ပါဘူး။ ပြိုင်ပွဲဝင်ကြတဲ့ ကလေးအားလုံးကို အားပေးနေတာမို့ပါ။)

ပြိုင်ပွဲ အချို့ပြီးတော့ ပြီးသွားတဲ့ ပြိုင်ပွဲတွေအတွက် ဆုတွေ ပေးပါတယ်။ တာဝန်ခံ ဆရာမက ဆုပေး ပေးပါ လာပြောလို့ “အို ok…” (အံ့သြပြီး) ။ P5/P6 - Boys/Girls မီတာ ၁၀၀ ပြိုင်ပွဲ ၄ခုအတွက် 1st, 2nd, 3rd ဆုတွေ ပေးခဲ့ရပါတယ်။

ဒီပုံထဲမှာ ပထမ ရသူက ပြိုင်ပွဲတွေ အားလုံး အပြီးမှာ Best Performance Athlete ရသူပါ။

ခဏနေတော့ အဖွဲ့ထဲက တယောက်က ဆရာဆရာမတွေနဲ့ PIE အဖွဲ့သားတွေကို မုန့်ဗူးတွေ လိုက်ဝေတော့ သားငယ်နဲ့ အတူ sandwich တွေစား၊ အရာအားလုံးဟာ ပေါ့ပေါ့ပါးပါးပါပဲ… ။ ဆရာမကြီးမို့ အရမ်းကာရော အရိုအသေပေးနေဖို့ မလိုသလို၊ ဘယ်သူ့ကိုမှလည်း မျက်နှာချိုသွေးနေဖို့ မလိုပါဘူး။ PIE မှာလည်း ကော်မတီရှိပါတယ်။ ဥက္ကဋ္ဌ အတွင်းရေးမှူး အဖွဲ့ဝင် စသဖြင့်ရှိပါတယ်။ ကျမက ကော်မတီဝင်တောင် မဟုတ်သလို အချိန်ပြည့် တာဝန်တခုယူပြီး လုပ်အားပေးနိုင်သူလည်း မဟုတ်ပါဘူး။ ဒီပွဲကိုလာဖို့ ကော်မတီဝင်တယောက်က ဖုန်းလှမ်းဆက်ပြီး ခေါ်တာပါ။ အဲ့ဒီနေ့က Primary 1 နဲ့ 2 ကျောင်းသားတွေကို ပြိုင်ပွဲကို မသွားရပဲ ကျောင်းပိတ်ထားပါတယ်။ သားငယ်ကို အိမ်မှာ ထိန်းကျောင်းရမှာမို့ မလာလိုပါ အကြောင်းပြန်တာကို သူက သားငယ်ကိုပါ ခေါ်ခဲ့ ပြောလို့ သွားဖြစ်တာပါ။ ကျမက အပြောအဆို လည်ဝယ်၊ အပေါင်းအသင်း ဆန့်သူလည်း မဟုတ်ပါဘူး။ လီဆာ၊ ဂျက်နက် စတဲ့ လွယ်ကူတဲ့ နာမည်တွေသာ လူနဲ့တွဲ မှတ်မိပြီး၊ အားလုံး ဆင်တင်တင် ဖြစ်နေတဲ့ မလေး, အိန္ဒိယ နာမည်တွေတော့ တယောက်မှ မသိပါဘူး။ အဆောင်အယောင် ပရိယာယ်တွေက ကင်းလွတ်တဲ့ ရိုးရှင်းလွယ်ကူတဲ့ ပတ်ဝန်းကျင်တခုကို ရောက်နေတယ်လို့ ဆိုလိုချင်တာပါ။

ဒီပွဲမှာ Primary 3 ကနေ Primary 6 အထိ ကျောင်းတွင်းပြိုင်ပွဲတွေမှ ဇကာတင် ကျောင်းသား ကျောင်းသူတွေကို ရွေးထုတ် ယှဉ်ပြိုင်စေတာ ဖြစ်ပြီး၊ မပြိုင်ရတဲ့ သူတွေက ကိုယ့်အသင်းကိုကိုယ် အားပေးရပါတယ်။ Best Cheer အသင်းကို ဆရာမကြီးနဲ့ ဒုကျောင်းအုပ်နှစ်ယောက်က အကဲဖြတ်ပြီး ဆုပေးပါသေးတယ်။

ပြိုင်ပွဲတွေလုပ်လိုက်။ ဆုတွေပေးလိုက်နဲ့။ အချိန်တန်တော့ အခမ်းအနားပြီးသွားတယ်။ သိမ်းစရာရှိတာတွေ ပလတ်စတစ်ပုံးကြီးတွေထဲ ကောက်ထည့်သိမ်းကြ၊ အမှိုက်က အစမကျန်အောင် ရှင်းလင်းပေးခဲ့ပြီး စီစဉ်ပေးထားတဲ့ ကားတွေနဲ့ ကျောင်းကို ပြန်ခဲ့ရတယ်။

ဘာဆုမှ မရခဲ့ပဲ သူတို့အသင်း နောက်ဆုံးရတဲ့ သားကြီး ငိုမဲ့မဲ့ ဖြစ်နေလို့ “ဆုရတာမရတာ ဘာမှ အရေးမကြီးဘူးသား…ဆရာမကြီး ပြောသွားသလိုပဲ…ဒီလို ပြိုင်ပွဲတွေ လုပ်ရခြင်းရဲ့ ရည်ရွယ်ချက်က team work ကို ဖေါ်ဆောင်တာ” လို့ ပြောတော့ သူခေါင်းငြိမ့်ပါတယ်။ ကျမလည်း ကိုယ့်သားကိုယ် ဆုံးမတာတောင် စာသံပေသံနဲ့။ စာထဲပဲ သင်ခဲ့ရတာကိုး။ သားကြီးက အဖေအမေရဲ့ ခြေရာနင်းပါတယ်။ အားကစားမှာ မထူးချွန်ပါဘူး။ ဒါပေမဲ့ သူ အဖေအမေထက် ကံကောင်းပါတယ်။ အားကစားကို လုပ်ခွင့်ရလို့ပါ။ တရားသဖြင့် ယှဉ်ပြိုင်ရဲ၊ ရှုံးရဲ၊ နိုင်ရဲတဲ့ စိတ်ဓာတ်ဟာ လူနဲ့ လူ့ပတ်ဝန်းကျင်အတွက် အရေးကြီးပါတယ်။

ဒီပွဲမှာ သားတို့ကျောင်းသားတွေ၊ တာဝန်ကျ ဆရာဆရာမတွေ၊ အနည်းငယ်သော ကျမတို့မိဘတွေဟာ ခြေ လက် ပါးစပ်တွေလို သူ့နေရာနဲ့သူ လှုပ်ရှားသွားကြတာပါ။ ခေါင်းနဲ့တူတဲ့ ခေါင်းဆောင်တွေကတော့ ဘယ်သူတွေများပါလဲ… Acknowledgment မှာ ရေးထားသလို Principal and Vice-Principals တွေ တင်ပဲလား…။

11th Athletics Meet 2008 တုန်းက Woodlands Stadium မှာ လုပ်ခဲ့တယ်။ အဲ့ဒီတုန်းက ဆရာမတွေနဲ့ မိဘတွေ ရေဘောလုံးတွေ အဆင့်ဆင့် ပစ်ပေးပြီး ပြိုင်ရတဲ့ ပွဲမှာ ရခဲ့တဲ့ ဆု

သားကြီး ကျောင်းစတက်တဲ့ နှစ် ၂၀၀၅တုန်းကတော့ ကျောင်းစာကြည့်တိုက်မှာ သတ်သတ်မှတ်မှတ် တာဝန်တခုယူပြီး တနှစ်လုံးအပြည့် လုပ်အားပေးခဲ့ပါတယ်။

မီးရထားဖြင့် ခရီးသွားခြင်း

ဘ၀ ခရီးရှည်ကြီးထဲမှာ ကိုယ့်ခြေထောက် ကိုယ်သုံး၍သော်လည်းကောင်း၊ ယာဉ်အမျိုးမျိုး စီး၍သော်လည်းကောင်း သွားခဲ့ရတဲ့ ခရီးတွေက မရေမတွက်နိုင်ဘူး။ သင်္ဘောနဲ့ ဖြေးဖြေး လှုပ်လှုပ်လေး သွားရတဲ့ ရေလမ်းခရီးမျိုးဟာ စိတ်ကူးယဉ်ဖို့ ကောင်းသလို၊ ဂျုံးဂျုံးဂျက်ဂျက် မြည်တဲ့ မီးရထားကြီး စီးသွားရတာကလည်း ရင်ခုန်ဖို့ကောင်းတတ်ပြန်တယ်။ ကားလေးနဲ့ တရိပ်ရိပ်သွားရတာက ရီဝေေ၀နဲ့ ရင်ဖိုစေနိုင်သလို၊ လေယာဉ်ပျံကြီး စီးသွားရပြန်ရင်လည်း ဘာလိုလို ခံစားမှုလေးတွေ ရတတ်သေးတယ်။

ဘ၀မှာ သွားဖူးခဲ့သမျှထဲက မှတ်မှတ်ထင်ထင်ရှိလွန်းလှတဲ့ ခရီးတခုကို ပြောပြချင်တယ်။

အဲ့ဒီခရီးက ကျနော် ကျောင်းသားဘ၀နဲ့ အလုပ်လုပ်ဖို့ သွားခဲ့တဲ့ခရီး။ မရှုပ်ရှုပ်အောင် ပြောတယ်လို့တော့ မထင်စေချင်ဘူး။ ကျနော်တို့ ကျောင်းတက်နေတုန်းက အကန့်အသန့် မရှိ ကျောင်းပိတ်တာနဲ့ ကြုံခဲ့တယ်။ ဘယ်တော့ ပြန်ဖွင့်မယ်မှန်းမသိတဲ့ကျောင်းကို ဒီအတိုင်း ထိုင်စောင့်နေလို့ မဖြစ်တဲ့အတွက် ကျနော် အလုပ်လုပ်ပါတယ်။ ကျောင်းမှာတစ်ခန်းထဲအတူနေခဲ့တဲ့ ၀န်းသိုမြို့က သူငယ်ချင်းက အဆွယ်ကောင်းလို့လည်း လုပ်ဖြစ်သွားတယ်ဆိုပါတော့။ သူတို့ ၀န်းသိုမြို့ အနီးက ဂျိုးတောင်ဆိုတဲ့ မီးရထား ဘူတာရုံရှိတဲ့ ရွာလေးမှာ တွဲဖက်ကျောင်းဆရာ အလုပ်ပါ။

တွဲဖက်ကျောင်းဆရာ ဆိုတာလေး ရှင်းပြချင်သေးတယ်။ ဂျိုးတောင်ရွာမှာက အစိုးရ အလယ်တန်းကျောင်းပဲရှိတယ်။ ကိုးတန်းနဲ့ ဆယ်တန်းအတွက် ကျောင်းသားရှိတယ် ကျောင်းမရှိဘူး။ ဒီမှာတင် အခြေအနေရဲ့ လိုအပ်ချက်အရ လက်ရှိအလယ်တန်းကျောင်းမှာ တွဲဖက်တဲ့ အထက်တန်းကျောင်းဆိုတာ ပေါ်ထွက် လာခဲ့တယ်။ ကျနော်က အဲ့ဒီကျောင်းက ဆရာ တွဲဖက်ကျောင်းဆရာ။ ကျောင်းဆရာအတွက် လခနဲ့ ဒီတွဲဖက်ကျောင်းရဲ့ ကုန်ကျစားရိတ်တွေကို ကျောင်းသားမိဘတွေနဲ့ ရပ်ရွာက အကုန်အကျခံရတယ်။

ဒီဒေသတ၀ိုက်မှာတော့ လမ်းပန်းဆက်သွယ်ရေးအတွက် မီးရထားအပြင် အခြားရွေးချယ်စရာမရှိတော့ မီးရထား ဘူတာရုံလေးက ဂျိုးတောင်ရွာရဲ့ ကျက်သရေဆောင် ဂုဏ်ယူစရာတစ်ခုပါ။ အခုတွဲဖက်ကျောင်းတစ်ခုပါ ဖွင့်နိုင်ပြီဆိုတော့ ပိုပြီး ဂုဏ်ယူနေကြတာပေါ့။ သူငယ်ချင်းရှိတဲ့ ၀န်းသိုကနေ ဂျိုးတောင်ကို မန္တလေး မြစ်ကြီးနား အဆန်ရထားကြီး နာရီဝက်လောက် စီးသွားရတယ်။

ကူးသန်းရောင်းဝယ်ရေးနဲ့ သယ်ယူပို့ဆောင်ရေး တာဝန်တွေကို တပြိုင်နက်တည်း ထမ်းဆောင်နေရတဲ့ မီးရထားကြီးခင်မျာ လူစီးတွဲမှာတောင် ခရီးသည်တွေတင်မက ထင်းချောင်းတွေကအစ ကုန်ပစ္စည်းမျိုးစုံနဲ့ ပြည့်နှက်နေတယ်။ ကျနော့်ရဲ့ တခုတည်းသော ၀န်စည်စလယ်က စာအုပ်တွေ (အ၀တ်အစား အနည်းငယ်) ထည့်ထားတဲ့ ထင်းရှူးသေတ္တာ။ ဘေးလက်ကိုင်ကွင်းနှစ်ဖက်က ကိုင်ပြီး သေတ္တာကြီး တကားကားနဲ့ ဟိုတွဲပေါက်သွားလိုက် “ဒီမှာ နေရာလွတ် မရှိတော့ဘူး”ဆိုပြီး တွန်းလွှတ်ခံလိုက်ရ။ ဒီတွဲပေါက်သွားလိုက် တွန်းချခံလိုက်ရနဲ့ ကိုးရို့ကားယား။ ဘူတာလိုက်ပို့တဲ့ သူငယ်ချင်းအဖေက “မောင်ရင် ဒီလို လုပ်နေလို့တော့ မဖြစ်ဘူး” ဆိုပြီး ဖင်ကနေ တွန်းတင်ပေးလိုက်မှ ရထားပေါ် ရောက်သွားတော့တယ်။ ရထားပေါ်သာရောက်သွားတယ် ကျနော်ရောက်သွားတာက လူစီးတွဲလည်း မဟုတ်သလို၊ ကုန်တွဲလည်း မဟုတ်။ ဘေးတစောင်းသာ ရပ်လို့ရတဲ့ ဒီဇယ်စက်ခေါင်းဘေး တနေရာ။ အခြေအနေကို သတိထားမိတော့ ကြောက်ကြောက်လန့်လန့်နဲ့ စက်ခေါင်းကြီးကို ရင်ဘတ်ကြီး ကပ်ပြီး ရပ်သွားလိုက်တာ…။ နည်းနည်းကြာလာတော့ စက်ခေါင်းကြီးကို ကပ်ထားတဲ့ ရင်ဘတ်ကြီးကပူ။ တဟဲဟဲ ထိုးခွဲသွားနေတဲ့ ရထားကြီး အရှိန်နဲ့ တန်ပြန် တဟူးဟူးတိုက်တဲ့ မြန်မာပြည်အထက်ပိုင်းရဲ့ ဆောင်းလေကြမ်းတွေက နောက်ကျောကို ပါးပါးလှီးလို့ ကျောကုန်းကြီးက စိမ့်နေအောင်အေး။ ကျောကော့ရင်ကော့ ညောင်းလာတော့ တဖက်ပြောင်း။ ဒီအခါကျပြန်တော့ ရင်ဘတ်ကြီးက အေးပြီး၊ ကျောကုန်းကြီးကပူ။ ဒီလိုနဲ့ ရင်ပြီးရင် ကျောပြောင်း၊ ကျောပြီးရင် ရင်ပြောင်းနဲ့ အမြင်တွေ မစောင်းပဲ လိုရာခရီးကို ရောက်အောင် သွားခဲ့ရပါတယ်…။

ဒီအဖြစ်အပျက်လေးကို ကိုဧရာက ‘ဧရာ၏ စွန့်စားခန်းများ’ ဆိုပြီး ကျမတို့ သားအမိတွေကို ဟန်နဲ့ပန်နဲ့ ရယ်စရာအဖြစ် မကြာခဏ ပြောပြတတ်ပါတယ်။ “သီတာ.. ရယ်စရာကောင်းတဲ့ပို့စ် ဖြစ်အောင်ရေး”လို့ ပြောထားတာလည်း ကြာပါပြီ။ မရေးဖြစ်ခဲ့ပါဘူး။ အခုလောလောဆယ် ကျမတို့ နိုင်ငံ ရင်ဆိုင်ကြုံတွေ့နေရတဲ့ အခြေအနေအရ ကိုယ်ယုံကြည်ရာ အရောက်လှမ်းတဲ့ခရီးမှာ ခြေတစုံစာ နေရာသာရှိတဲ့ ကျဉ်းထဲကျပ်ထဲရောက်ပြီး ရင်ဘတ်ကြီး ပူတဲ့အခါ၊ ကျောကုန်းကြီးက အေး… ကျောကုန်းကြီး ပူတဲ့အခါ ရင်ဘတ်ကြီးက အေးနဲ့… ‘ကိုဧရာ ရထားစီးသလိုပါလား’ လို့ တွေးမိပြီး ဒီပို့စ်ကို ဘယ်လိုမှ ဟာသမြောက်အောင် မရေးနိုင်တော့ပါဘူး။

စိတ်တံခါး

ဟုတ်တယ် ဒါ..အိပ်မက်ပဲ…။
မိုးလင်းခါနီး မက်တဲ့ အိပ်မက်တွေက မှန်တတ်တယ်လို့ ပြောကြသေးတယ်။
ဒီလို အိပ်မက်မျိုး မက်မယ်မှန်းသိရင် အစကတည်းက ကိုယ်နိုးထနေလိုက်တယ်… ။

အရာရာမှာ စိတ်ချလုံခြုံမှုရှိချင်တာ ကိုယ်တို့ မိန်းမတွေရဲ့ ဗီဇသဘာဝဖြစ်မယ်
ရုပ်ပိုင်းဆိုင်ရာမှာရော၊ စိတ်ပိုင်းဆိုင်ရာမှာပါပေါ့ ...။

အိပ်မက်စတဲ့ အချိန်ကတော့ နေညိုလို့ မှောင်စပျိုးနေပြီ… ။
အိပ်မက်အရောင်က ရွှေအိုရောင်လို ကဗျာမဆန်ဘူး… မဲညစ်ညစ်နဲ့ မြေငိုရောင်… ။
အိပ်မက်ရဲ့ အနံက မသင်္ကကာစရာ စိမ်းရွှေရွှေ
အိပ်မက်တို့ သဘာဝအတိုင်း အရာရာဟာ မှုန်ဝါးနေခဲ့တယ် ...။
ကိုယ်က ကလေးတသိုက်နဲ့ နောက်ပြောင် ကျီစယ် ဆော့ကစားနေခဲ့ပြီး၊ အိပ်မက်ထဲမှာ ပိုမှောင်လာတော့ အိပ်ယာ ၀င်ဖို့ လူစုခွဲကြတယ်… ကိုယ်က လုပ်နေကြ ထုံးစံအတိုင်း အိမ်တံခါးတွေ လိုက်စစ်တယ်။ နောက်ဖေးတံခါးနားအရောက် တံခါးအပြင်ဘက်ကနေ သူဝင်လာတယ်။ “တံခါးလာပိတ်တာ” လို့ ကိုယ့်မျက်နှာကို မကြည့်ပဲ မလုံမလဲ ပြောပြီး ကိုယ့်ကို ကျော်ဖြတ် လို့ ရှေ့က လျှောက်သွားတယ်။

မှုန်မှိုင်းအေးစက်နေတဲ့ သူ့မျက်နှာကို ဖြတ်ကနဲ မြင်လိုက်ရုံနဲ့ ညာနေပြီ ဆိုတာ ကိုယ်သိတယ်။
နောက်နားဆီက ကပ်လျှောက်သွားရင်း မြန်နေတဲ့ သူ့ရင်ခုန်သံကို နားထောင်ရင်း သူ ကိုယ့်ကို တစုံတရာဖုံးကွယ်ဖို့ ကြိုးစားနေတယ် ဆိုတာ ကိုယ်သိတယ်။
“ဒီမှာ ရှင် တယောက်ယောက်ကို သွားတွေ့တာ မဟုတ်လား။”
သူ ဘာမှ ပြန်မပြောဘူး။ အေးစက်စက် ထုံပေပေ လုပ်နေတယ်။
တလိပ်လိပ်လာနေတဲ့ ဒေါသလှိုင်းတွေကို သူဘာပြန်ပြောမလဲ ဆိုတာကို အယင်နားထောင်ရမယ် ဆိုတဲ့ အသိက မနိုင်တနိုင် ဟန့်တားနေတယ်။
သူက အံကို တင်းထားတယ်။ တမင်ကို ဘာမှ ပြန်မပြောဘူးလို့ တင်းထားတဲ့ ဟန်…မုန်းတယ်။
“ဒီမှာ မေးနေတယ်လေ” လို့ လေသံမြှင့်လိုက်တော့မှ
“Mr. XXX အောက်မှာ လုပ်နေတဲ့ တယောက်၊ အိမ်ထောင်ရှိတယ် ကလေးမရှိဘူး” တဲ့
ထင်သားပဲလို့ စိတ်ထဲက ပြောရင်း
သိ သိနိုင်လွန်းတဲ့ ကိုယ့်ကိုကိုယ် မုန်းတယ်။

ဒါ အိပ်မက်လေ …
အိပ်မက်ထဲမှာတောင် ရှင်ရဲ့ ဟန်ပန်တွေက ဘာဖြစ်လို့ ဒီလောက်တောင် သာယာမှုနောက် ကောက်ကောက်လိုက်တတ်တဲ့ ယောက်ျားပေါ့ ယောက်ျားပျက်တွေရဲ့ အမူအကျင့်နဲ့ ကွက်တိဖြစ်နေရတာလဲ… ။
ယောက်ျားတယောက်ရဲ့ ဂုဏ်သိက္ခာအတွက်၊ မိန်းမတယောက်ရဲ့ ယုံကြည်မှုအတွက် ဒီလို မျက်နှာပေးမျိုး အိပ်မက်ထဲမှာတောင် ကိုယ်မမြင်ချင်ပါဘူး... ။

ကိုယ့်ရဲ့ ရုပ်ခန္ဓာ လုံခြုံမှုအတွက် တံခါးတွေ ပိတ်ထားတာ သေချာမှ အိပ်တတ်တဲ့ ကိုယ် ....
နေညိုချိန်ဟာ မသေချာမှုတွေ ကြီးစိုးနေတတ်တာ သဘာဝပဲ ဆိုတာ သိသိကြီးနဲ့ နောက်ဖေးပေါက်တွေဟာ မသမာမှုတွေအတွက် အချက်အချာ ကျတယ် ဆိုတာကိုပါ သိပြီးရင်း သိရပြန်တယ်။
ဒီလိုအိပ်မက်တွေကို မောင်းနှင်ပစ်ဖို့ စိတ်တံခါးကို လုံခြုံအောင် ပိတ်လို့ ... ကိုယ့်ကိုကိုယ် စိန်ခေါ်လိုက်တယ်။

ပထမ ကဗျာ

ဘလောဂ့်ရေးစက ရေးဖူးပါတယ်။ ကျမရေးတာ စကားပြေမဟုတ်၊ ကဗျာမဟုတ်၊ စကားပျာတွေပါ... ဟု။
ရေးတတ်သလို ရေးတာမို့ အကြောင်းအရာပိုင်း၊ အရေးအသားပိုင်းမှာ ပေါ့သွမ်းသွမ်း ဖြစ်နေတတ်တာကို ဆိုလိုချင်တာပါ။
ကိုယ်ရေးထားတဲ့ စာတွေကို သုံးလေးလ ကြာလို့ ကိုယ်တိုင် ပြန်ဖတ်ကြည့်တဲ့အခါ ဘာလိုနေမှန်းမသိ၊ အစာမကြေသလို ခံစားရပါတယ်။ မည်သို့ပင်ဖြစ်စေ ဘလော့ဂ်မှာ စာတွေ ဆက်ရေးဖြစ်ခဲ့ပါတယ်။ ဘာကြောင့်လည်း ဆိုရင်တော့ အသည်းကွဲလို့ပါ။ နှလုံးသားထဲကနေ ကွဲအက်ကျလာတဲ့ စာတွေပါ လို့ တင်စားလိုက်တာပါ။

*****
ကဗျာတဲ့ လှတာကတော့ အတော်လှတယ်
ကဗျာနဲ့ နီးစပ်ဖို့ ကြိုးစားရင်း မခို့တရို့နိုင်လွန်းတဲ့ ကဗျာ့ခြေဖ၀ါးအောက် ဒူးထောက်ရသူတွေ ဒုနဲ့ဒေး…

ကဗျာ့ခြေလှမ်းတွေက နားလည်ရ ခက်တယ်၊
ဂမ္ဘီရဆန်ပြီး မှော်အတတ်တွေနဲ့ ပြုစားတတ်သေးတယ်လို့ အချို့က စွတ်စွဲကြတယ်။
ကဗျာကို မာယာတဲ့…

အချို့ကတော့ ကဗျာက ကိန်းခန်း မကြီးတတ်ဘူး။
ကြည်လဲ့နေအောင် ရိုးသားတဲ့ မျက်လုံးတွေနဲ့ အဆုံးစွန်ထိသိမ်မွေ့တယ်။
အရိုးသားဆုံးသည်သာ အဆန်းကျယ်ဆုံးဆိုတဲ့ ဒဿနကို ကိုင်ဆောင်ထားတာမို့ လောကဓံဟာ ကဗျာပါ တဲ့…

ဆရာ တက္ကသိုလ်ဘုန်းနိုင်ကတော့
အမြင့်သို့ အာရုံညွန့်တက်ခြင်း (သို့မဟုတ်) ကဗျာ တဲ့...

နှလုံးသား ခံနိုင်ရည်အားပေါ် မူတည်ပြီး ကဗျာ့နောက်က ကပ်လိုက်လာတဲ့ ပဲ့တင်သံတွေ ကွာကြတယ်…
ကဗျာရယ် မင်းဟာ ဘယ်လိုပါလဲကွာ…

*****

မြန်မာပြည် ပြန်လို့ ဘလော့ဂ်နဲ့ ဝေးနေချိန် ကိုတင်မင်းထက်က တဂ်ထားပါတယ်။ ပထမကဗျာ တဲ့။ တဂ်ထားမှန်းကို သိသိချင်း ကြိုးစားရေးလိုက်ပါတယ်။

ပထမ ကဗျာ ကတော့ Sonata-Cantata မှာပဲ တင်ခဲ့တဲ့

ဘယ်လို ချစ်ချစ်...

မိဘ၊ ညီအကိုမောင်နှမ၊ ဆွေမျိုးသားချင်း၊ မိတ်ဆွေ သူငယ်ချင်း၊ ဆရာ သမား၊ ရေမြေတောတောင် သဘာဝ၊ သစ်ပင် ပန်းမာန် နဲ့ တိရစ္ဆာန်လေးတွေ ဘယ်သူတွေကို ဘယ်လိုပဲ ချစ်ချစ်...

ဘယ်လို ချစ်ချစ်၊
အနှစ်ဖြစ်ဖို့ အနစ်နာ ခံရတယ်...

အမှတ်တရ ဆိုတဲ့ အမှတ်ရစရာလေးတွေ
အကြင်နာစကေးလေးတွေ တေးရင်လည်း တေးထားလိုက်ဦး...

သဒ္ဓါ စံချိန်စံညွှန်းမှာတော့ အစွန်းတွေကို ပယ်သာချ၊ အပိုအလို မရှိလေ ပိုကောင်းလေ...
မာန်မာနနဲ့ အာဃာတ ယူနစ်တွေလည်း အနှုတ်ဘက်သာ သွားစေ...

မေတ္တာဂရပ်ဖ်မှာ အတက်အကျ လှိုင်းဂယက်မထန်အောင်တော့၊
စေတနာရေချိန်လေး ညှိ ညှိပေးရတာပေါ့...။

*****

ဘယ်လောက်ချစ်လဲ၊ ဘာလို တိုင်းမယ်
အနစ်နာ ယူနစ်၊ စစ်လိုက်တယ်
အကြင်နာ စကေး၊ တေးထားကွယ်
သဒ္ဓါ စံညွှန်း၊ အစွန်းပယ်
အာဃာတမှော် ၊ ဖယ်ရှားလွယ်
မေတ္တာ ဂရပ်၊ ဖြောင့်တန်းရွယ်
စေတနာ ရေချိန်၊ ညှိထားတယ်
ခက်ပါဘူးကွယ်၊ အလွယ်လေးရယ်။

ဒီလို ရေးထားတဲ့ ကဗျာကို ကိုဧရာက ကလေးဆန်တယ်...ကာရံတွေ အရမ်းကာရော ယူတယ်ဆိုလို့ အထက်ပါအတိုင်း ပို့စ်တင်လိုက်ရပါသည်။ (ကြောက်လိုက်ရတာ...အဲလေ ___လိုက်ရတာ)

ဘယ်လိုပဲ ချစ်ချစ်

“မေမေ မေမေ သားသား အချစ်ဆုံးလေး ရခဲ့တယ်…ဘာလဲ သိလား”
ကျောင်းက ပြန်ရောက်လာတဲ့သား အိမ်ပေါက်ဝ ရောက်ရင် မအေ သော့လာဖွင့်အပေးကိုစောင့်ရင်း အဲ့လိုပဲ သူပြောချင်တာတွေကို ကရားရေလွှတ် အလျင်စလို ပြောနေကျ...။
လွယ်အိတ်ကို စားပွဲပေါ်ပစ်တင်လိုက်ပြီး လက်ထဲ ကိုင်လာတဲ့ အရာကိုပါ တဆက်ထဲ စားပွဲပေါ်မှာတင်ပြရင်း ပြောလိုက်သေးတယ်
“ဒါက အရမ်းရှားတာ မေမေရဲ့ …ရ ဖို့ မလွယ်ဘူး။”

သားတို့က အဲ့ဒီ ခဲဖျက်ကလေးတွေနဲ့ ကျမတို့ ငယ်ငယ်က ဇယ်တောက်သလို ကစားပါတယ်။

မနေ့ကလည်း သူအတော်ပျော်ပါတယ်။ မြန်မာပြည်ကို ပြန်ခဲ့တုန်းက သူ့ဦးလေးနဲ့ အဒေါ်ကို ၀ယ်ပေးဖို့ ပူဆာခဲ့တဲ့ မြန်မာပြည် အလံတံဆိပ်ပါတဲ့ အားကစားဝတ်စုံ ရောက်လာလို့ပါ။
ဒီနေ့ တရုတ်စာကျူရှင်သွားတော့ ၀တ်သွားပါတယ်။

သူအနေအထားလေးနဲ့သူ မြန်မာပြည်ကိုတော့ ချစ်ရှာသား…လို့ သားကျူရှင် သွားနေတုန်း ကျမတယောက်တည်း စဉ်းစားခန်းတွေ ဆက်ဝင်နေမိပါတယ်။ သူငယ်ငယ်ကလည်း သူ့အဖေကို “ဖေဖေ အမေရိကန်ကြီးက အကြီးကြီးဖြစ်ပြီး သားတို့ မြန်မာနိုင်ငံက ဘာလို့ သေးသေးလေး ဖြစ်နေရတာလဲ” လို့ မေးဖူးပါတယ်။ သူ့အဖေက “ဒါတော့ သားရယ် တို့ ဘိုးဘွား အမွေပေါ့” လို့ ပြန်ဖြေခဲ့တာကို မှတ်မိနေခဲ့ပါတယ်။

“ဟုတ်တယ်သားရေ မင်း ဖိုးဖိုးကြီး ကတော့ ဘိုးဘွားအမွေ… အင်းတွေ ချောင်းတွေကို အစိုးရဆီက လေလံဆွဲပြီး အဲ့ဒီထဲကရတဲ့ ငါးတွေ ပုဇွန်တွေနဲ့ မေမေတို့ အသက်ဆက်ခဲ့တာပေါ့... အဲ ဖိုးဖိုးကြီးရဲ့ ဖေဖေ ကတော့ ဘိုးဘွားအမွေ… မြေကြီးတွေ (လယ်တွေ)ကို ထွန်ယက်ပြီး စပါးတွေ စိုက်ခဲ့တဲ့ လယ်သမားကြီးပေါ့”

မတ်လ ၂ရက်၊ တောင်သူလယ်သမားနေ့ အမှတ်တရ
*****
ကျမရဲ့ ပို့စ်ကိုဒီမှာတင် ဆုံးချင်တာပါ။
နောက်ဆက်တွဲကတော့ ဆက်မရေးချင်ပေမဲ့ အမှန်တရားမို့ မှတ်တမ်းအဖြစ် ရေးထားပါရစေ။ သားရဲ့ နိုင်ငံချစ် စိတ်လေးကိုပါ။ အထွေအထူးတော့ မဟုတ်ပါဘူး၊ ကလေးဆိုတော့ ကလေးလိုတွေး ကလေးလိုပဲ ချစ်တာပါ။ သူက ယာဉ်တွေကို စိတ်ဝင်စားပါတယ်။ ဟို ယခင်နှစ်များတုန်းက MAI စင်္ကာပူ မြန်မာ လေကြောင်းလိုင်းတွေ မပြေးဆွဲနိုင်တော့တဲ့ အချိန်က သူတော်တော် စိတ်အခန့်မသင့် ဖြစ်ပုံရပါတယ်။ “ဘာကြောင့်လဲ… MAI က ဘာကြောင့် Jetstar ဖြစ်သွားရတာလဲ” ဆိုတဲ့ မေးခွန်းမျိုး မကြာခဏ ဆိုသလို မေးပါတယ်။ သူ့အဖေက “MAI က Jetstar ဖြစ်တာ မဟုတ်ပါဘူး သားရယ်။ အကျိုးတူ ပူးပေါင်းပြီး လုပ်ကြတာပါ” ဆိုတဲ့အဖြေကို သူ ကျေနပ်ပုံ မရပါဘူး။ နိုင်ငံတခုအနေနဲ့ နိုင်ငံပိုင်လေကြောင်းလိုင်းအဖြစ် (ခန့်ခန့် ထယ်ထယ်) ရှိနေရမယ် လို့ သူယူဆပုံရပါတယ်။ MAI ပြန်ပြေးဆွဲပြီ ဆိုတဲ့ သတင်းထွက်လာတော့ သူ ၀မ်းသာ အားရ ပြောလာပါတယ်။ “သားသားကြီးရင် လေယာဉ်မောင်းမယ်… မြန်မာပြည်က လေယာဉ်ပဲမောင်းမှာ…” ဆက်ပြီး “ဦးတေဇ ဆီမှာ…” ဆိုလို့ သားအဖေ ရင်ကွဲနာ ကျ ကျ ကျ
(တို့ ဘိုးဘွား အမွေလေ ဘာတတ်နိုင်သေးလဲ ဦးဧရာနဲ့ ဒေါ်သီတာ)

သူ့စတိုင်

လောကမှာ လူတွေ အမျိုးမျိုးရှိကြတဲ့ အနက်က ကိုယ်ကိုယ်တိုင် လောကကို ရွှင်လန်းလွတ်လပ်စွာ ဖြတ်သန်းကြသူတွေဟာ သူ့ပတ်ဝန်းကျင်က လူတွေကိုပါ ပျော်ရွှင်မှုတွေ ကူးဆက် ရွှင်မြူးစေတယ် ဆိုတဲ့ အတွေးဝင်လာတိုင်း ကိုကျော်ဇံကို သတိရမိတယ်။ ကိုကျော်ဇံနဲ့ ဆုံခဲ့ရတာ ဟိုးမြန်မာပြည်မြောက်ပိုင်း ၀န်းသိုမြို့ အနီးက ရွာလေးတရွာမှာပါ။ ကျနော် အဲ့ဒီရွာကို တွဲဖက်ကျောင်းဆရာအဖြစ် ရောက်သွားတော့ ကိုကျော်ဇံက အဲ့ဒီ ကျောင်းလေးက အလယ်တန်းပြဆရာ လူပျိုကြီး… ။ မှတ်မှတ်ရရ ကျောင်းကထိန်ပွဲမှာ စတိတ်ရှိုးထည့်တော့ ရွာထဲက ဟိုလူ သည်လူတွေက ဆရာ လူပျိုကြီး ကိုကျော်ဇံအတွက် တောင်းဆိုလိုက်တဲ့ သီချင်းကတော့ “မေ့ကွက်ကိုရှာ” … ။

တနေ့လားမှာပေါ့ဗျာ။ ကိုကျော်ဇံတယောက် ကျောင်းဆိုင်းဘုတ်ကို ဆေးပြန်သုတ်နေတယ်။ ခက်ခက်ခဲခဲတော့ မဟုတ်ပါဘူး။ အောက်ခံ အစိမ်းပေါ်မှာ အခြေခံ ပညာအလယ်တန်းကျောင်း… စတဲ့ စာလုံးတွေကို အဖြူရောင်ဆေးနဲ့ ရေးနေတာပါ။ သူရေးနေတာ တော်တော် သပ်သပ်ရပ်ရပ်ရှိတယ်။ အနားရပ်ကြည့်နေတဲ့ ကျနော်က “ဆရာက မဆိုးဘူးပဲ၊ လက်ရာကောင်းတယ်” လို့ ချီးမွမ်းစကားဆိုမိတော့ သူက “ကျနော် ပန်းချီဆွဲတတ်တယ်ဗျ” လို့ခပ်ပြုံးပြုံးနဲ့ ဖြေတယ်။ ဒီအခါမှာ ဘေးနားက ဆရာတယောက်က “ဟာ ကိုကျော်ဇံ ပန်းချီ မျက်စိရှိတာတော့ မပြောနဲ့တော့ …။ တနှစ်လားဗျာ… ကျောင်းမှာ ကျောင်းစိမ်းပိတ်စတွေ ထုတ်ရောင်းပေးတော့ ကျောင်းသားတွေရော ဆရာတွေပါ လုံချည်တွေ လောက်လောက်ငင ချုပ်ဝတ်နိုင်ကြတယ်ဗျ။ ဒါတောင်ပိုနေသေးတော့ ဟောဒီဆရာကျော်ဇံ ကျောင်းစိမ်းစကို ရှပ်အင်္ကျီချုပ်ဝတ်တယ်။ နောက်တနေ့ကျောင်းလာတော့ နံနက်မိုးသောက် ကျောင်းရှေ့က ကွင်းပြင်မှာ စားပွဲခုံပေါ်တက်ပြီး  အားကစားဘောင်းဘီက အဖြူ၊ ရှပ်အင်္ကျီက အစိမ်းနဲ့၊ ကာယလေ့ကျင်ခန်း သရုပ်ပြနေတဲ့ ကိုယ့်ဆရာ ဖက်ရှင်ကိုသာ မှန်းကြည့်ပေတော့ဗျာ” တဲ့…။

ကိုကျော်ဇံ ဖောင်ကြီးသင်တန်း တက်တုန်းက အကြောင်းလေးကလည်း မှတ်သားလောက်ပါပေတယ်။ ဖောင်ကြီးသင်တန်းလို့ပဲ နှုတ်တွင်ကြတဲ့ ဗဟိုဝန်ထမ်းလေ့ကျင့်ရေးတက္ကသိုလ်မှာ အကြမ်းဖျင်းအားဖြင့်တော့ အစိုးရ၀န်ထမ်းတွေကို နိုင်ငံရေးသင်တန်းတွေ ပေးတယ်။ စနစ်တကျ နေတတ်ထိုင်တတ်အောင် လေ့ကျင့်သင်ကြားပေးရာ နေရာဌာနကြီးလည်း ဖြစ်တယ်။ အပြောအဆိုမှာလည်း ကိုယ်လိုချင်တဲ့နေရာရောက်အောင် အပိုင်းလိုက်၊ ကဏ္ဍအလိုက် ပြောတတ်ဆိုတတ်ဖို့ကအစ မကျန်စေရပါဘူး။ ကိုကျော်ဇံတယောက် သင်တန်းမှာ ပို့ချသမျှကို သင်တန်းတွင်းမှာတင်ပဲ လေးလေးစားစားနဲ့ တိတိကျကျ လိုက်နာပါတယ်။ အ၀တ်အစားကအစ စမတ်ကျအောင် သင်တန်းမှာ ၀တ်ရတဲ့ ဘောင်းဘီကို ကိုယ်တိုင်တောင်လျှော်မ၀တ်ပဲ ပင်မင်းဆိုင်အပ်ပါတယ်။ နောက်တနေ့ ကိုကျော်ဇံ ပင်မင်းသွားရွေးတဲ့အခါမှာတော့ ဘယ်လိုမှ မျှော်လင့်မထားတဲ့ ဘောင်းဘီ ခြေတဖက်က ရေမခြောက်တခြောက်နဲ့ ကြေမွနေပြီး၊ အခြားတဖက်ကတော့ မီးပူတိုက်ထားတာ ကော့ပျံနေပါသတဲ့။ “ဘယ်လိုဖြစ်တာလဲခင်ဗျာ” လို့ ကိုကျော်ဇံတယောက် နားမလည်နိုင်စွာနဲ့ မေးမိတော့ ဆိုင်ဝန်ထမ်းလေးက “ဆရာညွှန်ကြားတဲ့ အတိုင်းပါပဲ ဆရာရယ်” လို့ ပြန်ဖြေရှာပါတယ်။

ကိုကျော်ဇံ ပင်မင်းအပ်ခဲ့ပုံက...

“ဒီနေရာမှာ ကျနော် လုပ်ချင်တာ နှစ်ပိုင်းရှိပါတယ်။ တစ်ပိုင်းက လျှော်ပြီး နောက်တစ်ပိုင်းက မီးပူတိုက်ချင်ပါတယ်။ အဲ့ဒါ ဖြစ်နိုင်မလားခင်ဗျာ…” ပါတဲ့။

မန္တလေးသားစစ်စစ်နှင့် မလကာထန်းလျက်

နေ့လည်ဖက် ရုံးအပြင်ထွက်၍ ထမင်းစားသွားချိန်တွင် မလေးရှားနိုင်ငံထုတ် Proton ပရိုတွန်ကားတစ်စီးက ရှေ့က ဖြတ်ကျော်သွားသည်။ ကား၏ မော်ဒယ်လ်က Wira ... ။ စင်္ကာပူနိုင်ငံသားတစ်ဦးက နံဘေးမှ မလေးရှားနိုင်ငံသားအား “Wira ဆိုတာဘာလဲလို့” ကောက်မေးရာ ကျောင်းသားဘ၀ မြန်မာစာသင်ခန်းစာမှ “၀ီရရသ” ကိုပြေးသတိရသည်။ မလေးရှားနိုင်ငံသား တရုတ်က စဉ်းစားနေခိုက် “ရဲရင့်ခြင်းဖြစ်မယ် ထင်တယ်” ဟုမှတ်ချက်ချလိုက်ရာ သူက “အင်း…ဟုတ်တယ် သူရဲကောင်းကိုပြောတာ” တဲ့။

ထမင်းစားအပြီး ထောပတ်သီးဖျော်ရည် သောက်ကြပြန်ရာ ဖျော်ရည်၏ အရသာမှာ အဆန်းဖြစ်နေသည်။ ယခင်သောက်ဖူးသော နို့ဆီ, သကြားတို့၏ အနံ့အရသာမျိုးမဟုတ်။ မိမိနှင့်တော့ အတော်ရင်းနှီးနေသည်။ မြန်မာပြည်မှ ထန်းလျက်၏ အနံ့အရသာမျိုး…။ မေးကြည့်တော့ “Gula Melaka” ဟုပြောသည်။ “မလကာပြည်နယ်က ထွက်တဲ့သကြားတစ်မျိုးပေါ့” လို့ အဓိပ္ပါယ်ပြန်ပေးကြသည်။ အိမ်ပြန်ရောက်မှ အဘိဓာန်တွင်ရှာကြည့်တော့ ပါဠိစကား “ဂုဠ” သည် “ကြံသကာခဲ, ထန်းလျက်” ဟုတွေ့ရသည်။

မလေးဝေါဟာရအချို့သည် ပါဠိစကားလုံး, သက္ကတစကားလုံများနှင့် အတော်လေးနီးစပ်ပါသည်။ စင်္ကာပူဟူသော အမည်သည်ပင် ခြင်္သေ့မြို့တော်ဟု အဓိပ္ပါယ်ရသော သက္ကတအမည်ဖြစ်သည်။ ရထားဘူတာရုံများတွင် Bahaya (အန္တရာယ်ရှိသည်) ဟူသော မလေးစကားသည်လည်း ပါဠိ သက္ကတ “ဘယ” မှ ဆင်းသက်လာခြင်း ဖြစ်သည်။ ဘာသာစကားကိုလည်း မလေးလို Bahasa ဟုခေါ်သည်။ ပါဠိ, သက္ကတမှ S သံကို မြန်မာတို့က သ-သံထွက်ဖတ်သည်။

တချိန်က သုဝဏ္ဏဘူမိခေါ် ဆုမတြာကျွန်းဆွယ်သည် အိန္ဒိယယဉ်ကျေးမှု, ဟိန္ဒူနှင့် ဗုဒ္ဓဘာသာ ယဉ်ကျေးမှုတို့ လွမ်းမိုးခဲ့သည့်ဒေသများဖြစ်၍ ရှေးဟောင်းခေတ် မလေးဘာသာစကား (Old Malay)ကို သက္ကတ ဘာသာစကားက လွမ်းမိုးထားသည်မှာ သိပ်တော့မဆန်း။ The World is Flat စာအုပ်တွင် Thomas Firedman က ကိုလံဘတ် ရွက်လွင့်ခဲ့သော ၁၄၉၂-ခုနှစ်မှာ Globalization ပထမခေတ် စသည်ဟု ဆိုသည်။ အရှေ့-အနောက် ကမ္ဘာနှစ်ခြမ်းကို မဆက်မိသေးသည့်တိုင် ကိုလံဘတ်မတိုင်မီကပင် Globalozation က အရှေ့တောင်အာရှတခွင်တော့ ရောက်ခဲ့ပြီဖြစ်သည်။ မြန်မာ, ယိုဒယား, ကမ္ဘောဒီယာနှင့် အင်ဒိုနီးရှားတို့တွင် ရာမလက္ခဏယဉ်ကျေးမှုက ယခုခေတ် ဟစ်ဟော့တေးတွေလို ကူးစက်ခဲ့ဖူးသည်။ သို့သော်လည်း ဖြစ်ပြန်, ပျက်ပြန် လောကဓံဆိုသလို မလေးရှား, အင်ဒိုနီးရှားဒေသသို့ အာရပ်ယဉ်ကျေးမှု, အစ္စလာန်ယဉ်ကျေးမှုလှိုင်း ရိုက်လိုက်သောအခါ ဘာလီလို နေရာမျိုးတွင်သာ ရာမလက္ခဏကျန်ခဲ့သည်။ Borobudur လို ဘာသာရေး အဆောက်အအုံကြီးများလည်း တိမ်မြုတ်သွားသည်။ မလေးဘာသာစကားလည်း တစ်မျိုးတမည် ပြောင်းလဲသွားသည်။ ရှေးဟောင်းခေတ် မလေးဘာသာစကား (Old Malay)ကို ယခုခေတ်မလေးစကားပြောသူတို့ နားမလည်နိုင်ကြတော့။

**** ***** ****

မန္တလေး အနှစ် ၁၅၀-ပြည့် အထိမ်းအမှတ် ကျင်းပသော “မန္တလေးအနုပညာပုံရိပ်ပွဲတော်” DVDခွေ ကြည့်ဖြစ်သည်။ မန္တလေးမှ လူရွှင်တော်များဖြစ်သော ချစ်စရာ, ဒီပါတို့၏ “မန္တလေးသား စစ်စစ်ကြီးပါဗျ” ဟူသော တစ်ခန်းရပ် ဟာသပြဇာတ်ပါသည်။ နယ်မှ မန္တလေးသို့ လာလည်ရင်း လမ်းပျောက်နေသော အဖွဲ့အား ချစ်စရာက မန္တလေးမြို့အကြောင်းကို တရုတ်သံခပ်ဝဲ၀ဲဖြင့် ရှင်းပြသည်။ ဘုန်းတော်ကြီးကျောင်းများ, ဘုရားများ, လမ်းများ, ဈေးများအကြောင်းကို သမိုင်းချီ၍ အသေးစိတ်ပြောပြတော့… နယ်မှ ဧည့်သည်များက လူမျိုးခြားဖြစ်လျှက် မန္တလေးမြို့အကြောင်း ယခုလို ဂဃဏန ရှင်းပြပေး၍ ကျေးဇူးတင်ကြောင်း ဆိုကြသည်။ ထိုအခါ ချစ်စရာက လူမျိုးခြား မဟုတ်ကြောင်း မန္တလေးသားဖြစ်ကြောင်း ပျာပျာသလဲ ပြော၍ု မှတ်ပုံတင်ပါထုတ်ပြသည်ကိုပင် မယုံကြ။ ဒါဆို ဘာကြောင့် စကားသံ ဒီလောက်ဝဲနေရသလဲ ဆိုလာတော့ ချစ်စရာက “ရေများရေ… မီးများ မီး ပေါ့ဗျာ။ တစ်မြို့တည်းမှာ သူတို့နဲ့ အတူတူနေရတယ်။ စီးပွားရေး အတုခိုးရ.. ဇာတ်လမ်းတွဲတွေ ကြိုက်ရနဲ့… နောက်ဆုံးတော့ ကျုပ်တို့လိုကောင်တွေ မ၀ဲ ခံနိုင် မလား။ နန်းတော်တိုင် ဖက်မွေးလာတဲ့ မန္တလေးသားစစ်စစ်ပါဗျ…” ဟု အော်ငိုကာ တစ်ခန်းရပ်လိုက်ပေသည်။

Globalization ဟုဆိုလျှင် ဈေးကွက်စီးပွားရေး, ကမ္ဘာကုန်သွယ်ရေးအဖွဲ့အစည်းနှင့် အမေရိကန်ယဉ်ကျေးမှုတို့ကိုသာ ပြေး မြင်တတ်ကြသည်။ ယနေ့ခေတ်တွင် တရုတ်နှင့် အိန္ဒိယနိုင်ငံ၏ စီးပွားရေးက တဟုန်ထိုး တိုးတက်လာသည်။ Globalization ကသယ်ဆောင်လာမည့် ယဉ်ကျေးမှုများသည် အနောက်တိုင်း ယဉ်ကျေးမှုများကိုသာ ထည့်တွက်၍ မရတော့။ ထိုလှိုင်းလုံးကြီးများသည် တားဆီး၍ ရမည်လည်း မဟုတ်။ လှိုင်းနှင့်အတူ တွင် ရေးခဲ့ဖူးသလို မည်သို့သော ယဉ်ကျေးမှုကို စားသုံး၍ မည်သို့သော ယဉ်ကျေးမှုအား ထွေးအံရမည် ဆိုသည့် “ယဉ်ကျေးမှုစားသုံးခြင်း အတတ်ပညာ” ကို သတိရှိရှိကျင့်သုံးကြဖို့ လိုသည်။ သို့မဟုတ်ပါက ချစ်စရာပြောသလို “မ၀ဲ ခံနိုင်ရိုးလားဗျာ” ဟုသာ မချိတင်ကဲ ဆိုရမည့်ကိန်း ဆိုက်ပေလိမ့်မည်။

Real urbane person of Mandalay from mdymedia on Vimeo.

စာညွှန်း

http://veda.wikidot.com/malay-words-sanskrit-origin
http://en.wikipedia.org/wiki/Malay_language

မန္တလေးအနုပညာပုံရိပ်ပွဲတော် DVD ခွေ

The White Tiger

လုပ်ဖော်ကိုင်ဖက် အိန္ဒိယနိုင်ငံသားတွေနှင့် စကားစပ်မိရင်း Avravind Adiga ရေးတဲ့ The White Tiger ၀တ္တုကို ငှားဖတ်ဖြစ်ခဲ့ပါတယ်။ ဆင်းရဲသားဘ၀ကနေ စီးပွားရေးလုပ်ငန်းရှင် တစ်ဦးဖြစ်လာခဲ့တဲ့ Balram Halwai က အိန္ဒိယနိုင်ငံ၏ သရုပ်မှန်ကို ဖွင့်ထုတ်ဖို့အတွက် တရုတ်ဝန်ကြီးချုပ် ၀မ်ကျားပေါင်ဆီ ရေးသားပေးပို့လိုက်တဲ့ e-mail စာရှည်ခုနှစ်စောင် အဖြစ်နဲ့ ၀တ္ထုကို ရေးထားတာပါ။ ဇာတ်လမ်းအနေနှင့် သိပ်စိတ်ဝင်စားစရာ မရှိလှပေမယ့် အိန္ဒိယရဲ့ အမှောင်လောကကို သရုပ်ဖော်သွားပုံနှင့် အမြင်အချို့ကတော့ စိတ်ဝင်စားစရာ ကောင်းပါတယ်။

အိန္ဒိယလို့ပြောလိုက်ရင် Call Center လို အမေရိကရဲ့ outsourcing လုပ်ငန်းတွေနှင့် ဖွံ့ဖြိုးတိုးတက်နေတဲ့ ဘန်ဂလိုတို့, မွန်ဘိုင်းတို့လို မြို့တွေကိုပဲ ကမ္ဘာကအသိများကြပါတယ်။ စိတ်ဝင်စားကြပါတယ်။ ဒီဝတ္ထုရဲ့ အဓိကဇာတ်ဆောင်ကြီးပြင်းခဲ့တဲ့ ဂင်္ဂါမြစ်ကမ်းရိုးတန်းတလျှောက်က ကုန်းတွင်းပိုင်း ကျေးလက်ဒေသကို အမှောင်လောကလို့ တင်စားထားပါတယ်။ ဒီလိုအမှောင်လောကမှာ ရှင်သန်နေကြတဲ့ ဆင်းရဲသားလူများစုဟာ သူတို့ရဲ့ အသက်မွေးဝမ်းကျောင်းဖို့အတွက် မြေရှင်ကြီးတွေကို ခယ၀တ်တွားပြီး သူတို့ရဲ့ ချွေးနည်းစာတွေထဲကနေ ခွဲဝေပေးနေရတယ်။ ယုတ်စွအဆုံး လံချားဆွဲစားသူကတောင် သူ့ဝင်ငွေရဲ့ သုံးပုံတစ်ပုံလောက်ကို ခွဲဝေပေးနေရတယ်။ နိုင်ငံရေးသမား အာဏာပိုင်များရဲ့ အကျင့်ပျက်ခြစားမှုကြောင့် ပညာရေး, ကျန်းမာရေးစတဲ့ အခြေခံအဆောက်အအုံတွေကလည်း ပျက်စီးနေတယ်။ ရေသိုးမြောင်းကောင်းကောင်း မရှိ။ လျှပ်စစ်မီး လုံလုံလောက်မရှိ။ ဆေးရုံမှာ ဆရာဝန်မရှိ။ ဆရာဝန်တွေက အစိုးရဆေးရုံတွေမှာ မထိုင်ပဲ စာရင်းညာပြပြီး၊ အပြင်ဆေးခန်းတွေမှာ ရောက်နေကြတယ်။ ကျောင်းတွေမှာ နေ့လည်စာအတွက်, ကျောင်းဝတ်စုံအတွက် အစိုးရကထုတ်ပေးထားပေမယ့် ကျောင်းဆရာတွေက စားလိုက်လို့ ကျောင်းသားတွေ မရကြပါဘူး။ ဒါပေမယ့် ဒီလိုပျက်စီးနေတာကို အပြစ်မမြင်ကြဘူး။ “ငါလည်း သူတို့ နေရာရောက်ရင် ဒီလိုပဲလုပ်မှာပါ” လို့တွေးနေကြတာကိုး။ “ပိပိရိရိ လုပ်တတ်ကြပေရဲ့”လို့တောင် အချို့က ကြိတ်ပြီး ချီးမွမ်း နေတတ်ကြသတဲ့။

ဒီတော့ ဒီလိုအမှောင်လောကထဲမှာ လူတွေက သက်တမ်းစေ့ မနေနိုင်ပဲ တီဘီလိုရောဂါမျိုးတွေနဲ့ သေကြရတယ်။ ကျောင်းသားတွေကလည်း ပညာကို ဆုံးအောင်မသင်နိုင်ခဲ့ကြလို့ စာရေးတတ် ဖတ်တတ်ပေမယ့် ကိုယ်ဖတ်တဲ့စာ ဘယ်အဓိပ္ပါယ်ပေါက်တာ မသိတဲ့ မတောက်တခေါက်, မကျက်တကျက် (half-baked) တွေ။ ပညာကို ဆုံးခမ်းတိုင်အောင် သင်ပြီး တက္ကသိုလ်တွေကနေ ဘွဲ့ရလာသူတွေကတော့၊ ကုမ္ပဏီတွေမှာ အလုပ်ဝင်၊ အ၀တ်အစား ကျကျနန၀တ်ပြီး သူများခိုင်းတာလုပ်ရင်း သူတို့ဘ၀ ကုန်ဆုံးသွားရတယ်။ စီးပွားရေးသမားဖြစ်လာသူတွေက သူလို “မကျက်တကျက်” တွေပါလို့ အဓိကဇာတ်ဆောင် Balram Halwai က သရော်သလို ပြောပြသွားတယ်။

စာရေးသူ အဓိကပြောချင်တဲ့ အချက်တစ်ခုက “ဘာကြောင့် အမှောင်လောက ဆင်းရဲမွဲတေမှုဘ၀ကနေ ရုန်းမထွက်နိုင်သလဲ” ဆိုတဲ့ ကိစ္စပါ။ ဒါကို သူက ကြက်လှောင်ချိုင့် (Rooster Coop) တစ်ခုနဲ့ နှိုင်းယှဉ်ပြတယ်။ သံဇကာ လှောင်ချိုင့်ထဲမှာ ပြည့်ကြပ်နေတဲ့ ကြက်တွေဟာ တစ်ကောင်နဲ့ တစ်ကောင် တိုးဝှေ့တိုက်ခိုက်ပြီး အသက်ရှုဖို့ ကြိုးစားနေရတယ်။ ဒီလှောင်ချိုင့်အပေါ်က သစ်သားစဉ်းတုံးပေါ်မှာတော့ လောလောလပ်လပ် ခုပ်ထစ်ထားတဲ့ အသားတုံးတွေ, ကလီစာတွေတင်ထားပြီး သွေးတွေနဲ့ ပေကျံနေတယ်…။ လှောင်ချိုင့်ထဲက ကြက်တွေက သူတို့နောင်တော်တွေရဲ့ ကလီစာတွေကို မြင်နေရတယ်။ သွေးနံ့တွေ ရနေတယ်။ နောက် သူတို့အလှည့်ဆိုတာလဲ သိကြပါတယ်။ ဒါပေမယ့် ဒီလှောင်ချိုင့်ထဲက ရုန်းမထွက်ကြဘူး။ ဒီနိုင်ငံက လူတွေရဲ့ အဖြစ်က ဒီအတိုင်းပါပဲတဲ့။

ဒါကလည်း အိန္ဒိယမှာ နှစ်ပေါင်းများစွာ သန္ဓေတည်လာခဲ့တဲ့ ကျွန်စိတ် (servitude) ကြောင့်လို့ စာရေးသူကဆိုတယ်။ ရာမမင်းအပေါ်မှာ သစ္စာရှိရှိ နာခံအမှုထမ်းခဲ့တဲ့ ဟာနုမာန်မျောက်မင်းကို ကိုးကွယ်ခဲ့ကြပြီး၊ အင်္ဂလိပ်တွေက ထပ်အသက်သွင်းပေးခဲ့တဲ့ ဒီကျွန်စိတ်ကြောင့် လှောင်ချိုင့်ထဲမှာ ပိတ်နေရတယ်လို့ ဆိုပါတယ်။ ဘယ်လောက်များ ဒီကျွန်စိတ်က ပြင်းသလဲဆိုရင် … လွတ်မြောက်ဖို့အတွက် သော့ကို လက်ထဲထိုးထည့်ရင်တောင် သော့ကို ပြန်လွင့်ပစ်ပြီး ဆဲလိမ့်မယ်တဲ့။

ဒုတိယအနေနဲ့လည်း လွတ်မြောက်မှုနဲ့ မိသားစုဘ၀ကို ချိန်ဆကြရတဲ့အခါ လွတ်မြောက်မှုထက် ကိုယ်ဆွေမျိုးသားချင်း, မိသားစုတွေရဲ့ စားဝတ်နေရေးကိုပဲ ငဲ့လိုက်ကြရတာမျိုး တွေရှိတယ်။ ဖိနှိပ်သူမြေရှင်ကြီးတွေ, အကျင့်ပျက်အစိုးရအရာရှိကြီးတွေက ဒီအားနည်းချက်ကိုသိတော့ တစ်စုံတစ်ဦးက မိမိတို့သြဇာရိပ်အောက်က ရုန်းထွက်ဖို့ကြိုးစား လာရင် သူတို့ရဲ့ မိသားစုဝင်တွေကို ခြိမ်းချောက် ဒုက္ခရှာကြတယ်။ ဒီတော့ ကိုယ့်သားသမီး ကိုယ့်ဆွေမျိုးတစ်ဦးဦးက လွတ်မြောက်ဖို့ ကြိုးစားမယ်ကြံရင် မိသားစုဝင်တွေကပဲ စပြီးဝိုင်းတားကြ, ဖျက်ကြတော့တာပေါ့။

စာရေးသူက ပြောပြသွားတဲ့ ဒီကြက်လှောင်ချိုင့်ဥပမာက သိပ်ထိရောက်ပေမယ့် သူဆက်ရေးပြသွားတဲ့ ဇာတ်လိုက် Balram ရဲ့ လွတ်မြောက်ရေးကတော့ စနစ်တစ်ခုကို တော်လှန်ခြင်းမျိုးမဟုတ်ပဲ၊ ပုဂ္ဂလိက လွတ်မြောက်မှုတစ်ခုပါပဲ။ ဘာမှအကြောင်းခိုင်လုံမှုမရှိပဲ သူ့အလုပ်ရှင်ကို သတ်, ငွေတွေယူ, ထွက်ပြေးပြီး ဘန်ဂလိုမြို့မှာ စီးပွားရေး လုပ်ငန်းတစ်ခု ထူထောင်ပါတယ်။ အကျင့်ပျက်အရာရှိတွေနဲ့ ပေါင်းပြီးလုပ်တဲ့အတွက် အောင်မြင်တဲ့ စီးပွားရေးသမားတစ်ယောက် ဖြစ်သွားပါတယ်။ လွတ်မြောက်မှုလို့ ဆိုကောင်းဆိုနိုင်ပေမယ့် သူကိုယ်တိုင်က ဒီစနစ်ဆိုးကြီးကို ဆက်လက်ရှင်သန်စေတဲ့ အစိတ်အပိုင်းတစ်ခု ဆက်ဖြစ်နေတဲ့အတွက် စာရေးသူက ထွက်ရပ်လမ်းမှန်ကို ပြသွားနိုင်တယ်လို့တော့ မဆိုနိုင်ပါဘူး။ ထွက်ရပ်လမ်းအစစ်မရှိတာကိုပဲ ရေးပြလိုတာလားတော့ မသိပါ။ ဇာတ်သိမ်းကို ဘ၀င်မကျနိုင်တာကတော့ အမှန်ပါပဲ။

စာရေးသူက သူတို့အိန္ဒိယမှာ “ရေသိုးမြောင်းမရှိ, လျှပ်စစ်မီးမရှိ, လမ်းပမ်းဆက်သွယ်ရေး ကောင်းကောင်းမရှိပေမယ့် ဒီမိုကရေစီတော့ရှိတယ်” လို့ခပ်ထေ့ထေ့ ပြောသွားပါသေးတယ်။ အိန္ဒိယဟာ တရုတ်နိုင်ငံလောက် အခြေခံ အဆောက်အအုံကောင်းတွေ မရှိသေးတာကြောင့် ကုန်ထုတ်လုပ်ငန်းလို စီးပွားရေးမျိုးတွေ ဖွံဖြိုတိုးတက်မှု ကောင်းကောင်းမရှိသေးတာကတော့ ငြင်းစရာမရှိပေမယ့် “ဒီမိုကရေစီဟာ စီးပွားရေးဖွံ့ဖြိုးမှုရဲ့ အဟန့်အတားများ ဖြစ်နေမလား” ဆိုတဲ့ အချက်ကို လက်မခံနိုင်ပါဘူး။ အိန္ဒိယနိုင်ငံရဲ့ အဓိကပြဿနာတွေဟာ အမြစ်တွယ်နေတဲ့ နိုင်ငံရေးသမားတွေ အကျင့်ပျက်ခြစားနေကြတာ, လူများစု ဆင်းရဲသားလူတန်းစားတွေရဲ့ ပညာရေးအဆင့်အတန်း နိမ့်ပါးနေသေးတာ, ဇာတ်ခွဲခြားမှုလို စနစ်မျိုးတွေကြောင့် နာခံစိတ် (သို့မဟုတ်) ကျွန်စိတ်မကုန်သေးတာတွေလို့ ထင်ပါတယ်။ ဒီလိုအခြေအနေမျိုးမှာ ဒီမိုကရေစီဆိုတာဟာ နိုင်ငံရေးသမားတွေနဲ့ စီးပွားရေးသမားတွေ ပေါင်းစားသွားတဲ့ အမည်ခံသက်သက်ပဲ ဖြစ်နေပါလိမ့်မယ်။ လူတစ်ဦးချင်းစီရဲ့ လွတ်လပ်မှု, အခွင့်အလမ်းတူညီမှု, တရားမျှတမှုတွေရှိမှသာ ဒီမိုကရေစီက အသက်ဝင်နိုင်ပါလိမ့်မယ်။

http://en.wikipedia.org/wiki/The_White_Tiger

ချစ်သူများအတွက် လက်ဆောင်

မသီတာက “အောင်မြင်စွာ ခွဲထွက်ခြင်း”လို့ ကြွေးကြော်ပြီး ဘလော့ဂ်တစ်ခုနဲ့ ထားပစ်ခဲ့ ပါတယ်။ နိုင်ငံရေးအသင်းအဖွဲ့တွေ ကွဲကြ, ဘာသာရေးဂိုဏ်းဂဏတွေ ကွဲကြ, သီချင်းဆိုတဲ့ အဖွဲ့တွေလည်း ကွဲကြတဲ့ခေတ်ကြီးမှာ ချစ်ကြည်ရေးတရားဟောဖို့ စဉ်းစားနေတဲ့ ကျွန်တော်လည်း အားလျော့ သွားသလိုပါပဲ။ ဘာသာရေးစာတွေ အဖတ်များတော့ တွေးလိုက်သမျှက ဘာသာရေးနဲ့မလွတ်သလို ဖြစ်နေတတ်ပါတယ်။ အခုလည်း ဘုရားရှင်လက်ထက်က ကောသမ္ဗီပြည်မှာ ရဟန်းတော်တွေ အချင်းများပြီး အုပ်စုကွဲကြစဉ်ဟောခဲ့တဲ့ သာရဏီယတရား ၆-ပါးကို လှမ်းသတိရမိပါတယ်။

သာရဏီယတရားဆိုတာက တစ်ဦးနဲ့ တစ်ဦး ခိုက်ရန်မဖြစ်ပဲ ချစ်ကြည်မှု, လေးစားမှု, စည်းလုံး ညီညွတ်မှုကို ဖြစ်စေဖို့အတွက် အမြဲမပြတ်အောက်မေ့ထိုက်တဲ့ တရား ၆-ပါးကိုဆိုလိုပါတယ်။

(၁) တစ်ဦးကို တစ်ဦး ရှေ့မှာဖြစ်စေ, ကွယ်ရာမှာဖြစ်စေ ကာယကံမေတ္တာထားရမယ်။
(၂) ၀စီကံမေတ္တာ ထားရမယ်။
(၃) မနောကံမေတ္တာထားရမယ်။
(၄) ရရှိလာတဲ့ ပစ္စည်းတွေကို အတူမျှဝေသုံးစွဲရမယ်။
(၅) ကိုယ်ကျင့်သီလ တူညီအောင်ကျင့်ရမယ်။
(၆) ၀ဋ်ဆင်းရဲမှ လွတ်မြောက်ကြောင်း အမြင်တူမျှရမယ်ဆိုတဲ့ အချက် ၆-ချက်ပါ။

ရဟန်းတော်တွေအတွက် နောက်ဆုံးအချက်ဖြစ်တဲ့ နိဗ္ဗာန်ရောက်ကြောင်း အမြင်တူညီဖို့ဆိုတဲ့ အချက်က အလွန်အရေးကြီးပါတယ်။ သံဃာ့အဖွဲ့အစည်းကို “ဒိဋ္ဌိသီလသာမည” အမြင်တူ, အကျင့်တူတဲ့ အဖွဲ့အစည်းလို့ တင်စား ခေါ်ဝေါ်လေ့ရှိပါတယ်။ လောကီနယ်မှာတော့ လူတစ်ဦးနဲ့တစ်ဦး အကျင့်စရိုက်တူ, အမြင်တူတဲ့ သူတွေဖြစ်ဖို့ ခက်ပါတယ်။ သို့သော်လည်း အနည်းဆုံး တစ်ဦးကို တစ်ဦး ချစ်ခင်ရင်းနှီးမှုရှေ့ထားပြီး, အကျိုးတူ မျှဝေခံစားဖို့တော့လိုပါတယ်။ ဒါမှသာ မတူကွဲပြားတဲ့ အမြင်တွေရှိနေခဲ့ရင်တောင် တစ်ဦးကို တစ်ဦး နားလည်ခွင့်လွှတ်ပြီး အတူယှဉ်တွဲ နေနိုင်ကြမှာပါ။ အိမ်ယာထူထောင်ကြမယ့် ချစ်သူတွေ, လင်မယားတွေဆိုရင်တော့ ဒီထက်မက အကျင့်စရိုက်တူအောင်, အမြင်တူအောင်ကျင့်ကြဖို့လိုပါတယ်။ ချစ်သူများ အသွင်တူ, အမြင်တူ၍ ချစ်ကြည်ဖြူနိုင်ကြပါစေ။

ရင်ထဲက ဆောင်းမနက်ခင်းများ

ဖေဖေါ်ဝါရီ ၁၂ - ပြည်ထောင်စုနေ့
ဖေဖေါ်ဝါရီ ၁၃ - ဗိုလ်ချုပ်အောင်ဆန်း မွေးနေ့

ဖေဖေါ်ဝါရီ ၁၃ - ကလေးများနေ့

အောင်မြင်စွာ ခွဲထွက်ခြင်း

ဘလော့ဂ်နှစ်ခု ခွဲလိုက်ရခြင်းကတော့ နှစ်အိုး နှစ်အိမ် ထူထောင်လိုက်တာပါ။ CBox ကို တခုတည်း ထားခြင်းကတော့ ဟိုဘက်အိမ်နဲ့ ဒီဘက်အိမ် ဧည့်ခန်းမှာ အပေါက်ဖောက်ထားသလိုမျိုးပါ။

အဖြစ်အပျက်တိုင်းမှာ ရှေးကြာမြင့်လှစွာသော ကာလကတည်းက သန္ဓေတည်လာခဲ့တဲ့ အကြောင်းတရားများနဲ့ လတ်တလော အကြောင်းတရားများဆိုပြီး နှစ်မျိုးရှိပါတယ်။ ကမ္ဘာစစ်ကြီးတွေ ဘာကြောင့်ဖြစ်သလဲ ဆိုတာကို လေ့လာတဲ့ အခါမှာ ချဉ်းကပ်ရသလိုမျိုးပါ။

SONATA-CANTATA ဖြစ်တည်စ ကနဦးကာလကတည်းက မသီတာက ခွဲဖို့ ဆန္ဒရှိခဲ့ပါတယ်။ ကိုဧရာက လက်မခံခဲ့ပါဘူး။ ခါးခါးသီးသီးကို ငြင်းခဲ့ပါတယ်။ ကိုယ်စီမှာ အကြောင်းတရားတွေရှိပါတယ်။ ပေါ်လွင်တဲ့ အချက်ကို ထုတ်ဖော်ပြောရရင် မသီတာက အပေါ့တွေရေးတယ်။ ကိုဧရာရေးတာက အလေးတွေ…။ မတူတဲ့အတွက် ခွဲထားကြရရင် ကောင်းမယ်လို့ မသီတာက အဆိုတင်သွင်းပါတယ်။ ကိုဧရာက အတူတွဲထားပြီးကာမှ ခွဲထုတ်လိုက်ရင် လာလည်တဲ့သူတွေ ကရိကထများမယ်လို့ အားနာပါတယ်။ နောက်တချက်က ကိုဧရာက စာနဲ့ လူ အမြဲတန်း တထပ်တည်းကျတယ်။ တသွေးတည်း တသားထဲ ဖြစ်တယ်။ မသီတာကတော့ ဘလော့ဂ်ကို ရှဲဒိုးနဲ့ရေးတာ မဟုတ်ပေမဲ့ စာနဲ့ လူ အခါအတော်များများမှာ တထပ်တည်းမကျပါဘူး။ အဲ့ဒီအခါမှာ ဘာမှန်းမသိတဲ့ တစုံတရာရဲ့ ခြောက်လှန့်မှုကို ခံစားရပါတယ်။

SONATA-CANTATA ဆိုတဲ့ လေထဲဆောက်တဲ့ ဘလော့ဂ်အိမ်လေးကို ကိုဧရာ မသီတာတို့ရဲ့ ကိုယ်တွေ့ စိတ်တွေ့ တွေနဲ့ ဖန်တီးလိုက်တဲ့ အခါ နှစ်ဦးနှစ်ယောက်တည်း တကမ္ဘာတည်လိုက်တာ မဟုတ်ပါဘူး။ ဒီနေရာလေးမှာ စိတ်တူ ကိုယ်တူ ချစ်တဲ့သူတွေနဲ့လည်း ဆုံရပါတယ်။ ဘာသာမတူ၊ လူမျိုးမခွဲပဲ ချစ်ခင်ရတဲ့လူတွေနဲ့လည်း ကြုံရပါတယ်။ တူရာ တူရာ စုတတ်ကြတာ သဘာဝပေမဲ့၊ တူတာတွေနဲ့ချည်းသာ အစဉ်အမြဲ ယှဉ်တွဲနေဖို့ဆိုတာကလည်း သဘာဝ မကျပြန်ပါဘူး။ မတူတာတွေ လက်တွဲလို့ရတဲ့ အခြေအနေတွေလည်း တပုံတပင်ပါ။

ဒါကြောင့် မတူလို့ ခွဲထားချင်ခြင်းဟာ အကြောင်းတရပ်ဖြစ်ပေမဲ့ မတူကွဲပြားတဲ့ သဘောသဘာဝတွေကို လိုအပ်သလို ညှိနှိုင်းတိုင်ပင်ရင်း၊ ငြိမ်းချမ်းစွာ အတူရှင်တွဲနေထိုင်ရေး မူဝါဒအောက်မှာ ဆက်လက် ရှင်သန်ရပ်တည်ခဲ့ပါတယ်။

ဒါဆို ဘာကြောင့် ခွဲရသလဲ
SONATA-CANTATA က ပို့စ်တွေကို တန်းစီပြီး ဖတ်ကြည့်ရင် ခုနှစ်ထွေအက ကြည့်ရသလို ဖြစ်နေပါတယ်။ အစကတည်းက ခုနှစ်တွေအက ကြည့်မယ်လို့ မျှော်မှန်းထားသူတယောက်အတွက် အကြောင်းမဟုတ်ပေမဲ့၊ မျှော်လင့် မထားသူတဦးတယောက်အတွက်မှာတော့ ခိုးလို့ခုလုဖြစ်စေပါတယ်။ ဥပမာ SONATA-CANTATA က ဘာသာရေးတွေ ရေးတယ်လို့ မိတ်ဆက်ပေးလိုက်လို့ ရောက်လာသူဟာ မသီတာရဲ့ ရင်တွင်းဖြစ်တွေနဲ့ တန်းတိုးသွားခဲ့ရင်၊ ရယ်ချင်ရင်သွားဖတ်လို့ လမ်းညွှန်ပေးလိုက်မူကြောင့် ရောက်လာသူကို ကိုဧရာက ပိသာလေးကြီးနဲ့ ပစ်လိုက်မိရင် အလည်ရောက်လာသူကို အလွန်ပဲ မလေးမစားပြုရာကျမယ်လို့ ခံစားမိလာပါတယ်။ ဒါကြောင့် SONATA-CANTATA ကို လာလည်ကြသူများကို မတူတာတွေကြောင့် အမြင်မတော်တာတွေ မဖြစ်စေချင်တဲ့ လေးစားမှုက ခွဲဖို့ရာ ဖန်လာတဲ့ လတ်တလော အကြောင်းတရားသာ ဖြစ်ပါတော့တယ်… လို့ အသိပေး ပြောကြားရင်း

SONATA-CANTATA မှ SONATA-CANTATA2
အောင်မြင်စွာ ခွဲထွက်ခြင်းကို ဘလော့ဂ်မိတ်ဆွေသူငယ်ချင်းများ နားလည်လက်ခံနိုင်ကြပါစေ ဟူသော ဆန္ဒမွန်ဖြင့်

Avatar 3D ဖြစ်ရပ်မှန်

အင်္ဂလိပ်ကား မကြည့်တတ်ပါဘူး။ ဒီတော့ ရုံမှာ ရုပ်ရှင်အလွန်ကြည့်ခဲပါတယ်။ ရုပ်ရှင်လက်မှတ်ရရင် ကိုဧရာနဲ့ သားကြီး သားအဖနှစ်ယောက်ပဲ သွားကြည့်ကြလေ့ ရှိပါတယ်။ 2012 တင်တော့ မှတ်မှတ်ရရနေ့ တနေ့မို့ မိသားစု အကုန်သွားကြည့်ကြပါတယ်။ အဲ့ဒီကနေ အရှိန်ရသွားပြီး၊ Avatar တင်တော့ (ထူးထူးဆန်းဆန်း 3Dကလည်း ဖြစ်ပြန်ပါသေးသတဲ့။) “3Dမို့ ကိုယ်က ပြချင်တာ” ဆိုတာ ကိုဧရာတယောက် ရုပ်ရှင်ကြည့်ဖို့ မဲဆွယ်စဉ်ကာလမှာ ထပ်တလဲလဲ သုံးခဲ့တဲ့ စကားပါ။ New Year Eve နေ့မှာ အများသူငါတွေနဲ့ ရောပြီး မိသားစုလိုက် ညနေ ၅နာရီပွဲကို ၃နာရီမှာ တက်တက်ကြွကြွ လက်မှတ် တန်းစီ ၀ယ်ပါတယ်။ အရောင်းကောင်တာရောက်တော့ ရှေ့ဆုံးကရေရင် Second Row ကပဲ နေရာ ရတော့မယ်တဲ့။ အို ဘာဖြစ်လဲ 2012 ကြည့်တုန်းကလည်း Second Row ကပဲဟာ ဒီလောက်ကြီး တန်းစီပြီးမှ ၀ယ်လိုက် ၀ယ်လိုက်ဆိုပြီး ဇွတ်မိုက်လိုက်ကြပါတယ်။


ရုံထဲ အ၀င်မှာ မျက်မှန် အမဲလေးတွေ ပေးတယ်။ တရိုတသေ ကိုင်ခဲ့ရတယ်။ မျက်မှန်မှာ ဒဏ်ရာ တစုံတခုရခဲ့ရင် 85 ဒေါ်လာ လျော်ရမယ် ဆိုလို့ပါ။ နေရာယူပြီး ခဏကြာတော့ ရုပ်ရှင်စပြပါတယ်။ ကြော်ငြာတွေ ဆိုတော့ မျက်မှန် တပ်စရာမလိုသေးဘူး အထင်နဲ့ ပကတိမျက်လုံးအတိုင်းနဲ့ပဲ ကြည့်နေခဲ့ပါတယ်။ “မျက်မှန်တပ်လေ ကြော်ငြာလည်း 3D ပဲ” ဆိုတဲ့ ကိုဧရာ့ဆီက အလန့်တကြား သတိပေးသံကြားမှ ဘေးဘီကို ၀ဲဝီ ကြည့်လိုက်တော့ တရုံလုံး မျက်မှန်တွေနဲ့ ခန့်ငြားနေကြပါပြီ။ အော် တုံးလိုက်တဲ့ ငါ ဆိုပြီး မျက်မှန်ကောက်တပ်လိုက်မှ Garfield ကြီး ဗိုက်ပူထွက်နေပုံများ ရုပ်လုံးကို ကြွလို့ဟဲ့။ ဇာတ်ကား စပြလို့ ခဏအကြာမှာ ကိုဧရာ့ဆီက အသံထွက်လာပြန်တယ်။ “သီတာ သီတာ 3D ဆိုတာ အဲ့လိုကြီးလား” တဲ့။ ကိုယ်က ရုံထဲဝင်လာကတည်းက “3D ရုပ်ရှင်များ Discovery Centre မှာ ကျမ ကြည့်ဖူးပါတယ်တော်” လို့ သူ့ကို တမှတ်ကျောထားသူမို့ အားကိုးတကြီး မေးရှာတာပါ။ “ဘာဖြစ်လို့လဲ” ဆိုတော့ “ကို ဘာမှ ကောင်းကောင်းမမြင်ရဘူး” တဲ့။ “ပေးစမ်းပါဦး ရှင့် မျက်မှန်” ဆိုပြီး မသီတာ ကောက်တပ်ကြည့်လိုက်တော့မှ လားလား စိမ်းစိမ်းတွေရော နီနီတွေရော ရိပ်ရိပ် ရိပ်ရိပ်တွေ… “အာ ရှင့်မျက်မှန်က အပျက်ကြီး” ဆိုပြီး၊ ချက်ချင်းသွား ပြန်လဲခိုင်းရတယ်။

မသီတာလည်း ဇာတ်လမ်းကို နားမလည် လည်အောင် အာရုံ စူးစိုက် ကြည့်ရင်းနဲ့ မျက်ခွံက မှေးစင်း ကျကျလာတယ်။ အော် ငါ့မျက်လုံးအား မနိုင်ဘူးနဲ့ တူတယ်ဆိုပြီး အိတ်ထဲက မျက်မှန်ထုတ်တပ်၊ အပေါ်ကမှ 3D မျက်မှန်ထပ်တပ်ပြီး ကြည့်လည်း မအောင်မြင်ပါဘူး။ 3D မျက်မှန်ကို ချွတ်လိုက် တပ်လိုက်နဲ့ စမ်းသပ်မှုကို ကြိမ်ဖန်များစွာ လုပ်နေမိပါတယ်။ ဘေးနားက သားငယ်ကလည်း အောက်ပြုတ်ကျတဲ့ ပစ္စည်းတွေပဲ ကုန်းကောက်သလို တကုန်းကုန်းတကွကွ လုပ်လိုက်၊ ရှေ့ Screen ကို မကြည့်ပဲ နောက်တွေ လှည့်ကြည့်လိုက် လုပ်နေလို့ “သားကောင်းကောင်းကြည့်လေ” ပြောတော့ “သားသား မကြည့်ချင်ဘူး” လို့ ဆိုလာပါတယ်။ Avatar ဆိုတော့ သူက TV မှာ ကြည့်နေကျ ကာတွန်းဇာတ်လမ်း အောက်မေ့လို့ ပျော်ပျော်ရွှင်ရွှင်နဲ့ လိုက်လာသူပါ။ ဒီရောက်တော့မှ တလွဲဖြစ်နေတော့ စိတ်ညစ်ရှာတယ် ထင်ပါတယ်။ ကိုယ်ကလည်း မူးချင်သလိုလို၊ အန်ချင် ပျို့ချင်သလိုပါ ဖြစ်လာတော့ ကိုဧရာကို “ကျမတို့ သားအမိ အပြင်ထွက်နေမယ်အေ” လို့ ပြောပြောဆိုဆိုနဲ့ သားအမိနှစ်ယောက် ရှေ့ဆုံးက ထွက်ချလာခဲ့ပါတယ်။ ထိပ်ကစောင့်နေတဲ့ ၀န်ထမ်းလေးဆီ မျက်မှန် နှစ်လက် အပ်ခဲ့ရပါတယ်။

ရုံဂိတ်ဝမှာ စောင့်နေတဲ့ ၀န်ထမ်းတွေကို ရုပ်ရှင် ဘယ်အချိန်ပြီးမလဲ မေးတော့ ၇း၄၀ မှ ပြီးမှာတဲ့။ နာရီကြည့်လိုက်တော့ အခုမှ ၅း၃၀ပဲ ရှိသေးတယ်။ အခြားရုံတွေထဲ ၀င်ကြည့်လို့ ရမလားမေးတော့ “မရပါဘူး ခင်ဗျာ” တဲ့ “အပြင်ထွက်ပြီး Shopping လုပ်ရင် သွားလုပ်နေပါ” တဲ့။ အဲ့ဒါနဲ့ပဲ သားအမိနှစ်ယောက် အခြားရုံပေါက်ဝက ခုံတန်းလျားလေးမှာ ထိုင်ပြီး ဘယ်ရုံထဲကို ဘယ်အချိန် ခိုးဝင်ရင် ကောင်းမလဲ အလစ်ချောင်းနေမိပါတယ်။ ကိုယ့်ရုပ် ကိုယ့်ရည်နဲ့ အဲ့လို ခိုးကြောင်ခိုးဝှက် မလုပ်ချင်တဲ့ အတွေးကလည်း တဖက်၊ နောက်ရုံထဲ ၀င်သွားပါပြီတဲ့ မှောင်မှောင်မဲမဲထဲ သားအမိနှစ်ယောက် ထိုင်စရာနေရာ မရှိရင်လည်း အခက် ဆိုတဲ့ အတွေးတွေနဲ့ ချာချာလည်နေပါတယ်။ လူကသာ ငုတ်တုတ်ထိုင်နေပေမဲ့ စိတ်က မငြိမ်သလို၊ ပါးစပ်တွေ လက်တွေကလည်း အငြိမ်မနေရပါဘူး။ ရုပ်ရှင်ကြည့်ရင်း အပေါ့အပါးသွားချင်လို့ ထွက်လာတဲ့ လူတွေကို အိမ်သာ ဘယ်ဖက်ဆိုတာ လမ်းညွှန်ပေးရပါသေးတယ်။

သားငယ်က ကလေးဆိုတော့ အဲ့လိုကြီး ဘယ်လာကြာကြာထိုင်နေနိုင်ပါ့မလဲ။ ရုံထဲ ပြန်ဝင်ချင်တယ် လုပ်ပြန်လို့ သားအမိနှစ်ယောက် ကုပ်ကုပ် ကုပ်ကုပ်နဲ့ ပြန်ဝင်လာကြပြန်ရော။ ဒုတိယ အကြိမ် ကြိုးပမ်းမှုမှာတော့ သားကြီးဝယ်လာတဲ့ အာလူးကြော်ဗူးထဲက အာလူးကြော်တွေ တကျွတ်ကျွတ်ဝါးရင်း တိုက်ပွဲဝင်ပါသေးတယ်။ ဒါလည်း မရဘူး အာလူးကြော်လည်း ကုန်ရော လူလည်း ဘာဖြစ်သွားတယ် မသိတော့ဘူး။ “ထ ထ” ဆိုတဲ့ အသံက ကိုဧရာ့ အသံလား။ သားကြီး အသံလား။ “ရုပ်ရှင်ပြီးပြီ” ဆိုတဲ့ အသံကတော့ သားကြီး အသံ။

“သားသားက ဘာလို့မကြည့်ချင်တာလဲ သားသား ကြည့်တဲ့ Avatar မဟုတ်လို့လား” လို့ သားငယ်ကို သူ့အဖေကမေးတော့ “သားသားကို လက်သီးနဲ့ထိုးလို့” တဲ့ …။ ပြီးတော့မှ သားငယ်က သူ့အဖေကို ဇာတ်လမ်းမေးပါတယ်။ “လာလာ ဖေဖေ ပြောပြမယ် ဟို အမေကြီးလည်း နားထောင်” ဆိုပြီး … “Avatar ဆိုတာ အိန္ဒိယစကား “အ၀တာရ”…. သက်ဆင်းခြင်းလို့ အဓိပ္ပါယ်ရတယ်။ လူသားတွေကို ကယ်တင်ဖို့အတွက် ကောင်းကင်ဘုံကနေ လူပြည်ကို ဆင်းသက်လာပြီး လူအဖြစ်ကို ၀င်စားတဲ့ ရာမတို့, ကရစ်ရှနားတို့ကိုခေါ်တာ …” ဇာတ်လမ်းနဲ့ မဆိုင်တဲ့ သူ့လက်ချာအရင် နားထောင်ရသေးတယ်။ ပြီးမှ သားအမိတစ်တွေ ကိုဧရာပြောတဲ့ Avatarပုံပြင်နားထောင်ရင်း သူ့ဇာတ်လမ်း မဆုံးခင်မှာပဲ အိပ်ယာပေါ်မှာ နှစ်နှစ်ခြိုက်ခြိုက်ကြီး အိပ်ပျော်ရ ပြန်ပါတော့တယ်။

ပိုးထည် တစ်စကြောင့်

လွန်ခဲ့တဲ့ အပတ်က ကြည့်ဖြစ်တဲ့ အိန္ဒိယဇာတ်ကားပါ။

ဇာတ်ကား စ စချင်းမှာ ဇာတ်လိုက်က မင်္ဂလာဆောင်ပြီး သတို့သမီးကို သူ့အိမ်ခေါ်လာတယ်။ လမ်းထိပ်မှာ ထိုင်နေတဲ့ မိန်းမကြီးက သူတို့ကိုကြည့်ပြီး အတင်းပြောတယ်။ “မင်္ဂလာဆောင်မှာတောင် သတို့သမီးက ပိုးဆာရီ မ၀တ်နိူင်ဘူး” လို့။ “ဒီမိန်းမကြီးတွေ သူများအတင်းထိုင်ပြောဖို့ကလွဲပြီး အခြားအလုပ်မရှိဘူးလား မသိဘူး” လို့သာ စိတ်ထဲကပြောကြပြီး အိမ်ရောက်လာတယ်။ အိမ်ပေါက်ဝမှာ ဖခင်အိုကြီးကို သူတို့ ထုံးစံအတိုင်း ခြေဖမိုးထိ နှုတ်ဆက်ပြီး သတို့သမီး အိမ်ထဲဝင်တယ်။ လူကြီးတွေက ညာဘက်ခြေထောက်က စလှမ်းဝင်ဖို့ သတိပေးကြတယ်။

ဇာတ်လိုက်က အဲ့ဒီနယ်မှာ ရှိတဲ့ ယက္ကန်းစက်ရုံက အလုပ်သမား။ ဇနီးသည်က အလိမ္မာအိမ်ပါလေး။ နွမ်းနွမ်းပါးပါးပေမဲ့ အေးချမ်းတဲ့ မိသားစုဘ၀လေး ပိုင်ဆိုင်ကြတယ်။ မကြာဘူး ဇာတ်လိုက်အဖေကြီး အနိစ္စရောက်တယ်။ အလောင်းပြင်ကြသူတွေက အလောင်းကို ပတ်ဖို့ ပိုးစ တောင်းတယ်။ ဇာတ်လိုက်က “တသက်လုံး အလုပ်လုပ်လာတာ ဖခင်ကြီး ရုပ်အလောင်းက ခြေမနှစ်ခုကို ပူးချည်ဖို့ ပိုးမျှင်တစသာ တတ်နိုင်ရပါလား” လို့ ငိုရှာတယ်။ (အသုဘမှာ ရေအိုးခွဲတာ၊ ကူးတို့ခ ဆိုပြီး ပါးစပ်ထဲ တမတ်စိထည့်တာ၊ ခြေမနှစ်ချောင်းကို ပူးချည်တာတွေ အားလုံးဟာ အိန္ဒိယက အယူအဆတွေဖြစ်တယ်။ ဗုဒ္ဓသာသာဝင်တွေ အကျိုးအကြောင်း အဓိပ္ပါယ် ရှိမရှိ သုံးသပ်ပြီး၊ ဒီအယူအဆတွေကို ဆက်လက်လိုက်နာဖို့ သင့်မသင့် ဆုံးဖြတ်သင့်ပြီ။)

ဇာတ်ကားကို ပြန်ကောက်ရရင် ဇာတ်လိုက်ဟာ ဇာတ်လိုက်တို့ရဲ့ သဘာဝအတိုင်း ရိုးသား ကြိုးစားပြီး မဟုတ်မခံ စိတ်ရှိသူဖြစ်တယ်။ စက်ရုံပိုင်ရှင်သူဌေးကြီးရဲ့သမီး မင်္ဂလာဆောင်မှာ ၀တ်ဖို့ရာ ပိုးဆာရီကို အထူးယက်လုပ်ပေးဖို့ ရွေးချယ်ခြင်း ခံရတဲ့ လက်ရွေးစင် ယက္ကန်းသမားတဦး။ နောက်တော့ သူတို့မှာ သမီးလေးတယောက်ရတယ်။ သမီးလေး ပုခက်တင်ပွဲမှာ ဖအေလုပ်သူက သမီးကို တချိန်ကျရင် ပိုးဆာရီတထည် ပေးမယ် လို့ ကတိက၀တ်ပြုလိုက်တယ်။ ပွဲကိုလာတဲ့ မိတ်ဆွေ အပေါင်းအသင်းတွေကတော့ “မဖြစ်နိုင်တဲ့ ကတိမျိုး မပေးသင့်ဘူး။ ဖြစ်မလာခဲ့ရင် ကြိမ်စာသင့်သလိုမျိုး ခိုက်တတ်တယ်” လို့ ဇာတ်လိုက်ကို ဝေဖန်ကြတယ်။ ဇနီးသည်မှာလည်း စိုးရိမ်မှုတွေနဲ့ အဲ့ဒီအချိန်ကစ မျက်နှာ မသာမယာ ဖြစ်ရတော့တာပေါ့။ ဒီတော့လည်း သူစုထားတဲ့ မြေအိုးကို ခွဲ၊ အကြွေစေ့တွေ တပုံတခေါင်းကို ပြလို့ ဇနီးသည်ကို အားပေးရှာတယ်။ “ဘာလို့ မဖြစ်ရမလဲ မိန်းမရယ်ပေါ့။” ကံဆိုးချင်တော့ သူ့ညီမက အဲ့ဒီအဖြစ်အပျက်ကို အိမ်ထရံအပြင်က ချောင်းကြည့်ပြီး မြင်သွားခဲ့တယ်။ နောက်နေ့လည်းကျရော ညီမလုပ်သူက သူ့ယောက်ျားကို အကိုဆီ လွှတ်ပြီး ရှာရဖွေရတာ ခက်လွန်းလို့ ရင်းဖို့နှီးဖို့လေးရအောင် စုထားဆောင်းထားတဲ့ ငွေစကြေးစလေးများရှိရင် ချေးငှားဖို့ လာပြောပါလေရော။ ကိုယ့် ဆွေမျိုးသားချင်းတွေ ဖြစ်နေတော့ ငြင်းရခက်တဲ့ ဇာတ်လိုက်ကလည်း ရှိတာအကုန် အိတ်ထဲသွန် ထည့်ပေးလိုက်ရတော့တာပေါ့။ ဘာမှမပြောသာတဲ့ မိန်းမလုပ်သူမှာလည်း အိမ်တိုင်လေးမှီထိုင်လို့ ငိုင်ရုံသာ။

ဒီလိုနဲ့ ရိုးသားပါတယ်ဆိုတဲ့ ဇတ်လိုက်လည်း အလုပ်ပြန်ချိန် စက်ရုံထဲ နောက်ချန်နေခဲ့ပြီး ပိုးချည်တခင်တခင်ကို ပါးစပ်ထဲ ငုံပြီး ခိုးတော့တာပဲ။ Lord တွေပိုင်တဲ့ စက်ရုံကြီးက အစောင့်အကြပ်ထူပြောပါတယ်။ အထွက်ဂိတ်မှာ တကိုယ်လုံးနဲ့ ထမင်းချိုင့်ပါမကျန် စစ်သေးတာ။ ဒါကိုပဲ သူ့မှာရအောင် ခိုးရတာ။ ချစ်စရာကောင်းတဲ့ သမီးလေးကလည်း ကျောင်းသွားတဲ့ အရွယ်တောင် ရောက်လာပြီလေ။ တရွာထဲသားချင်း ကျောင်းသွားဖော် ကောင်လေးကို သမီးကို ကျောင်းအရောက် လက်ဆွဲခေါ်သွားဖို့ ဖအေကြီးမှာ မှာရတာအမော။ ခိုးလာတဲ့ ပိုးချည်ခင်လေးတွေကို ဘယ်သူမှာ မသိအောင် လေးထောင့်မုန့်ပုံးလေးထဲ စုထားပြီး နွားတင်းကုတ်ထဲမှာ ညအချိန်မတော်မှ ယက်ရရှာတယ်။ တဖြေးဖြေးနဲ့ အဆင်အကွက် ပေါ်လာတဲ့ ပိုးဆာရီလေးကို တစိမ့်စိမ့်ကြည့်ရင်း ပီတိတွေ ဖြာလို့ပေါ့။

မှတ်မှတ်ရရ ရွာမှာ ပွဲတော်လုပ်တဲ့နေ့ ရွာကလူကုန်နဲ့ တမိသားစုလုံး ပွဲတော်ထဲမယ် ကရင်းခုန်ရင်း ပျော်ရင်းရွှင်ရင်းမှာပဲ သမီးလေး အမေ ပါးစပ်ထဲက သွေးတွေ အန်ပါတော့တယ်။ ဆင်းရဲမွဲတေခြင်းရဲ့ နောက်ဆက်တွဲ ရလဒ် တီဘီရောဂါက ရွာကဆေးဆရာတောင် မနိုင်တော့တဲ့အခြေကို ရောက်နေပါပြီ။ မြို့ဆေးရုံကိုသာ အမြန်ပို့ဖို့ ဆရာပြောနိုင်ပါတော့တယ်။ ယူကျုံးမရ မချိတင်ကဲ ဖြစ်ရတဲ့ ဇတ်လိုက်ဟာ မီးအိမ်လေးကို ဆွဲ၊ ဇနီးသည်ကို နွားတင်းကုတ်ဆီ ပွေ့ချီပြီး ခေါ်သွားပါတယ်။ ယက္ကန်းစင်မှာ တသက်နဲ့ တကိုယ် သူတခါမှ မမြင်ဖူးလေတဲ့ တို့ထိလို့တောင် မကြည့်ဖူးတဲ့ ပိုးဆာရီစလေး တန်းလန်းကို အံ့သြတကြီးကြည့်ပြီး အသက်ထွက်ရှာတယ်။

နောက်တော့ ရွာကို လူစိမ်းတဦးရောက်လာတယ်။ “သူက စာရေးဆရာပါ ယက္ကန်းအလုပ်သမားတွေအကြောင်း စာရေးချင်လို့ လေ့လာဖို့ ရောက်လာတယ်” လို့ ဆိုတယ်။ ဒါနဲ့ ဇာတ်လိုက်လည်း သူ တည်းဖို့ ခိုဖို့ရာ ညီမဖြစ်သူရဲ့အိမ်ကို ဆက်ပေးလိုက်တယ်။ သူ့ညီမလည်း အိမ်ငှားခလေး ဘာလေးရအောင်ပေါ့။ ဇာတ်လိုက် သမီးလေးရဲ့ ငယ်ငယ်ကတည်းက ကျောင်းသွားဖော် သူငယ်လေးကလည်း စစ်တပ်ထဲ လိုက်သွားရာက ခွင့်ရလို့ ပြန်လာတယ်။ သူတို့နှစ်ဦး မေတ္တာရှိကြတာသိတဲ့ မိဘတွေကလည်း နေရာချထားပေးဖို့ စီစဉ်ကြတယ်။ အိန္ဒိယ ဓလေ့ထုံးစံအရ မိန်းကလေးဘက်က တင်တောင်းရတယ်။ ယောက်ျားလေးဘက်က ဇာတ်လိုက်ကို “မင်းမှာ သမီးတယောက်ကလွဲပြီး ဘာမှမရှိတာသိပေမဲ့ တို့ကတော့ ထုံးစံအတိုင်း ဘာတင်တောင်းမလဲ မေးရမှာပဲ” လို့ ရွာသားအချင်းချင်း နောက်ပြောင်တဲ့ သဘောနဲ့ ပြောလာတော့၊ ဇာတ်လိုက်ကလည်း အမှန်တွေ ပြောနေတာ ဖြစ်ပေမဲ့ အောင့်သက်သက်နဲ့ပဲ “ငါ့မှာ ဘာမှ မပေးလိုက်နိုင်ပေမဲ့ သမီးလုပ်သူကို မင်္ဂလာဆောင်မှာ ပိုးဆာရီ ဆင်လွှတ်လိုက်မယ်” လို့ ပြောလိုက်ပါတယ်။

တကယ်တော့ ရွာကို ရောက်လာတဲ့ လူစိမ်းက ကွန်မြူနစ် ပါတီဝင်။ ဇာတ်လိုက်တို့လည်း မာ့က်စ်တို့၊ လီနင်တို့ရဲ့ အတွေးအခေါ်၊ စာအုပ်စာပေတွေ ဖတ်ခွင့်ရပြီး အလုပ်သမား သမဂ္ဂ ရွာမှာ ပေါ်လာတယ်။ စာနည်းနည်းပါးပါး ဖတ်တတ်တဲ့ ဇာတ်လိုက်က သမဂ္ဂခေါင်းဆောင်ပေါ့။ စက်ရုံပိုင်ရှင်သူဌေးဆီမှာ အလုပ်သမားတွေ ရသင့်ရထိုက်တဲ့ အခွင့်အရေးတွေ တောင်းဆို ကြတယ်။ အို လွယ်လွယ်နဲ့တော့ ဘယ်ရလိမ့်မလဲ။ ယက္ကန်းစင်တွေ မီးရှို့ကြတယ်။ (ပညာနည်းသူတွေရဲ့ တဇွတ်ထိုး အမူအကျင့်တွေဟာ တခါတလေမှာ တော်တော် အရုပ်ဆိုး အကျည်းတန်တယ်။) နောက် အလုပ်မဆင်းဘူး သပိတ်မှောက်ကြတယ်။ မင်္ဂလာရက်နီးလာတဲ့ သမီးလုပ်သူကလည်း “ပိုးဆာရီ ဘယ်မလဲ အဖေရယ်။ သွားမ၀ယ်သေးဘူးလား” တမေးထဲမေးနေတော့၊ အလုပ်မဆင်းဘူး သပိတ်မှောက်နေတဲ့ အဖေကြီးမှာ ဖင်ပူအောင်ထိုင်မနေနိုင်တော့ဘူး။ သန္နိဌာန်တွေ ပြိုလဲလို့ သမီးအလှ လင်ရဖို့ ပိုးချည်ခင် ခိုးဖို့အရေး အလုပ်ပြန်ဆင်းပါမယ်လို့ မျက်နှာပြောင်တိုက်ပါတော့တယ်။ အလုပ် ဆင်းမယ်၊ မဆင်းဘူးနဲ့ အလုပ်သမားတွေလည်း နှစ်ဖွဲ့ကွဲလို့ ဦးတည်ချက်တွေနဲ့ ဝေးရတော့တယ်။ အလုပ်ဆင်းချိန်မှာ အရင်ထက်နှစ်ဆတိုးပြီး ချည်ခင် ခိုးတယ်။ ဒီတခါတော့ မိပါတယ်ခင်ဗျာ။ သူဌေးရဲ့ အစောင့်အကြပ်တွေကရော၊ သစ္စာ ဖောက်သွားသူဆိုပြီး နာနေတဲ့ အလုပ်သမားတွေဘက်ကရော နှစ်ဦးနှစ်ဖက်က ၀ိုင်းသမလိုက်ကြတာ ဘာပြောကောင်းမလဲ။ “အဖေ့ကို မရိုက်ကြပါနဲ့” လို့ ၀င်ဆွဲတဲ့ သမီးတောင် နောက်ဆုံး မျက်နှာလွှဲလိုက်ရတဲ့ အဖြစ်ရောက်တယ်။

တသက်လုံး လေးစားလာရတဲ့ အဖေကို ဒီလိုအခြေအနေနဲ့ တွေ့လိုက်ရတဲ့ သမီးဖြစ်သူက ရေကန်ထဲခုန်ချပြီး ကိုယ့်ကိုကိုယ် သေကြောင်းကြံတယ်။ တခါတည်း သေမသွားပဲနဲ့ Vegetable ဖြစ်တယ်။ ဘယ်သူမှ စောင့်ရှောက်မည့်သူမရှိတဲ့ သမီးကို အချုပ်သားအဖြစ်နဲ့ လာကြည့်ရင်း၊ အဆိပ်နယ်ထားတဲ့ ထမင်းကို သမီးပါးစပ်ထဲ ကိုယ်တိုင်လက်နဲ့ ခွံ့ပြီး အဆုံးစီရင်လိုက်တယ်။

ဒီတော့မှ နွားတင်းကုတ်ထဲက ယက္ကန်းစင်က ယက်လက်စ ပိုးဆာရီကို ဆွဲဖြဲယူလာပြီး အိမ်ရှေ့မှာ ချထားတဲ့ သမီးအလောင်းပေါ်လွှားတယ်။ ခေါင်းကို လုံအောက်ဖုံးတော့ ခြေကပေါ်နေတယ်။ ခြေကို လုံအောင်ဖုံးပြန်တော့ ခေါင်းက မလုံပြန်။ ဇာတ်လိုက်မှာ ပိုးဆာရီစကို အပေါ်ဆွဲလိုက် အောက်ဆွဲလိုက် လုပ်ရင်း…ဇတ်လမ်းပြီးသွားပါတယ်။

ဇာတ်ကားနာမည်က Kanchivaram (A Communist Confession) ပါ။

ကိုယ့်အကြိုက် (ကန့်သတ်)

ချိတ်ဆင်လေးတွေကို ချစ်ပါတယ်။ ကိုယ်နဲ့ ရင်းနှီးကျွမ်းဝင်နေတဲ့ ဒီလုံချည်လေးတွေရဲ့ နောက်ကွယ်က "ရိုးတယ်၊ ယဉ်တယ်၊ ကျက်သရေရှိတယ်၊ မင်္ဂလာရှိတယ်" ဆိုတာတွေနဲ့ အတူ တန်ဖိုးလည်းထားပါတယ်။

ပိုးချိတ်တွေကတော့ လက်တွေ့အားဖြင့် အသုံးမတည့်လှပေမဲ့ ရံဖန်ရံခါ ပွဲနေပွဲထိုင်ဆိုတဲ့နေရာကို သူက ယူထားပါတယ်။ ပွဲတက် ဗိုက်ပူကြီးတွေရဲ့ ခါးမှာ ပတ်ထားတာကို မြင်ရင် လူကို မရိုသေတောင် မြန်မာ့ရိုးရာဝတ်စုံကိုတော့ လေးစားမိပါတယ်။

ရှေးဘုရင်ခေတ်ကတော့ ပိုးချိတ်ဆိုတာ တော်ဝင်သူတွေမှ ၀တ်ခွင့်ရှိတယ်လို့ ကြားဖူးပါတယ်။ နောက်ပိုင်းခေတ် ရောက်လာပြန်တော့လည်း ယက်ကန်းစင်က ဒီအဆင်ကို ဒီအမျိုးသမီးကြီးအတွက် ထုတ်ပေးပြီးရင် နောက်ထပ်မထုတ်ရတော့ဘူး လို့ မူပိုင်ခွင့်ကို လက်ဝါးကြီးအုပ် limited edition လုပ်တာမျိုး သိုးသိုးသန့်သန့် ကြားဖူးပြန်တယ်။ အထည်ယက်သူရဲ့ အနုပညာစွမ်းအားကို ကန့်သတ်ချုပ်ချယ်ခြင်းကတော့ တော်ဝင်အောင် ယဉ်ချင်လို့ ချိတ်ဝတ်ပါတယ်ဆိုသူတွေရဲ့ အောက်တန်းကျတဲ့ မယဉ်ကျေးမှုပါပဲ။
*****

ပေါက်က ကိုယ့်အကြိုက် ဆိုပြီး သူ့ရဲ့ ချစ်စရာလုံချည်လေးတွေ အကြောင်း ရေးပါတယ်။ မသီတာကို တဂ်တော့ ဗိုက်ပူနေပြီ ဖြစ်တဲ့ မသီတာလည်း ကိုယ့်အကြိုက် လုံချည်တွေထဲက ကန့်သတ်ပြီး ပိုးချိတ်တွေကို ပွဲထုတ်လိုက်ပါတယ်။

ငယ်ငယ် ကတည်းက မိသားစုက ခေါင်းထဲရိုက်သွင်းလိုက်တာ၊ အ၀ါနဲ့ ပန်းရောင်က မြန်မာတွေ အတွက် မင်္ဂလာရောင် ဖြစ်တယ်။ ဒါကြောင့် မင်္ဂလာ အခမ်းအနားတွေဆို အဲဒီအရောင်တွေ သုံးသင့်တယ် တဲ့…

ဘွဲ့ယူတုန်းက ၀တ်တဲ့ လုံချည်... အ၀ါရောင်လေးနော် မင်္ဂလာ ရှိအောင်
အဲ…မင်္ဂလာဆောင်တော့လည်း ဒါပါပဲ
ဟုတ်တယ်လေ ဘွဲ့ယူရင်တထည်၊ မင်္ဂလာဆောင်ရင်တထည် ၀တ်ရမယ်လို့ ဘယ်သူပြောလဲ
ဒီလိုသာ သုံးဖြုန်းနေမယ် ဆိုရင် ကိုကိုဧရာ လျှာထွက်လို့ သေရချည်ရဲ့
အဲဒီ နှစ်ခါပဲ ၀တ်ရသေးတယ်။

နောက် ပန်းရောင်လေး တထည်

ဓာတ်ပုံရိုက်ဖို့ နှစ်ခါပဲ ထုတ်ဝတ်ရသေးတယ်… အဟုတ်တကယ်။
မပုတ်မသိုးအောင် သိမ်းထားတယ်။
ရေချမ်း ဆောင်ရင် တထည်၊ ရေစင် ဆောင်ရင် တထည် ၀တ်မယ်။
စုစုပေါင်း နှစ်ထည် That’s all.



ဆက်တဂ်ချင်သူများကတော့
သင်းကြည်၊ ရွှန်းမီ၊ တန်ခူး၊ ဇွန်မိုးစက်နဲ့ မိုးမင်းကြီး တို့ ဖြစ်ကြပါတယ်။