နကုလပိတာ နကုလမာတာ - အဆက်

နောက်ဆက်တွဲ

ပန်းမြိုင်လယ်က ဥယျာဉ်မှူး

“ရှင်းနေတာတွေကို ရှုပ်အောင်လုပ်၊ ပြီးတော့မှ ပြန်ရှင်း၊ အဲ့ဒါဆို ပိုရှင်းသွားရော...” (ပန်းမြိုင်လယ်က ဥယျာဉ်မှူး)

“ရှင်းနေတာ” ဆိုသောစကားသည် ရိုးရှင်းခြင်း (simplicity) ဟူသော အဓိပ္ပါယ်ရသလို၊ ပြည့်ပြည့်၀၀ နားလည် သဘောပေါက်ခြင်း (comprehensiveness) ဟူသော အဓိပ္ပါယ်လည်း ရပါသည်။ တစ်စုံတစ်ခုဖြင့် တားဆီး ပိတ်ဖုံး ထားခြင်းမျိုး မရှိဘဲ ရိုးရှင်းနေမှလည်း ဘက်ပေါင်းစုံမှ ရှင်းရှင်းလင်းလင်း နားလည်သဘောပေါက်နိုင်ပါသည်။ သို့သော်လည်း (မျက်လှည့်ဆရာတို့ ပြကွက်အစတွင် ပရိသတ်အား ကြည့်ခိုင်းသကဲ့သို့) ရှုထောင့်တစ်ခု, ပြကွက်တစ်ခုတည်းမှသာ ဖွင့်ပြပေးသော ရိုးရှင်းမှုမျိုးသည် အမှန်တကယ် နားလည်ခြင်း မရှိပါဘဲလျှက် သိသယောင်, နားလည်သယောင် အထင်ရောက်စေနိုင်သည့် Over-simplification လှည့်ကွက်တစ်ခု ဖြစ်နေတတ်ပါသည်။ ၀မ်းနည်းစရာကောင်းသော အချက်မှာ ကျွန်တော်တို့နှင့် လက်ပွန်းတတီးဖြစ်ခဲ့ရသည့် ပညာသင်ကြားရေးတွင် Simplification ထက် Over-simplification က ပိုများ နေခဲ့ရခြင်းပင် ဖြစ်သည်။ ကျွန်တော်တို့ဟု ဆိုရာတွင် မြန်မာနိုင်ငံမှ ပညာရေးစနစ်တစ်ခုတည်းကိုသာ ဆိုလိုခြင်းမဟုတ်ပါ။ ဆန်းစစ်ဝေဖန်တတ်သော အသိဉာဏ် (Critical thinking) ဖွံ့ဖြိုးမှုထက် ဘာသာရပ် အကြောင်းအရာများ (Subject matter) ကိုသာ ဦးစားပေးလွန်းသော ပညာရေးတိုင်းတွင် ဤပြဿနာမျိုး ရှိနေတတ်ပါသည်။

“ကြက်တူရွေး နှုတ်တက်” ပညာသင်ကြားနည်းမျိုးသည် စဉ်းစားဝေဖန်မှုကို လျစ်လျူအရှုဆုံး သင်ကြားနည်းဖြစ်သည်။ ဥပမာအားဖြင့် နယူတန်၏ ရွေ့လျားမှုဆိုင်ရာ ပထမနိယာမကို သင်ကြားသည် ဆိုပါစို့။ ဆရာက ဖတ်စာ စာအုပ်ထဲမှ နိယာမကို သင်ပုန်းပေါ်တွင် ကူးရေး၍ တပည့်များကို စာလိုက် ကူးစေမည်။

“ပြင်ပမှ အားသက်ရောက်ခြင်း မရှိပါက၊ တသမတ် အလျင်ဖြင့် ရွေ့လျားနေသော ၀တ္ထုတို့သည် ဆက်လက် ရွှေ့လျား၍၊ ရပ်တည်နေသော ၀တ္ထုတို့သည် ဆက်လက် ရပ်တည်နေမည်။”

ဆရာက နိယာမအား ဖတ်ပြ, အနည်းငယ်ရှင်းပြပြီး တပည့်အချို့အား ဖတ် ခိုင်းမည်။ ထို့နောက် နိယာမများ, အဓိပ္ပါယ် သတ်မှတ်ချက်များအား “၏, သည်” မမှားရအောင် အကျက်ခိုင်းပါသည်။ သို့မှသာ စာမေးပွဲတွင် အမှတ်များများ ရမည်ဟု မှာကြားပါလိမ့်မည်။ သင်ပုန်းပေါ်မှ “၏, သည်” မမှားအောင် စာလိုက်ကူးရသော သင်ကြားမှုမျိုးကို တက္ကသိုလ်တန်းများ၌ပင် တွေ့ရဖူးပါသည်။

ဒုတိယသင်ကြားမှုမျိုးမှာ စဉ်းစားဝေဖန်မှု အထိုက်အလျောက်ပါသော်လည်း၊ ရှုထောင့်တစ်ခုမှ မြင်ကွင်းတစ်ခုသာ ပြ၍ သင်ကြားသော နည်းဖြစ်သည်။ ဥပမာအားဖြင့် ဆရာက စားပွဲအား ညွှန်ပြပြီး

“ဒီ စားပွဲက ရပ်နေတယ် မဟုတ်လား။ မင်းတို့ ဒီစားပွဲကို မတွန်းရင် ရွေ့ပါ့မလား”
“မရွေ့ပါဘူး… ”
“အေး အဲဒီလို ရပ်နေတဲ့ ၀တ္ထုတွေကို ရွေ့အောင် တွန်းပေးတာကို ‘အား’ လို့ ခေါ်တယ်။ ဒီလိုဘဲ လိမ့်လာတဲ့ ဘော်လုံး တစ်လုံးကို ခြေထောက်နဲ့ ဖမ်းထိန်းလိုက်ရင် ရပ်မသွားဘူးလား…”
“ရပ်သွားပါတယ်…”
အေး… ဒီလို ရွေ့နေတယ့် အရာဝတ္ထုတွေကို ရပ်အောင် လုပ်နိုင်တာကိုလည်း ‘အား’ လို့ခေါ်တယ်။”
“ဒါဆို လိမ့်နေတဲ့ ဘော်လုံးကို ခြေထောက်နဲ့ ဖမ်းမထိန်းရင် မရပ်တော့ဘူးလား”
“ရပ်ပါတယ်”
“ဒီနိယာမအရ အပြင်က ‘အား’ သက်ရောက်မှုမရှိရင် ရွေ့နေတဲ့ ၀တ္ထုတွေက ဆက်ရွေ့ရမယ်။ ဘယ်က ‘အား’ သက်ရောက်တာလဲ… မြေကြီးနဲ့ ပွတ်တိုက်သွားတဲ့အတွက် ပွတ်တိုက်အားကနေ ဘော်လုံးကို ရပ်ခိုင်းလိုက်တာ”
…

စသဖြင့် အတော်အသင့် ရှင်းပြပြီးနောက် ဆရာနှင့်အတူ တပည့်တို့အား နိယာမကို လိုက်ဆိုကောင်း ဆိုစေပါသည်။ ဆရာက အာဘော်အာရင်းသန်သန် ပြောတတ်လျှင် ပြောတတ်သည့်အလျှောက် တထိုင်တည်း နားလည်သွားနိုင်သလို စာပြန်ကြည့်ရန် မလိုဘဲ အလွတ်ရသွားတတ်ကြပါသည်။ အသင်အပြကောင်းသည်ဟု နာမည်ရသော ဆရာအများစု၏ သင်ကြားနည်းသည် ဤနည်းမျိုးဖြစ်သည်။ ကျောင်းသားများ နားလည်လွယ်လောက်သည့် ရှုထောင့်ကို ရွေးချယ်ပေး၍ ပြဿနာများကိုလည်း ဆရာကပင် ဦးဆောင် ဖြေရှင်းပေးသွား၍ ကလေးငယ်များအား မိဘက အစာကို ၀ါးခွံ့သကဲ့သို့ သင်ကြားမှုမျိုးဖြစ်သည်။ ပထမသင်ကြားမှုမျိုးလောက် လှေနံဓားထစ်ဝါဒကို သွတ်သွင်းပေးခြင်း မဟုတ်သော်လည်း၊ ဘက်ပေါင်းစုံက ရှုမြင်နိုင်သည့် အကျင့်ကို လေ့ကျင့် သင်ကြားပေးခြင်းလည်း မဟုတ်ပါ။

တတိယနည်းသည် ဘက်ပေါင်းစုံမှ ရှုမြင်တတ်အောင် သင်ကြားပေးသောနည်း ဖြစ်သည်။ ဘာသာရပ် အကြောင်းအရာများထက် ထိုအကြောင်းအရာအား ချဉ်းကပ်ပုံကို ဦးစားပေးသည့် နည်းဖြစ်သည်။ ဤနည်းဖြင့် သင်ကြားသောအခါ မူလက နားလည်သည်ဟု ထင်ထားသည်များပင် ပို၍ ရှုပ်သွားသလို ဖြစ်တတ်သောကြောင့် “နားမလည်ဘဲ မျက်စိလည်သွားသည်” ဟု ဝေဖန်ခံရမည့် သင်ကြားနည်းဖြစ်သည်။ စင်စစ် ပိုရှုပ်သွားသည်မဟုတ်, ယခင်က ရှင်းသယောင်ထင်နေ၍ ပြဿနာဟု ထင်မထားသည့် ရှုထောင့်မှ ထုတ်ပြလိုက်ခြင်းသာ ဖြစ်သည်။ ထိုအရှုပ်ကို ရှင်းလိုက်နိုင်ပါက ပို၍ ရှင်းလင်းသွားတတ်ပါသည်။

“အင်ဂျင်တစ်လုံး ဆွဲတဲ့ ရထားနဲ့ နှစ်လုံး ဆွဲတဲ့ ရထား… ဘယ်ရထားက ပိုမြန်သလဲ… ”
“နှစ်လုံးဆွဲတဲ့ ရထားက ပိုမြန်ပါတယ်”
“အေး… ဒါက Common Sense ကွ။ နယူတန်မတိုင်ခင်က လူတွေလဲ ဒီလောက်တော့ သိတယ်။ ‘အား’  များများသုံးရင် မြန်မြန်သွားမယ် ပေါ့ကွာ။ နယူတန်က သူတို့ မှားနေတာ ရိပ်မိတယ်။ နှေးတယ် မြန်တယ်ဆိုတာက Absolute မဟုတ်ဘူး။ Relative to observer… ။ ဥပမာ သင်္ဘောနှစ်စီး ယှဉ်မိတဲ့အခါ တခါတလေ ကိုယ့်သဘောင်္က ရွေ့နေတာလား, သူ့သဘောင်္က ရွေ့နေတာလား မသိရဘူး… တခါတလေလည်း နှစ်စီးလုံးသွားနေပါလျက် ရပ်နေသလို ထင်ရတယ်။ ရပ်နေတဲ့ သဘောင်္ကို ရွေ့နေတဲ့ သဘောင်္ပေါ်ကနေ Observe လုပ်ရင် ရွေ့နေတယ်လို့ ထင်ရမယ်။ ဒီတော့ ရပ်နေတာနဲ့ ရွေ့နေတာ ဘာများသိပ် ထူးသလဲ”
“မထူးပါဘူး Observer ပေါ်မူတည်ပြီး ရပ်တာ, ရွေ့တာကို ခေါ်ရတာပါ”
“အေး … ရပ်တယ်ခေါ်ခေါ်, ရွေ့တယ် ခေါ်ခေါ် သိပ်မထူးဘူး။ ‘အား’ က မြန်တယ်, နှေးတယ်ဆိုတဲ့ အလျင်နဲ့ မဆိုင်ဘူး။ အရှိန်ဆိုတဲ့ အဲဒီ အလျင်ပြောင်းလဲမှုနှုန်းနဲ့ပဲ ဆိုင်တာ။ ဒီတော့ အပြင်က အားသက်ရောက်မှု မရှိရင် ဘာဖြစ်မလဲ”
“အလျင်နှုန်း ပြောင်းလဲမှု မဖြစ်ပါဘူး”
“ဟုတ်တယ် … နယူတန်ရဲ့ ပထမနိယာမက ဒါကိုပြောတာ။ တနည်းအားဖြင့် ‘အား’ များများ သက်ရောက်ရင် အလျင်နှုန်းပြောင်းလဲမှုဆိုတဲ့ အရှိန်ပို များများရမယ်။ ဒါကို သူ့ရဲ့ ဒုတိယ နိယာမမှာ ဆက်ပြောလိမ့်မယ်။”
...

ဤသင်ကြားနည်းသည် ဒုတိယနည်းလောက် နားလည်ရ မလွယ်ကူသော်လည်း (နယူတန် ကိုယ်တိုင် ချဉ်းကပ်ခဲ့သော နည်းဖြစ်၍) ပို၍ နက်နဲစွာ နားလည် သဘောပေါက်စေနိုင်ပါသည်။ နယူတန်က ရှင်းသယောင်ထင်ခဲ့သည့် ပြဿနာအား အိုင်းစတိုင်းက အလင်းအလျင်၏ ထူးဆန်းသည့် သဘာဝနှင့် ဆက်စပ်၍ ပိုရှုပ်အောင်လုပ်၏။ နယူတန်က relativity of velocity လောက်သာမြင်ပြီး၊ အိုင်းစတိုင်းက relativity of time ကိုပါ မြင်တော့သည်။

ဘာသာရပ် အကြောင်းအရာသက်သက်ကိုသာ ဦးစားပေးသင်ကြားနည်းက အချက်အလက် ဗဟုသုတကို သာပေးသည်။ ထိုအကြောင်းအရာအား ရှုထောင့်အမျိုးမျိုးမှ ချဉ်းကပ်ပုံကို ဦးစားပေးသင်ကြားသောနည်းက ဝေဖန်ပိုင်းခြားတတ်သော အသိဉာဏ်နှင့် အကြောင်းအရာတို့အား ဆက်စပ်သိမြင်နိုင်သည့် ဉာဏ်ကို ပေးသည်။ ရှုထောင့်အမျိုးမျိုးမှ ချဉ်းကပ်သဖြင့် ပို၍ ရှုပ်ထွေးသွားသယောင် ထင်ရသော်လည်း ရှုထောင့်တစ်ခုတည်းမှ မြင်သော အမြင်ထက် ပို၍ ရှင်းလင်းစွာ နားလည် သဘောပေါက်နိုင်ပါလိမ့်မည်။

နကုလပိတာ နကုလမာတာ

ကြာပန်းသည်
ရေကို မှီ၍ ဖြစ်သကဲ့သို့
အချစ်သည် …
ရှေးက အတူနေခဲ့ဖူးခြင်း,
ပစ္စုပ္ပန်၌ အကျိုးဆာင်ပေးခြင်း
ဟူသော အကြောင်းနှစ်ပါးကြောင့် ဖြစ်ပေါ်လာ၏။

ပုဗ္ဗေဝ သန္နိဝါသေန၊ ပစ္စုပ္ပန္န ဟိတေန ဝါ။
ဧဝံ တံ ဇာယတေ ပေမံ၊ ဥပ္ပလံဝ ယထောဒကေ။ (ဒုကနိပါတ်၊ သာကေတဇာတ်)

ဘုရားရှင် လက်ထက်က နကုလပိတာနှင့် နကုလမာတာဟူသည့် အလွန် ရင်းနှီး ချစ်ခင်ကြသော ဇနီးမောင်နှံ ရှိခဲ့ဖူးသည်။ နကုလပိတာနှင့် နကုလမာတာ ဟူသော အမည်များသည် အမည်ရင်းများ မဟုတ်ကြ။ နကုလ၏ အဖေနှင့် အမေဟု အဓိပ္ပါယ်ရသည်။ သူတို့ ဇနီးမောင်နှံအား ဘုရားရှင်က ဝိဿာသကအရာ၌ ဧတဒဂ် ထားတော်မူ၏။ တစ်ဦးနှင့် တစ်ဦး ယုံကြည် ရင်းနှီး အကျွမ်းဝင်မှု (mutual trust and harmony) ရှိရာတွင် အသာဆုံး, အမြတ်ဆုံး ဇနီးမောင်နှံဟု အင်္ဂလိပ်ဘာသာပြန်များတွင် ဖော်ပြလေ့ရှိကြသည်။ မြန်မာဘာသာပြန်နှင့် နိဿယများတွင် (သတ္ထုဝိဿာသိကဘာဝံ စသော အဋ္ဌကထာအဖွင်တို့ကို မှီး၍) ဘုရားရှင်နှင့် ရင်းနှီး ကျွမ်းဝင်သော စကားကို ဆိုလေ့ရှိသူတို့တွင် အသာဆုံး, အမြတ်ဆုံး ဇနီးမောင်နှံဟု ဖော်ပြကြပါသည်။

နကုလပိတာတို့ ဇနီးမောင်နှံသည် ဘဂ္ဂတိုင်း သုသုမာရဂိရိမြို့မှ ဖြစ်သည်။ မြတ်စွာဘုရားရှင်သည် သုသုမာရဂိရိမြို့တောင်ဖက်ရှိ ဘေသလကတောအုပ်တွင် အဋ္ဌမမြောက် ဝါဆိုရန်အတွက် ကြွရောက်လာသောအခါ မြို့သူမြို့သားတို့က ကြိုဆို ဖူးမြှော်ကြ၏။ ထိုဇနီးမောင်နှံတို့သည် ဘုရားရှင်အား ဖူးမြင်ရသောအခါ သားအရင်းသဖွယ် ချစ်ခင်ရင်းနှီးသည့်စိတ် ဖြစ်ပေါ်လာ၍ ဘုရားရှင်၏ ခြေတော်ရင်း၌ ဦးခိုက်ကာ “သား… ဘာကြောင့်များ မိဘနှစ်ပါးအား ဤမျှလောက်ကြာအောင် ပစ်ထားရပါသနည်း” ဟု တရင်းတနှီး ပြောဆို၏။ ထိုဇနီးမောင်နှံတို့သည် ဘဝပေါင်း ငါးရာ မိဘတော်စပ်ခဲ့ဖူး၍၊ ဘထွေး, ဘကြီး, ဦးရီး, မိထွေး, မိကြီး, အရီးစဖြင့် ဘဝပေါင်း ငါးရာစီ ဆွေမျိုးအရင်းအခြာ တော်စပ်ခဲ့ကြဖူးသောကြောင့် သားဟူသော အမှတ်ဖြင့် လေးမြတ်ချစ်ခင်သော စိတ်ဖြစ်ကြောင်း ဟောကြားတော်မူ၏။ တရားအဆုံးတွင် နကုလပိတာနှင့် နကုလမာတာတို့သည် သောတာပန် ဖြစ်ကြသည်ဟု အင်္ဂုတ္တရနိကာယ် အဋ္ဌကထာတွင် ဖော်ပြထား၏။

*****

အခါတစ်ပါးက နံနက်ဆွမ်းခံချိန်တွင် ဘုရားရှင်သည် နကုလပိတာ သူကြွယ်အိမ်သို့ ကြွရောက်တော်မူ၏။ ထိုအခါ ဇနီးမောင်နှံတို့က “မိမိတို့သည် ငယ်ရွယ်စဉ်ကပင် ထိမ်းမြား လက်ထက်ခဲ့ကြပြီး၊ တစ်ပါးသူတို့အား ကိုယ်ဖြင့် မဆိုထားဘိ, စိတ်ဖြင့်ပင် မလွန်ကြူးခဲ့ကြဖူးပဲ တစ်ဦးအပေါ် တစ်ဦး သစ္စာရှိကြောင်း၊ ယခုဘဝတွင်သာမက နောင်ဘဝများတွင်ပါ ပြန်လည် ဆုံဆည်းကြလိုကြောင်း” လျှောက်ထားကြသည်။ နကုလပိတာတို့ ဇနီးမောင်နှံ၏ အာသီသကို ဗုဒ္ဓက ကဲ့ရဲ့ ဝေဖန်ခြင်းမပြုဘဲ၊ သမဇီဝီခေါ် အတူတကွ မျှတစွာ နေထိုင်ရနိုင်မည့် အကျင့်လေးမျိုးကို ဟောကြားတော်မူခဲ့သည်။

(၁) သမသဒ္ဓါ - တူမျှသော ယုံကြည်ခြင်း
(၂) သမသီလာ - တူမျှသော အကျင့်သီလ
(၃) သမစာဂါ - တူမျှသော စွန့်ကြဲ ပေးကမ်းမှု
(၄) သမပညာ - တူမျှသော အသိပညာ

ဤသို့သော အချက်လေးချက် တူမျှအောင်အားထုတ်ပါက ယခု မျက်မှောက်ဘဝတွင် သာမက တမလွန်ဘဝ၌ပင် အတူတကွ ဆုံဆည်းကြရမည်ဟု ဟောကြားတော်မူ၏။

ဗုဒ္ဓဝါဒ၏ အဓိကပန်းတိုင်သည် သတ္တဝါတို့အား သံသရာဝဋ်ဆင်းရဲမှ ကယ်ထုတ်ရန် ဖြစ်သည့်အားလျှော်စွာ ဘဝကို တောင့်တခြင်းအား ဗုဒ္ဓမြတ်စွာက ချီးမွန်းပြောဆိုလေ့ မရှိသည့်တိုင်၊ နကုလပိတာတို့ ဇနီးမောင်နှံ၏ ရာသက်ပန် ရိုးမြေကျ ပေါင်းသင်းလိုယုံမက နောင်ဘဝများတွင် ပြန်လည် ဆုံဆည်းလိုသည့် ဆန္ဒအား ပြစ်ပယ် ငြင်းဆန်ခြင်း မပြုခဲ့ပါ။ လူ့ဘောင်ဘဝထဲတွင် အေးချမ်း သာယာစွာနေထိုင်နိုင်မည့် အကျင့်များ, တမလွန်ဘဝ ကောင်းစားမည့် အကျင့်များကိုလည်း နာကြားသူတို့၏ စရိုက်နှင့် အာသယအလိုက် ဟောကြားတော်မူလေ့ ရှိပါသည်။ ဒီဃနိကာယ် သိင်္ဂလောဝါဒသုတ်၌လည်း လင်ကျင့်ဝတ်, မယားကျင့်ဝတ်တို့ကို ဟောကြားဖူးပါသည်။

မထီမဲ့ကင်း၊ အပ်နှင်းဥစ္စာ
မိစ္ဆာမမှား၊ ဝတ်စားဆင်ယင်
မြတ်နိုးကြင်
ငါးအင်လင်ကျင့်ရာ။

အိမ်တွင်းမှုလုပ်၊ သိမ်းထုပ်သေချာ
မိစ္ဆာကြဉ်ရှောင်၊ လျှော်အောင်ဖြန့်ချိ
ပျင်းရိမမူ၊ ဝတ်ငါးဆူ
အိမ်သူကျင့်အပ်စွာ။

*****
ထို့အတူပင် နကုလမာတာအားလည်း မယားကောင်းတို့၏ အကျင့် (၈) မျိုးကို ဟောကြားထားဖူး ပါသည်။

(၁) ခင်ပွန်းသည်၏ ရှေးဦးစွာ နိုးထ၍ နောက်ကျမှ အိပ်ခြင်း, အလိုက်သိစွာ နာခံခြင်း, နှစ်သက်ဖွယ် အမူအကျင့်ရှိ၍ ချိုသာစွာ ပြောဆိုခြင်း
(၂) မိမိ၏ ခင်ပွန်း လေးစားသော “မိဘ, ရဟန်း, ပုဏ္ဏား” တိုအား အရိုအသေ အလေးအမြတ်ပြုခြင်း
(၃) အိမ်တွင်းမှု ကိစ္စများတွင် ကျွမ်းကျင်လိမ္မာခြင်း
(၄) အလုပ်သမား, အစေခံတို့ “အလုပ် လုပ်သည်, မလုပ်သည်, ကျန်းမာရေး ကောင်းသည်, မကောင်းသည်”ကို သိနားလည်ခြင်း၊ စားသောက်ဖွယ်ရာတို့ကို ခွဲဝေပေးခြင်း
(၅) ခင်ပွန်းသည်၏ ငွေကြေး, ပစ္စည်းဥစ္စာတို့အား မခိုးမဝှက်, မပျက်မစီးစေဘဲ လုံခြုံအောင် ထိန်းသိမ်းခြင်း
(၆) ဘုရား, တရား, သံဃာတို့ကို ကိုးကွယ် ဆည်းကပ်ခြင်း
(၇) ငါးပါးသီလကို လုံခြုံအောင် စောင့်စည်းခြင်း
(၈) ဝန်တိုမှုကင်း၍ စွန့်ကြဲပေးကမ်းတတ်ခြင်း

ဤသို့သော မယားကောင်းတို့၏ အကျင့် (၈) ပါးတို့နှင့် ပြည့်စုံပါက သေလွန်လျှင် “မနောမယိကာ” ခေါ် မိမိစိတ်အလိုကျ ဖြစ်စေနိုင်သော နိမ္မာနရတိနတ်သမီးအဖြစ် ရောက်စေနိုင်သည်ဟု ဟောကြားတော်မူခဲ့သည်။

*****

နကုလပိတာတို့ ဇနီးမောင်နှံသည် မိမိတို့ အချင်းချင်း သော်လည်းကောင်း, ဘုရားရှင် အပေါ်၌ သော်လည်းကောင်း “ဂေဟဿိတ ပေမ” ခေါ် မိသားစုအချစ် သံယောဇဉ် ကြီးမားလှသော်လည်း၊ သံသရာ ဝဋ်ဆင်းရဲမှ လွတ်မြောက်ရေးကို လစ်လျှူရှု ထားသူများ မဟုတ်ကြပါ။ တစ်ခါက နကုလပိတာသည် “ကိလေသာမှ မငြိမ်းအေးနိုင်ကြရသည့် အကြောင်းရင်း” အား ဘုရားရှင်ထံ မေးလျှောက်ခဲ့ဖူးသည်။

နှစ်သက် မြတ်နိုးဖွယ်ကောင်းသော အဆင်း, အသံ, အနံ့, အရသာ, အတွေ့အထိ, အတွေးအကြံဟူသော အာရုံ ၆-ပါးအား နှစ်သက်, စွဲလမ်း, ကပ်ငြိသည်ရှိသော် (အဘိနန္ဒတိ, အဘိဝဒတိ, အဇ္စျောသာယ တိဋ္ဌတိ) ထိုအာရုံအား မှီကာ စွဲလမ်းငြိတွယ်သော စိတ် (တန္နဿိတံ ဝိညာဏံ ဟောတိ တဒုပါဒါနံ) ဖြစ်သည်။ စွဲလမ်းမှု ဥပါဒါန်ရှိသော ရဟန်းအား ကိလေသာမှ ငြိမ်းအေးမှုသည် မဖြစ် (သဥပါဒါနံ … ဘိက္ခု နော ပရိနိဗ္ဗာယတိ)။

အာရုံ ခြောက်ပါးတို့ အပေါ်တွင် စွဲလမ်းမှု ဥပါဒါန်ရှိက ငြိမ်းအေးမှု မရှိနိုင်ဟု ဗုဒ္ဓက ပြန်လည် ဖြေကြားခဲ့သည်။ ဤတွင် ဥပါဒါန်ဟူသော အဓိပ္ပါယ်သည် စွဲလမ်းငြိတွယ်မှုဟု ရသည့်နည်းအတူ တိုက်ရိုက်အားဖြင့် “လောင်စာ” ဟုလည်း အဓိပ္ပါယ်ရသည်။ လောင်စာ ရှိနေသ၍ မီး မငြိမ်းဟုလည်း တင်စား ဟောကြားခဲ့ခြင်း ဖြစ်သည်။ ဤတရားတော်မျိုးသည် ကိလေသာထူသော ပုဂ္ဂိုလ်များ နားလည်သက်ဝင်နိုင်သည့် တရားဒေသနာမျိုး မဟုတ်ပါ။

*****

တခါကလည်း နကုလပိတာသည် ဘုရားရှင်ထံသို့ ချဉ်းကပ်၍ ဤသို့ လျှောက်ထား၏။

“အရှင်ဘုရား တပည့်တော်သည် အိုမင်း၍ ဘဝ၏ နောက်ဆုံးအရွယ်သို့ ရောက်နေပါပြီ၊ နာကျင် နှိပ်စက်သော ကိုယ်ရှိသည်ဖြစ်၍ မကျန်းမမာ ရှိပါ၏။ ဘုရားရှင်နှင့်တကွ ကြည်ညိုဖွယ်ကောင်းသည့် ရဟန်းတော်တို့အား အမြဲတစေ မဖူးမြင်နိုင်တော့ပါ။ တပည့်တော်အား အဓွန့် ရှည်ကြာစွာ အကျိုးရှိစေနိုင်မည့် တရားတော်များအား ဟောကြား ဆုံးမတော်မူပါ။”

“သူကြွယ် … မှန်ပေ၏။ ဤကိုယ်သည် နာကျင် နှိပ်စက်သည်သာတည်း။ ဤကိုယ်သည် (ကွဲလွယ်သော) ဥခွံကဲ့သို့ ဝန်လေးလှ၏။ ဤကိုယ်ကို ဆောင်ထားပါလျှက် တခဏမျှပင်ဖြစ်စေ ကျန်းမာသည်ဟု ဝန်ခံသူသည် မိုက်မဲသူသာ ဖြစ်၏။ သူကြွယ်… ထို့ကြောင့် နာကျင်သော ကိုယ်ရှိသော ငါ့အား နာကျင်ခြင်းကင်းသော စိတ်ရှိသည် ဖြစ်လတ္တံ့ (အာတုရာကာယဿ မေ သတော စိတ္တံ အနာတုရံ ဘဝိဿတိ) ဟု ကျင့်အပ်၏”

“ကိုယ်သာနာ၍ စိတ်မနာစေနှင့်” ဟူသော အဆုံးအမ၏ အနက်အဓိပ္ပါယ်အား အရှင်သာရိပုတ္တမထေရ်မြတ်က အကျယ် ဆက်လက် ဟောကြားတော်မူခဲ့ပါသည်။ ခန္ဓာငါးပါးအား “ငါ့ဟာ, ငါ” ဟူ၍ တဏှာ, မာနတို့ဖြင့် တပ်ငြိစွဲလမ်းနေပါက ထိုခန္ဓာငါးပါးတို့ ဖောက်ပြန် ပြောင်းလဲသောအခါတွင် စိုးရိမ်ပူပန်ခြင်း, စိတ်ဆင်းရဲခြင်းတို့ ဖြစ်ကြရသည်။ ကိုယ် ဆင်းရဲသာမက စိတ်ဆင်းရဲပါ ဖြစ်ရသဖြင့် မြှားတစ်စင်း စူးဝင်ပြီးသူအား နောက်ထပ် မြှားတစ်စင်း ထပ်မံ စူးဝင်သည်နှင့် တူသည်။ ခန္ဓာငါးပါးအား “ငါ့ဟာ, ငါ” ဟူ၍ တပ်ငြိစွဲလမ်းခြင်း မရှိပါက၊ ထိုခန္ဓာငါးတို့ ဖောက်ပြန် ပျက်စီးသောအခါ စိုးရိမ်ပူပန်ခြင်း, စိတ်ဆင်းရဲခြင်း မဖြစ်တော့။ နာကျင်သော ကိုယ်ရှိသော်လည်း စိတ်နာကျင်ခြင်း မရှိတော့။ ကိုယ်ဆင်းရဲခြင်းဟူသော မြှားတစ်စင်း စူးဝင်သော်လည်း နောက်ထပ် မြှားတစ်စင်း အစူးဝင် မခံရတော့။ “ကိုယ်သာနာ၍ စိတ်မနာစေနှင့်” ဟူသော အဆုံးအမသည် ခန္ဓာငါးပါးအား “ငါ့ဟာ, ငါ” ဟူ၍ စွဲလမ်းတပ်မက်ခြင်း မဖြစ်စေရန် အဆုံးအမ ဖြစ်လေသည်။ (ဤဒေသနာ၏ အဓိပ္ပါယ် အကျယ်ကို နောက်ဆက်တွဲအဖြစ် ဖော်ပြပါမည်။)

ဤသုတ္တန်ဒေသနာအရ နကုလပိတာသည် ဘဝ၏ နောက်ဆုံး အချိန်တွင် သေခြင်းတရားအား ရဲဝံ့စွာ ရင်ဆိုင်ရန် ပြင်ဆင်နေကြောင်း သိနိုင်ပါသည်။ ဇနီးသည် နကုလမာတာသည် လင်သားအပေါ် အလွန်ချစ်ကြီးသည် မှန်သော်လည်း၊ မိမိကိုယ်တိုင် ဘာသာတရား အသိတို့ဖြင့် ဖြေဆည်နိုင်ယုံသာမက မိမိ၏ ခင်ပွန်းအားလည်း အသေဖြောင့်စေနိုင်ရန် အားပေးစကား ပြောကြားတတ်သည်။ တစ်ခါက နကုလပိတာသည် အသည်းအသန် မနာမကျန်း ဖြစ်နေသောအခါ “သူကြွယ်… သင်သည် ငဲ့ကွက်ခြင်း ရှိသည်ဖြစ်၍ မသေပါလင့်၊ ငဲ့ကွက်ခြင်း ရှိသည်ဖြစ်၍ သေခြင်းသည် ဆင်းရဲ၏။ ဘုရားရှင်ကလည်း ငဲ့ကွက်ခြင်း ရှိသည်ဖြစ်၍ သေခြင်းကို ကဲ့ရဲ့တော်မူ၏” ဟူ၍ လင်သား စိတ်အေးစေမည့် အချက် (၆) ချက် ကို ပြောကြား၏။

(၁) “ငါသေလျှင် အိမ်ရှင်မ နကုလမာတာသည် သားသမီးများကို ကျွေးမွေး စောင့်ရှောက်နိုင်မည် မဟုတ်, အိမ်ထောင်မှုကို ထိမ်းသိမ်းနိုင်မည် မဟုတ်” ဟူ၍ မမှတ်ပါလင့်။ ကျမသည် ဗိုင်းငင်ခြင်း, သိုးမွေးချည်ခင်တို့ကို ဖြီးသင်ခြင်းတို့၌ ကျွမ်းကျင်လိမ္မာ၏။ ကျမသည် သားသမီးများကို ကျွေးမွေး စောင့်ရှောက်နိုင်ပါသည်။ အိမ်ထောင်မှုကို ထိမ်းသိမ်းနိုင်၏။

(၂) “ငါသေလျှင် အိမ်ရှင်မ နကုလမာတာသည် အခြား အိမ်ထောင် ပြုလိမ့်မည်” ဟု မမှတ်ပါလင့်။ ကျမတို့သည် လွန်ခဲ့သည့် ၁၆-နှစ်ကစ၍ လူတို့၏ ဗြဟ္မစရိယအကျင့်ကို ကျင့်သုံးခဲ့ကြသည်ကို သင်လည်း သိသည်, ကျမလည်း သိသည်ဖြစ်၏။

(၃) “ငါသေလျှင် အိမ်ရှင်မ နကုလမာတာသည် မြတ်စွာဘုရားနှင့် ရဟန်းသံဃာတို့အား ဖူးမြော် လိုစိတ် ဖြစ်လိမ့်မည် မဟုတ်” ဟု မမှတ်ပါလင့်။ မြတ်စွာဘုရားနှင့် ရဟန်းသံဃာတို့အား ပို၍ပင် ဖူးမြှော် လိုပါလိမ့်မည်။

(၄) “ငါသေလျှင် အိမ်ရှင်မ နကုလမာတာသည် အကျင့်သီလတို့ကို ဖြည့်ကျင့် ဆည်းပူးလိမ့်မည် မဟုတ်” ဟု မမှတ်ပါလင့်။ ကျမသည် အကျင့်သီလတို့ကို ဖြည့်ကျင့် ဆည်းပူးလေ့ရှိသော ဥပါသိကာမတို့တွင် တစ်ဦးအပါအဝင် ဖြစ်ပါသည်။ ဤအချက်အား သံသယရှိပါက မြတ်စွာဘုရားရှင်အား မေးလျှောက်နိုင်ပါသည်။

(၅) “အိမ်ရှင်မ နကုလမာတာသည် မိမိ၏ အတွင်းစိတ် ငြိမ်းအေးမှု (အဇ္ဈတ္တံ စေတော သမထဿသာ) ရရှိသူ မဟုတ်သေး” ဟု မမှတ်ပါလင့်။ ကျမသည် မိမိ၏ အတွင်းစိတ် ငြိမ်းအေးမှု ရရှိကြသော ဥပါသိကာမတို့တွင် တစ်ဦးအပါအဝင် ဖြစ်ပါသည်။ ဤအချက်အား သံသယရှိပါက မြတ်စွာဘုရားရှင်အား မေးလျှောက်နိုင်ပါသည်။

(၆) “အိမ်ရှင်မ နကုလမာတာသည် ဤသာသနာ၌ သက်ဝင်ရာ ထောက်တည်ရာ သက်သာရာ ရရှိသည် (သြဂါဓပ္ပတ္တာ ပတိဂါဓပ္ပတ္တာ အဿာသပ္ပတ္တာ) မဟုတ်သေး” ဟု မမှတ်ပါလင့်။ ကျမသည် ဤသာသနာ၌ သက်ဝင်ရာ ထောက်တည်ရာ သက်သာရာ ရရှိကြသော ဥပါသိကာမတို့တွင် တစ်ဦးအပါအဝင် ဖြစ်ပါသည်။ ဤအချက်အား သံသယရှိပါက မြတ်စွာဘုရားရှင်အား မေးလျှောက်နိုင်ပါသည်။

ဤသို့ နကုလမာတာ၏ အားပေး ဆုံးမစကားကို ကြားရသောအခါ နကုလပိတာ၏ ရောဂါဝေဒနာသည် ခဏချင်း သက်သာလာ၏။ ရောဂါပျောက်ကင်းပြီး မကြာမီတွင် နကုလပိတာသည် တောင်ဝှေးဖြင့် ထောက်ကာ ဘုရားရှင်ထံသို့ သွားရောက်၏။ ဘုရားရှင်က နကုလမာတာ၏ သီလ, သမာဓိ, ပညာ အဆင့်အတန်းတို့ကို ထောက်ခံပြောဆိုကာ ချီးမွမ်းစကား မိန့်ကြားတော်မူ၏။

“သူကြွယ် … သင့်အား ချစ်ခင်ကြင်နာ၍ သင်၏ အကျိုးစီးပွားကို လိုလားကာ အားပေး ဆုံးမတတ်သော ဇနီးသည် နကုလမာတာကို ရရှိထားခြင်းသည် အရ တော်လှပေ၏”

သံယောဇဉ်တို့ကို ပယ်သတ်၍ ကိလေသာတို့ကို ငြိမ်းအေးစေမည့် ဗုဒ္ဓ၏ အဆုံးအမလမ်းစဉ်သည် အိမ်ယာထူထောင် လူတို့ဘောင်နှင့် ဖြောင့်ဖြောင့် ဆန့်ကျင်နေသော်လည်း အိမ်ထောင်သည် ဘဝဖြင့် နိဗ္ဗာန်ရောက်ကြောင်း အကျင့်တို့ကို (အတိုင်းအတာတစ်ခု အထိ) ကျင့်ကြံပွားများနိုင်ကြောင်း နကုလပိတာနှင့် နကုလမာတာတို့၏ စံပြ အိမ်ထောင်ရေးက သာဓကပြုနေပါသည်။

[Great Disciples of the Buddha စာအုပ်ပါ ကောက်ကြောင်းအား မှီး၍ နကုလပိတာနှင့် နကုလမာတာတို့အား ဟောကြားခဲ့သည့် သုတ္တန်ဒေသနာများအား စုစည်းတင်ပြထားခြင်း ဖြစ်ပါသည်။ ]


စာညွှန်း
၁။ ဇာတ်တော် အမှတ်-၂၃၇၊ ဒုကနိပါတ်၊ ဥပါနဟဝဂ်၊ သကေတဇာတ်
၂။ အံ-၁-၂၅၇၊ အင်္ဂုတ္တရနိကာယ်၊ ဧကကနိပါတ်၊ ဧတဒဂ္ဂဝဂ်၊ နကုလပိတာသုတ် - အဖွင့်အဋ္ဌကထာ
၃။ သံ-၃-၁၊ ခန္ဓဝဂ္ဂသံယုတ္တပါဠိတော်၊ ခန္ဓသံယုတ်၊ နကုလပိတုဝဂ်၊ နကုလပိတုသုတ် - အဖွင့်အဋ္ဌကထာ
၎။ အံ-၄-၅၅၊ အင်္ဂုတ္တရနိကာယ်၊ စတုကနိပါတ်၊ ပုညာဘိသန္နဝဂ်၊ ပဌမသမဇီဝသုတ်
၅။ အံ-၈-၄၈၊ အင်္ဂုတ္တရနိကာယ်၊ အဋ္ဌကနိပါတ်၊ ဥပေါသထဝဂ်၊ နကုလမာတာသုတ်
၆။ သံ-၄-၁၃၁၊ သဠာယတနဝဂ္ဂ သံယုတ်ပါဠိတော်၊ သဠာယတနသံယုတ်၊ ဂဟပတိဝဂ်၊ နကုလပိတုသုတ်
၇။ သံ-၄-၂၅၄၊ သဠာယတနဝဂ္ဂ သံယုတ်ပါဠိတော်၊ ဝေဒနာသံယုတ်၊ သဂါထာဝဂ်၊ သလ္လသုတ်
၈။ အံ-၆-၁၆၊ အင်္ဂုတ္တရနိကာယ်၊ ဆက္ကနိပါတ်၊ သာရဏီယဝဂ်၊ နကုလပိတုသုတ်
၉။ Nyanaponika Thera & Hellmuth Hecker: Great Disciples of the Buddha – Their lives, their works, their legacy.


****

နောက်ဆက်တွဲ

နကုလပိတာသည် “ကိုယ်သာနာ၍ စိတ်မနာစေနှင့်” ဟူသော အဆုံးအမအား ဘုရားရှင်ထံမှ နာယူ၍ ထွက်ခွာလာပြီးနောက် ရှင်သာရိပုတ္တမထေရ်ထံ ချဉ်းကပ် ဖူးမြင်၏။ ထိုအခါ အရှင်သာရိပုတ္တက “သူကြွယ်… သင်၏ ဣနြေ္ဒတို့သည် အလွန်ကြည်လင်ကုန်၏။ မျက်နှာအဆင်းသည်လည်း ဖြူစင် တောက်ပနေ၏။ ယနေ့ ဘုရားရှင်ထံမှ အဘယ်သို့သော တရားမျိုးကို နာကြားခဲ့ရပါသနည်း” ဟု မေး၏။ နကုလပိတာက ပြန်၍ ဖြေကြားသောအခါ “အဘယ်မျှဖြင့် ကိုယ်ရော စိတ်ပါ နာကျင်သူဖြစ်၍ အဘယ်မျှဖြင့် ကိုယ်သာနာ၍ စိတ်မနာသူ ဖြစ်သည်” ကို ဘုရားရှင်အား ပြန်လည် မေးလျှောက်ခဲ့ပါသလောဟု အရှင်သာရိပုတ္တက မေး၏။ ဤတရား၏ အနက်အဓိပ္ပါယ်ကို သိရန်အတွက် အရှင်သာရိပုတ္တထံ လာရပါသည်, ဤတရား၏ အနက်ကို ဟောတော်မူပါဟု နကုလပိတာက တရားတောင်း၏။ အရှင်သာရိပုတ္တမထေရ်က ခန္ဓာငါးပါးအား သုံးသပ်ပုံ (သမနုပဿနာ) အခြင်းအရာ (၂ဝ) အား မူတည်၍ ဖြေကြားတော်မူ၏။

အကြားအမြင် မရှိသော ပုထုဇဉ်တို့သည် (အဿုတဝါ ပုထုဇနော) -
(၁) ရုပ်ကို အတ္တဟု အဖန်ဖန် ရှုမြင်သုံးသပ်၏။ (ရူပံ အတ္တတော သမနုပဿတိ)
(၂) ရုပ်ရှိသော အတ္တဟူ၍ လည်းကောင်း (ရူပဝန္တာနံ အတ္တာနံ ဝါ)
(၃) အတ္တ၌ ရုပ်ဟူ၍ လည်းကောင်း (အတ္တနိ ဝါ ရူပံ)
(၄) ရုပ်၌ အတ္တဟူ၍ လည်းကောင်း (ရူပသ္မိံ ဝါ အတ္တာနံ) အဖန်ဖန် ရှုမြင်သုံးသပ်၏။

“ငါသည် ရုပ်ဖြစ်သည်၊ ရုပ်သည် ငါ၏ ဥစ္စာ ဖြစ်သည် (အဟံ ရူပံ, မမ ရူပန္တိ)” ဟု ဖိစီးလွှမ်းမိုးလျှက် တည်၏။ ထိုသို့ ဖိစီးလွှမ်းမိုးနေသူအား ထိုရုပ်သည် တစ်မျိုးတစ်မည်အဖြစ် ဖောက်ပြန်သောအခါ စိုးရိမ်ခြင်း, ပူဆွေးခြင်း, ကိုယ်စိတ် ဆင်းရဲခြင်း, စိတ်နှလုံး ပူလောင်ပင်ပန်းခြင်းတို့ ဖြစ်ကုန်၏။ … သူကြွယ် ဤသို့ဖြင့် ကိုယ်ရော စိတ်ပါ နာကျင်သောသူ ဖြစ်၏။

အကြားအမြင် ရှိသော အရိယာသာဝကတို့သည် (သုတဝါ အရိယာသာဝကော) -
(၁) ရုပ်ကို အတ္တဟု အဖန်ဖန် မရှုမြင် မသုံးသပ်။
(၂) ရုပ်ရှိသော အတ္တဟူ၍ လည်းကောင်း
(၃) အတ္တ၌ ရုပ်ဟူ၍ လည်းကောင်း
(၄) ရုပ်၌ အတ္တဟူ၍ လည်းကောင်း အဖန်ဖန် မရှုမြင် မသုံးသပ်။

“ငါသည် ရုပ်ဖြစ်သည်၊ ရုပ်သည် ငါ၏ ဥစ္စာ ဖြစ်သည်” ဟု ဖိစီး လွှမ်းမိုးလျှက် မတည်။ ထိုသို့ ဖိစီး လွှမ်းမိုးမှု မရှိသူအား ထိုရုပ်သည် တစ်မျိုးတစ်မည်အဖြစ် ဖောက်ပြန်သောအခါ စိုးရိမ်ခြင်း, ပူဆွေးခြင်း, ကိုယ်စိတ် ဆင်းရဲခြင်း, စိတ်နှလုံး ပူလောင်ပင်ပန်းခြင်းတို့ မဖြစ်ကုန်။ … သူကြွယ် ဤသို့ဖြင့် နာကျင်သော ကိုယ်ရှိသော်လည်း နာကျင်သော စိတ်မရှိသူ ဖြစ်သည်။

ဤသို့အားဖြင့် ခန္ဓာတစ်ခုလျှင် လေးမျိုးသော အခြင်းအရာအားဖြင့် သုံးသပ်ပုံ ၂ဝ-အား သက္ကာယဒိဋ္ဌိ ၂ဝ-အဖြစ် ပဋိသမ္ဘိဒါမဂ္ဂ ပါဠိတော် ဒိဋ္ဌိကထာတွင် အကျယ် ဟောကြားထားပါသည်။

“ရုပ်အား အတ္တဟု ရှုမြင်သုံးသပ်ခြင်း” (ရူပံ အတ္တတော သမနုပဿတိ) ဆိုသည်မှာ ဆီမီးလျှံနှင့် အဆင်းသည် နှစ်ခုမကွဲ တစ်သားတည်း ဖြစ်သကဲ့သို့ ရုပ်နှင့် အတ္တကို ထပ်တူပြု၍ ရှုမြင်ခြင်း ဖြစ်သည်။

“ရုပ်ရှိသော အတ္တဟု ရှုမြင်သုံးသပ်ခြင်း” (ရူပဝန္တံ အတ္တာနံ သမနုပဿတိ) အား အရိပ်ရှိသော သစ်ပင်ဖြင့် ဥပမာ ပေးထား၏။ သစ်ပင်နှင့် အရိပ်သည် တစ်ခုတည်း မဟုတ်သော်လည်း သစ်ပင်တွင် အရိပ် ရှိသကဲ့သို့ ရုပ်နှင့် အတ္တသည် သီးခြားစီ ဖြစ်သော်လည်း အတ္တတွင် ရုပ်ရှိသည်ဟု ရှုမြင်ခြင်း ဖြစ်သည်။

“အတ္တ၌ ရုပ်ဟု ရှုမြင်သုံးသပ်ခြင်း” (အတ္တနိ ရူပံ သမနုပဿတိ) အား အနံ့ရှိသော ပန်းဟု ရှုမြင်ခြင်းဖြင့် ဥပမာ ပေးသည်။ အနံ့သည် ပန်း၌ ပျံ့နှံ့တည်သကဲ့သို့၊ ရုပ်နှင့် အတ္တသည် သီးခြားစီဖြစ်သော်လည်း ရုပ်သည် အတ္တ၌ ပျံ့နှံ့တည်သည်ဟု ရှုမြင်ခြင်း ဖြစ်သည်။

“ရုပ်၌ အတ္တဟု ရှုမြင်သုံးသပ်ခြင်း” (ရူပသ္မိံ အတ္တာနံ သမနုပဿတိ) အား ကြုတ်တွင် ထည့်ထားသော ပတ္တမြားနှင့် ဥပမာပြု၏။ ရုပ်အတွင်း၌ အတ္တသည် တည်ရှိသည်ဟု ရှုမြင်ခြင်း ဖြစ်သည်။

ဤသို့ ခန္ဓာငါးပါးအား အတ္တအားဖြင့် မှားယွင်းစွာ သုံးသပ် ရှုမြင်ခြင်းအား “ငါ့ဟာ ဖြစ်သည်, ငါ ဖြစ်သည်, ငါ၏ အတ္တ ဖြစ်သည်” (ဧတံ မမ, ဧသော အဟမသ္မိ, ဧသော မေ အတ္တာ) ဟု အဆင့် သုံးဆင့် ရှိသည်။ ခန္ဓာငါးပါးအား ငါ့၏ ဥစ္စာ (မမ - mine) အဖြစ် တပ်မက် တွယ်တာခြင်းအား တဏှာ ဟုခေါ်သည်။ ခန္ဓာငါးအား အမှီပြု၍ ငါဖြစ်သည်, ငါရှိသည် (အဟံ အသ္မိ - I am) ဟူသော အသိတွင် မာနအား တရားကိုယ်ကောက်ရသည်။ ငါ၏ အတ္တ (မေ အတ္တာ - my Self, Self for me) ဟုသုံးသပ်ခြင်းသည် “ငါ” အား အမာခံ အကောင်အထည် အတ္တ, ဝိညာဉ်, လိပ်ပြာအဖြစ် မှတ်ယူလိုက်သော အမြင်မှား ဒိဋ္ဌိ ဖြစ်သည်။ ဤ “တဏှာ, မာန, ဒိဋ္ဌိ” တို့အား ပပဉ္စတရားသုံးပါးဟုလည်း ခေါ်၏်။

သောတာပတ္တိမဂ် ရသောအခါတွင် အကြမ်းစား အဆင့်ဖြစ်သော “ဧသော မေ အတ္တာ” ဟူသည့် ဒိဋ္ဌိကို အကြွင်းမဲ့ ပယ်သတ်ပါသည်။ သို့သော်လည်း သောတာပန်, သကဒါဂါမ်, အနာဂါမ်ဟူသော အောက်အဆင့် အရိယာပုဂ္ဂိုလ်တို့သည် (ကျင့်ဆဲ သေက္ခပုဂ္ဂိုလ်ဟုလည်း ခေါ်သည်) တဏှာနှင့် မာနဟူသော သိမ်မွေ့သည့် ကိလေသာတို့ကို အကြွင်းမဲ့ ပယ်သတ်နိုင်စွမ်း မရှိသေးပါ။ “ငါ” ဟူသော အတ္တအား ဝိညာဉ်လိပ်ပြာကဲ့သို့ အကောင်အထည်အဖြစ် ဒိဋ္ဌိအမြင် မရှိတော့သော်လည်း “ငါ့ဟာ, ငါ” ဟူသော တဏှာ, မာနအားဖြင့် တပ်မက်ခြင်း, ထောင်လွှားခြင်း မကင်းသေးပါ။ ရဟန္တာ အရှင်မြတ်များမှာမူ တဏှာ, မာန, ဒိဋ္ဌိ ကိလေသာသုံးပါးလုံးမှ စင်ကြယ်ပါသည်။

ဤဒေသနာတော်အရ စိတ်အား “ငါသည် ရုပ်ဖြစ်သည်၊ ရုပ်သည် ငါ၏ ဥစ္စာ ဖြစ်သည် (အဟံ ရူပံ, မမ ရူပန္တိ)” စသဖြင့် တဏှာ, မာနဖြင့် ဖိစီး လွှမ်းနေခြင်းအား နာကျင်သော စိတ်ရှိခြင်းဟု ဟောကြားထားပါသည်။ ထို့ကြောင့် ပုထုဇဉ် အများစုတို့သည် စိတ်နာကျင်မှု မကင်းသေးသူများ ဖြစ်ကြပြီး၊ အာသဝေါ ကုန်ခမ်းပြီးသော ရဟန္တာများသည်သာလျှင် မုချအားဖြင့် စိတ်နာကျင်မှု ကင်းကြပါသည်။ ကျင့်ဆဲ သေက္ခပုဂ္ဂိုလ်များသည် စိတ်နာကျင်မှု မကင်းသည် မဟုတ်သလို, စိတ်နာကျင်မှု လုံးဝကင်းသူများလည်း မဟုတ်ကြ (နေဝ အာတုရစိတ္တာ န အနာတုရစိတ္တာ)။ စိတ်နာကျင်မှု ကင်းစေရန် ကျင့်ကြံပွားများ နေကြသူများ ဖြစ်ကြောင်း ဤသုတ်အဋ္ဌကထာက ထောက်ပြထားပါသည်။

စာညွှန်း
၁။ သံ-၃-၁၊ ခန္ဓဝဂ္ဂသံယုတ္တပါဠိတော်၊ ခန္ဓသံယုတ်၊ နကုလပိတုဝဂ်၊ နကုလပိတုသုတ်
၂။ ပဋိသံ-၁၃၁၊ ပဋိသမ္ဘိဒါမဂ္ဂ ပါဠိတော်၊ မဟာဝဂ်၊ ဒိဋ္ဌိကထာ၊ အတ္တာနုဒိဋ္ဌိနိဒ္ဒေသ

အာဇာနည်နေ့

၁၉ ဇူလိုင်လ ၁၉၄၇ခုနှစ်၊ နံနက် ၁၀း၃၇နာရီ

မိုးက စိုစို၊ ကျီးအုပ်ပြို၍၊
ထိုမှဤမှ၊ တို့လမ်းမတွင်
ပျံကြ၀ဲကြ၊ ငရဲထသို့
အုံကြွမြည်အာ၊ မသာယာကို
ငါကြားခဲ့၏ မှတ်မိ၏။
ထိုနေ့၌ပင် ထိုချိန်ထင်၏
သခင်အောင်ဆန်း၊ ပြည်သူပန်းသည်၊
ပွင့်လန်းခါစ၊ ကြွေလိုက်ရ၏။
မြေခသတင်း၊ မိုးကြိုးခွင်းသို့၊
အိမ်တွင်းအိမ်ပြင်၊ တို့လမ်းခွင်၌၊
မချင့်မရဲ၊ ၀မ်းနည်းခံခက်၊
မျက်စိမျက်နှာ၊ ညှိုးကြရှာသည်၊
ရွာဦးပိုင်းမှ သင်္ချိုင်းထိ။

ဆရာဇော်ဂျီ

ကျမနှင့် ဦးခေါင်းသေးသည့် ရောဂါ

Photo credit to:  

လသာညရဲ့ ဦးခေါင်းသေးတဲ့ ရောဂါ ပို့စ် ဖတ်ပြီး

ကျောင်းသားဖြစ်ပြီး စာမကြည့်ပဲ တီဗွီရှေ့ချည်း ထိုင်နေတဲ့ သားကြီးကို “ဟဲ့ စာကြည့်ဦးလေ” ပြောလိုက်ရင် “ခဏ မေမေ ၉-နာရီခွဲ သတင်းလေး ကြည့်လိုက်ဦးမယ်” တဲ့။ ကမ္ဘာ့ဖလားဘောလုံးပွဲ ရာသီမှာလည်း ပြောလိုက်တဲ့ နိုင်ငံအလိုက် ဘောလုံးအသင်းတွေအကြောင်း၊ ဘောလုံးသမားတွေအကြောင်း တတွတ်တွတ်နဲ့။ ကိုယ့်မှာ ဘာမှ နားမလည်တဲ့ ဘာသာရပ်ကို သူပြောလာရင် ရွှီးနိုင်အောင်လို့ သူကျောင်းသွားနေတုန်း ဘလော့ဂ်တွေ ဖတ်ပြီး လေ့လာထားရတယ်။ ဒါတောင် ဘယ်အသင်းနဲ့ ဘယ်အသင်း ပြိုင်တယ်၊ ဘယ်သူနိုင်လို့ ဘယ်သူရှုံးတယ် ဆိုတာလောက်ပဲ ခေါင်းထဲမှတ်နိုင်တာ။ သူ့ထက် ငါးနှစ်ကျော်ငယ်တဲ့ အငယ်ကောင်က အကိုနဲ့ အပြိုင် အပြန်အလှန် ပြောနိုင်လို့ တော်သေးရဲ့ အောက်မေ့ရတယ်။ Star Players နာမည်တွေ ခေါ်ခေါ်ပြီး ဆယ်ပေပတ်လည် အခန်းကျဉ်းလေးထဲမှာ တအုံးအုံးနဲ့ ကန်လိုက်ကြတာ။ တခါတခါလည်း “လာ မေမေ CNN သတင်းတွေ တူတူကြည့်ရအောင်” လို့ ခေါ်တတ်ပြန်သေးတယ်။ ဒီအရွယ်နဲ့ တကမ္ဘာလုံးမှာ ဖြစ်နေတာတွေ ဘာဖြစ်လို့ သိချင်နေမှန်း မသိဘူးလို့ စိတ်ထဲက အချဉ်ပေါက်မိတယ်။ ပြီးရင် လာပြောပါပြီ… “မေမေ ဟိုနိုင်ငံမှာ ဟိုဟာဖြစ်သွားတာလေ သိလား…။ ဒီလူ ကတော့ တော်တော် ဘာဖြစ်တယ် ညာဖြစ်တယ်” နဲ့။ အိမ်ထဲနေတဲ့ မအေ့ခေါင်းပေါ် ဦးထုပ်တွေ လာလာဆောင်းနေတာ...။

အငယ်လေးကလည်း လာသေးတယ်။ အိပ်ခါနီးရင် စာအုပ်တွေ ဆွဲလာပြီး “ဒါဖတ်ပြ” လို့ လုပ်တတ်သေးတယ်။ ကိုယ့်မှာ အသံ မထွက်တတ်တာတွေရော၊ အဓိပ္ပါယ် မသိတာတွေရောကို အိုက်တင်ကြီးတခွဲသားနဲ့ မနည်း အောင့်အီး ဖတ်ရတယ်။ စိတ်ထဲကတော့ လာပြန်ပြီ တယောက် ငါ့ခေါင်းပေါ် မတော်တရော် ဦးထုပ်တွေ လာတင်နေပြန်ပြီ လို့…။

ကလေးတွေ အိပ်သွားတော့ ဟိုလူကြီးက လာပြန်ပါရော။ “ဒါလေး နားထောင်ကြည့် … သူပြောသွားတာ တော်တော် ကောင်းတယ်” နဲ့ ကမ္ဘာကျော် ပုဂ္ဂိုလ်ကြီးတွေရဲ့ ဟောပြောပွဲတွေ, မိန့်ခွန်းတွေကို နားထောင်ခိုင်းပြန်ပါလေရော… အောင်မလေး လို့သာ အော်ပြေးချင်လျက်နဲ့ပဲ … ဧရာမ ဦးထုပ်ကြီးတွေ ခေါင်းပေါ် အတင်ခံရပြန်ပါရော… ။

မသီတာ တဖြေးဖြေး ဦးခေါင်း သေးတဲ့ ရောဂါ ရနေပါကြောင်း ဘလော့ဂ်ကတဆင့် ဗျို့ဟစ်လိုက်ရပါတယ်။

*****

မသီတာ သူငယ်တန်း တက်ခါစက စာလိုက်နိုင်ပါတယ်။ ဒါပေမဲ့ ဖတ်စာ (၉) အရောက်မှာ...

ကျားကြီး ခြေရာကြီး
ပျော်ပျော်နေ သေခဲ
မေးဖန်များ စကားရ
ကျီစားသန်က ရန်များ၏။

အဲ့ဒီ စာပုဒ်က ကိုယ့်အတွက် တော်တော် ခက်နေတယ်။ စကားပုံတွေနဲ့ စတင်မိတ်ဆက် လိုက်တာဆိုတော့ အဲ့ဒီအရွယ်က ကိုယ့်ဦးနှောက်နဲ့ လိုက်မမှီသလို ဖြစ်ပြီး စာမကျေညက်သလို ခံစားရမိတယ်။

“သမီး ဒီဟာ သိပ်မရဘူး... သင်ပေး” လို့ အမေ့ကို ပထမဦးဆုံးအကြိမ်အဖြစ် (ထင်တယ်) စာသင်ခိုင်းမိတယ်။
တန်းလျားလေးပေါ်မှာ သားအမိနှစ်ယောက် အမေက ဖတ်စာအုပ်ကြီး ကိုင်လို့
“လိုက်ဆို” တဲ့။ “က ကြီး ယပင့် ရေးချ ကျာ… ရှေ့ကပေါက် ကျား”
ကိုယ်ကလည်း လိုက် ဆို လိုက်တယ်ပေါ့…။ နည်းနည်းတော့ ဆန်းနေသလိုပဲ...
စိတ်ထဲက ငါ စာ မကျေသေးလို့ ဆန်းသလို ဖြစ်နေတာလို့ပဲ ထင်လိုက်တာပေါ့လေ။
အမေက ဆက်ဆိုတယ်။
“က ကြီး ရရစ် လုံးကြီးတင် ဆန်ခတ် ကြီ… ရှေ့ကပေါက် ကြီး”
ဒီတခါမှတော့ ဘာ ဆန်းနေတာ လဲ ဆိုတာ သိပြီ။
“ဟီးဟီး... ရှေ့ကပေါက် ကြီး တဲ့” ဆိုပြီး အော်ရယ်လိုက်တာ။
အမေက “ကောင်မလေး ဘာရယ်တာလဲ”ဲ တဲ့။
“အဲ့ဒါ ၀စ္စနှစ်လုံးပေါက်ပါ”...။ အမေက “ရှေ့ကပေါက်ပါ” နဲ့ သားအမိနှစ်ယောက် ငြင်းကြတာ...။
“သမီးတို့ကို ၀စ္စနှစ်လုံးပေါက်လို့ ဆရာမကသင်တယ် အမေ” ဆိုမှ
“ညီးတို့ဟာတွေ မသိဘူးအေ” လို့ ပြုံးပြုံးကြီးနဲ့ “သွား ကောင်မလေး ငါ့ကိုနောက်တယ်… မသင်တော့ဘူး” လို့ ပြောခဲ့တာ…။

ဦးထုပ် ဆောင်းပေးလိုက်မိလို့ ရှက်သွားတဲ့ အမေ့ မျက်နှာကို ပြန်လည်မြင်ယောင်မိပါတယ်။

ငယ်စဉ်က အတန်းပညာ သင်ကြားခွင့် မရခဲ့ကြတဲ့ အဖေရော အမေပါ ကျမတို့ကိုတော့ အတတ်ပညာတွေ သင်ယူနိုင်ဖို့ အခွင့်အရေးတွေ ဖန်တီးပေးခဲ့ကြရင်း၊ “ဒီအဖိုးကြီး အဖွားကြီးတွေ ငါတို့လောက် မသိပါဘူး မတတ်ပါဘူး” ဆိုတဲ့ အတွေးမျိုး မ၀င်နိုင်အောင် ကြီးမားတဲ့ စေတနာ, မေတ္တာတွေနဲ့ အသိပညာတွေ ပေးနိုင်ခဲ့ကြပါတယ်။

*****
ခေတ်နဲ့ အညီ  ပြောင်းလဲနေတဲ့ ဦးထုပ်တွေက ကျမတို့ကို ဦးခေါင်း သေးသေးသွားစေတဲ့ ခံစားမှုတွေ ပေးမှာ မလွဲမသွေပါ။ ဒါပေမဲ့ ကျမတို့ ဘိုးဘွားမိဘတွေ လက်စွဲကျင့်သုံးခဲ့ကြတဲ့ ရိုးသားခြင်း၊ မေတ္တာတရား၊ တန်ဖိုးထားတတ်မှုတွေနဲ့ နှလုံးသားတွေ ကြီးမားအောင် ကြိုးစားရင်း၊ ကြီးရင့်လာတဲ့ အသက်အရွယ်နဲ့ လိုက်ဖက်ညီအောင် အလှဆင်သင့်ကြောင်း ရေးသားလိုက်ရပါတယ်။

အသွင်မတူ အိမ်သူမဖြစ်

“အသွင်မတူ အိမ်သူမဖြစ်” ဆိုတဲ့ ဆိုရိုးစကားက ဘယ်လောက် အတိုင်းအတာထိ မှန်သလဲ မသိပေမယ့်၊ ရာခိုင်နှုန်း အတော်များများ မှန်မယ်လို့ ထင်တယ်။ သိပ်လေးစားတဲ့ ရူပဗေဒ ဆရာတစ်ယောက်ရဲ့ သီအိုရီကို သတိသွားရမိတယ်။ “လင်မယားတွေက ရုပ်တူကြတာ များတယ်၊ ဘာကြောင့်လဲဆိုတော့ လူဆိုတာ ကိုယ်ကိုယ်ကို သိပ်ချစ်တော့ ကိုယ်နဲ့ တူတဲ့လူကို ရွေးကြိုက်တတ်တယ်” တဲ့။ မသီတာကလည်း မကြာခဏ ပြောလေ့ရှိတယ် … “လင်မယားတွေဟာ ရုပ်တူတူ လာတတ်တယ်” တဲ့။ လင်ရယ် မယားရယ်လို့ အတူတကွ အနေကြာလာတော့ အတွေးအခေါ်တွေ, စရိုက်တွေ (တမင် ညှိယူတာ မဟုတ်တောင်) ကူးစက်သွားတာတော့ သေချာပါတယ်။ ဒါပေမယ့်လည်း အမြင်ကွဲလွဲမှု, စရိုက်ကွဲလွဲမှုတွေကတော့ ရှိနေဦးမှာပါ။ ဒီတော့ ကွဲလွဲမှုတွေကို နားလည် ခွင့်လွှတ် ပေးတတ်ဖို့ကလည်း အရေးကြီးပါတယ်။ ဒါကြောင့် “အသွင်မတူ အိမ်သူမဖြစ်” ဆိုတဲ့ စကားကို ရာခိုင်နှုန်းပြည့် မထောက်ခံ မိတာပါ။

သူငယ်ချင်းသက်ဝေက အသွင်တူ၏။ မတူ၏။ ရေးဖို့တဂ်တော့ တစုံတွဲနေတဲ့ ကိုယ်တို့နှစ်ယောက်အကြာင်း ဟိုလူကြီး ရင်ဘတ်ထဲ ဘယ်လောက်များရှိသလဲ သိချင်မိတဲ့ အကြံနဲ့ ဒါလေး ရေးပေးဆိုလို့ ရေးပေးတာတဲ့လေ… ကိုယ်မျှော်လင့်ထားတာနဲ့ တခြားစီ… ပတ်ချာကို လည်နေတာပဲ…။ ဒီက ပြောတာကဖြင့် လင်မယားတွေကို ယှဉ်တွဲ ယှဉ်တွဲ အမြင်များလာတာရယ်၊ တစ်မိုးထဲအောက်နေ တစ်အိုးထဲက စားနေလို့ ဥတုကြောင့် ဖြစ်တဲ့ရုပ်၊ အာဟာရကြောင့်ဖြစ်တဲ့ရုပ်တွေ တူလာတာရယ်ကို ပြောချင်တာ။ နောက် အ၀တ်အစား အဆင်အပြင်ကအစပေါ့လေ။ သိပ်ကွာခြားနေရင် ကြည့်မကောင်းဘူး မဟုတ်လား။ အချို့ဆို အင်္ကျီဆင်တူလေးများတောင် ၀တ်လို့ တူအောင် အားထုတ်ကြတော့ တူလာတာပေါ့။

အဲ့ဒီလိုပါ ကိုဧရာက “ရှင်းနေတာတွေကို ရှုပ်အောင်လုပ်၊ ပြီးတော့မှ ပြန်ရှင်း၊ အဲ့ဒါဆို ပိုရှင်းသွားရော...” ဆိုတဲ့ ပန်းမြိုင်လယ်က ဥယျာဉ်မှူး ဇာတ်ကားထဲက ဘီအီးဒီအောင်သိုက်ရဲ့ သဘောတရားနဲ့ သွားနေတဲ့ လူစားမျိုး။
မသီတာကတော့ သိပ်စိတ်မရှည်တတ်ဘူး။ ဟေ့…ဟေ့… ဒီမှာ အပိုစာသားတွေနဲ့ စာမျက်နှာတွေ များနေပြီ လို့ ဘုတောတတ်သူ…။ တခါတလေတော့လည်း မသီတာက

ဧရာဆိုတာ မြစ်တစင်း ဆိုရင် ဘယ်နေရာမှာ စီးစီး အေးချမ်းမှုတွေနဲ့ ပတ်ဝန်းကျင်ကို အကျိုးဆောင်မှာ…

အဲ့လိုတွေ.. အဲ့လိုတွေ ကဗျာဆန်ချင်ပြန်ရင်လည်း သူကပါမလာ ပြန်ဘူး…။ ငုတ်တုတ်ကြီး ကျန်ခဲ့လို့ ဒီက ဒေါတွေမောတွေနဲ့ ပြန်လှည့်ခေါ်ရပြန်ရော…။ အဲ့ဒီအခါကျတော့လည်း “ကိုယ်မှမသိပဲ” ဆိုတဲ့ မျက်နှာသေလေးနဲ့
“ဘာမသိတာတုန်း… မသိဘူး ဆိုတာနဲ့ပြီးရောလား… မသိဘူး ဆိုတာကို မကြိုက်တာ…” မသီတာ့ ပါးစပ်က ကာရန်မပါတာတွေ ရေရွတ်ရပြန်ရော…။ စိတ်ထဲကတော့ အူတူတူလေးကို ကြိတ်ကြိုက်နေတာ…။

ဆိုလိုတာက ကိုဧရာက မသီတာနဲ့မှ မဟုတ်ပါဘူး။ ဂျူလီယာဖြစ်ဖြစ် အမီနာဖြစ်ဖြစ် ဘယ်သူနဲ့ မဆို အဆင်ပြေမည့် လူစားမျိုးပါ။ စိတ်ကောင်းရှိပါတယ်။ ရိုးသားပါတယ်။ သည်းခံတတ်ပါတယ်။ (ကိုယ့်လူမို့ အမွှန်းတင်နေတာ မဟုတ်ပါဘူး။ မသီတာ ချဉ်ဖတ်ကြိုက်လို့ပါ။) အဲ့ဒါကို ပြောင်းပြန်လှန်တော့ မသီတာပေါ့လေ… ဒီက အဖို့မှာတော့ သူနဲ့သာ မဆုံရင်…

ကဲပါလေ ကိုဧရာနဲ့ မသီတာ အသွင်တူ၏။ မတူ၏။ ပို့စ်လေး ဖတ်အပြီးမှာ လိုက်ဖက်ညီ၏။ မညီ၏ ဆိုတာကို လူကြီးမင်းများ ကိုယ်တိုင်ပဲ အဆုံးအဖြတ်ပေးခဲ့ကြပါ။
ကိုဧရာကတော့ ပြောပါတယ် မသီတာကို သိပ်လှစေချင်ပါသတဲ့။ (စိတ်ကလေး သိပ်လှစေချင်ပါသတဲ့ …။)

ဆက်စပ်ဖတ်ရှုရန် - ချစ်သူများအတွက် လက်ဆောင်

ဒီ ပို့စ်လေးကို ဘလော့ဂ်ကတဆင့် ခင်မင်ရသူတွေကို တဂ်ချင်ပါတယ်။

ပထမဦးဆုံးအနေနဲ့ အမျိုးသားများက စပါမယ်
ကိုဂျူလိုင်ဒရင်း ပါ။ (ကိုဧရာက တောင်းဆိုပါတယ်။) Mars and Venus

နောက်...

မလေး လို့ခေါ်တဲ့ အိမ့်ချမ်းမြေ့ --- ထင်းရူးနံ့သင်းသော ဧရာဝတီ
ပန်းနွယ်က မစိမ်းတဲ့ ပန်းနွယ် ---  တူတူ - မတူတူ၊ မထူး
မမရွှေစင်ဦး…--- တနေရာတော့ တူပါလိမ့်မယ်
My world က ဖြိုးဖြိုးလေး --- အသွင်မတူ အိမ်သူမဖြစ်
လသာည ဖြစ်ပါတယ်။ --- အသွင်တူရင်
Yu Wa Yi --- အသွင်တူ၏ မတူ၏

အပျိုတသိုက်ကိုတော့ ချန်ထားခဲ့ရပေါ့း)

ကမ္ဘာဦးအစ

ကမ္ဘာဦးအစ လူသားဖြစ်ပေါ်လာပုံအား ဒီဃနိကာယ် အဂ္ဂညသုတ်တွင် ဟောကြားထားသည်။ ဤသုတ္တန်အရ ကမ္ဘာဦးကာလက လူသားအဖြစ် ဖြစ်ပေါ်လာမည့် သတ္တ၀ါတို့သည် ယနေ့ခေတ် လူသားများနှင့် မတူပေ။ ရုပ်ပတ်ဝန်းကျင်နှင့် အစာအဟာရတို့ ပြောင်းလဲသွားသည့်အလိုက် ကိုယ်ခန္ဓာ ဖွဲ့စည်းတည်ဆောက်ပုံများ အဆင့်ဆင့် ပြောင်းလဲသွားခဲ့သည်။ ထို့အတူပင် သတ္တ၀ါတို့၏ စိတ်နေစိတ်ထား ဆုတ်ယုတ်လာသည့် အလျှောက် နူးညံ့သည့် အစာအာဟာရများ ကုန်ခမ်းသွားပြီး၊ ကြမ်းတမ်း ခက်ခဲသည့် အစာရှာဖွေမှု, အိမ်ယာထူထောင်မှု, ပုဂ္ဂလိက ပိုင်ဆိုင်မှု, ခိုးယူခြင်း, လိမ်ညာခြင်းစသော မကောင်းမှုများနှင့် အပြစ်ဒဏ်ပေးမှုများ ပေါ်ပေါက်လာသည်ကို ဟောကြားထားသည်။ အဂ္ဂညသုတ်နှင့် ၀ိသုဒ္ဓိမဂ်အဋ္ဌကထာ ပုဗ္ဗေနိဝါသာနုဿတိဉာဏ် အခန်းတို့တွင် ပါရှိသော “ကမ္ဘာဦးအစ လူသားဖြစ်ပေါ်လာပုံ” ကို အကျဉ်းချုပ် ဖော်ပြပါမည်။

******  

ကမ္ဘာလောက ဖြစ်ပေါ်ပျက်စီးသည့်ဖြစ်စဉ်အား သံဝဋ္ဋကပ်, သံဝဋ္ဋဋ္ဌာယီကပ်, ၀ိဝဋ္ဋကပ်, ၀ိဝဋ္ဋဋ္ဌာယီကပ်ဟု အဆင့်လေးမျိုးဖြင့် ပိုင်းခြားနိုင်၏။ သံဝဋ္ဋကပ်သည် တဖြည်းဖြည်း ဆုတ်ယုတ် ပျက်စီးသွားသော အဆင့်ဖြစ်သည်။ လောကဓာတ် တစ်ခုလုံးသည် ဟင်းလင်းပြင်ဖြစ်သွားကာ အမှောင်အတိပြီး သွားသည့်တိုင် ပျက်စီးလေသည်။ ထိုသို့ပျက်စီးနေသော အမိုက်တိုက် ဟင်းလင်းပြင်အဖြစ် တည်နေသောကာလအား သံဝဋ္ဋဋ္ဌာယီကပ်ဟု ခေါ်သည်။ ထို့နောက် ကမ္ဘာလောကကြီး တဖြည်းဖြည်း ပြန်လည် တိုးတက် ဖြစ်ထွန်းလာသော အဆင့်အား ၀ိဝဋ္ဋကပ်ဟုခေါ်သည်။ ထိုသို့ ဖြစ်ထွန်းလာပြီးနောက် တည်ဆဲကာလအား ၀ိဝဋ္ဋဋ္ဌာယီကပ်ဟု ခေါ်သည်။ အဆင့် တစ်ဆင့်စီတွင် နှစ်ပရိစ္ဆေဒ အရာ, အထောင်, အသိန်းဖြင့်ပိုင်းခြား၍ မရနိုင်လောက်အောင် ကာလအသင်္ချေယျ ကြာမြင့်၏။

ဤကမ္ဘာလောက ဆုတ်ယုတ် ပျက်စီးသောအခါတွင် သတ္တ၀ါအများစုတို့သည် အာဘဿရ ဗြဟ္မာဘုံ၌ ဖြစ်ကြသည်။ ဤသို့ဖြင့် ကာလအသင်္ချေ ကြာရှည်သော် ဤကမ္ဘာသည် ပြန်လည် ဖြစ်တည်၏။ ထိုအချိန်တွင် တစ်လောကလုံးသည် တစ်သားတည်းသော ရေပြင်ကြီး အဖြစ်ရှိ၍ အမှောင် အတိပြီး၏။ နေ, လ, နက္ခတ်တာရာတို့ မထင်ရှားသေး။ နေ့, ည, ရာသီဥတု မရှိသေး။ အာဘဿရဘုံမှ စုတေသော သတ္တ၀ါတို့သည် ဤလောကသို့ ရောက်လာကြကုန်၏။ ထိုသတ္တ၀ါတို့သည် (အာဘဿရဘုံတွင်ကဲ့သို့ပင်) စိတ်ကြောင့်ဖြစ်သော ကိုယ်ရှိ၍ (မနောမယာ), နှစ်သိမ့်ခြင်း ပီတိကို အစာ အာဟာရပြု၍ နေကြသည်။ ကိုယ်ရောင်ကိုယ်ဝါ ထွန်းလင်းကာ (ရေပြင်အထက်) ကောင်းကင်ပြင်တွင် ကျက်စားကြ သည်။ အဖိုအမ လိင်ကွဲပြားမှု မရှိသေး။ ထိုသတ္တ၀ါတို့အား သတ္တ၀ါဟူ၍သာ ခေါ်ရလေသည်။

ဤသို့ဖြင့် အချိန်ကာလ ကြာမြင့်သောအခါတွင် အေးသွားသော နွားနို့အိုး မျက်နှာပြင်၌ အမြှေးတင်း၍ မလိုင်တက်သကဲ့သို့ ရေပြင်အထက်၌ ရသပထ၀ီခေါ် မြေဆီတို့ ဖြစ်ပေါ်လာသည်။ ထိုမြေဆီသည် ဆီဦးထောပတ်, ပျားရည်တို့ကဲ့သို့ အဆင်း, အနံ့, အရသာတို့ဖြင့် ပြည့်စုံ၏။ တစ်စုံတစ်ဦးသော သတ္တ၀ါသည် ထိုမြေဆီကို မြည်းစမ်းရာ အလွန် အရသာရှိလှသဖြင့် တပ်မက်သော တဏှာ ဖြစ်ပေါ်လာကာ မြေဆီကို စားသုံးသည်။ အခြားသော သတ္တ၀ါတို့လည်း ထိုနည်းတူ မြေဆီကို စားသုံးကြ၏။ ထိုသတ္တ၀ါတို့၏ ကိုယ်ရောင် ကိုယ်ဝါတို့လည်း ကွယ်ပျောက်သွားသည်။ နောင်တွင် နေ, လ, နက္ခတ်တာရာတို့ ထင်ရှားလာသည်။ နေ့, ည, ရာသီဥတုတို့ ဖြစ်ပေါ်လာသည်။ ဤသို့ဖြင့် ကမ္ဘာလောကသည် တဖြည်းဖြည်း ဖြစ်ပေါ်လာသည်။

မြေဆီကို စားသုံးသောကြောင့် သတ္တ၀ါတို့၏ ကိုယ်သည် ကြမ်းတမ်းလာ၏။ အဆင်းရုပ်သွင်တို့ ကွဲပြား ခြားနားလာ၏။ ထို့သို့ ရုပ်ဆင်းကွဲပြားမှုကို အကြောင်းပြု၍ မာန်မာန ဖြစ်လာကြသောအခါတွင် ရသပထ၀ီ မြေဆီတို့ ကွယ်ပျောက် ခမ်းခြောက်ကုန်၏။ ထိုအခါတွင် မှိုတက်သကဲ့သို့ မြေပေါ်တွင် အပွေးတက်လာသော ဘူမိပပ္ပဋက ခေါ် မြေလွှာအား စားသုံး ကြပြန်သည်။ ထိုမြေလွှာတို့ ကုန်ခမ်းသောအခါ ကန်စွန်းနွယ်တို့ကဲ့ ပဒါလတာခေါ် ရေညှိရေမှော်ပင်တို့ (နွယ်ချိုပင်ဟုလည်း ဘာသာပြန်သည်) ပေါက်လာ၏။ ထိုသတ္တ၀ါတို့သည် ယင်းရေညှိရေမှော်တို့ကို စားသုံးကြပြန်သည်။

ရေညှိရေမှော်တို့ ကုန်ခမ်းသောအခါ ဖွဲနု, ဖွဲကြမ်းများမပါဘဲ အဆင်သင့် စားသုံးနိုင်သည့် သလေးဆန်တို့ အလေ့ကျ ပေါက်ရောက်လာသည်။ ယင်းသလေးဆန်တို့အား စားသုံးကြပြန်သောအခါ  အစာအာဟာရသည် ကြမ်းတမ်းလာသည်နှင့်အမျှ သတ္တ၀ါတို့၏ ကိုယ်သည် ကြမ်းတမ်းလာသည်။ ကျင်ကြီး ကျင်ငယ်တို့စွန့်ရန် အင်္ဂါများ ပေါ်ပေါက်လာကြသည်။ အဖို, အမအင်္ဂါတို့ ကွဲပြားလာကြသည်။ ယောက်ျားသည် မိန်းမအား, မိန်းမသည် ယောက်ျားအား အပြန်အလှန် တစိမ့်စိမ့်ကြည့်ရာမှ တပ်မက်မှု ပြင်းပြလာသောအခါ မေထုန်ဆက်ဆံမှု စတင်ပေါ်ပေါက်လာသည်။ ထိုစဉ်ကာလက မေထုန်ဆက်ဆံခြင်းအား ညစ်ညမ်းသော အဓမ္မမှုအဖြစ် သတ်မှတ်ကြ၍ အကာအကွယ်ပြုရန် အိမ်ဆောက်လုပ် နေထိုင်ကြသည်။ နေ့စဉ် အစာ ရှာဖွေ စားသောက်ခြင်းပြုရန် ပျင်းရိသူတို့သည် အလေ့ကျပေါက်သော သလေးဆန်တို့အား နေ့ဖို့ညစာ, ရက်သတ္တ တစ်ပတ်စာ စသဖြင့် သိုမှီးစုဆောင်း ကြသည်။ ထိုအခါတွင် သလေးဆန်တို့သည် ဖွဲနုတို့ အမြှေးယှက်လာ၏။ ရိပ်သိမ်းပြီးသော်လည်း ရိုးပြတ်တို့မှသည် ပြန်၍ မပေါက်တော့ဘဲ စပါးပင်တို့သည် အစုလိုက် အစုလိုက်ဖြစ်သွား၏။

ထိုအခါတွင် ထိုသလေးစပါးပင်တို့အား အပိုင်းအခြားပြု ခွဲဝေကာ မိမိတို့ ပိုင်ဆိုင်သော စပါးကိုသာ ရိတ်သိမ်းစားသုံးရန် သဘောတူခဲ့ကြသည်။ နောင်တွင် တစ်ဦးသောသူသည် အခြားသူ၏ ပိုင်နက်မှ စပါးကို ခိုးယူသော အမှုဖြစ်သည်။ ခိုးသူအား ကဲ့ရဲ့အပြစ်တင်ကြ၍ နောင်တွင် မကျုးလွန်မိစေရန် ၀န်ခံကတိပြုစေသည်။ သို့သော် ထပ်မံခိုးယူမှု ဖြစ်သောအခါ ထိုးနှက်ခြင်း, ခဲဖြင့်ပေါက်ခြင်း, တုတ်ဖြင့်ရိုက်ခြင်းတို့ဖြင့် အပြစ်ပေးကြ၏။ ဤသို့ဖြင့် ခိုးယူခြင်း, ကဲ့ရဲ့ရှုတ်ချခြင်း, လိမ်ညာခြင်း, အပြစ်ဒဏ်ခတ်ခြင်းတို့ ပေါ်ပေါက်လာသည်။

*****

(၁) အဂ္ဂညသုတ်က “ကမ္ဘာဦး လူသားရဲ့ အစ” ကိုဟောခြင်းသာဖြစ်ပြီး၊ “သတ္တ၀ါတို့၏ အစ” ကိုဟောခြင်း မဟုတ်ပါဘူး။ “အ၀ိဇ္ဇာပိတ်ဖုံးကာ တဏှာဖြင့် နှောင်ဖွဲ့ထားပြီး သံသရာတွင် ကျင်လည်နေကြသော သတ္တ၀ါတို့ရဲ့ ရှေးအစသည် မထင်” (ပုဗ္ဗာ ကောဋိ နပညာယတိ… ) ဆိုတဲ့ စကားကို သုတ္တန်ဒေသနာ အတော်များများမှာ တွေ့ရပေမယ့်၊ “ကမ္ဘာဦး လူသားရဲ့ အစ” ကိုတော့ အဂ္ဂညသုတ် တစ်သုတ်ထဲမှာပဲ တွေ့ရပါတယ်။

(၂) “ကမ္ဘာဦး လူသားရဲ့ အစ” ဟာ အဂ္ဂညသုတ်ရဲ့ အစိတ်အပိုင်းတစ်ခုသာဖြစ်ပြီး၊ ဒီသုတ္တန်ရဲ့ အဓိက message က “ဇာတ်ကွဲပြားမှုဟာ ဗြဟ္မာကြီး ဖန်ဆင်းခြင်းကြောင့် မဟုတ်ဘဲ၊ လူတွေရဲ့ စိတ်နေစိတ်ထားနဲ့ specialization ကွဲပြားမှုကြောင့် ဖြစ်တယ်။ မြင့်မြတ်ခြင်းဟာ အမျိုးဇာတ်နဲ့ မဆိုင်ဘဲ, အသိပညာ, ကိုယ်ကျင့်တရားတို့နှင့် ပြည့်စုံသူကသာ မြင့်မြတ်သူဖြစ်တယ်” ဆိုတဲ့ အချက်ပါ။

(၃) အဂ္ဂညသုတ်က “ကမ္ဘာဦးအစ” ဟာ The Book of Genesis နဲ့ မတူသလို, သိပ္ပံတွေ့ရှိချက်တွေနဲ့လည်း တူမှာ မဟုတ်ပါဘူး။ သို့သော်လည်း “အမှောင်အတိကျနေတဲ့ ရေပြင်ကျယ်ကြီး” ရဲ့ ပုံရိပ်တွေကတော့ ခပ်ဆင်ဆင် တူနေပါလိမ့်မယ်။

(၄) ကမ္ဘာဦးမှာ သတ္တ၀ါတွေအားလုံးဟာ တစ်မျိုး တစ်စားတည်း ဖြစ်ခဲ့တယ်။ နောင်မှာ မြေဆီ, မှို, ရေညှိရေမှော်, သလေးစပါးစဖြင့် အပင်လောက တစ်ဆင့်ဆင့် ဖြစ်ထွန်းလာသလို၊ သတ္တ၀ါတွေရဲ့ nutrition ပြောင်းလဲမှုကြောင့် အမျိုးအစားတွေ ကွဲပြား လာခဲ့ကြတယ်။ အစောပိုင်း သတ္တ၀ါတွေဟာ asexual reproduction နဲ့ ပေါက်ပွားခဲ့ကြပြီး နောင်မှ လိင်ကွဲပြားမှုဖြစ်လာတယ်။ အခုလို Reductionist interpretation လုပ်ရင်တော့ အဂ္ဂညသုတ်က သိပ္ပံတွေ့ရှိချက်တွေနဲ့ သိပ်မကွာတာတွေ့နိုင်ပါတယ်။

(၅) သိပ်ပြီး နားလည်ရခက်တဲ့ အကြောင်းအရာတွေကို နားလည်လွယ်အောင် ရှင်းပြတဲ့အခါ အဓိပ္ပါယ်ကောက်မှားတဲ့ ပြဿနာ ကြုံတတ်ပါတယ်။ ဥပမာ အိုင်းစတိုင်းရဲ့ Special Relativity Theory ကို အရပ်သားတွေကို ရှင်းပြတဲ့ ပုံပြင်ရှိတယ်။ အမြွှာညီနောင်မှာ တစ်ယောက်က အလင်းအလျှင်လောက် မြန်တဲ့ ယာဉ်ကြီးကို စီးသွားပြီး တစ်ယောက်က ကျန်ခဲ့တယ် ဆိုပါစို့။ ဒီယာဉ်ကြီး ကမ္ဘာကို ပြန်ရောက်လာတဲ့အခါ ယာဉ်ပေါ်လိုက်သွားတဲ့သူက ကျန်ခဲ့တဲ့သူထက် ပိုငယ် နေလိမ့်မယ်။ အလျှင်နှုန်း မြန်လာသည့်အလျှောက် အချိန်ကာလက နှေးသွားနိုင်တာကို ရူပဗေဒညီမျှခြင်းတွေမသုံးဘဲ ရှင်းပြထားတာပါ။ ဒါကို အကယ်၍ အလင်းအလျှင်ထက်မြန်တဲ့ ယာဉ်ကိုစီးပြီး အတိတ်ကို ပြန်သွားနိုင်မယ်ဆိုရင်တော့ over-interpretation ဖြစ်သွားပါလိမ့်မယ်။ 

*****
တရာအညွှန်း
၁။ ဆရာတော် ဘဒ္ဒန္တ နန္ဒမာလာဘိဝံသ ဟောကြားတော်မူသော ကမ္ဘာဦးက လူသားများအကြောင်း တရားတော် http://dhammadownload.com/MP3Library/Dr-Nandamalabhivamsa/MP3Disc01/042-DrNandamalabhivamsa-12-7-2008Singapore.mp3 

၂။ Dhamma Talk by Bhikkhu Sujato

ပညာရွှေအိုး လူခိုးနိုင်ပါသလား

မြန်မာမှုနယ်မှာ “ပညာရွှေအိုး လူမခိုး” ဆိုတဲ့ ဆိုရိုးစကား ရှိပါတယ်။ ပထမအချက်အနေနဲ့ ပညာကို အဖိုးတန် ပိုင်ဆိုင်မှုအဖြစ် ရွှေအိုးနဲ့ နှိုင်းယှဉ်ပါတယ်။ ဒုတိယအချက်အနေနဲ့ ပညာဟာ အခြားသော ပိုင်ဆိုင်မှုတွေလို ရန်သူမျိုးငါးနဲ့ မဆက်ဆံဘူး။ လူခိုးလို့ ကုန်မသွားဘူး။ ပညာကို ဘယ်လောက်ပဲ မျှဝေမျှဝေ လျော့မသွားဘဲ၊ တိုးလို့သာ လာမယ်လို့ ဆိုလိုပါတယ်။

အကယ်၍ ပထမအချက်ကို နှိုင်းယဉ်မှုလို့ မယူဆဘဲ၊ ပညာကို ငွေကြေးနဲ့ ညီမျှခြင်းချပြီး တိုင်းထွာခဲ့ရင် ဒုတိယအချက်က သိပ်မမှန်နိုင်တော့ပါဘူး။ အလွန်ကျွမ်းကျင်တဲ့ လက်ဖက်ရည်ဖျော်ဆရာတစ်ဦးဟာ သူ့ပညာကို အခြားလူတွေကို ဘယ်လောက်ပဲ သင်ပေးသင်ပေး သူ့ပညာက လျော့မသွားပါဘူး။ ဒါပေမယ့် သူ့လက်ဖက်ရည်ဆိုင်ဘေးမယ့် သူ့တပည့်တစ်ယောက်က လာပြီး လက်ဖက်ရည်ဆိုင် ဖွင့်ခဲ့မယ် ဆိုရင်တော့ သူ့ဝင်ငွေ လျော့သွားနိုင်ပါတယ်။ ဒါကြောင့်ပဲ အသိပညာပိုင်ဆိုင်မှု Intellectual property (IP) တွေကို အခိုး မခံရအောင် Copyright, Patent, Trademarks စတဲ့ နည်းအမျိုးမျိုးတွေနဲ့ ကာကွယ် ကြရပါတော့တယ်။

ကုမ္ပဏီကြီးတွေ အတော်များများဟာ IP တွေကို ပိုင်ဆိုင်ထားကြပါတယ်။ ဒီ IP နဲ့ ကုမ္ပဏီတွေရဲ့ တန်ဖိုးကို ဖြတ်လာကြတော့ အရင်းရှင်စနစ်ရဲ့ သဘာဝအတိုင်း ဒီ IP တွေကို လက်ဦးမှုယူဖို့, လက်ဝါးကြီးအုပ်ဖို့ ကြိုးစားလာ ကြပါတယ်။ တစ်ချို့စိတ်ကူးလေးတွေဆိုရင် သိပ်ဆန်းဆန်းပြားပြား မဟုတ်ပေမယ့် အရင်လက်ဦးမှုယူပြီး Patent လုပ်တဲ့သူက လုပ်လိုက်ရင် ကျန်တဲ့သူတွေက ဒီစိတ်ကူးမျိုးလေးတွေကို (ခိုးယူတာမဟုတ်ဘဲ) ကိုယ်နည်းကိုယ်ဟန်နဲ့ အကြံတူ စဉ်းစားမိတာမျိုး ဖြစ်စေ အသုံးချခွင့် မရတော့ပါ။ ဟိုးရှေးကတော့ Leibniz နဲ့ Newton က Calculus သင်္ချာကို သူ အရင်ထွင်တယ်, ငါ အရင် ထွင်တယ်ငြင်းခုံခဲ့ ကြဖူးပေမယ့်၊ တရားရုံးမှာ အမှုရင်ဆိုင်ခဲ့ကြပုံ မပေါ်ပါဘူး။ IP တွေကို ဥပဒေအရ အကာအကွယ်ပေးခြင်းဟာ တစ်ဖက်စွန်းရောက်လာရင် မျိုးဆက်သစ်တွေရဲ့ တီထွင်ဖန်တီးမှုကိုတောင် အဟန့်အတားဖြစ်စေနိုင်ပါတယ်။ ဒါကြောင့် Patent တွေကို ထာဝရပိုင်ဆိုင်ခွင့် မပေးဘဲ၊ ဘယ်၍ ဘယ်မျှဆိုပြီး အချိန်ကာလတစ်ခု သတ်မှတ်ပေးကြရပါတယ်။ ဒီသတ်မှတ်ကာလ ကျော်သွားရင် ဘယ်သူယူ သုံးသုံးပေါ့။

၂၀၀၇-ခုနှစ်လောက်ကလည်း အမေရိကန်မှာ ယောဂကျင့်စဉ်တစ်ခုကို Patentလုပ်ဖို့တင်တဲ့ အတွက် အတော်လေး ဂယက်ရိုက် သွားခဲ့ ဖူးပါတယ်။ (အကယ်၍ ဘာသာတရား အဆုံးအမတွေကို ငွေကြေးနဲ့ တန်ဖိုးဖြတ် လဲလှယ်လာကြပြီး Patent လုပ်လာကြရင် အခက်)။ လူတစ်ဦးတစ်ယောက်ရဲ့ စဉ်းစားတီထွင်မှုရဲ့ အကျိုးခံစားခွင့်ကို တီထွင်ဖန်တီးသူက ရထိုက်တယ်ဆိုပေမယ့် စည်းဘောင်တစ်ခုတော့ ရှိဖို့ လိုလာပါတယ်။ အသိပညာပုဂ္ဂလိကပိုင်ဆိုင်မှုကို ဆန့်ကျင်ပြီး CopyLeft တို့, OpenSource တို့လို လှုပ်ရှားမှုတွေ ပေါ်လာကြပါတယ်။

အောက်ကဗီဒီယိုလေးနဲ့ http://blog.mises.org/11464/copying-is-not-theft-remixed-song-and-video/ မှာ အချေအတင် ဆွေးနွေးခဲ့ကြဖူးပါတယ်။



ကျွန်တော်ကတော့ (ပြတ်သားတဲ့ အမြင်မရှိသေးတဲ့သူပဲ ဆိုဆို) IP Socialist မဟုတ်သလို၊ IP Protectionist တစ်ယောက်လည်း မဟုတ်ပါဘူး။ ပညာခေတ်နဲ့ အရင်းရှင်စနစ်တို့ ပေါင်းဆုံမှုရဲ့ ပြဿနာတစ်ရပ်ကို ပြန်လည် တင်ပြခြင်း သက်သက်ပါ။

Leveraging

သားတို့ ကစားနေတဲ့ ကွန်ပြူတာဂိမ်းတွေ…ကလေးတွေ စွဲတာမပြောပါနဲ့ ကောင်းတာကို လို့ ဘေးကထိုင်ကြည့်နေရင်း
သူ့အဖေက “ဟုတ်တယ်…တော်တော် အချိန်တွေ ပေးပြီးလုပ်ထားရမှာ ဒါပေမဲ့ ရှေ့ကလုပ်ပြီးသား အခံပေါ်မှာ ဆက်လုပ်သွားရတာပေါ့လေ…အစက စ,ရမယ် ဆိုရင်တော့ ဘယ်လွယ်မလဲ
Leverage. လုပ်သွားရတာပေါ့…” တဲ့
“အဲ့ဒီအကြောင်း နည်းနည်းရေးပေး…”  ဆိုတော့

ပညာဆိုတာမျိုးက ရသမျှ တစတစ စုယူရတာ။ စုတယ်ဆိုတဲ့ နေရာမှာလည်း ဘိုးစဉ်ဘောင်ဆက်တွေရဲ့ အခန်းကဏ္ဍက အရေးပါတယ်ထင်ပါတယ်။ ပစ္စည်းဥစ္စာတောင်မှပဲ မိဘအမွေရတဲ့သူများဟာ မိဘအမွေမရဘဲ အစကနေစပြီး စီးပွားရှာရသူတွေနဲ့တော့ မတူပါဘူး။ ဒီလိုပဲ … မျိုးဆက်သစ်တွေက မိဘဘိုးဘွားတွေဆီက ပညာအမွေအနှစ်တွေကို လက်ခံမယူခဲ့ရင် အစကပြန်ပြန် စ နေရရင် အတော်နဲ့ ရှေ့တတ်ဖို့ မလွယ်ပါဘူး။

တခါက Newton ကို လူတွေက ချီးမွမ်းတော့ သူ့အရင်က ဆရာကြီးတွေရဲ့ ပုခုံးပေါ်ကတက်ကြည့်လို့ သူဝေးဝေး မြင်နိုင်တာပါလို့ ပြောခဲ့ဖူးတယ် (Copernicus, Kepler နဲ့ Galileo တို့သုံးဦးကို ဆိုလိုပါတယ်)။ ပညာသင်ကြားခြင်းဟာ ဘိုးဘွားဘီဘင်တွေဆီက အသိပညာတွေ အတွေ့အကြုံကို ယူလိုက်နိုင်မှ ပိုပြီး ရှေ့ရောက်နိုင်ပါတယ်။ နောက် Einstein ကလည်း Newton တို့ရဲ့ ပခုံးပေါ်က တက်ကြည့်ခဲ့ကြပြန်တယ်။ ဒီနောက် Stephen Hawking လည်း ဒီလိုပါဘဲ။ သူက ဟိုး… Copernicus က စလို့ Newton, Einstein တို့ထိ ရေးခဲ့, တွက်ခဲ့ကြတာတွေကို ပြန်စုပြီး “On the shoulder of Giants” ဆိုတဲ့ စာအုပ်တစ်အုပ် ရေးတယ်။ ဒီဘိုးတော်ကြီးတွေက အလကားပါ… “ကမ္ဘာက နေကို ပတ်တာ, ပန်းသီးကြွေတာ ကမ္ဘာက ဆွဲလို့” ဆိုတာလောက်ပဲ ရေးကြီးခွင်ကျယ် လုပ်ပြောနေခဲ့ကြတယ်။ သူတို့ ငါ့လောက် မသိခဲ့ကြရှာဘူးလို့ သဘောမထားဘဲ၊ ငါသူတို့ ပခုံးတွေပေါ်က ကြည့်ခဲ့လို့ ပိုမြင်တယ်လို့ သူတို့ရဲ့ လုပ်ဆောင်ချက်တွေကို တလေးတစား အသိအမှတ်ပြုတဲ့ အနေနဲ့ စာအုပ်ထုတ်တာပေါ့။ မျိုးဆက်သစ် ရူပဗေဒပညာရှင် တစ်ဦးက ဘိုးဘွားဘီဘင်တို့အပေါ် ကျေးဇူးဆပ်ခြင်းလို့လည်း ဆိုကောင်း ဆိုနိုင်ပါတယ်။

စင်္ကာပူမှာ လုပ်ခဲ့တဲ့ ပထမဦးဆုံးအကြိမ် စာပေဟောပြောပွဲ DVDကို ကိုဧရာ့သူငယ်ချင်းက လက်ဆင့်ကမ်းလို့ ကြည့်လိုက်ရပါတယ်။ ဆရာမ ဂျူးရဲ့ ကဏ္ဍမှာ ဆရာမက…

ပညာသင်ကြားရခြင်း၏ ရည်ရွယ်ချက် ၅ခုကို အတိုချုပ် ပြောသွားခဲ့ပါတယ်။

၁။ Education means career. ဘ၀နောင်ရေး စိတ်အေးရမည့် အသက်မွေးဝမ်းကျောင်း ပညာ
၂။ Education teaches how to think. တွေးဆ မျှော်မြင်တတ်တဲ့ အတတ်ကို ရလာအောင် သင်ကြားပေးသည်။
၃။ Education transmits civilization. လူ့ယဉ်ကျေးမှုအဆင့်ဆင့်တိုးတက်လာအောင် မျိုးဆက်တခုမှ တခုသို့ ဆင့်ကဲ ဖြစ်စဉ်နှင့် ပေါင်းစီး ပေးသည့်အရာ ဖြစ်သည်။
၎။ Education liberates individuals. ပညာသည် လူတဦးချင်းစီကို လွတ်မြောက်စေသည့် တွေးခေါ်မျှော်မြင်မှုကို ပေးနိုင်သည်။ 
၅။ Education teaches morality. လူကျင့်ဝတ်သိက္ခာ၊ ကိုယ်ကျင့်သီလကို ပညာက သင်ပေးသည်။

ပြောပြရဦးမည့် အဖြစ်တွေ... ဆိုပြီး မသီတာ ပညာတွေသင်ပြီး အသုံးမချနိုင်လို့ ငြီးတဲ့ပို့စ်ရေးတော့ မိတ်ဆွေ သူငယ်ချင်းတွေက ၀ိုင်းအားပေးကြလို့ ကျေးဇူးတင်ပါတယ်။

တကယ်တော့ မသီတာ အလုပ်မရှိလို့ လူရာမ၀င်မှာထက်၊ ပညာကို အသုံးမချနိုင်လို့ ဆရာမဂျူး ပြောသွားတဲ့ နံပါတ်(၃) အချက်က အုတ်တချပ်၊ သဲတပွင့်တွေ လျော့လျော့သွားမှာ စိုးတာပါ...

လောကလူ့ရွာ...

လောကလူ့ရွာ ပျင်းသူမှာ
ပညာဘယ်က ရအံ့နည်း။
ပညာမဲ့က လူ့အောက်ကျ
ဥစ္စာ ဘယ်တော့ရအံ့နည်း။
ဥစ္စာမွဲတေ ဆင်းရဲချေ
မိတ်ဆွေ ဘယ်တော့ရအံ့နည်း။
မိတ်ဆွေမရ လူ့ဘ၀
သုခ ဘယ်တော့ရအံ့နည်း။

သုခယွင်းယို ဆင်းရဲပို
ကုသိုလ် ဘယ်တော့ရအံ့နည်း။

ကုသိုလ်ကလျော့ သဒ္ဓါပျော့
နိဗ္ဗာန် ဘယ်တော့ ရအံ့နည်း။

နိဗ္ဗာန်မရ သံသာရ
ဒုက္ခဘယ်တော့ ဆုံးအံ့နည်း။

ယဉ်ကျေးမှုသင်တန်းတက်နေတဲ့ ရေစင်၊ ကျောင်းက ဆရာတော် (လောကနီတိမှ)သင်ပေးလိုက်တာကို အိမ်မှာ ပြန်ဆိုနေတာပါ။

မိုးထစ်ချုန်းခြင်းနဲ့ ပတ်သက်၍

မိုးလေးညိုလာရင် ပို့စ်မှာ မိုးခြိမ်းတာ၊ မိုးကြိုးပစ်တာကို အလွန်ကြောက်ရွံကြောင်း ရေးခဲ့ပါတယ်။ စင်္ကာပူမှာကလည်း အိမ်ထဲ ထိုင်နေရင်းကို မိုးကြိုးက အိမ်ထဲပဲ ၀င်ပစ်တော့မလိုလို ဟိန်းသံဟောက်သံက ကြောက်မခန်းလိလိပါ။ မိုးခြိမ်းရင် မေ့ရဲ့ရင်မှာ ကြောက်စိတ်တွေ ၀င်မိတယ်...ဆိုတဲ့ ကိုင်ဇာရဲ့ "မနိုးပါစေနဲ့ မိုးရယ်" သီချင်းထဲက စာသားလေးလို…
မိုးခြိမ်းသံတွေဟာ ထိပ်လန့်စရာကောင်းတာ မှန်ပေမယ့် လျှပ်စီးလက်ခြင်းကြောင့် လေထုကို ionization ဖြစ်စေပါတယ်။ သဘာဝရဲ့ လေသန့်စင်ဖြစ်စဉ်လို့တောင် ခေါ်လို့ရပါတယ်။ ionized air က လူတွေရဲ့ စိတ်ကို ပေါ့ပါး လန်းဆန်းစေတယ်။ ငြိမ်သက်စေပါတယ်။

မိုးကြိုးထစ်ချုန်းပြီး လျှပ်စီးတွေလက်နေရင် အလွန်အင်အားကြီးတဲ့ လျှပ်စစ် စက်ကွင်းတွေကြောင့် လေထုထဲမှာရှိတဲ့ အောက်စီဂျင်တွေက အမဓာတ်ရှိတဲ့ အိုင်ယွန် - Negative ionizationတွေ ဖြစ်သွားကြပါတယ်။

တကယ်တော့ လျှပ်စီးလက်တာတင်မကပါဘူး။ သမုဒ္ဒရာထဲက လှိုင်းလုံးကြီးတွေ,
သစ်တောတွေကို ဖြတ်တိုက်လာတဲ့ လေညှင်းနုနုလေးတွေ,
ခွန်အားနဲ့ စီးဆင်းနေတဲ့ ရေတံခွန်ကြီးတွေကလည်း
Ionization ကိုဖြစ်စေပါတယ်။

ဒီလို Ionize ဖြစ်နေတဲ့ လေကို ရှုရှိုက်တာဟာ သာမန်လေထက် ပိုပြီး လူ့စိတ်ကို လန်းဆန်းစေတယ်။ စိတ်လက် ပင်ပန်းနောက်ကြည့်မှုကို ပယ်ဖျောက် ပေးနိုင်တယ်။ သွေးထဲမှာ အောက်စီဂျင်ဓာတ် ပိုရစေတယ်။ ခန္ဓာကိုယ်ထဲမှာ ရှိတဲ့ အဆိပ်အတောက် အညစ်အကြေးတွေကိုလည်း ပိုပြီး ဖယ်ရှားပေးနိုင်လို့ လူကို ပိုပြီး နုပျိုစေတယ်။

တကယ်တော့ ခန္ဓာကိုယ်ထဲက အညစ်အကြေးတွေကိုသာ ဖယ်ရှားတာမဟုတ်ပါဘူး။ လေထုထဲမှာ မျောပါနေတဲ့ ဖုံမှုန့်တွေ, မကောင်းတဲ့ အနံ့အသက်တွေ, ရောဂါပိုးမွှားတွေကိုလည်း အနည်ထိုင်သလို အောက်ကို ကျသွားစေပါတယ်။

အခုတော့လည်း မိုးခြိမ်းသံကြားရင်... ကြောက်စိတ်တွေကြားက ကမ္ဘာကြီးရဲ့ တနေရာမှာတော့ ကောင်းတာတွေ ဖြစ်နေပြီ လို့ စိတ်ညွှတ်ရင်း...

image source:

အော်…ကောင်းဆိုး နှစ်တန် အစုံတွဲလို့ တလဲစီလှည့် အမြဲနေ…
ကိုဧရာက အချက်အလက်တွေ ရှာဖွေစုဆောင်းပေးပါတယ်။
အော်…အစုံတွဲရမယ် ဆိုရင် သူမပါလို့ မဖြစ်ဘူးလေ…
 

ပြောပြရဦးမည့် အဖြစ်တွေ…(၂)

အလုပ်မရှိ အကိုင်မရှိနဲ့ ကျမဘ၀က သိပ် မျက်နှာငယ်တာပဲ…။ လူရာ မ၀င်ဘူး…။ ဘာအဓိပ္ပါယ်မှ မရှိဘူး…။
မသီတာ စိတ်ဖောက်လာတိုင်း ကိုဧရာကို ပစ်လွှတ် တိုက်ခိုက်တဲ့ စကားလုံးတွေပါ။
ကိုဧရာလည်း သူ့ဆွဲကိုင်ထားတဲ့ မူဝါဒတွေနဲ့ မလွတ်တမ်း ခုခံ ငြင်းဆိုပါတယ်။ အခုတော့ သူ့ဘက်မှာ စစ်ကူတွေတောင် ရနေပါပြီ…။ အခြားသူတွေ ဟုတ်ရိုးလား။ ရေချမ်းနဲ့ ရေစင်ပဲပေါ့။

တခါတော့ မသီတာလည်း နှစ်ယောက်ထဲရှိတုန်း နေရာမရွေး လျှပ်တပြက်တိုက်တယ်ပဲ ဆိုမလား...ဘတ်စ်ကား ဂိတ်ကြီးမှာ ကောက်ခါငင်ခါ
“ကျုပ် ဒီမှာ နေရတာ ဘာမှ အဓိပ္ပါယ်မရှိဘူး ရန်ကုန်ပြန်မယ်” လို့ စတိုက်ပါတော့တယ်။ ကိုဧရာက
“မဖြစ်ပါဘူး” သူ့စတိုင် အတိုင်း အေးအေးဆေးဆေးနဲ့  
“ဘာလို့ မဖြစ်တာတုန်း”

“သီတာပဲ စဉ်းစားကြည့်လေ အဓိပ္ပါယ်ရှိသလားလို့”

“အဓိပ္ပါယ်မရှိလို့ အဓိပ္ပါယ်ရှိအောင်လုပ်ရမှာလေ”

“ဟိုနေ့ကပဲ သားငယ်က ပြောနေသေးတယ်”

“ဘာပြောလို့လဲ”

“ဓာတ်လှေကားနားမှာပါ။ အိမ်နားက ကောင်လေးက နှုတ်ဆက်တယ်။ ‘အန်တီ့ကို အောက်မှာ တွေ့လိုက်တယ်’ တဲ့”

“အော် ကျမနဲ့ သားကြီး အယင် ဆင်းသွားတော့လား…ဟုတ်တယ်လေ တွေ့လိုက်တယ်”

“အဲ့ဒီတော့ ကို က ‘အော် my wife’ လို့ ပြောလိုက်ပြီး၊ ဓာတ်လှေကားထဲရောက်တော့ သားငယ်က

ဖေဖေကလည်း my wife မဟုတ်ပါဘူး။ my wife ဆိုရင် ဖေဖေတယောက်ထဲ wife ဖြစ်နေမှာပေါ့။ housewife ပါ တဲ့
...
...

အလုပ်မရှိဘူး။ အလုပ် မရှိဘူး မပြောစမ်းပါနဲ့။ housewife က အလုပ်ပေါ့ 

ဒီပို့စ်နဲ့ ချိတ်ထားတယ်။ Occupation

Housewife မသီတာ ဘလော့ဂ်လည်း ရေးသည်ပေါ့။
ဟိုညက “စာရေးဦးမယ် အေ” ဆိုတော့၊ ကိုဧရာက “ရေး..ရေး” တဲ့
ကွန်ပြူတာရှေ့ထိုင်ပြီး
“ဒီမှာ ရှင်ဖွင့်ထားတဲ့ ဖိုင်တွေက”
“ပိတ်လိုက် ပိတ်လိုက် ရတယ်။” ထုံးစံ အတိုင်း သူ့ စာအုပ်က မျက်နှာမခွာပဲ ပြောတယ်။
ကီးဘုတ်မှာ ခလုတ်လေးတွေနှိပ်လို့ ခဏနေတော့ “ကျမ ပါးစပ်က ခေါ်ပေးမယ်.. ရှင် လိုက်ရေးပေး”
“အမလေးဗျာ…တကယ့် ဆရာကြီးတွေ ကျနေတာပဲ… ဟိုတယ်မှာ သွားမရေးလို့ တော်သေး” တဲ့
း)))

ပြောပြရဦးမည့် အဖြစ်တွေ…

“မသီတာ ငယ်ဘ၀က ပျော်စရာကြီးနော်”
“အမဘ၀က အေးချမ်းလိုက်တာ…” လို့ မိတ်ဆွေ၊ သူငယ်ချင်းတွေက ပြောတတ်ကြပါတယ်။

ကောင်းတာတွေချည်း ရှေ့တန်းတင်ထားလို့ပါ… မကောင်းတာတွေလည်း ရှိပါတယ်။
ဘ၀ဆိုတာ ဒဂုံဦးထွန်းမြင့်ရဲ့ မင်္ဂလာကဗျာ ထဲက “ကောင်းဆိုးနှစ်တန် အစုံတွဲလို့ တလဲစီလှည့် အမြဲနေ” ဆိုတဲ့ စာသားလေးလိုပါ။

မသီတာ လက်ရှိ အခြေအနေက ကြောင့်ကြစရာ သိပ်မရှိတော့ နတ်ပြည်လေတိုက်နေသလိုလို၊ တဖက်ကလည်း စိတ်သွားတိုင်း ကိုယ်မပါတဲ့အခါ “အော် င့ါဘ၀နှယ် အကျယ်ချုပ် ကျခံနေရသလိုပါလား” လို့ တွေးမိပြန်ပါရော… အစွန်းနှစ်ဖက် ပြေးသွားနေပုံများ။

“ထိုက်တန်တဲ့ ရင်းနှီးမှုတော့ ရှိရမယ်
မယုတ်မလွန်တဲ့ ကြိုးစားမှုတော့ စိုက်ရမယ်
နတ်စီတဲ့ အိပ်မက် လှလှများ လွယ်လွယ်နဲ့ မရ” ဆိုတဲ့ သီချင်းစာသားလေးက ဘယ်ခေါင်းစဉ်အောက်မှာမဆို မှန်ပါတယ်။

မသီတာ အင်ဂျင်နီယာ ပညာရပ်ကို အခြေအနေအရ ဆယ်နှစ်နီးပါး သင်ကြားခဲ့ရပါတယ်။ ဒါပေမဲ့ အင်ဂျင်နီယာ မဖြစ်ခဲ့ပါဘူး။ ဘယ်တုန်းကမှ မဖြစ်ချင်ခဲ့တဲ့ အင်ဂျင်နီယာ၊ ဘယ်တော့မှလည်း မဖြစ်တော့ပါဘူး လို့ သိရတဲ့ ခုချိန်မှာ နောင်တ ဖြစ်မိပါတယ်။

(၁)
လွန်ခဲ့တဲ့ လေးငါးနှစ် မသီတာ ရန်ကုန်ပြန်တုန်းကပေါ့ …

မသီတာ ရောက်တယ်ကြားတော့ နယ်က အဖေတို့မိတ်ဆွေအမကြီး အိမ်လာလည်တယ်။ သူ့သမီးလေးကလည်း အင်ဂျင်နီယာ ဘာသာရပ်နဲ့ပဲ ကျောင်းပြီးကာစ ဆိုတော့ သူ့သမီးလေးကို စင်္ကာပူ လွှတ်ဖို့အတွက် ဘာတွေ ပြင်ဆင်ရမလဲ မေးချင်လို့ပါတဲ့…။ ဖြစ်ချင်တော့ မသီတာတို့က မန္တလေးကို တက်သွားနေတဲ့အချိန်၊ သူလာတဲ့ နေ့ ညမိုးချုပ်မှ မန္တလေးက ပြန်ရောက်တာမို့ လွဲသွားကြတယ်။

အဲ့ဒီအလွဲဟာ မသီတာအတွက် အနာတခု ဖြစ်ကျန်ခဲ့တာပါပဲ…

နောက်တနေ့ မကြီးက “နင်နဲ့ တွေ့ချင်လို့တဲ့ မနေ့က မမလှတို့လာတယ်… အဖေနဲ့ပဲတွေ့သွားတယ်… အဖေ ဘာတွေပြောလိုက်တယ် မသိပါဘူး…” လို့ မျက်နှာမသာမယာနဲ့ ပြောလာတော့
အဖေ့ အခန်းထဲသွားပြီး…
“အဖေ မမလှတို့ လာတယ်ဆို”
“အေးလေ.. သူ့သမီးလေးလည်းပါတယ်…စင်္ကာပူ သွားချင်လို့ ဘာတွေလုပ်ရမလဲ လာမေးတာ တဲ့”
“အဖေ ဘာပြောလိုက်တုန်း”
“ငါလည်း အေး သီတာ ဘာတွေလုပ်တယ်တော့ မသိဘူး… ဟိုနားမှာတော့ အိမ်ဖော်သွားလုပ်တဲ့ ကောင်မလေးတွေ ပို့ပေးနေတာရှိတယ်.. အဲ့ဒါတော့ သိတယ် လို့ ပြောလိုက်တယ်။”
“ဟာ အဖေ ဒါတော့ မှားပြီ… ဒါတော့ အဖေ မှားသွားပြီ… အဲ့သလိုပဲ ပြောလိုက်ရလား အဖေရယ်… သူ့သမီးကို ချိုးနှိမ်ပြီး ပြောလိုက်တယ် ထင်သွားရင်တော့ အခက်ပဲ”
“မထင်ပါဘူး... ငါလည်း ငါသိတာ ငါ ရိုးရိုးသားသား ပြောလိုက်တာပဲ” တဲ့
ဟုတ်ပါတယ်။ အဖေက သူသိတာကို သိတယ်၊ မသိတာကို မသိဘူး လို့ ရိုးသားစွာ ပြောလိုက်တာပါ။ တမိပေါက်တယောက်ထွန်း အင်ဂျင်နီယာဘာသာကို သင်ကြားခွင့်ရခဲ့တဲ့ ကျမကိုယ်တိုင်ကသာ ကိုယ့်မိသားစု ကိုယ့်ပတ်ဝန်းကျင်အသိုင်းအ၀ိုင်းကိုမှ ကိုယ်နဲ့ သက်ဆိုင်တဲ့ ကဏ္ဍလေးကိုတောင် အသိပညာ ဝေငှနိုင်လောက်အောင် ဒီတသက်တော့ မစွမ်းသာတော့ပြီလို့ ရင်ထဲမှာ ဖြစ်လိုက်ရတဲ့ ဝေဒနာက သေရာပါ။

*****

(၂)
“အင်ဂျင်နီယာ မဖြစ်ပေမဲ့ အင်ဂျင်နီယာကတော်တော့ ဖြစ်ပါတယ်” ဆိုတာလို ကလေးဆန်တဲ့ ကြွားလုံးမျိုးနဲ့ အစပျိုးပြီး အနာပေါ် တုတ်ကျတဲ့ အဖြစ်လေး ပြန်ပြောပါရစေဦး

မသီတာ အလုပ်တခုခု လုပ်တော့မယ် ဆိုရင် ထုံးစံအတိုင်း အိမ်ဦးနတ်ကို တိုင်ပင်ရပါတယ်။
“ဘာအလုပ်မျိုးလဲ၊ ဘာလုပ်ရမှာလဲ၊ ဘယ်လောက်ရမှာလဲ…” ဒါတွေကတော့ မပြောမဖြစ်တဲ့ အချက်တွေ…။
တခါတော့ အင်ဂျင်နီယာအလုပ် မလုပ်နိုင်တဲ့ မသီတာ၊ အရောင်းစာရေး လုပ်ဖို့ကိစ္စကို အခြေအတင် ဆွေးနွေးကြပါတယ်။
သူက “သီတာ့ကို ကိုယ် မပြောဘူး။ ဘာမှ မပြောဘူး။ သီတာက လုပ်ချင်တယ်။ လုပ်သင့်တယ် ထင်ရင် သွားလုပ်။ ဒါပေမဲ့ တခုတော့ပြောမယ် ကိုယ်လုပ်တဲ့ အလုပ်က အိမ်ဖော်တယောက် ထားနိုင်လောက်တဲ့ ၀င်ငွေတော့ အနည်းဆုံး ဖြစ်သင့်တယ်” တဲ့…။ ကလေးနှစ်ယောက်ကို အချိန်ပြည့် ထိန်းကျောင်းနေရတဲ့ မသီတာကို သူ အမှန်အတိုင်း သုံးသပ်ပြလိုက်တာ ဖြစ်မှာပါ။
“သီတာ့ကို အလုပ်မရှိဘူးလို့ ကိုယ် ဘယ်တုန်းကမှ ထင်မထားဘူး။ မြင်မထားဘူး” လို့ သူ့စကားကို အဖတ်ဆယ်သလို တဆက်တည်း ပြောပါသေးတယ်။ မသီတာ ဘာ စကားမှ ဆက်မပြောနိုင်တော့ပါဘူး။
နောက်တနေ့မှာတော့ အဲ့ဒီအလုပ်ကို မလုပ်တော့ပါဘူးလို့ ဆုံးဖြတ်ချက်ချပြီး သူသိအောင်ကြေငြာလိုက်တဲ့ အခါ…
“အင်း ကောင်းတယ်။ ပျော်ပျော်နေစမ်းပါ…” လို့ သူဆိုလာတော့

လမင်းမိုမိုရဲ့ နာမည်ကျော် “မောင်” ၀တ္တုထဲက
“…မင်း ငါ့မိန်းမ ဖြစ်သွားပြီ
အဲ့ဒီတော့ မင်း ဒီအိမ်မှာ အငြိမ့်သားနေပါ။ အခန့်သား စားပါ။
ဖြစ်ချင်တာကို လုပ်ပါ။ လိုချင်တာကို ၀ယ်ပါ။
မင်းတို့ ပြောတဲ့ မတောင့်မတ မကြောင့်မကြ.. တင့်တောင်းတင့်တယ် အခြေအနေမှာ မင်းကို ငါထားမယ်” ဆိုတဲ့ မာနကြီးတဲ့ စပ်နေဗလရဲ့ အသံကို ကြားယောင်မိတယ်…။
*****
ဒီအကြောင်းတွေက…
အမဘ၀က အေးချမ်းလိုက်တာ အားကျတယ် လို့ ပြောတဲ့ ညီမလေးတွေ…

အင်ဂျင်နီယာအလုပ်နဲ့ အိမ်ထောင်ရှင်မ ဆိုတာ တော်တော် ဆက်စပ်ဖို့ ခက်တာပဲလို့ ပြောတဲ့ အင်ဂျင်နီယာဘွဲ့ရအမကြီးတွေ...ကို တနေ့ကျရင် ပြောပြရဦးမည့် ဘလော့ဂ်ဂါ မသီတာရဲ့ အဖြစ်တွေ…


ကိုဧရာကို ခဲနဲ့ လာမပေါက်ကြနဲ့ဦးနော်
စာရေးဆရာမကြီးတွေကို အားကျလို့ ရေးကြည့်တာပါ။

ကမ္မဿကတ (၃) - ကံ၏ အမွေဆက်ခံခြင်းနှင့် တရား အမွေဆက်ခံခြင်း

ဆက်စပ်ဖတ်ရန် -
တာဝန်
ကမ္မဿကတ
ကမ္မဿကတ(၂) - ကံ၏ အမွေဆက်ခံခြင်း

“ကမ္မဿကောမှိ, ကမ္မဒါယာဒေါ ကမ္မယောနိ ကမ္မဗန္ဓု ကမ္မပဋိသရဏော။ ယံ ကမ္မံ ကရိဿာမိ - ကလျာဏံ ၀ါ ပါပကံ ၀ါ - တဿ ဒါယာဒေါ ဘ၀ိဿာမီ” တိ အဘိဏှံ ပစ္စဝေက္ခိတဗ္ဗံ ဣတ္ထိယာ ၀ါ ပုရိသေန ၀ါ ဂဟေဋ္ဌေန ၀ါ ပဗ္ဗဇိတေန၀ါ။ (အံ-၅-၅၇၊ အင်္ဂုတ္တရနိကာယ်-ပဉ္စကနိပါတ်-နီဝရဏ၀ဂ်-အဘိဏှသုတ်)

“ငါသည် မိမိပြုသော ကံ၏ ပိုင်ရှင်ဖြစ်၏။ ကံ၏ အမွေခံဖြစ်၏။ ကံ အကြောင်းရင်း ရှိ၏။ ကံသည် ဆွေမျိုး ဖြစ်၏။ ကံသည် အားကိုးရာ ဖြစ်၏။ ကောင်းသည်ဖြစ်စေ, ဆိုးသည်ဖြစ်စေ မိမိပြုသော ကံ၏ အမွေကို ဆက်ခံရလိမ့်မည်” ဟူ၍ မိန်းမဖြစ်စေ, ယောက်ျားဖြစ်စေ, လူဖြစ်စေ, ရဟန်းဖြစ်စေ အမြဲမပြတ် ဆင်ခြင်အပ်၏။

“မိမိတို့ ပြုသောအမှုများအား မိမိတို့ ပိုင်ဆိုင်သည်၊ မိမိတို့တွင် တာဝန်ရှိသည်၊ မိမိတို့ပြုသော အမှု၏ ကောင်းမွေ, ဆိုးမွေကို ခံယူကြရမည်…” စသဖြင့် အမြဲမပြတ် ဆင်ခြင်အပ်ကြောင်း ဘုရားရှင်က အဘိဏှသုတ်တွင် ဟောကြားထားသည်။ ထိုသို့ ဆင်ခြင်ခြင်းအားဖြင့် မိမိတို့ ကိုယ်, နှုတ်, စိတ်တို့ဖြင့် ပြုလုပ်သော မကောင်းမှု ဒုစရိုက်တရားများအား လုံးဝမူလည်း ပယ်ဖျောက်နိုင်သည်။  လျော့ပါးခြင်းမူလည်း ဖြစ်စေနိုင်သည်။ (သဗ္ဗသော ၀ါ ဒုစရိတံ ပဟီယတိ တနု ၀ါ ပန ဟောတိ)

****
မိမိတို့ ကိုယ်, နှုတ်, စိတ်တို့ဖြင့် ပြုလုပ်သော ဒုစရိုက်တရားများ ခေါင်းပါး, ပပျောက်စေရန် မည်သို့ ကျင့်ကြံရမည်ဟူသော နည်းလမ်းအား ၇-နှစ်သားအရွယ် သားတော်အရှင်ရာဟုလာအား ဟောကြားခဲ့ဖူးပါသည်။

တစ်စုံတစ်ခုသော အမူအား မပြုလုပ်မီဖြစ်စေ, ပြုလုပ်ဆဲဖြစ်စေ, ပြုလုပ်ပြီးဖြစ်စေ “ဤအမှုသည် မိမိအား ထိခိုက်စေနိုင်သလော, သူတစ်ပါးအား ထိခိုက်စေနိုင်သလော, နှစ်ဦးစလုံးအား ထိခိုက်စေနိုင်သလော” ဟု ကြည့်ရှု ဆင်ခြင်ရမည်။ အကယ်၍ “မိမိအား ဖြစ်စေ, သူတစ်ပါးအား ဖြစ်စေ, နှစ်ဦးစလုံးအား ဖြစ်စေ ထိခိုက်စေနိုင်သည့် မကောင်းသော အမှုဖြစ်သည်” ဟု သိပါက မပြုရသေးလျှင် မပြုသင့်။ ပြုဆဲဖြစ်ပါက ရပ်တန့် ရုပ်သိမ်းရမည်။ ပြုပြီးဖြစ်ပါက မိမိသည် ဤအမှုအား ကျုးလွန်မိပါသည်ဟု ဆရာထံဖြစ်စေ, ပညာရှိ သူတော်ကောင်း မိတ်ဆွေတို့ထံ ဖြစ်စေ ဖွင့်ဟ၀န်ခံ၍ နောင်တွင် မကျုးလွန်မိစေရန် စောင့်ထိန်းရသည်။ အကယ်၍ မိမိ, သူတစ်ပါးတို့အား မထိခိုက်စေသည့် ကောင်းသော အမှုဖြစ်ပါက မပြုရသေးလျှင် ပြုထိုက်၏။ ပြုဆဲဖြစ်ပါက ဆက်လက် အားထုတ်ရသည်။ ပြုပြီးဖြစ်လျှင် နှစ်သက် ၀မ်းမြောက်ခြင်းဖြစ်ကာ ထိုကုသိုလ်တရားတို့ နေ့ညမပြတ် ပွားများစေရမည်။ ဤကား အသက် ငယ်ရွယ်သေးသော သားတော်ရာဟုလာ နားလည်စေရန် ရိုးရှင်းစွာ ဟောကြားခဲ့သည့် အမ္ဗလဋ္ဌိကရာလောဝါဒသုတ်၏ အနှစ်ချုပ်ပင် ဖြစ်သည်။

ကမ္မဿကတ(၂) - ကံ၏ အမွေဆက်ခံခြင်း

ဆက်စပ်ဖတ်ရန် - တာဝန်, ကမ္မဿကတ

ကမ္မ (ကံ) ဟူသည် တိုက်ရိုက် အဓိပ္ပါယ်အားဖြင့် “အလုပ်, အမှု” ဟုအဓိပ္ပါယ်ရသည်။ သို့သော် မိမိတို့ ကိုးကွယ်ယုံကြည်ရာ ဘာသာအယူဝါဒတို့အလိုက် ကံတရားအား နားလည်သော အမြင်များ ပြောင်းလဲနေပါသည်။ ဗုဒ္ဓပွင့်ထွန်းသောကာလတွင် ဗြာဟ္မဏတို့၏ ဝေဒကျမ်းများ၏ လွှမ်းမိုးမှုအရ ကံဟူသည် ယဇ်ပူဇော်ပသခြင်း အမှုကိစ္စများအဖြစ် လက်ခံကြသူများ ရှိသည်။ ဂျိန်းဘာသာ ကိုးကွယ်သူများက ကံဟူသည် မိမိတို့ ပြုခဲ့သမျှ မိမိတို့၏ ၀ိညာဉ်တွင် ကပ်ငြိပါလာသော အညစ်အကြေး အဖြစ် ခံယူကြသည်။ အချို့ရုပ်ဝါဒီတို့ကမူ မိမိတို့ ပြုမူသော အပြုအမူများ၏ အကောင်း အဆိုးကို လက်မခံ ပစ်ပယ်ကြသည်။

ဗုဒ္ဓပွင့်ထွန်းလာသည့် ခေတ်ကာလ၌ လူတို့သည် အမျိုးဇာတ်ကို အလွန်ရေးပေးသော ကာလဖြစ်သည်။ ဗြာဟ္မဏမျိုးတွင် ဖွားမြင်သူသည် ဗြာဟ္မဏဖြစ်သည်။ ဒွန်းစဏ္ဍားမျိုးတွင် ဖွားမြင်သူသည် ဒွန်းစဏ္ဍားဖြစ်သည်။ ကုန်သည်မျိုးတွင် ဖွားမြင်သူသည် ကုန်သည်အလုပ်ဖြင့် အသက်မွေးကြသည်။ တနည်းအားဖြင့် မိမိတို့၏ အသက်မွေးမှုနှင့် လူမှုရေးအဆင့်အတန်းသည် မိဘမျိုးရိုးစဉ်ဆက်အား အမွေဆက်ခံရသော ခေတ်ကာလဟု ဆိုနိုင်သည်။ သုတ္တနိပါတ်နှင့် မဇ္ဈိမနိကာယ်မှ ၀ါသေဋ္ဌသုတ်တွင် “အမျိုးဇာတ်ကြောင့် ဗြာဟ္မဏ ဖြစ်ပါသလော, ကံကြောင့် ဗြာဟ္မဏ ဖြစ်ပါသလော” ဟူသည့် အငြင်းပွားနေသော ပြဿနာအား မေးလျှောက်ရာ ဗုဒ္ဓက မြက်သစ်ပင် အမျိုးမျိုး, ငှက် အမျိုးမျိုး, ကုန်းသတ္တ၀ါ အမျိုးမျိုး, ရေသတ္တ၀ါ အမျိုးမျိုးတို့၏ အသွင်အပြင်ကွဲပြားခြင်းသည် အမျိုးဇာတ်ကြောင့် ကွဲပြားသည် ဖြစ်၏။ သို့သော် လူအမျိုးမျိုးတို့ ကွဲပြားခြင်းသည်ကား မျက်မှောက်ဘ၀တွင် မိမိတို့ ရွေးချယ်ပြုလုပ်သော အလုပ်ပေါ် မူတည်၍ လယ်သမား, ကုန်သည်စသဖြင့် ကွဲပြားခြင်း ဖြစ်၏။ ထိုသို့ သိမြင်ခြင်းသည် ကံ-ကံ၏ အကျိုးအား သိမြင်ခြင်းဖြစ်သည်ဟု ဟောကြားထားပါသည်။

ကဿကော ကမ္မုနာ ဟောတိ၊ သိပ္ပိကော ဟောတိ ကမ္မုနာ။
ဝါဏိဇော ကမ္မုနာ ဟောတိ၊ ပေဿိကော ဟောတိ ကမ္မုနာ။
စောရောပိ ကမ္မုနာ ဟောတိ၊ ယောဓာဇီဝေါပိ ကမ္မုနာ။
ယာဇကော ကမ္မုနာ ဟောတိ၊ ရာဇာပိ ဟောတိ ကမ္မုနာ။
ဧ၀မေတံ ယထာဘူတံ၊ ကမ္မံဝိပါကကောဝိဒါ။
ပဋိစ္စသမုပ္ပါဒဒဿာ၊ ကမ္မကောဝိဒါ။ (မ-၂-၄၆၀၊ မဇ္ဈိမနိကာယ်-မဇ္ဈိမပဏ္ဏာသ-ဗြာဟ္မဏ၀ဂ်-၀ါသေဋ္ဌသုတ်)

အလုပ်ဖြင့် လယ်သမား ဖြစ်၏။ အလုပ်ဖြင့် လက်မှုပညာသည် ဖြစ်၏။
အလုပ်ဖြင့် ကုန်သည် ဖြစ်၏။ အလုပ်ဖြင့် အစေခံ ဖြစ်၏။
အလုပ်ဖြင့် သူခိုး ဖြစ်၏။ အလုပ်ဖြင့် စစ်သား ဖြစ်၏။
အလုပ်ဖြင့် ယဇ်ပူဇော်သူ ဖြစ်၏။ အလုပ်ဖြင့် မင်းဖြစ်၏။
ပဋိစ္စသမုပ္ပါဒ်ကို သိမြင်၍၊ ကံ, ကံ၏ အကျိုး၌ လိမ္မာကုန်သော ပညာရှိသည်
ဤသို့ ဟုတ်တိုင်းမှန်စွာ ကံကို သိ၏။

ဤသုတ်တွင် ကံ၏ အဓိပ္ပါယ်အား အလွန်ရိုးရှင်း၍ အခြေခံကျသော “ပြုလုပ်သော အလုပ်, အမှု” ဟူသည့် မူရင်းအဓိပ္ပါယ်ကို ပြန်လည်ဖော်ထုတ်ကာ ထိုခေတ်၏ ဇာတ်ခွဲခြားမှုစနစ်ကို ဆန့်ကျင်လိုက်ခြင်း ဖြစ်သည်။ လူတို့သည် မိမိတို့ ပြုသောအမှုတို့ကို (ကံတို့ကို) အမွေဆက်ခံကြရသည်ဟု ဟောကြားခဲ့ခြင်း ဖြစ်သည်။

****

ကမ္မဿကာ, မာဏ၀, သတ္တာ ကမ္မဒါယာဒါ ကမ္မယောနီ ကမ္မဗန္ဓူ ကမ္မပဋိသရဏာ။ ကမ္မံ သတ္တေ ၀ိဘဇတိ ယဒိဒံ - ဟီနပ္ပဏီတတာယာတိ။ (မ-၃-၂၈၉၊ မဇ္ဈိမနိကာယ-ဥပရိပဏ္ဏာသ-၀ိင်္ဘဂ၀ဂ်-စူဠကမ္မ၀ိဘင်္ဂသုတ်)

လုလင်… သတ္တ၀ါတို့သည် မိမိပြုသော ကံ၏ ပိုင်ရှင် ဖြစ်ကုန်၏။ ကံ၏ အမွေခံဖြစ်ကုန်၏။ ကံ အကြောင်းရင်း ရှိကုန်၏။ ကံသည် ဆွေမျိုး ဖြစ်ကုန်၏။ ကံသည် အားကိုးရာ ဖြစ်ကုန်၏။ ကံကြောင့် သတ္တ၀ါတို့သည် အယုတ် အမြတ် ကွဲပြားကြရသည်။

“ကံ၏ အမွေဆက်ခံကြရသည်” ဆိုရာတွင် မျက်မှောက်ဘ၀တွင် မိမိတို့ ရွေးချယ် ပြုလုပ်သော ကံတို့၏ အမွေကို ဆက်ခံကြရခြင်းမျှကိုသာ ဆိုလိုသည်မဟုတ်။ ချမ်းသာသော အမျိုးတွင် ဖွားမြင်ခြင်း, စစ်မက်ဖြစ်ပွားနေသော နိုင်ငံများတွင် မွေးဖွားလာခြင်းတို့သည် (မျက်မှောက်ဘ၀တွင်) မိမိတို့ ရွေးချယ်လိုက်ခြင်း မဟုတ်။ ပစ္စုပ္ပန်ကံများ၏ အမွေခံခြင်းလည်း မဟုတ်။ အတိက်ဘ၀က ပြုခဲ့သော ကံတို့၏ အမွေဆက်ခံရခြင်း ဖြစ်သည်။ လူချင်း တူပါလျှက် အသက်ရှည်ခြင်း, တိုခြင်း, အနာရောဂါထူခြင်း, ကျန်းမာခြင်းစသဖြင့် အမျိုးမျိုး ကွဲပြားရခြင်း၏ အကြောင်းရင်းကို မေးလျောက်သောအခါ ဘုရားရှင်သည် ကံကြောင့် သတ္တ၀ါတို့ အယုတ်အမြတ် ကွဲပြားရခြင်းဖြစ်သည်ဟု ဖြေကြားခဲ့သည်။ သူတစ်ပါး အသက်အား သတ်သူသည် သေလွန်သော် အပါယ်ကျရသည်။ အကယ်၍ အပါယ်မကျဘဲ လူအဖြစ်ရောက်ရှိပါကလည်း အသက်တို ရ၏။ ဤသို့ပင် အတိတ်က ပြုလုပ်ခဲ့သော အကောင်းအဆိုး ကံများ၏ အမွေကိုလည်း ခံယူကြသည်။ ထို့ကြောင့် “ကံ၏ အမွေဆက်ခံခြင်း” သည် အတိတ်ကံ အဟောင်းများနှင့် ပစ္စုပ္ပန် ကံ အသစ်များ၏ အမွေကို ဆက်ခံရခြင်းဖြစ်သည်။

အကယ်၍ မျက်မှောက်ဘ၀တွင် မိမိတို့ ရွေးချယ် ပြုလုပ်သော ကံများက မိမိတို့၏ ဘ၀ကို ပြဋ္ဌာန်းနေသည်ဟု ဆိုလျှင် မိမိတို့၏ လုပ်ဆောင်ချက်များအတွက် မျက်နှာသာပေး, မပေးဟူသော အခွင့်အလမ်းများ, အကန့်အသတ်ပြုနေသော အခြေအနေများသည် အတိတ်ကံများ၏ အကျိုးဆက်များ ဖြစ်သည်။ ထို့အတူပင် မိမိတို့၏ ယနေ့ လုပ်ဆောင်ချက်များသည်လည်း အနာဂတ်အတွက် အခြေနေ, အခွင့်အလမ်းများကို ဖန်တီးနေခြင်းပင် ဖြစ်သည်။

90/10 Principle

Discover this 90/10 Principle.
It will change your life (or at least the way you react to situations).
—

WHAT IS THIS PRINCIPLE?

10% of life is made up of what happens to you…
90% of life is decided by how you react.

WHAT THAT THIS MEAN?

We really have NO control over the 10% of what happens to us.
The 90% is different.
YOU determine the 90%
HOW?
By your reaction.
You cannot control a red light.
However, you can control your reaction.
Do not let people fool you.
YOU can control how you react.
—o0o—
Let’s see this example:
http://www.youtube.com/watch?v=VcOzSogr9r4&feature=related

You are having breakfast with your family.
Your daughter knocks over a cup of coffee onto your business shirt.
YOU HAVE NO CONTROL over what has just happened.
What happens next will be determined by HOW YOU REACT.
…
You curse.
You harshly scold your daughter for knocking the cup over.
She breaks down in tears.
After scolding her, you turn to your wife and criticize her for placing the cup too close to the edge of the table.
A short verbal battle follows.
You storm upstairs and change your shirt.
Back downstairs, you find your daughter has been too busy crying to finish her breakfast and getting ready to go to school.
She misses the bus.
Your spouse must leave immediately for work.
You rush to the car and drive your daughter to school.
Because you are late,
you drive 40 miles per hour in a 30 mph speed limit zone.
After a 15-minute delay and throwing $60.00 traffic fine away,
you arrive at school.
Your daughter runs into the building without saying goodbye.
After arriving the office 20 minutes late,
you realize your forgot your briefcase.
Your day has started terrible.
As it continues, it seems to get worse and worse.
You look forward to coming home.
When you arrive home, you find a small wedge
in your relationship with your wife and daughter.
Why?
Because of how you reacted in the morning.
-
Why did you have a bad day?
A) Did the coffee cause it?
B) Did your daughter cause it?
C) Did the policeman cause it?
D) Did you cause it?
The answer is: D
-
You had NO CONTROL over what happened with the coffee.
How you reacted in those 5 seconds is what caused your bad day!
>>>
Here is what could have and should have happened.
<<< Coffee splashes over you. Your daughter is about to cry. You gently say: “It’s okay, honey, you just need to be more careful next time.” Grabbing a towel, you go upstairs and change your shirt. You grab your briefcase, and come back down in time to look through the window and see your child getting on the bus. She turns and waves. You arrive 5 minutes early and cheerfully greet the staff. … Notice the difference?
Two different scenarios.
Both started the same.
Both ended different.
WHY? Because of how you reacted.
You really have no control over 10% of what happens in your life. The other 90% was determined by your reaction. . . .
—————————————-
Absolutely everything we do, give, say or even think,
It’s like a Boomerang.
It will come back to us.
If we want to receive, we need to learn to give first…
Maybe we will end with our hands half empty, but our hearts will be filled with love. And those who love life, have that feeling marked in their hearts.
***Fwd email က ရတာကို ထပ်ဆင့်ဝေမျှလိုက်ပါတယ်။

လုလင်ပျိုနှင့် စကားပြောခြင်း

ယမန်နေ့က ဆရာတော် အရှင်ဆေကိန္ဒ ဟောကြားတဲ့ ပထမအကြိမ် ယဉ်ကျေးလိမ္မာ ကလေးတရားပွဲ (Singapore)ကို သွားရောက်ခဲ့ပါတယ်။

တရားပွဲ အစီအစဉ်ကို နံနက်ပိုင်းမှာ ၁၂-နှစ်အောက် ကလေးများအတွက်၊ ညနေပိုင်းမှာ ၁၂နှစ်မှ ၁၈နှစ်အထိ ကလေးများအတွက် အချိန်ခွဲပြီး ကျင်းပသွားခဲ့ပါတယ်။ မြန်မာကလေး အတော်များများကို မိဘတွေက ပို့ဆောင်၊ ပို့လွှတ်ပေးနိုင်ခဲ့ကြပြီး အောင်မြင်တဲ့ အစီအစဉ်ဖြစ်ခဲ့ပါတယ်။ ဆရာတော်ကြီးရဲ့ ရည်ရွယ်ချက်နဲ့ လုပ်ငန်းစဉ်တွေကို ဒီနေရာမှာ ဖော်ပြရေးသားခြင်းငှာ မစွမ်းသာပါ။ Vesak Day အလုပ်ပိတ်ရက် ဖြစ်သည်နှင့်အညီ မိဘ၊ ဘိုးဘွားတွေဟာ ရင်သွေးငယ်တွေကို တရားပွဲသို့ လိုက်ပါပို့ဆောင်ခြင်း၊ ကိုယ်တိုင်လည်း ဘုရားကျောင်းကန်များသို့ သွားရောက်၍ ဘာသာရေး သာသနာရေး ကိစ္စများမှာ သက်ဝင်လှုပ်ရှားနေကြတဲ့ ဒီက မြန်မာလူမျိုး အသိုင်းအ၀ိုင်းရဲ့ တက်ကြွနေတဲ့ ပုံရိပ်တွေကို တပိုင်တနိုင် မှတ်တမ်းတင်ခြင်းမျှသာ ဖြစ်ပါတယ်။

(ဘလော့ဂ်ဂါ မပီသစွာ ဓာတ်ပုံ တပုံမှ မရိုက်ဖြစ်ခဲ့ခြင်းအတွက် သည်းခံပါ။)

*****
ညရောက်တော့ မသီတာ တူရဲ့သား Gtalk online မှာ မီးစိမ်းနေတာတွေ့လို့ စကားပြောဖြစ်ပါတယ်။ ခေတ်လူငယ်တယောက်ဖြစ်သည်နှင့်အညီ အင်တာနက် သိပ်သုံးတယ်ဆိုတာ သိထားပေမဲ့ သူနဲ့ အီးမေးလ် အဆက်အသွယ်လည်းမရှိ၊ chattingလည်း အခုမှသာ ပထမဦးဆုံး ပြောဖြစ်တာပါ။

me:  သားရေ
လုလင်:  ဗျာ တာတာ
me:  online မတွေ့လို့ တာတာက ဒီ account မသုံးတော့ဘူး ထင်နေတာ ဘယ် accountသုံးနေလဲ မေးဦးမလို့
လုလင်:  သားသုံးတယ် တာတာ့အကောင့်က Block List ထဲရောက်နေလို့ သားဟိုနေ့မှ ပြန်ကြည့်မိတယ်
me:  ဟေ အဲ့လိုလဲ ရှိသေးလား ဘယ်သူက ထည့်လိုက်တာတုန်း
လုလင်:  ဟုတ် သား တာတာနဲ့ တိုင်ပင်စရာရှိလို့
me:  ပြော
လုလင်:  သားကျောင်းတက်ဖို့ Scholar တစ်ခုရလို့
me:  ဘယ်မှာလဲ ဘယ်ကလဲ ဘာCourse လဲ
လုလင်:  ဟုတ် Sxxxxx လို့ပြောတယ် advance diploma in networking
သားက သူတို့ စစ်တဲ့ scholar စာမေးပွဲကို ၀င်ဖြေလိုက်တာ အောင်သွားလို့ တဲ့ သားကို အကြောင်းကြားတယ်
me:  ဘယ်မှာ တက်ရမှာလဲ စာမေးပွဲက ဘယ်က စစ်တာလဲ
လုလင်:  ဒီမှာ xxxxx က လုပ်တာ စလုံးမှာပဲ တဲ့
တက်ဖြစ်မတက်ဖြစ်ကို သူတို့ကို အကြောင်းကြားပါ တဲ့ ဒီလ နောက်ဆုံး
အဲ့တာ တက်ရမှာက ၁နှစ်

လုလင်:  ဟဲလို
ကွန်ကျသွားတယ်
တာတာ
အဲ့တာ သူတို့က ပြောတယ်
တက်မယ်ဆိုရင် စင်ကာပူ တစ်သောင်း နှစ်ထောင် ကျတယ် တဲ့
အဲ့တာ သားက စာမေးပွဲအောင်ထားတော့15 percent discount ရတယ်
၂၀၀၀လျော့သွားမယ်ပေါ့နော်
အဲ့တာ သား အိမ်နဲ့ တိုင်ပင်ကြည့်တော့
မေကြီးက တော့ ပြောတယ်
သူက သိပ်နားမလည်လို့ တာတာနဲ့ တိုင်ပင်ကြည့် ဆိုလို့လေ
သားလဲ
တာတာကိုလိုက်ရှာတာ
ဒီနေ့မှပဲ တွေ့ရတော့တယ်

me:  သားစာမေးပွဲ ၀င်ဖြေလိုက်တာ ကောင်းပါတယ်။ အတွေ့အကြုံရတာပေါ့။ အောင်တယ်ဆိုလို့လည်း ၀မ်းသာတယ်။
ဒါပေမဲ့ သားသိထားသင့်တာတွေ ပြောတော့မယ်။
လုလင်:  အင်း.. သား အတွေ့အကြုံရအောင်ပဲ ဖြေလိုက်တာ
ဟုတ်ကဲ့ ပြောပါ တာတာ
သားတို့ နိုင်ငံရဲ့ ကွန်နက်ရှင် ကအဆင်မပြေဘူး
me:  Ixxxxx က ပညာရေးဝန်ဆောင်မှုပေးပြီး စီးပွားရှာနေတဲ့ ကုမ္ပဏီ။
သူကို မကောင်း ပြောတာမဟုတ်ဘူး။
ဒီမှာ NUS လို University ကြီးတွေကလည်း ၀င်ငွေရှာတာပဲမို့
လုလင်:  ဆက်ပြောပါတာတာ ဟုတ်
me:  သူက မြန်မာပြည်က xxxxxx ကုမ္ပဏီလိုမျိုးနဲ့ ချိတ်လိုက်ပြီး သူ့ကျောင်း လူရအောင် ရှာတာ...ရှင်းရှင်းလေးပဲ
လုလင်:  သြော်
me:  ကိုယ်က ပိုက်ဆံပေးပြီး တက်ရမှာ...စိတ်ဝင်စားအောင် စကော်လာ အော်နေပေမဲ့
လုလင်:  အဲ့လိုကြီးကိုး ဟုတ်ကဲ့
me:  စကော်လာ ဆိုရင် Fully Scholar , Partial Scholar ရှိတယ်... သူ့ဟာကြီးက 15% discount ဆိုတော့ ...Partial Scholar လို့တောင် မသုံးပဲ ဈေးကွက်စကား discount ကို သုံးထားတာ ပေါ်တင်ကြီး ဖြစ်နေတယ်.
လုလင်:  ဟုတ်တယ်နော်
me:  တကယ်တော့လည်း Partial Scholar လို့လည်း သုံးမရပါဘူးလေ...Partial Scholar ဆိုရင်တောင် ကျောင်းလခရဲ့ တ၀က်လောက်ထိ ထုတ်ပေးရတာကို သူတို့ ကျောင်းလခက တသောင်း...ဒါကို တသောင်းနှစ်ထောင် လုပ်လိုက်ပြီး... စာမေးပွဲ ခံလိုက်ပြီး နှစ်ထောင်ကို scholar ပြော.... Discount ပြောနဲ့  လူဆွယ်တာပါခင်ဗျာ
လုလင်:  သြော် သားသိပြီ
အဲ့တာကြောင့် သူတို့က ဒီမှာ Seminar တွေ အများကြီး ခဏခဏလုပ်ပီး ရှာနေတာ
သားတို့က တော့ ကိုယ့်အတွက် knowledge တိုးအောင်လို့ လုပ်သမျှ Seminor သွားတက်တယ် နားထောင်တယ် သူတို့ လုပ်တဲ့စာမေးပွဲတွေဖြေကြည့်တယ်
me:  ဒါတွေကတော့ လုပ်သင့်တယ်။ ကိုယ့်ဘက်က အကုန်အကျ သိပ်မများဘူး ဆိုရင်ပေါ့။
လုလင်:  ဟုတ် အခမဲ့တွေကြီးပဲ အဲ့တာကြောင့်ပါ
me:  သူတို့ကျောင်းတွေလည်း ကိုယ့် ဆုံးဖြတ်ချက်နဲ့ကိုယ် တက်တဲ့သူတွေက တက်ကြတာပဲ။
လူဆိုတာအခြေအနေ အမျိုးမျိုးရှိတယ်လေ... တယောက်နဲ့တယောက်မတူဘူး
တာတာကတော့ ဒါကို အားမပေးချင်ပါ။ ဘာကြောင့်လဲ ဆိုတော့ အာမခံချက် မကောင်းလို့
ငွေပေးပြီးတက်တဲ့ကျောင်း ပြီးရင် ငွေ ဘယ်လောက် ပြန်ရမလဲ ဆိုတာနဲ့ပဲ အခုခေတ်မှာ အလွယ်ဆုံး စဉ်းစားရမှာပဲ
လုလင်:  သားလဲ တိုင်ပင်စရာလူမရှိလို့ တာတာ ကိုမေးကြည့်မယ်ဆိုပီး စောင့်နေတာ
ဒီမှာ ဘာမှအဆင်မပြေဘူး မီးတွေကမလာ connection တွေကျနဲ့ အဲ့တာဘာမှလုပ်လို့မရဘူး
me:  တာတာ သိတယ်။ အီးမေလ်ရေးလေ။ ရိုးရိုးစာနဲ့ စာတိုက်ကပို့

လုလင်:  အီးမေးလ်းရေးဖို့ Gmail ထဲဝင်ဖို့က တစ်နာရီလောက် ကြာတယ်
ဟီး
အခုသားဖွင့်ထားတာ ကြာပီ အခုထိတောင်တက်ဘူး
တော်သေးတယ် Gtalk ကောင်းနေလို့

me:  ကျောင်းက ဒီဂရီ ရအောင်လုပ်...လုပ်ငန်းခွင် အတွေ့အကြုံယူ။
လုလင်:  အင်း အလုပ်ရဖို့ကလဲ လုပ်ငန်းအတွေ့အကြုံလိုတယ် တဲ့နော်
me:  အေး..
me:  နောက်တခု အရေးကြီးတာက အလုပ်ရှာရင် အလုပ်အတွေ့အကြုံရှိရမယ်ဆိုတဲ့ (အလုပ်မရှိသေးလို့ အလုပ်ရှာပါတယ်။ အလုပ်အတွေ့အကြုံဆိုတော့ မုန့်လုံးစက္ကူကပ်သလို ရီစရာကြီး ဖြစ်မနေဘူးလား)
ဒါပေမဲ့ ဒါဟာ လောကမှာ တွေ့ကြုံရမဲ့ အမှန်တရားတွေပဲ
လုလင်:  ဟုတ်
me:  ဒီတော့ သား ဘ၀မှာ First Job ဆိုတဲ့ အလုပ်တခု ရဖို့ သိပ်အရေးမကြီးပါဘူးလား။ သိပ်ကိုလည်း ခက်ခဲသလိုပဲနော်။
လုလင်:  ဟုတ်ကဲ့ အလုပ်တွေကတော့ပေါသလိုပဲ ဒါပေမဲ့ တကယ် လုပ်မယ်လို့  စုံစမ်းတော့ မရဘူး
me:  တကယ်တော့ လျှို့ဝှက်ချက်ကို မသိလို့ပါ။
သားက အခု ကျောင်းတက်နေတာ မဟုတ်လား။ အဲ့ဒီတော့ ကျောင်းသားအလုပ် လုပ်နေတာပဲပေါ့။
အလုပ်သွားလျှောက်လို့အတွေ့အကြုံမေးရင် ဟုတ်ကဲ့ ကျောင်းသားမို့ Student မို့ study လုပ်နေတဲ့ အတွေ့အကြုံတွေရှိတယ်။ ဒါတွေ ဒါတွေ စာတွေ့ လေ့လာထားတယ်။ လက်တွေ့ လုပ်ရမည့် အခွင့်အရေး ရမယ်ဆိုရင် အစွမ်းရှိသလောက် ကြိုးစားလုပ်ချင်ပါတယ် ဆိုရင် ပြီးပြီပေါ့ မဟုတ်ဘူးလား။ 

ကိုယ့် မိဘက မွေးကတည်းက တလျှောက်လုံးပြုစု ပျိုးထောင်ပေးခဲ့တဲ့ ကိုယ့်ရဲ့ Personality ရိုးသားတယ်။ ယဉ်ကျေးတယ်။ ဒါတွေကလည်း သူတို့လိုတဲ့ အတွေ့အကြုံထဲ ထည့်မယ်ဆိုရင် ထည့်လို့ရပါတယ်။
me:  သားမှာ CV ရှိလား အလုပ်လျှောက်ရင် CV ကောင်းကောင်းလိုတယ်
လုလင်:  သား CV မရေးဖူးပါဘူး
me:  ရေးရမယ်။ Sample ပို့ထားလိုက်မယ်။
လုလင်:  ဟုတ်

အော် သား ဒီအကောင့်ကလဲ လူများတယ် အဲ့တာကြောင့် တစ်ခြားသီးသန့် အကောင့်တစ်ခုနဲ့ တာတာကိုအပ်မယ်

အဲ့ဒီ အကောင့်ကို ပို့ပေးပါနော်

me:  ok
သူငယ်ချင်းများတာ ကောင်းပါတယ်။ ဒါပေမဲ့ ကိုယ့်အတွက် အများအတွက် ဘယ်လောက် အကျိုးဖြစ်သလဲ ဆိုတဲ့ ဘောင်တော့ရှိရမယ်နော်။
လူဘ၀က တိုတိုလေးမို့ ကိုယ့်ပတ်ဝန်းကျင်က ကိုယ့်အပေါ် ကျေးဇူးရှိတဲ့သူတွေအတွက် ကိုယ့်အချိန်တွေ များများပေးပါ။
လုလင်:  ဟုတ်တယ်တာတာ
me:  မကောင်းတာ ဆိုရင် ကိုယ့် mind ရော body ကပါ အလိုအလျှောက် လက်မခံအောင် လေ့ကျင့်ထားပါ။
me:  ဘယ်လိုလဲ သိလား လွယ်လွယ်လေး... ကောင်းတာတွေချည်းပဲ သတိထားပြီးလုပ်
အဲ့ဒါဆို ကြာလာရင် အသိမရှိပါဘူး ဆိုတဲ့ ကိုယ့်ခန္ဓာကိုယ်ကြီးကတောင်  မကောင်းတာကို လက်မခံနိုင်ပါဘူးလို့ body language နဲ့ပြောလာလိမ့်မယ်
very nice to talk with u. I may post it in my blog; about this conversation
Do u feel bored?
then, time for break!
See u

လုလင်:  Good night
thanks!
take care u'r health

သူလေးကတော့ ဆွေတွေ မျိုးတွေထဲမှာ ဆိုးတယ်လို့ ကျော်ကြားသူလေးပါ။

*****

ကလေးကလေး အထင်မသေးနဲ့
ကလေးက လူကြီးဖြစ်တာ
ကလေးကောင်းမှ လူကြီးကောင်းမှာ
လူကြီးကောင်းမှ အားလုံးကောင်းမှာ
(ဆရာတော်ဦးဆေကိန္ဒ၏ ကလေးတရားပွဲ လက်စွဲဆောင်ပုဒ်)

မောင်လုလင်ကို တွေ့တုန်းခဏ ခြောက်လုံး မြှောက်လုံးတွေနဲ့ တော်တော် ပြောဖြစ်လိုက်တာ တရားပွဲကို သားငယ်ရေစင်နှင့်မနက်ပိုင်းရော သားကြီးရေချမ်းနှင့်ညနေပိုင်းပါ နားထောင်ခွင့်ရလိုက်တဲ့ မသီတာဆီ ကလေးတွေကို ကောင်းစေချင်တဲ့ စေတနာ ဆန္ဒတွေ စိမ့်ဝင် ကူးစက်လာခြင်းကြောင့်မှတပါး အခြားမရှိပြီ။