အနတ္တလက္ခဏသုတ်

ဧကံ သမယံ ဘဂဝါ ဗာရာဏသိယံ ဝိဟရတိ ဣသိပတနေ မိဂဒါယေ။ တတြ ခေါ ဘဂဝါ ပဉ္စဝဂ္ဂိယေ ဘိက္ခူ အာမန္တေသိ– “ဘဂဝေါ”တိ။ “ဘဒန္တေ”တိ တေ ဘိက္ခူ ဘဂဝတော ပစ္စဿောသုံ။ ဘဂဝါ ဧတဒဝေါစ–

အခါတစ်ပါးတွင် မြတ်စွာဘုရားသည် ဗာရာဏသီပြည် ဣသိပတန ခေါ် မိဂဒါဝုန်တော၌ သီတင်းသုံး နေတော်မူ၏။ ထိုအခါတွင် ဘုရားရှင်သည် ပဉ္စဝဂ္ဂီရဟန်းတို့အား “ရဟန်းတို့”ဟု မိန့်တော်မူသည်။ ရဟန်းတို့ကလည်း “အရှင်ဘုရား”ဟု ပြန်လည် လျှောက်ထားကြသည်။ မြတ်စွာဘုရားက ဤသို့ မိန့်ကြားတော်မူသည် … ။

ရူပံ, ဘိက္ခဝေ, အနတ္တာ။ ရူပဉ္စ ဟိဒံ, ဘိက္ခဝေ, အတ္တာ အဘဝိဿ, နယိဒံ ရူပံ အာဗာဓာယ သံဝတ္တေယျ, လဗ္ဘေထ စ ရူပေ– “ဧဝံ မေ ရူပံ ဟောတု, ဧဝံ မေ ရူပံ မာ အဟောသီ”တိ။ ယသ္မာ စ ခေါ, ဘိက္ခဝေ, ရူပံ အနတ္တာ, တသ္မာ ရူပံ အာဗာဓာယ သံဝတ္တတိ, န စ လဗ္ဘတိ ရူပေ– “ဧဝံ မေ ရူပံ ဟောတု, ဧဝံ မေ ရူပံ မာ အဟောသီ”တိ။

ရဟန်းတို့ ရုပ်သည် အတ္တမဟုတ်။ ရုပ်သည် အတ္တဖြစ်ငြားအံ့၊ ဤရုပ်သည် နာကျင်ခြင်း မဖြစ်စေရာ၊ ရုပ်၌ “ငါ၏ ရုပ်သည် ဤသို့ဖြစ်စေ, ဤသို့ မဖြစ်စေရာ”ဟု ဖြစ်ရာ၏။ ရုပ်သည် အတ္တမဟုတ်၍သာ နာကျင်ခြင်းဖြစ်သည်။ ရုပ်၌ “ငါ၏ ရုပ်သည် ဤသို့ဖြစ်စေ, ဤသို့ မဖြစ်စေရာ”ဟု မရ။

ဝေဒနာ အနတ္တာ။ ဝေဒနာ စ ဟိဒံ, ဘိက္ခဝေ, အတ္တာ အဘဝိဿ, နယိဒံ ဝေဒနာ အာဗာဓာယ သံဝတ္တေယျ, လဗ္ဘေထ စ ဝေဒနာယ– “ဧဝံ မေ ဝေဒနာ ဟောတု, ဧဝံ မေ ဝေဒနာ မာ အဟောသီ”တိ။ ယသ္မာ စ ခေါ, ဘိက္ခဝေ, ဝေဒနာ အနတ္တာ, တသ္မာ ဝေဒနာ အာဗာဓာယ သံဝတ္တတိ, န စ လဗ္ဘတိ ဝေဒနာယ– “ဧဝံ မေ ဝေဒနာ ဟောတု, ဧဝံ မေ ဝေဒနာ မာ အဟောသီ”တိ။

ခံစားမှု ဝေဒနာသည် အတ္တမဟုတ်။ …

သညာ အနတ္တာ။ သညာ စ ဟိဒံ, ဘိက္ခဝေ, အတ္တာ အဘဝိဿ, နယိဒံ သညာ အာဗာဓာယ သံဝတ္တေယျ, လဗ္ဘေထ စ သညာယ– “ဧဝံ မေ သညာ ဟောတု, ဧဝံ မေ သညာ မာ အဟောသီ”တိ။ ယသ္မာ စ ခေါ, ဘိက္ခဝေ, သညာ အနတ္တာ, တသ္မာ သညာ အာဗာဓာယ သံဝတ္တတိ, န စ လဗ္ဘတိ သညာယ– “ဧဝံ မေ သညာ ဟောတု, ဧဝံ မေ သညာ မာ အဟောသီ”တိ။

မှတ်သားမှု သညာသည် အတ္တမဟုတ်။ …

သင်္ခါရာ အနတ္တာ။ သင်္ခါရာ စ ဟိဒံ, ဘိက္ခဝေ, အတ္တာ အဘဝိဿ, နယိဒံ သင်္ခါရာ အာဗာဓာယ သံဝတ္တေယျုံ, လဗ္ဘေထ စ သင်္ခါရေသု– “ဧဝံ မေ သင်္ခါရာ ဟောန္တု, ဧဝံ မေ သင်္ခါရာ မာ အဟေသု”န္တိ။ ယသ္မာ စ ခေါ, ဘိက္ခဝေ, သင်္ခါရာ အနတ္တာ, တသ္မာ သင်္ခါရာ အာဗာဓာယ သံဝတ္တန္တိ, န စ လဗ္ဘတိ သင်္ခါရေသု– “ဧဝံ မေ သင်္ခါရာ ဟောန္တု, ဧဝံ မေ သင်္ခါရာ မာ အဟေသု”န္တိ။

ပြုပြင်မှု သင်္ခါရတရားတို့သည် အတ္တမဟုတ်။ …

ဝိညာဏံ အနတ္တာ။ ဝိညာဏဉ္စ ဟိဒံ, ဘိက္ခဝေ, အတ္တာ အဘဝိဿ, နယိဒံ ဝိညာဏံ အာဗာဓာယ သံဝတ္တေယျ, လဗ္ဘေထ စ ဝိညာဏေ– “ဧဝံ မေ ဝိညာဏံ ဟောတု, ဧဝံ မေ ဝိညာဏံ မာ အဟောသီ”တိ။ ယသ္မာ စ ခေါ, ဘိက္ခဝေ, ဝိညာဏံ အနတ္တာ, တသ္မာ ဝိညာဏံ အာဗာဓာယ သံဝတ္တတိ, န စ လဗ္ဘတိ ဝိညာဏေ– “ဧဝံ မေ ဝိညာဏံ ဟောတု, ဧဝံ မေ ဝိညာဏံ မာ အဟောသီ”တိ။

သိမှု ဝိညာဏ်သည် အတ္တမဟုတ်။ …

တံ ကိံ မညထ, ဘိက္ခဝေ, ရူပံ နိစ္စံ ဝါ အနိစ္စံ ဝါတိ? အနိစ္စံ, ဘန္တေ။
ယံ ပနာနိစ္စံ ဒုက္ခံ ဝါ တံ သုခံ ဝါတိ? ဒုက္ခံ, ဘန္တေ။
ယံ ပနာနိစ္စံ ဒုက္ခံ ဝိပရိဏာမ ဓမ္မံ, ကလ္လံ နု တံ သမနုပဿိတုံ– “ဧတံ မမ, ဧသောဟမသ္မိ, ဧသော မေ အတ္တာ”တိ? နော ဟေတံ, ဘန္တေ။

ရဟန်းတို့… ထိုအရာကို အဘယ်သို့ ထင်မှတ်ကြကုန်သနည်း။

ရုပ်သည် မြဲသလော, မမြဲသလော။ မမြဲပါ အရှင် ဘုရား။

ယင်း မမြဲသောတရားသည် ဆင်းရဲသလော ချမ်းသာသလော။ ဆင်းရဲပါ အရှင်ဘုရား။

ယင်း မမြဲသော ဆင်းရဲသော ဖောက်ပြန်သောတရားအား “ဤသည် ငါ့ဟာဖြစ်၏။ ဤသည် ငါဖြစ်၏။ ဤသည် ငါ့အတ္တဖြစ်၏”ဟု ရှုမြင်ခြင်းငှာ သင့်လျှော်ပါမည်လော။ မသင့်လျှော်ပါ အရှင်ဘုရား။

ဝေဒနာ နိစ္စံ ဝါ အနိစ္စံ ဝါတိ? အနိစ္စံ, ဘန္တေ။
ယံ ပနာနိစ္စံ ဒုက္ခံ ဝါ တံ သုခံ ဝါတိ? ဒုက္ခံ, ဘန္တေ။
ယံ ပနာနိစ္စံ ဒုက္ခံ ဝိပရိဏာမ ဓမ္မံ, ကလ္လံ နု တံ သမနုပဿိတုံ– “ဧတံ မမ, ဧသောဟမသ္မိ, ဧသော မေ အတ္တာ”တိ? နော ဟေတံ, ဘန္တေ။

ဝေဒနာသည် မြဲသလော, မမြဲသလော။ …

သညာ နိစ္စံ ဝါ အနိစ္စံ ဝါတိ? အနိစ္စံ, ဘန္တေ။
ယံ ပနာနိစ္စံ ဒုက္ခံ ဝါ တံ သုခံ ဝါတိ? ဒုက္ခံ, ဘန္တေ။
ယံ ပနာနိစ္စံ ဒုက္ခံ ဝိပရိဏာမ ဓမ္မံ, ကလ္လံ နု တံ သမနုပဿိတုံ– “ဧတံ မမ, ဧသောဟမသ္မိ, ဧသော မေ အတ္တာ”တိ? နော ဟေတံ, ဘန္တေ။

သညာသည် မြဲသလော, မမြဲသလော။ …

သင်္ခါရာ နိစ္စံ ဝါ အနိစ္စံ ဝါတိ? အနိစ္စံ, ဘန္တေ။
ယံ ပနာနိစ္စံ ဒုက္ခံ ဝါ တံ သုခံ ဝါတိ? ဒုက္ခံ, ဘန္တေ။
ယံ ပနာနိစ္စံ ဒုက္ခံ ဝိပရိဏာမ ဓမ္မံ, ကလ္လံ နု တံ သမနုပဿိတုံ– “ဧတံ မမ, ဧသောဟမသ္မိ, ဧသော မေ အတ္တာ”တိ? နော ဟေတံ, ဘန္တေ။

သင်္ခါရတရားတို့သည် မြဲသလော, မမြဲသလော။ …

ဝိညာဏံ နိစ္စံ ဝါ အနိစ္စံ ဝါတိ? အနိစ္စံ, ဘန္တေ။
ယံ ပနာနိစ္စံ ဒုက္ခံ ဝါ တံ သုခံ ဝါတိ? ဒုက္ခံ, ဘန္တေ။
ယံ ပနာနိစ္စံ ဒုက္ခံ ဝိပရိဏာမ ဓမ္မံ, ကလ္လံ နု တံ သမနုပဿိတုံ– “ဧတံ မမ, ဧသောဟမသ္မိ, ဧသော မေ အတ္တာ”တိ? နော ဟေတံ, ဘန္တေ။

ဝိညာဏ်သည် မြဲသလော, မမြဲသလော။ …

တသ္မာတိဟ, ဘိက္ခဝေ, ယံ ကိဉ္စိ ရူပံ အတီတာနာဂတာပစ္စုပ္ပန္နံ အဇ္ဈတ္တံ ဝါ ဗဟိဒ္ဓါ ဝါ သြဠာရိကံ ဝါ သုခုတိ ဧ၀ မေတံမံ ဝါ ဟီနံ ဝါ ပဏီတံဝါ ယံ ဒူရေ သန္တိကေ ဝါ, သဗ္ဗံ ရူပံ– “နေတံ မမ, နေသောဟမသ္မိ, န မေသော အတ္တာ”တိ ဧ၀ မေတံ ယထာဘူတံ သမ္မပ္ပညာယ ဒဋ္ဌဗ္ဗံ။

ရဟန်းတို့… ထိုသို့ဖြစ်၍ “အတိတ် အနာဂတ် ပစ္စုပ္ပာန်, အတွင်း အပြင်, အကြမ်း အနု, အယုတ် အမြတ်, အဝေး အနီး” အလုံးစုံသော ရုပ်အား “ဤသည် ငါ့ဟာမဟုတ်, ဤသည် ငါမဟုတ်, ဤသည် ငါ့အတ္တမဟုတ်”ဟု ဤသို့ ဟုတ်တိုင်းမှန်စွာ မှန်ကန်သောပညာဖြင့် ရှုရမည်။

ယာ ကာစိ ဝေဒနာ အတီတာနာဂတာပစ္စုပ္ပန္နာ အဇ္ဈတ္တာ ဝါ ဗဟိဒ္ဓါ ဝါ သြဠာရိကာ ဝါ သုခုမာ ဝါ ဟီနာ ဝါ ပဏီတာ ဝါ ယာ ဒူရေ သန္တိကေ ဝါ, သဗ္ဗာ ဝေဒနာ– “နေတံ မမ, နေသောဟမသ္မိ, န မေသော အတ္တာ”တိ ဧ၀ မေတံ ယထာဘူတံ သမ္မပ္ပညာယ ဒဋ္ဌဗ္ဗံ။

… အလုံးစုံသော ဝေဒနာအား …  

ယာ ကာစိ သညာ အတီတာနာဂတာပစ္စုပ္ပန္နာ အဇ္ဈတ္တာ ဝါ ဗဟိဒ္ဓါ ဝါ သြဠာရိကာ ဝါ သုခုမာ ဝါ ဟီနာ ဝါ ပဏီတာဝါ ယာ ဒူရေ သန္တိကေ ဝါ, သဗ္ဗာ သညာ– “နေတံ မမ, နေသောဟမသ္မိ, န မေသော အတ္တာ”တိ ဧ၀ မေတံ ယထာဘူတံ သမ္မပ္ပညာယ ဒဋ္ဌဗ္ဗံ။

… အလုံးစုံသော သညာအား …

ယာ ကေစိ သင်္ခါရာ အတီတာနာဂတာပစ္စုပ္ပန္နာ အဇ္ဈတ္တာ ဝါ ဗဟိဒ္ဓါ ဝါ သြဠာရိကာ ဝါ သုခုမာ ဝါ ဟီနာ ဝါ ပဏီတာ ဝါ ယေ ဒူရေ သန္တိကေ ဝါ, သဗ္ဗေ သင်္ခါရာ– “နေတံ မမ, နေသောဟမသ္မိ, န မေသော အတ္တာ”တိ ဧ၀ မေတံ ယထာဘူတံ သမ္မပ္ပညာယ ဒဋ္ဌဗ္ဗံ။

… အလုံးစုံသော သင်္ခါရာတရားတို့အား …

ယံ ကိဉ္စိ ဝိညာဏံ အတီတာနာဂတာပစ္စုပ္ပန္နံ အဇ္ဈတ္တံ ဝါ ဗဟိဒ္ဓါ ဝါ သြဠာရိကံ ဝါ သုခုမံ ဝါ ဟီနံ ဝါ ပဏီတံဝါ ယံ ဒူရေ သန္တိကေ ဝါ, သဗ္ဗံ ဝိညာဏံ– “နေတံ မမ, နေသောဟမသ္မိ, န မေသော အတ္တာ”တိ ဧ၀ မေတံ ယထာဘူတံ သမ္မပ္ပညာယ ဒဋ္ဌဗ္ဗံ။

… အလုံးစုံသော ဝိညာဏ်အား …

ဧဝံ ပဿံ, ဘိက္ခဝေ, သုတဝါ အရိယသာဝကော ရူပသ္မိမ္ပိ နိဗ္ဗိန္ဒတိ, ဝေဒနာယပိ နိဗ္ဗိန္ဒတိ, သညာယပိ နိဗ္ဗိန္ဒတိ, သင်္ခါရေသုပိ နိဗ္ဗိန္ဒတိ, ဝိညာဏသ္မိမ္ပိ နိဗ္ဗိန္ဒတိ။ နိဗ္ဗိန္ဒံ ဝိရဇ္ဇတိ၊ ဝိရာဂါ ဝိမုစ္စတိ။ ဝိမုတ္တသ္မိံ ဝိမုတ္တမိတိ ဉာဏံ ဟောတိ။ “ခီဏာ ဇာတိ, ဝုသိတံ ဗြဟ္မစရိယံ, ကတံ ကရဏီယံ, နာပရံ ဣတ္ထတ္ထာယာတိ”  ပဇာနာတီတိ။

ရဟန်းတို့… ဤသို့ရှုမြင်သော အကြားအမြင်ရှိသော အရိယာသာဝကသည် ရုပ်၌လည်း ငြီးငွေ့၏။ ဝေဒနာ၌လည်း ငြီးငွေ့၏။ သညာ၌လည်း ငြီးငွေ့၏။ သင်္ခါရတရားတို့၌လည်း ငြီးငွေ့၏။ ဝိညာဏ်၌လည်း ငြီးငွေ့၏။ ငြီးငွေ့သော် စွဲလမ်းမှုကင်း၏။ စွဲလမ်းမှုကင်းသော် လွတ်မြောက်၏။ လွတ်မြောက်သော် လွတ်မြောက်ပြီဟု သိသောဉာဏ် ဖြစ်၏။ “ဇာတိကုန်ပြီ။ မြတ်သောအကျင့်ကို ကျင့်သုံးပြီးပြီ။ ပြုဖွယ်ကိစ္စကို ပြုပြီးပြီ, အခြားပြုဖွယ် မရှိတော့ပြီ” ဟု သိ၏။

ဣဒမဝေါစ ဘဂဝါ။ အတ္တမနာ ပဉ္စဝဂ္ဂိယာ ဘိက္ခူ ဘဂဝတော ဘာသိတံ အဘိနန္ဒုံတိ။

မြတ်စွာဘုရားသည် ဤစကားအား မိန့်သောအခါ၊ ပဉ္စဝဂ္ဂီငါးပါးတို့သည် မြတ်စွာဘုရားဟောသော တရားတော်အား နှစ်သက် ဝမ်းမြောက်ကြကုန်၏။

ဣမသ်မိဉ်စ ပန ဝယြောကရဏသ်မိံ ဘညမာနေ ပဉ်စဝဂ်ဂိယာနံ ဘိက်ခူနံ အနုပါဒါယ အာသဝဟေိ စိတ်တာနိ ဝိမုစ်စိံသူတိ။

ဤသို့ (ဂါထာမဖက်) စကားပြေ သက်သက်ဖြင့် ဟောကြားအပ်သောအခါ၊ ပဉ္စဝဂ္ဂီငါးပါးတို့၏ စိတ်တို့သည် စွဲလမ်းခြင်းကင်း၍ အာသဝေါတရားတို့မှ လွတ်မြောက်ကြကုန်၏။

[သံ-၃-၅၄၊ ခန္ဓဝဂ္ဂသံယုတ်ပါဠိတော်-ခန္ဓသံယုတ်-အနတ္တလက္ခဏာသုတ်]