မေတ္တသုတ်ပရိတ်တော် နှင့် မင်းကွန်းဆရာတော်ဘုရားကြီး၏ မေတ္တာပွားနည်း ၁၁-နည်း

မေတ္တသုတ်ပရိတ်တော် Discourse on Loving-Kindness

ယဿာနုဘာဝတော ယက္ခာ၊ နေ၀ ဒေဿန္တိ ဘီသနံ။

ယဉှိစေ၀ါနုယုဉ္ဇန္တော၊ ရတ္တိန္ဒိဝ-မတန္ဒိတော။

သုခံ သုပတိ သုတ္တော စ၊ ပါပံ ကိဉ္စိ န ပဿတိ။

ဧ၀မာဒိ ဂုဏူပေတံ၊ ပရိတ္တံ တံ ဘဏာမဟေ။

မေတ္တာသုတ် ပရိတ်တော်၏ အာနုဘော်ကြောင့် နတ်ကြမ်း, ဘီလူးကြမ်းတို့သည် ကြောက်မက်ဖွယ် အာရုံအမျိုးမျိုးတို့ကို မပြ၀ံ့ကြကုန်။ မေတ္တာသုတ်ပရိတ်တော်ကို နေ့၌ဖြစ်စေ၊ ည၌ဖြစ်စေ မပျင်းမရိ အထပ်ထပ် ရွတ်ဖတ် သရဇ္ဈာယ်သောသူသည် ချမ်းသာစွာ အိပ်စက်ရခြင်း၊ အိပ်မက်ဆိုး မမြင်မက်ခြင်း စသောအကျိုးများကို ရရှိနိုင်၏။ အို… သူတော်ကောင်းတို့ ထိုကဲ့သို့ အာနိသင်နှင့် ပြည့်စုံသော ပရိတ်တော်ကို ကျွန်ုပ်တို့ ရွတ်ဖတ်ကြပါကုန်စို့။

yassānubhāvato yakkhā, neva dassent bhīsanaṃ,

Yamhi cevānuyuñjanto, Rattindiva-matandito.

Sukkhuaṃ supati sutto ca, Pāpaṃ Kiñci na passati,

Evamādiguṇūpetaṃ, Parittaṃ taṃ bhaṇāma he.

By the power of this Sutta, the Yakkhas do not show their fearful appearance, and a person who makes effort regarding this Sutta day and night (by reciting and practicing), sleeps comfortably, and when he is asleep, he does not have bad dreams. Oh good people! Let us recite this protective Sutta which is endowed with these qualities and others as well.

ကရဏီယ’မတ္ထကုသလေန၊ ယန္တ သန္တံ ပဒံ အဘိသမေစ္စ။

သက္ကော ဥဇူ စ သုဟူဇူ စ၊ သုဝစော စဿ မုဒု အနတိမာနိ။

ငြိမ်းချမ်းသော နိဗ္ဗာန်သို့ ဉာဏ်ဖြင့်သက်ဝင်၍ နေလိုသော အကျိုးစီးပွား၌ လိမ္မာသောသူသည် ဤဆိုလတ္တံ့သော စည်းကမ်း နည်းလမ်းကို ပြုကျင့်အပ်၏။
၁။ ကျင့်စွမ်းနိုင် ရမည်။
၂။ ကိုယ်နှုတ် ဖြောင့်မတ်ရမည်။
၃။ စိတ်နေစိတ်ထား ကောင်းစွာ ဖြောင့်မတ်ရမည်။
၎။ ဆိုဆုံးမ လွယ်ရမည်။
၅။ စိတ်ထားနူးညံ့ သိမ်မွေ့ရမည်။
၆။ လွန်ကဲမြင့်မောက်သော မာန မရှိရာ။

Karaṇīya’matthakusalena, Yaṃ ta santaṃ padaṃ abhisammecca,

Sakko ujū ca suhujū ca, Suvaco cassa mudu anatimānī.

He who wants to dwell penetrating the state of calm (Nibbāna) and who is skilled in his good, should practice these kinds of training. He should be able, upright, very obedient, gentle and not conceited.

သန္တုဿကော စ သုဘရော စ၊ အပ္ပကိစ္စော စ သလ္လဟုက၀ုတ္တိ။

သန္တိန္ဒြိယော စ နိပကော စ၊ အပ္ပဂဗ္ဗော ကုလေသွ’နာနုဂိဒ္ဓေါ။

၇။ ရောင့်ရဲလွယ်ရမည်။
၈။ မွေးမြူလွယ်ရမည်။
၉။ အမှုကိစ္စနည်းပါးရမည်။
၁၀။ ၀န်ကျဉ်းပေါ့ပါးသော အသက်မွေးမှုရှိရမည်။
၁၁။ ငြိမ်သက်သော ဣနြေ္ဒရှိရမည်။
၁၂။ ရင့်ကျက်သော ပညာရှိရမည်။
၁၃။ ကိုယ်နှုတ်နှလုံး ကြမ်းတမ်းခြင်းမရှိရာ။
၁၄။ ဆွေမျိုး (ဒါယကာ) တို့၌ တပ်မက်မှုကင်းရမည်။

Santussako ca subharo ca, Appakicco ca sallahukavutti,

Santindriyo ca nipato ca, Appagabbho kulesva’nānugiddho.

He should be contented, easy to take care of, have few activities, have light living (have few possessions), and be controlled in his senses; he should be wise and not impudent and not be greedily attached to the families (devotees).

န စ ခုဒ္ဒ’မာစရေ ကိဉ္စိ၊ ယေန ၀ိညူ ပရေ ဥပ၀ဒေယျုံ။

သုခိနော ၀ ခေမိနော ဟောန္တု၊ သဗ္ဗသတ္တာ ဘ၀န္တု သုခိတတ္တာ။

၁၅။ ပညာရှိတို့ ကဲ့ရဲ့စွပ်စွဲနိုင်မည့် ဒုစရိုက်ကို စိုးစဉ်းအနည်းငယ်မျှလည်း မပြုကျင့်ရာ။
(ဤ စည်းကမ်း နည်းလမ်းတို့ကို လိုက်နာရမည်။) ခပ်သိမ်းသော သတ္တ၀ါတို့သည် ချမ်းသာခြင်းနှင့် ပြည့်စုံကုန်သည် ဘေးကင်းကုန်သည် ဖြစ်၍ ချမ်းသာသော ကိုယ်စိတ် ရှိကြပါစေကုန်သတည်း။

Na ca khudda’mācare kiñci, Yena viññū pare upavadeyyuṃ,

Sukhino vā khemino hontu, Sabbasattā bhavantu sukhitattā.

He should not commit any slight wrong, by doing which he might be censured by wise men. May all beings be happy and safe. May they be happy.

ယေ ကေ စိ ပါဏာဘူတတ္ထိ၊ တသာ ၀ါ ထာဝရာ ၀’န၀သေသာ။

ဒီဃာ ၀ါ ယေ ၀ မဟန္တာ၊ မဇ္ဈိမာ ရဿကာ အဏုကထူလာ။

ဒိဋ္ဌာ ၀ါ ယေ ၀ အဒိဋ္ဌာ၊ ယေ ၀ ဒူရေ ၀သန္တိ အ၀ိဒူရေ။

ဘူတာ ၀ သမ္ဘဝေသီ ၀၊ သဗ္ဗသတ္တာ ဘ၀န္တု သုခိတတ္တာ။

အလုံးစုံသော သက်ရှိသတ္တ၀ါတို့သည်လည်းကောင်း၊ ကြောက်တတ်သော (ပုထုဇဉ်) ပုဂ္ဂိုလ်တို့သည်လည်းကောင်း၊ စိတ်ဓာတ် ခိုင်ခံ့သော (ရဟန္တာ)ပုဂ္ဂိုလ်တို့သည်လည်းကောင်း၊ ရှည်သောကိုယ်, ကြီးသောကိုယ်, အလယ်လတ်စားရှိသောကိုယ်, ပုတိုသောကိုယ်, သိမ်မွေ့သောကိုယ်, ဆူဖြိုးသောကိုယ်ရှိသော သတ္တ၀ါတို့သည်လည်းကောင်း၊

မြင်အပ်သော သတ္တ၀ါ, မမြင်အပ်သော သတ္တ၀ါ, အဝေးနေ သတ္တ၀ါ, အနီးနေ သတ္တ၀ါတို့သည် လည်းကောင်း၊ ရဟန္တာပုဂ္ဂိုလ်၊ ပုထုဇဉ်နှင့် ကျင့်ဆဲ သိက္ခပုဂ္ဂိုလ်တို့သည် လည်းကောင်း၊ ခပ်သိမ်းသော သတ္တ၀ါတို့သည် ချမ်းသာသော ကိုယ်စိတ် ရှိကြပါစေကုန်သတည်း။

Ye keci pāṇābhūtatthi, Tasā vā thāvarā va’navasesā,

Dīghā vā ye va mahantā, Majjhimā rassakā aṇukathūlā.

Diṭṭhā vā ye va adiṭṭhā, Ye va dūre vasanti avidūre,

Bhūtā va sambhavesī va,Sabbasattā bhavantu sukhitattā.

Whatsoever living beings there be, feeble, or strong, long or big or medium or short, small or fat, seen or unseen, those dwelling far or near, those who are yet to be born – may all beings without exception be happy.

န ပရော ပရံ နိကုဗ္ဗေထ၊ နာတိမညေထ ကတ္ထစိ န ကိဉ္စိ။

ဗျာရောသနာ ပဋိဃသညာ၊ နညမညဿ ဒုက္ခမိစ္ဆေယျ။

မည်သည့်အရပ်၌မဆို မည်သူမဆို တစ်ဦးနှင့် တစ်ဦး လိမ်လည်လှည့်ဖျားခြင်းကင်းကြပါစေ။ အထင်အမြင်သေးခြင်း ကင်းရှင်းကြပါစေ။ ကိုယ်နှုတ်ဖြင့် ရန်လိုစော်ကားခြင်း၊ စိတ်ဖြင့် ငြူစူခြင်း မရှိကြပါစေလင့်။ အချင်းချင်း ဆင်းရဲစေလိုခြင်း မရှိကြပါစေလင့်။

Na paro paraṃ nikubbetha, Nātimaññetha katthaci na kañci,

Byārosanā paṭighasaññā, Naññamaññassa dukkhamiccheyya.

Let none be deceive another or despise any person in any place. Let him not wish any harm to another with insult or ill-will.

မာတာ ယထာ နိယံ ပုတ္တ၊ မာယုသာ ဧကပုတ္တ-မနုရက္ခေ။

ဧ၀ံ ပိ သဗ္ဗဘူတေသု၊ မာနသံ ဘာဝယေ အပရိမာဏံ။

မိခင်သည် ရင်၌ဖြစ်သော တစ်ဦးတည်းသော သားကို အသက်ရှင်စေရန် အစဉ် စောင့်ရှောက်ဘိသကဲ့သို့၊ သတ္တ၀ါခပ်သိမ်းတို့၌ အတိုင်းအရှည်မရှိသော မေတ္တာစိတ်ကို ပွားများရာ၏။

Mātā yathā niyaṃ putta, Māyusā ekaputta-manurakkhe,

Evaṃ pi sabbabhūtesu, Mānasaṃ bhāvaye aprimāṇaṃ.

Just as a mother would protect her only child at the risk of her own life, even so let him cultivate a boundless heart toward all beings.

မေတ္တဉ္စ သဗ္ဗလောကသ္မိ၊ မာနသံ ဘာဝယေ အပရိမာနံ။

ဥဒ္ဒံ အဓော စ တိရိယဉ္စ၊ အသမ္ဘာဓံ အဝေရ’မသပတ္တံ။

အထက်အောက်ဖီလာ အလုံးစုံသော လောက၌ ကျဉ်းမြောင်းခြင်းမရှိသော အတွင်းရန်, အပြင်ရန် ကင်းသော အတိုင်းအရှည်မရှိသော မေတ္တာစိတ်ကို ပွားများရာ၏။

Mettañ ca sabbalokasmi, Mānasaṃ bhāvaye aprimānaṃ,

Uddaṃ adho ca tiriyañ ca,Asambādhaṃ avera’masapattaṃ.

Let thoughts of boundless love pervade the whole world – above, below and across; making them unrestricted, free of hate and free of enmity.

တိဋ္ဌံ စရံ နိသိန္နော ၀၊ သယာနော ယာဝတာ’ဿ ၀ိတမိဒ္ဓေါ။

ဧတံ သတိံ အဓိဋ္ဌေယျ၊ ဗြဟ္မမေတံ ၀ိဟာရ’မိဓမာဟု။

ငိုက်မျည်းခြင်းကင်း၍၊ ရပ်နေသမျှ သွားနေသမျှ ထိုင်နေသမျှ လျောင်းနေသမျှ ကာလပတ်လုံး ဤ (မေတ္တာနှင့်ယှဉ်သော) သတိကို ပွားများအံ့ဟု ဆောက်တည်ရာ၏။ ဤသို့နေထိုင်ခြင်းအား မြတ်သောနေထိုင်ခြင်း (ဗြဟ္မ၀ိဟာရ)ဟု ဗုဒ္ဓသာသာနာ၌ ဟောတော်မူကုန်၏။

Tiṭṭhaṃ caraṃ nisinno va, Sayāno yāvatāssa vitamiddho,

Etaṃ satiṃ adhiṭṭeyya, Brahmametaṃ vihāra’middha māhu.

Whether he is standing, walking, sitting, or lying down, as long as he is awake he should develop his mindfulness in loving kindness. This is the Noble Living here (in this Dispensation of Buddha), they say.

ဒိဋ္ဌဉ္စ အနုပဂ္ဂမ္မ၊ သီလ၀ါ ဒဿနေန သမ္ပန္နော။

ကာမေသု ၀ိနေယျ ဂေဓံ၊ န ဟိ ဇာတု’ဂ္ဂဗ္ဗသေယျ ပုန ရေတိ။

(ထိုမေတ္တာကမ္မဋ္ဌာန်း စီးဖြန်းသောသူသည်) သက္ကယဒိဋ္ဌိသို့လည်း မကပ်မူ၍၊ သီလရှိသည်ဖြစ်၍ (သောတာပတ္တိမဂ်ဉာဏ်ဟူသော) အမြင်နှင့် ပြည့်စုံသည်ဖြစ်၍၊ ၀တ္ထုကာမတို့၌ တပ်မက် တွယ်တာမှုကို ပယ်ဖျောက်သည်ရှိသော် အမိဝမ်း၌ တစ်ဖန်ပြန်၍ ပဋိသန္ဓေ နေခြင်းသို့ မရောက်တော့ပေ။

Diṭṭhiñ ca anupaggamma, Sīlavā dassanena sampanno,

Kāmesu vineyya gedhaṃ, na hi jātuggabbhaseyya puna reti.

Not approaching (taking) wrong views, being virtuous and endowed with Vision (The first Path Knowledge), and discarding attachment to sensual objects, he definitely does not come again to lying in a (mother’s) womb.

***********************************************************************

မင်းကွန်းဆရာတော်ဘုရားကြီး (ဦးဝိစိတ္တသာရာဘိဝံသ) သီကုံးဖွဲ့ဆိုသော မေတ္တသုတ်လာ မေတ္တာပွားနည်း ၁၁-နည်း

၁။ သဗ္ဗေ သတ္တာ သုခီနော ဟောန္တု။
(က) လုံးစုံများစွာ၊ သတ္တ၀ါ၊ ချမ်းသာကိုယ်စိတ်မြဲပါစေ။
(ခ) ဥပဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ။

၂။ တသ, ထာဝရာ
(က) ကြောက်တတ်, မကြောက်တတ်၊ နှစ်ရပ်များစွာ၊ သတ္တ၀ါ၊ ချမ်းသာကိုယ်စိတ် မြဲပါစေ။
(ခ) ဥပဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ။

၃။ ဒိဋ္ဌ, အဒိဋ္ဌာ
(က) မြင်အပ်, မမြင်အပ်၊ နှစ်ရပ်များစွာ၊ သတ္တ၀ါ၊ ချမ်းသာကိုယ်စိတ် မြဲပါစေ။
(ခ) ဥပဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ။

၎။ ဒူရေ, အ၀ိဒူရေ
(က) ဝေးနေ, နီးနေ၊ နှစ်ထွေများစွာ၊ သတ္တ၀ါ၊ ချမ်းသာကိုယ်စိတ် မြဲပါစေ။
(ခ) ဥပဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ။

၅။ ဘူတ, သမ္ဘဝေသီ
(က) ဘ၀ဇာတ်ဆုံး၊ မဆုံးများစွာ၊ သတ္တ၀ါ၊ ချမ်းသာကိုယ်စိတ် မြဲပါစေ။
(ခ) ဥပဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ။

၆။ ဒီဃ, ရဿ, မဇ္ဈိမ
(က) ရှည်, တို, အလတ်၊ သုံးရပ်ခန္ဓာ၊ သတ္တ၀ါ၊ ချမ်းသာကိုယ်စိတ် မြဲပါစေ။
(ခ) ဥပဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ။

၇။ မဟန္တ, မဇ္ဈိမ, အဏုက
(က) ကြီး, ငယ်, အလတ်၊ သုံးရပ်ခန္ဓာ၊ သတ္တ၀ါ၊ ချမ်းသာကိုယ်စိတ် မြဲပါစေ။
(ခ) ဥပဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ။

၈။ ထူလ, အဏုက, မဇ္ဈိမ
(က) ဆူ, ကြုံ, အလတ်၊ သုံးရပ်ခန္ဓာ၊ သတ္တ၀ါ၊ ချမ်းသာကိုယ်စိတ် မြဲပါစေ။
(ခ) ဥပဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ။

၉။ န ပရော ပရံ နိကုဗ္ဗေထ
လူအချင်းချင်း လှည့်ပတ်ခြင်း၊ ကင်းရှင်းကြပါစေ။

၁၀။ နာတိမညေထ ကတ္ထစိ န ကိဉ္စိ
အထင်သေးခြင်း အချင်းချင်း၊ ကင်းရှင်းကြပါစေ။

၁၁။ ဗျာရောသနာ ပဋိဃသည၊ နညမညဿ ဒုက္ခမိစ္ဆေယျ
ဆင်းရဲလိုခြင်း၊ အချင်းချင်း၊ ကင်းရှင်းကြပါစေ။

မင်းကွန်းဆရာတော်ဘုရားကြီး၏ ပရိတ်ကြီး (၁၁) သုတ်နှင့် မေတ္တာပွားနည်း mp3 file

မရေးတတ်၍ ရေးလိုက်ပါသည်။

များများ ရေးပါ။
တိုစိ၊ တိုစိလေးတွေ…
ဖတ်တော့ မယ်ဆို ပြီးသွားပြီ။
some are take time to understand for me.
ကျမ စာရေးဖြစ်အောင် အားပေးကြသူများ၏ comment လေးတွေ ဖြစ်ပါတယ်။
...............
များများ မရေးနိုင်တာ ၀န်ခံပါတယ်။
ဒီမှာတော့ ဒီလောက်ရေးပြီးရင်ကို ညှစ်ထားပြီးသား ကြံဖတ်ကြီးလို ဖြစ်ကျန်ခဲ့ရရှာပါတယ်။
ကျွန်မသည် မပြည့်သည့်အိုး ဖြစ်သည်။
ကျွန်မ ဘောင်ဘင်ခတ်တာကိုလည်း လူသိမှာ စိုးကြောက်လှပါ၏။
ကျမ၏ ဆင်ခြေများဖြစ်ပါသည်။
...............
ဖွင့်ဟ ၀န်ခံပါမည်။
ကျမရေးထားတာတွေက Blog မှာ ကဏ္ဍခွဲထားသလို စကားပြေလည်း မဟုတ်၊ ကဗျာလည်း မဟုတ်။
“စကားပျာ” များဖြစ်ပါသည်။

(ခက်ဆစ်- စကားပျာ=တည်ငြိမ်မှုမရှိ၊ အဓိပ္ပါယ်မပေါ်လွင်၊ ကယောက်ကယက်နှင့် ပျာယာခတ်နေသောစာ။)
သင်ဆရာ၊ မြင်ဆရာ၊ ကြားဆရာများနှင့် စာဖတ်သူများကို စော်ကားသလို ဖြစ်က မပြည့်သည့်အိုးလေးကို ခွင့်လွှတ်ကြပါဟူ၍သာ…
...............
ကျမတို့ မိခင်ဘာသာ မြန်မာစာကို လေ့လာသင်ယူခဲ့ကြသည်။ သူငယ်တန်း နှင့် ပထမတန်းတွင် အစဦးဆုံး အက္ခရာတွေကို အသံထွက်ပုံ၊ ရေးဆွဲပုံမှစ၍ စာလုံးတွေကို ဘယ်လိုပေါင်းမယ်။ ဘယ်လို ဖတ်မယ်။ သင်ကြရသည်။ ပထမတန်း နှစ်ဝက်ပြီးလျှင် မြန်မာစာ ရေးတတ်၊ ဖတ်တတ်ပြီ ဖြစ်သည်။
ဖတ်တတ်သော အခါ ကျက်ကြရသည် (အမေးအဖြေတွေကို ၏, သည် မရွေ့)၊ ရေးတတ်သော အခါ ကူးခဲ့ကြသည်။ (အောက်ပါစာလုံးများနှင့် ၀ါကျဖွဲ့ပါ ဟူသော မေးခွန်းအတွက် ဆရာမ ဥပမာရေး ပြသော ၀ါကျတွေကို)။
အတန်းကြီးလာသော အခါ နေ့ထူးနေ့မြတ်နှင့် တစ်စုံတစ်ခုသော အခမ်းအနားများတွင် ပေးထားသောခေါင်းစဉ် အတွက် စာစီစာကုံးရေးခြင်းမျိုးကို မိခင်ဘာသာတွင် အလွန်ပါရမီထူး၍ ထူးချွန်နေသော ကျောင်းသားများသာ ရွေးထုတ် အစွမ်းပြခွင့်ရခဲ့ကြပါသည်။ ကျောင်းသားများ အများဆုံးပျက်ကွက်သော အိမ်စာကို စစ်တမ်းထုတ်မည်ဆိုပါလျှင် စာစီစာကုံးပင် ဖြစ်ပါလိမ့်မည်။ အမှတ်ကောင်းလိုသူများသည် စာစီစာကုံး ကို ကျက်ကြပါသည်။ တွေးနိုင်အောင်၊ ရေးနိုင်အောင် ကျောင်းစာမှလွဲ၍ စာဖတ်ဝါသနာပါလာအောင် စွဲဆောင်မည့် ကလေးစာပေ နှင့် အလှမ်းဝေးခဲ့ရပါသည်။
အခြား ဘာသာစာပေများတွင် လေ့လာရသလို ပေးထားသောရုပ်ပုံများ အတွက် ကိုယ်ပိုင်စိတ်ကူး၊ ကိုယ်ပိုင်အတွေးဖြင့် Composition ကိုယ်တိုင်ရေးခြင်းမျိုး ကျမတို့ မလေ့ကျင့်ခဲ့ကြပါ။ Comprehension ကဲ့သို့သော စာပိုဒ်ကိုဖတ်ပြီး မေးခွန်းတွေကို ကိုယ့်အတွေးအခေါ်၊ ကိုယ်ပိုင်ဉာဏ်နှင့် မဖြေခဲ့ကြပါ။
အခြားဘာသာရပ်များ သိပ္ပံ၊ ပထ၀ီ၊ သမိုင်း စသည်တို့ကို မြန်မာဘာသာဖြင့် လေ့လာသင်ကြားခဲ့ကြသော်လည်း အထက်ပါနည်းအတိုင်းပင် ချဉ်းကပ်ခဲ့ကြ၍ သမိုင်းမှ အဖြစ်အပျက် တစ်ခုအတွက် ဘ၀တွင်ပါသွားရမည့် သင်ခန်းစာ၊ အတွေးအခေါ်များအစား အမှတ်ပေးစည်းမျဉ်းတွင် ခုနှစ်၊ သက္ကရာဇ်များ၏ အရေးပါမှုကိုသာ နားလည်ခဲ့ကြပါသည်။ “သိပ္ပံတော်ရန်၊ သင်္ချာ တော်ရမည်။” ဆိုသကဲ့သို့သော အပြန်အလှန် အကျိုးပြုနိုင်ခွင့်များကိုလည်း မခံစားကြရတော့ပါ။ လူမျိုးခြားတို့၏ အမည်များနှင် စကားလုံးများကို မြန်မာစာလုံးနှင့် ပေါင်းထားသည်များကို အသံပင်မထွက်တတ်သဖြင့် မောနေအောင် ကြိုးစား၍ ကျော်ခွ ဖတ်ခဲ့ရခြင်းကြောင့် ဆက်စပ်၍ နားလည်နိုင်ခြင်း အခွင့်အရေးလည်း ဆုံးရှုံးခဲ့ရပါသည်။
မည်သို့ဆိုစေ

မြန်မာပြည်သည် တို့ပြည်။
မြန်မာစာသည် တို့စာ။
မြန်မာစကားသည် တို့စကား။
တို့ပြည်ကို ချစ်ပါ။
တို့စာကို မြတ်နိုးပါ။
တို့စကားကို လေးစားပါ။

“ကျည်ပွေ့ အတတ်ပေါက်စေ” ဟူသောထုံးကို နှလုံးမူ၍ ဆက်၍ကြိုးစားပါဦးမည်။
ခေတ်အဆက်ဆက်မှ စာကောင်းပေမွန်များကို ရေးသားပြုစုခဲ့ကြသူများ၊ အခြားဘာသာမှ အတတ်ပညာ နှင့် စာပေ၊ အနုပညာများကို မြန်မာဘာသာသို့ ဘာသာပြန်ဆိုကြသောသူများ၊ Image လေးနဲ့ ပြီးတော့မှ အောက်ကစာသားတွေ … သိတယ်မို့လား Blog က Post လေးတွေကို တွေးသူ၊ ရေးသူ၊ ဝေမျှသူ အားလုံးကို လေးစားလျက် ကျမ ကိုယ်တိုင်စာတွေ အများကြီးရေးချင်ပါသည်။ ဆရာကြီး Dr.မင်းတင်မွန်၏ Good English စာအုပ်နောက်ကျောမျက်နှာဖုံးမှ ကျမစိတ်ထဲ အမြဲစွဲနေသော စာတန်းကို ကျမဆန္ဒနှင့်ကိုက်ညီအောင် ဒီလိုလေး ပြောင်းလဲယူသုံးပါရစေ။

လူတိုင်း မိခင်ဘာသာ မြန်မာစာတွင် တော်၍၊ မြန်မာစာတွင် ပျော်ရမည်။

မေတ္တာနှလုံး ကိုယ်စီသုံး

မေတ္တာနှင့် အပြိုင်အဆိုင်

မေတ္တာဟူသောဝေါဟာရသည် စင်စစ် မြန်မာလူမျိုးများနှင့် အထူးမိတ်ဆက်ပေးရန် မလိုတော့ပေ။ “မြင့်မြတ်သော နေထိုင်ခြင်း”ဟု အဓိပ္ပါယ်ရသော ဗြဟ္မ၀ိဟာရ ခေါ် ဗြဟ္မစိုရ်တရားလေးပါးတွင် မေတ္တာသည် ပထမဆုံးနေရာတွင် ရှိနေသည်။ “မေတ္တာ” ဟူသောစကားသည် “မိတ္တ (အဆွေခင်ပွန်း)” ဟူသောဝေါဟာရနှင့် နှီးနွယ်နေသည်။ ထို့ကြောင့် မေတ္တာတရားဟူသည် မိတ်ဆွေသူငယ်ချင်းတို့တွင် ထားရှိအပ်သော “ခင်မင်မှု၊ ချစ်ခင်မှု၊ ရင်းနှီးမှု” ဟုနားလည်နိုင်ပါသည်။

မိမိ ရင်းနှီး ခင်မင်သူအား ကြီးပွားတိုးတက် ချမ်းသာစေလိုသည်မှာ ဓမ္မတာပင်ဖြစ်သည်။ သို့သော် အချို့က “မိတ်ဆွေတွေကြားမှာလည်း ကိုယ်ထက်သာမှာ မနာလို မရှုစိမ့်တာတွေ ရှိကြတာပဲ”လို့ စောဒကတက်ကောင်း တက်ပါလိမ့်မည်။ မှန်ပါသည်။ ပုထုဇဉ်လူသားများတွင် “အပြိုင်အဆိုင်” ဆိုသော စိတ်ကလေးများက အမြစ်တွယ်နေတတ် ကြသည် မဟုတ်ပါလော။ မိမိတွင်ရှိသော ပစ္စည်းဥစ္စာ၊ အသိပညာ၊ ဂုဏ်အဆင့်အတန်းများအား ခွဲဝေပေးလိုက်ရမည်ကို တွန့်တိုသော “မစ္ဆရိ” နှင့်၊ သူတစ်ပါးတွင်ရှိသည့် ပစ္စည်းဥစ္စာ၊ အသိပညာ၊ ဂုဏ်ထူးများအပေါ် မနာလို မရှုစိမ့်သော “ဣဿာ” တရားတို့သည် ဤ “အပြိုင်အဆိုင်” ဟူသောသဘောမှ ပေါက်ပွား လာကြခြင်း ဖြစ်သည်။

အပြိုင်အဆိုင်ဆိုသည်မှာ နိုင်းယှဉ်မှု, ထောက်ဆမှု, တိုင်းထွာမှု ဖြစ်၏။ နှိုင်းယှဉ်သည်ဆိုရတွင်လည်း ထောက်ဆစရာ (Reference) နှင့် ဘာကို နှိုင်းယှဉ်မည်ဆိုသော အပိုင်းနှစ်ပိုင်း ရှိပါသည်။ “ငါ” ကို ထောက်ဆပြီး “သူ”နှင့် တိုင်းထွာသည်။ ပစ္စည်းဥစ္စာ၊ ရုပ်ရည်အဆင်း၊ ဂုဏ်ဒြပ်စသော အရည်အသွေးများက နှိုင်းယှဉ်စရာများ ဖြစ်သည်။ “ငါကသူထက် ပိုချောတယ်။ သူနဲ့ငါ ပစ္စည်းဥစ္စာကြွယ်မှုခြင်းတူပါတယ်။ သူက ငါ့ထက် လာဘ်ပိုရတယ်” စသဖြင့် ပြိုင်ဆိုင်ကြသည်။ ယင်းကိုပင် ဗုဒ္ဓဘာသာစာပေတွင် “မာန” ဟုသုံးပါသည်။ မိမိက သာသည်ဟု မောက်မာ ထောင်လွှားသော “သေယျမာန”၊ မိမိနှင့် အဆင့်အတန်းတူပါပဲဟု နိုင်းယှဉ်သော “သဒိသမာန”၊ မိမိက သူ့ထက် နိမ့်ကျသည်ဟု အားငယ်စိတ်နှင့် နိုင်းယှဉ်သော “ဟီနမာန” ဟု မာန သုံးမျိုးခွဲထားသည်။ (မောက်မာမှုကိုသာ မာန ဟုခေါ်သည်မဟုတ်ပဲ၊ အားငယ်စိတ် inferior complex ကိုလည်း ဗုဒ္ဓဘာသာတွင် မာန ဟုခေါ်ကြောင်း သတိပြုသင့်ပါသည်။)

အပြိုင်အဆိုင်ဟူသော မာနတရားက မိတ်ဆွေသူငယ်ချင်းတို့ အကြားသာမက လင်မယား၊ ညီအကိုမောင်နှမ နှင့် နောက်ဆုံး မိဘနှင့်သားသမီး အကြား၌ပင် ရှိနေတတ်ကြပါသည်။ ထို အပြိုင်ဆိုင်တို့မှနေ၍ “ဣဿာ၊မစ္ဆရိယ” တရားများ ပွားများပြီး ချစ်ခင်ရမည့် အစား၊ တစ်စိမ်းပြင်ပြင်ဖြစ်ရုံသာမက အချို့ဆိုလျှင် ရန်သူများ အဖြစ်သို့ပင် ရောက်သွားတတ်ပါသည်။ “အပြိုင်အဆိုင်” ဆိုသည်မှာ မိတ်ဆွေသူငယ်ချင်းအဖြစ်မှ ရန်သူအဖြစ်သို့ ပို့ပေးမည့် မေတ္တာတရား၏ ဆန့်ကျင်ဖက် တရားဟု ဆိုနိုင်သည်။ ထို့ကြောင့် ပုထုဇဉ်သဘာဝအရ မိတ်ဆွေတို့အကြားတွင် အပြိုင်အဆိုင်၊ မနာလိုဝန်တိုမှုတို့ ရောနှော၍ ရှိကောင်း ရှိနေနိုင်သော်လည်း၊ မေတ္တာ ဟူသည် “မိတ်ဆွေသူငယ်ချင်းတို့ ထားရှိသော ချစ်ခင်မှု၊ ရင်းနှီးမှု၊ တစ်ဦးကို တစ်ဦး ယိုင်းပင်းကူညီမှု၊ ကောင်းစေလိုမှု” ဟူသော အဓိပ္ပါယ်သည် မမှားယွင်းပါ။

မေတ္တာ နှင့် အချစ်

“မာတာ ယထာ နိယံပုတ္တ၊ မာယုသာ ဧကပုတ္တ’မနုရက္ခေ၊
ဧ၀မ္ပိ သဗ္ဗဘူတေသု၊ မာနသံ ဘာဝယေ အပရိမာဏံ။”

မေတ္တာ၏သဘောကို ပို၍ပေါ်လွင်စေသော ဖွင့်ဆိုချက်လေးကို မေတ္တာသုတ်တွင် တွေ့နိုင်ပါသည်။ “မိခင်သည် မိမိရဲ့တစ်ဦးတည်းသောသားလေးအား စောင့်ရှောက်သကဲ့သို့ သတ္တ၀ါခပ်သိမ်းအပေါ်တွင် အတိုင်းအရှည်မရှိသော (မေတ္တာစိတ်) ကို ပွားများရမည်” ဟု အနက်ရသည်။ မိခင်တို့သည် မိမိသားသမီး မည်မျှပင် ဆိုးဆိုး၊ အချစ် ယုတ်လျော့ မသွားတတ်ကြပါ။ သည်းခံပြီး အချစ် ပိုတတ်ပါသေးသည်။ ထို့ကြောင့် မေတ္တာသည် သည်းခံခြင်းသဘော၊ ဒေါသကို ပယ်ဖျောက်ခြင်းသဘောဟုလည်း ဆိုနိုင်ပါသေးသည်။ အဘိဓမ္မာတွင် မေတ္တာကို အဒေါသ (ဒေါသကင်းခြင်း) ဟု တရားကိုယ် ကောက်ပြပါသည်။

ဒေါသသည် မိမိကိုရော မိမိ၏ ပတ်ဝန်းကျင်ကိုပါ ပူလောင်စေတတ်သော သဘောရှိသည်။ မေတ္တာသည် ဒေါသ၏ ဆန့်ကျင်ဖက် အေးမြခြင်းသဘောရှိသည်။ ချစ်ခင်ရင်းနှီးမှုဟု အဓိပ္ပါယ်ရသော မေတ္တာတရားသည် အေးမြ သော်လည်း၊ မေတ္တာ ယောင်ဆောင်တတ်သော ပူလောင်သော အချစ်မျိုးလည်းရှိ သေးသည်။ စင်စစ် အချစ်သည် အေးမြသော မေတ္တာအချစ်နှင့် ပူလောင်သောအချစ်တို့ ရောယှက်နေသည့် ရှုတ်ထွေးနားလည်ရခက်သော စိတ်သဘာဝမျိုးဖြစ်သည်။

အချစ်သည် သာယာမှုနှင့် တစ်နည်းမဟုတ် တစ်နည်း ဆက်စပ်ပတ်သက်နေသည်။ ချစ်သူမျက်နှာလေးအား ကြည့်၍ သာယာသည်။ မိမိ သားလေး အသံအား ကြား၍ ကြည်နူးသည်။ စံပယ်ပန်း ရနံ့လေးအား နှစ်သက်သည်။ နှစ်သက်, သာယာ, ကြည်နူးမှုအား ပါဠိလို ‘နန္ဒိ’ ဟုခေါ်သည်။ အဖန်ဖန် တွေ့ချင်၊ ကြားချင်၊ နမ်းရှိုက်ချင်သော အလွန် နှစ်သက်သာယာမှုအား ‘အဘိနန္ဒိ’ ဟုခေါ်သည်။ သောက်လေ သောက်လေ ငတ်မပြေသော ဆားငံရေကဲ့သို့ ကြည့်၍ မ၀၊ ကြား၍ မ၀၊ နမ်းရှိုက်၍ မ၀နိုင်အောင် မွတ်သိပ်တပ်မက်ခြင်းအား ‘တဏှာ’ ဟုခေါ်သည်။ အာရုံတို့အပေါ် တပ်ငြိခြင်းအား ‘ရာဂ’ဟုခေါ် သည်။ ထို့ကြောင့် ဓမ္မစကြာဒေသနာတွင် “နန္ဒိရာဂ သဟဂတာ တတြာတတြာဘိနန္ဒိနီ”ဟု တဏှာ၏ သဘောအား ဟောကြားထားသည်။ အမြင်၊ အကြား၊ အနံ့၊ အရသာ၊ အတွေ့အထိဟူသော အာရုံငါးပါးအား ‘ကာမဂုဏ်’ ဟုခေါ်သည်။ ထိုအာရုံငါးပါး အပေါ်၌ တပ်မက်သာယာခြင်းအား ‘ကာမတဏှာ’ ဟုခေါ်သည်။ ဤတွင် ကာမတဏှာ, ကာမရာဂဟူသော ဝေါဟာရတို့သည် လိင်မှုသာယာတပ်မက်ခြင်း (sexual pleasure/desire) မျှသာမဟုတ်၊ သက်မဲ့ စံပယ်ပန်းရနံ့လေးအား တရှိုက်မက်မက် နှစ်သက်တပ်မက်ခြင်းကိုလည်း ကာမတဏှာဟုပင် သုံးနှုန်းခေါ်ဝေါ်ကြောင်း သတိပြုသင့်သည်။

တပ်မက်ခြင်းသည် သာယာမှုကို မျှော်လင့်ခြင်း ဖြစ်သည်။ သို့သော် မျှော်လင့်ခြင်းသည် အထင်ဖြစ်သည်။ လောကကြီးသည် တည်ငြိမ်၊ ခိုင်မြဲမှု အလျဉ်း မရှိ။ အမြဲ ပြောင်းလဲ ဖောက်ပြန်နေသည်။ မိမိနှစ်သက်တပ်မက်သော အာရုံတို့နှင့် ကွေကွင်းရသောအခါ၊ ထိုအာရုံတို့က မိမိတို့မျှော်လင့်ထားသည့် ကြည်နူးသာယာမှုတို့ မပေးစွမ်းနိုင်တော့သောအခါ ကြေကွဲခြင်း၊ ၀မ်းနည်းပူဆွေးခြင်းတို့ကြုံရလေသည်။ ထို့ကြောင့် တပ်မက်မှု တဏှာအား ဓမ္မစကြာဒေသနာက “ဒုက္ခ သမုဒယံ” ဆင်းရဲခြင်း၏ အကြောင်း သမုဒယသစ္စာအဖြစ် ဘုရားရှင်က ဟောကြားတော် မူခဲ့သည်။ ထို့ကြောင့် တဏှာအချစ်, ကိလေသာအချစ်သည် မိမိအား သာယာမှုကို ပေးစွမ်းသည်, ပေးစွမ်းနိုင်လိမ့်မည်ဟူသော အကျိုးကို မျှော်လင့်မှုကို အခြေခံသော ချစ်ခင်မှုမျိုးဖြစ်၍၊ ပူလောင်မှုနှင့် ဆက်စပ်နေသော အချစ်မျိုးဖြစ်သည်။ မေတ္တာအချစ်ကား မိခင်သည် တစ်ဦးတည်းသော သားငယ်အား စောင့်ရှောက်သကဲ့သို့ အကျိုးကို မမျှော်ကိုးပဲ ချစ်ခင်သော အေးမြသည့် အချစ်မျိုးဖြစ်သည်။ ထို့ကြောင့် တဏှာ, ကိလေသာ အချစ်သည် ဒေါသကဲ့သို့ မေတ္တာတရား၏ တိုက်ရိုက်ဆန့်ကျင်ဖက် မဟုတ်သည့်တိုင်၊ မေတ္တာ အယောင်ဆောင်၍ ပူလောင်စေတတ်သော မေတ္တာ၏ အနီးကပ် အတွင်းရန်သူဖြစ်သည်။ အပြိုင်အဆိုင်ဟူသော မာန နှင့် မနာလိုဝန်တိုမှုဟူသော ဣဿာ, မစ္ဆရိယတို့သည် မေတ္တာ၏ အပြင်ရန်သူဖြစ်သည်။

နယ်ခြားမဲ့ မေတ္တာ

မေတ္တာ၏ ရန်သူသည် အပြိုင်အဆိုင်၊ တစ်နည်းအားဖြင့် နှိုင်းယှဉ်ခြင်းဟု ဆိုခဲ့ပြီး ဖြစ်သည်။ နှိုင်းယှဉ်ခြင်းသည် ထောက်ဆမှု (reference)၊ တိုင်းထွာမှု (measurement) တို့နှင့် ဆက်စပ်နေပြီး၊ ထောက်ဆစရာသည် “ငါ” ဖြစ်၍၊ “ငါနှင့် ထောက်ဆ၍ တိုင်းထွာမှု” ကို မာနဟုခေါ်ကြောင်း အထက်တွင် ရှင်းခဲ့ပါပြီ။ ထို့ကြောင့် တိုင်းဆမှုကို ပယ်ရှားနိုင်မှသာ မေတ္တာအစစ် ဖြစ်ပေါ်နိုင်မည်။ တဖန် အချစ်သည် မေတ္တာကို လှည့်စားတတ်သော တရားဖြစ်၍ “အချစ်” ဟူသော ပေတံဖြင့် နှိုင်းဆတိုင်းထွာမှုကို ပယ်ရှားမှ မေတ္တာအစစ် ဖြစ်ပေါ်နိုင်မည်။

ငါဟူသော စံကို ထောက်ဆကာ အချစ်ဟူသော ပေတံဖြင့်တိုင်းထွာ၍ ပုထုဇဉ်တို့က လောကကို ဖန်ဆင်းထားခြင်းဖြစ်သည်။ ဤသို့ တိုင်းထွာလိုက်လျှင် (၁) မိမိ၊ (၂) မိမိ ချစ်သော ပုဂ္ဂိုလ်၊ (၃) မိမိမုန်းသော ရန်သူ၊ (၄) မိမိ ချစ်သည်၊မုန်းသည်မဟုတ်သော အလယ်အလတ်ပုဂ္ဂိုလ် ဟုအကြမ်းဖျင်းအားဖြင့် ကွဲပြားနေပေမည်။ ဤသို့ ကွဲပြားနေသည်ကို “နယ်ပယ်စည်း” ခြားထားသည်၊ စိတ်ကို ဘောင်ခတ်ထားသည်ဟု ခေါ်၏။

မေတ္တာအစစ်ကို ပွားလိုပါက ဤနယ်ပယ်စည်းကို ဖျက်ဆီးပစ်ရမည်။ နယ်ပယ်စည်းပျက်သွားခြင်းကို “သီမ သမ္ဘေဒ”ဟု အဋ္ဌကထာဆရာက သုံးနှုန်းသည်။ ချစ်သူ၊ မုန်းသူမခွဲတော့။ ငါနှင့်သူ မခွဲတော့။ သတ္တ၀ါအားလုံးကို အညီအမျှထားပြီး ရင်းနှီးခင်မင်စိတ်၊ ကူညီလိုစိတ်၊ ချမ်းသာစေလိုသည့် စိတ်တို့ ဖြစ်စေရပါသည်။ ထို့ကြောင့် “သဗ္ဗဘူတေသု မာနသံ ဘာဝယေ အပရိမာဏံ - ခပ်သိမ်းသောသတ္တ၀ါတို့ အပေါ်တွင် အတိုင်းအဆမရှိသော (အပရိမာဏံ) စိတ် ကို ဖြစ်စေရမည်” ဟု မေတ္တာသုတ် ပါဠိတော်က ဟောထားခြင်း ဖြစ်သည်။ မေတ္တာသုတ် နောက်တစ်ပိုဒ်ကို ဆက်ရွတ်ပါက -

“မေတ္တဉ္စ သဗ္ဗလောကသ္မိံ၊ ဘာဝယေ အပရိမာဏံ၊
ဥဓံ အဓော စ တိရိယဉ္စ၊ အသမ္ဗာဓံ အဝေရ’မသပတ္တံ။”

“အထက်အောက်ဖီလာ အလုံးစုံသော လောက၌ ကျဉ်းမြောင်းခြင်းမရှိသော ရန်ကင်းသော အတိုင်းအဆမရှိသော မေတ္တာစိတ်ကို ပွားများရာ၏” ဟုတွေ့ရပေမည်။ ကျဉ်းမြောင်းသော၊ ဘောင်ခတ်ထားသောစိတ်နှင့် လောကကို မကြည့်တော့။ အထက်အောက်ဝဲယာ အရပ်ဆယ်မျက်နှာစလုံးရှိ တစ်လောကလုံးမှ သတ္တ၀ါအားလုံးအား အတိုင်းအဆ မထားသော မေတ္တာစိတ်ကို ပွားရမည်ဟုဆိုလိုသည်။

ဤတွင် ‘ငါ’ ဟူသော မာနအား သောတာပန်စသော ကျင့်ဆဲအရိယာတို့သည်ပင် အကြွင်းမဲ့ ပယ်သတ်နိုင်ခြင်းမရှိသေး။ ရဟန္တာကသာ ပယ်သတ်နိုင်သည်။ ကာမတဏှာအချစ်အား အနာဂါမ်နှင့် ရဟန္တာတို့ကသာ အကြွင်းမဲ့ ပယ်သတ်နိုင်သည်။ သို့ကြောင့် ဤသို့သော နယ်ခြားမဲ့ မေတ္တာမျိုးအား ပုထုဇဉ်ပုဂ္ဂိုလ်တို့ ပွားများနိုင်ပါမည်လောဟု မေးခွန်းထုတ်ကောင်း ထုတ်နိုင်ပေမည်။ အဖြေကား ပုထုဇဉ်တို့သည်လည်း အတ္တကို တဒင်္ဂမျှခွာ၍ ချစ်သူ, မုန်းသူမခွဲခြားသော မေတ္တာစိတ်မျိုးကို တခဏမျှ ပွားများနိုင်ပါသည်။ ရေမှော်တို့ဖုံးနေသော ရေကန်တွင် လက်ဖြင့် ဖယ်ရှားလိုက်ပါက အတော်ကြာကြာ ကြည်လင်နေနိုင်သကဲ့သို့ပင်၊ ထို ခဏများကို မကြာခဏဖြစ်စေပါက အလွန်သန့်ရှင်းအေးမြသော မေတ္တာစိတ်သည် အတန်ကြာဖြစ်ပေါ် နိုင်ပါသည်။ ထို့ကြောင့် အနာဂါမ်၊ ရဟန္တာမဟုတ်သေး၍ မေတ္တာ၏ ရန်သူတို့အား အကြွင်းမဲ့ မပယ်သတ်နိုင်သေးသော်လည်း၊ တခဏကြာဖြစ်စေ၊ အတန်ကြာဖြစ်စေ “နယ်ခြားမဲ့ မေတ္တာမျိုး” အား ပွားများနိုင်ပါသည်။

“တိဋ္ဌံ စရံ နိသိန္နော ၀၊ သယာနော ယာဝတာ’ဿ ၀ိတမိဒ္ဓေါ၊
ဧတံ သတိံ အဓိဋ္ဌေယျ၊ ဗြဟ္မမေတံ ၀ိဟာရ’မိဓမာဟု။”

မေတ္တာသုတ်တော်တွင် “ငိုက်မျဉ်းခြင်းကင်းလျက် ရပ်နေ, သွားနေ, ထိုင်နေ, လျောင်းနေသမျှကာလပတ်လုံး ဤမေတ္တာစိတ်ကို ဖြစ်စေအံ့ဟု သတိဖြင့် အဓိဋ္ဌာန်ပြု၍ ပွားများရာ၏။ ဤသို့သောနေခြင်းအား မြတ်သောနေခြင်း (ဗြဟ္မ၀ိဟာရ) ဟုခေါ်သည်။” ဟုဟောကြားထား၏။

မေတ္တာပွားပုံ

မေတ္တာပွားခြင်းဟူသည် သတ္တ၀ါအားလုံး ချမ်းသာကြပါစေဟု ရင်းနှီးခင်မင်သော၊ ရိုင်းပင်းကူညီလိုသော စိတ် မွေးမြူခြင်း ပင်ဖြစ်သည်။ ဤတွင် အာရုံပြုမှုပိုင်းနှင့် စိတ်ထားမှုအပိုင်းဟုခွဲ၍ ကြည့်နိုင်သည်။ အာရုံပြုအပိုင်းအရ ဆင်းရဲချမ်းသာ၊ လူတန်းစား အသားအရောင်မခွဲ သတ္တ၀ါအားလုံးအား အညီအမျှဖြစ်စေရန် အာရုံပြုရသည်။ ထိုသို့ အာရုံပြုနိုင်ရန်အတွက် မိမိမှ အစထား၍ မိမိ၏ မိဘ, ဆရာသမား, ဆွေမျိုးမိတ်သင်္ဂဟစသဖြင့် တဖြည်းဖြည်း အာရုံကို ကျယ်ပြောအောင် ဖြန့်ကျက်ရသည်။ ထို့နောက် အလုံးစုံသော သတ္တ၀ါများကိုပါအောင် အာရုံပြုရသည်။ တစ်ဖန် ထက်အောက်ဖီလာ အရပ်ဆယ်မျက်နှာစလုံးမှ သတ္တ၀ါအားလုံးအား အညီအမျှဖြစ်အောင် အာရုံပြုရသည်။

စိတ်ထားမှုအပိုင်းအနေဖြင့် မေတ္တသုတ် ပရိတ်တော်တွင် “သဗ္ဗသတ္တာ ဘ၀န္တု သုခိတတ္တာ” ဟု အကျဉ်းအားဖြင့် ဖော်ပြထားသည်။ မင်းကွန်း ဆရာတော်ဘုရားက “လုံးစုံများစွာသတ္တ၀ါ၊ ချမ်းသာကိုယ်စိတ် မြဲပါစေ၊ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ”ဟု စပ်ဆိုခဲ့ပါသည်။ ဤသည်ကိုပင် အနည်းငယ် ထပ်မံ၍ အသေးစိတ်ကာ မေတ္တာသုတ်တွင် ဂါထာဖွဲ့ ထားပါသေးသည်။

“န ပရော ပရံ နိကုဗ္ဗေထ၊ နာတိမညေထ ကတ္ထစိ န ကဉ္စိ။
ဗျာရောသနာ ပဋိဃသည၊ နာညမညဿ ဒုက္ခမိစ္ဆေယျ။”

တစ်ဦးနှင့် တစ်ဦး လိမ်လည်လှည့်ဖျားမှု ကင်းပါစေ။ တိုင်းသူပြည်သားတို့ အလိမ်အညာမခံရပါစေနှင့်။ နေရာတိုင်း၊ ရွာတိုင်း၊ နယ်တိုင်း၊ မြို့တိုင်းမှ လူတန်းစားမရွေး လူတိုင်းသည် အထင်သေးခံရခြင်း၊ နှိမ်ချခံရခြင်း၊ အနိုင်ကျင့်ခံရခြင်း၊ အချုပ်အချယ်ခံရခြင်း မရှိပါစေနှင့်။ (ကိုယ်၊ နှုတ်ဖြင့်) ရိုက်နှက်ကြိမ်းမောင်းဆဲဆိုခံရခြင်း၊ စိတ်ဆင်းရဲအောင် ငြင်းဆဲခြင်းမခံရပါစေနှင့်ဟု မေတ္တာစိတ်ကို ပွားများရပါသည်။ ဤ ဂါထာအပိုဒ်ကိုပင် မင်းကွန်းဆရာတော်ဘုရားက ဤသို့ စပ်ဆိုခဲ့ပါသည်။

လူအချင်းချင်း လှည့်ပတ်ခြင်း ကင်းရှင်းကြပါစေ။
အထင်သေးခြင်း အချင်းချင်း ကင်းရှင်းကြပါစေ။
ဆင်းရဲလိုခြင်း အချင်းချင်း ကင်းရှင်းကြပါစေ။

အချုပ်ဆိုလျှင် မေတ္တာဆိုသည် “သူ, ငါ, ချစ်သူ, မုန်းသူ” နယ်ပယ်စည်း မခြားပဲ သတ္တ၀ါအားလုံးအပေါ် ဒုက္ခမရောက်စေလိုသည့်စိတ်၊ ချမ်းသာစေလိုသည့်စိတ်၊ ခင်မင်ရင်းနှီး ကူညီရိုင်းပင်းလိုသည့်စိတ် မွေးမြူခြင်းဖြစ်သည်။ မိခင်သည် မိမိရင်၌ဖြစ်သော တစ်ဦးတည်းသောသားအား စောင့်ရှောက်သကဲ့သို့ “လူသားတိုင်းအား အချုပ်ချယ်ခံရခြင်း၊ အနှိမ်ချခံရခြင်း၊ နှိပ်စက် အနိုင်ကျင့်ခံရခြင်းတို့မှ ကင်းလွတ်ပြီး စိတ်၏ချမ်းသာခြင်း၊ ကိုယ်၏ချမ်းသာခြင်းတို့နှင့် ပြည့်စုံစေရန်” အတွက် မေတ္တာစိတ် မွေးမြူပြီး ကူညီစောင့်ရှောက်ကြရန် ဗုဒ္ဓမြတ်စွာက မေတ္တာသုတ် ပရိတ်တရားတော်ဖြင့် တိုက်တွန်းတော်မူခဲ့ပါသည်။

[ မေတ္တာဘာဝနာပွားများနည်း ]

ဧရာ (မန္တလေး)

စာညွှန်း
၁။ မေတ္တာသုတ်ပရိတ်တော် (ခုဒ္ဒကပါဌပါဠိတော်)
၂။ ခုဒ္ဒကပါဌအဋ္ဌကထာ
၃။ ၀ိသုဒ္ဓိမဂ္ဂအဋ္ဌကထာ၊ ဗြဟ္မ၀ိဟာရနိဒ္ဒေသ၊ မေတ္တာဘာဝနာကထာ
၎။ မင်းကွန်းဆရာတော် ဦးဝိစိတ္တသာရာဘိဝံသ သီကုံးဖွဲ့ဆိုသော မေတ္တာပွားနည်း လင်္ကာ
၅။ ပဋိသမ္ဘိဒါမဂ္ဂပါဠိတော်၊ ယုဂနဒ္ဓ၀ဂ္ဂ၊ မေတ္တာကထာ (၅၂၈-သွယ်သော မေတ္တာပွားနည်း)
၆။ ဓမ္မစက္ကပ၀တ္တနသုတ္တံ (သံယုတ်ပါဠိတော်၊ မဟာဝဂ္ဂ၊ သစ္စသံယုတ်)

kkn,ktho,kka,atn တို့ကိုယ်စား တောင်းဆိုလိုက်တဲ့ဒီpost လေးကတော့ ကျမ သူငယ်ချင်းတွေနဲ့
၂၁ရာစုရဲ့လူနေမှုစနစ်တဲ့လား။ နည်းနည်းမှနွေးထွေးမှုမရှိတဲ့လူမှုစနစ်ပုံစံတစ်ခုပါပဲ။ ဇနီးနဲ့ခင်ပွန်းဟာ တစ်အိမ်ထဲမှာရှိနေကြစဉ်တောင် မေးလ်ပို့ ပြီးရင်ဖွင့်ရသည်။ အဲသည်နေ့ ကကျွန်မပို့ လိုက်သည်က “ဒီလောကမှာ စိတ်အညစ်ဆုံးမိန်းမတစ်ယောက်ကိုပြောပါဆိုရင်လောလောဆယ် ရှင့်မိန်းမ ဆိုတာ သတိမထားမိဘူးမဟုတ်လား”လို့ ရင်ဖွင့်ထားတဲ့ (http://privatecrazyworld.blogspot.com/2008/06/because-i.html) Art world မှ မမအတွက်သိင်္ဂီရေ မင်းတို့ သူငယ်ချင်းတွေရထားတဲ့ အသည်းတွေက ‘ကျောက်စရစ်အသည်း၊ လျှပ်စစ်အသည်း’ တွေဆိုရင် ကိုယ် ရထားတာက ‘ဘုတ်အုပ်အသည်းကြီး’ ကွ...။
ဦးချစ်မောင်ရဲ့ အယ်ဒီတာ အလုပ်ကြီးကို၊ ဂျာနယ်ကျော် မမလေးရဲ့ “သူလိုလူ” ဖတ်ပြီးကတည်းက သဘောမကျတာ၊ အယ်ဒီတာ့ ဘိုးအေနဲ့ လာတွေ့နေတယ်... တကယ်ပဲ။
ဒီလူ လောဘကြီးချက်ကတော့ ရေးထားပြီးသမျှ စာတွေအားလုံး သူက edit လုပ်ချင်တာ ကလား။
သူ့လောဘနဲ့ ဆက်စပ်နေတဲ့ ကိုယ့်မောဟ အကြောင်းလေး ပြောပြချင်လို့ပါ။
ကျမတို့ အရွယ် (စပ်ကူးမတ်ကူး)မှာ အပြောများကြတဲ့ အိပ်မပျော်ခြင်းရောဂါ။ ဟို တစ်ယောက်ကလည်း၊ ညညအိပ်မပျော်ဘူး stressတွေ၊ worryတွေ။ တစ်ယောက်ကတော့ အိပ်ချိန်ကို ကောင်းကောင်းမရတာတဲ့။ တစ်ယောက်ကလည်း အိပ်ချိန်ကျမှ မီးလာလို့ အိမ်အလုပ်တွေ ထလုပ်ရ။
“ငါတနေ့ ဆယ်နာရီ အနည်းဆုံးအိပ်တယ်”လို့ ပြောလိုက်တော့။ “တကယ်လားဟင်တဲ့။”(stress နဲ့မမ က)။ အားကျသလိုလို။
ကျမကလည်း ကျန်းမာရေးဘဲ လိုက်စားသလိုလို၊ ကုသိုလ်ကောင်းလို့ဘဲ ဇိမ်ရစ်သလိုလို အချိုးနဲ့ဆိုတော့ ‘အပျင်းမ’ လို့ မကလော်တော့ဘဲ အခြားသူတွေဘက်လှည့် နင်တို့ “problem ကဘာလဲဟင်”လို့ မေးနေလေရဲ့။
ဒီမှာ ဒီကပြောချင်နေတာ…
နေကုန်နေခမ်း သူအလုပ် လုပ်ရပါတယ်။ အိပ်ပစ်ရမဲ့ အချိန်တွေကို နှမြောတဲ့ အဲ့ဒီလူကလေ သူတစ်ယောက်တည်း ဖတ်ချင်သလောက်စာတွေကို (အိမ်မှာရှိတာတွေရော၊ Internet ကရော) အေးအေးလူလူ ဖတ်နိုင်ဖို့၊ အားမနာစတမ်း စု, တု, ပြုနိုင်ဖို့ …
“သီတာ မအိပ်သေးဘူးလား အိပ်တော့လေ အိပ် အိပ်” နဲ့ ပြောလွန်းတဲ့သူ့ကို အရွဲ့တိုက်ပြီး (သူ့ကိုယ်ပိုင်အချိန်တွေကို သူ့တစ်ယောက်ထဲနဲ့ ပစ်ထားလိုက်တယ် ဘာဖြစ်ဖြစ်။)
ငယ်ငယ်ထဲက အအိပ်,မက်လွန်းလို့ အကိုတွေက ‘မယ်ပျင်းကြီးမ’ လို့ဘွဲ့ပေးထားတဲ့ ကျမဘဲ ဘယ်ရမလဲ၊ ဘယ်အချိန် အိပ်လိုက် အိပ်လိုက် စိတ်ကောက်ပြီးအိပ်တာနဲ့ကို မတူဘူး။ အိပ်မပျော်ခင် ဘုရားဂုဏ်တော် ပွားတာ တစ်ခါမှ (၉)ပါး မပြည့်ဖူးဘူး။
အိမ်မက်ထဲမှာတော့ အိမ်ကလူလည်းပါတယ်။ ကွဲနေရတဲ့ ဆွေတွေမျိုးတွေ အစုံအလင်ပါဘဲ။ တခါများ မြတ်စွာဘုရားကလေ ဂဏာနို့ဆွမ်းတွေ လက်တော်နှစ်ဖက်နဲ့ ကျမကို စွန့်ကြဲလို့။ မနက်မိုးလင်းရင် အဲ့ဒီလူကို အိမ်မက်တွေ တန်းစီပြောပြ။ အိပ်ချိန်ကြာတော့ အိမ်မက်ကလည်း တစ်ပုဒ်မကတော့ဘူးလေ။
နေထွက်လာတော့လည်း နိစ္စဓူဝ ဆောင်တာတွေ…။
တစ်ခါတော့ စိတ်ပေါက်ပေါက်နဲ့ ပြောပစ်လိုက်တယ်။ နောင်ဘ၀များကျရင်တော့ သနားစရာနဲ့ အမြဲတမ်း ရောပြွမ်းနေတဲ့ ‘မ’ဆိုတဲ့ဆိုတဲ့ သတ္တ၀ါ ဘယ်တော့မှ မဖြစ်ပါရစေနဲ့တော့လို့။
နေနှင့်ဦးပေါ့လေ...နောက် ဆယ့်ငါးနှစ်၊ နှစ် နှစ်ဆယ်လောက် ကျရင်တော့ ထိပ်ပြောင်ပြောင်နဲ့ အဲ့ဒီလူကြီးလေ သူ့ကို ရေနွေးငှဲ့ပေးဖို့၊ မျက်စဉ်းခတ်ပေးဖို့၊ နင်းနှိပ်ပေးဖို့၊ ကံဆိုးရင် ရှူးရှူးပါတည်ဖို့။ သီတာ၊ သီတာနဲ့ တ တာထဲ၊ တာနေမှာ မြင်ယောင်သေး…
အဲ့ဒီအချိန်ကို စောင့်ရင်း၊ ကျမကတော့ အိမ်မက်တွေဆက်မက် နေရဦးမှာပေါ့လေ။
ကျမ ရည်ရွယ်သူအားလုံးလည်း ကျမလိုဘဲတေးထားကြမည်ဟု ယုံကြည်ပါသည်။
ချစ်သောသူများ ချစ်တတ်ကြပါစေ။
မေတ္တာဖြင့်

အဘိဓမ္မာ နှင့် ဓမ္မာ

ပင်လယ်သမုဒ္ဒရာသည် အလွန်ကျယ်ပြောသော သဘောရှိသည်။ အလွန်နက်ရှိုင်းသော သဘောလည်းရှိသည်။ ထိုပင်လယ်သမုဒ္ဒရာနှင့် နှိုင်းစာလျှင်၊ ဘ၀အဆက်ဆက်ကျင်လည်ခဲ့ရသော သံသရာကား အစရှာ၍ မရနိုင်အောင် အလွန်ရှည်လျားလှသည်။ သံသရာဟူသည် ခန္ဓာ၊ အာယတန၊ ဓာတ်ဟူသောတရားတို့ အဆက်မပြတ် တရစပ် ဖြစ်ပျက်နေသော အစဉ်ဟု အဓိပ္ပယ်ဖွင့်သည်။ ထိုသို့ အပြောကျယ်သော သံသရာအား ကူးခတ်လွန်မြောက်နိုင်ရန် အတွက် ခန္ဓာ၊ အာယတန၊ ဓာတ်ဟူသောတရားတို့ကို ဘုရားရှင်က ၀ိနည်း၊ သုတ္တန်၊ ဘိဓမ္မာဟူသော ပိဋကသုံးသွယ် နည်းပင်လယ်ကြီးဖြင့် ဟောကြားတော်မူခဲ့သည်။ ဤသို့ဟောကြားတော်မူနိုင်ခြင်းသည်လည်း ဉေယျဓမ္မ ခေါ် သိနိုင်သောတရားမှန်သမျှအား အကြွင်းအကျန်မရှိ ထိုးထွင်း၍ သိတော်မူနိုင်သော သဗ္ဗညုတဉာဏ်တော်၏ ကျယ်ပြောနက်ရှိုင်းမှုကြောင့် ဖြစ်ပေသည်။ ပင်လယ်သမုဒ္ဒရာ, သံသရာ, ပိဋကသုံးပုံ ဒေသနာနည်း အသွယ်သွယ် နှင့် သဗ္ဗညုတဉာဏ်တော်တို့အား ကျယ်ပြော နက်ရှိုင်းသည့် သာဂရ (ပင်လယ်) လေးပါးဟု စာပေတွင် သတ်မှတ်ထားသည်။

ပိဋကသုံးပုံ ဒေသနာတော်နည်း အသွယ်သွယ်ဟူသော နယသာဂရတွင် အဘိဓမ္မာဒေသနာတော်သည် အခြားသော ဒေသနာတော်တို့ထက် သာလွန်ထူခြားစွာ နက်နဲကျယ်ပြော၏။ ထိုသို့ သာလွန်ထူးခြား (ဓမ္မာတိရေက ဓမ္မာဝိသေသ) ၍ပင်၊ “အဘိဓမ္မာ” ဟူသော အမည်ဆောင်လေသည်။

အဘိဓမ္မာဒေသနာတော်သည် “ကုသလာဓမ္မာ၊ အကုသလာဓမ္မာ၊ အဗျကတာဓမ္မာ” အစချီ၍ “ဓမ္မ” တို့ကို အသေးစိတ်နည်း အသွယ်သွယ်ဖြင့် ဟောကြားထားသည်။ ဓမ္မကို “တရား” ဟူသော မြန်မာဝေါဟာရဖြင့် ဖလှယ်၍သုံးသည်။ ဓမ္မသည် နေရာ အသုံးအနှုန်းအလိုက် အနက်အဓိပ္ပါယ် အမျိုးမျိုးဆောင်သည်။ မြတ်စွာဘုရားဟောကြားအပ်သော တရားဒေသနာ (Teaching) ဟုဆိုလိုသည်လည်း ရှိသည်။ သုတ်, ဂါထာ, ဥဒါန်းစသဖြင့် သင်ယူအပ်သော စာပေပရိယတ္တိ (Scripture) ကို ဆိုလိုသည်လည်းရှိသည်။ ဓမ္မ, အဓမ္မ (တရားခြင်း, မတရားခြင်း) စသည်တွင် ကောင်းသောဂုဏ် (moral quality, righteousness) ဟုအနက်ရသည်။ ဓမ္မစကြာတွင် “ဒိဋ္ဌဓမ္မော ပတ္တဓမ္မော” စသဖြင့် ဟောကြားရာ၌ မြင်အပ်, ဆိုက်ရောက်အပ်သည့် သစ္စာတရား (Truth) ဟူသည့် အဓိပ္ပါယ်ရသည်။ ဉာဏ်ဖြင့်သိအပ်သောတရား (ဉေယျဓမ္မ) ဟူသော အဓိပ္ပါယ်ဆောင်သည်လည်း ရှိ၏။ ပုဂ္ဂိုလ်, သတ္တ၀ါမဟုတ်သော သဘောတရားသက်သက်ဟု အဓိပ္ပါယ်ရသည် လည်းရှိသည်။ အဘိဓမ္မာဒေသနာတွင်ကား ပုဂ္ဂိုလ်, သတ္တ၀ါမှ ဆိတ်သုန်းသော သုညတတရား၊ သဘာဝတရားတို့ကို ပဓာနထား၍ ဟောကြားထားသည်။

အဘိဓမ္မာ ကထာဝတ္ထုကျမ်းတွင် “ပုဂ္ဂိုလ်အား မှန်ကန်သောသဘော, မြတ်သောသဘောဖြင့် ရအပ်သလော?” (ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ) ဟု စီစစ်ဝေဖန်၍ ဟောကြားထားသည်။ ထိုဒေသနာအား မှီး၍ ဉာဏ်ဖြင့် မဖောက်မပြန် ဟုတ်တိုင်းမှန်စွာ သိအပ်(ရအပ်)သော သဘောတရားတို့ကို “ပရမတ္ထတရား” ဟုခေါ်သည်။ အမှန်တကယ်မရှိ အထင်ဖြင့်သာ ကြံဆ၍သိရသော “ငါ သူတစ်ပါး ပုဂ္ဂိုလ် သတ္တ၀ါ” စသည်တို့အား “ပညတ္တိတရား”ဟု ခေါ်သည်။ ပရမတ်တရားတို့သည် (အမှန်ရှိသည့်အတိုင်း) ဉာဏ်ဖြင့်သိရသော တရားဖြစ်၍၊ ပညတ်တရားတို့သည် (အမှန်ရှိသည်မှ သွေဖီ၍) အထင်ဖြင့် သိရသောတရားဖြစ်သည်။ ပညတ်သည် အထင်ဖြင့် ပြီးသောတရား (ပရိကပ္ပသိဒ္ဓ) ဖြစ်၍၊ ပရမတ်သည် မိမိ၏ ပင်ကိုယ်သဘာဝအားဖြင့် ပြီးသောတရား (သဘာဝသိဒ္ဓ)ဖြစ်သည်။

“အတ္တနော သဘာဝံ ဓာရေန္တီတိ ဓမ္မာ” မိမိ၏ သဘောကို မိမိဆောင်သောကြာင့် ဓမ္မာဟု ခေါ်ရကြောင်း ဓမ္မသင်္ဂဏီအဖွင့်ကျမ်းဖြစ်သော အဋ္ဌသာလိနီအဋ္ဌကထာတွင် အဓိပ္ပါယ်ဖွင့်ပြသည်။ သဘောတရားဟူသည် သဘာဝဓမ္မကို မြန်မာမှုပြုထားခြင်းဖြစ်သည်။ သဘော နှင့် သဘာဝသည် အနက်အဓိပ္ပါယ်အတူတူပင်ဖြစ်သော်လည်း၊ မြန်မာစာတွင် သွင်ပြင်လက္ခဏာ အမူအရာ တို့ကို သဘောဟု သုံးနှုန်းလေ့ရှိပြီး၊ သဘာဝဟုဆိုလျှင် တောတောင်ရေမြေ မိုးလေ၀သစသော လူတို့ဖန်တီးထားခြင်းမဟုတ်ပဲ အလိုလိုဖြစ်ပေါ်နေသော အရာများ အဖြစ်နားလည်ကြသည်။

ပထမအဓိပ္ပါယ်အရ “ပူခြင်း, အေးခြင်း, သိခြင်း, ခံစားခြင်း” စသဖြင့် အသိစိတ်တွင် သိစေနိုင်မည့် အမူအရာ, အသွင်ပြင်, အမှတ်အသား လက္ခဏာများကိုဆိုသည်။ သဘာဝသည်ပင် လက္ခဏာဖြစ်သည်။ ထို့ကြောင့်ပင် “အတ္တနော လက္ခဏံ ဓာရယန္တီတိ ဓမ္မာ” မိမိ၏ လက္ခဏာကို ဆောင်သောကြာင့် ဓမ္မာ ဟုခေါ်ကြောင်း သမ္မောဟ၀ိနောဒနီခေါ် အဘိဓမ္မာဝိဘင်း အဖွင့်အဋ္ဌကထာကျမ်းက ထပ်မံ၍ ဖွင့်ပြပြန်သည်။

ဝေါဟာရတို့သည် ဓာတ် ခေါ် အနက်ဓိပ္ပါယ် ရင်းမြစ်(root) များမှ ဆင်းသက်လာသည်ဟု ယူဆသည့်အားလျော်စွာ၊ အဋ္ဌကထာခေတ်စာပေတို့တွင် ဓာတ်တို့၏ အနက်ကိုဖော်၍ ဝေါဟာရတို့၏ အဓိပ္ပါယ်ကို ဖွင့်ဆိုလေ့ ရှိခဲ့ကြသည်။ ဓမ္မာဟူသော ဝေါဟာရအား “√ဓာ = ဆောင်ခြင်း” ဟူသော ဓာတ်နက်သံပါအောင် မိမိလက္ခဏာကို ဆောင်၍ ဓမ္မ၊ မိမိ သဘာဝကို ဆောင်၍ ဓမ္မ စသဖြင့် ဖွင့်ဆိုကြလေသည်။ ဤတွင် သဘာဝ၏ နောက်ကွယ်တွင် ထိုသဘာဝကို ဆောင်ထားသော အရာတစ်ခုခု ရှိနေသယောင်၊ ခက်မာမှုစသော လက္ခဏာတို့နောက်ကွယ်တွင် ထိုခက်မာမှုလက္ခဏာကို ဆောင်ထားသော အရာတစ်ခုခု ရှိနေသယောင် အထင်မှားဖွယ်ရှိသည်။ အနောက်တိုင်းဒဿနတို့တွင်လည်း ခေတ်အဆက်ဆက် phenomenon ခေါ် သွင်ပြင်လက္ခဏာတို့၏ နောက်ကွယ်တွင် ပကတိ တည်ရှိနေသော အနှစ်သာရတရား (essence) ရှိသည်ဟု ယူဆခဲ့ကြလေသည်။ အပေါ်ယံသွင်ပြင်လက္ခဏာတို့သည် ဖြစ်ပေါ်ပြောင်းလွဲနေကြသော်လည်း တည်တန့်ခိုင်မြဲသော အနှစ်သာရတရားတို့ အပေါ်မှီ၍ ဖြစ်ပေါ်ကြခြင်း ဖြစ်သည်ဟု ယူဆကြသည်။ အဘိဓမ္မာဒေသနာသည် အနတ္တဒေသနာဖြစ်သည်။ “အသာရဋ္ဌေန အနတ္တာ” ဟူသောစကားအတိုင်း အနှစ်သာရမရှိခြင်းသည်ပင် အနတ္တသဘောဖြစ်ရာ၊ သဘာဝနှင့် သဘာဝန္တ ခေါ် သဘာဝကိုဆောင်သော အခံဒြပ် (substance) ဟု နှစ်မျိုး မကွဲပြားပါ။ လက္ခဏ နှင့် လက္ခဏာကိုဆောင်သောတရားဟု နှစ်မျိုး မကွဲပါ။ ခက်မာခြင်းဟူသော လက္ခဏာသည်ပင် ပထ၀ီဟူသော ဓမ္မဖြစ်သည်။ သဘာဝသည်ပင် ဓမ္မဖြစ်သည်။ ထို့ကြောင့် “န စ ဓာရိယမာနသဘာဝါ အညော ဓမ္မော နာမ နတ္ထိ - ဆောင်ထားသောသဘာဝတို့မှတစ်ပါး ဓမ္မဟု အမည်ရခြင်းမရှိ” ဟု မဟာဋီကာက ဖွင့်ပြသည်။

ဒုတိယအဓိပ္ပါယ်အရ တောတောင်ရေမြေ မိုးလေ၀သစသော လူတို့ဖန်တီးထားခြင်းမဟုတ်ပဲ အလိုလိုဖြစ်ပေါ်နေသော အရာများအားလည်း သဘာဝဟု ခေါ်သည်။ လူနတ်ဗြဟ္မာတို့က ဖန်တီးထားခြင်း မဟုတ်။ အတ္တက ဖန်တီးထားခြင်း မဟုတ်။ သဘာဝအလျောက် ဖြစ်ပျက်ပြောင်းလဲနေရသော တရားများဟု ဆိုလိုသည်။ သဘာဝ ဟူသော ပါဠိဝေါဟာရအား (သ-မိမိကိုယ်တိုင်၏ + ဘာဝ-ဖြစ်ခြင်း) မိမိကိုယ်တိုင်၏ ဖြစ်ခြင်း၊ မိမိအလိုလို ဖြစ်ခြင်းဟူသော အနက်အဓိပ္ပါယ်ရသည်။ အနောက်တိုင်းဒဿနတို့မှ thing-in-itself/ being-in-itself ဟူသော အဓိပ္ပါယ်ရသည်။ ဤတွင်လည်း သဘာဝသိပ္ပံပညာ နှင့် အချို့ဒဿနတို့တွင်ကဲ့သို့ နာမ်တရား၏ အခန်းကဏ္ဍကို ပစ်ပယ်ကာ ရုပ်ဝါဒကို စောင်းပေးသော အစွန်းတရားများနှင့် ကြုံတွေ့နိုင်သည်။ သူ့အလိုအလျောက်ဖြစ်ပျက်နေသည်ဟူသော အဓိစ္စသမုပ္ပန္နအယူမျိုးသို့ ရောက်သွားနိုင်သည်။ အဘိဓမ္မာတွင် နာမ်တရားတို့သည်လည်း သဘာဝဖြစ်သည်။ ရုပ်နာမ်တရားတို့သည် အကြောင်းမဲ့သက်သက် မိမိအစွမ်းဖြင့် ဖြစ်တည်ကြရသည်ဟူ၍ မရှိ။ ဓမ္မတစ်ပါးသည် အခြားသောဓမ္မတို့ အပေါ်တွင် အကြောင်းတရားအဖြစ် တည်မှီ၍ ဖြစ်ရသည်။ ထို့ကြောင့်ပင် သဘာဝကို အဓိပ္ပါယ်ကောက်မလွဲစေရန် “ဓာရိယန္တိ ၀ါ ပစ္စယေဟိ, ဓာရိယန္တိ ၀ါ ယထာသဘာဝတောတိ ဓမ္မော– အကြောင်းအားဖြင့် ဆောင်တတ်၏, ဤသို့ သဘာဝအားဖြင့် ဆောင်တတ်၍ ဓမ္မ” ဟု အဋ္ဌသာလိနီတွင် ဆက်၍ ဖွင့်ဆိုထားသည်။

အချုပ်အားဖြင့်ကား ဓမ္မသည် သွင်ပြင်လက္ခဏာကို ဆောင်သောတရားဖြစ်သည်။ သဘာဝကို ဆောင်သော တရားဖြစ်သည်။ “√ဓာ-ဆောင်ခြင်း” ဟူသော စကားရင်းမြစ်၏ အနက်သံပါအောင် အဓိပ္ပါယ် ဖွင့်ရသော်လည်း သွင်ပြင်လက္ခဏာ, သဘာဝတရားတို့၏ နောက်ကွယ်၌ ထိုသဘာဝကို ဆောင်ထားသော အခံဒြပ် အနှစ်သာရတရားဟူ၍ မရှိ။ သဘာဝတရားဆိုရသော်လည်း မိမိကိုယ်တိုင် ရပ်တည်နိုင်စွမ်းမရှိ။ အကြောင်းတရားတို့က ဆောင်ထား၍သာ ဓမ္မဟုခေါ်ရခြင်း ဖြစ်သည်။ ဓမ္မ၏ အနက်အဓိပ္ပါယ်ကား ကျယ်ပြော နက်ရှိုင်းသည်။ အဘိဓမ္မာဒေသနာက ထိုဓမ္မတို့ကို ကျယ်ပြော နက်ရှိုင်းစွာ နည်းအသွယ်သွယ်ဖြင့် ပိုင်းခြားဝေဖန်၍ ပြသည်။ နယသာဂရခေါ် နည်းပင်လယ်၏ ကျယ်ပြော နက်ရှိုင်းမှုဖြင့် ဗုဒ္ဓမြတ်စွာ၏ ဉာဏသာဂရခေါ် ဉာဏ်တော်၏ ကျယ်ပြော နက်ရှိုင်းမှုကို မှန်းဆ ကြည်ညိုနိုင်ပေသည်။

ဧရာ (မန္တလေး)

စာညွှန်း။
(၁) အဋ္ဌသာလိနီ၊ သမ္မောဟ၀ိနောဒနီ၊ ဓမ္မသင်္ဂဏီ မူလဋီကာ
(၂) မဟာဂန္ဓာရုံဆရာတော်၏ အဋ္ဌသာလိနီဘာသာဋီကာ
(၃) “The Dhamma Theory: Philosophy Conerstone of Abhidhamma” by Prof. Dr. Y. Karunadasa, The Wheel publication No. 412/413.

"Loving-kindness is love without attachment, craving or lust."

Notes: 12 ways x 4 kinds of mettā = 48 kinds of mettā

AhaṃAvero homi.	အဟံ အဝေရော ဟောမိ	May I be free from enmity(danger)
Abyāpajjo homi.	အဗျာပဇ္ဇော ဟောမိ	Be free from mental suffering.
Anīgho homi.	အနီဃော ဟောမိ	Be free from physical suffering.
Sukhī attānaṃ pariharāmi	သုခီ အတ္တာနံ ပရိဟရာမိ	Take care of myself happily.
______________
mama mātāpitu Ācariyā ca	မမ မာတာပိတု အာစရိယာ စ	May my parents, teachers
Ñata mittā ca	ဉာတ မိတ္တာ စ	Relatives,
Sabrahmacārīno ca	သဗြဟ္မစာရီနော စ	And dhamma friends,
Averā hontu	အဝေရာ ဟောန္တု	May they be free from enmity,
Abyāpajjā hontu	အဗျာပဇ္ဇာ ဟောန္တု	Be free from mental suffering,
Anīghā hontu	အနီဃာ ဟောန္တု	Be free from physical suffering,
Sukhī attānaṃ pariharantu	သုခီ အတ္တာနံ ပရိဟရန္တု	Take care of themselves happily.
______________
Imasmiṃ ārāme	ဣမသ္မိံ အာရာမေ	In this compound
sabbe yogino	သဗ္ဗေ ယောဂိနော	May all yogis (mediators)
Averā hontu	အဝေရာ ဟောန္တု	Be free from enmity,
Abyāpajjā hontu	အဗျာပဇ္ဇာ ဟောန္တု	Be free from mental suffering,
Anīghā hontu	အနီဃာ ဟောန္တု	Be free from physical suffering,
Sukhī attānaṃ pariharantu	သုခီ အတ္တာနံ ပရိဟရန္တု	Take care of themselves happily.
______________
Imasmiṃ ārāme	ဣမသ္မိံ အာရာမေ	In this compound,
Sabbe bhikkhu	သဗ္ဗေ ဘိက္ခု	May all the monks
Samnerā ca	သမဏေရာ စ	And novice monks
Upāsaka upāsikāyo ca	ဥပါသက ဥပါသိကာယော စ	Laymen and laywomen
Averā hontu,	အဝေရာ ဟောန္တု	Be free from enmity,
Abyāpajjā hontu,	အဗျာပဇ္ဇာ ဟောန္တု	Be free from mental suffering,
Anīghā hontu,	အနီဃာ ဟောန္တု	Be free from physical suffering,
Sukhī attānaṃ pariharantu.	သုခီ အတ္တာနံ ပရိဟရန္တု	Take care of themselves happily.
______________
Amhākaṃ catupaccaya dāyākā	အမှာကံ စတုပစ္စယ ဒါယာကာ	May our donors of four requisites
Averā hontu,	အဝေရာ ဟောန္တု	Be free from enmity,
Abyāpajjā hontu,	အဗျာပဇ္ဇာ ဟောန္တု	Be free from mental suffering,
Anīghā hontu,	အနီဃာ ဟောန္တု	Be free from physical suffering,
Sukhī attānaṃ pariharantu.	သုခီ အတ္တာနံ ပရိဟရန္တု	Take care of themselves happily.
______________
Amhākaṃ ārakkha devatā	အမှာကံ အာရက္ခာ ဒေ၀တာ	May our guardian deities
Imasmiṃ vihāre	ဣမသ္မိံ ၀ိဟာရေ	In this temple
Imasmiṃ āvāse	ဣမသ္မိံ အာဝါသေ	In this dwelling
Imasmiṃ ārāme	ဣမသ္မိံ အာရာမေ	In this compound
Ārakkha devatā	အာရက္ခ ဒေ၀တာ	May guardian deities
Averā hontu,	အဝေရာ ဟောန္တု	Be free from enmity,
Abyāpajjā hontu,	အဗျာပဇ္ဇာ ဟောန္တု	Be free from mental suffering,
Anīghā hontu,	အနီဃာ ဟောန္တု	Be free from physical suffering,
Sukhī attānaṃ pariharantu.	သုခီ အတ္တာနံ ပရိဟရန္တု	Take care of themselves happily.
______________
5 - Anodhisa pharaṇ Mettā	အနောဓိသ ဖရဏ မေတ္တာ ၅-ပါး	Unspecified Pervasion of Mettā
1. Sabbe sattā	၁။ သဗ္ဗေ သတ္တာ	May all beings
2. Sabbe pāṇā	၂။ သဗ္ဗေ ပါဏာ	All breathing beings
3. Sabbe bhūtā	၃။ သဗ္ဗေ ဘူတာ	All creatures
4. Sabbe puggalā	၄။ သဗ္ဗေ ပုဂ္ဂလာ	All individuals
5. Sabbe attabhāva-pariyāpannā	၅။ သဗ္ဗေ အတ္တဘာဝပရိယာပန္နာ	All personalities
7- Odhisa pharaṇ Mettā	သြဓိသ ဖရဏ မေတ္တာ ၇-ပါး	Specified Pervasion of Mettā
6. Sabbā itthiyo	၆။ သဗ္ဗာ ဣတ္ထိယော	All women
7. Sabbe purisā	၇။ သဗ္ဗေ ပုရိသာ	All men
8. Sabbe Ariyā	၈။ သဗ္ဗေ အရိယာ	All noble ones
9. Sabbe anariyā	၉။ သဗ္ဗေ အနရိယာ	All not noble ones
10. Sabbe devā	၁၀။ သဗ္ဗေ ဒေ၀ါ	All deities
11. Sabbe manussā	၁၁။ သဗ္ဗေ မနုဿာ	All human beings
12. Sabbe vinipātikā	၁၂။ သဗ္ဗေ ၀ိနိပါတိကာ	All those in unhappy states
(A) Averā hontu,	အဝေရာ ဟောန္တု	Be free from enmity,
(B) Abyāpajjā hontu,	အဗျာပဇ္ဇာ ဟောန္တု	Be free from mental suffering,
(C) Anīghā hontu,	အနီဃာ ဟောန္တု	Be free from physical suffering,
(D) Sukhī attānaṃ pariharantu.	သုခီ အတ္တာနံ ပရိဟရန္တု	Take care of themselves happily.
Dukkhā muccantu	ဒုက္ခာ မုစ္စန္တု	May they be free from suffering
Yathā Laddha-sampattito	ယထာ လဒ္ဓသမ္ပတ္တိတော	May whatever relatedness possessed
mā vigacchantu	မာ ၀ိဂစ္ဆန္တု	Not be lost
Kammassakā	ကမ္မဿကာ	Have kamma as their true property.
______________
Notes: 12 ways x 4 kinds of mettā	= 48 kinds of mettā
ဒုက္ခာ မုစ္စန္တု =		ကရုဏာဘာဝနာ(development of Compassion)
ယထာ လဒ္ဓသမ္ပတ္တိတော မာ ၀ိဂစ္ဆန္တု=		မုဒိတာဘာဝနာ ( development of Sympathetic Joy)
ကမ္မဿကာ=		ဥပေက္ခာဘာဝနာ (development of Equanimity)
______________
10 - disā pharaṇ Mettā	ဒိသာ ဖရဏ မေတ္တာ	Directional Pervasion of Mettā
1. Puratthimāya disāya	၁။ ပုရတ္ထိမာယ ဒိသာယ	In the Eastern direction
2. Pacchimāya disāya	၂။ ပစ္ဆိမာယ ဒိသာယ	In the Western direction
3. Uttarāya disāya	၃။ ဥတ္တရာယ ဒိသာယ	In the Northern direction
4. Dakkhiṇāya disāya	၄။ ဒက္ခိဏာယ ဒိသာယ	In the Southern direction
5. Puratthimāya anudisāya	၅။ ပုရတ္ထိမာယ အနုဒိသာယ	In the South-East direction
6. Paccimāya anudisāya	၆။ ပစ္ဆိမာယ အနုဒိသာယ	In the North-West direction
7. Uttarāya anudisāya	၇။ ဥတ္တရာယ အနုဒိသာယ	In the North-East direction
8. Dakkhiṇāya anudisāya	၈။ ဒက္ခိဏာယ အနုဒိသာယ	In the South-West direction
9. Heṭṭhimāya disāya	၉။ ဟေဋ္ဌိမာယ ဒိသာယ	In the downward direction
10. Uparimāya disāya	၁၀။ ဥပရိမာယ ဒိသာယ	In the upward direction
Sabbe sattā, Sabbe pāṇā	သဗ္ဗေ သတ္တာ, သဗ္ဗေ ပါဏာ	May all beings, all breathing beings
Sabbe bhūtā, Sabbe puggalā	သဗ္ဗေ ဘူတာ, သဗ္ဗေ ပုဂ္ဂလာ	All creatures, all individuals
Sabbe attabhāva-pariyāpannā	သဗ္ဗေ အတ္တဘာဝပရိယာပန္နာ	all personalities
Sabbā itthiyo, Sabbe purisā	သဗ္ဗာ ဣတ္ထိယော, သဗ္ဗေ ပုရိသာ	All women, all men
Sabbe Ariyā, Sabbe anariyā	သဗ္ဗေ အရိယာ, သဗ္ဗေ အနရိယာ	All noble ones, all not noble ones
Sabbe devā, Sabbe manussā	သဗ္ဗေ ဒေ၀ါ, သဗ္ဗေ မနုဿာ	All deities, all human beings
Sabbe vinipātikā	သဗ္ဗေ ၀ိနိပါတိကာ	All those in unhappy states
(A) Averā hontu,	အဝေရာ ဟောန္တု	Be free from enmity,
(B) Abyāpajjā hontu,	အဗျာပဇ္ဇာ ဟောန္တု	Be free from mental suffering,
(C) Anīghā hontu,	အနီဃာ ဟောန္တု	Be free from physical suffering,
(D) Sukhī attānaṃ pariharantu.	သုခီ အတ္တာနံ ပရိဟရန္တု	Take care of themselves happily.
Dukkhā muccantu	ဒုက္ခာ မုစ္စန္တု	May they be free from suffering
Yathā Laddha-sampattito	ယထာ လဒ္ဓသမ္ပတ္တိတော	May whatever relatedness possessed
mā vigacchantu	မာ ၀ိဂစ္ဆန္တု	Not be lost
Kammassakā	ကမ္မဿကာ	Have kamma as their true property.
Notes: 10 directions x 48 kinds of mettā	= 480 kinds of mettā (directional)
480 directional + 48 undirectional	= 528 Kinds of mettā
______________
Uddhaṃ yāva bhavaggā ca	ဥဒ္ဓံယာဝ ဘ၀ဂ္ဂါ စ	As far as the highest existence
Adho yāva avīcitto	အဓော ယာဝ အ၀ီစိတော	And as far down as the lowest
Samantā cakkavāḷesu	သမန္တာ စက္က၀ါဠေသု	In the entire universe
Ye sattā pathavīcarā	ယေ သတ္တာ ပထ၀ီစရာ	Whatever beings that move on earth
Abyāpajjā niverā ca	အဗျာပဇ္ဇာ နိဝေရာ စ	May they be free from suffering and enmity
Niddukkhā ca anupaddavā	နိဒ္ဒုက္ခာ စ နုပဒ္ဒ၀ါ	from physical suffering and dangers
______________
Uddhaṃ yāva bhavaggā ca	ဥဒ္ဓံယာဝ ဘ၀ဂ္ဂါ စ	As far as the highest existence
Adho yāva avīcitto	အဓော ယာဝ အ၀ီစိတော	And as far down as the lowest
Samantā cakkavāḷesu	သမန္တာ စက္က၀ါဠေသု	In the entire universe
Ye sattā udakecarā	ယေ သတ္တာ ဥဒကေစရာ	Whatever beings that move in water
Abyāpajjā niverā ca	အဗျာပဇ္ဇာ နိဝေရာ စ	May they be free from suffering and enmity
Niddukkhā ca anupaddavā	နိဒ္ဒုက္ခာ စ နုပဒ္ဒ၀ါ	from physical suffering and dangers
______________
Uddhaṃ yāva bhavaggā ca	ဥဒ္ဓံယာဝ ဘ၀ဂ္ဂါ စ	As far as the highest existence
Adho yāva avīcitto	အဓော ယာဝ အ၀ီစိတော	And as far down as the lowest
Samantā cakkavāḷesu	သမန္တာ စက္က၀ါဠေသု	In the entire universe
Ye sattā ākā secarā	ယေ သတ္တာ အာကာသေစရာ	Whatever beings that move in air
Abyāpajjā niverā ca	အဗျာပဇ္ဇာ နိဝေရာ စ	May they be free from suffering and enmity
Niddukkhā ca anupaddavā	နိဒ္ဒုက္ခာ စ နုပဒ္ဒ၀ါ	from physical suffering and dangers

ကိုAlvin၏ ဝေမျှခြင်း- The chant of Metta (Pali/English/Myanmar)

သဒ္ဓါခရီး အလယ်

ဤပုံကို အရှင်ပညာဝံသ မဟာဓမ္မာစရိယ;M.A ၏ မိထွေးတော်ဂေါတမီနှင့် ဘိက္ခုနီသာသနာ စာအုပ်မျက်နှာဖုံးမှ ရယူပါသည်

ဒီအ၀တ် ၀တ်ဖို့ ဘယ်လို သဒ္ဓါတရား နဲ့ ဆုံးဖြတ်လိုက်လဲ ကိုယ့်ကိုကိုယ် ဆန်းစစ်တော့
သဒ္ဓါ ဆိုတဲ့ တရားကို ကြည်လင်ခြင်းလို့ပဲ အဓိပ္ပါယ်ဖွင့်ရလေမလား။
နောက်ကြိစိတ်တွေ နည်းပါးသွားတာတော့ သိသိသာသာပဲ။
ကြည်လင်နေတဲ့ စိတ်အခံဓါတ်ကြောင့် ပေလား။
ကြားဖူးထားတဲ့ “ဥာဏ်မမြင်၊ အထင်နဲ့သာ ပြီးရော” ဆိုတဲ့ စကား၊ “ကိုယ့်စိတ်နဲ့နှိုင်း မရိုင်း” ဆိုတဲ့ စကားတွေ ရဲ့ အဓိပ္ပါယ် ကောင်းကောင်းနားလည်လာတယ်။ ဘယ်အရာကို မဆို ကိုယ့်စိတ်နဲ့ နှိုင်းပြီး ထင်ချင်တိုင်းထင်၊ နောက်ဆက်တွဲ အပြော၊ အလုပ်တွေ ပါလာ။ အဆုံးမှာ စစ်ကြည့်တော့ အမှားကအများသား။ ဒီလိုနဲ့ ဟင်းဟင်း… ကိုယ့်အဆင့်အတန်းကို ကိုယ့်ဖာသာ အကဲခတ်မိလာတယ်။ အမြတ်တွေပါ။
အဘိဓမ္မာ သင်တန်းတက်ဖူးပေမဲ့ စိတ်တွေ အစဉ်အတိုင်း ဘယ်လိုဖြစ်သွားတယ်ဆိုတာ ကိုယ်တွေ့ နဲ့ ကိုက်ကြည့်နိုင်ဖို့ဝေးစွ၊ စာတွေ့ အဖြစ်တောင် အလွတ်မရနိုင်တဲ့ ကိုယ့်အဆင့်အတန်း။
လိုသေးတယ်။ လိုသေးတယ်။
အဆင့်အတန်းရှိတဲ့ သာသနာမှာ အောက်ဆုံးအဆင့်လေးလောက်တော့ မှီမိ၊ ထောက်မိအောင်…

ကြိုးစားစမ်း။ ကြိုးစားလိုက်စမ်း။

မေတ္တာခရီးအစ

သတိထားမိနေတာပဲလား…
အတ္တ၊ မာန၊ လောဘ၊ ဒေါသ နဲ့ မောဟတွေ
ပျောက်ကွယ်နေတဲ့ မေတ္တာတရား။
ကိုယ်ဘယ်လိုမှနေ မပျော်တော့ဘူး။
အခွင့်အရေးဆိုတာ၊ တသက်မှာ နှစ်ခါပေါ်ဖို့ မလွယ်ဘူးတဲ့…
ကံကောင်းထောက်မ,လို့ပေပဲလား။
ဒီအခွင့်အရေးကို အမိအရ ကိုယ်,ဆုပ်ကိုင်နိုင်ခဲ့တယ်။
ကျေးဇူးပါကွယ်။
...............
"ငါ၏ကိုယ်မှာ၊ နံသာမွှေးကြိုင်၊ မြဲခိုင်လှစွာ၊ ကောင်းရာမမြင်၊ ဆံပင်သာရှိ၊ အမွှေးရှိ၍၊ ရှိသည့်လက်သည်း၊ ခြေအသည်းနှင်၊့ သွားလည်းတစ်ထွေ၊ အရေတမျိုး၊ ညှီနံဆိုးသည်၊ အသိုးအပုတ်ချည်းပါတကား။ "
ရှုပ်ထွေးထူထပ်၊ လိမ်ကောက်ကြမ်းရှ၊ ဒုက္ခပေးလှတဲ့ ဒီဆံပင်တွေ ရိတ်သင်လိုက်ရတာနဲ့တင် စိတ်ထဲတော်တော်ရှင်းသွားတယ်။
တစ်ယောက်သောသူက သူရိတ်ပေးပါရစေ လို့ ဆရာလေးထံခွင့်တောင်းလေတော့
သားဦးလေးဖွားပြီးစ ယုယစွာဖြီးသင် သူရှင်းကာပေးခဲ့တာသတိရ
ဆရာလေးခွင့်မပေးခဲ့တာ စိတ်ထဲက ဒီလိုနားလည် ...
“တဏှာရာဂသည် မေတ္တာလိုလိုနှင့် ၀င်တတ်သည်” ဟု ရှင်တော်ဘုရား ထုတ်ဖေါ်ဟောကြား၊ မိုးကုတ်ဆရာတော် ဘုရားကြီးထံမှ တဆင့်နားကြားခဲ့ရဖူးလေသော တရားတော်ကို အမှတ်ရ...

ပညာစခန်း တတ်လှမ်းစဟန်ပြင် သတိတရား ကိုယ်ရုံကို ချပ်ဝတ်တန်ဆာလို ဆင်မြန်းရပါလေပြီ။
မသုမနစာရီ

...............

အာရုံဆွမ်းစားဖို့ အိမ်တစ်အိမ်ကို ကြွရတယ်။ ဆရာတော်ကြီးက ရှေ့ဆုံးကကြွလို့ သံဃာလေးပါးတန်းစီလို့ လိုက်တယ်။ နောက်ကမှ သားကိုရင်။ ဆရာလေး မပုညက ကိုရင်နောက်က ခပ်ခွာခွာလေးလိုက်။ နောက်ကမှ အမှတ်သတိနဲ့ မသုမနပေါ့။
ဝေလီဝေလင်း စင်္ကြံလေးလျှောက်ရတာ သာတောင့်သာယာရှိသလိုလိုနဲ့ ငါဆိုတဲ့ ပမွှားကောင်က၀မ်းတစ်ထွာကို ဒီလို ကျောင်းရတာ ၀မ်းနည်းလာချင်သလိုလို

သြော်…အနစ်နာခံသွားရှာလေတဲ့ ဘုရားရှင်ကိုယ်တော်မြတ်ကြီးမှာဖြင့်
ဒို့ အတွက် လမ်းကြမ်းကြီးကို လျှောက်ခဲ့ရတာ လေးအင်္သချေနဲ့ ကမ္ဘာတစ်သိန်းတဲ့။
sacrifice ဆိုတဲ့စကားလုံးကို နားထဲက အထပ်ထပ်ကြား။

ဘ၀သစ်ရဲ့ စဦး ခရီး
စို့နစ်နစ်ကြီးပါလား။

Changing Life

For the time being, let me say:
I will be away from my desk for 3 weeks. (May 21, 2008 – June 14, 2008)
I may or may not be back with new experiences.
My life is changing, interesting!

ကဆုန်လပြည့် သို့မဟုတ် မြင့်မြတ်ခြင်း၏ သင်္ကေတ

“အဂ္ဂေါဟမသ္မိ လောကဿ။
ဇေဋ္ဌောဟမသ္မိ လောကဿ။
သေဋ္ဌောဟမသ္မိ လောကဿ။
အယမန္တိမာ ဇာတိ, နတ္ထိဒါနိ ပုနဗ္ဘဝေါ”တိ။ [မ-၃-၂၀၇-အစ္ဆရိယအဗ္ဘုတသုတ္တံ]

“ငါသည် လောကတွင် ထိပ်ဆုံးဖြစ်၏။
ငါသည် လောကတွင် အကြီးဆုံးဖြစ်၏။
ငါသည် လောကတွင် အမြတ်ဆုံးဖြစ်၏။
ဤမွေးဖွားခြင်းသည်ကား နောက်ဆုံးမွေးဖွားခြင်းတည်း။
နောင်တစ်ဖန် ဘ၀ဖြစ်ခြင်း မရှိတော့ပြီ။”

ကဆုန်လပြည့်နေ့သည် မြင့်မြတ်ခြင်း၏ သင်္ကေတဖြစ်သည်။ လောကတွင် သာမာန်လူနှင့် မြင့်မြတ်သောလူဟူ၍ နှစ်မျိုးရှိသည်။ လူသာမာန်တို့သည် လောကသဘာဝအရ ရယူမှုကို အလိုရှိကြသည်။ မိမိတို့၏ စီးပွားချမ်းသာကို အလိုရှိကြသည်။ ချီးမွမ်းမြှောက်ပင့်မှုကို အလိုရှိကြသည်။ အချွေအရံတို့ကို အလိုရှိကြသည်။ သြဇာအာဏာကို အလိုရှိကြသည်။ မြင့်မြတ်သူတို့ကား လူအများ၏ အကျိုးစီးပွားအတွက် မိမိတို့၏ စီးပွားချမ်းသာကို စွန့်လွှတ်ကြသည်။ မိမိတို့၏ အသက်ကို စွန့်လွှတ်ကြသည်။ သြဇာအာဏာတို့ကို စွန့်လွှတ်ကြသည်။ လောကအတွက် စွန့်လွှတ် အနစ်နာခံခြင်းသည် မြင့်မြတ်သူတို့၏ လက္ခဏာဖြစ်သည်။

ဤကဆုန်လပြည့်တွင် လောက၏ အမြင့်မြတ်ဆုံးဖြစ်သော ဗုဒ္ဓမြတ်စွာ အလောင်းလျာကို ဖွားမြင်တော်မူခဲ့သည်။ မယ်တော်မာယာဒေ၀ီသည် အလောင်းတော်၏ သန္ဓေကို လွယ်ပြီးဆယ်လအကြာတွင် မိမိ၏ ဆွေမျိုးများရှိရာ ဒေ၀ဒဟပြည်သို့ အသွားလမ်းခရီး ပင်လုံးကြွတ်ပွင့်နေသော အင်ကြင်းပင်များရှိသော လုမ္ဗနီဥယျာဉ်တွင် ခေတ္တ အနားယူ၏။ ထိုသို့အနားယူခိုက် မဟာသက္ကရာဇ် ၆၈-ခု ၀ိသာခါနက္ခတ် နှင့် စန်းလယှဉ်သော ကဆုန်လပြည့် သောကြာနေ့ နံနက်တွင် အလောင်းတော်ကို ဖွားမြင်ခဲ့ခြင်း ဖြစ်သည်။ မြင့်မြတ်သူတို့၏ လုပ်ဆောင်ချက်တို့သည် အံ့ချီးမခမ်းဖြစ်သကဲ့သို့ပင်၊ သဘာဝတရားက ထိုမြင့်မြတ်သူတို့အပေါ် တုန့်ပြန်မှုသည်လည်း မယုံနိုင်စဖွယ် ဖြစ်ရသည်။ ဖွားမြင်စ အလောင်းတော်သည် ညီညွတ်သော ခြေတို့ဖြင့် မြေ၌ ရပ်တည်ပြီးလျှင် မြောက်အရပ်သို့ ရှေးရှု၍ ခုနှစ်ဖ၀ါးလှမ်းကာ ကြွတော်မူ၏။ ထို့နောက် “ငါသည် လောကတွင် ထိပ်ဆုံးဖြစ်သည်။” စသော ကြုံးဝါးသောစကားကို ဆိုခဲ့၏။ ဗုဒ္ဓ အလောင်းတော်သည် မြင့်မြတ်သူတို့တွင် အမြတ်ဆုံးဖြစ်ပေ၏။

အမျိုးဇာတ်ကြောင့် မြတ်ခြင်း, တန်ခိုးအာဏာကြောင့် မြတ်ခြင်းတို့သည် မြင့်မြတ်ခြင်း အစစ်မှန်မဟုတ်။ လောကအတွက် အနစ်နာခံ စွန့်လွှတ်သော နှလုံးသားကသာ မြင့်မြတ်ခြင်းဖြစ်သည်။ မြင့်မြတ်သော နှလုံးသားသည် မိမိပတ်ဝန်းကျင်မှ ဆင်းရဲဒုက္ခရောက်နေကြရသော လောကသားတို့အပေါ် သက်သော အေးမြသည့် ကရုဏာတရား အပေါ်အခြေခံသည်။ လောကသားတို့အား ဖုံးလွှမ်းထားသည့် အမိုက်မှောင်ကို ပယ်ရှားနိုင်သော ပညာအလင်းရောင် အပေါ်တွင် အခြေခံရသည်။ မြင့်မြတ်သော နှလုံးသားသည် ကောက်ရိုးမီးကဲ့သို့ ၀ုန်းကနဲတောက်၍ ၀ုန်းကနဲငြိမ်းပျောက်သွားသော သဘောမျိုးမဟုတ်။ မြင့်မြတ်သော နှလုံးသားသည် ပြုစုပျိုးထောင်၍ ယူရသည်။ ထိုသို့ ပြုစုပျိုးထောင်ခြင်းကို ပါရမီဖြည့်ကျင့်သည် ဟုခေါ်သည်။

ဤကဆုန်လပြည့်သည် မြင့်မြတ်သော နှလုံးသားကို စတင်သန္ဓေတည်ခဲ့သော အခါကာလလည်း ဖြစ်သည်။ ဒီပင်္ကရာမြတ်စွာဘုရား လက်ထက်တွင် အလောင်းတော်သည် သုမေဓာရှင်ရသေ့ဖြစ်ခဲ့သည်။ ဒီပင်္ကရာမြတ်စွာဘုရား ကြွရောက်လာမည့် လမ်းအား သန့်ရှင်းနေကြသည့်လူတို့ထံမှ “မြတ်စွာဘုရား” ဟူသောစကားသံကို ကြားသောအခါ၊ သုမေဓာရှင်ရသေ့သည် အလွန် နှစ်သက်ဝမ်းမြောက်မှု ဖြစ်ရသည်။ မြင့်မြတ်ခြင်းသည် မိမိ၏ ပတ်ဝန်းကျင်မှ တစ်ဆင့် ကူးလူးဆက်ဆံသော သဘောလည်း ရှိရကား၊ သုမေဓာသည် အများနည်းတူ လမ်းသန့်ရှင်းရေးတွင် ကူညီပါဝင်ခဲ့သည်။ ဒီပင်္ကရာမြတ်စွာဘုရား ကြွလာသောအခါတွင် အလောင်းတော်သည် မိမိ၏ ဆံပင်တို့ကို ဖြေ၍၊ သင်္ကန်း, စမ္မခဏ် သားရေပိုင်းတို့ကို ဖြန့်ကျက်၍၊ မိမိ၏ ကိုယ်ကို အလျားမှောက်ကာ တံတားခင်း၍ ပေးသည်။ ဒီပင်္ကရာမြတ်စွာဘုရားကဲ့သို့ပင် ဘုရားအဖြစ်ရောက်ကာ လောကအား ကျေးဇူးပြုလိုစိတ် ဖြစ်ပေါ်ဆုတောင်းလေသည်။ ဤသည်ကို ကြာပန်းရှစ်ခိုင်ဖြင့် မြတ်စွာဘုရားအား ပူဇော်ရန်လာသော အမျိုးသမီးငယ် သုမိတ္တာသည် မြင်၏။ ဤတွင် ကြာပန်းငါးခိုင်အား သုမေဓာရှင်ရသေ့အတွက်, ကျန်သုံးခိုင်အား မိမိအတွက်ထား၍ ဘုရားရှင်အားလှူဒါန်းကာ သုမေဓာရှင်ရသေ့၏ မြင့်မြတ်သော အမှုတွင် ပါရမီဖြည့်ဖက်အဖြစ် ပါဝင်လေသည်။ “ဤကမ္ဘာမှ လေးအသင်္ချေနှင့် ကမ္ဘာတစ်သိန်းထက်တွင် သုမေဓာရသေ့သည် မြတ်စွာဘုရားဖြစ်လတ္တံ။ ဤသတို့သမီးသည် သင်ရသေ့နှင့် တူမျှသော စိတ်, တူမျှသော ကံ, တူမျှသောအမှုရှိ၍၊ သင့်အား အစဉ်စောင့်ရှောက်လျှက် ပါရမီ ဖြည့်လတ္တံ” ဟု ဒီပင်္ကရာဘုရားက ဗျာဒိတ်စကား မိန့်ကြားခဲ့သည်။ ဤကဆုန်လပြည့်တွင် ဒီပင်္ကရာဘုရား၏ မြင့်မြတ်ခြင်းတို့သည် သုမေဓာ၏ စိတ်နှလုံးကို သိမ်းကြုံးယူကာ၊ ကူးလူး သန္ဓေတည်ခဲ့၏။

ထိုမှစ၍ သိဒ္ဓတ္ထ နှင့် ယသော်ဓရာ အလောင်းလျာမောင်နှံတို့သည် ဖြစ်ရာဘ၀, ရောက်ရာနေရာမှ မြင့်မြတ်သော နှလုံးသားတို့ကို ပြုစုပျိုးထောင်ခဲ့သည်။ မိမိတို့အကျိုးစီးပွားထက် လောက၏ အကျိုးစီးပွားကိုသာ ပဓာနပြု၍၊ စည်းစိမ်ဥစ္စာ, အသွေးအသား, အသက်တို့ကို စွန့်လွှတ်ခဲ့သည်။ သိဒ္ဓတ္ထမင်းသားဘ၀ရောက်သော် ထိုပါရမီတို့သည် အထွတ်ခေါင်သို့ရောက်လေပြီ။ သိဒ္ဓတ္ထမင်းသားသည် လူသားစင်စစ်အဖြစ် မွေးဖွားလာသော်လည်း၊ သာမာန်လူသားမဟုတ်တော့။ မြင့်မြတ်သော မဟာလူသားဖြစ်လေပြီ။ မြင့်မြတ်သူတစ်ကာတို့ထက် မြတ်သော အထွတ်ခေါင်ဖြစ်လေပြီ။

သိဒ္ဓတ္ထမင်းသားသည် အသက် ၂၉-နှစ်အရွယ်တွင် ဖြစ်ပေါ်လာအံ့သော စကြ၀တေးမင်းစည်းစိမ်ကို စွန့်ကာ သတ္တ၀ါတို့ အကျိုးအတွက် ဘုရားအဖြစ်သို့ရရန် အားထုတ်ခဲ့သည်။ အလောင်းတော်ဘ၀ဖြင့် လောကသားတို့ကို လောကဆင်းရဲမှ လွတ်ရန် မရေတွက်နိုင်သောကမ္ဘာများစွာ အားထုတ်ခဲ့ဖူးပြီ။ ယခုနောက်ဆုံးဘ၀ ရောက်သောအခါ၌ကား သတ္တ၀ါတို့အား သံသရာဝဋ်ဆင်းရဲမှ ကယ်မ, ထုတ်ဆောင်ရန် အားထုတ်လေပြီ။ လောကဆင်းရဲနှင့် သံသရာဆင်းရဲနှိုင်းစာလျှင်၊ လောကဆင်းရဲသည် ပြောပလောက်သော ဆင်းရဲမဟုတ်တော့။ သံသရာမှ မလွတ်သရွေ့ ဆင်းရဲအမျိုးမျိုး ကြုံတွေ့ရမည်သာ။ ဆင်းရဲဟူသမျှ၏ အရင်းမြစ်ကို ချိုးဖြတ်ရန်အတွက် တစ်ပြောင်းတစ်ပြန်ပြန် ပြေးသွားကျင်လည်နေရသော သံသရာကို ဖြတ်တောက် ရပေမည်။ လောကအကျိုးကို ဆောင်ရန် ဦးစွာပထမ မိမိကိုယ်တိုင် သံသရာဆင်းရဲအပေါင်းမှ လွတ်မြောက်ရန် ကျိုးပမ်းရသည်။ ထို့ကြောင့် သံသရာမှ ထွက်မြောက်ကြောင်းတရားကို ရှာဖွေခြင်းဟူသော မြတ်သောရှာဖွေခြင်း (အရိယာပရိယေသန) ကို အားထုတ်တော်မူခဲ့၏။

ဤကဆုန်လပြည့်သည် လောက၏ အမြတ်ဆုံးဖြစ်သော ဗုဒ္ဓအဖြစ်ရောက်တော်မူသောနေ့ ဖြစ်သည်။ ‘ဗုဒ္ဓ’ ဟူသည် နိုးကြားသိမြင်ခြင်းဟု အဓိပ္ပါယ်ရသည်။ ဒုက္ခခပ်သိမ်း၏ အရင်းမြစ်ကို ရှာဖွေသိမြင်ခြင်းကြောင့် ဗုဒ္ဓ ဟူ၍ အမည်ရသည်။ အလောင်းတော်သည် ဂယာအရပ်မှ ဥရုဝေဠတော သေနနိဂုံး ဗောဓိပင်ရင်းတွင် “ဘုရားမဖြစ်သရွေ့, ဤနေရာမှ မထတော့”ဟူသော ခိုင်မြဲသောစိတ်ဖြင့် အားထုတ်တော်မူရာ၊ မဟာသက္ကရာဇ် ၁၀၃-ခု ကဆုန်လပြည့် ဗုဒ္ဓဟူးနေ့အကုန် အာရုဏ်တက်အချိန် ၀ိသာခါနက္ခတ်နှင့် စန်းလတို့ ယှဉ်ခိုက်တွင် ဗုဒ္ဓဘုရားအဖြစ်သို့ ရောက်တော်မူခဲ့သည်။

“အနေကဇာတိသံသာရံ၊ သန္ဓာဝိဿံ အနိဗ္ဗိသံ။
ဂဟကာရံ ဂဝေသန္တော၊ ဒုက္ခာ ဇာတိ ပုနပ္ပုနံ။”
“ဂဟကာရက ဒိဋ္ဌောသိ၊ ပုန ဂေဟံ နကာဟသိ။
သဗ္ဗာ တေဖာသုကာ ဘဂ္ဂါ၊ ဂဟကူဋံ ၀ိသင်္ခတံ။
ဝိသင်္ခါရဂတံ စိတ္တံ၊ တဏှာနံ ခယမဇ္ဈဂါ”တိ။ [ဓမ္မပဒ-ဇရာဝဂ်-ဂါထာ-၁၅၃, ၁၅၄]

ဆင်းရဲဒုက္ခကို အဖန်ဖန်ဖြစ်စေတတ်သော လက်သည် (အိမ်ဆောက်လက်သမား)အား ရှာဖွေခဲ့ပါသော်လည်း၊ မတွေ့သဖြင့် ဘ၀များစွာသံသရာကို ကျင်လည်ခဲ့ရလေပြီ။
အို... အိမ်ဆောက်လက်သမား၊ ငါသည် သင့်အား ယခု မြင်ပြီ။
သင်သည် နောက်တစ်ဖန် ဆောက်လုပ်နိုင်တော့မည် မဟုတ်တော့။
သင်၏ ကိလေသာဟူသော အခြင်ရနယ်တို့ကို ချိုးဖျက်ခဲ့ပြီ။
အ၀ိဇ္ဇာတည်းဟူသော အိမ်အထွတ်ကို ဖျက်ဆီးအပ်ပြီ။
ငါ၏ စိတ်သည် ပြုပြင်စီရင်ခြင်းကင်းရာနိဗ္ဗာန်သို့ ရောက်ပြီ။
တဏှာကုန်ကြောင်း အရဟတ္တဖိုလ်ကို ရပြီ။

ဗုဒ္ဓဘုရားဖြစ်သည်နှင့် ဤ “အနေကဇာတိ” အစချီသော ၀မ်းမြောက်သော ဥဒါန်းစကားကိုဆို၏။ ဆင်းရဲအပေါင်းတို့၏ လက်သည်ရင်းမြစ်သည် မသိမှု ‘အ၀ိဇ္ဇာ’ နှင့် တပ်မက်မှု ‘တဏှာ’ ဖြစ်ကြောင်းသိလေပြီ။ ၄၅-၀ါကာလပတ်လုံး မနားတမ်း မိမိသိသော အသိတရားကို မျှဝေ၍ ဟောကြားခဲ့သည်။ အလောင်းတော်ဘ၀တွင် စည်းစိမ်, အာဏာ, ကိုယ်လက်အင်္ဂါ, အသက်တို့ကို စွန့်လွှတ်ပေးဆပ်၍ လောကသားတို့အား ကယ်တင်ခဲ့သည်။ နောက်ဆုံး ဗုဒ္ဓအဖြစ်တွင် သစ္စာလေးပါးတရားကို ဟောကြား၍ သတ္တ၀ါတို့ကို သံသရာမှကယ်တင်ခဲ့သည်။


ဟန္ဒဒါနိ, ဘိက္ခဝေ, အာမန္တယာမိ, ၀ယဓမ္မာ သင်္ခါရာ, အပ္ပမာဒေန သမ္ပာဒေထ။ [ဒီ-၂-၁၈၅-မဟာပရိနိဗ္ဗာနသုတ္တံ]
ရဟန်းတို့... အကျဉ်းလိုရင်းကို ဆိုအံ့။ အလုံးစုံသော သင်္ခါရာတရားတို့သည် ပျက်စီးခြင်းသဘောရှိကုန်၏။ မမေ့မလျော့သောသတိတရား ရှိကြကုန်လော့။

အင်ကြင်းပင်တို့ အကြားတွင် ဖွားမြင်တော်မူခဲ့သော ဗုဒ္ဓသည် အင်ကြင်းပန်းတို့ပွင့်သော ဤကဆုန်လပြည့်နေ့ (မဟာသက္ကရာဇ် ၁၄၈-ခု ကဆုန်လပြည့် အင်္ဂါနေ့ အရုဏ်တက်ခါနီး အချိန်တွင်) မလ္လာမင်းတို့၏ ဥယျာဉ်အတွင်းရှိ အင်ကြင်းပင်ရင်း၌ပင် ပရိနိဗ္ဗာန်စံဝင်တော်မူခဲ့သည်။ သာမာန်လူသားတို့အမြင်တွင် ကြေကွဲဝမ်းနည်းဖွယ်ဖြစ်သော်လည်း၊ အရိယာသူတော်စင်တို့ အမြင်၌ကား ဒုက္ခခပ်သိမ်းငြိမ်း၍ လုံးဝအေးငြိမ်းမှုကိုပြုသွားခြင်းပင် ဖြစ်သည်။ ဤသည်ကား မြင့်မြတ်သူတို့၏ ထိပ်ဆုံးမြင့်မြတ်မှုပင် ဖြစ်သည်။ မြင့်မြတ်သော နှလုံးသားပိုင်ရှင်ဖြစ်သည့် ဗုဒ္ဓသည် ဤကဆုန်လပြည့်တွင် “အပ္ပမာဒေန သမ္ပာဒေထ” ဟူသော နောက်ဆုံးသြ၀ါဒ စကားဖြင့် လောကသားတို့အား ကျေးဇူးပြုသွားခဲ့လေသည်။

ဧရာ (မန္တလေး)

အရာရာတိုင်းဟာ အမေ

Wonder Woman ... My Mum

မင်းနှင့် ပြည်သူ

ဤ အ၀ိရောဓေန၊ တရားကို မကျင့်ဆောင်၊ ပြည်သူတို့နှင့် ဆန့်ကျင်ဘက်ပြုလျှင် ပြည်သူတို့မုန်း၍ အလိုရှိရာ သခင်ရှာပြီးလျှင် မင်းကို ဖျက်ဆီးသည်။ မင်းအားကြီး၍ ပြည်သူတို့က မဖျက်ဆီးနိုင်လျှင်လည်း အခြားနိုင်ငံသို့ သွား၍ ပြည်ပျက်သည်။ ဤကဲ့သို့ ပြည်သူနှင့် ဆန့်ကျင်ဘက်ပြု၍ ပျက်စီးသည်ကား မရေတွက်နိုင်။ ငါးရာငါးဆယ်ဇာတ်၊ ရာဇ၀င်တို့၌ အများပင် ဖြစ်လေသည်။ မျက်မြင်ကိုယ်တွေ့ဖြစ်ရသည်လည်း များလှလေပြီ။
[ရာဇဓမ္မသင်္ဂဟကျမ်း - ယောမင်းကြီးဦးဘိုးလှိုင်]

ဘုရားအလောင်းတော် ဝေဿန္တရာမင်းသည် သဗ္ဗညုတဉာဏ်ကိုရည်သန်၍ ဒါနပါရမီကို ဖြည့်တင်းတော်မူခဲ့ရာ၊ ၀တ္ထုပစ္စည်းတို့ကို မဆိုထားလင့် မိမိနှလုံးသားကိုပင် အလှူခံယူသူရှိက လှူအံ့ဟု ငယ်စဉ်ကပင် အဓိဋ္ဌာန်ထားခဲ့သည်။ သို့အားလျော်စွာ အခါတစ်ပါးတွင် မိုးခေါင်ရေရှား၍ ဒုဗ္ဘိကန္တရကပ်ဆိုက်ရောက်နေသော ကလိင်္ဂတိုင်းအား များစွာသော ကရုဏာသက်၍ ပစ္စယဆင်ဖြူတော်အား လှူဒါန်းခဲ့သည်။ ဤသည်ကို မိမိ၏ စေတုတ္တရာတိုင်းသာပြည်သူတို့က သဘောမကျ။ အမျက်ပြင်းစွာထွက်ကြ၍၊ ဝေဿန္တရာမင်းအား တိုင်းပြည်မှ နှင်ထုတ်ပါရန် ခမည်းတော် သိဉ္စည်းမင်းအား တောင်းဆိုကြ၏။ သက်ဦးဆံပိုင်မင်းဖြစ်သော သိဉ္စည်းမင်းက ဝေဿန္တရာသည်လည်း မိမိ၏သားဖြစ်၏။ စေတုတ္တရာတိုင်းသားတို့လည်း မိမိ၏သားသမီးများဖြစ်၏။ သားသမီးများ အချင်းများရာတွင် တစ်ယောက်နှင့် အများဖြစ်ပါက အများကိုအနိုင်ပေးရမည်။ ထို့ကြောင့် မင်းကြီးသည် သားတော် ဝေဿန္တရာအား ချစ်လျက်နှင့် နိုင်ငံမှထွက်ခွာရန် အမိန့်ထုတ်ခဲ့သည်။

ပစ္စယဆင်ဖြူတော်သည် ဝေဿန္တရာမင်း၏ ဘုန်းကံကြောင့် ပေါ်သော ဆင်ဖြူတော်ဖြစ်သည်။ အလှူသည် ငတ်မွတ်ခေါင်းပါးဘေးဆိုက်နေသည့် လူအပေါင်းအား ကယ်တင်လိုသော စေတနာဖြစ်သည်။ သဗ္ဗညုတဉာဏ်တော်ကို ရည်စူး၍ပြုသော မြတ်သောအမှုဖြစ်သည်။ မိမိ၏အမှုအပေါ်တွင် စိုးစိမျှ အပြစ်မြင်ဖွယ် မရှိသော်လည်း၊ ပြည်သူ၏ ဆန္ဒကိုလေးစားသောအားဖြင့် မင်းစည်းစိမ်ကိုစွန့်၍ ပြည်နှင်ဒဏ်ကို ကြည်ဖြူစွာ ခံယူခဲ့သည်။

မဟာသုတသောမဇာတ်တွင် ဘုရားအလောင်းတော် သုတသောမမင်း၏ ပညာသင်ဘက် ဗြဟ္မဒတ်မင်းသည် သားစားကြူးသူဖြစ်သည်။ စားတော်ဆက်သည် ‘ရသက’ ဖြစ်သည်။ ရသကသည် ပွဲတော်ဆက်တိုင်း အသားဟင်းကို ထည့်၍ ဆက်ရသည်။ အသားမရသော တစ်နေ့တွင် လူသားကိုချက်၍ ဆက်မိသည်မှစ၍ နောက်ဆုံးတွင် လူသားကို မစားရမနေနိုင်အောင် တပ်မက်သွားသော မင်းဖြစ်သည်။ ထို့ကြောင့်ပင် ပေါရိသာရ (လူသားစားသူ) ဟု အမည်ရသည်။ ရသကနှင့် ပေါင်းကာ ကောက်ကျစ်သောနည်းလမ်းများဖြင့် လူသားရအောင် ဖန်တီးကာ လူသားကို ပွဲတော်တည်သော မင်းဖြစ်သည်။ အကြောင်းစုံကို ပြည်သူတို့သိသောအခါ တိုင်းပြည်မှနှင်ထုတ်ခဲ့သည်။ လူကြမ်းပေါရိသာရမင်းသည် ပြည်သူ၏ ဆန္ဒကို မပယ်ရှားပဲ၊ မင်းအာဏာကို စွန့်ကာ ရသကကိုသာ ခေါ်၍ တိုင်းပြည်မှ ထွက်ခဲ့သည်။ “မရ, ရသက ချိုင်” ဟုဆိုစမှတ်ပြုရလောက်အောင် စားစရာလူသားရှားလာသောအခါ မိမိ၏ စားတော်ဆက်အဖော် ရသကကိုပင် သတ်၍ စားသော မင်းဖြစ်သည်။
နောင်တွင် မိမိဖမ်းမိထားသော သုတသောမမင်းနှင့် ‘သတာရဟ’ ဂါထာလေးဂါထာအား ဟောကြားပါက လိုရာဆုလေးဆုပြန်ပေးမည်ဟု ပေါရိသာရက ကတိစကားပြုသည်။ သုတသောမမင်းက ‘သတာရဟ’ ဂါထာလေးဂါထာ အား ဟောကြားကာ တောင်းဆု လေးဆု တောင်းသည်။ နောက်ဆုံး တောင်းဆုဖြစ်သော ‘လူသားမစားရန်’ အချက်ကို ပေါရိသာရက အလွယ်တကူ လက်မခံလို။ ထိုအခါ သုတသောမမင်းက “ခန္ဓာကိုယ်နှင့် စည်းစိမ်ဥစ္စာယှဉ်လာလျှင် ခန္ဓာကိုယ်အတွက် စည်းစိမ်ဥစ္စာကို စွန့်ရသည်။ အသက်နှင့် ခန္ဓာကိုယ်ယှဉ်လာလျှင် အသက်အတွက် ခန္ဓာကိုယ်ကို စွန့်ရသည်။ အသက်နှင့် ကတိသစ္စာယှဉ်လာလျှင် ကတိသစ္စာအတွက် အသက်ကိုပင်စွန့်ရ၏” ဟုဟောရာ ပေါရိသာရက မိမိပေးထားသော ကတိကို မပယ်ဖျက်ပဲ မင်းအာဏာနှင့်ပင် လဲခဲ့သော လူသားစားခြင်းကို စွန့်ကာ ငါးပါးသီလမြဲသွား ခဲ့သည်။ ထို့ကြောင့်ပင် ပေါရိသာရသည် ဂေါတမဘုရားလက်ထက်တော်၌် အင်္ဂုလိမာလမထေရ် အဖြစ် ကျွတ်တမ်းဝင်သွားခဲ့လေသည်။

နှလုံးသားနုသော ဝေဿန္တရာမင်းသည် မိမိကမှန်သည့်တိုင် ပြည်သူ့ဆန္ဒကို လေးစားသဖြင့် မင်းစည်းစိမ်ကို ကြည်ဖြူစွာ စွန့်ခဲ့ဖူးသည်။ လူသားစားသော လူ့ဘီလူး လူကြမ်းကြီးပေါရိသာရသည်လည်း ပြည်သူ့ဆန္ဒကို မလွန်ဆန်ပဲ မင်းအာဏာကို စွန့်ခဲ့သော ထုံးရှိ၏။ ပြည်သူကို ဆန့်ကျင်သော မင်းတို့သည် ပျက်စီးရသည်။ မင်းတို့အားကြီး၍ ပြည်သူက မတော်လှန်နိုင်လျှင်လည်း၊ အသိပညာရှိသော ရဟန်းရှင်လူတို့ ပြည်ရွာကို စွန့်ခွာကာ တစ်ပါးသောတိုင်းပြည်သို့ ခိုလှုံကြ၍ တိုင်းပြည် ပျက်တတ်ကြောင်း ယောမင်းကြီးဦးဘိုးလှိုင်က သတိပေးခဲ့ဖူးသည်။

[မောင်ထင်၏ “ယောမင်းကြီးဦးဘိုးလှိုင်– အထ္ထုပ္ပတ္တိ နှင့် ရာဇဓမ္မသင်္ဂဟကျမ်း”၊ ဦးရွှေအောင်၏ “ဗုဒ္ဓ– လောကသားတို၏ အနှိုင်းမဲ့ကျေးဇူးရှင်– ကိုယ်တွေ့ဗုဒ္ဓ၀င်” တို့မှ ကောက်နှုတ်ဖော်ပြပါသည်။]

ဧရာ (မန္တလေး)

မွေးရပ်မြေ

ကျွန်မ ဆယ်တန်းတုန်းက ဖြစ်သည်။
“မကြီး သီတာ ဆုရလာတယ်။ စာစီစာကုံးပြိုင်တာ၊ ခေါင်းစဉ်က ‘ဇာတိချက်ကြွေ၊ မွေးရပ်မြေ။’ ”
“ဟုတ်လား။ ပြစမ်းပါဦး၊ စာစီစာကုံးကို။” “ဟင်? ရွာအကြောင်းကြီးရေးထားတာပဲ၊ သီတာက ရန်ကုန်မှာ မွေးတာပဲဟာ။ ရွာက မကြီးတို့ရဲ့ မွေးရပ်မြေ။ မကြီးတောင် အဲ့ဒီလောက် မရေးတတ်ဘူး။”
ဟုတ်ပါသည်။
ကျွန်မ အစ်မကြီးနှင့်၊ အစ်ကို သုံးယောက်တို့၏ မွေးရပ်မြေ။
အဖေနှင့်၊ အမေတို့၏ မွေးရပ်မြေ။
အဖိုးနှင့်၊ အဖွားတို့၏ မွေးရပ်မြေ။
“ဧရာဝတီတိုင်း၊ ဘိုကလေးမြို့နယ်၊ ရုပ်ဆိုင်ကျေးရွာ။”
*****
ကျွန်မ နှစ်တန်းတုန်းက ဖြစ်သည်။
အတန်းပိုင်ဆရာမက မြန်မာစာ သင်ချိန်တွင်၊ စာလုံးတွေ ပေးပြီးဝါကျဖွဲ့ ခိုင်းသည်။
‘သွားသည်။’ ဆိုသော စာလုံးပါသည်။
ခုနစ်နှစ် အရွယ် ကလေးတစ်ယောက်၏ ရင်ထဲ၊ ခေါင်းထဲရှိသော စာလုံးတွေနှင့် ၀ါကျဖွဲ့လိုက်သည်။
“ကျွန်မသည် ရုပ်ဆိုင်သို့သွားသည်။”
ဆရာမ ဆီမှ စာအုပ်ပြန်ရလာတော့၊ ထိုဝါကျကို အမှားခြစ်ထားသည်။
အံ့သြမှုတွေနှင့်၊ “ဆရာမ ဒါဘာဖြစ်လို့ မှားတာလဲဟင်?”
“ကျွန်မသည် အရုပ်ဆိုင်သို့သွားသည်။ ဆိုရင် ‘အ’ ပြုတ်ကျန်ခဲ့တယ်လေ။”
“အရုပ်ဆိုင် မဟုတ်ဘူး ဆရာမ။”
သြော်၊ ‘အရုပ်ဆိုင’် မဟုတ်ဘူး ဆိုရင၊် ‘ရှပ်ဆိုင်’လို့ ရေးချင်တာလား။ ရှပ်ဆိုင်ဆိုရင်၊ ဟတ်ထိုး။ တစ်ချောင်းငင် မဟုတ်ဘူး။ ဆရာမက ပြောပြောဆိုဆို ကျွန်မ စာအုပ်တွင် မှင်နီဖြင့် တစ်ချောင်းငင်ကို ဟတ်ထိုး ပြင်ပြီး၊
“သွား။ သုံးခေါက် အမှားပြင်ခဲ့။”
“ရှပ်ဆိုင်ဆိုတာ ဘာလည်း ဆရာမ?”
“ရှပ်ဆိုင်ဆိုတာ ယောင်္ကျားရှပ်အင်္ကျီ ချုပ်ရောင်းတဲ့ဆိုင်။”
အမှားဆိုတာကို မလိုချင်သည့် စိတ်ရင်းဆွဲရှိသည့် ကျွန်မငယ်ငယ်သည် ငါက ယောင်္ကျားလည်း မဟုတ်ဘဲနဲ့ ဘာဖြစ်လို့ ရှပ်ဆိုင်ကို သွားရမှာလဲ။ ငါက ရွာဆိုတာကိုမှ ထည့်မရေးမိတာကို၊ ဒါလည်းမဟုတ်ပါဘူး။ ရန်ကုန်သို့ သွားသည်။ မန္တလေးသို့ သွားသည်။ ဒီလိုပဲ ရေးကြတာပဲ မြို့လို့ထည့်မရေးပေါင်။
ဆရာမ ကျွန်မတို့ ရွာနံမည်အား မသိခြင်းကို ၀မ်းနည်းမိခြင်းဖြင့်ပင် အမှားပြင်ခြင်းကို အဆုံးသတ်လိုက်သည်။
နောက်များမှ ဆရာမကို ‘ရုပ်ဆိုင’်ဆိုတာ သမီးတို့ ရွာနံမည်လို့ ပြောပြရဦးမယ်။
*****
အဖေပြောဖူးသည့်စကား။
“အဖေတို့များ လယ်သမား သားသမီး ဆင်းရဲပါတယ် သမီးရယ်။ ၀ါဆိုလ ရေကြီးကြီးနဲ့၊ သမီးတို့ အဖွားမယ်၊ ကောက်စိုက်ရင်း ဗိုက်နာလာလို့၊ ကောက်စိုက်တံချ လယ်ထဲက တက်မွေးရတာ သမီးတို့ အဖေကိုပေါ့။ လဆန်း(၆)ရက်။ ငယ်ငယ်တုန်းကများ ၀တ်စရာအင်္ကျီ မရှိလို့ သင်တိုင်းကြီးလို ခေါင်းကစွတ်ချထားရတာ ဂုံနီအိတ်စလို ကြမ်းကြမ်းကြီးပါ။ အရွယ်ရောက်လာ၊ အိမ်ထောင်ရက်သားကျတော့ သမီးတို့ အဖိုးက အဖေ့ကို ပြောတယ်။ ငါ့သား မင်းလယ်ထဲနေရင်တော့ ကြီးပွားမှာ မဟုတ်ဘူး။ မင်း သား၊ သမီးလေးတွေလည်း လယ်ထဲရောက်မယ်။ မင်း စပါးကုန်ကူးချေကွာ ဆိုပြီး ဆန်ပြုတ်သောက်ပြီး စုထားတဲ့ ငွေတို၊ ငွေစလေးတွေ ထုတ်ပေးတယ်။”
ရိုးသားခြင်း၊ ကြိုးစားခြင်း၊ စိတ်ကူးဉာဏ် ကောင်းခြင်းတွေနဲ့ ရွက်ကုန်ဖွင့်။
သမ္ဗန်တက်ကို လက်တွေပေါက် သွေးထွက်အောင် လှော်ခဲ့။
ဆန်စက်များရဲ့ အ၀ယ်တော်။ ကျွန်တော်။
ကြိုးစားရင်း၊ ကြိုးစား။
ချွေတာရင်း၊ စုဆောင်း။
မောင်တထမ်း၊ မယ်တရွက်။
သားသမီးလေးတွေကလဲ၊ လိမ္မာသကွဲ့။
ဒီလိုနဲ့...
လမ်းခုလတ်မှာ၊ မှောက်လျက်ထိုး။
ပြည်သူပိုင်နဲ့၊ တည့်တည့်တိုး။
ဆန်စက်လုပ်သား၊ မောင်ခမျာရယ်။
အလုပ်လက်မဲ့၊ မနေနိုင်တယ်။
ရန်ကုန်မြို့ပေါ်၊ ခေါက်တုံ့လျှောက်။
ရှာစမ်းပါဟဲ့၊ ငွေဝင်ပေါက်။
လမ်းဘေးအိမ်သာ၊ ခေါင်းကိုထိုး။
ဖြတ်သန်းရတဲ့၊ နေ့, ညဆိုး။
တွေ့ပါပြီတဲ့၊ ငွေပေါ်လွယ်။
ငါးပွဲစားတဲ့ကွယ်။
ရောက်ရပြန်ပေါ့၊ မွေးမြေတစ်ခေါက်။
မြစ်ကြိုချောင်းကြား၊ ထိုနယ်တစ်လျှောက်။
ဟိုတုန်းကတော့၊ စပါးဝယ်။
ခုများမှာတော့၊ ငါးရှာတယ်။
သိရက်နှင့်ပင်၊ မျက်စောင်းထိုး။
အကုသိုလ်မျိုး၊ ထိုအကျိုး။
*****
အညှိုးအတေကြီးတဲ့၊ ဘုရားကျမ။
နာဂစ်ကိုတော့၊ လက်မှိုင်ချ။
(ကျွန်မကို မွေးမှ) ဖခင်မကြိုက်သော အလုပ်ကို ‘ငါတစ်ယောက်တည်း ကောင်းစားဖို့ မဟုတ်ဘူး။ အများကောင်းစားဖို့’ ဟု (ကိုယ့်လိပ်ပြာ၊ ကိုယ်မလုံနိုင်ဘဲ) ကြုံးဝါးရင်း၊ ‘အဖေ့ သားသမီးတွေ အကုန် ပညာတတ်တယ်’ ဟု မကြာခဏ သက်ပြင်းချလေ့ရှိသော
အဖေမသိအောင်၊ ကြိတ်ဆုတောင်း။
တံငါဘ၀မှ၊ လွတ်စေကြောင်း။
*****

အို လာခြင်းကောင်းသော၊ သူတော်ကောင်းအပေါင်းတို့
သင်တို့၏ ရခဲလှသော ဘ၀တန်ဖိုးကို အကျိုးမဲ့၊ အချီးနှီး မဖြစ်ကြစေကုန်လင့်။

ကျွန်မရဲ့ မာရ်ဆိုး

ကိုယ့်ထက်သာက၊ မနာလိုပါ
တန်းတူတွေ့လို့၊ မနှစ်မြို့တာ
အောက်လူများ၊ ပျပ်လျှိုးခစားပါ။

(ရှိခိုးဆုတောင်း)
မာရ်ညစ်ရန်ဆိုး၊ ဖြတ်ချိုးအောင်မြင်
ဘုန်းတော်ရောင်လျှမ်း၊ အောင်ပန်းသခင်
လက်စုံမိုး၍၊ ရှိခိုးဦးတင်
အောင်စေကြောင်း၊ ဆုတောင်းပန္နာဆင်။
(မဟာဂန္ဓာရုံဆရာတော်။)

လိုနေတာက၊ မေတ္တာ ပညာ
သတိထားလို့၊ ကြိုးစားပွားမှာ
အောင်မလေးးးးးးးးးး၊ အဆုံး နောင်မတ,ခင်။

Communication

အရေး၊ အဖတ်၊ အတတ်၊ ပညာ။

ကျွန်မတို့ မြန်မာစာ အရေးအဖတ် သင်တန်းရဲ့ သင်တန်းဆင်းပွဲ အမှတ်တရ ဓါတ်ပုံ
English လိုတော့ Burmese Language Reading & Writing Class for Children
English မှာ Reading ကအယင်လာတယ်။ ဒါ ပိုသဘာဝ ကျတယ်။ အယင် ဖတ်တတ်ရမယ်။ ပြီးမှ အရေးကို ကြိ်ုးစားမယ်။
သင်တန်းမှာ မြန်မာစကားပြောတတ်တဲ့ အသက်(၇)နှစ်နှင့်အထက် ကလေးများကို လက်ခံပါတယ်။

ဘာသာစကား တစ်ခုကို အပြော၊ အဖတ်၊ အရေး တဲ့။ ဘာလုပ်ဖို့လဲ။ အခြေခံအားဖြင့်တော့ ဆက်သွယ်ဖို့ပါပဲ။ လူဆိုတာ တစ်ဦးတစ်ယောက်ထဲ နေတဲ့ သတ္တ၀ါ မဟုတ်လေတော့။ တစ်ဦးတစ်ယောက်ထဲ နေစေဦးတော့ စကားလုံးတွေနဲ့ မဟုတ်တောင် ပတ်ဝန်းကျင်နဲ့ အလျဉ်းသင့်အောင် ဆက်ဆံရေး အတွက်တော့ ပြောရဦးမှာပဲ။ (ဥပမာ- အေးရင်စောင်ခြုံ၊ အိုက်ရင် ယပ်ခတ်။)

ပြောကြပါပြီတဲ့။
စမ်းသပ်မှုတွေအရတော့ စကားလုံးတွေရဲ့ အရေးပါမှုဟာ အလွန်နည်းပါးပြီး၊ အသံနေ အသံထားနဲ့ ကိုယ်နေ ဟန်ထားတွေက အတော် အရေးပါဆိုပဲ။ ပြောသူကို နာသူက နားလည်နိုင်ဖို့ အတွက်ပေါ့လေ။ (ကျွန်မကို မျက်စိတစ်ဖက် မှိတ်ပြယင်တော့ သြော်သူ မျက်ကျောလိုက်နေရှာတယ်လို့ပဲ နားလည်လိုက်မှာနော်။)

အဖတ်နဲ့ အရေး အတွက်ကျတော့ ကျောင်းမှာ ကျွန်မတို့ သင်ယူကြရတယ်။ သင်မှတော့ ဖတ်တတ်ရမယ် (သူများရေးထားတာကို)။ ဖတ်ရင်လည်း စာလုံးတွေနဲ့ စာရင် ပုံလေးတွေကို ဖတ်ရတာ ပိုအရာရောက်မလားလို့။ (ဟောဒီမှာ ပုံကို အယင်ကြည့်၊ စာကိုနောက်မှဖတ်။)

အချက်အလက်တွေ မှတ်မိဖို့ထက်၊ အသိတစ်ခု ရင်ထဲရောက်ဖို့က ပို အရေးပါတယ်။
ကဲဖတ်တော့။
ဘာဖြစ်လို့ ဖတ်တာလဲ။
ဖတ်တတ်လို့ ဖတ်တာပေါ့။
ဖတ်တတ်ရင် ဖတ်မယ်။
ဖတ်ရင် ဖတ်တတ်မယ်။ (စာကောင်းပေမွန်တွေကို)
စာကောင်းဖတ်တော၊့ စိတ်ကောင်းရှိတယ်။

မယုံမရှိနဲ့၊ သတိကလေးနဲ့တော့ထိန်း။
(ကြားဖြတ် သံချပ်- ငါသိ၊ ငါတတ်၊ ငါတော်သည်။ အဲ့ဒီလိုမျိုးဟာ အကျိုးမရှိပါဘူး။
အဲ့ဒီလိုမျိုးဟာ အကျိုးမရှိပါဘူး။ ငါသိ၊ ငါတတ်၊ ငါတော်သည်။)

ပြီးရင်တော့ လာပြီ
(ကိုယ်တိုင်) ရေးတတ်ရတော့မယ်။
(ထင်ခဲ့တယ်။ ကိုယ်တိုင်ရေးဖို့ မလိုပါဘူး။ ခေတ်အဆက်ဆက်က သူများရေးထားတဲ့ စာကောင်းပေမွန်တွေ ဖတ်လို့ရယ်တဲ့မှ မကုန် လို့။)

ကျေးဇူးပြု၍ မပြောလိုက်ပါနဲ့၊ စာရေးတာ ၀ါသနာ မပါဘူးလို့။

စာဆိုတာ ၀ါသနာပါမှ ရေးရမှာ မဟုတ်ဘူး...။ ဟူးးးးးးးးး

(ကျွန်မအား စာရေးခိုင်းသော ဆရာမ အတွက် အမှတ်တရ)

Change is on the way...

Changi Airport ကကြော်ငြာပုံလေးတစ်ခု။ ဒီပုံလေးက လွန်ခဲ့တဲ့ (၁၂)နှစ်က ဒီနေရာကို စိတ်ကူးဗလာ၊ ခံစားချက်ဗလာ၊ ယောင်ချာချာ ရောက်လာတဲ့ ကောင်မလေး တစ်ယောက်ကို စိမ်းသက်တဲ့ အငွေ့တွေနဲ့ Change is on the way လို့များ တံခါးဖွင့်ပေးခဲ့လေသလားလို့...။

တူမလေး အိငယ် ကို ကြိုဆိုခြင်း အမှတ်တရ (၂၁.၀၄.၂၀၀၈ Changi Airport, Singapore)

မရွက်ဝါသို့

မရွက်ဝါ ဒီကမ္ဘာကြီးထဲမှာရှိနေတယ်။ သီတာလည်း ဒီကမ္ဘာကြီးထဲမှာ ရှိနေတယ်။
...............
မရွက်ဝါနဲ့တွေ့ဆုံခဲ့ရပုံက ဒီလို...
...............
ဒီနေ့လေဆိပ်ကို အပြေးအလွှားဆင်းလာခဲ့ရပါသည်။ သူငယ်ချင်းတစ်ယောက်ကို ကြိုဖို့ပါ။ မြန်မာပြည်က ၂၅ရက်နေ့ ၁၀နာရီထွက်လာမဲ့လေယာဉ်နဲ့ သူလာမယ်။ ကျွန်မအိမ်မှာတည်းမယ်။ အဆင်မပြေက အကြောင်းပြန်ပါတဲ့။ အကြောင်းပြန်ချိန် မရှိတော့ပါ။ လွန်ခဲ့သည့် ၂ရက်ကပို့ထားသည့် သူ့email ကို ယခုမှ စစ်မိပါသည်။
လေဆိပ်ကို ဒီကအချိန် ၂း၃၀pm မှာရောက်သည်။ Yangon က လာသည့် MAI/Jetstar လေယာဉ်မဆိုက်သေး။ ok။ နေဦး နေဦး Silkair ရော ဆိုက်သွားပြီလားဟင်။ ကျွန်မလိုပင် လာကြိုကြဟန်ရှိသော လူရွယ်များကိုမေးမိသည်။ အစ်မ Silkairက Terminal 2 မှာလေ။ (ကိုယ်ရောက်နေတာ Terminal 1)၊ ဗုဒ္ဓေါ။ ကိုယ့် ကိုယ်ကို နှစ်ခြမ်းဘယ်လိုခွဲရပ။ Just try my luck ဒီမှာပဲ စောင့်တော့မည်။ အိမ်မှ သားကြီးဆီက ဖုန်းဝင်လာသည်။ မေမေ ဖွားဖွားကြီးကပြောခိုင်းတယ်။ ဦးဦးကြီးက Bangkok Transit နဲ့လာမှာတဲ့။ ဟေ...။ Bangkok Transit နဲ့ဟာက ဘယ်အချိန်ဆိုက်မှာတုံး။ air-ticket ရောင်းသည့် ဆိုင်ကို ဖုန်းဆက်မေးလိုက်သည်။ Bangkok Transitဆိုရင်တော့၊ ညနေ ၄နာရီခွဲမှာဝင်တဲ့ TG တော့ရှိတာပဲ bye။ (ဤဖုန်း call မျိုးသည် ဖြေဆိုသူအတွက် $ မ၀င်သော call မျိုးဖြစ်ကြောင်း၊ ခေါ်ဆိုသူကျွန်မ နားလည်ပေးရပါသည်။) ရောက်လက်စနဲ့ မထူးဘူး... ဆက်စောင့်လိုက်ပါမယ်လေ။
...............
Yangon က လာသည့် MAI/Jetstar လေယာဉ်ဆိုက်လာသည်။ ကျွန်မ၏မျက်စိသည် အဝေးမှုံပါသည်။ မျက်မှန်ပါမလာ၍ မှုံဝါးဝါးမြင်ကွင်းဖြင့် မိမိကြိုရမည့်သု မပါ၍ အားစိုက်စရာမလိုဘဲ လေယာဉ်မှဆင်းလာသည့်လူများကို ငေးနေမိသည်။ ထိုသောအခါ ကျွန်မ၏အတွေးများသည် အားစိုက်၍ တွေးကြလေတော့သည်။
“ပြည်ထောင်စု မပြိုကွဲရေး၊ ဒို့အရေး” ဆိုတာကို ကျွန်မ နားမလည်ပါသဖြင့် နေ့စဉ်နှင့်အမျှ နိုင်ငံရပ်ခြားသို့ အကြောင်းအမျိုးမျိုးကြောင့် နည်းမျိုးစုံဖြင့် ထွက်လာနေကြခြင်းသည်ပင် ပြည်ထောင်စု ပြိုကွဲနေခြင်းတစ်မျိုးပေလောဟု တွေးမိပါ၏။
လူတော်တော်များများ ထွက်လာပြီးသောအခါ ဒီမှာ Work permit ဖြင့် အလုပ်လာလုပ်ကြသည့် လူရွယ်များ အုပ်စုလိုက်ထွက်လာကြ၏။ သူတို့ အသွင်မှာ လန်းဆန်းမနေ၊ လေးလံနေကြ၏။ သူတို့ကို ကျွန်မနားလည်နိုင်ပါသည်။ သူတို့ ဒီလိုအလုပ်ရရှိရေး အတွက် ပေးထားကြရသော Agent Fee သည် တနင့်တပိုးဖြစ်၏။ သူတို့၏နောက်မှလည်း အုပ်စုလိုက် ထွက်လာကြပြန်၏။ ဤအုပ်စုမှာ အမျိုးသမီးငယ်လေးများ အုပ်စုဖြစ်၏။ ရင်ဘတ်တွင် တူညီတံဆိပ်ဝိုင်းလေးများ တပ်ထားကြသည်။ ထိုအုပ်စုထဲမှ အမျိုးသမီးလေးများကိုတော့ ကျွန်မပြတ်သားစွာမြင်နေရသည်။ သူတို့ကို ကျွန်မ အာရုံအပြည့်စူးစိုက်နေမိသည်မှာ သေချာသည်။ ဤမြင်ကွင်းသည် ကျွန်မအတွက် ဆန်းသစ်၏။ ကျွန်မတို့နိုင်ငံမှ ဒီမှာ maid လုပ်ရန် ထိုကဲ့သို့ အစုလိုက်လာကြခြင်းမျိုးကို အခုမှမြင်ဖူးခြင်းဖြစ်သည်။
ငယ်ငယ်ရွယ်ရွယ် သေးသေးညှက်ညှက်လေးများဖြစ်သည်။ လူကောင်သေးတာ ကိစ္စမရှိပါ။ ကျွန်မလိုချင်သည်မှာ မျက်လုံးတောက်တောက်လေးများသာ ဖြစ်သည်။ ဒီမှာ Domastic helper လာလုပ်ကြသည့် Filipino မလေးများ၊ Bar Assistant လာလုပ်ကြသည့် Vietnamese မလေးများ၏ မျက်လုံးတောက်တောက်မျိုးမဟုတ်ပါ။ ဖြူစင်သော သီလကိုအခြေခံသည့် ဖော်ရွေသော စိတ်နှလုံး၊ ခိုင်မာသော ယုံကြည်ချက်တို့၏ ရောင်ပြန် မျက်လုံးတောက်တောက်မျိုး ဖြစ်ပါသည်။ ကျွန်မ ဘာတွေကို ရှာဖွေမိနေပါလိမ့်။ ခေတ်ဆိုတာကြီးထဲမှာ ကျွန်မတို့ရောက်နေကြတာလား။ ကျွန်မတို့က ခေတ်တွေကို ဖန်တီးနေတာလား။ ကျွန်မ မသိ။ ကျွန်မ၏ အာရုံကို စွဲကျုံးယူငင်ထားသော ထိုအမျိုးသမီးငယ် လူစုသည် သူတို့ကို လာကြိုသည့် Agent နောက်သို့ တန်းစီ၍ လိုက်ပါ သွားကြလေတော့သည်။ ကျွန်မလည်း ထိုနေရာမှလေးကန်သော ခြေလှမ်းဖြင့် ဦးတည်ရာမဲ့ ထွက်လာခဲ့သည်။ မြန်မာလူရွယ်တစ်စု၏ သဲ့သဲ့ပြောလိုက်သော စကားသံကို ကြားလိုက်ရသေးသည်။ “ဒီအစ်မကြီး အခုထိမတွေ့သေးဘူးနဲ့တူတယ်။ ငါတို့ခေါ်သွားမှပဲ” တဲ့။ ထိုလူငယ်စုထံ ပြန်လှည့်၍ သူတို့နားလည်သော၊ ကျွန်မရည်လည်စွာ ပြောတတ်သော စကားများဖြင့် သူတို့ပြောလိုက်သော စကားနှင့်ပတ်သက်၍ အခြေအတင် ဆွေးနွေးချင်စိတ် ပေါ်မိသေး၏။ များသောအားဖြင့် မိမိနားမလည်သော ဘာသာစကားများကြားတွင် အနေကြာနေပြီဖြစ်သော ကျွန်မ။ ယခုကဲ့သို့ သူတို့၏ စကားကို နားလည်၍ အဓိပ္ပါယ်တွေ ကောက်တတ်နေခြင်းသည်ပင် ကျွန်မအမှားဖြစ်ပါ၏ ဟု ကိုယ့်ကိုကိုယ် ဆုံးမ၍ ဒေါသကို မျိုချလိုက်ရ၏။ မရှေးမနှောင်းဆိုသလို ဆက်တိုက်ခံစားလိုက်ရသော ‘ကျ’ ဒေါသနှင့်၊ ‘တက’် ဒေါသကို အအေးနှင့်မျှောချရန် Burger King ဆိုင်သို့ ဦးတည်လိုက်ပါ၏။
...............
Burger one set မှာ၍ ချောင်ကျသော ခုံတစ်ခုတွင် ၀င်ထိုင်လိုက်သည်။ ကျွန်မ၏ ရှေ့စားပွဲတွင် ကျွန်မကို ကျောပေး၍ ထိုင်နေသော အစ်မကြီးတယောက် ဖုန်းပြောနေသည်။ သူမြန်မာလို ပြောနေတာပါလား။ သူဖုန်းပြောအပြီးတွင် ကျွန်မ သူ့ဘေးမှခုံကို ပြောင်းထိုင်၍ “အစ်မမြန်မာလားဟင်” ဟုမိတ်ဆက်လိုက်သည်။ (မြန်မာမှန်းသိလျှင် အနည်းဆုံးတော့ ပြုံးပြမည်။ အပြုံးထဲတွင် ကျွန်မ မြန်မာပါဟူသော ဖေါ်ရွေမှုတွေ စီးဝင်နေရမည်။ ဤအကျင့်ကို ကျွန်မတမင်တကာပင် မွေးမြူထားသည်ဟု ဆိုနိုင်ပါသည်။ အကြောင်းရှိပါသည်။ ဤနိုင်ငံသို့ အကြောင်း အမျိုးမျိုးဖြင့် ရောက်နေကြသော ရွှေမြန်မာများတွင်၊ မိမိကိုယ်မိမိ မြန်မာနှင့် မတူအောင်နေ။ မိမိ သားသမီးများကိုလည်း မြန်မာဇတ် ဖျောက်၍၊ မြန်မာမှန်း မသိရအောင် အထူး အာရုံစိုက်ကြလေသော လက်ယာစွန်းရောက်များနှင့်၊ ဘယ်သူက ဘာထင်ထင် ကိုယ်နေချင်သလို (စည်းမရှိ၊ ကမ်းမရှိ) နေမည်၊ ဘယ်သူ့ဂရုစိုက်ရမှာလဲ ဆိုသောအချိုးနှင့် နေကြသော လက်ဝဲစွန်းများဟူ၍ နှစ်မျိုးနှစ်စားတွေ့ရလေသည်။ ဤသည်မှာလည်း သူတို့ အကြောင်းနှင့်သူတို့ ဖြစ်ပါသည်။ ကျွန်မ၏ ခံယူချက်မှာမူ ဘယ်နေရာဘဲ ရောက်ရောက် ကျွန်မတို့သည် လူတွေထဲနေခြင်းဖြစ်၍ မြန်မာနဲ့ မတူမှ လူနဲ့တူမှာ မဟုတ်။ မိမိဘာဆိုတာကို မိမိ၏ ကိုယ်ကျင့်သိက္ခာနှင့် ကိုယ်ရေးကိုယ်သွေးတို့ ဖြင့်သာ ဖေါ်ပြရပေမည်။)
ထိုအစ်မကြီးက နှစ်လိုဖွယ် အပြုံးဖြင့် ပြန်ပြုံးပြရင်း၊ “ဟုတ်တယ်။ သူ ဒီကိုရောက်နေတာ ဘယ်လောက်ကြာပြီလဲ” ဟုနှုတ်ဆက်စကားကိုဆို၏။
“သီတာ(ကျွန်မစကားပြောလျှင် ကိုယ့်နာမည် ကိုယ်ထည့်ပြောတတ်၍) ဒီရောက်တာ ဆယ်နှစ်ကျော်သွားပြီအစ်မ။ အခု အမျိုးသားရဲ့ ညီရဲ့သူငယ်ချင်း လာမှာမို့ လာကြိုတာ။”
“အမျိုးသားရဲ့ ညီကို မြန်မာလို ဘယ်လိုခေါ်လဲ။”
“ညီဆိုတော့ ‘မတ’်၊ အစ်ကိုဆိုရင်တော့ ‘ခဲအ’ို လို့ခေါ်တယ်။”
“ဒို့က ညီမလေးရဲ့ အမျိုးသားကို လာကြိုတာ။ ညီမလေးရဲ့ အမျိုးသားကိုရော ဘယ်လိုခေါ်လဲ။”
“ညီမလေးရဲ့ အမျိုးသားဆိုရင်လဲ ‘မတ်’ ပဲအစ်မ။”
အစ်မကြီးသည် သူ့လက်ကိုင်အိတ်ထဲမှ စာအုပ်သေးသေးလေး (diary) ကိုထုတ်၍ မှတ်၏။ တရုတ်စာလုံးများရေးပြီး ဘေးကမြန်မာလိုရေးသည်။ “စာရေးချင်တယ်ဆိုရင် ဒီလိုဘဲ တစ်နေ့၊တစ်နေ့ ကိုယ်တွေ့ကြုံတာလေးတွေကို ရေးမှတ်ထားရတယ် သီတာရဲ့။ ဒီမှာ အစ်မ name card၊ အဲ့ဒီမှာတော့ တရုတ်လိုရေးထားတယ်။ မြန်မာလိုတော့ ရွက်ဝါလို့ အသံထွက်နဲ့တူတယ်။ ‘ရွက်ဝါ’ လို့ပဲခေါ်ပေါ့။”
“သီတာနဲ့မတွေ့ရင် ဒို့ ဒါကိုပဲဖတ်နေတော့မှာ၊” တရုတ်ဘာသာဖြင့် ထုတ်ဝေသော “i weekly” မဂ္ဂဇင်းကိုပြ၏။ “ဒီမှာ ဒို့ရေးထားတာ။ ကိုယ်ရေးထားတာလေးတွေ ပါလာတော့။ ဘယ်လိုပြောမလဲ ဖတ်ရတာ ပျော်တယ်လေ။ သီတာကတော့ နားလည်မှာ မဟုတ်ဘူး။ ဒို့ မြန်မာလို ရေးထားတဲ့ စာတွေလည်းဖတ်ချင်တယ်။ Internet နဲ့ ဘယ်မှာဖတ်ရမလဲ။”
“အိမ်ကဆရာကြီးကလေ...xxxx xxxx
“သားက မြန်မာပြည်ကို သူ့ဖာသူလည်းသွားတယ်။ xxxx xxxx
“သမီးကတော့ ကလေးတွေကို ကျူရှင်လိုက်ပြတယ်။ သူတို့ကို ကိုယ့်ခြေထောက်ပေါ် ကိုယ်ရပ်တတ်အောင် xxxxx xxxx
မရွက်ဝါနဲ့ ကျွန်မ စကားတွေ အများကြီးပြောဖြစ်ခဲ့ကြပါသည်။
...............
ရုတ်တရက် မရွက်ဝါက-
“သီတာ အသက်ဘယ်လောက်ရှိပြီလဲ။”
“သီတာ က 1969 မွေးတာဆိုတော့...”
“1969? ဒို့မြန်မာပြည်ကထွက်လာခဲ့တာ အဲ့ဒီနှစ်ပဲ။ အဲ့ဒီတုန်းက ဒို့က ဆယ့်လေးနှစ်။ ရန်ကုန် ဘယ်နားနေလဲ။”
“သီတာက အလုံမှာနေတာ။”
“ဒို့က အ.ထ.က(၄)အလုံမှာ ကျောင်းတက်ခဲ့တာ၊ ဟိုတုန်းကတော့ ကူရှင်ကျောင်းပေါ့။ ဒို့ အချစ်ဆုံး သူငယ်ချင်း တစ်ယောက် နာမည်ကလဲ သီတာပဲ၊ သီတာ စာသိပ်တော်တယ်။ ကြက်တောင်ရိုက်လည်း တော်တယ်။ ဒို့တွေ ကျောင်းတွေ ကျောင်းတွေ လိုက်ပြိုင်ကြတာ ဆုတွေ နှစ်တိုင်းရတယ်။ သိပ်ပျော်တာဘဲ။ အင်း သီတာ၊ သီတာ သူ့ကို သိပ်တွေ့ချင်တာပဲ။ ဘယ်မှာ ရှာရမလဲ။ ဘယ်လို ရှာရမလဲဟင်?”

သုတ္တန် နှင့် အဘိဓမ္မာ

မြတ်ဗုဒ္ဓ၏ ဒေသနာတော်သည် အနတ္တဒေသနာဖြစ်သည်။ “အနိစ္စ၊ ဒုက္ခ၊ အနတ္တ” ဟူသော သင်္ခါရဓမ္မတို့၏ လက္ခဏာရေးသုံးပါးတို့တွင် အနိစ္စ နှင့် ဒုက္ခတရားတို့ကို ဗုဒ္ဓမြတ်စွာမပေါ်ထွန်းမီ ခေတ်ကာလကပင် ရှေးပညာရှိ သမဏ, ဗြာဟ္မဏတို့ ဖော်ထုတ်နိုင်ခဲ့ကြသည်။ အနတ္တတရားကိုမူ ဗုဒ္ဓမြတ်စွာဘုရားပွင့်တော်မူမှသာ ဟောကြားနိုင်စွမ်းရှိခဲ့သည် ဟု အဆိုရှိလေသည်။ ‘အနတ္တ’တရားဟူသည်ကား အလုံးစုံသောတရားတို့သည် မိမိ၊ ငါ၊ သူတစ်ပါးစသဖြင့် ခေါ်ဝေါ် သမုတ်အပ်သော မြဲမြံသည့် အနှစ်သာရတရားမျိုး မဟုတ်။ ငါ့ကိုယ်၊ ငါ့ဟာဟူ၍ အစိုးရသော တရားမျိုး မဟုတ်။ အတ္တ မဟုတ်။ သို့ဖြစ်၍ ထိုတရားတို့အား “ဧတံမမ, ဧသောဟမသ္မိ, ဧသောမေ အတ္တာ” (ငါ့ဟာ, ငါ, ငါ၏ အတ္တ) ဟု စွဲလမ်းသုံးသပ်ခြင်းငှာမထိုက် ဟူ၍ ဟောကြားသောတရားဖြစ်သည်။

ခန္ဓာ ၅-ပါး၊ ရုပ်နာမ်တရားစုတို့ကား ဉာဏ်ဖြင့် သိနိုင်သော အစစ်အမှန်တရားအစုဖြစ်သည်။ သို့သော် ပုထုဇဉ်တို့သည် ခန္ဓာ ၅-ပါး၊ ရုပ်နာမ်တရားတို့အား “ငါ့ဟာ, ငါ, ငါ၏ အတ္တ”ဟု “တဏှာ, မာန, ဒိဋ္ဌိ”ဟူသော ပပဉ္စတရားတို့ဖြင့် စွဲလမ်း သုံးသပ် ထင်မှတ်မှားကြသည်။ ထို့ကြောင့် “အနိစ္စ၊ ဒုက္ခ၊ အနတ္တ”ဟု မမြင်နိုင်။ “နိစ္စ, သုခ, အတ္တ”ဟု ဆန့်ကျင်ဖက် တလွဲဖောက်ပြန်၍ မြင်သည်။ ထို ၀ိပ္ပလ္လာသခေါ် ဖောက်ပြန်သော အသိအမြင်တို့သည် ပုထုဇဉ်၏ သန္တာန်တွင် အမြစ်တွယ်နေရကား အမှန်သိမြင်သော အမြင်ပေါ်ရန် ကြီးစွာသော လုံ့လ၀ီရိယ၊ ပညာ၊ သတိတို့ ဖြင့် အဖန်ဖန်အားထုတ်ရန် လိုအပ်သည်။ ရုပ်နာမ်သင်္ခါရတရားတို့၏ သဘောအစစ်မှန်အား အမှန်ကို အမှန်အတိုင်း ယထာဘူတဉာဏ်ဖြင့် သိမြင်ပါက၊ ထို ရုပ်နာမ်သင်္ခါရတရားတို့အပေါ်၌ တပ်မက်စွဲလမ်းသော စိတ်ကင်းကာ ငြီးငွေ့သော နိဗ္ဗိန္ဒဉာဏ်အမြင် ဖြစ်ပေါ်လာပေမည်။ ရုပ်နာမ်သင်္ခါရတရားတို့အပေါ် ငြီးငွေ့ စွန့်ပယ်လိုသော အမြင်သန်လာပါက ရုပ်နာမ်သင်္ခါရတရားတို့၏ ဆန့်ကျင်ဖက်သဘာဝဖြစ်သော ဖြစ်ပျက်ချုပ်ငြိမ်းသော နိဗ္ဗာန်ကိုမြင်သည့် တပ်မက်ခြင်းကင်းသော ၀ိရာဂ ခေါ် မဂ်ဉာဏ်ဖြင့် မျက်မှောက်ပြုနိုင်ပေမည်။ ဤသည်ကား ဗုဒ္ဓမြတ်စွာ ၄၅-၀ါကာလပတ်လုံး အဖန်တလဲလဲ နည်းပရိယာယ်မျိုးစုံဖြင့် ဟောကြားတော်မူခဲ့သော သုတ္တန်ဒေသနာတော်၏ အချုပ် ဖြစ်သည်။

“ယထာဘူတ၊ နိဗ္ဗိန္ဒ၊ ၀ိရာဂ” (မိုးကုတ်ဆရာတော်ဘုရားကြီး၏ ဝေါဟာရဖြင့်ဆိုပါက ဖြစ်ပျက်မြင်၊ ဖြစ်ပျက်မုန်း၊ ဖြစ်ပျက်ဆုံး) ဟူ၍ အဆင့်ဆင့် ကြိုးပမ်းအားထုတ်ခြင်းအား ၀ိပဿနာတရား ပွားများသည်ဟု ခေါ်သည်။ ဤတွင် ရုပ်နာမ်တရားတို့၏ သဘာဝအမှန်ကို သိမြင်ရန် အားထုတ်ရာတွင် ရှေးဦးစွာ “ဃန”ခေါ် တစ်ပေါင်းတည်း၊ တစ်သားတည်းဟု ထင်မှတ်ထားသော အထင်မှားကို ပြိုကွဲအောင် ကြိုးပမ်းရသည်။ ယောက်ျား, မိန်းမ, ငါ စသဖြင့် အသွင်အပြင်အားဖြင့် တစ်ပါင်းတည်း သမူဟဃန ထင်မှတ်ခြင်းကို ပယ်ဖြောက်ရန် “ဆံပင်, မွေးညင်း, ခြေသည်း, လက်သည်း...” စသဖြင့်ဖြစ်စေ၊ “ပထ၀ီ, တေဇော, ၀ါယော, အာပေါ” စသဖြင့်ဖြစ်စေ တစ်စစီ ခွဲခြမ်းစိတ်ဖြာ၍ ရှုရသည်။ ဤကားရုပ်, ဤကားနာမ် စသဖြင့် ခွဲခြမ်းစိတ်ဖြာ၍ ရှုရသည်။ ယခင်နေ့က ငါသည် ယနေ့ငါပင် ဖြစ်သည်စသဖြင့် ကာလအားဖြင့် တစ်သားတည်းမြဲမြံနေသည်ဟု ထင်မှတ်သော သန္တာနဃနကို ကွဲရန် ဤရုပ်, ဤနာမ်တို့သည် ဤနေရာတွင်ဖြစ်၍ ခဏအတွင်းမှာပင်ချုပ်ကြသည်ဟု ကာလအားဖြင့် ခွဲခြမ်းစိတ်ဖြာ၍ ရှုရသည်။ “ခံစားခြင်းသည် ဝေဒနာဖြစ်သည်၊ မှတ်သားခြင်းသည် သညာဖြစ်သည်” စသဖြင့် ကိစ္စဃန ကွဲအောင်ရှုရသည်။ “ဤကား အဆင်း, ဤကား အသံ, ဤကား အနံ...” စသဖြင့် ခွဲခြမ်းစိတ်ဖြာ၍ ယောက်ျား, မိန်းမဟု အာရုံအားဖြင့် ရောထွေးနေသော အာရမ္မဏဃန ကိုကွဲအောင် ရှုရသည်။ အချုပ်အားဖြင့် ၀ိပဿနာ၏ ရှေးဦးအလုပ်မှာ နေ့စဉ်တွေ့မြင်ကြုံတွေ့နေရသော တရားတို့အား တစ်စစီဖြစ်အောင် ခွဲခြမ်းစိတ်ဖြာရသော အလုပ်ဖြစ်သည်။ ဒေသနာတော်တွင် နာကြားသူတို့၏ အလိုအာသယအလိုက် ခန္ဓာ ၅-ပါးအဖြစ်၊ အာယတန ၁၂-ပါး အဖြစ်၊ ဓာတ် ၁၈-ပါး အဖြစ် ခွဲခြမ်းစိတ်ဖြာ၍ ဟောကြားသည်။ အကြောင်းမှာ အတ္တဟု မှတ်ယူထားခြင်း၊ ငါ့ဟာဟု နှစ်သက်တပ်မက်သော စိတ်ဖြင့် မှတ်ယူထားသောတရားတို့သည် အမှန်တကယ်ရှိသော အရှိတရားများ မဟုတ်။ အထင်တရားများသာ ဖြစ်သည်ဟု သဘောပေါက်နားလည်စေရန်ဖြစ်သည်။

ထို့နောက် ထို ခန္ဓာ၊ အာယတန၊ ဓာတ်ဟူသော အမှန်တကယ်ဖြစ်ပျက်နေသောတရားတို့သည် မိမိတို့၏ ပင်ကိုယ်အစွမ်းအားဖြင့် ဖြစ်လာကြသည် မဟုတ်။ တန်ခိုးရှင်၊ ဖန်ဆင်းရှင်တို့ ဖန်ဆင်းလိုက်သည် မဟုတ်။ အကြောင်းတရားတို့ ပေါင်းဆုံ၍ ဖြစ်ပေါ်လာရပြီး၊ ထိုအကြောင်းတရားတို့ ချုပ်ငြိမ်းသောအခါ၊ အကျိုးတရားတို့လည်း ချုပ်ပျက်ရသည် ဟူသော အကြောင်းအကျိုးဆက်နွယ်မှု ပစ္စယသဘောကို ထင်အောင်ရှုရလေသည်။ ပထမအဆင့်တွင် ခွဲခြမ်းစိတ်ဖြာ၍ ရှုမြင်ခဲ့သော တရားတို့သည် မည်သို့ အချင်းချင်းအပြန်အလှန် အကြောင်းကျိုးဆက်စပ်၍ နေပုံကို ဤဒုတိယအဆင့်တွင် ရှုမြင်ရန်အားထုတ်ရသည်။ စာပေတွင် ပထမအဆင့်အား နာမ်ရုပ်အား ပိုင်းခြားသိသော နာမရူပပရိစ္ဆေဒဉာဏ်၊ ဒုတိယအဆင့်အား အကြောင်းတရားကို သိမ်းဆည်းသော ပစ္စယပရိဂ္ဂဟဉာဏ်ဟု ခေါ်သည်။ ထိုသို့ တစ်စစီ ခွဲခြားစိတ်ဖြာခြင်း နှင့် ထို တရားအစိတ်တို့ မည်သို့ အကြောင်းအကျိုးအားဖြင့် ဖွဲ့စည်းဆက်စပ်ခြင်းတို့ကို သုတ္တန်ဒေသနာတော်တွင် ခန္ဓာ၊ အာယတန၊ ဓာတ်၊ ပဋိစ္စသမုပ္ပါဒ၊ သစ္စာ ဟူ၍ ဖွဲ့၍ ဟောကြားတော်မူသည်။

သုတ္တန်ဒေသနာတော်သည် မျက်စိဖြစ်လျှင်၊ အဘိဓမ္မာဒေသနာတော်သည် အလွန်အားကောင်းသော မှန်ပြောင်းတလက် ဟုဆိုရပေမည်။ သုတ္တန်ဒေသနာတော်တွင် သတ္တ၀ါတို့၏ အလိုအဇ္ဈာသယစသည်တို့ကို လိုက်၍ တစ်စိတ် တစ်ဒေသအားဖြင့်သာ ဟောကြားရသော်လည်း၊ အဘိဓမ္မာဒေသနာတော်တွင်ကား မည်သည်ကိုမျှမငဲ့ဘဲ ယထာဓမ္မ သဘာဝရှိသည့်အတိုင်း နည်းမျိုးအသွယ်သွယ်ဖြင့် ဟောကြားတော်မူထား၏။ ဤသို့ သုတ္တန်ဒေသနာတော်ထက် နက်ရှိုင်း သာလွန်၍ပင် အဘိဓမ္မ (အဘိ – သာလွန်သော+ ဓမ္မ – တရား)ဟု အမည်ရခြင်း ဖြစ်ပေသည်။ အဘိဓမ္မာဒေသနာတော်သည်လည်း သုတ္တန်ဒေသနာတော်ကဲ့သို့ပင် “ခန္ဓာ၊ အာယတန၊ ဓာတ်၊ ပဋိစ္စသမုပ္ပါဒ၊ သစ္စာ” တရားတို့အား “ပုဂ္ဂိုလ်, သတ္တ၀ါ, သူ, ငါ” မဟုတ်၊ “နိသတ္တ၊ နိဇီဝ၊ အနတ္တ”သက်သက် ဖြစ်ကြောင်း ပေါ်လွင်စေရန် ဟောကြားထားခြင်း ဖြစ်သည်။

အဘိဓမ္မာပိဋကတ်တော်တွင် ကျမ်း ၇-ကျမ်းရှိရာ၊ ပထမဆုံးဖြစ်သော ဓမ္မသင်္ဂဏီကျမ်းသည် ဓမ္မတရားအစုစုတို့ကို ခွဲခြမ်းစိတ်ဖြာ၍ ရေတွက်ပြသောကျမ်းဖြစ်သည်။ အလုံးစုံသောတရားတို့အား “ကုသိုလ်, အကုသိုလ်, အဗျာကတ” စသဖြင့် သဘောတူရာ, တူရာအုပ်စု သုံးအုပ်စုစီခွဲ၍၎င်း၊ “ဟိတ်တရားအစု, ဟိတ်မဟုတ်သောတရားအစု” စသဖြင့် နှစ်အုပ်စုစီခွဲ၍၎င်း၊ မာတိကာခေါ် ဇယားချ၍ ပြသည်။ သုံးအုပ်စုဖွဲ့သော ဇယားအား “တိကမာတိကာ”၊ နှစ်အုပ်စုဖွဲ့သော ဇယားအား “ဒွိကမာတိကာ”ဟုခေါ်သည်။ ထို့နောက် ထိုအုပ်စုတစ်ခုချင်းစီမှ တရားတို့ကို –

“ယသ္မိံ သမယေ ... စိတ္တံ ဥပ္ပန္နံ ဟောတိ ... ။ တသ္မိံ သမယေ ... ဟောတိ။ ... ဟောတိ။ ...”
“အကြင်အခါ၌ (ဤမည်သော) စိတ်သည်ဖြစ်၏။ ထိုအခါ၌ (ဤတရားသည်) ဖြစ်၏။ (ဤတရားသည်) ဖြစ်၏။ ...”

စသဖြင့် ရေတွက်ပြခြင်းဖြစ်သည်။ ဤသို့အားဖြင့် စိတ်အမျိုးပေါင်း ၁၂၁-မျိုးအား ထိုစိတ်ဖြစ်ခိုက် အတူဖြစ်ကြသော (စေတသိက်)တရားများဖြင့် တွဲ၍ရေတွက်ပြသည်။ ရုပ်တရားတို့အား ရေတွက်ပြသည်။ အဘိဓမ္မာဝိဘင်း စသော နောက်ကျမ်းများတွင် ထိုတရားတို့အား ပိုင်းခြားဝေဖန်၍၊ အဓိပ္ပါယ်ကိုတိကျအောင် သတ်မှတ်ပေးသည်။ ဤသို့ဖြင့် အမှန်တကယ်ရှိသော ပရမတ္တတရားတို့အား အစိတ်စိတ် ပိုင်းခြားဝေဖန်ကာ အတ္တဟု ထင်မှတ်အပ်သောတရား ရှာမရနိုင်ပုံကို အသေးစိတ် ဟောကြားထားသည်။

“ပုဂ္ဂိုလ်, သတ္တ၀ါ, သူ, ငါ, အတ္တ” တို့သည် အစစ်မှန်အားဖြင့် မရှိ။ အထင်ပညတ် တရားများသာဖြစ်သည်။ “စိတ်၊ စေတသိက်၊ရုပ်၊ နိဗ္ဗာန်”ဟူသော ပရမတ္ထတရား လေးပါးသည်သာ အစစ်မှန်အားဖြင့် ဉာဏ်တွင် သိရှိနိုင်သော တရားများဖြစ်သည်။ သို့သော်လည်း ထိုပရမတ္ထတရားတို့သည် အနုမြူဝါဒ (Atomism) တွင်ကဲ့သို့ သီးခြားစီ မိမိအစွမ်းအားဖြင့် ဖြစ်တည်ကြသော တရားများမဟုတ်။ သိကြား၊ ဗြဟ္မာ၊ တန်ခိုးရှင်များက ဖန်ဆင်းထားခြင်းမျိုးလည်း မဟုတ်။ “စိတ်၊ စေတသိက်၊ ရုပ်” ဟူသော သင်္ခါရတရားတို့သည် အကြောင်းတရားကိုမှီ၍ ဖြစ်ပျက်ကြရသည်။ ယုတ်စွအဆုံး အကြောင်းတရားဆိုရာ၌ပင် တစ်ခုတည်းသော အကြောင်းကိုသာမှီ၍ ဖြစ်ပျက်ကြခြင်း မဟုတ်။ တစ်ပါးမကသည့် အကြောင်းတရားများ ညီညွတ်မှသာ ဖြစ်တည်နိုင်ကြလေသည်။ နောက်ဆုံး ခုနှစ်ကျမ်းမြောက်ဖြစ်သော ပဋ္ဌာန်းကျမ်းတွင် ရှေ့ကျမ်းများက အစိတ်စိတ် အမွှာမွှာပြု၍ ခွဲခြားဝေဖန်ပြထားသော “ခန္ဓာ, အာယတန, ဓာတ်” တရားတို့သည် တစ်ပါးနှင့် တစ်ပါးမည်သို့ ဆက်နွယ်ပတ်သက်၍ ထောက်ပံ့နေကြပုံ အသေးစိတ် စနစ်တကျ ဟောကြားထားပေသည်။ သုတ္တန်ဒေသနာတော်က ညွှန်ပြပေးသော (၁) ပိုင်းခြားဝေဖန်၍ သိသည့် နာမရူပပရိစ္ဆေဒ အသိ၊ (၂) ထိုတရား အစိတ်တို့ တစ်ပါးနှင့် တစ်ပါး ထောက်ပံ့ကျေးဇူးပြုနေပုံ အကြောင်းတရားကို သိမ်းဆည်းသည့် ပစ္စယပရိဂ္ဂဟ အသိ တို့ကိုပင်၊ ဓမ္မသင်္ဂဏီအစ ပဋ္ဌာန်းအဆုံး အဘိဓမ္မာဒေသနာတော်က ညွှန်ပြပေးပေသည်။ ခြားနားချက်ကား အဘိဓမ္မာဒေသနာတော်သည် သတ္တ၀ါတို့၏ အလိုကိုလိုက်၍ ဟောခြင်းမျိုး မဟုတ်ဘဲ၊ ဓမ္မသဘောသက်သက်ကို လိုက်ကာ၊ နည်းအမျိုးမျိုးဖြင့် အသေးစိတ် ဟောကြားထားခြင်းပင်ဖြစ်သည်။

ထို့ကြောင့်ပင် ကိုလံဘိုမြို့ရှိ ၀ဇီရာရာမကျောင်းတိုက်မှ ၀ဇီရဉာဏ မဟာထေရ်က “အဘိဓမ္မာသည် အားကောင်းသော မှန်ပြောင်းတစ်လက်နှင့် တူ၏။ သို့သော် သုတ္တန်ဒေသနာတော်မှရသော အသိဉာဏ်သည် မြင်ခြင်းအမှုကို ပြီးစေသည့် မျက်စိပင်ဖြစ်လေသည်။ တစ်နည်းအားဖြင့် အဘိဓမ္မာသည် ဆေးပုလင်း တံဆိပ်ပေါ်မှ ဆေးဖော်စပ်ပုံအညွှန်းဖြစ်လျှင်၊ သုတ္တန်ဒေသနာတော်မှရသော အသိပညာသည် ရောဂါနှင့် လက္ခဏာတို့ကို ပျောက်ကင်းစေနိုင်သော ဆေးနှင့်တူပေမည်။” ဟု မိန့်ကြားခဲ့ခြင်း ဖြစ်သည်။

ဧရာ(မန္တလေး)

ကျမ်းကိုး။
(၁) ပါဠိတော်ကျမ်းများ၊ ၀ိသုဒ္ဓိမဂ်အဋ္ဌကထာ နှင့် အဋ္ဌသာလိနီ
(၂) Abhidhamma Studies: Buddhist Explorations of Consciousness and Time by Venerable Nyanaponika Thera.
(၃) A Comprehensive Manual of Abhidhamma by Bhikkhu Bodhi.