အဘိဓမ္မာ မိတ်ဆက်

ဗုဒ္ဓမြတ်စွာ ပရိနိဗ္ဗာန်ပြုတော်မူပြီးနောက် ပထမသံဂါယနာ တင်သောအခါ ၄၅-နှစ်တာကာလ ဟောကြားတော်မူခဲ့သော ဒေသနာတော်တို့အား ၀ိနည်း, သုတ္တန်, အဘိဓမ္မာဟု အစုသုံးစု ပြု၍ မထေရ်အစဉ် အဆက်တို့ ပို့ချသင်ယူ ထိန်းသိမ်း စောင့်ရှောက်တော် မူခဲ့ကြသည်။ ၀ိနည်းနှင့် သုတ္တန်ဒေသနာတို့သည် နာကြားမည့် လူပုဂ္ဂိုလ် စရိုက်အလိုက် ပရိယာယ်ဖြင့် ဆောင်၍ ဟောကြားတော်မူခဲ့ပြီး၊ အဘိဓမ္မာဒေသနာကိုမူ ပုဂ္ဂိုလ်မငဲ့၊ ပရိယာယ်မဆောင်ပဲ အဓိပ္ပါယ်ကို တိုက်ရိုက် (နိတတ္ထ) ဟောကြားထားခြင်း ဖြစ်သည်။

အဘိဓမ္မာသည် “မြင်, ကြား, နံ, စား, ထိ, သိ” ဟူသော သိမှုအတွေ့အကြုံ (experience) အား အရှိကို အရှိအတိုင်း ရှုမြင်သုံးသပ်ခြင်းပင် ဖြစ်သည်။ ပုထုဇဉ်တို့သည် ထိုသိမှုအတွေ့အကြုံကို အတ္တရှုထောင့်မှ ရှုမြင်သည်။ ဗုဒ္ဓမြတ်စွာက အနတ္တရှုထောင့်မှ ရှုမြင်သည်။ အဘိဓမ္မာဒေသနာသည် အနတ္တရှုထောင့်မှ ရှုမြင်နိုင်ရန် အတွေ့အကြုံတို့အား ခွဲခြမ်းစိတ်ဖြာ၍ ပြသည်။ ထို့နောက် ထိုတရားတို့ မည်သို့ အကြောင်းအကျိုး ဆက်နွယ်မှီတွယ်နေပုံကို ဟောကြားသည်။ အတွေ့အကြုံအား ခန္ဓာ ၅-ပါးအဖြစ် ခွဲကြည့်သည်။ အာယတန ၁၂-ပါးအဖြစ်ခွဲကြည့်သည်။ ဓာတ် ၁၈-ပါးအဖြင့် ခွဲကြည့်သည်။ ထို့နောက် ထို ခန္ဓာ၊ အာယတန၊ ဓာတ်တို့ အချင်းချင်း အပြန်အလှန်မှီ၍နေပုံ ပဋိစ္စသမုပ္ပါဒ်ကိုလည်းပြသည်။ ပဋ္ဌာန်းဒေသနာကိုလည်း ဟောကြားပြသသည်။ အချုပ်အားဖြင့် “သဗ္ဗေ ဓမ္မာ အနတ္တာ” ကို ဟောကြားခြင်းဖြစ်သည်။

အဘိဓမ္မာပါဠိတော် ၇-ကျမ်း

၁။ ဓမ္မသင်္ဂဏီ
၂။ ၀ိဘင်္ဂ (၀ိဘင်း)
၃။ ဓာတုကထာ
၎။ ပုဂ္ဂလပညတ္တိ (ပုဂ္ဂလပညတ်)
၅။ ကထာဝတ္ထု
၆။ ယမက (ယမိုက်)
၇။ ပဋ္ဌာန (ပဋ္ဌာန်း)

ဓမ္မသင်္ဂဏီကျမ်းသည် အဘိဓမ္မာကျမ်းရင်း ပါဠိတော် ၇-ကျမ်းတွင် ပထမဆုံးသော ကျမ်းဖြစ်သည်။ ဓမ္မသင်္ဂဏီဟူသော အမည်သည် “ဓမ္မတို့ကို ရေတွက်၍ ပြသောကျမ်း” (Enumeration of Phenomena) ဟု အဓိပ္ပါယ်ရသည်။ ပရမတ္ထခေါ် အတွေ့အကြုံဘ၀မှ အစစ်မှန်တရားတို့အား “မာတိကာ”ခေါ် ဇယားချ၍ အုပ်စုဖွဲ့ ရေတွက်ပြသော ကျမ်းဖြစ်သည်။ သဘောတူရာ တူရာအုပ်စုဖွဲ့၍ သုံးစုစီဖွဲ့ထားသော တိကမာတိကာ (တိက် - Traids) အစု ၂၂ စုနှင့် နှစ်စုစီ အုပ်စုဖွဲ့သော ဒုကမာတိက (ဒုက် - Dyads) အစု ၁၀၀ ရှိသည်။ ဥပမာအားဖြင့် ကုသလတိက်ဟုဆိုလျှင် ကုသိုလ်အုပ်စု၊ အကုသိုလ်အုပ်စုနှင့် (အကုသိုလ်အကုသိုလ်ဟု ပြောမရသော) အဗျာကတအုပ်စုဟု သုံးအုပ်စု ခွဲပြခြင်းဖြစ်သည်။ ဟေတုဒုက်ဟုဆိုလျှင် ဟေတုခေါ် ဟိတ်တရားများအုပ်စုနှင့် အဟေတုကခေါ် ဟိတ်မဟုတ်သော တရားများအုပ်စုဟု နှစ်စုပြု၍ ပြသည်။

ဓမ္မသင်္ဂဏီ၏ ပထမဆုံးအခန်းမှာ စိတ္တုပ္ပါဒကဏ္ဍ ဖြစ်သည်။ စိတ်ဖြစ်ပေါ်ပုံပြသော အခန်းဖြစ်သည်။ စိတ်ဖြစ်သောအခါ စိတ်နှင့်အတူ စေတသိက်တရားတို့တွဲဖြစ်ကြသည်။ မည်သည့်စိတ်ဖြစ်သောအခါ မည်သည့် စေတသိက်တို့တွဲ၍ ဖြစ်သည်ကို ပြသည်။ ထို့နောက် ဒုတိယအခန်းဖြစ်သော ရူပကဏ္ဍတွင် ရုပ်တရားတို့အကြောင်းကို ဖော်ပြသည်။ တတိယအခန်း နိက္ခေပကဏ္ဍတွင် အဘိဓမ္မာနှင့် သုတ္တန်ဒေသနာတို့မှ တိက၊ ဒုက မာတိကာအားလုံးတို့အား အကျဉ်းအားဖြင့် ပြထားသည်။ နောက်ဆုံး အဋ္ဌကထာကဏ္ဍတွင် သုတ္တန္တမာတိကာများကို ချန်လှပ်ပြီး အဘိဓမ္မာမာတိကာများကိုသာ ကျက်မှတ်ရ လွယ်စေရန်အတွက် ပို၍ အကျဉ်းခြုံး ဖော်ပြထားသည်။

ဒုတိယကျမ်းဖြစ်သော အဘိဓမ္မာဝိဘင်းကျမ်း (Book of Analysis) သည် အခန်း ၁၈-ခန်းဖွဲ့၍ အသေးစိတ် ပိုင်းခြားဝေဖန်၍ ဟောကြားထားသော ကျမ်းဖြစ်သည်။ အခန်း ၁၈-ခန်းမှာ ခန္ဓာ, အာယတန, ဓာတု, သစ္စ, ဣနြ္ဒိယ, ပဋိစ္စသမုပ္ပါဒ, သတိပဋ္ဌာန, သမ္ပပဓာန, ဣဒ္ဓိပါဒ, ဗောဇ္ဈင်္ဂ, မဂ္ဂင်္ဂ, ဈာန, အပ္ပမညာ, သိက္ခာပဒ, ပဋိသမ္ဘိဒါ, ဉာဏ, ခုဒ္ဒက၀တ္ထု, ဓမ္မဟဒယ တို့ဖြစ်သည်။

အခန်း ၁၄-ခန်းရှိသော ဓာတုကထာကျမ်း (Discourse on Elements)သည် ရှေ့နှစ်ကျမ်းဖြစ်သော ဓမ္မသင်္ဂဏီနှင့် ၀ိဘင်းကျမ်းတို့တွင် ဖော်ပြခဲ့သော တိကနှင် ဒုကမာတိကာတို့အား “ခန္ဓာ၊ အာယတန၊ ဓာတ်” သုံးစုတွင် မည်သို့အကျုံးဝင်သည်၊ မ၀င်သည်ကို ဆက်စပ်ပြထားသော ကျမ်းဖြစ်သည်။ ထို့ကြောင့် ကျမ်းငယ် တစ်ဆူသာဖြစ်သော်လည်း ရှေ့နှစ်ကျမ်းနှင့် တွဲဖက်လေ့လာရမည့် ကျမ်းဖြစ်သည်။

အဘိဓမ္မာသည် ပရမတ္ထဒေသနာဟုဆိုရသော်လည်း ပညတ်ဝေါဟာရများမပါပဲ ဟောကြား၍မရ။ ပညတ်ဟုဆိုရာတွင် စိတ်, စေတသိက်စသော အစစ်အမှန် ရှိသောတရားတို့အား အမည်ပေး ခေါ်ဝေါ်ထားသော ၀ိဇ္ဇမာနပညတ်နှင့် “ယောက်ျား, မိန်မ, ပုဂ္ဂိုလ်သတ္တ၀ါ” စသည်တို့ကဲ့သို့ အစစ်မှန်အားဖြင့်မရှိပဲ စိတ်အထင်ဖြင့် ကြံဆ ခေါ်ဝေါ်ထားသော အ၀ိဇ္ဇမာနပညတ်ဟူ၍ နှစ်မျိုးရှိသည်။ ပုဂ္ဂလပညတ် (Concepts of Individuals) သည် အခြားအဘိဓမ္မာကျမ်းများနှင့် မတူပဲ၊ ပရမတ္ထတရားတို့အစား ပညတ်ဝေါဟာရတို့အား လေ့လာသည်။ အခန်း ၁၀-ခန်းခွဲခြား၍ ပုဂ္ဂိုလ် အမျိုးစားများအား အသေးစိတ်ခွဲခြား ပြထား၏။

ကထာဝတ္ထု (Point of Controversy) သည်လည်း ပုဂ္ဂလပညတ်ကျမ်းကဲ့သို့ပင် အခြားသော အဘိဓမ္မာကျမ်းများနှင့် မတူသော ကျမ်းဖြစ်သည်။ မြတ်စွာဘုရားပရိနိဗ္ဗာန်စံပြီး ၂၁၈-နှစ်အကြာ၊ အသောကမင်းလက်ထက် တတိယသံဂါယနာတင်စဉ်တွင် ရှင်မောဂ္ဂလိပုတ္တတိဿမထေရ် ထည့်သွင်းဟောကြားခဲ့သောကျမ်းဖြစ်သည်။ ဘုရားဟောဒေသနာတို့မှ ပုဂ္ဂိုလ်၊ သတ္တ၀ါ၊ အတ္တစသော သဘောတရားတို့အပေါ်တွင် အဓိပ္ပါယ်ကောက်ယူပုံ ကွဲလွဲနေသည်များအား ဖြေရှင်းရန် စကားရည်လုသကဲ့သို့ အချေအတင် မေးဖြေထားသော စကားပြောပုံစံဖြင့် ဟောကြားထားသော ကျမ်းဖြစ်သည်။

ယမိုက်ကျမ်း (Books of Pairs) သည် အဘိဓမ္မာဝေါဟာရတို့၏ အဓိပ္ပါယ် သတ်မှတ်ချက်ကို ပို၍ သေချာတိကျစေရန်၊ အစုံ, အစုံအားဖြင့် အမေးအဖြေပြု၍ ဟောကြားထားသည်။ ဥပမာအားဖြင့် “ကုသလဓမ္မအားလုံးတို့သည် ကုသလမူလဖြစ်သလော၊ သို့တည်းမဟုတ် ကုသလမူလအားလုံးတို့သည် ကုသလဓမ္မဖြစ်သလော” စသဖြင့် အစုံပြု၍ မေးဖြေထားသည်။ မူလ, ခန္ဓာ, အာယတန, ဓာတ်, သစ္စာ, သင်္ခါရ, အနုသယ, စိတ္တ, ဓမ္မ, ဣန္ဒြိယဟူ၍ ယမိုက် ၁၀-ကျမ်းရှိသည်။

ရှေ့ကျမ်းတို့တွင် တိကမာတိကာ, ဒုကမာတိကာတို့အား အုပ်စုဖွဲ့ ရေတွက်ပြခြင်း၊ ခန္ဓာ, အာယတန, ဓာတ်စသော အုပ်စုများတွင် သွင်း၍ ပြခြင်း၊ အသေးစိတ် ပိုင်းခြားဝေဖန်ပြခြင်း၊ တရားတစ်ပါးနှင့် ရောယှက်ခြင်းမရှိစေပဲ အဓိပ္ပါယ် ပိုမိုတိကျစေရန် သတ်မှတ်ပေးခြင်း စသဖြင့်လေ့လာခဲ့သည်။ နောက်ဆုံးကျမ်းဖြစ်သော ပဋ္ဌာန်းကျမ်း (Books of Conditional Relations) တွင် “ထိုတရားတို့သည် မိမိတို့ သဘာဝအလျှောက် သီးခြားရပ်တည်ဖြစ်ပေါ်နိုင် စွမ်းမရှိ။ အကြောင်း အထောက်အပံ့ အမျိုးမျိုးတို့ပေါ် မှီတည်၍ ဖြစ်ပေါ်ရပုံ” ကိုဟောကြားသည်။ တရားတို့ အချင်းချင်း ဆက်စပ် ထောက်ပံ့နေပုံအား ပစ္စည်း (ပစ္စယ - Conditions) ၂၄-မျိုးဖြင့် ဟောကြားထားသည်။ အခန်းကဏ္ဍအားဖြင့် (၁) အနုလောမ (positive method) (၂) ပစ္စနီယ (negative method) (၃) အနုလောမ ပစ္စနီယ (positive-negative) (၄) ပစ္စနီယ အနုလောမ (negative-positive methid) ဟုလေးခန်းရှိသည်။ ကဏ္ဍတစ်ခုတွင် အခန်းငယ် ၆-ခန်းစီပါ၍ စုစုပေါင်း အခန်း ၂၄-ခန်းရှိသည်။ အုပ်ရေအားဖြင့် ၅-အုပ် စာမျက်နှာအားဖြင့် ၂၅၀၀ မျှ အရွယ်အစား ရှိယုံသာမက နားလည်ရန်လည်း ခက်ခဲလှသဖြင့် “ကျမ်းကြီး-ပဋ္ဌာန်း ကျမ်းငယ်-ဆန်း”ဟု စာချိုးရသော ကျမ်းဖြစ်သည်။

အဘိဓမ္မာအဖွင့်ကျမ်းများ

ထိုသို့ ကြီးမားကျယ်ပြန့်သော အဘိဓမ္မာဒေသနာတော်ကြီး၏ အဓိပ္ပါယ်ကို နားလည်စေနိုင်ရန် အတွက် ခေတ်အဆက်ဆက် အနက်ဖွင့်ကျမ်းများ ရေးသားပြုစုခဲ့ကြသည်။ ပါဠိတော်တို့၏ အနက်အဓိပ္ပါယ်ကို ဖွင့်ပြသောကျမ်းတို့အား အဋ္ဌကထာ (Commentary) ဟုခေါ်သည်။ သာသနာသက္ကရာဇ် ၉၇၃-ခုနှစ် (တတိယသံဂါယနာတင်ပြီး အနှစ် ၇၀၀-ကြာ)တွင် ပေါ်ထွန်းခဲ့သော အရှင်မဟာဗုဒ္ဓဃောသသည် အလွန်ထင်ရှားသော အဋ္ဌကထာဆရာ တစ်ပါးဖြစ်သည်။ သီဟိုဠ်ဘာသာဖြင့်ရှိနေသော ရှေးအဖွင့်ကျမ်းများအား မှီး၍ ဘုရားဟော ဒေသနာ အားလုံးနီးပါးတို့၏ အဋ္ဌကထာကျမ်းသစ်များကို ပြုစုခဲ့သော မထေရ်ဖြစ်သည်။ အရှင်မဟာဗုဒ္ဓဃောသသည် ဓမ္မသင်္ဂဏီကျမ်းအဖွင့် အဋ္ဌသာလိနီ (The Expositor), ၀ိဘင်းကျမ်းအဖွင့် သမ္မောဟ၀ိနောဒနီ (The Dispeller of Delusion) နှင့် ကျန်သော အဘိဓမ္မာ ၅-ကျမ်းတို့၏ အဖွင့် ပဉ္စပကာရဏ အဋ္ဌကထာ (Commentary of five treatises) ဟူသော အဋ္ဌကထာ သုံးကျမ်းအားပြုစုခဲ့သည်။

ထို့နောက် ယင်းအဋ္ဌကထာသုံးကျမ်းမှ ခက်ခဲသောအပိုင်းတို့ကို ထပ်မံဖွင့်သော ဋီကာကျမ်းများကို အရှင်အာနန္ဒ မထေရ်က ပြုစုခဲ့သည်။ မူလဋီကာ (Original sub-commentaries) ဟုခေါ်သည်။ အရှင်အာနန္ဒ၏ တပည့် အရှင်ဓမ္မပါလ မထေရ်က တစ်ဖန်ထပ်မံ၍ အဖွင့်ကျမ်းများရေးသားခဲ့ရာ အနုဋီကာ ဟုအမည်တွင်သည်။

အဘိဓမ္မာသင်္ဂြိုဟ်ကျမ်း

ယခုဖော်ပြခဲ့သော အဋ္ဌကထာ၊ ဋီကာကျမ်းများသည် အဘိဓမ္မာပါဠိတော်ကြီးများ၏ အစဉ်အတိုင်း အနက်အဓိပ္ပါယ်, ပုဒ်ပါဌ်တို့ကို ဖွင့်ပြသောကျမ်းများဖြစ်၏။ မူလကပင် ကြီးမားကျယ်ပြန့်သော ဒေသနာတော်ကြီးအား အဋ္ဌကထာ၊ ဋီကာများဖြင့် ထပ်မံလေ့လာရန်သည် စာသင်သားငယ်တို့အတွက် မလွယ်ကူလှ။ ထို့ကြောင့် နောင်တွင် အဘိဓမ္မာ ၇-ကျမ်းလုံးနှင့် အဖွင့်အဋ္ဌကထာ၊ ဋီကာတို့မှ အနက်အဓိပ္ပါယ်တို့ကို အကျဉ်းခြုံး ခြုံငုံ၍ ရေးသားပြုစုသော ကျမ်းငယ်များပေါ်ထွန်းလာခဲ့သည်။ ထိုကျမ်းတို့အား လက်သန်းသဖွယ် သေးငယ်၍ လက်သန်းအဋ္ဌကထာများ ဟုခေါ်သည်။ (အကျဉ်း မှတ်ဖွယ်မျှသာ ဆိုသဖြင့် လက္ခဏ ဟုခေါ်ရာမှ၊ လက္ခန် > လက်သန်း ဖြစ်သွားသည် ဟုလည်းဆိုကြသည်။)

အရှင်ဗုဒ္ဓဃောသလက်ထက်ကပင် ခေတ်ပြိုင်အဋ္ဌကထာဆရာ တစ်ပါးဖြစ်သော အရှင်ဗုဒ္ဓဒတ္တမထေရ်သည် အဘိဓမ္မာဝတာရ (An Approach to Abhidhamma) နှင့် ရူပါရူပ၀ိဘာဂ (Analysis of Matter and Mind) အမည်ရှိ အဘိဓမ္မာ လက်သန်း အဋ္ဌကထာကျမ်းငယ်နှစ်ဆူ ရေးသား ပြုစုခဲ့ဖူးသည်။ ထိုသို့သော အဘိဓမ္မာ လက်သန်း အဋ္ဌကထာများအနက် အရှင်အနုရုဒ္ဓမထေရ်ပြုစုသော အဘိဓမ္မတ္ထသင်္ဂဟကျမ်း (Compendium of Abhidhamma) သည် အထင်ရှားဆုံးဖြစ်သည်။ ‘သင်္ဂဟ’ အား မြန်မာမှုပြု၍ ‘သင်္ဂြိုဟ်’ကျမ်းဟု ခေါ်ဝေါ်ကြသည်။

ဤကျမ်းငယ်လေးအား သင်္ဂြိုဟ် ၉-ပိုင်းခေါ် အောက်ပါ အခန်း ၉-ခန်းဖြင့် ဖွဲ့စည်းထားသည်။

၁။ စိတ္တပရိစ္ဆေဒ (စိတ်ပိုင်း)- စိတ် အကျဉ်း ၈၉-ပါး၊ အကျယ် ၁၂၁-ပါးကို ပြသော အခန်း
၂။ စေတသိကပရိစ္ဆေဒ (စေတသိက်ပိုင်း) - စေတသိက် ၅၂-ပါးနှင့် စိတ်-စေတသိက်တို့ယှဉ်ပုံပြသော အခန်း
၃။ ပကိဏ္ဏကပရိစ္ဆေဒ (ပကိဏ်းပိုင်း) - စိတ်, စေတသိက်တို့ကို ဝေဒနာ, ဟိတ်, ကိစ္စ, ဒွါရ, အာရုံ, ၀တ္ထုအားဖြင့် အထွေထွေ အလီလီ ခွဲခြားဝေဖန်ပြသော အခန်း
၎။ ၀ီထိပရိစ္ဆေဒ (၀ီထိပိုင်း) - ဒွါရခြောက်ပါးတွင် ၀ီထိ (mental process) ခေါ် သိစိတ်အစဉ်တို့ဖြစ်ပေါ်ပုံ စိတ္တနိယာမကို ပြသောအခန်း
၅။ ၀ီထိမုတ္တပရိစ္ဆေဒ (၀ီထိမုတ်ပိုင်း) – ရှေ့အခန်းတွင်ပြခဲ့သော ၀ီထိတို့မှ လွတ်နေသော ဘ၀င်, စုတိ, ပဋိသန္ဓေအခိုက်တို့၌ စိတ်အစဉ်ဖြစ်ပုံ ပြသော အခန်း
၆။ ရူပပရိစ္ဆေဒ (ရုပ်ပိုင်း) - ရုပ် ၂၈-ပါး၊ ရုပ်ဖြစ်ပုံ၊ ရုပ်အစဉ်နှင့် နိဗ္ဗာန်အကြောင်းတို့ကို ဖော်ပြသော အခန်း
၇။ သမုစ္စယပရိစ္ဆေဒ (သမုတ်စည်းပိုင်း) - စိတ်, စေတသိက်, ရုပ်, နိဗ္ဗာန်တို့အား အဘိဓမ္မာကျမ်းကြီးများတွင်ကဲ့သို့ ခန္ဓာ, အာယတန, ဓာတ်စသဖြင့် အုပ်စုဖွဲ့စည်းပြသော အခန်း
၈။ ပစ္စယပရိစ္ဆေဒ (ပစ္စည်းပိုင်း) - အကြောင်းအကျိုးဆက်နွယ်ပုံတို့ကို ပဋိစ္စသမုပ္ပါဒ်နည်း၊ ပဋ္ဌာန်းနည်းဖြင့် ပြသော အခန်း
၉။ ကမ္မဋ္ဌာနပရိစ္ဆေဒ (ကမ္မဋ္ဌာန်းပိုင်း) - သမထ, ၀ိပဿနာကမ္မဋ္ဌာန်းတို့ကို ပြသော အခန်း

အဘိဓမ္မာပါဠိတော်၊ အဋ္ဌကထာကြီးများအား မလေ့လာမီ၊ အဘိဓမ္မာ အခြေခံရစေရန် သင်္ဂြိုဟ်ကို လေ့လာကြရသည်။ သင်္ဂြိုဟ်ကျမ်းတွင် ပါဠိတော်ကြီးများတွင်ကဲ့သို့ တိကမာတိကာ, ဒုကမာတိကာများဖြင့် ခွဲခြားပြမနေတော့ပဲ “အဘိဓမ္မာတွင် စိတ်, စေတသိက်, ရုပ်, နိဗ္ဗာန်”ဟူသော ပရမတ္ထအပြားလေးပါးရှိသည်” စသဖြင့် အကျဉ်းအားဖြင့် ခြုံငုံဖော်ပြသဖြင့် စတင်လေ့လာသူတို့အတွက် လွယ်ကူစေသည်။ ထို့ကြောင့် သင်္ဂြိုဟ်ကျမ်းအား “အဘိဓမ္မာသင်ပုန်းကြီး” ဟုလည်း ခေါ်ဝေါ်ကြသည်။


စာညွှန်း။
၁။ လယ်တီပဏ္ဍိတဦးမောင်ကြီး - အဘိဓမ္မတ္ထမဉ္ဇရီ ခေါ် ပရမတ္ထသံခိပ်ဋီကာ (နိဒါန်းမှ ကောက်နှုတ်ချက်)
၂။ Bhikkhu Bodhi – A Comprehensive Manual of Abhidhamma : Translation of Abhidhamma Sangaha (extract from Introduction)
၃။ U Ko Lay – A Compendium of Buddhiam: Guide to Tipiṭaka
၎။ Dr. Nandamālā – Fundamental Abhidhamma Part I (extract from Introduction)

သုတ္တန်နှင့် အဘိဓမ္မာ
အဘိဓမ္မာနှင့် ဓမ္မာ
နိကာယ်ငါးရပ် မိတ်ဆက်

အချစ်ဆိုသည်မှာ

အချစ်ဆိုသည်မှာ…တဲ့

သြော် အချစ်ဆိုတာ စိတ္တဇနာမ်လေးပါ။
telepathy, will power ဆိုတာတွေကို အလေးထားတတ်သူ တစ်ယောက်အတွက်တော့
အချစ်ဆိုတာဟာ ပေါ့သေးသေး မဟုတ်တဲ့ လေးကြီးကြီး ကြီး။

ရာမယဏဇတ်တော်ကြီးမှာလည်း အချစ်အကြောင်းတွေပါတယ်။
တစ်ညတာခွဲရလို့ နှစ်ပေါင်း ခုနစ်ရာ ပူဆွေးရတဲ့ ကိန္နရာ ကိန္နရီတို့ အဖြစ်ကိုလည်း ယုံတယ်။
…
…
…
ဟင်?
ဘာရယ်??
ကိုယ်ပိုင်ဇတ်လမ်းလေး???
သြော်
ညွှန်းစာဖွဲ့လို့မမှီ…(အလဲ့)

ချစ်ခဲ့ဖူးပါတယ်
ချစ်နေပါသေးတယ်
ချစ်နေဦးမှာပါ။

တန်ကြေးရှိတဲ့အချစ်ကို တန်ဖိုးထားပါတယ်။
အရှုံးအမြတ် တွက်ကြေး ဆိုရင်တော့
အရင်းအတိုင်းပဲ
ယူသွားမှာပါ။
ဆုံမှတ်ရှိတဲ့ အချစ်
ဆုံးမှတ်ကိုရောက်ခဲ့ပြီ ဆိုရင်ပေါ့...

nature ဆိုရင်
neutral ဖြစ်မှကောင်းမယ် ထင်လို့ပါ။
အချစ်ဆိုသည်မှာ…

သက်ဝေ ရေ ရေးလိုက်ပြီနော်။

အတာတို့အမေ နဲ့ Chrisတို့အမေ

ဖတ်ဖူးတဲ့ ၀တ္တုတိုလေး တစ်ပုဒ်မှာပါ… ခေါင်းစဉ်၊ စာရေးသူတွေကိုတော့ မမှတ်မိတော့ပါဘူး။ သားဖြစ်သူကို ကျောင်းသွားကြိုရင်း မျက်စိရှေ့မှာတင် သားလေး ကားတိုက်ခံရပြီး သေဆုံးသွားရလေတဲ့ အဖြစ်ကြောင့် ယဉ်ယဉ်လေးရူးနေတဲ့ ရုပ်ရည်သန့်သန့် လူလတ်ပိုင်းအရွယ် အမျိုးသမီး တစ်ယောက် အကြောင်း ကို ကျောင်းနားက အကြော်သည် အဒေါ်ကြီးက ပြန်ပြောပြတဲ့ဟန်နဲ့ ရေးထားတာလေးပါ။ ကျောင်းဆင်းချိန်နီးရင် အဲ့ဒီ အမျိုးသမီးက ဘယ်ကနေဘယ်လိုရောက်လာမှန်း မသိဘူးတဲ့ သူ့အကြော်ဆိုင်ရောက်လာပြီး သူ့သားလေး အကြောင်းတွေ ပြောတော့တာပဲတဲ့။ အတာကလေ… အတာကလေ…နဲ့ပေါ့။ အကြော်သည် အဒေါ်ကြီးလည်း သူ့ကိုနာမည်လည်း မသိတော့ အတာတို့အမေ လို့ပဲခေါ်လိုက်တာပေ့ါ။ အဲဒီ အမျိုးသမီးကလေ သူ့ကို အတာတို့အမေ လို့ ခေါ်ပုံကို သိပ်ကို သဘောကျပုံရတယ် လို့ ၀တ္တုထဲမှာ ရေးထားပါတယ်။ (၀တ္တု အဆုံးသတ်ကို ကျမကောင်းကောင်း မှတ်မိနေသေးပေမဲ့ ဆက်မရေးပါရစေနဲ့တော့နော်။ ကျေကွဲဖွယ်နဲ့ အဆုံးသတ်ထားတယ်လို့သာ ကျေနပ်လိုက်ပါတော့)

ကျမ Celebration Children Day ဆိုတဲ့ post တင်ပြီးတော့ မမ Khin Oo May ရေးပေးတဲ့ Comment မှာ
ကျမကို Chrisတို့အမေ တဲ့…

khin oo may said...
ဖုံးလာရင် ရင်မော ရသလား c့hris တို့ အမေ.။ မလွယ်ပါလား။ ရုံးမှာ ဘောစ် နဲ့တွေ့ရသလိုပါဘဲလား။ တို.ထင်တာ ကတော. ကလေးစောင်ရှောက်တာ ရုံးထက် အများကြီး ပင် ပန်း တယ် ထင် တာ ဘဲ။။
October 5, 2008 1:10 AM

sonata-cantata said...
မမကတော့ ငိုချင်လျက်ကို လက်တို့ပါပြီ။ကျန်ခဲ့တဲ့ အပတ် ဥပုသ်နေ့ကပေ့ါ။ မမ တူ အကြောင်း တိုင်ရဦးမယ်။ (စပြီ၊ စပြီ၊ လေကြောင်းမိတော့မှာ ကြောက်ပြီး ထွက်မပြေးသွားနဲ့ဦးနော်။)

မမကမှာထားလို့ ၀ါတွင်းဥပုဉ်လေးတော့ ငါဖြစ်အောင် စောင့်မယ်ဟဲ့ ဆိုပြီးClementi ကျောင်းသွား ဥပုသ် ယူတယ်။ ချက်ချင်းထပြန်မဲ့ဟာကို အသိအစ်မ တစ်ယောက်က ထမင်းစားပြီးမှ ပြန်ပါဆိုလို့ အခြားဥပုသ်သည် သုံးလေးဆယ်လောက်နဲ့ ထမင်းဝင်စားတယ်ပေါ့။ အလှူရှင် တစ်ယောက်ကလည်း ဒန်ပေါက်လှူတာတဲ့။ စားနိုင်ရင်စားပါဆိုလို့ ဒန်ပေါက်ကို ထမင်းခပ်ဇွန်းကြီး တစ်ဇွန်းလောက် စားခဲ့ပါတယ်။ ပြီးတော့ ပန်းကန်တွေ ၀ိုင်းကူဆေးပြီး အချိုပွဲက ကျောက်ကျော စိမ်းစိမ်းလေးတွေ (အုန်းနို့တော့ နဲနဲပါတယ်) သုံးလေးတုံး ပါးစပ်ထဲ ကောက်ထည့်ပြီး အိမ်ပြန်ခဲ့တယ်။ ရထားပေါ်မှာတင် အခြေအနေက မဟန်တော့ဘူး ခေါင်းတွေ ကိုက်တာ။

အိမ်ရောက်ရောက်ချင်း သံပုရာရည်ဖျော်။ အမေ့အတွက်ဟာကို သူက မသောက်သေးဘူးဆိုတော့ သိမ်းပြီး (သြော် ယောက္ခမကြီးကတော့ ဘုန်းကြီးကျောင်းမှာ ကျန်ခဲ့သေးတယ်။) သံပုရာရည်ကိုသောက်။ ဟော သားတော်မောင် ကျောင်းကပြန်လာပါပြီ။ ဖိနပ်ချွတ်ရင်းပြောတယ်။ "မေမေ သားကျောင်းပြန်သွားရမယ်" တဲ့။ "ဘာဖြစ်လို့လဲ။" "သားကျန်ခဲ့တဲ့ အပတ်က Science ဖြေတာ ၂၀မှာ ၉မှတ်ပဲရလို့ ဆရာမက ပြန်သင်ပေးဖို့ ခေါ်တာ။" "ဒီနေ့ ကျူရှင်သွားရမယ် မဟုတ်လား။" "ကျူရှင်ဆရာမဆီ မလာနိုင်ကြောင်း message ပို့လိုက်တော့ မေမေ။" လုပ်ပြန်ပြီ။ သောကြာနေ့တုန်းကလည်း တရုတ်စာ အမှတ်နည်းလို့ ကျောင်းကဆရာမ ပြန်ခေါ်လို့ ကျူရှင်ဖျက်ထားရတယ်။ ဘယ်တတ်နိုင်မလဲ။ ကျူရှင်ဆရာမဆီ message ပို့တော့ message ပြန်လာတယ်။ ok ဘယ်unit ကိုတော့ အိမ်စာ လုပ်ထားပါပေ့ါ။

သားကတော့ ထမင်းစားပြီး ကျောင်းကို ပြန်ထွက်သွားပါပြီ။ ကိုယ်ကတော့ ခေါင်းတွေကိုက်လို့။ ညနေ ထမင်းစားချိန်ရောက်တော့ သူတို့နှစ်ယောက်ကို ထမင်းခွံ့ရသေးတယ်။ ယောင်ပြီး ကိုယ့်ပါးစပ်ထဲ တစ်လုပ်လောက် မထည့်လိုက်မိဖို့ သမာဓိ အကူအညီကို အပြင်းအထန် ယူထားရတဲ့ အစားငန်းတဲ့ ဥပုသ်သည်ရဲ့ ဖြစ်အင်။ ၅နှစ်သားငယ်ကို ခွံရတယ်ဆို ထားတော့ အဲ့ဒီ ၁၁နှစ်သားကလည်း ခွံ့ရတာပဲ။ ဒွက်ခဒွက်ခ ကိုယ့်အပူ ကိုယ်ရှာတာလေ နော်။ ထမင်းစားပြီးတော့ “သား အိမ်စာလုပ်။ ဆရာမ စာပေးထားတယ်” ပြောပြီး အိမ်ရှေ့ဝရံတာကို ထွက်ပြီး နေလိုက်တယ်။ သူတို့နားနေရင် အခြေအနေတွေက တစ်မျိုးမဟုတ် တစ်မျိုးနဲ့ တင်းမာလာနိုင်တယ်။

အိမ်ထဲပြန်ဝင်လာပြီး တော်တော်လေးနေတော့မှ TVရှေ့ရောက်နေပြီဖြစ်တဲ့ သားတော်မောင်ကို homework ပြီးပြီလားဆိုတော့ အင်း ဆိုလို့ စားပွဲပေါ်က စာအုပ်ကို ယူကြည့်လိုက်တော့ စာအုပ်ထဲမှာ ဟောင်းလောင်း အပေါက်တွေ။ ဥပုသ်သည် သိပ် သည်းမခံနိုင်တော့ဘူးပေါ့နော်။ စားပွဲပေါ်မှာလည်း စာရွက်တွေက ရှုပ်ပွ ဘောလ်ပင်တွေက ခေါင်းတခြား ကိုယ်တခြား။ အထဲက မှင်တံတောင် ဓားနဲ့ ပိုင်းဖြတ်ထားတာပါ ပါသေး။ မရတော့ဘူး မရတော့ဘူး လွှတ်ပြီ။ တင်ပြီ။ ဥပုသ်သည်တဲ့ ၀တ်ထားတဲ့ လုံချည်က ဒူးအထက်နားတက်ချင်နေပြီ။ ကလေးကို မ ရိုက်ဖို့ လှမ်းပြောနေကြတဲ့ သားရဲ့ အဖွား နှစ်ယောက်ကတော့ ကျမကို အရူးမ တစ်ယောက်လို ထိုင်ကြည့်နေကြလေရဲ့…ဟင်းးးးးးးးး
October 5, 2008 10:23 AM

အရူးမ မသီတာကို ခင်ကြတဲ့ မမKOM, ယုဝရီ, မေအောင်, မြတ်နိုး, သက်ဝေ, ဆောင်း, သိင်္ဂီ, တန်ခူး နဲ့ အားလုံးအတွက်

အဝေးအနွေး အနီးအအေး

အဝေးအနွေး - အနီးအအေး

သူ့ကိုတွေ့ရ
လမ်းတဖက်မှာ
ဥဒဟိုသွား
ယဉ်တန်းများကြား
ကူးနိုင်သေးဘူး
မီးနီဆဲလေ
မင်းသိရဲ့လား
သူရောက်နေပြီ
ရင်ထဲမှာ-

ခွဲခွာ နှုတ်ဆက်
လက်တကမ်းသာ
အပို မလို စကား
အေးစက်ခြင်းများ
နှောက်ယှက်နှိပ်စက်
ကားဆီးလို့လေ
မင်းသိလိုက်လား
အဝေးဆုံးကို
ပြေးသွားတာ…။

၇.၁၀.၉၆

မရပ်သေးဘူး...

ငယ်ငယ်တုန်းက ရေဒီယိုဆိုတာ သိပ်ခင်စရာပါပဲ။
အိပ်ရေးအပျက်ခံနိုင်တယ် … သီချင်းသံကြားရင်။
ဒီလိုနေရင်းနဲ့ ရီကော်ဒါဆိုတာ ပေါ်လာပြန်တယ်။
ရေဒီယိုထက် သာနေတော့ … [Shell တီးဝိုင်းက အဆိုတော်တစ်ဦးရဲ့ သီချင်း]

သူလွှင့်ထုတ်တဲ့ အချိန်ကို စောင့်ဆိုင်း နားဆင်ရတဲ့ ရေဒီယို နဲ့စာတော့
ကိုယ် နားထောင်လိုတဲ့အရာကို အချိန်မရွေး စိတ်ကြိုက်ရွေးချယ် နားဆင်နိုင်တယ်၊
ထပ်ပြန်တလဲ နားဆင်လို့ လည်း ရတယ်လေ ကက်ဆက် က…
ဟော…ရုပ်မြင်သံကြားဆိုတော့ သောတဆင်ဖို့ရန်သာမက အရုပ်လေးတွေလည်း တလှုပ်တုတ်တုတ် မြင်ရသေး။ ဓါတ်ပုံလို ရုပ်သေကြီး မဟုတ်ဘူးနော်…မိုက်တယ် ဒါပေမဲ့
ကိုယ် ကြည့်လိုတဲ့အရာကို အချိန်မရွေး စိတ်ကြိုက်ရွေးချယ် ခံစားနိုင်တယ်၊
ထပ်ပြန်တလဲ ရှုစားလို့ လည်း ရတယ်လေ ဗွီဒီယို က…
စလောင်းလေးနဲ့ဆို Channel တွေ စုံလို့ Live Show တွေလည်း မလွတ်တော့ဘူး ကမ္ဘာတစ်ဝှန်းလုံး ကိုယ့်အိမ်က ထိုင်ကြည့်နေရသလို… အမိ။
လာပြန်ပါပြီ…
Internet…, Internet…, ဟို သီချင်းထဲကလို
မင်းမရှိတဲ့ နေရာမှာ မနေနိုင်တာပေါ့ အချစ်ရယ်…ဆိုတာလို Online နဲ့ လား။ Archive တွေနဲ့လား။
Internet နဲ့ နှစ်ယောက် တကမ္ဘာတွေဖြစ်လို့ အခြား ကိုယ်နဲ့သက်ဆိုင်သောတွေကိုတောင် Internet နဲ့ ပူးပေးထားရတဲ့ အဖြစ်။ သိပ်ဟ မသွားစေလိုလို့ပါ။ ဥပမာလေးတွေ ပြပါဆိုရင်တော့
ရင်ကမွေးတဲ့ သားကလေ “မေမေ သားသား မေမေ့ ပေါင်ပေါ်မှာထိုင်ချင်လို့နော်တဲ့” (ကိုယ် Browse လို့ Explore နေပြီဆိုရင်ဖြင့် )
ထမင်းတစ်ဝိုင်းထဲ စားတဲ့ တူမလေးက “အန်တီတာ The curry chicken you cook is very nice.” တဲ့ GTalk က လှမ်း chat တာ
ဟိုတစ်ယောက်ကလည်း post မတင်သေးဘူးလား တင်တော့လေ တင်တော့…နဲ့

သြော် ခန္ဓာ့ အလိုလေးတွေ တတ်နိုင်သလောက် ဖြည့်ဆည်းပေးနေရတာပါ .. နော့

[ ရေဒီယိုတို့ ရုပ်မြင်သံကြားတို့က mass-media တွေ။ ကက်ဆက်, ဗီဒီယိုနဲ့ အင်တာနက်တွေ ကတော့ ကိုယ့်အကြိုက်ရွေးပြီး ကြည့်ရှုနားဆင်လို့ရတဲ့ de-massified media တွေတဲ့။ ]

Celebration Children Day

အောက်တိုဘာလ ၁ ရက်နေ့က ကလေးများနေ့ပါ။ (ကျမတို့နိုင်ငံမှာတော့ ဗိုလ်ချုပ်မွေးနေ့ ဖေဖေါ်ဝါရီလ ၁၃ရက်နေ့ကို ကလေးများနေ့ အဖြစ်သတ်မှတ်ထားပါတယ်။)

စက်တင်ဘာလ ၂၄ရက် ဗုဒ္ဓဟူးနေ့ နံနက်စောစော ၇နာရီ ၁၅မိနစ်လောက်မှာ အိမ်က ဖုန်းမြည်လာပါတယ်။ ကျမ ဖုန်းကိုင်လိုက်တော့ သားကြီး အတန်းပိုင်ဆရာမ ကျောင်းကနေ ဆက်တာပါ။ ဆရာမဆီက ဖုန်းလာရင် ကျမ ရင်မောရပါတယ်။ ဘာစာအုပ်ကျန်ခဲ့ပြန်ပါသလဲ? Hand-in လုပ်ဖို့ ဘယ် Assignment ပါမသွားပြန်ဘူးလဲ? Homework ကိုပြီးအောင်ရော လုပ်ထားရဲ့လား? တစ်သီကြီးတွေးပြီး အသင့်အနေအထားနဲ့ ဖုန်းကိုနားထောင်ရပါတယ်။ ကျမ ရင်ထဲက ကြိုတွေးနေတာတွေ တစ်ခုမှ မဟုတ်ခဲ့ပါဘူး။ သားတို့ အတန်းက ဒီနေ့မှာ Children Day Celebration လုပ်ဖို့အတွက် Singapore Science Centre ကို သွားမှာမို့ Parent Volunteer အဖြစ်လိုက်ခဲ့ဖို့ ခေါ်တာပါ။ ကျောင်းက ၈နာရီထွက်မှာမို့ ၇း၄၅နာရီ ကျောင်းကို ရောက်ရင်ရပါတယ်ဆိုလို့ သားငယ်ကို ကျောင်းပို့ဖို့ ပြင်ဆင်ပါတယ်။ သားငယ် ကျောင်းကားက ၇း၄၀နာရီ အိမ်ရှေ့လာခေါ်တာမို့ သားငယ်ကို ကျောင်းကားပေါ်တင်ပြီး သားကြီးကျောင်းကို ထွက်ခဲ့ပါတော့တယ်။

သားကြီးတို့ အတန်းမှာ ယောက်ျားလေး ၂၃ ယောက်နဲ့ မိန်းကလေး ၁၇ယောက် စုစုပေါင်း ၄၀ ရှိပါတယ်။ ကားလာတော့ အတန်းပိုင်ဆရာမနဲ့ ကျမ ကလေးတွေကို လူရေပြီးကားပေါ်တင်၊ ကားထွက်ပြီး လမ်းထိပ်ရောက်တော့ ကားကနာရီကိုလှမ်းကြည့်လိုက်တယ်။ ၈း၀၂နာရီ။ ကျမရင်ထဲမှာ ဘာကိုသဘောကျသွားတယ် ဆိုတာ ကျမကိုယ်ကျမသိပါတယ်။ (ဟိုမစောင့်ရ၊ ဒီမစောင့်ရ၊ အချိန်တိကျ။)

ကလေးတွေကတော့ စိတ်လှုပ်ရှားပြီး တော်တော်လေး ပျော်နေကြပါတယ်။ တစ်ချို့တစ်လေပဲ သိပ်ပျော်ရွှင်တဲ့ဟန် မပြကြတာပါ။ အဲ့ဒီထဲမှာ ကျမ သားကြီး အပါအ၀င်ပေါ့။ သားကြီးကတော့ ကျမ ဒီခရီးမှာပါလာတာကလည်း တစ်ကြောင်း၊ နောက် သူ့စရိုက်ကိုကလည်း ရှက်ကိုးရှက်ကန်းနဲ့ မပွင့်တပွင့်။ ဖြေးဖြေးနဲ့ မှန်မှန်မောင်းလာတဲ့ ကားကြီးက မိနစ်၂၀၊ ၂၅ လောက်လည်း မောင်းမိရော အရှေ့ပိုင်းနားမှာ ထိုင်နေတဲ့ ကလေးတစ်ယောက် ကားမူးပြီး အန်ချပါတော့တယ်။ အဲ့ဒီနေ့က မိုးရွာနေတဲ့ အတွက် အိမ်ကယူလာတဲ့ ကျွတ်ကျွတ်အိတ်ထဲက ထီးရေစိုကိုထုတ်လိုက်ပြီး အိတ်ကို ကလေးလက်ထဲထည့် သူ့လက်က အညစ်အပေတွေကို တစ်ရှူးနဲ့ သုတ်ပေးရပါတယ်။ (ဒီကလေးက ကားမူးပြီး အန်တတ်တဲ့ အကျင့်ရှိကြောင်း ဆရာမက ပြောပြပါတယ်။) ကျမလည်း အစီအစဉ်မရှိပဲ လိုက်လာရတာဖြစ်လို့ အိတ်ထဲမှာ ရှူဆေးဘူးလေး တောင်ပါမလာခဲ့ပါဘူး။ ပေ့ါပေါ့ပါးပါးဖြစ်အောင်ဆိုတဲ့ ရည်ရွယ်ချက်နဲ့ ကိုင်နေကြအိတ်ကို ယူမလာမိတဲ့ အမှားလည်း ပါပါတယ်။ (အဲ့ဒီအိတ်ထဲမှာတော့ ရှူဆေးဗူး၊ ပ၀ါပါးလေး၊ လက်သည်းညှပ်၊ နှုတ်ခမ်းဆိုး အဆီတောင့်၊ ဘီး… စတဲ့ စုံတကာတွေ တစ်လေးကြီး သယ်လေ့ ရှိပါတယ်။)

Science Centre ရှေ့ရောက်တော့ ပျော်စရာကြီး။ ကျောင်းပေါင်းစုံက ကားတွေ တစ်စီးပြီး တစ်စီး ထိုးဆိုက်။ အရွယ်ပေါင်းစုံတဲ့ ကျောင်းသား၊ ကျောင်းသူလေးတွေ ကိုယ့်ကျောင်းအစုနဲ့ကိုယ် Centre ထဲ တန်းစီဝင်သွားကြတာပါပဲ။ ကျမကတော့ တစ်နေရာကို သတိရနေပါပြီ။ ရုပ်နဲ့ နာမ်က ပူးလိုက်ကွာလိုက် ဖြစ်နေရခြင်းကတော့ ငါရောက်နေတဲ့ နေရာနဲ့ ငါတို့ဆီမှာ တစ်ထပ်တည်းဖြစ်မနေလို့ ဆိုတာ ခံစားဖူးသူတိုင်းသိကြမှာပါ။

ကျမတို့ ပထမဦးဆုံး Bubble mania Show ကို ကြည့်ကြရပါတယ်။ နောက်တော့ Water Exhibition ။ ကူညီပါရစေဆိုတဲ့ ၀န်ထမ်းတွေကလည်း နေရာတိုင်းမှာမို့ ဒီပွဲအတွက် တိုးချဲ့ အင်အားဖြည့်ထားသလား လို့တောင် ထင်မိရပါတယ်။ ၁၀း၁၅နာရီကနေ ၁၀း၄၅ထိ မုံ့စားကြဖို့ breakပေးပြီး၊ ရုပ်ရှင်ကြည့်ဖို့ Omni Theatre ကို ချီတက်ကြပါတယ်။

Grand Canyon: River at Risk ကားကြည့်ခဲ့ကြရပါတယ်။ ပုံမှန်အားဖြင့် ရှပ်ရှင်ဆိုတာ တိတ်ဆိတ်ငြိမ်သက်စွာ ကြည့်ရတာမျိုးဖြစ်ပေမဲ့ ကလေးတွေနဲ့ တဝေးဝေး တ၀ါးဝါး ကြည့်ရတဲ့ ဒီ show ကတော့ အခွင့်ထူးတစ်ခုပါ။

ကျောင်းကို ပြန်ရောက်တော့ ဆရာမက “Say thank you to Chris’ mum” ဆိုတော့ ကလေးတွေက တပျော်တပါး ၀ိုင်းအော်ကြတာ “Thank you, Auntie, you’re rock” တဲ့။ သားတို့လည်း ပြန်လို့ရပြီဆိုတော့ သားအမိနှစ်ယောက် အတူတူပြန်ခဲ့ကြတယ်။ နေ့လည် ၁ နာရီ။ (သားတို့ ကျောင်းဆင်းချိန်က နေ့လည် ၁ နာရီ လေ။ ကွက်တိပဲနော်။)

ကျမ သားကြီး ကျောင်းမှာ Parent Volunteer အဖြစ် လိုက်ခဲ့ဖူးတဲ့ trip တွေက
၁။ Singapore Changi Airport - ၂၅.၀၅.၂၀၀၅
၂။ Singapore Zoological Garden - ၂၉.၀၇.၂၀၀၅
၃။ Singapore Science Centre -၂၄.၀၉.၂၀၀၈

ပထမဆုံး ကျိန်စာ

သက်ဝေ က မသီတာရေ... tag ထားကြောင်း... တဲ့။

“Blog ကိုလေ အသည်းတစ်ခြမ်းနဲ့ ရေးနေတာဆိုတော့ ပထမဆုံး…တွေကို ကျောခိုင်းထားပါရစေ… ဝေ။” လို့ အကြောင်းပြန်လိုက်ရရင် ကောင်းလေမလား (ကျန်တဲ့ တစ်ခြမ်းကို ဟို သီချင်းထဲကလို မုန်းရတဲ့ တနေ့၊ လမ်းခွဲတဲ့တနေ့၊ မှန်းဆလို့ တမ်းတလို့ လွမ်းရဖို့ backup)

စ, တာပါ။ ကူလီကူမာတွေ မပါဘူး။ အဟုတ်ရေးပြီ။

ပထမဦးဆုံးရောက်ဖူးသော နေရာ - ရန်ကုန် အရှေ့ပိုင်း ဆေးရုံကြီး (အဲ့ဒီမှာ မွေးတယ်။)

ပထမဦးဆုံး စီးဖူးသောယာဉ် - ဆိုက်ကား (ဆေးရုံက ဆင်းတော့ အိမ်ကို ဆိုက်ကားနဲ့ ပြန်ခဲ့ကြတယ်တဲ့။ အဖေက အော်စတင်ကားလေး ရှိရက်နဲ့ လာလည်းကြိုဘူးတဲ့။ အမေကတော့လေ တိတ်တိတ်လေး နေလိုက်တော့တာ မဟုတ်ဘူး။ ဒီက ခံစားရပြီ တသက်လုံး။)

ပထမဦးဆုံး တက်ဖူးသောကျောင်း - လမ်းမတော် ကီလီလမ်းရှိ မူကြိုကျောင်း။

ပထမဦးဆုံးရဖူးသော အပြစ်ဒဏ် - မူကြိုကျောင်း လာပို့ပြီး ပြန်တဲ့ အမေ့နောက်ပြေးပြေးလိုက်လို့ ကျောင်းကတိုင်မှာ ကြိုးတုတ်ထားတယ်တဲ့။ ဒီက ဂလောက်တောင် ဆိုးခဲ့သလား။ ကြိုးတုတ်ထားလို့ ရတဲ့ အရွယ်ကို ရှိစေတော့။

ပထမဦးဆုံးတက်ခဲ့သော အတန်းကျောင်း - အ.မ.က (၁၁) အလုံ အတန်းပိုင်ဆရာမ- ဒေါ်သန်းမြ၊ ကျောင်းအုပ်ကြီး - ဦးအေးကြည်။ တသက်လုံး မှတ်မိတယ်။ (၁)တန်းမှာ ဖြေရတဲ့ အထွေထွေဗဟုသုတ၊ အတန်းပိုင်ဆရာမ ဒေါ်လှလှဝင်းက မေးတယ်။ စာမေးပွဲ ဖြေတာနဲ့တောင် မတူပါဘူး။ သမီး လာဦးဆိုပြီး သူပေါင်ပေါ်ထိုင်ခိုင်းတယ်။ သမီး သိတဲ့ အသီးငါးမျိုး အမည် ပြောပြတဲ့။ ရတယ်လေ အလွတ်ကျက်ထားတာ။ ဘာ.. ဘာ.. ဘာ ပေါ့။ အရောင် ငါးမျိုး… OK ပဲ အထစ်အငေါ့မရှိ။ ဒါဆိုရင် သမီး ကျောင်းအုပ်ဆရာကြီး နာမည်သိလားတဲ့။ နဲနဲတော့ စဉ်းစားရပြီ။ အင်း.. ဦးအောင်ကြည်။ ဆရာမက မှားတယ်လဲ မပြော၊ မှန်တယ်လဲ မပြောဘဲ ပြုံးပြုံးကြီးနဲ့ သမီးသွားလို့ ရပြီတဲ့။ ငါမှားသွားလား..ငါမှားသွားလား။ စဉ်းစားစမ်း။ ကျောင်းမှာက ဆရာလေး ဦးအောင်ရီ ရယ်။ ဆရာကြီး ဦးအေးကြည် ရယ်။ အမျိုးသားဆရာဆိုလို့ နှစ်ယောက်ထဲရှိတာများ ဖြေချလိုက်တာ ကြည့်ပါဦး။ ပတ်ဝန်းကျင်လေ့လာမှုက အဲ့ဒီအရွယ်ကတည်းက ညံ့တာ။ အရေးဟယ် အကြောင်းဟယ်ဆို တစ်လွဲချည်းပဲ။

ပထမဦးဆုံးရဖူးသည့် ပညာရည်ချွန် မဟုတ်သည့်ဆု - ၆တန်းတုန်းက မြို့နယ်အဆင့် စာစီစာကုံးပြိုင်ပွဲ တတိယဆု။ ခေါင်းစဉ်က “အာဇာနည်နေ့၊ တို့မမေ့” ။ အတန်းပိုင် မြန်မာစာ ဆရာမ ဒေါ်တင်မိ။ ဆရာမက ဆုရတယ်လို့လည်း မပြောဘဲ ကျောင်းကနေ အလုံမြို့နယ် ခန်းမကို ခေါ်သွားတယ်။ ပြိုင်တုန်းကလည်း ခန်းမမှာဘဲ လာဖြေရတာ။ မထင်မှတ်ဘဲ ကိုယ့်နာမည် ဆုယူဖို့ခေါ်လိုက်တော့…ရင်မခုန်ပါဘူး။ ကိုယ်က အဲ့ဒီအရွယ်ထဲက တွေဝေခြင်းမှာ မေ့မျောတတ်သူ။ အပြန်မှာ မိုးတွေ ရွာတယ်။ ဆုအထုပ်ကို အိမ်ရောက်မှ ဖွင့်ကြည့်တော့ Dictionary စာအုပ်တစ်အုပ်ရယ်။ မြို့နယ်လျှပ်စစ်က လူကြီးတစ်ယောက်က အပိုဆောင်းပေးတဲ့ Diary စာအုပ်လေးရယ်ပါတယ်။ မိုးရေ နည်းနည်းထိ သွားတဲ့ စာအုပ်လေးတွေကို ရေသုတ်ရင်းနဲ့မှ တသိမ့်သိမ့် ရင်ထဲမယ်ပေါ့။

ပထမဦးဆုံး ယောက်ျားလေး သူငယ်ချင်း၊ မိန်းကလေး သူငယ်ချင်း နံမည်တွေတော့ ကျော်ခဲ့တော့မယ်။

ပထမဦးဆုံး အချစ်တော် နာမည် - အေးအေး။ ထွေထွေထူးထူးတော့ မဟုတ်ပါဘူး။ ကျောင်းရောက်တိုင်း ဒေလီယာ ပန်းလေးတွေ တစ်နေ့ တစ်ပွင့် ကိုယ့်ကိုပေးတယ်။ ၆တန်း တစ်တန်းလုံးရဲ့ ကိုယ်စားလှယ်လဲဖြစ်။ ကျောင်းစာမှာလည်း ထိပ်ဆုံးနားကပ်နေချင်တဲ့ ကိုယ်နဲ့ ကိုယ့်ထက်အတန်းကြီးပြီး စာသိပ်မတော်ဘူးလို့ ထင်ရတဲ့ သူ့ကြားမှာ တစ်ခုခု ခြားနေသလိုပဲ။

ပထမဦးဆုံး စင်ပေါ်မှာ ဆိုခဲ့တဲ့ ကဗျာ - You are old Father William ( by Robert Louis Stevenson)။ ၇တန်းတုန်းကပါ။ YMCA အသင်းက ကြီးမှုးကျင်းပတဲ့ပွဲကို ကျောင်းကအစီအစဉ်နဲ့ ပြိုင်ခဲ့တာပါ။ အထက်တန်းအဆင့် အဖွဲ့လိုက်မှာ ပထမဆုရခဲ့ပါတယ်။ အခြား အဆိုတွေ အကတွေနဲ့ကတော့ ခုချိန်ထိ စင်ပေါ်မတက်ရသေးလို့ ကိုယ့်ကိုယ်ကို အကြွေးမှတ်ထားတယ်။

ချစ်၍ Tag လာ
ပထမဆုံး အရာကို
ဖွေဖွေရှာရှာ
ရေးချင်ပါလည်း
ရေးချင်ပါလည်း
…

…
…
မချစ်၍ မဟုတ်ပါ
blog ရွက်ကာ
ကျိန်ဆိုပါသည်။

…
စားလည်း ဒီblog
သွားလည်း ဒီblog
ဂေါက်တောက်တောက်
ဖြစ်စေသတည်း။ ။

အရောင်

အ၀ါ ‘မောင်’ နဲ့ ‘မ’ အပြာ၊
ကြောင်းပါလေသောခါ။
ရှုလို့မ၀ စိမ်းမြမြ၊
ရင်သွေးလေးတွေရ။

‘မောင့်’ ဉာဏ်ရောင်ဝါ ထိန်ထိန်သာ၊
‘မ’ ချစ်မေတ္တာ ပြာ။
ဆတူ ချိုးကျ ပေါင်းဆုံမှ၊
ကလေးတို့ ဘ၀ စိမ်းလန်းရ။

စိတ်ထားကောင်းဖို့ မမေ့အောင်၊
အဖြူရောင်ကို ဆောင်။
စင်ကြယ်ခြင်းရဲ့သင်္ကေတ၊
ကြိုးစား မွေးမြူကြ။

လောကီသားမို့ ဖြစ်တတ်တယ်၊
အနီရဲလို့ စိတ်တိုလွယ်။
မထင်မှတ်ဘဲ နက်လာတော့၊
ညှိနှိုင်း ကြမှာပေါ့။

ပြာ နဲ့ နီလေး ရောစပ်နွှယ်၊
ခရမ်းအလှ ကြွယ်။
မဟာဆန်တဲ့ ဒီလက်နက်၊
ဂန္တ၀င် မျက်စောင်းထက်။

တခါတလေလည်း ထိုနီရဲ၊
အ၀ါလေးနဲ့ ရောမှာပဲ။
ရှေ့ဆက်ကြဖို့ အင်အားကွယ်၊
လိမ္မော်ကလေး ရပြန်တယ်။

သက်တန့် မိသားစု ဆေးရောင်စို၊
ဟန်ချက် ညီညီကို။
နေညိုချိန်ထိ ရွှေလက်တွဲ၊
တစ်သွေးတစ်ရောင်ထဲ။ ။

ဧရာသီတာ

ဤလူ့ ဘောင်

“ဖေဖေ … ကမ္ဘာကြီးက အလုံးကြီး မဟုတ်လား။” “အေး… ”
“သားတို့က အခု နေ့ဆိုရင် U.S. မှာ ညပေါ့။” “အင်း…”
“ဒါပေမဲ့ … ဘာလို့ သူတို့တွေက ဇောက်ထိုးကြီး ဖြစ်မနေတာလဲ။”
“သား… ဘာကို အောက်, ဘာကို အပေါ်လို့ ခေါ်တာလဲ”
သားက အောက်ကို လက်ညှိုးထိုးပြီး … “ဒါက အောက်ပေါ့”။
“ဟုတ်တယ်လေ။ ဒါပေမဲ့… ဘာလို့ အောက်လို့ ခေါ်တာလဲ။”
ခဏစဉ်းစားပြီး “သား သိပြီ။ သားသားတို့ ခြေထောက်နဲ့ ရပ်ထားတာက အောက်..။”
“အေးပေါ့… ဖေဖေတို့ ခြေထောက်နဲ့ ရပ်ထားတဲ့ ဒီမြေကြီးက အောက်အရပ်ပေါ့။ အောက်တို့ အထက်တို့ဆိုတာ ဖေဖေတို့ သတ်မှတ်ထားတာ။”
“သား သိပြီ။ ဒါပေမဲ့… ဘာလို့ သူတို့က ပြုတ်မကြတာလဲ။”
“သား မသိဘူးလား။”
“သိတယ် … Gravity ကြောင့် ပေါ့။”

အရှိန်အားကောင်းသော ဒုန်းပျံယာဉ် တစ်စီးဖြင့် ကမ္ဘာ့ဆွဲငင်အားကို လွန်မြောက်၍ သွားနိုင်သည်။ အာကာသထဲတွင် ပေါလောမျောပြီး spacewalk လုပ်နိုင်သည်။ သို့သော် ထိုအာကာသယဉ်မှူးတို့သည် ကမ္ဘာမြေသို့ ပြန်လာကြရသည်။ သူ အသက်ရှင် ရပ်တည်ရေးအတွက် မရှိမဖြစ်လိုအပ်သော လေ, ရေနှင့် အစာအာဟာရတွေက ကမ္ဘာမြေတွင်သာရှိသည်။ သူ့ မိသားစု, သူ့အသိုင်းအ၀ိုင်း, သူ့နိုင်ငံက ဤကမ္ဘာမြေ၌သာ ရှိသည်။ ရူပဗေဒ ဆွဲငင်အားများကို သိပ္ပံနည်းပညာများဖြင့် ကျော်လွှားနိုင်သော်လည်း၊ ဘ၀ရပ်တည်မှုနှင့် သံယောဇဉ်အနှောင်အဖွဲ့များကိုတော့ လွန်မြောက်ရန် ခဲယဉ်းသည်။ ‘ဘောင်’သည် သတ်မှတ်ချက်သာ ဖြစ်သည်ဆိုလျှင်၊ အနှောင်အဖွဲ့များသည်လည်း သတ်မှတ်ချက်ပင် ဖြစ်ပေမည်။ ထိုအနှောင်အဖွဲ့များမှ လွတ်မြောက်ခြင်းသည် မိမိတို့ ကိုယ်တိုင်က ထိုသတ်မှတ်ချက်များကို ရိုက်ချိုးပစ်လိုက်ခြင်းသာ ဖြစ်သည်။

“သားရေ… ဖေဖေ..ဒီအသိုင်းအ၀ိုင်းကို မစွန့်လွတ်နိုင်သေးဘူး။
လောကီဘောင်ကို မစွန့်နိုင်သေးဘူး။”

ဧရာ (မန္တလေး)

ဘောင်

ဘောင် တဲ့
limit တဲ့
အပိုင်းအခြား၊ အဆီးအတား တဲ့
လာလိုက်သေးတယ်…
အကန့်တွေ တဲ့
သူ့ အတာနဲ့ သူ့ အထွာ ဆိုလား…
……
မှောင်ထဲမယ် ယောင်တောင်တောင်
ချောင်ထဲမယ် မပြောင်မရောင်
ထောင့်ထဲမယ် ငူငူငေါင်
……
အယောင်ဆောင် မလည်း အူကြောင်ကြောင်
အလှောင်အပြောင်ကြား ထီမမြင်ပေါင်
သည်တောင်ကို ကျော်မဟဲ့ ကြံကာဆောင်
……
မအောင်လေတဲ့ သည်မောင် ပူလောင်
နောင်ခါမတော့…
ရှောင်လေမကွဲ့
ဤလူ့ ဘောင်
ဤ လူ့ ဘောင်

ဓား၊ ရတနာနှင့် ကြေးမုံ

the mirror, the sword and the jewel (sanshu no jingi)

“Power grows out of the barrel of a gun.” – Mao Tse-Tung
“Money Talks.” – Anonymous
“Knowledge itself is power.” – Francis Bacon

ကမ္ဘာသမိုင်းမှာ အာဏာတည်ဆောက်မှု ဘယ်လိုပြောင်းလဲလာခဲ့သလဲဆိုတာကို ဖော်ပြဖို့ Alvin Tolfer က ဒီအဆိုအမိန့် သုံးကြောင်းကို ကိုးကားခဲ့တယ်။ Alvin Tolfer ဆိုတာ Future Shock, Third Wave နဲ့ PowerShift ဆိုတဲ့ အရောင်းသွက် စာအုပ်သုံးအုပ်နဲ့ နာမည်ကြီးခဲ့တဲ့ အမေရိကန် စာရေးဆရာတစ်ဦးပါ။ လူ့သမိုင်းမှာ စိုက်ပျိုးရေးခေတ်, စက်မှုခေတ်နဲ့ သတင်းခေတ်ဆိုတဲ့ ယဉ်ကျေးမှုကြီးသုံးခုဟာ လှိုင်းလုံးကြီးတွေလို စီးဆင်းဝင်ရောက် လာခဲ့တယ်။ စိုက်ပျိုးရေးခေတ်ကာလမှာ လူတွေဟာ ကာယဗလကို ကိုးစားခဲ့တဲ့ အလျောက် ပြဿနာတွေကို အင်အားသုံး အကြမ်းဖက် ဖြေရှင်းပြီး အာဏာကို တည်ဆောက်ခဲ့ကြတယ်။ ဒုတိယခေတ်ဖြစ်တဲ့ စက်မှုခေတ် (တစ်နည်း အရင်းရှင်ခေတ်) မှာတော့ ငွေသာလျှင် ပဓာန။ ငွေကြေးဓနနဲ့ သြဇာအာဏာကို တည်ဆောက်ခဲ့ကြတယ်။ တတိယလှိုင်းနဲ့ ၀င်ရောက်လာခဲ့တဲ့ ၂၀-ရာစုလွန် သတင်းခေတ်မှာတော့ အသိပညာသည်သာ တန်ခိုးအာဏာရဲ့ အသက်သွေးကြော ဖြစ်လာလိမ့်မယ်၊ နှလုံးရည်က ကြီးစိုးလိမ့်မယ်လို့ Tofler ကခန့်မှန်းခဲ့တယ်။

သူ့ရဲ့အတွေးအခေါ်ဟာ ကမ္ဘာသမိုင်းဖြစ်စဉ် တစ်ခုလုံးမှာ ဘယ်လောက်ထိမှန်သလဲဆိုတာ ဝေဖန်ဖို့ ခက်ကောင်း ခက်ပါ လိမ့်မယ်။ ဒါပေမဲ့ လူတစ်ဦးချင်းစီရဲ့ သမိုင်းမှာတော့ ပြဿနာတွေကို violence, wealth, knowledge ဆိုတဲ့ နည်းလမ်း သုံးသွယ်ထဲက ဘာကိုသုံးပြီး ဖြေရှင်းလေ့ရှိသလဲဆိုတာကို ပြန်လည်ဆန်းစစ်ပြီး၊ မိမိရဲ့ တိုးတက်မှုဖြစ်စဉ်ကို အကဲခတ် နိုင်ပါလိမ့်မယ်။

ဧရာ (မန္တလေး)

ပုံကို ဤနေရာမှကူးယူပါသည်။ http://www.japan-zone.com/omnibus/shinto.shtml

လမ်းထဲက အဒေါ်ကြီးတွေ

ကျမကိုမွေးပြီး ဒီလမ်းထဲရောက်ခဲ့ကြတာ။ မိသားစုရဲ့ ပထမဦးဆုံးသော ကိုယ်ပိုင်အိမ်က ဒီလမ်းရဲ့ ထိပ်ဆုံးမှာ နေရာယူထားလေရဲ့။ ဒီရပ်ကွက်က ရှေးတုန်းကတော့ ရွာကြီးတစ်ရွာ ဖြစ်ခဲ့လေသတဲ့။ လမ်းထဲမှာ သူကြီးအိမ်ရှိတယ်။ ကျမသိတတ်တဲ့ အရွယ်မှာ သူကြီးဆိုသူတော့ လောကကြီးထဲမရှိတော့ပါဘူး။ သူကြီးကတော်တော့ ရှိသေးတယ်။ ပိန်ပိန်သေးသေးလေးနဲ့ အမြဲတမ်း မိတ်ကပ်တွေ ဖွေးနေအောင်လိမ်းထားတာ ရုပ်ရှင်မင်းသမီး ခင်ယုမေနဲ့တောင် တူသေး။ ဒါပေမဲ့ အဲ့ဒီ အဒေါ်ကြီးကို ကျမ သိပ်စိတ်မ၀င်စားမိဘူး။ ကျမစိတ်ဝင်စားတဲ့ လမ်းထဲက အဒေါ်ကြီးတွေက…

အိမ်ရှေ့အိမ်က မမကြည်။ တကယ်တော့ ဒေါ်ဒေါ်ကြည်လို့ ခေါ်ရမှာပေါ့။ ဒါပေမဲ့ ကျမက မမကြည်လို့ပဲခေါ်ချင်တာ။ မမကြည် အမျိုးသားက ဦးဘအေး။ ကိုကိုအေးလို့ပဲခေါ်မယ်နော်။ နေ့လည်စာ ထမင်းစားပြီးချိန်လောက်ဆို ကိုကိုအေးနဲ့ မမကြည် အိမ်ကထွက်ကြပြီ။ သူတို့က မြို့လယ်ကောင်က ဈေးကြီးမှာ ပရဆေးဆိုင် ဖွင့်ထားတာလေ။ ရှေ့သွားနောက်လိုက် ညီလိုက်ပုံများတော့ အဲ့ဒီမြင်ကွင်းကို နေ့တိုင်းကို မလွတ်တမ်းကြည့်ချင်တာ။ တစ်ခါတလေများဆို မမကြည်က ဘီးဆံတုံးလေးတောင် ထုံးထားသေး။ လက်ကိုင်အိတ်လေး လက်မှာ ချိတ်လို့ ကိုကိုအေးနောက်က ယဉ်ယဉ်လေး လိုက်သွားပုံများ မျက်လုံးထဲကကို မထွက်ဘူး။ မျက်နှာချင်းဆိုင်နေတာ ဆိုတော့ မြင်နေရတာလေးတွေ… မမကြည်တို့ အိမ်ရှေ့မှာ ပန်းပင်တွေ အများကြီးစိုက်ထားတာ။ မနက်တိုင်း ပေါင်းသင်၊ ရေလောင်း၊ အမှိုက်ရှင်းလုပ်နေတဲ့ မမကြည်ကို တကုတ်ကုတ်နဲ့ မြင်ရတယ်။ မမကြည် ဆေးဖော်ခါနီးဆိုရင်လည်း အိမ်ရှေ့ လှေကားထစ်နားမှာ ချိန်ခွင်ကြီးချိန်ပြီး အလုပ်ရှုပ်နေတတ်တာ မြင်ရသေး။ ဘယ်အချိန် ကြည့်ကြည့် သပ်သပ်ရပ်ရပ်နဲ့ ရှင်းကြည်သန့်နေတဲ့ မမကြည်။

ကျမတို့ ရပ်ကွက်မှာ သူကြီးရှိစဉ်ကတည်းက နှစ်စဉ်ကျင်းပခဲ့တဲ့ ဆွမ်းကြီးလောင်းပွဲတော်ဆိုတာရှိတယ်။ လမ်းထဲက အမျိုးသမီးတွေ ၀တ်စုံဆင်တူနဲ့ ပဒေသာပင် လှည့်ရတယ်။ ကျမတို့ လမ်းအတွက်ကတော့ မမကြည်က တာဝန်ခံပဲ။ သူက မြို့လယ်ကောင်ဈေးထွက်တဲ့သူဆိုတော့ မျက်စိအမြင်ရှိတာကတော့ ပြောစရာမလိုဘူး။ သူကိုယ်တိုင် အလှအပကြိုက်တာလည်းပါတာပေ့ါ။ သူထွင်ခဲ့တဲ့ မိုးထိအောင် လှေခါးထောင်၊ ကုဋေ ကုဋာသည်းကိုးဖြာဆိုတဲ့ လုံချည်အဆင်တွေက ဆွမ်းကြီးလောင်းပွဲမှာ ကျမတို့လမ်းက အမျိုးသမီးတွေ ပွဲထုတ်ပေးလိုက်ပြီး ရောင်းမလောက်အောင် တွင်ကျယ်ခဲ့လေသတဲ့။ ဒီလိုနဲ့ ကိုကိုအေး ဆုံးပြီးတော့ မကြာဘူး သူလည်း ရောဂါဝင်ပါလေရော။ သူရောဂါက အဆန်းရယ်။ အကြောရောဂါတဲ့ ခေါင်းရော လက်တွေရော ခြေတွေရော လှုပ်နေတာ။ တဖြေးဖြေးဆိုးလာလိုက်တာ ကိုယ်တိုင် အမှုကိစ္စတွေ ဘာမှ မလုပ်နိုင်တော့ဘူး။ သူနေကောင်း နေတုန်းကတော့ မမကြည်က ရုတ်တရက်ကြည့်ရင် မာန်ကြီးတဲ့ပုံပေါက်တယ်။ တကယ်ကတော့ စည်းကမ်းကြီးတာပါ။ ဒီရောဂါကြီး သူမှာဖြစ်တော့ သနားစရာရယ် မာန်ကြီးတဲ့ ပုံလည်းမပေါ်တော့ဘူး။ ပြုံးပြုံး ပြုံးပြုံးနဲ့။ နောက်ဆုံးတော့ အိပ်ယာထဲ တော်တော်ကြာကြာလေး နေသွားရတယ်။ ထူးဆန်းတာက နောက်ဆုံး အချိန်ထိ မမကြည်က ကြည်နေ သန့်နေတယ် ဆိုတဲ့အချက်လေးပါဘဲ။

နောက်တယောက်ကတော့ မမအေး။
မမအေး အမျိုးသားကတော့ ဦးထွန်းတင်တဲ့။ ကိုထွန်းတင်က ကျမမှတ်မိလောက်တဲ့ အချိန်မှာ အိမ်ထဲက အိမ်ပြင် သိပ်မထွက်နိုင်တော့လို့ ပိန်ပိန်ပါးပါးလို့ပဲ ရေးတေးတေးမှတ်မိတော့တယ်။ မမအေးကတော့ ၀၀ကစ်ကစ်လေး။ မမအေးက မြန်မာအကျီ လက်ပြတ် ပြောင်အရောင်နုနု တောက်တောက်လေးတွေကို ပါတိတ်တို့ ကီမိုနိုတို့နဲ့တွဲဝတ်တတ်တယ်။ နက်မှောင်နေတဲ့ သူ့ဆံပင် ဘီးကျော်ပတ်ကြီးမှာ စပယ်ပန်းကုံးကို ခွေပန်ထားတာ ဘယ်အချိန်ကြည့်ကြည့် သည်အတိုင်းမို့ သူ့ စပယ်ပန်းတွေ မနွမ်းဘူးလားလို့တောင် ထင်ရတယ်။ မမအေးက သိမ်ကြီးဈေးမှာ ဈေးထွက်တာလေ။ ဆေးလိပ်၊ စီးကရက် ကိုယ်စားလှယ်။ ကိုယ်ပိုင်ကားနဲ့ ဒရိုင်ဘာနဲ့။ သူတို့ အိမ်မှာ ဖုန်းလည်းရှိတယ်။ အဲ့ဒီ အချိန်တုန်းကတော့ တစ်လမ်းလုံးမှာ ဖုန်းရှိတဲ့ အိမ်ဆိုတာ နှစ်အိမ် သုံးအိမ် ရှိတာကလား။ ညနေစာ စားပြီးချိန်ဆို မမအေး နယ်က သူ့ ကုန်သည်တွေနဲ့ ဖုန်းပြောပြီ။ အဝေးcall တွေဆိုတော့ မမအေး တစ်ယောက် ကုန်းအော်ရတာ။ မိဘက ပြည့်စုံတော့ မမအေးမှာ သိပ်ဆိုးတဲ့ သားတစ်ယောက်ရှိတယ်။ အဲ့ဒိလူပျိုသားဆိုးက ထင်ရာတွေလုပ်ပြီး ရှေ့ကပြေး သူကလိုက်ရိုက်တာတဲ့ တုတ်ချောင်းလေးလက်ကကိုင် လုံချည်လေးမကာမကာ တင်ပဆုံကြီးတွေ လိမ့်ကာလိမ့်ကာနဲ့။ သူ့ ပုံလေးကချစ်စရာကောင်းတော့ လမ်းထဲက လူတွေ သူ့သားလူပေကိုတောင် စိတ်မဆိုးနိုင်ကြတော့ဘဲ သူတို့ သားအမိ ပြေးတမ်းလိုက်တမ်းကစားတာကိုပဲ သဘောကျနေကြတော့တာ။ မမအေးလည်း သေရှာပါပြီ။ သူ့သားလည်း လူတော် မဖြစ်ပေမဲ့ လူကောင်းတော့ ဖြစ်နေပါပြီ။

ရှိသေးတယ် မမနှင်း တစ်ယောက်
မမနှင်းက ပုပု သေးသေး ဖြူဖြူလေး။ ပုံစံက တော်တော်ရိုးတယ်။ သနပ်ခါးကတော့ ခြေဆုံးခေါင်းဆုံး တစ်ကိုယ်လုံး ဖွေးနေတာပဲ။ လမ်းလျှောက်ပုံလေးက ဇတ်တောက်ဇတ်တောက်နဲ့ တလောကလုံးကို ထီမထင်တဲ့ပုံ။ ကျမမှတ်မိတဲ့ အချိန်မှာ မမနှင်းက မုဆိုးမ။ မမနှင်းမှာ ခဏခဏရန်ဖြစ်ကြတဲ့ ဆွေမျိုးအုပ်စုတောင့်သလောက် ပြဿနာ ဖြစ်တိုင်း မမနှင်းဖြေမှ အေးတယ်။ မမနှင်းက ဒေါ့ဂျစ်ကားကြီးတွေ ထောင်ထားတာလေ။ မနက်မိုးလင်း (၇)နာရီဆို ကျမတို့ လမ်းထိပ် လျှပ်စစ်ရုံးက ဥသြဆွဲရင် မမနှင်းပိုင် ဒေါ့ဂျစ်တွေကလည်း လမ်းထဲကနေ တန်းစီပြီး ဂိတ်ထိုးမည့်ဆီ ထွက်တော့တာပဲ။ သူ့ ကားဒရိုင်ဘာတွေက သူ့သား၊ သူ့တူ နဲ့ သူ့ဆွေနီးမျိုးစပ်တွေပေါ့။ သိမ်၊ ကျောင်း၊ ဇရပ်နဲ့ ရဟန်းအမကြီး တစ်ယောက်ဖြစ်တဲ့ မမနှင်း မလှူဖူးတဲ့ အလှူ မရှိစေရဆိုပြီး အိမ်မှာ နတ်ကနားပေးလိုက်တာ ဥပုသ်နေ့တိုင်း သီလပေးဖို့ ကြွလာနေကျ သူ့ ဦးပဇင်းလည်း စိတ်ဆိုးပြီး မကြွတော့ဘူး ဖြစ်သေးတယ်။ လူပုံစံက ရိုးသလောက် ဆန်းဆန်းပြားပြား လုပ်တတ်တဲ့ မမနှင်းလေ သံဃာတွေ ဟော်တယ်ပင့် နေ့ဆွမ်းကပ်သတဲ့။ စေ့စပ်သေချာပြီး ငွေရေးကြေးရေးနဲ့ ပတ်သတ်လာရင် ဘယ်သူ့မှ အားမနာလို့ သူ့ဆီ ချေးလို့ ငှားလို့ မရတဲ့လူတွေ ကွယ်ရာမှာ ခေါ်ကြတဲ့ နာမည်က လောဘနှင်း။ ကျမလည်း အစကတော့ အဲ့ဒိအဒေါ်ကြီးကို နည်းနည်းဖြုံတယ်။ တစ်နေ့ ကျမ အမေ့ အ၀တ်ဘီဒိုရှင်းပေးနေတုန်း အမေ့ အင်္ကျီမဟုတ်တဲ့ အဖွားကြီး အင်္ကျီတစ်ထည်တွေ့တော့ အမေ “ဒါဘယ်သူ့အကိင်္ျီလဲ” လို့ မေးတော့ အမေက “ဒေါ်ဒေါ်နှင်း အင်္ကျီလေ သူသေရင် ဒီအင်္ကျီလေး မငြိမ်း (ကျမ အမေ) ကို အမှတ်တရ အဖြစ် ပေးလိုက်ပါ” ဆိုပြီး မှာသွားတာတဲ့။

ကျမ သူတို့ကို သတိရမိတိုင်း… မမကြည် သား သမီးတွေ ဘာလို့ ဆေးတွေ မဖော်တတ်ကြတော့တာလဲ။ မြို့လယ်ကောင် ဈေးက ဆိုင်ခန်းကြီး ဒီလောက်ကြာအောင် ဘာကြောင့်ပိတ်ထားရတာလဲ။ မမအေး သားသမီးတွေကရော ဘာလို့ ပွဲစား၊ ကုန်သည်၊ ကိုယ်စားလှယ်ကြီးတွေ မဖြစ်ရတော့တာလဲ။ မမနှင်းရဲ့ ဆွေမျိုးတွေမှာလည်း တစ်ယောက်တစ်လေမှ ကားလုပ်ငန်းနဲ့ မပတ်သက်ကြတော့ပါလား။ သားသမီးဝတ်ထဲမှာ ပါတယ်မို့လား …မွေခံထိုက်စေ ဆိုတာ။ သားသမီးတွေဟာ မိဘတွေ လက်ထက်တုန်းကလောက် လူမှုရေး၊ စီးပွားရေး၊ သာဘာရေး အဆင့်အတန်းတွေ မမှီကြတော့တာ၊ တကယ်က သာတောင်သာရမှာ မဟုတ်လား။ မကြိုးစားကြလို့လား? သဒ္ဓါတရားမရှိကြလို့လား? ဘာတွေများမှားနေပါသလဲ?
ကျမကိုယ်တိုင်ကရော…

အမျိုးသမီး စွမ်းဆောင်ရှင်ကြီးတွေ အခုအချိန်မှာ အသက်ရှင်နေကြဦးမယ် ဆိုရင် မျိုးဆက်သစ်တွေကို…

သင်္ချာ ရာပြည့်

သင်္ချာ ရာပြည့် ကျူရှင် တက်ဖူးသူများ အတွက်လည်း ဆရာ့ကျေးဇူးကို ပြန်ပြောင်းအောက်မေ့ သတိရစေရန်။

ဆရာ ဦးကြည်ဝင်းသည် ကျမတို့ မောင်နှမ အဆက်ဆက်၏ သင်္ချာဆရာဖြစ်ပါသည်။ အစ်ကို အလတ်မှာ Maths Major ယူသဖြင့် သူအတွက်မူ တက္ကသိုလ်မှ ဆရာဖြစ်သည်။ ဆရာ အလုပ်မှအနားယူ သောအခါ ကျူရှင်သင်တန်းဖွင့်သည်။ အစ်ကိုလတ် အိမ်၌ ပြန်လုပ်ပြလေ့ရှိသောကြောင့် ဆရာ့ လေသံ၊ ဆရာ့ ဟန်တို့နှင့် ကျူရှင် မရောက်မီကပင် ရင်းနှီးပြီးဖြစ်သည်။ ရုပ်ရည်ကြည်သန့်သော ဆရာလူပျိုကြီး၏ ကျောင်းသားများကို ဘာသာရပ်၌ စိတ်ဝင်စားစေရန် ချော့တစ်ခါ၊ ခြောက်တစ်လှဲ့ ဟန်မူယာပိုပိုများမှာ မရိုးနိုင်အောင်ရှိတော့သည်။

ကျူရှင်သာဆိုသည် စည်းကမ်း တင်းကြပ်လှသည်။ ကျမ Report Card ကိုကြည့်၍ပင် အကဲခတ်နိူင်သည်။ ကျောင်းခေါ်ချိန်ရှိသည်။ အတန်းတွင်းလေ့ကျင့်ခန်းရှိသည်။ အိမ်စာပေးသည်။ မိန်းကလေးတွေက ရှေ့ဆုံးမှထိုင်ရသည်။ ပြီးမှ ယောက်ျားလေးထဲမှ လူကောင်သေးသူတွေ စသဖြင့် အစဉ်လိုက်ထိုင်ရသည်။

မှတ်မှတ်ရရ ကျမ (၉)တန်းနှစ်မှာ ဖြစ်သည်။ ထိုနေ့က ကျူရှင်၌ မီးပျက်နေသည်။ လွယ်လွယ်လေး ကျောင်းသားတွေကို ပြန်လွှတ်လိမ့်မည် မထင်လေနှင့်။ ဖယောင်းတိုင်နှင့် စာသင်သည်။ ည ရှစ်နာရီ ကျူရှင်ချိန်ပြီးသောအခါ ကျောင်းသား ဦးရေ ရာဂဏန်းကို ရုတ်ရုတ်သဲသဲ မဖြစ်စေရန်၊ စာသင်ခန်းမှာလည်း အပေါ်ထပ်ဖြစ်နေ၍ လှေခါးရှည်ကြီး၌ မှောင်မှောင်မဲမဲထဲ ချော်လဲ အနာတရ မဖြစ်စေရန် နောက်ဆုံးတန်းမှ စ၍ အတန်းလိုက် ကျောင်းဆင်းစေသည်။ ဖယောင်းတိုင်မီးပြရင်း ဆရာရပ် ကြည့်နေ၍ ကြောက်ကြောက်နှင့် ကျမ လျှပ်ပြာပြာ လှမ်းလိုက်ရာ ထိုင်ခုံတန်းရှည်မှာ ဒုန်းကနဲ လဲကျပါတော့သည်။ ကျမလည်း မှောင်နှင့်မဲမဲ မှာ ဘာကိုမှ သတိမရဘဲ ဆက်ထွက်လာမိစဉ် “ခုံလဲကျသွားတာ ပြန်မထောင်ဘူး ကြည့်စမ်း အိမ်မှာလည်း ဒီလိုပဲထားသလား” ဟူသော ဆူသံကြီး ဟိန်းကနဲထွက်လာပါတော့သည်။ ကျမလည်း ရှက်ရှက်နှင့် ထိုင်ခုံကို နေသားတကျ ပြန်ထောင်ပြီး နတ်ပူးဝင်သော အခြေအနေဖြင့် ကျောင်းဆင်းလာခဲ့ကာ ထိုစာသင်နှစ် အတွက်တော့ ထိုနေ့သည် ကျမ၏ ကျူရှင်နောက်ဆုံးနေ့ ဖြစ်ခဲ့ပါသည်။ ဆယ်တန်းနှစ်စ ရောက်တော့မှ ပြန်တက်ခြင်းဖြစ်သည်။

တစ်လမှာ ငွေ တစ်ဆယ်သာ ယူ၍ ဘာသာရပ်၌ တာဝန်အပြည့်ယူရုံသာမက ကျမအား ပစ်စလက်ခတ် မိန်းကလေးတစ်ယောက် မဖြစ်စေရန် ဆုံးမသွန်သင်ခဲ့သော ဆရာပါပေ။

(ဆရာသည် စာသင်ချိန်တွင် ရှပ်အင်္ကျီ အဖြူနှင့် ကျောင်းစိမ်းလုံချည် ကို ခပ်တိုတို အမြဲဝတ်ဆင်ပါသည်။)

ကျွန်မ၏ အကြောင်း

အမှားပါရင် ခွင့်လွှတ်နော် လို့ စလိုက်ရရင်တော့ ဘယ်လိုကြီးလည်း ဖြစ်တော့မှာဘဲ။
ကိုယ့်အကြောင်း ကိုယ်ရေးတဲ့ဟာ..နော်။ (တန်ခူးရေ "ကျွန်မ၏အကြောင်း" ရေးရတာ ခက်ပုံများ ကမ်းကုန်ရော။ )

ကိုယ့်ရဲ့နာမည် - ပထမဆုံး မွေးစာရင်းလုပ်တော့ ကိုယ့်နာမည်က သင်းသင်းခိုင် တဲ့။ အဖေ့ကို ပြိုင်နေတဲ့ တစ်ယောက်က သူ့သမီးကို အဲ့ဒီနာမည်ပဲပေးတော့ အခုလက်ရှိ နာမည်ကို ပြောင်းခဲ့ကြတယ် တဲ့။ ကိုယ့်နာမည်မို့ ပြောတာ မဟုတ်ဘူး သိပ်အေးချမ်းတဲ့ နာမည်လေး။ (ငယ်ငယ်က ကျောင်းပိတ်ရက်မှာ အဖေက တရားရိပ်သာ ပို့ထားတာ တဖက် အခန်းက ယောဂီတွေ၊ ဟို အခန်းက ယောဂီကို ဘာ အတင်းပြောတာလို့ မွှေနှောက်လို့ ရိပ်သာ တာဝန်ခံ လူကြီးတွေက နာမည်နဲ့ လိုက်အောင်နေ လို့ ခေါ်သတိပေးခံရဖူးတယ်။)
ကိုယ့်ကိုသူငယ်ချင်းတွေက ဒီလိုခေါ်တယ် - ကိုယ့်နာမည်ပဲခေါ်ကြတယ်။ (ဟိုလေ Surname ကို ဖြုတ်ခေါ်တယ် လို့ပြောတာ။)

ကိုယ်ဒီမှာနေတယ် - ဇမ္ဗူဒီပါ လက်ယာတောင်ကျွန်းလေ။ (မြောက်ကျွန်းကနေ လွင့်လာတာ။)

ကိုယ့်ဆီ ဖုန်းဆက်ချင်ရင် - ဆိုင်တာတွေရော မဆိုင်တာတွေရော တောင်ရောက်လိုက် မြောက်ရောက်လိုက် ဗာရာဏသီအစချီမှာတွေ သည်းခံနိုင်ရင်တော့ ဆက်သာဆက် မူးနောက်သွားစေရမယ်။
ကိုယ့်ရဲ့ အကြိုက်ဆုံးတွေက
အရောင်ဆိုရင် - စကြိုက်တုန်းက အနီရောင်၊ ကွန်ပါဘူး အနီ၊ ကော်လက်ကောက် အနီ (ကျိုးသွားရင်လည်း အနီရောင်ဘဲ ထပ်ဝယ်ပေးရတာနော်။) သစ်ရွက်လှုပ်ရင် ရင်ခုန်နေတဲ့ အရွယ်တုန်းကတော့ အဖြူနဲ့အပြာ။ အခုတော့ အ၀ါကနေ အညိုထိ spectrum ထဲက အရောင်တွေ။

အ၀တ်အစားဆိုရင် - လွတ်လပ်ပေါ့ပါးတာလေးတွေ ကြိုက်တတ်နေပြီ။

အစားအစာဆိုရင် - ငယ်ငယ်က ဂျီးများသလောက် အခုတော့ ရေသောက်ရတာတောင် ချိုနေလို့။

ပစ္စည်းဆိုရင် - ရိုးရှင်း၊ အသုံးဝင်၊ maintain လွယ်။ (အတိတ်ကံက ကောင်းတော့ ကိုယ့်လက်နဲ့ ထိတာမှန်သမျှ ပျက်လွန်းလို့။)

သီချင်းဆိုရင် - အောင်ခြင်းရှစ်ပါး။

စာရေးဆရာ - သူတို့ပေးလိုတဲ့ စေတနာကောင်းလေးတွေကို ခံစားမိရသည့် စာရေးသူတိုင်း။
စာအုပ် - ဖတ်ပါတယ်။ တခါတခါများ ထမင်းဆာသလိုဆာလို့ တစ်အုပ် အုပ်ဖတ်လိုက်ရမှ နေသာထိုင်သာရှိသွားတယ်။
Life style - တစ်နေ့ (၈)နာရီ မအိပ်ရရင် ငိုချင်တယ်။
ကိုယ့်ရဲ့ဝါသနာ - အထုံဝါသနာ မပေါ်လွင်ပါ။ (စွဲစွဲမြဲမြဲလုပ်ရတာဆိုရင် အားဆေးတောင် မသောက်ပါ။)အလိုချင်ဆုံးလက်ဆောင် - လိုချင်တယ်။ လိုချင်တယ်။ သေလောက်အောင် လိုချင်တယ်။ ရလည်းရရော မလိုချင်တော့ဘူး။ (ဖြစ်ဖူးကြပါသလားဟင်။) တဖက်လှည့်နဲ့ ဘယ်လို ပြန်ထုတ်ရမလဲ ခေါင်းခြောက်ရပြန်ရော။ ကိုယ့်ရဲ့အချစ်ဆုံးသူက - ရှာနေတုန်း။ (တလွဲမထင်ပါနဲ့။ ကိုယ့်ကိုယ်ကို အချစ်ဆုံးလို့ ကြားဖူးလို့ ဟုတ်မဟုတ် ဆန်းစစ်နေတုန်းပါ။)

ကိုယ့်ရဲ့အလေးစားဆုံးသူက - မြတ်ဗုဒ္ဓ။

ကိုယ့်ရဲ့အခင်ဆုံးသူငယ်ချင်းက - သူငယ်ချင်းတိုင်း တန်းတူပါဘဲ။

ကိုယ့်ကို အများဆုံးနားလည်မှုပေးနိုင်သူက - အနီးဆုံးလူလေ။

ကိုယ့်ရဲ့အမုန်းဆုံးသူက - မုန်းရမှာ ကြောက်ပါတယ်။
ရင်အခုန်ဆုံးအချိန် - heart beat မမှန်တာ မွေးရာပါ။ ယဲ့ယဲ့လေးနော်။ ရင်တွေ အရမ်းခုန်အောင် မလုပ်နဲ့ နောက်မှ နောင်တရနေရမယ်။
အကြောက်ဆုံးအချိန် - အသိဉာဏ်တရားကင်းလွတ်ချိန်။
အမှတ်တရနေ့  - အစွဲအလန်းကြီးသူ မဖြစ်လိုပါ။

ဆုတောင်းတိုင်းသာ ပြည့်မယ်ဆိုရင် တောင်းမဲ့ဆု - အခါအားလျော်စွာ တောင်းပါရစေနော်။

အချစ်ဆိုတာ - မရေးတတ်လို့ သူများရေးထားတာလေး link ပေးပါရစေ။
အမုန်းဆိုတာ - မသိလိုပါ။

အလွမ်းဆိုတာ - ကိုယ့်ကိုယ်ကိုမှ မပိုင်တော့၊ အလွမ်းစေရာ မျှော၍သာ မျောလိုက်ကာ၊ မျက်ရည်တွေနဲ့ နစ်ဦးမှာ။ (ဝေါင်ဝေါင်ရှေး၊ ဝေးဝေးရှောင်။)

သံယောဇဉ်ဆိုတာ - အစိမ်းမဟုတ်အကျက် ဖြတ်ရမည့်အရာ။

ဘ၀ဆိုတာ - စိတ်ဝင်တစား လေ့လာစရာပါ။

သူငယ်ချင်းဆိုတာ - ဓာတ်သဘောတွေ ဆက်သွယ်မှုရှိလို့၊ သူတော်ချင်းချင်း၊ သတင်းလွေ့လွေ့၊ ပေါင်းဖက်တွေ့ရတာလေ။
ချစ်သူဆိုတာ - signal တွေ ဖမ်းကြည့်။ ကိုယ့် formula နဲ့ ကိုယ်စစ် ဒီလောက်ပဲ ပြောချင်တယ်။
ကိုယ့်ကိုယ်ကို ဒီလိုထင်တယ် - ကိုယ့်ကိုယ်ကို သိပ်ချစ်တယ်။ (ငယ်ငယ်တုန်းက စာမရလို့ အဆူခံ ရမှာတောင် ကြောက်လို့ ကျောင်းအ၀င်ခြေလှမ်းတိုင်း ဆရာတွေကို မေတ္တာပို့တယ်။ အခုတော့ ကိုယ့်ကို သဘောထားကြီးသူ၊ အေးချမ်းသူ၊ စိတ်ကောင်းရှိသူ အထင်ခံချင်လွန်းလို့ ပြုံးထားရတဲ့ မျက်နှာကြီးက မျက်စိပေါက်တောင် မရှိချင်တော့ဘူး။ မုန်းစရာကြီး။) အတ္တကြီးတယ်။ ဒေါသကြီးတာလေးပါ အဆစ်ထည့်လိုက်။

ကိုယ့်ရဲ့လက်ဆွဲဆောင်ပုဒ်က - ငါလိုသေးတယ်။

အပြောချင်ဆုံးစကားတခွန်း - မေတ္တာ၊ ကရုဏာ၊ ဥပေက္ခာ၊ မုဒိတာ ဆိုတဲ့ atmosphere ထဲမှာ ကျင်လည်ရင်း ဉာဏ်ကြီးအောင် ကြိုးစားကြရအောင်နော်။

ကျေးဇူးတင်ပါတယ်ရှင်။

ထိုနှစ်ယောက်

မိဘများ အနေနှင့် သားသမီးတို့၏ ပညာရေးကို အလေးထားတတ်ကြခြင်းသည် အထူးပြောစရာ မလိုသော အချက်ပင်ဖြစ်သည်။ သားသမီးတို့ ဆွတ်ခူးသည့် အောင်ပွဲများကိုလည်း ကြည်နူး ကျေနပ်တတ်ကြပါသည်။
...............
အဖေသည် ကျမတို့ မောင်နှမများကို ကျောင်းပို့ကျောင်းကြိုနေ့တိုင်း မလုပ်သော်လည်း စာမေးပွဲရက်များနှင့် မိုးချုပ်သော ကျူရှင်ချိန်များကိုတော့ မပျက်မကွက် ကြိုပို့တတ်သည်။ သို့သော် ဆုပေးပွဲနှင့် ယှဉ်တွဲလုပ်သည့် မိဘဆရာ အသင်း အစည်းအဝေးပွဲများကိုတော့ တစ်ခါဘူးမှ မတတ်ရောက်စဖူး။ (အမေသာ သူ့ သားသမီးတွေ ထည်လည်းနှင့် ထိုပွဲမျိုးနွဲခြင်းဖြစ်သည်။) အဆုံးစွန်ဆုံး ဘွဲ့နှင်းသဘင် အခန်းအနားမျိုးတွင်လည်း ဘယ်တော့မှ အထဲမ၀င် အပြင်တွင်သာ ဓါတ်ပုံရိုက်ခံပြီး ပြန်တတ်သည်။ ပထမတစ်ယောက် အလှည့်လည်းမ၀င်၊ ဒုတိယတစ်ယောက် အလှည့်မှာလည်းမ၀င်။ သူ့ကိုမေးတော့လည်း "အထဲမှာ အကြာကြီးထိုင်ရမှာ အဖေ အအိုက်မခံနိုင်ဘူး" ဟုသာ ပြောတတ်သည်။ တတိယ တစ်ယောက် အလှည့်ကျတော့လည်း ကာယကံရှင်က အမျှော်လင့်ကြီး မျှော်လင့်သည်။ သူက M. B, နဲ့ B. S ကိုယူမှာကိုး … သို့သော်လည်း အဖေ့ဘက်ကတုန့်ပြန်မှုကတော့ ရှေးနည်းအတိုင်း။ ဓါတ်ပုံတွေထဲတွင်လည်း ရွှင်ရွှင်ပျပျ မရှိလှ သဖြင့် ကျမတို့ မောင်နှမများကြားတွင် “ဘာကြောင့်လဲ? ဘာအတွက်လဲ?” ဟူသော မေးခွန်းများဖြင့်သာ နောက်လူတွေရဲ့ အလှည့်တွေမှာတော့ မမျှော်လင့်ကြတော့ပါ။

အသက်မွေး ၀မ်းကျောင်းဖို့ရန်အတွက် ပင်ပင်ပန်းပန်း ဆင်းဆင်းရဲရဲ ဖြတ်သန်းခဲ့ရသည့် သူ့ဘ၀ကို ငြီးတွားသည့်အသံ အဖေ့ထံမှ ကြားရခဲသော်လည်း၊ ထမင်းစားရေသောက် ပညာလောက်သာ တတ်ခဲ့ရခြင်းကိုတော့ မချဉ့်မရဲ ဆိုသလို မကြာခဏ ငြီးတွားတတ်သည်။ အခြေအနေပေးသလောက်ကို ရိုရိုသေသေ၊ လေးလေးစားစား ခံယူခဲ့သည်မှာတော့ အလွန်သေချာသည်။ ပရိတ်ကြီး(၁၁)သုတ်ကို ကျမ စာအုပ်ကြည့်၍ ပူဇော်သော အခါမျိုးတွင် သူက ဘေးမှ အလွတ်ပူဇော်သည်။ ကျမ၏အသံထွက် အမှားများ ပြင်ပေးတတ်သည်။ ဘယ်နေ့သားက ဘာစီးပွားရေးမျိုး လုပ်သင့်သည်။ ဘယ်နေ့သားနဲ့ ဘယ်နေ့ သမီး အိမ်ထောင်ပြုလျှင် သင့်မြတ်သည်။ ကလေးနံမည် အညွန့်တတ်အောင် ဘယ်လိုမှည့်မည် အစရှိသည့် ဗေဒင် ဂါထာများကိုလည်း အကြောင်းသင့်လျှင် နှုတ်တတ်ရွတ်သည်။ ဘယ်ဟာက ဘယ်ဆရာဘုန်းကြီးက သင်ပေးတာဟုလည်း သူ့ဆရာသမားများကို အလျဉ်းသင့်သလို သတိရတတ်သည်။ သူ့ကုန်သည် အရင်းအခြာကြီးတွေဆီ နေ့တိုင်းလိုလို စာရေးသည် (အနည်းဆုံးတော့ လျှောက်လွှာစာရွက်သုံးမျက်နှာ)။ တနေ့စာအတွက် အလုပ်ငွေစာရင်း မချုပ်ရသေးသ၍တော့ အိပ်လိမ့်မည် မထင်လေနှင့်။

တခါတော့ … “အဖေတို့ ပညာမတတ်လို့ပါ သမီးရာ၊ ပညာများတတ်လို့ကတော့ ဘယ်သူ့မှ အဖေ မကြောက်ပါဘူး။ မတတ်တာကလည်း အခြေအနေ မပေးလို့ပါ။ ဒါပေမဲ့ ဘယ်သူနဲ့ ဘယ်လို စကားမျိုးပြောရမယ်ဆိုတာ အဖေသိပါတယ်။ အခုခေတ်ကြီးထဲမှာတော့ သိုင်းကျူး၊ ရက်၊ နိုး လေးမှ မပြောနိုင်တော့ လူတောလည်း မတိုးချင်တော့ပါဘူးကွာ။” ဟု ဆိုလေရာ အမေ့ဆီမှ “နင်တို့အဖေက နင်တို့ မောင်နှမတွေကို မနာလိုဖြစ်နေတာဟေ့” ဟူ၍ အဖေ့ကို မျက်စောင်းထိုးရင်း ပြောလိုက်သော အသံကြားမှပင် ကျမတို့လည်း တစ်ချိန်တခါဆီက သံသယတို့ကို “သြော်.. အဖေရယ်” ဟု ငြီးတွားရင်းသာ မေ့ဖျောက်ပစ်လိုက်ကြကုန်လေရာ၏။
...............
အမေကတော့ သူ့နာမည် နှစ်လုံးကိုပင် ဖြောင့်အောင်တန်းအောင် အတော်လေး အားစိုက်ရေးရသူ ဖြစ်သည်။ မှတ်မိပါသေးသည်။ ကျမကို ရပ်ကွက်ထဲက မူလတန်းကျောင်းလေးမှာ သူငယ်တန်းအပ်တော့ ဆရာကြီး ဦးအေးကြည် ရုံးခန်းထဲမှာ ကျမရယ်၊ အမေရယ်၊ ဆရာကြီးရယ်။ အမေဈေးသွားလျှင် ကျမတို့ ညီအမတွေထဲမှ တစ်ယောက်ယောက်က ဈေးခြင်းတောင်းဆွဲ လိုက်ရသည်။ ကျမအထက်က အမ တက္ကသိုလ်တက်တော့ ခြင်းဆွဲတာဝန် ကျမဆီကျသည်။ ဈေးရောင်းဈေးဝယ် အမေ့မိတ်ဆွေတွေက မျက်နှာသစ်ကျမကို မြင်တော့ “ဟိုသမီးလေးကော”လို့ အလာပ သလာပ စကားစလိုက်ပြီ ဆိုရင်ဖြင့် “မီးမီးလား၊ မီးမီး ပလယ်တီကယ်ရှိလို့ စောစောသွားရတယ်လေ”ဟု ဟန်ပါပါဖြင့် ဖြေပါလေတော့သည်။ အမေ၏ အသံထွက် အမှားများကို အလယ်တန်းကျောင်းသူ ကျမ မျက်နှာပူပူနှင့် ဈေးခြင်းဆွဲရင်း နေ့တိုင်းလိုလို ရင်ဆိုင်ခဲ့ရသည်။ တခါတော့ အမေသည် သူ့ရင်ဘတ်မှ အသားပို အဖုကို ဆေးရုံကြီး အရေပြားဌာန၌ ဆေးထိုးနေရ၏။ ဆေးထိုးရန် ရက်ချိန်းကျသည့် အင်္ဂါ တနေ့၌ ကျမနှင့် အငယ်မတို့ အမေနှင့် အဖော်လိုက်ခွင့်ရကြသည်။ သားအမိတွေ ဘတ်စကားဂိတ်ကို လမ်းလျှောက်ရင်း လမ်းတ၀က်ရောက်မှ အမေထိုးရမည့် ဆေးပုလင်း ပါမလာကြောင်းသိကြသည်။ အပြစ်ရှိသူ ကျမတို့နှစ်ယောက် အိမ်ပြန်ပြေးပြီး မြန်မြန်ယူရန် “အမေ ဆေးပုလင်းက ဘယ်နားမှာလဲဟင်” ဟု မျက်နှာငယ်လေးနှင့် မေးမိသည်။ “ငါ့အိပ်ယာဘေးက စင်ပေါ်မှာ၊ ကနယ်ကော့ လေ နင်တို့ စာ မဖတ်တတ်ကြဖူးလား” ဟူသတည်း… ပြောပြီးမှ သူ့ဖာသူ ပြုံးဖြီးဖြီးဖြစ်သွားသည်။ ကျမတို့နှစ်ယောက်လည်း တခွီးခွီးရယ်ရင်း အိမ်ဖက်တချိုးတည်း ပြေးကြလေတော့သည်။

ကျမတို့ဘယ်လိုမှ လိုက်မမှီအောင် စည်းစနစ်ကောင်းလှသော ဖခင်ကြီး သိမ်းဆည်းထားသည့် ကျမ ဆယ်တန်းနှစ်က ကျူရှင်Report Card

နောက်ပြီးကျမမှာကြွားစရာကလည်း ဒါလေးတွေပဲရှိလို့ပါ။
သင်္ချာ ရာပြည့် ကျူရှင် တက်ဖူးသူများ အတွက်လည်း ဆရာ့ကျေးဇူးကို ပြန်ပြောင်းအောက်မေ့ သတိရစေရန်၊ အမှတ်တရလေးများ နောက် Post တစ်ခုရေးပါရစေ။

သူငယ်ပြန်နေတယ်

24.08.2008 Sunday
အဲ့ဒီနေ့ကပေါ့
မိုးလင်းကတည်းက
ခန္ဓာကိုယ်ကြီးက ဘာမှမလုပ်ချင် မကိုင်ချင်ဘူး
စိတ်ထဲကတော့ လုပ်ချင်တာတွေ တခုပြီးတခု
တန်းစီပြီးပေါ်လာနေလိုက်တာ
လိုက်သိရတာတောင် အလျဉ်မမှီချင်ဘူး
ရင်ထဲကလည်း ကတုန်ကယင်နဲ့

ဒီလောက်ကြီးထိ ငါ..မဟုတ်သေးပါဘူး
ကော်ဖီသောက်မိလို့ များလား
ကော်ဖီနဲ့ လုံးလုံးမတည့်တော့ဘူးထင်တယ်
မခံစားနိုင်တော့ဘူး ရင်ထဲက လှိုက်ဖိုမောတဲ့ ဒီဒဏ်

ဟူး… စောင့်မျှော်ရတဲ့ အလုပ် တကယ်မောပါလား
ဘယ်လိုများပါလိမ့်...
ဒီကြားထဲကပဲ တစ်ကိုယ်တော် အလိုလို ရယ်ချင်နေမိသေး

11:45pm
သိပ်ကို ပင်ပန်းနေပြီကွာ
ခြေတွေ လက်တွေ မသယ်ချင်တော့ဘူး

12 midnight
လေယာဉ်ဆိုက်ပြီ
ဟော..လာပြီ..လာပြီ
..အော်..လက်တွန်းလှည်းပေါ်မှာ
ပုံ့ပုံ့လေး ထိုင်လို့ရယ်

Taxi ပေါ်ရောက်တော့
အချစ်ဦးကိုရင်ခွင်ထဲဆွဲထည့်ထားလိုက်တယ်။
အဟား.. အခုတော့လည်း
အချစ်အတွက် တဖန်မွေးဖွားခဲ့သလိုပါလား
အီးးးးယားးးးးးးးး (မြန်မာလို cheers!!!!!!!!)

(အမေ့ကို လေဆိပ်မှာ သွားကြိုတာ)

အတ္တရုပ်ကြွင်းအား တူးဆွခြင်း

ငါဟာ …
ဘတ်စ်ကားတစ်စီးပေါ်ကို တိုးဝှေ့တက်နေတဲ့
လူအုပ်ထဲက လူတစ်ယောက် ဖြစ်ခဲ့ဖူးတယ်။
မျှော်လင့်ချက်တွေနဲ့ ခရီးတစ်ခုကို ချီတက်နေတဲ့
လူအုပ်ကြီးထဲက လူတစ်ယောက်ဖြစ်နေတယ်။
သေခြင်းတရားဆီကို တရွေ့ရွေ့ခရီးနှင်နေတဲ့
လောကကြီးထဲက လူတစ်ယောက် ဖြစ်တယ်။

ငါဟာ …
နံနက်ခင်းရဲ့ နေခြည်နုနုလေးကို ခံစားတယ်။
ကျေးငှက်လေးတွေရဲ့ တေးသီသံကို သာယာတယ်။
မိုးစက်တွေ ထိမှန်ထားတဲ့ မြေသင်းရနံ့ကို ရှူရှိုက်တယ်။
အိပ်မက်ရထားနဲ့ ကြယ်တာရာတွေဆီလည်း ခရီးနှင်တယ်။
လောကကြီးကို ငါ့ရဲ့ ပြူတင်းတံခါးတွေကနေ သိရှိခံစားတယ်။

ငါဟာ …
နေခြည်နုနုလေးထဲမှာ
တေးသီငှက်လေးတွေရဲ့ ဂီတထဲမှာ
မြေသင်းရနံ့တွေအကြားမှာ
ကြယ်တာရာတွေရဲ့ အလယ်မှာ ရှိနေခဲ့ဖူးတယ်။

တကယ်တော့ ငါဟာ …
ငါ့ရဲ့ ပြူတင်းတံခါးတွေကနေ ပစ်လွှတ်ဖန်ဆင်းထားတဲ့
လောကကြီးသာဖြစ်တယ်။

ငါသာ မရှိခဲ့ရင် …
နေရောင်ခြည်တွေလည်း သာနိုင်မှာ မဟုတ်ဘူး။
ကျေးငှက်တွေလည်း တေးသီမှာ မဟုတ်ဘူး။
မြေသင်းနံ့ ဝေးလို့
ဒီပထ၀ီမြေကြီး, ကြယ်တာရာတွေနဲ့,
လောကကြီးတစ်ခုလုံးတောင်မှ ဖြစ်တည်နိုင်မှာ မဟုတ်ဘူး။

ငါ့အတွက် ငါဟာ လောကကြီးနဲ့အတူ တည်ရှိနေတယ်။
ငါဟာ ငြင်းပယ်လို့မရတဲ့ အမှန်တရားဖြစ်တယ်။

မင်းဟာ …
လောကကြီးတစ်ခုလုံးကို
မင်းရဲ့ ပြူတင်းတံခါးတွေကနေ ဆွဲထုတ် ဖန်ဆင်းခဲ့လို့ …
အနှစ်မဲ့ ဟင်းလင်းပြင် တစ်ခုသာဖြစ်တယ်။
မင်း တည်ဆောက်ထားတဲ့ လောကကြီးရဲ့…
ပုံရိပ်တစ်ခု, အိပ်မက်တစ်ပုဒ်သာ ဖြစ်တယ်။

မင်းဟာ … 
ကိုယ်တိုင်ရေး ဇာတ်လမ်းတစ်ပုဒ်ကို
ဖတ်ရှုခံစားရင်း ငိုကြွေး, ရယ်မောလိုက်နဲ့
ရူးသွပ်နေသူ တစ်ဦးသာဖြစ်တယ်။

မင်းဟာ …
ဘတ်စ်ကားပေါ် တိုးဝှေ့တက်နေတဲ့ လူအုပ်ထဲမှာ၊
မျှော်လင့်ချက်တွေနဲ့ ရုန်းကန်နေတဲ့ လူအုပ်ကြီးထဲမှာ၊
သေခြင်းတရားဆီကို တရွေ့ရွေ့ခရီးနှင် နေတဲ့ လောကကြီးထဲမှာ၊
မင်းရဲ့ ရှုးသွပ်မှုကို မေ့လျော့နေခဲ့တယ်။

ဧရာ (မန္တလေး)

အကြောင်းအမျိုးမျိုးကြောင့် ပြီးဆုံးအောင် မရေးနိုင်သေးတဲ့ စာတမ်းတစ်ခု အတွက် အဓိကရေးချင်တဲ့ အကြောင်း အချက်တွေကို ခပ်တိုတိုပဲ ကဗျာပုံစံနဲ့ ဖြစ်ဖြစ် ရေးမယ်လို့ စိတ်ကူး ခဲ့ပါတယ်။

အကျဉ်းချုပ်အနေနဲ့တော့
(၁) ပုထုဇဉ် = လူတွေထဲက လူ
(၂) သိခြင်း
(၃) ရှိခြင်း
(၄) ငါ = လောက
(၅) ငါ = Nothingness
(၆) ငါ = အထင်
(၇) ပုထုဇဉ် = အရူး
ဆိုတဲ့ အချက် (၇) ချက်ကို ရေးထားပါတယ်။

အနူးအညွတ် တောင်းပန်ပါသည်။

photo slide show လေးတင်ချင်လို့ flickr account က ပုံတွေကို တင်တာ အဆင်မပြေပဲ post အဖြစ်တက်သွားလို့ delete ပြန်လုပ်လိုက်ပါတယ်။ link ချိတ်ထားတဲ့ သူငယ်ချင်းတွေ sorry နော်။

very sorry ပြောပြီးပြေးလည်း

တို့က ကြည်ဖြူ

I LOVE YOU

Postcard ပေါ်က မောင်ပန်းမွှေးရဲ့ ကဗျာလေး လိုပေ့ါနော်...

သားကြီး (၁၀)နှစ်ပြည့်

ဤမိသားစု၌ အထိမ်းအမှတ်ပွဲများ ကျင်းပခြင်း အလေ့အထ မရှိသော်လည်း ၀ါဆိုလဆန်း (၆)ရက်နေ့တွင် မွေးသော အဖေသည် ထိုရက် ၀န်းကျင်၌ ၀ါဆိုသင်္ကန်းကပ်ရန် စီစဉ်လေ့ရှိသည်။ ပြာသိုလထဲ မွေးသော အမေ မှာတော့ သူ့မွေးနေ့ကို မသိရှာပါလေ။

ဤမိသားစု၌ ပထမဆုံး မှတ်မှတ်ရရ ကျင်းပသော မွေးနေ့ပွဲမှာ စတုတ္ထမြောက်သား၏ (၂၅)နှစ်မြောက် မွေးနေ့ဖြစ်သည်။ တစ်ခုသော မေလ၏ တတိယပတ် စနေနေ့တွင် ဖြစ်သည်။ မွေးနေ့ရှင်၏ အစီအမံအတိုင်း ပင့်သံဃာ (၂၅)ပါးကို နေအိမ်၌ နေ့ဆွမ်း ဆပ်ကပ်ပြီး ပိဋကတ်သုံးပုံ စာအုပ် တစ်စုံ သံဃာအား လှူဒါန်းသည်။ သူ၏ သူငယ်ချင်းများ ယောက်ျားလေးရော၊ မိန်းကလေးပါ စုံစုံညီညီ တတ်ရောက်ခဲ့ကြသည်။ မွေးနေ့ရှင်က သူ Scholarship ဆုကြေးရထားတဲ့ စုငွေတွေနဲ့ ဒီပွဲကို စီစဉ်ခဲ့ခြင်းဆိုဘဲ။

သူ့အောက်က ညီမလည်း ရှေ့က ဥပမာကောင်းကို အားကျလေတော့ သူ့မုန့်ဖိုးတွေကို ကြိုစုလေသည်။ နောက် လေးနှစ်အကြာ မတ်လ၏ တတိယပတ် စနေနေ့တွင် သူ့ရဲ့ (၂၅)နှစ်မြောက် မွေးနေ့ကို ရှေးနည်းအတိုင်း သံဃာ (၂၅)ပါးကို နေအိမ်သို့ ပင့်ဖိတ်၍ နေ့ဆွမ်း ဆပ်ကပ်နိုင်ခဲ့ပါသည်။ ပိဋကတ်သုံးပုံတော့ မပါနိုင်ရှာတော့။

သူ့အောက်က အငယ်မကလည်း ရှေ့က ဥပမာကောင်းများကို အားကျပါလေသည်။ သို့သော် … သူ့၌ စုငွေဆိုတာ ဗလာနတ္တိ။ (မိမိ)

ဤမိသားစု၌ ၀ါဆိုသင်္ကန်း ဆပ်ကပ်သည့် အလေ့အထ နှစ်စဉ်နှစ်တိုင်း မပျက်ကွပ်သော်လည်း၊ ငွေရတု မွေးနေ့ပွဲလေးများ ကျင်းပခြင်းမှာမူ တပိုင်းတစနှင့် တိမ်မြုပ်ပျောက်ကွယ် ခဲ့ရလေတော့သည်။

သားကြီး (၁၀)နှစ်ပြည့် မွေးနေ့ အမှတ်တရ
ဆွေမျိုးများနှင့် နီးနီးစပ်စပ် လက်ပွန်းတတီး နေထိုင်ခွင့် မရရှာသော သားတို့အတွက်
ဘဘဌေးနဲ့ ကြီးမိုးကို အတု ယူရမယ်နော်။ အစဉ်အလာကောင်းများ ထိန်းသိမ်းနိုင်ကြပါစေ။

Freethinkers နှင့် မြတ်ဗုဒ္ဓ

“လွတ်လပ်စွာ တွေးခေါ်မှု”ကို ဘာသာရေး၏ ဆန့်ကျင်ဖက်ဟု လက်ခံကြသောကြောင့် လွတ်လပ်စွာ တွေးခေါ်လိုသူ အချို့က ဘာသာတရားကို ဆန့်ကျင်ကြသည်။ ဘာသာမဲ့ အချို့ကလည်း လွတ်လပ်စွာ တွေးခေါ်သူများဟု အမည်ခံကြသည်။ စင်စစ် ဘာသာတရား ကင်းမဲ့ခြင်းမျှသည် လွတ်လပ်စွာ တွေးခေါ်ခြင်း မဟုတ်။ ကြောက်၍ လက်ခံရခြင်းဟူသော ဘယာဂတိ၊ မသိနားမလည်ပဲ တွေဝေသော မောဟာဂတိ၊ မိမိအကြိုက်လိုက်၍ တွေးခေါ်သော ဆန္ဒာဂတိ၊ အမုန်းတရားဖြင့် ရှုမြင်သော ဒေါသာဂတိ စသည့် အဂတိတရား လေးပါး ကင်းအောင် တွေးခေါ်မှသာ လွတ်လပ်စွာ တွေးခေါ်ခြင်း ဖြစ်သည်။ ဗုဒ္ဓဘာသာသည် လွတ်လပ်စွာ တွေးခေါ်မှုကို အလေးပေးသော ဘာသာတစ်ရပ် ဖြစ်သည်။

ဗုဒ္ဓမြတ်စွာနှင့် ထိုခေတ်က freethinker တစ်ဦးတို့၏ တွေ့ဆုံခန်းကို မဇ္ဈိမနိကာယ် ဒီဃနခသုတ္တန်တွင် တွေ့နိုင်သည်။ အနောက်တိုင်းတွင် ခရစ်ယာန်တို့၏ သမ္မာကျမ်းစာများ၊ ဘုရားကျောင်းများကို ဆန့်ကျင်သော freethought လှုပ်ရှားမှု ပေါ်ပေါက်ခဲ့သည့် နည်းတူ၊ မဇ္ဈိမဒေသခေါ် အိန္ဒိယနိုင်ငံတွင်လည်း ဗြာဟ္မဏတို့၏ ဝေဒကျမ်းစာများ၊ ယဇ်ပူဇော်ခြင်းများကို ဆန့်ကျင်သော လှုပ်ရှားမှု ပေါ်ထွန်းခဲ့သည်။ သမဏ ခေါ် ရဟန်းများ, ပရိဗ္ဗာဇက ခေါ် တစ်နေရာမှ တစ်နေရာ လှည့်လည်၍ တရားရှာဖွေသော ပရိဗိုဇ်များသည် ထိုခေတ်၏ thinkers များဖြစ်ကြသည်။

“ဒီဃနခ”သည် ပရဗိုဇ်တစ်ဦးဖြစ်သည်။ ဒီဃနခဟူသော အမည်သည် အမည်ရင်း ဟုတ်ဟန် မတူ။ “လက်သည်းရှည်”ဟု အဓိပ္ပါယ်ရ၍ လက်သည်းအရှည်ထားသော ပရိဗိုဇ်တစ်ဦး ဖြစ်ပေလိမ့်မည်။ အရှင်သာရိပုတ္တရာ၏ တူတော်စပ်သဖြင့် အရှင်သာရိပုတ္တရာ၏ ယခင်က ဆရာဖြစ်ခဲ့ဖူးသော သိဉ္ဇည်းဆရာ၏ ဂိုဏ်းမှ ပရိဗိုဇ်တစ်ဦး ဟုလည်း ခန့်မှန်းရ သည်။ မြတ်စွာဘုရားသည် ရာဇဂြိုဟ်ပြည်အနီးရှိ ဂိဇ္ဈကုဋ်တောင် လှိုဏ်ဂူတစ်ခုတွင် သီတင်းသုံးနေစဉ် ဒီဃနခ ရောက်လာခြင်းဖြစ်သည်။ နှုတ်ဆက်စကား အနည်းငယ် ပြောကြားပြီးနောက် ဒီဃနခက မိမိသည် “အယူအားလုံးအား (မနှစ်သက်) လက်သင့်မခံ”ဟု ဆို၏။ ယနေ့ခေတ် ဘာသာတရား မယုံကြည်သူ အများအပြားသည် ဤသို့ နှင်နှင်သော အယူအဆရှိ ကြသည်။ ဒီဃနခသည်သာ ယနေ့ခေတ်တွင် ရှိပါက မိမိကိုယ် မိမိ freethinker အဖြစ် ကင်ပွန်းတပ်ကောင်း တပ်ပေ လိမ့်မည်။ ဗုဒ္ဓက “အဂ္ဂိဝဿန (ဒီဃနခ၏ မျိုးရိုးအမည်)… ဤသို့ဆိုက ‘အယူ အားလုံးအား လက်သင့်မခံ’ ဟူသော အယူကိုလည်း လက်မခံနိုင်ပါ သလော”ဟု မေးခွန်း တုန့်ပြန်၏။ ဗုဒ္ဓက ဒီဃနခ၏ အဆိုသည် အချင်းချင်း ၀ိရောဓိ ဖြစ်နေသည်ကို ထောက်ပြ လိုက်ခြင်းဖြစ်သည်။ “ငါ ပြောသမျှအားလုံး အမှားချည်း ဖြစ်သည်”ဟူသော အဆိုကဲ့သို့ ဒီဃနခ၏ စကားသည် အဓိပ္ပါယ်ဆန့်ကျင်ဖက် ဖြစ်နေသည်။ ဒီဃနခကလည်း ထိုအချက်ကို ရိပ်မိသည်။ “လက်ခံသည်ဟု ဆိုပါက (အခြား အယူရှိသူတို့နှင့်) အတူတူပင် ဖြစ်နေပါလိမ့်မည်” ဟု ဆို၍ မိမိ စကား၏ ချို့ယွင်းချက်ကို ဖုံးကွယ်ကာ မိမိ အယူအဆအား ဆက်လက် ဆုပ်တွယ် ထား၏။

လောကတွင် မိမိ၏ အယူအဆ၌် အချင်းချင်း မညီမညွတ် ၀ိရောဓိရှိနေသည်ကို ရိပ်မိကြသော်လည်း၊ မိမိ၏ အယူကိုလည်း မစွန့်လွတ်, အခြားသော အယူတစ်ပါး အားလည်း စွဲလမ်းနေကြသည်သာ များ၏။ မိမိ၏ အယူအား စွန့်လွတ်၍ တစ်ပါးသော အယူအားလည်း မစွဲလမ်းသူတို့သည် အလွန်နည်းပါး ကြ၏။

အယူဝါဒများနှင့်စပ်၍ အချို့သည် (၁) အားလုံးအား နှစ်သက် လက်ခံ၏။ အချို့က (၂) အားလုံးအား မနှစ်သက်။ အချို့ကား (၃) အချို့ကို နှစ်သက်၍ အချို့ကို မနှစ်သက်။ ဤသုံးမျိုးတို့တွင် အားလုံးအား နှစ်သက်သော ပထမအယူသည် တပ်မက်ခြင်း, အစွဲအလမ်း, အနှောင်အဖွဲ့တို့နှင့် နီးစပ်၏။ အားလုံးအား မနှစ်သက်ဟူသော ဒုတိယအယူသည် တပ်မက်ခြင်း, အစွဲအလမ်း, အနှောင်အဖွဲ့တို့ ကင်းခြင်းနှင့် နီးစပ်၏။ ဗုဒ္ဓက ဤသို့ မိန့်ကြားသောအခါ ဒီဃနခပရိဗိုဇ်သည် “အရှင်ဂေါတမသည် မိမိ၏ အယူဆအား ချီးမွမ်းပေ၏” ဟု ၀မ်းသာအားရ ဖြစ်လေသည်။

ဘာသာအယူဝါဒတို့အပေါ် စွဲလမ်းဆုပ်တွယ်ထားခြင်းထက် လွတ်လပ်စွာ တွေးခေါ်ခြင်းသည် အနှောင်အဖွဲ့ကင်းသည်။ စိတ်ဖိစီး လွမ်းမိုးခံရမှု ကင်းသည်။ သို့သော် အမှန်တကယ် လွတ်လပ်စွာ တွေးခေါ်ခြင်းမဟုတ်ပဲ၊ အခြားသော အယူဝါဒ အားလုံးတို့အား ငြင်းပယ်မှုကိုသာ ရှေ့တန်းတင်၍၊ “ဤအယူသာ မှန်၍ အခြားအယူတို့သည် အချည်းနှီးတည်း” (ဣဒမေ၀ သစ္စံ, မောဃမညံ)ဟု တရားသေ ဆုပ်ကိုင်လိုက်ပါက ၀ိဝါဒကွဲပြားခြင်း၊ အငြင်းပွား ရန်များခြင်းတို့၏ အကြောင်းသာ ဖြစ်ပေမည်။ ထို့ကြောင့် ထိုသို့ တထစ်ချ ဆုံးဖြတ်ခြင်း မပြုပဲ အယူဝါဒ အနှောင်အဖွဲ့တို့မှ ကင်းအောင် တွေးခေါ်သူတို့ကိုသည်သာ ဗုဒ္ဓ သဘောကျ, ချီးမွမ်းသော freethinkers များဖြစ်လေသည်။

ထို့နောက် ဗုဒ္ဓမြတ်စွာသည် ဒီဃနခအား ရုပ်ကမ္မဋ္ဌာန်းနှင့် ဝေဒနာကမ္မဋ္ဌာန်းတို့ကို ဆက်လက် ဟောကြားတော်မူသည်။ ဒီဃနခ၏ ဦးရီးတော်ဖြစ်သော အရှင်သာရိပုတ္တရာသည် ဗုဒ္ဓမြတ်စွာအား ယပ်ခတ်ပေးနေရင်း၊ တရားနာကြားခွင့် ရ၏။ ထိုစဉ်က ရဟန်းသက် သီတင်းနှစ်ပတ်မျှနှင့် သောတာပန်အဆင့်တွင်သာ ရှိသေး၏။ တရားတော်ကို နာကြားရင်း တရားသဘောတို့ကို အဖန်ဖန် ဆင်ခြင်၍၊ အရှင်သာရိပုတ္တရာသည် အာသဝေါကုန်ခမ်း ရဟန္တာဖြစ်လေသည်။ ဒီဃနခသည်လည်း မှားယွင်းသောအယူ (မိစ္ဆာဒိဋ္ဌိ) နှင့် သို့လော သို့လော ယုံမှားသော (၀ိစိကိစ္ဆာ)တို့ကို အမြစ်မှ ပယ်သတ်၍ သောတာပန်အဖြစ်သို့ ရောက်၏။ အယူအားလုံးတို့အား မှားယွင်းစွာ စွဲလမ်းဆုပ်ကိုင်ခြင်း ကင်းသော freethinker အစစ်သို့ ရောက်သည်ဟုလည်း ဆိုနိုင်ပါသည်။

စာညွှန်း။
၁။ မဇ္ဈိမနိကာယ်၊ မဇ္ဈိမပဏ္ဏာသ၊ ပရိဗ္ဗာဇက၀ဂ်၊ ဒီဃနခသုတ်
၂။ Early Buddhist Theory of Knowledge, K. N. Jayatilleke

ဧရာ (မန္တလေး)

Freethinkers

“လွတ်လပ်စွာ တွေးခေါ်သူများ” ဟူသော ဝေါဟာရကို တက္ကသိုလ် ကျောင်းသားအရွယ် ရောက်သည်အထိ မရင်းနှီးခဲ့သေးပါ။ နွေကျောင်းပိတ်ရက် အိမ်သို့ အပြန်လမ်း ရထားပေါ်တွင် မျက်နှာချင်းဆိုင်ခုံ၌ ထိုင်လိုက်လာသော ကျောင်းသားတစ်ဦးနှင့် စကားလက်ဆုံ ပြောဖြစ်ခဲ့ကြသည်ကို အမှတ်ရမိသည်။ သူက လမ်းတစ်လျောက်လုံး အင်္ဂလိပ်ဝတ္ထု တစ်ပုဒ်ကို စိတ်ဝင်တစား ဖတ်လိုက်လာခဲ့သည်။ ၀တ္ထုအမည်ကို မမှတ်မိတော့သော်လည်း စာရေးသူသည် Camu ဖြစ်မည်ဟု ထင်ပါသည်။ “ဘာ စာအုပ်များလဲ”လို့ စကားစဖြစ်ပြီး ပန်းဆိုးတန်း စာအုပ် အဟောင်းဆိုင်များ အကြောင်း၊ ဟိုအကြောင်း ဒီအကြောင်း ပြောဖြစ်ကြသည်။ တကယ်တော့ သူကသာ အာဘောင် အာရင်းသံသံနှင့် တစ်လျောက်လုံး ပြောသွားခြင်း ဖြစ်သည်။ အထူးသဖြင့် ဖြစ်တည်မှုဝါဒ (existentialism) အကြောင်းများကို အားပါးတရ ပြောသည်။ စင်စစ် ထိုစဉ်က ဖြစ်တည်မှုဝါဒဆိုသည်ကိုလည်း မဂ္ဂဇင်း ဆောင်းပါးအချို့တွင် ဖတ်ဖူးရုံမျှသာသိ၍၊ ဂဃဏန မသိသေးပါ။ နောက်တော့ Atheist တွေအကြောင်း ပြောဖြစ်ကြသည်။ ထို့နောက် သူကိုယ်တိုင်သည်လည်း Atheist ဖြစ်ကြောင်း ဆိုလာပါသည်။ “ကိုးကွယ်သည့်ဘာသာ - မရှိ” ဟုရေးထားသော သူ၏ မှတ်ပုံတင်ကပ်ပြားကို ဂုဏ်ယူဝင့်ကြွားစွာ ထုတ်၍ ပြပါသည်။ သူနှင့် တွေ့ဆုံခြင်းသည် တသက်တာတွင် ပထမဆုံးအကြိမ် “ဘာသာမဲ့”တစ်ဦးနှင့် တွေ့ဆုံခြင်း ဖြစ်သည်။

နောက် စင်္ကာပူနိုင်ငံတွင် လာရောက် အသက်မွေးဝမ်းကျောင်း ရသောအခါ၊ “ဘာသာမဲ့” ဟူသော ဝေါဟာရထက် ပိုမိုယဉ်ကျေးသည့် “လွတ်လပ်စွာ တွေးခေါ်သူ” အများအပြားကို လုပ်ဖော်ကိုင်ဖက်အဖြစ် တွေ့ကြုံရသည်။ သို့သော် မိမိအမြင်တွင် ထိုသူအများစုမှာ လွတ်လပ်စွာ တွေးခေါ်သူများဟု ခေါ်ရန် ခပ်ခက်ခက်ပင်။ အချို့သည် ပုံမှန်နေ့စဉ်ဘ၀တွင် ဘာသာတရားကို ယုံကြည်ကိုးကွယ်ခြင်း မရှိသော်လည်း၊ တစ်စုံတရာ ပြဿနာနှင့် ကြုံသောလျှင် Church သွား ဆုတောင်း၊ Temple သွား ဆုတောင်းကြသူများ ဖြစ်သည်။ အချို့လည်း ငယ်စဉ်ဘ၀ကပင် ယဉ်ကျေးမှု တော်လှန်ရေးအောက်တွင် ဦးနှောက် အဆေးခံ ထားရသူများဖြစ်၍၊ (ဘာသာတရားနှင့်ဆိုင်သော) ဘ၀ပြဿနာများကို စဉ်းစား ဝေဖန်ရကောင်းမှန်း မသိကြသူများ ဖြစ်သည်။ ဘာသာရေး စာအုပ်ကြီးများပေါ် အခြေမခံသော်လည်း ဘ၀ပြဿနာတို့ကို လေးလေးနက်နက် စဉ်းစားတွေးခေါ်သူ free thinker စစ်စစ် အချို့လည်း ရှိပါသည်။ လွတ်လပ်စွာ တွေးခေါ်သူပင်ဖြစ်စေ၊ လေးနက်သည့် အတွေးအခေါ်ကင်းမဲ့သူပင်ဖြစ်စေ ထိုသူတို့သည် ဘာသာတရား ကိုးကွယ်ဆည်းကပ်သူဟု အမည်ခံထားသော သူတို့ထက် ပို၍ ကိုယ်ကျင့်သီလ, မေတ္တာ, ကရုဏာတရားတို့ ကောင်းမွန်ကြသူများလည်း ထုနှင့် ထေးပင်။

Freethinkers, Freethought စသော ဝေါဟာရတို့သည် ၁၇-ရာစု- ၁၈-ရာစုက အင်္ဂလန်နှင့် ဥရောပတွင် ပေါ်ပေါက်ခဲ့သည့် Deism ခေါ် ဘာသာရေးအယူဝါဒ, ဘာသာရေးလှုပ်ရှားမှုနှင့် ဆက်နွယ်နေသည်။ သဘာဝလောကကြီးအား ဖန်ဆင်းသော ဘုရားသခင်ကို လက်ခံယုံကြည်သော်လည်း ကျမ်းစာ၊ ဘုရားကျောင်းတော် (Catholic Church)တို့ကို ဝေဖန်ကာ၊ စဉ်းစားဆင်ခြင်မှုကို အခြေခံသော အယူအဆဖြစ်သည်။ ၁၈၈၁ ခုနှစ်တွက် The Freethinker ဂျာနယ်စတင် ထုတ်ဝေခဲ့သောအခါ freethinker ဟူသော အသုံးတွင် ကျယ်လာခဲ့သည်။ နောင်တွင် မည်သည့် ဘာသာတရားကိုမျှ မယုံကြည်သူတို့က freethinker ဟုခေါ်ဝေါ် သုံးစွဲလာကြသည်။ ထင်ရှားသည့် လွတ်လပ်စွာ တွေးသူတစ်ဦးဖြစ်သော Bertrand Russel က “On God and Religion” စာအုပ်တွင် လွတ်လပ်စွာ တွေးခေါ်သူတစ်ဦးဖြစ်ရန် သူ၏ အတွေးအခေါ်သည် အနည်းဆုံး မိရိုးဖလာအစဉ်အလာနှင့် မိမိ၏ ဆန္ဒာဂတိဟူသော တရားနှစ်ပါးမှ လွတ်လပ်ရမည်ဟု အဓိပ္ပါယ် ဖွင့်ပေးခဲ့သည်။

??? သား နဲ့ ရန်ကုန်သူ

ကာတွန်းမောင်ဝဏ္ဏ၏လက်ရာများမှတစ်ခု

‘မန္တလေး စကား၊ ရန်ကုန် အကြွား၊ မော်လမြိုင် အစား’ တဲ့။

အဲ့ဒီ စာချိုးကို ငယ်ငယ် ကတည်းက တော်တော်မုန်းတာ။ တို့က ရန်ကုန်မှာမွေး ရန်ကုန်မှာကြီး တဲ့ ရန်ကုန်သူလေ။ ဟန်များသလားတော့ မမေးနဲ့။ တစ်ခုခု စားပြီးရင် အင်္ကျီအိတ်ကပ် ထဲက လက်ကိုင်ပ၀ါလေး ထုတ် ပါးစပ်ကို စတိုင်နဲ့ သုတ်တာ လေးငါးနှစ် သမီးလောက်က ဆိုဘဲ။ အစသန်တဲ့ အဒေါ်ကြီးတွေက “ညည်းတို့ အဖေက ငါးစိမ်းသည်ပါအေ” လို့ စရင် “သမီးတို့က ငါးစိမ်းရောင်းပေမဲ့ ကုလားထိုင်ပေါ်က ထိုင်ရောင်းတာပါ” လို့ ပြန်ပြောတတ်သေး သတဲ့။ အချိုးက အချိုးက။ မှန်းသာကြည့်တော့ ရိုက်ပေါက်လေးကို။ အို..ဘာဘဲဖြစ်ဖြစ် ‘ရန်ကုန် အကြွား’ ဆိုတာကြီးတော့ မကြိုက်ပေါင်။ တို့များက လှလှပပလေးနေ၊ ပညာသားပါပါလေး ပြောတတ်တာကို မနာလိုလို့ ပြောကြတာဟင်း..

‘မော်လမြိုင် အစား’ တဲ့။ အဲ့ဒီအရပ်လည်း ငယ်ငယ်က တစ်ခါမှ မရောက်ဖူးတော့ အစားတွေ ဘယ်လောက်ကောင်းလဲ မသိခဲ့ပါဘူး။ အဲ အိမ်ထောင်ကျပြီး တမြို့တနယ်ရောက်တော့ (နေဦး နေဦး အိမ်ထောင်ဘက်က ဘယ်မြို့သားလဲလို့ ဒီနေရာမှာ မမေးနဲ့ဦး။ သိပါလိမ့်မယ် နောက်တော့) ရွှေမြိုင်သူတွေနဲ့ အိမ်နီးချင်းတွေ ဖြစ်ပြီး စားလိုက်ရတာ တမျိုးပြီးတမျိုး။ ကိုယ်ကလည်း အရှိန်တွေရပြီး တတ်သလောက် မှတ်သလောက်တွေ ပြန်ချက်ကျွေးနဲ့ mood တွေဝင်လာလိုက်တာ လူလည်း Sophie Lorence စတိုင်ကနေ တဖြေးဖြေးနဲ့ Catherine Zeta-Jone ကိုယ်ဝန်ဆောင်တဲ့ ပုံ ပေါက်ရော။

တနေ့တော့ အတူနေတဲ့ ယောက္ခမကြီး မနက်တိုင်းစားတဲ့ ပေါင်မုန့်ကလည်းကုန်။ သားတော်မောင်ရဲ့ ညအိပ် ရှူးရှူးခံကလည်းကုန်တော့ နေမကုန်ခင် ကမန်းကတန်း အိမ်နေရင်းဝတ် ဘောင်းဘီတိုပွပွလေးနဲ့ဘဲ ဈေးဆင်းလာခဲ့တယ်။ ၀တ်လက်စ တီရှပ်ကိုတော့ ခပ်လတ်လတ် စပို့ရှပ်လေးနဲ့ လဲခဲ့ပါသေးတယ်။ အဲဒီနေ့က holiday ဖြစ်လို့ အိမ်မှာရှိနေတဲ့ အိမ်ကလူကြီး နောက်က လိုက်လာလို့ “ရှင်ကတော်တော်ကဲနေတယ်ပေါ့လေ” လို့တောင် ကိုယ်က သူ့ကို စ,ပစ်လိုက်သေး။ ခဏကြာတော့ အိမ်နေရင်းဘောင်းဘီ အစုတ်နဲ့ လမ်းထွက်လာမိပြီး ကိုယ့်ကိုကိုယ် မလုံမလဲနဲ့ “ကျမဘောင်းဘီ အနောက်မှာ ပြဲနေသလား၊ ပေနေသလား၊ ကြည့်ပေးပါဦးတော့” လို့ အကူအညီလေးတောင်းမိပါတယ်။ သူကလည်း ကူညီရှာပါတယ် ကြည့်ပေးပြီး “ဘာမှမဖြစ်ဘူး၊ ဘာမှမရှိဘူး” တဲ့ ဟူး..တော်သေး တအောင့်ကြာတော့မှ “အင်း..ဒါကြောင့် စာဆိုတွေက စပ်ကြတာကို ဆင်မယဉ်သာလို့ ..ကြိုးလေးတစ်ချောင်းသာ ချထားပေးလိုက်ရင် ပိုတူမှာပဲ” တဲ့

ကဲ သိကြပြီ မဟုတ်လား ကျမ ယောက်ျား ဘယ်မြို့သားလည်းဆိုတာ…

ဌာန်၊ ကရိုဏ်း၊ ပယတ်နှင့် နိုင်ငံတကာ ပါဠိအသံထွက်

ပါဠိဘာသာတွင် အက္ခရာတို့အား အသံဖြစ်ပေါ်ပုံကို လိုက်၍ သဒ္ဒဗေဒ (Phonology) အရ စနစ်တကျ စီစဉ်ထား၏။ က, ခ, ဂ, ဃ စသဖြင့် အက္ခရာစဉ်သည် ဌာန်၊ ကရိုဏ်း၊ ပယတ်၊ သုတိ၊ ကာလစသော အသံဖြစ်ပေါ်ရန် အားထုတ်မှု (articulation) ကို မူတည်၍ စီစဉ်ထားခြင်းကို ဆိုလိုသည်။ ပါဠိဘာသာတွင် သရ (Vowel) ၈-လုံး၊ ဗျည်း (Consonants) ၃၃-လုံး စုစုပေါင်း အက္ခရာ ၄၁-လုံးရှိသည်။ ဦးစွာပထမ ( အ, အာ, ဣ, ဤ, ဥ, ဦ, ဧ, သြ) ဟူသော သရ-၈ လုံး၊ ထို့နောက် က အစ, မ အဆုံး ၅-လုံးလျှင် တစ်အုပ်စုစီ စီထားသော ၀ဂ် ခေါ် အုပ်စု ၅-စုရှိသည့် ၀ဂ်ဗျည်း (အုပ်စုရှိဗျည်း) ၂၅-လုံး၊ ထို့နောက် အုပ်စုဖွဲ့မရပဲ သီးခြားခွဲ ထားသော (ယ, ရ, လ, ဝ, သ, ဟ, ဠ, အံ) ဟူသော အ၀ဂ်ဗျည်း (အုပ်စုမဲ့ဗျည်း) ၈-လုံး ရှိသည်။

ဌာန်, ကရိုဏ်း, ပယတ်
သဒ္ဒဗေဒတွင် လည်ချောင်း, အာခေါင်, အာထိပ်, သွားရင်း, နှုတ်ခမ်း စသော အသံဖြစ်ပေါ်ရာဌာန (Place of Articulation) ကို ‘ဌာန်’ ဟုခေါ်သည်။ ဌာန် ၅-ပါး ရှိသည်။
၁။ ကဏ္ဌဌာန် - လည်ချောင်းအရပ်
၂။ တာလုဌာန် - အာစောက်အရပ်
၃။ မုဒ္ဓဌာန် - အာထိပ်အရပ်
၎။ ဒန္တဌာန် - သွားအရပ်
၅။ သြဋ္ဌဌာန် - နှုတ်ခမ်းအရပ်

ထို ဌာန်တို့မှ အသံထွက်ရာတွင် လျှာဖြင့် အထောက်ပံ့ပြုပေးရသည်။ ရံခါတွင် လျှာဖျားဖြင့် ထောက်၍ အသံထွက်ရသည်။ ရံခါ လျှာလယ်ဖြင့် ထိ၍ အသံထွက်ရသည်။ ဤသို့ အသံဖြစ်ပေါ်ရန်အတွက် အထောက်ပံ့ပြုရသည့် လျှာအနေအထားဟူသော အကြောင်း(ကရဏ)အား ‘ကရိုဏ်း’ (Instruments) ဟုခေါ်သည်။ ကရိုဏ်း လေးမျိုးရှိသည်။
၁။ ဇိဝှာမဇ္ဈ - လျှာလယ်
၂။ ဇိဝှောပဂ္ဂ - လျှာအဖျားအနီး
၃။ ဇိဝှဂ္ဂ - လျှာဖျား
၎။ သကဋ္ဌာန - လျှာအကူညီအထူးမလိုပဲ မိမိ၏ အသံဖြစ်ပေါ်ရာဌာန် သက်သက်ဖြင့် ရွတ်ဆိုမှု

အသံကို ပိတ်၍ ထွက်ခြင်း, ဖွင့်၍ ထွက်ခြင်း, မထိတထိထွက်ခြင်းစသော အသံထွက်ရန် အားထုတ်ပုံ (ပယတန) အား ‘ပယတ်’ (Manner of Articultion) ဟုခေါ်သည်။ ပါဠိသဒ္ဒါကျမ်းတို့တွင် ပယတ်လေးမျိုး ပြသည်။

၁။ သံဝုဋ (ပိတ်၍ ရွတ်ခြင်း) – အ-သရကို ရွတ်ရာတွင် မိမိ၏ ဌာန်ဖြစ်သော လည်ချောင်းသားကို ပိတ်၍ ရွတ်ဆိုရသည်။
၂။ ၀ိဝုဋ (ဖွင့်၍ ရွတ်ခြင်း) – အ-မှ အခြားသောသရများ ( အာ, ဣ, ဤ, ဥ, ဦ, သြ )၊ သ နှင့် ဟ တို့ကို ရွတ်ဆိုရာတွင် ဌာန်ကရိုဏ်းတို့ကို ပွင့်ပွင့် ဖွင့်၍ ရွတ်ဆိုရသည်။ သ နှင့် ဟ တို့ကိုရွတ်ရာတွင် ဌာန် နှင့် ကရိုဏ်းကြားမှ လေကို တွန်းထုတ်၍ ရွတ်ရသဖြင့် Fricative ဟုခေါ်သည်။
၃။ သံဖုဋ္ဌ (စေ့စပ်စွာထိ၍ ရွတ်ခြင်း) – ၀ဂ်ဗျည်း ၂၅-လုံးအားရွတ်ဆိုရာတွင် ဌာန်နှင့် ကရိုဏ်းကို ကောင်းစွာ ထိ၍ လေကို အဆီးအတားပြုပြီး ရွတ်ဆိုရသည်။ အနောက်တိုင်း သဒ္ဒဗေဒတွင် “Stop” ဟုခေါ်သည်။ ခံတွင်းကိုသာပိတ်၍ လေကို နှာခေါင်းမှသာထွက်စေက နာသိက (Nasal Stop) ဟုခေါ်သည်။
၎။ ဤသံဖုဋ္ဌ (စဉ်းငယ်ထိ၍ ရွတ်ခြင်း) – ယ, ရ, လ, ၀ တို့ကို ရွတ်ရာတွင် ဌာန်နှင့် ကရိုဏ်းကို မထိတထိပြု၍ ရွတ်ရသည်။ ၀ဂ်ဗျည်းတို့ကဲ့သို့လည်း စေ့စပ်စွာ ထိခြင်းမပြု။ သ, ဟ နှင့် သရသံတို့ကဲ့သို့လည်း ဖွင့်၍ ရွတ်ခြင်းမပြုပဲ မထိတထိ ရွတ်ရသဖြင့် အကြားတွင်ရှိသောအသံ (အန္တဋ္ဌ) ဟုခေါ်သည်။ တစ်နည်းလည်း သရသံတ၀က် ဗျည်းသံတစ်ဝက်ရှိသော Semi-vowel အသံဟုလည်းခေါ်သည်။ ဗျည်းတို့နှင့် တွဲသောအခါ ယ သည် ယ-ပင့် ( –ျ ) သံ၊ ရ သည် ရ-ရစ်သံ (ြ– )၊ ၀ သည် ၀-ဆွဲသံ ( –ွ ) ထွက်သည်။ အနောက်တိုင်း သဒ္ဒဗေဒတွင်ဤ ပယတ်မျိုးအား Approximant ဟုခေါ်သည်။

▪ ပ-၀ဂ် (ပ, ဖ, ဗ, ဘ, မ) နှင့် ဥ, ဦ တို့သည် နှုတ်ခမ်းအရပ် သြဋ္ဌဌာန(Libials)တွင် ထွက်သော သြဋ္ဌဇအက္ခရာများ ဖြစ်သည်။ နှုတ်ခမ်းနှစ်ခုကို ထိ၍ ရွတ်ရသော ကြောင့် Bilibals ဟုလည်း ခေါ်သည်။

▪ တ-၀ဂ် (တ, ထ, ဒ, ဓ, န)၊ လ နှင့် သ တို့အားရွတ်ဆိုရတွင် သွားအရင်း - ဒန္တဌာန(Dentals) အား လျှာဖျား (ဇိဝှဂ္ဂ) ဖြင့် တို့ထိ၍ ရွတ်ရသည်။

▪ သွားအရင်း၏ အထက် မို့မောက်နေသောအာထိပ်အရပ် အား မုဒ္ဓဌာန ဟုခေါ်သည်။ ဋ-၀ဂ် (ဋ, ဌ, ဍ, ဎ, ဏ)၊ ရ နှင့် ဠ တို့သည် လျှာကို အနည်းငယ် လိပ်ပြီး၊ လျှာဖျားအနီး (ဇိဝှောပဂ္ဂ)ဖြင့် သွားအရင်း၏ အထက် မို့မောက်နေသော အာထိပ်အရပ် (Aleveolar ridge)ကို ထိ၍ ရွတ်ဆိုရသည့် မုဒ္ဓဇ (Cerebrals) အက္ခရာများဖြစ်သည်။ လျှာကို အနည်းငယ် လိပ်၍ ရွတ်ရ၍ အနောက်တိုင်း သဒ္ဒဗေဒတွင် Retroflex ဟုလည်းခေါ်သည်။ မြန်မာသံတွင် ဋ-အုပ်စုသံတို့အား တ-အုပ်စုသံတို့နှင့် အသံတူရွတ်ဆိုလေ့ရှိကြသော်လည်း၊ ဌာန်ကရိုဏ်းမတူသည်ကို သတိပြု သင့်သည်။

▪ စ-၀ဂ် (စ, ဆ, ဇ, ဈ, ဉ )၊ ယ၊ ဣ၊ ဤ တို့အား ရွတ်ရာတွင် ဋ-အုပ်စုရွတ်စဉ် အာထိပ်အရပ်ထက် အထက်သို့တက်၍ အာခေါင်မာအရပ် - တာလုဌာန (Palatals)သို့ လျှာအလယ်ပိုင်း (ဇိဝှာမဇ္ဈ)ဖြင့် ထိ၍ ရွတ်ရသည်။ ထို့ကြောင့် စ-အုပ်စုကို ပီပီသသ ရွတ်ဆိုလျှင် မြန်မာသံ (စ, ဆ, ဇ, ဈ ) ဟူသော အသံမထွက်။ ဋ-အုပ်စု အသံနှင့် လည်ချောင်းသံထွက်သော က-အုပ်စု အသံတို့ကြား အာခေါင်သံပါသော (ကျ, ချ, ဂျ, ဃျ) ဟူ၍ ရွတ်ရသည်။

▪ က-၀ဂ် (က, ခ, ဂ, ဃ, င )၊ ဟ၊ အ၊ အာ တို့သည် လည်ချောင်းအရပ်တွင်ဖြစ်သော ကဏ္ဌဇအက္ခရာ (Gutterals)များ ဖြစ်သည်။ အနောက်တိုင်း သဒ္ဒဗေဒတွင် ဤအသံတို့အား အာခေါင်အပျော့ (Velar) အား လျှာရင်းဖြင့် ထိ၍ ဖြစ်သောအသံဟု ခေါ်သည်။

▪ အချို့အက္ခရာတို့သည် ဌာန်တစ်ခုထက် ပို၍ ရှိနိုင်သည်။ ဧ ကို ကဏ္ဌဇနှင့် တာလုဇ၊ ၀ ကို ဒန္တဇနှင့် သြဋ္ဌဇ၊ ကဏ္ဌဇနှင့် သြဋ္ဌဇ နှစ်နေရာတို့တွင် အသီးသီး ရွတ်ဆိုနိုင်သည်။

▪ ၀-ဂ်ဗျည်းတို့၏ အဆုံး (၀ဂ္ဂန္တ) ဖြစ်သော “င, ဉ , ဏ, န, မ” တို့ကိုရွတ်သောအခါ လေကို နှာခေါင်းမှ ထွက်စေ၍ နှာသံဖြင့် ရွတ်ရသောကြောင့် နာသိက (nasals) ဌာန်ဟုလည်း ခေါ်သည်။

▪ အံ-ဗျည်းသည် အံ, ဣံ, ဥံ တို့မှ သရ၏ နောက်တွင်လိုက်သော သေးသေးတင် ဗိန္ဒုကို ဆိုလိုသည်။ နှာခေါင်းသံပါအောင် ရွတ်ရသော နာသိကဖြစ်သည်။ မြန်မာသံတွင် ပါးစပ်ကိုပိတ်၍ နှာခေါင်းသံပါအောင် ရွတ်လေ့ရှိသော်လည်း၊ နိုင်ငံတကာ အသံတွင် ပါးစပ်မပိတ်ပဲ အင်္ဂလိပ်စာလုံး Sing မှ ‘ng’ အသံကဲ့သို့ ရွတ်သည်။

▪ ‘သ’ နှင့် ‘ဟ’ တို့သည် ဖွင့်၍ရွတ်ဆိုရသော ၀ိဝုဋပယတ်ဖြစ်မျိုးဖြစ်သည်။ ၀ိဝုဋပယတ်ဖြင့်ထွက်သော ဗျည်းသံသည် ဌာန်နှင့် ကရိုဏ်းအကြားလေကို ညှစ်၍ ထုတ်ရသော အသံမျိုးဖြစ်၍၊ အနောက်တိုင်း သဒ္ဒဗေဒတွင် Fricative ဟုခေါ်သည်။ ဒန္တဇဖြစ်သော ‘သ’သံကို ထွက်သောအခါ သွားအရင်း (ဒန္တဌာန) နှင့် လျှာအဖျား (ဇိဝှဂ္ဂ) အကြားလေကို ညှစ်ထုတ်လိုက်ပါက မြန်မာလူမျိုးတို့ထွက်သော သ-သံ မထွက်။ စ-သံ (အင်္ဂလိပ် s-သံ) သာထွက်သည်။

▪ ဤသံဖုဋ္ဌပယတ်ဖြစ်သော ‘ဝ’ ကို သြဋ္ဌဇနှင့် ဒန္တဇနှစ်မျိုးရ၍၊ အင်္ဂလိပ်အက္ခရာ v-သံကဲ့သို့ နှုတ်ခမ်းနှင့် သွားကို မထိတထိပြု၍ ရွတ်ရသည်။ သို့သော်လည်း ၀-ဆွဲကဲ့သို့ အခြားဗျည်းများနှင့် တွဲသောအခါ သရသံဆန်ဆန် (semi-vowel) ဖွင့်၍ ရွတ်ရ၍ မြန်မာအသံ ‘ဝ’ အင်္ဂလိပ်အသံ w-သံထွက်ရသည်။

ဒီဃ (Long), ရသ (Short) 
အက္ခရာတို့ကို ရွတ်ဆိုသော ကာလကို မတြာ (meter) ဖြင့်တိုင်းထွာသည်။ မျက်စိ တစ်မှိတ် လက်ဖျစ် တစ်တွက် ကာလကို ၁-မတြာဟု တိုင်းထွာသည်။ ၁-မတြာကြာ ရွတ်ဆိုရသော အသံတို့အား ရသ (သံတို short) ဟုခေါ်၍၊ ၂-မတြာကြာ ရွတ်ဆိုသော အသံတို့အား ဒီဃ (သံရှည် - long) ဟုခေါ်သည်။ “အ, ဣ, ဥ” သရတို့သည် သံတိုသရများဖြစ်၍၊ “အာ, ဤ, ဦ, ဧ, သြ” တို့သည် သံရှည်သရများ ဖြစ်သည်။

သိထိလ (Unaspirated), ဓနိတ (Aspirated)
 ၀ဂ်ဗျည်းတို့၏ ပထမ, တတိယ နှင့် ပဉ္စမအက္ခရာ (က, ဂ, င, စ, ဇ, ဉ , ဋ, ဍ, ဏ, တ, ဒ, န, ပ, ဗ, မ) တို့အား ခပ်လျော့လျော့ ရွတ်ဆိုရ၍ ‘သိထိလ’ သံပျော့ (Unaspirated) ဟုခေါ်သည်။ ၀ဂ်၏ ဒုတိယ, စတုတ္ထအက္ခရာ (ခ, ဃ, ဆ, ဈ, ဌ, ဎ, ထ, ဓ, ဖ, ဘ) တို့အား ဟ-ထိုးသံကဲ့သို့ လေသံ ခပ်တင်းတင်းရွတ်ဆိုရ၍ ‘ဓနိတ’ သံတင်း (Aspirated) ဟုခေါ်သည်။ ဂ နှင့် ဃ တွင် ဂ သည် သိထိလဖြစ်၍ ခပ်ပျော့ပျော့ဆိုရပြီး၊ ဓနိတဖြစ်သော ဃ အား လေသံတင်းတင်း ရွတ်ရသည်။ ပါးစပ်ရှေ့တွင် လက်ဝါးခံ၍ ကြည့်ပါက လက်ဝါးသို့ လေတိုးမှု အတင်းအလျော့ ကွာအောင် ရွတ်ရမည်။ ရောမအက္ခရာအရေးသားတွင် ဓနိတသံတို့အား h ထည့်၍ ရေးသည်။ ပုံစံအားဖြင့် က ကို k, ခ ကို kh, စ ကို c, ဆ ကို ch ဟု h ထည့်ရေးသည်။

အဃောသ (Voiceless), ဃောသ (Voiced) 
ဝဂ်ဗျည်းတို့၏ ပထမနှင့် ဒုတိယဗျည်းများ နှင့် သ-အက္ခရာ (က, ခ, စ, ဆ, ဋ, ဌ, ပ, ဖ, သ) တို့အား ဟိန်းသံ မပါပဲရွတ်ဆိုရ၍ အဃောသ (Voiceless) ဟုခေါ်သည်။ ၀ဂ်၏ တတိယ နှင့် စတုတ္ထ (ဂ, ဃ, ဇ, ဈ, ဍ, ဎ, ဒ, ဓ, ဗ, ဘ) နှင့် (ယ, ရ, လ, ၀, ဟ, ဠ) တို့သည် မြည်ဟိန်းသံ ပါအောင် ရွတ်ရသော ဃောသ (Voiced) များဖြစ်သည်။ လည်ချောင်း အသံအိုးနေရာတွင် လက်ဖြင့် အသာစမ်းသပ်ကြည့်ပါက၊ က, ခ စသော အဃောသသံများကို ရွတ်သောအခါထက် ဂ, ဃ စသော ဃောသသံများကို ရွတ်ဆိုသောအခါ အသံအိုး တုန်ခါမှုကို ပို၍ တွေ့ရပေမည်။

သရဆုံးသံ (Open Syllables), အသတ်သံ (Closed Syllables)
သရဆုံးသော အသံများအား သဒ္ဒဗေဒတွင် သရသံ (Open syllable) ဟုခေါ်သည်။ ပုံစံအားဖြင့် “အ, ၀ါ, မေ, သော” စသော အသံများ ဖြစ်သည်။ ပါဠိဘာသာတွင် ဗျည်းဆုံးသော အသံများမရှိသော်လည်း၊ သရနောက်တွင် ဗျည်းနှစ်လုံးဆင့်သော သံယုဂ် (Conjunct Consonants) လိုက်က အသတ်သံ (Closed Syllable) ဟုခေါ်သည်။ ပုံစံအားဖြင့် “အတ္တ, မဂ္ဂ, သစ္စ” တို့တွင် “အတ်, မဂ်, သစ်”ဟု ဗျည်းနှစ်လုံးဆင့်တွင် အပေါ်ဗျည်း (သို့မဟုတ် ရှေ့ဗျည်း) နှင့် သတ်သော အသံဖြစ်သည်။ အသတ်ဆိုသည်မှာ open syllable များတွင်ကဲ့သို့ သရ၏ လေသံကို လွတ်လွတ်လပ်လပ် ဖွင့်၍ မထွက်စေပဲ နောက်ဗျည်းသံနှင့် သတ် (Stop) ၍ ရွတ်ဆိုခြင်းကို ဆိုလိုသည်။ နိုင်ငံတကာပါဠိအသံထွက်တွင် အသတ်သံကို ရွတ်ရာတွင် မြန်မာပါဠိသံကဲ့သို့ အသတ်သံ ပီပီသသ (ပုံစံ အတ္တ = အတ်တ ဟု) မထွက်ပဲ၊ ရှေ့သရသံကို နောက်ဗျည်းသံဖြင့် အုပ်၍ သတ်ပေးရုံသာ (ပုံစံ အတ္တ = အ(တ်)တ) ထွက်ရသည်။

စာညွှန်း။
၁။ ရူပသိဒ္ဓိဘာသာဋီကာ ပထမတွဲ - မဟာဂန္ဓာရုံဆရာတော်
၂။ နိရုတ္တိဒီပနီ - လယ်တီဆရာတော်
၃။ ဌာန်၊ ကရိုဏ်း၊ ပယတ် - ဆရာဉာဏ် [မြန်မာ့စွယ်စုံကျမ်းမှ]
၎။ အခြေပြု ပါဠိသဒ္ဒါသင် - ဆရာဉာဏ်
၅။ Introduction to Pali, A.K. Warder
၆။ A Practical Grammar of the Pāli Language, Charles Droiselle
၇။ Pali – Weikipedia http://en.wikipedia.org/wiki/Pali
၈။ Phonology – Weikipedia http://en.wikipedia.org/wiki/Phonology

အိုလံပစ်

ဘာစီလိုနာသို့ ကုန်းတတန် ရေတတန် ယူဆောင်လာခဲ့ရသော အိုလံပီယာမှ ဤမီးတောက်မီးလျှံသည် စစ်ရပ်ဆိုင်းသော အလံသဖွယ် ဖြစ်ပါသည်။ ကမ္ဘာအရပ်ရပ်မှ အမျိုးသား၊ အမျိုးသမီးများစုရုံးကာ ငြိမ်းချမ်း ချစ်ကြည်စွာဖြင့် တူညီသောဝါသနာကို လိုက်စားလေ့ကျင့်နိုင်ကြစေရန် တိုက်ခိုက်မှု၊ ရန်ပြုမှု အဖုံဖုံ ရပ်ဆိုင်းလိုက်ခြင်းကို ရည်ညွှန်းပါသည်။ အိုလံပစ်အားကစားပွဲသည် လူသားတို့ ထူးချွန် ပြောင်မြောက်ရေးအတွက် ကြိုးပမ်းရုန်းကန်သော အသွင်အပြင်တရပ်ကို ဖော်ပြပါသည်။ ဤသို့သော ကြိုးပမ်းမှုသည် ချမ်းသာသုခနှင့် ဆက်နွယ်နေသည်ဟု ရှေးဟောင်းဂရိလူမျိုးများက ရှုမြင်ခဲ့သည့်အလျှောက် ယနေ့ အခမ်းအနားသည် ခေတ်ပေါင်းများစွာမှစ၍ ယဉ်ကျေးသော လူသားများဆွတ်ခူးရန် ရှာဖွေခဲ့သော ဆုကြီးများဖြစ်သည့် ငြိမ်းချမ်းမှုနှင့် ချမ်းသာသုခကို ရည်စူး၍ ကျင်းပသည်ဟု ဆိုနိုင်ပါသည်။

ကာယစွမ်းအားကို ဉာဏနှင့် စိတ္တစွမ်းအားများနည်းတူ လိမ္မာစွာ ပညာဉာဏ်ဖြင့် ပျိုးထောင်ခြင်းကို အလေးပေးသော ရှေးဂရိတိုင်းသားတို့၏ အမွန်မြတ်ဆုံး စံသတ်မှတ်ချက်သည် အိုလံပစ် ထုံးစံဓလေ့၏ ဇစ်မြစ်၌ တည်ရှိပါသည်။ ကာယ၊ ဉာဏနှင့် စိတ္တဗလသုံးသွယ် သင့်မြတ် ညီညွှတ် လှုပ်ရှားပါက လူသား၏ စွမ်းဆောင်နိုင်မှု ဘောင်နယ်နိမိတ်များ ချဲ့ထွင်နိုင်ကြောင်းကို စံချိန်ဟောင်းများ အဖန်တလဲလဲကျိုး၍ စံချိန်သစ်များ တင်နိုင်ခြင်းဖြင့် သက်သေပြနိုင်ပါသည်။ ပိုမိုသန်စွမ်းပြီး စွမ်းရည်သာသော အားကစားသမားများ မွေးထုတ်ရာတွင် ခေတ်သစ် သိပ္ပံပညာကိုမှီးသော ပိုမိုကောင်းမွန်သည့် လေ့ကျင့်နည်းများနှင့် ကျန်းမာရေးထိန်းသိမ်းနည်းများ၏ အခန်းကဏ္ဍ အဓိကကျသည်မှာ မှန်ပါသည်။ သို့သော် နောက်ဆုံး၌ အနိုင်မခံ အရှုံးမပေးစိတ်ဓာတ်သည်သာ အိုလံပစ် သူရဲကောင်းကို အောင်ပွဲသရဖူ ဆောင်းပေးနိုင်ပါသည်။

ပန်းတိုင်သို့ ရောက်ခါနီးတွင် အစွမ်းကုန်အားသွန်၍ အကြိတ်အနယ် လုံးပန်းရ၍ နာကျင်လာသည်ကို လျော့ပါးသွားအောင် မည်ကဲ့သို့ လေ့ကျင့်ရပါသနည်းဟု ရွှေတံဆိပ်ဆုရ အပြေးသမားတစ်ဦးကို အမေး ခံရခဲ့ဖူးပါသည်။ ၎င်း၏ အဖြေကား “နာကျင်မှုသည် မည်သည့်အခါမျှ လျော့မသွားခဲ့ပါ။ နာကျင်လျက် ဆက်လက် အားစိုက်သွားနိုင်ရန်ကိုသာ လေ့ကျင့်ထားရပါသည်။” ဘ၀ဇာတ်ခုံပေါ်မှာ ကဲ့သို့ပင် အားကစားကွင်း၌လည်း လူသားတို့သည် မိမိတို့၏ စွမ်းဆောင်နိုင်မှု စံချိန်ကို တိုးမြှင့်လိုပါက ခံနိုင်ရည်မွေးကာ မိမိ၏ အားနည်းချက်များကို ကျော်လွှားရန် မိမိကိုယ်တိုင် ပြန်လည် လုံးပန်းရပါသည်။

အကျိုးအမြတ်နှင့် ကျော်ကြားမှုကို မျှော်မှန်းကာ လူသားသည် မတန်တဆ ကြီးမားသော အခက်အခဲ အတားအဆီးများကို အံတုရန် ကြိုးပမ်း အားထုတ်ကြရပါသည်။ သို့သော်လည်း အကျိုးအမြတ်ကို မစဉ်းစားပဲ စိန်ခေါ်မှုကို အတတ်နိုင်ဆုံး အကောင်းဆုံး ရင်ဆိုင်မည်ဟူသော စိတ်ဓာတ်ကသာလျှင် ပကတိပြည့်စုံသော အောင်မြင်မှုကို ရစေနိုင်ပါသည်။ စစ်မှန်သော အားကစားသမား စိတ်ဓာတ်ကို ကလေးတစ်ဦးက ပြသခဲ့သည်။ မိမိထက် များစွာကြီးသူများနှင့်အတူ ပြေးပွဲဝင်ခဲ့ပြီး စိတ်မလျော့ပဲ ယှဉ်ပြိုင်ခဲ့ရာ အားလုံးနောက်ဆုံးမှ ပန်းတိုင်သို့ ရောက်သောအခါ၌ အောင်ပွဲခံသော လေသံဖြင့် “ကျွန်တော် နောက်ဆုံးက နိုင်တယ်” ဟု ကြေညာလိုက်ပါသည်။ စိတ်အားထက်သန်စွာ ပြေးခဲ့သော ပြိုင်ပွဲ၌ ရှုံးနိမ့်ခြင်း မရှိနိုင်ပါ။

စစ်ဖြစ်ပွားခဲ့သော နိုင်ငံများ ပြန်လည် သင့်မြတ်ရေးအတွက် ခေတ်သစ် အိုလံပစ်ကို တည်ထောင်ခဲ့ခြင်း ဖြစ်ပါသည်။ ကမ္ဘာအထူးချွန်ဆုံး အားကစားသမားများသည် အကြိတ်အနယ် ပြိုင်ဆိုင်ကြသော်လည်း သိက္ခာရှိ၍ မိတ်ဖြစ်ဆွေဖြစ် စိတ်ဓာတ်လွှမ်းမိုးသော ပြိုင်ပွဲတွင် ပါဝင်ဆင်နွှဲကြသောအခါ၌ နယ်နိမိတ် သတ်မှတ်ချက်၊ အရှေ့ အနောက်၊ လူမျိုးနှင့် ဇာတိဆိုင်ရာခြားနားမှုများ မရှိတော့ကြောင်း ပြသခြင်းဖြင့် ငြိမ်းချမ်းသော နိုင်ငံတကာ သဟဇာတရရှိရေးကို အားပေးနိုင်လိမ့်မည်ဟူသော မျှော်လင့်ချက် ဆက်လက် ရှင်သန်နေမည်ဖြစ်ပါသည်။

သို့သော်လည်း ကျွန်မတို့ကမ္ဘာသည် ယခုတိုင် ဘယ, လောဘ, ဒေါသ, မောဟတည်းဟူသော တံတိုင်းကြီးများဖြင့် ပိုင်းခြားထားခြင်း ခံနေရပါသည်။ လူသားတို့သည် မိမိတို့ကို ထိခိုက်ပျက်စီးစေ၍ မိမိတို့ဆက်လက်ရှင်သန်ရေးအတွက်ပင် အန္တရာယ်ပြုမည့် အင်အားများကို တွန်းလှန် တိုက်ခိုက်ခြင်းမရှိပဲ၊ အချင်းချင်း ပြိုင်ဆိုင် တိုက်ခိုက်နေသောကြောင့် ကမ္ဘာပေါ်တွင် ဒုက္ခပင်လယ် ဝေနေပါသည်။ ကျဉ်းမြောင်း၍ အရာမရောက်သော စိတ်ဓာတ်များကို ဖယ်ရှား၍ ငြိမ်းချမ်းရေးနှင့် ပူးပေါင်းဆောင်ရွက်ရေးတို့ကို အသက်သွင်းပေးမည့် စိတ်ဓာတ်များ ဤကမ္ဘာ၌ ပေါ်ပေါက်လာရန်မှာ လွန်စွာလိုအပ်နေပါသည်။

မွေးရာပါ အရည်အသွေးများကို အထူးချွန်ဆုံး အဆင့်တိုင်း ဖွံ့ဖြိုးစေနိုင်မည့် ဘ၀မျိုးအတွက် စိတ်အချရဆုံးသော အခြေခံ အုတ်မြစ်မှာ ငြိမ်းချမ်းရေးပင်ဖြစ်ပါသည်။ ဖိနှိပ်မှုကြောင့် ပိပြားစိတ်ငြိမ်နေခြင်း၊ တစ်ဖက်သတ် တယူသန် အတွေးခေါ်များ ပိုက်ဖက်ထားသည့် ခေါင်းဆောင်ပိုင်း၏ ပယောဂကြောင့် မလှုပ်မရှား ငြိမ်သက်နေသည့် စိတ်အခြေနေဟူသည့် သရုပ်ပျက် အတုအယောင် ငြိမ်းချမ်းရေးမျိုးကို ဆိုလိုသည် မဟုတ်ပါ။ တရားမျှတမှု, ကရုဏာစိတ်, ညီညာသင့်မြတ်မှု, ပုဂ္ဂလိက လွတ်လပ်မှု, အများပြည်သူ ထိန်းသိမ်းအပ်သော စည်းမျဉ်းများအတိုင်း ရှိသင့်ရှိထိုက်သော ညီမျှမှု, မိမိနိုင်ငံအပေါ် ထားအပ်သော တာဝန်သိစိတ်နှင့် အပြည်ပြည်ဆိုင်ရာ အသိအမြင် နားလည်မှုမျာကို မျှတအောင်မြင်အောင် ပြုလုပ်မှု စသည်တို့အပေါ်တွင် အခြေခံသော ငြိမ်းချမ်းရေးမျိုးကို ဆိုလိုပါသည်။

အိုလံပစ်မီးရှုးတိုင်သည် အမွန်မြတ်ဆုံးသော စံထားချက်နှင့် ရည်မှန်းချက်များ ပြန်လည်ဆန်းသစ်မှုနှင့် စိတ်ဓာတ် ပြန်လည်သန့်စင် မြင့်မားစေလိုမှုတို့၏ သင်္ကေတ ဖြစ်ပါသည်။ နောက်တစ်လကြာသောအခါတွင် နှစ်ပေါင်း နှစ်ထောင်ကျော်က လူသားတို့၏ ကြိုးပမ်းအားထုတ်မှုကို ဂုဏ်ပြုသည့်အနေဖြင့် စတင်ကျင်းပခဲ့သော အားကစားပွဲတော်ကြီးကို ဤနေရာ၌ ခေတ်သစ်အသွင်ဖြင့် ကျင်းပပါတော့မည်။ ၁၉၉၂-ခုနှစ် အိုလံပစ်ပွဲတော်ကြီး၌ နိုင်ငံတကာ အားကစား စိတ်ဓာတ်များနှင့် အပြည်ပြည်ဆိုင်ရာ နားလည်မှု စိတ်ဓာတ်များ အမြင့်ဆုံးအဆင့်သို့ ရောက်နိုင်ပါစေဟု ဆုမွန်ကောင်း ပို့သလိုက်ပါသည်။ တစ်ချိန်တည်းတွင် ငြိမ်းချမ်းရေးနှင့် ချမ်းသာသုခရရှိရေးဟူသော ပိုမို ကျယ်ပြန့်သည့် ရုန်းကန်မှုကြီး၌လည်း ကမ္ဘာသူ ကမ္ဘာသားများအားလုံး အောင်ပွဲသရဖူ ဆောင်းနိုင်ကြပါစေဟူသည့် အလွန်တန်ဖိုးထားရပါသော မျှော်လင့်ချက်ကို ဖော်ပြလိုက်ရပါသည်။

[၁၉၉၂-ခုနှစ် ဇွန်လ ၁၃ ရက်နေ့က စပိန်နိုင်ငံတွင် အိုလံပစ် မီးရှုတိုင်ရောက်သည်ကို ကြိုဆိုသော မိန့်ခွန်း ဖြစ်ပါသည်။ မိန့်ခွန်းကို ဒေါ်အောင်ဆန်းစုကြည် ရေးသားထား၍ သားကြီးဖြစ်သူ မောင်မြင့်ဆန်းအောင်က ဖတ်ကြားခဲ့ပါသည်။]

မနက်ဖန် အတွက် ဒီနေ့

မနုဿတ္တဘာဝေါ ဒုလ္လဘောတဲ့ လူတစ်ယောက်ဖြစ်ဖို့ လွယ်လွယ်လေးမှတ်လို့ လူမှုရေး ပညာရေး စီးပွားရေး ကျန်းမာရေး ဘာသာရေး ဟိုအရေး ဒီအရေး ကိုယ့်သမိုင်း ကိုယ်ရေး ကြရာမှာ… လောင်းရိပ်အောက်မှာ စီးဆင်းရင်း လိပ်ပြာတွေက နောက်ပြန်ဝဲ ယဉ်ကျေးမှု မှတ်တိုင်တွေပြိုလဲ သမိုင်းကြွေးတွေက တရစ်ပြီးတရစ်တင်

မနုဿဓမ္မ ဆိုတာ လွတ်လပ်ခြင်း ညီမျှခြင်း ချစ်ကြည်ခြင်း အချုပ်ဆိုရတော့ တရားမျှတခြင်း ဗျ။ ခင်ဗျားလည်းလူ၊ ကျုပ်လည်းလူ လူပါဗျ လူ တုံးချင်ယောင် ဆောင်မနေစမ်းပါနဲ့ ကိုယ့်သမိုင်း ကိုယ်ရေး ကြရမှာ… ယုံလိုက်စမ်းပါ ညီညွတ်ခြင်းသည် အင်အား တွဲထားကြ လက်များ သမိုင်းကြွေးကို ဆပ်စို့လား။

သမိုင်းကောင်း ရေးသူများအား ဦးညွှတ်လျက် ~

အသံတွေ ကြားနေရတယ်

အသံတွေ ကြားနေရတယ်
ဘာသံတွေလဲ
အသံတွေ ကြားနေရတယ်
...............
မမတို့များ အားကျတယ်။ အမြဲတမ်း အေးဆေးပဲ။
ငယ်သူများထံမှ ကြားရသည့် အသံဖြစ်သည်။
သီတာတို့များ ကုသိုလ်ထူးပါ့။ မနာလိုတောင်ဖြစ်တယ် ဟွန်း။
ရွယ်တူများထံမှ ကြားရသည့် အသံဖြစ်သည်။
ငါ့တူမကြီးတို့များတွေ့ရတာ စိတ်ချမ်းသာလိုက်တာ။
ကြီးသူများထံမှ ကြားရသည့် အသံဖြစ်သည်။

အဖေနဲ့ အမေရဲ့ ငါ့သမီး၊ ငါ့သမီး
အကို အမတွေရဲ့ ကျွန်တော့ ညီမ၊ ကျွန်မ ညီမ
တစ်ဦးတည်းသော ညီမလေးရဲ့ ကျွန်မ အစ်မ လေ
ငယ်ငယ်တုန်းက ဆရာမတွေ ရဲ့ သီတာဆိုတာကတော့ ဒီကျောင်းမှာ တစ်ယောက်ဆို တစ်ယောက်

ဟီးဟီး
My life is on the cloud.
...............
မိတ်ဆွေအင်ဂျင်နီယာ အစ်ကိုကြီးက သူ့ဇနီး ရိုးရိုးဘွဲ့ရကို သူ့ရုံးမှာ ခေါ်ခန့်ထားလိုက်တော့ အလုပ်မရှိ အကိုင်မရှိ ကျမရှေ့မှာ ချီးမွမ်းလိုက်ပုံက “ငါ့မိန်းမ တော်တယ် တော်တယ်၊ တချို့ B. E တွေတောင်သုံးမရဘူး။” တဲ့

ရှိပါစေတော့လေ ကိုယ့်အရည်အချင်းကလည်း ဘာသာစကားက မရေလည်၊ ထမင်းစားရေသောက်တောင် တစ်ခါတရံ အပေါက်အလမ်း မတည့်ချင်။ Professional ဖြစ်အောင် သင်ခဲ့ရတဲ့ ဘာသာရပ်ကိုလည်း “တပြည်လုံး သုံးစွဲတဲ့ လျှပ်စစ်မီးတောင်မှ အဖိုနဲ့ အမ နှစ်ကိုယ်တွဲမှ” ဆိုတဲ့ သီချင်းစာသားကိုပဲ မှတ်မိတော့တယ်လို့ ၀န်ခံရရင် သင်ပေးခဲ့ရတဲ့ ဆရာတွေ နှလုံး ကြေကွဲဖွယ်ရာပဲ ရှိပါတော့သည်။

ဘာပဲဖြစ်ဖြစ်လေ ငါ့မှာ အားကိုးရှိသားဘဲ၊ နောက်ပြီး ငါထိန်းကျောင်းရမဲ့ ကလေးတွေ၊ မိန်းမပီသ အိမ်ရှင်မ။
လာပြန်ပါပြီ… အမျိုးသားရဲ့ အရင်းနှီးဆုံး သူငယ်ချင်းက “သီတာက ကိုဧရာကို ထမင်းဟင်းတောင် ကောင်းကောင်း ချက်မကျွေးဘူး” တဲ့။ လုပ်ချလိုက်ပြန်ပြီဟ။ ပြန်ကောက် ပြန်ကောက် ရှိစုမဲ့စု သိက္ခာတွေ ပြန်ကောက်။

“သီတာ လိုသေးတယ်။ နှလုံးသွင်းတတ်ဖို့ လိုသေးတယ်။ ထစ်ကနဲဆို တစ်ခုခုတော့ ပြန်ပြောလိုက်မယ်။ အော်ပစ်လိုက်မယ်။ ဒေါသနဲ့ချည်းတုံ့ပြန်တယ်။ ကို့ လို ကလျာဏမိတ္တ တစ်ယောက်က အနားမှာ တစ်ချိန်လုံး ပြောပြပေးနေတာတောင်” တဲ့… အားကိုးနေရတဲ့ သူကြီးက

ဒီလိုနဲ့… ဟိုလိုလို ဒီလိုလို ယောင်ခြောက်ဆယ် ကျမကို သူက ဘာဝါသနာ ပါလဲဟု ကောက်ခါငင်ကာ မေးလာဖူး၏။ ကျမ ကလည်း နှိုင်းနှိုင်းဆဆ စဉ်းစားပြီးမှ လေးလေးနက်နက် ပြန်ဖြေလိုက်ပါသည်။ အနုပညာ ၀ါသနာပါသည် ဟု။ ဒီတော့ သူ ဆီက မှတ်ချက်လိုလို ထွက်လာတဲ့ အသံက “အနုပညာ ၀ါသနာ ပါပေလို့သာပဲ၊ ကလေးတွေကတော့ အကြမ်းပညာနဲ့ချည်း တွေ့နေရတယ်” တဲ့။

အဟီး ဟင့် ဟင့် အင့်
My life is in the drain.
...............
ရိုးရိုးဘွဲ့၊ B.E. တို့သည် လောက အခေါ်အဝေါ်များကိုသာ ကိုယ်စားပြုပါသည်။ နှိမ်ချလိုခြင်း၊ ၀င့်ကြွားလိုခြင်း အလျှင်းမရှိရာ။
ချီးမွမ်း ခံရခြင်း၊ ကဲ့ရဲ့ခံရခြင်းတို့သည် ဖြစ်ခြင်း သဘောဟု သာခံယူပါသည်။ ချီးမွမ်းသောသူ၊ ကဲ့ရဲ့သောသူ ဟု အလျှင်းမသိရာ။


ကျမသည် မီးခြစ်ဆံဗူးလေးထဲမှ မီးခြစ်ဆံလေး တစ်ချောင်းသာ ဖြစ်လိုပါသည်။ မဲမဲလုံးလုံးခေါင်းကလေးနဲ့ အဲ့ဒီ လောကဓံ ဆိုတာကြီးကို ပစ်တိုက်လိုက်လို့ ဉာဏ် အလင်းရောင် ပွင့်သွားမည် ဆိုပါက မီးခြစ်ဆံလေး ဖြစ်ရကျိုးနပ်ပါပြီ။

အလင်းတိုင်များကို အလင်းကူးနိုင်ရေးမှာ မီးခြစ်ဆံလေး၏ မ၀ံ့မရဲ ဆန္ဒသာ ဖြစ်ပါသည်။