ပြောပြရဦးမည့် အဖြစ်တွေ…

“မသီတာ ငယ်ဘ၀က ပျော်စရာကြီးနော်”
“အမဘ၀က အေးချမ်းလိုက်တာ…” လို့ မိတ်ဆွေ၊ သူငယ်ချင်းတွေက ပြောတတ်ကြပါတယ်။

ကောင်းတာတွေချည်း ရှေ့တန်းတင်ထားလို့ပါ… မကောင်းတာတွေလည်း ရှိပါတယ်။
ဘ၀ဆိုတာ ဒဂုံဦးထွန်းမြင့်ရဲ့ မင်္ဂလာကဗျာ ထဲက “ကောင်းဆိုးနှစ်တန် အစုံတွဲလို့ တလဲစီလှည့် အမြဲနေ” ဆိုတဲ့ စာသားလေးလိုပါ။

မသီတာ လက်ရှိ အခြေအနေက ကြောင့်ကြစရာ သိပ်မရှိတော့ နတ်ပြည်လေတိုက်နေသလိုလို၊ တဖက်ကလည်း စိတ်သွားတိုင်း ကိုယ်မပါတဲ့အခါ “အော် င့ါဘ၀နှယ် အကျယ်ချုပ် ကျခံနေရသလိုပါလား” လို့ တွေးမိပြန်ပါရော… အစွန်းနှစ်ဖက် ပြေးသွားနေပုံများ။

“ထိုက်တန်တဲ့ ရင်းနှီးမှုတော့ ရှိရမယ်
မယုတ်မလွန်တဲ့ ကြိုးစားမှုတော့ စိုက်ရမယ်
နတ်စီတဲ့ အိပ်မက် လှလှများ လွယ်လွယ်နဲ့ မရ” ဆိုတဲ့ သီချင်းစာသားလေးက ဘယ်ခေါင်းစဉ်အောက်မှာမဆို မှန်ပါတယ်။

မသီတာ အင်ဂျင်နီယာ ပညာရပ်ကို အခြေအနေအရ ဆယ်နှစ်နီးပါး သင်ကြားခဲ့ရပါတယ်။ ဒါပေမဲ့ အင်ဂျင်နီယာ မဖြစ်ခဲ့ပါဘူး။ ဘယ်တုန်းကမှ မဖြစ်ချင်ခဲ့တဲ့ အင်ဂျင်နီယာ၊ ဘယ်တော့မှလည်း မဖြစ်တော့ပါဘူး လို့ သိရတဲ့ ခုချိန်မှာ နောင်တ ဖြစ်မိပါတယ်။

(၁)
လွန်ခဲ့တဲ့ လေးငါးနှစ် မသီတာ ရန်ကုန်ပြန်တုန်းကပေါ့ …

မသီတာ ရောက်တယ်ကြားတော့ နယ်က အဖေတို့မိတ်ဆွေအမကြီး အိမ်လာလည်တယ်။ သူ့သမီးလေးကလည်း အင်ဂျင်နီယာ ဘာသာရပ်နဲ့ပဲ ကျောင်းပြီးကာစ ဆိုတော့ သူ့သမီးလေးကို စင်္ကာပူ လွှတ်ဖို့အတွက် ဘာတွေ ပြင်ဆင်ရမလဲ မေးချင်လို့ပါတဲ့…။ ဖြစ်ချင်တော့ မသီတာတို့က မန္တလေးကို တက်သွားနေတဲ့အချိန်၊ သူလာတဲ့ နေ့ ညမိုးချုပ်မှ မန္တလေးက ပြန်ရောက်တာမို့ လွဲသွားကြတယ်။

အဲ့ဒီအလွဲဟာ မသီတာအတွက် အနာတခု ဖြစ်ကျန်ခဲ့တာပါပဲ…

နောက်တနေ့ မကြီးက “နင်နဲ့ တွေ့ချင်လို့တဲ့ မနေ့က မမလှတို့လာတယ်… အဖေနဲ့ပဲတွေ့သွားတယ်… အဖေ ဘာတွေပြောလိုက်တယ် မသိပါဘူး…” လို့ မျက်နှာမသာမယာနဲ့ ပြောလာတော့
အဖေ့ အခန်းထဲသွားပြီး…
“အဖေ မမလှတို့ လာတယ်ဆို”
“အေးလေ.. သူ့သမီးလေးလည်းပါတယ်…စင်္ကာပူ သွားချင်လို့ ဘာတွေလုပ်ရမလဲ လာမေးတာ တဲ့”
“အဖေ ဘာပြောလိုက်တုန်း”
“ငါလည်း အေး သီတာ ဘာတွေလုပ်တယ်တော့ မသိဘူး… ဟိုနားမှာတော့ အိမ်ဖော်သွားလုပ်တဲ့ ကောင်မလေးတွေ ပို့ပေးနေတာရှိတယ်.. အဲ့ဒါတော့ သိတယ် လို့ ပြောလိုက်တယ်။”
“ဟာ အဖေ ဒါတော့ မှားပြီ… ဒါတော့ အဖေ မှားသွားပြီ… အဲ့သလိုပဲ ပြောလိုက်ရလား အဖေရယ်… သူ့သမီးကို ချိုးနှိမ်ပြီး ပြောလိုက်တယ် ထင်သွားရင်တော့ အခက်ပဲ”
“မထင်ပါဘူး... ငါလည်း ငါသိတာ ငါ ရိုးရိုးသားသား ပြောလိုက်တာပဲ” တဲ့
ဟုတ်ပါတယ်။ အဖေက သူသိတာကို သိတယ်၊ မသိတာကို မသိဘူး လို့ ရိုးသားစွာ ပြောလိုက်တာပါ။ တမိပေါက်တယောက်ထွန်း အင်ဂျင်နီယာဘာသာကို သင်ကြားခွင့်ရခဲ့တဲ့ ကျမကိုယ်တိုင်ကသာ ကိုယ့်မိသားစု ကိုယ့်ပတ်ဝန်းကျင်အသိုင်းအ၀ိုင်းကိုမှ ကိုယ်နဲ့ သက်ဆိုင်တဲ့ ကဏ္ဍလေးကိုတောင် အသိပညာ ဝေငှနိုင်လောက်အောင် ဒီတသက်တော့ မစွမ်းသာတော့ပြီလို့ ရင်ထဲမှာ ဖြစ်လိုက်ရတဲ့ ဝေဒနာက သေရာပါ။

*****

(၂)
“အင်ဂျင်နီယာ မဖြစ်ပေမဲ့ အင်ဂျင်နီယာကတော်တော့ ဖြစ်ပါတယ်” ဆိုတာလို ကလေးဆန်တဲ့ ကြွားလုံးမျိုးနဲ့ အစပျိုးပြီး အနာပေါ် တုတ်ကျတဲ့ အဖြစ်လေး ပြန်ပြောပါရစေဦး

မသီတာ အလုပ်တခုခု လုပ်တော့မယ် ဆိုရင် ထုံးစံအတိုင်း အိမ်ဦးနတ်ကို တိုင်ပင်ရပါတယ်။
“ဘာအလုပ်မျိုးလဲ၊ ဘာလုပ်ရမှာလဲ၊ ဘယ်လောက်ရမှာလဲ…” ဒါတွေကတော့ မပြောမဖြစ်တဲ့ အချက်တွေ…။
တခါတော့ အင်ဂျင်နီယာအလုပ် မလုပ်နိုင်တဲ့ မသီတာ၊ အရောင်းစာရေး လုပ်ဖို့ကိစ္စကို အခြေအတင် ဆွေးနွေးကြပါတယ်။
သူက “သီတာ့ကို ကိုယ် မပြောဘူး။ ဘာမှ မပြောဘူး။ သီတာက လုပ်ချင်တယ်။ လုပ်သင့်တယ် ထင်ရင် သွားလုပ်။ ဒါပေမဲ့ တခုတော့ပြောမယ် ကိုယ်လုပ်တဲ့ အလုပ်က အိမ်ဖော်တယောက် ထားနိုင်လောက်တဲ့ ၀င်ငွေတော့ အနည်းဆုံး ဖြစ်သင့်တယ်” တဲ့…။ ကလေးနှစ်ယောက်ကို အချိန်ပြည့် ထိန်းကျောင်းနေရတဲ့ မသီတာကို သူ အမှန်အတိုင်း သုံးသပ်ပြလိုက်တာ ဖြစ်မှာပါ။
“သီတာ့ကို အလုပ်မရှိဘူးလို့ ကိုယ် ဘယ်တုန်းကမှ ထင်မထားဘူး။ မြင်မထားဘူး” လို့ သူ့စကားကို အဖတ်ဆယ်သလို တဆက်တည်း ပြောပါသေးတယ်။ မသီတာ ဘာ စကားမှ ဆက်မပြောနိုင်တော့ပါဘူး။
နောက်တနေ့မှာတော့ အဲ့ဒီအလုပ်ကို မလုပ်တော့ပါဘူးလို့ ဆုံးဖြတ်ချက်ချပြီး သူသိအောင်ကြေငြာလိုက်တဲ့ အခါ…
“အင်း ကောင်းတယ်။ ပျော်ပျော်နေစမ်းပါ…” လို့ သူဆိုလာတော့

လမင်းမိုမိုရဲ့ နာမည်ကျော် “မောင်” ၀တ္တုထဲက
“…မင်း ငါ့မိန်းမ ဖြစ်သွားပြီ
အဲ့ဒီတော့ မင်း ဒီအိမ်မှာ အငြိမ့်သားနေပါ။ အခန့်သား စားပါ။
ဖြစ်ချင်တာကို လုပ်ပါ။ လိုချင်တာကို ၀ယ်ပါ။
မင်းတို့ ပြောတဲ့ မတောင့်မတ မကြောင့်မကြ.. တင့်တောင်းတင့်တယ် အခြေအနေမှာ မင်းကို ငါထားမယ်” ဆိုတဲ့ မာနကြီးတဲ့ စပ်နေဗလရဲ့ အသံကို ကြားယောင်မိတယ်…။
*****
ဒီအကြောင်းတွေက…
အမဘ၀က အေးချမ်းလိုက်တာ အားကျတယ် လို့ ပြောတဲ့ ညီမလေးတွေ…

အင်ဂျင်နီယာအလုပ်နဲ့ အိမ်ထောင်ရှင်မ ဆိုတာ တော်တော် ဆက်စပ်ဖို့ ခက်တာပဲလို့ ပြောတဲ့ အင်ဂျင်နီယာဘွဲ့ရအမကြီးတွေ...ကို တနေ့ကျရင် ပြောပြရဦးမည့် ဘလော့ဂ်ဂါ မသီတာရဲ့ အဖြစ်တွေ…


ကိုဧရာကို ခဲနဲ့ လာမပေါက်ကြနဲ့ဦးနော်
စာရေးဆရာမကြီးတွေကို အားကျလို့ ရေးကြည့်တာပါ။

ကမ္မဿကတ (၃) - ကံ၏ အမွေဆက်ခံခြင်းနှင့် တရား အမွေဆက်ခံခြင်း

ဆက်စပ်ဖတ်ရန် -
တာဝန်
ကမ္မဿကတ
ကမ္မဿကတ(၂) - ကံ၏ အမွေဆက်ခံခြင်း

“ကမ္မဿကောမှိ, ကမ္မဒါယာဒေါ ကမ္မယောနိ ကမ္မဗန္ဓု ကမ္မပဋိသရဏော။ ယံ ကမ္မံ ကရိဿာမိ - ကလျာဏံ ၀ါ ပါပကံ ၀ါ - တဿ ဒါယာဒေါ ဘ၀ိဿာမီ” တိ အဘိဏှံ ပစ္စဝေက္ခိတဗ္ဗံ ဣတ္ထိယာ ၀ါ ပုရိသေန ၀ါ ဂဟေဋ္ဌေန ၀ါ ပဗ္ဗဇိတေန၀ါ။ (အံ-၅-၅၇၊ အင်္ဂုတ္တရနိကာယ်-ပဉ္စကနိပါတ်-နီဝရဏ၀ဂ်-အဘိဏှသုတ်)

“ငါသည် မိမိပြုသော ကံ၏ ပိုင်ရှင်ဖြစ်၏။ ကံ၏ အမွေခံဖြစ်၏။ ကံ အကြောင်းရင်း ရှိ၏။ ကံသည် ဆွေမျိုး ဖြစ်၏။ ကံသည် အားကိုးရာ ဖြစ်၏။ ကောင်းသည်ဖြစ်စေ, ဆိုးသည်ဖြစ်စေ မိမိပြုသော ကံ၏ အမွေကို ဆက်ခံရလိမ့်မည်” ဟူ၍ မိန်းမဖြစ်စေ, ယောက်ျားဖြစ်စေ, လူဖြစ်စေ, ရဟန်းဖြစ်စေ အမြဲမပြတ် ဆင်ခြင်အပ်၏။

“မိမိတို့ ပြုသောအမှုများအား မိမိတို့ ပိုင်ဆိုင်သည်၊ မိမိတို့တွင် တာဝန်ရှိသည်၊ မိမိတို့ပြုသော အမှု၏ ကောင်းမွေ, ဆိုးမွေကို ခံယူကြရမည်…” စသဖြင့် အမြဲမပြတ် ဆင်ခြင်အပ်ကြောင်း ဘုရားရှင်က အဘိဏှသုတ်တွင် ဟောကြားထားသည်။ ထိုသို့ ဆင်ခြင်ခြင်းအားဖြင့် မိမိတို့ ကိုယ်, နှုတ်, စိတ်တို့ဖြင့် ပြုလုပ်သော မကောင်းမှု ဒုစရိုက်တရားများအား လုံးဝမူလည်း ပယ်ဖျောက်နိုင်သည်။  လျော့ပါးခြင်းမူလည်း ဖြစ်စေနိုင်သည်။ (သဗ္ဗသော ၀ါ ဒုစရိတံ ပဟီယတိ တနု ၀ါ ပန ဟောတိ)

****
မိမိတို့ ကိုယ်, နှုတ်, စိတ်တို့ဖြင့် ပြုလုပ်သော ဒုစရိုက်တရားများ ခေါင်းပါး, ပပျောက်စေရန် မည်သို့ ကျင့်ကြံရမည်ဟူသော နည်းလမ်းအား ၇-နှစ်သားအရွယ် သားတော်အရှင်ရာဟုလာအား ဟောကြားခဲ့ဖူးပါသည်။

တစ်စုံတစ်ခုသော အမူအား မပြုလုပ်မီဖြစ်စေ, ပြုလုပ်ဆဲဖြစ်စေ, ပြုလုပ်ပြီးဖြစ်စေ “ဤအမှုသည် မိမိအား ထိခိုက်စေနိုင်သလော, သူတစ်ပါးအား ထိခိုက်စေနိုင်သလော, နှစ်ဦးစလုံးအား ထိခိုက်စေနိုင်သလော” ဟု ကြည့်ရှု ဆင်ခြင်ရမည်။ အကယ်၍ “မိမိအား ဖြစ်စေ, သူတစ်ပါးအား ဖြစ်စေ, နှစ်ဦးစလုံးအား ဖြစ်စေ ထိခိုက်စေနိုင်သည့် မကောင်းသော အမှုဖြစ်သည်” ဟု သိပါက မပြုရသေးလျှင် မပြုသင့်။ ပြုဆဲဖြစ်ပါက ရပ်တန့် ရုပ်သိမ်းရမည်။ ပြုပြီးဖြစ်ပါက မိမိသည် ဤအမှုအား ကျုးလွန်မိပါသည်ဟု ဆရာထံဖြစ်စေ, ပညာရှိ သူတော်ကောင်း မိတ်ဆွေတို့ထံ ဖြစ်စေ ဖွင့်ဟ၀န်ခံ၍ နောင်တွင် မကျုးလွန်မိစေရန် စောင့်ထိန်းရသည်။ အကယ်၍ မိမိ, သူတစ်ပါးတို့အား မထိခိုက်စေသည့် ကောင်းသော အမှုဖြစ်ပါက မပြုရသေးလျှင် ပြုထိုက်၏။ ပြုဆဲဖြစ်ပါက ဆက်လက် အားထုတ်ရသည်။ ပြုပြီးဖြစ်လျှင် နှစ်သက် ၀မ်းမြောက်ခြင်းဖြစ်ကာ ထိုကုသိုလ်တရားတို့ နေ့ညမပြတ် ပွားများစေရမည်။ ဤကား အသက် ငယ်ရွယ်သေးသော သားတော်ရာဟုလာ နားလည်စေရန် ရိုးရှင်းစွာ ဟောကြားခဲ့သည့် အမ္ဗလဋ္ဌိကရာလောဝါဒသုတ်၏ အနှစ်ချုပ်ပင် ဖြစ်သည်။

ကမ္မဿကတ(၂) - ကံ၏ အမွေဆက်ခံခြင်း

ဆက်စပ်ဖတ်ရန် - တာဝန်, ကမ္မဿကတ

ကမ္မ (ကံ) ဟူသည် တိုက်ရိုက် အဓိပ္ပါယ်အားဖြင့် “အလုပ်, အမှု” ဟုအဓိပ္ပါယ်ရသည်။ သို့သော် မိမိတို့ ကိုးကွယ်ယုံကြည်ရာ ဘာသာအယူဝါဒတို့အလိုက် ကံတရားအား နားလည်သော အမြင်များ ပြောင်းလဲနေပါသည်။ ဗုဒ္ဓပွင့်ထွန်းသောကာလတွင် ဗြာဟ္မဏတို့၏ ဝေဒကျမ်းများ၏ လွှမ်းမိုးမှုအရ ကံဟူသည် ယဇ်ပူဇော်ပသခြင်း အမှုကိစ္စများအဖြစ် လက်ခံကြသူများ ရှိသည်။ ဂျိန်းဘာသာ ကိုးကွယ်သူများက ကံဟူသည် မိမိတို့ ပြုခဲ့သမျှ မိမိတို့၏ ၀ိညာဉ်တွင် ကပ်ငြိပါလာသော အညစ်အကြေး အဖြစ် ခံယူကြသည်။ အချို့ရုပ်ဝါဒီတို့ကမူ မိမိတို့ ပြုမူသော အပြုအမူများ၏ အကောင်း အဆိုးကို လက်မခံ ပစ်ပယ်ကြသည်။

ဗုဒ္ဓပွင့်ထွန်းလာသည့် ခေတ်ကာလ၌ လူတို့သည် အမျိုးဇာတ်ကို အလွန်ရေးပေးသော ကာလဖြစ်သည်။ ဗြာဟ္မဏမျိုးတွင် ဖွားမြင်သူသည် ဗြာဟ္မဏဖြစ်သည်။ ဒွန်းစဏ္ဍားမျိုးတွင် ဖွားမြင်သူသည် ဒွန်းစဏ္ဍားဖြစ်သည်။ ကုန်သည်မျိုးတွင် ဖွားမြင်သူသည် ကုန်သည်အလုပ်ဖြင့် အသက်မွေးကြသည်။ တနည်းအားဖြင့် မိမိတို့၏ အသက်မွေးမှုနှင့် လူမှုရေးအဆင့်အတန်းသည် မိဘမျိုးရိုးစဉ်ဆက်အား အမွေဆက်ခံရသော ခေတ်ကာလဟု ဆိုနိုင်သည်။ သုတ္တနိပါတ်နှင့် မဇ္ဈိမနိကာယ်မှ ၀ါသေဋ္ဌသုတ်တွင် “အမျိုးဇာတ်ကြောင့် ဗြာဟ္မဏ ဖြစ်ပါသလော, ကံကြောင့် ဗြာဟ္မဏ ဖြစ်ပါသလော” ဟူသည့် အငြင်းပွားနေသော ပြဿနာအား မေးလျှောက်ရာ ဗုဒ္ဓက မြက်သစ်ပင် အမျိုးမျိုး, ငှက် အမျိုးမျိုး, ကုန်းသတ္တ၀ါ အမျိုးမျိုး, ရေသတ္တ၀ါ အမျိုးမျိုးတို့၏ အသွင်အပြင်ကွဲပြားခြင်းသည် အမျိုးဇာတ်ကြောင့် ကွဲပြားသည် ဖြစ်၏။ သို့သော် လူအမျိုးမျိုးတို့ ကွဲပြားခြင်းသည်ကား မျက်မှောက်ဘ၀တွင် မိမိတို့ ရွေးချယ်ပြုလုပ်သော အလုပ်ပေါ် မူတည်၍ လယ်သမား, ကုန်သည်စသဖြင့် ကွဲပြားခြင်း ဖြစ်၏။ ထိုသို့ သိမြင်ခြင်းသည် ကံ-ကံ၏ အကျိုးအား သိမြင်ခြင်းဖြစ်သည်ဟု ဟောကြားထားပါသည်။

ကဿကော ကမ္မုနာ ဟောတိ၊ သိပ္ပိကော ဟောတိ ကမ္မုနာ။
ဝါဏိဇော ကမ္မုနာ ဟောတိ၊ ပေဿိကော ဟောတိ ကမ္မုနာ။
စောရောပိ ကမ္မုနာ ဟောတိ၊ ယောဓာဇီဝေါပိ ကမ္မုနာ။
ယာဇကော ကမ္မုနာ ဟောတိ၊ ရာဇာပိ ဟောတိ ကမ္မုနာ။
ဧ၀မေတံ ယထာဘူတံ၊ ကမ္မံဝိပါကကောဝိဒါ။
ပဋိစ္စသမုပ္ပါဒဒဿာ၊ ကမ္မကောဝိဒါ။ (မ-၂-၄၆၀၊ မဇ္ဈိမနိကာယ်-မဇ္ဈိမပဏ္ဏာသ-ဗြာဟ္မဏ၀ဂ်-၀ါသေဋ္ဌသုတ်)

အလုပ်ဖြင့် လယ်သမား ဖြစ်၏။ အလုပ်ဖြင့် လက်မှုပညာသည် ဖြစ်၏။
အလုပ်ဖြင့် ကုန်သည် ဖြစ်၏။ အလုပ်ဖြင့် အစေခံ ဖြစ်၏။
အလုပ်ဖြင့် သူခိုး ဖြစ်၏။ အလုပ်ဖြင့် စစ်သား ဖြစ်၏။
အလုပ်ဖြင့် ယဇ်ပူဇော်သူ ဖြစ်၏။ အလုပ်ဖြင့် မင်းဖြစ်၏။
ပဋိစ္စသမုပ္ပါဒ်ကို သိမြင်၍၊ ကံ, ကံ၏ အကျိုး၌ လိမ္မာကုန်သော ပညာရှိသည်
ဤသို့ ဟုတ်တိုင်းမှန်စွာ ကံကို သိ၏။

ဤသုတ်တွင် ကံ၏ အဓိပ္ပါယ်အား အလွန်ရိုးရှင်း၍ အခြေခံကျသော “ပြုလုပ်သော အလုပ်, အမှု” ဟူသည့် မူရင်းအဓိပ္ပါယ်ကို ပြန်လည်ဖော်ထုတ်ကာ ထိုခေတ်၏ ဇာတ်ခွဲခြားမှုစနစ်ကို ဆန့်ကျင်လိုက်ခြင်း ဖြစ်သည်။ လူတို့သည် မိမိတို့ ပြုသောအမှုတို့ကို (ကံတို့ကို) အမွေဆက်ခံကြရသည်ဟု ဟောကြားခဲ့ခြင်း ဖြစ်သည်။

****

ကမ္မဿကာ, မာဏ၀, သတ္တာ ကမ္မဒါယာဒါ ကမ္မယောနီ ကမ္မဗန္ဓူ ကမ္မပဋိသရဏာ။ ကမ္မံ သတ္တေ ၀ိဘဇတိ ယဒိဒံ - ဟီနပ္ပဏီတတာယာတိ။ (မ-၃-၂၈၉၊ မဇ္ဈိမနိကာယ-ဥပရိပဏ္ဏာသ-၀ိင်္ဘဂ၀ဂ်-စူဠကမ္မ၀ိဘင်္ဂသုတ်)

လုလင်… သတ္တ၀ါတို့သည် မိမိပြုသော ကံ၏ ပိုင်ရှင် ဖြစ်ကုန်၏။ ကံ၏ အမွေခံဖြစ်ကုန်၏။ ကံ အကြောင်းရင်း ရှိကုန်၏။ ကံသည် ဆွေမျိုး ဖြစ်ကုန်၏။ ကံသည် အားကိုးရာ ဖြစ်ကုန်၏။ ကံကြောင့် သတ္တ၀ါတို့သည် အယုတ် အမြတ် ကွဲပြားကြရသည်။

“ကံ၏ အမွေဆက်ခံကြရသည်” ဆိုရာတွင် မျက်မှောက်ဘ၀တွင် မိမိတို့ ရွေးချယ် ပြုလုပ်သော ကံတို့၏ အမွေကို ဆက်ခံကြရခြင်းမျှကိုသာ ဆိုလိုသည်မဟုတ်။ ချမ်းသာသော အမျိုးတွင် ဖွားမြင်ခြင်း, စစ်မက်ဖြစ်ပွားနေသော နိုင်ငံများတွင် မွေးဖွားလာခြင်းတို့သည် (မျက်မှောက်ဘ၀တွင်) မိမိတို့ ရွေးချယ်လိုက်ခြင်း မဟုတ်။ ပစ္စုပ္ပန်ကံများ၏ အမွေခံခြင်းလည်း မဟုတ်။ အတိက်ဘ၀က ပြုခဲ့သော ကံတို့၏ အမွေဆက်ခံရခြင်း ဖြစ်သည်။ လူချင်း တူပါလျှက် အသက်ရှည်ခြင်း, တိုခြင်း, အနာရောဂါထူခြင်း, ကျန်းမာခြင်းစသဖြင့် အမျိုးမျိုး ကွဲပြားရခြင်း၏ အကြောင်းရင်းကို မေးလျောက်သောအခါ ဘုရားရှင်သည် ကံကြောင့် သတ္တ၀ါတို့ အယုတ်အမြတ် ကွဲပြားရခြင်းဖြစ်သည်ဟု ဖြေကြားခဲ့သည်။ သူတစ်ပါး အသက်အား သတ်သူသည် သေလွန်သော် အပါယ်ကျရသည်။ အကယ်၍ အပါယ်မကျဘဲ လူအဖြစ်ရောက်ရှိပါကလည်း အသက်တို ရ၏။ ဤသို့ပင် အတိတ်က ပြုလုပ်ခဲ့သော အကောင်းအဆိုး ကံများ၏ အမွေကိုလည်း ခံယူကြသည်။ ထို့ကြောင့် “ကံ၏ အမွေဆက်ခံခြင်း” သည် အတိတ်ကံ အဟောင်းများနှင့် ပစ္စုပ္ပန် ကံ အသစ်များ၏ အမွေကို ဆက်ခံရခြင်းဖြစ်သည်။

အကယ်၍ မျက်မှောက်ဘ၀တွင် မိမိတို့ ရွေးချယ် ပြုလုပ်သော ကံများက မိမိတို့၏ ဘ၀ကို ပြဋ္ဌာန်းနေသည်ဟု ဆိုလျှင် မိမိတို့၏ လုပ်ဆောင်ချက်များအတွက် မျက်နှာသာပေး, မပေးဟူသော အခွင့်အလမ်းများ, အကန့်အသတ်ပြုနေသော အခြေအနေများသည် အတိတ်ကံများ၏ အကျိုးဆက်များ ဖြစ်သည်။ ထို့အတူပင် မိမိတို့၏ ယနေ့ လုပ်ဆောင်ချက်များသည်လည်း အနာဂတ်အတွက် အခြေနေ, အခွင့်အလမ်းများကို ဖန်တီးနေခြင်းပင် ဖြစ်သည်။

90/10 Principle

Discover this 90/10 Principle.
It will change your life (or at least the way you react to situations).
—

WHAT IS THIS PRINCIPLE?

10% of life is made up of what happens to you…
90% of life is decided by how you react.

WHAT THAT THIS MEAN?

We really have NO control over the 10% of what happens to us.
The 90% is different.
YOU determine the 90%
HOW?
By your reaction.
You cannot control a red light.
However, you can control your reaction.
Do not let people fool you.
YOU can control how you react.
—o0o—
Let’s see this example:
http://www.youtube.com/watch?v=VcOzSogr9r4&feature=related

You are having breakfast with your family.
Your daughter knocks over a cup of coffee onto your business shirt.
YOU HAVE NO CONTROL over what has just happened.
What happens next will be determined by HOW YOU REACT.
…
You curse.
You harshly scold your daughter for knocking the cup over.
She breaks down in tears.
After scolding her, you turn to your wife and criticize her for placing the cup too close to the edge of the table.
A short verbal battle follows.
You storm upstairs and change your shirt.
Back downstairs, you find your daughter has been too busy crying to finish her breakfast and getting ready to go to school.
She misses the bus.
Your spouse must leave immediately for work.
You rush to the car and drive your daughter to school.
Because you are late,
you drive 40 miles per hour in a 30 mph speed limit zone.
After a 15-minute delay and throwing $60.00 traffic fine away,
you arrive at school.
Your daughter runs into the building without saying goodbye.
After arriving the office 20 minutes late,
you realize your forgot your briefcase.
Your day has started terrible.
As it continues, it seems to get worse and worse.
You look forward to coming home.
When you arrive home, you find a small wedge
in your relationship with your wife and daughter.
Why?
Because of how you reacted in the morning.
-
Why did you have a bad day?
A) Did the coffee cause it?
B) Did your daughter cause it?
C) Did the policeman cause it?
D) Did you cause it?
The answer is: D
-
You had NO CONTROL over what happened with the coffee.
How you reacted in those 5 seconds is what caused your bad day!
>>>
Here is what could have and should have happened.
<<< Coffee splashes over you. Your daughter is about to cry. You gently say: “It’s okay, honey, you just need to be more careful next time.” Grabbing a towel, you go upstairs and change your shirt. You grab your briefcase, and come back down in time to look through the window and see your child getting on the bus. She turns and waves. You arrive 5 minutes early and cheerfully greet the staff. … Notice the difference?
Two different scenarios.
Both started the same.
Both ended different.
WHY? Because of how you reacted.
You really have no control over 10% of what happens in your life. The other 90% was determined by your reaction. . . .
—————————————-
Absolutely everything we do, give, say or even think,
It’s like a Boomerang.
It will come back to us.
If we want to receive, we need to learn to give first…
Maybe we will end with our hands half empty, but our hearts will be filled with love. And those who love life, have that feeling marked in their hearts.
***Fwd email က ရတာကို ထပ်ဆင့်ဝေမျှလိုက်ပါတယ်။

လုလင်ပျိုနှင့် စကားပြောခြင်း

ယမန်နေ့က ဆရာတော် အရှင်ဆေကိန္ဒ ဟောကြားတဲ့ ပထမအကြိမ် ယဉ်ကျေးလိမ္မာ ကလေးတရားပွဲ (Singapore)ကို သွားရောက်ခဲ့ပါတယ်။

တရားပွဲ အစီအစဉ်ကို နံနက်ပိုင်းမှာ ၁၂-နှစ်အောက် ကလေးများအတွက်၊ ညနေပိုင်းမှာ ၁၂နှစ်မှ ၁၈နှစ်အထိ ကလေးများအတွက် အချိန်ခွဲပြီး ကျင်းပသွားခဲ့ပါတယ်။ မြန်မာကလေး အတော်များများကို မိဘတွေက ပို့ဆောင်၊ ပို့လွှတ်ပေးနိုင်ခဲ့ကြပြီး အောင်မြင်တဲ့ အစီအစဉ်ဖြစ်ခဲ့ပါတယ်။ ဆရာတော်ကြီးရဲ့ ရည်ရွယ်ချက်နဲ့ လုပ်ငန်းစဉ်တွေကို ဒီနေရာမှာ ဖော်ပြရေးသားခြင်းငှာ မစွမ်းသာပါ။ Vesak Day အလုပ်ပိတ်ရက် ဖြစ်သည်နှင့်အညီ မိဘ၊ ဘိုးဘွားတွေဟာ ရင်သွေးငယ်တွေကို တရားပွဲသို့ လိုက်ပါပို့ဆောင်ခြင်း၊ ကိုယ်တိုင်လည်း ဘုရားကျောင်းကန်များသို့ သွားရောက်၍ ဘာသာရေး သာသနာရေး ကိစ္စများမှာ သက်ဝင်လှုပ်ရှားနေကြတဲ့ ဒီက မြန်မာလူမျိုး အသိုင်းအ၀ိုင်းရဲ့ တက်ကြွနေတဲ့ ပုံရိပ်တွေကို တပိုင်တနိုင် မှတ်တမ်းတင်ခြင်းမျှသာ ဖြစ်ပါတယ်။

(ဘလော့ဂ်ဂါ မပီသစွာ ဓာတ်ပုံ တပုံမှ မရိုက်ဖြစ်ခဲ့ခြင်းအတွက် သည်းခံပါ။)

*****
ညရောက်တော့ မသီတာ တူရဲ့သား Gtalk online မှာ မီးစိမ်းနေတာတွေ့လို့ စကားပြောဖြစ်ပါတယ်။ ခေတ်လူငယ်တယောက်ဖြစ်သည်နှင့်အညီ အင်တာနက် သိပ်သုံးတယ်ဆိုတာ သိထားပေမဲ့ သူနဲ့ အီးမေးလ် အဆက်အသွယ်လည်းမရှိ၊ chattingလည်း အခုမှသာ ပထမဦးဆုံး ပြောဖြစ်တာပါ။

me:  သားရေ
လုလင်:  ဗျာ တာတာ
me:  online မတွေ့လို့ တာတာက ဒီ account မသုံးတော့ဘူး ထင်နေတာ ဘယ် accountသုံးနေလဲ မေးဦးမလို့
လုလင်:  သားသုံးတယ် တာတာ့အကောင့်က Block List ထဲရောက်နေလို့ သားဟိုနေ့မှ ပြန်ကြည့်မိတယ်
me:  ဟေ အဲ့လိုလဲ ရှိသေးလား ဘယ်သူက ထည့်လိုက်တာတုန်း
လုလင်:  ဟုတ် သား တာတာနဲ့ တိုင်ပင်စရာရှိလို့
me:  ပြော
လုလင်:  သားကျောင်းတက်ဖို့ Scholar တစ်ခုရလို့
me:  ဘယ်မှာလဲ ဘယ်ကလဲ ဘာCourse လဲ
လုလင်:  ဟုတ် Sxxxxx လို့ပြောတယ် advance diploma in networking
သားက သူတို့ စစ်တဲ့ scholar စာမေးပွဲကို ၀င်ဖြေလိုက်တာ အောင်သွားလို့ တဲ့ သားကို အကြောင်းကြားတယ်
me:  ဘယ်မှာ တက်ရမှာလဲ စာမေးပွဲက ဘယ်က စစ်တာလဲ
လုလင်:  ဒီမှာ xxxxx က လုပ်တာ စလုံးမှာပဲ တဲ့
တက်ဖြစ်မတက်ဖြစ်ကို သူတို့ကို အကြောင်းကြားပါ တဲ့ ဒီလ နောက်ဆုံး
အဲ့တာ တက်ရမှာက ၁နှစ်

လုလင်:  ဟဲလို
ကွန်ကျသွားတယ်
တာတာ
အဲ့တာ သူတို့က ပြောတယ်
တက်မယ်ဆိုရင် စင်ကာပူ တစ်သောင်း နှစ်ထောင် ကျတယ် တဲ့
အဲ့တာ သားက စာမေးပွဲအောင်ထားတော့15 percent discount ရတယ်
၂၀၀၀လျော့သွားမယ်ပေါ့နော်
အဲ့တာ သား အိမ်နဲ့ တိုင်ပင်ကြည့်တော့
မေကြီးက တော့ ပြောတယ်
သူက သိပ်နားမလည်လို့ တာတာနဲ့ တိုင်ပင်ကြည့် ဆိုလို့လေ
သားလဲ
တာတာကိုလိုက်ရှာတာ
ဒီနေ့မှပဲ တွေ့ရတော့တယ်

me:  သားစာမေးပွဲ ၀င်ဖြေလိုက်တာ ကောင်းပါတယ်။ အတွေ့အကြုံရတာပေါ့။ အောင်တယ်ဆိုလို့လည်း ၀မ်းသာတယ်။
ဒါပေမဲ့ သားသိထားသင့်တာတွေ ပြောတော့မယ်။
လုလင်:  အင်း.. သား အတွေ့အကြုံရအောင်ပဲ ဖြေလိုက်တာ
ဟုတ်ကဲ့ ပြောပါ တာတာ
သားတို့ နိုင်ငံရဲ့ ကွန်နက်ရှင် ကအဆင်မပြေဘူး
me:  Ixxxxx က ပညာရေးဝန်ဆောင်မှုပေးပြီး စီးပွားရှာနေတဲ့ ကုမ္ပဏီ။
သူကို မကောင်း ပြောတာမဟုတ်ဘူး။
ဒီမှာ NUS လို University ကြီးတွေကလည်း ၀င်ငွေရှာတာပဲမို့
လုလင်:  ဆက်ပြောပါတာတာ ဟုတ်
me:  သူက မြန်မာပြည်က xxxxxx ကုမ္ပဏီလိုမျိုးနဲ့ ချိတ်လိုက်ပြီး သူ့ကျောင်း လူရအောင် ရှာတာ...ရှင်းရှင်းလေးပဲ
လုလင်:  သြော်
me:  ကိုယ်က ပိုက်ဆံပေးပြီး တက်ရမှာ...စိတ်ဝင်စားအောင် စကော်လာ အော်နေပေမဲ့
လုလင်:  အဲ့လိုကြီးကိုး ဟုတ်ကဲ့
me:  စကော်လာ ဆိုရင် Fully Scholar , Partial Scholar ရှိတယ်... သူ့ဟာကြီးက 15% discount ဆိုတော့ ...Partial Scholar လို့တောင် မသုံးပဲ ဈေးကွက်စကား discount ကို သုံးထားတာ ပေါ်တင်ကြီး ဖြစ်နေတယ်.
လုလင်:  ဟုတ်တယ်နော်
me:  တကယ်တော့လည်း Partial Scholar လို့လည်း သုံးမရပါဘူးလေ...Partial Scholar ဆိုရင်တောင် ကျောင်းလခရဲ့ တ၀က်လောက်ထိ ထုတ်ပေးရတာကို သူတို့ ကျောင်းလခက တသောင်း...ဒါကို တသောင်းနှစ်ထောင် လုပ်လိုက်ပြီး... စာမေးပွဲ ခံလိုက်ပြီး နှစ်ထောင်ကို scholar ပြော.... Discount ပြောနဲ့  လူဆွယ်တာပါခင်ဗျာ
လုလင်:  သြော် သားသိပြီ
အဲ့တာကြောင့် သူတို့က ဒီမှာ Seminar တွေ အများကြီး ခဏခဏလုပ်ပီး ရှာနေတာ
သားတို့က တော့ ကိုယ့်အတွက် knowledge တိုးအောင်လို့ လုပ်သမျှ Seminor သွားတက်တယ် နားထောင်တယ် သူတို့ လုပ်တဲ့စာမေးပွဲတွေဖြေကြည့်တယ်
me:  ဒါတွေကတော့ လုပ်သင့်တယ်။ ကိုယ့်ဘက်က အကုန်အကျ သိပ်မများဘူး ဆိုရင်ပေါ့။
လုလင်:  ဟုတ် အခမဲ့တွေကြီးပဲ အဲ့တာကြောင့်ပါ
me:  သူတို့ကျောင်းတွေလည်း ကိုယ့် ဆုံးဖြတ်ချက်နဲ့ကိုယ် တက်တဲ့သူတွေက တက်ကြတာပဲ။
လူဆိုတာအခြေအနေ အမျိုးမျိုးရှိတယ်လေ... တယောက်နဲ့တယောက်မတူဘူး
တာတာကတော့ ဒါကို အားမပေးချင်ပါ။ ဘာကြောင့်လဲ ဆိုတော့ အာမခံချက် မကောင်းလို့
ငွေပေးပြီးတက်တဲ့ကျောင်း ပြီးရင် ငွေ ဘယ်လောက် ပြန်ရမလဲ ဆိုတာနဲ့ပဲ အခုခေတ်မှာ အလွယ်ဆုံး စဉ်းစားရမှာပဲ
လုလင်:  သားလဲ တိုင်ပင်စရာလူမရှိလို့ တာတာ ကိုမေးကြည့်မယ်ဆိုပီး စောင့်နေတာ
ဒီမှာ ဘာမှအဆင်မပြေဘူး မီးတွေကမလာ connection တွေကျနဲ့ အဲ့တာဘာမှလုပ်လို့မရဘူး
me:  တာတာ သိတယ်။ အီးမေလ်ရေးလေ။ ရိုးရိုးစာနဲ့ စာတိုက်ကပို့

လုလင်:  အီးမေးလ်းရေးဖို့ Gmail ထဲဝင်ဖို့က တစ်နာရီလောက် ကြာတယ်
ဟီး
အခုသားဖွင့်ထားတာ ကြာပီ အခုထိတောင်တက်ဘူး
တော်သေးတယ် Gtalk ကောင်းနေလို့

me:  ကျောင်းက ဒီဂရီ ရအောင်လုပ်...လုပ်ငန်းခွင် အတွေ့အကြုံယူ။
လုလင်:  အင်း အလုပ်ရဖို့ကလဲ လုပ်ငန်းအတွေ့အကြုံလိုတယ် တဲ့နော်
me:  အေး..
me:  နောက်တခု အရေးကြီးတာက အလုပ်ရှာရင် အလုပ်အတွေ့အကြုံရှိရမယ်ဆိုတဲ့ (အလုပ်မရှိသေးလို့ အလုပ်ရှာပါတယ်။ အလုပ်အတွေ့အကြုံဆိုတော့ မုန့်လုံးစက္ကူကပ်သလို ရီစရာကြီး ဖြစ်မနေဘူးလား)
ဒါပေမဲ့ ဒါဟာ လောကမှာ တွေ့ကြုံရမဲ့ အမှန်တရားတွေပဲ
လုလင်:  ဟုတ်
me:  ဒီတော့ သား ဘ၀မှာ First Job ဆိုတဲ့ အလုပ်တခု ရဖို့ သိပ်အရေးမကြီးပါဘူးလား။ သိပ်ကိုလည်း ခက်ခဲသလိုပဲနော်။
လုလင်:  ဟုတ်ကဲ့ အလုပ်တွေကတော့ပေါသလိုပဲ ဒါပေမဲ့ တကယ် လုပ်မယ်လို့  စုံစမ်းတော့ မရဘူး
me:  တကယ်တော့ လျှို့ဝှက်ချက်ကို မသိလို့ပါ။
သားက အခု ကျောင်းတက်နေတာ မဟုတ်လား။ အဲ့ဒီတော့ ကျောင်းသားအလုပ် လုပ်နေတာပဲပေါ့။
အလုပ်သွားလျှောက်လို့အတွေ့အကြုံမေးရင် ဟုတ်ကဲ့ ကျောင်းသားမို့ Student မို့ study လုပ်နေတဲ့ အတွေ့အကြုံတွေရှိတယ်။ ဒါတွေ ဒါတွေ စာတွေ့ လေ့လာထားတယ်။ လက်တွေ့ လုပ်ရမည့် အခွင့်အရေး ရမယ်ဆိုရင် အစွမ်းရှိသလောက် ကြိုးစားလုပ်ချင်ပါတယ် ဆိုရင် ပြီးပြီပေါ့ မဟုတ်ဘူးလား။ 

ကိုယ့် မိဘက မွေးကတည်းက တလျှောက်လုံးပြုစု ပျိုးထောင်ပေးခဲ့တဲ့ ကိုယ့်ရဲ့ Personality ရိုးသားတယ်။ ယဉ်ကျေးတယ်။ ဒါတွေကလည်း သူတို့လိုတဲ့ အတွေ့အကြုံထဲ ထည့်မယ်ဆိုရင် ထည့်လို့ရပါတယ်။
me:  သားမှာ CV ရှိလား အလုပ်လျှောက်ရင် CV ကောင်းကောင်းလိုတယ်
လုလင်:  သား CV မရေးဖူးပါဘူး
me:  ရေးရမယ်။ Sample ပို့ထားလိုက်မယ်။
လုလင်:  ဟုတ်

အော် သား ဒီအကောင့်ကလဲ လူများတယ် အဲ့တာကြောင့် တစ်ခြားသီးသန့် အကောင့်တစ်ခုနဲ့ တာတာကိုအပ်မယ်

အဲ့ဒီ အကောင့်ကို ပို့ပေးပါနော်

me:  ok
သူငယ်ချင်းများတာ ကောင်းပါတယ်။ ဒါပေမဲ့ ကိုယ့်အတွက် အများအတွက် ဘယ်လောက် အကျိုးဖြစ်သလဲ ဆိုတဲ့ ဘောင်တော့ရှိရမယ်နော်။
လူဘ၀က တိုတိုလေးမို့ ကိုယ့်ပတ်ဝန်းကျင်က ကိုယ့်အပေါ် ကျေးဇူးရှိတဲ့သူတွေအတွက် ကိုယ့်အချိန်တွေ များများပေးပါ။
လုလင်:  ဟုတ်တယ်တာတာ
me:  မကောင်းတာ ဆိုရင် ကိုယ့် mind ရော body ကပါ အလိုအလျှောက် လက်မခံအောင် လေ့ကျင့်ထားပါ။
me:  ဘယ်လိုလဲ သိလား လွယ်လွယ်လေး... ကောင်းတာတွေချည်းပဲ သတိထားပြီးလုပ်
အဲ့ဒါဆို ကြာလာရင် အသိမရှိပါဘူး ဆိုတဲ့ ကိုယ့်ခန္ဓာကိုယ်ကြီးကတောင်  မကောင်းတာကို လက်မခံနိုင်ပါဘူးလို့ body language နဲ့ပြောလာလိမ့်မယ်
very nice to talk with u. I may post it in my blog; about this conversation
Do u feel bored?
then, time for break!
See u

လုလင်:  Good night
thanks!
take care u'r health

သူလေးကတော့ ဆွေတွေ မျိုးတွေထဲမှာ ဆိုးတယ်လို့ ကျော်ကြားသူလေးပါ။

*****

ကလေးကလေး အထင်မသေးနဲ့
ကလေးက လူကြီးဖြစ်တာ
ကလေးကောင်းမှ လူကြီးကောင်းမှာ
လူကြီးကောင်းမှ အားလုံးကောင်းမှာ
(ဆရာတော်ဦးဆေကိန္ဒ၏ ကလေးတရားပွဲ လက်စွဲဆောင်ပုဒ်)

မောင်လုလင်ကို တွေ့တုန်းခဏ ခြောက်လုံး မြှောက်လုံးတွေနဲ့ တော်တော် ပြောဖြစ်လိုက်တာ တရားပွဲကို သားငယ်ရေစင်နှင့်မနက်ပိုင်းရော သားကြီးရေချမ်းနှင့်ညနေပိုင်းပါ နားထောင်ခွင့်ရလိုက်တဲ့ မသီတာဆီ ကလေးတွေကို ကောင်းစေချင်တဲ့ စေတနာ ဆန္ဒတွေ စိမ့်ဝင် ကူးစက်လာခြင်းကြောင့်မှတပါး အခြားမရှိပြီ။

ပျော်ပျော်ပါးပါး ကကြီး ကနေ အ အထိ

"ပျော်ပျော်ပါးပါး ကကြီး ကနေ အ အထိ'' တဲ့ သက်ဝေ က တဂ်ပါတယ်။
စာလုံးလေးတွေကို စဉ်းစားရတာနဲ့တင် ပျော်ပါတယ်။

က - "ကမ္ဘာကြီးကို ကယ်တင်ဖို့ ရေ နဲ့ မီးကို ချွေတာစို့'' ဆိုတာ...

ခ - ခေတ်သစ် အစိမ်းရောင် ကြွေးကြော်သံ ဖြစ်လာတယ်။ (တို့နိုင်ငံက ခေတ်ရှေ့ပြေးနေတယ်။)

ဂ ဃ န ဏ ဆိုတဲ့ စာလုံးက အသေးစိတ်ကြည့်တဲ့ မှန်ဘီလူး

င - ကတော့  ငြိမ်း…  ငြိမ်း ကို ငြိမ်းလိုက်ပါ။ ငြိမ်းချမ်းပါစေ ကမ္ဘာမြေ။

စ လုံး- နဲ့ ဆ လိမ်

အစ နဲ့ အဆုံး ကြား

ဇ - ဇွဲ… တလုံးထဲနဲ့ ရှည်လျားတဲ့ အသွင်ဆောင်တယ်။

ဈ - ဈေးကွက်စီးပွားရေး စနစ်မှာ

ည - ညာတာပါတေးတွေနဲ့

ဋ -  ဋီကာချဲ့ မနေတော့ပါဘူး

ဌ - ဌေးသူတွေက သူဌေးဆိုရင်

ဍ - ဍရင်ကောက်ပင်တွေကတော့  သစ်ပင်ကြီးတွေပေါ် တွယ်ကပ်ပေါက်တာ မြင်ဖူးတာပဲ။

ဎ  -

ဏ -

တ - တုဏှိဘာဝေ

ထ - ထိုင်နေလို့ကတော့

ဒ - ဒီမိုကရေစီ ဆိုတာ

ဓ - ဓနရှင်တွေအတွက်ပဲ

န - နှလုံးသားနဲ့ စစ်တာဝန် (ရုပ်ရှင်နာမည်)

ပ - ပညာ သားပါပါ

ဖ - ဖော်လန်ဖားလိုက်ရ ရင်

ဗ - ဗလ အင်အားပြလို့ ရပြီ

ဘ - ဘိုးတော်ရဲ့

မ - မေတ္တာကြောင့်

ယ - ယဉ်ကျေးမှုနဲ့

ရ - ရိုးရာလည်း

လ - လုံးပါး ပါးပြီ။

ဝ - ၀ံသာနုစိတ်ဓာတ်နဲ့

သ - သယံဇာတတွေကို

ဟ - ဟိုလူကြီးက

ဠ - (ဘာရေးရမှန်းမသိတော့ပါဘူး)

အ - အောင်ပါစေ။ အောင်ကြပါစေ။

A to F for the Parent

ဒီနေ့သားတို့ ကျောင်းမှာ Empowering Your Child to Excel ခေါင်းစဉ်နဲ့ Elvin Leong ဆိုသူက မိဘများအတွက် ပညာပေးအစီအစဉ်မှာ ဟောပြောသွားပါတယ်။

သူက စကားအစမှာ “ခင်ဗျားတို့ ရေခဲသေတ္တာတို့ အ၀တ်လျှော်စက်တို့ ၀ယ်လာလို့ ပါကင်ဖောက်ပြီးရင် အရင်ဆုံး ဘာလုပ်ပါသလဲ” လို့ ပရိသတ်ကို မေးလိုက်ပါတယ်။ ပရိသတ်ထဲကတယောက်က “Manual Instruction ကို အရင်ဆုံး ဖတ်ပါတယ်” လို့ ဖြေလိုက်တော့ သူက “သိပ်ဟုတ်တဲ့ အဖြေပါပဲ”လို့ ပြောပါတယ်။ နောက်ဆက်ပြီး ကျနော်တို့ရဲ့ ချစ်လှစွာသော ရင်သွေးတွေကို ဆေးရုံမှာ မီးဖွားပြီးတဲ့အခါ သူနာပြုဆရာမလေးက ကလေးကို အနှီးထုတ်ပြီး ကျနော်တို့လက်ထဲလာထည့်တဲ့အခါ Manual လည်း ပါမလာဘူး။ သူ့ကို ပြုစုပျိုးထောင်ဖို့ “ကဲ ကျနော်တို့ ဘယ်လို လုပ်ကြမလဲ” တဲ့။ “ကလေးတွေကို ထိန်းကျောင်းတဲ့ အခါ ကြားဖူးနားဝတွေ၊ မိတ်ဆွေသူငယ်ချင်းတွေကနေ၊ ကောင်းနိုးရာရာ စာအုပ်တွေ ရှာဖတ်ပြီး အခါအားလျော်စွာ try and error တွေနဲ့ သွားနေတာ များပါတယ်” တဲ့။

ပြောသွားတာတွေက…

Parenting Styles မှာ တပ်မှူးတယောက်လို တသွေးတသံတမိန့်နဲ့ ခက်ထန်နေရမှာ မဟုတ်သလို၊ ကျောရိုးမပါတဲ့ ပက်ကျိလို ခပ်ပျော့ပျော့လုပ်နေရမှာလည်း မဟုတ်ပါဘူး။ အချိန်ပြည့် အလုပ်တွေ မနိုင်မနင်းဖြစ်နေရင်လည်း ကလေးနဲ့ အလှမ်းကွာဝေးသွားတတ်ပါတယ်။ မိဘဟာ ကလေးအတွက် နည်းပြဆရာကောင်း တစ်ယောက်, အတုယူစရာ စံပြကောင်းတစ်ဦး ဖြစ်သင့်ပါတယ်။

အကျဉ်းချုပ် အနေနဲ့ကတော့ The “ABCDEF” of a Parent Coach ဆိုပြီး ချပြသွားပါတယ်။

A is for Atmosphere of Love, Trust at home. မိဘတွေက အိမ်မှာ မေတ္တာတရားနဲ့ ယုံကြည်မှုတွေကို ပေးနိုင်တဲ့ ပတ်ဝန်းကျင်တစ်ခု ဖြစ်အောင် ဖန်တီးပေးရပါမယ်။
B is for Boundaries

ဘာတွေကို ဘယ်အတိုင်းအတာ အထိလုပ်နိုင်တယ်ဆိုတဲ့ နယ်စည်းကို နားလည်အောင် သင်ပေးရတယ်။ ကွန်ပြူတာ၊ တယ်လီဖုန်း အသုံးပြုတဲ့အချိန်၊ အပြင်သွားရင် ဘယ်အချိန်ပြန်ရောက်မယ် ဆိုတာ ပြောသွားတတ်တဲ့အလေ့အကျင့်ရှိဖို့၊ ကျောင်းမှာ နောက်ကျမယ်ဆိုရင် မိဘကို ဆက်သွယ်အသိပေးတတ်ဖို့၊ မုန့်ဖိုး အသုံးစားရိတ် ချင့်ချိန်တတ်ဖို့ ဥပမာတွေ ပေးသွားပါတယ်။ စည်းကမ်းရဲ့ အခြေခံပဲ ဆိုပါစို့။

Children feel more secure & thus tend to flourish when they know where the boundaries are.      (Dr James Dobson)

C is for Communication

ခန္ဓာကိုယ်ထဲမှာ သွေးလည်ပတ်မှု မရှိတော့ရင် သေသွားသလိုပဲ … Communication မရှိရင် Relationship က သေသွားရော။ Communication ဆိုတဲ့နေရာမှာ နားထောင်ပေးတာ, သူတို့အတွက် အချိန်ပေးတာ, သူတို့ရဲ့ ကမ္ဘာလေးထဲကို ကိုယ်လိုက်ဝင်ပေးတာမျိုးတွေ ပါပဲ။

D is for Discipline
စည်းကမ်းဆိုတာက စရိုက်ကို ပုံသွင်းပေးတဲ့ နည်းလမ်းပါပဲ။ စည်းကမ်းရဲ့ ပန်းတိုင်ကတော့ မိမိကိုယ်ကို စောင့်ထိန်းနိုင်ဖို့ပဲ ဖြစ်သင့်ပါတယ်။

E is for Esteem and Expectation

ကလေးတွေရဲ့ အမြင်နဲ့ အကြံပေးချက်တွေကို နားထောင်ပေးတာမျိုး, အသိမှတ်ပြုပေးတာမျိုးနဲ့ သူတို့ရဲ့ ကိုယ့်ကိုယ်ကို ယုံကြည်လေးစားစိတ်, မျှော်လင့်ချက်တွေကို တည်ဆောက် ပေးရပါတယ်။ သူတို့တွေရဲ့ လုပ်ဆောင်ချက်တွေအပေါ်မှာ ကောင်း, မကောင်းဆိုတဲ့ ရလဒ်တစ်ခုတည်းကြည့် မဆုံးဖြတ်ပဲ၊ သူတို့ရဲ့ ကြိုးစားအားထုတ်မှုကို အားပေးချီးမြှောက်ဖို့ လိုပါတယ်။ သူတို့တွေရဲ့ မျှော်လင့်ချက်တွေ, ရည်မှန်းချက်တွေက ရှင်းလင်းပြီး လက်တွေ့ဆန်ဖို့လိုပါတယ်။ ပြီးတော့ စာတစ်ခုတည်းမဟုတ်ဘဲ ဘက်စုံဖွံ့ဖြိုးတိုးတက်ရေးကို ဦးစားပေးသင့်ပါတယ်။

F is for Future Focus

ကလေးတွေဟာ အနာဂတ်ကို ရင်ဆိုင်နိုင်ဖို့ အသင့်ဖြစ်နေအောင် ပြင်ဆင်ပေးရတယ်။ လေတံခွန်လွှတ်သလိုပဲ တင်းအောင်ဆွဲတဲ့အခါ ဆွဲရပေမယ့် ကြိုးကိုလျှော့ပေးမှ မြင့်မြင့်တက်နိုင်မှာပါ။ ကလေးတွေဟာ ကြိုးနွံပြီး မိဘစကားကို တသွေမတိမ်း မြေ၀ယ်မကျ နာခံတတ်ဖို့ထက် တာဝန်ယူတတ်အောင် လေ့ကျင့်ပေးရပါတယ်။
သူတို့နဲ့ သင့်တော်မယ့်၊ သူတို့နှစ်သက်တဲ့ သင်ယူနည်းပုံစံကို သုံးပြီး သင်ယူစေရပါမယ်။

*****

ဒီနေ့ ဟောပြောပွဲကို မိခင်တွေသာမက ဖခင်တွေပါ အချိုးညီညီတက်ရောက်လာတာ အံ့သြဖွယ်တွေ့ရပါတယ်လို့ ဟောပြောသူက ပြောပါသေးတယ်။ ဒီပွဲက မလာမနေရ မဟုတ်ပါဘူး။ အခမဲ့ဖြစ်ပြီး ၁၁နာရီက စလို့ ၁နာရီမှာ ပြီးသွားတဲ့ အခါ နာဆီလမက် ထမင်းဗူးတွေလည်း မိဘတွေကို ဝေပါသေးတယ်။

ဒါတွေ သူတို့ ဘာကြောင့် လုပ်နေကြတာပါလဲ။
မယောင်ရာဆီလူးနေကြတာပါလား။

ဟောပြောပွဲအပြီးမှာ ဖြည့်ထားတဲ့ Feedback Form ကို ပြန်ပေး၊ ကိုယ့်ဝေစု ထမင်းထုတ်ယူအပြီး ခေါင်းထဲ ၀င်လာတဲ့ မေးခွန်းတွေပါ။
နောက်ဆုံးပိတ် မှာလိုက်ပါသေးတယ်။ “သူပြောသွားတာတွေက အကျိုးရှိပါရဲ့လား။ အကျိုးရှိတယ် ဆိုရင် လက်တွေ့ကျင့်သုံး လိုက်နာပါ။ မလိုက်နာဘူး မကျင့်သုံးဘူး ဆိုရင်တော့ ဟောပြောပွဲတွေ ဘယ်နှစ်ခုပဲ လိုက်နားထောင်ထောင် အလဟဿ အချည်းနှီးပါ” တဲ့။

ကိုယ့်ကိုယ်ကို မေးပါတယ်။ သူပြောသွားတာတွေမှာ ငါသိပြီးသား လက်ရှိ ကျင့်သုံးနေတာတွေနဲ့ တိုက်ဆိုင်မှု ဘယ်လောက်ရှိလဲ။ ဘာတွေ အသစ်ရလိုက်လဲ။ မိဘတွေရင်ဆိုင်နေရတဲ့ ပြဿနာတွေရဲ့ အဖြေကို ရလိုက်လား။ ဆက်တွေးပါတယ်။ ဟောပြောပွဲ တခုတည်းနဲ့တော့ အားလုံးကို ပြီးပြည့်စုံနိုင်မှာ မဟုတ်ပါဘူး။

ကျမကို ပြုစုပျိုးထောင်ပေးလိုက်တဲ့ မိဘနှစ်ပါးဟာ အဲ့လို သင်တန်းမျိုးတွေကို တကြိမ်တခါမှ မတက်ရောက်ခဲ့ဘူးဆိုတာ အလွန်သေချာပါတယ်။ ဒါပေမဲ့ သူတို့နည်း သူတို့ဟန်နဲ့ ပုံဖော်မှုအောက်မှာ လူလားမြောက်ခဲ့တဲ့ ကျမဟာ အကောင်းကြီးမဟုတ်သလို အဆိုးကြီးလည်း မဟုတ်ပါဘူး။ ဒီတော့ ကျမတို့တတွေဟာ ရှေးအစဉ်အလာအတိုင်း…. သွားမယ်ဆိုကြပါစို့… ယေဘုယျ သိပ်ဆန်သွားပြီး ရလဒ်အတွက် ခန့်မှန်းခြေ အဖြေကိုသာ ပေးနိုင်ပါလိမ့်မယ်။

ကိုယ့်ရင်သွေးကို အကောင်းဆုံးရဲ့ အညွန့်အဖူးတွေသာ ရစေချင် ဖြစ်စေချင်ကြတာ မိဘတိုင်းရဲ့ စေတနာပါ။ ဒါပေမဲ့ လမ်းကြောင်းမှန်ဖြင့် တစိုက်မတ်မတ် ချည်းကပ်ခြင်းမျိုး မဟုတ်ဘဲ၊ ရလဒ်ကိုသာ အာရုံစူးစိုက်လွန်းတဲ့အခါ မသမာတဲ့ နည်းလမ်းတွေ သုံးလိုသုံး၊ အမှားကို အမှန်ထင် ရွှေသမင်အလိုက်လွဲပြီး တလွဲတချော်တွေ ဖြစ်လိုဖြစ်နဲ့ လိုအပ်သည်ထက် ပိုပင်ပန်းကြတာ သတိမူစရာပါ။

မရေးဖြစ်သော ပို့စ်များနှင့် မွေးနေ့ဆုတောင်း

ဒီလထဲမှာ ပို့စ်တပုဒ်မှ မရေးရသေးဘူး။
မရေးချင်လို့ မဟုတ်ပါပဲ မရေးဖြစ်ခဲ့တာ…

မသီတာအတွက် ဘဘော့ဂ်ပေါ်ကနေ သူငယ်ချင်းတွေကို စကားလှမ်းလှမ်းပြောရတာမို့ ပို့စ်မရေးတော့ စကားမပြောပဲ သွေးကြီးနေသလိုလို… မဟုတ်ရပါဘူး။ မသီတာမှာ တိုင်တည်စရာဆိုလို့ ဒီသူငယ်ချင်းတွေပဲ ရှိတာ… ယုန်ရုပ်လေး ရေးမပြတော့ဘူးနော် ယုံပါ။

အမေများနေ့တုန်းကလည်း မရေးလိုက်ရဘူး။
အမေ့ပုံ… မသီတာကို မမွေးခင် ၁၉၆၈ က ရိုက်ထားတဲ့ ပုံလေး (မသီတာရဲ့ အခု အသက်အရွယ်လောက်မှာ ရိုက်ထားတဲ့ပုံပေါ့) တင်ချင်မိခဲ့တယ်။ နောက်မှ အမေ့ပုံမြင်ပြီး သမီးကို အထင်ကြီးသွားမှာစိုးလို့ မတင်တော့ပါဘူး… သက်ပြင်းချ လက်လျော့လိုက်တယ်။ (ပို့စ်ရေးတယ်ဆိုတာ အဲ့လို ပိုပိုသာသာလေးတွေနဲ့မှ ဖတ်ကောင်းမှာပေါ့နော့)

မေလ ၁ရက်နေ့ (မေဒေးနေ့)က မကြီးတို့ရဲ့ နှစ်လေးဆယ်မြောက် မင်္ဂလာနှစ်ပတ်လည်နေ့…
အောင်ဇေယျတု သဗ္ဗမင်္ဂလာ ဘာညာကွိကွ မရေးဖြစ်လိုက်ပါဘူး။

မန္တလေးက အာဂန္တု ကိုယ်တော်တွေ ကြွလာလို့ အိမ်မှာ ဘုန်းကြီး ဆွမ်းကပ်ဖြစ်လိုက်သေးတယ်။ လင်မယားနှစ်ယောက် လှူရေး တန်းရေးအတွက် တက်တက်ကြွကြွ ဆောင်ရွက်လိုက်ကြပုံများ ပို့စ်အဖြစ် မှတ်တမ်းတင်ထားစရာပေါ့။ ဒါလည်း မရေးဖြစ်လိုက်ပြန်ဘူး။

မေလ ၂၁ ရက်နေ့က ကိုလေးရဲ့ ရွှေရတုမွေးနေ့ပါ။ အကိုသုံးယောက်အနက် အကြီးနှစ်ယောက်က မဟာယောက်ျားသားဝါဒကို ကိုင်ဆွဲပြီး ညီမတွေအပေါ် ဖိနှိပ်ချုပ်ချယ်ခဲ့မှုတွေကို မျက်ဝါးထင်ထင် တွေ့မြင်ခဲ့ရပြီးနောက် ညှာတာထောက်ထား သနားငဲ့ညှာမှုတွေနဲ့ တလျှောက်လုံး ဆက်ဆံခဲ့တဲ့ သူ့အကြောင်းတွေကလည်း ပို့စ်တခု ရေးလောက်ပါတယ်။ (ချစ်သော ဇနီး၊ သား၊ သမီး တို့နဲ့ အတူ အဖေနဲ့အမေကို ဆတက်ထမ်းပိုး တိုးပြီး ကျေးဇူးဆပ် စောင့်ရှောက်နိုင်ပါစေ။ )

ဒီနေ့ကတော့ သူငယ်ချင်း သိင်္ဂီရဲ့ မွေးနေ့…
သူ့ဘလော့ဂ်မှာ ကျေးဇူးတင်ထိုက်တဲ့သူတွေကို သူကျေးဇူးတင်ထားတယ်။
မသီတာအတွက်တော့ သိင်္ဂီက ကျေးဇူးတင်ထိုက်သူထဲမှာ ပါနေတယ်…။
“စင်္ကာပူမြို့ကြီးကိုတဲ့ ယောင်လည်လည်ရောက်လာခဲ့တယ်” ဆိုတဲ့ ပို့စ်ရဲ့ အဆက်အဖြစ် မျဉ်းကြားမကူးလို့ ရုတ်တရက်ဖမ်းကာ ဒဏ်ရိုက်ခံရတယ် ဆိုတဲ့ ပို့စ် ဆက်ရေးရင် မသီတာကို သိင်္ဂီ ဘယ်လို ကယ်တင်ခဲ့ရပုံတွေ ပါလာမှာပါ။ ဒါလည်း မရေးဖြစ်သေးပါ။ သူငယ်ချင်း သိင်္ဂီကတော့ မသီတာရဲ့ မွေးနေ့မှာ “ပျော်ရွှင်သော နေ့ရက်များ ပိုင်ဆိုင်နိုင်ပါစေ… သူငယ်ချင်း” လို့ ပို့စ်တစ်ခု ရေးပေးဖူးပါတယ်။ အဲ့ဒီ ပို့စ်ထဲမှာ သူရေးခဲ့သလိုပဲ … သူငယ်ချင်းရဲ့ မွေးနေ့အတွက် ပြန်လည် ဆုတောင်းပေးလိုက်ပါတယ်။

သူငယ်ချင်းရဲ့ မွေးနေ့မှသည်... ချစ်သော မိသားစုနဲ့ အတူ... အေးအတူ ပူအမျှ ပျော်ရွှင်စွာ နေထိုင်ရင်း... နောက်ဆုံး အန္တိမပန်းတိုင်ကို မိတ်ကောင်းဆွေကောင်းနဲ့ အတူ အဆုံးတိုင် လျှောက်လှမ်းနိုင်ပါစေလို့.... ဆုမွန်ကောင်းတောင်းပေးလိုက်ပါတယ်နော်....။

ကလေးများအတွက် ဗုဒ္ဓဘာသာ ယဉ်ကျေးမှုအခြေခံသင်တန်း

စင်္ကာပူရောက် မြန်မာကလေးငယ်များအား ဗုဒ္ဓဘာသာ ယဉ်ကျေးမှုအခြေခံ ရရှိစေရန် ရည်ရွယ်၍ Satipatthana Meditation Centre (SMC) နာယကဆရာတော် ဦးရာဇိန္ဒ၏ ဦးဆောင်ညွှန်ကြားမှုဖြင့် ဗုဒ္ဓဘာသာယဉ်ကျေးမှုသင်တန်းကို ၂၀၀၅ ခုနှစ်မှ စတင်၍ နှစ်စဉ် ဇွန်ကျောင်းပိတ်ရက်များတွင် ဖွင့်လှစ်ခဲ့ရာ ယခုနှစ် အတွက် သင်တန်းကို အောက်ပါအစီအစဉ်အတိုင်း ဖွင့်လှစ် ပို့ချသွားမည်ဖြစ်ပါသဖြင့် သင်တန်းတက်ရောက်လိုသူများ ကြိုတင်စာရင်းပေးသွင်းနိုင်ပါသည်။


 
သင်တန်းနေရာ--- No. 8 Jalan Shaer Road (S) 769335
သင်တန်းကာလ--- မေလ ၃၁-ရက် (တနင်္လာနေ့) မှ ဇွန်လ ၁၃-ရက် (တနင်္ဂနွေနေ့) အထိ
သင်တန်းချိန်--- နေ့လည် ၂း၃၀ နာရီမှ ၆း၀၀ နာရီထိ

ဝင်ခွင့်လျှောက်လွှာ www.smcmeditation.org မှလည်းကောင်း SMC မှလည်းကောင်း ရယူနိုင်ပါသည်။
သင်တန်း စာရင်းပေးသွင်းရန်နှင့် မုန့်၊ အအေး လှူဒါန်းလိုသူများ
ဒေါ်မြမြလွင် (ဖုံး - 94251195)
ဒေါ်ကြူကြူလှိုင် (ဖုံး - 97996503) တို့ထံ ဆက်သွယ် စာရင်းပေးသွင်းနိုင်ပါသည်။

အနီး - အဝေး, အတွင်း - အပြင် - ၂

“အနီး - အဝေး, အတွင်း - အပြင်” တွင် အသိအမြင် သုံးမျိုးကို ဖော်ပြခဲ့သည်။ ပထမအဆင့်သည် ဗဟုသုတ အချက်အလက်ကို သိမြင်သော အသိဖြစ်သည်။ ထိုအသိတရားများသည် ပြင်ပလောကရှိ အသိခံ အာရုံများအား သိသောအသိဖြစ်သည်။ သဒ္ဒါအားဖြင့် ကံပိုင်း (Object) ကိုသိသော အသိဖြစ်သည်။ မိမိ၏ ပတ်ဝန်းကျင်ကို စူးစမ်းသော အသိဖြစ်သည်။ သိပ္ပံ, သမိုင်း, ပထဝီစသော ဘာသာရပ်များက ထိုပတ်ဝန်းကျင်သိအား အလေးပေးသည်။ သိပ္ပံ, သမိုင်းစသော ဘာသာရပ်များမှ ပေးသော အသိပညာတို့ဖြင့် ပိုမိုကောင်းမွန်သော ပတ်ဝန်းကျင်တစ်ခုဖြစ်စေရန် အစဉ် အားထုတ်ကြသည်။

ဒုတိယအဆင့်သည် ဗဟုသုတ, အချက်အလက်တို့ကို ကျော်လွန်၍ မိမိကိုယ် မိမိ စူးစမ်းရှာဖွေသော အသိမျိုးဖြစ်သည်။ ပြင်ပလောက ပတ်ဝန်းကျင်ကို ကျော်လွန်၍ “မိမိ” ဟူသော အတွင်း အဇ္ဈတ္တိကလောကကို စူးစမ်းသော အသိဖြစ်သည်။ အတွင်းစိတ် အာရမ္မဏိကကို သိသော အသိဖြစ်သည်။ သဒ္ဒါသဘောအားဖြင့် ကတ္တားပိုင်း (Subject) ကို သိသော အသိဖြစ်သည်။ “ဘဝတွင် မည်သို့ ကျင့်ကြံ နေထိုင်ရမည်” ဟု လမ်းညွှန်ပေးသော အသိမျိုးဖြစ်၍ နီတိ, ဒဿန, ကိုးကွယ်ယုံကြည်မှု ဘာသာတရားတို့က ဤအသိမျိုးကို ဦးစားပေးသည်။ ထိုအသိတရားတို့ဖြင့် လူကောင်းတစ်ဦး ဖြစ်စေရန် အားထုတ်ကြသည်။

ဗုဒ္ဓဘုရားရှင် လက်ထက်က မိမိတို့၏ လက်ဝတ်ရတနာများအား ခိုးယူသွားသည့် ပြည့်တန်ဆာမအား လိုက်လံရှာဖွေနေကြသော ဘဒ္ဒဝဂ္ဂီခေါ် မင်းသားသုံးဆယ်တို့အား “မိန်းမကို ရှာဖွေခြင်းသည် မြတ်သလော, မိမိကိုယ် မိမိရှာဖွေခြင်းသည် မြတ်သလော” ဟု ဘုရားရှင်က မေးခွန်းထုတ်ခဲ့ဖူးသည်။ Soul Searching ခေါ် မိမိကိုယ် မိမိရှာဖွေခြင်း (အတ္တာနံ ဂဝေသနာ) သည် ဘာသာတရား၏ အစခြေလှမ်းဖြစ်၏။ သို့သော် လမ်းဆုံးကား မဟုတ်။ ဗုဒ္ဓ၀ါဒအမြင်အရ “အရာခပ်သိမ်းတို့သည် အတ္တမဟုတ်, ငါ, ငါ့ဥစ္စာ မဟုတ်” ဟူသော အနတ္တ အသိအမြင်ဖြစ်သည်။ အတွင်း-အပြင်နှစ်လောကလုံးအား “ငါ, ငါ့ဟာ” ဟူ၍ စွဲလမ်းခြင်းကင်းသော အမြင်ဖြစ်သည်။ ငါ့ဟာဟု ထင်သော တဏှာ, ငါဟု ထင်သော မာန, ငါ့အတ္တဟု ထင်သော ဒိဋ္ဌိတို့ ကင်းကွာသော အမြင်ဖြစ်သည်။

မိမိကိုယ် မိမိရှာဖွေသည့်အခါတွင် အချို့အချို့သော ဒဿနဆရာတို့သည် မိမိတို့ “ငါ” ဟုထင်ထားသည့် အတ္တ ပျောက်ဆုံးနေသည်ကို သိမြင်ကြသည်။ အထူးသဖြင့် ဖြစ်တည်မှုဝါဒီတို့ဖြစ်ကြသော Camus က “မိမိသည် မိမိအတွက် တစိမ်းတရံစာ” ဖြစ်နေသည်ဟု ဆို၏။ Sartre က အသိစိတ်သည် “ဤသို့ ဤဟာဟု သတ်မှတ်၍ မရ အမြဲအနာဂတ်သို့ ညွှတ်နေသည့် နတ္ထိတရား” အဖြစ်မြင်သည်။ သူတို့အရင်ကျသော Hume ကလည်း အတ္တဆိုသည်ကို ရှာမရ … ပူခြင်း, အေးခြင်း, ချစ်ခြင်း, မုန်းခြင်း စသဖြင့်သော အစဉ်တစိုက်ပြောင်းလဲနေသည့် သိမှုအစုအဝေးသာ ဖြစ်သည်” ဟု မြင်သည်။ ထိုသို့သိမြင်ခြင်းကိုပင် “ဗုဒ္ဓဒေသနာများအား မကြားနာဖူးပါလျှက် မိမိတို့၏ စိန္တာမယအသိဉာဏ်အလျောက် အနတ္တအမြင်ပေါက်သွားကြသည်” ဟု အချို့က အထင်ရောက်ကြသည်။ စင်စစ် ယင်းအသိအမြင်တို့သည်ကား အနတ္တအမြင် အစစ်မဟုတ်သေး။ “ငါ့တွင် ခိုင်မြဲသော အတ္တ မရှိပါတကား။ ငါ့တွင် အားကိုးစရာ အတ္တ မရှိပါတကား” ဟု ယူဆသော ဥစ္ဆေဒဒိဋ္ဌိသာ ဖြစ်သည်။ အတ္တဒိဋ္ဌိကင်းစဉ်သော အသိတရား မဟုတ်သေး။ တဏှာကုန်ရာ နိဗ္ဗာန်သို့ ပို့ဆောင်ပေးနိုင်မည့် အသိတရား မဟုတ်သေးပေ။

ပုထုဇဉ်တို့သည် အများအားဖြင့် “ရှိခြင်း” နှင့် “မရှိခြင်း” ဟူသော အစွန်းတခုခုတွင် ငြိတွယ်နေကြသည်။ “ငါသေလွန်က ဆက်ရှိနေမည်။ မနေ့က ငါသည် ဒီနေ့ ငါနှင့် အတူတူပင်ဖြစ်သည်” စသဖြင့် ယူဆခြင်းများသည် “ရှိမှုအစွန်း” သဿတဒိဋ္ဌိ ဖြစ်သည်။ “ငါသေလွန်က မရှိတော့။ မနေ့က ငါသည် ဒီနေ့ ငါမဟုတ်တော့” စသဖြင့် ယူဆခြင်းများသည် “မရှိမှုအစွန်း” ဥစ္ဆေဒဒိဋ္ဌိ ဖြစ်သည်။ ထိုအစွန်းတရားများတွင် ငြိတွယ်နေခြင်းသည်လည်း အကြောင်းအကျိုးဆက်နွယ်မှုကို မသိမြင်သေး၍ ဖြစ်သည်။ ပဋိစ္စသမုပ္ပါဒ်တရားအား မသိမြင်သေး၍ ဖြစ်သည်။ အကြောင်းတရားတို့အားမှီ၍ အကျိုးတရားတို့ ဖြစ်သည်ကို မှန်စွာ သိမြင်ပါက “မရှိတော့, မဖြစ်တော့” ဟူသော ဥစ္ဆေဒအစွန်းကို ပယ်နိုင်သည်။ အကြောင်းတရားတို့ ချုပ်သောအခါ ယင်းအားမှီနေသည့် အကျိုးတရားတို့လည်း ချုပ်ကြရသည်ကို မှန်စွာ သိမြင်သောအခါ “ဆက်ရှိနေသည်, ခိုင်မြဲသည်” ဟူသော သဿတအစွန်းကို ပယ်၏။ အစွန်းတရားနှစ်ပါးလွတ်ကာ အကြောင်းကြောင့် အကျိုးဖြစ်ရသည်ကို သိမြင်သောအခါ အတ္တအမြင်ကင်းစင်၍ မှန်ကန်သော အနတ္တအသိ အမြင်ဖြစ်ပေါ်သည်။ မှန်ကန်သော အနတ္တအသိအမြင်သည်သာ တပ်မက်ခြင်း တဏှာကုန်ရာသို့ ပို့ဆောင်နိုင်သည်။ ဗုဒ္ဓဘာသာဝင်တို့၏ ပန်းတိုင်ဖြစ်သော ဒုက္ခချုပ်ငြိမ်းမှုကို မျက်မှောက်ပြုစေနိုင်သည်။

ဗဟုသုတအသိများဖြင့် လောက ကောင်းကျိုးကို ဆောင်ရသည်။ အဇ္ဈတ္တအသိတရားတို့ဖြင့် မိမိကိုယ် မိမိ ကောင်းမွန်အောင် တည့်မတ်ရသည် (အတ္တ သမ္မာ ပဏိဓိ)။ ဘဝ ကောင်းကျိုးကို ဆောင်ရွက်ရသည်။ အကြောင်းအကျိုး, အဖြစ်အပျက်တို့ကို ဘာဝနာပွားများ၍ရသော အနတ္တအသိအမြင်ဖြင့် အတ္တနှင့် လောကမှ လွန်မြောက်ခြင်းဟူသော လောကုတ္တရာအကျိုးကို ဆောင်ရွက်ရသည်။ ဘဝမှ လွတ်မြောက်အောင် အားထုတ်ရသည်။

အနီး - အဝေး, အတွင်း - အပြင်

ဟေတီတွင် ငလျှင်လှုပ်တော့ တရုတ်ပြည် စီချွမ်ငလျှင်လောက် စင်္ကာပူတွင် လှုပ်လှုပ်ရှားရှားမဖြစ်ခဲ့။ ထိုင်း, သီရိလင်္ကာနှင့် အိန္ဒိယနိုင်ငံမှာ လူပေါင်းများစွာ သေဆုံးခဲ့ရသည့် ဆူနာမီသည်လည်း နာဂစ်မုန်တိုင်းလောက် မြန်မာတို့ကို စိတ်ထိခိုက်စေခဲ့မည် မဟုတ်ပါ။ အကယ်၍ အင်္ဂါဂြိုဟ်ပေါ်တွင် အလွန်ပြင်းထန်သော စူပါမုန်တိုင်းများတိုက်၍ ငလျှင်အကြီးအကျယ် လှုပ်ခဲ့ပါက သတင်းခေါင်းကြီး တစ်ပုဒ်ဖြစ်လာပါမည်လော … ။ အဖြစ်အပျက်များ၏ အရေးပါမှုသည် ထိုအဖြစ်အပျက်တို့၏ ပမာဏအကြီးအသေးထက် မိမိတို့အပေါ် သက်ရောက်မှု အတိမ်အနက်နှင့် ပို၍ သက်ဆိုင်နေပါလိမ့်မည်။

“ရှမ်းပြည်နယ်စပ်မှ ရွာလေးတစ်ရွာတွင် အလောင်းစည်သူမင်း ဖောင်ဆိုက်ခဲ့ခြင်း ရှိ-မရှိ” ဟူသော ပြဿနာသည် သမိုင်းသဘောအရ အချက်အလက်မှန်ကန်မှု ရှိမရှိ စစ်တမ်းထုတ်သင့်သော ပြဿနာဖြစ်ကောင်း ဖြစ်နိုင်ပါသည်။ သမိုင်းအထောက်အထားများ, သိပ္ပံနည်းပညာများဖြင့် ဆန်းစစ်၍လည်း ရကောင်း, ရနိုင်ပါလိမ့်မည်။ သို့သော် ထိုအချက်အလက် မှန်ခြင်း, မှားခြင်းအတွက် မိမိတို့၏ ဘ၀တွင် အရေးပါသော အပြောင်းအလဲတစ်ခုတော့ ဖြစ်ပေါ်စေနိုင်မည် မဟုတ်။ ထိုသို့သော အမှန်တရားတို့အား Objective truth ဟုခေါ်သည်။ ဤနေရာတွင် Objective အား ဓမ္မဓိဋ္ဌာန်ဟု ဘာသာပြန်မည့်အစား ဗဟိဒ္ဓအမှန်တရားဟု (စကားလုံးအသုံးအနှုန်းကြောင့် အဂတိမရောက်စေရန်) ပြန်ကြည့်ချင်ပါသည်။ Object သည် အသိခံ အာရုံဖြစ်သည်။

အကယ်၍ ဆေးစစ်ချက်တစ်ခုအရ “မိမိတွင် ဦးဏှောက်ကင်ဆာ ဖြစ်နေသည်” ဟု သိရသော အချက်အလက်မျိုးသည်လည်း သိပ္ပံနည်းပညာများဖြင့် ဓမ္မဓိဋ္ဌာန်ကျကျ စမ်းသပ်သက်သေပြနိုင်သော ဗဟိဒ္ဓအမှန်တရားမျိုး ဖြစ်ပါသည်။ သို့သော်လည်း ထိုအချက်အလက်မှားခြင်း, မှန်ခြင်းသည် “ငါ ဘာလုပ်ရမလဲ၊ ငါ ဘာလုပ်သင့် သလဲ” ဟူသော မေးခွန်းအား ဖြေဆိုရန် တောင်းဆိုလာသည့် ပြဿနာဖြစ်သည်။ မိမိတို့၏ ဘ၀တွင် မည်သို့နေထိုင်သွားမည်, မည်သို့ရင်ဆိုင်သွားမည်ဟူသော အသိတရားသည် အမေးတူသည့်တိုင် လူတစ်ဦးချင်းစီအလိုက် အဖြေမတူညီနိုင်သည့် ပြဿနာများ ဖြစ်သည်။ ထိုအဖြေတို့၏ အမှန်အမှားသည် မိမိတို့၏ ဘ၀အရွေ့အပြောင်းကို လမ်းကြောင်းပေးနေကြသည်။ ထိုအမှန်တရားတို့အား Subjective truth ဟုခေါ်ပါသည်။ ပုဂ္ဂလဓိဋ္ဌာန်ဟု ပြန်လေ့ရှိကြသော်လည်း အဇ္ဈတ္တိကအမှန်တရားဟု ပြန်ကြည့်ပါမည်။ စင်စစ် အဇ္ဈတ္တိက (အတွင်း) ဟူသော စကားသည်လည်း “အတ္တကို ထောက်ဆ၍ သိသော (အဇ္ဈတ္တိက = အဓိ + အတ္တ + ဣက)” ဟုအဓိပ္ပါယ်ရပါသည်။ Subject သည် ပုထုဇဉ်တို့က အတ္တဟု စွဲယူထားကြသော သိစိတ် အာရမ္မဏိကဖြစ်သည်။

ဗဟိဒ္ဓအမှန်တရားများ, အချက်အလက် အသိအမြင်များ, သိပ္ပံအသိအမြင်များသည် သူ့နေရာနှင့်သူ အလွန် အရေးပါကြသော်လည်း အဇ္ဈတ္တိကအမှန်တရားများ, အတွင်းသိအမြင်များလောက် ဘ၀အတွက် သေရေးရှင်ရေးတမျှ အရေးမကြီးလှပါ။ ဖြစ်တည်မှုဝါဒီတို့က ထိုအချက်ကို သိမြင်ကြသည်။ မိမိတို့၏ ဘ၀နေရေး သေရေးအတွက် ဦးဆောင်လမ်းပြနိုင်မည့် အမှန်တရားကို ရှာဖွေရန် ကြိုးစားခဲ့ကြသည်။ Scientific method တွင် ဘ၀ပြဿနာတို့၏ အဖြေအား ပြင်ပအာရုံပိုင်း, ရုပ်ပိုင်းတွင် ရှာဖွေကြသည်။ ဖြစ်တည်မှုဝါဒီတို့၏ phenomenological method တွင် ဘ၀ပြဿနာ၏ အဖြေအား အတွင်းအာရမ္မဏိကပိုင်း, စိတ်ပိုင်းတွင် ရှာဖွေကြသည်။

“To find a truth which is true for me, to find the idea for which I can live and die.” (Søren Kierkegaard)
-------
“ငါ့မှာ နှလုံးသား ရှိတယ်။ ငါကိုယ်တိုင် ခံစားနိုင်လို့ ရှိတယ်လို့ ကောက်ချက်ချတယ်။ ဒီလောကကြီးလည်း ရှိတယ်။ ငါကိုယ်တိုင် ထိတွေ့သိနိုင်လို့ ဒီလောကကြီး ရှိတယ်လို့ သိနိုင်ပြန်ပါတယ်။ ငါ့ အသိတရားအားလုံးက ဒီတင် ရပ်သွားသည်။ ကျန်တာတွေက လုပ်ကြံထားတဲ့ အသိတွေပါ။ ငါ သေခြာပေါက်ပြောခဲ့တဲ့ ငါ့ကိုယ် ငါ ဖမ်းဆုပ်ဖို့ အဓိပ္ပါယ်ဖွင့်ဆိုဖို့ ကြိုးပမ်းလိုက်တဲ့အခါ၊ ငါ့ရဲ့ လက်ချောင်းတွေအကြား စီးဝင်သွားတဲ့ အရည်တစ်ခုထက် မထူးခြားတော့။ … ငါ့ရဲ့ စိတ်နှလုံးဟာ ငါ့အတွက်တော့ အဓိပ္ပါယ် ဖွင့်ဆိုရ ခက်ခဲနေဆဲပါပဲ။ … ငါဟာ ငါ့အတွက်တော့ အမြဲတမ်း တစိမ်းပြင်ပြင် ဖြစ်နေခဲ့တယ်။ သူတို့ရဲ့ ကြမ်းတမ်းမှုတွေကို တွေ့ထိကြည့်နိုင်တဲ့ သစ်ပင်တွေ, သူတို့ရဲ့ အရသာကို ငါ ခံစားကြည့်နိုင်တဲ့ ရေတွေ, … မြက်ခင်းစိမ်းစိမ်းရဲ့ ရနံ့တွေ, ကြယ်တာရာတွေ, ညချမ်းတွေ, ငါ့စိတ်ကို ပေါ့ပါးစေခဲ့တဲ့ ညနေခင်းတွေ, … သူတို့တွေရဲ့ အင်အားတွေကို ငါကိုယ်တိုင်ခံစားသိမြင်နေလျှက်နဲ့ ဒီလောကကြီးကို ဘယ်လို ငြင်းဆန်နိုင်ပါ့မလဲ…။ ဒါပေမယ့် ဒီကမ္ဘာမြေမှာရှိသမျှ သိပ္ပံပညာတွေအားလုံးက ဒီလောကကြီးဟာ ငါ့ရဲ့ လောကကြီးပါဆိုတဲ့ သေခြာမှုမျိုးကို မပေးနိုင်ပါဘူး။ (Camus – The Myth of Sisyphus and Other Essays)

ဘ၀ပြဿနာ၏ အဖြေကို ပြင်ပအချက်သိများတွင် မရှာပဲ၊ အဇ္ဈတ္တသို့ နှိုက်၍ ရှာဖွေသောအခါ ဖြစ်တည်မှုဝါဒီတို့ တွေ့မြင်သည်ကား အဖြေမဟုတ်။ ဒွိဟပြဿနာတစ်ခုသာ ဖြစ်နေသည်။ ကမူးအတွက် မိမိကိုယ်တိုင်သည် မိမိအတွက် “အပြင်လူ” ဖြစ်နေသည်။ အသိစိတ်သည် ရုပ်တရားကြီးကဲ့သို့ ဟိုဟာ, ဒီဟာ ညွှန်ပြ၍ မရ အမြဲ အငြင်းသဘောဆောင်နေသည့် နတ္ထိတရား (Nothingness) ဖြစ်နေသည်။ ဤသို့ ဆုပ်ကိုင်မရသည်ကိုပင် သူတို့က လွတ်လပ်မှုဟု ကြွေးကြော်ကြသည်။ သို့သော် သူတို့၏ လွတ်လပ်မှုသည် ချမ်းသာသုခနှင့် ယှဉ်သော လွတ်လပ်မှုမျိုးကား မဟုတ်။ စိုးရိမ်မှု သောကများနှင့် ပြည့်နှက်နေသော ဒဏ်ခတ်ခံရသည့် လွတ်လပ်မှုမျိုးဖြစ်သည်။

ဗုဒ္ဓမြတ်စွာဒေသနာအရ အတ္တမဟုတ်ဟု သိမြင်သောအမြင်သည် မှန်ကန်သောအမြင်ဖြစ်သည်။ သို့သော်လည်း ဖြစ်တည်မှုဝါဒီတို့၏ အတ္တ ပျောက်ဆုံးနေမှုသည် အနတ္တအမြင် အစစ်မဟုတ်။ “နတ္ထိ မေ အတ္တာတိ - ငါ့အား အတ္တ မရှိ” ဟူသော အတ္တဖြင့် အနတ္တကို ရှုမြင်သော အယူဖြစ်နေသည်။ ဖြစ်တည်မှုဝါဒီတို့ကို မဆိုထားလင့် ဘုရားရှင်လက်ထက်က (ပရိနိဗ္ဗာန်စံပြီးစ) အရှင်ဆန္နမထေရ်သည်ပင် “အနိစ္စ, အနတ္တ” ဟု ရှုပွားလျှက်ပင် “အထ ကော စရဟိ မေ အတ္တာတိ - သို့ဆိုလျှင် ငါ၏ အတ္တသည် အဘယ်နည်း” ဟု ပြန်၍ စိတ်လည်ကာ တရားမရ ဖြစ်ရသည်။ အသိစိတ် အာရမ္မဏိကတရားတို့ ဖြစ်ပေါ်ရခြင်း၏ အကြောင်းရင်းမှန်ကို မသုံးသပ်နိုင်၍ ဖြစ်သေည်။ အတွင်း အာရမ္မဏိကတရားတို့အား ကပ်ငြိနေ၍ ဖြစ်သည်။ ဗုဒ္ဓဘာသာအရ အမှန်တရား ရှာဖွေခြင်းသည် ဗဟိဒ္ဓအာရုံပိုင်းနှင့် အဇ္ဈတ္တိက, လောကနှင့် အတ္တ, အတ္တနှင့် အတ္တနိယ, ရှိခြင်းနှင့် မရှိခြင်းစသော အစွန်းတရားများတွင် မကပ်ငြိသည့် မဇ္ဈိမပဋိပဒါလမ်းစဉ်ဖြစ်သည်။

အရာရာအား ငါ (အတ္တ), ငါနှင့် ပတ်သက်သောအရာ (အတ္တနိယ) မဟုတ်ဟု နှလုံးသွင်းနိုင်ပါက စိုးရိမ်ခြင်း, ကြောက်ရွံခြင်း, စိတ်မချမ်းမြေ့ခြင်း မရှိနိုင်တော့ပါ။ လူတို့သည် ဇေတ၀န်ကျောင်းမှ အမှိုက်တို့အား ယူဆောင်၍ မီးရှို့ကြပါက ငါ့တို့၏ အမှိုက်များအား ယူကြလေခြင်း, မီးရှို့ကြလေခြင်းဟု စိတ်နှလုံးမသာမယာ ဖြစ်ကြမည်မဟုတ်။ ထို့အတူပင် ခန္ဓာငါးပါးတို့အား အတ္တမဟုတ်, အတ္တနိယမဟုတ်ဟု ပယ်စွန့်နိုင်ပါက ချမ်းသာမှုကိုရကြမည်ဟု နတုမှာကသုတ်တွင် ဟောကြားထားသည်။ ရဟန္တာအရှင်မြတ်တို့၏ စိတ်သည်ကား ဘ၀အနိမ့်အမြင့်များ, လောကဖြစ်ရပ်များအားလုံးအား အင်္ဂါဂြိုဟ်ပေါ်မှာ စူပါမုန်တိုင်းတိုက်ခတ်မှုများပမာ အတ္တ, အတ္တနိယတို့ဖြင့် မငြိတွယ်သောအမြင် ထားရှိနိုင်ကြပါသည်။

မှတ်ချက်။ ဒီပို့စ်ပါအချက် အချို့ကို “အတ္တရုပ်ကြွင်းအား တူးဆွခြင်း” လို့ရေးခဲ့ ဖူးပါတယ်။ ရေးဖို့စိတ်ကူးထားတဲ့ စာတမ်းကတော့ ချ မရေးဖြစ်သေးပါ။

စာညွန်း

မ-၁-၁၉၊ မူလပဏ္ဏာသ၊ မူလပရိယာယ၀ဂ်၊ သဗ္ဗာသ၀သုတ်

သံ-၃-၉၀၊ ခန္ဓသံယုတ်ပါဠိတော်၊ ခန္ဓသံယုတ်၊ ထေရ၀ဂ်၊ ဆန္နသုတ်

သံ-၃-၃၃၊ ခန္ဓသံယုတ်ပါဠိတော်၊ ခန္ဓသံယုတ်၊ နတုမှာက၀ဂ်၊ နတုမှာကသုတ်

ကျနော် စကားပြန်ဆရာ

မန္တလေးမြို့ဆိုသည်မှာ သာသနာထွန်းကားရာ မြို့တော်ကြီး ဖြစ်သည်နှင့်အညီ ကြီးကြီးငယ်ငယ် ရွယ်ရွယ်လတ်လတ် မည်သူမဆို ကျောင်းရိပ်၊ ကန်ရိပ်၊ ဘုရားရိပ်နှင့် နီးစပ်ကြသူများချည်းသာ ဟု ယေဘုယျအားဖြင့် ဆိုနိုင်ပါသည်။ ကျနော်သည်လည်း ငယ်စဉ်တောင်ကျေး ကလေးဘ၀ကပင် မိဘ၊ ဘိုးဘွားများ ဆည်းကပ် ကိုးကွယ်ရာ မြတောင်ကျောင်းတိုက်ကြီးသို့ ၀င်ချည် ထွက်ချည်ဖြင့် ဘုရားရှိခိုးမှအစ မင်္ဂလသုတ်အလယ် ဗုဒ္ဓစာပေများကို အားလပ်သည့် ဦးပဉ္ဇင်းတပါးပါးထံမှ လေ့လာ ဆည်းပူးရင်း ကြီးပြင်းလာခဲ့ရပါ၏။ တခါတွင်တော့ မှတ်မှတ်ယယဖြစ်ရသည့် နိုင်ငံခြားသား အမေရိကန်ဇနီးမောင်နှံ နှစ်ယောက်သည် ကျောင်းတိုက်သို့ ဧည့်သည်အဖြစ်ရောက်ရှိလာ၏။ ဖော်ရွေပျူငှာသော မန်းသားတို့ ဓလေ့ထုံးစံအတိုင်း ဧည့်သည်များကို မြို့တော်တခွင်နှင့် ရောက်သင့် သွားသင့်သော ၀န်းကျင်တ၀ိုက်ကို အလည်အပတ်လိုက်ပို့ရန် ဦးပဉ္ဇင်းတပါး တာဝန်ကျလေ၏။ ဦးပဉ္ဇင်းသည် ရင်းနှီးရင်းစွဲရှိပြီးဖြစ်သော ကိုးတန်းကျောင်းသားရင့်မာကြီး ကျနော့်ကို စကားပြန်အဖြစ် လိုက်ပါရန် အဖော်ခေါ်လေ၏။

ပထမနေ့မှာတော့ မြို့တော်တခွင် လှည့်လည်စဉ် အစီအစဉ်အရ ဘုရားကြီးသွားမည်၊ မန္တလေးတောင်တက်မည် ဖြစ်သည်။ စာသင်ထားသော်လည်း ပြောစမရှိသော ဘာသာစကားသည် အစပိုင်း၌ နှုတ်ဖျားမှ တလုံးတပါဒမှ တိုး၍ ထွက်မလာပါ။ ဦးပဉ္ဇင်း၏ “ပြောပြလိုက်လေ၊ ရှင်းပြလိုက်လေ” ဆိုသည့် တိုက်တွန်းစကားများအောက်မှာ နေရထိုင်ရ အလွန်ခက်လှ၏။ ထိုအခြေအနေမှ ဧည့်သည် ဇနီးသည် ဖြစ်သူသည် မြန်မာစကားကို စတင်လေ့လာ သင်ကြားနေသူမို့ မြန်မာလို မတောက်တခေါက် ပြောခြင်းဖြင့် တဖြေးဖြေး ချောမွေ့လာ၏။ မန္တလေးတောင်ပေါ် တက်သောအခါတွင်တော့ အတော်လေး အရှိန်ရလာပေပြီ။ ကျန်စစ်သား လှံထောက်သောနေရာ ရောက်သောအခါ ကျနော်က ဦးပဉ္ဇင်းကို “ဦးဇင်း… ဒါတော့ ယုတ္တိမရှိဘူးနော် ရှင်းပြမနေပါနှင့်တော့” ဟု (ကျနော်လည်း ဘယ်လို ပြောရမည်မှန်းမသိ၍) ပြောသော်လည်း၊ ဦးဇင်းက လက်မခံပါ။ “ရှင်းပြလိုက်၊ ရှင်းပြလိုက်ပါ” ဟုသာ ဆိုသဖြင့် ကျနော်လည်း ပြောတော့ ပြောပြလိုက်ပါသေးသည်။ မြွေကြီး နှစ်ကောင်ကိုလည်း Two Guardian Snakes ဆိုတော့ သူတို့ ဇနီးမောင်နှံက ခေါင်းတငြိမ့်ငြိမ့်နဲ့ ဟုတ်လို့…။ ဦးပဉ္ဇင်းက သူတို့ကို ဓာတ်ပုံရိုက်ပေးသည့်အခါမျိုးတွင်လည်း ဧည့်သည်ဇနီးဖြစ်သူက “ဦးဇင်းက လိမ္မာတယ်၊ သိပ်လိမ္မာတယ်” ဟု ပြောတတ်သေးသည်။ သူ ထိုသို့ပြောတိုင်း ကျနော့်ရင်ထဲ ခိုးလို့ခုလု ဖြစ်ရသော်လည်း ဘယ်လို ပြောရမယ် ဟုတော့ ပြင်မပေး ဖြစ်ခဲ့ပါ။ (ပြင်မှ ပြင်မပေးတတ်တာ)

ဒုတိယနေ့တွင်တော့ ကျနော်တို့ စစ်ကိုင်းဘက်ကို ကူးကြမည်ဖြစ်သည်။ ဧည့်သည်ယောက်ျားသည် ဇနီးသည်ကဲ့သို့ မြန်မာစကားကို လေ့လာသင်ကြားခြင်း မပြုရသေးသော်လည်း အချိန်အား ရလျှင်ရသလို တရားထိုင်ခြင်းအလုပ်၌ ပျော်မွေ့သူဖြစ်ရကား သူတော်ကောင်းတို့ ကိန်းအောင်းမွေ့လျော်ကြသည့် နေရာသို့ သွားရတော့မည်ဟူသော အသိဖြင့် စိတ်ဇောတက်ကြွ ရွှင်လန်းနေပုံရပါ၏။ ဒီလိုနှင့် ကျနော်တို့ စစ်ကိုင်းတောင်ရိုးတွင် စေတီပုထိုးများသာမက ရဟန်း၊ သီလရှင်တို့ သီတင်းသုံးနေထိုင်ရာ ချောင်တွေပါလည်ကြသည်။ ချောင်တခုတွင်တော့ လူအရိုးစု အပုံလိုက်ကြီးရှိနေ၏။ အနီး၌လည်း ဆေးကျောင်းသားများသုံးသည့် လူတယောက်၏ ခန္ဓာဗေဒ ရုပ်ပုံကားချပ်ကြီးကို ချိတ်ဆွဲထားလေ၏။ ထိုချောင်၌ သီတင်းသုံးနေထိုင်သူ တရားအားထုတ်ရာတွင် အထောက်အကူအဖြစ် အသုံးပြုခြင်းဖြစ်ဟန်တူ၏။ ဤနေရာတွင်လည်း ဦးပဉ္ဇင်းက “သုံးဆယ့်နှစ် ကောဋ္ဌာသ ဆိုတာ ရှင်းပြလိုက် ရှင်းပြလိုက်” ဟု ဆိုလာပြန်၏။ ကျနော်မှာ ဤရုပ်ပုံကြီးကြည့်ပြီး အစိတ်အပိုင်း အားလုံးကို ဘယ်နေရာက ဘာဆိုတာ အင်္ဂလိပ်လိုမဆိုထားနှင့် မြန်မာလိုပင် မသိပါသဖြင့် ကြီးစွာသော အခက်ကြုံရလေ၏။ သို့သော် ကျနော်တို့ မြန်မာလူမျိုးများသည် ဆရာသမားစကားကို ပယ်ရှားဝံ့ရိုးထုံးစံမရှိရကား… အားလုံးကို သိမ်းကျုံး၍ “thirty two parts of body for meditation” ဟု အားယူပြောလိုက်ရာ ဧည့်သည်ဆရာဝန်ဇနီးမောင်နှံသည် ခေါင်းတငြိမ့်ငြိမ့်နှင့် ပြုံးပြုံး ပြုံးပြုံး ရှိကြလေ၏။

တတိယနေ့တွင်တော့ ကျနော်တို့ မင်းကွန်းဘက် ခရီးဆက်ကြပြန်ပါ၏။ မင်းကွန်းတွင်တော့ ဘာပြောကောင်းသလဲ မမေးပါနှင့်။ ပုထိုးတော်ကြီး၊ ခေါင်းလောင်းကြီး တို့၌ The greatest … The biggest... ဆိုသည့် စကားလုံးများကို ထပ်ခါ ထပ်ခါ ဆိုသလို၊ ပိန်ရှုံ့ရှုံ့ ရင်လေးကို ကော့ကာကော့ကာဖြင့် ပြောခဲ့ရသည်ကို ကျနော် စကားပြန်ဆရာ ကောင်းကောင်းကြီး မှတ်မိနေပါသေး၏။ သို့သော်… ခေါင်းလောင်းကြီးမှ အပြန် ကျနော်တို့သည် လည်ပတ်စရာ နောက်တနေရာကို ဦးတည်သွားနေပါပြီ။ ဧည့်သည်များက “ဒါဘယ်ကို သွားနေတာလဲ” ဟု မေး၏။ ကျနော်မှာ ချက်ချင်းဖြေစရာ ခေါင်းထဲက ထွက်မလာ…။ သွားနေသည်ကတော့ ဒေါ်ဦးဇွန်း ဘိုးဘွားရိပ်သာ ဖြစ်သည်။ ထိုစဉ်က အခေါ်အရ ဒေါ်ဦးဇွန်း လူအိုရုံ…။ “အင်း လူအိုရုံကို အင်္ဂလိပ်လို ဘယ်လိုခေါ်ပါလိမ့်…” ဘယ်လိုမှ စဉ်းစားလို့မရ။ သူတို့ကလည်း ထပ်ခါထပ်ခါမေးနေ၏။ မေးဖန်များတော့ ကျနော်လည်း စိတ်ထဲမှ “လူအိုရုံ”၊ နှုတ်မှ “Old Man Station” ဟု ဖြေလိုက်၏။ ထိုအခါ ဇနီးမောင်နှံနှစ်ယောက်သည် တယောက်မျက်နှာ တယောက်ကြည့်ကာ “Old Man Station … Old Man Station…” ဟု နှုတ်မှဖွဖွ ရွတ်ရင်း၊ မျက်မှောင်များလည်း ကျုံ့ကြလေ၏။ လူအိုရုံတွင် လှည့်လည် ကြည့်ရှုရင်းမှ ဧည့်သည်များလည်း Old Man Station ၏ အဓိပ္ပါယ်ကို သဘောပေါက်သွားကြဟန်ပေါ်၏။ အပြန်လမ်းတွင်တော့ “အဲ့ဒါ Retirement Home လို့ခေါ်တယ်။ Man ဆိုပေမဲ့ Woman တွေလည်း နေပါတယ်ကွာ” ဟု ဧည့်သည်ဇနီးသည်က ရယ်ရယ်မောမောနှင့် စကားပြန်ပါလေ၏။

မိုးကလေး ညိုလာရင်...

စင်္ကာပူတွင် ကျမတို့ နေထိုင်ရာမြောက်ပိုင်းအရပ်၌ ညနေပိုင်း ရောက်လာပါက အာကာတခွင်လုံး မဲမှောင်ကာ လျှပ်စီးများ တထိန်ထိန်လက်၍ ထစ်ချုန်းသံ တဒိန်းဒိန်းဖြင့် နေ့စဉ်ရက်ဆက် ဆိုသလို မိုးရွာသွန်းနေသည်မှာ တလနီးပါးခန့်ပင်ရှိလေပြီ။
ဒီပို့်စ်နဲ့ ချိတ်ထားတယ်

ဤသို့သော ရာသီဥတု အခြေအနေသည် လေအေးစက်  တပ်ဆင်ထားသော အလုံပိတ်အဆောက်အဦထဲတွင် အလုပ်လုပ်ကိုင်နေရသူများအတွက် ပိုမိုအေးစက်လာသည့် အထိအတွေ့ကိုသာ သတိပြုမိကြမည် ဖြစ်သော်လည်း ကျမလို အိမ်ထဲ၌ တောက်တိုမယ်ရ အလုပ်လေးများကို ထွေလီကာလီ လုပ်နေသူတယောက်အဖို့မှာမူ လွမ်း၍ အလွန်ကောင်းသော အနေအထား ဖြစ်ပါသည်။

ရန်ကုန်မှာ မွေး၍ ရန်ကုန်တွင် ကြီးသော ကျမသည် ဘာကြောင့်မှန်းမသိ လွမ်းရတော့မည် ဆိုလျှင် ငယ်စဉ်က နွေရာသီ ကျောင်းပိတ်ရက်များတွင်သာ နေထိုင်ခဲ့ရသော အဖိုးအဖွားတို့ ရွာကိုသာ လွမ်းပါသည်။ အဖိုးအဖွားတို့ သက်ရှိထင်ရှားရှိစဉ်က သည်းသည်းလှုပ် ချစ်ခဲ့သည်ဟု မဆိုသာသော်လည်း၊ အခုလို လွမ်းရသည့်အခါမျိုးမှာ အဖိုးအဖွားတို့၏ မေတ္တာတရားကြီးမားပုံကို သတိပြုမိရပါသည်။

အတန်းတင် စာမေးပွဲကြီးအပြီး တပေါင်းလကုန်လောက်မှစ၍ နွေရာသီ ကျောင်းပိတ်ရက်ကုန်ဆုံးသည့် မိုးဦးကျ လေဦးကျ နယုန်လဆန်းလောက် ရောက်သည်အထိ ရွာမှာနေရလေ့ရှိသည်။ လွန်ခဲ့သည့် အတာသင်္ကြန်ရက်များအတွင်းက ဘလော့ဂ်တွင် တရက်တပို့စ် ရေးဖို့ရန် စိတ်ကူးမိခဲ့လေသည်။ ရွာက သင်္ကြန်အကြောင်းကိုလည်း မှတ်မိသလောက် ရေးလိုခဲ့သော်လည်း ကြေကွဲဖွယ် အဖြစ်ကြောင့် စိတ်ကူးတို့ ဖမ်းဆုပ်မရနိုင်အောင် လွင့်စင်ခဲ့၍ မရေးလိုက်ရ။ ဒီလိုနဲ့ အချိန်သည် ဒီရေနှင့်အတူ မိုးဦးကျ လေဦးကျ လွမ်းရသည့် ကမ်းခြေမှာ ဆိုက်လေတော့သည်။

*****
မိုးတွေ ရွာပြီ ဆိုမှဖြင့် အိမ်ရှေ့ချောင်းကလေးမှာ ရေတွေ ဖွေးနေတော့သည်။ ရေပြင်ပေါ် မိုးရေစက်တွေ ဖနောင့်ကလေး ပေါက်ကာ ပေါက်ကာ ကျသည်ကို အိမ်ရှေ့ကပြင်တွင် မေးတင်၍ ကြည့်ခဲ့ဖူးပါသည်။ တခါတလေလည်း အိမ်နောက်ဖေး ကွမ်းသီးခြံက ကလန်ကလား ကွမ်းသီးပင်ကြီးတွေ မိုးမှုန်များအကြား ပျင်းတိပျင်းတွဲ ယိမ်းထိုးကြသည်ကို အိမ်တိုင်လေး မှီထိုင်ရင်း ငေးခဲ့မိသည်။

ဒီလို အချိန်မျိုးမှာ ချောင်းထဲ မိချောင်း လာတတ်သည်ဟု ကလေးများအတွင်း ကောလဟာလ ပျံ့၏။ မိချောင်းက ဆနွင်းကြောက်သည်ဆို၍ လူကြီးများအလစ်တွင် မီးဖိုထဲမှ ဆနွင်းတွေနှိုက် ချောင်းရေထဲ သွန်ကြသည်။ ၀ါကြန့်ကြန့် အကွက်ပေါ်သွားသော ချောင်းရေကို ကြည့်ပြီး မိချောင်းရန် ကင်းလေပြီဟု စိတ်ချ ယုံကြည်လိုက်ရသော စိတ်အစဉ်သည် အေးချမ်းလှ၏။

တနွေလုံး ပဲနဲ့ အာလူး၊ အခြောက်အခြမ်းများဖြင့်သာ ပြီးရသော အူသည် ဒီအချိန်ရောက်ပြီ ဆိုရင်ဖြင့် ပုစွန်ဆိတ်မျိုး၊ ငါးမျိုး၊ ဖားမျိုး တို့ဖြင့် စိုရ ပြေရလေ၏။ မြွေပါး ကင်းပါး ပေါလာသလို၊ ဂျပ်လုံး၊ ဂျပ်ပြား ဆိုတာတွေလည်း ရှိသေးသည်။ တနှစ်လားမှာတော့ ခြေရင်းအိမ်က ကိုတင်အုန်း၊ မလှရှင် တို့၏ သားလေး ဂျပ်လုံးကိုက်ခံရတယ် ဆိုပြီး သေလေ၏။ ၉နှစ်အရွယ် သားထွေးလေးမို့ ညနေတိုင်လျှင် မလှရှင်တယောက် ချောင်းရေပြင်ကြည့်၍ သားကို တ, တ ငိုသည်မှာ ကြားရသူအပေါင်း၏ စိတ်နှလုံးကို ချုံးချုံးကျစေ၏။

နှစ်စဉ်လို ပိုးထိ၍ သေကြသူများရှိသလို၊ မိုးကြိုးခ၍ သေကြသူများလည်း ဟိုကဒီက ကြားရစမြဲပင်။ ပတ်ဝန်းကျင်၏ သွန်သင်မှုအရ လိုအပ်လျှင် “ဘုရားစူး၊ မိုးကြိုးပစ်၊ ကားတိုက်သေ၊ မြွေကိုက်သေ” ဟု ကျိန်တွယ်သော အတတ်ကိုလည်း တတ်မြောက်ခဲ့လေပြီ။ ရွာသို့အသွား ချောင်းထဲသို့ မော်တော်ကလေး တအိအိဝင်နေချိန်တွင် ချောင်းတဖက်တချက် ကမ်းစပ်တလျှောက်၌ မိုးကြိုးထိထားသော အုန်းပင်ငုတ်တို ကွမ်းသီးပင်ငုတ်တိုများကို ဟိုမှာဒီမှာ တွေ့ရမည် ဖြစ်သည်။ ငုတ်တိုတတိုကို မြင်လေတိုင်း အသက်တချောင်း ဘေးရန်ကင်းလေပြီဟု ရင်မှာဖြစ်မိ၏။ ကလေးအတွေးသည် လွယ်ကူ၍ ရိုးရှင်းလေသည်။ မိုးခြိမ်းလျှင် လူအများစုရင်မှာ ကြောက်စိတ်တွေ ၀င်တတ်ကြစမြဲ မဟုတ်ပါလား။

*****
လွမ်းလျှင် လေးတတ်လေ၏။ ဘယ်လောက်ပင် လေးလံနေပါစေ ညနေ ခြောက်နာရီထိုး ကျောင်းဆင်းသော သားငယ်ကို ကြိုဖို့ရန် အိမ်မှထွက်ရလေသည်။ ဘုရားစူးတာ ဘယ်လိုမှန်း ယခုအချိန်ထိ မရှင်းမရှင်း ဖြစ်သော်လည်း၊ မိုးကြိုးပစ်ခံထိမှာတော့ အလွန်စိုးရွံလှပါသည်။ မရှုမလှ သေရမည့် အပြင် ကျော်မကောင်း ကြားမကောင်း ဟူသော အဓိပ္ပါယ်ကိုလည်း ဆောင်ပါသေး၏။ သို့ပါ၍ သွားနေကျလမ်းအတိုင်း မသွားမူပဲ အမိုးအောက်များမှ တရှည်တလျား သွားရလေတော့သည်။

သားငယ်ကို မိုးကာအင်္ကျီဝတ်ပေးပြီး ထီးတချောင်းနဲ့ သားအမိနှစ်ယောက် လျှောက်ကြတော့ မိုးရေစက်တွေက ကိုယ်ပေါ် စင်၏။ “အို မိုးရေစိုတာ ဘာဖြစ်လဲ ငါကြောက်တာ မိုးကြိုးပဲဟာ” ဟု အတွေးဝင်သောအခါ လတ်တလော ရထားသည့် အက်စစ်မိုးရေဆိုသည့် SMSကို ဖျတ်ကနဲသတိရမိရင်း လက်မောင်းသားတွေပဲ ပဲ့ကုန်ပြီလား ရွဲ့ကုန်ပြီလား ကဗျာကယာကြည့်မိပြီးမှ ဖာသာ ပြုံးမိရလေ၏။

*****
မည်သို့ပင်ဖြစ်စေ အလွမ်းသည် အတိတ်၌သာ တည်၏။ မှီ၏။

ကဆုန်လပြည့် သို့မဟုတ် မြင့်မြတ်ခြင်း၏ သင်္ကေတ

ပို့စ်အဟောင်းကိုပဲ ပြန်တင်လိုက်ပါတယ်။
*****

“အဂ္ဂေါဟမသ္မိ လောကဿ။
ဇေဋ္ဌောဟမသ္မိ လောကဿ။
သေဋ္ဌောဟမသ္မိ လောကဿ။
အယမန္တိမာ ဇာတိ, နတ္ထိဒါနိ ပုနဗ္ဘဝေါ”တိ။ [မ-၃-၂၀၇-အစ္ဆရိယအဗ္ဘုတသုတ္တံ]

“ငါသည် လောကတွင် ထိပ်ဆုံးဖြစ်၏။
ငါသည် လောကတွင် အကြီးဆုံးဖြစ်၏။
ငါသည် လောကတွင် အမြတ်ဆုံးဖြစ်၏။
ဤမွေးဖွားခြင်းသည်ကား နောက်ဆုံးမွေးဖွားခြင်းတည်း။
နောင်တစ်ဖန် ဘ၀ဖြစ်ခြင်း မရှိတော့ပြီ။”

ကဆုန်လပြည့်နေ့သည် မြင့်မြတ်ခြင်း၏ သင်္ကေတဖြစ်သည်။ လောကတွင် သာမာန်လူနှင့် မြင့်မြတ်သောလူဟူ၍ နှစ်မျိုးရှိသည်။ လူသာမာန်တို့သည် လောကသဘာဝအရ ရယူမှုကို အလိုရှိကြသည်။ မိမိတို့၏ စီးပွားချမ်းသာကို အလိုရှိကြသည်။ ချီးမွမ်းမြှောက်ပင့်မှုကို အလိုရှိကြသည်။ အချွေအရံတို့ကို အလိုရှိကြသည်။ သြဇာအာဏာကို အလိုရှိကြသည်။ မြင့်မြတ်သူတို့ကား လူအများ၏ အကျိုးစီးပွားအတွက် မိမိတို့၏ စီးပွားချမ်းသာကို စွန့်လွှတ်ကြသည်။ မိမိတို့၏ အသက်ကို စွန့်လွှတ်ကြသည်။ သြဇာအာဏာတို့ကို စွန့်လွှတ်ကြသည်။ လောကအတွက် စွန့်လွှတ် အနစ်နာခံခြင်းသည် မြင့်မြတ်သူတို့၏ လက္ခဏာဖြစ်သည်။

ဤကဆုန်လပြည့်တွင် လောက၏ အမြင့်မြတ်ဆုံးဖြစ်သော ဗုဒ္ဓမြတ်စွာ အလောင်းလျာကို ဖွားမြင်တော်မူခဲ့သည်။ မယ်တော်မာယာဒေ၀ီသည် အလောင်းတော်၏ သန္ဓေကို လွယ်ပြီးဆယ်လအကြာတွင် မိမိ၏ ဆွေမျိုးများရှိရာ ဒေ၀ဒဟပြည်သို့ အသွားလမ်းခရီး ပင်လုံးကြွတ်ပွင့်နေသော အင်ကြင်းပင်များရှိသော လုမ္ဗနီဥယျာဉ်တွင် ခေတ္တ အနားယူ၏။ ထိုသို့အနားယူခိုက် မဟာသက္ကရာဇ် ၆၈-ခု ၀ိသာခါနက္ခတ် နှင့် စန်းလယှဉ်သော ကဆုန်လပြည့် သောကြာနေ့ နံနက်တွင် အလောင်းတော်ကို ဖွားမြင်ခဲ့ခြင်း ဖြစ်သည်။ မြင့်မြတ်သူတို့၏ လုပ်ဆောင်ချက်တို့သည် အံ့ချီးမခမ်းဖြစ်သကဲ့သို့ပင်၊ သဘာဝတရားက ထိုမြင့်မြတ်သူတို့အပေါ် တုန့်ပြန်မှုသည်လည်း မယုံနိုင်စဖွယ် ဖြစ်ရသည်။ ဖွားမြင်စ အလောင်းတော်သည် ညီညွတ်သော ခြေတို့ဖြင့် မြေ၌ ရပ်တည်ပြီးလျှင် မြောက်အရပ်သို့ ရှေးရှု၍ ခုနှစ်ဖ၀ါးလှမ်းကာ ကြွတော်မူ၏။ ထို့နောက် “ငါသည် လောကတွင် ထိပ်ဆုံးဖြစ်သည်။” စသော ကြုံးဝါးသောစကားကို ဆိုခဲ့၏။ ဗုဒ္ဓ အလောင်းတော်သည် မြင့်မြတ်သူတို့တွင် အမြတ်ဆုံးဖြစ်ပေ၏။

အမျိုးဇာတ်ကြောင့် မြတ်ခြင်း, တန်ခိုးအာဏာကြောင့် မြတ်ခြင်းတို့သည် မြင့်မြတ်ခြင်း အစစ်မှန်မဟုတ်။ လောကအတွက် အနစ်နာခံ စွန့်လွှတ်သော နှလုံးသားကသာ မြင့်မြတ်ခြင်းဖြစ်သည်။ မြင့်မြတ်သော နှလုံးသားသည် မိမိပတ်ဝန်းကျင်မှ ဆင်းရဲဒုက္ခရောက်နေကြရသော လောကသားတို့အပေါ် သက်သော အေးမြသည့် ကရုဏာတရား အပေါ်အခြေခံသည်။ လောကသားတို့အား ဖုံးလွှမ်းထားသည့် အမိုက်မှောင်ကို ပယ်ရှားနိုင်သော ပညာအလင်းရောင် အပေါ်တွင် အခြေခံရသည်။ မြင့်မြတ်သော နှလုံးသားသည် ကောက်ရိုးမီးကဲ့သို့ ၀ုန်းကနဲတောက်၍ ၀ုန်းကနဲငြိမ်းပျောက်သွားသော သဘောမျိုးမဟုတ်။ မြင့်မြတ်သော နှလုံးသားသည် ပြုစုပျိုးထောင်၍ ယူရသည်။ ထိုသို့ ပြုစုပျိုးထောင်ခြင်းကို ပါရမီဖြည့်ကျင့်သည် ဟုခေါ်သည်။

ဤကဆုန်လပြည့်သည် မြင့်မြတ်သော နှလုံးသားကို စတင်သန္ဓေတည်ခဲ့သော အခါကာလလည်း ဖြစ်သည်။ ဒီပင်္ကရာမြတ်စွာဘုရား လက်ထက်တွင် အလောင်းတော်သည် သုမေဓာရှင်ရသေ့ဖြစ်ခဲ့သည်။ ဒီပင်္ကရာမြတ်စွာဘုရား ကြွရောက်လာမည့် လမ်းအား သန့်ရှင်းနေကြသည့်လူတို့ထံမှ “မြတ်စွာဘုရား” ဟူသောစကားသံကို ကြားသောအခါ၊ သုမေဓာရှင်ရသေ့သည် အလွန် နှစ်သက်ဝမ်းမြောက်မှု ဖြစ်ရသည်။ မြင့်မြတ်ခြင်းသည် မိမိ၏ ပတ်ဝန်းကျင်မှ တစ်ဆင့် ကူးလူးဆက်ဆံသော သဘောလည်း ရှိရကား၊ သုမေဓာသည် အများနည်းတူ လမ်းသန့်ရှင်းရေးတွင် ကူညီပါဝင်ခဲ့သည်။ ဒီပင်္ကရာမြတ်စွာဘုရား ကြွလာသောအခါတွင် အလောင်းတော်သည် မိမိ၏ ဆံပင်တို့ကို ဖြေ၍၊ သင်္ကန်း, စမ္မခဏ် သားရေပိုင်းတို့ကို ဖြန့်ကျက်၍၊ မိမိ၏ ကိုယ်ကို အလျားမှောက်ကာ တံတားခင်း၍ ပေးသည်။ ဒီပင်္ကရာမြတ်စွာဘုရားကဲ့သို့ပင် ဘုရားအဖြစ်ရောက်ကာ လောကအား ကျေးဇူးပြုလိုစိတ် ဖြစ်ပေါ်ဆုတောင်းလေသည်။ ဤသည်ကို ကြာပန်းရှစ်ခိုင်ဖြင့် မြတ်စွာဘုရားအား ပူဇော်ရန်လာသော အမျိုးသမီးငယ် သုမိတ္တာသည် မြင်၏။ ဤတွင် ကြာပန်းငါးခိုင်အား သုမေဓာရှင်ရသေ့အတွက်, ကျန်သုံးခိုင်အား မိမိအတွက်ထား၍ ဘုရားရှင်အားလှူဒါန်းကာ သုမေဓာရှင်ရသေ့၏ မြင့်မြတ်သော အမှုတွင် ပါရမီဖြည့်ဖက်အဖြစ် ပါဝင်လေသည်။ “ဤကမ္ဘာမှ လေးအသင်္ချေနှင့် ကမ္ဘာတစ်သိန်းထက်တွင် သုမေဓာရသေ့သည် မြတ်စွာဘုရားဖြစ်လတ္တံ။ ဤသတို့သမီးသည် သင်ရသေ့နှင့် တူမျှသော စိတ်, တူမျှသော ကံ, တူမျှသောအမှုရှိ၍၊ သင့်အား အစဉ်စောင့်ရှောက်လျှက် ပါရမီ ဖြည့်လတ္တံ” ဟု ဒီပင်္ကရာဘုရားက ဗျာဒိတ်စကား မိန့်ကြားခဲ့သည်။ ဤကဆုန်လပြည့်တွင် ဒီပင်္ကရာဘုရား၏ မြင့်မြတ်ခြင်းတို့သည် သုမေဓာ၏ စိတ်နှလုံးကို သိမ်းကြုံးယူကာ၊ ကူးလူး သန္ဓေတည်ခဲ့၏။

ထိုမှစ၍ သိဒ္ဓတ္ထ နှင့် ယသော်ဓရာ အလောင်းလျာမောင်နှံတို့သည် ဖြစ်ရာဘ၀, ရောက်ရာနေရာမှ မြင့်မြတ်သော နှလုံးသားတို့ကို ပြုစုပျိုးထောင်ခဲ့သည်။ မိမိတို့အကျိုးစီးပွားထက် လောက၏ အကျိုးစီးပွားကိုသာ ပဓာနပြု၍၊ စည်းစိမ်ဥစ္စာ, အသွေးအသား, အသက်တို့ကို စွန့်လွှတ်ခဲ့သည်။ သိဒ္ဓတ္ထမင်းသားဘ၀ရောက်သော် ထိုပါရမီတို့သည် အထွတ်ခေါင်သို့ရောက်လေပြီ။ သိဒ္ဓတ္ထမင်းသားသည် လူသားစင်စစ်အဖြစ် မွေးဖွားလာသော်လည်း၊ သာမာန်လူသားမဟုတ်တော့။ မြင့်မြတ်သော မဟာလူသားဖြစ်လေပြီ။ မြင့်မြတ်သူတစ်ကာတို့ထက် မြတ်သော အထွတ်ခေါင်ဖြစ်လေပြီ။

သိဒ္ဓတ္ထမင်းသားသည် အသက် ၂၉-နှစ်အရွယ်တွင် ဖြစ်ပေါ်လာအံ့သော စကြ၀တေးမင်းစည်းစိမ်ကို စွန့်ကာ သတ္တ၀ါတို့ အကျိုးအတွက် ဘုရားအဖြစ်သို့ရရန် အားထုတ်ခဲ့သည်။ အလောင်းတော်ဘ၀ဖြင့် လောကသားတို့ကို လောကဆင်းရဲမှ လွတ်ရန် မရေတွက်နိုင်သောကမ္ဘာများစွာ အားထုတ်ခဲ့ဖူးပြီ။ ယခုနောက်ဆုံးဘ၀ ရောက်သောအခါ၌ကား သတ္တ၀ါတို့အား သံသရာဝဋ်ဆင်းရဲမှ ကယ်မ, ထုတ်ဆောင်ရန် အားထုတ်လေပြီ။ လောကဆင်းရဲနှင့် သံသရာဆင်းရဲနှိုင်းစာလျှင်၊ လောကဆင်းရဲသည် ပြောပလောက်သော ဆင်းရဲမဟုတ်တော့။ သံသရာမှ မလွတ်သရွေ့ ဆင်းရဲအမျိုးမျိုး ကြုံတွေ့ရမည်သာ။ ဆင်းရဲဟူသမျှ၏ အရင်းမြစ်ကို ချိုးဖြတ်ရန်အတွက် တစ်ပြောင်းတစ်ပြန်ပြန် ပြေးသွားကျင်လည်နေရသော သံသရာကို ဖြတ်တောက် ရပေမည်။ လောကအကျိုးကို ဆောင်ရန် ဦးစွာပထမ မိမိကိုယ်တိုင် သံသရာဆင်းရဲအပေါင်းမှ လွတ်မြောက်ရန် ကျိုးပမ်းရသည်။ ထို့ကြောင့် သံသရာမှ ထွက်မြောက်ကြောင်းတရားကို ရှာဖွေခြင်းဟူသော မြတ်သောရှာဖွေခြင်း (အရိယာပရိယေသန) ကို အားထုတ်တော်မူခဲ့၏။

ဤကဆုန်လပြည့်သည် လောက၏ အမြတ်ဆုံးဖြစ်သော ဗုဒ္ဓအဖြစ်ရောက်တော်မူသောနေ့ ဖြစ်သည်။ ‘ဗုဒ္ဓ’ ဟူသည် နိုးကြားသိမြင်ခြင်းဟု အဓိပ္ပါယ်ရသည်။ ဒုက္ခခပ်သိမ်း၏ အရင်းမြစ်ကို ရှာဖွေသိမြင်ခြင်းကြောင့် ဗုဒ္ဓ ဟူ၍ အမည်ရသည်။ အလောင်းတော်သည် ဂယာအရပ်မှ ဥရုဝေဠတော သေနနိဂုံး ဗောဓိပင်ရင်းတွင် “ဘုရားမဖြစ်သရွေ့, ဤနေရာမှ မထတော့”ဟူသော ခိုင်မြဲသောစိတ်ဖြင့် အားထုတ်တော်မူရာ၊ မဟာသက္ကရာဇ် ၁၀၃-ခု ကဆုန်လပြည့် ဗုဒ္ဓဟူးနေ့အကုန် အာရုဏ်တက်အချိန် ၀ိသာခါနက္ခတ်နှင့် စန်းလတို့ ယှဉ်ခိုက်တွင် ဗုဒ္ဓဘုရားအဖြစ်သို့ ရောက်တော်မူခဲ့သည်။

“အနေကဇာတိသံသာရံ၊ သန္ဓာဝိဿံ အနိဗ္ဗိသံ။
ဂဟကာရံ ဂဝေသန္တော၊ ဒုက္ခာ ဇာတိ ပုနပ္ပုနံ။”
“ဂဟကာရက ဒိဋ္ဌောသိ၊ ပုန ဂေဟံ နကာဟသိ။
သဗ္ဗာ တေဖာသုကာ ဘဂ္ဂါ၊ ဂဟကူဋံ ၀ိသင်္ခတံ။
ဝိသင်္ခါရဂတံ စိတ္တံ၊ တဏှာနံ ခယမဇ္ဈဂါ”တိ။ [ဓမ္မပဒ-ဇရာဝဂ်-ဂါထာ-၁၅၃, ၁၅၄]


ဆင်းရဲဒုက္ခကို အဖန်ဖန်ဖြစ်စေတတ်သော လက်သည် (အိမ်ဆောက်လက်သမား)အား ရှာဖွေခဲ့ပါသော်လည်း၊ မတွေ့သဖြင့် ဘ၀များစွာသံသရာကို ကျင်လည်ခဲ့ရလေပြီ။
အို... အိမ်ဆောက်လက်သမား၊ ငါသည် သင့်အား ယခု မြင်ပြီ။
သင်သည် နောက်တစ်ဖန် ဆောက်လုပ်နိုင်တော့မည် မဟုတ်တော့။
သင်၏ ကိလေသာဟူသော အခြင်ရနယ်တို့ကို ချိုးဖျက်ခဲ့ပြီ။
အ၀ိဇ္ဇာတည်းဟူသော အိမ်အထွတ်ကို ဖျက်ဆီးအပ်ပြီ။
ငါ၏ စိတ်သည် ပြုပြင်စီရင်ခြင်းကင်းရာနိဗ္ဗာန်သို့ ရောက်ပြီ။
တဏှာကုန်ကြောင်း အရဟတ္တဖိုလ်ကို ရပြီ။

ဗုဒ္ဓဘုရားဖြစ်သည်နှင့် ဤ “အနေကဇာတိ” အစချီသော ၀မ်းမြောက်သော ဥဒါန်းစကားကိုဆို၏။ ဆင်းရဲအပေါင်းတို့၏ လက်သည်ရင်းမြစ်သည် မသိမှု ‘အ၀ိဇ္ဇာ’ နှင့် တပ်မက်မှု ‘တဏှာ’ ဖြစ်ကြောင်းသိလေပြီ။ ၄၅-၀ါကာလပတ်လုံး မနားတမ်း မိမိသိသော အသိတရားကို မျှဝေ၍ ဟောကြားခဲ့သည်။ အလောင်းတော်ဘ၀တွင် စည်းစိမ်, အာဏာ, ကိုယ်လက်အင်္ဂါ, အသက်တို့ကို စွန့်လွှတ်ပေးဆပ်၍ လောကသားတို့အား ကယ်တင်ခဲ့သည်။ နောက်ဆုံး ဗုဒ္ဓအဖြစ်တွင် သစ္စာလေးပါးတရားကို ဟောကြား၍ သတ္တ၀ါတို့ကို သံသရာမှကယ်တင်ခဲ့သည်။


ဟန္ဒဒါနိ, ဘိက္ခဝေ, အာမန္တယာမိ, ၀ယဓမ္မာ သင်္ခါရာ, အပ္ပမာဒေန သမ္ပာဒေထ။ [ဒီ-၂-၁၈၅-မဟာပရိနိဗ္ဗာနသုတ္တံ]
ရဟန်းတို့... အကျဉ်းလိုရင်းကို ဆိုအံ့။ အလုံးစုံသော သင်္ခါရာတရားတို့သည် ပျက်စီးခြင်းသဘောရှိကုန်၏။ မမေ့မလျော့သောသတိတရား ရှိကြကုန်လော့။

အင်ကြင်းပင်တို့ အကြားတွင် ဖွားမြင်တော်မူခဲ့သော ဗုဒ္ဓသည် အင်ကြင်းပန်းတို့ပွင့်သော ဤကဆုန်လပြည့်နေ့ (မဟာသက္ကရာဇ် ၁၄၈-ခု ကဆုန်လပြည့် အင်္ဂါနေ့ အရုဏ်တက်ခါနီး အချိန်တွင်) မလ္လာမင်းတို့၏ ဥယျာဉ်အတွင်းရှိ အင်ကြင်းပင်ရင်း၌ပင် ပရိနိဗ္ဗာန်စံဝင်တော်မူခဲ့သည်။ သာမာန်လူသားတို့အမြင်တွင် ကြေကွဲဝမ်းနည်းဖွယ်ဖြစ်သော်လည်း၊ အရိယာသူတော်စင်တို့ အမြင်၌ကား ဒုက္ခခပ်သိမ်းငြိမ်း၍ လုံးဝအေးငြိမ်းမှုကိုပြုသွားခြင်းပင် ဖြစ်သည်။ ဤသည်ကား မြင့်မြတ်သူတို့၏ ထိပ်ဆုံးမြင့်မြတ်မှုပင် ဖြစ်သည်။ မြင့်မြတ်သော နှလုံးသားပိုင်ရှင်ဖြစ်သည့် ဗုဒ္ဓသည် ဤကဆုန်လပြည့်တွင် “အပ္ပမာဒေန သမ္ပာဒေထ” ဟူသော နောက်ဆုံးသြ၀ါဒ စကားဖြင့် လောကသားတို့အား ကျေးဇူးပြုသွားခဲ့လေသည်။

*****

သားငယ် ၀က်သက်ပေါက်နေလို့

ဘလော့ဂ်မှာ စာမရေးပဲ ပစ်ထားတော့
ဘလော့ဂ် သူယောင်မယ်လေးတွေက ဆီဘောက်မှာ ကိုယ်ယောင်လာပြကြလို့
သီတာဇော်ဂျီ ဆေးအကြိတ်ရပ်ပြီး ပို့စ်တင်လိုက်ပါတယ်။

ဒီပုံလေးက ပျိုပျိုအိုအို လို့ အမည်ရပါတယ်။

ဒါကကြာသုံးခိုင်ဓာတ်ပုံ…

ဒါက ကိုဧရာ့လက်ရာ…ရေဆေးမှန်ဘောင်လည်းသွင်းမပေးဘူးလို့ ဂျီကျနေတယ်။

အဖေနဲ့သား (သို့) Father and Son ပေါ့

ဒါက သူယောင်မယ်လေးတွေအတွက်
ပျိုပျိုအိုအိုနဲ့ ချိတ်ထားတဲ့ ပန်းမမ
ကြာသုံးခိုင်နဲ့ ချိတ်ထားတဲ့ ပန်း တဲ့လားကွယ်...

ဟောဒီမှာ သင်္ကြန်ကျနေပြီ

ရိုးရာ ဓလေ့ ထုံးစံ ဆိုတာက လက်ဆင့်ကမ်းရတဲ့ သဘောရှိပါတယ်။
ရှေ့ရှေ့လူတွေက နောက်နောက်လူတွေကို ဦးဆောင် လမ်းပြ လက်တွဲခေါ်သွားကြတာမျိုးပါ။
*****
အကျနေ့ဆိုတော့ ကောင်းကောင်းကြီးကို ရေစပက်ပြီပေါ့
အိမ်ရှေ့မှာ ရေတိုင်ကီ ရေစည်ပိုင်း ရေဇလုံ ရေပုံး ရေဖလား ရေခွက် အစုံအလင်နဲ့ ကလေးတွေကတော့ သွေးပူလေ့ကျင့်ခန်းတောင် စနေပါပြီ…
ဟိုသူမလာသေးဘူးလား ဒီသူမရောက်သေးဘူးလားနဲ့ အိမ်ရှေ့တွေ လိုက်ခေါ်သူကခေါ်
တို့များ အတို့ပဲ မခံနိုင်သလိုလို၊ အဆိတ်ပဲ မခံနိုင်သလိုလိုနဲ့ ဟိုလိုလို ဒီလိုလို ပဲများနေပြီ ဆိုမှဖြင့်
အမေက “ဟဲ့ မထွက်သေးဘူးလား.. မကစားသေးဘူးလား” ကျောင်းပေးရပါသေးတယ်။
“အမေကလည်း ဘယ်သူ့ကို ပက်ရမှာလဲလို့ လမ်းထဲမှာ လူမှ မရှိတာ ပျင်းစရာကြီး” မူပါသေးတယ်။
“လူက ဒီလိုပဲ ရောက်လာမှာပေါ့…သွားသွား... ဟိုမှာသွား အိမ်ရှေ့မှာ နင်တို့ ဆရာ ညိုမြ လုပ်နေပြီ” ဆိုရင်
အိမ်ရှေ့အိမ်က အင်္ဂလိပ်စာ ကျူရှင်ဆရာဆီ ရေဖလားနဲ့ အပြေးသွားပြီး သင်္ကြန်ကို ဖွင့်ရလေ့ရှိပါတယ်။
ဆရာလူပျိုကြီးလည်း သင်္ကြန်ရေတွေဆိုသွားတော့မှ ကလေးတွေကို ရေဖြည့်ပေးသလိုလို၊ ကားအသွားအလာတွေ စောင့်ကြပ်ပေးသလိုလိုနဲ့ ဥပုသ်မစောင့်ပဲ နေခွင့်ရသွားပါတော့တယ်။

ရပ်ကွက်လမ်းလေးထဲ ဆိုတော့ လူအသွားအလာ ကျဲပါတယ်။ ဖြတ်လျှောက်တဲ့ တယောက်တလေကိုပဲ ကလေးတသိုက်က ၀ိုင်းဆွမ်းကြီးလောင်းရတာပါ။ ပျင်းတင်းတင်းဖြစ်လာပြီဆိုရင် အမေက သူလုပ်ထားတဲ့ သင်္ကြန်မုန့်တွေ တအိမ်တက်ဆင်း ဝေခိုင်းပါတယ်။ ဒီလိုနည်းနဲ့ ရေပက်ခံ စထွက်ပါတယ်။ အမြဲလိုလို မျက်နှာတည်ကြီးနဲ့ နေတတ်တဲ့ ကိုကြီးက စိတ်ကောင်းဝင်လာဟန်နဲ့ မြို့ထဲတပတ်လိုက်ပို့မယ် ဆိုလိုက်ရင်… “ဟေး” ဆိုပြီး ပေါင်မုန့်ကားကြီးပေါ် တိုးဝှေ့တက်ကြတော့တာပဲ… လူတွေမှ အများကြီးဆန့်တယ်။ ကလေးတွေတင်ဘယ်ဟုတ်ပါ့မလဲ ခေါင်းရင်းအိမ်၊ အိမ်ရှေ့အိမ်၊ မျက်စောင်းထိုးအိမ် က အမတွေ နှုတ်ခမ်းနီတွေ နေကာမျက်မှန်တွေနဲ့ အလျှိုအလျှို ထွက်လာကြတာ။ လမ်းမတော်၊ လသာ၊ မြို့တော်ခန်းမ၊ ပြည်လမ်း၊ အလုံလမ်း တပတ် ဒီလောက်ပါပဲ။

ညနေခင်းဆိုရင်တော့ လမ်းထဲမှာတင် ဘယ်ပက်တော့မလဲ။ လမ်းထိပ်ထွက်ပြီ…ကမ်းနားလမ်းပေါ်…။ ရေပက်ခံကားတွေကို ပက်ရပြီ။ ဟိုတခေတ်ကတော့ ရပ်ကွက်ထဲက လူကြီးတွေက လမ်းထိပ်မှာ ရေပက်မဏ္ဍပ် လုပ်ပေးပါသေးတယ်။ နောက်ပိုင်းမှာ လုပ်မပေးနိုင်တော့လို့ လူကြီးတွေလည်း စိတ်ကောင်းကြဟန်မတူပါဘူး ။ ကြုံတဲ့သူ ၀ယ်လာပေးတဲ့ ရေခဲပေါင်တုံးကြီးတွေ တိုင်ကီထဲ နှစ်ထည့်ထားလိုက်တာ။ ရေပက်ခံကားပေါ်က အပက်ခံချင်သူတွေကလည်း ထွန့်ထွန့်လူး၊ ရေပက်တဲ့သူတွေကလည်း အရိပ်အယောင်မြင်တာနဲ့ ဟော ဟိုမှာလာပြီလာပြီ ဆိုပြီး အင်တိုက်အားတိုက် ပက်ကြတာပဲ…။

ဒီရပ်ကွက်လေးမှာက အလှပြကားဆုပေးမဏ္ဍပ် တခုတည်းရှိတာ။ အောက်ကြည့်မြင်တိုင်လမ်းမပေါ်မှာ… နာမည်လေးက ရွှေစင်ဦးတဲ့။ ဒီလို မဏ္ဍပ်မျိုးဆိုတာ ငွေကြေးစိုက်ထုတ်နိုင်တဲ့သူရှိမှ ဖြစ်တာမလား။ ဘာပဲဖြစ်ဖြစ် သူ့အိမ်ရှေ့မှာ မဏ္ဍပ်ထောင်ပေးတဲ့ ဂိုက်များတဲ့ အန်ကယ်ကြီးကို ကျေးဇူးတင်နေတာ ယနေ့ထက်တိုင်ပဲ။ မဏ္ဍပ်သေးတော့ ကားအလာကျဲတယ်။ ညဘက်ဆိုရင်တော့ ကားတွေ ဆက်တိုက်ဝင်ပါတယ်။ ကလေးပါးစပ်၊ အရူးစကား၊ ယဉ်ကျေးမောင် … တို့ မှတ်မိပါသေးတယ်။

ရေးတော့မယ်ကွယ့် သင်္ကြန်အကြောင်း

တို့များငယ်ငယ်တုန်းက သင်္ကြန်ရက်မတိုင်မှီ ဟိုးမစွကပင် ပြင်ကြဆင်ကြရသည်။
*****
အမေ

အုန်းသီးတွေကတော့ အပင်ပေါ်က ချထားတာ ဆယ်လုံးလောက်ရှိသည်။
သာကူစေ့၊ ထန်းညက်ကတော့ ညောင်ပင်လေးဈေးက လဆန်းထဲက ၀ယ်ထားပြီးသား...။
ကောက်ညှင်းတပြည် ဆန်သုံးပြည် ကြိုကြိတ်ထားရမည်။ ဆန်တွေ ရေစိမ်ထားပြီ။
နောက်ဖေးလမ်းက မုံ့ကြိတ်စက်က သင်္ကြန်တွင်း ပိတ်မလားမသိ။
အုန်းသီးခြစ်တဲ့ ဆိုင်ကိုလည်း သင်္ကြန်တွင်း ဖွင့်မှာလားလို့ သေချာအောင်တော့ မေးထားတာပဲ။
မုန့်လက်ဆောင်းဖက် က စမ်းချောင်းမှာ သွားဝယ်ရမှာ။ ဘယ်သူကို လွှတ်ရပါ့။
နှစ်ဆန်းတရက်နေ့ ခေါင်းလျှော်ရည်ဝေဖို့ ကင်ပွန်းသီးတော့ ကြိုပြုတ်ထားလိုက်တော့မည်။
ဟဲ့ ကလေးမတွေ လာ တရော်တွေ ထုထားကြတော့…
ဘုရားစင်အောက်က အတာအိုး ဆေးကြောထားလိုက်ဦး…


*****
အိမ်ကအကိုတွေ (လောင်ကိန်းချိ - ကိုကြီး၊ အိလေးဂွမ် - ကိုလတ်၊ ဘာဘူ - ကိုလေး)* နဲ့ လမ်းထဲက အကိုကြီးတွေ သင်္ကြန်လည်ရင် အင်္ကျီဆင်တူဝတ်ကြမည်။ ဘယ်ဒီဇိုင်းကို ဘယ်ပုံချုပ်မည် ဆိုတာကစလို့ အရောင်အသွေး ရွေးကြသေးသည်။
အရောင်…နွေနေပူမှာ ထင်းနေစေရမည်။ ဒီဇိုင်း…ဟော့နေရမည်။ ပိတ်စကတော့ ရေစိုစိုနဲ့ အီလက်စတစ်ပဲ ကောင်းမည်…။
ရွေးချယ်မှုများ အဆုံးသတ်လို့ နောက်ဆုံးအတည်ပြုချက်ရပြီဆိုရင် အဒေါ်လုပ်သူက တူ ၃ယောက်အတွက် ဒိုင်ခံချုပ်ရတော့သည်။ အလတ်ကောင် ချေးအထူဆုံး။ ပြန်ဖြေဦး ပြန်ချုပ်ဦးနဲ့။ ဒီလို...ဒီလို...

ငှားထားတဲ့ ဂျစ်စုတ်မှာလည်း စကောစကာစုတ်တွေ ချိတ်ကြသေးသည်။
*****
တို့များကလေးတွေ

ဟဲ့ ရေမလာရင်…ငါတို့ကို မော်တာ ဘယ်သူမောင်းပေးမှာလဲ…
ဇော်ဇော် ဟိုနေ့က ပူဖောင်းတွေ အထုတ်လိုက် နင့်ဆီမှာတွေ့တယ်နော်…နင်ရေပူဖောင်းနဲ့ ပေါက်မလို့ မဟုတ်လား။ ပေးပေး ငါ့ကို အကုန်ပေး။ နင့် အဲ့လိုလုပ်လို့ကတာ့ ရေမပက်ရအောင် လူကြီးတွေကို တိုင်ပလိုက်မယ် ဘာမှတ်လဲ။
ငါတို့ကို ခွက်စောင်းလာလာခုတ်တဲ့ အကောင်တွေ ဒီနှစ်လာရင် ဒင်းတို့ မလှုပ်နိုင်အောင် သူတို့ လမ်းထိပ်ရောက်ပြီ ဆိုကတည်းက ၀ီဆယ်မှုတ်ပြီး အချက်ပေးရမယ်။ တို့လမ်းထဲက ကလေးအားလုံး ၀ိုင်းလောင်းလွှတ်ရင် ဒင်းတို့ နောက်လာရဲမှာ မဟုတ်တော့ဘူး။
ရေခဲရေနဲ့ ပက်ချင်တယ်ဟာ…ရေခဲတုံးဝယ်ပေးအောင် ဘယ်သူ့ကို ပူဆာကြမှာလဲ
ငါတို့အိမ်က ရေပက်ခံ လိုက်ပို့ရင် နင်တို့လည်း လိုက်ခဲ့နော်.. သွားမယ်ဟေ့ဆို အကြာကြီး မစောင့်ရစေနဲ့ တဘက်တွေ အဆင်သင့်လုပ်ထား
ကားပျက်လို့ တွန်းရရင်လည်း တပြုံကြီး ပျော်စရာကြီးပေါ့...။
*****

*(ရှင်ဂွမ်းဂွိ၊ လောင်ကိန်းချိ၊ အိလေးဂွမ်၊ ဘာဘူ ၊ အာကျယ်၊ ဟိန၊ ကုလားမ ဟု မောင်နှမ ၇ယောက် ရှိလေသည်။)

ဆရာဦးရွှေအောင်နှင့် အရစ္စတိုတယ်

အနောက်တိုင်း အတွေးအခေါ်တို့ကို မြန်မာဆန်ဆန်တွေးပြီး စာဖတ်ပရိသတ်အား ပြန်လည်တင်ပြသူများထဲတွင် တက္ကသိုလ်ဘုန်းနိုင်နှင့် ဦးရွှေအောင်တို့ နှစ်ဦးကို သဘောကျမိသည်။ ဝေါဟာရအသစ်များ သုံးသွားသည့်တိုင် စလုံးစခု မဖြစ်, တစိမ်းတရံစာ မဖြစ်ပဲ အတွေးထဲသို့ ပြေပြေပြစ်ပြစ် ၀င်အောင်ရေးနိုင်၍ ဖြစ်သည်။ ထိုသို့ရေးနိုင်ခြင်းမှာလည်း မြန်မာအတွေးအခေါ်ထဲမှ အနီးစပ်ဆုံးကို လွယ်လင့်တကူဆွဲယူ နှိုင်းယှဉ်နိုင်လောက်အောင် စာကျေ၍ ဖြစ်မည်။
ဆရာဦးရွှေအောင်၏ ဘ၀အမြင်သစ်ထဲမှ စာပိုဒ်တစ်ပိုဒ်ကို ကြည့်ပါ။

“အကျိုးတရား တစ်ခုကို ဖြစ်ပေါ်စေမှု၌ အကြောင်းတရားတို့သည် လေးပါး ပါဝင်ကြရ၏။ ကံလည်း လို၏။ ဉာဏ်နှင့်ဝီရိယလည်းလို၏။ ဆန္ဒလည်း လို၏။ စိတ်ထားလည်း လို၏။ ဆန္ဒ, စိတ္တ, ၀ီရိယ, ၀ီမံသ ပေါင်း လေးခုတို့ကို ဣဒ္ဓိပါဒ်လေးပါး ဟုခေါ်၏။ ဣဒ္ဓိပါဒ်လေးပါးနှင့် ပြည့်စုံမှ အကျိုးတရား ဖြစ်ပေါ်လာနိုင်၏။ ဣဒ္ဓိပါဒ်လေးပါးနှင့် ကံအကြောင်းတရားတွင် ကံသည် ဥပါဒါနကာရဏ မည်၏။ ဥပါဒါနကာရဏဟူသည်မှာ ကိုယ်ထည်အကြောင်း ဖြစ်၏။ စားပွဲလုပ်ရာ၌ သစ်သားသည် ကိုယ်ထည်အကြောင်းဖြစ်သကဲ့သို့ပင် အကျိုးပေးရာ၌ ကံသည် ကိုယ်ထည်အကြောင်းဖြစ်၏။ ဉာဏ်နှင့် ၀ီရိယသည် နိမိတ္တကာရဏ မည်၏။ နိမိတ္တကာရဏဟူသည်မှာ ဗိသုကာအကြောင်း ဖြစ်၏။ စားပွဲလုပ်ရာ၌ လက်သမားမပါလျှင် မဖြစ်သကဲ့သို့ အကျိုးပေးရာ၌လည်း ဉာဏ်နှင့် ၀ီရိယ မပါလျှင် မဖြစ်။ ထို့ကြောင့် ဉာဏ်နှင့် ၀ီရိယ ဗိသုကာအကြောင်းဖြစ်၏။ ဆန္ဒသည် ပတ္ထနာကာရဏ မည်၏။ ပတ္ထနာကာရဏဟူသည်မှာ ရည်မှန်းချက်အကြောင်း ဖြစ်၏။ ရည်မှန်းချက်မရှိလျှင် ဘာမျှ ဖြစ်မလာနိုင်သကဲ့သို့ပင် အကျိုးပေးရာ၌ ဆန္ဒမပါလျှင်လည်း ဘာမျှ မဖြစ်လာနိုင်ပေ။ ထို့ကြောင့်အကျိုးပေးရာ၌ ဆန္ဒကိုလည်း အကြောင်းတစ်ရပ်အနေဖြင့် လိုအပ်၏။ စိတ်သည် သမ၀ါယိကကာရဏ မည်၏။ သမ၀ါယိကကာရဏဟူသည်မှာ ပုံစံအကြောင်း ဖြစ်၏။ စားပွဲလုပ်ရာ၌ စားပွဲပုံစံရှိပါမှ စားပွဲကိုလုပ်၍ ရ၏။ ထို့အတူ အကျိုးတရားတစ်ခု ဖြစ်ပေါ်စေရာ၌ အကြောင်းအနေဖြင့် ပါဝင်ရသည်ပင် ဖြစ်၏။ ဤသည်မှာ ဒဿနကျမ်းများ၌ ဖော်ပြကြသော အဆိုအမိန့်များ ဖြစ်လေ၏။” (ဘ၀အမြင်သစ် - စာမျက်နှာ ၁၂၄)

စင်စစ် ဤအဆိုအမိန့်များကား (မည်သည့် ဒဿနကျမ်းစာများမှ အဆိုအမိန့်များဖြစ်သည်ဟု ဖော်ပြထားခြင်းမရှိသော်လည်း)* ဂရိအတွေးအခေါ်ဆရာ အရစ္စတိုတယ်၏ Metaphysics ကျမ်းမှ material cause, efficient cause, final cause, formal cause ဟူသော အကြောင်းတရားလေးပါးကို (http://plato.stanford.edu/entries/aristotle-causality/#FouCau) မြန်မာမှုအတွေးအခေါ်မှ ဝေါဟာရများနှင့် နှီးနွယ်တင်ပြသွားခြင်း ဖြစ်သည်(ဟု မိမိအနေနှင့် ယူဆမိပါသည်။)* ဝေါဟာရအသစ်များ သုံးသွားသည့်တိုင် ခိုးလိုးခုလု ဖြစ်မနေပါ။ ဆရာဦးရွှေအောင်၏ အတွေးနှင့် အရေးကို သဘောကျမိပါသည်။

* ပြင်ဆင် ဖြည့်စွက်ချက်များ

မှတ်ချက်။ ။

ရည်ညွှန်းစာပိုဒ်ပါ “ဤသည်မှာ ဒဿနကျမ်းများ၌ ဖော်ပြကြသော အဆိုအမိန့်များ ဖြစ်လေ၏။” ဆိုသည့်နောက်ဆုံးဝါကျအရ “ဆရာဦးရွှေအောင်က ဒဿနကျမ်းများမှ ကိုယ်ထည်အကြောင်း၊ ဗိသုကာအကြောင်း၊ ရည်မှန်းချက်အကြောင်း၊ ပုံစံအကြောင်း ဟူသော အကြောင်းတရားလေးပါးကို ဗုဒ္ဓစာပေရှုထောင့် အတွေးအမြင်ဖြင့် တင်ပြထားသည်” ဟူ၍ မိမိအနေဖြင့် ဆရာကြီးအား လေးစားဂုဏ်ယူမိပါသည်။ သို့သော်လည်း မိမိ၏ အယူအဆသည် စာဖတ်သူတို့အတွက် အငြင်းပွားဖွယ်ဖြစ်နေသည်ကို တွေ့ရပါသည်။ စာရေးသူ, စာဖတ်သူများ အကုသိုလ်မပွားများကြစေရန် ဆရာကြီး၏ မူရင်းစာကိုယ်ကို ချန်၍ မိမိ၏ အယူအဆကို ပယ်ဖျက်ထားလိုက်ပါသည်။

နောက်ဆုံးလက်နက်

ရှုံးနိမ့်မှုတို့ အကြိမ်ကြိမ်ရင်ဆိုင်ရသောအခါ စိတ်ဓာတ်ကြံ့ခိုင်သူတို့ပင် တွေဝေ တွန့်ဆုတ်သွားတတ်ကြသည်။ ငါတတ်နိုင်သမျှတော့ ကုန်ပြီဟု လက်လျှော့အရှုံးပေး တတ်ကြသည်။ ငယ်စဉ်က သင်ခန်းစာတွင် သင်ခဲ့ရသော “မပုကြွယ်နှင့် ခရုငယ်” လိုပုံပြင်မျိုးက အားငယ်နေချိန်တွင် အားဆေးတစ်ခွက်ဖြစ်သည်။ သားတို့ကိုတော့ “The Prince five-weapons and sticky-hair monster” ပုံပြင်ကို မကြာခဏ ပြောပြဖြစ်သည်။ စင်စစ်ဤပုံပြင်မှာ တရားဓမ္မကျင့်ကြံပွားများမှုမှ အားလျှော့အရှုံးပေးတော့မည့် ရဟန်းတော်များအား ဘုရားရှင်ဟောကြားခဲ့သော အားပေးစကားဖြစ်သည်။

ဗာရာဏသီပြည်တွင် ဗြဟ္မဒတ်မင်း စိုးစံစဉ်က မိဖုရားခေါင်ကြီးတွင် သားတော်တစ်ပါး ဖွားမြင်သည်။ ထိုမင်းသားသည်နောင်တွင် လက်နက်ငါးမျိုးကို ကိုင်တွယ်ရာတွင် အလွန်ကျွမ်းကျင်သူ ဖြစ်လိမ့်မည်ဟု ပုဏ္ဏားတော်များက နိမိတ်ဖတ်၍ ပဉ္စ၀ုဓမင်းသား (ပဉ္စ - ငါး + ၀ုဓ - လက်နက်) ဟုအမည်ရသည်။ အရွယ်ရောက်သောအခါ တက္ကသိုလ်ပြည် ဒိသာပါမောက္ခဆရာကြီးထံတွင် ပညာသင်ကြား၏။ ပညာစုံ၍ နေရပ်သို့ပြန်သော် ဆရာကြီးက ပဉ္စ၀ုဓမင်းသားအား လက်နက်ငါးမျိုး ပေးအပ်လိုက်သည်။ ထိုလက်နက်တို့ကိုယူ၍ မွေးရပ်မြေသို့ပြန်လာသော် တောအုပ်တစ်ခုကို ဖြတ်ရသည်။

ဤတောအုပ်တွင် စေးကပ်သော အမွှေးရှိသည့် ဘီလူး (သိလေသလောမယက္ခ) တစ်ကောင်ရှိ၍ ထိုဘီလူးသည် မြင်မြင်သမျှ လူတို့ကို သတ်ဖြတ်သောကြောင့် ဤတောကိုဖြတ်၍ မသွားရန် လူအချို့က တားမြစ်ကြသည်။ သို့သော် ရဲရင့်၍ မိမိကိုယ်မိမိ ယုံကြည်ချက်အပြည့်ရှိသော ပဉ္စ၀ုဓမင်းသားက မဆုတ်ပဲ တောကိုဖြတ်၏။ တောအုပ်အလယ်တွင် ထန်းပင်မျှမြင့်သော ဘီလူးနှင့် တွေ့ကာ “ရပ်လော့….။ သင်သည် ငါ၏အစာဖြစ်ပြီ”ဟု အသံနက်ကြီးဖြင့် ဟန့်တားသည်။ မင်းသားကား မကြောက်။ အဆိပ်လူးမြားဖြင့် ပစ်ခတ်သည်။ မြားတစ်စင်းပြီး တစ်စင်းပစ်သော်လည်း မြားအားလုံးသည် ဘီလူး၏ အမွှေးအမျှင်များတွင်သာ ကပ်ငြိ၍ နေလေသည်။ ဘီလူးက ကိုယ်ကို လှုပ်ရမ်း၍ ကပ်နေသော မြားများကို ခါချပြီး မင်းသားအနားသို့ ကပ်သည်။ ထိုအခါ မင်းသားက သံလျှက်ဖြင့် ခုတ်၏။ သံလျှက်လည်း ဘီလူး၏ အမွှေး၌သာ ကပ်၍ နေသည်။ မင်းသားက လှံဖြင့် ထိုး, တင်းပုတ်နှင့် ထုသော်လည်း လက်နက်အားလုံးတို့သည် ဘီလူး၏ အမွှေးတို့တွင်သာ ကပ်ငြိနေပြန်သည်။

ထိုအခါ မင်းသားက “ငါသည် ပဉ္စ၀ုဓအမည်ရသော်လည်း လေးမြားလက်နက်တို့ကို အားကိုး၍ ဤတောအုပ်သို့ ၀င်လာခြင်းမဟုတ်။ မိမိကိုယ်ကို အားကိုး၍ ၀င်လာခြင်းဖြစ်သည်။ ငါသည် သင့်အား အမှုန့်ချေပစ်အံ့” ဟု ကြုံးဝါးကာ ဘီလူးအား လက်သီးဖြင့် ထိုးနှက်၏။ လက်ယာလက်သည် ဘီလူးတွင် ကပ်၍ ပြန်ခွာမရသောအခါ လက်ဝဲလက်ဖြင့် ထိုးနှက်၏။ ပြန်ခွာမရ။“ ငါသည် သင့်အား အမှုန့်ချေပစ်အံ့” ဟုကြုံးဝါးကာ ဒူးနှစ်ဖက်နှင့် တိုက်၏။ ဦးခေါင်းဖြင့် တိုက်၏။ ခြေလက်ဦးခေါင်း ငါးမျိုးလုံးသည် ဘီးလူးတွင် ကပ်၍သာ နေသည်။

သို့တိုင် မင်းသားသည် မတုန်လှုပ်၊ မကြောက်ရွံ့။ ဤသို့ ရဲစွမ်းသတ္တိရှိသူမျိုး မကြုံဖူးဟူ၍ ဘီလူးကသာ တုန်လှုပ်စပြုလာသည်။ “အသင် ဘာကြောင့် သေမှာ မကြောက်သလဲ” ဟုမေးသော် မင်းသားက “ဘီလူး ဘာကြောင့် ကြောက်ရမည်နည်း။ တစ်ဘ၀တွင် တစ်ကြိမ်သာ သေရိုးထုံးစံရှိသည်။ ထို့အပြင် ငါ၏ ၀မ်း၌ ၀ရဇိန်လက်နက်ရှိ၏။ အသင် ငါ့အား စားသော်လည်း ဤ၀ရဇိန်လက်နက်သည် ကျေပျက်မည်မဟုတ်။ သင်၏ အူ, အသည်းတို့သာ အပိုင်းပိုင်း ပြတ်တောက်ကာ သင်လည်း ငါနှင့်အတူ သေအံ့” ဟု ပြန်လည် ကြိမ်းဝါးသည်။ ထိုအခါ ဘီလူးလည်း မစားရဲတော့ပဲ မင်းသားအား ပြန်လွှတ်ပေးလိုက်လေသည်။

ပဉ္စ၀ုဓမင်းသား၏ နောက်ဆုံးလက်နက်သည်ကား ပြင်ပမှ လေးမြား ဓားလှံ လက်နက်များ မဟုတ်။ မိမိ၏ ယုံကြည်မှုပေါ်တွင် ကြံ့ကြံ့ခံရပ်တည်နိုင်သည့် စိတ်ဓာတ်ပင် ဖြစ်သည်။ အသိဉာဏ်နှင့် ယှဉ်သည့် မကြောက်တရား ဖြစ်သည်။ မတွန့်ဆုတ်မှုဖြစ်သည်။

ယော အလီနေန စိတ္တေန၊ အလီနမနသော နရော။
ဘာဝေတိ ကုသလံ ဓမ္မံ၊ ယောဂက္ခေမဿ ပတ္တိယာ။
ပါပုဏေ အနုပုဗ္ဗေန၊ သဗ္ဗသံယောဇနက္ခယန္တိ။
(ဇာတက-၅၅၊ ဧကကနိပါတ်-ပဉ္စာဝုဓဇာတက)

မတွန့်မဆုတ်သော စိတ်နှလုံးရှိသည်ဖြစ်၍
အနှောင်အဖွဲ့ထမ်းပိုး (ယောဂ)မှ လွတ်ရန်
ကောင်းမှုတို့ကို ပွားများသူသည်
အလုံးစုံသော နှောင်ကြိုး(သံယောဇဉ်)များ ကုန်ရာသို့
အစဉ်အတိုင်း ရောက်ရှိနိုင်သည်။


ဆက်စပ်ဖတ်ရှုရန် ပို့စ်
ရောင့်ရဲခြင်းနှင့် သည်းခံခြင်း

စာညွှန်း
ဇာတက-၅၅၊ ဧကကနိပါတ်-ပဉ္စာဝုဓဇာတ်